ભિક્ખુનીવિભઙ્ગો
૧૭૦.
ભિક્ખૂનં પાટવત્થાય, વિનયસ્સ વિનિચ્છયે;
ભિક્ખુનીનં વિભઙ્ગોપિ, કિઞ્ચિમત્તં ભણામહં.
૧૭૧.
અવસ્સુતસ્સ
નન્દન્તી કાયસંસગ્ગં, કતિ આપત્તિયો ફુસે;
૧૭૨.
તિસ્સો આપત્તિયો ઉબ્ભ-જાણુસ્સાધક્ખકસ્સ ચ;
હોતિ પારાજિકં તસ્સા, ગહણં સાદિયન્તિયા.
૧૭૩.
ઉબ્ભક્ખકં અધોજાણુ-ગહણં સાદિયન્તિયા;
થુલ્લચ્ચયં સિયા, કાય-પટિબદ્ધે તુ દુક્કટં.
૧૭૪.
છાદેન્તી ભિક્ખુની વજ્જં, તિસ્સો આપત્તિયો ફુસે;
જાનં પારાજિકં ધમ્મં, છાદેન્તી સા પરાજિકા.
૧૭૫.
થુલ્લચ્ચયં
અથાચારવિપત્તિં ચે, પટિચ્છાદેતિ દુક્કટં.
૧૭૬.
નિસ્સજ્જન્તી ન તં લદ્ધિં, ઉક્ખિત્તસ્સાનુવત્તિકા;
સમનુભાસનાયેવ, તિસ્સો આપત્તિયો ફુસે.
૧૭૭.
ઞત્તિયા દુક્કટં, દ્વીહિ, કમ્મવાચાહિ થુલ્લતા;
કમ્મવાચાય ઓસાને, પારાજિકમુદીરિતં.
૧૭૮.
પૂરેન્તી અટ્ઠમં વત્થું, તિસ્સો આપત્તિયો ફુસે;
પુરિસેનિધાગચ્છાતિ, વુત્તાગચ્છતિ દુક્કટં.
૧૭૯.
થુલ્લચ્ચયં તુ પોસસ્સ, હત્થપાસપ્પવેસને;
પૂરેન્તી અટ્ઠમં વત્થું, સમણી સા પરાજિતા.
પારાજિકકથા.
૧૮૦.
ઉસ્સયવાદિકા અટ્ટં, કરોન્તી તિવિધં ફુસે;
એકસ્સારોચને તસ્સા, હોતિ આપત્તિ દુક્કટં.
૧૮૧.
દુતિયારોચને તસ્સા, થુલ્લચ્ચયમુદીરિતં;
અટ્ટસ્સ પરિયોસાને, હોતિ સઙ્ઘાદિસેસતા.
૧૮૨.
ચોરિવુટ્ઠાપિકા વાપિ, ઞત્તિયા દુક્કટં ફુસે;
દ્વીહિ થુલ્લચ્ચયં કમ્મ-વાચોસાને ગરું સિયા.
૧૮૩.
એકા ગામન્તરં ગચ્છે, ગમને દુક્કટં સિયા;
પરિક્ખેપે અતિક્કન્તે, પાદેન પઠમેન તુ.
૧૮૪.
હોતિ
દુતિયેન અતિક્કન્તે, ગરુકે પન તિટ્ઠતિ.
૧૮૫.
ચતુત્થે દુતિયે વુત્ત-સદિસોવ વિનિચ્છયો;
આપત્તીનં પભેદે તુ, કાચિ નત્થિ વિસેસતા.
૧૮૬.
અવસ્સુતા
ગહેત્વા પન ભુઞ્જન્તી, ભોજનાદીસુ કિઞ્ચિપિ.
૧૮૭.
ફુસે આપત્તિયો તિસ્સો, ભોજનાદીસુ કિઞ્ચિપિ;
પટિગ્ગણ્હન્તિયા તસ્સા, હોતિ થુલ્લચ્ચયં પન.
૧૮૮.
અજ્ઝોહારેસુ સબ્બેસુ, હોતિ સઙ્ઘાદિસેસતા;
ઉદકં દન્તપોનં વા, પટિગ્ગણ્હાતિ દુક્કટં.
૧૮૯.
‘‘સહત્થેન ગહેત્વા ત્વં, ખાદ વા ભુઞ્જ વા’’તિપિ;
ઉય્યોજેન્તી પનેવં તુ, તિસ્સો આપત્તિયો ફુસે.
૧૯૦.
દુક્કટં વચને તસ્સા, ‘‘ભુઞ્જિસ્સામી’’તિ ગણ્હતિ;
અજ્ઝોહારેસુ સબ્બેસુ, તસ્સા થુલ્લચ્ચયં સિયા.
૧૯૧.
ભોજનસ્સ પનોસાને, હોતિ સઙ્ઘાદિસેસતા;
ઉય્યોજેતિ ચ યા તસ્સા, ઇમા તિસ્સોતિ દીપયે.
૧૯૨.
સત્તમે અટ્ઠમે ચાપિ, નવમે દસમેપિ ચ;
ચોરિવુટ્ઠાપનેનેવ, સમાનોવ વિનિચ્છયો.
સઙ્ઘાદિસેસકથા.
૧૯૩.
પત્તસન્નિચયં યિહ, કરોન્તી ભિક્ખુની પન;
એકં નિસ્સગ્ગિયંયેવ, ફુસે પાચિત્તિયં તુ સા.
૧૯૪.
અકાલચીવરં કાલ-ચીવરં ભાજાપેન્તિયા;
પયોગે દુક્કટં વુત્તં, લાભે નિસ્સગ્ગિયં સિયા.
૧૯૫.
ચીવરં પરિવત્તેત્વા, અચ્છિન્દતિ સચે પન;
પયોગે દુક્કટં, છિન્ને, તસ્સા નિસ્સગ્ગિયં સિયા.
૧૯૬.
વિઞ્ઞાપેત્વાવ અઞ્ઞં ચે, વિઞ્ઞાપેતિ તતો પરં;
પયોગે દુક્કટં, વિઞ્ઞા-પિતે નિસ્સગ્ગિયં સિયા.
૧૯૭.
ચેતાપેત્વા
પયોગે દુક્કટં, ચેતા-પિતે નિસ્સગ્ગિયં સિયા.
૧૯૮.
એવમેવ ચ સેસેસુ, છટ્ઠાદીસુ ચ સત્તસુ;
અનન્તરસમાનોવ, આપત્તીનં વિનિચ્છયો.
નિસ્સગ્ગિયકથા.
૧૯૯.
લસુણં ખાદતિ દ્વે ચે, દુક્કટં ગહણે સિયા;
અજ્ઝોહારપયોગેસુ, પાચિત્તિ પરિયાપુતા.
૨૦૦.
સંહરાપેન્તિયા લોમં, સમ્બાધે દ્વેવ હોન્તિ હિ;
પયોગે દુક્કટં વુત્તં, હોતિ પાચિત્તિ સંહટે.
૨૦૧.
કરોન્તી તલઘાતં તુ, દ્વે પનાપત્તિયો ફુસે;
પયોગે દુક્કટં હોતિ, કતે પાચિત્તિયં સિયા.
૨૦૨.
જતુના મટ્ઠકં કિઞ્ચિ, સાદિયન્તી દુવે ફુસે;
પયોગે દુક્કટાદિન્ને, તસ્સા પાચિત્તિયં સિયા.
૨૦૩.
પઞ્ચમં તુ ચતુત્થેન, સમાનમિતિ દીપયે;
આપત્તીનં વિભાગસ્મિં, વિસેસો નત્થિ કોચિપિ.
૨૦૪.
ભિક્ખુસ્સ ભુઞ્જમાનસ્સ, પાનીયેનુપતિટ્ઠતિ;
હત્થપાસે તુ પાચિત્તિ, હિત્વા તિટ્ઠતિ દુક્કટં.
૨૦૫.
વિઞ્ઞાપેત્વામકં ધઞ્ઞં, ‘‘ભુઞ્જિસ્સામી’’તિ ગણ્હતિ;
દુક્કટં હોતિ પાચિત્તિ, અજ્ઝોહારેસુ દીપયે.
૨૦૬.
ઉચ્ચારાદિં તિરોકુટ્ટે, છડ્ડેન્તી દ્વે ફુસે હવે;
પયોગે દુક્કટં વુત્તં, પાચિત્તિ છડ્ડિતે સિયા.
૨૦૭.
ઉચ્ચારાદિચતુક્કં તુ, છડ્ડેતિ હરિતે સચે;
પયોગે દુક્કટં તસ્સા, પાચિત્તિ છડ્ડિતે સિયા.
૨૦૮.
નચ્ચાદિં
પસ્સન્તિયાપિ પાચિત્તિ, તથેવ ચ સુણન્તિયા.
લસુણવગ્ગો પઠમો.
૨૦૯.
પઠમે
તુલ્યો લસુણવગ્ગસ્સ, છટ્ઠેનિધ વિનિચ્છયો.
૨૧૦.
કુલાનિ ઉપસઙ્કમ્મ, નિસીદિત્વા પનાસને;
સામિકે તુ અનાપુચ્છા, પક્કમન્તી દુવે ફુસે.
૨૧૧.
પઠમેન ચ પાદેન, અનોવસ્સમતિક્કમે;
દુક્કટં હોતિ, પાચિત્તિ, દુતિયાતિક્કમે સિયા.
૨૧૨.
સામિકે તુ અનાપુચ્છા, આસને ચે નિસીદતિ;
પયોગે દુક્કટં હોતિ, પાચિત્તિ ચ નિસીદિતે.
૨૧૩.
છટ્ઠેન સત્તમં સબ્બં, સમાનં અટ્ઠમે પન;
પયોગે દુક્કટં, ઉજ્ઝા-પિતે પાચિત્તિયં સિયા.
૨૧૪.
અત્તાનં ચાભિસપ્પેન્તી, દ્વે ફુસે નિરયાદિના;
પયોગે દુક્કટં વુત્તં, પાચિત્તિ અભિસપ્પિતે.
૨૧૫.
વધિત્વા પન અત્તાનં, રોદન્તી તુ દુવે ફુસે;
વધતિ રોદતિ પાચિત્તિ, કરોતેકં તુ દુક્કટં.
રત્તન્ધકારવગ્ગો દુતિયો.
૨૧૬.
નગ્ગા ન્હાયતિ દ્વે ચેવ, પયોગે દુક્કટં સિયા;
ન્હાનસ્સ પરિયોસાને, તસ્સા પાચિત્તિયં સિયા.
૨૧૭.
કારાપેતિ
પયોગે દુક્કટં, કારા-પિતે પાચિત્તિયં સિયા.
૨૧૮.
ચીવરં તુ વિસિબ્બેત્વા, વિસિબ્બાપેત્વ વા પન;
નેવ સિબ્બન્તિયા વુત્ત-મેકં પાચિત્તિયં પન.
૨૧૯.
પઞ્ચાહિકં તુ સઙ્ઘાટિ-ચારં પન અતિક્કમે;
એકાવસ્સા પનાપત્તિ, પાચિત્તિ પરિદીપિતા.
૨૨૦.
સચે સઙ્કમનીયં તુ, ધારેતિ પન ચીવરં;
પયોગે દુક્કટં વુત્તં, પાચિત્તિ પન ધારિતે.
૨૨૧.
ગણચીવરલાભસ્સ, અન્તરાયં કરોતિ ચે;
પયોગે દુક્કટં હોતિ, કતે પાચિત્તિયં સિયા.
૨૨૨.
વિભઙ્ગં
પયોગે દુક્કટં વુત્તં, પાચિત્તિ પટિબાહિતે.
૨૨૩.
અગારિકાદિનો દેતિ, સચે સમણચીવરં;
પયોગે દુક્કટં, દિન્ને, પાચિત્તિ પરિયાપુતા.
૨૨૪.
ચીવરે દુબ્બલાસાય, કાલં ચે સમતિક્કમે;
પયોગે દુક્કટં વુત્તં, પાચિત્તિ સમતિક્કમે.
૨૨૫.
ધમ્મિકં કથિનુદ્ધારં, પટિબાહન્તિયા દુવે;
પયોગે દુક્કટં હોતિ, પાચિત્તિ પટિબાહિતે.
ન્હાનવગ્ગો તતિયો.
૨૨૬.
દુવે ભિક્ખુનિયો એક-મઞ્ચસ્મિં ચે તુવટ્ટેય્યું;
પયોગે દુક્કટં તાસં, નિપન્ને ઇતરં સિયા.
૨૨૭.
દુતિયં પઠમેનેવ, સદિસં તતિયે પન;
પયોગે દુક્કટં હોતિ, કતે પાચિત્તિયં સિયા.
૨૨૮.
નુપટ્ઠાપેન્તિયા
એકાયેવ પનાપત્તિ, પાચિત્તિ પરિદીપિતા.
૨૨૯.
સચે ઉપસ્સયં દત્વા, નિક્કડ્ઢતિ ચ ભિક્ખુનિં;
પયોગે દુક્કટં તસ્સા, હોતિ પાચિત્તિ કડ્ઢિતે.
૨૩૦.
છટ્ઠે પન ચ સંસટ્ઠા, ઞત્તિયા દુક્કટં ફુસે;
કમ્મવાચાય ઓસાને, પાચિત્તિ પરિદીપિતા.
૨૩૧.
અન્તોરટ્ઠે તુ સાસઙ્કે, ચારિકં તુ ચરન્તિયા;
પયોગે દુક્કટં વુત્તં, પટિપન્નાય સેસકં.
૨૩૨.
અટ્ઠમં નવમઞ્ચેવ, સત્તમેન સમં મતં;
દસમે પન એકાવ, પાચિત્તિ પરિદીપિતા.
તુવટ્ટવગ્ગો ચતુત્થો.
૨૩૩.
રાજાગારાદિકં સબ્બં, દસ્સનત્થાય ગચ્છતિ;
પયોગે દુક્કટં તસ્સા, પાચિત્તિ યદિ પસ્સતિ.
૨૩૪.
આસન્દિં
પયોગે દુક્કટં વુત્તં, ભુત્તે પાચિત્તિયં સિયા.
૨૩૫.
સુત્તં કન્તન્તિયા દ્વેવ, પયોગે દુક્કટં મતં;
ઉજ્જવુજ્જવને તસ્સા, પાચિત્તિ સમુદાહરે.
૨૩૬.
વેય્યાવચ્ચં ગિહીનં તુ, દ્વેવ હોન્તિ કરોન્તિયા;
પયોગે દુક્કટં વુત્તં, કતે પાચિત્તિયં સિયા.
૨૩૭.
પઞ્ચમે પન એકાવ, પાચિત્તિ પરિદીપિતા;
પયોગે દુક્કટં છટ્ઠે, દિન્ને પાચિત્તિયં સિયા.
૨૩૮.
સત્તમં દુતિયેનેવ, સમાપત્તિપભેદતો;
અટ્ઠમં દુતિયે વગ્ગે, પઞ્ચમેન સમં મતં.
૨૩૯.
તિરચ્છાનગતં
પયોગે દુક્કટં હોતિ, પાચિત્તિ હિ પદે પદે.
૨૪૦.
દસમં નવમેનેવ, સમાનં સબ્બથા પન;
‘‘પરિયાપુણાતિ, વાચેતિ’’, પદમત્તં વિસેસકં.
ચિત્તાગારવગ્ગો પઞ્ચમો.
૨૪૧.
સભિક્ખુકં તમારામં, જાનન્તી પન ભિક્ખુની;
પવિસન્તી અનાપુચ્છા, દ્વે પનાપત્તિયો ફુસે.
૨૪૨.
પઠમેન ચ પાદેન, પરિક્ખેપસ્સતિક્કમે;
દુક્કટં પિટકે વુત્તં, પાચિત્તિ દુતિયેન તુ.
૨૪૩.
અક્કોસતિ ચ યા ભિક્ખું, ભિક્ખુની પરિભાસતિ;
પયોગે દુક્કટં તસ્સા, પાચિત્તક્કોસિતે સિયા.
૨૪૪.
યા હિ ચણ્ડિકભાવેન, ગણં તુ પરિભાસતિ;
પયોગે દુક્કટં તસ્સા, પરિભટ્ઠે પનેતરં.
૨૪૫.
નિમન્તિતા પવારિતા, ખાદનં ભોજનમ્પિ વા;
ભુઞ્જન્તી ભિક્ખુની સા હિ, દ્વે પનાપત્તિયો ફુસે.
૨૪૬.
‘‘ભુઞ્જિસ્સામી’’તિ યં કિઞ્ચિ, પટિગ્ગણ્હાતિ દુક્કટં;
અજ્ઝોહારપયોગેસુ, પાચિત્તિ પરિદીપયે.
૨૪૭.
કુલં
પયોગે દુક્કટં વુત્તં, સેસા મચ્છરિતે સિયા.
૨૪૮.
અભિક્ખુકે પનાવાસે, ભવે વસ્સં વસન્તિયા;
દુક્કટં પુબ્બકિચ્ચેસુ, પાચિત્તિ અરુણુગ્ગમે.
૨૪૯.
ભિક્ખુની ઉભતોસઙ્ઘે, વસ્સંવુટ્ઠા તુ તીહિપિ;
ઠાનેહિ અપ્પવારેન્તી, એકં પાચિત્તિયં ફુસે.
૨૫૦.
ઓવાદત્થાય
ન ગચ્છતિ સચે તસ્સા, એકં પાચિત્તિયં સિયા.
૨૫૧.
ઓવાદમ્પિ ન યાચન્તી, ન ગચ્છન્તી ઉપોસથં;
એકં પાચિત્તિયાપત્તિ-માપજ્જતિ, ન સંસયો.
૨૫૨.
અપુચ્છિત્વાવ સઙ્ઘં વા, ભેદાપેતિ પસાખજં;
પયોગે દુક્કટં, ભિન્ને, પાચિત્તિ પરિયાપુતા.
આરામવગ્ગો છટ્ઠો.
૨૫૩.
ગબ્ભિનિં વુટ્ઠપેન્તી હિ, દ્વે પનાપત્તિયો ફુસે;
પયોગે દુક્કટં, વુટ્ઠા-પિતે પાચિત્તિયં સિયા.
૨૫૪.
દુતિયં તતિયઞ્ચેવ, ચતુત્થં પઞ્ચમમ્પિ ચ;
છટ્ઠઞ્ચ સત્તમઞ્ચેવ, પઠમેન સમં મતં.
૨૫૫.
ભિક્ખુની વુટ્ઠપેત્વાન, ભિક્ખુનિં સહજીવિનિં;
દ્વેવસ્સં નાનુગ્ગણ્હન્તી, એકં પાચિત્તિયં ફુસે.
૨૫૬.
નવમં દસમઞ્ચેવ, અટ્ઠમેન સમં મતં;
દ્વીસુ આપત્તિભેદસ્મિં, નાનત્તં નત્થિ કિઞ્ચિપિ.
ગબ્ભિનીવગ્ગો સત્તમો.
૨૫૭.
કુમારીભૂતવગ્ગસ્સ, આદિતો પન પઞ્ચપિ;
સમાના ગબ્ભિનીવગ્ગે, પઠમેનેવ સબ્બસો.
૨૫૮.
‘‘અલં વુટ્ઠાપિતેના’’તિ, વુચ્ચમાના હિ ખીયતિ;
પયોગે દુક્કટં, પચ્છા, હોતિ પાચિત્તિ ખીયિતે.
૨૫૯.
સત્તમે
આદિનાવ સમાનાનિ, નવમાદીનિ પઞ્ચપિ.
કુમારીભૂતવગ્ગો અટ્ઠમો.
૨૬૦.
આપત્તિયો ફુસે દ્વેપિ, ધારેન્તી છત્તુપાહનં;
પયોગે દુક્કટં વુત્તં, હોતિ પાચિત્તિ ધારિતે.
૨૬૧.
યાનેન પન યાયન્તી, દ્વે કિરાપત્તિયો ફુસે;
પયોગે દુક્કટં હોતિ, પાચિત્તિ યદિ યાયિતે.
૨૬૨.
ધારેન્તિયા તુ સઙ્ઘાણિં, પયોગે દુક્કટં સિયા;
ધારિતે પન પાચિત્તિ, ચતુત્થેપિ અયં નયો.
૨૬૩.
ન્હાયન્તી ગન્ધવણ્ણેન, પયોગે દુક્કટં ફુસે;
ન્હાનસ્સ પરિયોસાને, તસ્સા પાચિત્તિયં સિયા.
૨૬૪.
છટ્ઠમ્પિ પઞ્ચમેનેવ, સમાનં સબ્બથા પન;
સત્તમે અટ્ઠમે ચેવ, નવમે દસમેપિ ચ.
૨૬૫.
પયોગે દુક્કટં વુત્તં, પાચિત્તુમ્મદ્દિતે સિયા;
આપત્તીનં વિભાગસ્મિં, નત્થિ કાચિ વિસેસતા.
૨૬૬.
અનાપુચ્છા તુ ભિક્ખુસ્સ, પુરતો યા નિસીદતિ;
પયોગે દુક્કટં તસ્સા, પાચિત્તિ તુ નિસીદિતે.
૨૬૭.
અનોકાસકતં ભિક્ખું, પઞ્હં પુચ્છન્તિયા પન;
પયોગે દુક્કટં હોતિ, વુત્તા પાચિત્તિ પુચ્છિતે.
૨૬૮.
સંકચ્ચિકં વિના ગામં, પદસા પવિસન્તિયા;
પઠમેનેવ આરામ-વગ્ગસ્સ સદિસં વદે.
છત્તુપાહનવગ્ગો નવમો.
પાચિત્તિયકથા.
૨૬૯.
અટ્ઠસુ
વિઞ્ઞાપેત્વા સચે સપ્પિં, ‘‘ભુઞ્જિસ્સામી’’તિ ગણ્હતિ.
૨૭૦.
તતો
અજ્ઝોહારેસુ સબ્બેસુ, પાટિદેસનિયં સિયા.
પાટિદેસનીયકથા.
૨૭૧.
ઇમં વિદિત્વા પરમં પનુત્તરં;
નિરુત્તરં અત્થવસેન ભિક્ખુ;
સુખેન પઞ્ઞત્તમહાસમુદ્દં;
દુરુત્તરં ઉત્તરતેવ ધીરો.
૨૭૨.
યસ્મા તસ્મા અસ્મિં યોગં;
ઉસ્માયુત્તો યુત્તો કાતું;
સત્તો સત્તો કઙ્ખચ્છેદે;
સત્થે સત્થે નિચ્ચં નિચ્ચં.
ભિક્ખુનીવિભઙ્ગો નિટ્ઠિતો.
ચતુવિપત્તિકથા
૨૭૩.
કતિ આપત્તિયો સીલ-વિપત્તિપચ્ચયા પન;
ચતસ્સોવ સિયું સીલ-વિપત્તિપચ્ચયા પન.
૨૭૪.
જાનં પારાજિકં ધમ્મં, સચે છાદેતિ ભિક્ખુની;
ચુતા, થુલ્લચ્ચયં હોતિ, સચે વેમતિકા સિયા.
૨૭૫.
પાચિત્તિ ભિક્ખુ સઙ્ઘાદિ-સેસં છાદેતિ ચે પન;
અત્તનો પન દુટ્ઠુલ્લં, છાદેન્તો દુક્કટં ફુસે.
૨૭૬.
આપત્તિયો
એકાયેવ સિયાચાર-વિપત્તિપચ્ચયા પન.
૨૭૭.
પટિચ્છાદેતિ આચાર-વિપત્તિં પન ભિક્ખુ ચે;
એકમેવસ્સ ભિક્ખુસ્સ, હોતિ આપત્તિ દુક્કટં.
૨૭૮.
કતિ આપત્તિયો દિટ્ઠિ-વિપત્તિપચ્ચયા પન?
દ્વે પનાપત્તિયો દિટ્ઠિ-વિપત્તિપચ્ચયા સિયું.
૨૭૯.
અચ્ચજં
કમ્મવાચાય ઓસાને, પાચિત્તિ પરિયાપુતા.
૨૮૦.
આપત્તિયો કતાજીવ-વિપત્તિપચ્ચયા પન?
છળેવાપજ્જતાજીવ-વિપત્તિપચ્ચયા પન.
૨૮૧.
આજીવહેતુ પાપિચ્છો, અસન્તં પન અત્તનિ;
મનુસ્સુત્તરિધમ્મં તુ, વદં પારાજિકં ફુસે.
૨૮૨.
સઞ્ચરિત્તં સમાપન્નો, હોતિ સઙ્ઘાદિસેસતા;
પરિયાયવચને ઞાતે, તસ્સ થુલ્લચ્ચયં સિયા.
૨૮૩.
પણીતભોજનં વત્વા, પાચિત્તિ પરિભુઞ્જતો;
ભિક્ખુની તુ સચે હોતિ, પાટિદેસનિયં સિયા.
૨૮૪.
આજીવહેતુ સૂપં વા, ઓદનં વા પનત્તનો;
અત્થાય વિઞ્ઞાપેત્વાન, દુક્કટં પરિભુઞ્જતો.
ચતુવિપત્તિકથા.
અધિકરણપચ્ચયકથા
૨૮૫.
વિવાદાધિકરણમ્હા, કતિ આપત્તિયો સિયું?
વિવાદાધિકરણમ્હા, દ્વે પનાપત્તિયો સિયું.
૨૮૬.
પાચિત્તિ
ભિક્ખુસ્સાનુપસમ્પન્નં, ઓમસન્તસ્સ દુક્કટં.
૨૮૭.
અનુવાદાધિકરણ-પચ્ચયાપત્તિયો કતિ?
અનુવાદાધિકરણ-પચ્ચયા તિવિધા સિયું.
૨૮૮.
અનુદ્ધંસેતિ ચે ભિક્ખું, અમૂલન્તિમવત્થુના;
સઙ્ઘાદિસેસમાપત્તિ-માપજ્જતિ, ન સંસયો.
૨૮૯.
તથા સઙ્ઘાદિસેસેન, અનુદ્ધંસેતિ ચે પન;
પાચિત્તિ, દુક્કટં વુત્તં, તથાચારવિપત્તિયા.
૨૯૦.
આપત્તિપચ્ચયા
આપત્તિપચ્ચયા વુત્તા, ચતસ્સોવ મહેસિના.
૨૯૧.
જાનં પારાજિકં ધમ્મં, સચે છાદેતિ ભિક્ખુની;
ચુતા, થુલ્લચ્ચયં હોતિ, સચે વેમતિકા સિયા.
૨૯૨.
પાચિત્તિ ભિક્ખુ સઙ્ઘાદિ-સેસં છાદેતિ ચે પન;
તથાચારવિપત્તિં તુ, સચે છાદેતિ દુક્કટં.
૨૯૩.
આપત્તિયો હિ કિચ્ચાધિ-કરણપચ્ચયા કતિ?
પઞ્ચેવ હોન્તિ કિચ્ચાધિ-કરણપચ્ચયા પન.
૨૯૪.
સમનુભાસનાયેવ, ઞત્તિયા દુક્કટં ફુસે;
સમણી અચ્ચજન્તીવ, ઉક્ખિત્તસ્સાનુવત્તિકા.
૨૯૫.
થુલ્લચ્ચયં દ્વયં દ્વીહિ, કમ્મવાચાહિ સા ફુસે;
કમ્મવાચાય ઓસાને, તસ્સા પારાજિકં સિયા.
૨૯૬.
સમનુભાસનાયેવ, ભેદકસ્સાનુવત્તિકા;
ન પરિચ્ચજતિ તં લદ્ધિં, હોતિ સઙ્ઘાદિસેસતા.
૨૯૭.
સમનુભાસનાયેવ, પાપિકાય ચ દિટ્ઠિયા;
યાવતતિયકં તસ્સા, પાચિત્તચ્ચજતોપિ ચ.
અધિકરણપચ્ચયકથા.
ખન્ધકપુચ્છાકથા
૨૯૮.
ખન્ધકેસુપિ
પાટવત્થાય ભિક્ખૂનં, પવક્ખામિ નિબોધથ.
૨૯૯.
ખન્ધકે પઠમે તાવ, કતિ આપત્તિયો સિયું?
ખન્ધકે પઠમે તાવ, દ્વે પનાપત્તિયો સિયું.
૩૦૦.
ઊનવીસતિવસ્સં તુ, કરોતો ઉપસમ્પદં;
હોતિ પાચિત્તિયં તસ્સ, સેસેસુ પન દુક્કટં.
૩૦૧.
કતિ
ખન્ધકે તુ ઉપોસથે?
તિસ્સો આપત્તિયો હોન્તિ;
ખન્ધકે તુ ઉપોસથે.
૩૦૨.
‘‘નસ્સન્તેતે વિનસ્સન્તુ’’, ઇતિ ભેદપુરક્ખકા;
ઉપોસથસ્સ કરણે, થુલ્લચ્ચયમુદીરિતં.
૩૦૩.
ઉક્ખિત્તકેન સદ્ધિં તુ, કરોન્તસ્સ ઉપોસથં;
હોતિ પાચિત્તિયં તસ્સ, સેસેસુ પન દુક્કટં.
૩૦૪.
કતિ આપત્તિયો વુત્તા, વદ વસ્સૂપનાયિકે?
એકાવ દુક્કટાપત્તિ, વુત્તા વસ્સૂપનાયિકે.
૩૦૫.
કતિ આપત્તિયો વુત્તા, ખન્ધકે તુ પવારણે?
તિસ્સો આપત્તિયો વુત્તા, ઉપોસથસમા મતા.
૩૦૬.
કતિ આપત્તિયો વુત્તા, ચમ્મે? તિસ્સોવ દીપિતા;
મારેન્તાનં તુ પાચિત્તિ, ગહેત્વા વચ્છતરિં પન.
૩૦૭.
અઙ્ગજાતં છુપન્તસ્સ, રત્તેન પન ચેતસા;
તસ્સ થુલ્લચ્ચયં વુત્તં, સેસેસુ પન દુક્કટં.
૩૦૮.
કતિ આપત્તિયો વુત્તા, ભેસજ્જક્ખન્ધકે પન?
તિસ્સો આપત્તિયો વુત્તા, ભેસજ્જક્ખન્ધકે પન.
૩૦૯.
સમન્તા
ભોજ્જયાગૂસુ પાચિત્તિ, સેસેસુ પન દુક્કટં.
૩૧૦.
કથિને નત્થિ આપત્તિ, પઞ્ઞત્તં કેવલં પન;
કતિ ચીવરસંયુત્તે, વુત્તા આપત્તિયો પન?
૩૧૧.
તિસ્સો ચીવરસંયુત્તે, વુત્તા આપત્તિયો પન;
કુસવાકમયે ચીરે, થુલ્લચ્ચયમુદીરિતં.
૩૧૨.
સનિસ્સગ્ગાવ પાચિત્તિ, અતિરેકે તુ ચીવરે;
સેસેસુ દુક્કટં વુત્તં, બુદ્ધેનાદિચ્ચબન્ધુના.
૩૧૩.
ચમ્પેય્યકે ચ કોસમ્બે, કમ્મસ્મિં પારિવાસિકે;
તથા સમુચ્ચયે એકા, દુક્કટાપત્તિ દીપિતા.
૩૧૪.
કતિ
દ્વેયેવાપત્તિયો વુત્તા, સમથક્ખન્ધકે પન.
૩૧૫.
છન્દસ્સ દાયકો ભિક્ખુ, પાચિત્તિ યદિ ખીયતિ;
સેસેસુ પન સબ્બત્થ, દુક્કટં સમુદાહટં.
૩૧૬.
કતિ ખુદ્દકવત્થુસ્મિં, વુત્તા આપત્તિયો પન?
તિસ્સો ખુદ્દકવત્થુસ્મિં, વુત્તા આપત્તિયો પન.
૩૧૭.
અત્તનો અઙ્ગજાતં તુ, છિન્દં થુલ્લચ્ચયં ફુસે;
રોમન્થે હોતિ પાચિત્તિ, સેસે આપત્તિ દુક્કટં.
૩૧૮.
તથા સેનાસનસ્મિં તુ, તિસ્સો આપત્તિયો સિયું;
વિસ્સજ્જને ચ ગરુનો, થુલ્લચ્ચયમુદીરિતં.
૩૧૯.
નિક્કડ્ઢને ચ પાચિત્તિ, સઙ્ઘિકમ્હા વિહારતો;
સેસેસુ પન સબ્બત્થ, દુક્કટં સમુદાહટં.
૩૨૦.
કતિ આપત્તિયો સઙ્ઘ-ભેદે વુત્તા મહેસિના?
દ્વે પનાપત્તિયો સઙ્ઘ-ભેદે વુત્તા મહેસિના.
૩૨૧.
ભેદાનુવત્તકાનં
ગણભોગે તુ ભિક્ખૂનં, પાચિત્તિ પરિદીપિતા.
૩૨૨.
ખન્ધકે વત્તસંયુત્તે, કતિ આપત્તિયો મતા?
ખન્ધકે વત્તસંયુત્તે, દુક્કટાપત્તિયેવ સા.
૩૨૩.
ઠપને પાતિમોક્ખસ્સ, તથા એકાવ દીપિતા;
ભિક્ખુનિક્ખન્ધકે ચાપિ, કતિ આપત્તિયો મતા?
૩૨૪.
ભિક્ખુનિક્ખન્ધકે ચાપિ, દ્વે પનાપત્તિયો મતા;
અપવારણાય પાચિત્તિ, સેસેસુ પન દુક્કટં.
ખન્ધકપુચ્છાકથા નિટ્ઠિતા.
સમુટ્ઠાનસીસકથા
૩૨૫.
વિભઙ્ગેસુ
યાનિ પારાજિકાદીનિ, ઉદ્દિસન્તિ ઉપોસથે.
૩૨૬.
તેસં દાનિ પવક્ખામિ, સમુટ્ઠાનમિતો પરં;
પાટવત્થાય ભિક્ખૂનં, તં સુણાથ સમાહિતા.
૩૨૭.
કાયો ચ વાચાપિ ચ કાયવાચા;
તાનેવ ચિત્તેન યુતાનિ તીણિ;
એકઙ્ગિકં દ્વઙ્ગિતિવઙ્ગિકન્તિ;
છધા સમુટ્ઠાનવિધિં વદન્તિ.
૩૨૮.
તેસુ એકેન વા દ્વીહિ, તીહિ વાથ ચતૂહિ વા;
છહિ વાપત્તિયો નાના-સમુટ્ઠાનેહિ જાયરે.
૩૨૯.
તત્થ પઞ્ચસમુટ્ઠાના, કા ચાપત્તિ ન વિજ્જતિ;
હોતિ એકસમુટ્ઠાના, પચ્છિમેહેવ તીહિપિ.
૩૩૦.
તથેવ
વાચતો વાચચિત્તમ્હા, તતિયચ્છટ્ઠતોપિ ચ.
૩૩૧.
ચતુત્થચ્છટ્ઠતો ચેવ, પઞ્ચમચ્છટ્ઠતોપિ ચ;
જાયતે પઞ્ચધાવેસા, સમુટ્ઠાતિ ન અઞ્ઞતો.
૩૩૨.
તિસમુટ્ઠાનિકા નામ, પઠમેહિ ચ તીહિપિ;
પચ્છિમેહિ ચ તીહેવ, સમુટ્ઠાતિ ન અઞ્ઞતો.
૩૩૩.
પઠમા તતિયા ચેવ, ચતુત્થચ્છટ્ઠતોપિ ચ;
દુતિયા તતિયા ચેવ, પઞ્ચમચ્છટ્ઠતોપિ ચ.
૩૩૪.
દ્વિધા ચતુસમુટ્ઠાના, જાયતે ન પનઞ્ઞતો;
એકધા છસમુટ્ઠાના, સમુટ્ઠાતિ છહેવ હિ.
આહ ચ –
૩૩૫.
‘‘તિધા એકસમુટ્ઠાના, પઞ્ચધા દ્વિસમુટ્ઠિતા;
દ્વિધા તિચતુરો ઠાના, એકધા છસમુટ્ઠિતા’’.
૩૩૬.
તેરસેવ
લભન્તાપત્તિયો સબ્બા, તાનિ વક્ખામિતો પરં.
૩૩૭.
પઠમન્તિમવત્થુઞ્ચ, દુતિયં સઞ્ચરિત્તકં;
સમનુભાસનઞ્ચેવ, કથિનેળકલોમકં.
૩૩૮.
પદસોધમ્મમદ્ધાનં, થેય્યસત્થઞ્ચ દેસના;
ભૂતારોચનકઞ્ચેવ, ચોરિવુટ્ઠાપનમ્પિ ચ.
૩૩૯.
અનનુઞ્ઞાતકઞ્ચાતિ, સીસાનેતાનિ તેરસ;
તેરસેતે સમુટ્ઠાન-નયા વિઞ્ઞૂહિ ચિન્તિતા.
૩૪૦.
તત્થ યા તુ ચતુત્થેન, સમુટ્ઠાનેન જાયતે;
આદિપારાજિકુટ્ઠાના, અયન્તિ પરિદીપિતા.
૩૪૧.
સચિત્તકેહિ
જાયતે સા પનુદ્દિટ્ઠા, અદિન્નાદાનપુબ્બકા.
૩૪૨.
સમુટ્ઠાનેહિ યાપત્તિ, જાતુચ્છહિપિ જાયતે;
સઞ્ચરિત્તસમુટ્ઠાના, નામાતિ પરિદીપિતા.
૩૪૩.
છટ્ઠેનેવ સમુટ્ઠાતિ, સમુટ્ઠાનેન યા પન;
સમુટ્ઠાનવસેનાયં, વુત્તા સમનુભાસના.
૩૪૪.
તતિયચ્છટ્ઠતોયેવ, સમુટ્ઠાતિ હિ યા પન;
સમુટ્ઠાનવસેનાયં, કથિનુપપદા મતા.
૩૪૫.
જાયતે યા પનાપત્તિ, કાયતો કાયચિત્તતો;
અયમેળકલોમાદિ-સમુટ્ઠાનાતિ દીપિતા.
૩૪૬.
જાયતે યા પનાપત્તિ, વાચતો વાચચિત્તતો;
અયં તુ પદસોધમ્મ-સમુટ્ઠાનાતિ વુચ્ચતિ.
૩૪૭.
કાયતો કાયવાચમ્હા, ચતુત્થચ્છટ્ઠતોપિ ચ;
જાયતે સા પનદ્ધાન-સમુટ્ઠાનાતિ સૂચિતા.
૩૪૮.
ચતુત્થચ્છટ્ઠતોયેવ, સમુટ્ઠાતિ હિ યા પન;
થેય્યસત્થસમુટ્ઠાના, અયન્તિ પરિદીપિતા.
૩૪૯.
પઞ્ચમેનેવ યા ચેત્થ, સમુટ્ઠાનેન જાયતે;
સમુટ્ઠાનવસેનાયં, ધમ્મદેસનસઞ્ઞિતા.
૩૫૦.
અચિત્તકેહિ
સમુટ્ઠાનવસેનાયં, ભૂતારોચનપુબ્બકા.
૩૫૧.
પઞ્ચમચ્છટ્ઠતોયેવ, યા સમુટ્ઠાનતો સિયા;
અયં તુ પઠિતા ચોરિ-વુટ્ઠાપનસમુટ્ઠિતા.
૩૫૨.
દુતિયા તતિયમ્હા ચ, પઞ્ચમચ્છટ્ઠતોપિ યા;
જાયતે અનનુઞ્ઞાત-સમુટ્ઠાના અયં સિયા.
૩૫૩.
પઠમં દુતિયં તત્થ, ચતુત્થં નવમમ્પિ ચ;
દસમં દ્વાદસમઞ્ચાતિ, સમુટ્ઠાનં સચિત્તકં.
૩૫૪.
એકેકસ્મિં
સુક્કઞ્ચ કાયસંસગ્ગો, પઠમાનિયતોપિ ચ.
૩૫૫.
પુબ્બુપપરિપાકો ચ, રહો ભિક્ખુનિયા સહ;
સભોજને, રહો દ્વે ચ, અઙ્ગુલી, ઉદકે હસં.
૩૫૬.
પહારે, ઉગ્ગિરે ચેવ, તેપઞ્ઞાસા ચ સેખિયા;
અધક્ખકુબ્ભજાણુઞ્ચ, ગામન્તરમવસ્સુતા.
૩૫૭.
તલમટ્ઠુદસુદ્ધિ ચ, વસ્સંવુટ્ઠા તથેવ ચ;
ઓવાદાય ન ગચ્છન્તી, નાનુબન્ધે પવત્તિનિં.
૩૫૮.
પઞ્ચસત્તતિ નિદ્દિટ્ઠા, કાયચિત્તસમુટ્ઠિતા;
ઇમે એકસમુટ્ઠાના, મેથુનેન સમા મતા.
પઠમપારાજિકસમુટ્ઠાનં.
૩૫૯.
વિગ્ગહં, ઉત્તરિઞ્ચેવ, દુટ્ઠુલ્લં, અત્તકામતા;
દુટ્ઠદોસા દુવે ચેવ, દુતિયાનિયતોપિ ચ.
૩૬૦.
અચ્છિન્દનઞ્ચ પરિણામો, મુસા, ઓમસપેસુણા;
દુટ્ઠુલ્લારોચનઞ્ચેવ, પથવીખણનમ્પિ ચ.
૩૬૧.
ભૂતગામઞ્ઞવાદો ચ, ઉજ્ઝાપનકમેવ ચ;
નિક્કડ્ઢો, સિઞ્ચનઞ્ચેવ, તથા આમિસહેતુ ચ.
૩૬૨.
ભુત્તાવિં, એહનાદરિં, ભિંસાપનકમેવ ચ;
અપનિધેય્ય, સઞ્ચિચ્ચ, પાણં, સપ્પાણકમ્પિ ચ.
૩૬૩.
ઉક્કોટનં =૦૦ તથા ઊનો, સંવાસો, નાસનેન ચ;
સહધમ્મિકં, વિલેખાય, મોહનામૂલકેન ચ.
૩૬૪.
કુક્કુચ્ચં, ખીયનં દત્વા, પરિણામેય્ય પુગ્ગલે;
કિં તે, અકાલં, અચ્છિન્દે, દુગ્ગહા, નિરયેન વા.
૩૬૫.
ગણસ્સ
ધમ્મિકં કથિનુદ્ધારં, સઞ્ચિચ્ચાફાસુમેવ ચ.
૩૬૬.
સયં ઉપસ્સયં દત્વા, અક્કોસેય્ય ચ ચણ્ડિકા;
કુલમચ્છરિની અસ્સ, ગબ્ભિનિં વુટ્ઠપેય્ય ચ.
૩૬૭.
પાયન્તિં, દ્વે ચ વસ્સાનિ, સઙ્ઘેનાસમ્મતમ્પિ ચ;
તિસ્સો ગિહિગતા વુત્તા, તિસ્સોયેવ કુમારિકા.
૩૬૮.
ઊનદ્વાદસવસ્સા દ્વે, તથાલં તાવ તેતિ ચ;
સોકાવસ્સા તથા પારિ-વાસિકચ્છન્દદાનતો.
૩૬૯.
અનુવસ્સં દુવે ચાતિ, સિક્ખા એકૂનસત્તતિ;
અદિન્નાદાનતુલ્યત્તા, તિસમુટ્ઠાનિકા કતા.
દુતિયપારાજિકસમુટ્ઠાનં.
૩૭૦.
સઞ્ચરિકુટિમહલ્લકં, ધોવાપનઞ્ચ પટિગ્ગહો;
ચીવરસ્સ ચ વિઞ્ઞત્તિ, ગહણઞ્ચ તદુત્તરિં.
૩૭૧.
ઉપક્ખટદ્વયઞ્ચેવ, તથા દૂતેન ચીવરં;
કોસિયં, સુદ્ધકાળાનં, દ્વેભાગાદાનમેવ ચ.
૩૭૨.
છબ્બસ્સાનિ, પુરાણસ્સ, લોમધોવાપનમ્પિ ચ;
રૂપિયસ્સ પટિગ્ગાહો, ઉભો નાનપ્પકારકા.
૩૭૩.
ઊનબન્ધનપત્તો ચ, વસ્સસાટિકસુત્તકં;
વિકપ્પાપજ્જનં, યાવ, દ્વાર, દાનઞ્ચ સિબ્બનં.
૩૭૪.
પૂવેહિ, પચ્ચયો જોતિં, રતનં, સૂચિ, મઞ્ચકં;
તૂલં, નિસીદનં, કણ્ડુ, વસ્સિકા, સુગતસ્સ ચ.
૩૭૫.
અઞ્ઞવિઞ્ઞત્તિસિક્ખા ચ, અઞ્ઞચેતાપનમ્પિ ચ;
સઙ્ઘિકેન દુવે વુત્તા, દ્વે મહાજનિકેન ચ.
૩૭૬.
તથા
દ્વે વિઘાસોદસાટી ચ, તથા સમણચીવરં.
૩૭૭.
ઇતિ એકૂનપણ્ણાસ, ધમ્મા દુક્ખન્તદસ્સિના;
છસમુટ્ઠાનિકા એતે, સઞ્ચરિત્તસમા કતા.
સઞ્ચરિત્તસમુટ્ઠાનં.
૩૭૮.
સઙ્ઘભેદો ચ ભેદાનુ-વત્તદુબ્બચદૂસકા;
દુટ્ઠુલ્લચ્છાદનં, દિટ્ઠિ, છન્દ, ઉજ્જગ્ઘિકા દુવે.
૩૭૯.
અપ્પસદ્દા દુવે વુત્તા, તથા ન બ્યાહરેતિ ચ;
છમા, નીચાસને, ઠાનં, પચ્છતો, ઉપ્પથેન ચ.
૩૮૦.
વજ્જચ્છાદાનુવત્તા ચ, ગહણં, ઓસારેય્ય ચ;
પચ્ચક્ખામીતિ સિક્ખા ચ, તથા કિસ્મિઞ્ચિદેવ ચ.
૩૮૧.
સંસટ્ઠા દ્વે, વધિત્વા ચ, વિસિબ્બેત્વા ચ દુક્ખિતં;
પુનદેવ ચ સંસટ્ઠા, નેવ વૂપસમેય્ય ચ.
૩૮૨.
જાનં સભિક્ખુકારામં, તથેવ ન પવારયે;
તથા અન્વદ્ધમાસઞ્ચ, સહજીવિનિયો દુવે.
૩૮૩.
સચે મે ચીવરં અય્યે, અનુબન્ધિસ્સસીતિ ચ;
સત્તતિંસ ઇમે ધમ્મા, સમ્બુદ્ધેન પકાસિતા.
૩૮૪.
સબ્બે એતે સમુટ્ઠાના, કાયવાચાદિતો સિયું;
સમાસમસમેનેવ, કતા સમનુભાસના.
સમનુભાસનસમુટ્ઠાનં.
૩૮૫.
કથિનાનિ ચ તીણાદિ, પત્તો, ભેસજ્જમેવ ચ;
અચ્ચેકમ્પિ ચ સાસઙ્કં, પક્કમન્તદ્વયમ્પિ ચ.
૩૮૬.
તથા
અનતિરિત્તં સભત્તો, વિકપ્પેત્વા તથેવ ચ.
૩૮૭.
રઞ્ઞો, વિકાલે, વોસાસા-રઞ્ઞકુસ્સયવાદિકા;
પત્તસન્નિચયઞ્ચેવ, પુરે, પચ્છા, વિકાલકે.
૩૮૮.
પઞ્ચાહિકં =૦૨, સઙ્કમનિં, તથા આવસથદ્વયં;
પસાખે, આસને ચાતિ, એકૂનતિંસિમે પન.
૩૮૯.
દ્વિસમુટ્ઠાનિકા ધમ્મા, નિદ્દિટ્ઠા કાયવાચતો;
કાયવાચાદિતો ચેવ, સબ્બે કથિનસમ્ભવા.
કથિનસમુટ્ઠાનં.
૩૯૦.
દ્વે સેય્યાહચ્ચપાદો ચ, પિણ્ડઞ્ચ ગણભોજનં;
વિકાલે, સન્નિધિઞ્ચેવ, દન્તપોનમચેલકં.
૩૯૧.
ઉય્યુત્તઞ્ચ વસુય્યોધિં, સુરા, ઓરેન ન્હાયનં;
દુબ્બણ્ણકરણઞ્ચેવ, પાટિદેસનિયદ્વયં.
૩૯૨.
લસુણં, ઉપતિટ્ઠેય્ય, નચ્ચદસ્સનમેવ ચ;
નગ્ગં, અત્થરણં, મઞ્ચે, અન્તોરટ્ઠે, તથા બહિ.
૩૯૩.
અન્તોવસ્સમગારઞ્ચ, આસન્દિં, સુત્તકન્તનં;
વેય્યાવચ્ચં, સહત્થા ચ, આવાસે ચ અભિક્ખુકે.
૩૯૪.
છત્તં, યાનઞ્ચ સઙ્ઘાણિં, અલઙ્કારં, ગન્ધવાસિતં;
ભિક્ખુની, સિક્ખમાના ચ, સામણેરી, ગિહીનિયા.
૩૯૫.
તથા સંકચ્ચિકા ચાતિ, તેચત્તાલીસિમે પન;
સબ્બે એળકલોમેન, દ્વિસમુટ્ઠાનિકા સમા.
એળકલોમસમુટ્ઠાનં.
૩૯૬.
અઞ્ઞત્રાસમ્મતો
તિરચ્છાનવિજ્જા દ્વે વુત્તા, અનોકાસકતમ્પિ ચ.
૩૯૭.
સબ્બે છ પનિમે ધમ્મા, વાચતો વાચચિત્તતો;
દ્વિસમુટ્ઠાનિકા હોન્તિ, પદસોધમ્મતુલ્યતા.
પદસોધમ્મસમુટ્ઠાનં.
૩૯૮.
એકં નાવં, પણીતઞ્ચ, સંવિધાનઞ્ચ સંહરે;
ધઞ્ઞં, નિમન્તિતા ચેવ, પાટિદેસનિયટ્ઠકં.
૩૯૯.
એતા =૦૩ ચતુસમુટ્ઠાના, સિક્ખા ચુદ્દસ હોન્તિ હિ;
પઞ્ઞત્તા બુદ્ધસેટ્ઠેન, અદ્ધાનેન સમા મતા.
અદ્ધાનસમુટ્ઠાનં.
૪૦૦.
સુતિં, સૂપાદિવિઞ્ઞત્તિં, અન્ધકારે તથેવ ચ;
પટિચ્છન્ને ચ ઓકાસે, બ્યૂહે ચાતિ ઇમે છપિ.
૪૦૧.
સબ્બે તુ દ્વિસમુટ્ઠાના, ચતુત્થચ્છટ્ઠતો સિયું;
થેય્યસત્થસમુટ્ઠાના, દેસિતાદિચ્ચબન્ધુના.
થેય્યસત્થસમુટ્ઠાનં.
૪૦૨.
છત્ત, દણ્ડકરસ્સાપિ, સત્થાવુધકરસ્સપિ;
પાદુકૂપાહના, યાનં, સેય્યા, પલ્લત્થિકાય ચ.
૪૦૩.
વેઠિતોગુણ્ઠિતો ચાતિ, એકાદસ નિદસ્સિતા;
સબ્બે એકસમુટ્ઠાના, ધમ્મદેસનસઞ્ઞિતા.
ધમ્મદેસનસમુટ્ઠાનં.
૪૦૪.
ભૂતારોચનકઞ્ચેવ
અનનુઞ્ઞાતમત્તઞ્હિ, અસમ્ભિન્નમિદં તયં.
સમુટ્ઠાનસીસકથા નિટ્ઠિતા.
એકુત્તરનયકથા
૪૦૫.
કતિ આપત્તિયો હોન્તિ, સમુટ્ઠાનેન આદિના?
પઞ્ચ આપત્તિયો હોન્તિ, કુટિં સંયાચિકાય તુ.
૪૦૬.
કરોતો પન તિસ્સોવ, પયોગે દુક્કટાદયો;
વિકાલે પન પાચિત્તિ, તથા અઞ્ઞાતિહત્થતો.
૪૦૭.
ગહેત્વા ભુઞ્જતો વુત્તં, પાટિદેસનિયમ્પિ ચ;
પઞ્ચિમાપત્તિયો હોન્તિ, સમુટ્ઠાનેન આદિના.
૪૦૮.
કતિ =૦૪ આપત્તિયો હોન્તિ, દુતિયેન તુવં ભણ?
આપત્તિયો ચતસ્સોવ, હોન્તીતિ પરિદીપયે.
૪૦૯.
‘‘કુટિં મમ કરોથા’’તિ, સમાદિસતિ ભિક્ખુ ચે;
કરોન્તિ ચે કુટિં તસ્સ, વિપન્નં સબ્બથા પન.
૪૧૦.
તિસ્સો પુરિમનિદ્દિટ્ઠા, પયોગે દુક્કટાદયો;
પદસોધમ્મમૂલેન, ચતસ્સોવ ભવન્તિમા.
૪૧૧.
તતિયેન કતિ જાયન્તિ, સમુટ્ઠાનેન મે ભણ?
તતિયેન તુવં બ્રૂમિ, પઞ્ચધાપત્તિયો સિયું.
૪૧૨.
ભિક્ખુ સંવિદહિત્વાન;
કરોતિ ચ કુટિં સચે;
તિસ્સો આપત્તિયો હોન્તિ;
પયોગે દુક્કટાદયો.
૪૧૩.
પણીતભોજનં
ભિક્ખુનિં ન નિવારેત્વા, પાટિદેસનિયં સિયા.
૪૧૪.
સિયું કતિ ચતુત્થેન, સમુટ્ઠાનેન મે ભણ?
છળેવાપત્તિયો હોન્તિ, મેથુનં યદિ સેવતિ.
૪૧૫.
હોતિ પારાજિકં તસ્સ, કુટિં સંયાચિકાય તુ;
કરોતો પન તિસ્સોવ, પયોગે દુક્કટાદયો.
૪૧૬.
વિકાલે પન પાચિત્તિ, તથા અઞ્ઞાતિહત્થતો;
ગહેત્વા ભુઞ્જતો વુત્તં, પાટિદેસનિયમ્પિ ચ.
૪૧૭.
કતિ આપત્તિયો હોન્તિ, પઞ્ચમેન? છ હોન્તિ હિ;
મનુસ્સુત્તરિધમ્મં તુ, વદં પારાજિકં ફુસે.
૪૧૮.
‘‘કુટિં મમ કરોથા’’તિ;
સમાદિસતિ ભિક્ખુ ચે;
કરોન્તિ ચે કુટિં તિસ્સો;
હોન્તિ તા દુક્કટાદયો.
૪૧૯.
વાચેતિ પદસો ધમ્મં, હોતિ પાચિત્તિ ભિક્ખુનો;
દવકમ્યતા વદન્તસ્સ, તસ્સ દુબ્ભાસિતં સિયા.
૪૨૦.
સમુટ્ઠાનેન =૦૫ છટ્ઠેન, કતિ આપત્તિયો સિયું?
છ ચ સંવિદહિત્વાન, ભણ્ડં હરતિ ચે ચુતો.
૪૨૧.
‘‘કુટિં મમ કરોથા’’તિ;
સમાદિસતિ ભિક્ખુ ચે;
કરોન્તિ ચે કુટિં તિસ્સો;
હોન્તિ તા દુક્કટાદયો.
૪૨૨.
પણીતભોજનં વત્વા, હોતિ પાચિત્તિ ભુઞ્જતો;
ભિક્ખુનિં ન નિવારેત્વા, પાટિદેસનિયં સિયા.
૪૨૩.
ઇધ
ઇમમુત્તરમુત્તરતિ;
વિનયં સુનયં સુનયેન યુતો;
સ ચ દુત્તરમુત્તરમુત્તરતિ.
આપત્તિસમુટ્ઠાનકથા.
૪૨૪.
ઇતો પરં પવક્ખામિ, પરમેકુત્તરં નયં;
અવિક્ખિત્તેન ચિત્તેન, તં સુણાથ સમાહિતા.
૪૨૫.
કે આપત્તિકરા ધમ્મા, અનાપત્તિકરાપિ કે?
કા પનાપત્તિયો નામ, લહુકા ગરુકાપિ કા?
૪૨૬.
સાવસેસા ચ કાપત્તિ, કા નામાનવસેસકા?
દુટ્ઠુલ્લા નામ કાપત્તિ, અદુટ્ઠુલ્લાપિ નામ કા?
૪૨૭.
નિયતા નામ કાપત્તિ, કા પનાનિયતાપિ ચ?
દેસનાગામિની કા ચ, કા ચાદેસનગામિની?
૪૨૮.
સમુટ્ઠાનાનિ આપત્તિ-કરા ધમ્માતિ દીપિતા;
અનાપત્તિકરા ધમ્મા, સમથા સત્ત દસ્સિતા.
૪૨૯.
પારાજિકાદયો સત્ત-વિધા આપત્તિયો સિયું;
લહુકા તત્થ પઞ્ચેવ, હોન્તિ થુલ્લચ્ચયાદયો.
૪૩૦.
પારાજિકં ઠપેત્વાન, સાવસેસાવસેસકા;
એકા પારાજિકાપત્તિ, મતા અનવસેસકા.
૪૩૧.
‘‘દુટ્ઠુલ્લા’’તિ =૦૬ ચ નિદ્દિટ્ઠા, દુવિધાપત્તિઆદિતો;
સેસા પઞ્ચવિધાપત્તિ, ‘‘અદુટ્ઠુલ્લા’’તિ દીપિતા.
૪૩૨.
પઞ્ચાનન્તરિયસંયુત્તા, નિયતાનિયતેતરા;
દેસનાગામિની પઞ્ચ, દ્વે પનાદેસગામિકા.
એકકકથા.
૪૩૩.
અભબ્બાપત્તિકો
ઉપસમ્પદકમ્મં તુ, સત્થુના કસ્સ વારિતં?
૪૩૪.
આપત્તિમાપજ્જિતું દ્વેવ લોકે;
બુદ્ધા ચ પચ્ચેકબુદ્ધા અભબ્બા;
આપત્તિમાપજ્જિતું દ્વેવ લોકે;
ભિક્ખૂ ચ ભબ્બા અથ ભિક્ખુની ચ.
૪૩૫.
અદ્ધવિહીનો અઙ્ગવિહીનો;
વત્થુવિપન્નો દુક્કટકારી;
નો પરિપુણ્ણો યાચતિ યો નો;
તસ્સુપસમ્પદા પટિસિદ્ધા.
૪૩૬.
અત્થાપત્તિ હવે લદ્ધ-સમાપત્તિસ્સ ભિક્ખુનો;
અત્થાપત્તિ હિ નો લદ્ધ-સમાપત્તિસ્સ દીપિતા.
૪૩૭.
ભૂતસ્સારોચનં લદ્ધ-સમાપત્તિસ્સ નિદ્દિસે;
અભૂતારોચનાપત્તિ, અસમાપત્તિલાભિનો.
૪૩૮.
અત્થિ સદ્ધમ્મસંયુત્તા, અસદ્ધમ્મયુતાપિ ચ;
સપરિક્ખારસંયુત્તા, પરસન્તકસંયુતા.
૪૩૯.
પદસોધમ્મમૂલાદી, સદ્ધમ્મપટિસંયુતા;
દુટ્ઠુલ્લવાચસંયુત્તા, અસદ્ધમ્મયુતા સિયા.
૪૪૦.
અતિરેકદસાહં તુ, ઠપને ચીવરાદિનો;
અનિસ્સજ્જિત્વા ભોગે ચ, સપરિક્ખારસંયુતા.
૪૪૧.
સઙ્ઘસ્સ મઞ્ચપીઠાદિં, અજ્ઝોકાસત્થરેપિ ચ;
અનાપુચ્છાવ ગમને, પરસન્તકસંયુતા.
૪૪૨.
કથઞ્હિ =૦૭ ભણતો સચ્ચં, ગરુકં હોતિ ભિક્ખુનો?
કથં મુસા ભણન્તસ્સ, લહુકાપત્તિ જાયતે?
૪૪૩.
‘‘સિખરણી’’તિ
સમ્પજાનમુસાવાદે, પાચિત્તિ લહુકા ભવે.
૪૪૪.
કથં મુસા ભણન્તસ્સ, ગરુકં હોતિ ભિક્ખુનો?
કથઞ્ચ ભણતો સચ્ચં, આપત્તિ લહુકા સિયા?
૪૪૫.
અભૂતારોચને તસ્સ, ગરુકાપત્તિ દીપિતા;
ભૂતસ્સારોચને સચ્ચં, વદતો લહુકા સિયા.
૪૪૬.
કથં ભૂમિગતો દોસં, ન વેહાસગતો ફુસે?
કથં વેહાસગો દોસં, ન ચ ભૂમિગતો ફુસે?
૪૪૭.
સઙ્ઘકમ્મં વિકોપેતું, હત્થપાસં જહં ફુસે;
કેસમત્તમ્પિ આકાસે, તિટ્ઠતો નત્થિ વજ્જતા.
૪૪૮.
આહચ્ચપાદકં મઞ્ચં, વેહાસકુટિયૂપરિ;
પીઠં વાભિનિસીદન્તો, આપજ્જતિ ન ભૂમિતો.
૪૪૯.
પવિસન્તો કથં ભિક્ખુ, આપજ્જતિ, ન નિક્ખમં?
પવિસન્તો કથં ભિક્ખુ, પવિસન્તો ન ચેવ તં?
૪૫૦.
સછત્તુપાહનો વત્ત-મપૂરેત્વાન કેવલં;
પવિસન્તો પનાપત્તિં, આપજ્જતિ, ન નિક્ખમં.
૪૫૧.
ગમિકો ગમિકવત્તાનિ, અપૂરેત્વાન નિક્ખમં;
નિક્ખમન્તોવ આપત્તિં, ફુસેય્ય, પવિસં ન ચ.
૪૫૨.
આદિયન્તો પનાપત્તિં, આપજ્જતિ કથં વદ?
તથેવાનાદિયન્તોપિ, આપજ્જતિ કથં વદ?
૪૫૩.
ભિક્ખુની અતિગમ્ભીરં, યા કાચુદકસુદ્ધિકં;
આદિયન્તી પનાપત્તિં, આપજ્જતિ, ન સંસયો.
૪૫૪.
અનાદિયિત્વા દુબ્બણ્ણ-કરણં પન ચીવરં;
યેવં અનાદિયન્તોવ, આપજ્જતિ હિ નામ સો.
૪૫૫.
સમાદિયન્તો આપત્તિં, આપજ્જતિ કથં પન?
તથાસમાદિયન્તોપિ, આપજ્જતિ કથં પન?
૪૫૬.
યો
સમાદિયન્તો આપત્તિં, આપજ્જતિ હિ નામ સો.
૪૫૭.
યો હિ કમ્મકતો ભિક્ખુ, વુત્તં વત્તં પનત્તનો;
તઞ્ચાસમાદિયન્તોવ, આપજ્જતિ હિ નામ સો.
૪૫૮.
કરોન્તોવ પનાપત્તિં, કથમાપજ્જતે નરો?
ન કરોન્તો કથં નામ, સમણો દોસવા સિયા?
૪૫૯.
ભણ્ડાગારિકકમ્મઞ્ચ, વેજ્જકમ્મઞ્ચ ચીવરં;
અઞ્ઞાતિકાય સિબ્બન્તો, કરં આપજ્જતે નરો.
૪૬૦.
ઉપજ્ઝાયસ્સ વત્તાનિ, વત્તાનિ ઇતરસ્સ વા;
અકરોન્તો પનાપત્તિં, આપજ્જતિ હિ નામ સો.
૪૬૧.
દેન્તો આપજ્જતાપત્તિં, ન દેન્તોપિ કથં ભણ?
અઞ્ઞાતિકાય યં કિઞ્ચિ, ભિક્ખુ ભિક્ખુનિયા પન.
૪૬૨.
ચીવરં દદમાનો હિ, દેન્તો આપજ્જતે પન;
તથન્તેવાસિકાદીનં, અદેન્તો ચીવરાદિકં.
૪૬૩.
અત્તસન્નિસ્સિતા અત્થિ, તથેવ પરનિસ્સિતા;
મુદુલમ્બાદિનો અત્તા, સેસા હિ પરનિસ્સિતા.
૪૬૪.
કથઞ્ચ પટિગણ્હન્તો, આપજ્જતિ હિ વજ્જતં?
કથમપ્પટિગણ્હન્તો, આપજ્જતિ હિ વજ્જતં?
૪૬૫.
ચીવરં પટિગણ્હન્તો, ભિક્ખુ અઞ્ઞાતિહત્થતો;
ઓવાદઞ્ચ ન ગણ્હન્તો, આપજ્જતિ હિ વજ્જતં.
૪૬૬.
કથઞ્ચ પરિભોગેન, આપજ્જતિ તપોધનો?
કથં ન પરિભોગેન, આપજ્જતિ તપોધનો?
૪૬૭.
યો હિ નિસ્સગ્ગિયં વત્થું, અચ્ચજિત્વા નિસેવતિ;
અયં તુ પરિભોગેન, આપજ્જતિ, ન સંસયો.
૪૬૮.
અતિક્કમેન્તી સઙ્ઘાટિ-ચારં પઞ્ચાહિકં પન;
અયં તુ પરિભોગેન, આપજ્જતિ હિ ભિક્ખુની.
૪૬૯.
દિવાપજ્જતિ
દ્વારં અસંવરિત્વાન, સેન્તો આપજ્જતે દિવા.
૪૭૦.
સગારસેય્યકં =૦૯ રત્તિં, આપજ્જતિ હિ નો દિવા;
અરુણુગ્ગે પનાપત્તિ, કથં ન અરુણુગ્ગમે?
૪૭૧.
એકછારત્તસત્તાહ-દસાહાદિઅતિક્કમે;
ફુસન્તો વુત્તમાપત્તિં, આપજ્જત્યરુણુગ્ગમે.
૪૭૨.
પવારેત્વાન ભુઞ્જન્તો, ફુસે ન અરુણુગ્ગમે;
છિન્દન્તસ્સ સિયાપત્તિ, કથમચ્છિન્દતો સિયા?
૪૭૩.
છિન્દન્તો ભૂતગામઞ્ચ, અઙ્ગજાતઞ્ચ અત્તનો;
પારાજિકઞ્ચ પાચિત્તિં, ફુસે થુલ્લચ્ચયમ્પિ ચ.
૪૭૪.
ન છિન્દન્તો નખે કેસે, આપજ્જતિ હિ નામ સો;
છાદેન્તોપજ્જતાપત્તિં, નચ્છાદેન્તો કથં પન?
૪૭૫.
છાદેન્તો પન આપત્તિં, છાદેન્તોપજ્જતે નરો;
આપજ્જતિ પનચ્છિન્નો, નચ્છાદેન્તો તિણાદિના.
૪૭૬.
આપજ્જતિ હિ ધારેન્તો, ન ધારેન્તો કથં પન?
ધારેન્તો કુસચીરાદિં, ધારેન્તોપજ્જતે પન.
૪૭૭.
દિન્નં નિસ્સટ્ઠપત્તં તં, અધારેન્તોવ દોસવા;
સચિત્તકદુકં સઞ્ઞા-વિમોક્ખકદુકં ભવે.
દુકકથા.
૪૭૮.
અત્થાપત્તિ હિ તિટ્ઠન્તે, નાથે, નો પરિનિબ્બુતે;
નિબ્બુતે ન તુ તિટ્ઠન્તે, અત્થાપત્તુભયત્થપિ.
૪૭૯.
રુહિરુપ્પાદનાપત્તિ, ઠિતે, નો પરિનિબ્બુતે;
થેરમાવુસવાદેન, વદતો પરિનિબ્બુતે.
૪૮૦.
આપત્તિયો
અવસેસા ધરન્તેપિ, ભવન્તિ પરિનિબ્બુતે.
૪૮૧.
કાલેયેવ સિયાપત્તિ, વિકાલે ન સિયા કથં?
વિકાલે તુ સિયાપત્તિ, ન કાલે, ઉભયત્થપિ?
૪૮૨.
ભુઞ્જતોનતિરિત્તં તુ, કાલસ્મિં, નો વિકાલકે;
વિકાલભોજનાપત્તિ, વિકાલે, તુ ન કાલકે.
૪૮૩.
અવસેસં =૧૦ પનાપત્તિં, આપજ્જતિ હિ સબ્બદા;
સબ્બં કાલે વિકાલે ચ, નત્થિ તત્થ ચ સંસયો.
૪૮૪.
રત્તિમેવ પનાપત્તિં, આપજ્જતિ ચ નો દિવા;
દિવાપજ્જતિ નો રત્તિં, આપજ્જતુભયત્થપિ.
૪૮૫.
સહસેય્યા સિયા રત્તિં, દ્વારાસંવરમૂલકા;
દિવા, સેસા પનાપત્તિ, સિયા રત્તિં દિવાપિ ચ.
૪૮૬.
દસવસ્સો તુ નો ઊન-દસવસ્સો સિયા કથં?
હોતૂનદસવસ્સો, નો, દસવસ્સૂભયત્થપિ?
૪૮૭.
ઉપટ્ઠાપેતિ ચે બાલો, પરિસં દસવસ્સિકો;
આપત્તિં પન અબ્યત્તો, આપજ્જતિ, ન સંસયો.
૪૮૮.
તથૂનદસવસ્સો ચ, ‘‘પણ્ડિતોહ’’ન્તિ ગણ્હતિ;
પરિસં, દસવસ્સો નો, સેસમાપજ્જતે ઉભો.
૪૮૯.
કાળે આપજ્જતાપત્તિં, ન જુણ્હે જુણ્હકે કથં;
આપજ્જતિ, ન કાળસ્મિં, આપજ્જતૂભયત્થપિ?
૪૯૦.
વસ્સં અનુપગચ્છન્તો, કાળે, નો જુણ્હકે પન;
આપજ્જતાપવારેન્તો, જુણ્હે, ન પન કાળકે.
૪૯૧.
અવસેસં તુ પઞ્ઞત્ત-માપત્તિમવિપત્તિના;
કાળે ચેવ ચ જુણ્હે ચ, આપજ્જતિ, ન સંસયો.
૪૯૨.
વસ્સૂપગમનં કાળે, નો જુણ્હે, તુ પવારણા;
જુણ્હે કપ્પતિ, નો કાળે, સેસં પનુભયત્થપિ.
૪૯૩.
અત્થાપત્તિ
ગિમ્હેયેવ ન સેસેસુ, વસ્સે નો ઇતરદ્વયે.
૪૯૪.
દિને પાળિપદક્ખાતે, કત્તિકે પુણ્ણમાસિયા;
ઠપિતં તુ વિકપ્પેત્વા, વસ્સસાટિકચીવરં.
૪૯૫.
આપજ્જતિ ચ હેમન્તે, નિવાસેતિ ચ તં સચે;
પુણ્ણમાદિવસસ્મિઞ્હિ, કત્તિકસ્સ તુ પચ્છિમે.
૪૯૬.
તં અપચ્ચુદ્ધરિત્વાવ, હેમન્તેયેવ, નેતરે;
આપજ્જતીતિ નિદ્દિટ્ઠં, કુરુન્દટ્ઠકથાય તુ.
૪૯૭.
‘‘અતિરેકમાસો =૧૧ સેસો’’તિ;
પરિયેસન્તો ચ ગિમ્હિકે;
ગિમ્હે આપજ્જતાપત્તિં;
ન ત્વેવિતરુતુદ્વયે.
૪૯૮.
વિજ્જમાને સચે નગ્ગો, વસ્સસાટિકચીવરે;
ઓવસ્સાપેતિ યો કાયં, વસ્સે આપજ્જતીધ સો.
૪૯૯.
આપજ્જતિ હિ સઙ્ઘોવ, ન ગણો ન ચ પુગ્ગલો;
ગણોવ ન ચ સેસા હિ, પુગ્ગલોવ ન ચાપરે.
૫૦૦.
અધિટ્ઠાનં કરોન્તો વા, પારિસુદ્ધિઉપોસથં;
સઙ્ઘો વાપજ્જતાપત્તિં, ન ગણો ન ચ પુગ્ગલો.
૫૦૧.
સુત્તુદ્દેસમધિટ્ઠાનં, કરોન્તો વા ઉપોસથં;
ગણો વાપજ્જતાપત્તિં, ન સઙ્ઘો ન ચ પુગ્ગલો.
૫૦૨.
સુત્તુદ્દેસં કરોન્તો વા, એકો પન ઉપોસથં;
પુગ્ગલોપજ્જતાપત્તિં, ન ચ સઙ્ઘો ગણો ન ચ.
૫૦૩.
આપજ્જતિ ગિલાનોવ, નાગિલાનો કથં પન;
આપજ્જતાગિલાનોવ, નો ગિલાનો ઉભોપિ ચ?
૫૦૪.
ભેસજ્જેન
વિઞ્ઞાપેતિ તદઞ્ઞં સો, આપજ્જતિ અકલ્લકો.
૫૦૫.
ન ભેસજ્જેન અત્થેપિ, ભેસજ્જં વિઞ્ઞાપેતિ ચે;
આપજ્જતાગિલાનોવ, સેસં પન ઉભોપિ ચ.
૫૦૬.
અત્થાપત્તિ હિ અન્તોવ, ન બહિદ્ધા, તથા બહિ;
આપજ્જતિ, ન ચેવન્તો, અત્થાપત્તુભયત્થપિ.
૫૦૭.
અનુપખજ્જ સેય્યં તુ, કપ્પેન્તો પન કેવલં;
આપજ્જતિ પનાપત્તિં, અન્તોયેવ ચ, નો બહિ.
૫૦૮.
અજ્ઝોકાસે તુ મઞ્ચાદિં, સન્થરિત્વાન પક્કમં;
બહિયેવ ચ, નો અન્તો, સેસં પનુભયત્થપિ.
૫૦૯.
અન્તોસીમાયેવાપત્તિં, બહિસીમાય નેવ ચ;
બહિસીમાય, નો અન્તો-સીમાય, ઉભયત્થપિ.
૫૧૦.
સછત્તુપાહનો =૧૨ ભિક્ખુ, પવિસન્તો તપોધનો;
ઉપચારસીમોક્કન્તે, અન્તો આપજ્જતે પન.
૫૧૧.
ગમિકો દારુભણ્ડાદિં, પટિસામનવત્તકં;
અપૂરેત્વાન ગચ્છન્તો, ઉપચારસ્સતિક્કમે.
૫૧૨.
આપજ્જતિ પનાપત્તિં, બહિસીમાયયેવ સો;
સેસમાપજ્જતે અન્તો-બહિસીમાય સબ્બસો.
તિકકથા.
૫૧૩.
સકવાચાય આપન્નો, પરવાચાય સુજ્ઝતિ;
પરવાચાય આપન્નો, સકવાચાય સુજ્ઝતિ.
૫૧૪.
સકવાચાય આપન્નો, સકવાચાય સુજ્ઝતિ;
પરવાચાય આપન્નો, પરવાચાય સુજ્ઝતિ.
૫૧૫.
વચીદ્વારિકમાપત્તિં
તિણવત્થારકં ગન્ત્વા, પરવાચાય સુજ્ઝતિ.
૫૧૬.
તથા અપ્પટિનિસ્સગ્ગે, પાપિકાય હિ દિટ્ઠિયા;
પરસ્સ કમ્મવાચાય, આપજ્જિત્વાન વજ્જતં.
૫૧૭.
દેસેન્તો ભિક્ખુનો મૂલે, સકવાચાય સુજ્ઝતિ;
વચીદ્વારિકમાપત્તિં, આપન્નો ભિક્ખુસન્તિકે.
૫૧૮.
દેસેત્વા તં વિસુજ્ઝન્તો, સકવાચાય સુજ્ઝતિ;
સઙ્ઘાદિસેસમાપત્તિં, યાવતતિયકં પન.
૫૧૯.
પરસ્સ કમ્મવાચાય, આપજ્જિત્વા તથા પુન;
પરસ્સ પરિવાસાદિ-કમ્મવાચાય સુજ્ઝતિ.
૫૨૦.
કાયેનાપજ્જતાપત્તિં, વાચાય ચ વિસુજ્ઝતિ;
વાચાયાપજ્જતાપત્તિં, કાયેન ચ વિસુજ્ઝતિ.
૫૨૧.
કાયેનાપજ્જતાપત્તિં, કાયેનેવ વિસુજ્ઝતિ;
વાચાયાપજ્જતાપત્તિં, વાચાયેવ વિસુજ્ઝતિ.
૫૨૨.
કાયદ્વારિકમાપત્તિં, કાયેનાપજ્જતે, પુન;
દેસેન્તો તં પનાપત્તિં, વાચાયેવ વિસુજ્ઝતિ.
૫૨૩.
વચીદ્વારિકમાપત્તિં =૧૩, આપજ્જિત્વાન વાચતો;
તિણવત્થારકં ગન્ત્વા, કાયેનેવ વિસુજ્ઝતિ.
૫૨૪.
કાયદ્વારિકમાપત્તિં, આપજ્જિત્વાન કાયતો;
તિણવત્થારકં ગન્ત્વા, કાયેનેવ વિસુજ્ઝતિ.
૫૨૫.
વચીદ્વારિકમાપત્તિં, આપજ્જિત્વા તપોધનો;
તમેવ પન દેસેન્તો, વાચાયેવ વિસુજ્ઝતિ.
૫૨૬.
સુત્તો આપજ્જતાપત્તિં, પટિબુદ્ધો વિસુજ્ઝતિ;
આપન્નો પટિબુદ્ધોવ, સુત્તો સુજ્ઝતિ સો કથં?
૫૨૭.
સુત્તો આપજ્જતાપત્તિં, સુત્તોયેવ વિસુજ્ઝતિ;
પટિબુદ્ધોવ આપન્નો, પટિબુદ્ધો વિસુજ્ઝતિ?
૫૨૮.
સગારસેય્યકાદિં
દેસેન્તો પન તં ઞત્વા, પટિબુદ્ધો વિસુજ્ઝતિ.
૫૨૯.
આપજ્જિત્વાન જગ્ગન્તો, તિણવત્થારકે પન;
સમથે તુ સયન્તોવ, સુત્તો વુટ્ઠાતિ નામ સો.
૫૩૦.
સગારસેય્યકાદિં તુ, સુત્તો આપજ્જતે નરો;
સયન્તો તિણવત્થારે, સુત્તોયેવ વિસુજ્ઝતિ.
૫૩૧.
આપજ્જિત્વા પનાપત્તિં, જગ્ગન્તો પન કેવલં;
દેસેન્તો પન તં પચ્છા, પટિબુદ્ધો વિસુજ્ઝતિ.
૫૩૨.
આપજ્જિત્વા અચિત્તોવ, સચિત્તોવ વિસુજ્ઝતિ;
આપજ્જિત્વા સચિત્તોવ, અચિત્તોવ વિસુજ્ઝતિ.
૫૩૩.
આપજ્જિત્વા અચિત્તોવ, અચિત્તોવ વિસુજ્ઝતિ;
આપજ્જિત્વા સચિત્તોવ, સચિત્તોવ વિસુજ્ઝતિ.
૫૩૪.
અચિત્તો, ચિત્તકાપત્તિં, આપજ્જિત્વા તપોધનો;
પચ્છા તં પન દેસેન્તો, સચિત્તોવ વિસુજ્ઝતિ.
૫૩૫.
તથા સચિત્તકાપત્તિં, આપજ્જિત્વા સચિત્તકો;
સયન્તો તિણવત્થારે, અચિત્તોવ વિસુજ્ઝતિ.
૫૩૬.
એવમેવં અમિસ્સેત્વા, પચ્છિમં તુ પદદ્વયં;
એત્થ વુત્તાનુસારેન, વેદિતબ્બં વિભાવિના.
૫૩૭.
આપજ્જતિ =૧૪ ચ કમ્મેન, અકમ્મેન વિસુજ્ઝતિ;
આપજ્જતિ અકમ્મેન, કમ્મેનેવ વિસુજ્ઝતિ.
૫૩૮.
કમ્મેનાપજ્જતાપત્તિં, કમ્મેનેવ વિસુજ્ઝતિ;
આપજ્જતિ અકમ્મેન, અકમ્મેન વિસુજ્ઝતિ.
૫૩૯.
અચ્ચજં પાપિકં દિટ્ઠિં, આપજ્જિત્વાન કમ્મતો;
દેસેન્તો પન તં પચ્છા, અકમ્મેન વિસુજ્ઝતિ.
૫૪૦.
વિસટ્ઠિઆદિકાપત્તિં
પરિસુજ્ઝતિ કમ્મેન, પરિવાસાદિના પન.
૫૪૧.
સમનુભાસનં ભિક્ખુ, આપજ્જતિ ચ કમ્મતો;
પરિવાસાદિના પચ્છા, કમ્મેનેવ વિસુજ્ઝતિ.
૫૪૨.
અવસેસં પનાપત્તિં, આપજ્જતિ અકમ્મતો;
દેસેન્તો પન તં પચ્છા, અકમ્મેનેવ સુજ્ઝતિ.
૫૪૩.
સમ્મુખાપત્તિમાપન્નો, વિસુજ્ઝતિ અસમ્મુખા;
અસમ્મુખાપિ આપન્નો, સમ્મુખાવ વિસુજ્ઝતિ.
૫૪૪.
સમ્મુખાપત્તિમાપન્નો, સમ્મુખાવ વિસુજ્ઝતિ;
અસમ્મુખાવ આપન્નો, વિસુજ્ઝતિ અસમ્મુખા.
૫૪૫.
અચ્ચજં પાપકં દિટ્ઠિં, આપન્નો સઙ્ઘસમ્મુખે;
વુટ્ઠાનકાલે સઙ્ઘેન, કિઞ્ચિ કમ્મં ન વિજ્જતિ.
૫૪૬.
વિસટ્ઠિઆદિકાપત્તિં, આપજ્જિત્વા અસમ્મુખા;
સઙ્ઘસમ્મુખતોયેવ, વિસુજ્ઝતિ ન ચઞ્ઞથા.
૫૪૭.
સમનુભાસનં સઙ્ઘ-સમ્મુખાપજ્જતે, પુન;
સઙ્ઘસ્સ સમ્મુખાયેવ, વિસુજ્ઝતિ, ન ચઞ્ઞથા.
૫૪૮.
મુસાવાદાદિકં સેસં, આપજ્જતિ અસમ્મુખા;
તં પચ્છા પન દેસેન્તો, વિસુજ્ઝતિ અસમ્મુખા.
૫૪૯.
અજાનન્તોવ આપન્નો, જાનન્તોવ વિસુજ્ઝતિ;
જાનન્તો પન આપન્નો, અજાનન્તો વિસુજ્ઝતિ.
૫૫૦.
અજાનન્તોવ આપન્નો, અજાનન્તો વિસુજ્ઝતિ;
જાનન્તો પન આપન્નો, જાનન્તોવ વિસુજ્ઝતિ.
૫૫૧.
અચિત્તકચતુક્કેન =૧૫, સદિસં સબ્બથા ઇદં;
અજાનન્તચતુક્કન્તિ, વેદિતબ્બં વિભાવિના.
૫૫૨.
આગન્તુકોવ આપત્તિં, આપજ્જતિ, ન ચેતરો;
આવાસિકોવ આપત્તિં, આપજ્જતિ, ન ચેતરો.
૫૫૩.
આગન્તુકો
અત્થાપત્તિ ચ સેસં તુ, ઉભો નાપજ્જરે પન.
૫૫૪.
સછત્તુપાહનો ચેવ, સસીસં પારુતોપિ ચ;
વિહારં પવિસન્તો ચ, વિચરન્તોપિ તત્થ ચ.
૫૫૫.
આગન્તુકોવ આપત્તિં, આપજ્જતિ, ન ચેતરો;
આવાસવત્તમાવાસી, અકરોન્તોવ દોસવા.
૫૫૬.
ન ચેવાગન્તુકો, સેસ-માપજ્જન્તિ ઉભોપિ ચ;
અસાધારણમાપત્તિં, નાપજ્જન્તિ ઉભોપિ ચ.
૫૫૭.
વત્થુનાનત્તતા અત્થિ, નત્થિ આપત્તિનાનતા;
અત્થિ આપત્તિનાનત્તં, નત્થિ વત્થુસ્સ નાનતા.
૫૫૮.
વત્થુનાનત્તતા ચેવ, અત્થિ આપત્તિનાનતા;
નેવત્થિ વત્થુનાનત્તં, નો ચ આપત્તિનાનતા.
૫૫૯.
પારાજિકચતુક્કસ્સ, વત્થુનાનત્તતા મતા;
આપત્તિનાનતા નત્થિ, સેસાપત્તીસ્વયં નયો.
૫૬૦.
સમણો સમણી કાય-સંસગ્ગં તુ કરોન્તિ ચે;
સઙ્ઘાદિસેસો ભિક્ખુસ્સ, ભિક્ખુનિયા પરાજયો.
૫૬૧.
એવં આપત્તિનાનત્તં, નત્થિ વત્થુસ્સ નાનતા;
કાયસ્સ પન સંસગ્ગો, ઉભિન્નં વત્થુ હોતિ હિ.
૫૬૨.
તથેવ લસુણસ્સાપિ, ખાદને ભિક્ખુની પન;
આપજ્જતિ હિ પાચિત્તિં, ભિક્ખુનો હોતિ દુક્કટં.
૫૬૩.
પારાજિકાનં પન ચે ચતુન્નં;
સઙ્ઘાદિસેસેહિ ચ તેરસેહિ;
હોતેવ વત્થુસ્સ ચ નાનભાવો;
આપત્તિયા ચેવ હિ નાનભાવો.
૫૬૪.
પારાજિકાનિ =૧૬
ભિક્ખુનીસમણાનં તુ, ઉભિન્નં પન સબ્બસો.
૫૬૫.
વત્થુસ્સ નત્થિ નાનત્તં, નત્થિ આપત્તિનાનતા;
વિસું પનાપજ્જન્તેસુ, અયમેવ વિનિચ્છયો.
૫૬૬.
અત્થિ વત્થુસભાગત્તં, નત્થાપત્તિસભાગતા;
અત્થાપત્તિસભાગતા, નત્થિ વત્થુસભાગતા.
૫૬૭.
અત્થિ વત્થુસભાગત્તં, અત્થાપત્તિસભાગતા;
નત્થિ વત્થુસભાગત્તં, નત્થાપત્તિસભાગતા.
૫૬૮.
ભિક્ખૂનં ભિક્ખુનીનઞ્ચ, કાયસંસગ્ગકે સતિ;
અત્થિ વત્થુસભાગત્તં, નત્થાપત્તિસભાગતા.
૫૬૯.
આદિતો પન ભિક્ખુસ્સ, ચતૂસ્વન્તિમવત્થુસુ;
સિયાપત્તિસભાગત્તં, ન ચ વત્થુસભાગતા.
૫૭૦.
ભિક્ખૂનં ભિક્ખુનીનઞ્ચ, ચતૂસ્વન્તિ મવત્થુસુ;
અત્થિ વત્થુસભાગત્તં, અત્થાપત્તિસભાગતા.
૫૭૧.
સાધારણાસુ સબ્બાસુ, આપત્તીસ્વપ્યયં નયો;
અસાધારણાસુ નેવત્થિ, વત્થાપત્તિસભાગતા.
૫૭૨.
અત્થાપત્તિ ઉપજ્ઝાયે, નેવ સદ્ધિવિહારિકે;
અત્થિ સદ્ધિવિહારસ્મિં, ઉપજ્ઝાયે ન વિજ્જતિ.
૫૭૩.
અત્થાપત્તિ ઉપજ્ઝાયે, તથા સદ્ધિવિહારિકે;
નેવાપત્તિ ઉપજ્ઝાયે, નેવ સદ્ધિવિહારિકે.
૫૭૪.
ઉપજ્ઝાયેન કત્તબ્બ-વત્તસ્સાકરણે પન;
ઉપજ્ઝાયો ફુસે વજ્જં, ન ચ સદ્ધિવિહારિકો.
૫૭૫.
ઉપજ્ઝાયસ્સ કત્તબ્બ-વત્તસ્સાકરણે પન;
નત્થાપત્તિ ઉપજ્ઝાયે, અત્થિ સદ્ધિવિહારિકે.
૫૭૬.
સેસં પનિધ આપત્તિં, આપજ્જન્તિ ઉભોપિ ચ;
અસાધારણમાપત્તિં, નાપજ્જન્તિ ઉભોપિ ચ.
૫૭૭.
આદિયન્તો
આદિયન્તો લહું દોસં, પયોજેન્તો ગરું ફુસે.
૫૭૮.
આદિયન્તો =૧૭ પયોજેન્તો, ગરુકેયેવ તિટ્ઠતિ;
આદિયન્તો પયોજેન્તો, લહુકેયેવ તિટ્ઠતિ.
૫૭૯.
પાદં વાપિ તતો ઉદ્ધં, આદિયન્તો ગરું ફુસે;
‘‘ગણ્હા’’તિ ઊનકં પાદં, આણાપેન્તો લહું ફુસે.
૫૮૦.
એતેનેવ ઉપાયેન, સેસકમ્પિ પદત્તયં;
અત્થસમ્ભવતોયેવ, વેદિતબ્બં વિભાવિના.
૫૮૧.
કાલેયેવ પનાપત્તિ, નો વિકાલે કથં સિયા?
વિકાલેયેવ આપત્તિ, ન ચ કાલે કથં સિયા?
૫૮૨.
અત્થાપત્તિ હિ કાલે ચ, વિકાલે ચ પકાસિતા?
નેવ કાલે વિકાલે ચ, અત્થાપત્તિ પકાસિતા?
૫૮૩.
પવારેત્વાન ભુઞ્જન્તો, કાલે અનતિરિત્તકં;
કાલે આપજ્જતાપત્તિં, ન વિકાલેતિ દીપયે.
૫૮૪.
વિકાલભોજનાપત્તિં, વિકાલે ન ચ કાલકે;
સેસં કાલે વિકાલે ચ, આપજ્જતિ, ન સંસયો.
૫૮૫.
અસાધારણમાપત્તિં, ભિક્ખુનીનં વસા પન;
નેવાપજ્જતિ કાલેપિ, નો વિકાલેપિ સબ્બદા.
૫૮૬.
કિં પટિગ્ગહિતં કાલે, નો વિકાલે તુ કપ્પતિ?
વિકાલે કિઞ્ચ નો કાલે, ગહિતં પન કપ્પતિ?
૫૮૭.
કાલે ચેવ વિકાલે ચ, કિં નામ વદ કપ્પતિ?
નેવ કાલે ચ કિં નામ, નો વિકાલે ચ કપ્પતિ?
૫૮૮.
આમિસં તુ પુરેભત્તં, પટિગ્ગહિતકં પન;
કાલેયેવ તુ ભિક્ખૂનં, નો વિકાલે તુ કપ્પતિ.
૫૮૯.
પાનકં તુ વિકાલસ્મિં, પટિગ્ગહિતકં પન;
વિકાલેયેવ કાલે ચ, અપરજ્જુ ન કપ્પતિ.
૫૯૦.
સત્તાહકાલિકઞ્ચેવ
કાલે ચેવ વિકાલે ચ, કપ્પતીતિ વિનિદ્દિસે.
૫૯૧.
અત્તનો અત્તનો કાલ-મતીતં કાલિકત્તયં;
મંસં અકપ્પિયઞ્ચેવ, તથા ઉગ્ગહિતમ્પિ ચ.
૫૯૨.
કુલદૂસનકમ્માદિં =૧૮, કત્વા ઉપ્પન્નભોજનં;
કાલે ચેવ વિકાલે ચ, ન ચ કપ્પતિ ભિક્ખુનો.
૫૯૩.
પચ્ચન્તિમેસુ દેસેસુ, આપજ્જતિ ન મજ્ઝિમે;
મજ્ઝિમે પન દેસસ્મિં, ન ચ પચ્ચન્તિમેસુ હિ.
૫૯૪.
પચ્ચન્તિમેસુ દેસેસુ, આપજ્જતિ ચ મજ્ઝિમે;
પચ્ચન્તિમેસુ દેસેસુ, નાપજ્જતિ ન મજ્ઝિમે.
૫૯૫.
સીમં સમુદ્દે બન્ધન્તો, ભિક્ખુ પચ્ચન્તિમેસુ હિ;
આપજ્જતિ પનાપત્તિં, ન ચાપજ્જતિ મજ્ઝિમે.
૫૯૬.
ગણેન પઞ્ચવગ્ગેન, કરોન્તો ઉપસમ્પદં;
ચમ્મત્થરણં ધુવન્હાનં, સગુણઙ્ગુણુપાહનં.
૫૯૭.
ધારેન્તો મજ્ઝિમે વજ્જં, ફુસે પચ્ચન્તિમેસુ નો;
અવસેસં પનાપત્તિં, આપજ્જતૂભયત્થપિ.
૫૯૮.
અસાધારણઆપત્તિં, ભિક્ખુનીનં વસા પન;
પચ્ચન્તિમેસુ વા ભિક્ખુ, નાપજ્જતિ ન મજ્ઝિમે.
૫૯૯.
પચ્ચન્તિમેસુ દેસેસુ, કપ્પતે ન ચ મજ્ઝિમે;
કપ્પતે, મજ્ઝિમે દેસે, નો ચ પચ્ચન્તિમેસુ હિ.
૬૦૦.
પચ્ચન્તિમેસુ દેસેસુ, કપ્પતે, મજ્ઝિમેપિ કિં?
પચ્ચન્તિમેસુ ચેવાપિ, કિં ન કપ્પતિ મજ્ઝિમે?
૬૦૧.
પચ્ચન્તિમેસુ દેસેસુ, વુત્તં વત્થુ ચતુબ્બિધં;
નિદ્દિસે કપ્પતી ચેવ, ન ચ કપ્પતિ મજ્ઝિમે.
૬૦૨.
‘‘ઇદં
ન કપ્પતી’’તિ વુત્તઞ્હિ, ‘‘મજ્ઝિમેયેવ કપ્પતિ’’.
૬૦૩.
પચ્ચન્તિમેસુ દેસેસુ, એવં વુત્તં ન કપ્પતિ;
પઞ્ચલોણાદિકં સેસં, ઉભયત્થપિ કપ્પતિ.
૬૦૪.
અકપ્પિયન્તિ યં નામ, પટિક્ખિત્તં મહેસિના;
ઉભયત્થપિ તં સબ્બં, ન ચ કપ્પતિ ભિક્ખુનો.
૬૦૫.
અન્તો આપજ્જતાપત્તિં, આપજ્જતિ ચ, નો બહિ;
બહિ આપજ્જતાપત્તિં, ન ચ અન્તો કુદાચનં.
૬૦૬.
આપજ્જતિ =૧૯ પનન્તો ચ, બહિ ચેવુભયત્થપિ;
નેવ અન્તો ચ આપત્તિં, આપજ્જતિ ચ, નો બહિ.
૬૦૭.
અનુપખજ્જસેય્યાદિં, અન્તોયેવ ચ, નો બહિ;
સઙ્ઘિકં પન મઞ્ચાદિં, અજ્ઝોકાસે તુ કિઞ્ચિપિ.
૬૦૮.
નિક્ખિપિત્વાન ગચ્છન્તો, નો અન્તો, બહિયેવ ચ;
સેસમાપજ્જતાપત્તિં, અન્તો ચેવ તથા બહિ.
૬૦૯.
અસાધારણમાપત્તિં, ભિક્ખુનીનં વસા પન;
નેવાપજ્જતિ અન્તોપિ, ન બહિદ્ધાપિ સબ્બથા.
૬૧૦.
ગામે આપજ્જતાપત્તિં, નો અરઞ્ઞે કથં વદ?
આપજ્જતિ અરઞ્ઞસ્મિં, ન ચ ગામે કથં વદ?
૬૧૧.
આપજ્જતિ ચ ગામેપિ, અરઞ્ઞેપિ કથં વદ?
નેવાપજ્જતિ ગામેપિ, નો અરઞ્ઞે કથં વદ?
૬૧૨.
અન્તરઘરસંયુત્તા, સેક્ખપઞ્ઞત્તિયો પન;
આપજ્જતિ હિ તં ભિક્ખુ, ગામસ્મિં, નો અરઞ્ઞકે.
૬૧૩.
અગણા અરુણં નામ, ઉટ્ઠાપેન્તી ચ ભિક્ખુની;
આપજ્જતિ પનાપત્તિં, અરઞ્ઞે, નો ચ ગામકે.
૬૧૪.
મુસાવાદાદિમાપત્તિં
અસાધારણમાપત્તિં, આપજ્જતિ ન કત્થચિ.
૬૧૫.
આપજ્જતિ ગિલાનોવ, નાગિલાનો કુદાચનં;
અગિલાનોવ આપત્તિં, ફુસે, નો ચ ગિલાનકો.
૬૧૬.
અગિલાનો ગિલાનો ચ, આપજ્જન્તિ ઉભોપિ ચ;
નાપજ્જન્તિ ગિલાનો ચ, અગિલાનો ઉભોપિ ચ.
૬૧૭.
ભેસજ્જેન પનઞ્ઞેન, અત્થે સતિ ચ યો પન;
વિઞ્ઞાપેતિ તદઞ્ઞં સો, આપજ્જતિ અકલ્લકો.
૬૧૮.
ન ભેસજ્જેન અત્થેપિ, ભેસજ્જં વિઞ્ઞાપેતિ ચે;
આપજ્જતાગિલાનોવ, આપત્તિં લોલમાનસો.
૬૧૯.
મુસાવાદાદિકં સેસં, આપજ્જન્તિ ઉભોપિ ચ;
અસાધારણમાપત્તિં, નાપજ્જન્તિ ઉભોપિ ચ.
ચતુક્કકથા.
૬૨૦.
પઞ્ચ =૨૦ આપત્તિયો હોન્તિ, મુસાવાદસ્સ કારણા;
પારાજિકં ગરુંથુલ્લ-ચ્ચયં પાચિત્તિ દુક્કટં.
૬૨૧.
આનિસંસા પનુદ્દિટ્ઠા, પઞ્ચેવ કથિનત્થરે;
અનામન્તાસમાદાન-ચરણં ગણભોજનં.
૬૨૨.
યો તત્થ ચીવરુપ્પાદો, સો ચ નેસં ભવિસ્સતિ;
ચીવરં યાવદત્થઞ્ચ, ગહેતુમ્પિ ચ વટ્ટતિ.
૬૨૩.
તેલં પઞ્ચવિધં વુત્તં, નિપ્પપઞ્ચેન સત્થુના;
વસા મધુકએરણ્ડ-તિલસાસપસમ્ભવં.
૬૨૪.
અચ્છમચ્છવસા ચેવ, સુસુકા સૂકરસ્સ ચ;
ગદ્રભસ્સ વસા ચેતિ, વસા પઞ્ચવિધા મતા.
૬૨૫.
મૂલખન્ધગ્ગબીજાનિ
પઞ્ચમં બીજબીજન્તિ, પઞ્ચ બીજાનિ દીપયે.
૬૨૬.
ફલં સમણકપ્પેહિ, પરિભુઞ્જેય્ય પઞ્ચહિ;
અગ્ગિસત્થનખક્કન્તં, અબીજુબ્બટ્ટબીજકં.
૬૨૭.
પણ્ણુણ્ણતિણચોળાનં, વાકસ્સ ચ વસેનિધ;
ભિસિયો ભાસિતા પઞ્ચ, મુનિના મોહનાસિના.
૬૨૮.
પવારણાપિ પઞ્ચેવ, ઓદનાદીહિ પઞ્ચહિ;
પટિગ્ગાહાપિ પઞ્ચેવ, કાયાદિગહણેન ચ.
૬૨૯.
પઞ્ચાનિસંસા વિનયઞ્ઞુકસ્મિં;
મહેસિના કારુણિકેન વુત્તા;
સુરક્ખિતં હોતિ સકઞ્ચ સીલં;
કુક્કુચ્ચમઞ્ઞસ્સ નિરાકરોતિ.
૬૩૦.
વિસારદો ભાસતિ સઙ્ઘમજ્ઝે;
સુખેન નિગ્ગણ્હતિ વેરિભિક્ખૂ;
ધમ્મસ્સ ચેવ ઠિતિયા પવત્તો;
તસ્માદરં તત્થ કરેય્ય ધીરો.
પઞ્ચકકથા.
૬૩૧.
છવચ્છેદનકા =૨૧ વુત્તા, છળભિઞ્ઞેન તાદિના;
મઞ્ચપીઠમતિક્કન્ત-પમાણઞ્ચ નિસીદનં.
૬૩૨.
તથા કણ્ડુપટિચ્છાદી, વસ્સસાટિકચીવરં;
ચીવરં સુગતસ્સાપિ, ચીવરેન પમાણકં.
૬૩૩.
છહાકારેહિ આપત્તિં, આપજ્જતિ ન અઞ્ઞથા;
અલજ્જિતાય અઞ્ઞાણ-કુક્કુચ્ચેહિ તથેવ ચ.
૬૩૪.
વિપરિતાય સઞ્ઞાય, કપ્પિયેપિ અકપ્પિયે;
સતિસમ્મોસતો ચેવ, આપજ્જતિ, ન સંસયો.
૬૩૫.
છહિ
ઉપસમ્પાદના પન;
કાતબ્બા, નિસ્સયો ચેવ;
દાતબ્બો, સામણેરકો.
૬૩૬.
ભિક્ખુનાપટ્ઠપેતબ્બો, સતતં ધમ્મચક્ખુના;
આપત્તિં પન જાનાતિ, અનાપત્તિં ગરું લહું.
૬૩૭.
પાતિમોક્ખાનિ વિત્થારા, ઉભયાનિ પનસ્સ હિ;
સ્વાગતાનિ ભવન્તેવ, સુવિભત્તાનિ અત્થતો.
૬૩૮.
અનુબ્યઞ્જનસો ચેવ, સુત્તસો સુવિનિચ્છિતા;
દસવસ્સોપિ વા હોતિતિરેકદસવસ્સિકો.
છક્કકથા.
૬૩૯.
સત્ત સામીચિયો વુત્તા, સત્તેવ સમથાપિ ચ;
પઞ્ઞત્તાપત્તિયો સત્ત, સત્તબોજ્ઝઙ્ગદસ્સિના.
સત્તકકથા.
૬૪૦.
કુલાનિ ઇધ દૂસેતિ, આકારેહિ પનટ્ઠહિ;
પુપ્ફેન ચ ફલેનાપિ, ચુણ્ણેનપિ ચ દૂસકો.
૬૪૧.
મત્તિકાદન્તકટ્ઠેહિ, વેળુયા વેજ્જિકાયપિ;
જઙ્ઘપેસનિકેનાપિ, આજીવસ્સેવ કારણા.
૬૪૨.
અટ્ઠેવાનતિરિત્તાપિ
અકપ્પિયકતં ચેવાગહિતુચ્ચારિતમ્પિ ચ.
૬૪૩.
કતં અહત્થપાસેપિ, ન ચ ભુત્તાવિના કતં;
પવારિતેન યઞ્ચેવ, કતં ભુત્તાવિનાપિ ચ.
૬૪૪.
આસના
અવુત્તમલમેતન્તિ, ન ગિલાનાતિરિત્તકં.
૬૪૫.
ઇમે અટ્ઠેવ નિદ્દિટ્ઠા, ઞેય્યા અનતિરિત્તકા;
અતિરિત્તા પનેતેસં, પટિક્ખેપેન દીપિતા.
૬૪૬.
સહપુબ્બપયોગેસુ, દુક્કટં ઞાતઞત્તિસુ;
દુરૂપચિણ્ણે આમાસે, દુક્કટં પટિસાવને.
૬૪૭.
અટ્ઠમં પન નિદ્દિટ્ઠં, તથા વિનયદુક્કટં;
ઇતિ અટ્ઠવિધં હોતિ, સબ્બમેવ ચ દુક્કટં.
૬૪૮.
એહિભિક્ખૂપસમ્પદા, સરણગમનેન ચ;
પઞ્હાબ્યાકરણોવાદા, ગરુધમ્મપટિગ્ગહો.
૬૪૯.
તથા ઞત્તિચતુત્થેન, કમ્મેનેવટ્ઠવાચિકા;
દૂતેન ભિક્ખુનીનન્તિ, અટ્ઠેવ ઉપસમ્પદા.
૬૫૦.
અસદ્ધમ્મા પનટ્ઠેવ, નિદ્દિટ્ઠા સુદ્ધદિટ્ઠિના;
અટ્ઠેવુપોસથઙ્ગાનિ, વેદિતબ્બાનિ વિઞ્ઞુના.
૬૫૧.
સક્કારો ચ અસક્કારો;
લાભાલાભો યસાયસો;
પાપિચ્છા પાપમિત્તત્તં;
અસદ્ધમ્મા પનટ્ઠિમે.
૬૫૨.
પાણં ન હને, ન ચાદિન્નમાદિયે;
મુસા ન ભાસે, ન ચ મજ્જપો સિયા;
અબ્રહ્મચરિયા વિરમેય્ય મેથુના;
રત્તિં ન ભુઞ્જેય્ય વિકાલભોજનં.
૬૫૩.
માલં
મઞ્ચે છમાયંવ સયેથ સન્થતે;
એતઞ્હિ
બુદ્ધેન દુક્ખન્તગુના પકાસિતં.
૬૫૪.
અટ્ઠેવ પન પાનાનિ, નિદ્દિટ્ઠાનિ મહેસિના;
ભિક્ખુ અટ્ઠઙ્ગસંયુત્તો, ભિક્ખુનોવાદમરહતિ.
અટ્ઠકકથા.
૬૫૫.
ભોજનાનિ પણીતાનિ, નવ વુત્તાનિ સત્થુના;
દુક્કટં પન નિદ્દિટ્ઠં, નવ મંસાનિ ખાદતો.
૬૫૬.
પાતિમોક્ખસ્સ ઉદ્દેસા, નવેવ પરિદીપિતા;
ઉપોસથા નવેવેત્થ, સઙ્ઘો નવહિ ભિજ્જતિ.
નવકકથા.
૬૫૭.
દસ અક્કોસવત્થૂનિ, દસ સિક્ખાપદાનિ ચ;
અકપ્પિયાનિ મંસાનિ, દસ સુક્કાનિ વે દસ.
૬૫૮.
જાતિ નામઞ્ચ ગોત્તઞ્ચ, કમ્મં સિપ્પઞ્ચ રોગતા;
લિઙ્ગાપત્તિ કિલેસા ચ, અક્કોસેન દસેવ હિ.
૬૫૯.
દસ આદીનવા રઞ્ઞો, અન્તેપુરપ્પવેસને;
દસાકારેહિ સઙ્ઘાદિ-સેસો છન્નોતિ દીપિતો.
૬૬૦.
દસ કમ્મપથા પુઞ્ઞા, અપુઞ્ઞાપિ તથા દસ;
દસેવ દાનવત્થૂનિ, દસેવ રતનાનિ ચ.
૬૬૧.
અન્નં પાનઞ્ચ વત્થઞ્ચ, માલા ગન્ધવિલેપનં;
યાનઞ્ચ સેય્યાવસથં, પદીપેય્યન્તિમે દસ.
૬૬૨.
અવન્દિયા મુનિન્દેન, દીપિતા દસ પુગ્ગલા;
દસેવ પંસુકૂલાનિ, દસ ચીવરધારણા.
૬૬૩.
સોસાનિકં
ગોખાયિતગ્ગિના દડ્ઢં, અજિકૂપચિકખાયિતં.
૬૬૪.
થૂપચીવરિકઞ્ચેવ, તથેવ અભિસેકિયં;
ગતપચ્છાગતઞ્ચેતિ, દસધા પંસુકૂલિકં.
૬૬૫.
સબ્બનીલાદયો
ચીવરાનિ નવેવેત્થ, સદ્ધિં સંકચ્ચિકાય ચ.
દસકકથા.
૬૬૬.
એકાદસ પનાભબ્બા, પુગ્ગલા પણ્ડકાદયો;
હોન્તેવાનુપસમ્પન્ના, ઉપસમ્પાદિતાપિ ચ.
૬૬૭.
પત્તા અકપ્પિયા વુત્તા, એકાદસ ભવન્તિ હિ;
દારુજેન ચ પત્તેન, દસેવ રતનુબ્ભવા.
૬૬૮.
એકાદસ તથા હોન્તિ, પાદુકાપિ અકપ્પિયા;
એકાદસેવ સીમાયો, અસીમાતિ પકાસિતા.
૬૬૯.
અતિખુદ્દાતિમહન્તા, ખણ્ડચ્છાયાનિમિત્તકા;
અનિમિત્તા, બહિટ્ઠેન, સમ્મતા, નદિયં તથા.
૬૭૦.
જાતસ્સરે, સમુદ્દે વા, સમ્ભિન્નજ્ઝોત્થટાપિ ચ;
સીમાયપિ અસીમાયો, એકાદસ ઇમા સિયું.
૬૭૧.
એકાદસેવ પથવી, કપ્પિયા ચ અકપ્પિયા;
ગણ્ઠિકા કપ્પિયા વુત્તા, એકાદસ ચ વીધકા.
૬૭૨.
એકાદસવિધં વુત્તં, અધિટ્ઠાતબ્બચીવરં;
તિચીવરં તથા કણ્ડુ-પટિચ્છાદી, નિસીદનં.
૬૭૩.
પચ્ચત્થરણં, વસ્સિક-સાટિકા, મુખપુઞ્છનં;
દકસાટિ, પરિક્ખાર-ચોળં, સંકચ્ચિકાપિ ચ.
૬૭૪.
યાવતતિયકા
અરિટ્ઠો, ચણ્ડકાળી ચ, ઉક્ખિત્તસ્સાનુવત્તિકા.
૬૭૫.
અટ્ઠ સઙ્ઘાદિસેસેસુ, ઉભિન્નં તુ વસા પન;
એકાદસ ઇમે યાવ-તતિયાતિ પકાસિતા.
૬૭૬.
નિસ્સયસ્સ દસેકાવ, પટિપ્પસ્સદ્ધિયો પન;
છધાચરિયતો વુત્તા, ઉપજ્ઝાયા તુ પઞ્ચધા.
એકાદસકકથા.
૬૭૭.
તેરસેવ
સોળસેવ તુ ‘‘જાન’’ન્તિ, પઞ્ઞત્તાનિ મહેસિના.
૬૭૮.
સઉત્તરં વિનયવિનિચ્છયં તુ યો;
અનુત્તરં સકલમપીધ જાનતિ;
મહત્તરે વિનયનયે અનુત્તરે;
નિરુત્તરો ભવતિ હિ સો, ન સંસયો.
એકુત્તરનયો સમત્તો.
સેદમોચનકથા
૬૭૯.
ઇતો પરં પવક્ખામિ, ભિક્ખૂનં સુણતં પુન;
સેદમોચનગાથાયો, પટુભાવકરા વરા.
૬૮૦.
ઉબ્ભક્ખકં વિવજ્જેત્વા, અધોનાભિં વિવજ્જિય;
પટિચ્ચ મેથુનં ધમ્મં, કથં પારાજિકો સિયા?
૬૮૧.
કબન્ધસત્તકાયસ્સ, ઉરે હોતિ મુખં સચે;
મુખેન મેથુનં ધમ્મં, કત્વા પારાજિકો ભવે.
૬૮૨.
સુઞ્ઞે નિસ્સત્તકે દીપે, એકો ભિક્ખુ સચે વસે;
મેથુનપચ્ચયા તસ્સ, કથં પારાજિકો સિયા?
૬૮૩.
લમ્બી
અઙ્ગજાતં પવેસેન્તો, સકે પારાજિકો ભવે.
૬૮૪.
સયં નાદિયતે કિઞ્ચિ, પરઞ્ચ ન સમાદપે;
સંવિધાનઞ્ચ નેવત્થિ, કથં પારાજિકો સિયા?
૬૮૫.
સુઙ્કઘાતે અતિક્કન્તે, નાદિયન્તો પરસ્સ તુ;
આણત્તિઞ્ચ વિનાયેવ, હોતિ પારાજિકો યતિ.
૬૮૬.
હરન્તો ગરુકં ભણ્ડં, થેય્યચિત્તેન પુગ્ગલો;
પરસ્સ તુ પરિક્ખારં, ન ચ પારાજિકો કથં?
૬૮૭.
તિરચ્છાનગતાનં
ગણ્હન્તો થેય્યચિત્તેન, ન ચ પારાજિકો સિયા.
૬૮૮.
અત્તનો સન્તકં દત્વા, ભિક્ખુ પારાજિકો કથં?
‘‘મરતૂ’’તિ અસપ્પાય-ભોજનં દેતિ ચે ચુતો.
૬૮૯.
પિતરિ પિતુસઞ્ઞી ચ, માતુસઞ્ઞી ચ માતરિ;
હન્ત્વાનન્તરિયં કમ્મં, ન ફુસેય્ય કથં નરો?
૬૯૦.
તિરચ્છાનગતા માતા, તિરચ્છાનગતો પિતા;
તસ્માનન્તરિયં નત્થિ, મારિતેસુ ઉભોસુપિ.
૬૯૧.
અનાદિયન્તો ગરુકં, પરઞ્ચ ન સમાદપે;
ગચ્છં ઠિતો નિસિન્નો વા, કથં પારાજિકો ભણ?
૬૯૨.
મનુસ્સુત્તરિકે ધમ્મે, કત્વાન કતિકં તતો;
સમ્ભાવનાધિપ્પાયો સો, અતિક્કમતિ ચે ચુતો.
૬૯૩.
સઙ્ઘાદિસેસા ચત્તારો, ભવેય્યું એકવત્થુકા;
કથં? કથેહિ મે પુટ્ઠો, વિનયે ચે વિસારદો.
૬૯૪.
સઞ્ચરિત્તઞ્ચ દુટ્ઠુલ્લં, સંસગ્ગં અત્તકામતં;
ઇત્થિયા પટિપજ્જન્તો, ફુસેય્ય ચતુરો ઇમે.
૬૯૫.
સઙ્ઘાદિસેસમાપન્નો, છાદેત્વા સુચિરં પન;
અચરિત્વા યથાવુત્તં, વત્તં સો વુટ્ઠિતો કથં?
૬૯૬.
સુક્કવિસ્સટ્ઠિમાપન્નો
પરિવત્તે તુ લિઙ્ગસ્મિં, નત્થિ સઙ્ઘાદિસેસતા.
૬૯૭.
કુદ્ધો આરાધકો હોતિ;
કુદ્ધો હોતિ ચ નિન્દિતો;
અથ કો નામ સો ધમ્મો;
યેન કુદ્ધો પસંસિતો?
૬૯૮.
વણ્ણસ્મિં ભઞ્ઞમાને યો, તિત્થિયાનં તુ કુજ્ઝતિ;
આરાધકો, સમ્બુદ્ધસ્સ, યદિ કુજ્ઝતિ નિન્દિતો.
૬૯૯.
અત્થઙ્ગતે તુ સૂરિયે, ભોજનં ભિક્ખુ ભુઞ્જતિ;
ન ખિત્તચિત્તોનુમ્મત્તો, નિરાપત્તિ કથં ભવે?
૭૦૦.
યો
નત્થિ તસ્સ પનાપત્તિ, વિકાલભોજનેન હિ.
૭૦૧.
અત્થઙ્ગતે ચ સૂરિયે, ગહેત્વા ભિક્ખુ ભોજનં;
સચે ભુઞ્જેય્ય આપત્તિ, અનાપત્તિ કથં ભવે?
૭૦૨.
વિકાલુત્તરકુરું ગન્ત્વા, તત્થ લદ્ધાન ભોજનં;
આગન્ત્વા ઇધ કાલેન, નત્થિ આપત્તિ ભુઞ્જતો.
૭૦૩.
ગામે વા યદિ વારઞ્ઞે, યં પરેસં મમાયિતં;
ન હરન્તોવ તં થેય્યા, કથં પારાજિકો સિયા?
૭૦૪.
થેય્યસંવાસકો નામ, લિઙ્ગસંવાસથેનકો;
પરભણ્ડં અગણ્હન્તો, હોતિ એસ પરાજિતો.
૭૦૫.
નારી રૂપવતી બાલા, ભિક્ખુ રત્તેન ચેતસા;
મેથુનં તાય કત્વાપિ, સો ન પારાજિકો કથં?
૭૦૬.
ભિક્ખુ રૂપવતિં નારિં, સુપિનન્તેન પસ્સતિ;
તાય મેથુનસંયોગે, કતેપિ ન વિનસ્સતિ.
૭૦૭.
એકિસ્સા
દ્વિન્નં માતા પિતા સાવ, કથં હોતિ ભણાહિ મે?
૭૦૮.
ઉભતોબ્યઞ્જના ઇત્થી, ગબ્ભં ગણ્હાતિ અત્તના;
ગણ્હાપેતિ પરં ગબ્ભં, તસ્મા માતા પિતા ચ સા.
૭૦૯.
પુરિસેન સહાગારે, રહો વસતિ ભિક્ખુની;
પરામસતિ તસ્સઙ્ગં, અનાપત્તિ કથં સિયા?
૭૧૦.
સહાગારિકસેય્યઞ્ચ, સબ્બઞ્ચ પટિજગ્ગનં;
દારકસ્સ ચ માતા હિ, કાતું લભતિ ભિક્ખુની.
૭૧૧.
કો ચ ભિક્ખૂહિ સિક્ખાસુ, અસાધારણતં ગતો;
ન પારિવાસિકો બ્રૂહિ, ન ઉક્ખિત્તાદિકોપિ ચ?
૭૧૨.
ગહેતું ખુરભણ્ડં તુ, સચે ન્હાપિતપુબ્બકો;
ન સો લભતિ અઞ્ઞેસં, કપ્પતીતિ ચ નિદ્દિસે.
૭૧૩.
કથેતિ કુસલં ધમ્મં, પરમં અત્થસંહિતં;
કતમો પુગ્ગલો બ્રૂહિ, ન મતો ન ચ જીવતિ?
૭૧૪.
કથેતિ
હોતિ નિમ્મિતબુદ્ધો સો, ન મતો ન ચ જીવતિ.
૭૧૫.
સંયાચિકં કરોન્તસ્સ, કુટિં દેસિતવત્થુકં;
પમાણિકમનારમ્ભં, આપત્તિ સપરિક્કમં.
૭૧૬.
નરો કરોતિ ચે કુટિં, સ સબ્બમત્તિકામયં;
ન મુચ્ચતેવ વજ્જતો, જિનેન વુત્તતો તતો.
૭૧૭.
સંયાચિકાય ભિક્ખુસ્સ, અનાપત્તિ કથં સિયા;
સબ્બલક્ખણહીનં તુ, કરોન્તસ્સ કુટિં પન?
૭૧૮.
સંયાચિકં કરોન્તસ્સ, તિણચ્છદનકં કુટિં;
ભિક્ખુનો જિનચન્દેન, અનાપત્તિ પકાસિતા.
૭૧૯.
ન
ન કિઞ્ચિ વાચાય પરં ભણેય્ય;
ફુસે ગરું અન્તિમવત્થુહેતુકં;
વિસારદો ચે વિનયે ભણાહિ ત્વં?
૭૨૦.
પરસ્સા પન યા વજ્જં, પટિચ્છાદેતિ ભિક્ખુની;
અયં પારાજિકાપત્તિં, તન્નિમિત્તં ગરું ફુસે.
૭૨૧.
ન કાયિકં કિઞ્ચિપિ પાપમાચરે;
ન કિઞ્ચિ વાચાય ચરેય્ય પાપકં;
સુનાસિતોયેવ ચ નાસિતો સિયા;
કથં તુવં બ્રૂહિ મયાસિ પુચ્છિતો?
૭૨૨.
અભબ્બા પન યે વુત્તા, પુગ્ગલા પણ્ડકાદયો;
એકાદસ મુનિન્દેન, નાસિતા તે સુનાસિતા.
૭૨૩.
અનુગ્ગિરં ગિરં કિઞ્ચિ, સુભં વા યદિ વાસુભં;
ફુસે વાચસિકં વજ્જં, કથં મે પુચ્છિતો ભણ?
૭૨૪.
સન્તિમેવ પનાપત્તિં, ભિક્ખુ નાવિકરેય્ય યો;
સમ્પજાનમુસાવાદે, દુક્કટં તસ્સ વણ્ણિતં.
૭૨૫.
એકતોઉપસમ્પન્ના, ઉભો તાસં તુ હત્થતો;
ચીવરં ગણ્હતો હોન્તિ, નાનાઆપત્તિયો કથં?
૭૨૬.
એકતોઉપસમ્પન્ના
ચીવરં હત્થતો તસ્સા, પાચિત્તિ પટિગણ્હતો.
૭૨૭.
એકતોઉપસમ્પન્ના, ભિક્ખુનીનં વસેન યા;
ચીવરં હત્થતો તસ્સા, દુક્કટં પટિગણ્હતો.
૭૨૮.
સંવિધાય ચ ચત્તારો, ગરું થેનિંસુ ભણ્ડકં;
થેરો થુલ્લચ્ચયં તેસુ, પત્તો, સેસા પરાજયં.
૭૨૯.
કથં
હટા થેરેન માસા તુ, તયો આણત્તિયાપિ ચ.
૭૩૦.
તીહિ સાહત્થિકોકેકો;
પઞ્ચ આણત્તિયા હટા;
તસ્મા થુલ્લચ્ચયં થેરો;
પત્તો, સેસા પરાજયં.
૭૩૧.
બહિદ્ધા ગેહતો ભિક્ખુ, ઇત્થી ગબ્ભન્તરં ગતા;
છિદ્દં ગેહસ્સ નો અત્થિ, મેથુનપચ્ચયા ચુતો.
૭૩૨.
અન્તોદુસ્સકુટિટ્ઠેન, માતુગામેન મેથુનં;
સન્થતાદિવસેનેવ, કત્વા હોતિ પરાજિતો.
૭૩૩.
સપ્પિઆદિં તુ ભેસજ્જં, ગહેત્વા સામમેવ તં;
અવીતિવત્તે સત્તાહે, કથં આપત્તિ સેવતો?
૭૩૪.
પરિવત્તિતલિઙ્ગસ્સ, ભિક્ખુનો ઇતરાય વા;
અવીતિવત્તે સત્તાહે, હોતિ આપત્તિ સેવતો.
૭૩૫.
નિસ્સગ્ગિયેન પાચિત્તિ, સુદ્ધપાચિત્તિયમ્પિ ચ;
એકતોવ કથં ભિક્ખુ, આપજ્જેય્ય ભણાહિ મે?
૭૩૬.
સઙ્ઘે પરિણતં લાભં, અત્તનો ચ પરસ્સ ચ;
એકતો પરિણામેન્તો, પયોગેન દ્વયં ફુસે.
૭૩૭.
ભિક્ખૂ સમાગમ્મ સમગ્ગસઞ્ઞા;
સબ્બે કરેય્યું પન સઙ્ઘકમ્મં;
ભિક્ખુટ્ઠિતો દ્વાદસયોજનસ્મિં;
કથં કતં કુપ્પતિ વગ્ગહેતુ?
૭૩૮.
અત્થિ
દ્વાદસયોજનિકે નગરે તુ;
તત્થ કતં પન કમ્મમકમ્મં;
નત્થિ વિહારગતા યદિ સીમા.
૭૩૯.
સઙ્ઘાટિ
નિસ્સગ્ગિયાનિ સબ્બાનિ, કથં હોન્તિ કથેહિ મે?
૭૪૦.
કણ્ણં ગહેત્વા તત્થેવ, કદ્દમં યદિ ધોવતિ;
ભિક્ખુની કાયઙ્ગાનેવ, તાનિ નિસ્સગ્ગિયાનિ હિ.
૭૪૧.
પુરિસં અપિતરં હન્ત્વા, ઇત્થિં હન્ત્વા અમાતરં;
આનન્તરિયકં કમ્મં, આપજ્જતિ કથં નરો?
૭૪૨.
પરિવત્તે તુ લિઙ્ગસ્મિં, પિતરં ઇત્થિતં ગતં;
માતરં પુરિસત્તં તુ, ગતં હન્ત્વા ગરું ફુસે.
૭૪૩.
માતરં પન મારેત્વા, મારેત્વા પિતરમ્પિ ચ;
આનન્તરિયકં કમ્મં, નાપજ્જેય્ય કથં નરો?
૭૪૪.
તિરચ્છાનગતા માતા, તિરચ્છાનગતો પિતા;
માતરં પિતરં હન્ત્વા, નાનન્તરિયકં ફુસે.
૭૪૫.
ચોદેત્વા સમ્મુખીભૂતં, સઙ્ઘો કમ્મં કરેય્ય ચે;
કથં કમ્મં અકમ્મં તં, સઙ્ઘો સાપત્તિકો સિયા?
૭૪૬.
વુત્તં તુ પણ્ડકાદીનં, સન્ધાય ઉપસમ્પદં;
અનાપત્તિસ્સ કમ્મં તુ, સન્ધાયાતિ કુરુન્દિયં.
૭૪૭.
કપ્પબિન્દુકતં રત્તં, ચીવરં તુ અધિટ્ઠિતં;
કથમસ્સ સિયાપત્તિ, સેવમાનસ્સ દુક્કટં?
૭૪૮.
સકં અનિસ્સજિત્વાન, યો નિસ્સગ્ગિયચીવરં;
પરિભુઞ્જતિ તસ્સાય-માપત્તિ પરિદીપિતા.
૭૪૯.
પઞ્ચ પાચિત્તિયાનેવ, નાનાવત્થુકતાનિ હિ;
અપુબ્બં અચરિમં એક-ક્ખણે આપજ્જતે કથં?
૭૫૦.
ભેસજ્જાનિ હિ પઞ્ચેવ, ગહેત્વા ભાજને વિસું;
ઠપિતેસુ ચ સત્તાહા-તિક્કમે હોન્તિ પઞ્ચપિ.
૭૫૧.
ન
ન ચાપિ ચિત્તં મરણાય તસ્સ;
દેન્તસ્સ પારાજિકમાહ સત્થા;
થુલ્લચ્ચયં તં પટિગણ્હતોપિ.
૭૫૨.
સલાકં સઙ્ઘભેદાય, પદેન્તસ્સ પરાજયો;
હોતિ થુલ્લચ્ચયં તસ્સ, સલાકં પટિગણ્હતો.
૭૫૩.
એકત્થ નિક્ખિપિત્વાન, ચીવરં અદ્ધયોજને;
અરુણં ઉટ્ઠાપેન્તસ્સ, અનાપત્તિ કથં સિયા?
૭૫૪.
સુપ્પતિટ્ઠિતનિગ્રોધ-સદિસે રુક્ખમૂલકે;
અનાપત્તિ હિ સો રુક્ખો, હોતિ એકકુલસ્સ ચે.
૭૫૫.
કથં આપત્તિયો નાના-;
વત્થુકાયો હિ કાયિકા;
અપુબ્બં અચરિમં એક-;
ક્ખણે સમ્બહુલા ફુસે?
૭૫૬.
નાનિત્થીનં તુ કેસે વા, તાસં અઙ્ગુલિયોપિ વા;
એકતો ગહણે તસ્સ, હોન્તિ સમ્બહુલા પન.
૭૫૭.
કથં વાચસિકા નાના-વત્થુકાયો ન કાયિકા;
અપુબ્બં અચરિમં એક-ક્ખણે આપત્તિયો ફુસે?
૭૫૮.
દુટ્ઠુલ્લં યો વદતિ ચ વાચં;
‘‘સબ્બા તુમ્હે સિખરણિયો’’તિ;
વુત્તા દોસા વિનયનસત્થે;
તસ્સિત્થીનં ગણનવસેન.
૭૫૯.
ઇત્થિયા પુરિસેનાપિ, પણ્ડકેન નિમિત્તકે;
મેથુનં ન ચ સેવન્તો, મેથુનપ્પચ્ચયા ચુતો?
૭૬૦.
મેથુને પુબ્બભાગં તુ, કાયસંસગ્ગતં ગતા;
મેથુનપ્પચ્ચયા છેજ્જં, આપન્ના અટ્ઠવત્થુકં.
૭૬૧.
માતરં
કેનસ્સ હોતિ આપત્તિ, અનાપત્તિ ચ ઞાતકે?
૭૬૨.
વસ્સસાટિકલાભત્થં
સિયાપત્તિ સતુપ્પાદં, કરોતો માતરમ્પિ ચ.
૭૬૩.
સઙ્ઘાદિસેસમાપત્તિં, પાચિત્તિં દુક્કટં કથં;
પાટિદેસનિયં થુલ્લ-ચ્ચયં એકક્ખણે ફુસે?
૭૬૪.
અવસ્સુતાવસ્સુતહત્થતો હિ;
પિણ્ડં ગહેત્વા લસુણં પણીતં;
મનુસ્સમંસઞ્ચ અકપ્પમઞ્ઞં;
સબ્બેકતો ખાદતિ, હોન્તિ તસ્સા.
૭૬૫.
એકો ઉપજ્ઝાયકપુગ્ગલેકો;
આચરિયકો દ્વેપિ ચ પુણ્ણવસ્સા;
એકાવ તેસં પન કમ્મવાચા;
એકસ્સ કમ્મં તુ ન રૂહતે કિં?
૭૬૬.
કેસગ્ગમત્તમ્પિ મહિદ્ધિકેસુ;
આકાસગો હોતિ સચે પનેકો;
કતમ્પિ તં રૂહતિ નેવ કમ્મં;
આકાસગસ્સેવ, ન ભૂમિગસ્સ.
૭૬૭.
સઙ્ઘેનપિ હિ આકાસે, ઠિતેન પન ઇદ્ધિયા;
ભૂમિગસ્સ ન કાતબ્બં, કરોતિ યદિ કુપ્પતિ.
૭૬૮.
ન ચ કપ્પકતં વત્થં, ન ચ રત્તં અકપ્પિયં;
નિવત્થસ્સ પનાપત્તિ, અનાપત્તિ કથં સિયા?
૭૬૯.
અચ્છિન્નચીવરસ્સેત્થ, ભિક્ખુસ્સ પન કિઞ્ચિપિ;
ન ચસ્સાકપ્પિયં નામ, ચીવરં પન વિજ્જતિ.
૭૭૦.
ન
ન તુ દેતિ ચ કિઞ્ચિપિ ભોજનતો;
ગરુકં પન વજ્જમુપેતિ કથં;
વદ મે વિનયે કુસલોસિ યદિ?
૭૭૧.
આદાય યં કિઞ્ચિ અવસ્સુતમ્હા;
ઉય્યોજિતા ભુઞ્જતિ ભોજનઞ્ચે;
ઉય્યોજિતા
સઙ્ઘાદિસેસં કથયન્તિ ધીરા.
૭૭૨.
કસ્સચિ કિઞ્ચિ ન દેતિ સહત્થા;
નેવ ચ ગણ્હતિ કિઞ્ચિ કુતોચિ;
વજ્જમુપેતિ લહું, ન ગરું તુ;
બ્રૂહિ કથં યદિ બુજ્ઝસિ સાધુ?
૭૭૩.
દન્તપોનોદકાનં તુ, ગહણે પન ભિક્ખુની;
ઉય્યોજેન્તી લહું વજ્જં, આપજ્જતિ નિસેવિતે.
૭૭૪.
આપજ્જતિ પનાપત્તિં, ગરુકં સાવસેસકં;
છાદેતિ, ન ફુસે વજ્જં, કથં જાનાસિ મે વદ?
૭૭૫.
સઙ્ઘાદિસેસમાપત્તિં, આપજ્જિત્વા અનાદરો;
છાદેન્તોપિ તમાપત્તિં, નાઞ્ઞં ઉક્ખિત્તકો ફુસે.
૭૭૬.
સપ્પાણપ્પાણજં નેવ, જઙ્ગમં ન વિહઙ્ગમં;
દ્વિજં કન્તમકન્તઞ્ચ, સચે જાનાસિ મે વદ?
૭૭૭.
સપ્પાણપ્પાણજો વુત્તો;
ચિત્તજો ઉતુજોપિ ચ;
દ્વીહેવ પન જાતત્તા;
મતો સદ્દો દ્વિજોતિ હિ.
૭૭૮.
વિનયે
સુજનસ્સ સુખાનયને નયને;
પટુ હોતિ પધાનરતો ન રતો;
ઇધ યો પન સારમતે રમતે.
સેદમોચનગાથાયો સમત્તા.
સાધારણાસાધારણકથા
૭૭૯.
સબ્બસિક્ખાપદાનાહં
ભિક્ખૂહિ ભિક્ખુનીનઞ્ચ, ભિક્ખૂનં ભિક્ખુનીહિ ચ.
૭૮૦.
અસાધારણપઞ્ઞત્તં, તથા સાધારણમ્પિ ચ;
પવક્ખામિ સમાસેન, તં સુણાથ સમાહિતા.
૭૮૧.
નિદાનં નામ વેસાલી, તથા રાજગહં પુરં;
સાવત્થાળવિ કોસમ્બી, સક્કભગ્ગા પકાસિતા.
૭૮૨.
કતિ વેસાલિયા વુત્તા, કતિ રાજગહે કતા?
કતિ સાવત્થિપઞ્ઞત્તા, કતિ આળવિયં કતા?
૭૮૩.
કતિ કોસમ્બિપઞ્ઞત્તા, કતિ સક્કેસુ ભાસિતા?
કતિ ભગ્ગેસુ પઞ્ઞત્તા, તં મે અક્ખાહિ પુચ્છિતો?
૭૮૪.
દસ વેસાલિયા વુત્તા, એકવીસ ગિરિબ્બજે;
છઊનાનિ સતાનેવ, તીણિ સાવત્થિયં કતા.
૭૮૫.
છ પનાળવિયં વુત્તા, અટ્ઠ કોસમ્બિયં કતા;
અટ્ઠ સક્કેસુ પઞ્ઞત્તા, તયો ભગ્ગેસુ દીપિતા.
૭૮૬.
મેથુનં વિગ્ગહો ચેવ, ચતુત્થન્તિમવત્થુકં;
અતિરેકચીવરં સુદ્ધ-કાળકેળકલોમકં.
૭૮૭.
ભૂતં
ભિક્ખુનીસુ ચ અક્કોસો, દસ વેસાલિયં કતા.
૭૮૮.
દુતિયન્તિમવત્થુઞ્ચ, દ્વે અનુદ્ધંસનાનિ ચ;
સઙ્ઘભેદા દુવે ચેવ, ચીવરસ્સ પટિગ્ગહો.
૭૮૯.
રૂપિયં સુત્તવિઞ્ઞત્તિ, તથા ઉજ્ઝાપનમ્પિ ચ;
પરિપાચિતપિણ્ડો ચ, તથેવ ગણભોજનં.
૭૯૦.
વિકાલભોજનઞ્ચેવ, ચારિત્તં ન્હાનમેવ ચ;
ઊનવીસતિવસ્સઞ્ચ, દત્વા સઙ્ઘેન ચીવરં.
૭૯૧.
વોસાસન્તી ચ નચ્ચં વા, ગીતં વા ચારિકદ્વયં;
છન્દદાનેનિમે રાજ-ગહસ્મિં એકવીસતિ.
૭૯૨.
કુટિ
સપ્પાણકઞ્ચ સિઞ્ચન્તિ, એતે છાળવિયં કતા.
૭૯૩.
મહલ્લકવિહારો ચ, દોવચસ્સં તથેવ ચ;
અઞ્ઞેનઞ્ઞં તથા દ્વાર-કોસા મજ્ઝઞ્ચ પઞ્ચમં.
૭૯૪.
અનાદરિયં સહધમ્મો, પયોપાનઞ્ચ સેખિયે;
કોસમ્બિયં તુ પઞ્ઞત્તા, અટ્ઠિમે સુદ્ધદિટ્ઠિના.
૭૯૫.
ધોવનેળકલોમાનિ, પત્તો ચ દુતિયો પન;
ઓવાદોપિ ચ ભેસજ્જં, સૂચિ આરઞ્ઞકેસુ ચ.
૭૯૬.
ઉદકસુદ્ધિકઞ્ચેવ, ઓવાદાગમનમ્પિ ચ;
પુરે કપિલવત્થુસ્મિં, પઞ્ઞત્તા પન અટ્ઠિમે.
૭૯૭.
જોતિં સમાદહિત્વાન, સામિસેન સસિત્થકં;
ઇમે ભગ્ગેસુ પઞ્ઞત્તા, તયો આદિચ્ચબન્ધુના.
૭૯૮.
પારાજિકાનિ ચત્તારિ, ગરુકા સોળસા, દુવે;
અનિયતા, ચતુત્તિંસ, હોન્તિ નિસ્સગ્ગિયાનિ હિ.
૭૯૯.
છપ્પણ્ણાસસતઞ્ચેવ
દસેવ પન ગારય્હા, દ્વેસત્તતિ ચ સેખિયા.
૮૦૦.
છઊનાનિ ચ તીણેવ, સતાનિ સમચેતસા;
ઇમે વુત્તાવસેસા હિ, સબ્બે સાવત્થિયં કતા.
૮૦૧.
પારાજિકાનિ ચત્તારિ, સત્ત સઙ્ઘાદિસેસકા;
નિસ્સગ્ગિયાનિ અટ્ઠેવ, દ્વત્તિંસેવ ચ ખુદ્દકા.
૮૦૨.
દ્વે ગારય્હા, તયો સેખા, છપ્પઞ્ઞાસેવ સબ્બસો;
ભવન્તિ છસુ પઞ્ઞત્તા, નગરેસુ ચ પિણ્ડિતા.
૮૦૩.
સબ્બાનેવ પનેતાનિ, નગરેસુ ચ સત્તસુ;
અડ્ઢુડ્ઢાનિ સતાનેવ, પઞ્ઞત્તાનિ ભવન્તિ હિ.
૮૦૪.
સિક્ખાપદાનિ ભિક્ખૂનં, વીસઞ્ચ દ્વે સતાનિ ચ;
ભિક્ખુનીનં તુ ચત્તારિ, તથા તીણિ સતાનિ ચ.
૮૦૫.
પારાજિકાનિ ચત્તારિ, ગરુકા પન તેરસ;
અનિયતા દુવે વુત્તા, તિંસ નિસ્સગ્ગિયાનિ ચ.
૮૦૬.
ખુદ્દકા
નિપ્પપઞ્ચેન નિદ્દિટ્ઠા, પઞ્ચસત્તતિ સેખિયા.
૮૦૭.
દ્વે સતાનિ ચ વીસઞ્ચ, વસા ભિક્ખૂનમેવ ચ;
સિક્ખાપદાનિ ઉદ્દેસમાગચ્છન્તિ ઉપોસથે.
૮૦૮.
પારાજિકાનિ અટ્ઠેવ, ગરુકા દસ સત્ત ચ;
નિસ્સગ્ગિયાનિ તિંસેવ, છસટ્ઠિ ચ સતમ્પિ ચ.
૮૦૯.
ખુદ્દકાનટ્ઠ ગારય્હા, પઞ્ચસત્તતિ સેખિયા;
સબ્બાનિ પન ચત્તારિ, તથા તીણિ સતાનિ ચ.
૮૧૦.
ભવન્તિ પન એતાનિ, ભિક્ખુનીનં વસા પન;
સિક્ખાપદાનિ ઉદ્દેસમાગચ્છન્તિ ઉપોસથે.
૮૧૧.
છચત્તાલીસ હોન્તેવ, ભિક્ખૂનં ભિક્ખુનીહિ તુ;
અસાધારણભાવં તુ, ગમિતાનિ મહેસિના.
૮૧૨.
છ
દ્વાદસેવ ચ નિસ્સગ્ગા, દ્વાવીસતિ ચ ખુદ્દકા.
૮૧૩.
ચત્તારોપિ ચ ગારય્હા, છચત્તાલીસ હોન્તિમે;
ભિક્ખૂનંયેવ પઞ્ઞત્તા, ગોતમેન યસસ્સિના.
૮૧૪.
વિસટ્ઠિ કાયસંસગ્ગો, દુટ્ઠુલ્લં અત્તકામતા;
કુટિ ચેવ વિહારો ચ, છળેતે ગરુકા સિયું.
૮૧૫.
નિસ્સગ્ગિયાદિવગ્ગસ્મિં, ધોવનઞ્ચ પટિગ્ગહો;
એળકલોમવગ્ગેપિ, આદિતો પન સત્ત ચ.
૮૧૬.
તતિયેપિ ચ વગ્ગસ્મિં, પત્તો ચ પઠમો તથા;
વસ્સસાટિકમારઞ્ઞ-મિતિ દ્વાદસ દીપિતા.
૮૧૭.
પાચિત્તિયાનિ વુત્તાનિ, સબ્બાનિ ગણનાવસા;
ભિક્ખૂનં ભિક્ખુનીનઞ્ચ, અટ્ઠાસીતિસતં, તતો.
૮૧૮.
સબ્બો ભિક્ખુનિવગ્ગોપિ, સપરમ્પરભોજનો;
તથા અનતિરિત્તો ચ, અભિહટ્ઠું પવારણા.
૮૧૯.
પણીતભોજનવિઞ્ઞત્તિ, તથેવાચેલકોપિ ચ;
નિમન્તિતો સભત્તો ચ, દુટ્ઠુલ્લચ્છાદનમ્પિ ચ.
૮૨૦.
ઊનવીસતિવસ્સં
અન્તેપુરપ્પવેસો ચ, વસ્સસાટિ નિસીદનં.
૮૨૧.
ખુદ્દકાનિ પનેતાનિ, દ્વાવીસતિ ભવન્તિ હિ;
ચત્તારો પન ગારય્હા, ભિક્ખૂનં પાતિમોક્ખકે.
૮૨૨.
એકતો પન પઞ્ઞત્તા, છચત્તાલીસ હોન્તિમે;
ભિક્ખુનીહિ તુ ભિક્ખૂનં, અસાધારણતં ગતા.
૮૨૩.
ભિક્ખૂહિ ભિક્ખુનીનઞ્ચ, સતં તિંસ ભવન્તિ હિ;
અસાધારણભાવં તુ, ગમિતાનિ મહેસિના.
૮૨૪.
પારાજિકાનિ ચત્તારિ, દસ સઙ્ઘાદિસેસકા;
દ્વાદસેવ ચ નિસ્સગ્ગા, ખુદ્દકા નવુતિચ્છ ચ.
૮૨૫.
અટ્ઠેવ
ભિક્ખુનીનઞ્ચ ભિક્ખૂહિ, અસાધારણતં ગતા.
૮૨૬.
ભિક્ખુનીનં તુ સઙ્ઘાદિ-સેસેહિ છ પનાદિતો;
યાવતતિયકા ચેવ, ચત્તારોતિ ઇમે દસ.
૮૨૭.
અકાલચીવરઞ્ચેવ, તથા અચ્છિન્નચીવરં;
સત્તઞ્ઞદત્થિકાદીનિ, પત્તો ચેવ ગરું લહું.
૮૨૮.
દ્વાદસેવ પનેતાનિ, ભિક્ખુનીનં વસેનિધ;
નિસ્સગ્ગિયાનિ સત્થારા, પઞ્ઞત્તાનિ પનેકતો.
૮૨૯.
અસાધારણપઞ્ઞત્તા, ખુદ્દકા નવુતિચ્છ ચ;
ગારય્હા ચ પનટ્ઠાતિ, સબ્બેવ ગણનાવસા.
૮૩૦.
ભિક્ખુનીનં તુ ભિક્ખૂહિ, અસાધારણતં ગતા;
એકતોયેવ પઞ્ઞત્તા, સતં તિંસ ભવન્તિ હિ.
૮૩૧.
અસાધારણુભિન્નમ્પિ, સતં સત્તતિ ચચ્છ ચ;
પારાજિકાનિ ચત્તારિ, ગરુકા ચ દસચ્છ ચ.
૮૩૨.
અનિયતા દુવે ચેવ, નિસ્સગ્ગા ચતુવીસતિ;
સતં અટ્ઠારસેવેત્થ, ખુદ્દકા પરિદીપિતા.
૮૩૩.
દ્વાદસેવ ચ ગારય્હા, સતં સત્તતિ ચચ્છ ચ;
અસાધારણુભિન્નમ્પિ, ઇમેતિ પરિદીપિતા.
૮૩૪.
સાધારણા
સતં સત્તતિ ચત્તારિ, ભવન્તીતિ પકાસિતા.
૮૩૫.
પારાજિકાનિ ચત્તારિ, સત્ત સઙ્ઘાદિસેસકા;
અટ્ઠારસ ચ નિસ્સગ્ગા, સમસત્તતિ ખુદ્દકા.
૮૩૬.
પઞ્ચસત્તતિ પઞ્ઞત્તા, સેખિયાપિ ચ સબ્બસો;
સતં સત્તતિ ચત્તારિ, ઉભિન્નં સમસિક્ખતા.
સાધારણાસાધારણકથા.
લક્ખણકથા
૮૩૭.
ઇતો
સવને સાદરં કત્વા, વદતો મે નિબોધથ.
૮૩૮.
નિદાનં પુગ્ગલો વત્થુ, પઞ્ઞત્તિવિધિમેવ ચ;
વિપત્તાપત્તનાપત્તિ, આણત્તઙ્ગકિરિયાપિ ચ.
૮૩૯.
સઞ્ઞાચિત્તસમુટ્ઠાનં, વજ્જકમ્મપભેદકં;
તિકદ્વયન્તિ સબ્બત્થ, યોજેતબ્બમિદં પન.
૮૪૦.
પુબ્બે વુત્તનયં યઞ્ચ, યઞ્ચ ઉત્તાનમેવિધ;
તં સબ્બં પન વજ્જેત્વા, કરિસ્સામત્થજોતનં.
૮૪૧.
પુગ્ગલો નામ યં યં તુ, ભિક્ખુમારબ્ભ ભિક્ખુનિં;
સિક્ખાપદં તુ પઞ્ઞત્તં, અયં વુચ્ચતિ પુગ્ગલો.
૮૪૨.
તેવીસતિવિધા તે ચ, સુદિન્નધનિયાદયો;
ભિક્ખૂનં પાતિમોક્ખસ્મિં, આદિકમ્મિકપુગ્ગલા.
૮૪૩.
ભિક્ખુનીનં તથા પાતિ-મોક્ખસ્મિં આદિકમ્મિકા;
થુલ્લનન્દાદયો સત્ત, સબ્બે તિંસ ભવન્તિ હિ.
૮૪૪.
વત્થૂતિ પુગ્ગલસ્સેવ, તસ્સ તસ્સ ચ સબ્બસો;
વત્થુનો તસ્સ તસ્સેવ, અજ્ઝાચારો પવુચ્ચતિ.
૮૪૫.
કેવલા પઞ્ઞત્તિ, મૂલભૂતા તથેવ સા;
અન્વનુપ્પન્નસબ્બત્થ-પદેસપદપુબ્બિકા.
૮૪૬.
સાધારણા ચ પઞ્ઞત્તિ, તથાસાધારણાપિ ચ;
એકતોઉભતોપુબ્બા, એવં નવવિધા સિયા.
૮૪૭.
તત્થ ‘‘યો મેથુનં ધમ્મં, પટિસેવેય્ય ભિક્ખુ’’તિ;
‘‘અદિન્નં આદિયેય્યા’’તિ, પઞ્ઞત્તિચ્ચેવમાદિકા.
૮૪૮.
હોતિ
ઇચ્ચેવમાદિકા સબ્બા, અનુપઞ્ઞત્તિ દીપિતા.
૮૪૯.
તથાનુપ્પન્નપઞ્ઞત્તિ, અનુપ્પન્ને તુ વજ્જકે;
અટ્ઠન્નં ગરુધમ્માનં, વસેનેવાગતા હિ સા.
૮૫૦.
ચમ્મત્થરણકઞ્ચેવ, સગુણઙ્ગુણુપાહનં;
તથેવ ચ ધુવન્હાનં, પઞ્ચવગ્ગૂપસમ્પદા.
૮૫૧.
એસા પદેસપઞ્ઞત્તિ, નામાતિ હિ ચતુબ્બિધા;
વુત્તા મજ્ઝિમદેસસ્મિં-યેવ હોતિ, ન અઞ્ઞતો.
૮૫૨.
ઇતો સેસા હિ સબ્બત્થ-પઞ્ઞત્તીતિ પકાસિતા;
અત્થતો એકમેવેત્થ, સાધારણદુકાદિકં.
૮૫૩.
સાણત્તિકા પનાપત્તિ, હોતિ નાણત્તિકાપિ ચ;
આણત્તીતિ ચ નામેસા, ઞેય્યા આણાપના પન.
૮૫૪.
આપત્તીનં તુ સબ્બાસં, સબ્બસિક્ખાપદેસુપિ;
સબ્બો પનઙ્ગભેદો હિ, વિઞ્ઞાતબ્બો વિભાવિના.
૮૫૫.
કાયેનપિ ચ વાચાય, યા કરોન્તસ્સ જાયતે;
અયં ક્રિયસમુટ્ઠાના, નામ પારાજિકા વિય.
૮૫૬.
કાયવાચાહિ કત્તબ્બં, અકરોન્તસ્સ હોતિ યા;
સા ચાક્રિયસમુટ્ઠાના, પઠમે કથિને વિય.
૮૫૭.
કરોન્તસ્સાકરોન્તસ્સ, ભિક્ખુનો હોતિ યા પન;
સા ક્રિયાક્રિયતો હોતિ, ચીવરગ્ગહણે વિય.
૮૫૮.
સિયા પન કરોન્તસ્સ, અકરોન્તસ્સ યા સિયા;
સા ક્રિયાક્રિયતો હોતિ, રૂપિયુગ્ગહણે વિય.
૮૫૯.
તથા
યા કરોતો અકુબ્બતો;
સિયા કિરિયતો ચેવ;
સા ક્રિયાક્રિયતોપિ ચ.
૮૬૦.
સબ્બા ચાપત્તિયો સઞ્ઞા-;
વસેન દુવિધા સિયું;
સઞ્ઞાવિમોક્ખા નોસઞ્ઞા-;
વિમોક્ખાતિ પકાસિતા.
૮૬૧.
વીતિક્કમનસઞ્ઞાય, અભાવેન યતો પન;
વિમુચ્ચતિ અયં સઞ્ઞા-વિમોક્ખાતિ પકાસિતા.
૮૬૨.
ઇતરા પન નોસઞ્ઞા-વિમોક્ખાતિ પકાસિતા;
પુન સબ્બાવ ચિત્તસ્સ, વસેન દુવિધા સિયું.
૮૬૩.
સચિત્તકા અચિત્તાતિ, સુચિત્તેન પકાસિતા;
સચિત્તકસમુટ્ઠાન-વસેન પન યા સિયા.
૮૬૪.
અયં સચિત્તકા નામ, આપત્તિ પરિદીપિતા;
સચિત્તકેહિ વા મિસ્સ-વસેનાયમચિત્તકા.
૮૬૫.
સબ્બા ચાપત્તિયો વજ્જ-વસેન દુવિધા રુતા;
સુવિજ્જેનાનવજ્જેન, લોકપણ્ણત્તિવજ્જતો.
૮૬૬.
યસ્સા સચિત્તકે પક્ખે, ચિત્તં અકુસલં સિયા;
લોકવજ્જાતિ નામાયં, સેસા પણ્ણત્તિવજ્જકા.
૮૬૭.
સબ્બા ચાપત્તિયો કમ્મ-વસેન તિવિધા સિયું;
કાયકમ્મં વચીકમ્મં, તથા તદુભયમ્પિ ચ.
૮૬૮.
તિકદ્વયન્તિ નામેતં, કુસલાદિતિકદ્વયં;
કુસલાકુસલચિત્તો વા, તથાબ્યાકતમાનસો.
૮૬૯.
હુત્વા
સુખવેદનાસમઙ્ગી વા, તથા દુક્ખાદિસંયુતો.
૮૭૦.
ઇદં તુ લક્ખણં વુત્તં, સબ્બસિક્ખાપદેસુપિ;
યોજેત્વા પન દસ્સેય્ય, વિનયસ્મિં વિસારદો.
૮૭૧.
તરું
ચતુસ્સિખં સત્તફલં છપુપ્ફં;
જાનાતિ યો દ્વિપ્પભવં દ્વિસાખં;
જાનાતિ પઞ્ઞત્તિમસેસતો સો.
૮૭૨.
ઇમમુત્તરં ગતમનુત્તરતં;
પરિયાપુણાતિ પરિપુચ્છતિ યો;
ઉપયાતનુત્તરતમુત્તરતો;
સ ચ કાયવાચવિનયે વિનયે.
લક્ખણકથા.
૮૭૩.
સોળસપરિવારસ્સ, પરિવારસ્સ સબ્બસો;
ઇતો પરં પવક્ખામિ, સબ્બસઙ્કલનં નયં.
૮૭૪.
કતિ આપત્તિયો વુત્તા;
કાયિકા, વાચસિકા કતિ?
છાદેન્તસ્સ કતાપત્તી;
કતિ સંસગ્ગપચ્ચયા?
૮૭૫.
કાયિકા છબ્બિધાપત્તિ, તથા વાચસિકાપિ ચ;
છાદેન્તસ્સ ચ તિસ્સોવ, પઞ્ચ સંસગ્ગપચ્ચયા.
૮૭૬.
કતિ આપત્તિમૂલાનિ, પઞ્ઞત્તાનિ મહેસિના?
કતિ આપત્તિયો વુત્તા, દુટ્ઠુલ્લચ્છાદને પન?
૮૭૭.
દ્વે
પારાજિકા ચ પાચિત્તિ, દુટ્ઠુલ્લચ્છાદને સિયું.
૮૭૮.
કતિ ગામન્તરે વુત્તા, નદીપારે તથા કતિ?
કતિ થુલ્લચ્ચયં મંસે, કતિ મંસેસુ દુક્કટં?
૮૭૯.
ગામન્તરે ચતસ્સોવ, નદીપારેપિ તત્તકા;
થુલ્લચ્ચયં મનુસ્સાનં, મંસે, નવસુ દુક્કટં.
૮૮૦.
ભિક્ખુ ભિક્ખુનિયા સદ્ધિં, સંવિધાતિ ચ દુક્કટં;
પાચિત્તઞ્ઞસ્સ ગામસ્સ, ઉપચારોક્કમે સિયા.
૮૮૧.
થુલ્લચ્ચયં
ગરુકં દુતિયે તસ્સા, ગામન્તરં વજન્તિયા.
૮૮૨.
તથા ભિક્ખુનિયા સદ્ધિં, સંવિધાને તુ દુક્કટં;
અભિરૂહતિ નાવં ચે, હોતિ પાચિત્તિ ભિક્ખુનો.
૮૮૩.
નદિયુત્તરણે કાલે, પાદે થુલ્લચ્ચયં ફુસે;
પઠમે, દુતિયે તસ્સા, હોતિ ભિક્ખુનિયા ગરું.
૮૮૪.
કતિ વાચસિકા રત્તિં, કતિ વાચસિકા દિવા?
દુવે વાચસિકા રત્તિં, દુવે વાચસિકા દિવા.
૮૮૫.
રત્તન્ધકારે પુરિસેન સદ્ધિં;
ઠિતા અદીપે પન હત્થપાસે;
પાચિત્તિ તસ્સા યદિ સલ્લપેય્ય;
વદેય્ય ચે દુક્કટમેવ દૂરે.
૮૮૬.
છન્ને દિવા યા પુરિસેન સદ્ધિં;
ઠિતા વદેય્યસ્સ ચ હત્થપાસે;
પાચિત્તિ, હિત્વા પન હત્થપાસં;
વદેય્ય ચે દુક્કટમેવ તસ્સા.
૮૮૭.
કતિ વા દદમાનસ્સ, કતિ વા પટિગણ્હતો?
દદમાનસ્સ તિસ્સોવ, ચતસ્સોવ પટિગ્ગહે.
૮૮૮.
મનુસ્સસ્સ
હોતિ પારાજિકં, યક્ખે, પેતે થુલ્લચ્ચયં મતં.
૮૮૯.
તિરચ્છાનગતે તેન, મતે પાચિત્તિયં સિયા;
તથા પાચિત્તિ અઞ્ઞાતિ-કાય ચે દેતિ ચીવરં.
૮૯૦.
હત્થગાહે તથા વેણિ-ગાહે સઙ્ઘાદિસેસતા;
મુખેન અઙ્ગજાતસ્સ, ગહણે તુ પરાજયો.
૮૯૧.
અઞ્ઞાતિકાય હત્થમ્હા, ચીવરસ્સ પટિગ્ગહે;
સનિસ્સગ્ગા ચ પાચિત્તિ, હોતીતિ પરિયાપુતા.
૮૯૨.
અવસ્સુતસ્સ હત્થમ્હા, સયં વાપિ અવસ્સુતા;
હોતિ થુલ્લચ્ચયં તસ્સા, ભોજનં પટિગણ્હતો.
૮૯૩.
કતિ
એકા એવ પનુદ્દિટ્ઠા, ભિક્ખુનોવાદસમ્મુતિ.
૮૯૪.
કતિ ધઞ્ઞરસા વુત્તા, વિકાલે કપ્પિયા પન?
લોણસોવીરકં એકં, વિકાલે કપ્પિયં મતં.
૮૯૫.
કતિ પારાજિકા કાયા, કતિ સંવાસભૂમિયો?
રત્તિચ્છેદો કતીનં તુ, પઞ્ઞત્તા દ્વઙ્ગુલા કતિ?
૮૯૬.
પારાજિકાનિ કાયમ્હા, દ્વે દ્વે સંવાસભૂમિયો;
રત્તિચ્છેદો દુવિન્નં તુ, પઞ્ઞત્તા દ્વઙ્ગુલા દુવે.
૮૯૭.
પઠમન્તિમવત્થુઞ્ચ, કાયસંસગ્ગજમ્પિ ચ;
પારાજિકાનિ કાયમ્હા, ઇમે દ્વે પન જાયરે.
૮૯૮.
સમાનસંવાસકભૂમિ એકા;
તથેવ નાનાપદપુબ્બિકા ચ;
દ્વે એવ સંવાસકભૂમિયો હિ;
મહેસિના કારુણિકેન વુત્તા.
૮૯૯.
પારિવાસિકભિક્ખુસ્સ
રત્તિચ્છેદો દુવિન્નં તુ, દ્વયાતીતેન દીપિતો.
૯૦૦.
દ્વઙ્ગુલપબ્બપરમં, આદાતબ્બં, તથેવ ચ;
દ્વઙ્ગુલં વા દુમાસં વા, પઞ્ઞત્તા દ્વઙ્ગુલા દુવે.
૯૦૧.
કતિ પાણાતિપાતસ્મિં, વાચા પારાજિકા કતિ?
કતિ ઓભાસને વુત્તા, સઞ્ચરિત્તે તથા કતિ?
૯૦૨.
તિસ્સો પાણાતિપાતસ્મિં;
વાચા પારાજિકા તયો;
ઓભાસને તયો વુત્તા;
સઞ્ચરિત્તે તથા તયો.
૯૦૩.
અનોદિસ્સકમોપાતે, ખતે મરતિ માનુસો;
પારાજિકં સિયા, યક્ખે, પેતે થુલ્લચ્ચયં મતે.
૯૦૪.
તિરચ્છાનગતે તત્થ, મતે પાચિત્તિયં વદે;
ઇમા પાણાતિપાતસ્મિં, તિસ્સો આપત્તિયો સિયું.
૯૦૫.
મનુસ્સમારણાદિન્ના-દાનમાણત્તિયાપિ
મનુસ્સુત્તરિધમ્મઞ્ચ, વદતો વાચિકા તયો.
૯૦૬.
મગ્ગદ્વયં પનોદિસ્સ, વણ્ણાદિભણને ગરું;
થુલ્લચ્ચયં પનોદિસ્સ, ઉબ્ભજાણુમધક્ખકં.
૯૦૭.
ઉબ્ભક્ખકમધોજાણુ-માદિસ્સ ભણતો પન;
દુક્કટં પન નિદ્દિટ્ઠં, તિસ્સો ઓભાસના યિમા.
૯૦૮.
પટિગ્ગણ્હનતાદીહિ, તીહિ સઙ્ઘાદિસેસતા;
દ્વીહિ થુલ્લચ્ચયં વુત્તં, એકેન પન દુક્કટં.
૯૦૯.
છિન્દતો કતિ આપત્તિ, છડ્ડિતપ્પચ્ચયા કતિ?
છિન્દન્તસ્સ તુ તિસ્સોવ, પઞ્ચ છડ્ડિતપચ્ચયા.
૯૧૦.
હોતિ પારાજિકં તસ્સ, છિન્દન્તસ્સ વનપ્પતિં;
ભૂતગામં તુ પાચિત્તિ, અઙ્ગજાતં તુ થુલ્લતા.
૯૧૧.
વિસં
પારાજિકં, મતે યક્ખે, પેતે થુલ્લચ્ચયં સિયા.
૯૧૨.
તિરચ્છાને તુ પાચિત્તિ, વિસટ્ઠિછડ્ડને ગરું;
હરિતુચ્ચારપસ્સાવ-છડ્ડને દુક્કટં મતં.
૯૧૩.
ગચ્છતો કતિધાપત્તિ, ઠિતસ્સ કતિ મે વદ?
કતિ હોન્તિ નિસિન્નસ્સ, નિપન્નસ્સાપિ કિત્તકા?
૯૧૪.
ગચ્છન્તસ્સ ચતસ્સોવ, ઠિતસ્સાપિ ચ તત્તકા;
નિસિન્નસ્સ ચતસ્સોવ, નિપન્નસ્સાપિ તત્તકા.
૯૧૫.
ભિક્ખુ ભિક્ખુનિયા સદ્ધિં, સંવિધાને તુ દુક્કટં;
પાચિત્તઞ્ઞસ્સ ગામસ્સ, ઉપચારોક્કમે સિયા.
૯૧૬.
થુલ્લચ્ચયં પરિક્ખિત્તે, ગામસ્મિં પઠમે પદે;
ગરુકં દુતિયે હોતિ, ગામન્તરં વજન્તિયા.
૯૧૭.
પટિચ્છન્ને પનોકાસે, ભિક્ખુની મિત્તસન્થવા;
પોસસ્સ હત્થપાસે તુ, પાચિત્તિ યદિ તિટ્ઠતિ.
૯૧૮.
હત્થપાસં જહિત્વાન, સચે તિટ્ઠતિ દુક્કટં;
અરુણુગ્ગમને કાલે, દુતિયા હત્થપાસકં.
૯૧૯.
હિત્વા
હિત્વા તિટ્ઠતિ ચે તસ્સા, હોતિ સઙ્ઘાદિસેસતા.
૯૨૦.
નિસિન્નાય ચતસ્સોવ, નિપન્નાયાપિ તત્તકા;
હોન્તિ વુત્તપ્પકારાવ, વિઞ્ઞેય્યા વિનયઞ્ઞુના.
૯૨૧.
યાવતતિયકે વુત્તા, કતિ આપત્તિયો વદ?
યાવતતિયકે વુત્તા, તિસ્સો આપત્તિયો સુણ.
૯૨૨.
ફુસે પારાજિકાપત્તિં, ઉક્ખિત્તસ્સાનુવત્તિકા;
સઙ્ઘાદિસેસતા સઙ્ઘ-ભેદકસ્સાનુવત્તિનો.
૯૨૩.
અનિસ્સગ્ગે તુ પાચિત્તિ, પાપિકાય ચ દિટ્ઠિયા;
યાવતતિયકે તિસ્સો, હોન્તિ આપત્તિયો ઇમા.
૯૨૪.
ખાદતો
ખાદતો પન તિસ્સોવ, પઞ્ચ ભોજનકારણા.
૯૨૫.
થુલ્લચ્ચયં મનુસ્સાનં, મંસં ખાદતિ, દુક્કટં;
સેસકાનં તુ, પાચિત્તિ, લસુણં ભક્ખયન્તિયા.
૯૨૬.
અવસ્સુતસ્સ પોસસ્સ, હત્થતો હિ અવસ્સુતા;
ગહેત્વા ભોજનં કિઞ્ચિ, સબ્બં મંસં અકપ્પિયં.
૯૨૭.
વિઞ્ઞાપેત્વાન અત્તત્થં, ગહેત્વા ભોજનમ્પિ ચ;
લસુણમ્પિ ચ મિસ્સેત્વા, એકતજ્ઝોહરન્તિયા.
૯૨૮.
થુલ્લચ્ચયઞ્ચ પાચિત્તિ, પાટિદેસનિયમ્પિ ચ;
દુક્કટં ગરુકઞ્ચાતિ, પઞ્ચ આપત્તિયો સિયું.
૯૨૯.
ઓલોકેન્તસ્સ નિદ્દિટ્ઠા, કતિ આપત્તિયો વદ?
ઓલોકેન્તસ્સ નિદ્દિટ્ઠા, એકાપત્તિ મહેસિના.
૯૩૦.
દુક્કટં રત્તચિત્તેન, અઙ્ગજાતં પનિત્થિયા;
ઓલોકેન્તસ્સ વા વુત્તં, મુખં ભિક્ખં દદન્તિયા.
૯૩૧.
કતિ ઉક્ખિત્તકા વુત્તા, સમ્માવત્તનકા કતિ?
તયો ઉક્ખિત્તકા વુત્તા, તેચત્તાલીસ વત્તના.
૯૩૨.
અદસ્સનપ્પટીકમ્મે, આપન્નાપત્તિયા દુવે;
એકો અપ્પટિનિસ્સગ્ગે, પાપિકાય ચ દિટ્ઠિયા.
૯૩૩.
કતિ
તયો નાસિતકા વુત્તા, તિણ્ણન્નં એકવાચિકા.
૯૩૪.
મેત્તિયા દૂસકો ચેવ, કણ્ટકોતિ તયો ઇમે;
લિઙ્ગસંવાસદણ્ડેહિ, નાસિતા હિ યથાક્કમં.
૯૩૫.
એકુપજ્ઝાયકેનેવ, એકેનાચરિયેન ચ;
દ્વે તયો અનુસાવેતું, વટ્ટતીતિ ચ નિદ્દિસે.
૯૩૬.
ઞત્તિયા કપ્પના ચેવ, તથા વિપ્પકતમ્પિ ચ;
અતીતકરણઞ્ચેતિ, તયો કમ્મસ્સ સઙ્ગહા.
૯૩૭.
ઞત્તિયા કપ્પના નામ, ‘‘દદેય્ય’’ચ્ચેવમાદિકા;
‘‘દેતિ સઙ્ઘો, કરોતી’’તિ, આદિ વિપ્પકતં સિયા.
૯૩૮.
‘‘દિન્નં, કતં’’ પનિચ્ચાદિ, અતીતકરણં સિયા;
સઙ્ગય્હન્તિ હિ સબ્બાનિ, કમ્માનેતેહિ તીહિપિ.
૯૩૯.
સઙ્ઘે સલાકગાહેન, કમ્મેનપિ ચ કેવલં;
કારણેહિ પન દ્વીહિ, સઙ્ઘો ભિજ્જતિ, નઞ્ઞથા.
૯૪૦.
સઙ્ઘભેદકભિક્ખુસ્સ, તસ્સ પારાજિકં સિયા;
અનુવત્તકભિક્ખૂનં, થુલ્લચ્ચયમુદીરિતં.
૯૪૧.
પયુત્તાયુત્તવાચાય, કતિ આપત્તિયો ફુસે?
પયુત્તાયુત્તવાચાય, છ પનાપત્તિયો ફુસે.
૯૪૨.
આજીવહેતુ પાપિચ્છો, ઇચ્છાપકતમાનસો;
અસન્તં ઉત્તરિં ધમ્મં, ઉલ્લપન્તો પરાજિતો.
૯૪૩.
સઞ્ચરિત્તં સમાપન્ને, તથા સઙ્ઘાદિસેસતા;
યો તે વસતિ આરામે, વદં થુલ્લચ્ચયં ફુસે.
૯૪૪.
વિઞ્ઞાપેત્વા પણીતં તુ, ભોજનં ભિક્ખુ ભુઞ્જતિ;
પાચિત્તિ ભિક્ખુનિયા ચે, પાટિદેસનિયં સિયા.
૯૪૫.
વિઞ્ઞાપેત્વાન સૂપં વા, ઓદનં વા અનામયો;
ભિક્ખુ ભુઞ્જતિ ચે તસ્સ, હોતિ આપત્તિ દુક્કટં.
૯૪૬.
દસસતાનિ રત્તીનં, છાદેત્વાપત્તિયો પન;
દસ રત્તિયો વસિત્વાન, મુચ્ચેય્ય પારિવાસિકો.
૯૪૭.
પારાજિકાનિ
દ્વેયેવાનિયતા વુત્તા, બુદ્ધેનાદિચ્ચબન્ધુના.
૯૪૮.
નિસ્સગ્ગિયાનિ વુત્તાનિ, દ્વેચત્તાલીસ હોન્તિ હિ;
હોન્તિ પાચિત્તિયા સબ્બા, અટ્ઠાસીતિસતં પન.
૯૪૯.
પાટિદેસનિયા
વુત્તા પન સુસિક્ખેન, પઞ્ચસત્તતિ સેખિયા.
૯૫૦.
પઞ્ઞત્તાનિ સુપઞ્ઞેન, ગોતમેન યસસ્સિના;
ભવન્તિ પન સબ્બાનિ, અડ્ઢુડ્ઢાનિ સતાનિ હિ.
૯૫૧.
યો પનેતેસુ વત્તબ્બો;
સારભૂતો વિનિચ્છયો;
સો મયા સકલો વુત્તો;
સમાસેનેવ સબ્બથા.
૯૫૨.
મયા સુટ્ઠુ વિચારેત્વા, પાળિઅટ્ઠકથાનયં;
કતત્તા આદરં કત્વા, ઉગ્ગહેતબ્બમેવિદં.
૯૫૩.
અત્થે અક્ખરબન્ધે વા, વિઞ્ઞાસસ્સ કમેપિ વા;
કઙ્ખા તસ્મા ન કાતબ્બા, કાતબ્બા બહુમાનતા.
૯૫૪.
સઉત્તરં યો જાનાતિ;
વિનયસ્સ વિનિચ્છયં;
નિસ્સયં સો વિમુઞ્ચિત્વા;
યથાકામઙ્ગમો સિયા.
૯૫૫.
નિસ્સયં દાતુકામેન, સવિભઙ્ગં સમાતિકં;
સુટ્ઠુ વાચુગ્ગતં કત્વા, ઞત્વા દાતબ્બમેવિદં.
૯૫૬.
ઇમં પઠતિ ચિન્તેતિ, સુણાતિ પરિપુચ્છતિ;
વાચેતિ ચ પરં નિચ્ચં, અત્થં ઉપપરિક્ખતિ.
૯૫૭.
યો તસ્સ પન ભિક્ખુસ્સ, અત્થા વિનયનિસ્સિતા;
ઉપટ્ઠહન્તિ સબ્બેવ, હત્થે આમલકં વિય.
૯૫૮.
ઇમં પરમમુત્તરં ઉત્તરં;
નરો હમતસાગરં સાગરં;
અબુદ્ધિજનસારદં
સિયા વિનયપારગો પારગો.
૯૫૯.
અતો
વિધૂય સિક્ખે ગુણસંહિતં હિતં;
નરો હિ સક્કચ્ચવપૂરતો રતો;
સુખસ્સ સબ્બઙ્ગણકમ્મદં પદં.
૯૬૦.
વિનયે પટુભાવકરે પરમે;
પિટકે પટુતં અભિપત્થયતા;
વિધિના પટુના પટુના યતિના;
પરિયાપુણિતબ્બમિદં સતતં.
નિગમનકથા
૯૬૧.
રચિતો બુદ્ધદત્તેન, સુદ્ધચિત્તેન ધીમતા;
સુચિરટ્ઠિતિકામેન, સાસનસ્સ મહેસિનો.
૯૬૨.
અન્તરેનન્તરાયં તુ, યથા સિદ્ધિમુપાગતો;
અત્થતો ગન્થતો ચેવ, ઉત્તરોયમનુત્તરો.
૯૬૩.
તથા સિજ્ઝન્તુ સઙ્કપ્પા, સત્તાનં ધમ્મસંયુતા;
રાજા પાતુ મહિં સમ્મા, કાલે દેવો પવસ્સતુ.
૯૬૪.
યાવ તિટ્ઠતિ સેલિન્દો, યાવ ચન્દો વિરોચતિ;
તાવ તિટ્ઠતુ સદ્ધમ્મો, ગોતમસ્સ મહેસિનો.
૯૬૫.
ખન્તિસોરચ્ચસોસીલ્ય-બુદ્ધિસદ્ધાદયાદયો;
પતિટ્ઠિતા ગુણા યસ્મિં, રતનાનીવ સાગરે.
૯૬૬.
વિનયાચારયુત્તેન, તેન સક્કચ્ચ સાદરં;
યાચિતો સઙ્ઘપાલેન, થેરેન થિરચેતસા.
૯૬૭.
સુચિરટ્ઠિતિકામેન
ભિક્ખૂનં પાટવત્થાય, વિનયસ્સ વિનિચ્છયે.
૯૬૮.
અકાસિં ઉત્તરં નામ નામતો;
સવને સાદરં કત્વા, સિક્ખિતબ્બો તતો અયં.
૯૬૯.
પઞ્ઞાસાધિકસઙ્ખ્યાનિ, નવગાથાસતાનિ હિ;
ગણના ઉત્તરસ્સાયં, છન્દસાનુટ્ઠુભેન તુ.
૯૭૦.
ગાથા ચતુસહસ્સાનિ, સતઞ્ચ ઊનવીસતિ;
પમાણતો ઇમા વુત્તા, વિનયસ્સ વિનિચ્છયેતિ.
ઇતિ તમ્બપણ્ણિયેન પરમવેય્યાકરણેન તિપિટકનયવિધિકુસલેન પરમકવિજનહદયપદુમવનવિકસનકરેન કવિવરવસભેન પરમરતિકરવરમધુરવચનુગ્ગારેન ઉરગપુરેન બુદ્ધદત્તેન રચિતો ઉત્તરવિનિચ્છયો સમત્તોતિ.
ઉત્તરવિનિચ્છયો નિટ્ઠિતો.