੫. ਭਿਕ੍ਖੁਨੀਸਂਯੁਤ੍ਤਂ
੧. ਆਲ਼વਿਕਾਸੁਤ੍ਤવਣ੍ਣਨਾ
੧੬੨. ਭਿਕ੍ਖੁਨੀਸਂਯੁਤ੍ਤਸ੍ਸ ਆਲ਼વਿਕਾਤਿ ਆਲ਼વਿਯਂ ਜਾਤਾ ਆਲ਼વਿਨਗਰਤੋਯੇવ ਚ ਨਿਕ੍ਖਮ੍ਮ ਪਬ੍ਬਜਿਤਾ। ਅਨ੍ਧવਨਨ੍ਤਿ ਕਸ੍ਸਪਸਮ੍ਮਾਸਮ੍ਬੁਦ੍ਧਸ੍ਸ ਚੇਤਿਯੇ ਨવਕਮ੍ਮਤ੍ਥਾਯ ਧਨਂ ਸਮਾਦਪੇਤ੍વਾ ਆਗਚ੍ਛਨ੍ਤਸ੍ਸ ਯਸੋਧਰਸ੍ਸ ਨਾਮ ਧਮ੍ਮਭਾਣਕਸ੍ਸ ਅਰਿਯਪੁਗ੍ਗਲਸ੍ਸ ਅਕ੍ਖੀਨਿ ਉਪ੍ਪਾਟੇਤ੍વਾ ਤਤ੍ਥੇવ ਅਕ੍ਖਿਭੇਦਪ੍ਪਤ੍ਤੇਹਿ ਪਞ੍ਚਹਿ ਚੋਰਸਤੇਹਿ ਨਿવੁਤ੍ਥਤ੍ਤਾ ਤਤੋ ਪਟ੍ਠਾਯ ‘‘ਅਨ੍ਧવਨ’’ਨ੍ਤਿ ਸਙ੍ਖਂ ਗਤਂ વਨਂ। ਤਂ ਕਿਰ ਸਾવਤ੍ਥਿਤੋ ਦਕ੍ਖਿਣਪਸ੍ਸੇ ਗਾવੁਤਮਤ੍ਤੇ ਹੋਤਿ ਰਾਜਾਰਕ੍ਖਾਯ ਗੁਤ੍ਤਂ। ਤਤ੍ਥ ਪવਿવੇਕਕਾਮਾ ਭਿਕ੍ਖੂ ਚ ਭਿਕ੍ਖੁਨਿਯੋ ਚ ਗਚ੍ਛਨ੍ਤਿ। ਤਸ੍ਮਾ ਅਯਮ੍ਪਿ ਕਾਯવਿવੇਕਤ੍ਥਿਨੀ ਯੇਨ ਤਂ વਨਂ, ਤੇਨੁਪਸਙ੍ਕਮਿ। ਨਿਸ੍ਸਰਣਨ੍ਤਿ ਨਿਬ੍ਬਾਨਂ। ਪਞ੍ਞਾਯਾਤਿ ਪਚ੍ਚવੇਕ੍ਖਣਞਾਣੇਨ। ਨ ਤ੍વਂ ਜਾਨਾਸਿ ਤਂ ਪਦਨ੍ਤਿ ਤ੍વਂ ਏਤਂ ਨਿਬ੍ਬਾਨਪਦਂ વਾ ਨਿਬ੍ਬਾਨਗਾਮਿਮਗ੍ਗਪਦਂ વਾ ਨ ਜਾਨਾਸਿ। ਸਤ੍ਤਿਸੂਲੂਪਮਾਤਿ વਿਨਿવਿਜ੍ਝਨਤ੍ਥੇਨ ਸਤ੍ਤਿਸੂਲਸਦਿਸਾ। ਖਨ੍ਧਾਸਂ ਅਧਿਕੁਟ੍ਟਨਾਤਿ ਖਨ੍ਧਾ ਤੇਸਂ ਅਧਿਕੁਟ੍ਟਨਭਣ੍ਡਿਕਾ। ਪਠਮਂ।
੨. ਸੋਮਾਸੁਤ੍ਤવਣ੍ਣਨਾ
੧੬੩. ਦੁਤਿਯੇ ਠਾਨਨ੍ਤਿ ਅਰਹਤ੍ਤਂ। ਦੁਰਭਿਸਮ੍ਭવਨ੍ਤਿ ਦੁਪ੍ਪਸਹਂ। ਦ੍વਙ੍ਗੁਲਪਞ੍ਞਾਯਾਤਿ ਪਰਿਤ੍ਤਪਞ੍ਞਾਯ। ਯਸ੍ਮਾ વਾ ਦ੍વੀਹਿ ਅਙ੍ਗੁਲੇਹਿ ਕਪ੍ਪਾਸવਟ੍ਟਿਂ ਗਹੇਤ੍વਾ ਸੁਤ੍ਤਂ ਕਨ੍ਤਨ੍ਤਿ, ਤਸ੍ਮਾ ਞਾਣਮ੍ਹਿ વਤ੍ਤਮਾਨਮ੍ਹੀਤਿ ਫਲਸਮਾਪਤ੍ਤਿਞਾਣੇ ਪવਤ੍ਤਮਾਨੇ। ਧਮ੍ਮਂ વਿਪਸ੍ਸਤੋਤਿ ਚਤੁਸਚ੍ਚਧਮ੍ਮਂ વਿਪਸ੍ਸਨ੍ਤਸ੍ਸ, ਪੁਬ੍ਬਭਾਗੇ વਾ વਿਪਸ੍ਸਨਾਯ ਆਰਮ੍ਮਣਭੂਤਂ ਖਨ੍ਧਪਞ੍ਚਕਮੇવ। ਕਿਞ੍ਚਿ વਾ ਪਨ ਅਞ੍ਞਸ੍ਮੀਤਿ ਅਞ੍ਞਂ વਾ ਕਿਞ੍ਚਿ ‘‘ਅਹਂ ਅਸ੍ਮੀ’’ਤਿ ਤਣ੍ਹਾਮਾਨਦਿਟ੍ਠਿવਸੇਨ ਯਸ੍ਸ ਸਿਯਾ। ਦੁਤਿਯਂ।
੩. ਕਿਸਾਗੋਤਮੀਸੁਤ੍ਤવਣ੍ਣਨਾ
੧੬੪. ਤਤਿਯੇ ਕਿਸਾਗੋਤਮੀਤਿ ਅਪ੍ਪਮਂਸਲੋਹਿਤਤਾਯ ਕਿਸਾ, ਗੋਤਮੀਤਿ ਪਨਸ੍ਸਾ ਨਾਮਂ। ਪੁਬ੍ਬੇ ਕਿਰ ਸਾવਤ੍ਥਿਯਂ ਏਕਸ੍ਮਿਂ ਕੁਲੇ ਅਸੀਤਿਕੋਟਿਧਨਂ ਸਬ੍ਬਂ ਅਙ੍ਗਾਰਾવ ਜਾਤਂ। ਕੁਟੁਮ੍ਬਿਕੋ ਅਙ੍ਗਾਰਜਾਤਾਨਿ ਅਨੀਹਰਿਤ੍વਾ
ਏਕਦਿવਸਂ ਮਹਤਿਯਾ ਬੁਦ੍ਧવੀਥਿਯਾ ਦਸਬਲਸ੍ਸ
ਏਕਮਾਸੀਤਿ ਏਕਾ ਆਸਿ। ਰੁਦਮ੍ਮੁਖੀਤਿ ਰੁਦਮਾਨਮੁਖੀ વਿਯ। ਅਚ੍ਚਨ੍ਤਂ ਮਤਪੁਤ੍ਤਾਮ੍ਹੀਤਿ ਏਤ੍ਥ ਪੁਰਿਸਾ ਏਤਦਨ੍ਤਿਕਾਤਿ ਪੁਰਿਸਾਪਿ ਮੇ ਏਤਦਨ੍ਤਿਕਾવ ਸਬ੍ਬਤ੍ਥ વਿਹਤਾ ਨਨ੍ਦੀਤਿ ਸਬ੍ਬੇਸੁ ਖਨ੍ਧਾਯਤਨਧਾਤੁਭવਯੋਨਿਗਤਿਠਿਤਿਨਿવਾਸੇਸੁ ਮਮ ਤਣ੍ਹਾਨਨ੍ਦੀ વਿਹਤਾ। ਤਮੋਕ੍ਖਨ੍ਧੋਤਿ ਅવਿਜ੍ਜਾਕ੍ਖਨ੍ਧੋ। ਪਦਾਲਿਤੋਤਿ ਞਾਣੇਨ ਭਿਨ੍ਨੋ। ਤਤਿਯਂ।
੪. વਿਜਯਾਸੁਤ੍ਤવਣ੍ਣਨਾ
੧੬੫. ਚਤੁਤ੍ਥੇ ਪਞ੍ਚਙ੍ਗਿਕੇਨਾਤਿ ਆਤਤਂ વਿਤਤਂ ਆਤਤવਿਤਤਂ ਘਨਂ ਸੁਸਿਰਨ੍ਤਿ ਏવਂ ਪਞ੍ਚਙ੍ਗਸਮਨ੍ਨਾਗਤੇਨ। ਨਿਯ੍ਯਾਤਯਾਮਿ ਤੁਯ੍ਹੇવਾਤਿ ਸਬ੍ਬੇ ਤੁਯ੍ਹਂਯੇવ ਦੇਮਿ। ਨਾਹਂ ਤੇਨਤ੍ਥਿਕਾਤਿ ਨਾਹਂ ਤੇਨ ਅਤ੍ਥਿਕਾ। ਪੂਤਿਕਾਯੇਨਾਤਿ ਸੁવਣ੍ਣવਣ੍ਣੋਪਿ ਕਾਯੋ ਨਿਚ੍ਚਂ ਉਗ੍ਘਰਿਤਪਗ੍ਘਰਿਤਟ੍ਠੇਨ ਪੂਤਿਕਾਯੋવ, ਤਸ੍ਮਾ ਏવਮਾਹ। ਭਿਨ੍ਦਨੇਨਾਤਿ ਭਿਜ੍ਜਨਸਭਾવੇਨ। ਪਭਙ੍ਗੁਨਾਤਿ ਚੁਣ੍ਣવਿਚੁਣ੍ਣਂ ਆਪਜ੍ਜਨਧਮ੍ਮੇਨ। ਅਟ੍ਟੀਯਾਮੀਤਿ ਅਟ੍ਟਾ ਪੀਲ਼ਿਤਾ ਹੋਮਿ। ਹਰਾਯਾਮੀਤਿ ਲਜ੍ਜਾਮਿ। ਸਨ੍ਤਾ ਸਮਾਪਤ੍ਤੀਤਿ ਸਬ੍ਬਤ੍ਥਾਤਿ ਸਬ੍ਬੇਸੁ ਰੂਪਾਰੂਪਭવੇਸੁ, ਤੇਸਂ ਦ੍વਿਨ੍ਨਂ ਭવਾਨਂ ਗਹਿਤਤ੍ਤਾ ਗਹਿਤੇ ਕਾਮਭવੇ ਅਟ੍ਠਸੁ ਚ ਸਮਾਪਤ੍ਤੀਸੂਤਿ ਏਤੇਸੁ ਸਬ੍ਬੇਸੁ ਠਾਨੇਸੁ ਮਯ੍ਹਂ ਅવਿਜ੍ਜਾਤਮੋ વਿਹਤੋਤਿ વਦਤਿ। ਚਤੁਤ੍ਥਂ।
੫. ਉਪ੍ਪਲવਣ੍ਣਾਸੁਤ੍ਤવਣ੍ਣਨਾ
੧੬੬. ਪਞ੍ਚਮੇ ਸੁਪੁਪ੍ਫਿਤਗ੍ਗਨ੍ਤਿ ਅਗ੍ਗਤੋ ਪਟ੍ਠਾਯ ਸੁਟ੍ਠੁ ਪੁਪ੍ਫਿਤਂ ਸਾਲਰੁਕ੍ਖਂ। ਨ ਚਤ੍ਥਿ ਤੇ ਦੁਤਿਯਾ વਣ੍ਣਧਾਤੂਤਿ ਤવ વਣ੍ਣਧਾਤੁਸਦਿਸਾ ਦੁਤਿਯਾ વਣ੍ਣਧਾਤੁ ਨਤ੍ਥਿ, ਤਯਾ ਸਦਿਸਾ ਅਞ੍ਞਾ ਭਿਕ੍ਖੁਨੀ ਨਤ੍ਥੀਤਿ વਦਤਿ। ਇਧਾਗਤਾ ਤਾਦਿਸਿਕਾ ਭવੇਯ੍ਯੁਨ੍ਤਿ ਯਥਾ ਤ੍વਂ ਇਧਾਗਤਾ ਕਿਞ੍ਚਿ ਸਨ੍ਥવਂ વਾ ਸਿਨੇਹਂ વਾ ਨ ਲਭਸਿ, ਏવਮੇવਂ ਤੇਪਿ ਤਯਾવ ਸਦਿਸਾ ਭવੇਯ੍ਯੁਂ। ਪਖੁਮਨ੍ਤਰਿਕਾਯਨ੍ਤਿ ਦ੍વਿਨ੍ਨਂ ਅਕ੍ਖੀਨਂ ਮਜ੍ਝੇ ਨਾਸવਂਸੇਪਿ ਤਿਟ੍ਠਨ੍ਤਿਂ ਮਂ ਨ ਪਸ੍ਸਸਿ। વਸੀਭੂਤਮ੍ਹੀਤਿ વਸੀਭੂਤਾ ਅਸ੍ਮਿ। ਪਞ੍ਚਮਂ।
੬. ਚਾਲਾਸੁਤ੍ਤવਣ੍ਣਨਾ
੧੬੭. ਛਟ੍ਠੇ ਕੋ ਨੁ ਤਂ ਇਦਮਾਦਪਯੀਤਿ ਕੋ ਨੁ ਮਨ੍ਦਬੁਦ੍ਧਿ ਬਾਲੋ ਤਂ ਏવਂ ਗਾਹਾਪੇਸਿ? ਪਰਿਕ੍ਲੇਸਨ੍ਤਿ ਅਞ੍ਞਮ੍ਪਿ ਨਾਨਪ੍ਪਕਾਰਂ ਉਪਦ੍ਦવਂ। ਇਦਾਨਿ ਯਂ ਮਾਰੋ ਆਹ ਬੁਦ੍ਧੋਤਿਆਦਿਮਾਹ। ਤਤ੍ਥ ਸਚ੍ਚੇ ਨਿવੇਸਯੀਤਿ ਪਰਮਤ੍ਥਸਚ੍ਚੇ ਨਿਬ੍ਬਾਨੇ ਨਿવੇਸੇਸਿ। ਨਿਰੋਧਂ ਅਪ੍ਪਜਾਨਨ੍ਤਾਤਿ ਨਿਰੋਧਸਚ੍ਚਂ ਅਜਾਨਨ੍ਤਾ। ਛਟ੍ਠਂ।
੭. ਉਪਚਾਲਾਸੁਤ੍ਤવਣ੍ਣਨਾ
੧੬੮. ਸਤ੍ਤਮੇ ਏਨ੍ਤਿ ਮਾਰવਸਂ ਪੁਨਾਤਿ ਪੁਨਪ੍ਪੁਨਂ ਮਰਣਮਾਰਕਿਲੇਸਮਾਰਦੇવਪੁਤ੍ਤਮਾਰਾਨਂ વਸਂ ਆਗਚ੍ਛਨ੍ਤਿ। ਪਧੂਪਿਤੋਤਿ ਸਨ੍ਤਾਪਿਤੋ। ਅਗਤਿ ਯਤ੍ਥ ਮਾਰਸ੍ਸਾਤਿ ਯਤ੍ਥ ਤੁਯ੍ਹਂ ਮਾਰਸ੍ਸ ਅਗਤਿ। ਤਤ੍ਥਾਤਿ ਤਸ੍ਮਿਂ ਨਿਬ੍ਬਾਨੇ। ਸਤ੍ਤਮਂ।
੮. ਸੀਸੁਪਚਾਲਾਸੁਤ੍ਤવਣ੍ਣਨਾ
੧੬੯. ਅਟ੍ਠਮੇ ਸਮਣੀ વਿਯ ਦਿਸ੍ਸਸੀਤਿ ਸਮਣਿਸਦਿਸਾ ਦਿਸ੍ਸਸਿ। ਕਿਮਿવ ਚਰਸਿ ਮੋਮੂਹਾਤਿ ਕਿਂ ਕਾਰਣਾ ਮੋਮੂਹਾ વਿਯ ਚਰਸਿ? ਇਤੋ ਬਹਿਦ੍ਧਾਤਿ ਇਮਮ੍ਹਾ ਸਾਸਨਾ ਬਹਿ। ਪਾਸਂ ਡੇਨ੍ਤੀਤਿ ਪਾਸਣ੍ਡਾ, ਸਤ੍ਤਾਨਂ ਚਿਤ੍ਤੇਸੁ ਦਿਟ੍ਠਿਪਾਸਂ ਖਿਪਨ੍ਤੀਤਿ ਅਤ੍ਥੋ। ਸਾਸਨਂ ਪਨ ਪਾਸੇ ਮੋਚੇਤਿ, ਤਸ੍ਮਾ ਪਾਸਣ੍ਡੋਤਿ ਨ વੁਚ੍ਚਤਿ, ਇਤੋ ਬਹਿਦ੍ਧਾਯੇવ ਪਾਸਣ੍ਡਾ ਹੋਨ੍ਤਿ। ਪਸੀਦਨ੍ਤੀਤਿ ਸਂਸੀਦਨ੍ਤਿ ਲਗ੍ਗਨ੍ਤਿ।
ਇਦਾਨਿ ‘‘ਕਂ ਨੁ ਉਦ੍ਦਿਸ੍ਸ ਮੁਣ੍ਡਾਸੀ’’ਤਿ ਪਞ੍ਹਂ ਕਥੇਨ੍ਤੀ ਅਤ੍ਥਿ ਸਕ੍ਯਕੁਲੇ ਜਾਤੋਤਿਆਦਿਮਾਹ। ਤਤ੍ਥ ਸਬ੍ਬਾਭਿਭੂਤਿ ਸਬ੍ਬਾਨਿ ਖਨ੍ਧਾਯਤਨਧਾਤੁਭવਯੋਨਿਗਤਿਆਦੀਨਿ ਅਭਿਭવਿਤ੍વਾ ਠਿਤੋ। ਮਰਣਮਾਰਾਦਯੋ ਨੁਦਿ ਨੀਹਰੀਤਿ ਮਾਰਨੁਦੋ। ਸਬ੍ਬਤ੍ਥਮਪਰਾਜਿਤੋਤਿ ਸਬ੍ਬੇਸੁ ਰਾਗਾਦੀਸੁ વਾ ਮਾਰਯੁਦ੍ਧੇ વਾ ਅਜਿਤੋ। ਸਬ੍ਬਤ੍ਥ ਮੁਤ੍ਤੋਤਿ ਸਬ੍ਬੇਸੁ ਖਨ੍ਧਾਦੀਸੁ ਮੁਤ੍ਤੋ। ਅਸਿਤੋਤਿ ਤਣ੍ਹਾਦਿਟ੍ਠਿਨਿਸ੍ਸਯੇਨ ਸਬ੍ਬਕਮ੍ਮਕ੍ਖਯਂ ਪਤ੍ਤੋਤਿ ਸਬ੍ਬਕਮ੍ਮਕ੍ਖਯਸਙ੍ਖਾਤਂ ਅਰਹਤ੍ਤਂ ਪਤ੍ਤੋ। ਉਪਧਿਸਙ੍ਖਯੇਤਿ ਉਪਧਿਸਙ੍ਖਯਸਙ੍ਖਾਤੇ ਨਿਬ੍ਬਾਨੇ ਆਰਮ੍ਮਣਤੋ વਿਮੁਤ੍ਤੋ। ਅਟ੍ਠਮਂ।
੯. ਸੇਲਾਸੁਤ੍ਤવਣ੍ਣਨਾ
੧੭੦. ਨવਮੇ ਕੇਨਿਦਂ ਪਕਤਨ੍ਤਿ ਕੇਨ ਇਦਂ ਕਤਂ। ਬਿਮ੍ਬਨ੍ਤਿ ਅਤ੍ਤਭਾવਂ ਸਨ੍ਧਾਯ વਦਤਿ। ਅਘਨ੍ਤਿ ਦੁਕ੍ਖਪਤਿਟ੍ਠਾਨਤ੍ਤਾ ਅਤ੍ਤਭਾવਮੇવ વਦਤਿ। ਹੇਤੁਭਙ੍ਗਾਤਿ ਹੇਤੁਨਿਰੋਧੇਨ ਪਚ੍ਚਯવੇਕਲ੍ਲੇਨ। ਨવਮਂ।
੧੦. વਜਿਰਾਸੁਤ੍ਤવਣ੍ਣਨਾ
੧੭੧. ਦਸਮੇ ਨਯਿਧ ਸਤ੍ਤੁਪਲਬ੍ਭਤੀਤਿ ਇਮਸ੍ਮਿਂ ਸੁਦ੍ਧਸਙ੍ਖਾਰਪੁਞ੍ਜੇ ਪਰਮਤ੍ਥਤੋ ਸਤ੍ਤੋ ਨਾਮ ਨ ਉਪਲਬ੍ਭਤਿ। ਖਨ੍ਧੇਸੁ ਸਨ੍ਤੇਸੂਤਿ ਪਞ੍ਚਸੁ ਖਨ੍ਧੇਸੁ વਿਜ੍ਜਮਾਨੇਸੁ ਤੇਨ ਤੇਨਾਕਾਰੇਨ વવਤ੍ਥਿਤੇਸੁ। ਸਮ੍ਮੁਤੀਤਿ ਸਤ੍ਤੋਤਿ ਸਮਞ੍ਞਾਮਤ੍ਤਮੇવ ਹੋਤਿ। ਦੁਕ੍ਖਨ੍ਤਿ ਪਞ੍ਚਕ੍ਖਨ੍ਧਦੁਕ੍ਖਂ। ਨਾਞ੍ਞਤ੍ਰ ਦੁਕ੍ਖਾਤਿ ਠਪੇਤ੍વਾ ਦੁਕ੍ਖਂ ਅਞ੍ਞੋ ਨੇવ ਸਮ੍ਭੋਤਿ ਨ ਨਿਰੁਜ੍ਝਤੀਤਿ। ਦਸਮਂ।
ਇਤਿ ਸਾਰਤ੍ਥਪ੍ਪਕਾਸਿਨਿਯਾ
ਸਂਯੁਤ੍ਤਨਿਕਾਯ-ਅਟ੍ਠਕਥਾਯ
ਭਿਕ੍ਖੁਨੀਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।