សាគលិយនិកាយុប្បត្តិ
បុនបិ តេ អភយគិរិវាសិនោ គោឋាភយរញ្ញោ កាលេ (៧៩៧-៨១០-ពុ-វ) វេតុល្លវាទំ តថេវ ទស្សេន្តិ។ តទា បន តេសុ ឧស្សិលិយាតិស្សោ នាម មហាថេរោ វោហារកតិស្សរាជកាលេ វេតុល្លវាទីនំ ភិក្ខូនំ កតនិគ្គហំ សុត្វា ‘‘វិចារណសម្បន្នស្ស រញ្ញោ សមយេ តថេវ ភវេយ្យ, ន ភទ្ទកមេត’’ន្តិ ចិន្តេត្វា ‘‘ន មយំ តេហិ ឯកតោ ហោមា’’តិ តិសតមត្តេ ភិក្ខូ គហេត្វា ទក្ខិណគិរិវិហារំ គន្ត្វា ធម្មរុចិនិកាយតោ វិសុំ ហុត្វា វសិ។ តេសុ សាគលោ នាម មហាថេរោ តត្ថេវ ទក្ខិណគិរិម្ហិ វសន្តោ អាគមព្យាខ្យានមកាសិ។ តតោ បដ្ឋាយ តំ ថេរមារព្ភ តស្សន្តេវាសិនោ សាគលិយា នាម អហេសុំ។ តេសម្បិ មហាសេនរាជកាលេ ជេតវនវិហារេ បត្ថរិ