૫. પઞ્ચમનયો
૫. અસઙ્ગહિતેનઅસઙ્ગહિતપદનિદ્દેસો
૧૯૩. રૂપક્ખન્ધેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ અસઙ્ગહિતા? તે ધમ્મા એકેન ખન્ધેન એકેનાયતનેન સત્તહિ ધાતૂહિ અસઙ્ગહિતા.
૧૯૪. વેદનાક્ખન્ધેન યે ધમ્મા… સઞ્ઞાક્ખન્ધેન યે ધમ્મા… સઙ્ખારક્ખન્ધેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૧૯૫. વિઞ્ઞાણક્ખન્ધેન યે ધમ્મા… મનાયતનેન યે ધમ્મા… ચક્ખુવિઞ્ઞાણધાતુયા યે ધમ્મા…પે॰… મનોધાતુયા યે ધમ્મા… મનોવિઞ્ઞાણધાતુયા યે ધમ્મા… મનિન્દ્રિયેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા ચતૂહિ ખન્ધેહિ એકાદસહાયતનેહિ એકાદસહિ ધાતૂહિ અસઙ્ગહિતા.
૧૯૬. ચક્ખાયતનેન યે ધમ્મા…પે॰… ફોટ્ઠબ્બાયતનેન યે ધમ્મા… ચક્ખુધાતુયા યે ધમ્મા…પે॰… ફોટ્ઠબ્બધાતુયા યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ અસઙ્ગહિતા.
૧૯૭. ધમ્માયતનેન યે ધમ્મા… ધમ્મધાતુયા યે ધમ્મા… ઇત્થિન્દ્રિયેન યે ધમ્મા… પુરિસિન્દ્રિયેન યે ધમ્મા… જીવિતિન્દ્રિયેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન એકેનાયતનેન સત્તહિ ધાતૂહિ અસઙ્ગહિતા.
૧૯૮. સમુદયસચ્ચેન યે ધમ્મા… મગ્ગસચ્ચેન યે ધમ્મા… નિરોધસચ્ચેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૧૯૯. ચક્ખુન્દ્રિયેન યે ધમ્મા…પે॰… કાયિન્દ્રિયેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ અસઙ્ગહિતા.
૨૦૦. સુખિન્દ્રિયેન યે ધમ્મા… દુક્ખિન્દ્રિયેન યે ધમ્મા… સોમનસ્સિન્દ્રિયેન યે ધમ્મા… દોમનસ્સિન્દ્રિયેન યે ધમ્મા… ઉપેક્ખિન્દ્રિયેન યે ધમ્મા… સદ્ધિન્દ્રિયેન યે ધમ્મા… વીરિયિન્દ્રિયેન યે ધમ્મા… સતિન્દ્રિયેન યે ધમ્મા… સમાધિન્દ્રિયેન યે ધમ્મા… પઞ્ઞિન્દ્રિયેન યે ધમ્મા… અનઞ્ઞાતઞ્ઞસ્સામીતિન્દ્રિયેન યે ધમ્મા… અઞ્ઞિન્દ્રિયેન યે ધમ્મા… અઞ્ઞાતાવિન્દ્રિયેન યે ધમ્મા… અવિજ્જાય યે ધમ્મા… અવિજ્જાપચ્ચયા સઙ્ખારેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૨૦૧. સઙ્ખારપચ્ચયા વિઞ્ઞાણેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા ચતૂહિ ખન્ધેહિ એકાદસહાયતનેહિ એકાદસહિ ધાતૂહિ અસઙ્ગહિતા.
૨૦૨. વિઞ્ઞાણપચ્ચયા નામરૂપેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન એકેનાયતનેન સત્તહિ ધાતૂહિ અસઙ્ગહિતા.
૨૦૩. નામરૂપપચ્ચયા સળાયતનેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા તીહિ ખન્ધેહિ એકેનાયતનેન એકાય ધાતુયા અસઙ્ગહિતા.
૨૦૪. સળાયતનપચ્ચયા ફસ્સેન યે ધમ્મા… ફસ્સપચ્ચયા વેદનાય યે ધમ્મા… વેદનાપચ્ચયા તણ્હાય યે ધમ્મા… તણ્હાપચ્ચયા ઉપાદાનેન યે ધમ્મા… કમ્મભવેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૨૦૫. અરૂપભવેન યે ધમ્મા… નેવસઞ્ઞાનાસઞ્ઞાભવેન યે ધમ્મા … ચતુવોકારભવેન યે ધમ્મા… ઇદ્ધિપાદેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.
૨૦૬. અસઞ્ઞાભવેન યે ધમ્મા… એકવોકારભવેન યે ધમ્મા… જાતિયા યે ધમ્મા… જરાય યે ધમ્મા… મરણેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા , તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન એકેનાયતનેન સત્તહિ ધાતૂહિ અસઙ્ગહિતા.
૨૦૭. પરિદેવેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ અસઙ્ગહિતા.
૨૦૮. સોકેન યે ધમ્મા… દુક્ખેન યે ધમ્મા… દોમનસ્સેન યે ધમ્મા… ઉપાયાસેન યે ધમ્મા… સતિપટ્ઠાનેન યે ધમ્મા… સમ્મપ્પધાનેન યે ધમ્મા… ઝાનેન યે ધમ્મા… અપ્પમઞ્ઞાય યે ધમ્મા… પઞ્ચહિ ઇન્દ્રિયેહિ યે ધમ્મા… પઞ્ચહિ બલેહિ યે ધમ્મા… સત્તહિ બોજ્ઝઙ્ગેહિ યે ધમ્મા… અરિયેન અટ્ઠઙ્ગિકેન મગ્ગેન યે ધમ્મા… ફસ્સેન યે ધમ્મા… વેદનાય યે ધમ્મા… સઞ્ઞાય યે ધમ્મા… ચેતનાય યે ધમ્મા… અધિમોક્ખેન યે ધમ્મા … મનસિકારેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૨૦૯. ચિત્તેન યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા ચતૂહિ ખન્ધેહિ એકાદસહાયતનેહિ એકાદસહિ ધાતૂહિ અસઙ્ગહિતા.
૧. તિકં
૨૧૦. કુસલેહિ ધમ્મેહિ યે ધમ્મા… અકુસલેહિ ધમ્મેહિ યે ધમ્મા… સુખાય વેદનાય સમ્પયુત્તેહિ ધમ્મેહિ યે ધમ્મા… દુક્ખાય વેદનાય સમ્પયુત્તેહિ ધમ્મેહિ યે ધમ્મા… અદુક્ખમસુખાય વેદનાય સમ્પયુત્તેહિ ધમ્મેહિ યે ધમ્મા… વિપાકેહિ ધમ્મેહિ યે ધમ્મા… વિપાકધમ્મધમ્મેહિ યે ધમ્મા… અનુપાદિન્નઅનુપાદાનિયેહિ ધમ્મેહિ યે ધમ્મા… સંકિલિટ્ઠસંકિલેસિકેહિ ધમ્મેહિ યે ધમ્મા… અસંકિલિટ્ઠઅસંકિલેસિકેહિ ધમ્મેહિ યે ધમ્મા… સવિતક્કસવિચારેહિ ધમ્મેહિ યે ધમ્મા… અવિતક્કવિચારમત્તેહિ ધમ્મેહિ યે ધમ્મા… પીતિસહગતેહિ ધમ્મેહિ યે ધમ્મા… સુખસહગતેહિ ધમ્મેહિ યે ધમ્મા… ઉપેક્ખાસહગતેહિ ધમ્મેહિ યે ધમ્મા… દસ્સનેન પહાતબ્બેહિ ધમ્મેહિ યે ધમ્મા… ભાવનાય પહાતબ્બેહિ ધમ્મેહિ યે ધમ્મા… દસ્સનેન પહાતબ્બહેતુકેહિ ધમ્મેહિ યે ધમ્મા… ભાવનાય પહાતબ્બહેતુકેહિ ધમ્મેહિ યે ધમ્મા… આચયગામીહિ ધમ્મેહિ યે ધમ્મા… અપચયગામીહિ ધમ્મેહિ યે ધમ્મા… સેક્ખેહિ ધમ્મેહિ યે ધમ્મા… અસેક્ખેહિ ધમ્મેહિ યે ધમ્મા… મહગ્ગતેહિ ધમ્મેહિ યે ધમ્મા… અપ્પમાણેહિ ધમ્મેહિ યે ધમ્મા… પરિત્તારમ્મણેહિ ધમ્મેહિ યે ધમ્મા… મહગ્ગતારમ્મણેહિ ધમ્મેહિ યે ધમ્મા… અપ્પમાણારમ્મણેહિ ધમ્મેહિ યે ધમ્મા… હીનેહિ ધમ્મેહિ યે ધમ્મા… પણીતેહિ ધમ્મેહિ યે ધમ્મા… મિચ્છત્તનિયતેહિ ધમ્મેહિ યે ધમ્મા… સમ્મત્તનિયતેહિ ધમ્મેહિ યે ધમ્મા… મગ્ગારમ્મણેહિ ધમ્મેહિ યે ધમ્મા… મગ્ગહેતુકેહિ ધમ્મેહિ યે ધમ્મા… મગ્ગાધિપતીહિ ધમ્મેહિ યે ધમ્મા… અતીતારમ્મણેહિ ધમ્મેહિ યે ધમ્મા… અનાગતારમ્મણેહિ ધમ્મેહિ યે ધમ્મા… પચ્ચુપન્નારમ્મણેહિ ધમ્મેહિ યે ધમ્મા… અજ્ઝત્તારમ્મણેહિ ધમ્મેહિ યે ધમ્મા… બહિદ્ધારમ્મણેહિ ધમ્મેહિ યે ધમ્મા… અજ્ઝત્તબહિદ્ધારમ્મણેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.
૨૧૧. સનિદસ્સનસપ્પટિઘેહિ ધમ્મેહિ યે ધમ્મા… અનિદસ્સનસપ્પટિઘેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ અસઙ્ગહિતા .
૨. દુકં
૨૧૨. હેતૂહિ ધમ્મેહિ યે ધમ્મા… હેતૂહિ ચેવ સહેતુકેહિ ચ ધમ્મેહિ યે ધમ્મા… હેતૂહિ ચેવ હેતુસમ્પયુત્તેહિ ચ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૨૧૩. સહેતુકેહિ ધમ્મેહિ યે ધમ્મા… હેતુસમ્પયુત્તેહિ ધમ્મેહિ યે ધમ્મા… સહેતુકેહિ ચેવ ન ચ હેતૂહિ ધમ્મેહિ યે ધમ્મા… હેતુસમ્પયુત્તેહિ ચેવ ન ચ હેતૂહિ ધમ્મેહિ યે ધમ્મા… ન હેતુસહેતુકેહિ ન હેતૂ સહેતુકેહિ (સી॰), ન હેતૂહિ સહેતુકેહિ (સ્યા॰ ક॰) ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.
૨૧૪. અપ્પચ્ચયેહિ ધમ્મેહિ યે ધમ્મા… અસઙ્ખતેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૨૧૫. સનિદસ્સનેહિ ધમ્મેહિ યે ધમ્મા… સપ્પટિઘેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા ચતૂહિ ખન્ધેહિ દ્વીહાયતનેહિ અટ્ઠહિ ધાતૂહિ અસઙ્ગહિતા.
૨૧૬. રૂપીહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન એકેનાયતનેન સત્તહિ ધાતૂહિ અસઙ્ગહિતા.
૨૧૭. અરૂપીહિ ધમ્મેહિ યે ધમ્મા… લોકુત્તરેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.
૨૧૮. આસવેહિ ધમ્મેહિ યે ધમ્મા… આસવેહિ ચેવ સાસવેહિ ચ ધમ્મેહિ યે ધમ્મા… આસવેહિ ચેવ આસવસમ્પયુત્તેહિ ચ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૨૧૯. અનાસવેહિ ધમ્મેહિ યે ધમ્મા… આસવસમ્પયુત્તેહિ ધમ્મેહિ યે ધમ્મા… આસવસમ્પયુત્તેહિ ચેવ નો ચ આસવેહિ ધમ્મેહિ યે ધમ્મા… આસવવિપ્પયુત્તેહિ અનાસવેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.
૨૨૦. સંયોજનેહિ ધમ્મેહિ યે ધમ્મા… ગન્થેહિ ધમ્મેહિ યે ધમ્મા… ઓઘેહિ ધમ્મેહિ યે ધમ્મા… યોગેહિ ધમ્મેહિ યે ધમ્મા… નીવરણેહિ ધમ્મેહિ યે ધમ્મા… પરામાસેહિ ધમ્મેહિ યે ધમ્મા… પરામાસેહિ ચેવ પરામટ્ઠેહિ ચ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૨૨૧. અપરામટ્ઠેહિ ધમ્મેહિ યે ધમ્મા… પરામાસસમ્પયુત્તેહિ ધમ્મેહિ યે ધમ્મા… પરામાસવિપ્પયુત્તેહિ અપરામટ્ઠેહિ ધમ્મેહિ યે ધમ્મા… સારમ્મણેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા , તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.
૨૨૨. અનારમ્મણેહિ ધમ્મેહિ યે ધમ્મા… નો ચિત્તેહિ ધમ્મેહિ યે ધમ્મા… ચિત્તવિપ્પયુત્તેહિ ધમ્મેહિ યે ધમ્મા… ચિત્તવિસંસટ્ઠેહિ ધમ્મેહિ યે ધમ્મા… ચિત્તસમુટ્ઠાનેહિ ધમ્મેહિ યે ધમ્મા… ચિત્તસહભૂહિ ધમ્મેહિ યે ધમ્મા… ચિત્તાનુપરિવત્તીહિ ધમ્મેહિ યે ધમ્મા… બાહિરેહિ ધમ્મેહિ યે ધમ્મા… ઉપાદાધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા એકેન ખન્ધેન એકેનાયતનેન સત્તહિ ધાતૂહિ અસઙ્ગહિતા.
૨૨૩. ચિત્તેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા ચતૂહિ ખન્ધેહિ એકાદસહાયતનેહિ એકાદસહિ ધાતૂહિ અસઙ્ગહિતા.
૨૨૪. ચેતસિકેહિ ધમ્મેહિ યે ધમ્મા… ચિત્તસમ્પયુત્તેહિ ધમ્મેહિ યે ધમ્મા… ચિત્તસંસટ્ઠેહિ ધમ્મેહિ યે ધમ્મા… ચિત્તસંસટ્ઠસમુટ્ઠાનેહિ ધમ્મેહિ યે ધમ્મા… ચિત્તસંસટ્ઠસમુટ્ઠાનસહભૂહિ ધમ્મેહિ યે ધમ્મા… ચિત્તસંસટ્ઠસમુટ્ઠાનાનુપરિવત્તીહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૨૨૫. અજ્ઝત્તિકેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા તેહિ ધમ્મેહિ યે ધમ્મા…પે॰… તે ધમ્મા તીહિ ખન્ધેહિ એકેનાયતનેન એકાય ધાતુયા અસઙ્ગહિતા.
૨૨૬. ઉપાદાનેહિ ધમ્મેહિ યે ધમ્મા… કિલેસેહિ ધમ્મેહિ યે ધમ્મા… કિલેસેહિ ચેવ સંકિલેસિકેહિ ચ ધમ્મેહિ યે ધમ્મા… કિલેસેહિ ચેવ સંકિલિટ્ઠેહિ ચ ધમ્મેહિ યે ધમ્મા… કિલેસેહિ ચેવ કિલેસસમ્પયુત્તેહિ ચ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા…પે॰… તે ધમ્મા દ્વીહિ ખન્ધેહિ એકાદસહાયતનેહિ સત્તરસહિ ધાતૂહિ અસઙ્ગહિતા.
૨૨૭. અસંકિલેસિકેહિ ધમ્મેહિ યે ધમ્મા… સંકિલિટ્ઠેહિ ધમ્મેહિ યે ધમ્મા… કિલેસસમ્પયુત્તેહિ ધમ્મેહિ યે ધમ્મા… સંકિલિટ્ઠેહિ ચેવ નો ચ કિલેસેહિ ધમ્મેહિ યે ધમ્મા… કિલેસસમ્પયુત્તેહિ ચેવ નો ચ કિલેસેહિ ધમ્મેહિ યે ધમ્મા… કિલેસવિપ્પયુત્તેહિ અસંકિલેસિકેહિ ધમ્મેહિ યે ધમ્મા… દસ્સનેન પહાતબ્બેહિ ધમ્મેહિ યે ધમ્મા… ભાવનાય પહાતબ્બેહિ ધમ્મેહિ યે ધમ્મા… દસ્સનેન પહાતબ્બહેતુકેહિ ધમ્મેહિ યે ધમ્મા… ભાવનાય પહાતબ્બહેતુકેહિ ધમ્મેહિ યે ધમ્મા… સવિતક્કેહિ ધમ્મેહિ યે ધમ્મા… સવિચારેહિ ધમ્મેહિ યે ધમ્મા… સપ્પીતિકેહિ ધમ્મેહિ યે ધમ્મા… પીતિસહગતેહિ ધમ્મેહિ યે ધમ્મા… સુખસહગતેહિ ધમ્મેહિ યે ધમ્મા… ઉપેક્ખાસહગતેહિ ધમ્મેહિ યે ધમ્મા… ન કામાવચરેહિ ધમ્મેહિ યે ધમ્મા… રૂપાવચરેહિ ધમ્મેહિ યે ધમ્મા… અરૂપાવચરેહિ ધમ્મેહિ યે ધમ્મા… અપરિયાપન્નેહિ ધમ્મેહિ યે ધમ્મા… નિય્યાનિકેહિ ધમ્મેહિ યે ધમ્મા… નિયતેહિ ધમ્મેહિ યે ધમ્મા… અનુત્તરેહિ ધમ્મેહિ યે ધમ્મા… સરણેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તેહિ ધમ્મેહિ યે ધમ્મા ખન્ધસઙ્ગહેન અસઙ્ગહિતા આયતનસઙ્ગહેન અસઙ્ગહિતા ધાતુસઙ્ગહેન અસઙ્ગહિતા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ અસઙ્ગહિતા? તે ધમ્મા એકેન ખન્ધેન દસહાયતનેહિ દસહિ ધાતૂહિ અસઙ્ગહિતા.
રૂપઞ્ચ ધમ્માયતનં ધમ્મધાતુ, ઇત્થિપુમં જીવિતં નામરૂપં;
દ્વે ભવા જાતિ જરા મચ્ચુરૂપં, અનારમ્મણં નો ચિત્તં ચિત્તેન વિપ્પયુત્તં.
વિસંસટ્ઠં સમુટ્ઠાન-સહભુ અનુપરિવત્તિ;
બાહિરં ઉપાદા દ્વે, વિસયો દ્વેવીસતિ (સ્યા॰) એસનયો સુબુદ્ધો.
અસઙ્ગહિતેનઅસઙ્ગહિતપદનિદ્દેસો પઞ્ચમો.