੧੦. ਅਬ੍ਯਾਕਤਸਂਯੁਤ੍ਤਂ
੧. ਖੇਮਾਸੁਤ੍ਤવਣ੍ਣਨਾ
੪੧੦. ਅਬ੍ਯਾਕਤਸਂਯੁਤ੍ਤਸ੍ਸ ਖੇਮਾਤਿ ਗਿਹਿਕਾਲੇ ਬਿਮ੍ਬਿਸਾਰਸ੍ਸ ਉਪਾਸਿਕਾ ਸਦ੍ਧਾਪਬ੍ਬਜਿਤਾ ਮਹਾਥੇਰੀ ‘‘ਏਤਦਗ੍ਗਂ, ਭਿਕ੍ਖવੇ, ਮਮ ਸਾવਿਕਾਨਂ ਭਿਕ੍ਖੁਨੀਨਂ ਮਹਾਪਞ੍ਞਾਨਂ ਯਦਿਦਂ ਖੇਮਾ’’ਤਿ ਏવਂ ਭਗવਤਾ ਮਹਾਪਞ੍ਞਤਾਯ ਏਤਦਗ੍ਗੇ ਠਪਿਤਾ। ਪਣ੍ਡਿਤਾਤਿ ਪਣ੍ਡਿਚ੍ਚੇਨ ਸਮਨ੍ਨਾਗਤਾ। વਿਯਤ੍ਤਾਤਿ વੇਯ੍ਯਤ੍ਤਿਯੇਨ ਸਮਨ੍ਨਾਗਤਾ। ਮੇਧਾવਿਨੀਤਿ ਮੇਧਾਯ ਪਞ੍ਞਾਯ ਸਮਨ੍ਨਾਗਤਾ। ਬਹੁਸ੍ਸੁਤਾਤਿ ਪਰਿਯਤ੍ਤਿਬਾਹੁਸਚ੍ਚੇਨਪਿ ਪਟਿવੇਧਬਾਹੁਸਚ੍ਚੇਨਪਿ ਸਮਨ੍ਨਾਗਤਾ।
ਗਣਕੋਤਿ ਅਚ੍ਛਿਦ੍ਦਕਗਣਨਾਯ ਕੁਸਲੋ। ਮੁਦ੍ਦਿਕੋਤਿ ਅਙ੍ਗੁਲਿਮੁਦ੍ਦਾਯ ਗਣਨਾਯ ਕੁਸਲੋ। ਸਙ੍ਖਾਯਕੋਤਿ ਪਿਣ੍ਡਗਣਨਾਯ ਕੁਸਲੋ। ਗਮ੍ਭੀਰੋਤਿ ਚਤੁਰਾਸੀਤਿਯੋਜਨਸਹਸ੍ਸਗਮ੍ਭੀਰੋ। ਅਪ੍ਪਮੇਯ੍ਯੋਤਿ ਆਲ਼੍ਹਕਗਣਨਾਯ ਅਪ੍ਪਮੇਯ੍ਯੋ। ਦੁਪ੍ਪਰਿਯੋਗਾਹੋਤਿ ਆਲ਼੍ਹਕਗਣਨਾਯ ਪਮਾਣਗਹਣਤ੍ਥਂ ਦੁਰੋਗਾਹੋ। ਯੇਨ ਰੂਪੇਨ ਤਥਾਗਤਨ੍ਤਿ ਯੇਨ ਰੂਪੇਨ ਦੀਘੋ ਰਸ੍ਸੋ ਸਾਮੋ ਓਦਾਤੋਤਿ ਸਤ੍ਤਸਙ੍ਖਾਤਂ ਤਥਾਗਤਂ ਪਞ੍ਞਪੇਯ੍ਯ। ਤਂ ਰੂਪਂ ਤਥਾਗਤਸ੍ਸ ਪਹੀਨਨ੍ਤਿ ਤਂ વੁਤ੍ਤਪ੍ਪਕਾਰਰੂਪਂ ਸਮੁਦਯਪ੍ਪਹਾਨੇਨ ਸਬ੍ਬਞ੍ਞੁਤਥਾਗਤਸ੍ਸ ਪਹੀਨਂ। ਰੂਪਸਙ੍ਖਾਯ વਿਮੁਤ੍ਤੋਤਿ ਆਯਤਿਂ ਰੂਪਸ੍ਸ ਅਨੁਪ੍ਪਤ੍ਤਿਯਾ ਰੂਪਾਰੂਪਕੋਟ੍ਠਾਸੇਨਪਿ ਏવਰੂਪੋ ਨਾਮ ਭવਿਸ੍ਸਤੀਤਿ વੋਹਾਰਸ੍ਸਪਿ ਪਟਿਪਸ੍ਸਦ੍ਧਤ੍ਤਾ ਰੂਪਪਣ੍ਣਤ੍ਤਿਯਾਪਿ વਿਮੁਤ੍ਤੋ। ਗਮ੍ਭੀਰੋਤਿ ਅਜ੍ਝਾਸਯ ਗਮ੍ਭੀਰਤਾਯ ਚ ਗੁਣਗਮ੍ਭੀਰਤਾਯ ਚ ਗਮ੍ਭੀਰੋ। ਤਸ੍ਸ ਏવਂ ਗੁਣਗਮ੍ਭੀਰਸ੍ਸ ਸਤੋ ਸਬ੍ਬਞ੍ਞੁਤਥਾਗਤਸ੍ਸ ਯਂ ਉਪਾਦਾਯ ਸਤ੍ਤਸਙ੍ਖਾਤੋ ਤਥਾਗਤੋਤਿ ਪਞ੍ਞਤ੍ਤਿ ਹੋਤਿ, ਤਦਭਾવੇਨ ਤਸ੍ਸਾ ਪਞ੍ਞਤ੍ਤਿਯਾ ਅਭਾવਂ ਪਸ੍ਸਨ੍ਤਸ੍ਸ ਅਯਂ ਸਤ੍ਤਸਙ੍ਖਾਤੋ ਹੋਤਿ ਤਥਾਗਤੋ ਪਰਂ ਮਰਣਾਤਿ ਇਦਂ વਚਨਂ ਨ ਉਪੇਤਿ ਨ ਯੁਜ੍ਜਤਿ, ਨ ਹੋਤਿ ਤਥਾਗਤੋ ਪਰਂ ਮਰਣਾਤਿਆਦਿવਚਨਮ੍ਪਿ ਨ ਉਪੇਤਿ ਨ ਯੁਜ੍ਜਤੀਤਿ ਅਤ੍ਥੋ।
ਸਂਸਨ੍ਦਿਸ੍ਸਤੀਤਿ ਸਮੇਸ੍ਸਤੀਤਿ ਨਿਰਨ੍ਤਰਂ ਭવਿਸ੍ਸਤਿ। ਨ વਿਰੋਧਯਿਸ੍ਸਤੀਤਿ ਅਗ੍ਗਪਦਸ੍ਮਿਨ੍ਤਿ ਦੇਸਨਾਯ। ਦੇਸਨਾ ਹਿ ਇਧ ਅਗ੍ਗਪਦਨ੍ਤਿ ਅਧਿਪ੍ਪੇਤਾ।
੨. ਅਨੁਰਾਧਸੁਤ੍ਤવਣ੍ਣਨਾ
੪੧੧. ਦੁਤਿਯਂ ਖਨ੍ਧਿਯવਗ੍ਗੇ વਿਤ੍ਥਾਰਿਤਮੇવ, ਅਬ੍ਯਾਕਤਾਧਿਕਾਰਤੋ ਪਨ ਇਧ વੁਤ੍ਤਂ।
੩-੮. ਪਠਮਸਾਰਿਪੁਤ੍ਤਕੋਟ੍ਠਿਕਸੁਤ੍ਤਾਦਿવਣ੍ਣਨਾ
੪੧੨-੪੧੭. ਤਤਿਯੇ ਰੂਪਗਤਮੇਤਨ੍ਤਿ ਰੂਪਮਤ੍ਤਮੇਤਂ। ਏਤ੍ਥ ਰੂਪਤੋ ਅਞ੍ਞੋ ਕੋਚਿ ਸਤ੍ਤੋ ਨਾਮ ਨ ਉਪਲਬ੍ਭਤਿ, ਰੂਪੇ ਪਨ ਸਤਿ ਨਾਮਮਤ੍ਤਂ ਏਤਂ ਹੋਤੀਤਿ ਦਸ੍ਸੇਤਿ। વੇਦਨਾਗਤਮੇਤਨ੍ਤਿਆਦੀਸੁਪਿ ਏਸੇવ ਨਯੋ। ਅਯਂ ਖੋ ਆવੁਸੋ ਹੇਤੂਤਿ ਅਯਂ ਰੂਪਾਦੀਨਿ ਮੁਞ੍ਚਿਤ੍વਾ ਅਨੁਪਲਬ੍ਭਿਯਸਭਾવੋ ਹੇਤੁ, ਯੇਨੇਤਂ ਅਬ੍ਯਾਕਤਂ ਭਗવਤਾਤਿ। ਚਤੁਤ੍ਥਾਦੀਨਿ ਉਤ੍ਤਾਨਤ੍ਥਾਨੇવ।
੯. ਕੁਤੂਹਲਸਾਲਾਸੁਤ੍ਤવਣ੍ਣਨਾ
੪੧੮. ਨવਮੇ ਕੁਤੂਹਲਸਾਲਾਯਨ੍ਤਿ ਕੁਤੂਹਲਸਾਲਾ ਨਾਮ ਪਚ੍ਚੇਕਸਾਲਾ ਨਤ੍ਥਿ, ਯਤ੍ਥ ਪਨ ਨਾਨਾਤਿਤ੍ਥਿਯਾ ਸਮਣਬ੍ਰਾਹ੍ਮਣਾ ਨਾਨਾવਿਧਂ ਕਥਂ ਪવਤ੍ਤੇਨ੍ਤਿ, ਸਾ ਬਹੂਨਂ ‘‘ਅਯਂ ਕਿਂ વਦਤਿ, ਅਯਂ ਕਿਂ વਦਤੀ’’ਤਿ ਕੁਤੂਹਲੁਪ੍ਪવਤ੍ਤਿਟ੍ਠਾਨਤੋ ਕੁਤੂਹਲਸਾਲਾਤਿ વੁਚ੍ਚਤਿ। ਦੂਰਮ੍ਪਿ ਗਚ੍ਛਤੀਤਿ ਯਾવ ਆਭਸ੍ਸਰਬ੍ਰਹ੍ਮਲੋਕਾ ਗਚ੍ਛਤਿ। ਇਮਞ੍ਚ ਕਾਯਂ ਨਿਕ੍ਖਿਪਤੀਤਿ ਚੁਤਿਚਿਤ੍ਤੇਨ ਨਿਕ੍ਖਿਪਤਿ। ਅਨੁਪਪਨ੍ਨੋ ਹੋਤੀਤਿ ਚੁਤਿਕ੍ਖਣੇਯੇવ ਪਟਿਸਨ੍ਧਿਚਿਤ੍ਤਸ੍ਸ ਅਨੁਪ੍ਪਨ੍ਨਤ੍ਤਾ ਅਨੁਪਪਨ੍ਨੋ ਹੋਤਿ।
੧੦. ਆਨਨ੍ਦਸੁਤ੍ਤવਣ੍ਣਨਾ
੪੧੯. ਦਸਮੇ ਤੇਸਮੇਤਂ ਸਦ੍ਧਿਂ ਅਭવਿਸ੍ਸਾਤਿ ਤੇਸਂ ਲਦ੍ਧਿਯਾ ਸਦ੍ਧਿਂ ਏਤਂ ਅਭવਿਸ੍ਸ। ਅਨੁਲੋਮਂ ਅਭવਿਸ੍ਸ ਞਾਣਸ੍ਸ ਉਪ੍ਪਾਦਾਯ ਸਬ੍ਬੇ ਧਮ੍ਮਾ ਅਨਤ੍ਤਾਤਿ ਯਂ ਏਤਂ ‘‘ਸਬ੍ਬੇ ਧਮ੍ਮਾ ਅਨਤ੍ਤਾ’’ਤਿ વਿਪਸ੍ਸਨਾਞਾਣਂ ਉਪ੍ਪਜ੍ਜਤਿ, ਅਪਿ ਨੁ ਮੇ ਤਸ੍ਸ ਅਨੁਲੋਮਂ ਅਭવਿਸ੍ਸਾਤਿ ਅਤ੍ਥੋ।
੧੧. ਸਭਿਯਕਚ੍ਚਾਨਸੁਤ੍ਤવਣ੍ਣਨਾ
੪੨੦. ਏਕਾਦਸਮੇ ਏਤਮੇਤ੍ਤਕੇਨ ਏਤ੍ਤਕਮੇવਾਤਿ ਆવੁਸੋ ਯਸ੍ਸਾਪਿ ਏਤਂ ਏਤ੍ਤਕੇਨ ਕਾਲੇਨ ‘‘ਹੇਤੁਮ੍ਹਿ ਸਤਿ ਰੂਪੀਤਿਆਦਿ ਪਞ੍ਞਾਪਨਾ ਹੋਤਿ, ਅਸਤਿ ਨ ਹੋਤੀ’’ਤਿ ਬ੍ਯਾਕਰਣਂ ਭવੇਯ੍ਯ, ਤਸ੍ਸ ਏਤ੍ਤਕਮੇવ ਬਹੁ। ਕੋ ਪਨ વਾਦੋ ਅਤਿਕ੍ਕਨ੍ਤੇਤਿ ਅਤਿਕ੍ਕਨ੍ਤੇ ਪਨ ਅਤਿਮਨਾਪੇ ਧਮ੍ਮਦੇਸਨਾਨਯੇ વਾਦੋਯੇવ ਕੋ, ਨਤ੍ਥਿ વਾਦੋ, ਛਿਨ੍ਨਾ ਕਥਾਤਿ।
ਅਬ੍ਯਾਕਤਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
ਇਤਿ ਸਾਰਤ੍ਥਪ੍ਪਕਾਸਿਨਿਯਾ ਸਂਯੁਤ੍ਤਨਿਕਾਯ-ਅਟ੍ਠਕਥਾਯ
ਸਲ਼ਾਯਤਨવਗ੍ਗવਣ੍ਣਨਾ ਨਿਟ੍ਠਿਤਾ।