੫. ਉਪਾਲਿવਗ੍ਗੋ
੧. ਭਾਗਿਨੇਯ੍ਯੁਪਾਲਿਤ੍ਥੇਰਅਪਦਾਨવਣ੍ਣਨਾ
ਖੀਣਾਸવਸਹਸ੍ਸੇਹੀਤਿਆਦਿਕਂ
੧. ਸੋ ਖੀਣਾਸવਸਹਸ੍ਸੇਹੀਤਿਆਦਿਮਾਹ। ਤਤ੍ਥ ਆ ਸਮਨ੍ਤਤੋ ਯਾવਭવਗ੍ਗਾ ਸવਨ੍ਤਿ ਪવਤ੍ਤਨ੍ਤੀਤਿ ਆਸવਾ। ਕਾਮਾਸવਾਦਯੋ ਚਤ੍ਤਾਰੋ ਆਸવਾ, ਤੇ ਖੀਣਾ ਸੋਸਿਤਾ વਿਸੋਸਿਤਾ વਿਦ੍ਧਂਸਿਤਾ ਯੇਹਿ ਤੇਤਿ ਖੀਣਾਸવਾ, ਤੇਯੇવ ਸਹਸ੍ਸਾ ਖੀਣਾਸવਸਹਸ੍ਸਾ, ਤੇਹਿ ਖੀਣਾਸવਸਹਸ੍ਸੇਹਿ ਪਰੇਤੋ ਪਰਿવੁਤੋ ਲੋਕਨਾਯਕੋ ਲੋਕਸ੍ਸ ਨਿਬ੍ਬਾਨਪਾਪਨਕੋ વਿવੇਕਂ ਅਨੁਯੁਤ੍ਤੋ ਪਟਿਸਲ੍ਲਿਤੁਂ ਏਕੀਭવਿਤੁਂ ਗਚ੍ਛਤੇਤਿ ਸਮ੍ਬਨ੍ਧੋ।
੨. ਅਜਿਨੇਨ ਨਿવਤ੍ਥੋਹਨ੍ਤਿ ਅਹਂ ਅਜਿਨਮਿਗਚਮ੍ਮੇਨ ਪਟਿਚ੍ਛਨ੍ਨੋ, ਅਜਿਨਚਮ੍ਮવਸਨੋਤਿ ਅਤ੍ਥੋ। ਤਿਦਣ੍ਡਪਰਿਧਾਰਕੋਤਿ ਕੁਣ੍ਡਿਕਟ੍ਠਪਨਤ੍ਥਾਯ ਤਿਦਣ੍ਡਂ ਗਹੇਤ੍વਾ ਧਾਰੇਨ੍ਤੋਤਿ ਅਤ੍ਥੋ। ਭਿਕ੍ਖੁਸਙ੍ਘੇਨ ਪਰਿਬ੍ਯੂਲ਼੍ਹਂ ਪਰਿવਾਰਿਤਂ ਲੋਕਨਾਯਕਂ ਅਦ੍ਦਸਨ੍ਤਿ ਸਮ੍ਬਨ੍ਧੋ। ਸੇਸਂ ਪਾਕਟਮੇવਾਤਿ।
ਭਾਗਿਨੇਯ੍ਯੁਪਾਲਿਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੨. ਸੋਣਕੋਲ਼ਿવਿਸਤ੍ਥੇਰਅਪਦਾਨવਣ੍ਣਨਾ
ਅਨੋਮਦਸ੍ਸਿਸ੍ਸ ਮੁਨਿਨੋਤਿਆਦਿਕਂ ਆਯਸ੍ਮਤੋ ਕੋਲ਼ਿવਿਸਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਨੋਮਦਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਯਪ੍ਪਤ੍ਤੋ ਪੁਤ੍ਤਦਾਰੇਹਿ વਡ੍ਢਿਤੋ વਿਭવਸਮ੍ਪਨ੍ਨੋ ਭਗવਤੋ ਚਙ੍ਕਮਨਤ੍ਥਾਯ ਸੋਭਨਂ ਚਙ੍ਕਮਂ ਕਾਰੇਤ੍વਾ ਸੁਧਾਪਰਿਕਮ੍ਮਂ ਕਾਰੇਤ੍વਾ ਆਦਾਸਤਲਮਿવ ਸਮਂ વਿਜ੍ਜੋਤਮਾਨਂ ਕਤ੍વਾ ਦੀਪਧੂਪਪੁਪ੍ਫਾਦੀਹਿ ਸਜ੍ਜੇਤ੍વਾ ਭਗવਤੋ ਨਿਯ੍ਯਾਦੇਤ੍વਾ ਬੁਦ੍ਧਪ੍ਪਮੁਖਂ ਭਿਕ੍ਖੁਸਙ੍ਘਂ ਪਣੀਤੇਨਾਹਾਰੇਨ ਪੂਜੇਸਿ। ਸੋ ਏવਂ ਯਾવਜੀવਂ ਪੁਞ੍ਞਾਨਿ ਕਤ੍વਾ ਤਤੋ ਚવਿਤ੍વਾ ਦੇવਲੋਕੇ ਨਿਬ੍ਬਤ੍ਤੋ। ਤਤ੍ਥ ਪਾਲ਼ਿਯਾ વੁਤ੍ਤਨਯੇਨ ਦਿਬ੍ਬਸਮ੍ਪਤ੍ਤਿਂ ਅਨੁਭવਿਤ੍વਾ ਅਨ੍ਤਰਾ ਓਕ੍ਕਾਕਕੁਲਪ੍ਪਸੁਤੋਤਿ ਤਂ ਸਬ੍ਬਂ ਪਾਲ਼ਿਯਾ વੁਤ੍ਤਾਨੁਸਾਰੇਨ વੇਦਿਤਬ੍ਬਂ। ਪਚ੍ਛਿਮਭવੇ ਪਨ ਕੋਲਿਯਰਾਜવਂਸੇ ਜਾਤੋ વਯਪ੍ਪਤ੍ਤੋ ਕੋਟਿਅਗ੍ਘਨਕਸ੍ਸ ਕਣ੍ਣਪਿਲ਼ਨ੍ਧਨਸ੍ਸ ਧਾਰਿਤਤ੍ਤਾ ਕੋਟਿਕਣ੍ਣੋਤਿ, ਕੁਟਿਕਣ੍ਣੋਤਿ ਚ ਪਾਕਟੋ ਅਹੋਸਿ। ਸੋ ਭਗવਤਿ ਪਸਨ੍ਨੋ
੨੫. ਸੋ ਅਰਹਾ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਨੋਮਦਸ੍ਸਿਸ੍ਸ ਮੁਨਿਨੋਤਿਆਦਿਮਾਹ। ਤਤ੍ਥ ਅਨੋਮਦਸ੍ਸਿਸ੍ਸਾਤਿ ਅਨੋਮਂ ਅਲਾਮਕਂ ਸੁਨ੍ਦਰਂ ਦਸ੍ਸਨਂ ਦ੍વਤ੍ਤਿਂਸਮਹਾਪੁਰਿਸਲਕ੍ਖਣਪਟਿਮਣ੍ਡਿਤਤ੍ਤਾ ਬ੍ਯਾਮਪ੍ਪਭਾਮਣ੍ਡਲੋਪਸੋਭਿਤਤ੍ਤਾ ਆਰੋਹਪਰਿਣਾਹੇਨ ਸਮਨ੍ਨਾਗਤਤ੍ਤਾ ਚ ਦਸ੍ਸਨੀਯਂ ਸਰੀਰਂ ਯਸ੍ਸ ਭਗવਤੋ ਸੋ ਅਨੋਮਦਸ੍ਸੀ, ਤਸ੍ਸ ਅਨੋਮਦਸ੍ਸਿਸ੍ਸ ਮੁਨਿਨੋਤਿ ਅਤ੍ਥੋ। ਤਾਦਿਨੋਤਿ ਇਟ੍ਠਾਨਿਟ੍ਠੇਸੁ ਅਕਮ੍ਪਿਯਸਭਾવਸ੍ਸ। ਸੁਧਾਯ ਲੇਪਨਂ ਕਤ੍વਾਤਿ ਕਾਰਯਿਂ ਅਕਾਸਿਨ੍ਤਿ ਅਤ੍ਥੋ। ਸੇਸਗਾਥਾਨਂ ਅਤ੍ਥੋ ਪਾਲ਼ਿਯਾ ਅਨੁਸਾਰੇਨ ਸੁવਿਞ੍ਞੇਯ੍ਯੋવ।
੩੫. ਪਰਿવਾਰਸਮ੍ਪਤ੍ਤਿਧਨਸਮ੍ਪਤ੍ਤਿਸਙ੍ਖਾਤਂ ਯਸਂ ਧਾਰੇਤੀਤਿ ਯਸੋਧਰੋ, ਸਬ੍ਬੇ ਏਤੇ ਸਤ੍ਤਸਤ੍ਤਤਿਚਕ੍ਕવਤ੍ਤਿਰਾਜਾਨੋ ਯਸੋਧਰਨਾਮੇਨ ਏਕਨਾਮਕਾਤਿ ਸਮ੍ਬਨ੍ਧੋ।
੫੨. ਅਙ੍ਗੀਰਸੋਤਿ ਅਙ੍ਗਤੋ ਸਰੀਰਤੋ ਨਿਗ੍ਗਤਾ ਰਸ੍ਮਿ ਯਸ੍ਸ ਸੋ ਅਙ੍ਗੀਰਸੋ, ਛਨ੍ਦਦੋਸਮੋਹਭਯਾਗਤੀਹਿ વਾ ਪਾਪਾਚਾਰવਸੇਨ વਾ ਚਤੁਰਾਪਾਯਂ ਨ ਗਚ੍ਛਤੀਤਿ ਨਾਗੋ, ਮਹਨ੍ਤੋ ਪੂਜਿਤੋ ਚ ਸੋ ਨਾਗੋ ਚੇਤਿ ਮਹਾਨਾਗੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
ਕੋਲ਼ਿવਿਸਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੩. ਕਾਲ਼ਿਗੋਧਾਪੁਤ੍ਤਭਦ੍ਦਿਯਤ੍ਥੇਰਅਪਦਾਨવਣ੍ਣਨਾ
ਪਦੁਮੁਤ੍ਤਰਸਮ੍ਬੁਦ੍ਧਨ੍ਤਿਆਦਿਕਂ ਆਯਸ੍ਮਤੋ ਭਦ੍ਦਿਯਸ੍ਸ ਕਾਲ਼ਿਗੋਧਾਪੁਤ੍ਤਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਭਦ੍ਦਿਯੋ ਕਾਲ਼ਿਗੋਧਾਪੁਤ੍ਤੋਤਿ ਪਾਕਟੋ। ਸਤ੍ਥਰਿ ਪਸੀਦਿਤ੍વਾ ਮਾਤਾਪਿਤਰੋ ਆਰਾਧੇਤ੍વਾ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
੫੪. ਸੋ ਅਰਹਾ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰਸਮ੍ਬੁਦ੍ਧਨ੍ਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਤ੍ਥਮੇવ। ਮੇਤ੍ਤਚਿਤ੍ਤਨ੍ਤਿ ਮਿਜ੍ਜਤਿ ਸਿਨੇਹਤਿ ਨਨ੍ਦਤਿ ਸਬ੍ਬਸਤ੍ਤੇਤਿ ਮੇਤ੍ਤਾ, ਮੇਤ੍ਤਾਯ ਸਹਗਤਂ ਚਿਤ੍ਤਂ ਮੇਤ੍ਤਚਿਤ੍ਤਂ, ਤਂ ਯਸ੍ਸ ਭਗવਤੋ ਅਤ੍ਥੀਤਿ ਮੇਤ੍ਤਚਿਤ੍ਤੋ, ਤਂ ਮੇਤ੍ਤਚਿਤ੍ਤਂ। ਮਹਾਮੁਨਿਨ੍ਤਿ ਸਕਲਭਿਕ੍ਖੂਨਂ ਮਹਨ੍ਤਤ੍ਤਾ ਮਹਾਮੁਨਿ, ਤਂ ਪਦੁਮੁਤ੍ਤਰਂ ਸਮ੍ਬੁਦ੍ਧਨ੍ਤਿ ਜਨਤਾ ਸਬ੍ਬਾਤਿ ਸਬ੍ਬੋ ਜਨਕਾਯੋ, ਸਬ੍ਬਨਗਰવਾਸਿਨੋਤਿ ਅਤ੍ਥੋ। ਸਬ੍ਬਲੋਕਗ੍ਗਨਾਯਕਨ੍ਤਿ ਸਕਲਲੋਕਸ੍ਸ ਅਗ੍ਗਂ ਸੇਟ੍ਠਂ ਨਿਬ੍ਬਾਨਸ੍ਸ ਨਯਨਤੋ ਪਾਪਨਤੋ ਨਾਯਕਂ ਪਦੁਮੁਤ੍ਤਰਸਮ੍ਬੁਦ੍ਧਂ ਜਨਤਾ ਉਪੇਤਿ ਸਮੀਪਂ ਗਚ੍ਛਤੀਤਿ ਸਮ੍ਬਨ੍ਧੋ।
੫੫. ਸਤ੍ਤੁਕਞ੍ਚ ਬਦ੍ਧਕਞ੍ਚਾਤਿ ਬਦ੍ਧਸਤ੍ਤੁਅਬਦ੍ਧਸਤ੍ਤੁਸਙ੍ਖਾਤਂ ਆਮਿਸਂ। ਅਥ વਾ ਭਤ੍ਤਪੂਪਖਜ੍ਜਭੋਜ੍ਜਯਾਗੁਆਦਯੋ ਯਾવਕਾਲਿਕਤ੍ਤਾ ਆਮਿਸਂ ਪਾਨਭੋਜਨਞ੍ਚ ਗਹੇਤ੍વਾ ਪੁਞ੍ਞਕ੍ਖੇਤ੍ਤੇ ਅਨੁਤ੍ਤਰੇ ਸਤ੍ਥੁਨੋ ਦਦਨ੍ਤੀਤਿ ਸਮ੍ਬਨ੍ਧੋ।
੫੮. ਆਸਨਂ ਬੁਦ੍ਧਯੁਤ੍ਤਕਨ੍ਤਿ ਬੁਦ੍ਧਯੋਗ੍ਗਂ ਬੁਦ੍ਧਾਰਹਂ ਬੁਦ੍ਧਾਨੁਚ੍ਛવਿਕਂ ਸਤ੍ਤਰਤਨਮਯਂ ਆਸਨਨ੍ਤਿ ਅਤ੍ਥੋ। ਸੇਸਂ ਨਯਾਨੁਯੋਗੇਨ ਸੁવਿਞ੍ਞੇਯ੍ਯਮੇવਾਤਿ।
ਕਾਲ਼ਿਗੋਧਾਪੁਤ੍ਤਭਦ੍ਦਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੪. ਸਨ੍ਨਿਟ੍ਠਾਪਕਤ੍ਥੇਰਅਪਦਾਨવਣ੍ਣਨਾ
ਅਰਞ੍ਞੇ ਕੁਟਿਕਂ ਕਤ੍વਾਤਿਆਦਿਕਂ ਆਯਸ੍ਮਤੋ ਸਨ੍ਨਿਟ੍ਠਾਪਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਬਨ੍ਧਨੇਨ ਸਨ੍ਨਿਟ੍ਠਾਪਕਤ੍ਥੇਰੋਤਿ ਪਾਕਟੋ।
੭੦. ਅਰਹਾ ਪਨ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਰਞ੍ਞੇ ਕੁਟਿਕਂ ਕਤ੍વਾਤਿਆਦਿਮਾਹ। ਤਤ੍ਥ ਅਰਞ੍ਞੇਤਿ ਸੀਹਬ੍ਯਗ੍ਘਾਦੀਨਂ ਭਯੇਨ ਮਨੁਸ੍ਸਾ ਏਤ੍ਥ ਕੁਟਿਕਨ੍ਤਿ ਤਿਣਚ੍ਛਦਨਕੁਟਿਕਂ ਕਤ੍વਾ ਪਬ੍ਬਤਨ੍ਤਰੇ વਸਾਮਿ વਾਸਂ ਕਪ੍ਪੇਸਿਨ੍ਤਿ ਅਤ੍ਥੋ। ਲਾਭੇਨ ਚ ਅਲਾਭੇਨ ਚ ਯਸੇਨ ਚ ਅਯਸੇਨ ਚ ਸਨ੍ਤੁਟ੍ਠੋ વਿਹਾਸਿਨ੍ਤਿ ਸਮ੍ਬਨ੍ਧੋ।
੭੨. ਜਲਜੁਤ੍ਤਮਨਾਮਕਨ੍ਤਿ ਜਲੇ ਜਾਤਂ ਜਲਜਂ, ਪਦੁਮਂ, ਜਲਜਂ ਉਤ੍ਤਮਂ ਜਲਜੁਤ੍ਤਮਂ, ਜਲਜੁਤ੍ਤਮੇਨ ਸਮਾਨਂ ਨਾਮਂ ਯਸ੍ਸ ਸੋ ਜਲਜੁਤ੍ਤਮਨਾਮਕੋ, ਤਂ ਜਲਜੁਤ੍ਤਮਨਾਮਕਂ ਬੁਦ੍ਧਨ੍ਤਿ ਅਤ੍ਥੋ। ਸੇਸਂ ਪਾਲ਼ਿਨਯਾਨੁਯੋਗੇਨ ਸੁવਿਞ੍ਞੇਯ੍ਯਮੇવਾਤਿ।
ਸਨ੍ਨਿਟ੍ਠਾਪਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੫. ਪਞ੍ਚਹਤ੍ਥਿਯਤ੍ਥੇਰਅਪਦਾਨવਣ੍ਣਨਾ
ਸੁਮੇਧੋ ਨਾਮ ਸਮ੍ਬੁਦ੍ਧੋਤਿਆਦਿਕਂ ਆਯਸ੍ਮਤੋ ਪਞ੍ਚਹਤ੍ਥਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸੁਮੇਧਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਰਤਨਤ੍ਤਯੇ ਪਸਨ੍ਨੋ વਿਹਾਸਿ। ਤਸ੍ਮਿਂ ਸਮਯੇ ਪਞ੍ਚਉਪ੍ਪਲਹਤ੍ਥਾਨਿ ਆਨੇਸੁਂ। ਸੋ ਤੇਹਿ ਪਞ੍ਚਉਪ੍ਪਲਹਤ੍ਥੇਹਿ વੀਥਿਯਂ ਚਰਮਾਨਂ ਸੁਮੇਧਂ ਭਗવਨ੍ਤਂ ਪੂਜੇਸਿ। ਤਾਨਿ ਗਨ੍ਤ੍વਾ ਆਕਾਸੇ વਿਤਾਨਂ ਹੁਤ੍વਾ ਛਾਯਂ ਕੁਰੁਮਾਨਾਨਿ ਤਥਾਗਤੇਨੇવ ਸਦ੍ਧਿਂ ਗਚ੍ਛਿਂਸੁ। ਸੋ ਤਂ ਦਿਸ੍વਾ ਸੋਮਨਸ੍ਸਜਾਤੋ ਪੀਤਿਯਾ ਫੁਟ੍ਠਸਰੀਰੋ ਯਾવਜੀવਂ ਤਦੇવ ਪੁਞ੍ਞਂ ਅਨੁਸ੍ਸਰਿਤ੍વਾ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤੋ ਅਪਰਾਪਰਂ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਦ੍ਧਾਜਾਤੋ ਪਬ੍ਬਜਿਤ੍વਾ ਪਞ੍ਚਹਤ੍ਥਿਯਤ੍ਥੇਰੋਤਿ ਪਾਕਟੋ।
੭੭. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਪਚ੍ਚਕ੍ਖਤੋ ਪਞ੍ਞਾਯ ਦਿਟ੍ਠਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁਮੇਧੋ ਨਾਮ ਸਮ੍ਬੁਦ੍ਧੋਤਿਆਦਿਮਾਹ। ਤਤ੍ਥ ਸੁਮੇਧੋਤਿ ਸੁਨ੍ਦਰਾ ਮੇਧਾ ਚਤੁਸਚ੍ਚਪਟਿવੇਧਪਟਿਸਮ੍ਭਿਦਾਦਯੋ ਪਞ੍ਞਾ ਯਸ੍ਸ ਸੋ ਭਗવਾ ਸੁਮੇਧੋ ਸਮ੍ਬੁਦ੍ਧੋ ਅਨ੍ਤਰਾਪਣੇ ਅਨ੍ਤਰવੀਥਿਯਂ ਗਚ੍ਛਤੀਤਿ ਸਮ੍ਬਨ੍ਧੋ। ਓਕ੍ਖਿਤ੍ਤਚਕ੍ਖੂਤਿ ਅਧੋਖਿਤ੍ਤਚਕ੍ਖੁ। ਮਿਤਭਾਣੀਤਿ ਪਮਾਣਂ ਞਤ੍વਾ ਭਣਨਸੀਲੋ, ਪਮਾਣਂ ਜਾਨਿਤ੍વਾ ਧਮ੍ਮਂ ਦੇਸੇਸੀਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
ਪਞ੍ਚਹਤ੍ਥਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੬. ਪਦੁਮਚ੍ਛਦਨਿਯਤ੍ਥੇਰਅਪਦਾਨવਣ੍ਣਨਾ
ਨਿਬ੍ਬੁਤੇ ਲੋਕਨਾਥਮ੍ਹੀਤਿਆਦਿਕਂ ਆਯਸ੍ਮਤੋ ਪਦੁਮਚ੍ਛਦਨਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਪੁਞ੍ਞਸਮ੍ਭਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਰਤਨਤ੍ਤਯੇ ਪਸਨ੍ਨੋ ਪਰਿਨਿਬ੍ਬੁਤਸ੍ਸ વਿਪਸ੍ਸਿਸ੍ਸ ਭਗવਤੋ ਚਿਤਕਂ ਪਦੁਮਪੁਪ੍ਫੇਹਿ ਪੂਜੇਸਿ। ਸੋ ਤੇਨੇવ ਪਦੁਮਚ੍ਛਦਨਿਯਤ੍ਥੇਰੋਤਿ ਪਾਕਟੋ।
੮੩. ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸવਸੇਨ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਨਿਬ੍ਬੁਤੇ ਲੋਕਨਾਥਮ੍ਹੀਤਿਆਦਿਮਾਹ। ਤਤ੍ਥ ਨਿਬ੍ਬੁਤੇਤਿ ਖਨ੍ਧਪਰਿਨਿਬ੍ਬਾਨੇਨ ਪਰਿਨਿਬ੍ਬੁਤੇ ਸਤ੍ਥਰਿ, વਿਪਸ੍ਸਿਸ੍ਸ ਸਮ੍ਮਾਸਮ੍ਬੁਦ੍ਧਸ੍ਸ ਸਰੀਰੇ ਚਿਤਮਾਨਿਯਮਾਨੇ ਚਿਤਕੇ ਆਰੋਪਿਤੇ ਸੁਫੁਲ੍ਲਂ ਪਦੁਮਕਲਾਪਂ ਅਹਂ ਗਹੇਤ੍વਾ ਚਿਤਕਂ ਆਰੋਪਯਿਂ ਪੂਜੇਸਿਨ੍ਤਿ ਅਤ੍ਥੋ। ਸੇਸਗਾਥਾਸੁ ਹੇਟ੍ਠਾ વੁਤ੍ਤਨਯਤ੍ਤਾ ਉਤ੍ਤਾਨਤ੍ਥਮੇવਾਤਿ।
ਪਦੁਮਚ੍ਛਦਨਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੭. ਸਯਨਦਾਯਕਤ੍ਥੇਰਅਪਦਾਨવਣ੍ਣਨਾ
ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਕਂ ਆਯਸ੍ਮਤੋ ਸਯਨਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ ਸਯਨਦਾਯਕਤ੍ਥੇਰੋਤਿ ਪਾਕਟੋ।
੮੮. ਸੋ ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਮਾਹ। ਤਂ ਸਬ੍ਬਂ ਪਾਲ਼ਿਨਯਾਨੁਸਾਰੇਨ ਸੁવਿਞ੍ਞੇਯ੍ਯਮੇવਾਤਿ।
ਸਯਨਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੮. ਚਙ੍ਕਮਨਦਾਯਕਤ੍ਥੇਰਅਪਦਾਨવਣ੍ਣਨਾ
ਅਤ੍ਥਦਸ੍ਸਿਸ੍ਸ ਮੁਨਿਨੋਤਿਆਦਿਕਂ ਆਯਸ੍ਮਤੋ ਚਙ੍ਕਮਨਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਾਯਸ੍ਮਾ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤੇਸੁ ਤੇਸੁ ਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਤ੍ਥਦਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਉਚ੍ਚવਤ੍ਥੁਕਂ ਸੁਧਾਪਰਿਕਮ੍ਮਕਤਂ ਰਜਤਰਾਸਿਸਦਿਸਂ ਸੋਭਮਾਨਂ ਚਙ੍ਕਮਂ ਕਾਰੇਤ੍વਾ ਮੁਤ੍ਤਦਲਸਦਿਸਂ ਸੇਤਪੁਲਿਨਂ ਅਤ੍ਥਰਿਤ੍વਾ ਭਗવਤੋ ਅਦਾਸਿ। ਪਟਿਗ੍ਗਹੇਸਿ ਭਗવਾ, ਚਙ੍ਕਮਂ ਪਟਿਗ੍ਗਹੇਤ੍વਾ ਚ ਪਨ ਸੁਖਂ ਕਾਯਚਿਤ੍ਤਸਮਾਧਿਂ ਅਪ੍ਪੇਤ੍વਾ ‘‘ਅਯਂ ਅਨਾਗਤੇ ਗੋਤਮਸ੍ਸ ਭਗવਤੋ ਸਾਸਨੇ ਸਾવਕੋ ਭવਿਸ੍ਸਤੀ’’ਤਿ ਬ੍ਯਾਕਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਅਪਰਾਪਰਂ ਸਂਸਰਨ੍ਤੋ ਦ੍વੇ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਦ੍ਧਾਸਮ੍ਪਨ੍ਨੋ ਸਾਸਨੇ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਤ੍વਾ ਕਤਪੁਞ੍ਞਨਾਮੇਨ ਚਙ੍ਕਮਨਦਾਯਕਤ੍ਥੇਰੋਤਿ ਪਾਕਟੋ ਅਹੋਸਿ।
੯੩. ਸੋ ਏਕਦਿવਸਂ ਅਤ੍ਤਨਾ ਪੁਬ੍ਬੇ ਕਤਪੁਞ੍ਞਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਤ੍ਥਦਸ੍ਸਿਸ੍ਸ ਮੁਨਿਨੋਤਿਆਦਿਮਾਹ। ਤਤ੍ਥ ਅਤ੍ਥਦਸ੍ਸਿਸ੍ਸਾਤਿ ਅਤ੍ਥਂ ਪਯੋਜਨਂ વੁਦ੍ਧਿਂ વਿਰੂਲ਼੍ਹਿਂ ਨਿਬ੍ਬਾਨਂ ਦਕ੍ਖਤਿ ਪਸ੍ਸਤੀਤਿ ਅਤ੍ਥਦਸ੍ਸੀ, ਅਥ વਾ ਅਤ੍ਥਂ ਨਿਬ੍ਬਾਨਂ ਦਸ੍ਸਨਸੀਲੋ ਜਾਨਨਸੀਲੋਤਿ ਅਤ੍ਥਦਸ੍ਸੀ, ਤਸ੍ਸ ਅਤ੍ਥਦਸ੍ਸਿਸ੍ਸ ਮੁਨਿਨੋ ਮੋਨੇਨ ਞਾਣੇਨ ਸਮਨ੍ਨਾਗਤਸ੍ਸ ਭਗવਤੋ ਮਨੋਰਮਂ ਮਨਲ੍ਲੀਨਂ ਭਾવਨੀਯਂ ਮਨਸਿ ਕਾਤਬ੍ਬਂ ਚਙ੍ਕਮਂ ਕਾਰੇਸਿਨ੍ਤਿ ਸਮ੍ਬਨ੍ਧੋ। ਸੇਸਂ વੁਤ੍ਤਨਯਾਨੁਸਾਰੇਨੇવ ਸੁવਿਞ੍ਞੇਯ੍ਯਮੇવਾਤਿ।
ਚਙ੍ਕਮਨਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੯. ਸੁਭਦ੍ਦਤ੍ਥੇਰਅਪਦਾਨવਣ੍ਣਨਾ
ਪਦੁਮੁਤ੍ਤਰੋ ਲੋਕવਿਦੂਤਿਆਦਿਕਂ ਆਯਸ੍ਮਤੋ ਸੁਭਦ੍ਦਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਸੁਭਦ੍ਦੋਤਿ ਪਾਕਟੋ ਅਹੋਸਿ।
੧੦੧. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸવਸੇਨ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰੋ ਲੋਕવਿਦੂਤਿਆਦਿਮਾਹ। ਤਂ ਉਤ੍ਤਾਨਤ੍ਥਮੇવ। ਸੁਣਾਥ ਮਮ ਭਾਸਤੋ…ਪੇ॰… ਨਿਬ੍ਬਾਯਿਸ੍ਸਤਿਨਾਸવੋਤਿ ਇਦਂ ਪਰਿਨਿਬ੍ਬਾਨਮਞ੍ਚੇ ਨਿਪਨ੍ਨੋવ ਪਦੁਮੁਤ੍ਤਰੋ ਭਗવਾ ਬ੍ਯਾਕਾਸਿ।
ਪਞ੍ਚਮਭਾਣવਾਰવਣ੍ਣਨਾ ਸਮਤ੍ਤਾ।
੧੧੫. ਸੋ ਅਤ੍ਤਨੋ ਪਟਿਪਤ੍ਤਿਂ ਦਸ੍ਸੇਨ੍ਤੋ ਪੁਬ੍ਬਕਮ੍ਮੇਨ ਸਂਯੁਤ੍ਤੋਤਿਆਦਿਮਾਹ। ਏਕਗ੍ਗੋਤਿ ਏਕਗ੍ਗਚਿਤ੍ਤੋ। ਸੁਸਮਾਹਿਤੋਤਿ ਸੁਟ੍ਠੁ ਸਮਾਹਿਤੋ, ਸਨ੍ਤਕਾਯਚਿਤ੍ਤੋਤਿ ਅਤ੍ਥੋ। ਬੁਦ੍ਧਸ੍ਸ ਓਰਸੋ ਪੁਤ੍ਤੋਤਿ ਬੁਦ੍ਧਸ੍ਸ ਉਰਸਾ ਹਦਯੇਨ ਨਿਗ੍ਗਤਓવਾਦਾਨੁਸਾਸਨਿਂ ਸੁਤ੍વਾ ਪਤ੍ਤਅਰਹਤ੍ਤਫਲੋਤਿ ਅਤ੍ਥੋ। ਧਮ੍ਮਜੋਮ੍ਹਿ ਸੁਨਿਮ੍ਮਿਤੋਤਿ ਧਮ੍ਮਤੋ ਕਮ੍ਮਟ੍ਠਾਨਧਮ੍ਮਤੋ ਜਾਤੋ ਅਰਿਯਾਯ ਜਾਤਿਯਾ ਸੁਨਿਮ੍ਮਿਤੋ ਸੁਟ੍ਠੁ ਨਿਪ੍ਫਾਦਿਤਸਬ੍ਬਕਿਚ੍ਚੋ ਅਮ੍ਹਿ ਭવਾਮੀਤਿ ਅਤ੍ਥੋ।
੧੧੬. ਧਮ੍ਮਰਾਜਂ ਉਪਗਮ੍ਮਾਤਿ ਧਮ੍ਮੇਨ ਸਬ੍ਬਸਤ੍ਤਾਨਂ ਰਾਜਾਨਂ ਇਸ੍ਸਰਭੂਤਂ ਭਗવਨ੍ਤਂ ਉਪਗਨ੍ਤ੍વਾ ਸਮੀਪਂ ਗਨ੍ਤ੍વਾਤਿ ਅਤ੍ਥੋ। ਅਪੁਚ੍ਛਿਂ ਪਞ੍ਹਮੁਤ੍ਤਮਨ੍ਤਿ ਉਤ੍ਤਮਂ ਖਨ੍ਧਾਯਤਨਧਾਤੁਸਚ੍ਚਸਮੁਪ੍ਪਾਦਾਦਿਪਟਿਸਂਯੁਤ੍ਤਂ ਪਞ੍ਹਂ ਅਪੁਚ੍ਛਿਨ੍ਤਿ ਅਤ੍ਥੋ। ਕਥਯਨ੍ਤੋ ਚ ਮੇ ਪਞ੍ਹਨ੍ਤਿ ਏਸੋ ਅਮ੍ਹਾਕਂ ਭਗવਾ ਮੇ ਮਯ੍ਹਂ ਪਞ੍ਹਂ ਕਥਯਨ੍ਤੋ ਬ੍ਯਾਕਰੋਨ੍ਤੋ। ਧਮ੍ਮਸੋਤਂ ਉਪਾਨਯੀਤਿ ਅਨੁਪਾਦਿਸੇਸਨਿਬ੍ਬਾਨਧਾਤੁਸਙ੍ਖਾਤਂ ਧਮ੍ਮਸੋਤਂ ਧਮ੍ਮਪવਾਹਂ ਉਪਾਨਯਿ ਪਾવਿਸੀਤਿ ਅਤ੍ਥੋ।
੧੧੮. ਜਲਜੁਤ੍ਤਮਨਾਯਕੋਤਿ ਨਿਬ੍ਬਾਯਿ ਅਨੁਪਾਦਾਨੋਤਿ ਉਪਾਦਾਨੇ ਪਞ੍ਚਕ੍ਖਨ੍ਧੇ ਅਗ੍ਗਹੇਤ੍વਾ ਨਿਬ੍ਬਾਯਿ ਨ ਪਞ੍ਞਾਯਿ ਅਦਸ੍ਸਨਂ ਅਗਮਾਸਿ, ਮਨੁਸ੍ਸਲੋਕਾਦੀਸੁ ਕਤ੍ਥਚਿਪਿ ਅਪਤਿਟ੍ਠਿਤੋਤਿ ਅਤ੍ਥੋ। ਦੀਪੋવ ਤੇਲਸਙ੍ਖਯਾਤਿ વਟ੍ਟਿਤੇਲਾਨਂ ਸਙ੍ਖਯਾ ਅਭਾવਾ ਪਦੀਪੋ ਇવ ਨਿਬ੍ਬਾਯੀਤਿ ਸਮ੍ਬਨ੍ਧੋ।
੧੧੯. ਸਤ੍ਤਯੋਜਨਿਕਂ ਆਸੀਤਿ ਤਸ੍ਸ ਪਰਿਨਿਬ੍ਬੁਤਸ੍ਸ ਪਦੁਮੁਤ੍ਤਰਸ੍ਸ ਭਗવਤੋ ਰਤਨਮਯਂ ਥੂਪਂ ਸਤ੍ਤਯੋਜਨੁਬ੍ਬੇਧਂ ਆਸਿ ਅਹੋਸੀਤਿ ਅਤ੍ਥੋ। ਧਜਂ ਤਤ੍ਥ ਅਪੂਜੇਸਿਨ੍ਤਿ ਤਤ੍ਥ ਤਸ੍ਮਿਂ ਚੇਤਿਯੇ ਸਬ੍ਬਭਦ੍ਦਂ ਸਬ੍ਬਤੋ ਭਦ੍ਦਂ ਸਬ੍ਬਸੋ ਮਨੋਰਮਂ ਧਜਂ ਪੂਜੇਸਿਨ੍ਤਿ ਅਤ੍ਥੋ।
੧੨੦. ਕਸ੍ਸਪਸ੍ਸ ਚ ਬੁਦ੍ਧਸ੍ਸਾਤਿ ਪਦੁਮੁਤ੍ਤਰਸ੍ਸ ਭਗવਤੋ ਕਾਲਤੋ ਪਟ੍ਠਾਯ ਆਗਤਸ੍ਸ ਦੇવਮਨੁਸ੍ਸੇਸੁ ਸਂਸਰਤੋ ਮੇ ਮਯ੍ਹਂ ਓਰਸੋ ਪੁਤ੍ਤੋ ਤਿਸ੍ਸੋ ਨਾਮ ਕਸ੍ਸਪਸ੍ਸ ਸਮ੍ਮਾਸਮ੍ਬੁਦ੍ਧਸ੍ਸ ਅਗ੍ਗਸਾવਕੋ ਜਿਨਸਾਸਨੇ ਬੁਦ੍ਧਸਾਸਨੇ ਦਾਯਾਦੋ ਆਸਿ ਅਹੋਸੀਤਿ ਸਮ੍ਬਨ੍ਧੋ।
੧੨੧. ਤਸ੍ਸ ਹੀਨੇਨ ਮਨਸਾਤਿ ਤਸ੍ਸ ਮਮ ਪੁਤ੍ਤਸ੍ਸ ਤਿਸ੍ਸਸ੍ਸ ਅਗ੍ਗਸਾવਕਸ੍ਸ ਹੀਨੇਨ ਲਾਮਕੇਨ ਮਨਸਾ ਚਿਤ੍ਤੇਨ ਅਭਦ੍ਦਕਂ ਅਸੁਨ੍ਦਰਂ ਅਯੁਤ੍ਤਕਂ ‘‘ਅਨ੍ਤਕੋ ਪਚ੍ਛਿਮੋ’’ਤਿ વਾਚਂ વਚਨਂ ਅਭਾਸਿਂ ਕਥੇਸਿਨ੍ਤਿ ਅਤ੍ਥੋ। ਤੇਨ ਕਮ੍ਮવਿਪਾਕੇਨਾਤਿ ਤੇਨ ਅਰਹਨ੍ਤਭਕ੍ਖਾਨਸਙ੍ਖਾਤਸ੍ਸ ਅਕੁਸਲਕਮ੍ਮਸ੍ਸ વਿਪਾਕੇਨ। ਪਚ੍ਛਿਮੇ ਅਦ੍ਦਸਂ ਜਿਨਨ੍ਤਿ ਪਚ੍ਛਿਮੇ ਪਰਿਯੋਸਾਨੇ ਪਰਿਨਿਬ੍ਬਾਨਕਾਲੇ ਮਲ੍ਲਾਨਂ ਉਪવਤ੍ਤਨੇ ਸਾਲવਨੇ ਪਰਿਨਿਬ੍ਬਾਨਮਞ੍ਚੇ ਨਿਪਨ੍ਨਂ ਜਿਨਂ ਜਿਤਸਬ੍ਬਮਾਰਂ ਅਮ੍ਹਾਕਂ ਗੋਤਮਸਮ੍ਮਾਸਮ੍ਬੁਦ੍ਧਂ ਅਦ੍ਦਸਂ ਅਹਨ੍ਤਿ ਅਤ੍ਥੋ। ‘‘ਪਚ੍ਛਾ ਮੇ ਆਸਿ ਭਦ੍ਦਕ’’ਨ੍ਤਿਪਿ ਪਾਠੋ। ਤਸ੍ਸ ਪਚ੍ਛਾ ਤਸ੍ਸ ਭਗવਤੋ ਅવਸਾਨਕਾਲੇ ਨਿਬ੍ਬਾਨਾਸਨ੍ਨਕਾਲੇ ਮੇ ਮਯ੍ਹਂ ਭਦ੍ਦਕਂ ਸੁਨ੍ਦਰਂ ਚਤੁਸਚ੍ਚਪਟਿવਿਜ੍ਝਨਂ ਆਸਿ ਅਹੋਸੀਤਿ ਅਤ੍ਥੋ।
੧੨੨. ਪਬ੍ਬਾਜੇਸਿ ਮਹਾવੀਰੋਤਿ ਮਹਾવੀਰਿਯੋ ਸਬ੍ਬਸਤ੍ਤਹਿਤੋ ਕਰੁਣਾਯੁਤ੍ਤੋ ਜਿਤਮਾਰੋ ਮੁਨਿ ਮਲ੍ਲਾਨਂ ਉਪવਤ੍ਤਨੇ ਸਾਲવਨੇ ਪਚ੍ਛਿਮੇ ਸਯਨੇ ਪਰਿਨਿਬ੍ਬਾਨਮਞ੍ਚੇ ਸਯਿਤੋવ ਮਂ ਪਬ੍ਬਾਜੇਸੀਤਿ ਸਮ੍ਬਨ੍ਧੋ।
੧੨੩. ਅਜ੍ਜੇવ ਦਾਨਿ ਪਬ੍ਬਜ੍ਜਾਤਿ ਅਜ੍ਜ ਏવ ਭਗવਤੋ ਪਰਿਨਿਬ੍ਬਾਨਦਿવਸੇਯੇવ ਮਮ ਪਬ੍ਬਜ੍ਜਾ, ਤਥਾ ਅਜ੍ਜ ਏવ ਉਪਸਮ੍ਪਦਾ, ਅਜ੍ਜ ਏવ ਦ੍વਿਪਦੁਤ੍ਤਮਸ੍ਸ ਸਮ੍ਮੁਖਾ ਪਰਿਨਿਬ੍ਬਾਨਂ ਅਹੋਸੀਤਿ ਸਮ੍ਬਨ੍ਧੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
ਸੁਭਦ੍ਦਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
੧੦. ਚੁਨ੍ਦਤ੍ਥੇਰਅਪਦਾਨવਣ੍ਣਨਾ
ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਕਂ ਆਯਸ੍ਮਤੋ ਚੁਨ੍ਦਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਪੁਞ੍ਞਸਮ੍ਭਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ વਿਭવਸਮ੍ਪਨ੍ਨੇ ਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਤ੍ਥਰਿ ਪਸੀਦਿਤ੍વਾ ਸਤ੍ਤਰਤਨਮਯਂ ਸੁવਣ੍ਣਗ੍ਘਿਯਂ ਕਾਰੇਤ੍વਾ ਸੁਮਨਪੁਪ੍ਫੇਹਿ ਛਾਦੇਤ੍વਾ ਭਗવਨ੍ਤਂ ਪੂਜੇਸਿ। ਤਾਨਿ ਪੁਪ੍ਫਾਨਿ ਆਕਾਸਂ ਸਮੁਗ੍ਗਨ੍ਤ੍વਾ વਿਤਾਨਾਕਾਰੇਨ ਅਟ੍ਠਂਸੁ। ਅਥ ਨਂ ਭਗવਾ ‘‘ਅਨਾਗਤੇ ਗੋਤਮਸ੍ਸ ਨਾਮ ਭਗવਤੋ ਸਾਸਨੇ ਚੁਨ੍ਦੋ ਨਾਮ ਸਾવਕੋ ਭવਿਸ੍ਸਤੀ’’ਤਿ ਬ੍ਯਾਕਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਤਤੋ ਚੁਤੋ ਦੇવਲੋਕੇ ਉਪਪਨ੍ਨੋ ਕਮੇਨ ਛਸੁ ਕਾਮਾવਚਰਦੇવੇਸੁ ਸੁਖਂ ਅਨੁਭવਿਤ੍વਾ ਮਨੁਸ੍ਸੇਸੁ ਚਕ੍ਕવਤ੍ਤਿਆਦਿਸਮ੍ਪਤ੍ਤਿਯੋ ਚ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਬ੍ਰਾਹ੍ਮਣਕੁਲੇ ਰੂਪਸਾਰਿਯਾ ਪੁਤ੍ਤੋ ਸਾਰਿਪੁਤ੍ਤਤ੍ਥੇਰਸ੍ਸ ਕਨਿਟ੍ਠੋ ਹੁਤ੍વਾ ਨਿਬ੍ਬਤ੍ਤਿ। ਤਸ੍ਸ વਿਞ੍ਞੁਤਂ ਪਤ੍ਤਸ੍ਸ ਆਰੋਹਪਰਿਣਾਹਰੂਪવਯਾਨਂ ਸੁਨ੍ਦਰਤਾਯ ਸਕਾਰਸ੍ਸ ਚਕਾਰਂ ਕਤ੍વਾ ਚੁਨ੍ਦੋਤਿ ਨਾਮਂ ਕਰਿਂਸੁ। ਸੋ વਯਪ੍ਪਤ੍ਤੋ ਘਰਾવਾਸੇ ਆਦੀਨવਂ ਪਬ੍ਬਜ੍ਜਾਯ ਚ ਆਨਿਸਂਸਂ ਦਿਸ੍વਾ ਭਾਤੁਤ੍ਥੇਰਸ੍ਸ ਸਨ੍ਤਿਕੇ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਾਪੁਣਿ।
੧੨੫. ਸੋ ਪਤ੍ਤਅਰਹਤ੍ਤਫਲੋ ਏਕਦਿવਸਂ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਤ੍ਥਮੇવ। ਅਗ੍ਘਿਯਨ੍ਤਿਆਦਯੋਪਿ ਉਤ੍ਤਾਨਤ੍ਥਾਯੇવ।
੧੨੮. વਿਤਿਣ੍ਣਕਙ੍ਖੋ ਸਮ੍ਬੁਦ੍ਧੋਤਿ વਿਸੇਸੇਨ ਮਗ੍ਗਾਧਿਗਮੇਨ વਿਚਿਕਿਚ੍ਛਾਯ ਖੇਪਿਤਤ੍ਤਾ વਿਤਿਣ੍ਣਕਙ੍ਖੋ ਅਸਂਸਯੋ ਸਮ੍ਬੁਦ੍ਧੋ। ਤਿਣ੍ਣੋਘੇਹਿ ਪੁਰਕ੍ਖਤੋਤਿ ਕਾਮੋਘਾਦੀਨਂ ਚਤੁਨ੍ਨਂ ਓਘਾਨਂ ਤਿਣ੍ਣਤ੍ਤਾ ਅਤਿਕ੍ਕਨ੍ਤਤ੍ਤਾ ਓਘਤਿਣ੍ਣੇਹਿ
੧੩੯. ਉਪਟ੍ਠਹਿਂ ਮਹਾવੀਰਨ੍ਤਿ ਉਤ੍ਤਮਤ੍ਥਸ੍ਸ ਨਿਬ੍ਬਾਨਸ੍ਸ ਪਤ੍ਤਿਯਾ ਪਾਪੁਣਨਤ੍ਥਾਯ ਕਪ੍ਪਸਤਸਹਸ੍ਸਾਧਿਕੇਸੁ ਚਤੁਰਾਸਙ੍ਖ੍ਯੇਯ੍ਯੇਸੁ ਕਪ੍ਪੇਸੁ ਪਾਰਮਿਯੋ ਪੂਰੇਨ੍ਤੇਨ ਕਤવੀਰਿਯਤ੍ਤਾ ਮਹਾવੀਰਂ ਬੁਦ੍ਧਂ ਉਪਟ੍ਠਹਿਂ ਉਪਟ੍ਠਾਨਂ ਅਕਾਸਿਨ੍ਤਿ ਅਤ੍ਥੋ। ਅਞ੍ਞੇ ਚ ਪੇਸਲੇ ਬਹੂਤਿ ਨ ਕੇવਲਮੇવ ਬੁਦ੍ਧਂ ਉਪਟ੍ਠਹਿਂ, ਪੇਸਲੇ ਪਿਯਸੀਲੇ ਸੀਲવਨ੍ਤੇ ਅਞ੍ਞੇ ਚ ਬਹੁਅਗ੍ਗਪ੍ਪਤ੍ਤੇ ਸਾવਕੇ, ਮੇ ਮਯ੍ਹਂ ਭਾਤਰਂ ਸਾਰਿਪੁਤ੍ਤਤ੍ਥੇਰਞ੍ਚ ਉਪਟ੍ਠਹਿਨ੍ਤਿ ਸਮ੍ਬਨ੍ਧੋ।
੧੪੦. ਭਾਤਰਂ ਮੇ ਉਪਟ੍ਠਹਿਤ੍વਾਤਿ ਮਯ੍ਹਂ ਭਾਤਰਂ ਉਪਟ੍ਠਹਿਤ੍વਾ વਤ੍ਤਪਟਿવਤ੍ਤਂ ਕਤ੍વਾ ਤਸ੍ਸ ਪਰਿਨਿਬ੍ਬੁਤਕਾਲੇ ਭਗવਤੋ ਪਠਮਂ ਪਰਿਨਿਬ੍ਬੁਤਤ੍ਤਾ ਤਸ੍ਸ ਧਾਤੁਯੋ ਗਹੇਤ੍વਾ ਪਤ੍ਤਮ੍ਹਿ ਓਕਿਰਿਤ੍વਾ ਲੋਕਜੇਟ੍ਠਸ੍ਸ ਉਪਨਾਮੇਸਿਂ ਅਦਾਸਿਨ੍ਤਿ ਅਤ੍ਥੋ।
੧੪੧. ਉਭੋ ਹਤ੍ਥੇਹਿ ਪਗ੍ਗਯ੍ਹਾਤਿ ਤਂ ਮਹਾ ਦਿਨ੍ਨਂ ਧਾਤੁਂ ਸੋ ਭਗવਾ ਅਤ੍ਤਨੋ ਉਭੋਹਿ ਹਤ੍ਥੇਹਿ ਪਕਾਰੇਨ ਗਹੇਤ੍વਾ ਤਂ ਧਾਤੁਂ ਸਂਸੁਟ੍ਠੁ ਦਸ੍ਸਯਨ੍ਤੋ ਅਗ੍ਗਸਾવਕਂ ਸਾਰਿਪੁਤ੍ਤਤ੍ਥੇਰਂ ਕਿਤ੍ਤਯਿ ਪਕਾਸੇਸੀਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
ਚੁਨ੍ਦਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
ਪਞ੍ਚਮવਗ੍ਗવਣ੍ਣਨਾ ਸਮਤ੍ਤਾ।