ਚੋਦਨਾਕਣ੍ਡਂ
ਅਨੁવਿਜ੍ਜਕਕਿਚ੍ਚવਣ੍ਣਨਾ
੩੬੦-੩੬੧. ਇਦਾਨਿ ਅਨੁવਿਜ੍ਜਕੇਨਾਤਿਆਦਿ ਆਰਦ੍ਧਂ। ਤਤ੍ਥ ਦਿਟ੍ਠਂ ਦਿਟ੍ਠੇਨਾਤਿ ਗਾਥਾਯ ਅਯਮਤ੍ਥੋ – ਏਕੇਨੇਕੋ ਮਾਤੁਗਾਮੇਨ ਸਦ੍ਧਿਂ ਏਕਟ੍ਠਾਨਤੋ ਨਿਕ੍ਖਮਨ੍ਤੋ વਾ ਪવਿਸਨ੍ਤੋ વਾ ਦਿਟ੍ਠੋ, ਸੋ ਤਂ ਪਾਰਾਜਿਕੇਨ ਚੋਦੇਤਿ, ਇਤਰੋ ਤਸ੍ਸ ਦਸ੍ਸਨਂ ਅਨੁਜਾਨਾਤਿ। ਤਂ ਪਨ ਦਸ੍ਸਨਂ ਪਟਿਚ੍ਚ ਪਾਰਾਜਿਕਂ ਨ ਉਪੇਤਿ, ਨ ਪਟਿਜਾਨਾਤਿ। ਏવਮੇਤ੍ਥ ਯਂ ਤੇਨ ਦਿਟ੍ਠਂ, ਤਂ ਤਸ੍ਸ ‘‘ਦਿਟ੍ਠੋ ਮਯਾ’’ਤਿ ਇਮਿਨਾ ਦਿਟ੍ਠવਚਨੇਨ ਸਮੇਤਿ। ਯਸ੍ਮਾ ਪਨ ਇਤਰੋ ਤਂ ਦਸ੍ਸਨਂ ਪਟਿਚ੍ਚ ਦੋਸਂ ਨ ਪਟਿਜਾਨਾਤਿ, ਤਸ੍ਮਾ ਅਸੁਦ੍ਧਪਰਿਸਙ੍ਕਿਤੋ ਹੋਤਿ; ਅਮੂਲਕਪਰਿਸਙ੍ਕਿਤੋਤਿ ਅਤ੍ਥੋ। ਤਸ੍ਸ ਪੁਗ੍ਗਲਸ੍ਸ ‘‘ਸੁਦ੍ਧੋ ਅਹ’’ਨ੍ਤਿ ਪਟਿਞ੍ਞਾਯ ਤੇਨ ਸਦ੍ਧਿਂ ਉਪੋਸਥੋ ਕਾਤਬ੍ਬੋ। ਸੇਸਗਾਥਾਦ੍વਯੇਪਿ ਏਸੇવ ਨਯੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
ਅਨੁવਿਜ੍ਜਕਕਿਚ੍ਚવਣ੍ਣਨਾ ਨਿਟ੍ਠਿਤਾ।
ਚੋਦਕਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ
੩੬੨-੩੬੩. ਚੋਦਨਾਯ ਕੋ ਆਦੀਤਿਆਦਿਪੁਚ੍ਛਾਨਂ વਿਸ੍ਸਜ੍ਜਨੇ ਸਚ੍ਚੇ ਚ ਅਕੁਪ੍ਪੇ ਚਾਤਿ ਸਚ੍ਚੇ ਪਤਿਟ੍ਠਾਤਬ੍ਬਂ ਅਕੁਪ੍ਪੇ ਚ। ਯਂ ਕਤਂ વਾ ਨ ਕਤਂ વਾ, ਤਦੇવ વਤ੍ਤਬ੍ਬਂ, ਨ ਚ ਚੋਦਕੇ વਾ ਅਨੁવਿਜ੍ਜਕੇ વਾ ਸਙ੍ਘੇ વਾ ਕੋਪੋ ਉਪ੍ਪਾਦੇਤਬ੍ਬੋ। ਓਤਿਣ੍ਣਾਨੋਤਿਣ੍ਣਂ ਜਾਨਿਤਬ੍ਬਨ੍ਤਿ ਓਤਿਣ੍ਣਞ੍ਚ ਅਨੋਤਿਣ੍ਣਞ੍ਚ વਚਨਂ ਜਾਨਿਤਬ੍ਬਂ। ਤਤ੍ਰਾਯਂ ਜਾਨਨવਿਧਿ – ਏਤ੍ਤਕਾ ਚੋਦਕਸ੍ਸ ਪੁਬ੍ਬਕਥਾ, ਏਤ੍ਤਕਾ ਪਚ੍ਛਿਮਕਥਾ, ਏਤ੍ਤਕਾ ਚੁਦਿਤਕਸ੍ਸ ਪੁਬ੍ਬਕਥਾ, ਏਤ੍ਤਕਾ ਪਚ੍ਛਿਮਕਥਾਤਿ ਜਾਨਿਤਬ੍ਬਾ ਯੇਨ ਧਮ੍ਮੇਨ ਯੇਨ વਿਨਯੇਨ ਯੇਨ ਸਤ੍ਥੁਸਾਸਨੇਨ ਤਂ ਅਧਿਕਰਣਂ વੂਪਸਮ੍ਮਤੀਤਿ ਏਤ੍ਥ ਧਮ੍ਮੋਤਿ ਭੂਤਂ વਤ੍ਥੁ। વਿਨਯੋਤਿ ਚੋਦਨਾ ਚੇવ ਸਾਰਣਾ ਚ। ਸਤ੍ਥੁਸਾਸਨਨ੍ਤਿ ਞਤ੍ਤਿਸਮ੍ਪਦਾ ਚੇવ ਅਨੁਸ੍ਸਾવਨਸਮ੍ਪਦਾ
੩੬੪. ਉਪੋਸਥੋ ਕਿਮਤ੍ਥਾਯਾਤਿਆਦਿਪੁਚ੍ਛਾવਿਸ੍ਸਜ੍ਜਨਮ੍ਪਿ ਉਤ੍ਤਾਨਮੇવ। ਅવਸਾਨਗਾਥਾਸੁ ਥੇਰੇ ਚ ਪਰਿਭਾਸਤੀਤਿ ਅવਮਞ੍ਞਂ ਕਰੋਨ੍ਤੋ ‘‘ਕਿਂ ਇਮੇ ਜਾਨਨ੍ਤੀ’’ਤਿ ਪਰਿਭਾਸਤਿ। ਖਤੋ ਉਪਹਤਿਨ੍ਦ੍ਰਿਯੋਤਿ ਤਾਯ ਛਨ੍ਦਾਦਿਗਾਮਿਤਾਯ ਤੇਨ ਚ ਪਰਿਭਾਸਨੇਨ ਅਤ੍ਤਨਾ ਅਤ੍ਤਨੋ ਖਤਤ੍ਤਾ ਖਤੋ। ਸਦ੍ਧਾਦੀਨਞ੍ਚ ਇਨ੍ਦ੍ਰਿਯਾਨਂ ਉਪਹਤਤ੍ਤਾ ਉਪਹਤਿਨ੍ਦ੍ਰਿਯੋ। ਨਿਰਯਂ ਗਚ੍ਛਤਿ ਦੁਮ੍ਮੇਧੋ, ਨ ਚ ਸਿਕ੍ਖਾਯ ਗਾਰવੋਤਿ ਸੋ ਖਤੋ ਉਪਹਤਿਨ੍ਦ੍ਰਿਯੋ ਪਞ੍ਞਾਯ ਅਭਾવਤੋ ਦੁਮ੍ਮੇਧੋ ਤੀਸੁ ਸਿਕ੍ਖਾਸੁ ਅਸਿਕ੍ਖਨਤੋ ਨ ਚ ਸਿਕ੍ਖਾਯ ਗਾਰવੋ ਕਾਯਸ੍ਸ ਭੇਦਾ ਨਿਰਯਮੇવ ਉਪਗਚ੍ਛਤਿ, ਤਸ੍ਮਾ ਨ ਚ ਆਮਿਸਂ ਨਿਸ੍ਸਾਯ…ਪੇ॰… ਯਥਾ ਧਮ੍ਮੋ ਤਥਾ ਕਰੇਤਿ। ਤਸ੍ਸਤ੍ਥੋ ਨ ਚ ਆਮਿਸਂ ਨਿਸ੍ਸਾਯ ਕਰੇ, ਚੁਦਿਤਕਚੋਦਕੇਸੁ ਹਿ ਅਞ੍ਞਤਰੇਨ ਦਿਨ੍ਨਂ ਚੀવਰਾਦਿਆਮਿਸਂ ਗਣ੍ਹਨ੍ਤੋ ਆਮਿਸਂ ਨਿਸ੍ਸਾਯ ਕਰੋਤਿ, ਏવਂ ਨ ਕਰੇਯ੍ਯ। ਨ ਚ ਨਿਸ੍ਸਾਯ ਪੁਗ੍ਗਲਨ੍ਤਿ ‘‘ਅਯਂ ਮੇ ਉਪਜ੍ਝਾਯੋ વਾ ਆਚਰਿਯੋ વਾ’’ਤਿਆਦਿਨਾ ਨਯੇਨ ਛਨ੍ਦਾਦੀਹਿ ਗਚ੍ਛਨ੍ਤੋ ਪੁਗ੍ਗਲਂ ਨਿਸ੍ਸਾਯ ਕਰੋਤਿ, ਏવਂ ਨ ਕਰੇਯ੍ਯ। ਅਥ ਖੋ ਉਭੋਪੇਤੇ વਿવਜ੍ਜੇਤ੍વਾ ਯਥਾ ਧਮ੍ਮੋ ਠਿਤੋ, ਤਥੇવ ਕਰੇਯ੍ਯਾਤਿ।
ਉਪਕਣ੍ਣਕਂ ਜਪ੍ਪਤੀਤਿ ਜਿਮ੍ਹਂ ਪੇਕ੍ਖਤੀਤਿ ਦੋਸਮੇવ ਗવੇਸਤਿ। વੀਤਿਹਰਤੀਤਿ વਿਨਿਚ੍ਛਯਂ ਹਾਪੇਤਿ। ਕੁਮ੍ਮਗ੍ਗਂ ਪਟਿਸੇવਤੀਤਿ ਆਪਤ੍ਤਿਂ ਦੀਪੇਤਿ।
ਅਕਾਲੇਨ ਚ ਚੋਦੇਤੀਤਿ ਅਨੋਕਾਸੇ ਅਨਜ੍ਝਿਟ੍ਠੋવ ਚੋਦੇਤਿ। ਪੁਬ੍ਬਾਪਰਂ ਨ ਜਾਨਾਤੀਤਿ ਪੁਰਿਮਕਥਞ੍ਚ ਪਚ੍ਛਿਮਕਥਞ੍ਚ ਨ ਜਾਨਾਤਿ।
ਅਨੁਸਨ੍ਧਿવਚਨਪਥਂ ਨ ਜਾਨਾਤੀਤਿ ਕਥਾਨੁਸਨ੍ਧਿવਿਨਿਚ੍ਛਯਾਨੁਸਨ੍ਧਿવਸੇਨ વਚਨਂ ਨ ਜਾਨਾਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
ਚੋਦਨਾਕਣ੍ਡવਣ੍ਣਨਾ ਨਿਟ੍ਠਿਤਾ।