១៥. បន្នរសមវគ្គោ
១. បច្ចយតាកថាវណ្ណនា
៧១១-៧១៧. ឥទានិ
បច្ចយតាកថាវណ្ណនា។
២. អញ្ញមញ្ញបច្ចយកថាវណ្ណនា
៧១៨-៧១៩. ឥទានិ អញ្ញមញ្ញបច្ចយកថា នាម ហោតិ។ តត្ថ យេសំ សមយេ ‘‘អវិជ្ជាបច្ចយា សង្ខារា’’តិ អយមេវ តន្តិ, ‘‘សង្ខារបច្ចយាបិ អវិជ្ជា’’តិ អយំ នត្ថិ, តស្មា អវិជ្ជាវ សង្ខារានំ បច្ចយោ, ន បន សង្ខារា អវិជ្ជាយាតិ លទ្ធិ, សេយ្យថាបិ មហាសង្ឃិកានំ; តេ សន្ធាយ អវិជ្ជាសង្ខារាទីនំ អញ្ញមញ្ញបច្ចយតាបិ អត្ថីតិ ទស្សេតុំ បុច្ឆា សកវាទិស្ស, បដិញ្ញា ឥតរស្ស អវិជ្ជា សង្ខារេនាតិ ឯត្ថ អបុញ្ញាភិសង្ខារោវ គហិតោ។ តស្មា សង្ខារបច្ចយាបិ អវិជ្ជាតិ ឯត្ថ សហជាតអញ្ញមញ្ញអត្ថិអវិគតសម្បយុត្តវសេន បច្ចយតា វេទិតព្ពា។ ឧបាទានបច្ចយាបិ តណ្ហាតិ ឯត្ថ ឋបេត្វា កាមុបាទានំ សេសានិ តីណិ ឧបាទានានិ អវិជ្ជាយ សង្ខារា វិយ តណ្ហាយ បច្ចយា ហោន្តីតិ វេទិតព្ពានិ។ សេសំ ជរាមរណបច្ចយាតិ បុច្ឆា បរវាទិស្ស, នាមរូបំ វិញ្ញាណបច្ចយាតិ សកវាទិស្សាតិ។
អញ្ញមញ្ញបច្ចយកថាវណ្ណនា។
៣. អទ្ធាកថាវណ្ណនា
៧២០-៧២១. ឥទានិ អទ្ធា បរិនិប្ផន្នោតិ បុច្ឆា សកវាទិស្ស, បដិញ្ញា ឥតរស្ស។ អថ នំ ‘‘សចេ សោ បរិនិប្ផន្នោ, រូបាទីសុ អនេន អញ្ញតរេន ភវិតព្ព’’ន្តិ ចោទេតុំ រូបន្តិអាទិមាហ។ ឥតរោ បដិក្ខិបតិ។ សេសំ យថាបាឡិមេវ និយ្យាតីតិ។
អទ្ធាកថាវណ្ណនា។
៤. ខណលយមុហុត្តកថាវណ្ណនា
៧២២-៧២៣. ខណលយមុហុត្តកថាសុបិ ឯសេវ នយោ។ សព្ពេបិ ហេតេ ខណាទយោ អទ្ធាបរិយាយា ឯវាតិ។
ខណលយមុហុត្តកថាវណ្ណនា។
៥. អាសវកថាវណ្ណនា
៧២៤-៧២៥. ឥទានិ អាសវកថា នាម ហោតិ។ តត្ថ យស្មា ចតូហិ អាសវេហិ ឧត្តរិ អញ្ញោ អាសវោ នាម នត្ថិ, យេន ចត្តារោ អាសវា មគ្គោតិអាទិមាហ។ សេសមេត្ថ ឧត្តានត្ថមេវាតិ។
អាសវកថាវណ្ណនា។
៦. ជរាមរណកថាវណ្ណនា
៧២៦-៧២៧. ឥទានិ
ជរាមរណកថាវណ្ណនា។
៧. សញ្ញាវេទយិតកថាវណ្ណនា
៧២៨-៧២៩. ឥទានិ សញ្ញាវេទយិតកថា នាម ហោតិ។ តត្ថ សញ្ញាវេទយិតនិរោធសមាបត្តិ នាម ន កោចិ ធម្មោ, ចតុន្នំ បន ខន្ធានំ និរោធោ។ ឥតិ សា នេវ លោកិយា ន លោកុត្តរា។ យស្មា បន លោកិយា ន ហោតិ, តស្មា លោកុត្តរាតិ យេសំ លទ្ធិ, សេយ្យថាបិ ហេតុវាទានំយេវ; តេ សន្ធាយ បុច្ឆា សកវាទិស្ស, បដិញ្ញា ឥតរស្ស។ សេសំ បុរិមកថាសទិសមេវាតិ។
សញ្ញាវេទយិតកថាវណ្ណនា។
៨. ទុតិយសញ្ញាវេទយិតកថាវណ្ណនា
៧៣០-៧៣១. ឥទានិ
ទុតិយសញ្ញាវេទយិតកថាវណ្ណនា។
៩. តតិយសញ្ញាវេទយិតកថាវណ្ណនា
៧៣២. ឥទានិ អត្ថីតិអាទិមាហ។
អផស្សកស្ស កាលកិរិយាតិអាទីនិ បុដ្ឋោ សេសសត្តេ សន្ធាយ បដិក្ខិបតិ វិសំ កមេយ្យាតិអាទីនិ បុដ្ឋោ សមាបត្តិអានុភាវំ សន្ធាយ បដិក្ខិបតិ។ ទុតិយវារេ សរីរបកតិំ សន្ធាយ បដិជានាតិ។ ឯវំ សន្តេ បន សមាបត្តិអានុភាវោ នាម ន ហោតិ, តេនេវ ន និរោធសមាបន្នោតិ អនុយុញ្ជតិ។
៧៣៣-៧៣៤. ន កាលំ ករេយ្យាតិ បុច្ឆា បរវាទិស្ស។ អត្ថិ សោ និយាមោតិ បរវាទិស្ស បញ្ហេ បន យស្មា ឯវរូបោ និយាមោ នាម នត្ថិ, តស្មា បដិក្ខិបតិ។ ចក្ខុវិញ្ញាណសមង្គីតិអាទិ សកវាទិនា ‘‘និយាមេ អសន្តេបិ មរណសមយេនេវ មរតិ, នាសមយេនា’’តិ ទស្សេតុំ វុត្តំ។ តត្រាយមធិប្បាយោ – យទិ និយាមាភាវេន កាលកិរិយា ភវេយ្យ, ចក្ខុវិញ្ញាណសមង្គិនោបិ ភវេយ្យ។ តតោ ‘‘បញ្ចហិ វិញ្ញាណេហិ ន ចវតិ, ន ឧបបជ្ជតី’’តិ
តតិយសញ្ញាវេទយិតកថាវណ្ណនា។
១០. អសញ្ញសត្តុបិកាកថាវណ្ណនា
៧៣៥. ឥទានិ អត្ថីតិអាទិមាហ។
៧៣៦. ឥធាបិ អសញ្ញីតិ បញ្ហេ ឥធ សញ្ញាវិរាគវសេន សមាបន្នត្តា អសញ្ញិតា អនុញ្ញាតា, តត្រាបិ អសញ្ញសត្តេនេវ។ តស្មា ឥមំ បដិញ្ញំ គហេត្វា លទ្ធិំ បតិដ្ឋបេន្តេន ឆលេន បតិដ្ឋាបិតា ហោតិ។ ឥធ វា និរោធសមាបត្តិំ សន្ធាយ អសញ្ញិតា អនុញ្ញាតា។ តត្រាបិ ឥតោ ចុតស្ស អនាគាមិនោ និរោធសមាបត្តិមេវ តស្មាបិ ឥមាយ បដិញ្ញាយ បតិដ្ឋាបិតា លទ្ធិ អប្បតិដ្ឋិតាយេវាតិ។
អសញ្ញសត្តុបិកាកថាវណ្ណនា។
១១. កម្មូបចយកថាវណ្ណនា
៧៣៧. ឥទានិ កម្មូបចយកថា នាម ហោតិ។ តត្ថ យេសំ កម្មូបចយោ អញ្ញំ កម្មន្តិ បុច្ឆា សកវាទិស្ស, បដិញ្ញា ឥតរស្ស។ អថ នំ ‘‘យទិ កម្មតោ អញ្ញោ កម្មូបចយោ, ផស្សាទិតោបិ អញ្ញេន ផស្សូបចយាទិនា ភវិតព្ព’’ន្តិ ចោទេតុំ អញ្ញោ ផស្សោតិអាទិមាហ។ ឥតរោ លទ្ធិយា អភាវេន បដិក្ខិបតិ។
៧៣៨-៧៣៩. កម្មេន សហជាតោតិ បញ្ហេសុ ចិត្តវិប្បយុត្តំ សន្ធាយ បដិក្ខិបតិ, ចិត្តសម្បយុត្តំ សន្ធាយ បដិជានាតិ។ កុសលោតិ បញ្ហេសុបិ ចិត្តវិប្បយុត្តំ សន្ធាយ បដិជានាតិ។ បរតោ អកុសលោតិបញ្ហេសុបិ ឯសេវ នយោ។
៧៤០. សារម្មណោតិ ចិត្តំ ភិជ្ជមានន្តិ យទា ចិត្តំ ភិជ្ជមានំ ហោតិ, តទា កម្មំ ភិជ្ជតីតិ អត្ថោ។ ភុម្មត្ថេ វា បច្ចត្តំ, ចិត្តេ ភិជ្ជមានេតិ អត្ថោ។ អយមេវ វា បាឋោ។ តត្ថ យស្មា សម្បយុត្តោ ភិជ្ជតិ, វិប្បយុត្តោ ន ភិជ្ជតិ, តស្មា បដិជានាតិ ចេវ បដិក្ខិបតិ ច។
៧៤១. កម្មម្ហិ កម្មូបចយោតិ កម្មេ សតិ កម្មូបចយោ, កម្មេ វា បតិដ្ឋិតេ កម្មូបចយោ, កម្មូបចយតោវ វិបាកោ និព្ពត្តតិ។ តស្មិំ បន កម្មេ និរុទ្ធេ យាវ អំកុរុប្បាទា ពីជំ វិយ យាវ វិបាកុប្បាទា កម្មូបចយោ តិដ្ឋតីតិស្ស លទ្ធិ, តស្មា បដិជានាតិ។ តញ្ញេវ កម្មំ, សោ កម្មូបចយោ, សោ កម្មវិបាកោតិ យស្មា កម្មម្ហិ កម្មូបចយោ, សោ ច យាវ វិបាកុប្បាទា តិដ្ឋតីតិស្ស លទ្ធិ, តស្មា នំ តេសំ តិណ្ណម្បិ ឯកត្តំ បុច្ឆតិ វិបាកោ សារម្មណោតិ ឥទំ វិបាកោ វិយ វិបាកធម្មធម្មោបិ អារម្មណបដិពទ្ធោយេវាតិ ចោទនត្ថំ បុច្ឆតិ។ ឥតរោ បន លទ្ធិវសេនេកំ បដិជានាតិ, ឯកំ បដិក្ខិបតិ។ បដិលោមេបិ ឯសេវ នយោ។ សេសមេត្ថ យថាបាឡិមេវ និយ្យាតីតិ។
កម្មូបចយកថាវណ្ណនា។
បន្នរសមោ វគ្គោ។
តតិយបណ្ណាសកោ សមត្តោ។