៤. សមាសកណ្ឌ
អថ
អព្យយីភាវសមាស
តត្ថ អព្យយីភាវោ បឋមំ វុច្ចតេ។ ព្យយោ វុច្ចតិ វិការោ, នត្ថិ ព្យយោ ឯតស្សាតិ អព្យយោ, អព្យយោ ហុត្វា ភវតីតិ អព្យយីភាវោ, នានាលិង្គ, វិភត្តិ, វចនេសុ រូបវិការរហិតោ ហុត្វា ភវតីតិ អត្ថោ, សព្ពលិង្គ,-វិភត្តិ, វចនេសុបិ យេភុយ្យេន ឯករូបេន បវត្តតីតិ វុត្តំ ហោតិ។
អព្យយន្តិ វា ឧបសគ្គនិបាតានំ ឯវ នាមំ, អយំ បន បកតិ អព្យយំ ន ហោតិ, អសង្ខ្យេហិ សហ ឯកត្ថតាវសេន អព្យយំ ហោតិ, ឥតិ អនព្យយម្បិ អព្យយំ ភវតីតិ អព្យយីភាវោ។
៣៣១. ស្យាទិស្យាទិនេកត្ថំ
អធិការសុត្តមិទំ។ ស្យាទិ វុច្ចតិ ស្យាទ្យន្តបទំ, ‘ស្យាទិនា’តិ ស្យាទ្យន្តបទេន, ឯកោ អត្ថោ យស្ស តំ ឯកត្ថំ, ស្យាទិបទំ ស្យាទិបទេន សហ ឯកត្ថំ ហោតីតិ អត្ថោ។
ឯត្ថ ច ‘ស្យាទី’តិ វចនេន ឧបសគ្គ, និបាតេហិ សទ្ធិំ សព្ពានិ នាមិកបទានិ នាមបដិរូបកានិ ច សង្គណ្ហាតិ, ត្យាទ្យន្តបទានិ និវត្តេតិ។
តត្ថ
‘ឯកត្ថ’ន្តិ ឯតេន ទ្វន្ទសមាសេបិ បទានំ ឯកកត្តុ, ឯកកម្មាទិភាវេន ឯកត្ថីភាវោ វុត្តោ ហោតីតិ។
៣៣២. អសង្ខ្យំ វិភត្តិសម្បត្តិសមីបសាកល្យាភាវយថាបច្ឆាយុគបទត្ថេ
‘អសង្ខ្យ’ន្តិ ឧបសគ្គបទំ និបាតបទញ្ច វុច្ចតិ។ តំ ទ្វយម្បិ ហិ ឯកត្ត, ពហុត្តសង្ខ្យំ បដិច្ច រូបវិការរហិតត្តា ‘អសង្ខ្យ’ន្តិ វុច្ចតិ។ វិភត្យត្ថេ, សម្បត្យត្ថេ, សមីបត្ថេ, សាកល្យត្ថេ, អភាវត្ថេ, យថាត្ថេ, បច្ឆាត្ថេ, យុគបទត្ថេ បវត្តំ អសង្ខ្យំ នាម ស្យាទិបទំ អញ្ញេន ស្យាទិបទេន សហ ឯកត្ថំ ហោតិ។ អយញ្ច សមាសោ អន្វត្ថវសេន ‘អសង្ខ្យោ’តិ ច ‘អព្យយីភាវោ’តិ ច វុច្ចតិ។
វិភត្យត្ថេ តាវ –
អធិត្ថិ។ ឯត្ថ ច អធិតោ សិ, តស្ស ‘អសង្ខ្យេហិ សព្ពាស’ន្តិ សុត្តេន លោបោ, ឥត្ថិតោ សុ, ‘អធិ ឥត្ថីសូ’តិ វាក្យំ, តស្ស ច អត្ថំ កថេន្តេន និច្ចសមាសត្តា អញ្ញបទេន វិគ្គហោ កាតព្ពោ ‘‘ឥត្ថីសុ បវត្តា កថា’’តិ វា ‘‘ឥត្ថីសុ បវត្តោ វចនបថោ’’តិ វា ‘‘ឥត្ថីសុ បវត្តំ វចន’’ន្តិ វា, តតោ បុរិមសុត្តេន ឯកត្ថសញ្ញា, ឥមិនា សុត្តេន អសង្ខ្យេកត្ថសញ្ញា ច ករិយតេ, ឯកត្ថសញ្ញាយ បន កតាយ វាក្យត្ថាយ បយុត្តានំ វិភត្តីនំ អត្ថោ ឯកត្ថបទេន វុត្តោ ហោតិ, តទា វិភត្តិយោ វុត្តត្ថា នាម។
ឥទានិ
៣៣៣. ឯកត្ថតាយំ
ឯកោ អត្ថោ យេសំ តានិ ឯកត្ថានិ, ‘អត្ថោ’តិ ចេត្ថ បទន្តរេ កត្តុ, កម្មាទិភាវេន វិធេយ្យោ បធានត្ថោ ឯវ វេទិតព្ពោ។ តថា ហិ ‘រាជបុត្តោ’តិ ឯត្ថ បុត្តសទ្ទត្ថោ ឯវ តថាវិធេយ្យោ ហោតិ, ន រាជសទ្ទត្ថោ, សព្ពញ្ច វចនវាក្យំ នាម វិធេយ្យត្ថេហិ ឯវ សិជ្ឈតិ, នោ អញ្ញថា, យស្មា ច ‘រាជបុត្តោ’តិ ឯតំ បុត្តសទ្ទត្ថស្សេវ នាមំ ហោតិ, ន រាជសទ្ទត្ថស្ស, តស្មា ឯកោ បធានភូតោ បុត្តសទ្ទត្ថោ ឯវ តេសំ ទ្វិន្នំ សទ្ទានំ អត្ថោ នាម ហោតិ, ន រាជសទ្ទត្ថោតិ, ឯកត្ថានំ ភាវោ ឯកត្ថតា, ឯកត្ថីភាវោតិ វុត្តំ ហោតិ។ សោ តិវិធោ សមាសោ, តទ្ធិតោ, ធាតុបច្ចយន្តោ ចាតិ។ តិស្សំ តិវិធាយំ ឯកត្ថតាយំ សព្ពាសំ វុត្តត្ថានំ ស្យាទិវិភត្តីនំ លោបោ ហោតីតិ ឥមិនា សុស្ស លោបោ។ ពហុលាធិការត្តា បន អលុត្តសមាសោបិ ទិស្សតិ។
៣៣៤. តំ នបុំសកំ
តំ អសង្ខ្យំ នាម ឯកត្ថំ នបុំសកំ ហោតីតិ ឥមិនា អធិត្ថីសទ្ទស្ស នបុំសកភាវំ កត្វា តតោ ស្យាទ្យុប្បត្តិ។
៣៣៥. ស្យាទីសុ រស្សោ
នបុំសកស្ស ឯកត្ថស្ស រស្សោ ហោតិ ស្យាទីសុ វិភត្តីសូតិ ឥមិនា ឦការស្ស រស្សោ។
៣៣៦. បុព្ពស្មាមាទិតោ
បុព្ពអមាទិ
អធិត្ថិ តិដ្ឋតិ, ឥត្ថីសុ បវត្តា កថា តិដ្ឋតីតិ អត្ថោ។ អធិត្ថិ តិដ្ឋន្តិ, ឥត្ថីសុ បវត្តា កថាយោ តិដ្ឋន្តីតិ អត្ថោ។ ឯស នយោ សេសវិភត្តីសុ សេសវចនេសុ សេសលិង្គេសុ ច។ ឯវំ សព្ពលិង្គេសុ សព្ពវិភត្តីសុ សព្ពវចនេសុ ច ឯកេនេវ រូបេន តិដ្ឋតិ, តស្មា អយំ សមាសោ រូបវិការរហិតត្តា ‘អព្យយីភាវោ’តិ វុច្ចតិ។
ឯត្ថ ច វិភត្យត្ថោ នាម ‘‘អធិត្ថិ, ពហិគាមំ, ឧបរិគង្គ’’ មិច្ចាទីសុ សម្បត្យាទីហិ វិសេសត្ថេហិ រហិតោ កេវលោ វិភត្តីនំ អត្ថោ វុច្ចតិ។ វិគ្គហេ បន ‘‘កថា, បវត្តា’’ ឥច្ចាទីនិ សមាសសាមត្ថិយេន វិទិតានិ អត្ថបទានិ នាម, អធិសទ្ទស្ស អត្ថបទានីតិបិ វទន្តិ។ ឯវំ អធិកុមារិ, អធិវធុ, អធិជម្ពុឥច្ចាទិ។
អត្តនិ បវត្តោ ធម្មោ, បវត្តា វាធម្មាតិ អត្ថេ វិភត្តីនំ លោបេ កតេ អធិអត្តសទ្ទស្ស នបុំសកភាវំ កត្វា តតោ ស្យាទ្យុប្បត្តិ, ‘បុព្ពស្មាមាទិតោ’តិ ស្យាទីនំ លោបេ សម្បត្តេ –
៣៣៧. នាតោមបញ្ចមិយា
អការន្តម្ហា
អជ្ឈត្តំ ធម្មោ ជាយតិ, អជ្ឈត្តំ ធម្មា ជាយន្តិ, អជ្ឈត្តំ ធម្មំ បស្សតិ, អជ្ឈត្តំ ធម្មេ បស្សន្តិ។
អបញ្ចមិយាតិ កិំ? អជ្ឈត្តា អបេតិ, អជ្ឈត្តេហិ អបេតិ។
៣៣៨. វា តតិយាសត្តមីនំ
អការន្តម្ហា អសង្ខ្យេកត្ថា បរំ តតិយា, សត្តមីនំ វិកប្បេន អំ ហោតិ។
អជ្ឈត្តំ ធម្មេន វត្តតិ អជ្ឈត្តេន វា, អជ្ឈត្តំ ធម្មេហិ វត្តតិ អជ្ឈត្តេហិ វា, អជ្ឈត្តំ ធម្មស្ស ទេតិ, អជ្ឈត្តំ ធម្មានំ ទេតិ, អជ្ឈត្តា ធម្មា អបេតិ, អជ្ឈត្តេហិ ធម្មេហិ អបេតិ, អជ្ឈត្តំ ធម្មស្ស សន្តកំ, អជ្ឈត្តំ ធម្មានំ សន្តកំ, អជ្ឈត្តំ ធម្មេ តិដ្ឋតិ អជ្ឈត្តេ វា, អជ្ឈត្តំ ធម្មេសុ តិដ្ឋតិ អជ្ឈត្តេសុ វា។ ឯត្ថ ច ‘អជ្ឈត្តំ ធម្មោ’តិ អជ្ឈត្តភូតោ ធម្មោ, ‘អជ្ឈត្តំ ធម្មា’តិ អជ្ឈត្តភូតា ធម្មា ឥច្ចាទិនា អត្ថោ វេទិតព្ពោ។ អត្តានំ អធិកិច្ច បវត្តោ បវត្តាតិ វា វុត្តេបិ អត្តស្ស អាធារភាវោ សិជ្ឈតិយេវ។ ឯវំ អធិចិត្តំ, អត្តនិ វិសុំ វិសុំ បវត្តំ បវត្តានិ វា បច្ចត្តំ។ ឯត្ថ ច ‘‘អជ្ឈត្តំ អភិនិវិសិត្វា អជ្ឈត្តំ វុដ្ឋាតិ, ពហិទ្ធា អភិនិវិសិត្វា អជ្ឈត្តំ វុដ្ឋាតី’’តិ
សម្បត្តិអត្ថេ –
សម្បន្នំ ព្រហ្មំ សព្រហ្មំ, ‘ព្រហ្ម’ន្តិ វេទោ វុច្ចតិ។ ឯត្ថ ច ‘អកាលេ សកត្ថស្សា’តិ សុត្តេន សហសទ្ទស្ស សាទេសោ, ភិក្ខានំ សមិទ្ធិ សុភិក្ខំ, ‘ស្យាទីសុ រស្សោ’តិ សុត្តេន កតនបុំសកស្ស រស្សត្តំ។
សមីបេ –
នគរស្ស សមីបំ ឧបនគរំ, កុម្ភស្ស សមីបំ ឧបកុម្ភំ, មណិកាយ សមីបំ ឧបមណិកំ, វធុយា សមីបំ ឧបវធុ, គុន្នំ សមីបំ ឧបគុ, ‘គោស្សូ’តិ សុត្តេន ឱស្ស ឧត្តំ។
សាកល្យេ –
តិណេន សហ សកលំ សតិណំ, តិណេន សទ្ធិំ សកលំ វត្ថុំ អជ្ឈោហរតីតិ អត្ថោ។ សហសទ្ទស្ស សាទេសោ។
អភាវេ –
មក្ខិកានំ អភាវោ និម្មក្ខិកំ, ទរថានំ អភាវោ និទ្ទរថំ, ភិក្ខានំ អភាវោ ទុព្ភិក្ខំ, អភាវត្ថោបិ ទុសទ្ទោ អត្ថិ។ យថា? ទុស្សីលោ ទុប្បញ្ញោតិ។ ឯត្ថ ច ‘សម្បន្នំ ព្រហ្ម’ន្តិអាទិនា សទ្ទព្យាករណេសុ អត្ថវចនំ សទ្ទត្ថវិភាវនមត្តំ។ សុត្តន្តេសុ បន ឥមេសំ បទានំ យុត្តំ អភិធេយ្យត្ថំ ញត្វា តទនុរូបំ អត្ថវចនម្បិ វេទិតព្ពំ។
យថាសទ្ទត្ថេ –
រូបស្ស សភាវស្ស យោគ្យំ អនុរូបំ, អត្តានំ អត្តានំ បដិច្ច បវត្តំ បច្ចត្តំ, អឌ្ឍមាសំ អឌ្ឍមាសំ អនុគតំ អន្វឌ្ឍមាសំ, ឃរំ ឃរំ អនុគតំ អនុឃរំ, វស្សំ វស្សំ អនុគតំ អនុវស្សំ, ជេដ្ឋានំ
បច្ឆាបទត្ថេ –
រថស្ស បច្ឆា អនុរថំ។
យុគភូតោ បទត្ថោ យុគបទត្ថោ, សហភាវីអត្ថទ្វយស្សេតំ នាមំ។ តត្ថ អសនិផលេន សហ បវត្តំ ចក្កំ សចក្កំ, គទាវុធេន យុគឡបវត្តំ វាសុទេវស្ស ចក្កាវុធន្តិបិ វទន្តិ
៣៣៩. យថា នតុល្យេ
តុល្យតោ អញ្ញស្មិំ អត្ថេ បវត្តោ យថាសទ្ទោ ស្យាទិនា សហ ឯកត្ថោ ហោតិ
យថាសត្តិ, យថាពលំ, យថាក្កមំ, យេ យេ វុឌ្ឍា យថាវុឌ្ឍំ, វុឌ្ឍានំ បដិបាដិ វា យថាវុឌ្ឍំ។
នតុល្យេតិ កិំ? យថា ទេវទត្តោ, តថា យញ្ញទត្តោ។
៣៤០. យាវាវធារណេ
អវធារណំ វុច្ចតិ បរិច្ឆិន្ទនំ, អវធារណេ បវត្តោ យាវសទ្ទោ ស្យាទិនា សហ ឯកត្ថោ ភវតិ។
យត្តកំ
៣៤១. បរាបាពហិតិរោបុរេបច្ឆា វា បញ្ចម្យា
បរិ, អប, អាឥច្ចាទយោ សទ្ទា បញ្ចម្យន្តេន ស្យាទិនា សហ ឯកត្ថា ភវន្តិ វា។
បព្ពតតោ បរិ សមន្តា វស្សីតិ ទេវោ បរិបព្ពតំ បរិបព្ពតា វា, បព្ពតំ វជ្ជេត្វា វស្សីតិ អត្ថោ។ បព្ពតតោ ពហិទ្ធា អបបព្ពតំ អបបព្ពតា វា, បាដលិបុត្តតោ ពហិទ្ធា វស្សីតិ ទេវោ អាបាដលិបុត្តំ អាបាដលិបុត្តា វា, អាកុមារេហិ កច្ចាយនស្ស យសោ វត្តតីតិ អាកុមារំ អាកុមារា វា, អាភវគ្គា ភគវតោ យសោ វត្តតីតិ អាភវគ្គំ អាភវគ្គា វា, អាបាណកោដិយា សរណគមនំ វត្តតីតិ អាបាណកោដិកំ, កាគមោ។ គាមតោ ពហិ ពហិគាមំ ពហិគាមា វា, ឯវំ ពហិនគរំ, ពហិលេណំ, បព្ពតតោ តិរោ តិរោបព្ពតំ តិរោបព្ពតា វា, ឯវំ តិរោបាការំ, តិរោកុដ្ដំ។ ឯត្ថ ច ‘តិរោ’តិ បរភាគោ វុច្ចតិ។ ភត្តម្ហា បុរេ បុរេភត្តំ បុរេភត្តា វា, អរុណម្ហា បុរេ បុរារុណំ បុរារុណា វា, ភត្តស្ស បច្ឆា បច្ឆាភត្តំ បច្ឆាភត្តា វា។
៣៤២. សមីបាយាមេស្វនុ
សមីបេ អាយាមេ ច បវត្តោ អនុសទ្ទោ ស្យាទិនា សហ ឯកត្ថោ ភវតិ វា។
វនស្ស សមីបំ អនុវនំ, អសនិ អនុវនំ គតា, គង្គំ អនុយាតា អនុគង្គំ, ពារាណសី។
៣៤៣. ឱរោ បរិ បដិ បារេ មជ្ឈេ ហេដ្ឋុទ្ធាធោន្តោ វា ឆដ្ឋិយា
ឱរាទយោ សទ្ទា ឆដ្ឋីយន្តេន ស្យាទិនា សហ ឯកត្ថា ភវន្តិ វា។
ឯត្ថ ច ឱរេ, បារេ, មជ្ឈេសទ្ទេសុ ‘តទមិនាទីនី’តិ សុត្តេន ឯការោ, គង្គាយ ឱរំ ឱរេគង្គំ, សិខរស្ស ឧបរិ ឧបរិសិខរំ។ ឯវំ ឧបរិបាសាទំ, ឧបរិមញ្ចំ, ឧបរិបព្ពតំ, សោតស្ស បដិលោមំ បដិសោតំ។ ឯវំ បដិវាតំ, យមុនាយ បារំ បារេយមុនំ, គង្គាយ មជ្ឈំ មជ្ឈេគង្គំ, បាសាទស្ស ហេដ្ឋា ហេដ្ឋាបាសាទំ, ហេដ្ឋាមញ្ចំ, គង្គាយ ឧទ្ធំ ឧទ្ធំគង្គំ, គង្គាយ អធោ អធោគង្គំ, បាសាទស្ស អន្តោ អន្តោបាសាទំ។ ឯវំ អន្តោគាមំ, អន្តោនគរំ, អន្តោវស្សំ។
វាតិ កិំ? គង្គាឱរំ, មជ្ឈេសមុទ្ទស្មិំ ឥច្ចាទិ។
៣៤៤. តិដ្ឋគ្វាទីនិ
តិដ្ឋគុឥច្ចាទីនិ អសង្ខ្យេកត្ថេ សិជ្ឈន្តិ។
តិដ្ឋន្តិ គាវោ យស្មិំ កាលេ តិដ្ឋគុ, វហន្តិ គាវោយស្មិំ កាលេ វហគុ, ‘គោស្សូ’តិ សុត្តេន ឱស្ស ឧត្តំ។ អាយតិំ យវោ យស្មិំ កាលេតិ អាយតិយវោ, ខលេ យវោ យស្មិំ កាលេតិ ខលេយវំ។ បុព្ពបទេ វិភត្តិអលោបោ។ លុនា យវា យស្មិំ កាលេតិ លុនយវំ, ឯត្ថ ‘លុនា’តិ លាវិតា, លុយមានា យវា យស្មិន្តិ លុយមានយវំ ឥច្ចាទិ។
តថា បាតោ នហានំ យស្មិំ កាលេតិ បាតនហានំ។ ឯវំ សាយនហានំ, បាតោ កម្មករណកាលោ យស្មិន្តិ
អព្យយីភាវសមាសោ និដ្ឋិតោ។
តប្បុរិសសមាស
ទុតិយាតប្បុរិស
អថ អមាទិសមាសោ វុច្ចតេ, សោ តប្បុរិសោតិ ច វុច្ចតិ។ តស្ស បុរិសោ តប្បុរិសោ, តប្បុរិសសទ្ទេន សទិសត្តា អយំ សមាសោ តប្បុរិសោតិ វុច្ចតិ។ យថា ហិ តប្បុរិសសទ្ទោ វិសេសនបទត្ថំ ជហិត្វា វិសេស្យបទត្ថេ តិដ្ឋតិ, ឯវំ អយំ សមាសោបីតិ។
៣៤៥. អមាទិ
អមាទិវិភត្តិយុត្តំ ស្យាទ្យន្តបទំ បឋមន្តេន ស្យាទ្យន្តបទេន សហ ឯកត្ថំ ភវតិ, អយញ្ច សមាសោ អន្វត្ថវសេន ‘‘អមាទិសមាសោ’’តិ ច ‘‘តប្បុរិសសមាសោ’’តិ ច វុច្ចតិ។ ឥមិនា អមាទិសហិតស្ស វាក្យស្ស អមាទេកត្ថសញ្ញំ កត្វា វុត្តត្ថានំ វិភត្តីនំ លោបោ, តតោ ឯកត្ថបទន្តេ ស្យាទ្យុប្បត្តិ ហោតិ។
សោ
តត្ថ ទុតិយាតប្បុរិសោ កត្តុវាចកេសុ គត, និស្សិត,-អតីត, អតិក្កន្ត, បត្ត, អាបន្នឥច្ចាទីសុ បរេសុ ហោតិ។
គាមំ គតោតិ គាមគតោ គាមំ គតោ វា។ ឯវំ អរញ្ញគតោ, ភូមិគតោ, រាជានំ និស្សិតោតិ រាជនិស្សិតោ។ ឯវំ អត្ថនិស្សិតោ, ធម្មនិស្សិតោ។ ភវំ អតីតោ ភវាតីតោ។ ឯវំ ភយាតីតោ, កាលាតីតោ, ខណាតីតោ, បមាណំ អតិក្កន្តោតិ បមាណាតិក្កន្តោ, សុខំ បត្តោតិ សុខប្បត្តោ។ ឯវំ ទុក្ខប្បត្តោ, សោតំ អាបន្នោតិ សោតាបន្នោ។ ឯវំ និរោធសមាបន្នោ, អទ្ធានមគ្គំ បដិបន្នោតិ អទ្ធានមគ្គប្បដិបន្នោ, រុក្ខំ អារូឡ្ហោតិ រុក្ខារូឡ្ហោ, រថារូឡ្ហោ, ឱឃំ តិណ្ណោតិ ឱឃតិណ្ណោ ឱឃំ តិណ្ណោ វា ឥច្ចាទិ។
កម្មុបបទវិហិតេហិ កិតន្តបទេហិ បន និច្ចសមាសោយេវ, កុម្ភំ ករោតីតិ កុម្ភការោ, រថការោ, បត្តំ គណ្ហាតីតិ បត្តគ្គាហោ, អត្ថំ កាមេតីតិ អត្ថកាមោ, ធម្មកាមោ, វិនយំ ធារេតីតិ វិនយធរោ, ធម្មធរោ, ព្រហ្មំ ចរតិ សីលេនាតិ ព្រហ្មចារី, ភវបារំ គច្ឆតិ សីលេនាតិ ភវបារគូ, សព្ពំ ជានាតីតិ សព្ពញ្ញូ, អត្ថញ្ញូ, ធម្មញ្ញូឥច្ចាទិ។
ពហុលាធិការត្តា ត, តវន្តុ, តាវី, អន្ត, មាន, តុន, ត្វាន, ត្វា, តុំ, តវេបច្ចយន្តេសុ បរេសុ សមាសោ ន ហោតិ, វស្សំ វុត្ថោ, ឱទនំ ភុត្តោ, ឱទនំ ភុត្តវា, ឱទនំ ភុត្តាវី, ធម្មំ សុណន្តោ, ធម្មំ សុណមានោ
ឥតិ ទុតិយាតប្បុរិសោ។
តតិយាតប្បុរិស
តតិយាតប្បុរិសោ កម្មវាចកេសុ កិតន្តេសុ ច សម្បន្ន, សហគតាទីសុ ច បុព្ព, សទិស, សម, ឩនត្ថ, កលហ, និបុណ,-មិស្សក, សខិលាទីសុ ច បរេសុ ហោតិ។
ពុទ្ធេន ភាសិតោ ពុទ្ធភាសិតោ។ ឯវំ ពុទ្ធទេសិតោ, ពុទ្ធបញ្ញត្តោ, ពុទ្ធរក្ខិតោ, សត្ថារា វណ្ណិតោ សត្ថុវណ្ណិតោ, វិញ្ញូហិ គរហិតោ វិញ្ញុគរហិតោ, វិញ្ញុបសត្ថោ, ឥស្សរេន កតំ ឥស្សរកតំ, អត្តនា កតំ សយំកតំ, បរេហិ កតំ បរំកតំ, ពិន្ទាគមោ។ សុកេហិ អាហដំ សុកាហដំ, រញ្ញា ហតោ រាជហតោ, រោគេន បីឡិតោ រោគបីឡិតោ, អគ្គិនា ទឌ្ឍោ អគ្គិទឌ្ឍោ, សប្បេន ទដ្ឋោ សប្បទដ្ឋោ, សល្លេន វិទ្ធោ សល្លវិទ្ធោ, ឥច្ឆាយ អបកតោ អភិភូតោ ឥច្ឆាបកតោ។
សីលេន សម្បន្នោ សីលសម្បន្នោ។ ឯវំ សុខសហគតំ, ញាណសម្បយុត្តំ, មិត្តសំសគ្គោ, បិយសម្បយោគោ, បិយវិប្បយោគោ, ជាតិយា អន្ធោ ជច្ចន្ធោ, គុណហីនោ, គុណវុឌ្ឍោ, ចតុវគ្គេន សង្ឃេន ករណីយំ កម្មំ ចតុវគ្គករណីយំ។ ឯវំ បញ្ចវគ្គករណីយំ, កាកេហិ បេយ្យា កាកបេយ្យា, នទី។
ឯកក្ខរេសុ បរបទេសុ និច្ចសមាសោ, ឧរេន គច្ឆតីតិ ឧរគោ, បាទេន បិវតីតិ បាទបោ ឥច្ចាទិ។
ក្វចិ មជ្ឈេបទលោបោ, គុឡេន សំសដ្ឋោ ឱទនោ គុឡោទនោ។ ឯវំ ខីរោទនោ, អស្សេន យុត្តោ រថោ អស្សរថោ។ ឯវំ អាជញ្ញរថោ, មគ្គេន សម្បយុត្តំ ចិត្តំ មគ្គចិត្តំ
បុព្ពាទីសុ – មាសេន បុព្ពោ មាសបុព្ពោ, មាតរា សទិសោ មាតុសទិសោ។ ឯវំ មាតុសមោ, បិតុសមោ, ឯកេន ឩនា វីសតិ ឯកូនវីសតិ, សីលេន វិកលោ សីលវិកលោ, អសិនា កលហោ អសិកលហោ, វាចាយ និបុណោ វាចានិបុណោ។ ឯវំ យាវកាលិកសម្មិស្សំ, វាចាសខិលោ, សត្ថារា សទិសោ សត្ថុកប្បោ, បុញ្ញេន អត្ថោ បុញ្ញត្ថោ, បុញ្ញេន អត្ថិកោ បុញ្ញត្ថិកោ។ ឯវំ សេយ្យត្ថិកោ, មហគ្ឃត្ថិកោ, គុណេន អធិកោ គុណាធិកោ ឥច្ចាទិ។
ពហុលាធិការា ក្វចិ សមាសោ ន ហោតិ, ផរសុនា ឆិន្នំ, កាកេហិ បាតព្ពា, ទស្សនេន បហាតព្ពា ធម្មា, ភាវនាយ បហាតព្ពា ធម្មា ឥច្ចាទិ។
ឥតិ តតិយាតប្បុរិសោ។
ចតុត្ថីតប្បុរិស
ចតុត្ថីតប្បុរិសោ តទត្ថេ វា អត្ថ, ហិត, ទេយ្យាទីសុ វា បរេសុ ហោតិ។
កថិនស្ស ទុស្សំ កថិនទុស្សំ, កថិនត្ថាយ អាភដំ ទុស្សន្តិ អត្ថោ។ ឯវំ កថិនចីវរំ, កថិនាយ ទុស្សំ, កថិនាយ ចីវរន្តិបិ យុជ្ជតិ, កថិនត្ថារាយាតិ អត្ថោ។ ចីវរាយ ទុស្សំ ចីវរទុស្សំ។ ឯវំ ចីវរមូលំ
សង្ឃស្ស
ឥតិ ចតុត្ថីតប្បុរិសោ។
បញ្ចមីតប្បុរិស
បញ្ចមីតប្បុរិសោ អបគមន, ភយ, វិរតិ, មោចនាទិអត្ថេសុ បរេសុ ហោតិ។
មេថុនា អបេតោតិ មេថុនាបេតោ, បលាសតោ អបគតោតិ បលាសាបគតោ, នគរម្ហា និគ្គតោតិ នគរនិគ្គតោ, បិណ្ឌបាតតោ បដិក្កន្តោតិ បិណ្ឌបាតប្បដិក្កន្តោ។ ឯវំ គាមនិក្ខន្តោ, រុក្ខបតិតោ, សាសនម្ហា ចុតោតិ សាសនចុតោ, អាបត្តិយា វុដ្ឋានំ អាបត្តិវុដ្ឋានំ, ឧទកតោ ឧគ្គតោ ឧទកុគ្គតោ, ភវតោ និស្សដោ ភវនិស្សដោ, ខន្ធសង្គហតោ និស្សដន្តិ ខន្ធសង្គហនិស្សដំ, ចោរម្ហា ភីតោតិ ចោរភីតោ, បាបតោ ភាយតិ សីលេនាតិ បាបភីរុកោ, បាបតោ ជិគុច្ឆតិ សីលេនាតិ បាបជិគុច្ឆី, វដ្ដតោ និព្ពិន្ទតីតិ វដ្ដនិព្ពិន្នោ, កាយទុច្ចរិតតោ វិរតិ កាយទុច្ចរិតវិរតិ។ ឯវំ វចីទុច្ចរិតវិរតិ, ពន្ធនា មុត្តោ ពន្ធនមុត្តោ។ ឯវំ ពន្ធនមោក្ខោ, កម្មតោ សមុដ្ឋិតំ កម្មសមុដ្ឋិតំ
ក្វចិ និច្ចសមាសោ ហោតិ, មាតិតោ ជាតោ មាតុជោ។ ឯវំ បិតុជោ, កម្មជំ, ចិត្តជំ, ឧតុជំ ឥច្ចាទិ។
ឥតិ បញ្ចមីតប្បុរិសោ។
ឆដ្ឋីតប្បុរិស
រញ្ញោ បុត្តោ រាជបុត្តោ។ ឯវំ រាជបុរិសោ, ពុទ្ធសាវកោ, សមុទ្ទឃោសោ, ធញ្ញានំ រាសិ ធញ្ញរាសិ, មត្តិកាយ បត្តោតិ មត្តិកាបត្តោ, វិការសម្ពន្ធេ ឆដ្ឋី, មត្តិកាមយបត្តោតិ អត្ថោ។ ឯវំ សុវណ្ណកដាហំ, សុវណ្ណភាជនំ, បានីយស្ស ថាលកំ បានីយថាលកំ។
សមាសមជ្ឈេ ឦ, ឩនំ ពហុលំ រស្សត្តំ, ទណ្ឌិនោ កុលំ ទណ្ឌិកុលំ, ហត្ថិបទំ, ឥត្ថិរូបំ, នទិកូលំ, នទិតីរំ, ភិក្ខុនីនំ សង្ឃោ ភិក្ខុនិសង្ឃោ, ជម្ពុយា សាខា ជម្ពុសាខា ឥច្ចាទិ។
អន្ត, មាន, និទ្ធារណិយ, បូរណ, ភាវ, សុហិតត្ថេហិ សមាសោ ន ហោតិ, មមំ អនុកុព្ពន្តោ, មមំ អនុកុរុមានោ, គុន្នំ កណ្ហា សម្បន្នខីរតមា។ វិភត្តាវធិឆដ្ឋិយា បន ហោតិយេវ, នរានំ ឧត្តមោ នរុត្តមោ, នរសេដ្ឋោ, នរវរោ, គណានំ ឧត្តមោ គណុត្តមោ, ទ្វិបទានំ ឧត្តមោ ទ្វិបទុត្តមោ ឥច្ចាទិ។ សិស្សានំ បញ្ចមោ សិស្សោ, កប្បស្ស តតិយោ ភាគោ, បក្ខស្ស អដ្ឋមី, បដស្ស សុក្កតា, រូបស្ស លហុតា, រូបស្ស
‘‘ភដោ រញ្ញោ បុត្តោ ទេវទត្តស្សា’’តិ ឯត្ថ ‘រាជបុត្តោ’តិ ន ហោតិ អញ្ញមញ្ញានបេក្ខត្តា។ ‘‘ទេវទត្តស្ស កណ្ហា ទន្តា’’តិ ឯត្ថ ‘ទេវទត្តកណ្ហទន្តា’តិ ន ហោតិ អញ្ញសាបេក្ខត្តា
ឥតិ ឆដ្ឋីតប្បុរិសោ។
សត្តមីតប្បុរិស
សត្តមីតប្បុរិសេ រូបេ សញ្ញា រូបសញ្ញា។ ឯត្ថ ច ការកានំ ក្រិយាសាធនលក្ខណត្តា ក្រិយាបទេហេវ សម្ពន្ធោ ហោតិ, តស្មា អក្រិយវាចកេន បរបទេន សទ្ធិំ សមាសេ ជាតេ មជ្ឈេ អនុរូបំ ក្រិយាបទំ វិញ្ញាយតិ, យថា
ឧបបទកិតន្តេសុ និច្ចសមាសោ
ឥតិ សត្តមីតប្បុរិសោ។
លុត្តតប្បុរិស
តប្បុរិសបទានំ មហាវុត្តិសុត្តេន ក្វចិ វិបល្លាសោ។
ឧបរិគង្គា, ហេដ្ឋានទី, អន្តោវិហារោ, អន្តោសមាបត្តិ, ហំសានំ រាជា រាជហំសោ ហំសរាជា វា, មាសស្ស អឌ្ឍំ អឌ្ឍមាសំ, កហាបណស្ស អឌ្ឍំ អឌ្ឍកហាបណំ, អឌ្ឍមាសំ, រត្តិយា អឌ្ឍំ អឌ្ឍរត្តំ។ ឯវំ បុព្ពរត្តំ, បររត្តំ, ឥស្ស អត្តំ។ កាយស្ស បុព្ពភាគោ បុព្ពកាយោ, បរកាយោ, អហស្ស បុព្ពោ បុព្ពណ្ហោ, មជ្ឈណ្ហោ, សាយន្ហោ, បុព្ពេទិដ្ឋោ ទិដ្ឋបុព្ពោ, តថាគតំ ទិដ្ឋបុព្ពោ ថេរោ, តថាគតោ ទិដ្ឋបុព្ពោ ថេរេន ឥច្ចាទិ។
ឥតិ លុត្តតប្បុរិសោ។
អលុត្តតប្បុរិស
ឥទានិ
ទីបង្ករោ, បភង្ករោ, អមតន្ទទោ, បុរិន្ទទោ, វេស្សន្តរោ, អត្តន្តបោ, បរន្តបោ, រណញ្ជហោ, ជុតិន្ធរោ, វិជ្ជន្ធរោ, ទស្សនេនបហាតព្ពធម្មោ, កុតោជោ, តតោជោ, ឥតោជោ, ភយតោ ឧបដ្ឋានំ ភយតុបដ្ឋានំ, កដត្តាកម្មំ, កដត្តារូបំ, បរស្សបទំ, អត្តនោបទំ, ទេវានមិន្ទោ, ទេវានំបិយតិស្សោ, គវម្បតិត្ថេរោ, បុព្ពេនិវាសោ, មជ្ឈេកល្យាណំ, ទូរេរូបំ, សន្តិកេរូបំ, ទូរេនិទានំ, សន្តិកេនិទានំ, អន្តេវាសិកោ, ជនេសុតោ, កាមេសុមិច្ឆាចារោ ឥច្ចាទិ
ឥតិ អលុត្តតប្បុរិសោ។
សព្ពោ ចាយំ អមាទិតប្បុរិសោ អភិធេយ្យវចនោ បរបទលិង្គោ ច។
អមាទិតប្បុរិសោ និដ្ឋិតោ។
កម្មធារយសមាស
អថ កម្មធារយសញ្ញិតោ បឋមាតប្បុរិសោ វុច្ចតេ។
កម្មមិវ ទ្វយំ ធារេតីតិ កម្មធារយោ។ យថា កម្មំ ក្រិយញ្ច បយោជនញ្ច ទ្វយំ ធារេតិ កម្មេ សតិ តស្ស ទ្វយស្ស សម្ភវតោ, តថា អយំ សមាសោ ឯកស្ស អត្ថស្ស ទ្វេ នាមានិ ធារេតិ ឥមស្មិំ សមាសេ សតិ ឯកត្ថជោតកស្ស នាមទ្វយស្ស សម្ភវតោតិ
អបិ ច កត្តព្ពន្តិ កម្មំ, ធារេតព្ពន្តិ ធារិយំ, កម្មញ្ច តំ ធារិយញ្ចាតិ កម្មធារិយំ, យំកិញ្ចិ ហិតកម្មំ, កម្មធារិយសទ្ទសទិសត្តា កម្មធារយោតិ វុច្ចតិ ឥស្ស អត្តំ កត្វា។ យថា ហិ កម្មធារិយសទ្ទោ ឯកស្ស អត្ថស្ស ទ្វេ នាមានិ ធារេតិ, តថា អយំ សមាសោបីតិ។ សោ ឯវ ឧត្តរបទត្ថបធានតាសង្ខាតេន តប្បុរិសលក្ខណេន យុត្តត្តា ‘តប្បុរិសោ’តិ ច វុច្ចតិ។ ភិន្នបវត្តិនិមិត្តានំ ទ្វិន្នំ បទានំ វិសេសនវិសេសិតព្ពភាវេន ឯកស្មិំ អត្ថេ បវត្តិ តុល្យាធិករណតា នាម, តេន តុល្យាធិករណលក្ខណេន យុត្តត្តា ‘តុល្យាធិករណសមាសោ’តិ ច វុច្ចតិ។ សោ ឯវ ច វិសេសនបទវសេន គុណវិសេសទីបនត្តា ‘វិសេសនសមាសោ’តិ ច វុច្ចតិ។ តស្មិំ វិសេសនសមាសេ –
៣៤៦. វិសេសនមេកត្ថេន
វិសេសនភូតំ ស្យាទ្យន្តបទំ ឯកត្ថេន វិសេស្យភូតេន ស្យាទ្យន្តបទេន សទ្ធិំ ឯកត្ថំ ហោតិ។
ឯត្ថ ច វិសេសីយតិ ទព្ពំ វិសិដ្ឋំ ករីយតិ ឯតេនាតិ វិសេសនំ។ ឯកោ អត្ថោ យស្សាតិ ឯកត្ថំ, ‘ឯកោ’តិ សមានោ, ‘អត្ថោ’តិ អភិធេយ្យត្ថោ, នេមិត្តកត្ថោ, សោយេវ ទ្វិន្នំ បវត្តិនិមិត្តានំ អធិដ្ឋានដ្ឋេន ‘អធិករណ’ន្តិ ច វុច្ចតិ។ បវត្តិនិមិត្តានញ្ច អធិដ្ឋានត្តេ សតិ បទានម្បិ អធិដ្ឋានតា សិទ្ធា ហោតិ។ ឥតិ ឯកត្ថន្តិ តុល្យាធិករណំ, សមានាធិករណន្តិ វុត្តំ ហោតិ, តេន ឯកត្ថេន។ ‘ឯកត្ថំ ហោតី’តិ ឯកត្ថីភូតំ ហោតីតិ អត្ថោ។
សោ ច សមាសោ នវវិធោ វិសេសនបុព្ពបទោ, វិសេសនុត្តរបទោ, វិសេសនោភយបទោ, ឧបមានុត្តរបទោ, សម្ភាវនាបុព្ពបទោ, អវធារណបុព្ពបទោ, ននិបាតបុព្ពបទោ, កុនិបាតបុព្ពបទោ, បាទិបុព្ពបទោ ចាតិ។
តត្ថ វិសេសនបុព្ពបទោ យថា? មហាបុរិសោ, មហានទី, មហព្ភយំ។ ឯត្ថ ច ‘‘សា សេនា ទិស្សតេ មហា
ឯត្ថ ច ទ្វីហិ ចសទ្ទេហិ ទ្វិន្នំ បទានំ សកត្ថនានាត្តំ ទីបេតិ។ តំសទ្ទេន សកត្ថនានាត្តេបិ សកត្ថានំ អធិករណភូតស្ស ទព្ពត្ថស្ស ឯកត្តំ ទីបេតិ។ ឥមស្មិំ ព្យាករណេ វិសុំ រូបវិធានកិច្ចំ នាម នត្ថិ, តំតំសុត្តវិធានញ្ច តទនុរូបំ ទស្សិតវិគ្គហវាក្យញ្ច ទិស្វា តស្ស តស្ស សិទ្ធបទស្ស អត្ថព្យញ្ជនវិនិច្ឆយេ ញាតេ រូបវិធានកិច្ចំ សិទ្ធំ ហោតិ, សន្តោ ច សោ បុរិសោ ចាតិ សប្បុរិសោ, សេតហត្ថី, នីលុប្បលំ, លោហិតចន្ទនំ។
វិសទិសលិង្គ, វចនាបិ សទ្ទា ឯកត្ថា ហោន្តិ, វិនយោ ច សោ បរិយត្តិ ចាតិ វិនយបរិយត្តិ, វិនយោ ច សោ បិដកញ្ចាតិ វិនយបិដកំ, អវិជ្ជា ច សា បច្ចយោ ចាតិ អវិជ្ជាបច្ចយោ, អវិជ្ជា ច សា នីវរណញ្ចាតិ អវិជ្ជានីវរណំ។ ឯវំ ឥត្ថិរតនំ, សីលញ្ច តំ គុណោ ចាតិ សីលគុណោ, សីលញ្ច តំ បតិដ្ឋា ចាតិ សីលបតិដ្ឋា ឥច្ចាទិ។
តថា
ឥធ ន ហោតិ
ក្វចិ និច្ចសមាសោ, កណ្ហសប្បោ, លោហិតមាលំ ឥច្ចាទិ។
វិសេសនុត្តរបទោ យថា? សារិបុត្តត្ថេរោ, ពុទ្ធឃោសាចរិយោ, អាចរិយគុត្តិលោ វា, មហោសធបណ្ឌិតោ, បុរិសុត្តមោ, បុរិសវរោ, បុរិសវិសេសោ ឥច្ចាទិ។
វិសេសនោភយបទោ យថា? ឆិន្នញ្ច តំ បរូឡ្ហញ្ចាតិ ឆិន្នបរូឡ្ហំ, សីតញ្ច តំ ឧណ្ហញ្ចាតិ សីតុណ្ហំ, ខញ្ជោ ច សោ ខុជ្ជោ ចាតិ ខញ្ជខុជ្ជោ។ ឯវំ អន្ធពធិរោ, កតញ្ច តំ អកតញ្ចាតិ កតាកតំ, ឆិទ្ទាវឆិទ្ទំ, ឆិន្នភិន្នំ, សិត្តញ្ច តំ សម្មដ្ឋញ្ចាតិ សិត្តសម្មដ្ឋំ, សន្តស្ស ភាវោ សច្ចំ, អខេមដ្ឋេន ទុក្ខញ្ច តំ អវិបរីតដ្ឋេន សច្ចញ្ចាតិ ទុក្ខសច្ចំ ឥច្ចាទិ។
ឧបមានុត្តរបទោ យថា? សីហោ វិយាតិ សីហោ, មុនិ ច សោ សីហោ ចាតិ មុនិសីហោ។ ឯវំ មុនិបុង្គវោ, ពុទ្ធនាគោ, ពុទ្ធាទិច្ចោ, រំសិ វិយាតិ រំសិ, សទ្ធម្មោ ច សោ រំសិ ចាតិ សទ្ធម្មរំសិ។ ឯវំ វិនយសាគរោ, សមណបទុមោ, សមណបុណ្ឌរីកោ ឥច្ចាទិ។
សម្ភាវនាបុព្ពបទោ យថា? ហេតុ ហុត្វា បច្ចយោ ហេតុបច្ចយោ។ ឯវំ អារម្មណបច្ចយោ, មនុស្សភូតោ, ទេវភូតោ, ធម្មោ ឥតិ សង្ខាតោ ធម្មសង្ខាតោ, ធម្មសម្មតោ, ធម្មសញ្ញិតោ
អវធារណបុព្ពបទោ យថា? គុណោ ឯវ ធនំ ន មណិសុវណ្ណាទីតិ គុណធនំ។ ឯវំ សទ្ធាធនំ, សីលធនំ, ចក្ខុ ឯវ ទ្វារំ ន គាមទ្វារាទីតិ ចក្ខុទ្វារំ។ ឯវំ ចក្ខុវត្ថុ, ចក្ខុន្ទ្រិយំ, ចក្ខាយតនំ, ចក្ខុធាតុ, ខន្ធា ឯវ ភារា ខន្ធភារា។ ឯត្ថ ច យទិ ភរិតព្ពដ្ឋេន ភារា នាម សិយុំ, បញ្ចក្ខន្ធា ឯវ ភារា នាម សិយុំ, ន សីសភារ, អំសភារាទយោ។ ខន្ធា ហិ និច្ចភារា ហោន្តិ, ឥតរេ តាវកាលិកា, ខន្ធមូលិកា ចាតិ។ ឯវំ អតិសយត្ថសម្ភាវនត្ថំ ខន្ធា ឯវ ភារាតិ អវធារណវាក្យំ បយុជ្ជតិ, ន សីសភារាទីនំ សព្ពសោ ភារភាវបដិក្ខិបនត្ថន្តិ។ ឯវំ សព្ពត្ថ, អវិជ្ជា ឯវ មលំ ន កំសមលាទិកន្តិ អវិជ្ជាមលំ, អវិជ្ជា ឯវ អាសវោ ន មធ្វាសវាទិកោតិ អវិជ្ជាសវោ។ ឯវំ តណ្ហាសល្លំ, បញ្ញាសត្ថំ, បញ្ញាលោកោ, បញ្ញាបជ្ជោតោ, រាគគ្គិ, ទោសគ្គិ, មោហគ្គិ ឥច្ចាទិ។ គរូ បន ‘‘ធនំ វិយាតិ ធនំ, សទ្ធា ឯវ អរិយានំ ធនំ សទ្ធាធនំ, សត្ថំ វិយាតិ សត្ថំ, បញ្ញា ឯវ សត្ថំ បញ្ញាសត្ថ’’ន្តិ យោជេន្តិ, ឯវំ សតិ អតិសយសម្ភាវនត្ថោ ន សិជ្ឈតិ
៣៤៧. ននិបាតបុព្ពបទេ នឧ
ញានុពន្ធោ
៣៤៨. ដ នឧស្ស
ឧត្តរបទេ បរេ នឧឥច្ចេតស្ស ដានុពន្ធោ អ ហោតីតិ នស្ស អត្តំ។
ន ព្រាហ្មណោ អព្រាហ្មណោ។ ឯត្ថ សិយា – កិំ វិជ្ជមានស្ស វាយំ និសេធោ, ឧទាហុ អវិជ្ជមានស្ស វាតិ, កិញ្ចេត្ថ – យទិ វិជ្ជមានស្ស និសេធោ, ឯវំ សតិ លោកេ វិជ្ជមានា សព្ពេ ព្រាហ្មណា អព្រាហ្មណា នាម ភវេយ្យុំ។ តស្មា ‘‘ឥធ ជនោ ន ព្រាហ្មណោ, តត្ថ ជនោ ន ព្រាហ្មណោ’’តិអាទិនា ទេសាទិនិយមំ វិនា លោកេ វិជ្ជមានស្ស ព្រាហ្មណស្ស និសេធោ ន យុជ្ជតិ, អថ លោកេ អវិជ្ជមានស្ស និសេធោ, ឯវញ្ច សតិ កិំ អវិជ្ជមានស្ស និសេធេន និសេធនីយស្សេវ អវិជ្ជមានត្តាតិ? វុច្ចតេ – តំសទិសាទិអត្ថេសុ តព្ពោហារស្សេវាយំ និសេធោ។ តថា ហិ ព្រាហ្មណសទិសេ អព្រាហ្មណេ កេសញ្ចិ ព្រាហ្មណសញ្ញា សណ្ឋាតិ, សញ្ញានុរូបញ្ច ព្រាហ្មណវោហារោ តស្មិំ បវត្តតិ, ឯវំ បវត្តស្ស អព្រាហ្មណេ ព្រាហ្មណវោហារស្ស អយំ បដិសេធោ ហោតិ។ យថា តំ? លោកស្មិំ ពាលជនានំ មិច្ឆាសញ្ញាវសេន មិច្ឆាវោហារោ បវត្តតិយេវ ‘‘រូបំ អត្តា, វេទនា អត្តា’’ ឥច្ចាទិ, តេសំ តស្ស មិច្ឆាភាវខ្យាបនត្ថំ បដិសេធោ យោជិយតិ ‘‘រូបំ អនត្តា, វេទនា អនត្តា’’
តត្ថ តទញ្ញត្ថេ –
សង្ខតា ធម្មា អសង្ខតា ធម្មា
តព្ពិរុទ្ធេ –
អកុសលោ, កុសលបដិបក្ខោ ធម្មោតិ អត្ថោ។
តទភាវេ –
ន កត្វា អកត្វា, ករណេន សព្ពសោ វិនាតិ អត្ថោ។
ទុវិធោ បដិសេធោ បសជ្ជបដិសេធោ, បយិរុទាសបដិសេធោ ចាតិ។
តត្ថ អត្តនា យុត្តបទត្ថំ បសជ្ជ លគ្គេត្វា បដិសេធេតីតិ បសជ្ជបដិសេធោ, តទភាវមត្តជោតកោ នការោ, ក្រិយាមត្តនិសេធោតិ វុត្តំ ហោតិ។ អកត្វា, អកាតុំ, អករោន្តោ, ន ករោតិ, ន កាតព្ពំ ឥច្ចាទិ។
បសជ្ជមត្តេ អដ្ឋត្វា តំសទិសាទិកេ បរិតោភាគេ ឧគ្គយ្ហ និសេធេតព្ពំ អត្ថំ អសតិ ខិបតិ ឆឌ្ឌេតីតិ បយិរុទាសោ, តំសទិសាទិជោតកោ, ទព្ពនិសេធោតិ វុត្តំ ហោតិ។ អព្រាហ្មណោ ឥច្ចាទិ។ ឯវំ អសមណោ, អសក្យបុត្តិយោ, អមិត្តោ, មិត្តធម្មវិធុរោតិ អត្ថោ។
៣៤៩. អន សរេ
សរេ បរេ នឧឥច្ចេតស្ស អន ហោតិ។
ន
ពហុលាធិការា អយុត្តត្ថានម្បិ សមាសោ ហោតិ
‘‘បុន គាយិតព្ពាតិ បុនគេយ្យា, ន បុនគេយ្យា អបុនគេយ្យា។ អត្ថំ កាមេន្តីតិ អត្ថកាមា, ន អត្ថកាមា អនត្ថកាមា។ អថ វា ន អត្ថោ អនត្ថោ, អនត្ថំ កាមេន្តីតិ អនត្ថកាមា’’ ឥច្ចាទិនា វាក្យេ យោជិតេ បន យុត្តសមាសា ហោន្តិ។ គរូ បន ‘‘អត្ថំ ន កាមេន្តិ អនត្ថមេវ កាមេន្តីតិ អនត្ថកាមា, ហិតំ ន កាមេន្តិ អហិតមេវ កាមេន្តីតិ អហិតកាមា, ផាសុំ ន កាមេន្តិ អផាសុមេវ កាមេន្តីតិ អផាសុកាមា’’តិ យោជេសុំ, ទ្វាធិប្បាយបទំ នាមេតំ។
កុនិបាតបុព្ពបទេ និច្ចសមាសត្តា អញ្ញបទេន វិគ្គហោ, ខុទ្ទកា នទី កុន្នទី, ខុទ្ទកោ សោម្ភោ កុសោម្ភោ, ខុទ្ទកំ វនំ កុព្ពនំ។
៣៥០. សរេ កទ កុស្សុត្តរត្ថេ
សរាទិកេ
កុច្ឆិតំ អន្នំ កទន្នំ, កុច្ឆិតំ អសនំ កទសនំ, កុច្ឆិតោ អរិយោ កទរិយោ, មច្ឆរី។
សរេតិ កិំ? កុបុត្តា, កុទារា, កុទាសា។
ឧត្តរត្ថេតិ កិំ? កុច្ឆិតោ ឱដ្ឋោ យស្សាតិ កុឱដ្ឋោ។
៣៥១. កាប្បត្ថេ
ឧត្តរបទេ បរេ ឧត្តរបទត្ថេ ឋិតស្ស អប្បត្ថេ វត្តមានស្ស កុនិបាតស្ស កា ហោតិ វា។
អប្បកំ លវណំ កាលវណំ។ ឯវំ កាបុប្ផំ។
បាទិបុព្ពបទោ ច និច្ចសមាសោវ, បកដ្ឋំ វចនំ បាវចនំ, ទីឃត្តំ, បកដ្ឋំ ហុត្វា នីតំ បណីតំ, បមុខំ ហុត្វា ធានំ បធានំ។ ឯវំ បដ្ឋានំ, វិវិធា មតិ វិមតិ, អធិកោ ទេវោ អធិទេវោ, អតិរេកោ វិសេសោ វា ធម្មោ អភិធម្មោ, សុន្ទរោ គន្ធោ សុគន្ធោ, កុច្ឆិតោ គន្ធោ ទុគ្គន្ធោ។ សោភណំ កតំ សុកតំ, កុច្ឆិតំ កតំ ទុក្កដំ, វិបរីតោ បថោ ឧប្បថោ។ ឯវំ ឧម្មគ្គោ, ឧទ្ធម្មោ, ឧព្ពិនយោឥច្ចាទិ។
អយម្បិ កម្មធារយសមាសោ អភិធេយ្យវចនោ បរបទលិង្គោ ច។
កម្មធារយសមាសោ និដ្ឋិតោ។
ទិគុសមាស
អថ
ទ្វេ គាវោ ទិគុ, សង្ខ្យាបុព្ពត្តេន នបុំសកេកត្តេន ច ទិគុសទ្ទសទិសត្តា សព្ពោ ចាយំ សមាសោ ទិគូតិ វុច្ចតិ។
៣៥២. សង្ខ្យាទិ
សមាហារេកត្ថេ សង្ខ្យាបុព្ពកំ ឯកត្ថំ នបុំសកំ ហោតិ, សមាហារវចនេនេវ ឯកត្តញ្ច សិទ្ធំ។
ទ្វេ គាវោ ទិគុ, ‘គោស្សូ’តិ សុត្តេន ឱស្ស ឧត្តំ, តយោ លោកា តិលោកំ, តយោ លោកា ញាណស្មិំ សមាហដា សម្បិណ្ឌិតាតិ តិលោកំ, តិណ្ណំ លោកានំ សមាហារោតិ តិលោកំ, តយោ ច តេ លោកា ចាតិ តិលោកំ។ ឯវំ តិភវំ, តិបុរិសំ, តីណិ មលានិ តិមលំ, តិរតនំ, តិស្សោ សញ្ញាយោតិសញ្ញំ, ‘ស្យាទីសុ រស្សោ’តិ រស្សត្តំ។ ចត្តារោ បថា ចតុប្បថំ, ចត្តារិ សច្ចានិ ចតុសច្ចំ, ចតស្សោ ទិសា ចតុទ្ទិសំ។ ឯវំ បញ្ចសិក្ខាបទំ, សឡាយតនំ, សត្តាហំ, អដ្ឋបទំ, នវលោកុត្តរំ, ទសសិក្ខាបទំ, សតយោជនំ, សហស្សយោជនំ ឥច្ចាទិ។
ឥមស្មិំ សមាហារទិគុម្ហិ សព្ពំ នបុំសកមេវ រស្សន្តមេវ ឯកវចនន្តមេវ ចាតិ។
អសមាហារទិគុ
សង្ខ្យាឋានេ បន
ទ្វេ
ឯត្ថ សិយា – ទិគុ នាម សង្ខ្យាបុព្ពមេវ សិយា, ឥមេសុ ច សព្ពំ សង្ខ្យាបទមេវ ហោតីតិ? ទិគុម្ហិ បុព្ពំ សង្ខ្យាបទមេវ សិយា, បរបទំ បន សង្ខ្យាបទម្បិ អញ្ញម្បិ យុជ្ជតីតិ។
ទិគុសមាសោ និដ្ឋិតោ។
ពហុព្ពីហិសមាស
អថ ពហុព្ពីហិសមាសោ វុច្ចតេ។
ពហវោ វីហយោ យស្មិំ ទេសេ សោយំ ពហុព្ពីហិ, តាទិសោ គាមោ វា ទេសោ វា ជនបទោ វា, ពហុព្ពីហិសទ្ទសទិសត្តា សព្ពោ ចាយំ សមាសោ ពហុព្ពីហីតិ វុច្ចតិ។ យថា ហិ ពហុព្ពីហិសទ្ទោ សមាសបទត្ថេ អតិក្កម្ម គាម, ទេស, ជនបទឥច្ចាទីនំ អញ្ញេសំ បទានំ អត្ថេសុ តិដ្ឋតិ, តថា អយំ សមាសោបិ។ អញ្ញបទត្ថបធានោ ហិ ពហុព្ពីហិសមាសោ។
សោ សង្ខេបេន ទុវិធោ តគ្គុណសំវិញ្ញាណោ, អតគ្គុណសំវិញ្ញាណោ ចាតិ។
តត្ថ ‘គុណោ’តិ អប្បធានភូតោ សមាសបទានំ អត្ថោ, សោ អញ្ញបទត្ថស្ស វិសេសនភូតត្តា តស្ស អញ្ញបទត្ថស្ស គុណោតិ តគ្គុណសំវិញ្ញាណោ។ យថា? ឆិន្នហត្ថោ បុរិសោ, ពុទ្ធប្បមុខស្ស ភិក្ខុសង្ឃស្ស ភត្តំ ទេតិ, សបុត្តទារោ អាគតោ, បាទយោ ឧបសគ្គា នាមាតិ។
ឯត្ថ ច ‘ពុទ្ធប្បមុខស្ស ភិក្ខុសង្ឃស្ស ភត្តំ ទេតី’តិ ភិក្ខុសង្ឃស្ស ច ភត្តំ ទេតិ, បមុខភូតស្ស ពុទ្ធស្ស ច ភត្តំ ទេតីតិ អត្ថោ។ ‘សបុត្តទារោ អាគតោ’តិ បុត្តទារា ច អាគតា, បុរិសោ ច អាគតោតិ អត្ថោ។ ‘បាទយោ ឧបសគ្គា នាមា’តិ ប-ការោ ច ឧបសគ្គោ នាម, បរាទយោ ច ឧបសគ្គា នាមាតិ អត្ថោ។ ឯវំ យោជនារហតា អញ្ញបទត្ថេន សហ សមាសបទត្ថស្ស វិធេយ្យតា នាមាតិ។
អតគ្គុណសំវិញ្ញាណោ យថា? ទិន្នសុង្កោ រាជា ទានំ ទេតិ, បព្ពតាទីនិ ខេត្តានិ កស្សតិ ឥច្ចាទិ។ ឥមេសុ បន សមាសបទត្ថោ អវិធេយ្យោ, អញ្ញបទត្ថោ ឯវ វិធេយ្យោ។
បឋមាពហុព្ពីហិ
បឋមាពហុព្ពីហិ, ទុតិយាពហុព្ពីហិ, តតិយាពហុព្ពីហិ, ចតុត្ថីពហុព្ពីហិ, បញ្ចមីពហុព្ពីហិ, ឆដ្ឋីពហុព្ពីហិ, សត្តមីពហុព្ពីហិ ចាតិ សត្តវិធោ។
តត្ថ បឋមាពហុព្ពីហិ សហបុព្ពបទ, ឧបមានបុព្ពបទ, សង្ខ្យោភយបទ, ទិសន្តរាឡត្ថ, ព្យតិហារលក្ខណវសេន បញ្ចវិធោ។
តត្ថ –
៣៥៣. វានេកមញ្ញត្ថេ
អនេកំ
សហ វិតក្កេនាតិ សវិតក្កោ, វិតក្កេន សហ យោ វត្តតីតិ វា សវិតក្កោ, សមាធិ។
ឯត្ថ ច ‘សហ វិតក្កេនា’តិ ឯត្ថ បឋមាវិភត្តិយា អត្ថភូតោ អញ្ញបទត្ថោ វាក្យសាមត្ថិយេន សិជ្ឈតិ។ ន ហិ ក្រិយាការករហិតំ វាក្យំ នាម សម្ភវតិ, ឥមិនា សុត្តេន សហបទ, វិតក្កបទានំ សមាធិសង្ខាតេន អញ្ញបទត្ថេន ឯកត្ថីភាវោ ហោតិ, ឯកត្ថីភាវេ ច ហោន្តេ វាក្យេ ឋិតានំ អញ្ញបទានំ វិភត្តីនញ្ច សព្ពេ អត្ថា ឯកត្ថភូតេន សមាសេន វុត្តា នាម ហោន្តិ, អញ្ញបទានិ ច វិភត្តិយោ ច វុត្តត្ថា នាម, វុត្តត្ថានញ្ច អត្ថរហិតត្តា បយោគកិច្ចំ នត្ថិ, តស្មា ‘ឯកត្ថតាយ’ន្តិ សុត្តេន វិភត្តីនំ លោបោ, ឯវំ សព្ពសមាសេសុ វាក្យេទិស្សមានានំ យ, ត, ឯត, ឥម, ឥតិ, ឯវ, ឥវ, វិយ, ច, វាឥច្ចាទីនំ អញ្ញបទានំ មហាវុត្តិសុត្តេន លោបោ, វិភត្តីនញ្ច លោបេ សតិ សរន្តានំ ព្យញ្ជនន្តានញ្ច សមាសបទានំ សយមេវ បកតិភាវោ, ឥធ បន ‘សហស្ស សោញ្ញត្ថេ’តិ សុត្តេន សហសទ្ទស្ស សត្តំ, តតោ ស្យាទ្យុប្បត្តិ, សវិតក្កោ សមាធិ, សវិតក្កា សមាធយោ, សវិតក្កា បញ្ញា, សវិតក្កា បញ្ញាយោ, សវិតក្កំ ឈានំ, សវិតក្កានិ ឈានានិ ឥច្ចាទិនា សព្ពលិង្គ, វិភត្តិ, វចនេហិ យោជេត្វា បយោគសិទ្ធិ វេទិតព្ពា។
ឧបមានបុព្ពបទោ យថា? កាយព្យាមានំ សមបមាណត្តា និគ្រោធោ ឥវ បរិមណ្ឌលោ និគ្រោធបរិមណ្ឌលោ, និគ្រោធោ ឥវ វា បរិមណ្ឌលោ យោ ហោតីតិ សោ និគ្រោធបរិមណ្ឌលោ, រាជកុមារោ, សង្ខោ ឥវ បណ្ឌរោ សង្ខបណ្ឌរោ, កាកោ
សង្ខ្យោភយបទោ យថា? ទ្វេ វា តយោ វា បត្តា ទ្វិត្តិប្បត្តា, ឥធ វាសទ្ទាយេវ អញ្ញបទានិ នាម, អនិយមភូតោ តេសំ អត្ថោ អញ្ញបទត្ថោ នាម។ ទ្វីហំ វា តីហំ វា ទ្វីហតីហំ, ឆ វា បញ្ច វា វាចា ឆប្បញ្ចវាចា។ ឯវំ សត្តដ្ឋមាសា, ឯកយោជនទ្វិយោជនានិ ឥច្ចាទិ។
ទិសន្តរាឡត្ថោ យថា? ទក្ខិណស្សា ច បុព្ពស្សា ច យទន្តរាឡំ ហោតិ សា ទក្ខិណបុព្ពា។ ឯវំ បុព្ពុត្តរា, បច្ឆិមុត្តរា, អបរទក្ខិណា, មហាវុត្តិនា បុព្ពបទេ រស្សត្តំ។ ទក្ខិណា ច សា បុព្ពា ចាតិ ទក្ខិណបុព្ពា ឥច្ចាទិនា កម្មធារយោបិ យុជ្ជតិ។
ព្យតិហារលក្ខណេ
៣៥៤. តត្ថ គហេត្វា តេន បហរិត្វា យុទ្ធេ សរូបំ។
សត្តម្យន្តំ តតិយន្តញ្ច សមានរូបំ ស្យាទ្យន្តបទំ តត្ថ គហេត្វា តេន បហរិត្វា យុទ្ធេ អញ្ញបទត្ថេ ឯកត្ថំ ហោតិ វា។
៣៥៥. ងិ វីតិហារេ
អញ្ញបទត្ថវិសយេ ក្រិយាព្យតិហារេ គម្យមានេ បទន្តេ ងានុពន្ធោ ឥបច្ចយោ ហោតិ, ឯត្ថ ឥការោ រស្សោ ឯវ។
៣៥៦. ងិ ស្មិំច
វិបច្ចយន្តេ
កេសេសុ ច កេសេសុ ច គហេត្វា ឥទំ យុទ្ធំ បវត្តតីតិ កេសាកេសិ, ទណ្ឌេហិ ច ទណ្ឌេហិ ច បហរិត្វា ឥទំ យុទ្ធំ បវត្តតីតិ ទណ្ឌាទណ្ឌិ។ ឯវំ មុដ្ឋាមុដ្ឋិ, មុសលាមុសលិ។
ឥតិ បឋមាពហុព្ពីហិ។
ទុតិយាពហុព្ពីហិ
អាគតា សមណា ឥមំ សង្ឃារាមំ សោយំ អាគតសមណោ, សង្ឃារាមោ។ ឯត្ថ ច សមាសបទស្ស អត្ថោ ទុវិធោ វាច្ចត្ថោ, អភិធេយ្យត្ថោ ចាតិ។
តត្ថ សង្ឃារាមស្ស សមណេហិ បត្តព្ពភាវសង្ខាតា កម្មសត្តិ វាច្ចត្ថោ នាម, សត្តិមន្តភូតោ សង្ឃារាមោ អភិធេយ្យត្ថោ នាម។
តត្ថ អាគតសមណសទ្ទោ វាច្ចត្ថមេវ ឧជុំ វទតិ, ន អភិធេយ្យត្ថំ, អាគតសមណោតិ សុត្វា សមណេហិ បត្តព្ពភាវមត្តំ ជានាតិ, សង្ឃារាមទព្ពំ ន ជានាតីតិ វុត្តំ ហោតិ, តស្មា តស្សំ អភិធេយ្យត្ថោ អញ្ញេន សង្ឃារាមសទ្ទេន អាចិក្ខិយតិ, វាច្ចត្ថស្ស បន តេន ឧជុំ វុត្តត្តា បុន វត្តព្ពាភាវតោ ទុតិយាវិភត្តិយា អាចិក្ខនកិច្ចំ នត្ថិ, តស្មា សង្ឃារាមបទេ ទុតិយាវិភត្តិសម្ភវោ នត្ថិ, លិង្គត្ថមត្តវិសយា បឋមាវិភត្តិ ឯវ បវត្តតិ, បុន បទន្តរសម្ពន្ធេ សតិ ‘‘សង្ឃារាមំ បស្សតិ អាគតសមណំ, សង្ឃារាមេន គាមោ សោភតិ អាគតសមណេន, សង្ឃារាមស្ស បូជេតិ អាគតសមណស្សា’’តិអាទិនា តតោ សព្ពា វិភត្តិយោ
អាគតសមណា សាវត្ថិ, អាគតសមណំ ជេតវនំ, អាគច្ឆន្តិ សមណា ឥមន្តិ វា អាគតសមណោ, វិហារោ។ អារូឡ្ហា វានរា ឥមំ រុក្ខន្តិ អារូឡ្ហវានរោ, រុក្ខោ។ សម្បត្តា គាមិកា យំ គាមន្តិ សម្បត្តគាមិកោ។ ឯវំ បវិដ្ឋគាមិកោ ឥច្ចាទិ។
ឥតិ ទុតិយាពហុព្ពីហិ។
តតិយាពហុព្ពីហិ
ជិតានិ ឥន្ទ្រិយានិ យេនាតិ ជិតិន្ទ្រិយោ, សមណោ។ ទិដ្ឋោ ចតុសច្ចធម្មោ យេនាតិ ទិដ្ឋធម្មោ។ ឯវំ បត្តធម្មោ, វិទិតធម្មោ, បរិយោគាឡ្ហធម្មោ, កតានិ ចតុមគ្គកិច្ចានិ យេនាតិ កតកិច្ចោ, ពហុវចនេ សតិ កតានិ កិច្ចានិ យេហិ តេ កតកិច្ចា, អរហន្តោ។ ធម្មេន អធិគតា ភោគា យេនាតិ ធម្មាធិគតភោគោ, បុរិសោ។ ឯវំ អធម្មាធិគតភោគោ។ ឯវំ កត្តរិ។ ករណេ បន ឆិន្នោ រុក្ខោ យេនាតិ ឆិន្នរុក្ខោ, ផរសុ ឥច្ចាទិ។
ឥតិ តតិយាពហុព្ពីហិ។
ចតុត្ថីពហុព្ពីហិ
ទិន្នោ សុង្កោ យស្ស រញ្ញោ សោយំ ទិន្នសុង្កោ, ឧបនីតំ ភោជនំ យស្សាតិ ឧបនីតភោជនោ, នត្ថិ តុលោ ឯតស្សាតិ អតុលោ, ‘ដ នញ្ស្សា’តិ ន-ការស្ស ដត្តំ, នត្ថិ បដិបុគ្គលោ យស្សាតិ អប្បដិបុគ្គលោ, នត្ថិ សីលំ អស្សាតិ ទុស្សីលោ, នត្ថិ បដិសន្ធិបញ្ញា អស្សាតិ ទុប្បញ្ញោ, ‘ឃបស្សន្តស្សាប្បធានស្សា’តិ សុត្តេន ឃសញ្ញស្ស អាស្ស
ឥធ ពាហិរត្ថពហុព្ពីហិ នាម វុច្ចតិ, សត្តាហំ បរិនិព្ពុតស្ស អស្សាតិ សត្តាហបរិនិព្ពុតោ, អចិរំ បរិនិព្ពុតស្ស អស្សាតិ អចិរបរិនិព្ពុតោ, មាសោ ជាតស្ស អស្សាតិ មាសជាតោ, ទ្វេមាសជាតោ, ឯកោ មាសោ អភិសិត្តស្ស អស្ស រញ្ញោតិ ឯកមាសាភិសិត្តោ, ឯកាហំ មតស្ស អស្សាតិ ឯកាហមតំ។ ឯវំ ទ្វីហមតំ, តីហមតំ, ឯកាហំ បដិច្ឆន្នាយ អស្សាតិ ឯកាហប្បដិច្ឆន្នា។ ឯវំ ទ្វីហប្បដិច្ឆន្នា, អាបត្តិ។ យោជនំ គតស្ស អស្សាតិ យោជនគតោ, ទ្វិយោជនគតោ ឥច្ចាទិ។
ឥតិ ចតុត្ថីពហុព្ពីហិ។
បញ្ចមីពហុព្ពីហិ
និគ្គតា ជនា អស្មា គាមាតិ និគ្គតជនោ, អបគតំ កាឡកំ ឥតោតិ អបគតកាឡកោ, បដោ។ អបគតកាឡកំ, វត្ថំ។ អបេតំ វិញ្ញាណំ យម្ហាតិ អបេតវិញ្ញាណំ, មតសរីរំ ឥច្ចាទិ។
ឥតិ បញ្ចមីពហុព្ពីហិ។
ឆដ្ឋីពហុព្ពីហិ
ឆិន្នោ ហត្ថោ យស្ស សោតិ ឆិន្នហត្ថោ, ហត្ថច្ឆិន្នោ, ជាតោ ឆន្ទោ យស្សាតិ ជាតឆន្ទោ, ឆន្ទជាតោ, សញ្ជាតំ បីតិសោមនស្សំ យស្សាតិ សញ្ជាតបីតិសោមនស្សោ, បីតិសោមនស្សសញ្ជាតោ, វិសុទ្ធំ សីលំ យស្សាតិ វិសុទ្ធសីលោ
ឥធ ឧបមានបុព្ពបទោ នាម វុច្ចតិ, សុវណ្ណស្ស វិយ វណ្ណោ យស្សាតិ សុវណ្ណវណ្ណោ, ព្រហ្មុនោ វិយ សរោ យស្សាតិ ព្រហ្មស្សរោ, នាគស្ស វិយ គតិ អស្សាតិ នាគគតិ។ ឯវំ សីហគតិ, នាគវិក្កមោ, សីហវិក្កមោ, សីហស្ស វិយ ហនុ អស្សាតិ សីហហនុ, ឯណិស្ស វិយ ជង្ឃា យស្សាតិ ឯណិជង្ឃោ, ឧសភស្ស វិយ អស្ស ខន្ធោតិ ឧសភក្ខន្ធោ ឥច្ចាទិ។
រូបំ វុច្ចតិ សភាវោ, យាទិសំ រូបំ អស្សាតិ យថារូបំ។ ឯវំ តថារូបំ, ឯវំ រូបំ អស្សាតិ ឯវរូបំ, ពិន្ទុលោបោ។ ឯវំ អាទិ អស្សាតិ ឯវមាទិ។ តថា ឥច្ចាទិ, ឥច្ចេវមាទិ, ឦទិសំ នាមំ យស្សាតិ ឥត្ថន្នាមោ, ឯវំនាមោ, កីទិសំ នាមំ យស្សាតិ កិន្នាមោ, ‘កោនាមោ’តិ ឯត្ថ មហាវុត្តិនា កិំសទ្ទស្ស កោត្តំ។
កោ សមុទយោ យស្ស ធម្មស្សាតិ កិំសមុទយោ, កា ជាតិ យស្សាតិ កិំជាតិកោ, កិំនិទានំ យស្សាតិ កិំនិទានោ, កតិ វស្សានិ យស្សាតិ កតិវស្សោ, កោ អត្ថោ អស្សាតិ កិមត្ថំ, វចនំ។ ‘ក្វត្ថោ’តិ មហាវុត្តិនា កិំសទ្ទស្ស កោត្តំ, យាទិសោ អត្ថោ អស្សាតិ យទត្ថោ, តាទិសោ អត្ថោ អស្សាតិ តទត្ថោ, ឯទិសោ អត្ថោ យស្ស វិនយស្សាតិ ឯតទត្ថោ, វិនយោ។ ឯតទត្ថា, វិនយកថា។ ឯតទត្ថំ, សោតាវធានំ ឥច្ចាទិ។
ឥតិ ឆដ្ឋីពហុព្ពីហិ។
សត្តមីពហុព្ពីហិ
សម្បន្នានិ សស្សានិ យស្មិំ ជនបទេ សោយំ សម្បន្នសស្សោ, សុលភា ភិក្ខា យស្មិំ ជនបទេ សោយំ សុភិក្ខោ
ឥតិ សត្តមីពហុព្ពីហិ។
ភិន្នាធិករណពហុព្ពីហិ
ភិន្នាធិករណពហុព្ពីហិ នាម វុច្ចតិ, ឯករត្តិំ វាសោ អស្សាតិ ឯករត្តិវាសោ, សមានេន ជនេន សទ្ធិំ វាសោ អស្សាតិ សមានវាសោ, ឧភតោ កម្មតោ ឧប្បន្នំ ព្យញ្ជនទ្វយំ អស្សាតិ ឧភតោព្យញ្ជនោ, អលុត្តសមាសោ។ ឯវំ កណ្ឋស្មិំ កាឡោ អស្សាតិ កណ្ឋេកាឡោ, ឧរស្មិំ លោមានិ អស្សាតិ ឧរសិលោមោ, យស្ស ហត្ថេ បត្តោ អត្ថីតិ បត្តហត្ថោ។ ឯវំ អសិហត្ថោ, ទណ្ឌហត្ថោ, ឆត្តំ បាណិម្ហិ អស្សាតិ ឆត្តបាណិ។ ឯវំ សត្ថបាណិ, ទណ្ឌបាណិ, វជិរបាណិ, ទានេ អជ្ឈាសយោ អស្សាតិ ទានជ្ឈាសយោ, ទានាធិមុត្តិកោ, ពុទ្ធេសុ ភត្តិ អស្សាតិ ពុទ្ធភត្តិកោ, ពុទ្ធេ គារវោ អស្សាតិ ពុទ្ធគារវោ, ធម្មគារវោ ឥច្ចាទិ។
តិបទពហុព្ពីហិ
តិបទពហុព្ពីហិ នាម វុច្ចតិ, បរក្កមេន អធិគតា សម្បទា យេហិ តេ បរក្កមាធិគតសម្បទា, ធម្មេន អធិគតា ភោគា យេហិ តេ ធម្មាធិគតភោគា, ឱណីតោ បត្តម្ហា បាណិ យេន សោ ឱណីតបត្តបាណិ, សីហស្ស បុព្ពទ្ធំ វិយ កាយោ អស្សាតិ សីហបុព្ពទ្ធកាយោ, មត្តា ពហវោ មាតង្គា យស្មិំ វនេតិ មត្តពហុមាតង្គំ ឥច្ចាទិ។
ពហុព្ពីហិសមាសោ និដ្ឋិតោ។
ទ្វន្ទសមាស
អថ
ទ្វេ ច ទ្វេ ច បទានិ ទ្វន្ទា, ទ្វេ ច ទ្វេ ច អត្ថា វា ទ្វន្ទា, មហាវុត្តិនា ទ្វិន្នំ ទ្វិសទ្ទានំ ទ្វន្ទាទេសោ។ ទ្វន្ទសទ្ទសទិសត្តា សព្ពោ ចាយំ សមាសោ ទ្វន្ទោតិ វុច្ចតិ។
អថ វា ទ្វេ អវយវា អន្ទិយន្តិ ពន្ធិយន្តិ ឯត្ថាតិ ទ្វន្ទោ, យុគឡស្សេតំ នាមំ ‘‘បាទទ្វន្ទំ មុនិន្ទស្ស, វន្ទាមិ សិរសាមហ’’ន្តិ ឯត្ថ វិយ, ឥធ បន បទយុគឡំ អត្ថយុគឡញ្ច គយ្ហតិ។ ឧភយបទត្ថបធានោ ហិ ទ្វន្ទោ។
ឯត្ថ សិយា – យទិ ឧភយបទត្ថប្បធានោ ទ្វន្ទោ, ឯវញ្ច សតិ ទ្វន្ទេ កថំ ឯកត្ថីភាវលក្ខណំ សិយាតិ? វុច្ចតេ – អភិន្នវិធេយ្យត្ថត្តា។ វចនបថញ្ហិ បត្វា កត្តុភាវកម្មភាវាទិកោ វិធេយ្យត្ថោ ឯវ បទានំ អច្ចន្តប្បធានត្ថោ ហោតិ វចនវាក្យសម្បត្តិយា បធានង្គត្តា, សោ ច វិធេយ្យត្ថោ ទ្វន្ទេបិ អភិន្នោ ឯវ ហោតិ។ តថា ហិ ‘‘សារិបុត្តមោគ្គល្លានា គច្ឆន្តិ, សារិបុត្តមោគ្គល្លានេ បស្សតិ’’ ឥច្ចាទីសុ ទ្វេ អត្ថា ឯកវិភត្តិយា វិសយា ហុត្វា ឯកកត្តុ, ឯកកម្មាទិភាវេន ឯកត្តំ គច្ឆន្តិ, ឯវំ ទ្វន្ទេបិ ទ្វិន្នំ តិណ្ណំ ពហុន្នំ វា បទានំ ឯកត្ថីភាវលក្ខណំ លព្ភតិយេវាតិ។
៣៥៧. ចត្ថេ
អនេកំ ស្យាទ្យន្តបទំ ចសទ្ទស្ស អត្ថេ ឯកត្ថំ ហោតិ វា។
ឯត្ថ ច សមុច្ចយោ, អន្វាចយោ, ឥតរីតរយោគោ, សមាហារោតិ ចត្តារោ ចសទ្ទត្ថា ហោន្តិ។
តត្ថ សមុច្ចយោ យថា? ចីវរញ្ច បិណ្ឌបាតញ្ច សេនាសនញ្ច ទេតីតិ។ អន្វាចយោ យថា? ទានញ្ច ទេតិ, សីលញ្ច រក្ខតីតិ។ ឥមេ
ទ្វន្ទេ បណីតតរំ បុព្ពេ និបតតិ។ សារិបុត្តោ ច មោគ្គល្លានោ ច សារិបុត្តមោគ្គល្លានា, សារិបុត្តមោគ្គល្លានេ, សារិបុត្តមោគ្គល្លានេហិ ឥច្ចាទិ។ ឯវំ សមណព្រាហ្មណា, ព្រាហ្មណគហបតិកា, ខត្តិយព្រាហ្មណា, ទេវមនុស្សា, ចន្ទិមសូរិយា។
អប្បក្ខរ, ពហ្វក្ខរេសុ អប្បក្ខរំ ក្វចិ បុព្ពំ ហោតិ, គាមនិគមា, គាមជនបទា ឥច្ចាទិ។
ក្វចិ ឥវណ្ណុ’វណ្ណន្តា បុព្ពេ ហោន្តិ, អគ្គិ ច ធូមោ ច អគ្គិធូមា, រត្តិទិវា, ធាតុលិង្គានិ។
អវណ្ណន្តេសុ សរាទិបទំ បុព្ពំ ហោតិ, អត្ថោ ច ធម្មោ ច អត្ថធម្មា, ធម្មត្ថា វា ឥច្ចាទិ។
អយញ្ច
សមាហារទ្វន្ទេ –
៣៥៨. សមាហារេ នបុំសកំ
ចត្ថេ សមាហារេ ឯកត្ថបទំ នបុំសកំ ហោតិ, ឯកវចនន្តត្តំ បន សមាហារវចនេនេវ សិទ្ធំ, អយញ្ច សមាហារោ បាណ្យង្គាទីនំ ទ្វន្ទេសុ និច្ចំ លព្ភតិ, រុក្ខតិណាទីនំ ទ្វន្ទេសុ វិកប្បេន លព្ភតិ។
តត្ថ និច្ចលទ្ធេសុ តាវ បាណ្យង្គទ្វន្ទេ –
ចក្ខុ ច សោតញ្ច ចក្ខុសោតំ, មុខញ្ច នាសិកា ច មុខនាសិកំ, ‘ស្យាទីសុ រស្សោ’តិ រស្សត្តំ។ ហនុ ច គីវា ច ហនុគីវំ។ ឯវំ កណ្ណនាសំ, ឆវិ ច មំសញ្ច លោហិតញ្ច ឆវិមំសលោហិតំ, នាមញ្ច រូបញ្ច នាមរូបំ, ជរា ច មរណញ្ច ជរាមរណំ។ ពហុលាធិការា ក្វចិ វិកប្បរូបម្បិ ទិស្សតិ, ហត្ថា ច បាទា ច ហត្ថបាទំ, ហត្ថបាទា វា ឥច្ចាទិ។
តូរិយង្គទ្វន្ទេ –
នច្ចញ្ច គីតញ្ច វាទិតញ្ច នច្ចគីតវាទិតំ។ ឯវំ សម្មតាឡំ, ‘សម្ម’ន្តិ កំសតាឡំ, ‘តាឡ’ន្តិ ហត្ថតាឡំ, សង្ខោ ច បណវោ ច ឌិណ្ឌិមោ ច សង្ខបណវឌិណ្ឌិមំ ឥច្ចាទិ។
យោគ្គង្គទ្វន្ទេ –
ផាលោ ច បាចនញ្ច ផាលបាចនំ, យុគញ្ច នង្គលញ្ច យុគនង្គលំ ឥច្ចាទិ។
សេនង្គទ្វន្ទេ –
ហត្ថិនោ
ខុទ្ទកបាណទ្វន្ទេ –
ឌំសា ច មកសា ច ឌំសមកសំ។ ឯវំ កុន្ថកិបិល្លិកំ
និច្ចវេរិទ្វន្ទេ –
អហិ ច នកុលោ ច អហិនកុលំ, ពិឡារោ ច មូសិកា ច ពិឡារមូសិកំ, រស្សត្តំ។ កាកោលូកំ, សប្បមណ្ឌូកំ, នាគសុបណ្ណំ ឥច្ចាទិ។
សភាគទ្វន្ទេ –
សីលញ្ច បញ្ញាណញ្ច សីលបញ្ញាណំ, សមថោ ច វិបស្សនា ច សមថវិបស្សនំ, វិជ្ជា ច ចរណញ្ច វិជ្ជាចរណំ។ ឯវំ សតិសម្បជញ្ញំ, ហិរិឱត្តប្បំ, ឧទ្ធច្ចកុក្កុច្ចំ, ថិនមិទ្ធំ ឥច្ចាទិ។
វិវិធវិរុទ្ធទ្វន្ទេ –
កុសលាកុសលំ, សាវជ្ជានវជ្ជំ, កណ្ហសុក្កំ, ហីនបណីតំ, ឆេកពាលំ ឥច្ចាទិ។
ឯកសង្គីតិទ្វន្ទេ –
ទីឃោ ច មជ្ឈិមោ ច ទីឃមជ្ឈិមំ, អង្គុត្តរសំយុត្តកំ, ខន្ធកវិភង្គំ ឥច្ចាទិ។
សង្ខ្យាបរិមាណទ្វន្ទេ –
ឯកកទុកំ, ទុកតិកំ, តិកចតុក្កំ, ចតុក្កបញ្ចកំ ឥច្ចាទិ។
បចនចណ្ឌាលទ្វន្ទេ –
ឱរព្ភិកា
លិង្គវិសភាគទ្វន្ទេ –
ឥត្ថិបុមំ, ទាសិទាសំ ឥច្ចាទិ។
ទិសាទ្វន្ទេ –
បុព្ពា ច អបរា ច បុព្ពាបរំ។ ឯវំ ទក្ខិណុត្តរំ, បុព្ពទក្ខិណំ, បុព្ពុត្តរំ, អបរទក្ខិណំ, អបរុត្តរំ។
នទីទ្វន្ទេ –
គង្គាយមុនំ, មហិសរភុ, សព្ពត្ថ នបុំសកត្តា អន្តេ ទីឃានំ រស្សត្តំ សត្តសុ វិភត្តីសុ ឯកវចនន្តញ្ច។
ឥតិ និច្ចសមាហាររាសិ។
វិកប្បលទ្ធេសុ
ឧសីរានិ ច ពីរណានិ ច ឧសីរពីរណំ, ឧសីរពីរណា។ ឯវំ មុញ្ជបព្ពជំ, មុញ្ជបព្ពជា, កាសកុសំ, កាសកុសា។
រុក្ខវិសេសទ្វន្ទេ –
ខទិរោ ច បលាសោ ច ខទិរបលាសំ, ខទិរបលាសា, ធវោ ច អស្សកណ្ណោ ច ធវស្សកណ្ណំ, ធវស្សកណ្ណា, បិលក្ខនិគ្រោធំ, បិលក្ខនិគ្រោធា, អស្សត្ថកបីតនំ
បសុវិសេសទ្វន្ទេ –
គជា
សកុណវិសេសទ្វន្ទេ –
ហំសពិលវំ, ហំសពិលវា, ការណ្ឌវចក្កវាកំ, ការណ្ឌវចក្កវាកា, ពកពលាកំ, ពកពលាកា។
ធនទ្វន្ទេ –
ហិរញ្ញសុវណ្ណំ, ហិរញ្ញសុវណ្ណា, មណិ ច សង្ខោ ច មុត្តា ច វេឡុរិយញ្ច មណិសង្ខមុត្តវេឡុរិយំ, មណិសង្ខមុត្តវេឡុរិយា, ជាតរូបរជតំ, ជាតរូបរជតា។
ធញ្ញទ្វន្ទេ –
សាលិយវំ, សាលិយវា, តិលមុគ្គមាសំ, តិលមុគ្គមាសា, និប្ផាវកុលត្ថំ, និប្ផាវកុលត្ថា។
ព្យញ្ជនានំ ទ្វន្ទេ –
មច្ឆមំសំ, មច្ឆមំសា, សាកសូបំ, សាកសូបា, គព្យមាហិសំ, គព្យមាហិសា, ឯណេយ្យវារាហំ, ឯណេយ្យវារាហា, មិគមាយូរំ, មិគមាយូរា។
ជនបទទ្វន្ទេ –
កាសិកោសលំ, កាសិកោសលា, វជ្ជិមល្លំ, វជ្ជិមល្លា, ចេតវំសំ, ចេតវំសា, មជ្ឈញ្ច សូរសេនញ្ច មជ្ឈសូរសេនំ, មជ្ឈសូរសេនា, កុរុបញ្ចាលំ, កុរុបញ្ចាលា។
ឥតិ វិកប្បសមាហាររាសិ។
ទ្វន្ទសមាសោ និដ្ឋិតោ។
វិសេសវិធាន
ឥទានិ
នបុំសកេកត្តំ, សមាសន្តរស្សោ, បុម្ភាវាតិទេសោ, សមាសន្តេ ក, សមាសន្តេ អ, នានាទេសោ, អព្យយោ, សង្ខ្យា។
នបុំសកេកត្តរាសិ
តត្ថ សព្ពោ អព្យយីភាវោ នបុំសកលិង្គោ ឯវ, សមាហារភូតា ទិគុ, ទ្វន្ទា នបុំសកា ច ឯកត្តសង្ខ្យា ច។
៣៥៩. ក្វចេកត្តញ្ច ឆដ្ឋិយា
ឆដ្ឋីសមាសេ ក្វចិ នបុំសកត្តំ ឯកត្តញ្ច ហោតិ។
ឆាយា, សភាស្វេវាយំ វិធិ, សលភានំ ឆាយា សលភច្ឆាយំ
ក្វចីតិ កិំ? រាជបរិសា។
ឥតិ នបុំសកេកត្តរាសិ។
សមាសន្តរស្សរាសិ
‘ស្យាទីសុ រស្សោ’តិ សុត្តេន អព្យយីភាវ, សមាហារទិគុ, ទ្វន្ទានំ កស្សចិ តប្បុរិសស្ស ច ស្យាទីសុ រស្សោ។
អព្យយីភាវេ –
ឧបមណិកំ
សមាហារទិគុម្ហិ –
ចតុទ្ទិសំ, ទសិត្ថិ, ទសវធុ។
សមាហារទ្វន្ទេ –
មុខនាសិកំ, ហនុគីវំ។
តប្បុរិសេ –
សលភច្ឆាយំ, ព្រហ្មសភំ។
៣៦០. ឃបស្សន្តស្សាប្បធានស្ស
ស្យាទីសុ អន្តភូតស្ស អប្បធានភូតស្ស ច ឃបស្ស រស្សោ ហោតិ។
ពហុព្ពីហិម្ហិ –
ពហុកញ្ញោ, បោសោ, ពហុឥត្ថិ, កុលំ, ពហុវធុ, កុលំ។
អព្យយីភាវេ –
ឧបមណិកំ, អធិត្ថិ, ឧបវធុ។
អន្តស្សាតិ កិំ? សទ្ធាធនោ, បុរិសោ។
អប្បធានស្សាតិ កិំ? រាជកញ្ញា, រាជកុមារី, ព្រហ្មពន្ធូ។
៣៦១. គោស្សុ
ស្យាទីសុ អន្តភូតស្ស អប្បធានភូតស្ស ច គោស្ស ឧ ហោតិ។
តិដ្ឋគុ
អប្បធានស្សាតិ កិំ? រាជគវោ។
អន្តស្សាតិ កិំ? គោកុលំ។
ឥតិ សមាសន្តរស្សរាសិ។
បុម្ភាវាតិទេសរាសិ
៣៦២. ឥត្ថិយំ ភាសិតបុមិត្ថី បុមាវេកត្ថេ
‘ឯកត្ថេ’តិ តុល្យាធិករណេ, ឥត្ថិយំ វត្តមានេ ឯកត្ថេ ឧត្តរបទេ បរេ កទាចិ ភាសិតបុមោ ឥត្ថិលិង្គសទ្ទោ បុមា ឥវ ហោតិ។ ចតុរង្គមិទំ វិធានំ, បុព្ពបទំ ឥត្ថិលិង្គញ្ច ភាសិតបុមញ្ច សិយា, បរបទំ និយតិត្ថិលិង្គញ្ច បុព្ពបទេន ឯកត្ថញ្ច សិយាតិ។
ទីឃា ជង្ឃា យស្ស សោ ទីឃជង្ឃោ, បុរិសោ, ទីឃជង្ឃា, ឥត្ថី, ទីឃជង្ឃំ, កុលំ។
ឯត្ថ ច យេ សទ្ទា កត្ថចិ បុល្លិង្គរូបា ហោន្តិ, កត្ថចិ ឥត្ថិបច្ចយយុត្តា ឥត្ថិលិង្គរូបា, តេ ភាសិតបុមា នាម។ ទីឃោ មគ្គោ, ទីឃា រត្តិ, គតោ បុរិសោ, គតា ឥត្ថី, កុមារោ, កុមារី, ព្រាហ្មណោ, ព្រាហ្មណី ឥច្ចាទិ។
យេ បន ឥត្ថិបច្ចយយុត្តា និច្ចំ ឥត្ថិលិង្គរូបា ហោន្តិ, តេ ភាសិតបុមា នាម ន ហោន្តិ, កញ្ញា, បញ្ញា, សទ្ធា, នទី, ឥត្ថី, បថវី ឥច្ចាទិ។ តថា សភាវឥត្ថិលិង្គាបិ និយតបុន្នបុំសកលិង្គាបិ ភាសិតបុមា ន ហោន្តិ, ទេវតា, រត្តិ, ធេនុ, វធូ, សក្កោ, ទេវោ, ព្រហ្មា, រតនំ, សរណំ ឥច្ចាទិ។
ឥធ បន ទីឃសទ្ទោ ‘‘ទីឃោ ពាលាន សំសារោ’’តិ
ឥត្ថិយន្តិ កិំ? កុមារី រតនំ យស្ស សោ កុមារីរតនោ, បុរិសោ, ឥធ បរបទំ ឥត្ថិលិង្គំ ន ហោតិ, តស្មា បុម្ភាវាតិទេសោ ន កាតព្ពោ, យទិ ករេយ្យ, កុមារោ រតនំ យស្ស កុមាររតនោតិ ឯវំ អនិដ្ឋត្ថោ ភវេយ្យ។
ឯកត្ថេតិ កិំ? កុមារីសុ ភត្តិ យស្ស សោ កុមារីភត្តិកោ។ ឯវំ សមណីភត្តិកោ, ព្រាហ្មណីភត្តិកោ, សមាសន្តេ កោ, ឥធ បរបទំ បុព្ពបទេន ឯកត្ថំ ន ហោតិ, តស្មា បុម្ភាវាតិទេសោ ន កាតព្ពោ, យទិ ករេយ្យ, កុមារេសុ ភត្តិ យស្ស សោ កុមារភត្តិកោតិ ឯវំ អនិដ្ឋត្ថោ ភវេយ្យ។
ឥត្ថីតិ កិំ? ទដ្ឋព្ពដ្ឋេន ទិដ្ឋិ, គាមណិកុលំ ទិដ្ឋិ យេន សោ គាមណិទិដ្ឋិ, ឥធ គាមណិសទ្ទោ ភាសិតបុមោ ហោតិ, ឥធ បន កុលវាចកត្តា នបុំសកលិង្គេ តិដ្ឋតិ, ឥត្ថិបច្ចយោ នត្ថិ, តស្មា បុម្ភាវាតិទេសកិច្ចំ នត្ថិ។
ភាសិតបុមោតិ កិំ? សទ្ធា បកតិ យស្ស សោ សទ្ធាបកតិកោ។ ឯវំ បញ្ញាបកតិកោ, ឥធ បុព្ពបទំ និយតិត្ថិលិង្គត្តា ភាសិតបុមំ ន ហោតីតិ។ សទ្ធាធនោ, បញ្ញាធនោ, សទ្ធាធុរោ បញ្ញាធុរោ ឥច្ចត្រ ទុវង្គវេកល្លំ ហោតិ។
កម្មធារយម្ហិ
ឥត្ថិយន្តិ កិំ? កុមារី ច សា រតនញ្ចាតិ កុមារីរតនំ។ ឯវំ សមណីបទុមំ។
ឥត្ថីតិ កិំ? គាមណិកុលញ្ច តំ ទិដ្ឋិ ចាតិ គាមណិទិដ្ឋិ។
ភាសិតបុមោតិ កិំ? សទ្ធាបកតិ, គង្គានទី, តណ្ហានទី, បថវីធាតុ។
សញ្ញាសទ្ទេសុ បន ចតុរង្គយុត្តេបិ វិធានំ ន ហោតិ, នន្ទាទេវី, នន្ទាបោក្ខរណី, កាយគតាសតិ, បឋមាវិភត្តិ, ទុតិយាវិភត្តិ, បញ្ចមីវិភត្តិ, ឆដ្ឋីវិភត្តិ ឥច្ចាទិ។
៣៦៣. ក្វចិ បច្ចយេ
បច្ចយេ បរេ កទាចិ ភាសិតបុមោ ឥត្ថិលិង្គសទ្ទោ ក្វចិ បុមាវ ហោតិ។
ព្យត្តតរា, ព្យត្តតមា, ឯត្ថ ច ព្យត្តានំ ឥត្ថីនំ អតិសយេន ព្យត្តាតិ ព្យត្តតរា, ព្យត្តតមាតិ អត្ថោ។ ឯវំ បណ្ឌិតតរា, បណ្ឌិតតមា ឥច្ចាទិ។
៣៦៤. សព្ពាទយោ វុត្តិមត្តេ
វុត្តិមត្តេ ឋានេ សព្ពាទិនាមកា សព្ពនាមសទ្ទា បុមាវ ហោន្តិ។
សា បមុខា យស្ស សោ តប្បមុខោ។ ឯវំ តប្បធានោ, តាយ តាហិ វា សម្បយុត្តោ តំសម្បយុត្តោ។ សា ឯវ បមុខា តប្បមុខា។ ឯវំ តប្បធានា, តស្សា មុខំ តម្មុខំ, តស្សំ គាថាយំ
ឯត្ថ ច វុត្តិ នាម សមាស, តទ្ធិតា’ យាទិធាតុបច្ចយន្ត, វិភត្តិបច្ចយន្តានំ នាមំ។
ឥតិ បុម្ភាវាតិទេសរាសិ។
សមាសន្តកបច្ចយរាសិ
៣៦៥. ល្តិត្ថិយូហិ កោ
អញ្ញបទត្ថវិសយេ កត្តុឥច្ចាទីហិ ល្តុបច្ចយន្តេហិ ឥត្ថិយំ ឦ, ឩការន្តេហិ ច ពហុលំ កបច្ចយោ ហោតិ។
ពហវោ កត្តារោ យស្មិំ ទេសេ សោ ពហុកត្តុកោ។ ឯវំ ពហុវត្តុកោ, ពហុកា នទិយោ យស្មិំ ទេសេ សោ ពហុនទិកោ។ ឯវំ ពហុឥត្ថិកោ, គាមោ, ពហុឥត្ថិកា, សភា, ពហុឥត្ថិកំ, កុលំ។ ឯវំ ពហុកុមារិកំ, ពហុព្រហ្មពន្ធុកោ។
ឯត្ថ ច ‘ព្រហ្មពន្ធូ’តិ រស្សបទំ ព្រាហ្មណំ វទតិ, ទីឃបទំ ព្រាហ្មណិំ វទតិ, កបច្ចយេ បរេ ទីឃានំ មហាវុត្តិនា រស្សត្តំ ឥច្ឆន្តិ។
ពហុលន្តិ កិំ? ពហុកត្តា, គាមោ។
៣៦៦. វាញ្ញតោ
អញ្ញបទត្ថវិសយេ ល្តិត្ថិយូហិ អញ្ញតោ អវណ្ណិវណ្ណុវណ្ណន្តេហិ ពហុលំ កបច្ចយោ ហោតិ វា។
អវណ្ណន្តម្ហា
អគាមកំ, អរញ្ញំ, ពហុគាមកោ, ជនបទោ, សសោតកោ, អសោតកោ, សលោមកោ, សបក្ខកោ, ពហុមាលកោ, ពហុមាលោ, ពហុមាយកោ, ពហុមាយោ។
ឥវណ្ណន្តម្ហា –
សុន្ទរា ទិដ្ឋិ យស្ស សោ សម្មាទិដ្ឋិកោ, សម្មាទិដ្ឋិ, មិច្ឆាទិដ្ឋិកោ, មិច្ឆាទិដ្ឋិ, មតបតិកា, ឥត្ថី, សទ្ធាបកតិកោ, បញ្ញាបកតិកោ, ពហុហត្ថិកោ, ពហុទណ្ឌិកោ។
ឧវណ្ណន្តម្ហា –
សហេតុកោ, អហេតុកោ, សចក្ខុកោ, អចក្ខុកោ, សភិក្ខុកោ, អភិក្ខុកោ, ទីឃាយុកោ, អប្បាយុកោ, ពហុធេនុកោ, វជោ, ពហុរត្តញ្ញុកោ, ភិក្ខុសង្ឃោ។
ឥត្ថិលិង្គេ កម្ហិ បរេ អការស្ស មហាវុត្តិនា វា ‘អធាតុស្ស កេ…’តិ សុត្តេន វា ពហុលំ ឥការត្តំ ហោតិ, ពហុបុត្តិកា, ឥត្ថី, ពហុបុត្តកា វា, ឯកបុត្តិកា, ឯកបុត្តកា ឥច្ចាទិ។
ឥតិ សមាសន្តកបច្ចយរាសិ។
សមាសន្តអបច្ចយរាសិ
៣៦៧. សមាសន្ត
‘សមាសន្តោ+អ’ ឥតិ ទ្វិបទមិទំ, សមាសន្តោ ហុត្វា អបច្ចយោ ហោតីតិ អត្ថោ។ អធិការសុត្តមិទំ។
៣៦៨. បាបាទីហិ ភូមិយា
បាបាទីហិ
បាបានំ ភូមិ បាបភូមំ, បាបានំ ឧប្បត្តិភូមិត្យត្ថោ, ជាតិយា ភូមិ ជាតិភូមំ, សត្ថុជាតរដ្ឋំ។ ឯវំ បច្ឆាភូមំ, មជ្ឈិមទេសេ បច្ឆាភាគរដ្ឋំ។
៣៦៩. សង្ខ្យាហិ
សង្ខ្យាហិ បរាយ ភូមិយា សមាសន្តោ អ ហោតិ។
ទ្វេ ភូមិយោ ឯត្ថាតិ ទ្វិភូមោ, ទ្វិភូមកោ, បាសាទោ, ទ្វិភូមិកោ វា, តិស្សោ ភូមិយោ ឯតេសន្តិ វា តីសុ ភូមិសុ បរិយាបន្នាតិ វា តេភូមកា, ធម្មា, ចតុភូមកា, ធម្មា, តេភូមិកា, ចតុភូមិកា វា។ ទិគុម្ហិ-ទ្វេ ភូមិយោ ទ្វិភូមំ, តិស្សោ ភូមិយោ តិភូមំ, ចតស្សោ ភូមិយោ ចតុភូមំ ឥច្ចាទិ។
៣៧០. នទីគោធាវរីនំ
សង្ខ្យាហិ បរាសំ នទី, គោធាវរីនំ សមាសន្តោ អ ហោតិ។
បញ្ច នទិយោ បញ្ចនទំ, បញ្ច វា នទិយោ យស្មិំ បទេសេ សោ បញ្ចនទោ, សត្ត គោធាវរិយោ សត្តគោធាវរំ។
៣៧១. អសង្ខ្យេហិ ចង្គុល្យានញ្ញាសង្ខ្យត្ថេសុ
អញ្ញត្ថោ ច អសង្ខ្យត្ថោ ច អញ្ញាសង្ខ្យត្ថា។ តត្ថ ‘អញ្ញត្ថោ’តិ អញ្ញបទត្ថោ ពហុព្ពីហិសមាសោ, ‘អសង្ខ្យត្ថោ’តិ អសង្ខ្យត្ថសមាសោ
អង្គុលីហិ និគ្គតំ និរង្គុលំ, អង្គុលិយោ អតិក្កន្តំ អច្ចង្គុលំ, ឥមេ ទ្វេ អមាទិសមាសា, ទ្វេ អង្គុលិយោ សមាហដាតិ ទ្វង្គុលំ។
អនញ្ញាសង្ខ្យត្ថេសូតិ កិំ? បញ្ច អង្គុលិយោ អស្មិន្តិ បញ្ចង្គុលិ, ហត្ថោ។ អង្គុលិយា សមីបំ ឧបង្គុលិ។ ‘‘ចតុរង្គុលំ កណ្ណំ ឱសារេត្វា
៣៧២. ទារុម្ហង្គុល្យា
ទារុសង្ខាតេ អញ្ញបទត្ថេ បវត្តាយ អង្គុលិយា សមាសន្តោ អហោតិ។
បញ្ច អង្គុលិយោ អស្សាតិ បញ្ចង្គុលំ, ទារុ។ ឯត្ថ ច អង្គុលិបមាណាវយវោ ធញ្ញាទីនំ មានវិសេសោ ‘ទារូ’តិ វុច្ចតិ។
៣៧៣. ទីឃាហោវស្សេកទេសេហិ ច រត្យា
ទីឃោ ច អហោ ច វស្សោ ច ឯកទេសោ ចាតិ ទ្វន្ទោ, ឯកទេសោ នាម បុព្ព, បរាទិ, អនញ្ញាសង្ខ្យត្ថេសុ ទីឃាទីហិ ច អសង្ខ្យេហិ ច សង្ខ្យាហិ ច បរាយ រត្តិយា សមាសន្តោ អ ហោតិ។ ចសទ្ទេន ‘‘ចិររត្ត’’ន្តិ សិជ្ឈតិ។
ទីឃា
អនញ្ញាសង្ខ្យត្ថេសូតិ កិំ? ទីឃា រត្តិ ឯត្ថាតិ ទីឃរត្តិ, ហេមន្តោ។ រត្តិយា សមីបំ ឧបរត្តិ។
៣៧៤. គោ ត្វចត្ថេ ចាលោបេ
អចត្ថេ ច អនញ្ញា’សង្ខ្យត្ថេសុ ច បវត្តា គោសទ្ទម្ហា អលោបដ្ឋានេ សមាសន្តោ អ ហោតិ។
រញ្ញោ គោ រាជគវោ, អត្តនោ គោ សគវោ, បរេសំ គោ បរគវោ, បញ្ចគវោ, បញ្ចគវំ។ ឯវំ ទសគវំ។
អលោបេតិ កិំ? បញ្ចហិ គោហិ កីតោ បញ្ចគុ។ ឯត្ថ ច តេន កីតោតិ ឯតស្មិំ អត្ថេ តទ្ធិតបច្ចយស្ស លោបោ, តេន អយំ អបច្ចយោ ន ហោតិ, ‘គោស្សូ’តិ ឱស្សុត្តំ។
អចត្ថេតិ កិំ? គវជា ច គាវោ ច គវជគវោ, យោម្ហិ គោស្ស គវត្តំ។
អនញ្ញាសង្ខ្យត្ថេសូតិ កិំ? ចិត្តគុ, ឧបគុ។
៣៧៥. រត្តិទិវ ទារគវ ចតុរស្សា
ឯតេ តយោ សទ្ទា អអន្តា និបច្ចន្តេ។
រត្តិ ច ទិវា ច រត្តិទិវំ, ទារា ច គាវោ ច ទារគវំ, ចតស្សោ អស្សិយោ យស្ស សោ ចតុរស្សោ, អបច្ចយោ, អស្សិស្ស ឥស្ស អត្តំ។
៣៧៦. អាយាមេនុគវំ
អាយាមេ
គោហិ អនុដ្ឋិតំ សកដំ អនុគវំ។
អាយាមេតិ កិំ? គុន្នំ បច្ឆា អនុគុ។
៣៧៧. អក្ខិស្មាញ្ញត្ថេ
អញ្ញបទត្ថេ បវត្តា អក្ខិម្ហា សមាសន្តោ អ ហោតិ។
វិសាលានិ អក្ខីនិ យស្ស សោ វិសាលក្ខោ, វិរូបានិ អក្ខីនិ យស្ស សោ វិរូបក្ខោ, អនេកសហស្សានិ អក្ខីនិ យស្ស សោ សហស្សក្ខោ, លោហិតានិ អក្ខីនិ យស្ស សោ លោហិតក្ខោ។ ឯវំ នីលក្ខោ, នីលក្ខិ វា។ ពហុលាធិការា អនញ្ញត្ថេបិ, អក្ខីនំ បដិមុខំ បច្ចក្ខំ, អក្ខីនំ បរភាគោ បរោក្ខំ, អក្ខីនំ តិរោភាគោ តិរោក្ខំ។ អក្ខិសទ្ទេន ចេត្ថ បញ្ចិន្ទ្រិយានិ គយ្ហន្តិ។
មហាវុត្តិនា ក្វចិ សមាសន្តោ អ, អា, ឥបច្ចយា ហោន្តិ។
តត្ថ អបច្ចយេ –
វាយុនោ សខា វាយុសខោ, វាយុសង្ខាតោ សខា អស្សាតិ វា វាយុសខោ, អគ្គិ, សព្ពេសំ បិយា’បិយមជ្ឈត្តានំ សខាតិ សព្ពសខោ, សព្ពេ វា សខាយោ អស្សាតិ សព្ពសខោ, មេត្តាវិហារី។ ‘‘សព្ពមិត្តោ សព្ពសខោ’’តិ
អាបច្ចយេ –
បច្ចក្ខោ ធម្មោ យស្សាតិ បច្ចក្ខធម្មា, ឆាទេតីតិ ឆទោ, មោហោ, វិវដោ ឆទោ យស្មិន្តិ វិវដច្ឆទា, សម្មាសម្ពុទ្ធោ។
ឥបច្ចយេ –
សុន្ទរោ គន្ធោ យស្សាតិ សុគន្ធិ, កុច្ឆិតោ គន្ធោ យស្សាតិ ទុគ្គន្ធិ, បូតិនោ គន្ធោ យស្សាតិ បូតិគន្ធិ, សុរភិនោ គន្ធោ សុរភិគន្ធិ។ ‘‘សរីរស្ស សុគន្ធិនោ, គុណគន្ធិយុត្តោ អហ’’ន្តិ បាឡិ។
ឥតិ សមាសន្តអបច្ចយរាសិ។
នានាទេសរាសិ
៣៧៨. ឧត្តរបទេ
ឧត្តរបទេ បរេ បុព្ពបទេ វិធិ ហោតីតិ អត្ថោ។ អធិការសុត្តមិទំ។
‘‘អព្រាហ្មណោ, អនរិយោ, អភិក្ខុកោ, អនន្តោ’’ឥច្ចាទីសុ សមាសេ ឧត្តរបទេ បរេ ន-ការស្ស អ, អន ហោន្តិ។
៣៧៩. នខាទយោ
នខាទយោ សទ្ទា នបកតិកា សិជ្ឈន្តិ។
នា’ស្ស ខមត្ថីតិ នខោ, ‘ខ’ន្តិ សុខំ, ទុក្ខញ្ច, នា’ស្ស កុលមត្ថីតិ នកុលោ, ឯវំនាមកោ ព្រាហ្មណោ, បុមស្ស សកំ បុំសកំ
៣៨០. នគោ វា បាណិនិ
អបាណិម្ហិ នគោតិ សិជ្ឈតិ វា។
ន គច្ឆន្តីតិ នគា, រុក្ខា។ នគា, បព្ពតា។ អគា, រុក្ខា, អគា, បព្ពតា។
អបាណិនីតិ កិំ? អគោ វសលោ កិំ តេន។ ឯត្ថ ‘អគោ’តិ ទុគ្គតជនោ, ‘វសលោ’តិ លាមកោ, ‘កិំ តេនា’តិ និន្ទាវចនំ, ‘‘សីតេនា’’តិបិ បាឋោ។ ឯវំ នេកេ, អនេកេ, នេកានិ, អនេកានិ ឥច្ចាទិ។
ឥតិ ន-រាសិ។
៣៨១. សហស្ស សោញ្ញត្ថេ
អញ្ញបទត្ថេ សមាសេ ឧត្តរបទេ បរេ សហស្ស សោ ហោតិ វា។
បុត្តេន សហ យោ វត្តតីតិ សបុត្តោ, សហបុត្តោ។
អញ្ញត្ថេតិ កិំ? សហ កត្វា, សហ យុជ្ឈិត្វា។
៣៨២. សញ្ញាយំ
សញ្ញាយំ ឧត្តរបទេ បរេ សហស្ស សោ ហោតិ។
សហ
៣៨៣. អបច្ចក្ខេ
អបច្ចក្ខេ គម្យមានេ ឧត្តរបទេ បរេ សហស្ស សោ ហោតិ។
ឱឌ្ឌិយតិ ឯតាយាតិ ឱឌ្ឌិ, បាសោ។ ឱឌ្ឌិយា សហ យោ វត្តតីតិ សោឌ្ឌិ, កបោតោ។ ឥធ ‘ឱឌ្ឌិ’ អបច្ចក្ខា។ ‘‘សាគ្គិ កបោតោ’’តិបិ បាឋោ, បិចុនា សហ វត្តតីតិ សបិចុកា, វាតមណ្ឌលិកា, សា ច អបច្ចក្ខា, ឧគ្គន្ត្វា អាកាសេ បរិព្ភមន្តំ បិចុសង្ឃាដំ ទិស្វា ញាតព្ពា។ ‘‘សបិសាចា វាតមណ្ឌលិកា’’តិបិ បាឋោ។ ឯវំ សរជា, វាតា, សរក្ខសី, រត្តិ។
៣៨៤. អកាលេ សកត្ថស្ស
សកត្ថប្បធានស្ស សហសទ្ទស្ស សោ ហោតិ អកាលេ ឧត្តរបទេ បរេ។
សព្រហ្មំ, សចក្កំ។
អកាលេតិ កិំ? សហ បុព្ពណ្ហំ, សហ បរណ្ហំ, សុនក្ខត្តេន សហ បវត្តំ បុព្ពណ្ហំ, បរណ្ហន្តិ អត្ថោ។
៣៨៥. គន្ថន្តាធិក្យេ
គន្ថស្ស អន្តោ គន្ថន្តោ។ យថា តំ កច្ចាយនគន្ថស្ស អន្តោ ឧណាទិកប្បោ, អធិកភាវោ អាធិក្យំ, គន្ថន្តេ ច អាធិក្យេ ច វត្តមានស្ស សហសទ្ទស្ស សោ ហោតិ ឧត្តរបទេ បរេ។
សហ
អាធិក្យេ – សទោណា, ខារី, សកហាបណំ, និក្ខំ, សមាសកំ, កហាបណំ។ និច្ចត្ថមិទំ សុត្តំ។
៣៨៦. សមានស្ស បក្ខាទីសុ វា
បក្ខាទីសុ ឧត្តរបទេសុ សមានស្ស សោ ហោតិ វា។
សមានោ បក្ខោ សហាយោ សបក្ខោ, សមានោ បក្ខោ យស្សាតិ វា សបក្ខោ, សមានបក្ខោ វា។ ឯវំ សជាតិ, សមានជាតិ, សជនបទោ, សរត្តិ។
សមានោ បតិ យស្សា សា សបតិ។ ឯវំ សនាភិ, សពន្ធុ, សព្រហ្មចារី, សនាមោ។ អវ្ហយំ វុច្ចតិ នាមំ, ចន្ទេន សមានំ អវ្ហយំ យស្ស សោ ចន្ទសវ្ហយោ, សគោត្តោ, ឥន្ទេន សមានំ គោត្តំ យស្ស សោ ឥន្ទសគោត្តោ, សរូបំ, សដ្ឋានំ។ ហរិ វុច្ចតិ សុវណ្ណំ, ហរិនា សមានោ វណ្ណោ យស្ស សោ ហរិស្សវណ្ណោ, សស្ស ទ្វិត្តំ។ ឯវំ សិង្គីនិក្ខសវណ្ណោ, សវយោ, សធនោ, សធម្មោ, សជាតិយោ។
បក្ខាទីសូតិ កិំ? សមានសីលោ។
៣៨៧. ឧទរេ ឥយេ
ឥយយុត្តេ ឧទរេ បរេ សមានស្ស សោ ហោតិ វា។
សមានេ ឧទរេ ជាតោ សោទរិយោ, សមានោទរិយោ។
ឥយេតិ កិំ? សមានោទរតា។
អញ្ញេសុបិ
មហាវុត្តិនា សន្តាទីនញ្ច សោ ហោតិ, សំវិជ្ជតិ លោមំ អស្សាតិ សលោមកោ។ ឯវំ សបក្ខកោ, សំវិជ្ជន្តិ អាសវា ឯតេសន្តិ សាសវា, សំវិជ្ជន្តិ បច្ចយា ឯតេសន្តិ សប្បច្ចយា, សំវិជ្ជន្តិ អត្តនោ ឧត្តរិតរា ធម្មា ឯតេសន្តិ សឧត្តរា, សន្តោ បុរិសោ សប្បុរិសោ។ តថា សជ្ជនោ, សទ្ធម្មោ, សន្តស្ស ភាវោ សព្ភាវោ ឥច្ចាទិ។
ឥតិ ស-រាសិ។
៣៨៨. ឥមស្សិទំ
ឧត្តរបទេ បរេ ឥមស្ស ឥទំ ហោតិ។
អយំ អត្ថោ ឯតស្សាតិ ឥទមត្ថី, សមាសន្តេ ឦ, ឥទមត្ថិនោ ភាវោ ឥទមត្ថិតា។ អយំ បច្ចយោ ឯតេសន្តិ ឥទប្បច្ចយា, ឥទប្បច្ចយានំ ភាវោ ឥទប្បច្ចយតា។ ‘‘ឥមេសំ បច្ចយា ឥទប្បច្ចយា, ឥទប្បច្ចយា ឯវ ឥទប្បច្ចយតា’’តិបិ យោជេន្តិ។ ‘ឥទ’ន្តិ និបាតបទម្បិ អត្ថិ, ‘‘រូបញ្ច ហិទំ ភិក្ខវេ អត្តា អភវិស្សា, វេទនា ច ហិទំ។ សញ្ញា ច ហិទំ។ សង្ខារា ច ហិទំ ភិក្ខវេ អត្តា អភវិស្សំសុ’’ ឥច្ចាទិ
៣៨៩. បុំ បុមស្ស វា
ឧត្តរបទេ បរេ បុមស្ស បុំ ហោតិ វា។
បុមស្ស លិង្គំ បុល្លិង្គំ, បុមស្ស ភាវោ បុម្ភាវោ, បុមា ច សោ កោកិលោ ចាតិ បុង្កោកិលោ, បុមា ច សោ គោ ចាតិ បុង្គវោ, ‘គោ ត្វចត្ថេ…’តិ អបច្ចយោ, នបុំសកោ។
វាតិ កិំ? បុមិត្ថី។
៣៩០. ដ ន្តន្តូនំ
ឧត្តរបទេ
ភវំ បតិដ្ឋោ យេសំ តេ ភវំបតិដ្ឋា, ពិន្ទាគមោ។ ភគវា មូលំ យេសំ តេ ភគវំមូលកា, ធម្មា។ ឯវំ ភគវំបដិសរណា, ធម្មា។
ពហុលាធិការា តរាទីសុ ច បរេសុ, មហន្តីនំ អតិសយេន មហាតិ មហត្តរី, រត្តញ្ញូនំ មហន្តស្ស ភាវោ រត្តញ្ញុមហត្តំ។ ឯវំ ជាតិមហត្តំ, គុណមហត្តំ, បុញ្ញមហត្តំ, អរហន្តស្ស ភាវោ អរហត្តំ។
៣៩១. អ
ឧត្តរបទេ បរេ ន្ត, ន្តូនំ អ ហោតិ។
ភវន្តបតិដ្ឋា, មយំ, គុណវន្តបតិដ្ឋា, មយំ។
៣៩២. រីរិក្ខកេសុ
រី, រិក្ខ, កបច្ចយន្តេសុ បរេសុ សមានស្ស សោ ហោតិ។
និច្ចសមាសត្តា អញ្ញបទេន វិគ្គហោ, សំវិជ្ជតីតិ សមានោ, បច្ចក្ខេ វិយ ចិត្តេ ឧបលព្ភតីតិ អត្ថោ។ សមានោ វិយ សោ ទិស្សតីតិ សទី, សទិក្ខោ, សទិសោ, សមានា វិយ តេ ទិស្សន្តីតិ សទិសា។
៣៩៣. ន្តកិមិមានំ ដាកីដី
តេសុ បរេសុ ន្តបច្ចយន្តស្ស ច កិំ, ឥមសទ្ទានញ្ច កមេន ដា, កី, ដី ហោន្តិ។
ភវំ
៣៩៤. សព្ពាទីនមា
តេសុ បរេសុ សព្ពាទិនាមកានំ យ, ត, ឯត, អញ្ញ, អម្ហ, តុម្ហសទ្ទានំ អន្តោ អា ហោតិ។
យាទី, យាទិក្ខោ, យាទិសោ, តាទី, តាទិក្ខោ, តាទិសោ, ឯតាទី, ឯតាទិក្ខោ, ឯតាទិសោ។
៣៩៥. វេតស្សេដ
តេសុ បរេសុ ឯតស្ស ឯដ ហោតិ វា។
ឯទី, ឯទិក្ខោ, ឯទិសោ, អញ្ញាទី, អញ្ញាទិក្ខោ, អញ្ញាទិសោ, អម្ហាទី, អម្ហាទិក្ខោ, អម្ហាទិសោ, តុម្ហាទី, តុម្ហាទិក្ខោ, តុម្ហាទិសោ។
៣៩៦. តុម្ហម្ហានំ តាមេកស្មិំ
តេសុ បរេសុ ឯកវចនេ បវត្តានំ តុម្ហ’ ម្ហសទ្ទានំ តា, មា ហោន្តិ វា។
អហំ វិយ សោ ទិស្សតីតិ មាទី, មាទិក្ខោ, មាទិសោ, ត្វំ វិយ សោ ទិស្សតីតិ តាទី, តាទិក្ខោ, តាទិសោ។
ឯកស្មិន្តិ កិំ? អម្ហេ វិយ តេ ទិស្សន្តីតិ អម្ហាទិនោ, អម្ហាទិក្ខា, អម្ហាទិសា, តុម្ហេ វិយ តេ ទិស្សន្តីតិ តុម្ហាទិនោ, តុម្ហាទិក្ខា, តុម្ហាទិសា។ ឯត្ថ ច ឧបមានត្ថស្សេវ ឯកត្តំ ឥច្ឆីយតិ, តស្មា អហំ វិយ តេ ទិស្សន្តីតិ មាទិសា
៣៩៧. តំមមញ្ញត្រ
រី, រិក្ខ, កបច្ចយេហិ អញ្ញស្មិំ ឧត្តរបទេ បរេ តុម្ហ’ម្ហានំ តំ, មំអាទេសា ហោន្តិ ក្វចិ។
ត្វំ លេណំ យេសំ តេ តំលេណា, អហំ លេណំ យេសំ តេ មំលេណា
៣៩៨. មនាទ្យាបាទីនមោ មយេ ច
ឧត្តរបទេ មយបច្ចយេ ច បរេ មនាទីនំ អាបាទីនញ្ច ឱ ហោតិ។
មនោសេដ្ឋា, មនោមយា, រជោជល្លំ, រជោមយំ, សព្ពោ មនោគណោ ឥធ វត្តព្ពោ, អាបោធាតុ, អាបោមយំ។ អនុយន្តិ ទិសោទិសំ
៣៩៩. បរស្ស សង្ខ្យាសុ
សង្ខ្យាសុ បរាសុ បរស្ស ឱ ហោតិ។
បរោសតំ, បរោសហស្សំ, បរោបណ្ណាស ធម្មា, ឥធ បរសទ្ទោ ‘‘ឥន្ទ្រិយបរោបរិយត្ត’’ន្តិ ឯត្ថ វិយ អធិកត្ថវាចិសទ្ទន្តរំ, ន សព្ពនាមំ។
៤០០. ជនេ បុថស្សុ
ជនេ
អរិយេហិ បុថគេវាយំ ជនោតិ បុថុជ្ជនោ។ អបិ ច បាឡិនយេ បុថុសទ្ទោយេវ ពហុលំ ទិស្សតិ, បុថុ កិលេសេ ជនេន្តីតិ បុថុជ្ជនា, បុថុ នានាសត្ថារានំ មុខំ ឧល្លោកេន្តីតិ បុថុជ្ជនា, បុថុ នានាឱឃេហិ វុយ្ហន្តីតិ បុថុជ្ជនា
៤០១. សោ ឆស្សាហាយតនេសុ វា
អហេ ច អាយតនេ ច បរេ ឆស្ស សោ ហោតិ វា។
ឆ អហានិ សាហំ។ អត្ថិ សាហស្ស ជីវិតំ
វាតិ កិំ? ឆាហប្បដិច្ឆន្នា អាបត្តិ
៤០២. ល្តុបិតាទីនមារង្រង
សមាសុត្តរបទេ បរេ ល្តុបច្ចយន្តានំ បិតាទីនញ្ច កមេន អារង, រង ហោន្តិ វា។
សត្ថុនោ
វាតិ កិំ? សត្ថុទស្សនំ, កត្តុ និទ្ទេសោ, មាតាបិតរោ។
៤០៣. វិជ្ជាយោនិសម្ពន្ធីនមា តត្រ ចត្ថេ
ចត្ថសមាសេ វិជ្ជាសម្ពន្ធីនំ យោនិសម្ពន្ធីនញ្ច ល្តុបិតាទីនំ អា ហោតិ តេស្វេវ បរេសុ។
មាតាបិតា, មាតាបិតរោ ឥច្ចាទិ។
តត្រាតិ កិំ? មាតុយា ភាតា មាតុភាតា។
ឯត្ថ ច វិជ្ជាសិប្បានិ សិក្ខាបេន្តា អាចរិយា សិស្សានំ វិជ្ជាសម្ពន្ធី មាតាបិតរោ នាម។
៤០៤. បុត្តេ
ចត្តេ បុត្តេ បរេ វិជ្ជាយោនិសម្ពន្ធីនំ ល្តុបិតាទីនំ អា ហោតិ។
មាតាបុត្តា គច្ឆន្តិ, បិតាបុត្តា គច្ឆន្តិ។ មហាវុត្តិនា តេសញ្ច ឥ ហោតិ, មាតិបក្ខោ, បិតិបក្ខោ។ មាតិឃោ លភតេ ទុខំ
៤០៥. ជាយាយ ជាយំ បតិម្ហិ
បតិម្ហិ
បុត្តំ ជនេតីតិ ជាយា, ជាយា ច បតិ ច ជាយម្បតី
យញ្ច វុត្តិយំ ‘‘ជានិបតីតិ បកត្យន្តរេន សិទ្ធំ, តថា ទម្បតី’’តិ វុត្តំ។ តត្ថ បុត្តំ ជនេតីតិ ជានី។ ជានី ច បតិ ច ជានីបតីតិ យុជ្ជតិ។ ‘‘តុទម្បតី’’តិ បាឋោ។ កច្ចាយនេ ច ‘ជាយាយ តុ ទំជានិ បតិម្ហី’តិ។ តត្ថ តុសទ្ទោ បទបូរណមត្តេ យុជ្ជតិ។
៤០៦. សញ្ញាយមុទោទកស្ស
សញ្ញាយំ គម្យមានាយំ ឧត្តរបទេ បរេ ឧទកស្ស ឧទោ ហោតិ។
ឧទកំ ធារេតីតិ ឧទធិ, មហន្តំ ឧទកំ ធារេតីតិ មហោទធិ, ឧទកំ បិវន្តិ ឯត្ថាតិ ឧទបានំ, ឧទកំ បិវន្តិ ឯតាយាតិ ឧទបាតិ។
៤០៧. កុម្ភាទីសុ វា
កុម្ភាទីសុ បរេសុ ឧទកស្ស ឧទោ ហោតិ វា។
ឧទកស្ស
៤០៨. សោតាទីសុ លោបោ
សោតាទីសុ បរេសុ ឧទកស្ស ឧស្ស លោបោ ហោតិ។
ឧទកស្ស សោតំ ទកសោតំ, ឧទកេ រក្ខសោ ទករក្ខសោ, ឧទកំ អាសយោ យេសំ តេ ទកាសយា, បាណា។ មហាវុត្តិនា ស្យាទីសុបិ, ‘‘ទកេ ទកាសយា សេន្តី’’តិ
៤០៩. បុព្ពាបរជ្ជសាយមជ្ឈេហាហស្ស ណ្ហោ
បុព្ពាទីហិ បរស្ស អហស្ស ណ្ហោ ហោតិ។
បុព្ពណ្ហោ, អបរណ្ហោ, អជ្ជណ្ហោ, សាយណ្ហោ
នានាទេសរាសិ និដ្ឋិតោ។
អព្យយរាសិ
៤១០. កុបាទយោ និច្ចមស្យាទិវិធិម្ហិ
ស្យាទិវិធិតោ អញ្ញត្ថ កុអាទយោ បាទយោ ច សទ្ទា ស្យាទ្យន្តេន សហ និច្ចំ ឯកត្ថា ហោន្តិ។
កុច្ឆិតោ ព្រាហ្មណោ កុព្រាហ្មណោ, ឦសកំ ឧណ្ហំ កទុណ្ហំ, បាកដោ ហុត្វា ភវតីតិ បាតុភូតោ, អាវី
បាទយោ បកតាទ្យត្ថេ បឋមាយ ឯកត្ថា ហោន្តិ, បកតោ អាចរិយោ បាចរិយោ។ ឯវំ បយ្យកោ, បរោ អន្តេវាសី បន្តេវាសី, បរោ បុត្តោ បបុត្តោ, បរោ នត្តា បនត្តា។
អត្យាទយោ អតិក្កន្តាទ្យត្ថេ ទុតិយាយ, មញ្ចំ អតិក្កន្តោ អតិមញ្ចោ។ ឯវំ អតិពាលោ, អតិវេលា។
អវាទយោ កុដ្ឋាទ្យត្ថេ តតិយាយ, កោកិលាយ អវកុដ្ឋំ វនំ អវកោកិលំ, ‘អវកុដ្ឋ’ន្តិ ឆឌ្ឌិតន្តិ វទន្តិ។ ឯវំ អវមយូរំ។
បរិយាទយោ គិលានាទ្យត្ថេ ចតុត្ថិយា, អជ្ឈាយិតុំ គិលានោ បរិយជ្ឈេនោ។
ន្យាទយោ និក្ខន្តាទ្យត្ថេ បញ្ចមិយា, កោសម្ពិយា និក្ខន្តោ និក្កោសម្ពិ, វានតោ និក្ខន្តំ និព្ពានំ។
អស្យាទិវិធិម្ហីតិ កិំ? រុក្ខំ បតិ វិជ្ជោតតេ។
៤១១. ចី ក្រិយត្ថេហិ
ចីបច្ចយន្តោ សទ្ទោ ក្រិយត្ថេហិ សទ្ទេហិ សហ ឯកត្ថោ ហោតិ។
ពលសា កិរិយ ពលីកិរិយ, បាកដីកិរិយ, បាកដីភុយ្យ, បាកដីភវិយ។
៤១២. ភូសនាទរានាទរាទីស្វេហិ សហ
អលមាទយោ
ភូសនំ អកាសីតិ អលំកិរិយ, សមំ អាទរំ អកាសីតិ សក្កច្ច, អសមំ អនាទរំ អកាសីតិ អសក្កច្ច, ពិន្ទុនោ បររូបត្តំ។
ភូសនាទីសូតិ កិំ? អលំ ភុត្វា គតោ, ‘អល’ន្តិ បរិយត្តំ, សក្កត្វា គតោ, សោភណំ កត្វាត្យត្ថោ។ ‘‘កច្ច, កិរិយ’’ ឥច្ចាទិនា សំខិត្តរូបេហិ ឧបបទេន សហ សិទ្ធេហិ ឯវ ឯកត្ថសញ្ញា, ន ‘‘កត្វា’’ ឥច្ចាទិនា អសំខិត្តរូបេហិ វិសុំ សិទ្ធេហីតិ អធិប្បាយោ។
៤១៣. អញ្ញេ ច
អញ្ញេ ច សទ្ទា ក្រិយត្ថេហិ ស្យាទ្យន្តេហិ សហ ពហុលំ ឯកត្ថា ហោន្តិ។
អតិរេកំ អភវីតិ បរោភុយ្យ។ ឯវំ តិរោភុយ្យ, បរោកិរិយ, តិរោកិរិយ, ឧរសិកិរិយ, មនសិកិរិយ, មជ្ឈេកិរិយ, តុណ្ហីភុយ្យ។
ត្យាទិសទ្ទាបិ សញ្ញាភាវំ បត្តា និបាតរូបា ហោន្តិ, ស្យាទិរូបា ច។ តស្មា តេបិ ឥមស្មិំ សុត្តេ សង្គយ្ហន្តិ។
អត្ថិខីរា គាវី, នសន្តិបុត្តា ឥត្ថី, អត្ថិ ហុត្វា បច្ចយោ អត្ថិបច្ចយោ។ ឯវំ នត្ថិបច្ចយោ, អហោសិ ឯវ កម្មំ អហោសិកម្មំ, ឯហិ ច បស្ស ច ឯហិបស្ស, ឯហិបស្ស ឥតិ វិធានំ អរហតីតិ ឯហិបស្សិកោ, អយំ តទ្ធិតន្តសមាសោ នាម។ ឯវំ បរត្ថ។
ឯហិ
កេចិ បន ‘‘សច្ឆិករោតិ, មនសិករោតិ, បាកដីករោតិ, អាវីករោតិ, បាតុករោតិ, អលង្ករោតិ, សក្ករោតិ, បភវតិ, បរាភវតិ’’ ឥច្ចាទីនម្បិ ឯកត្ថីភាវំ វទន្តិ។ តុមន្តត្វន្តាទិកាបិ ឯត្ថ សង្គយ្ហន្តិ, គន្តុំ កាមេតីតិ គន្តុកាមោ, កត្តុកាមោ, ទដ្ឋុកាមោ, គន្តុំ មនោ ឯតស្សាតិ គន្តុមនោ, សំវិធាយ អវហារោ សំវិធាវហារោ, យលោបោ។ ឯវំ ឧបាទាយ ឧប្បន្នំ រូបំ ឧបាទារូបំ, អនុបាទាយ វិមុត្តោ អនុបាទាវិមុត្តោ, បដិច្ចសមុប្បាទោ, អាហច្ចភាសិតោ, ឧបហច្ចបរិនិព្ពាយី
អព្យយរាសិ និដ្ឋិតោ។
សង្ខ្យារាសិ
ឥទានិ
៤១៤. វិធាទីសុ ទ្វិស្ស ទុ
វិធាទីសុ បរេសុ ទ្វិស្ស ទុ ហោតិ។
ទ្វេ វិធា បការា យស្សាតិ ទុវិធោ, ទ្វេ បដ្ដានិ យស្សាតិ ទុបដ្ដំ, ចីវរំ, ទុវង្គិកំ, ឈានំ ឥច្ចាទិ។
៤១៥. ទិ គុណាទីសុ
គុណាទីសុ ទ្វិស្ស ទិ ហោតិ។
ទ្វេ គុណា បដលា យស្សាតិ ទិគុណា, សង្ឃាដិ, ទ្វេ គាវោ ទិគុ, ទ្វេ រត្តិយោ ទិរត្តំ, ទ្វិរត្តំ វា។
៤១៦. តីស្វ
តីសុ បរេសុ ទ្វិស្ស អ ហោតិ។
ទ្វេ វា តយោ វា វារា ទ្វត្តិក្ខត្តុំ, ទ្វេ វា តយោ វា បត្តា ទ្វត្តិបត្តា។
៤១៧. អា សង្ខ្យាយាសតាទោនញ្ញត្ថេ
អញ្ញបទត្ថវជ្ជិតេ សមាសេ សតាទិតោ អញ្ញស្មិំ សង្ខ្យាបទេ បរេ ទ្វិស្ស អា ហោតិ។
ទ្វេ ច ទស ច ទ្វាទស, ទ្វីហិ វា អធិកា ទស ទ្វាទស, ទ្វាវីសតិ, ទ្វត្តិំស, រស្សត្តំ។
អសតាទោតិ កិំ? ទ្វិសតំ, ទ្វិសហស្សំ។
អនញ្ញត្ថេតិ កិំ? ទ្វេ ទស យស្មិន្តិ ទ្វិទស។
៤១៨. តិស្សេ
អនញ្ញត្ថេ
តយោ ច ទស ច តេរស, តីហិ វា អធិកា ទស តេរស។ ឯវំ តេវីសតិ, តេត្តិំស។
៤១៩. ចត្តាលីសាទោ វា
ចត្តាលីសាទីសុ បរេសុ តិស្ស ឯ ហោតិ វា។
តេចត្តាលីសំ, តិចត្តាលីសំ, តេបញ្ញាសំ, តិបញ្ញាសំ, តេសដ្ឋិ, តិសដ្ឋិ, តេសត្តតិ, តិសត្តតិ, តេអសីតិ, តិអសីតិ, តេនវុតិ, តិនវុតិ។
៤២០. ទ្វិស្សា ច
ចត្តាលីសាទោ ទ្វិស្ស ឯ ហោតិ វា អា ច។
ទ្វេចត្តាលីសំ, ទ្វាចត្តាលីសំ, ទ្វិចត្តាលីសំ, ទ្វេបញ្ញាសំ, ទ្វិបញ្ញាសំ, ទ្វាសដ្ឋិ, ទ្វេសដ្ឋិ, ទ្វាសត្តតិ, ទ្វេសត្តតិ, ទ្វាសីតិ, ទ្វានវុតិ, ទ្វេនវុតិ។ វាសទ្ទេន បញ្ញាសម្ហិ អាត្តំ, អសីតិម្ហិ ឯត្តញ្ច នត្ថិ។
៤២១. ពាចត្តាលីសាទោ វា
អចត្តាលីសាទោ បរេ ទ្វិស្ស ពា ហោតិ វា។
ពារស, ទ្វាទស, ពាវីសតិ, ទ្វាវីសតិ, ពាត្តិំស, ទ្វត្តិំស។
អចត្តាលីសាទោតិ កិំ? ទ្វាចត្តាលីសំ។
៤២២. ចតុស្ស ចុចោ ទសេ
ទសេ
ចុទ្ទស, ចោទ្ទស, ចតុទ្ទស។
៤២៣. វីសតិទសេសុ បញ្ចស្ស បណ្ណបន្នា
ឯសុ បញ្ចស្ស បណ្ណ, បន្នា ហោន្តិ វា យថាក្កមំ។
បណ្ណវីសតិ, បញ្ចវីសតិ, បន្នរស, បញ្ចទស។
៤២៤. ឆស្ស សោ
ទសេ បរេ ឆស្ស សោ ហោតិ។
សោឡស។
៤២៥. ឯកដ្ឋានមា
ទសេ បរេ ឯក, អដ្ឋានំ អា ហោតិ។
ឯកាទស, អដ្ឋារស។
៤២៦. រ សង្ខ្យាតោ វា
ឯកាទិសង្ខ្យម្ហា បរស្ស ទសស្ស រ ហោតិ វា។
ឯការស, ឯកាទស, ពារស, ទ្វាទស, បន្នរស, បញ្ចទស, សត្តរស, សត្តទស, អដ្ឋារស, អដ្ឋាទស, ពាទេសេ បន្នាទេសេ ច និច្ចំ។ ឥធ ន ហោតិ, ចតុទ្ទស។
៤២៧. ឆតីហិ ឡោ ច
ឆ, តីហិ បរស្ស ទស្ស ឡោ ហោតិ រោ ច។
សោឡស, តេរស, តេឡស។
៤២៨. ចតុត្ថតតិយានមឌ្ឍុឌ្ឍតិយា
‘អឌ្ឍុឌ្ឍតិយា’តិ
អឌ្ឍេន ចតុត្ថោ អឌ្ឍុឌ្ឍោ, អឌ្ឍេន តតិយោ អឌ្ឍតិយោ។
សកត្ថេ ណ្យម្ហិ អឌ្ឍតេយ្យោ។
៤២៩. ទុតិយស្ស សហ ទិយឌ្ឍទិវឌ្ឍា
អឌ្ឍម្ហា បរស្ស ទុតិយស្ស សហ អឌ្ឍេន ទិយឌ្ឍ, ទិវឌ្ឍា ហោន្តិ។
អឌ្ឍេន ទុតិយោ ទិយឌ្ឍោ, ទិវឌ្ឍោ។
យថា ច ឯក, ទ្វិ,តិ, ចតុ, បញ្ច, ឆ, សត្ត, អដ្ឋ, នវ, ទសសទ្ទា បច្ចេកំ អត្តនោ អត្ថេសុ និបតន្តិ, តថា វីសតិ, តិំសតិ, ចត្តាលីស, បញ្ញាស, សដ្ឋិ, សត្តតិ, អសីតិ, នវុតិសទ្ទា បច្ចេកំ អត្តនោ អត្ថេសុ និបតន្តិ, ទសសទ្ទស្ស ការិយា ន ហោន្តិ, ឯវំ សតសហស្សសទ្ទាបីតិ ទដ្ឋព្ពំ។
តតោ បរំ បន ទស សហស្សានិ ទសសហស្សំ, ឥទំ ‘នហុត’ន្តិ ច វុច្ចតិ, សតំ សហស្សានិ សតសហស្សំ, ឥទំ ‘លក្ខ’ន្តិ ច វុច្ចតិ, ទស សតសហស្សានិ ទសសតសហស្សន្តិ ឯវំ ទិគុសមាសវសេន ឯតានិ បទានិ សិជ្ឈន្តិ។
ទ្វេ សតានិ ទ្វិសតំ, តីណិ សតានិ តិសតំ, ទ្វេ សហស្សានិ ទ្វិសហស្សំ, តីណិ សហស្សានិ តិសហស្សំ ឥច្ចាទីនិ ទិគុម្ហិ វុត្តានេវ។
គណនបថេ បន ឯកដ្ឋានំ, ទសដ្ឋានំ, សតដ្ឋានំ, សហស្សដ្ឋានំ, ទសសហស្សដ្ឋានំ, សតសហស្សដ្ឋានំ, ទសសតសហស្សដ្ឋានន្តិ
តទុត្តរិ កោដិភូមិ នាម។ តត្ថបិ ឯកដ្ឋានំ, ទសដ្ឋានំ, សតដ្ឋានំឥច្ចាទីនិ សត្ត ឋានានិ ហោន្តិ។ តត្ថ មូលភូមិយា អន្តិមដ្ឋានំ គហេត្វា ទសគុណិតេ កតេ កោដិភូមិយំ ឯកដ្ឋានំ ហោតិ, ឥធបិ សត្ត ឋានានិ កមេន ទសគុណិតានិយេវ, ឥធ ទសកោដិសតសហស្សំ អន្តិមដ្ឋានំ ភវតិ។
តទុត្តរិ បកោដិភូមិ នាម។ ឯត្ថបិ សត្ត ឋានានិ ហោន្តិ។ តត្ថ កោដិភូមិយា អន្តិមដ្ឋានំ គហេត្វា ទសគុណិតេ កតេ បកោដិភូមិយំ ឯកដ្ឋានំ ហោតិ, ឥធបិ សត្ត ឋានានិ ទសគុណិតានិយេវ, ទសបកោដិសតសហស្សំ អន្តិមដ្ឋានំ, ឥមិនា នយេន សព្ពភូមីសុ ឧបរូបរិ ភូមិសង្កន្តិ ច ឋានភេទោ ច វេទិតព្ពោ។
អយំ បនេត្ថ ភូមិក្កមោ-មូលភូមិ, កោដិភូមិ, បកោដិភូមិ, កោដិបកោដិភូមិ, នហុតភូមិ, និន្នហុតភូមិ, អក្ខោភិណីភូមិ
និរយភូមីនំ កមេន បន អព្ពុទភូមិ, និរព្ពុទភូមិ, អពពភូមិ, អដដភូមិ, អហហភូមិ, កុមុទភូមិ, សោគន្ធិកភូមិ, ឧប្បលភូមិ
តត្ថ សតសហស្សានំ សតំ នាម ទសសតសហស្សានំ ទសកមេវ ហោតិ, តស្មា តថា កថេន្តាបិ ភូមីនំ សព្ពដ្ឋានានញ្ច ទសគុណសិទ្ធិមេវ កថេន្តីតិ វេទិតព្ពំ។ យស្មា ច គណនភូមិសង្ខាតោ គណនបថោ នាម នានាទេសវាសីនំ វសេន នានាវិធោ ហោតិ, តស្មា ទីបវំសេ អក្ខោភិណី, ពិន្ទុ, កថាន, មហាកថានានិ វជ្ជេត្វា បាឡិនយេន សត្តរស ភូមិយោវ វុត្តា។ កច្ចាយនេ
តត្ថ សកសកភូមិតោ អតិរេកវត្ថូនិ គណនបថវីតិវត្តានិ នាម ហោន្តិ, យេសំ បន មូលភូមិមត្តំ អត្ថិ, តេសំ កោដិមត្តានិបិ វត្ថូនិ គណនបថាតិក្កន្តានិ ឯវ។
អបិ ច ‘គណនបថវីតិវត្ត’ន្តិ ច ‘គណនបថាតិក្កន្ត’ន្តិ ច ‘អសង្ខ្យេយ្យ’ន្តិ ច អត្ថតោ ឯកំ។ តស្មា ឥធបិ វីសតិ ភូមិយោ ឯវ អនុក្កមេន ទសគុណិតា គណនបថា នាម ហោន្តិ។ អសង្ខ្យេយ្យន្តិ បន ទសគុណវិនិមុត្តា គណនបថាតិក្កន្តភូមិ ឯវ វុច្ចតិ។ មហាកថានភូមាតិក្កន្តតោ បដ្ឋាយ ហិ អនន្តមហាបថវិយា សព្ពបំសុចុណ្ណានិបិ ឥធ អសង្ខ្យេយ្យភូមិយំ សង្គយ្ហន្តិ។ ឥតរថា អសង្ខ្យេយ្យន្តិ ច គណនបថភូមីតិ ច វិរុទ្ធមេតន្តិ។
ទីបវំសេ
សទ្ទនីតិយំ
ឯវញ្ចកត្វា បាឡិយម្បិ ពកព្រហ្មាសុត្តេ
ឥតិ និរុត្តិទីបនិយា នាម មោគ្គល្លានព្យាករណទីបនិយា
សមាសកណ្ឌោ ចតុត្ថោ។