(੧੦) ੫. ਲੋਣਕਪਲ੍ਲવਗ੍ਗੋ
੧. ਅਚ੍ਚਾਯਿਕਸੁਤ੍ਤવਣ੍ਣਨਾ
੯੩. ਪਞ੍ਚਮਸ੍ਸ ਅਚ੍ਚਾਯਿਕਾਨੀਤਿ ਅਤਿਪਾਤਿਕਾਨਿ। ਕਰਣੀਯਾਨੀਤਿ ਅવਸ੍ਸਕਿਚ੍ਚਾਨਿ। ਯਞ੍ਹਿ ਨ ਅવਸ੍ਸਂ ਕਾਤਬ੍ਬਂ, ਤਂ ਕਿਚ੍ਚਨ੍ਤਿ વੁਚ੍ਚਤਿ। ਅવਸ੍ਸਂ ਕਾਤਬ੍ਬਂ ਕਰਣੀਯਂ ਨਾਮ। ਸੀਘਂ ਸੀਘਨ੍ਤਿ વੇਗੇਨ વੇਗੇਨ। ਤਸ੍ਸ ਖੋ ਤਨ੍ਤਿ ਏਤ੍ਥ ਤਨ੍ਤਿ ਨਿਪਾਤਮਤ੍ਤਂ। ਨਤ੍ਥਿ ਸਾ ਇਦ੍ਧਿ વਾ ਆਨੁਭਾવੋ વਾਤਿ ਸਾ વਾ ਇਦ੍ਧਿ ਸੋ વਾ ਆਨੁਭਾવੋ ਨਤ੍ਥਿ। ਉਤ੍ਤਰਸ੍વੇਤਿ ਤਤਿਯਦਿવਸੇ। ਉਤੁਪਰਿਣਾਮਿਨੀਤਿ ਲਦ੍ਧਉਤੁਪਰਿਣਾਮਾਨਿ ਹੁਤ੍વਾ। ਜਾਯਨ੍ਤਿਪੀਤਿ ਤਤਿਯਦਿવਸੇ ਨਿਕ੍ਖਨ੍ਤਸੇਤਙ੍ਕੁਰਾਨਿ ਹੋਨ੍ਤਿ, ਸਤ੍ਤਾਹੇ ਪਤ੍ਤੇ ਨੀਲਙ੍ਕੁਰਾਨਿ ਹੋਨ੍ਤਿ। ਗਬ੍ਭੀਨਿਪਿ ਹੋਨ੍ਤੀਤਿ ਦਿਯਡ੍ਢਮਾਸਂ ਪਤ੍વਾ ਗਹਿਤਗਬ੍ਭਾਨਿ ਹੋਨ੍ਤਿ। ਪਚ੍ਚਨ੍ਤਿਪੀਤਿ ਤਯੋ ਮਾਸੇ ਪਤ੍વਾ ਪਚ੍ਚਨ੍ਤਿ। ਇਦਾਨਿ ਯਸ੍ਮਾ ਬੁਦ੍ਧਾਨਂ ਗਹਪਤਿਕੇਨ વਾ ਸਸ੍ਸੇਹਿ વਾ ਅਤ੍ਥੋ ਨਤ੍ਥਿ, ਸਾਸਨੇ ਪਨ ਤਪ੍ਪਟਿਰੂਪਕਂ ਪੁਗ੍ਗਲਂ વਾ ਅਤ੍ਥਂ વਾ ਦਸ੍ਸੇਤੁਂ ਤਂ ਤਂ ਓਪਮ੍ਮਂ ਆਹਰਨ੍ਤਿ। ਤਸ੍ਮਾ ਯਮਤ੍ਥਂ ਦਸ੍ਸੇਤੁਕਾਮੇਨ ਏਤਂ ਆਭਤਂ, ਤਂ ਦਸ੍ਸੇਨ੍ਤੋ ਏવਮੇવ ਖੋਤਿਆਦਿਮਾਹ। ਤਂ ਅਤ੍ਥਤੋ ਉਤ੍ਤਾਨਮੇવ। ਸਿਕ੍ਖਾ ਪਨ ਇਧਾਪਿ ਮਿਸ੍ਸਿਕਾ ਏવ ਕਥਿਤਾ।
੨. ਪવਿવੇਕਸੁਤ੍ਤવਣ੍ਣਨਾ
੯੪. ਦੁਤਿਯੇ ਚੀવਰਪવਿવੇਕਨ੍ਤਿ ਚੀવਰਂ ਨਿਸ੍ਸਾਯ ਉਪ੍ਪਜ੍ਜਨਕਕਿਲੇਸੇਹਿ વਿવਿਤ੍ਤਭਾવਂ। ਸੇਸਦ੍વਯੇਪਿ ਏਸੇવ ਨਯੋ। ਸਾਣਾਨੀਤਿ ਸਾਣવਾਕਚੇਲਾਨਿ। ਮਸਾਣਾਨੀਤਿ ਮਿਸ੍ਸਕਚੇਲਾਨਿ। ਛવਦੁਸ੍ਸਾਨੀਤਿ ਮਤਸਰੀਰਤੋ ਛਡ੍ਡਿਤવਤ੍ਥਾਨਿ, ਏਰਕਤਿਣਾਦੀਨਿ વਾ ਗਨ੍ਥੇਤ੍વਾ ਕਤਨਿવਾਸਨਾਨਿ। ਪਂਸੁਕੂਲਾਨੀਤਿ ਪਥવਿਯਂ ਛਡ੍ਡਿਤਨਨ੍ਤਕਾਨਿ। ਤਿਰੀਟਾਨੀਤਿ ਰੁਕ੍ਖਤਚવਤ੍ਥਾਨਿ। ਅਜਿਨਾਨੀਤਿ ਅਜਿਨਕ੍ਖਿਪਨ੍ਤਿ ਤਦੇવ ਮਜ੍ਝੇ ਫਾਲਿਤਂ, ਸਹਖੁਰਕਨ੍ਤਿਪਿ વਦਨ੍ਤਿ। ਕੁਸਚੀਰਨ੍ਤਿ ਕੁਸਤਿਣਾਨਿ ਗਨ੍ਥੇਤ੍વਾ ਕਤਚੀਰਂ। વਾਕਚੀਰਫਲਕਚੀਰੇਸੁਪਿ ਏਸੇવ ਨਯੋ। ਕੇਸਕਮ੍ਬਲਨ੍ਤਿ ਮਨੁਸ੍ਸਕੇਸੇਹਿ ਕਤਕਮ੍ਬਲਂ। વਾਲਕਮ੍ਬਲਨ੍ਤਿ ਅਸ੍ਸવਾਲਾਦੀਹਿ ਕਤਕਮ੍ਬਲਂ। ਉਲੂਕਪਕ੍ਖਿਕਨ੍ਤਿ ਉਲੂਕਪਤ੍ਤਾਨਿ ਗਨ੍ਥੇਤ੍વਾ ਕਤਨਿવਾਸਨਂ।
ਸਾਕਭਕ੍ਖਾਤਿ ਸਾਮਾਕਭਕ੍ਖਾਤਿ ਸਾਮਾਕਤਣ੍ਡੁਲਭਕ੍ਖਾ। ਨੀવਾਰਾਦੀਸੁ ਨੀવਾਰਾ ਨਾਮ ਅਰਞ੍ਞੇ ਸਯਂ ਜਾਤવੀਹਿਜਾਤਿ। ਦਦ੍ਦੁਲਨ੍ਤਿ ਚਮ੍ਮਕਾਰੇਹਿ ਚਮ੍ਮਂ ਲਿਖਿਤ੍વਾ ਛਡ੍ਡਿਤਕਸਟਂ। ਹਟਂ વੁਚ੍ਚਤਿ ਸਿਲੇਸੋਪਿ ਸੇવਾਲੋਪਿ ਕਣਿਕਾਰਾਦਿਰੁਕ੍ਖਨਿਯ੍ਯਾਸੋਪਿ। ਕਣਨ੍ਤਿ ਕੁਣ੍ਡਕਂ। ਆਚਾਮੋਤਿ ਭਤ੍ਤਉਕ੍ਖਲਿਕਾਯ ਲਗ੍ਗੋ ਝਾਮਓਦਨੋ। ਤਂ ਛਡ੍ਡਿਤਟ੍ਠਾਨੇ ਗਹੇਤ੍વਾ ਖਾਦਨ੍ਤਿ, ਓਦਨਕਞ੍ਜਿਯਨ੍ਤਿਪਿ વਦਨ੍ਤਿ। ਪਿਞ੍ਞਾਕਾਦਯੋ ਪਾਕਟਾવ। ਪવਤ੍ਤਫਲਭੋਜੀਤਿ ਪਤਿਤਫਲਭੋਜੀ। ਭੁਸਾਗਾਰਨ੍ਤਿ ਖਲਸਾਲਂ।
ਸੀਲવਾਤਿ ਚਤੁਪਾਰਿਸੁਦ੍ਧਿਸੀਲੇਨ ਸਮਨ੍ਨਾਗਤੋ। ਦੁਸ੍ਸੀਲ੍ਯਞ੍ਚਸ੍ਸ ਪਹੀਨਂ ਹੋਤੀਤਿ ਪਞ੍ਚ ਦੁਸ੍ਸੀਲ੍ਯਾਨਿ ਪਹੀਨਾਨਿ ਹੋਨ੍ਤਿ। ਸਮ੍ਮਾਦਿਟ੍ਠਿਕੋਤਿ ਯਾਥਾવਦਿਟ੍ਠਿਕੋ। ਮਿਚ੍ਛਾਦਿਟ੍ਠੀਤਿ ਅਯਾਥਾવਦਿਟ੍ਠਿ। ਆਸવਾਤਿ ਚਤ੍ਤਾਰੋ ਆਸવਾ। ਅਗ੍ਗਪ੍ਪਤ੍ਤੋਤਿ ਸੀਲਗ੍ਗਪ੍ਪਤ੍ਤੋ। ਸਾਰਪ੍ਪਤ੍ਤੋਤਿ ਸੀਲਸਾਰਂ ਪਤ੍ਤੋ। ਸੁਦ੍ਧੋਤਿ ਪਰਿਸੁਦ੍ਧੋ। ਸਾਰੇ ਪਤਿਟ੍ਠਿਤੋਤਿ ਸੀਲਸਮਾਧਿਪਞ੍ਞਾਸਾਰੇ ਪਤਿਟ੍ਠਿਤੋ।
ਸੇਯ੍ਯਥਾਪੀਤਿ ਯਥਾ ਨਾਮ। ਸਮ੍ਪਨ੍ਨਨ੍ਤਿ ਸਙ੍ਘਰਾਪੇਯ੍ਯਾਤਿ ਸਙ੍ਕਡ੍ਢਾਪੇਯ੍ਯ। ਉਬ੍ਬਹਾਪੇਯ੍ਯਾਤਿ ਖਲਟ੍ਠਾਨਂ ਆਹਰਾਪੇਯ੍ਯ। ਭੁਸਿਕਨ੍ਤਿ ਭੁਸਂ। ਕੋਟ੍ਟਾਪੇਯ੍ਯਾਤਿ ਉਦੁਕ੍ਖਲੇ ਪਕ੍ਖਿਪਾਪੇਤ੍વਾ ਮੁਸਲੇਹਿ ਪਹਰਾਪੇਯ੍ਯ। ਅਗ੍ਗਪ੍ਪਤ੍ਤਾਨੀਤਿ ਤਣ੍ਡੁਲਗ੍ਗਂ ਪਤ੍ਤਾਨਿ। ਸਾਰਪ੍ਪਤ੍ਤਾਦੀਸੁਪਿ ਏਸੇવ ਨਯੋ। ਸੇਸਂ ਉਤ੍ਤਾਨਮੇવ। ਯਂ ਪਨੇਤ੍ਥ ‘‘ਦੁਸ੍ਸੀਲ੍ਯਞ੍ਚਸ੍ਸ ਪਹੀਨਂ ਮਿਚ੍ਛਾਦਿਟ੍ਠਿ ਚਸ੍ਸ ਪਹੀਨਾ’’ਤਿ વੁਤ੍ਤਂ, ਤਂ ਸੋਤਾਪਤ੍ਤਿਮਗ੍ਗੇਨ ਪਹੀਨਭਾવਂ ਸਨ੍ਧਾਯ વੁਤ੍ਤਨ੍ਤਿ વੇਦਿਤਬ੍ਬਂ।
੩. ਸਰਦਸੁਤ੍ਤવਣ੍ਣਨਾ
੯੫. ਤਤਿਯੇ વਿਦ੍ਧੇਤਿ વਲਾਹਕવਿਗਮੇਨ ਦੂਰੀਭੂਤੇ। ਦੇવੇਤਿ ਆਕਾਸੇ। ਅਭਿવਿਹਚ੍ਚਾਤਿ ਅਭਿવਿਹਨਿਤ੍વਾ। ਯਤੋਤਿ ਯਸ੍ਮਿਂ ਕਾਲੇ। વਿਰਜਨ੍ਤਿ ਰਾਗਰਜਾਦਿਰਹਿਤਂ। ਤੇਸਂਯੇવ ਮਲਾਨਂ વਿਗਤਤ੍ਤਾ વੀਤਮਲਂ। ਧਮ੍ਮਚਕ੍ਖੁਨ੍ਤਿ ਚਤੁਸਚ੍ਚਧਮ੍ਮਪਰਿਗ੍ਗਾਹਕਂ ਸੋਤਾਪਤ੍ਤਿਮਗ੍ਗਚਕ੍ਖੁਂ। ਨਤ੍ਥਿ ਤਂ ਸਂਯੋਜਨਨ੍ਤਿ ਦੁવਿਧਮੇવਸ੍ਸ ਸਂਯੋਜਨਂ ਨਤ੍ਥਿ, ਇਤਰਮ੍ਪਿ ਪਨ ਪੁਨ ਇਮਂ ਲੋਕਂ ਆਨੇਤੁਂ ਅਸਮਤ੍ਥਤਾਯ ਨਤ੍ਥੀਤਿ વੁਤ੍ਤਂ। ਇਮਸ੍ਮਿਂ ਸੁਤ੍ਤੇ ਝਾਨਾਨਾਗਾਮੀ ਨਾਮ ਕਥਿਤੋਤਿ।
੪. ਪਰਿਸਾਸੁਤ੍ਤવਣ੍ਣਨਾ
੯੬. ਚਤੁਤ੍ਥੇ ਨ ਬਾਹੁਲਿਕਾ ਹੋਨ੍ਤੀਤਿ ਪਚ੍ਚਯਬਾਹੁਲ੍ਲਿਕਾ ਨ ਹੋਨ੍ਤਿ। ਨ ਸਾਥਲਿਕਾਤਿ ਤਿਸ੍ਸੋ ਸਿਕ੍ਖਾ ਸਿਥਿਲਂ ਕਤ੍વਾ ਨ ਗਣ੍ਹਨ੍ਤਿ। ਓਕ੍ਕਮਨੇ ਨਿਕ੍ਖਿਤ੍ਤਧੁਰਾਤਿ ਪવਿવੇਕੇ ਪੁਬ੍ਬਙ੍ਗਮਾਤਿ ਕਾਯਚਿਤ੍ਤਉਪਧਿવਿવੇਕਸਙ੍ਖਾਤੇ ਤਿવਿਧੇਪਿ વਿવੇਕੇ ਪੁਬ੍ਬਙ੍ਗਮਾ। વੀਰਿਯਂ ਆਰਭਨ੍ਤੀਤਿ ਦੁવਿਧਮ੍ਪਿ વੀਰਿਯਂ ਪਗ੍ਗਣ੍ਹਨ੍ਤਿ। ਅਪ੍ਪਤ੍ਤਸ੍ਸਾਤਿ ਝਾਨવਿਪਸ੍ਸਨਾਮਗ੍ਗਫਲਸਙ੍ਖਾਤਸ੍ਸ ਅਪ੍ਪਤ੍ਤવਿਸੇਸਸ੍ਸ। ਸੇਸਪਦਦ੍વਯੇਪਿ ਏਸੇવ ਨਯੋ। ਪਚ੍ਛਿਮਾ ਜਨਤਾਤਿ ਸਦ੍ਧਿવਿਹਾਰਿਕਅਨ੍ਤੇવਾਸਿਕਾਦਯੋ। ਦਿਟ੍ਠਾਨੁਗਤਿਂ ਆਪਜ੍ਜਤੀਤਿ ਆਚਰਿਯੁਪਜ੍ਝਾਯੇਹਿ ਕਤਂ ਅਨੁਕਰੋਤਿ। ਯਂ ਤਾਯ ਜਨਤਾਯ ਆਚਰਿਯੁਪਜ੍ਝਾਯੇਸੁ ਦਿਟ੍ਠਂ, ਤਸ੍ਸ ਅਨੁਗਤਿਂ ਆਪਜ੍ਜਤਿ ਨਾਮ। ਅਯਂ વੁਚ੍ਚਤਿ, ਭਿਕ੍ਖવੇ, ਅਗ੍ਗવਤੀ ਪਰਿਸਾਤਿ, ਭਿਕ੍ਖવੇ, ਅਯਂ ਪਰਿਸਾ ਅਗ੍ਗਪੁਗ੍ਗਲવਤੀ ਨਾਮ વੁਚ੍ਚਤਿ।
ਭਣ੍ਡਨਜਾਤਾਤਿ ਜਾਤਭਣ੍ਡਨਾ। ਕਲਹਜਾਤਾਤਿ ਜਾਤਕਲਹਾ। ਭਣ੍ਡਨਨ੍ਤਿ ਚੇਤ੍ਥ ਕਲਹਸ੍ਸ ਪੁਬ੍ਬਭਾਗੋ, ਹਤ੍ਥਪਰਾਮਾਸਾਦਿવਸੇਨ વੀਤਿਕ੍ਕਮੋ ਕਲਹੋ ਨਾਮ। વਿવਾਦਾਪਨ੍ਨਾਤਿ વਿਰੁਦ੍ਧવਾਦਂ ਆਪਨ੍ਨਾ। ਮੁਖਸਤ੍ਤੀਹੀਤਿ ਗੁਣવਿਜ੍ਝਨਟ੍ਠੇਨ ਫਰੁਸਾ વਾਚਾ ‘‘ਮੁਖਸਤ੍ਤਿਯੋ’’ਤਿ વੁਚ੍ਚਨ੍ਤਿ, ਤਾਹਿ ਮੁਖਸਤ੍ਤੀਹਿ। વਿਤੁਦਨ੍ਤਾ વਿਹਰਨ੍ਤੀਤਿ વਿਜ੍ਝਨ੍ਤਾ વਿਚਰਨ੍ਤਿ।
ਸਮਗ੍ਗਾਤਿ ਸਹਿਤਾ। ਸਮ੍ਮੋਦਮਾਨਾਤਿ ਸਮਪ੍ਪવਤ੍ਤਮੋਦਾ। ਖੀਰੋਦਕੀਭੂਤਾਤਿ ਖੀਰੋਦਕਂ વਿਯ ਭੂਤਾ। ਪਿਯਚਕ੍ਖੂਹੀਤਿ ਉਪਸਨ੍ਤੇਹਿ ਮੇਤ੍ਤਚਕ੍ਖੂਹਿ। ਪੀਤਿ ਜਾਯਤੀਤਿ ਪਞ੍ਚવਣ੍ਣਾ ਪੀਤਿ ਉਪ੍ਪਜ੍ਜਤਿ। ਕਾਯੋ ਪਸ੍ਸਮ੍ਭਤੀਤਿ ਨਾਮਕਾਯੋਪਿ ਰੂਪਕਾਯੋਪਿ વਿਗਤਦਰਥੋ ਹੋਤਿ। ਪਸ੍ਸਦ੍ਧਕਾਯੋਤਿ ਅਸਾਰਦ੍ਧਕਾਯੋ। ਸੁਖਂ વੇਦਿਯਤੀਤਿ ਕਾਯਿਕਚੇਤਸਿਕਸੁਖਂ વੇਦਿਯਤਿ। ਸਮਾਧਿਯਤੀਤਿ ਆਰਮ੍ਮਣੇ ਸਮ੍ਮਾ ਠਪੀਯਤਿ।
ਥੁਲ੍ਲਫੁਸਿਤਕੇਤਿ ਮਹਾਫੁਸਿਤਕੇ। ਪਬ੍ਬਤਕਨ੍ਦਰਪਦਰਸਾਖਾਤਿ ਏਤ੍ਥ ਕਨ੍ਦਰੋ ਨਾਮ ‘‘ਕ’’ਨ੍ਤਿ ਲਦ੍ਧਨਾਮੇਨ ਉਦਕੇਨ ਦਾਰਿਤੋ ਉਦਕਭਿਨ੍ਨੋ ਪਬ੍ਬਤਪ੍ਪਦੇਸੋ, ਯੋ ‘‘ਨਿਤਮ੍ਭੋ’’ਤਿਪਿ ‘‘ਨਦਿਕੁਞ੍ਜੋ’’ਤਿਪਿ વੁਚ੍ਚਤਿ। ਪਦਰਂ ਨਾਮ ਅਟ੍ਠ ਮਾਸੇ ਦੇવੇ ਅવਸ੍ਸਨ੍ਤੇ ਫਲਿਤੋ ਭੂਮਿਪ੍ਪਦੇਸੋ। ਸਾਖਾਤਿ ਕੁਸੋਬ੍ਭਗਾਮਿਨਿਯੋ ਖੁਦ੍ਦਕਮਾਤਿਕਾਯੋ। ਕੁਸੋਬ੍ਭਾਤਿ ਖੁਦ੍ਦਕਆવਾਟਾ। ਮਹਾਸੋਬ੍ਭਾਤਿ ਮਹਾਆવਾਟਾ। ਕੁਨ੍ਨਦਿਯੋਤਿ ਖੁਦ੍ਦਕਨਦਿਯੋ। ਮਹਾਨਦਿਯੋਤਿ
੫-੭. ਪਠਮਆਜਾਨੀਯਸੁਤ੍ਤਾਦਿવਣ੍ਣਨਾ
੯੭-੯੯. ਪਞ੍ਚਮੇ ਅਙ੍ਗੇਹੀਤਿ ਗੁਣਙ੍ਗੇਹਿ। ਰਾਜਾਰਹੋਤਿ ਰਞ੍ਞੋ ਅਰਹੋ ਅਨੁਚ੍ਛવਿਕੋ। ਰਾਜਭੋਗ੍ਗੋਤਿ ਰਞ੍ਞੋ ਉਪਭੋਗਭੂਤੋ। ਰਞ੍ਞੋ ਅਙ੍ਗਨ੍ਤਿ ਰਞ੍ਞੋ ਹਤ੍ਥਪਾਦਾਦਿਅਙ੍ਗਸਮਤਾਯ ਅਙ੍ਗਨ੍ਤੇવ ਸਙ੍ਖਂ ਗਚ੍ਛਤਿ। વਣ੍ਣਸਮ੍ਪਨ੍ਨੋਤਿ ਸਰੀਰવਣ੍ਣੇਨ ਸਮ੍ਪਨ੍ਨੋ। ਬਲਸਮ੍ਪਨ੍ਨੋਤਿ ਕਾਯਬਲੇਨ ਸਮ੍ਪਨ੍ਨੋ। ਆਹੁਨੇਯ੍ਯੋਤਿ ਆਹੁਤਿਸਙ੍ਖਾਤਂ ਪਿਣ੍ਡਪਾਤਂ ਪਟਿਗ੍ਗਹੇਤੁਂ ਯੁਤ੍ਤੋ। ਪਾਹੁਨੇਯ੍ਯੋਤਿ ਪਾਹੁਨਕਭਤ੍ਤਸ੍ਸ ਅਨੁਚ੍ਛવਿਕੋ। ਦਕ੍ਖਿਣੇਯ੍ਯੋਤਿ ਦਸવਿਧਦਾਨવਤ੍ਥੁਪਰਿਚ੍ਚਾਗવਸੇਨ ਸਦ੍ਧਾਦਾਨਸਙ੍ਖਾਤਾਯ ਦਕ੍ਖਿਣਾਯ ਅਨੁਚ੍ਛવਿਕੋ। ਅਞ੍ਜਲਿਕਰਣੀਯੋਤਿ ਅਞ੍ਜਲਿਪਗ੍ਗਹਣਸ੍ਸ ਅਨੁਚ੍ਛવਿਕੋ। ਅਨੁਤ੍ਤਰਂ ਪੁਞ੍ਞਕ੍ਖੇਤ੍ਤਂ ਲੋਕਸ੍ਸਾਤਿ ਸਬ੍ਬਲੋਕਸ੍ਸ ਅਸਦਿਸਂ ਪੁਞ੍ਞવਿਰੁਹਨਟ੍ਠਾਨਂ।
વਣ੍ਣਸਮ੍ਪਨ੍ਨੋਤਿ ਗੁਣવਣ੍ਣੇਨ ਸਮ੍ਪਨ੍ਨੋ। ਬਲਸਮ੍ਪਨ੍ਨੋਤਿ વੀਰਿਯਬਲੇਨ ਸਮ੍ਪਨ੍ਨੋ। ਜવਸਮ੍ਪਨ੍ਨੋਤਿ ਞਾਣਜવੇਨ ਸਮ੍ਪਨ੍ਨੋ। ਥਾਮવਾਤਿ ਞਾਣਥਾਮੇਨ ਸਮਨ੍ਨਾਗਤੋ। ਦਲ਼੍ਹਪਰਕ੍ਕਮੋਤਿ ਥਿਰਪਰਕ੍ਕਮੋ। ਅਨਿਕ੍ਖਿਤ੍ਤਧੁਰੋਤਿ ਅਟ੍ਠਪਿਤਧੁਰੋ ਪਗ੍ਗਹਿਤਧੁਰੋ, ਅਗ੍ਗਫਲਂ ਅਰਹਤ੍ਤਂ ਅਪ੍ਪਤ੍વਾ વੀਰਿਯਧੁਰਂ ਨ ਨਿਕ੍ਖਿਪਿਸ੍ਸਾਮੀਤਿ ਏવਂ ਪਟਿਪਨ੍ਨੋ। ਇਮਸ੍ਮਿਂ ਸੁਤ੍ਤੇ ਚਤੁਸਚ੍ਚવਸੇਨ ਸੋਤਾਪਤ੍ਤਿਮਗ੍ਗੋ, ਸੋਤਾਪਤ੍ਤਿਮਗ੍ਗੇਨ ਚ ਞਾਣਜવਸਮ੍ਪਨ੍ਨਤਾ ਕਥਿਤਾਤਿ। ਛਟ੍ਠੇ ਤੀਣਿ ਚ ਮਗ੍ਗਾਨਿ ਤੀਣਿ ਚ ਫਲਾਨਿ, ਤੀਹਿ ਮਗ੍ਗਫਲੇਹਿ ਚ ਞਾਣਜવਸਮ੍ਪਨ੍ਨਤਾ ਕਥਿਤਾ। ਸਤ੍ਤਮੇ ਅਰਹਤ੍ਤਫਲਂ, ਅਰਹਤ੍ਤਫਲੇਨੇવ ਚ ਮਗ੍ਗਕਿਚ੍ਚਂ ਕਥਿਤਂ। ਫਲਂ ਪਨ ਜવਿਤਜવੇਨ ਉਪ੍ਪਜ੍ਜਨਤੋ ਜવੋਤਿ ਚ વਤ੍ਤੁਂ વਟ੍ਟਤਿ।
੮. ਪੋਤ੍ਥਕਸੁਤ੍ਤવਣ੍ਣਨਾ
੧੦੦. ਅਟ੍ਠਮੇ ਨવੋਤਿ ਕਰਣਂ ਉਪਾਦਾਯ વੁਚ੍ਚਤਿ। ਪੋਤ੍ਥਕੋਤਿ વਾਕਮਯવਤ੍ਥਂ। ਮਜ੍ਝਿਮੋਤਿ ਪਰਿਭੋਗਮਜ੍ਝਿਮੋ। ਜਿਣ੍ਣੋਤਿ ਪਰਿਭੋਗਜਿਣ੍ਣੋ। ਉਕ੍ਖਲਿਪਰਿਮਜ੍ਜਨਨ੍ਤਿ ਉਕ੍ਖਲਿਪਰਿਪੁਞ੍ਛਨਂ ਦੁਸ੍ਸੀਲੋਤਿ ਨਿਸ੍ਸੀਲੋ। ਦੁਬ੍ਬਣ੍ਣਤਾਯਾਤਿ ਗੁਣવਣ੍ਣਾਭਾવੇਨ ਦੁਬ੍ਬਣ੍ਣਤਾਯ। ਦਿਟ੍ਠਾਨੁਗਤਿਂ ਆਪਜ੍ਜਨ੍ਤੀਤਿ ਤੇਨ ਕਤਂ ਅਨੁਕਰੋਨ੍ਤਿ। ਨ ਮਹਪ੍ਫਲਂ ਹੋਤੀਤਿ વਿਪਾਕਫਲੇਨ ਮਹਪ੍ਫਲਂ ਨ ਹੋਤਿ। ਨ ਮਹਾਨਿਸਂਸਨ੍ਤਿ વਿਪਾਕਾਨਿਸਂਸੇਨੇવ ਨ ਮਹਾਨਿਸਂਸਂ। ਅਪ੍ਪਗ੍ਘਤਾਯਾਤਿ ਕਾਸਿਕਂ વਤ੍ਥਨ੍ਤਿ ਤੀਹਿ ਕਪ੍ਪਾਸਅਂਸੂਹਿ ਸੁਤ੍ਤਂ ਕਨ੍ਤਿਤ੍વਾ ਕਤવਤ੍ਥਂ, ਤਞ੍ਚ ਖੋ ਕਾਸਿਰਟ੍ਠੇਯੇવ ਉਟ੍ਠਿਤਂ। ਸੇਸਂ ਉਤ੍ਤਾਨਮੇવ। ਸੀਲਂ ਪਨੇਤ੍ਥ ਮਿਸ੍ਸਕਂ ਕਥਿਤਨ੍ਤਿ।
੯. ਲੋਣਕਪਲ੍ਲਸੁਤ੍ਤવਣ੍ਣਨਾ
੧੦੧. ਨવਮੇ ਯਥਾ ਯਥਾਯਨ੍ਤਿ ਯਥਾ ਯਥਾ ਅਯਂ। ਤਥਾ ਤਥਾ ਤਨ੍ਤਿ ਤਥਾ ਤਥਾ ਤਂ ਕਮ੍ਮਂ। ਇਦਂ વੁਤ੍ਤਂ ਹੋਤਿ – ਯੋ ਏવਂ વਦੇਯ੍ਯ – ‘‘ਯਥਾ ਯਥਾ ਕਮ੍ਮਂ ਕਰੋਤਿ, ਤਥਾ ਤਥਾਸ੍ਸ વਿਪਾਕਂ ਪਟਿਸਂવੇਦਿਯਤੇવ। ਨ ਹਿ ਸਕ੍ਕਾ ਕਤਸ੍ਸ ਕਮ੍ਮਸ੍ਸ વਿਪਾਕਂ ਪਟਿਸੇਧੇਤੁਂ। ਤਸ੍ਮਾ ਯਤ੍ਤਕਂ ਕਮ੍ਮਂ ਕਰੋਤਿ, ਤਤ੍ਤਕਸ੍ਸ વਿਪਾਕਂ ਪਟਿਸਂવੇਦਿਯਤੇવਾ’’ਤਿ। ਏવਂ ਸਨ੍ਤਨ੍ਤਿ ਏવਂ ਸਨ੍ਤੇ। ਬ੍ਰਹ੍ਮਚਰਿਯવਾਸੋ ਨ ਹੋਤੀਤਿ ਯਂ ਮਗ੍ਗਭਾવਨਤੋ ਪੁਬ੍ਬੇ ਉਪਪਜ੍ਜવੇਦਨੀਯਂ ਕਮ੍ਮਂ ਕਤਂ, ਤਸ੍ਸ ਅવਸ੍ਸਂ ਪਟਿਸਂવੇਦਨੀਯਤ੍ਤਾ ਬ੍ਰਹ੍ਮਚਰਿਯਂ વੁਤ੍ਥਮ੍ਪਿ ਅવੁਤ੍ਥਮੇવ ਹੋਤਿ। ਓਕਾਸੋ ਨ ਪਞ੍ਞਾਯਤਿ ਸਮ੍ਮਾ ਦੁਕ੍ਖਸ੍ਸ ਅਨ੍ਤਕਿਰਿਯਾਯਾਤਿ ਯਸ੍ਮਾ ਚ ਏવਂ ਸਨ੍ਤੇ ਤੇਨ ਕਮ੍ਮਾਯੂਹਨਞ੍ਚੇવ વਿਪਾਕਾਨੁਭવਨਾ ਚ ਹੋਤਿ, ਤਸ੍ਮਾ ਹੇਤੁਨਾ ਨਯੇਨ વਟ੍ਟਦੁਕ੍ਖਸ੍ਸ ਅਨ੍ਤਕਿਰਿਯਾਯ ਓਕਾਸੋ ਨ ਪਞ੍ਞਾਯਤਿ ਨਾਮ।
ਯਥਾ ਯਥਾ વੇਦਨੀਯਨ੍ਤਿ ਯੇਨ ਯੇਨਾਕਾਰੇਨ વੇਦਿਤਬ੍ਬਂ। ਤਥਾ ਤਥਾਸ੍ਸ વਿਪਾਕਂ ਪਟਿਸਂવੇਦਿਯਤੀਤਿ ਤੇਨ ਤੇਨਾਕਾਰੇਨ ਅਸ੍ਸ વਿਪਾਕਂ ਪਚ੍ਚਨੁਭੋਤਿ। ਇਦਂ વੁਤ੍ਤਂ ਹੋਤਿ – ਯਦੇਤਂ ਸਤ੍ਤਸੁ ਜવਨੇਸੁ ਪਠਮਜવਨਕਮ੍ਮਂ ਸਤਿ ਪਚ੍ਚਯੇ વਿਪਾਕવਾਰਂ ਲਭਨ੍ਤਮੇવ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਅਸਤਿ ਅਹੋਸਿਕਮ੍ਮਂ ਨਾਮ। ਯਞ੍ਚ ਸਤ੍ਤਮਜવਨਕਮ੍ਮਂ ਸਤਿ ਪਚ੍ਚਯੇ ਉਪਪਜ੍ਜવੇਦਨੀਯਂ ਹੋਤਿ, ਅਸਤਿ ਅਹੋਸਿਕਮ੍ਮਂ ਨਾਮ। ਯਞ੍ਚ ਮਜ੍ਝੇ ਪਞ੍ਚਜવਨਕਮ੍ਮਂ ਯਾવ ਸਂਸਾਰਪ੍ਪવਤ੍ਤਿ, ਤਾવ ਅਪਰਪਰਿਯਾਯવੇਦਨੀਯਂ ਨਾਮ ਹੋਤਿ। ਏਤੇਸੁ ਆਕਾਰੇਸੁ ਯੇਨ ਯੇਨਾਕਾਰੇਨ વੇਦਿਤਬ੍ਬਂ ਕਮ੍ਮਂ ਅਯਂ ਪੁਰਿਸੋ ਕਰੋਤਿ, ਤੇਨ ਤੇਨੇવਸ੍ਸ વਿਪਾਕਂ ਪਟਿਸਂવੇਦਿਯਤਿ ਨਾਮ। ਅਟ੍ਠਕਥਾਯਞ੍ਹਿ ਲਦ੍ਧવਿਪਾਕવਾਰਮੇવ ਕਮ੍ਮਂ ਯਥਾવੇਦਨੀਯਂ ਕਮ੍ਮਂ ਨਾਮਾਤਿ વੁਤ੍ਤਂ। ਏવਂ ਸਨ੍ਤਂ, ਭਿਕ੍ਖવੇ, ਬ੍ਰਹ੍ਮਚਰਿਯવਾਸੋ ਹੋਤੀਤਿ ਕਮ੍ਮਕ੍ਖਯਕਰਸ੍ਸ ਬ੍ਰਹ੍ਮਚਰਿਯਸ੍ਸ ਖੇਪੇਤਬ੍ਬਕਮ੍ਮਸਮ੍ਭવਤੋ વਾਸੋ ਨਾਮ ਹੋਤਿ, વੁਤ੍ਥਂ ਸੁવੁਤ੍ਥਮੇવ ਹੋਤੀਤਿ ਓਕਾਸੋ ਪਞ੍ਞਾਯਤਿ ਸਮ੍ਮਾ ਦੁਕ੍ਖਸ੍ਸ ਅਨ੍ਤਕਿਰਿਯਾਯਾਤਿ ਯਸ੍ਮਾ ਏવਂ ਸਨ੍ਤੇ ਤੇਨ ਤੇਨ ਮਗ੍ਗੇਨ ਅਭਿਸਙ੍ਖਾਰવਿਞ੍ਞਾਣਸ੍ਸ ਨਿਰੋਧੇਨ ਤੇਸੁ ਤੇਸੁ ਭવੇਸੁ ਆਯਤਿਂ વਟ੍ਟਦੁਕ੍ਖਂ ਨ ਉਪ੍ਪਜ੍ਜਤਿ, ਤਸ੍ਮਾ ਓਕਾਸੋ ਪਞ੍ਞਾਯਤਿ ਸਮ੍ਮਾ ਦੁਕ੍ਖਸ੍ਸ ਅਨ੍ਤਕਿਰਿਯਾਯ।
ਇਦਾਨਿ ਤਂ ਯਥਾવੇਦਨੀਯਕਮ੍ਮਸਭਾવਂ ਦਸ੍ਸੇਨ੍ਤੋ ਇਧ, ਭਿਕ੍ਖવੇ, ਏਕਚ੍ਚਸ੍ਸਾਤਿਆਦਿਮਾਹ। ਤਤ੍ਥ ਅਪ੍ਪਮਤ੍ਤਕਨ੍ਤਿ ਪਰਿਤ੍ਤਂ ਥੋਕਂ ਮਨ੍ਦਂ ਲਾਮਕਂ। ਤਾਦਿਸਂਯੇવਾਤਿ ਤਂਸਰਿਕ੍ਖਕਮੇવ। ਦਿਟ੍ਠਧਮ੍ਮવੇਦਨੀਯਨ੍ਤਿ ਤਸ੍ਮਿਂ ਕਮ੍ਮੇਯੇવ ਦਿਟ੍ਠਧਮ੍ਮੇ વਿਪਚ੍ਚਿਤਬ੍ਬਂ વਿਪਾਕવਾਰਂ ਲਭਨ੍ਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ। ਨਾਣੁਪਿ ਖਾਯਤੀਤਿ ਦੁਤਿਯੇ ਅਤ੍ਤਭਾવੇ ਅਣੁਪਿ ਨ ਖਾਯਤਿ, ਅਣੁਮਤ੍ਤਮ੍ਪਿ ਦੁਤਿਯੇ ਅਤ੍ਤਭਾવੇ ਬਹੁਦੇવਾਤਿ ਅਭਾવਿਤਕਾਯੋਤਿਆਦੀਹਿ ਕਾਯਭਾવਨਾਰਹਿਤੋ વਟ੍ਟਗਾਮੀ ਪੁਥੁਜ੍ਜਨੋ ਦਸ੍ਸਿਤੋ। ਪਰਿਤ੍ਤੋਤਿ ਪਰਿਤ੍ਤਗੁਣੋ। ਅਪ੍ਪਾਤੁਮੋਤਿ ਆਤੁਮਾ વੁਚ੍ਚਤਿ ਅਤ੍ਤਭਾવੋ, ਤਸ੍ਮਿਂ ਮਹਨ੍ਤੇਪਿ ਗੁਣਪਰਿਤ੍ਤਤਾਯ ਅਪ੍ਪਾਤੁਮੋਯੇવ। ਅਪ੍ਪਦੁਕ੍ਖવਿਹਾਰੀਤਿ ਅਪ੍ਪਕੇਨਪਿ ਪਾਪੇਨ ਦੁਕ੍ਖવਿਹਾਰੀ। ਭਾવਿਤਕਾਯੋਤਿਆਦੀਹਿ ਖੀਣਾਸવੋ ਦਸ੍ਸਿਤੋ। ਸੋ ਹਿ ਕਾਯਾਨੁਪਸ੍ਸਨਾਸਙ੍ਖਾਤਾਯ ਕਾਯਭਾવਨਾਯ ਭਾવਿਤਕਾਯੋ ਨਾਮ। ਕਾਯਸ੍ਸ વਾ વਡ੍ਢਿਤਤ੍ਤਾ ਭਾવਿਤਕਾਯੋ। ਭਾવਿਤਸੀਲੋਤਿ વਡ੍ਢਿਤਸੀਲੋ। ਸੇਸਪਦਦ੍વਯੇਪਿ ਏਸੇવ ਨਯੋ। ਪਞ੍ਚਦ੍વਾਰਭਾવਨਾਯ વਾ ਭਾવਿਤਕਾਯੋ। ਏਤੇਨ ਇਨ੍ਦ੍ਰਿਯਸਂવਰਸੀਲਂ વੁਤ੍ਤਂ, ਭਾવਿਤਸੀਲੋਤਿ ਇਮਿਨਾ ਸੇਸਾਨਿ ਤੀਣਿ ਸੀਲਾਨਿ। ਅਪਰਿਤ੍ਤੋਤਿ ਨ ਪਰਿਤ੍ਤਗੁਣੋ। ਮਹਤ੍ਤੋਤਿ ਅਤ੍ਤਭਾવੇ ਪਰਿਤ੍ਤੇਪਿ ਗੁਣਮਹਨ੍ਤਤਾਯ ਮਹਤ੍ਤੋ। ਅਪ੍ਪਮਾਣવਿਹਾਰੀਤਿ ਖੀਣਾਸવਸ੍ਸੇਤਂ ਨਾਮਮੇવ। ਸੋ ਹਿ ਪਮਾਣਕਰਾਨਂ ਰਾਗਾਦੀਨਂ ਅਭਾવੇਨ ਅਪ੍ਪਮਾਣવਿਹਾਰੀ ਨਾਮ।
ਪਰਿਤ੍ਤੇਤਿ ਖੁਦ੍ਦਕੇ। ਉਦਕਮਲ੍ਲਕੇਤਿ ਉਦਕਸਰਾવੇ। ਓਰਬ੍ਭਿਕੋਤਿ ਉਰਬ੍ਭਸਾਮਿਕੋ। ਉਰਬ੍ਭਘਾਤਕੋਤਿ ਸੂਨਕਾਰੋ। ਜਾਪੇਤੁਂ વਾਤਿ ਧਨਜਾਨਿਯਾ ਜਾਪੇਤੁਂ। ਝਾਪੇਤੁਨ੍ਤਿਪਿ ਪਾਠੋ, ਅਯਮੇવਤ੍ਥੋ। ਯਥਾਪਚ੍ਚਯਂ વਾ ਕਾਤੁਨ੍ਤਿ ਯਥਾ ਇਚ੍ਛਤਿ, ਤਥਾ ਕਾਤੁਂ। ਉਰਬ੍ਭਧਨਨ੍ਤਿ ਏਲ਼ਕਅਗ੍ਘਨਕਮੂਲਂ। ਸੋ ਪਨਸ੍ਸ ਸਚੇ ਇਚ੍ਛਤਿ, ਦੇਤਿ। ਨੋ ਚੇ ਇਚ੍ਛਤਿ, ਗੀવਾਯਂ ਗਹੇਤ੍વਾ
੧੦. ਪਂਸੁਧੋવਕਸੁਤ੍ਤવਣ੍ਣਨਾ
੧੦੨. ਦਸਮੇ ਧੋવਤੀਤਿ વਿਕ੍ਖਾਲੇਤਿ। ਸਨ੍ਧੋવਤੀਤਿ ਸੁਟ੍ਠੁ ਧੋવਤਿ, ਪੁਨਪ੍ਪੁਨਂ ਧੋવਤਿ। ਨਿਦ੍ਧੋવਤੀਤਿ ਨਿਗ੍ਗਣ੍ਹਿਤ੍વਾ ਧੋવਤਿ। ਅਨਿਦ੍ਧਨ੍ਤਕਸਾવਨ੍ਤਿ ਅਨੀਹਤਦੋਸਂ ਅਨਪਨੀਤਕਸਾવਂ। ਪਭਙ੍ਗੂਤਿ ਪਭਿਜ੍ਜਨਸਭਾવਂ, ਅਧਿਕਰਣੀਯਂ ਠਪੇਤ੍વਾ ਮੁਟ੍ਠਿਕਾਯ ਪਹਟਮਤ੍ਤਂ ਭਿਜ੍ਜਤਿ। ਪਟ੍ਟਿਕਾਯਾਤਿ ਸੁવਣ੍ਣਪਟ੍ਟਕਾਯ। ਗੀવੇਯ੍ਯਕੇਤਿ ਗੀવਾਲਙ੍ਕਾਰੇ।
ਅਧਿਚਿਤ੍ਤਨ੍ਤਿ ਸਮਥવਿਪਸ੍ਸਨਾਚਿਤ੍ਤਂ। ਅਨੁਯੁਤ੍ਤਸ੍ਸਾਤਿ ਭਾવੇਨ੍ਤਸ੍ਸ। ਸਚੇਤਸੋਤਿ ਚਿਤ੍ਤਸਮ੍ਪਨ੍ਨੋ। ਦਬ੍ਬਜਾਤਿਕੋਤਿ ਪਣ੍ਡਿਤਜਾਤਿਕੋ। ਕਾਮવਿਤਕ੍ਕਾਦੀਸੁ ਕਾਮੇ ਆਰਬ੍ਭ ਉਪ੍ਪਨ੍ਨੋ વਿਤਕ੍ਕੋ ਕਾਮવਿਤਕ੍ਕੋ। ਬ੍ਯਾਪਾਦવਿਹਿਂਸਸਮ੍ਪਯੁਤ੍ਤਾ વਿਤਕ੍ਕਾ ਬ੍ਯਾਪਾਦવਿਹਿਂਸવਿਤਕ੍ਕਾ ਨਾਮ। ਞਾਤਿવਿਤਕ੍ਕਾਦੀਸੁ ‘‘ਅਮ੍ਹਾਕਂ ਞਾਤਕਾ ਬਹੂ ਪੁਞ੍ਞવਨ੍ਤਾ’’ਤਿਆਦਿਨਾ ਨਯੇਨ ਞਾਤਕੇ ਆਰਬ੍ਭ ਉਪ੍ਪਨ੍ਨੋ ਞਾਤਿવਿਤਕ੍ਕੋ। ‘‘ਅਸੁਕੋ ਜਨਪਦੋ ਖੇਮੋ ਸੁਭਿਕ੍ਖੋ’’ਤਿਆਦਿਨਾ ਨਯੇਨ ਜਨਪਦਮਾਰਬ੍ਭ ਉਪ੍ਪਨ੍ਨੋ વਿਤਕ੍ਕੋ ਜਨਪਦવਿਤਕ੍ਕੋ। ‘‘ਅਹੋ વਤ ਮਂ ਪਰੇ ਨ ਅવਜਾਨੇਯ੍ਯੁ’’ਨ੍ਤਿ ਏવਂ ਉਪ੍ਪਨ੍ਨੋ વਿਤਕ੍ਕੋ ਅਨવਞ੍ਞਤ੍ਤਿਪਟਿਸਂਯੁਤ੍ਤੋ વਿਤਕ੍ਕੋ ਨਾਮ। ਧਮ੍ਮવਿਤਕ੍ਕਾવਸਿਸ੍ਸਨ੍ਤੀਤਿ ਧਮ੍ਮવਿਤਕ੍ਕਾ ਨਾਮ ਦਸવਿਪਸ੍ਸਨੁਪਕ੍ਕਿਲੇਸવਿਤਕ੍ਕਾ। ਸੋ ਹੋਤਿ ਸਮਾਧਿ ਨ ਚੇવ ਸਨ੍ਤੋਤਿ ਸੋ ਅવਸਿਟ੍ਠਧਮ੍ਮવਿਤਕ੍ਕੋ વਿਪਸ੍ਸਨਾਸਮਾਧਿ ਅવੂਪਸਨ੍ਤਕਿਲੇਸਤ੍ਤਾ ਸਨ੍ਤੋ ਨ ਹੋਤਿ। ਨ ਪਣੀਤੋਤਿ ਨ ਅਤਪ੍ਪਕੋ। ਨਪ੍ਪਟਿਪ੍ਪਸ੍ਸਦ੍ਧਿਲਦ੍ਧੋਤਿ ਨ ਏਕੋਦਿਭਾવਾਧਿਗਤੋਤਿ ਨ ਏਕਗ੍ਗਭਾવਪ੍ਪਤ੍ਤੋ। ਸਸਙ੍ਖਾਰਨਿਗ੍ਗਯ੍ਹવਾਰਿਤਗਤੋਤਿ ਸਸਙ੍ਖਾਰੇਨ ਸਪ੍ਪਯੋਗੇਨ ਕਿਲੇਸੇ ਨਿਗ੍ਗਣ੍ਹਿਤ੍વਾ વਾਰੇਤ੍વਾ વਾਰਿਤੋ, ਨ ਕਿਲੇਸਾਨਂ ਛਿਨ੍ਨਨ੍ਤੇ ਉਪ੍ਪਨ੍ਨੋ, ਕਿਲੇਸੇ ਪਨ વਾਰੇਤ੍વਾ ਉਪ੍ਪਨ੍ਨੋ।
ਹੋਤਿ ਸੋ, ਭਿਕ੍ਖવੇ, ਸਮਯੋਤਿ ਏਤ੍ਥ ਸਮਯੋ ਨਾਮ ਉਤੁਸਪ੍ਪਾਯਂ ਆਹਾਰਸਪ੍ਪਾਯਂ ਸੇਨਾਸਨਸਪ੍ਪਾਯਂ ਪੁਗ੍ਗਲਸਪ੍ਪਾਯਂ ਧਮ੍ਮਸ੍ਸવਨਸਪ੍ਪਾਯਨ੍ਤਿ ਇਮੇਸਂ ਪਞ੍ਚਨ੍ਨਂ ਸਪ੍ਪਾਯਾਨਂ ਪਟਿਲਾਭਕਾਲੋ। ਯਂ ਤਂ ਚਿਤ੍ਤਨ੍ਤਿ ਯਸ੍ਮਿਂ ਸਮਯੇ ਤਂ વਿਪਸ੍ਸਨਾਚਿਤ੍ਤਂ। ਅਜ੍ਝਤ੍ਤਂਯੇવ ਸਨ੍ਤਿਟ੍ਠਤੀਤਿ ਅਤ੍ਤਨਿਯੇવ ਤਿਟ੍ਠਤਿ। ਨਿਯਕਜ੍ਝਤ੍ਤਞ੍ਹਿ ਇਧ ਅਜ੍ਝਤ੍ਤਂ ਨਾਮ। ਗੋਚਰਜ੍ਝਤ੍ਤਮ੍ਪਿ વਟ੍ਟਤਿ। ਪੁਥੁਤ੍ਤਾਰਮ੍ਮਣਂ ਪਹਾਯ ਏਕਸ੍ਮਿਂ ਨਿਬ੍ਬਾਨਗੋਚਰੇਯੇવ ਤਿਟ੍ਠਤੀਤਿ વੁਤ੍ਤਂ ਹੋਤਿ। ਸਨ੍ਨਿਸੀਦਤੀਤਿ ਸੁਟ੍ਠੁ ਨਿਸੀਦਤਿ। ਏਕੋਦਿ ਹੋਤੀਤਿ ਏਕਗ੍ਗਂ ਹੋਤਿ। ਸਮਾਧਿਯਤੀਤਿ ਸਮ੍ਮਾ ਆਧਿਯਤਿ। ਸਨ੍ਤੋਤਿਆਦੀਸੁ ਪਚ੍ਚਨੀਕਕਿਲੇਸવੂਪਸਮੇਨ ਸਨ੍ਤੋ। ਅਤਪ੍ਪਕਟ੍ਠੇਨ ਪਣੀਤੋ। ਕਿਲੇਸਪਟਿਪ੍ਪਸ੍ਸਦ੍ਧਿਯਾ ਲਦ੍ਧਤ੍ਤਾ ਪਟਿਪ੍ਪਸ੍ਸਦ੍ਧਲਦ੍ਧੋ। ਏਕਗ੍ਗਭਾવਂ ਗਤਤ੍ਤਾ ਏਕੋਦਿਭਾવਾਧਿਗਤੋ। ਕਿਲੇਸਾਨਂ ਛਿਨ੍ਨਨ੍ਤੇ ਉਪ੍ਪਨ੍ਨਤ੍ਤਾ ਨ ਸਪ੍ਪਯੋਗੇਨ ਕਿਲੇਸੇ ਨਿਗ੍ਗਣ੍ਹਿਤ੍વਾ વਾਰੇਤ੍વਾ વਾਰਿਤੋਤਿ ਨ ਸਸਙ੍ਖਾਰਨਿਗ੍ਗਯ੍ਹવਾਰਿਤਗਤੋ। ਏਤ੍ਤਾવਤਾ ਅਯਂ ਭਿਕ੍ਖੁ વਿવਟ੍ਟੇਤ੍વਾ ਅਰਹਤ੍ਤਂ ਪਤ੍ਤੋ ਨਾਮ ਹੋਤਿ।
ਇਦਾਨਿ ਖੀਣਾਸવਸ੍ਸ ਸਤੋ ਅਭਿਞ੍ਞਾਪਟਿਪਦਂ ਦਸ੍ਸੇਨ੍ਤੋ ਯਸ੍ਸ ਯਸ੍ਸ ਚਾਤਿਆਦਿਮਾਹ। ਤਤ੍ਥ ਅਭਿਞ੍ਞਾ ਸਚ੍ਛਿਕਰਣੀਯਸ੍ਸਾਤਿ ਅਭਿਜਾਨਿਤ੍વਾ ਪਚ੍ਚਕ੍ਖਂ ਕਾਤਬ੍ਬਸ੍ਸ। ਸਤਿ ਸਤਿਆਯਤਨੇਤਿ ਪੁਬ੍ਬਹੇਤੁਸਙ੍ਖਾਤੇ ਚੇવ ਇਦਾਨਿ ਚ ਪਟਿਲਦ੍ਧਬ੍ਬੇ ਅਭਿਞ੍ਞਾਪਾਦਕਜ੍ਝਾਨਾਦਿਭੇਦੇ ਚ ਸਤਿ ਸਤਿਕਾਰਣੇ। વਿਤ੍ਥਾਰਤੋ ਆਸવਾਨਂ ਖਯਾਤਿਆਦਿ ਚੇਤ੍ਥ ਫਲਸਮਾਪਤ੍ਤਿવਸੇਨ વੁਤ੍ਤਨ੍ਤਿ વੇਦਿਤਬ੍ਬਂ।
੧੧. ਨਿਮਿਤ੍ਤਸੁਤ੍ਤવਣ੍ਣਨਾ
੧੦੩. ਏਕਾਦਸਮੇਪਿ ਅਧਿਚਿਤ੍ਤਂ ਸਮਥવਿਪਸ੍ਸਨਾਚਿਤ੍ਤਮੇવ। ਤੀਣਿ ਨਿਮਿਤ੍ਤਾਨੀਤਿ ਤੀਣਿ ਕਾਰਣਾਨਿ। ਕਾਲੇਨ ਕਾਲਨ੍ਤਿ ਕਾਲੇ ਕਾਲੇ, ਯੁਤ੍ਤਕਾਲੇਤਿ ਅਤ੍ਥੋ। ਕਾਲੇਨ ਕਾਲਂ ਸਮਾਧਿਨਿਮਿਤ੍ਤਂ ਮਨਸਿਕਾਤਬ੍ਬਨ੍ਤਿਆਦੀਸੁ ਤਂ ਤਂ ਕਾਲਂ ਸਲ੍ਲਕ੍ਖੇਤ੍વਾ ਏਕਗ੍ਗਤਾਯ ਯੁਤ੍ਤਕਾਲੇ ਏਕਗ੍ਗਤਾ ਮਨਸਿਕਾਤਬ੍ਬਾ। ਏਕਗ੍ਗਤਾ ਹਿ ਇਧ ਸਮਾਧਿਨਿਮਿਤ੍ਤਨ੍ਤਿ વੁਤ੍ਤਾ। ਤਤ੍ਰ વਚਨਤ੍ਥੋ – ਸਮਾਧਿਯੇવ ਨਿਮਿਤ੍ਤਂ ਸਮਾਧਿਨਿਮਿਤ੍ਤਂ। ਸੇਸਪਦਦ੍વਯੇਪਿ ਏਸੇવ ਨਯੋ। ਪਗ੍ਗਹੋਤਿ ਪਨ વੀਰਿਯਸ੍ਸ ਨਾਮਂ, ਉਪੇਕ੍ਖਾਤਿ ਮਜ੍ਝਤ੍ਤਭਾવਸ੍ਸ। ਤਸ੍ਮਾ ਠਾਨਂ ਤਂ ਚਿਤ੍ਤਂ ਕੋਸਜ੍ਜਾਯ ਸਂવਤ੍ਤੇਯ੍ਯਾਤਿ ਕਾਰਣਂ વਿਜ੍ਜਤਿ ਯੇਨ ਤਂ ਚਿਤ੍ਤਂ ਕੋਸਜ੍ਜਭਾવੇ ਤਿਟ੍ਠੇਯ੍ਯ। ਇਤਰੇਸੁਪਿ ਏਸੇવ ਨਯੋ। ਉਪੇਕ੍ਖਾਨਿਮਿਤ੍ਤਂਯੇવ ਮਨਸਿ ਕਰੇਯ੍ਯਾਤਿ ਏਤ੍ਥ ਚ ਞਾਣਜવਂ ਉਪੇਕ੍ਖੇਯ੍ਯਾਤਿ ਅਯਮਤ੍ਥੋ। ਆਸવਾਨਂ ਖਯਾਯਾਤਿ ਅਰਹਤ੍ਤਫਲਤ੍ਥਾਯ।
ਉਕ੍ਕਂ ਬਨ੍ਧੇਯ੍ਯਾਤਿ ਅਙ੍ਗਾਰਕਪਲ੍ਲਂ ਸਜ੍ਜੇਯ੍ਯ। ਆਲਿਮ੍ਪੇਯ੍ਯਾਤਿ ਤਤ੍ਥ ਅਙ੍ਗਾਰੇ ਪਕ੍ਖਿਪਿਤ੍વਾ ਅਗ੍ਗਿਂ ਦਤ੍વਾ ਨਾਲ਼ਿਕਾਯ ਧਮਨ੍ਤੋ ਅਗ੍ਗਿਂ ਗਾਹਾਪੇਯ੍ਯ। ਉਕ੍ਕਾਮੁਖੇ ਪਕ੍ਖਿਪੇਯ੍ਯਾਤਿ ਅਙ੍ਗਾਰੇ વਿਯੂਹਿਤ੍વਾ ਅਙ੍ਗਾਰਮਤ੍ਥਕੇ વਾ ਠਪੇਯ੍ਯ, ਮੂਸਾਯ વਾ ਪਕ੍ਖਿਪੇਯ੍ਯ। ਅਜ੍ਝੁਪੇਕ੍ਖਤੀਤਿ ਪਕ੍ਕਾਪਕ੍ਕਭਾવਂ ਉਪਧਾਰੇਤਿ।
ਸਮ੍ਮਾ ਸਮਾਧਿਯਤਿ ਆਸવਾਨਂ ਖਯਾਯਾਤਿ ਅਰਹਤ੍ਤਫਲਤ੍ਥਾਯ ਸਮ੍ਮਾ ਠਪੀਯਤਿ। ਏਤ੍ਤਾવਤਾ ਯਸ੍ਸ ਯਸ੍ਸ ਚਾਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਨਯੇਨੇવ વੇਦਿਤਬ੍ਬਂ।
ਲੋਣਕਪਲ੍ਲવਗ੍ਗੋ ਪਞ੍ਚਮੋ।
ਦੁਤਿਯਪਣ੍ਣਾਸਕਂ ਨਿਟ੍ਠਿਤਂ।
੩. ਤਤਿਯਪਣ੍ਣਾਸਕਂ