૨૮. બુદ્ધપકિણ્ણકકણ્ડં
૧.
અપરિમેય્યિતો
તણ્હઙ્કરો મેધઙ્કરો, અથોપિ સરણઙ્કરો;
દીપઙ્કરો ચ સમ્બુદ્ધો, એકકપ્પમ્હિ તે જિના.
૨.
દીપઙ્કરસ્સ
એકોવ એકકપ્પમ્હિ, તારેસિ જનતં બહું.
૩.
દીપઙ્કરસ્સ ભગવતો, કોણ્ડઞ્ઞસ્સ ચ સત્થુનો;
એતેસં અન્તરા કપ્પા, ગણનાતો અસઙ્ખિયા.
૪.
કોણ્ડઞ્ઞસ્સ અપરેન, મઙ્ગલો નામ નાયકો;
તેસમ્પિ અન્તરા કપ્પા, ગણનાતો અસઙ્ખિયા.
૫.
મઙ્ગલો ચ સુમનો ચ, રેવતો સોભિતો મુનિ;
તેપિ બુદ્ધા એકકપ્પે, ચક્ખુમન્તો પભઙ્કરા.
૬.
સોભિતસ્સ
તેસમ્પિ અન્તરા કપ્પા, ગણનાતો અસઙ્ખિયા.
૭.
અનોમદસ્સી પદુમો, નારદો ચાપિ નાયકો;
તેપિ બુદ્ધા એકકપ્પે, તમન્તકારકા મુની.
૮.
નારદસ્સ અપરેન, પદુમુત્તરો નામ નાયકો;
એકકપ્પમ્હિ ઉપ્પન્નો, તારેસિ જનતં બહું.
૯.
નારદસ્સ ભગવતો, પદુમુત્તરસ્સ સત્થુનો;
તેસમ્પિ અન્તરા કપ્પા, ગણનાતો અસઙ્ખિયા.
૧૦.
કપ્પસતસહસ્સમ્હિ
પદુમુત્તરો લોકવિદૂ, આહુતીનં પટિગ્ગહો.
૧૧.
તિંસકપ્પસહસ્સમ્હિ, દુવે આસું વિનાયકા
સુમેધો ચ સુજાતો ચ, ઓરતો પદુમુત્તરા.
૧૨.
અટ્ઠારસે કપ્પસતે, તયો આસું વિનાયકા
પિયદસ્સી અત્થદસ્સી, ધમ્મદસ્સી ચ નાયકા.
૧૩.
ઓરતો
એકકપ્પમ્હિ તે બુદ્ધા, લોકે અપ્પટિપુગ્ગલા.
૧૪.
ચતુન્નવુતિતો કપ્પે, એકો આસિ મહામુનિ;
સિદ્ધત્થો સો લોકવિદૂ, સલ્લકત્તો અનુત્તરો.
૧૫.
દ્વેનવુતે
તિસ્સો ફુસ્સો ચ સમ્બુદ્ધા, અસમા અપ્પટિપુગ્ગલા.
૧૬.
એકનવુતિતો કપ્પે, વિપસ્સી નામ નાયકો;
સોપિ બુદ્ધો કારુણિકો, સત્તે મોચેસિ બન્ધના.
૧૭.
એકતિંસે ઇતો કપ્પે, દુવે આસું વિનાયકા;
સિખી ચ વેસ્સભૂ ચેવ, અસમા અપ્પટિપુગ્ગલા.
૧૮.
ઇમમ્હિ ભદ્દકે કપ્પે, તયો આસું વિનાયકા;
કકુસન્ધો કોણાગમનો, કસ્સપો ચાપિ નાયકો.
૧૯.
અહમેતરહિ સમ્બુદ્ધો, મેત્તેય્યો ચાપિ હેસ્સતિ;
એતેપિમે
૨૦.
એતેસં ધમ્મરાજૂનં, અઞ્ઞેસંનેકકોટિનં;
આચિક્ખિત્વાન તં મગ્ગં, નિબ્બુતા તે સસાવકાતિ.
બુદ્ધપકિણ્ણકકણ્ડં નિટ્ઠિતં.