੧੬. ਬਨ੍ਧੁਜੀવਕવਗ੍ਗੋ
੧. ਬਨ੍ਧੁਜੀવਕਤ੍ਥੇਰਅਪਦਾਨવਣ੍ਣਨਾ
ਚਨ੍ਦਂવ વਿਮਲਂ ਸੁਦ੍ਧਨ੍ਤਿਆਦਿਕਂ ਆਯਸ੍ਮਤੋ ਬਨ੍ਧੁਜੀવਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਾਯਸ੍ਮਾ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ
੧. ਸੋ ਪੁਬ੍ਬੇਨਿવਾਸਞਾਣੇਨ ਪੁਬ੍ਬੇ ਕਤਕੁਸਲਕਮ੍ਮਂ ਅਨੁਸ੍ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਚਨ੍ਦਂવ વਿਮਲਂ ਸੁਦ੍ਧਨ੍ਤਿਆਦਿਮਾਹ। ਤਤ੍ਥ ਚਨ੍ਦਂવ વਿਮਲਂ ਸੁਦ੍ਧਨ੍ਤਿ ਅਬ੍ਭਾ, ਮਹਿਕਾ, ਧੁਮੋ, ਰਜੋ, ਰਾਹੂਤਿ ਇਮੇਹਿ ਉਪਕ੍ਕਿਲੇਸਮਲੇਹਿ વਿਮੁਤ੍ਤਂ ਚਨ੍ਦਂ ਇવ ਦਿਯਡ੍ਢਸਹਸ੍ਸੁਪਕ੍ਕਿਲੇਸਮਲਾਨਂ ਪਹੀਨਤ੍ਤਾ વਿਮਲਂ ਨਿਕ੍ਕਿਲੇਸਤ੍ਤਾ ਸੁਦ੍ਧਂ ਪਸਨ੍ਨਂ ਸਿਖਿਂ ਸਮ੍ਬੁਦ੍ਧਨ੍ਤਿ ਸਮ੍ਬਨ੍ਧੋ। ਕਿਲੇਸਕਦ੍ਦਮਾਨਂ ਅਭਾવੇਨ ਅਨਾવਿਲਂ। ਨਨ੍ਦੀਭવਸਙ੍ਖਾਤਾਯ ਬਲવਸ੍ਨੇਹਾਯ ਪਰਿਸਮਨ੍ਤਤੋ ਖੀਣਤ੍ਤਾ ਨਨ੍ਦੀਭવਪਰਿਕ੍ਖੀਣਂ। ਤਿਣ੍ਣਂ ਲੋਕੇਤਿ ਲੋਕਤ੍ਤਯਤੋ ਤਿਣ੍ਣਂ ਉਤ੍ਤਿਣ੍ਣਂ ਅਤਿਕ੍ਕਨ੍ਤਂ। વਿਸਤ੍ਤਿਕਨ੍ਤਿ વਿਸਤ੍ਤਿਕਂ વੁਚ੍ਚਤਿ ਤਣ੍ਹਾ, ਨਿਤ੍ਤਣ੍ਹਨ੍ਤਿ ਅਤ੍ਥੋ।
੨. ਨਿਬ੍ਬਾਪਯਨ੍ਤਂ ਜਨਤਨ੍ਤਿ ਧਮ੍ਮવਸ੍ਸਂ વਸ੍ਸਨ੍ਤੋ ਜਨਤਂ ਜਨਸਮੂਹਂ ਕਿਲੇਸਪਰਿਲ਼ਾਹਾਭਾવੇਨ ਨਿਬ੍ਬਾਪਯਨ੍ਤਂ વੂਪਸਮੇਨ੍ਤਂ। ਸਯਂ ਸਂਸਾਰਤੋ ਤਿਣ੍ਣਂ, ਸਬ੍ਬਸਤ੍ਤੇ ਸਂਸਾਰਤੋ ਤਾਰਯਨ੍ਤਂ ਅਤਿਕ੍ਕਮੇਨ੍ਤਂ ਚਤੁਨ੍ਨਂ ਸਚ੍ਚਾਨਂ ਮੁਨਨਤੋ ਜਾਨਨਤੋ ਮੁਨਿਂ ਸਿਖਿਂ ਸਮ੍ਬੁਦ੍ਧਨ੍ਤਿ ਸਮ੍ਬਨ੍ਧੋ। વਨਸ੍ਮਿਂ ਝਾਯਮਾਨਨ੍ਤਿ ਆਰਮ੍ਮਣੂਪਨਿਜ੍ਝਾਨਲਕ੍ਖਣੂਪਨਿਜ੍ਝਾਨੇਹਿ ਝਾਯਨ੍ਤਂ ਚਿਨ੍ਤੇਨ੍ਤਂ ਚਿਤ੍ਤੇਨ ਭਾવੇਨ੍ਤਂ વਨਮਜ੍ਝੇਤਿ ਅਤ੍ਥੋ। ਏਕਗ੍ਗਂ ਸੁਸਮਾਹਿਤਂ ਸੁਟ੍ਠੁ ਆਰਮ੍ਮਣੇ ਆਹਿਤਂ ਠਪਿਤਚਿਤ੍ਤਂ ਸਿਖਿਂ ਮੁਨਿਂ ਦਿਸ੍વਾਤਿ ਸਮ੍ਬਨ੍ਧੋ।
੩. ਬਨ੍ਧੁਜੀવਕਪੁਪ੍ਫਾਨੀਤਿ ਬਨ੍ਧੂਨਂ ਞਾਤੀਨਂ ਜੀવਕਂ ਜੀવਿਤਨਿਸ੍ਸਯਂ ਹਦਯਮਂਸਲੋਹਿਤਂ ਬਨ੍ਧੁਜੀવਕਂ ਹਦਯਮਂਸਲੋਹਿਤਸਮਾਨવਣ੍ਣਂ ਪੁਪ੍ਫਂ ਬਨ੍ਧੁਜੀવਕਪੁਪ੍ਫਂ ਗਹੇਤ੍વਾ ਸਿਖਿਨੋ ਲੋਕਬਨ੍ਧੁਨੋ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
ਬਨ੍ਧੁਜੀવਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੨. ਤਮ੍ਬਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
ਪਰਕਮ੍ਮਾਯਨੇ ਯੁਤ੍ਤੋਤਿਆਦਿਕਂ ਆਯਸ੍ਮਤੋ ਤਮ੍ਬਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਆਯਸ੍ਮਾ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਿਯਦਸ੍ਸਿਸ੍ਸ ਭਗવਤੋ ਕਾਲੇ ਕੇਨਚਿ ਪੁਰੇ ਕਤੇਨ ਅਕੁਸਲਕਮ੍ਮੇਨ ਦੁਗ੍ਗਤਕੁਲੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਪਰੇਸਂ ਕਮ੍ਮਂ ਕਤ੍વਾ ਭਤਿਯਾ ਜੀવਿਕਂ ਕਪ੍ਪੇਸਿ। ਸੋ ਏવਂ ਦੁਕ੍ਖੇਨ વਸਨ੍ਤੋ ਪਰੇਸਂ ਅਪਰਾਧਂ ਕਤ੍વਾ ਮਰਣਭਯੇਨ ਪਲਾਯਿਤ੍વਾ વਨਂ ਪਾવਿਸਿ। ਤਤ੍ਥ ਗਤਟ੍ਠਾਨੇ ਪਾਟਲਿਬੋਧਿਂ ਦਿਸ੍વਾ વਨ੍ਦਿਤ੍વਾ ਸਮ੍ਮਜ੍ਜਿਤ੍વਾ ਏਕਸ੍ਮਿਂ ਰੁਕ੍ਖੇ ਤਮ੍ਬવਣ੍ਣਂ ਪੁਪ੍ਫਂ ਦਿਸ੍વਾ ਤਂ ਸਬ੍ਬਂ ਕਣ੍ਣਿਕੇ ਓਚਿਨਿਤ੍વਾ ਬੋਧਿਪੂਜਂ ਅਕਾਸਿ। ਤਤ੍ਥ ਚਿਤ੍ਤਂ ਪਸਾਦੇਤ੍વਾ વਨ੍ਦਿਤ੍વਾ ਪਲ੍ਲਙ੍ਕਮਾਭੁਜਿਤ੍વਾ ਨਿਸੀਦਿ। ਤਸ੍ਮਿਂ ਖਣੇ ਤੇ ਮਨੁਸ੍ਸਾ ਪਦਾਨੁਪਦਿਕਂ ਅਨੁਬਨ੍ਧਿਤ੍વਾ ਤਤ੍ਥ ਅਗਮਂਸੁ। ਸੋ ਤੇ ਦਿਸ੍વਾ ਬੋਧਿਂ ਆવਜ੍ਜੇਨ੍ਤੋવ ਪਲਾਯਿਤ੍વਾ ਭਯਾਨਕੇ ਗੀਰਿਦੁਗ੍ਗਪਪਾਤੇ ਪਤਿਤ੍વਾ ਮਰਿ।
੭. ਸੋ ਬੋਧਿਪੂਜਾਯ ਅਨੁਸ੍ਸਰਿਤਤ੍ਤਾ ਤੇਨੇવ ਪੀਤਿਸੋਮਨਸ੍ਸੇਨ ਤਾવਤਿਂਸਾਦੀਸੁ ਉਪਪਨ੍ਨੋ ਛ ਕਾਮਾવਚਰਸਮ੍ਪਤ੍ਤਿਂ ਅਨੁਭવਿਤ੍વਾ ਮਨੁਸ੍ਸੇਸੁ ਚ ਚਕ੍ਕવਤ੍ਤਿਆਦਿਸਮ੍ਪਤ੍ਤਿਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨੇ ਕੁਲੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਸਨ੍ਨਮਾਨਸੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਰਕਮ੍ਮਾਯਨੇ ਯੁਤ੍ਤੋਤਿਆਦਿਮਾਹ। ਤਤ੍ਥ ਪਰੇਸਂ ਕਮ੍ਮਾਨਿ ਪਰਕਮ੍ਮਾਨਿ, ਪਰਕਮ੍ਮਾਨਂ ਆਯਨੇ ਕਰਣੇ વਾਹਨੇ ਧਾਰਣੇ ਯੁਤ੍ਤੋ ਯੋਜਿਤੋ ਅਹੋਸਿਨ੍ਤਿ ਅਤ੍ਥੋ। ਸੇਸਂ ਪਾਕਟਮੇવਾਤਿ।
ਤਮ੍ਬਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੩. વੀਥਿਸਮ੍ਮਜ੍ਜਕਤ੍ਥੇਰਅਪਦਾਨવਣ੍ਣਨਾ
ਉਦੇਨ੍ਤਂ ਸਤਰਂਸਿਂ વਾਤਿਆਦਿਕਂ ਆਯਸ੍ਮਤੋ વੀਥਿਸਮ੍ਮਜ੍ਜਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕੇਸੁ ਜਾਤਿਸਤੇਸੁ ਕਤਪੁਞ੍ਞਸਞ੍ਚਯੋ ਸਿਖਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ ਘਰਾવਾਸਂ વਸਨ੍ਤੋ ਨਗਰવਾਸੀਹਿ ਸਦ੍ਧਿਂ વੀਥਿਂ ਸਜ੍ਜੇਤ੍વਾ ਨੀਯਮਾਨਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ વੀਥਿਂ ਸਮਂ ਕਤ੍વਾ ਧਜਂ ਤਤ੍ਥ ਉਸ੍ਸਾਪੇਸਿ।
੧੫. ਸੋ ਉਦੇਨ੍ਤਂ ਸਤਰਂਸਿਂ વਾਤਿਆਦਿਮਾਹ। ਤਤ੍ਥ ਸਤਰਂਸੀਤਿ ਦੇਸਨਾਸੀਸਮਤ੍ਤਂ, ਅਨੇਕਸਤਸਹਸ੍ਸਪਭਂ ਸੂਰਿਯਂ ਇવਾਤਿ ਅਤ੍ਥੋ। ਪੀਤਰਂਸਿਂવ ਭਾਣੁਮਨ੍ਤਿ ਪੀਤਰਂਸਿਂ ਸਂਕੁਚਿਤਪਭਂ ਭਾਣੁਮਂ ਪਭਾવਨ੍ਤਂ ਚਨ੍ਦਮਣ੍ਡਲਂ ਇવ ਸਮ੍ਬੁਦ੍ਧਂ ਦਿਸ੍વਾਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
વੀਥਿਸਮ੍ਮਜ੍ਜਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੪. ਕਕ੍ਕਾਰੁਪੁਪ੍ਫਪੂਜਕਤ੍ਥੇਰਅਪਦਾਨવਣ੍ਣਨਾ
ਦੇવਪੁਤ੍ਤੋ ਅਹਂ ਸਨ੍ਤੋਤਿਆਦਿਕਂ ਆਯਸ੍ਮਤੋ ਕਕ੍ਕਾਰੁਪੁਪ੍ਫਪੂਜਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ ਕਤਪੁਞ੍ਞਸਞ੍ਚਯੋ ਸਿਖਿਸ੍ਸ ਭਗવਤੋ ਕਾਲੇ ਭੁਮ੍ਮਟ੍ਠਕਦੇવਪੁਤ੍ਤੋ ਹੁਤ੍વਾ ਨਿਬ੍ਬਤ੍ਤੋ ਸਿਖਿਂ ਸਮ੍ਮਾਸਮ੍ਬੁਦ੍ਧਂ ਦਿਸ੍વਾ ਦਿਬ੍ਬਕਕ੍ਕਾਰੁਪੁਪ੍ਫਂ ਗਹੇਤ੍વਾ ਪੂਜੇਸਿ।
੨੧. ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਏਕਤਿਂਸਕਪ੍ਪਬ੍ਭਨ੍ਤਰੇ ਉਭਯਸੁਖਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਪਚ੍ਚਕ੍ਖਤੋ ਞਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਦੇવਪੁਤ੍ਤੋ ਅਹਂ ਸਨ੍ਤੋਤਿਆਦਿਮਾਹ। ਤਤ੍ਥ ਦਿਬ੍ਬਨ੍ਤਿ ਕੀਲ਼ਨ੍ਤਿ ਪਞ੍ਚਹਿ ਦਿਬ੍ਬੇਹਿ ਕਾਮਗੁਣੇਹੀਤਿ ਦੇવਾ, ਦੇવਾਨਂ ਪੁਤ੍ਤੋ, ਦੇવੋ ਏવ વਾ ਪੁਤ੍ਤੋ ਦੇવਪੁਤ੍ਤੋ, ਅਹਂ ਦੇવਪੁਤ੍ਤੋ ਪਗ੍ਗਯ੍ਹ ਪਕਾਰੇਨ, ਗਹੇਤ੍વਾ ਸਿਖਿਸ੍ਸ ਭਗવਤੋ ਅਭਿਰੋਪਯਿਂ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
ਕਕ੍ਕਾਰੁਪੁਪ੍ਫਪੂਜਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੫. ਮਨ੍ਦਾਰવਪੁਪ੍ਫਪੂਜਕਤ੍ਥੇਰਅਪਦਾਨવਣ੍ਣਨਾ
ਦੇવਪੁਤ੍ਤੋ ਅਹਂ ਸਨ੍ਤੋਤਿਆਦਿਕਂ ਆਯਸ੍ਮਤੋ ਮਨ੍ਦਾਰવਪੁਪ੍ਫਪੂਜਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਥੇਰੋ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਭੁਮ੍ਮਟ੍ਠਕਦੇવਪੁਤ੍ਤੋ ਹੁਤ੍વਾ ਨਿਬ੍ਬਤ੍ਤੋ ਸਿਖਿਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਦਿਬ੍ਬਮਨ੍ਦਾਰવਪੁਪ੍ਫੇਹਿ ਪੂਜੇਸਿ।
੨੫. ਸੋ ਤੇਨ ਪੁਞ੍ਞੇਨਾਤਿਆਦਿਕਂ ਸਬ੍ਬਂ ਅਨਨ੍ਤਰਤ੍ਥੇਰਸ੍ਸ ਅਪਦਾਨવਣ੍ਣਨਾਯ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
ਮਨ੍ਦਾਰવਪੁਪ੍ਫਪੂਜਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੬. ਕਦਮ੍ਬਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਕਦਮ੍ਬਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਮ੍ਮਾਸਮ੍ਬੁਦ੍ਧਸੁਞ੍ਞੇ ਲੋਕੇ ਏਕਸ੍ਮਿਂ
੩੦. ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਹੁਤ੍વਾ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਹਿਮવਨ੍ਤਸ੍ਸਾવਿਦੂਰੇਤਿਆਦਿਮਾਹ। ਤਂ વੁਤ੍ਤਤ੍ਥਮੇવ। ਕੁਕ੍ਕੁਟੋ ਨਾਮ ਪਬ੍ਬਤੋਤਿ ਤਸ੍ਸ ਉਭੋਸੁ ਪਸ੍ਸੇਸੁ ਕੁਕ੍ਕੁਟਚੂਲ਼ਾਕਾਰੇਨ ਪਬ੍ਬਤਕੂਟਾਨਂ વਿਜ੍ਜਮਾਨਤ੍ਤਾ ਕੁਕ੍ਕੁਟੋਤਿ ਸਙ੍ਖਂ ਗਤੋ। ਪਕਾਰੇਨ ਤਿਰੋ ਹੁਤ੍વਾ ਪਤਿਟ੍ਠਹਤੀਤਿ ਪਬ੍ਬਤੋ। ਤਮ੍ਹਿ ਪਬ੍ਬਤਪਾਦਮ੍ਹੀਤਿ ਤਸ੍ਮਿਂ ਪਬ੍ਬਤਸਮੀਪੇ। ਸਤ੍ਤ ਬੁਦ੍ਧਾ વਸਨ੍ਤੀਤਿ ਸਤ੍ਤ ਪਚ੍ਚੇਕਬੁਦ੍ਧਾ ਤਸ੍ਮਿਂ ਕੁਕ੍ਕੁਟਪਬ੍ਬਤਪਾਦੇ ਪਣ੍ਣਸਾਲਾਯਂ વਸਨ੍ਤੀਤਿ ਅਤ੍ਥੋ।
੩੧. ਦੀਪਰਾਜਂવ ਉਗ੍ਗਤਨ੍ਤਿ ਦੀਪਾਨਂ ਰਾਜਾ ਦੀਪਰਾਜਾ, ਸਬ੍ਬੇਸਂ ਦੀਪਾਨਂ ਜਲਮਾਨਾਨਂ ਤਾਰਕਾਨਂ ਰਾਜਾ ਚਨ੍ਦੋਤਿ ਅਤ੍ਥੋ। ਅਥ વਾ ਸਬ੍ਬੇਸੁ ਜਮ੍ਬੁਦੀਪਪੁਬ੍ਬવਿਦੇਹਅਪਰਗੋਯਾਨਉਤ੍ਤਰਕੁਰੁਸਙ੍ਖਾਤੇਸੁ ਚਤੂਸੁ ਦੀਪੇਸੁ ਦ੍વਿਸਹਸ੍ਸਪਰਿਤ੍ਤਦੀਪੇਸੁ ਚ ਰਾਜਾ ਆਲੋਕਫਰਣਤੋ ਚਨ੍ਦੋ ਦੀਪਰਾਜਾਤਿ વੁਚ੍ਚਤਿ, ਤਂ ਨਭੇ ਉਗ੍ਗਤਂ ਚਨ੍ਦਂ ਇવ ਪੁਪ੍ਫਿਤਂ ਫੁਲ੍ਲਿਤਂ ਕਦਮ੍ਬਰੁਕ੍ਖਂ ਦਿਸ੍વਾ ਤਤੋ ਪੁਪ੍ਫਂ ਓਚਿਨਿਤ੍વਾ ਉਭੋਹਿ ਹਤ੍ਥੇਹਿ ਪਗ੍ਗਯ੍ਹ ਪਕਾਰੇਨ ਗਹੇਤ੍વਾ ਸਤ੍ਤ ਪਚ੍ਚੇਕਬੁਦ੍ਧੇ ਸਮੋਕਿਰਿਂ ਸੁਟ੍ਠੁ ਓਕਿਰਿਂ, ਆਦਰੇਨ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
ਕਦਮ੍ਬਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੭. ਤਿਣਸੂਲਕਤ੍ਥੇਰਅਪਦਾਨવਣ੍ਣਨਾ
ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਤਿਣਸੂਲਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਥੇਰੋ ਪੁਰਿਮਜਿਨવਰੇਸੁ ਕਤਪੁਞ੍ਞਸਮ੍ਭਾਰੋ ਉਪ੍ਪਨ੍ਨੁਪ੍ਪਨ੍ਨਭવੇ ਕੁਸਲਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ ਤਤ੍ਥ ਦੋਸਂ ਦਿਸ੍વਾ ਤਂ ਪਹਾਯ ਤਾਪਸਪਬ੍ਬਜ੍ਜਂ ਪਬ੍ਬਜਿਤ੍વਾ વਸਨ੍ਤੋ ਹਿਮવਨ੍ਤਸਮੀਪੇ ਭੂਤਗਣੇ ਨਾਮ ਪਬ੍ਬਤੇ વਸਨ੍ਤਂ ਏਕਤਂ વਿવੇਕਮਨੁਬ੍ਰੂਹਨ੍ਤਂ ਸਿਖਿਂ ਸਮ੍ਬੁਦ੍ਧਂ ਦਿਸ੍વਾ ਪਸਨ੍ਨਮਾਨਸੋ ਤਿਣਸੂਲਪੁਪ੍ਫਂ ਗਹੇਤ੍વਾ ਪਾਦਮੂਲੇ ਪੂਜੇਸਿ। ਬੁਦ੍ਧੋਪਿ ਤਸ੍ਸ ਅਨੁਮੋਦਨਂ ਅਕਾਸਿ।
੩੫. ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ વਿਭવਸਮ੍ਪਨ੍ਨੇ ਹਿਮવਨ੍ਤਸ੍ਸਾવਿਦੂਰੇਤਿਆਦਿਮਾਹ। ਭੂਤਗਣੋ ਨਾਮ ਪਬ੍ਬਤੋਤਿ ਭੂਤਗਣਾਨਂ ਦੇવਯਕ੍ਖਸਮੂਹਾਨਂ ਆવਾਸਭੂਤਤ੍ਤਾ ਭવਨਸਦਿਸਤ੍ਤਾ ਅવਿਰੂਲ਼੍ਹਭਾવੇਨ ਪવਤ੍ਤਤ੍ਤਾ ਏਕੋ ਅਦੁਤਿਯੋ ਜਿਨੋ ਜਿਤਮਾਰੋ ਬੁਦ੍ਧੋ વਸਤੇ ਦਿਬ੍ਬਬ੍ਰਹ੍ਮਅਰਿਯਇਰਿਯਾਪਥવਿਹਾਰੇਹਿ વਿਹਰਤੀਤਿ ਅਤ੍ਥੋ।
੩੬. ਏਕੂਨਸਤਸਹਸ੍ਸਂ , ਕਪ੍ਪਂ ਨ વਿਨਿਪਾਤਿਕੋਤਿ ਤੇਨ ਤਿਣਸੂਲਪੁਪ੍ਫਪੂਜਾਕਰਣਫਲੇਨ ਨਿਰਨ੍ਤਰਂ ਏਕੂਨਸਤਸਹਸ੍ਸਕਪ੍ਪਾਨਂ ਅવਿਨਿਪਾਤਕੋ ਚਤੁਰਾਪਾਯવਿਨਿਮੁਤ੍ਤੋ ਸਗ੍ਗਸਮ੍ਪਤ੍ਤਿਭવਮੇવ ਉਪਪਨ੍ਨੋਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
ਤਿਣਸੂਲਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੮. ਨਾਗਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
ਸੁવਚ੍ਛੋ ਨਾਮ ਨਾਮੇਨਾਤਿਆਦਿਕਂ ਆਯਸ੍ਮਤੋ ਨਾਗਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਥੇਰੋ ਪੁਰਿਮਜਿਨਨਿਸਭੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਭਗવਤੋ ਕਾਲੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ વੇਦਤ੍ਤਯਾਦੀਸੁ ਸਕਸਿਪ੍ਪੇਸੁ ਨਿਪ੍ਫਤ੍ਤਿਂ ਪਤ੍વਾ ਤਤ੍ਥ ਸਾਰਂ ਅਦਿਸ੍વਾ ਹਿਮવਨ੍ਤਂ ਪવਿਸਿਤ੍વਾ ਤਾਪਸਪਬ੍ਬਜ੍ਜਂ ਪਬ੍ਬਜਿਤ੍વਾ ਝਾਨਸਮਾਪਤ੍ਤਿਸੁਖੇਨ વੀਤਿਨਾਮੇਸਿ। ਤਸ੍ਮਿਂ ਸਮਯੇ ਪਦੁਮੁਤ੍ਤਰੋ ਭਗવਾ ਤਸ੍ਸਾਨੁਕਮ੍ਪਾਯ ਤਤ੍ਥ ਅਗਮਾਸਿ। ਸੋ ਤਾਪਸੋ ਤਂ ਭਗવਨ੍ਤਂ ਦਿਸ੍વਾ ਲਕ੍ਖਣਸਤ੍ਥੇਸੁ ਛੇਕਤ੍ਤਾ ਭਗવਤੋ ਲਕ੍ਖਣਰੂਪਸਮ੍ਪਤ੍ਤਿਯਾ ਪਸਨ੍ਨੋ વਨ੍ਦਿਤ੍વਾ ਅਞ੍ਜਲਿਂ ਪਗ੍ਗਯ੍ਹ ਅਟ੍ਠਾਸਿ। ਆਕਾਸਤੋ ਅਨੋਤਿਣ੍ਣਤ੍ਤਾ ਪੂਜਾਸਕ੍ਕਾਰੇ ਅਕਤੇਯੇવ ਆਕਾਸੇਨੇવ ਪਕ੍ਕਾਮਿ। ਅਥ ਸੋ ਤਾਪਸੋ ਸਸਿਸ੍ਸੋ ਨਾਗਪੁਪ੍ਫਂ ਓਚਿਨਿਤ੍વਾ ਤੇਨ ਪੁਪ੍ਫੇਨ ਭਗવਤੋ ਗਤਦਿਸਾਭਾਗਮਗ੍ਗਂ ਪੂਜੇਸਿ।
੩੯. ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਨ੍ਤੋ ਸਬ੍ਬਤ੍ਥ ਪੂਜਿਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਦ੍ਧਾਸਮ੍ਪਨ੍ਨੋ ਪਬ੍ਬਜਿਤ੍વਾ વਤ੍ਤਪਟਿਪਤ੍ਤਿਯਾ ਸਾਸਨਂ ਸੋਭਯਮਾਨੋ ਨਚਿਰਸ੍ਸੇવ ਅਰਹਾ ਹੁਤ੍વਾ ‘‘ਕੇਨ ਨੁ ਖੋ ਕੁਸਲਕਮ੍ਮੇਨ ਮਯਾ ਅਯਂ ਲੋਕੁਤ੍ਤਰਸਮ੍ਪਤ੍ਤਿ ਲਦ੍ਧਾ’’ਤਿ ਅਤੀਤਕਮ੍ਮਂ ਸਰਨ੍ਤੋ ਪੁਬ੍ਬਕਮ੍ਮਂ ਪਚ੍ਚਕ੍ਖਤੋ ਞਤ੍વਾ ਸਞ੍ਜਾਤਸੋਮਨਸ੍ਸੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁવਚ੍ਛੋ ਨਾਮ ਨਾਮੇਨਾਤਿਆਦਿਮਾਹ। ਤਤ੍ਥ વਚ੍ਛਗੋਤ੍ਤੇ ਜਾਤਤ੍ਤਾ વਚ੍ਛੋ, ਸੁਨ੍ਦਰੋ ਚ ਸੋ વਚ੍ਛੋ ਚੇਤਿ ਸੁવਚ੍ਛੋ। ਨਾਮੇਨ ਸੁવਚ੍ਛੋ ਨਾਮ ਬ੍ਰਾਹ੍ਮਣੋ ਮਨ੍ਤਪਾਰਗੂ વੇਦਤ੍ਤਯਾਦਿਸਕਲਮਨ੍ਤਸਤ੍ਥੇ
ਨਾਗਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੯. ਪੁਨ੍ਨਾਗਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
ਕਾਨਨਂ વਨਮੋਗਯ੍ਹਾਤਿਆਦਿਕਂ ਆਯਸ੍ਮਤੋ ਪੁਨ੍ਨਾਗਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਫੁਸ੍ਸਸ੍ਸ ਭਗવਤੋ ਕਾਲੇ ਨੇਸਾਦਕੁਲੇ ਨਿਬ੍ਬਤ੍ਤੋ ਮਹਾવਨਂ ਪવਿਟ੍ਠੋ ਤਤ੍ਥ ਸੁਪੁਪ੍ਫਿਤਪੁਨ੍ਨਾਗਪੁਪ੍ਫਂ ਦਿਸ੍વਾ ਹੇਤੁਸਮ੍ਪਨ੍ਨਤ੍ਤਾ ਬੁਦ੍ਧਾਰਮ੍ਮਣਪੀਤਿવਸੇਨ ਭਗવਨ੍ਤਂ ਸਰਿਤ੍વਾ ਤਂ ਪੁਪ੍ਫਂ ਸਹ ਕਣ੍ਣਿਕਾਹਿ ਓਚਿਨਿਤ੍વਾ વਾਲੁਕਾਹਿ ਚੇਤਿਯਂ ਕਤ੍વਾ ਪੂਜੇਸਿ।
੪੬. ਸੋ ਤੇਨ ਪੁਞ੍ਞੇਨ ਦ੍વੇਨવੁਤਿਕਪ੍ਪੇ ਨਿਰਨ੍ਤਰਂ ਦੇવਮਨੁਸ੍ਸਸਮ੍ਪਤ੍ਤਿਯੋਯੇવ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ વਿਭવਸਮ੍ਪਨ੍ਨੇ ਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਪੁਬ੍ਬવਾਸਨਾਬਲੇਨ ਸਾਸਨੇ ਪਸਨ੍ਨੋ ਪਬ੍ਬਜਿਤ੍વਾ વਾਯਮਨ੍ਤੋ ਨਚਿਰਸ੍ਸੇવ ਅਰਹਾ ਹੁਤ੍વਾ ਪੁਬ੍ਬੇ ਕਤਕੁਸਲਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਕਾਨਨਂ વਨਮੋਗਯ੍ਹਾਤਿਆਦਿਮਾਹ। ਤਂ ਸਬ੍ਬਂ ਹੇਟ੍ਠਾ વੁਤ੍ਤਤ੍ਤਾ ਉਤ੍ਤਾਨਤ੍ਥਮੇવਾਤਿ।
ਪੁਨ੍ਨਾਗਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੧੦. ਕੁਮੁਦਦਾਯਕਤ੍ਥੇਰਅਪਦਾਨવਣ੍ਣਨਾ
ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਕੁਮੁਦਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਥੇਰੋ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕੇਸੁ ਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਹਿਮવਨ੍ਤਸ੍ਸ ਆਸਨ੍ਨੇ ਮਹਨ੍ਤੇ ਜਾਤਸ੍ਸਰੇ ਕੁਕੁਤ੍ਥੋ ਨਾਮ ਪਕ੍ਖੀ ਹੁਤ੍વਾ ਨਿਬ੍ਬਤ੍ਤੋ ਕੇਨਚਿ ਅਕੁਸਲੇਨ ਪਕ੍ਖੀ ਸਮਾਨੋਪਿ ਪੁਬ੍ਬੇ ਕਤਸਮ੍ਭਾਰੇਨ ਬੁਦ੍ਧਿਸਮ੍ਪਨ੍ਨੋ ਪੁਞ੍ਞਾਪੁਞ੍ਞੇਸੁ ਛੇਕੋ ਸੀਲવਾ ਪਾਣਗੋਚਰਤੋ ਪਟਿવਿਰਤੋ ਅਹੋਸਿ। ਤਸ੍ਮਿਂ ਸਮਯੇ ਪਦੁਮੁਤ੍ਤਰੋ ਭਗવਾ ਆਕਾਸੇਨਾਗਨ੍ਤ੍વਾ ਤਸ੍ਸ ਸਮੀਪੇ ਚਙ੍ਕਮਤਿ। ਅਥ ਸੋ ਸਕੁਣੋ ਭਗવਨ੍ਤਂ ਦਿਸ੍વਾ ਪਸਨ੍ਨਚਿਤ੍ਤੋ ਕੁਮੁਦਪੁਪ੍ਫਂ ਡਂਸਿਤ੍વਾ ਭਗવਤੋ ਪਾਦਮੂਲੇ ਪੂਜੇਸਿ। ਭਗવਾ ਤਸ੍ਸ ਸੋਮਨਸ੍ਸੁਪ੍ਪਾਦਨਤ੍ਥਂ ਪਟਿਗ੍ਗਹੇਤ੍વਾ ਅਨੁਮੋਦਨਮਕਾਸਿ।
੫੧. ਸੋ ਹਿਮવਨ੍ਤਸ੍ਸਾવਿਦੂਰੇਤਿਆਦਿਮਾਹ। ਪਦੁਮੁਪ੍ਪਲਸਞ੍ਛਨ੍ਨੋਤਿ ਪੁਣ੍ਡਰੀਕਸਮੋਤ੍ਥਟੋਤਿ ਪੁਣ੍ਡਰੀਕੇਹਿ ਰਤ੍ਤਪਦੁਮੇਹਿ ਓਤ੍ਥਟੋ ਸਮ੍ਪੁਣ੍ਣੋਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
ਕੁਮੁਦਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
ਸੋਲ਼ਸਮવਗ੍ਗવਣ੍ਣਨਾ ਸਮਤ੍ਤਾ।