៧. កិតកណ្ឌ
ធាត្វន្តវិការរាសិ
វិសំយោគរូបរាសិ
អថ
តត្ថ អតីតាទយោ កាលភេទោ នាម។
កត្តា ច កម្មញ្ច ករណញ្ច សម្បទានញ្ច អបាទានញ្ច អធិករណញ្ច ភាវោ ចាតិ សត្ត សាធនានិ ការកភេទោ នាម។
ឥត្ថិលិង្គាទីនិ លិង្គភេទោ នាម។
ឯកត្ត, ពហុត្តភេទោ សង្ខ្យាភេទោ នាម។
តស្សីលក្រិយា, តទ្ធម្មក្រិយា, តស្សាធុការក្រិយា, អត្តមានក្រិយា, អភិក្ខញ្ញក្រិយា, អរហក្រិយា, សក្កក្រិយា, បេសនក្រិយា, អតិសគ្គក្រិយា, បត្តកាលារោចនក្រិយា, អវស្សម្ភាវីក្រិយាទយោ ក្រិយាភេទោ នាម។
‘‘គមនំ ភវតិ, បចនំ ជានាតិ’’ ឥច្ចាទីសុ បច្ចយត្ថភូតោ ភាវោ នាម សាធនរូបោ ហោតិ។ ជាតិ វិយ សង្ខតធម្មស្ស ធាត្វត្ថភូតាយ សាធ្យក្រិយាយ សាធកត្តា លិង្គត្តយយុត្តោ ច ហោតិ, ក្រិយា, ការោ, ករណន្តិ សិទ្ធត្តា សង្ខ្យាភេទយុត្តោ ច ហោតិ-នានាធាត្វត្ថានញ្ច កត្តុ, កម្មានញ្ច កាលាទីនញ្ច ភេទេន សរូបភេទសព្ភវតោ, តស្មា សោបិ ទព្ពេ ឯវ សង្គយ្ហតីតិ កត្វា ‘ទព្ពប្បធានវាចក’ន្តិ វុត្តំ។ សេសំ សព្ពំ ត្យាទិកណ្ឌេ ភាវសាធនវិនិច្ឆយេ វុត្តមេវ។
‘ពហុល’ន្តិ
៧១៥. កត្តរិ ភូតេ ក្ត ក្តវន្តុ ក្តាវី
អភវីតិ ភូតោ, អតីតោ, ភូតេ វត្តព្ពេ ក្រិយត្ថា កត្តរិ កានុពន្ធា ត, តវន្តុ, តាវីបច្ចយា ហោន្តិ, កានុពន្ធា ‘ន តេ កានុពន្ធនាគមេសូ’តិ សុត្តេ វិសេសនត្ថា។
៧១៦. ក្តោ ភាវកម្មេសុ
ភូតេ វត្តព្ពេ ក្រិយត្ថា ភាវ, កម្មេសុ កានុពន្ធោ តបច្ចយោ ហោតិ។
អភវីតិ ភូតោ-បុរិសោ, ភូតា-ឥត្ថី, ភូតំ-កុលំ, ការិតេ ធាតុតោ ណានុពន្ធានំ បឋមំ សម្បត្តត្តា ‘ន តេ កានុពន្ធនាគមេសូ’តិ បដិសេធោ ន បាបុណាតិ, ‘យុវណ្ណានមេឱ បច្ចយេ’តិ ឱវុទ្ធិ, ‘អាវាយា ណានុពន្ធេ’តិ ឱស្ស អាវត្តំ, តតោ តបច្ចយោ។
៧១៧. ញី ព្យញ្ជនស្ស
ព្យញ្ជនាទិបច្ចយស្ស អាទិម្ហិ ញានុពន្ធោ ឦការោ អាគច្ឆតិ។
កត្តរិ-អភាវយិត្ថាតិ ភាវិតោ-បុរិសោ, ភាវិតាឥត្ថី, ភាវិតំ-កុលំ។
កម្មេ-អនុភូយិត្ថាតិ អនុភូតោ-ភោគោ, អនុភូតាសម្បត្តិ, អនុភូតំ-សុខំ។
ការិតេ-ភាវីយិត្ថាតិ ភាវិតោ-មគ្គោ, ភាវិតាបដិបទា, ភាវិតំ-ចិត្តំ។
តវន្តុ
ឯត្ថ ច កិតបច្ចយានំ អត្ថោ ទុវិធោ វាច្ចត្ថោ, អភិធេយ្យត្ថោ ចាតិ សព្ពំ ត្យាទិកណ្ឌេ វុត្តនយេន វេទិតព្ពំ។
បុរិមេសុ បន ឆសុ សាធនេសុ បច្ចយានំ អភិធេយ្យត្ថោ បទន្តរេន អាចិក្ខីយតិ, ភាវសាធនេ បន អត្តនោ ធាតុនា ឯវ។
តត្ថ ច កត្តុសត្តិ, កម្មសត្តិ, ករណសត្តិ, សម្បទានសត្តិ, អបាទានសត្តិ, អធិករណសត្តិសង្ខាតំ វាច្ចត្ថំ ឧជុំ វទន្តា កិតបច្ចយា អត្តនោ អភិធេយ្យបទេន សមានលិង្គ, វិភត្តិ, សង្ខ្យាយុត្តា ហុត្វា វទន្តិ។
តំ យថា? –
កត្តរិ តាវ-បុរិសោ ភោគំ អនុភូតោ, បុរិសា ភោគំ អនុភូតា…បេ.… បុរិសេសុ ភោគំ អនុភូតេសុ, ឥត្ថី ភោគំ អនុភូតា, ឥត្ថិយោ ភោគំ អនុភូតាយោ…បេ.… ឥត្ថីសុ ភោគំ អនុភូតាសុ, កុលំ ភោគំ អនុភូតំ, កុលានិ ភោគំ អនភូតានិ…បេ.… កុលេសុ ភោគំ អនុភូតេសុ។
កម្មេ-ភោគោ បុរិសេន អនុភូតោ, ភោគា បុរិសេន អនុភូតា…បេ.… ភោគេសុ បុរិសេន អនុភូតេសុ, សម្បត្តិ បុរិសេន អនុភូតា, សម្បត្តិយោ បុរិសេន អនុភូតាយោ…បេ.… សម្បត្តីសុ បុរិសេន អនុភូតាសុ, សុខំ បុរិសេន អនុភូតំ, សុខានិ បុរិសេន អនុភូតានិ…បេ.… សុខេសុ បុរិសេន អនុភូតេសុ។ ឯស នយោ ករណាទីសុបិ។
ឯវំ កិតវាចកា អត្តនោ អភិធេយ្យបទេន សមានលិង្គ, វិភត្តិ, សង្ខ្យាយុត្តា ហុត្វា តំ តំ សាធនំ វទន្តិ។
‘ឥត្ថិយមណតិកយក្យា
៥០៣ ៧១៨. កត្តរិ ល្តុណកា
កត្តុការកេ ក្រិយត្ថា ល្តុ, ណកា ហោន្តិ, លានុពន្ធោ តុស្ស កត្តរិ និពន្ធនត្ថោ, ‘ល្តុបិតាទីនមា’តិ វិសេសនត្ថោ ច។
អនុភវតីតិ អនុភូតា, អនុភូតារោ, សត្ថុសមំ។
សាមញ្ញវិធានត្តា អរហត្ថេ សត្តិអត្ថេ តស្សីល, តទ្ធម្ម, តស្សាធុការ, អត្តមានេសុ ច កាលត្តយេ ច ភវន្តិ។
អរហត្ថេ-ព្រហ្មណោ ព្រហ្មណិយា បរិគ្គហិតា។
សត្តិអត្ថេ-ភគវា អនុប្បន្នស្ស មគ្គស្ស ឧប្បាទេតា។
តស្សីលាទីសុ-បសយ្ហបវត្តា។
អត្តមានេ-អត្តានំ បណ្ឌិតំ មញ្ញតីតិ បណ្ឌិតមានិតា។
៧១៩. បុព្ពេកកត្តុកានំ
យាសំ វិសេសន, វិសេស្យានំ ទ្វិន្នំ បុព្ពា’បរក្រិយានំ កត្តា ឯកោវ ហោតិ។ តាសុ បុព្ពក្រិយាយំ ភាវត្ថេ តុន, ត្វាន, ត្វាបច្ចយា ហោន្តិ។ ‘ឯឱនមយវា សរេ’តិ ឦការេ បរេ ឱវុទ្ធិយា អវត្តំ។
ភោគំ អនុភវិតុន, អនុភុត្វាន, អនុភុត្វា។
ឯកកត្តុកានន្តិ
បុព្ពេតិ កិំ? បច្ឆា ភុញ្ជតិ, បឋមំ បចតិ។
ពហុលាធិការា សមានា’បរក្រិយាសុបិ នានាកត្តុកាសុបិ តុនាទយោ ភវន្តិ។ ថក្កច្ច ទណ្ឌោ បតតិ, ទ្វារំ សំវរិត្វា និក្ខមតិ, បុរិសោ សីហំ ទិស្វា ភយំ ឧប្បជ្ជតីតិ។
យស្មិំ វាក្យេ អបរក្រិយាបទំ ន ទិស្សតិ។ យថា? បព្ពតំ អតិក្កម្ម នទី, អតិក្កម្ម នទិំ បព្ពតោ, យេ តេ សន្តា វិមោក្ខា អតិក្កម្ម រូបេ អរូបាតិ, តត្ថបិ សត្តាក្រិយា វិញ្ញាយតេវ សព្ពបទត្ថានំ សត្តានាតិវត្តនតោ។ អបរក្រិយារហិតេ អសមានកត្តុកេ ច វាក្យេ បឋមន្តយោគស្ស ទិដ្ឋត្តា កត្តរិបិ តុនាទីនំ សម្ភវោ យុត្តោ។
៧២០. បដិសេធាលំខលូនំ តុន ត្វាន ត្វា វា
បដិសេធត្ថានំ អលំ, ខលូនំ យោគេ តុនាទយោ ហោន្តិ វា។
អលំ ភុត្វា, ខលុ ភុត្វា, អលំ ភុត្តេន, ខលុ ភុត្តេន វា។
៧២១. តុំតាយេតវេ ភាវេ ភវិស្សតិក្រិយាយំ តទត្ថាយំ
តស្សា តស្សា ក្រិយាយ អត្ថភូតាយ ភវិស្សមានក្រិយាយ គម្យមានាយ ភាវត្ថេ តុំ, តាយេ, តវេបច្ចយា ភវន្តិ។ សុត្តបទវឌ្ឍនេន តុយេបច្ចយោបិ។
អនុភវិតុំ គច្ឆតិ, អនុភវិតាយេ គច្ឆតិ, អនុភវិតវេ គច្ឆតិ, អនុភវិតុំ ឥច្ឆតិ, កាមេតិ, សក្កោតិ, ជានាតិ។ តថា កាលោ អនុភវិតុំ, សមយោ អនុភវិតុំ, វេលា អនុភវិតុំ
ឯត្ថ ច ‘‘កាលោ អនុភវិតុ’’ន្តិអាទីសុ សត្តាវសេន ហេតុក្រិយា សិជ្ឈតិ, តស្មា ‘‘អនុភវិតុំ កាលោ ភវតី’’តិអាទិនា អត្ថោ វេទិតព្ពោ។
ឥមេ បនេត្ថ តាយេ, តុយេបយោគា – អាគតាម្ហ ឥមំ ធម្មសមយំ, ទក្ខិតាយេ អបរាជិតសង្ឃំ
៧២២. ភាវកម្មេសុ តព្ពានីយា
ភាវេ កម្មនិ ច តព្ព, អនីយា ហោន្តិ។ សុត្តបទវឌ្ឍនេន តព្យ, តាយ, តេយ្យបច្ចយាបិ ហោន្តិ។
អនុភវិតព្ពោ-ភោគោ, អនុភវិតព្ពា-សម្បត្តិ, អនុភវិតព្ពំ-សុខំ។
ពហុលាធិការា កត្តាទីស្វបិ ភវន្តិ, តបន្តីតិ តបនីយាបាបធម្មា, ឧបដ្ឋាតីតិ ឧបដ្ឋានីយោ-សិស្សោ។ បវុច្ចតិ ឯតេនាតិ បវចនីយោ-ឧបជ្ឈាយោ, និយ្យន្តិ ឯតេនាតិ និយ្យានីយោ, សោ ឯវ និយ្យានិកោ។
សិនា-សោចេយ្យេ, សិនាយន្តិ ឯតេនាតិ សិនានីយំចុណ្ណំ, ទីយតេ អស្សាតិ ទានីយោ-ព្រាហ្មណោ។ សម្មា វត្តតិ ឯត្ថាតិ សម្មាវត្តនីយោ-គុរុ។
ឥធ
អរហត្ថេ ច សក្កត្ថេ, បត្តកាលេ ច បេសនេ;
តព្ពាទយោ អតិសគ្គេ, អវស្សាធមិណេសុ ច។
តត្ថ ‘‘អរហ សក្ក វិសិដ្ឋេ កត្តរី’’តិ វុត្តិយំ វុត្តំ, តស្មា ភវតីតិ ភព្ពោ, ភវិតុំ អរហតីតិ អត្ថោ, មជ្ជតីតិ មជ្ជំ, មទនីយំ, មជ្ជិតុំ សក្កោតីតិ អត្ថោ, ឯវម្បិ យុជ្ជតិ។
បត្តកាលេ-កត្តព្ពោ ភវតា កដោ, ឯស កាលោ កដករណស្សាតិ ទីបេតិ។
បេសនេ-គន្តព្ពោ ភវតា គាមោ, គច្ឆតុ ភវំ គាមន្តិ ទីបេតិ។
អតិសជ្ជនំ សម្ពោធនំ អតិសគ្គោ, ឧបទេសោ ចេវ វិធិ ច។ តត្ថ កត្តព្ពា’កត្តព្ពស្ស កម្មស្ស អាចិក្ខណំ ឧបទេសោ, ទានំ ទាតព្ពំ, សីលំ រក្ខិតព្ពំ, បាណោ ន ហន្តព្ពោ, អទិន្នំ ន អាទាតព្ពំ វិធិ, សក្កច្ចំ ទានំ ទាតព្ពំ, នោ អសក្កច្ចំ។
អវស្សកេ-គមនីយោ អភិសម្បរាយោ, អវស្សំ គន្តព្ពោតិ អត្ថោ។
យំ ឥណំ អទេន្តស្ស ទណ្ឌោ អាគច្ឆតិ, ឥទំ អធមិណំ នាម, សតំ មេ ទាតព្ពំ ភវតាតិ។
ឥមេ បនេត្ថ តព្យ, តាយ, តេយ្យបយោគា – ន ព្រាហ្មណេ អទ្ធិកេ តិដ្ឋមានេ, គន្តព្យមាហុ ទ្វិបទិន្ទ សេដ្ឋ
ត,តិ
ករ, ខនុ, គា, គមុ, ជន, ឋា, តនុ, ថរ, ធា, ធរ, នមុ, បា, ផរ, ភរ, មន, មរ, រមុ, សរ, ហរ, ហន។
៧២៣. គមាទិរានំ លោបោន្តស្ស
គមាទីនំ មការ, នការន្តានំ រការន្តានញ្ច ធាតូនំ អន្តស្ស លោបោ ហោតិ កានុពន្ធេ តបច្ចយេ បរេ ត្វាទិវជ្ជិតេ។
ករ-ករណេ, ករីយិត្ថាតិ កតោ-វិហារោ, កតាគូហា, កតំ-គេហំ, សក្ករីយិត្ថាតិ សក្កតោ, មហាវុត្តិនា សន្តស្ស សោ។
‘ករោតិស្ស ខោ’តិ បាទិតោ ករស្ស កស្ស ខោ, សង្ខរីយិត្ថាតិ សង្ខតោ, អភិសង្ខតោ, វិសង្ខរិត្ថ វិកិរីយិត្ថាតិ វិសង្ខតោ, ឧបករីយិត្ថ សជ្ជីយិត្ថាតិ ឧបក្ខដោ, ‘តថនរានំ ដឋណលា’តិ តស្ស ដោ។ ឯវំ ទុក្កដំ។
បរិតោ ករីយិត្ថាតិ បរិក្ខតោ, បុរតោ ករីយិត្ថាតិ បុរក្ខតោ, បុរេក្ខតោ វា, មហាវុត្តិនា បុរស្ស ឯត្តំ។
ខនុ-អវទារណេ, ខញ្ញិត្ថាតិ ខតោ-អាវាដោ។
គា-សទ្ទេ។
៧២៤. គាបានមី
គា, បានំ អន្តោ ឦការោ ហោតិ កានុពន្ធេ តបច្ចយេ បរេ ត្វាទិវជ្ជិតេ។
គាយិត្ថាតិ គីតំ, សមោធានេត្វា គាយិត្ថាតិ សង្គីតោបរិយត្តិធម្មោ។
គមុ-គតិម្ហិ
ជន-ជាតិយំ។
៧២៥. ជនិស្សា
ជនិស្ស នស្ស អា ហោតិ កានុពន្ធេ តបច្ចយេ បរេ ត្វាទិវជ្ជិតេ។
អជាយិត្ថាតិ ជាតោ, ទុជ្ជាតោ, សុជាតោ, សញ្ជាតោ, អនុជាតោ, អវជាតោ, អតិជាតោ។
សុត្តវិភត្តេន អញ្ញស្មិម្បិ វណ្ណេ បរេ នស្ស អា ហោតិ, បុត្តំ វិជាយិត្វា, វិជាយិតុំ, វិជាយនំ, វិជាយន្តី-ឥត្ថី, វិជាយមានា, បុត្តំ ជនេតីតិ ជាយា ឥច្ចាទិ, សព្ពត្ថ មហាវុត្តិនា សរេ បរេ យាគមោ, មហាវុត្តិនា វា សព្ពត្ថ នស្ស យាទេសោ អាទិទីឃោ ច។
ឋា-គតិនិវត្តិយំ។
៧២៦. ឋាស្សិ
ឋាស្ស ឥ ហោតិ កានុពន្ធេ តការេ ត្វាទិវជ្ជិតេ។
អដ្ឋាសីតិ ឋិតោ, ឧដ្ឋិតោ, និដ្ឋិតោ, សណ្ឋិតោ, អធិដ្ឋិតោ។
តនុ-វិត្ថារេ, អាតញ្ញិត្ថាតិ អាតតំ, វិតតំ, អាតតវិតតំ, តូរិយភេទោ។
ថរ-សន្ថរណេ, សន្ថរីយិត្ថាតិ សន្ថតោ, វិត្ថតោ។
ធា-ធារណេ។
៧២៧. ធាស្ស ហិ
ធាធាតុស្ស
អាធីយិត្ថាតិ អាហិតោ, អាគ្យាហិតោ, វិធីយិត្ថាតិ វិហិតោ, និធីយិត្ថាតិ និហិតោ, សន្ធីយិត្ថាតិ សំហិតោ, ឱធីយិត្ថាតិ ឱហិតោ, អភិធីយិត្ថាតិ អភិហិតោ, បិធីយិត្ថាតិ បិហិតោ, អបិហិតោ។ ទ្វិត្តេ បុព្ពស្ស តតិយត្តំ, ‘ធាស្ស ហោ’តិ សុត្តេន បរស្ស ហត្តំ, អាទហិតោ, វិទហិតោ, និទហិតោ, សំទហិតោ, សទ្ទហិតោ វា, សន្និទហិតោ, ឱទហិតោ, បិទហិតោ, អបិទហិតោ, បរិទហិតោ។
ធរ-ធារណេ, ឧទ្ធរីយិត្ថាតិ ឧទ្ធដោ, សមុទ្ធដោ, និទ្ធដោ, តស្ស ដត្តំ។
នមុ-នមនេ, នមិត្ថាតិ នតោ, ឧន្នតោ, សមុន្នតោ, ឱនតោ, អវនតោ។
បា-បានេ, ‘គាបានមី’តិ ឦត្តំ, បីយិត្ថាតិ បីតំ។
ផរ-ផរណេ, ផរិត្ថ, ផរីយិត្ថាតិ វា ផុដោ, វិប្ផុដោ, សម្ផុដោ, ឱផុដោ, មហាវុត្តិនា ផស្ស ឧត្តំ, តស្ស ដត្តំ។
ភរ-ធារណេ, ភរីយិត្ថាតិ ភតោ, អាភតោ, អាភដោ វា។ ឧទកាតលមុព្ភតោ, ឧព្ភតំ សង្ឃេន កថិនំ
មន-ញាណេ, មតោ, មហាជនេន សម្មតោតិ មហាសម្មតោ, សម្មតា សីមា
មរ-បាណចាគេ, មរិត្ថាតិ មតោ, កាលង្កតោ។
រមុ-កីឡាយំ, រមិត្ថាតិ រតោ, អភិរតោ។
រមុ-ឧបរមេ
សរ-គតិ, ចិន្តាសុ, ពហុលាធិការា កាលត្តយេបិ តបច្ចយោ, សរតិ, អសរិ, សរិស្សតីតិ សតោ, អនុស្សតោ, បតិស្សតោ។
ហរ-ហរណេ, ហរីយិត្ថាតិ ហតោ, អាហតោ, និហតោ។
តស្ស ដត្តេ-អាហដោ, និហដោ, ឧទាហដោ, សមុទាហដោ, អវហដោ។
ហន-ហិំសាយំ, ហញ្ញិត្ថាតិ ហតោ, វិហតោ, សមូហតោ អវិប្បវាសោ
តិបច្ចយម្ហិ ពហុលាធិការា អកានុពន្ធេបិ អន្តលោបោ។ បឋមំ ករីយតីតិ បកតិ, អាការោ អាកតិ, វិការោ វិកតិ, គាយនំ គីតិ, ឧគ្គីតិ, សង្គីតិ, អនុគាយនំ អនុគីតិ, គមនំ គតិ, គន្តព្ពាតិ វា គតិ, គច្ឆន្តិ ឯត្ថាតិ វា គតិ, អាគមនំ អាគតិ, សុគតិ, ទុគ្គតិ, សមាគមនំ សង្គតិ, ជននំ ជាតិ, ជាយន្តិ ឯតាយ, ឯត្ថាតិ វា ជាតិ, ឋានំ ឋិតិ, សណ្ឋិតិ, អវដ្ឋិតិ, បុនប្បុនំ តននំ សន្តតិ, ធារេន្តិ ឯតាយាតិ ធីតិ, មហាវុត្តិនា ឦត្តំ។
នមនំ នតិ, ឧន្នតិ, សមុន្នតិ, ឱនតិ, អវនតិ, ភរិតព្ពាតិ ភតិ, មនតិ ជានាតិ ឯតាយាតិ មតិ, វិវិធា មតិ វិមតិ, រមណំ រតិ, អារមណំ អារតិ, វិរមណំ វិរតិ, អភិរមណំ អភិរតិ, បដិវិរមណំ បតិវិរតិ, សរណំ សតិ, សរន្តិ ឯតាយាតិ វា សតិ, អនុស្សតិ, បដិស្សតិ, ឧបហននំ ឧបហតិ។
តវន្តុបច្ចយម្ហិ-អកាសីតិ កតវា, អហនីតិ ហតវា។
តាវីបច្ចយម្ហិ-កតាវី, ហតាវី។
ត្វាទីសុ
៧២៨. តុំតុនតព្ពេសុ វា។
ករធាតុស្ស រ-ការស្ស អា ហោតិ វា តុំ, តុន, តព្ពេសុ។ តុនសទ្ទេន ត្វាន, ត្វាបិ សង្គយ្ហន្តិ។
៧២៩. ករស្សា តវេ។
ករស្ស រ-ការស្ស អា ហោតិ តវេបច្ចយម្ហិ។
កាតុំ, កាតវេ, កាតុន, កាតព្ពំ។
យថា ករស្ស, តថា មហាវុត្តិនា ហរស្ស រូបំ សិជ្ឈតិ, ហាថុំ, ហាតវេ, ហាតុន។ តេសំ តុណ្ឌេន ហាតូន, មុញ្ចេ បុព្ពកតំ ឥណំ
ត្វាម្ហិ អាស្ស ឥត្តំ, អាហិត្វា, សោណ្ឌាយុទកមាហិត្វា
ឥតិ វិសំយោគរូបរាសិ។
សទិសសំយោគរូបរាសិ
អថ សទិសសំយោគរូបរាសិ វុច្ចតេ។
តុបច្ចយម្ហិ –
៧៣០. បររូបមយការេ ព្យញ្ជនេ។
យការវជ្ជិតេ ព្យញ្ជនបច្ចយេ បរេ សព្ពធាតូនំ អន្តព្យញ្ជនោ បររូបំ អាបជ្ជតេ។
ករោតីតិ កត្តា, កាតុំ អរហតិ, កាតុំ សក្កោតិ, ករណសីលោ, ករណធម្មោ, សក្កច្ចំ វា ករោតីតិ អត្ថោ។ ភរតីតិ ភត្តា, ហរតីតិ ហត្តា។
ត្វាទីសុ
បររូបត្តំ, កត្តុន, កត្តុំ, កត្តព្ពំ, ភរណំ ភត្តុំ, ភត្តវេ, ហរណំ ហត្តុំ, អភិហត្តុំ, ហត្តវេ។
អាប, ណាប, ខិប, គុប, ចជ, ញប, ញាប, តប, ទីប, ធូប, បទ, ភជ, ភុជ, មទ, មិទ, យុជ, រិច, រន្ជ, លិប, លុប, វច, វតុ, វទ, វប, វិច, សន្ជ, សិច, សម្ភុ, សូច, សូទ, សុប។
ធាត្វន្តព្យញ្ជនស្ស បររូបត្តំ, តបច្ចយម្ហិ វិបុព្ពោ អាបព្យាបនេ, ព្យាបយតិ ខិប្បំ ញាណព្យាបនេន ព្យាបិតុំ សក្កោតីតិ ព្យត្តោ, វិយត្តោ។
បរិបុព្ពោ បរិយាបុណនេ បហុត្តេ ច, បរិយត្តោ។
សំបុព្ពោ បរិបុណ្ណភាវេ, សមាបយិត្ថាតិ សមត្តោ, បរិសមត្តោ។
អាបុព្ពោ ណាប-បេសនេ, អាណាបីយិត្ថាតិ អាណត្តោ។
ខិប-ខិបនេ, ខិបីយិត្ថាតិ ខិត្តោ-ទណ្ឌោ, ខិត្តា-មត្តិកា, ខិត្តំ-លេដ្ដុ។ ឯវំ សព្ពត្ថ។ បក្ខិត្តោ, ឧក្ខិត្តោ, និក្ខិត្តោ, វិក្ខិត្តោ, ឱក្ខិត្តោ, សំខិត្តោ។
គុប-គុត្តិយំ, គោបីយិត្ថាតិ គុត្តោ, សំគុត្តោ។
ចជ-ចាគេ, ចជីយិត្ថាតិ ចត្តោ។
ឧប-បញ្ញាបនេ, បញ្ញបីយិត្ថាតិ បញ្ញត្តោ-វិនយោ, បញ្ញត្តំសិក្ខាបទំ, បញ្ញត្តំ-អាសនំ។
ញាប-ញាបនេ, វិកតិធាតុ នាមេសា ការិតន្តត្តា, បញ្ញាបីយិត្ថាតិ បញ្ញត្តោ, សញ្ញាបីយិត្ថាតិ សញ្ញត្តោ, វិញ្ញាបីយិត្ថាតិ វិញ្ញត្តោ។
តប-សន្តាបេ, អតប្បីតិ តត្តោ, សន្តត្តោ។
ទីប-ទិត្តិយំ, អទីបិត្ថាតិ ទិត្តោ, បទិត្តោ, អាទិត្តោ។
ធូប-សោណ្ឌិយេ
បទ-គតិយំ, អបជ្ជីតិ បត្តោ, និបត្តោ, សម្បត្តោ។
ភជ-សម្ភត្តិយំ, ភជតីតិ ភត្តោ, សម្ភត្តោ។
វិបុព្ពោ បុថក្ករណេ, វិភជិត្ថាតិ វិភត្តោ។
ភុជ-បាលន, ព្យវហរណេសុ, ភុញ្ជិត្ថ, ភុញ្ជីយិត្ថាតិ វា ភុត្តោ, បរិភុត្តោ។
មទ-ឧម្មាទេ, មជ្ជិត្ថាតិ មត្តោ, សម្មត្តោ, បមត្តោ, ឧម្មត្តោ។
មិទ-សិនេហនេ, មិជ្ជតីតិ មិត្តោ។
យុជ-យោគេ, យុញ្ជតីតិ យុត្តោ, បយុត្តោ, ឧយ្យុត្តោ, និយុត្តោ, វិយុត្តោ, សំយុត្តោ, សញ្ញុត្តោ។
រិច-វិរិញ្ចនេ, រិញ្ចតីតិ រិត្តោ។
រន្ជ-រាគេ, រញ្ជតីតិ រត្តោ, សារត្តោ, វិរត្តោ។
លិប-លិម្បនេ, លិម្បីយិត្ថាតិ លិត្តោ, ឧល្លិត្តោ, អវលិត្តោ។
លុប-អទស្សនេ, លុប្បតីតិ លុត្តោ។
វច-វិយត្តិយំ វាចាយំ។
៧៣១. វចាទីនំ វស្សុដ វា
វចាទីនំ វស្ស ឧដ ហោតិ វា កានុពន្ធេ ត-ការបច្ចយេ ត្វាទិវជ្ជិតេ។
វុច្ចិត្ថាតិ
៧៣២. អស្សុ។
វចាទីនំ អស្ស ឧ ហោតិ កានុពន្ធេ ត-ការបច្ចយេ ត្វាទិវជ្ជិតេ។
វុត្តោ-ធម្មោ, វុត្តា-កថា, វុត្តំ-វចនំ។
វតុ-វត្តនេ, វត្តតីតិ វត្តោ, បវត្តោ, និវត្តោ។
វប-ពីជនិក្ខេបេ, វបីយិត្ថាតិ វុត្តំ-ពីជំ, ‘អស្សូ’តិ ឧត្តំ។
វិច-វិវេចនេ, វិវិច្ចិត្ថាតិ វិវិត្តោ។
សន្ជ-សង្គេ, សញ្ជតីតិ សត្តោ, អាសត្តោ, វិសត្តោ។
សិច-សេចនេ, សិញ្ចីយិត្ថាតិ សិត្តោ, អាសិត្តោ, អវសិត្តោ, អភិសិត្តោ។
សូច-សូចនេ, អត្ថំ សូចេតីតិ សុត្តំ។
សូទ-បគ្ឃរណេ, អត្ថំ សូទតីតិ សុត្តំ។
សុប-សោប្បនេ, សុបតីតិ សុត្តោ ឥច្ចាទិ។
តិបច្ចយម្ហិ-ព្យាបនំ ព្យត្តិ, វិយត្តិ, បរិយាបុណនំ បរិយត្តិ, សមាបនំ សមត្តិ, បរិសមត្តិ, អាណាបនំ អាណត្តិ, គោបនំ គុត្តិ, ញាបនំ ញត្តិ, បញ្ញាបនំ បញ្ញត្តិ, សញ្ញាបនំ សញ្ញត្តិ, វិញ្ញាបនំ វិញ្ញត្តិ។
តប-តប្បនេ, តប្បនំ តិត្តិ, មហាវុត្តិនា អស្ស ឥត្តំ។ ទីបនំ ទិត្តិ, បជ្ជនំ បត្តិ, អាបត្តិ, ឧប្បត្តិ, និប្បត្តិ, វិបត្តិ, សម្បត្តិ, ភជនំ ភត្តិ, សម្ភត្តិ, ភុញ្ជនំ ភុត្តិ, យុញ្ជនំ យុត្តិ, រិញ្ចនំ រិត្តិ, និទ្ធារេត្វា វុច្ចតិ អត្ថោ ឯតាយាតិ និរុត្តិ, វុច្ចតិ សុត្តស្ស អត្ថោ
តុបច្ចយម្ហិ-ខិបតីតិ ខិត្តា, គោបេតីតិ គុត្តា, ចជតីតិ ចត្តា។
ឥធ ឆិទ, ភិទាទយោបិ វត្តព្ពា, ឆិន្ទតីតិ ឆេត្តា, ភិន្ទតីតិ ភេត្តា, ភជតីតិ ភត្តា, ភុញ្ជតីតិ ភុត្តា, ភោត្តា, យុត្តា, រិត្តា, លិត្តា, លុត្តា, វចតិ វទតីតិ វា វត្តា, វិវិច្ចតីតិ វិវិត្តា, សញ្ជតីតិ សត្តា, សុប្បតីតិ សុត្តា ឥច្ចាទិ។
តវន្តុបច្ចយម្ហិ-ខិបិត្ថាតិ ខិត្តវា, គោបិត្ថាតិ គុត្តវា, ចជិត្ថាតិ ចត្តវា, ឆិន្ទិត្ថាតិ ឆេត្តវា។
ភជ-បុថក្ករណេ, ភាជិត្ថាតិ ភត្តវា, វិភត្តវា, អភុញ្ជីតិ ភុត្តវា, អយុញ្ជីតិ យុត្តវា ឥច្ចាទិ។
តាវីបច្ចយម្ហិ-ខិត្តាវី, គុត្តាវី, ចត្តាវី, ឆេត្តាវី, វិភត្តាវី, ភេត្តាវី, ភុត្តាវី, យុត្តាវី ឥច្ចាទិ។
ត្វាទីសុ បររូបត្តេ មហាវុត្តិនា តិណ្ណំ ព្យញ្ជនានំ អាទិព្យញ្ជនស្ស លោបោ, ឆេត្វា, ឆេត្វាន, ឆេត្តុន, វិភត្វា, វិភត្វាន, វិភត្តុន, ភុត្វា, ភុត្វាន, ភុត្តុន ឥច្ចាទិ។
តុំ, តវេសុ-ឆេត្តុំ, ឆេត្តវេ, ឆេតុំ, ឆេតវេ វា, អាទិព្យញ្ជនស្ស លោបោ។ វិភត្តុំ, វិភត្តវេ, ភេត្តុំ, ភេត្តវេ, ភោត្តុំ, ភោត្តវេ, អាទិវុទ្ធិ ឥច្ចាទិ។
តព្ពបច្ចយេ-ឆេត្តព្ពំ, ឆេតព្ពំ វា, ភេត្តព្ពំ, ភោត្តព្ពំ, វុច្ចតីតិ វត្តព្ពំ ឥច្ចាទិ។
ឥតិ សទិសសំយោគរូបរាសិ។
វគ្គន្តរូបរាសិ
អថ វគ្គន្តរូបរាសិ វុច្ចតេ។
កមុ, កិលមុ, ខនុ, ខមុ, គមុ, តនុ, តិមុ, ទមុ, ភមុ, មន, យមុ, វមុ, សមុ, ហន។
៧៣៣. មនានំ និគ្គហីតំ។
មការ, នការន្តានំ ធាតូនំ អន្តោ មការោ នការោ ច និគ្គហីតំ ហោតិ យការវជ្ជិតេ ព្យញ្ជនេ បរេ។ ‘វគ្គេ វគ្គន្តោ’តិ និគ្គហីតស្ស វគ្គន្តត្តំ។
កមុ-បាទគមនេ, បក្កមិត្ថាតិ បក្កន្តោ, បាទេន អក្កមិត្ថាតិ អក្កន្តោ, ឧក្កន្តោ, វិក្កន្តោ, និក្ខន្តោ, ‘និតោ កមស្សា’តិ កស្ស ខត្តំ, សង្កន្តោ, ឱក្កន្តោ, អវក្កន្តោ, អបក្កន្តោ, អតិក្កន្តោ, បដិក្កន្តោ, កស្ស ទ្វិត្តានិ។
កិលមុ-ខេទេ, កិលមិត្ថាតិ កិលន្តោ។
តិមុ-អទ្ទភាវេ, តេមយិត្តាតិ តិន្តោ។
ទមុ-ទមនេ, ទមិត្ថាតិ ទន្តោ។
ភមុ-អនវត្ថានេ, ភមិត្ថាតិ ភន្តោ, វិព្ភន្តោ។
មន-ញាណេ, មនតីតិ មន្តោ។
វមុ-ឧគ្គិលនេ, វមិត្ថាតិ វន្តោ។
សមុ-សន្តិយំ, សម្មតីតិ សន្តោ, ឧបសន្តោ, វូបសន្តោ។
សមុ-ខេទេ, សម្មតិ ខិជ្ជតីតិ សន្តោ ឥច្ចាទិ។
តិបច្ចយម្ហិ-កាមនំ កន្តិ, និកាមនំ និកន្តិ, បក្កមនំ បក្កន្តិ, ខមនំ ខន្តិ, តននំ តន្តិ, ទមនំ ទន្តិ, ភមនំ ភន្តិ, វិព្ភន្តិ, មននំ មន្តិ, សមនំ សន្តិ ឥច្ចាទិ។
តុបច្ចយេ-បក្កមតីតិ
និបុព្ពោ យមុ-និយមនេ, និយាមេតីតិ និយន្តា, វមតីតិ វន្តា, សមតីតិ សន្តា, ហនតីតិ ហន្តា ឥច្ចាទិ។
ត្វាទីសុ-គន្ត្វា, គន្ត្វាន, គន្តុន, មន្ត្វា, មន្ត្វាន, មន្តុន, ហន្ត្វា, ហន្ត្វាន, ហន្តុន ឥច្ចាទិ។
តុំ, តវេសុ-បក្កន្តុំ, បក្កន្តវេ, ខននំ ខន្តុំ, ខន្តវេ, គមនំ គន្តុំ, គន្តវេ, មននំ មន្តុំ, មន្តវេ, ហននំ ហន្តុំ, ហន្តវេ ឥច្ចាទិ។
តព្ពម្ហិ-អភិក្កន្តព្ពំ, បដិក្កន្តព្ពំ, ខញ្ញតេតិ ខន្តព្ពំ, គច្ឆីយតេតិ គន្តព្ពំ, មញ្ញតេតិ មន្តព្ពំ, វមីយតេតិ វន្តព្ពំ, ហញ្ញតេតិ ហន្តព្ពំ ឥច្ចាទិ។
ឥតិ វគ្គន្តរូបរាសិ។
ធាត្វន្តវិការរាសិ និដ្ឋិតោ។
បច្ចយវិការរាសិ
កាទេសរាសិ
អថ បច្ចយវិការរាសិ វុច្ចតេ។
៧៣៤. បចា កោ
បចម្ហា ត, តវន្តូនំ តស្ស កោ ហោតិ។
បច្ចិត្ថាតិ បក្កោ, បក្កវា។
ពហុលាធិការា
មុច-មោចនេ។
៧៣៥. មុចា វា
មុចម្ហា ត, តវន្តូនំ តស្ស អនន្តរស្ស កោ ហោតិ វា។
ឱមុច្ចិត្ថាតិ ឱមុក្កោ, ឱមុក្កវា, បដិមុក្កោ, បដិមុក្កវា។
សុស-សោសនេ។
៧៣៦. សុសា ខោ
សុសម្ហា ត, តវន្តូនំ តស្ស ខោ ហោតិ។
សុស្សិត្ថាតិ សុក្ខោ, សុក្ខវា។
៧៣៧. គោ ភន្ជាទីហិ
ភន្ជាទីហិ ត, តវន្តូនំ តស្ស គោ ហោតិ។
អភញ្ជិត្ថាតិ ភគ្គោ, ភគ្គវា, ឱភគ្គោ, សម្ភគ្គោ, បលិភគ្គោ។
លគ-លគ្គនេ, លគិត្ថាតិ លគ្គោ, លគ្គវា, វិលគ្គោ, វិលគ្គវា។
មុជ-មុជ្ជនេ, មុជ្ជិត្ថាតិ មុគ្គោ, មុគ្គវា, និម្មុគ្គោ, ឧម្មុគ្គោ។
វិជ-ភយ, ចលនេសុ, សំវិជិត្ថាតិ សំវិគ្គោ, សំវិគ្គវា, ឧព្ពិគ្គោ, ឧព្ពិគ្គវា។
លុជ-វិនាសេ, បលុជិត្ថាតិ បលុគ្គោ, បលុគ្គវា, ឱលុគ្គោ, ឱលុគ្គវា, វិលុគ្គោ, វិលុគ្គវា ឥច្ចាទិ។
ឥតិ កាទេសរាសិ។
ឋាទេសរាសិ
ឥសុ អាស, ឯស, កស, កិស, កិលិស, កុស, ឃុស, ជុស, តុស, ទិស, ទុស, ទំស, នស, បិស, បុស, បុច្ឆ, ផុស, ភស្ស, ភជ្ជ, មជ, មស, មុស, វស្ស, វិស, សជ, សិស, សិលិស, ហស, ហស្ស, ហំស។
៧៣៨. សានន្តរស្ស តស្ស ឋោ
សការន្តេហិ ធាតូហិ បរស្ស អនន្តរស្ស បច្ចយតការស្ស ឋោ ហោតិ, ធាត្វន្តស្ស បររូបត្តំ, ‘ចតុត្ថទុតិយេស្វេស’ន្តិ សំយោគាទិស្ស បឋមត្តំ។
ឥសុ-ឥច្ឆា, កន្តីសុ, ឥច្ឆីយតេតិ ឥដ្ឋោ, បរិយិដ្ឋោ។
អាស-ឧបវេសនេ, វិបរិតតោ អាសតិ ឧបវីសតីតិ វិបល្លដ្ឋោ។
កស-វប្បនេ វិលេខនេ ច។
៧៣៩. កសស្សិម ច វា
កសម្ហា បរស្ស បច្ចយតការស្ស ឋោ ហោតិ, កសស្ស អាទិសរម្ហា បរំ ឥម ច ហោតិ វា។
កស្សិត្ថាតិ កិដ្ឋំ-សស្សំ, កដ្ឋំ វា។
ឧបបុព្ពោ អាសន្នេ, ឧបកដ្ឋោ។
វិបុព្ពោ បវាសេ, វូបកដ្ឋោ។
កិស-ហានិម្ហិ, បដិកិដ្ឋោ, និហីនោតិ អត្ថោ។
កិលិស-វិពាធនេ ឧបតាបេ ច, កិលិស្សតីតិ កិលិដ្ឋោ, សំកិលិដ្ឋោ, ឧបក្កិលិដ្ឋោ។
កុស-អក្កោសេ, អក្កោសីយិត្ថាតិ អក្កុដ្ឋោ។ អក្កុដ្ឋោ ជាតិវាទេន។
ឃុស-សទ្ទេ
ជុស-សេវាយំ, ជុសីយិត្ថាតិ ជុដ្ឋោ។
តុស-បីតិម្ហិ, តុស្សិត្ថាតិ តុដ្ឋោ, សន្តុដ្ឋោ។
ទិស-បេក្ខនេ, បស្សីយិត្ថាតិ ទិដ្ឋោ, សន្ទិដ្ឋោ។
ទិសី-កថនេ, ឧទ្ទិសីយិត្ថាតិ ឧទ្ទិដ្ឋោ, និទ្ទិសីយិត្ថាតិ និទ្ទិដ្ឋោ, អបទិសីយិត្ថាតិ អបទិដ្ឋោ។
ទុស-ទូសនេ, ទុសីយិត្ថាតិ ទុដ្ឋោ។
ទំស-ទំសនេ, ទំសីយិត្ថាតិ ទដ្ឋោ, និគ្គហីតលោបោ។
នស-អទស្សនេ, នស្សិត្ថាតិ នដ្ឋោ, វិនដ្ឋោ។
បិស-ចុណ្ណិយេ, បិសីយិត្ថាតិ បិដ្ឋំ។
បុស-បោសនេ, បោសីយិត្ថាតិ បុដ្ឋោ, បរបុដ្ឋោ។
ផុស-សម្ផស្សេ, ផុសីយិត្ថាតិ ផុដ្ឋោ, សម្ផុដ្ឋោ។
ភស្ស-កថនេ ចវនេ ច, ភស្សិត្ថាតិ ភដ្ឋោ, អាភដ្ឋោ។
មស-អាមសនេ វិជ្ឈនេ ច, មសីយិត្ថាតិ មដ្ឋោ, អាមដ្ឋោ, ឱមដ្ឋោ, ឧម្មដ្ឋោ។ សត្តិយា វិយ ឱមដ្ឋោ
មុស-នស្សនេ, មុស្សិត្ថាតិ មុដ្ឋោ, បមុដ្ឋោ, សម្មុដ្ឋោ។
វស្ស-សេចនេ, វស្សិត្ថាតិ វុដ្ឋោ-ទេវោ, ‘អស្សូ’តិ ឧត្តំ។
វិស-បវេសនេ, បវិសិត្ថាតិ បវិដ្ឋោ, និវិដ្ឋោ, ឧបវិដ្ឋោ។
សិស-សេសេ, អវសេសិត្ថាតិ អវសិដ្ឋោ។
វិបុព្ពោ វិសេសនេ, វិសេសិត្ថាតិ វិសិដ្ឋោ។
សិលិស-សិលេសនេ, សិលិស្សិត្ថាតិ សិលិដ្ឋោ។
ហស-ហាសេ,
ហស្ស, ហំសធាតុយោ សទិសា ឯវ។
បុច្ឆ-បុច្ឆាយំ។
៧៤០. បុច្ឆាទិតោ
បុច្ឆាទីហិ បរស្ស អន្តរស្ស បច្ចយតការស្ស ឋោ ហោតិ។
បុច្ឆីយិត្ថាតិ បុដ្ឋោ។
ភជ្ជ-ភជ្ជនេ, ភជ្ជិត្ថាតិ ភដ្ឋំ-ធញ្ញំ។
មជ-សុទ្ធិយំ, សុដ្ឋុ មជ្ជិត្ថាតិ សម្មដ្ឋោ-ភូមិភាគោ។
សជ-សំសគ្គាទីសុ, សំសជ្ជិត្ថាតិ សំសដ្ឋោ, វិសដ្ឋោ, និសដ្ឋោ, ឱសដ្ឋោ។
យជ-បូជាយំ។
៧៤១. យជស្ស យស្ស ដិយី
យជស្ស យការស្ស ដិ, យិអាទេសា ហោន្តិ កានុពន្ធេ បច្ចយតការេ ត្វាទិវជ្ជិតេ។
យជិត្ថាតិ ឥដ្ឋោ, យិដ្ឋោ។
តិបច្ចយម្ហិ-បរិយេសនំ បរិយេដ្ឋិ។
ឯស-គវេសនេ, ឯសនំ ឯដ្ឋិ, បរិយេដ្ឋិ, តុស្សនំ តុដ្ឋិ, សន្តុដ្ឋិ, ទស្សនំ ទិដ្ឋិ, សន្ទិដ្ឋិ, វស្សនំ វុដ្ឋិ, ‘អស្សូ’តិ ឧត្តំ។ វិសជ្ជនំ វិសដ្ឋិ។
ត្វាទីសុ-ទិស-បេក្ខនេ, ‘ទិសស្ស បស្សទស្សទសាទទក្ខា’តិ សុត្តេន ទិសស្ស ទសាទេសោ, មហាវុត្តិនា វការលោបោ, ទដ្ឋា, ទដ្ឋាន, ទដ្ឋុន។
‘តុំយានា’តិ
តុំ, តវេសុ-ទដ្ឋុំ, ទដ្ឋវេ, បុច្ឆនំ បុដ្ឋុំ, បុដ្ឋវេ។
តព្ពម្ហិ-តុស្សិតព្ពន្តិ តុដ្ឋព្ពំ, តោដ្ឋព្ពំ, បស្សិតព្ពន្តិ ទដ្ឋព្ពំ, បុច្ឆិតព្ពន្តិ បុដ្ឋព្ពំ, ផុសិតព្ពន្តិ ផោដ្ឋព្ពំ។
ឥតិ ឋាទេសរាសិ។
ឍាទេសរាសិ
៧៤២. ទហា ឍោ
ទហម្ហា បរស្ស អនន្តរស្ស បច្ចយតការស្ស ឍោ ហោតិ, បររូបត្តេ សំយោគាទិស្ស តតិយត្តំ។
ទហ-ទយ្ហនេ, ទយ្ហិត្ថាតិ ទឌ្ឍោ។
៧៤៣. ពហស្សុម ច
ពហម្ហា បរស្ស អនន្តរស្ស តស្ស ឍោ ហោតិ, ពហស្ស អាទិសរម្ហា ឧម ច ហោតិ។
ពហ-វុទ្ធិយំ, អពហីតិ ពុឌ្ឍោ, ពស្ស វោ, វុឌ្ឍោ។
តិម្ហិ-ពហនំ វុឌ្ឍិ។
៧៤៤. លោបោ វឌ្ឍា តិស្ស
វឌ្ឍម្ហា បរស្ស តិបច្ចយស្ស តការស្ស លោបោ ហោតិ។
វឌ្ឍ-វឌ្ឍនេ, វឌ្ឍនំ វុឌ្ឍិ។
ឥតិ ឍាទេសរាសិ។
ណាទេសរាសិ
កិរ ខី, ចរ, ជរ, តរ, ថរ, បូរ។
៧៤៥. កិរាទីហិ ណោ។
កិរាទីហិ បរេសំ ត, តវន្តូនំ តការស្ស អនន្តរភូតស្ស ណោ ហោតិ, ធាត្វន្តស្ស បររូបត្តំ។
កិរ-អាកិរណេ សម្មិស្សន, ខិបនេសុ ច, កិរិត្ថាតិ កិណ្ណោ, បកិណ្ណោ, អាកិណ្ណោ, វិក្កិណ្ណោ, សំកិណ្ណោ, សមាកិណ្ណោ។
បូរ-បូរណេ, បូរិត្ថាតិ បុណ្ណោ, សម្បុណ្ណោ, បរិបុណ្ណោ។
ខី-ខយេ, ខិយិត្ថាតិ ខីណោ។
កិណ្ណវា, បុណ្ណវា, ខីណវា។
៧៤៦. តរាទីហិ រិណ្ណោ
តរាទីហិ បរេសំ ត, តវន្តូនំ តការស្ស អនន្តរភូតស្ស រិណ្ណោ ហោតិ។ ‘រានុពន្ធេន្តសរាទិស្សា’តិ ធាត្វន្តព្យញ្ជនស្ស អាទិសរស្ស ច លោបោ។
ចរ-គតិ, ភក្ខនេសុ, ចរិត្ថ, ចរីយិត្ថាតិ វា ចិណ្ណោ, អាចិណ្ណោ, សមាចិណ្ណោ។
ជរ-ជិរណេ, ជិយ្យិត្ថាតិ ជិណ្ណោ, អនុជិណ្ណោ, បរិជិណ្ណោ។
តរ-តរណេ, តរិត្ថាតិ តិណ្ណោ, ឧត្តិណ្ណោ, និត្តិណ្ណោ, វិតិណ្ណោ, ឱតិណ្ណោ, សមោតិណ្ណោ។
ថរ-វិត្ថារេ, វិត្ថរិត្ថាតិ វិត្ថិណ្ណោ។
ចិណ្ណវា, ជិណ្ណវា, តិណ្ណវា, វិត្ថិណ្ណវា។
ឥតិ ណាទេសរាសិ។
ថាទេសរាសិ
៧៤៧. ធស្តោឱស្តា។
ធស្តោ
ធំស-វិទ្ធំសនេ, វិទ្ធំសតីតិ វិទ្ធស្តោ, វិទ្ធំសិតោ វា។
តស-សន្តាសេ, ឧត្រសតីតិ ឧត្រស្តោ, ឧត្តសិតោ វា។
ភស-ភស្មីករណេ, ភសន្តិ ភស្មិំ ករោន្តិ ឯតេនាតិ ភស្តា, ភស្ត្រា វា, កម្មារគគ្គរី, ឯវមាទីនិបិ ឥធ វេទិតព្ពានិ។
៧៤៨. សាស វស សំស ហំសា ថោ
ឯតេហិ បរស្ស អនន្តរស្ស បច្ចយតការស្ស ថោ ហោតិ។
សាស-អនុសិដ្ឋិម្ហិ។
៧៤៩. សាសស្ស សិសា
សាសស្ស សិសា ហោន្តិ កានុពន្ធេ បច្ចយតការេ ត្វាទិវជ្ជិតេ, ធាត្វន្តស្ស បររូបត្តំ សំយោគាទិស្ស ច បឋមត្តំ។
សាសីយតីតិ សិត្ថោ, អនុសាសីយតីតិ អនុសិដ្ឋោ។ ‘‘អនុសិដ្ឋោ សោ មយា’’តិ
វស-និវាសេ, ‘អស្សូ’តិ ឧត្តំ, អវសីតិ វុត្ថោ, វសីយិត្ថាតិ វា វុត្ថោ, វស្សំ វសិត្ថាតិ វស្សំវុត្ថោ, អាវសីយិត្ថាតិ អាវុត្ថំ-ជេតវនំ, និវសិត្ថាតិ និវុត្ថោ, អជ្ឈាវសិត្ថាតិ អជ្ឈាវុត្ថោ។ ពហុលាធិការា ‘‘រុក្ខេ អធិវត្ថា
សំស-បសំសនេ, បសំសីយិត្ថាតិ បសត្ថោ។
ហំស-បហំសនេ, ហំសីយិត្ថាតិ ហត្ថោ, និគ្គហីតលោបោ, បហត្ថោ។
តិបច្ចយម្ហិ-អនុសាសនំ អនុសិត្ថិ, អនុសិដ្ឋិ វា, និវសនំ និវុត្ថិ។
តុបច្ចយម្ហិ-សទេវកំ លោកំ សាសតិ អនុសាសតីតិ សត្ថា។
តវន្តុបច្ចយម្ហិ-និវសិត្ថាតិ និវុត្ថវា។
តាវីម្ហិ-និវុត្ថាវី។
តុំ, តវេសុ-វសនំ វត្ថុំ, វត្ថវេ។
តព្ពម្ហិ-ទ្វារមូលេ វត្ថព្ពំ, សភាយេ វត្ថព្ពំ។
វស-បរិទហនេ, ពហុលាធិការា ឧត្តំ នត្ថិ, វាសិតព្ពន្តិ វត្ថំ, និវាសីយិត្ថាតិ និវត្ថំ, វត្ថព្ពំ, និវត្ថព្ពំ។
ឥតិ ថាទេសរាសិ។
ធាទេសរាសិ
ឥធ, កុធ, គិធ, ពធ, ពុធ, ពុធិ, មិធ, យុធ, រាធ, រុធ, វិធ, សិធ, សុធ, ថភិ, រភ, លភ, លុភ, សម្ភូ, ទុហ, នហ, មុហ។
៧៥០. ធោ ធភហេហិ
ឯតេហិ បរស្ស អនន្តរស្ស តស្ស ធោ ហោតិ។
ឥធ-ឥជ្ឈនេ
កុធ-កោបេ, កុជ្ឈតីតិ កុទ្ធោ, សំកុទ្ធោ។
គិធ-គេធេ, គិជ្ឈិត្ថាតិ គិទ្ធោ, អនុគិទ្ធោ, អភិគិទ្ធោ។
ពធ-ពន្ធនេ, ពជ្ឈិត្ថាតិ ពទ្ធោ, បពទ្ធោ, អាពទ្ធោ, និពទ្ធោ។
ពុធ-ញាណេ ជាគរេ វិកសនេ ច, ពុជ្ឈតិ ជានាតីតិ ពុទ្ធោ, សម្ពុទ្ធោ, សម្មាសម្ពុទ្ធោ, បពុជ្ឈតិ ជាគរោតីតិ វា បពុទ្ធោ, បដិពុទ្ធោ។
ពុធិ-និវារណេ, បរិពុន្ធីយតីតិ បលិពុទ្ធោ។ វាតបលិពុទ្ធោ, បិត្តបលិពុទ្ធោ, សេម្ហបលិពុទ្ធោ។
មិធ-មិជ្ឈនេ, មិជ្ឈតីតិ មិទ្ធំ, មិទ្ធោ។ កបិមិទ្ធោ។
យុធ-សម្បហារេ, យុជ្ឈីយតេតិ យុទ្ធំ។ មល្លយុទ្ធំ, មេណ្ឌយុទ្ធំ, ហត្ថិយុទ្ធំ, កុក្កុដយុទ្ធំ។
រាធ-អារាធនេ, អារាធយិត្ថាតិ អារទ្ធោ, អភិរទ្ធោ។
វិបុព្ពោ-វិរជ្ឈនេ, វិរទ្ធោ។
រុធ-អាវរណេ, រុន្ធីយិត្ថាតិ រុទ្ធោ, ឱរុទ្ធោ, អវរុទ្ធោ។
និបុព្ពោ-និរោធេ, និរុជ្ឈិត្ថាតិ និរុទ្ធោ។
វិបុព្ពោ-វិរោធេ, វិរុជ្ឈិត្ថាតិ វិរុទ្ធោ, បដិវិរុទ្ធោ។
អនុបុព្ពោ-កន្តិយំ, អនុរុទ្ធោ។
វិធ-វិជ្ឈនេ, វិជ្ឈិត្ថាតិ វិទ្ធោ។ សល្លវិទ្ធោ។
សិធ-និប្ផត្តិយំ, សិជ្ឈិត្ថាតិ សិទ្ធោ។
បបុព្ពោ-បាកដភាវេ, បសិទ្ធោ។
និ, បដិបុព្ពោ និវារណេ, និសិទ្ធោ, បដិសិទ្ធោ។
សុធ-សុជ្ឈនេ, សុជ្ឈតីតិ សុទ្ធោ, វិសុទ្ធោ, បរិសុទ្ធោ។
ថភិ-ថម្ភនេ
រភ-អារភេ, អារភិត្ថាតិ អារទ្ធោ, អារព្ភិត្ថាតិ វា អារទ្ធោ, សមារទ្ធោ។
លភ-លាភេ, អលភីតិ លទ្ធោ, លព្ភិត្ថាតិ វា លទ្ធោ, បដិលទ្ធោ, ឧបលទ្ធោ។
លុភ-គិទ្ធិយំ, លុព្ភតីតិ លុទ្ធោ, បលុទ្ធោ, វិលុទ្ធោ។
សម្ភូ-បស្សទ្ធិយំ, បស្សម្ភិត្ថាតិ បស្សទ្ធោ។
ទុហ-ទោហនេ, ទុយ្ហិត្ថាតិ ទុទ្ធា-គាវី។
នហ-ពន្ធនេ, សន្នយ្ហិត្ថាតិ សន្នទ្ធោ, ឱនទ្ធោ, អវនទ្ធោ។
មុហ-អន្ធភាវេ, មុយ្ហតីតិ មុទ្ធោ-ពាលោ។
តិបច្ចយម្ហិ-ឥជ្ឈនំ ឥទ្ធិ, ឥជ្ឈន្តិ ឯតាយាតិ វា ឥទ្ធិ, សមិជ្ឈនំ សមិទ្ធិ, គិជ្ឈនំ គិទ្ធិ, មិជ្ឈនំ មិទ្ធិ, អភិរាធនំ អភិរទ្ធិ, វិរុជ្ឈនំ វិរុទ្ធិ, បដិវិរុទ្ធិ, សិជ្ឈនំ សិទ្ធិ, សំសិទ្ធិ, បដិសិទ្ធិ, សុជ្ឈនំ សុទ្ធិ, វិសុទ្ធិ, បារិសុទ្ធិ, លភនំ លទ្ធិ, ឧបលទ្ធិ, លុព្ភនំ លុទ្ធិ, បស្សម្ភនំ បស្សទ្ធិ, មុយ្ហនំ មុទ្ធិ។
តវន្តុ, តាវីសុ- ‘‘សមិទ្ធា, សមិទ្ធាវី’’តិអាទិនា វត្តព្ពំ។
ត្វាទីសុ-រភ-អារភេ, អារទ្ធា, អារទ្ធាន។
លភ-លាភេ, លទ្ធា, លទ្ធាន, បដិលទ្ធា, បដិលទ្ធាន។
តុំ, តវេសុ-ពុធ-ញាណេ, ពុទ្ធុំ, ពុទ្ធវេ, សុពុទ្ធុំ, សុពុទ្ធវេ, ពោទ្ធុំ, ពោទ្ធវេ, លទ្ធុំ, លទ្ធវេ, បដិលទ្ធុំ, បដិលទ្ធវេ។
តព្ពម្ហិ-ពោទ្ធព្ពំ, លទ្ធព្ពំ, បដិលទ្ធព្ពំ។
៧៥១. វទ្ធស្ស វា។
វទ្ធស្ស ឧ ហោតិ វា កានុពន្ធេ បច្ចយតការេ ត្វាទិវជ្ជិតេ។
វទ្ធិត្ថាតិ
ឥតិ ធាទេសរាសិ។
វិសំយោគនាទេសរាសិ
ហា, ឥ, ចិ, ជិ, ដិ, ថី, ទី,បី, មិ, លី, ថុ, ទូ, ធូ, បូ, ភូ, លូ, វុ, សុ, ហុ, អាស, កថ, កុប, បល, មល, សុប, បឡ។
៧៥២. ភិទាទិតោ នោ ក្ត, ក្តវន្តូនំ។
ភិទាទិម្ហា បរេសំ ក្ត, ក្តវន្តូនំ តការស្ស អនន្តរភូតស្ស នោ ហោតិ។
ហា-ចាគេ, ហីយិត្ថាតិ ហីនោ, បហីនោ, និហីនោ, ឱហីនោ។ ឯត្ថ ច នោអាទេសំ កត្វា បច្ឆា ‘ឩព្យញ្ជនស្សា’តិ ឦអាគមោ, តស្ស ច ក្វចិ រស្សោ។ ឯវំ បរត្ថ។
អធិបុព្ពោ-ឥ-អាយត្តេ, អធិច្ច ឯតីតិ អធិនោ។
ចិ-ចយេ, ចយិត្ថាតិ ចិនោ, អាចិនោ។
ជិ-ជយេ, បញ្ចមារេ ជិនាតីតិ ជិនោ។
ឌិ-គតិយំ, ឌេតីតិ ឌិនោ។
ថី-សង្ឃាតេ, ថីយតីតិ ថិនំ។
ទី-ខយេ, អនុក្កមេន ទីយតិ ខិយ្យតីតិ ទិនោ-ទិវសោ។
បី-តប្បនេ, បីនិត្ថាតិ បីនោ។
មិ-បក្ខេបេ, មិនាតីតិ មិនោ។
លី-លយេ, លីយិត្ថាតិ លីនោ, អល្លីយិត្ថាតិ អល្លីនោ។ និលីយិត្ថាតិ និលីនោ, បដិលីយិត្ថាតិ បដិលីនោ, បដិលីនចរោ ភិក្ខុ, បដិសល្លីយិត្ថាតិ បដិសល្លីនោ។
ថុ-និត្ថុននេ
ទូ-ខេទេ, ទូយតេតិ ទូនោ។
ធូ-និទ្ធូននេ, អហិតេ ធម្មេ ធុនាតីតិ ធុនោ, ធោនោបញ្ញវា។
បូ-សោធនេ, បុនាតីតិ បុនោ, ទន្តំ បុនន្តិ ឯតេនាតិ ទន្តបោណោ, នស្ស ណត្តំ។
ភូ-វុទ្ធិយំ, ភវតិ វឌ្ឍតីតិ ភូនោ-ហិតរាសិ។
លូ-ឆេទនេ, លុនាតីតិ លុនោ។
វុ-សំវរណេ, អាវុណាតីតិ អាវុណោ។
សុ-សវនេ, សុណាតីតិ សុនោ, សោណោ, នស្ស ណត្តំ។
សុ-បសវនេ វា, បសវតិ វឌ្ឍតីតិ សុនំ-ឧទ្ធុមាតំ។
ហុ-បូជា, ទានេសុ, អាហុតព្ពន្តិ អាហុនំ, បាហុតព្ពន្តិ បាហុនំ-ទាតព្ពវត្ថុ។
អាស-ឧបវេសនេ, អច្ឆតីតិ អាសិនោ, តុណ្ហី អច្ឆតីតិ តុណ្ហីមាសិនោ។
កថ-ថទ្ធេ ថេរិយេ ច, កថតីតិ កថិនំ។
កុប-កោបេ, ហិរី កុប្បតិ ឯតេនាតិ ហិរីកោបិនំ។
បល-គតិយំ, បលេតីតិ បលិនោ។
មល-មលិនភាវេ, មលតីតិ មលិនោ, មលិនំ-វត្ថំ។
សុប-សោប្បនេ, សុបតីតិ សុបិនោ។
បឡ-គតិយំ, បឡេតីតិ បឡិនោ, បឡិនា ជម្ពុទីបាតេ
ឥតិ វិសំយោគនាទេសរាសិ។
សសំយោគនាទេសរាសិ
ខិទ ឆិទ, តុទ, ទា, នុទ, បត, បទ, ភិទ, វិទ, សទ។
‘ភិទាទិតោ នោ ក្តក្តវន្តូន’ន្តិ តស្ស នោ, ធាត្វន្តស្ស បររូបត្តំ, ខិជ្ជិត្ថាតិ ខិន្នោ, ឆិជ្ជិត្ថាតិ ឆិន្នោ, សញ្ឆិន្នោ, តុទិត្ថាតិ តុន្នោ, បតុន្នោ, និតុន្នោ, វិតុន្នោ។
នុទ-ខេបេ, នុទិត្ថាតិ នុន្នោ, បនុន្នោ។
បត-បតនេ, បតតីតិ បន្នោ, បន្នធជោ, ន្នស្ស ណ្ណត្តេរុក្ខបណ្ណំ, បត្តំ វា។
បទ-គតិយំ, បជ្ជិត្ថាតិ បន្នោ, អាបន្នោ, ឧប្បន្នោ, និបន្នោ, វិបន្នោ, សម្បន្នោ, ឧបបន្នោ, សមុបបន្នោ, បរិយាបន្នោ។
ភិទ-វិទារណេ, ភិជ្ជិត្ថាតិ ភិន្នោ, បភិន្នោ, សម្ភិន្នោ, បរិភិន្នោ, វិភិន្នោ។
វិទ-តុដ្ឋិយំ, និព្ពិន្ទតីតិ និព្ពិន្នោ។
សទ វិសរណ, គត្យា’វសានេសុ, សីទិត្ថាតិ សន្នោ, ឱសន្នោ, បសីទិត្ថាតិ បសន្នោ, អភិប្បសន្នោ, និសីទិត្ថាតិ និសិន្នោ, សន្និសិន្នោ, ‘សទជរានមីម’ឥតិ ឦម, សំយោគេ រស្សោ ច។
តវន្តុម្ហិ-ខិន្នវា, ឆិន្នវា, សញ្ឆិន្នវា, តុន្នវា, បតុន្នវា, បនុន្នវា, បន្នវា, អាបន្នវា, ភិន្នវា, សម្ភិន្នវា, សន្នវា, បសន្នវា, និសិន្នវា។
៧៥៣. ទាត្វិន្នោ
ទាធាតុម្ហា បរេសំ ត, តវន្តូនំ តស្ស ឥន្នោ ហោតិ។
ទីយិត្ថាតិ ទិន្នោ, បទិន្នោ, អាទិន្នោ, សមាទិន្នោ, ឧបាទិន្នោ, បរិយាទិន្នោ, ន្នស្ស ណ្ណត្តេ ឧបាទិណ្ណោ។
ឥតិ សសំយោគនាទេសរាសិ។
ហាទេសរាសិ
ឩហ គាហុ, គុហ, ពហ, ពាហ, ពុហ, មុហ, រុហ, វហ។
៧៥៤. រុហាទីហិ ហោ ឡោ ច
រុហាទីហិ បរស្ស អនន្តរភូតស្ស តបច្ចយស្ស តការស្ស ហោ ហោតិ, ធាត្វន្តស្ស ឡោ ហោតិ។
ឩហ-សញ្ចយេ, ព្យូហិត្ថាតិ ព្យូឡ្ហោ, វិយូឡ្ហោ, បរិព្យូឡ្ហោ, ទេវាសុរសង្គាមោ សមុបព្យូឡ្ហោ អហោសិ
គាហុ-ភុសត្ថេ វិលោលនេ ច, មា គាឡ្ហំ បរិទេវយិ។ អាគាឡ្ហាយ ចេតេតិ។ គាហិត្ថាតិ គាឡ្ហោ, បគាឡ្ហោ, អាគាឡ្ហោ, ឱគាឡ្ហោ, អជ្ឈោគាឡ្ហោ
ពហ-វុទ្ធិម្ហិ។
៧៥៥. មុហពហពុហានញ្ច តេ កានុពន្ធេត្វេ
ត្វាទិវជ្ជិតេ កានុពន្ធេ បច្ចយតការេ បរេ មុហ, ពហ, ពុហានញ្ច គុហស្ស ច ទីឃោ ហោតិ។
‘រុហាទីហិហោ ឡោ ចា’តិ ធាត្វន្តស្សឡោ, តបច្ចយស្ស ហោ, អពហីតិ ពាឡ្ហំ។
ពុហ-ឧទ្ធរណេ, អពុហិត្ថាតិ ពូឡ្ហោ, អព្ពូឡ្ហោ, អពូឡ្ហសល្លោ
មុហ-អន្ធភាវេ។
៧៥៦. មុហា វា។
មុហម្ហា បរស្ស អនន្តរភូតស្ស តការស្ស ហោ ហោតិ, ធាត្វន្តស្ស ច ឡោ ហោតិ វា។
មុយ្ហិត្ថាតិ
រុហ-ជននេ, គតិយញ្ច, រុហិត្ថាតិ រូឡ្ហោ, បរូឡ្ហោ, អារូឡ្ហោ, ឱរូឡ្ហោ, វិរូឡ្ហោ, និរូឡ្ហោ។
វហ-បាបនេ, វហិត្ថាតិ វូឡ្ហោ, ‘អស្សូ’តិ ឧត្តំ។
តិបច្ចយម្ហិ-រុហនំ រូឡ្ហិ, និរុហនំ និរូឡ្ហិ, វិរុហនំ វិរូឡ្ហិ។
ត្វាទីសុ –
៧៥៧. ប្យោ វា ត្វាស្ស សមាសេ។
សមាសដ្ឋានេ ត្វាបច្ចយស្ស បានុពន្ធោ យោ ហោតិ វា។ បានុពន្ធោ ‘ប្យេ សិស្សា’តិ វិសេសនត្ថោ។ ‘ហស្ស វិបល្លាសោ’តិ ហ, យានំ វិបរិយាយោ។
ព្យុយ្ហ, បរិព្យុយ្ហ។ ព្យូហិត្វា, វិយូហិត្វា វា, វិគាយ្ហ, វិគាហិត្វា, ឱគាយ្ហ, ឱគាហិត្វា, អជ្ឈោគាយ្ហ, អជ្ឈោគាហិត្វា។
ពហុលាធិការា អសមាសេបិ ប្យោ ហោតិ, គុយ្ហ, គូហិត្វា, និគុយ្ហ, និគូហិត្វា, ឱគុយ្ហ, ឱគូហិត្វា។
នហ-ពន្ធនេ, សន្នយ្ហ, សន្នាហិត្វា។
ពាហ-និវារណេ, ទីឃោ, ពាយ្ហ, ពាហិត្វា, បដិពាយ្ហ, បដិពាហិត្វា។
ពុហ-ឧទ្ធរណេ បបុព្ពោ, បព្ពុយ្ហ។ សមូលំ តណ្ហំ បព្ពុយ្ហ
អាបុព្ពោ-អព្ពុយ្ហ, ‘‘អព្ពុហេ សល្លមត្តនោ’’តិ អាទីសុ វិយ។ បមុយ្ហ, បមុយ្ហិត្វា, វិមុយ្ហ, វិមុយ្ហិត្វា, សម្មុយ្ហ, សម្មុយ្ហិត្វា, អារុយ្ហ, អារុហិត្វា, អារោហិត្វា, ឱរុយ្ហ, ឱរោហិត្វា។
សហ-សហនេ, បសយ្ហ, បសហិត្វា វា។
ឥតិ ហាទេសរាសិ។
ត្វាទិវិការរាសិ
អថ
ឥ, ករ, ហន។
៧៥៨. ឥតោ ច្ចោ។
ឥធាតុម្ហា បរស្ស ត្វាស្ស ច្ចោ ហោតិ វា។
បេច្ច, សមេច្ច, អភិសមេច្ច, អវេច្ច, អន្វេច្ច, អបេច្ច, ឧបេច្ច, សមុបេច្ច, អធិច្ច, អតិច្ច, បដិច្ច។
វាតិ កិំ? ឧបេត្វា, សមុបេត្វា, អធិយិត្វា។
៧៥៩. សាធិករា រច្ចរិច្ចា
សន្ត, អធិបរា ករម្ហា ត្វាស្ស រច្ច, រិច្ចា ហោន្តិ វា, សុត្តវិភត្តំ ឥធ លព្ភតិ។
សក្កច្ច, ‘សក្កច្ច’ន្តិ ពិន្ទាគមោ, អធិកិច្ច។
វាតិ កិំ? សក្កត្វា, សក្ករិត្វា, អធិករិត្វា។
សុត្តវិភត្តេ-អត្តំ និរំកច្ច បិយានិ សេវតិ
៧៦០. ហនា រច្ចោ
ហនម្ហា ត្វាស្ស រច្ចោ ហោតិ វា សមាសេ។ សុត្តវិភត្តេន ហរម្ហាបិ។
អាហច្ច, ឧហច្ច, វិហច្ច, សំហច្ច, ឧបហច្ច។
វាតិ កិំ? អាហនិត្វា, ឧហនិត្វា, វិហនិត្វា, សំហនិត្វា។
ហរម្ហិ-សា
ទិស-បេក្ខនេ។
៧៦១. ទិសា វានវា ស ច
ទិសម្ហា ត្វាស្ស វាន, វា ហោន្តិ វា, ទិសស្ស ច សស្ស ស ហោតិ, បររូបនិសេធនមិទំ។
ទិស្វាន, ទិស្វា។
វាតិ កិំ? បស្សិត្វា។
ខា, ញា, ទា, ធា, ហា, កិ, ខិ, ចិ, ជិ, នី, លី, សិ, ភូ។
‘ប្យោ វា ត្វាស្ស សមាសេ’តិ ត្វាស្ស យោ, មហាវុត្តិនា វិកប្បេន ក្វចិ យលោបោ, សំបុព្ពោ ខា-ញាណេ, សង្ខាយ, សង្ខា, បដិសង្ខាយ, បដិសង្ខា, អញ្ញាយ, អញ្ញា, អភិញ្ញាយ, អភិញ្ញា, បរិញ្ញាយ, បរិញ្ញា។
សមាសេតិ កិំ? ញត្វា។
វាតិ កិំ? អាជានិត្វា, អភិជានិត្វា, បរិជានិត្វា។
អធិដ្ឋាយ, អធិដ្ឋា, បតិដ្ឋាយ, បតិដ្ឋា។
សមាសេតិ កិំ? ឋត្វា។
វាតិ កិំ? អធិដ្ឋហិត្វា, បតិដ្ឋហិត្វា។ មហាវុត្តិនា ឥត្តំ, ឧបដ្ឋិត្វា។
អាទាយ, ឧបាទាយ, ឧបាទា។
សមាសេតិ កិំ? ទត្វា។
វាតិ កិំ? អាទិយិត្វា, សមាទិយិត្វា, ‘ឩ ព្យញ្ជនស្សា’តិ ឦអាគមោ, ‘ទាស្សិយង’ឥតិ សុត្តេន សរេ បរេ សមាសេ ឥយាទេសោ។
៧៦២. តុំយានា។
ត្វាស្ស
ពហុលាធិការា គាថាយំ អសមាសេបិ, នេក្ខមំ ទដ្ឋុ ខេមតោ
អភិហត្តុំ បវារេយ្យ, ‘‘អភិហដុ’’ន្តិបិ បាឋោ, សំយោគាទិស្ស លោបោ តស្ស ដត្តំ។ ‘‘អភិហដ្ឋុ’’ន្តិបិ
អាទិយាន, ឧបាទិយាន។ វិធាយ, និធាយ, សន្ធាយ, ឱធាយ, សមោធាយ, វិទហិត្វា, និទហិត្វា, ឱទហិត្វា, សមោទហិត្វា។ បហាយ, វិហាយ, ឱហាយ, ហិត្វា, ជហិត្វា។
ឥវណ្ណេសុ ប្យស្ស ទ្វិត្តំ, វិក្កិយ្យ, វិក្កិណិត្វា។
វិចេយ្យ ទានំ ទាតព្ពំ
៧៦៣. ប្យេ សិស្សា
ប្យេ បរេ សិស្ស អា ហោតិ។
និស្សាយ, ឧបនិស្សាយ, អបស្សាយ, អបស្សយិត្វា, អវស្សាយ, អវស្សយិត្វា។
វាតិ កិំ? អធិសេត្វា, អធិសយិត្វា។
ភូ-សត្តាយំ, រស្សត្តំ, សម្ភុយ្យ, វិភុយ្យ, អនុភុយ្យ, អធិភុយ្យ, បរិភុយ្យ, អភិភុយ្យ។
សមាសេតិ
ព្យញ្ជនន្តធាតូសុ ‘វគ្គលលេហិ តេ’តិ សុត្តេន ចវគ្គ, បវគ្គ, សការេហិ យស្ស បុព្ពរូបត្តំ។ តវគ្គេ ‘តវគ្គវរណានំ យេ ចវគ្គពយញា’តិ តវគ្គស្ស ចវគ្គោ, តតោ យស្ស បុព្ពរូបត្តំ, វិបច្ច, បរិបច្ច, វិមុច្ច, អធិមុច្ច។
មហាវុត្តិនា យលោបោ ទីឃោ ច, អាបុច្ឆា, អនាបុច្ឆា, វិភជ្ជ, សំវិភជ្ជ, វិសជ្ជ, និសជ្ជ, បដិនិសជ្ជ។
ឧជ្ឈ-វិសគ្គេ, យលោបោ, ឧជ្ឈ, ឧជ្ឈិយ, ឧជ្ឈិត្វា។
កតិ-ឆេទនេ, កច្ច, វិកច្ច, កន្តិត្វា, វិកន្តិត្វា។
និករ-វញ្ចនេ, និកច្ច កិតវស្សេវ
បត-គតិយំ, បច្ច, និបច្ច, បតិត្វា, និបតិត្វា។
កថ-កថនេ, សាកច្ឆ។
បទ-គតិយំ, បជ្ជ, អាបជ្ជ, និបជ្ជ, វិបជ្ជ, សម្បជ្ជ, ឧបសម្បជ្ជ, បដិបជ្ជ។
‘ឩ ព្យញ្ជនស្សា’តិ ឦអាគមេ ‘បទាទីនំ យុក’ឥតិ យាគមោ, បុព្ពរូបំ, បជ្ជិយ, បជ្ជិយាន, អាបជ្ជិយ, អាបជ្ជិយាន, និបជ្ជិយ, វិបជ្ជិយ, សម្បជ្ជិយ, បដិបជ្ជិយ។
អាបុព្ព សទ-ឃដ្ដនេ, អាសជ្ជ នំ តថាគតំ
ពុធ-ញាណេ, ពុជ្ឈ, សម្ពុជ្ឈ, អភិសម្ពុជ្ឈ, ពុជ្ឈិយ, ពុជ្ឈិយាន, ‘‘មរីចិកូបមំ អភិសម្ពុទ្ធានោ’’តិ បាឡិ, ទាទេសេ អស្ស ឱត្តំ កត្វា សិទ្ធា យថា ‘អនុបាទិយានោ’តិ។
វធ-ហិំសាយំ
វិធ-តាឡនេ, វិជ្ឈ, វិជ្ឈិយ។
ខន-វិលេខនេ, ខញ្ញ, ខណិយ, នាស្ស ណត្តំ។
បវគ្គេ –
ខិប្ប, និខិប្ប, សំខិប្ប, ខិបិយ, សំខិបិយ។
លពិ-អវសំសនេ, យលោបោ, អាលម្ព, វិលម្ព, អវលម្ព។
លុពិ-សន្ថម្ភនេ, ទណ្ឌមោលុម្ព តិដ្ឋតិ, ឈានមោលុម្ព វត្តតិ។
ឧបុព្ពោ ឧទ្ធរណេ ‘‘ឧល្លុម្ពតុ មំ ភន្តេ សង្ឃោ’’តិ
បក្កម្ម, អក្កម្ម, វិក្កម្ម, និក្ខម្ម, ឱក្កម្ម, អភិក្កម្ម, អតិក្កម្ម, បដិក្កម្ម, អាគម្ម, សង្គម្ម។
សម-ឧបធារណេ។ និសម្ម រាជ កយិរា, នានិសម្ម ទិសម្បតិ
សមុ-សន្តិយំ ខេទេ ច, ឧបសម្ម, វូបសម្ម, វិស្សម្ម។
កស-កឌ្ឍនេ, អបកស្ស។
ទិស-បេក្ខនេ, អាទិស្ស, ឧទ្ទិស្ស, ឱទិស្ស, អបទិស្ស។
ផុស-សម្ផស្សេ។ ផុស្ស ផុស្ស ព្យន្តីករោតិ
វស-និវាសេ។ ឧបវស្សំ ខោ បន កត្តិកតេមាសបុណ្ណមំ
វិស-បវេសនេ, បវិស្ស, និវិស្ស, អភិនិវិស្ស ឥច្ចាទិ។
ឥតិ ត្វាទិវិការរាសិ។
បច្ចយវិការរាសិ និដ្ឋិតោ។
បកតិរូបរាសិ
តាទិបច្ចយរាសិ
អថ
ត,តិ, តុ, តវន្តុ, តាវី, ត្វា, ត្វាន, តុន, តុំ, តវេ, តាយេ, តព្ព។
ទា, ខ្យា, គា, ឃា, ដា, ឋា, តា, ថា, ទា, ធា, បា, ផា, ភា, មា, យា, លា, វា, សា, ហា។
អក្ខាតោ, ស្វាក្ខាតោ, អាខ្យាតោ, វិខ្យាតោ។
‘ឩ ព្យញ្ជនស្សា’តិ ក្វចិ ឦអាគមោ រស្សោ ច, សង្គាយិតោ, ឃាយិតោ, ញាតោ។
‘ជ្យាទីហិ ក្នា’តិ នាបច្ចយោ, ជានិតោ។
ការិតេ-ញាបិតោ, ញាបយិតោ។ បុត្តំ តាយតិ រក្ខតីតិ តាតោ-បិតា។ ទត្តោ, ទ្វិត្តំ រស្សត្តញ្ច។ ទេវទត្តោ, ព្រហ្មទត្តោ, យញ្ញទត្តោ, ទាបិតោ, ទាបយិតោ។
មហាវុត្តិនា បស្ស បិវោ, បិវិតោ។
ផា-វុទ្ធិយំ, ផិតោ បភាតា រត្តិ។
មា-មានេ, មិតោ, សម្មិតោ, ឧបមិតោ, និម្មិតោ, យាតោ, លាតោ, វាតោ។
មហាវុត្តិនា វាស្សុត្តំ, និព្ពុតោ, បរិនិព្ពុតោ, និព្ពាបិតោ, បរិនិព្ពាបិតោ, ឱសិតោ, បរិយោសិតោ, ឱសាបិតោ, បរិយោសាបិតោ, បហិតោ, បជហិតោ, ហាបិតោ។
តិម្ហិ-ញត្តិ, ទត្តិ, បាតិ, ផាតិ, និព្ពុតិ, បរិនិព្ពុតិ។
តុម្ហិ-សង្ខាតា សព្ពធម្មានំ
‘ឩ លស្សេ’តិ
តវន្តុ, តាវីសុ-អក្ខតា, អក្ខាតាវី ឥច្ចាទិ។
ត្វាទីសុ សំយោគេ រស្សត្តំ, ញត្វា, ជានិត្វា, ញាបេត្វា, ជានាបេត្វា, ឋត្វា។
បាទិតោ ឋាស្ស ឋហោ, សណ្ឋហិត្វា, បតិដ្ឋហិត្វា។
ការិតេ ក្វចិ រស្សត្តំ, ឋបេត្វា, បដ្ឋបេត្វា, បតិដ្ឋាបេត្វា, ទត្វា, អាទិយិត្វា, សមាទិយិត្វា, ទជ្ជិត្វា។
ទទ-ទានេ, ត្វាស្ស ប្យោ, យម្ហិ ទស្ស ជោ, យស្ស បុព្ពរូបំ ទីឃោ, ទជ្ជា, ទាបេត្វា។
បាទិតោ រស្សោ, សមាទបេត្វា។
ធា-ធារណេ, ទ្វិត្តំ, បុព្ពស្ស តតិយត្តំ រស្សោ ច, បរស្ស ‘ធាស្ស ហោ’តិ ហោ, បទហិត្វា, វិទហិត្វា, និទហិត្វា, សទ្ទហិត្វា, ឱទហិត្វា, បិទហិត្វា, បរិទហិត្វា។
ការិតេ-អាធបេត្វា, សន្និធាបេត្វា, បិវិត្វា, បិត្វា វា, បាយេត្វា, មាបេត្វា, ឱសាបេត្វា, បរិយោសាបេត្វា, ហិត្វា, បជហិត្វា, ហាបេត្វា, បជហាបេត្វា។
តុំ, តវេសុ-អក្ខាតុំ, អក្ខាតវេ, សង្ខាតុំ, សង្ខាតវេ, ញាតុំ, ញាតវេ, ជានិតុំ, ជានិតវេ, ញាបេតុំ, ញាបេតវេ, ជានាបេតុំ, ជានាបេតវេ, ឋាតុំ, ឋាតវេ, សណ្ឋាតុំ, សណ្ឋាតវេ, សណ្ឋហិតុំ, សណ្ឋហិតវេ, ឋបេតុំ, ឋបេតវេ, សណ្ឋាបេតុំ, សណ្ឋាបេតវេ, ទាតុំ, ទាតវេ, បទាតុំ, បទាតវេ, អាទាតុំ, អាទាតវេ, ទជ្ជិតុំ, ទជ្ជិតវេ, ទាបេតុំ, ទាបេតវេ, សមាទបេតុំ, សមាទបេតវេ, សន្ធាតុំ, សន្ធាតវេ, សទ្ទហិតុំ, សទ្ទហេតុំ, សទ្ទហេតវេ, និធេតុំ, និធេតវេ
តព្ពម្ហិ-អក្ខាតព្ពំ, សង្ខាតព្ពំ, សង្ខ្យាតព្ពំ, គាយិតព្ពំ, ញាតព្ពំ, ជានិតព្ពំ, ញាបេតព្ពំ, ជានាបេតព្ពំ, ឋាតព្ពំ, ឋបេតព្ពំ, ទាតព្ពំ, អាទាតព្ពំ, សមាទាតព្ពំ, ទាបេតព្ពំ, សមាទបេតព្ពំ, វិធាតព្ពំ, វិទហិតព្ពំ, បាតព្ពំ, បិវិតព្ពំ, មិនិតព្ពំ, មិនេតព្ពំ, យាតព្ពំ, លាតព្ពំ, បហាតព្ពំ។
ឥវណ្ណេសុ វិបុព្ពោ ឥ-គត្យំ, វីតោ, វីតទោសោ វីតមោហោ
សមិតោ, សមេតោ, សមវេតោ, អបេតោ, ឧបេតោ, សមុបេតោ, អភិតោ, កីតោ, កយិតោ, កិណិតោ, ចិតោ, ចិនិតោ, អាចិតោ, ឧបចិតោ, សញ្ចិតោ, ជិតោ, បរាជិតោ, ឌិតោ, ឱឌ្ឌិតោ, នីតោ, អានីតោ, វិនីតោ, ឱណីតោ, បណីតោ, នស្ស ណត្តំ។
បីតោ, ភីតោ, មិតោ, សិតោ, និស្សិតោ, បហិតោ។
តិម្ហិ-សមិតិ, វិចិតិ, នីតិ, ទ្វិត្តេ អាទិវុទ្ធិ, នេត្តិ, សទ្ធម្មនេត្តិ, ភីតិ។
តុម្ហិ-សមេតា, អភិសមេតា, វិចេតា, ជេតា, នេតា, វិនេតា, និន្នេតា។
តវន្តុ, តាវីសុ-សមេតវា, សមេតាវី, អភិសមេតវា, អភិសមេតាវី ឥច្ចាទិ។
ត្វាទីសុ-សមេត្វា, ឧបេត្វា, កិណិត្វា, វិចិនិត្វា, ជេត្វា, វិជេត្វា, ជិនិត្វា, វិជិនិត្វា, បរាជេត្វា, នេត្វា, អានេត្វា
តុំ, តវេសុ-សមេតុំ, ឧបេតុំ, សមុបេតុំ, សមេតវេ, កេតុំ, កិណិតុំ, កេតវេ, វិចេតុំ, វិចិនិតុំ, ជេតុំ, វិជេតុំ, និតុំ, អានិតុំ, វិនិតុំ, នេតុំ, អានេតុំ, វិនេតុំ, នយិតុំ, អានយិតុំ, វិនយិតុំ, នេតវេ។
តព្ពម្ហិ-សមេតព្ពំ, កេតព្ពំ, កិណិតព្ពំ ឥច្ចាទិ។
ឧវណ្ណេសុ-ចុតោ, ចវិតោ។
ការិតេ-ចាវិតោ។
ជុតោ, ជវិតោ, ថុតោ, អភិត្ថុតោ, អភិត្ថវិតោ,
សំបុព្ពោ ធុ-វល្លភេ, សន្ធុតោ-មិត្តោ។ ‘‘អសណ្ឋុតំ ចិរសណ្ឋុតេនា’’តិបិ បាឡិ។
ទុ-គតិយំ ហិំសាយញ្ច, ទុតោ, ឧបទ្ទុតោ។
ធូ-កម្បនេ, ធុតោ, និទ្ធុតោ។
ភូតោ, សម្ភូតោ។
ការិតេ-ភាវិតោ, សម្ភាវិតោ, វិភាវិតោ, បរិភាវិតោ។
យុ-មិស្សនេ, សំយុតោ។
រុ-សទ្ទេ, រុតោ, លុតោ, វុតោ, សំវុតោ, សុសំវុតោ, សុតោ, វិស្សុតោ។
ហុ-បូជាយំ, ហុតោ។
តិម្ហិ-ចវនំ ចុតិ, ថវនំ ថុតិ, ភូតិ, វិភូតិ, សវនំ សុតិ,
តុម្ហិ-ចវិតា, ចាវេតា, ជវិតា, ថវិតា, សន្ថវិតា, សោតា, សាវេតា។
តវន្តុ
ត្វាទីសុ-ចវិត្វា, ចវិត្វាន, ចវិតុន, ជវិត្វា, អភិត្ថវិត្វា, ភុត្វា, អនុភវិត្វា, ភាវេត្វា, ភាវយិត្វា, សុត្វា, សុណិត្វា, សាវេត្វា, សាវយិត្វា។
តុំ, តវេសុ-ចវិតុំ, ចាវេតុំ, ភោតុំ, ភវិតុំ, អនុភវិតុំ, ភាវេតុំ, ភាវយិតុំ, សោតុំ, សាវេតុំ។
ហូ-សត្តាយំ, ហោតុំ។ ‘‘យា ឥច្ឆេ បុរិសោ ហោតុំ
តព្ពម្ហិ-ចវិតព្ពំ, ភវិតព្ពំ, អនុភវិតព្ពំ, ភាវេតព្ពំ, សោតព្ពំ។ ទ្វិត្តេ-សោត្តព្ពំ, សាវេតព្ពំ។
ឯទន្តេសុ មហាវុត្តិនា ក្វចិ ឯការស្ស ឥត្តំ, គាយិតោ, អបចាយិតោ, អបចិតោ វា, ឧជ្ឈាយិតោ, និជ្ឈាយិតោ, អភិជ្ឈាយិតោ។
គាយនំ គីតិ, អបចាយនំ អបចិតិ។
តុម្ហិ-គាយិតា, អបចាយិតា, ឧជ្ឈាយិតា។
តវន្តុ, តាវីសុ-គាយិតវា, គាយិតាវី ឥច្ចាទិ។
គាយិត្វា, ឈាយិត្វា, អភិជ្ឈាយិត្វា។
គាយិតុំ, គាយិតវេ, អបចាយិតុំ, អបចាយិតវេ, ឈាយិតុំ, ឈាយិតវេ, អភិជ្ឈាយិតុំ, អភិជ្ឈាយិតវេ។
គាយិតព្ពំ, អបចាយិតព្ពំ, ឧជ្ឈាយិតព្ពំ។
ឥតិ ឯកព្យញ្ជនធាតូនំ បកតិរូបរាសិ។
ភូវាទិគណ
អនេកព្យញ្ជនធាតូនំ
អត្រិទំ នយទស្សនំ –
អាស, ឥស, គមុ, ទិស។
អាស-ឧបវេសនេ, ច្ឆាទេសសុត្តេ ‘ន្ត មាន ត្យាទីសូ’តិ អធិកតត្តា តបច្ចយេសុច្ឆាទេសោ នត្ថិ, គរុំ ឧបាសិតោ, បយិរុបាសិតោ។
តុម្ហិ-ឧបាសិតា, ឧបាសេតា វា, ឧបាសិតវា, ឧបាសិតាវី, ឧបាសិត្វា, ឧបាសិត្វាន, ឧបាសិតុន។ ‘ប្យោ វា ត្វាស្ស សមាសេ’តិ ប្យាទេសេ-ឧបាសិយ, បយិរុបាសិយ, ឧបសិយាន, ឧបាសិតុំ, ឧបាសិតវេ, ឧបាសិតព្ពោ។
ឥសុ-ឥច្ឆា, កន្តីសុ, ពហុលាធិការា ច្ឆាទេសោ, ឥច្ឆិតោ, ឥច្ឆិតា, ឥច្ឆិតវា, ឥច្ឆិតាវី, ឥច្ឆិតុំ, ឥច្ឆិតវេ, ឥច្ឆិតព្ពំ។
ការិតេ-ឥច្ឆាបិតោ, ឥច្ឆាបិតា, ឥច្ឆាបិតាវី, ឥច្ឆាបេត្វា, ឥច្ឆាបេតុំ, ឥច្ឆាបេតវេ, ឥច្ឆាបេតព្ពំ។
ឯសធាតុម្ហិ-ឯសិតោ, បរិយេសិតោ, ឯសិតា, បរិយេសិតា, ឯសិតវា, បរិយេសិតវា, ឯសិត្វា, បរិយេសិត្វា, ឯសិត្វាន, បរិយេសិត្វាន, ឯសិតុំ, បរិយេសិតុំ, ឯសិតវេ, បរិយេសិតវេ, ឯសិតព្ពំ, បរិយេសិតព្ពំ។
គមុ-គតិម្ហិ, គមិតោ, គមិតា, គមិតវា, គមិតាវី, គមិត្វា, គមិត្វាន, គមិតុន, គមិតុំ, គមិតវេ, គមិតព្ពំ។
ការិតេ-គមាបិតោ, គមាបេតា ឥច្ចាទិ។
ទិស-បេក្ខនេ
ការិតេ-ទស្សិតោ, ទស្សយិតោ, ទស្សិតា, ទស្សេតា, ទស្សយិតា, ទស្សិតវា, ទស្សិតាវី, ទស្សេត្វា, ទស្សយិត្វា, ទស្សេត្វាន, ទស្សយិត្វាន, ទស្សេតុំ, ទស្សយិតុំ, ទស្សេតព្ពំ។
ទក្ខាទេសេ-ទក្ខិតោ, ទក្ខិតា, ទក្ខិតវា, ទក្ខិតាវី, ទក្ខិត្វា, ទក្ខិតុំ, ទក្ខិតវេ, ‘‘ទក្ខិតាយេ អបរាជិតសង្ឃ’’ន្តិ
ទុស-នាសេ, ការិតេ ណិបច្ចយេ –
៧៦៤. ណិម្ហិ ទីឃោ ទុសស្ស
ណិម្ហិ បរេ ទុសស្ស ទីឃោ ហោតិ។
ទូសិតោ, ទូសិតា, ទូសេតា, ទូសិតវា, ទូសិតាវី, ទូសេត្វា, ទូសេត្វាន, ទូសិតុន, ទូសេតុំ, ទូសេតវេ។
ណិម្ហីតិ កិំ? ទុដ្ឋោ។
ឥតិ ភូវាទិគណោ។
រុធាទិគណ
ភុជ, យុជ, ឆិទ, ភិទ, រុធ។
៧៦៥. មំ វា រុធាទីនំ
រុធាទីនំ បុព្ពន្តសរា បរំ មានុពន្ធោ និគ្គហីតាគមោ ហោតិ វា។
ភុញ្ជិតោ, ភុញ្ជិតា, ភុញ្ជិតវា, ភុញ្ជិតាវី, ភុញ្ជិត្វា, ភុញ្ជិត្វាន, ភុញ្ជិតុន, ភុញ្ជិតុំ, ភុញ្ជិតវេ, ភុញ្ជិតព្ពំ។
ការិតេ-ភោជិតោ
ឆិន្ទិតោ, ឆិន្ទិតា, ឆិន្ទេតា វា, ឆិន្ទិតវា, ឆិន្ទិតាវី, ឆិន្ទិត្វា, ឆិន្ទិត្វាន, ឆិន្ទិតុន។ ប្យាទេសេ-លតំ ទន្តេហិ ឆិន្ទិយ
ការិតេ-ឆិន្ទាបិតោ, ឆិន្ទាបេតា ឥច្ចាទិ។
ភិន្ទិតោ, ភិន្ទិតា, ភិន្ទេតា វា, ឆិទធាតុសទិសំ។
រុន្ធិតោ, រុន្ធិតា, រុន្ធេតា, រុន្ធិតវា, រុន្ធិតាវី, រុន្ធិត្វា, រុន្ធិត្វាន, រុន្ធិតុំ, រុន្ធិតវេ, រុន្ធិតព្ពំ។
ការិតេ-រុន្ធាបិតោ, រុន្ធាបយិតោ ឥច្ចាទិ។
ឥតិ រុធាទិគណោ។
ទិវាទិគណ
បទ, ពុធ, តុស, ទិវុ។
៧៦៦. បទាទីនំ ក្វចិ។
បទាទីនំ ក្វចិ យុក ហោតិ, យាគមោ, ‘តវគ្គវរណានំ យេ ចវគ្គពយញា’តិ ចវគ្គត្តំ, ‘វគ្គលសេហិ តេ’តិ យស្ស បុព្ពរូបត្តំ។
បជ្ជិតោ, អាបជ្ជិតោ, បដិបជ្ជិតោ, បដិបជ្ជិតា, បដិបជ្ជិតវា, បដិបជ្ជិតាវី, បដិបជ្ជិត្វា, បដិបជ្ជិត្វាន, បដិបជ្ជិតុន, បដិបជ្ជិតុំ, បដិបជ្ជិតវេ, បដិបជ្ជិតព្ពំ។
ការិតេ-អាបាទិតោ, ឧប្បាទិតោ, និប្ផាទិតោ, សម្បាទិតោ, បដិបាទិតោ, អាបាទិតា, អាបាទេតា, ឧប្បាទិតា, អនុប្បន្នស្ស
ការិតេ-ពោធិតោ, ពោធេតា បជាយាតិ ពុទ្ធោ
ការិតេ-តោសិតោ, តោសិតា, តោសេតា វា, តោសិតវា, តោសិតាវី, តោសេត្វា, តោសេតុំ, តោសេតព្ពំ, ទិព្ពិតោ, ទិព្ពិតា, ទិព្ពិតវា, ទិព្ពិតាវី, ទិព្ពិត្វា, ទិព្ពិតុំ, ទិព្ពិតព្ពំ។
ឥតិ ទិវាទិគណោ។
ស្វាទិគណ
សុ, វុ, អាប។
សុណិតោ, សុណិតា, សោតា វា, សុណិតវា, សុណិតាវី, សុណិត្វា, សុណិតុំ, សុណិតព្ពំ។
ការិតេ-សាវិតោ, សាវេតា, សាវេតវា, សាវេតាវី, សាវេត្វា, សាវេតុំ, សាវេតព្ពំ, សំវុណិតោ, អាវុណិតោ, សំវុណិតា, សំវុណិត្វា, សំវុណិតុំ, សំវុណិតព្ពំ, បាបុណិតោ, បរិយាបុណិតោ, បាបុណិតា, បរិយាបុណិតា, បាបុណិតវា, បរិយាបុណិតវា, បាបុណិតាវី, បរិយាបុណិតាវី, បាបុណិត្វា
ការិតេ-បាបិតោ, បាបិតា, បាបេតា វា, បាបេត្វា, បាបេតុំ ឥច្ចាទិ។
ឥតិ ស្វាទិគណោ។
កិយាទិគណោ ឯកព្យញ្ជនេសុ វុត្តោ ឯវ។
តនាទិគណ
ករ, តន។
‘ករោតិស្ស ខោ’តិ កស្ស ខោ, អភិសង្ខរិតោ, អភិសង្ខរិតា, អភិសង្ខរិតវា, អភិសង្ខរិតាវី, ករិត្វា, ករិត្វាន, អភិសង្ខរិត្វា, អភិសង្ខរិត្វាន, អភិសង្ខរិតុំ, អភិសង្ខរិតព្ពំ។
ការិតេ-ការិតោ, ការាបិតោ, ការិតា, ការេតា, ការាបិតា, ការាបេតា, ការិតវា, ការិតាវី, ការេត្វា, ការាបេត្វា, ការេតុំ, ការាបេតុំ, ការេតព្ពំ, ការាបេតព្ពំ។
តនិតោ, តនិត្វា, តនិតុំ ឥច្ចាទិ។
ឥតិ តនាទិគណោ។
ចុរាទិគណ
កប្ប, ចិន្ត, ចុរ, វិទ។
កប្ប-សង្កប្បនេ, កប្បិតោ, សង្កប្បិតោ, កប្បយិតោ, សង្កប្បេតា, សង្កប្បយិតា, កប្បេតវា, កប្បេតាវី, កប្បេត្វា, កប្បយិត្វា, កប្បេតុំ, កប្បយិតុំ, កប្បេតព្ពំ, កប្បយិតព្ពំ។
ការិតេ-កប្បាបិតោ
ចិន្តិតោ, ចិន្តយិតោ, ចិន្តេតា, ចិន្តយិតា, ចិន្តិតវា, ចិន្តិតាវី, ចិន្តេត្វា, ចិន្តយិត្វា, ចិន្តិតុំ, ចិន្តេតុំ, ចិន្តយិតុំ, ចិន្តិតព្ពំ, ចិន្តេតព្ពំ។
ការិតេ-ចិន្តាបិតោ ឥច្ចាទិ។
ចោរិតោ, ចោរយិតោ, ចោរេតា, ចោរយិតា ឥច្ចាទិ។
វេទិតោ, វេទយិតោ, វេទេតា, វេទយិតា ឥច្ចាទិ។
ឥតិ ចុរាទិគណោ។
តិតិក្ខ, វីមំស, ពុភុក្ខ, បព្ពតាយ។
តិតិក្ខិតោ, តិតិក្ខិតា, តិតិក្ខិតវា, តិតិក្ខិតាវី, តិតិក្ខិត្វា, តិតិក្ខិតុំ, តិតិក្ខិតព្ពោ។
ការិតេ-តិតិក្ខាបិតោ ឥច្ចាទិ។
វីមំសិតោ, វីមំសេតា, វីមំសិតវា, វីមំសិតាវី, វីមំសិត្វា, វីមំសិតុំ, វីមំសិតព្ពំ។
ការិតេ-វីមំសាបិតោ ឥច្ចាទិ។
ពុភុក្ខិតោ, ពុភុក្ខិតា, ពុភុក្ខិតវា, ពុភុក្ខិតាវី, ពុភុក្ខិត្វា, ពុភុក្ខិតុំ, ពុភុក្ខិតព្ពំ។
ការិតេ-ពុភុក្ខាបិតោ ឥច្ចាទិ។
បព្ពតាយិតោ, បព្ពតាយិតា, បព្ពតាយិតវា, បព្ពតាយិតាវី, បព្ពតាយិត្វា, បព្ពតាយិតុំ, បព្ពតាយិតព្ពោ។
ការិតេ-បព្ពតាយាបិតោ ឥច្ចាទិ។
ឯវំ កុក្កុច្ចាយិតោ, កុក្កុច្ចាយិតា, កុក្កុច្ចាយិតវា, កុក្កុច្ចាយិតាវី, កុក្កុច្ចាយិត្វា, កុក្កុច្ចាយិតុំ, កុក្កុច្ចាយិតព្ពំ
អថ វិសេសរាសិ វុច្ចតេ។
៧៦៧. កត្តរិ ចារម្ភេ
អារម្ភោ នាម អាទិក្រិយា-បឋមារម្ភោ។ ក្រិយារម្ភេ វត្តព្ពេ កត្តរិ ច ភាវ, កម្មេសុ ច ក្តោ ហោតិ, ឯតេន បច្ចុប្បន្នេបិ ក្រិយាសន្តានេ បឋមារម្ភំ បដិច្ច អតីតវិសយោ តបច្ចយោ វិហិតោ, យថា? ភុត្តាវី បវារិតោតិ
បុរិសោ កដំ បកតោ, បុរិសេន កដោ បកតោ។
៧៦៨. ឋាសវសសិលិសសីរុហជរជនីហិ
ឋាទីហិ កត្តរិ ច ភាវ, កម្មេសុ ច ក្តោ ហោតិ។
ឋាម្ហិ-ឧបដ្ឋិតោ គរុំ សិស្សោ, ឧបដ្ឋិតោ គរុ សិស្សេន។
អាសម្ហិ-ឧបាសិតោ គរុំ សិស្សោ, ឧបាសិតោ គរុ សិស្សេន។
វសម្ហិ-អនុវុសិតោ គរុំ សិស្សោ, អនុវុសិតោ គរុ សិស្សេន។
សិលិស-អាលិង្គនេ, អាសិលិដ្ឋោ បិតរំ បុត្តោ, អាសិលិដ្ឋោ បិតា បុត្តេន។
សីម្ហិ-អធិសយិតោ ឧក្ខលិំ ជនោ, អធិសយិតា ឧក្ខលិ ជនេន, ឧទ្ធនំ អារោបិតាតិ អត្ថោ។
រុហម្ហិ-អារូឡ្ហោ រុក្ខំ ជនោ, អារូឡ្ហោ រុក្ខោ ជនេន។
ជរម្ហិ-អនុជិណ្ណោ វសលិំ ទេវទត្តោ, អនុជិណ្ណា វសលី ទេវទត្តេន, អនុជាតោ មាណវិកំ មាណវោ, អនុជាតា មាណវិកា មាណវេន។
៧៦៩. គមនត្ថាកម្មកាធារេ ច
គមនត្ថធាតូហិ
យន្តិ ឯត្ថាតិ យាតំ, ឥទំ តេសំ យាតំ។ បទំ អក្កមតិ ឯត្ថាតិ បទក្កន្តំ, ឥទំ តេសំ បទក្កន្តំ។ ឥហ តេ យាតា, អយំ តេហិ យាតោ មគ្គោ, ឥហ តេហិ យាតំ។
អកម្មកម្ហិ-ឥទំ តេសំ អាសិតំ ឋានំ, ឥហ តេ អាសិតា, ឥទំ តេហិ អាសិតំ ឋានំ, ឥធ តេហិ អាសិតំ។
៧៧០. អាហារត្ថា
អជ្ឈោហរណត្ថធាតុតោ កត្តរិ ច ភាវ, កម្មេសុ ច អាធារេ ច ក្តោ ហោតិ។
ឥហ តេ ភុត្តា, អសិតា, បីតា, ខាយិតា, សាយិតា។ ឥមានិ តេហិ ភុត្តានិ, អសិតានិ, បីតានិ, ខាយិតានិ, សាយិតានិ។ ឥហ តេសំ ភុត្តំ, អសិតំ, បីតំ, ខាយិតំ, សាយិតំ។ ឥទំ តេសំ ភុត្តំ ឋានំ, អសិតំ ឋានំ, បីតំ ឋានំ, ខាយិតំ ឋានំ, សាយិតំ ឋានំ។
ឥតិ តាទិបច្ចយរាសិ។
អនីយបច្ចយរាសិ
‘ភាវកម្មេសុ តព្ពានីយា’តិ អនីយោ, អនុភុយ្យតីតិ អនុភវនីយោ។
អាការន្តេសុ បរស្សរលោបោ, ក្វចិ យាគមោ, ឧបដ្ឋានីយោ, ទានីយោ, បទហតីតិ បធានីយោ-យោគាវចរោ, បាតព្ពន្តិ បានីយំ, សាយិតុំ អរហតីតិ សាយនីយំ, បដិសាយនីយំ, បហានីយំ, អភិត្ថវនីយំ, សោតព្ពន្តិ សវនីយំ, ហុតព្ពន្តិ
ករ, តរ, ថរ, ធរ, សរ, ហរ។
៧៧១. រា នស្ស ណោ
រការន្តធាតុម្ហា បរស្ស បច្ចយនការស្ស ណោ ហោតិ។
កត្តព្ពន្តិ ករណីយំ, តរិតព្ពន្តិ តរណីយំ, អត្ថរិតព្ពន្តិ អត្ថរណីយំ, ធារេតព្ពន្តិ ធារណីយំ, សារេតព្ពន្តិ សារណីយំ, ហរិតព្ពន្តិ ហរណីយំ ឥច្ចាទិ។
រុន្ធិតព្ពន្តិ រុន្ធនីយំ, ភុញ្ជិតព្ពន្តិ ភុញ្ជនីយំ, ភោជនីយំ, បរិភោជនីយំ, យោជេតព្ពន្តិ យោជនីយំ, ទិព្ពិតព្ពន្តិ ទិព្ពនីយំ, ពុជ្ឈិតព្ពន្តិ ពុជ្ឈនីយំ, បាបុណិតព្ពន្តិ បាបនីយំ, ញាបេតព្ពន្តិ ញាបនីយំ, ចិន្តេតព្ពន្តិ ចិន្តនីយំ, វជ្ជេតព្ពន្តិ វជ្ជនីយំ, តិតិក្ខិតព្ពន្តិ តិតិក្ខនីយំ, វីមំសិតព្ពន្តិ វីមំសនីយំ ឥច្ចាទិ។
ឥតិ អនីយបច្ចយរាសិ។
ន្ត, មានបច្ចយរាសិ
អថ ន្ត, មានបច្ចយា វុច្ចន្តេ។
៧៧២. ន្តោ កត្តរិ វត្តមានេ
វត្តមានោ វុច្ចតិ បច្ចុប្បន្នោ, វត្តមានេ កាលេ ក្រិយត្ថា បរំ កត្តរិ ន្តោ ហោតិ។
ភូ-សត្តាយំ, ‘កត្តរិ លោ’តិ អបច្ចយោ, ‘យុវណ្ណានមេឱបច្ចយេ’តិ ឱវុទ្ធិ, ភវតីតិ ភោន្តោ-បុរិសោ, ភោន្តំកុលំ, ភោន្តី-ឥត្ថី។
បុន
៧៧៣. មានោ
វត្តមានេ កាលេ ក្រិយត្ថា បរំ កត្តរិ មានោ ហោតិ។
ភវមានោ-បុរិសោ, ភវមានំ-កុលំ, ភវមានា-ឥត្ថី។
៧៧៤. ភាវកម្មេសុ ច
វត្តមានេ កាលេ ក្រិយត្ថា បរំ ភាវ, កម្មេសុ ច មានោ ហោតិ។ ‘ក្យោ ភាវកម្មេសូ…’តិ យបច្ចយោ។
អនុភូយតេតិ អនុភូយមានោ ភោគោ បុរិសេន, អនុភូយមានា សម្បត្តិ, អនុភូយមានំ សុខំ។
យស្ស ទ្វិត្តំ, អនុភុយ្យមានោ។
៧៧៥. តេ ស្សបុព្ពានាគតេ។
អនាគតេ កាលេ វត្តព្ពេ តេ ន្ត, មានបច្ចយា ស្សបុព្ពា ហោន្តិ។
ភវិស្សតីតិ ភវិស្សន្តោ
កម្មេ-អនុភូយិស្សមានោ។
៧៧៦. មានស្ស មស្ស។
មានបច្ចយស្ស មស្ស ក្វចិ លោបោ ហោតិ។
និសិន្នោ វា សយានោ
បញ្ញាយន្តោ
កម្មេ-វិញ្ញាយមានោ។
ការិតេ-ញាបេន្តោ, ញាបយន្តោ, ញាបយមានោ។
កម្មេ-ញាបីយមានោ។
កិយាទិគណេ-ជានន្តោ, ជានមានោ។
ការិតេ-ជានាបេន្តោ, ជានាបយមានោ។
កម្មេ-ជានាបីយមានោ។
តិដ្ឋំ, តិដ្ឋន្តោ, តិដ្ឋមានោ, សណ្ឋហំ, សណ្ឋហន្តោ, សណ្ឋហមានោ។
កម្មេ-ឧបដ្ឋីយមានោ។
ការិតេ-បតិដ្ឋាបេន្តោ, បតិដ្ឋាបយន្តោ, បតិដ្ឋាបយមានោ។
កម្មេ-បតិដ្ឋាបីយមានោ។
ទេន្តោ, ទទន្តោ, ទជ្ជន្តោ, សមាទិយន្តោ, ទទមានោ, ទជ្ជមានោ, សមាទីយមានោ។
កម្មេ-ទីយមានោ, ទិយ្យមានោ។
ការិតេ-ទាបេន្តោ, ទាបយន្តោ, សមាទបយន្តោ, រស្សោ។
កម្មេ-ទាបីយមានោ, សមាទាបីយមានោ។
និធេន្តោ, និទហន្តោ, និទហមានោ, និធិយ្យមានោ, និធាបេន្តោ, និធាបយន្តោ, និធាបយមានោ, និធាបីយមានោ, យាយន្តោ។ យាយន្ត’មនុយាយន្តិ
ឥវណ្ណេសុ-វិក្កយន្តោ, វិក្កិណន្តោ, វិនិច្ឆយន្តោ, វិនិច្ឆិនន្តោ, និតោ ចស្ស ឆោ។
អាចយន្តោ, អាចិនន្តោ, ជយន្តោ, ជិនន្តោ, ឌេន្តោ, ឌេមានោ, នេន្តោ, វិនេន្តោ, នយន្តោ, វិនយន្តោ, នយមានោ, និយ្យមានោ, នយាបេន្តោ, នយាបយមានោ, សេន្តោ, សយន្តោ, សេមានោ, សយមានោ, សយានោ វា, បហិណន្តោ, បហិណមានោ។
ឧវណ្ណេសុ-ចវន្តោ, ចវមានោ, ឋានា ចាវន្តោ, ចាវយន្តោ, ចាវយមានោ, ជវន្តោ, ជវមានោ, អភិត្ថវន្តោ, អភិត្ថវមានោ, អភិត្ថវីយមានោ, សន្ធវន្តោ, សន្ធវមានោ, ធុនន្តោ, និទ្ធុនន្តោ, ធុនមានោ, និទ្ធុនមានោ, បុនន្តោ, រវន្តោ, លុនន្តោ, អាវុណន្តោ, បសវន្តោ, វិស្សវន្តោ។
កម្មេ-សុយ្យមានោ។
ការិតេ-សាវេន្តោ, សាវយន្តោ។
ស្វាទិគណេ-សុណន្តោ, សុណមានោ។
ការិតេ-សុណាបេន្តោ, សុណាបយន្តោ។
ហុ-បូជាយំ, ជុហោន្តោ។
បបុព្ពោ បហុត្តេ, បហោន្តោ, សម្បហោន្តោ។
ហូ-សត្តាយំ, ហោន្តោ។
ឯទន្តេសុ-ឯន្តោ
ការិតេ-ឈាបេន្តោ, ឧជ្ឈាបេន្តោ, យលោបោ។
ភាយន្តោ, ភាយមានោ, សាលិំ លាយន្តោ, លាយមានោ, ចីវរំ វាយន្តោ, វាយមានោ។
កិលេ-កីឡាយំ បេមនេ ច, កេលាយន្តោ, កេលាយមានោ, ចាលេន្តោ បិយាយន្តោតិ វា អត្ថោ។
គិលេ-គេលញ្ញេ, គិលាយន្តោ។
ចិនេ-អវមញ្ញនេ, ចិនាយន្តោ។
បលេ-គតិយំ, បលាយន្តោ។
មិលេ-ហានិយំ, មិលាយន្តោ។
សង្កសេ-និវាសេ, សង្កសាយន្តោ ឥច្ចាទិ។
អនេកព្យញ្ជនេសុ-អស-ភុវិ, ‘‘ន្តមានាន្តន្តិយិយុំស្វាទិលោបោ’’តិ ន្ត, មានេសុ អាទិលោបោ, សន្តោ, សមានោ, ឧបាសន្តោ, ឧបាសមានោ, ឧបាសីយមានោ, ឥច្ឆន្តោ, ឥច្ឆមានោ, ឥច្ឆីយមានោ, គច្ឆន្តោ, គច្ឆមានោ, គច្ឆីយមានោ។
យស្ស បុព្ពរូបត្តេ-គម្មមានោ, អធិគម្មមានោ, អនាគតេ ស្សបុព្ពោ- ‘‘លភ វស ឆិទ គម ភិទ រុទានំ ច្ឆង’’ឥតិ ស្សេន សហ ធាត្វន្តស្ស ច្ឆោ, គច្ឆន្តោ, គមិស្សន្តោ, គច្ឆមានោ, គមិស្សមានោ, ជិរន្តោ, ជិរមានោ, ជិយ្យន្តោ, ជិយ្យមានោ, ទហន្តោ, ទហមានោ។
ទហស្ស
កម្មេ-ឌយ្ហមានោ។
ទិស-បេក្ខនេ, បស្សន្តោ, បស្សមានោ, បស្សីយមានោ។
ការិតេ-ទស្សេន្តោ, ទស្សយន្តោ, ទស្សយមានោ។
លភន្តោ, លភមានោ។
កម្មេ បុព្ពរូបំ, លព្ភមានោ, ឧបលព្ភមានោ។
អនាគតេ-លច្ឆន្តោ, លភិស្សន្តោ, លច្ឆមានោ, លភិស្សមានោ។
មរន្តោ, មរមានោ, មិយន្តោ, មិយមានោ។
យមុ-ឧបរមេ, និយមន្តោ, សញ្ញមន្តោ, សញ្ញមមានោ, និយច្ឆន្តោ។
ការិតេ-និយាមេន្តោ។
រុទន្តោ, រោទន្តោ, រោទមានោ។
អនាគតេ-រុច្ឆន្តោ, រោទិស្សន្តោ, រុច្ឆមានោ, រោទិស្សមានោ។
វចន្តោ, វចមានោ។
កម្មេ ‘អស្សូ’តិ ឧត្តំ, វុច្ចមានោ។
ការិតេ-វាចេន្តោ, វាចយន្តោ, វាចយមានោ។
កម្មេ-វាចីយមានោ។
អនាគតេ-‘វច ភុជ មុច វិសានំ ក្ខង’ឥតិ ស្សេន សហ ធាត្វន្តស្ស ក្ខាទេសោ, វក្ខន្តោ, វក្ខមានោ, វទន្តោ, វទមានោ, ឱវទន្តោ, ឱវទមានោ, វជ្ជន្តោ, វជ្ជមានោ។
កម្មេ-វទីយមានោ, ឱវទីយមានោ, ឱវជ្ជមានោ។
ការិតេ-ភេរិំ វាទេន្តោ, វាទយមានោ។
វសន្តោ
កម្មេ បុព្ពរូបត្តំ, ឧបវស្សមានោ។
វាសេន្តោ, វាសយន្តោ។
អនាគតេ-វច្ឆន្តោ, វសិស្សន្តោ, វច្ឆមានោ, វសិស្សមានោ។
បវិសន្តោ, បវិសមានោ។
កម្មេ-បវិសីយមានោ។
អនាគតេ-បវេក្ខន្តោ, បវិសិស្សន្តោ, បវេក្ខមានោ, បវិសិស្សមានោ ឥច្ចាទិ។
រុធាទិម្ហិ-រុន្ធន្តោ, រុន្ធមានោ។
កម្មេ-រុន្ធីយមានោ។
បុព្ពរូបត្តេ-រុជ្ឈមានោ។
រោធេន្តោ, រោធមានោ, រោធីយមានោ។
ឆិន្ទន្តោ, ឆិន្ទមានោ, ឆិន្ទីយមានោ, ឆិជ្ជមានោ, ឆិន្ទាបេន្តោ, ឆិន្ទាបយន្តោ។
អនាគតេ-ឆេច្ឆន្តោ, ឆិន្ទិស្សន្តោ, ឆេច្ឆមានោ, ឆិន្ទិស្សមានោ។
ភិន្ទន្តោ, ភិន្ទមានោ, ភិន្ទីយមានោ, ភិជ្ជមានោ, ភេច្ឆន្តោ, ភិន្ទិស្សន្តោ, ភេច្ឆមានោ, ភិន្ទិស្សមានោ។
ភុញ្ជន្តោ, ភុញ្ជមានោ។
កម្មេ-ភុញ្ជីយមានោ។
បុព្ពរូបត្តេ-ភុជ្ជមានោ។
ភោជេន្តោ, ភោជយន្តោ, ភោជយមានោ, ភោជីយមានោ។
អនាគតេ-ភោក្ខន្តោ
មុញ្ចន្តោ, មុញ្ចមានោ, មុញ្ចីយមានោ, មុច្ចមានោ។
អនាគតេ-មោក្ខន្តោ, មុញ្ចិស្សន្តោ, មោក្ខមានោ, មុញ្ចិស្សមានោ ឥច្ចាទិ។
ទិវាទិម្ហិ សុទ្ធកត្តុរូបំ សុទ្ធកម្មរូបញ្ច បុព្ពរូបេ សទិសមេវ, ទិព្ពន្តោ, ទិព្ពមានោ, ទិព្ពីយមានោ។
បុព្ពរូបត្តេ-ទិព្ពមានោ។
ឆិជ្ជន្តោ, ឆិជ្ជមានោ, ឆេទាបេន្តោ, ឆេទាបយមានោ។
ពុជ្ឈន្តោ, ពុជ្ឈមានោ, ពុជ្ឈីយមានោ, ពោធេន្តោ, ពោធយន្តោ, ពោធយមានោ។
មុច្ចន្តោ, មុច្ចមានោ, មោចេន្តោ, មោចយន្តោ, មោចយមានោ, មោចីយមានោ។
យុជ្ជន្តោ, យុជ្ជមានោ ឥច្ចាទិ។
ស្វាទិម្ហិ-សុណន្តោ, សុណមានោ។
កម្មេ-សុយ្យមានោ។
ការិតេ-សាវេន្តោ, សាវយន្តោ, សាវយមានោ។
បាបុណន្តោ, ធម្មំ បរិយាបុណន្តោ, បរិយាបុណមានោ, បាបុណីយមានោ, បាបីយមានោ។
ការិតេ-បាបេន្តោ, បាបយន្តោ, បាបយមានោ។
បរិ, សំបុព្ពោ-បរិសមាបេន្តោ, បរិសមាបយន្តោ, បរិសមាបយមានោ, បរិសមាបីយមានោ។
សក្កុណន្តោ, អាវុណន្តោ ឥច្ចាទិ។
កិយាទិម្ហិ-កិណន្តោ, កិណាបេន្តោ, វិក្កយន្តោ ឥច្ចាទិ។
តនាទិម្ហិ-តនោន្តោ
កម្មេ-ករីយមានោ, កយ្យមានោ, ‘តវគ្គវរណានំ យេ ចវគ្គពយញា’តិ ធាត្វន្តស្ស យាទេសោ។
សង្ខរោន្តោ, អភិសង្ខរោន្តោ។
ការិតេ-ការេន្តោ, ការយន្តោ, ការយមានោ, ការីយមានោ។
សក្កោន្តោ ឥច្ចាទិ។
ចុរាទិម្ហិ-ចោរេន្តោ, ចោរយន្តោ, ចោរយមានោ, ថេនេន្តោ, ថេនយន្តោ, ថេនយមានោ, ចិន្តេន្តោ, ចិន្តយន្តោ, ចិន្តយមានោ, ចិន្តីយមានោ, ចិន្តាបេន្តោ, ចិន្តាបយន្តោ, ចិន្តាបយមានោ, ចិន្តាបីយមានោ ឥច្ចាទិ។
តិតិក្ខន្តោ, តិតិក្ខមានោ, តិតិក្ខីយមានោ, តិតិក្ខាបេន្តោ, តិតិក្ខាបយន្តោ, តិតិក្ខាបយមានោ, វីមំសន្តោ, តិកិច្ឆន្តោ, ចិកិច្ឆន្តោ, វិចិកិច្ឆន្តោ។
ភុញ្ជិតុំ ឥច្ឆតីតិ ពុភុក្ខន្តោ, ឃសិតុំ ឥច្ឆតីតិ ជិឃច្ឆន្តោ, បាតុំ បរិភុញ្ជិតុំ ឥច្ឆតីតិ បិបាសន្តោ, គោត្តុំ សំវរិតុំ ឥច្ឆតីតិ ជិគុច្ឆន្តោ, ហរិតុំ បរិយេសិតុំ ឥច្ឆតីតិ ជិគីសន្តោ, វិជេតុំ ឥច្ឆតីតិ វិជិគីសន្តោ។
បព្ពតោ វិយ អត្តានំ ចរតីតិ បព្ពតាយន្តោ, បព្ពតាយមានោ, បិយាយន្តោ, មេត្តាយន្តោឥច្ចាទីនិ ច យោជេតព្ពានិ។
ឥតិ ន្ត, មានបច្ចយរាសិ។
ណ្យាទិបច្ចយរាសិ
អថ
៧៧៧. ឃ្យណ។
ភាវ, កម្មេសុ ឃ, ណានុពន្ធោ យបច្ចយោ ហោតិ។ ឃានុពន្ធោ ‘កគាចជានំ ឃានុពន្ធេ’តិអាទីសុ វិសេសនត្ថោ។ ណានុពន្ធោ វុទ្ធិទីបនត្ថោ។ ឯវំ សព្ពត្ថ។
អនុភវិតព្ពោតិ អនុភាវិយោ ភោគោ បុរិសេន, អនុភាវិយំ សុខំ, អនុភាវិយា សម្បត្តិ។
៧៧៨. អាស្សេ ច។
អាទន្តធាតូនំ អាស្ស ឯ ហោតិ ឃ្យណម្ហិ។ ចសទ្ទេន ឥវណ្ណធាតូនំ អាគមឦការស្ស ច ឯត្តំ។
អក្ខាតព្ពំ កថេតព្ពន្តិ អក្ខេយ្យំ។
យស្ស ទ្វិត្តំ, សង្ខាតព្ពន្តិ សង្ខ្យេយ្យំ, សង្ខាតុំ អសក្កុណេយ្យន្តិ អសង្ខ្យេយ្យំ, គាយិតព្ពន្តិ គេយ្យំ-សគាថកំ សុត្តំ, ឃាយិតុំ អរហតីតិ ឃេយ្យំ, ឃាយនីយំ, អបចាយិតុំ អរហតីតិ អបចេយ្យំ, ញាតុំ អរហតីតិ ញេយ្យំ, អាជានិតុំ អរហតីតិ អញ្ញេយ្យំ, វិញ្ញេយ្យំ, អភិញ្ញេយ្យំ, បរិញ្ញេយ្យំ។
ឦអាគមេ-ជានិយំ, វិជានិយំ, ឦស្ស រស្សោ។
ជានេយ្យំ, វិជានេយ្យំ, អធិដ្ឋាតព្ពន្តិ អធិដ្ឋេយ្យំ, អធិដ្ឋហេយ្យំ, ទាតព្ពន្តិ ទេយ្យំ, អាទាតព្ពន្តិ អាទេយ្យំ, សទ្ទហិតុំ អរហតីតិ សទ្ទហេយ្យំ, វិធាតុំ អរហតីតិ វិធេយ្យំ, ន វិធេយ្យំ អវិធេយ្យំ-អនត្តលក្ខណំ, មារស្ស អាណា ទហតិ ឯត្ថាតិ មារធេយ្យំ, មច្ចុធេយ្យំ, សន្និហិតព្ពន្តិ សន្និធេយ្យំ, អភិធាតព្ពំ កថេតព្ពន្តិ អភិធេយ្យំ, បិទហិតព្ពន្តិ បិធេយ្យំ, អលោបោ, អបិធេយ្យំ វា, បាតព្ពន្តិ បេយ្យំ, មិនេតព្ពន្តិ មេយ្យំ, បមេតព្ពន្តិ
ឥវណ្ណេសុ-អជ្ឈាយិតព្ពន្តិ អជ្ឈេយ្យំ, អធិយេយ្យំ, ឧបេតព្ពន្តិ ឧបេយ្យំ, វិក្កិណិតព្ពន្តិ វិក្កេយ្យំ, វិក្កាយិយំ, វិក្កាយេយ្យំ, វិក្កិណេយ្យំ វា, វិចិនិតព្ពន្តិ វិចេយ្យំ, វិចិនេយ្យំ, ជេតព្ពន្តិ ជេយ្យំ, វិជេយ្យំ, នេតព្ពន្តិ នេយ្យំ, វិនេយ្យំ, អធិសយិតព្ពន្តិ អធិសេយ្យំ, បហិតព្ពន្តិ បាហេយ្យំ, បហិណេយ្យំ វា។
ឧវណ្ណេសុ វុទ្ធិអាវាទេសោ, កុ-សទ្ទេ, កុយ្យតីតិ កាវេយ្យំ។
ឦស្ស អភាវេ វស្ស ពត្តំ រស្សោ ច, កព្យំ។
បុព្ពរូបត្តេ កព្ពំ, ចាវេតព្ពន្តិ ចាវេយ្យំ, ជវិតព្ពន្តិ ជវេយ្យំ, អភិត្ថវិតព្ពន្តិ អភិត្ថវេយ្យំ, ភវិតុំ អរហតីតិ ភព្ពំ។ ជុហោតព្ពន្តិ ហព្យំ-សប្បិ។
ឯទន្តេសុ-អបចាយិតព្ពន្តិ អបចេយ្យំ, អបចាយិយំ។
វេ-តន្តសន្តានេ, វេតព្ពន្តិ វេយ្យំ។
វច, ភជ, ភុជ, យុជាទីហិ ឃ្យណបច្ចយោ។
៧៧៩. កគា ចជានំ ឃានុពន្ធេ
ច, ជានំ ធាត្វន្តានំ ក, គា ហោន្តិ ឃានុពន្ធេ បច្ចយេ បរេ។
វត្តព្ពន្តិ វាក្យំ, វាក្កំ, វាច្ចំ, វាចេយ្យំ វា។
ភជ-សេវាយំ, ភជិតព្ពន្តិ ភាគ្យំ, ភគ្គំ, ភុញ្ជិតព្ពន្តិ ភោគ្យំ, ភោគ្គំ, យុញ្ជិតព្ពន្តិ យោគ្យំ, យោគ្គំ។
៧៨០. វទាទីហិ យោ
វទាទីហិ ភាវ, កម្មេសុ ពហុលំ យោ ហោតិ។
ភុញ្ជិភព្ពន្តិ
មុទ-ហាសេ, បមោទតិ ឯតេនាតិ បាមោជ្ជំ, វទីយតីតិ វជ្ជំ។
វធ-ហិំសាយំ, វធិតព្ពន្តិ វជ្ឈំ, វិជ្ឈិតព្ពន្តិ វិជ្ឈំ, បុនន្តិ សុជ្ឈន្តិ សត្តា ឯតេនាតិ បុញ្ញំ, នាគមោ។
វិហញ្ញតេ វិហញ្ញំ, វបិយតេតិ វប្បំ, សុបនំ សោប្បំ, លភិតព្ពន្តិ លព្ភំ, គន្តព្ពន្តិ គម្មំ, ទមិតុំ អរហតីតិ ទម្មំ, រមិតព្ពន្តិ រម្មំ, អភិរម្មំ, និសាមីយតេ និសម្មំ, វិសមីយតេ វិសម្មំ, ផុសីយតេតិ ផស្សោ, ឧស្ស អត្តំ។
សាសិតព្ពោតិ សិស្សោ, ‘សាសស្ស សិសា’តិ សិត្តំ។
គហ, គុហ, គរហ, ទុហ, វហ, សហ។
៧៨១. គុហាទីហិ យក
ឯតេហិ ភាវ, កម្មេសុ ពហុលំ យក ហោតិ, ហស្ស វិបល្លាសោ។
គហេតព្ពន្តិ គយ្ហំ, គុហិតព្ពន្តិ គុយ្ហំ។
គរហ-និន្ទាយំ, គរហិតព្ពន្តិ គារយ្ហំ, ទុហិតព្ពន្តិ ទុយ្ហំ, វហិតព្ពន្តិ វយ្ហំ។
សហ-សាហសេ, សហិតព្ពន្តិ សយ្ហំ, បសយ្ហំ។
៧៨២. កិច្ច ឃច្ច ភច្ច គព្ព ល្យា
ឯតេ សទ្ទា យបច្ចយន្តា សិជ្ឈន្តិ, ឥមិនា យបច្ចយំ កត្វា តេន សហ ករស្ស កិច្ចំ, ហនស្ស ឃច្ចំ, ភរស្ស ភច្ចំ, គុស្ស គព្ពំ, លិស្ស ល្យត្តំ កត្វា សិជ្ឈន្តិ។
ករីយតេតិ
គុ-ទព្ពេ, គុយតេ គព្ពំ, បដិសល្លីយតេ បដិសល្យំ។
វិសេសវិធានំ –
ភរ-ភរណេ, ភរិតព្ពន្តិ ភារិយំ, ហរិតព្ពន្តិ ហារិយំ, ភាជេតព្ពន្តិ ភាជិយំ, ភាជេយ្យំ, ឧបាសិតព្ពន្តិ ឧបាសិយំ, ឥច្ឆិតព្ពន្តិ ឥច្ឆេយ្យំ, អធិគន្តព្ពន្តិ អធិគមេយ្យំ ឥច្ចាទិ។
រុន្ធិតព្ពន្តិ រុន្ធេយ្យំ, ឆិន្ទិតព្ពន្តិ ឆិន្ទេយ្យំ, ឆេជ្ជំ ឥច្ចាទិ។
ទិព្ពិតព្ពន្តិ ទិព្ពេយ្យំ, ទិព្ពំ, ពុជ្ឈិតព្ពន្តិ ពុជ្ឈេយ្យំ, ពោធេយ្យំ, ពោជ្ឈំ ឥច្ចាទិ។
សោតព្ពន្តិ សុណេយ្យំ, បាបុណិតព្ពន្តិ បាបុណេយ្យំ, សក្កុណិតព្ពន្តិ សក្កុណេយ្យំ, ន សក្កុណេយ្យំ អសក្កុណេយ្យំ ឥច្ចាទិ។
តនិតព្ពន្តិ តានេយ្យំ, តញ្ញំ, កាតព្ពន្តិ ការិយំ, កយ្យំ។
ចោរេតព្ពន្តិ ចោរេយ្យំ, ថេនីយតេ ថេយ្យំ, នស្ស បររូបត្តំ, ចិន្តេតព្ពន្តិ ចិន្តេយ្យំ, ន ចិន្តេយ្យំ អចិន្តេយ្យំ, អចិន្តិយំ, មន្តេយ្យំ, មន្តិយំ, វេទិយំ, វេទេយ្យំ ឥច្ចាទិ។
តិតិក្ខេយ្យំ, វីមំសេយ្យំ ឥច្ចាទិ ច យោជេតព្ពានិ។
ឥតិ ណ្យាទិបច្ចយរាសិ។
អអាទិបច្ចយរាសិ
អថ អ, អណ, ឃក, ឃណបច្ចយន្តា វុច្ចន្តេ។
៧៨៣. ភាវការកេស្វឃណឃក
ភាវេ ឆសុ ការកេសុ ច ក្រិយត្ថា បរំ អ, ឃណ, ឃកបច្ចយា ហោន្តិ កម្មាទិម្ហិ វា អកម្មាទិម្ហិ វា។
៧៨៤. ក្វចណ។
កម្មុបបទម្ហា
អ, អណ, ឃក, ឃណ។
អម្ហិ តាវ –
អគ្គំ ជានាតីតិ អគ្គញ្ញោ, វំសំ ជានាតីតិ វំសញ្ញោ, មគ្គេ តិដ្ឋតីតិ មគ្គដ្ឋោ-បុរិសោ, មគ្គដ្ឋា-ឥត្ថី, មគ្គដ្ឋំ-ញាណំ។ ឯវំ ផលដ្ឋោ, ថលដ្ឋោ, ជលដ្ឋោ, បព្ពតដ្ឋោ, ភូមដ្ឋោ។
គោ វុច្ចតិ ញាណំ សទ្ទោ ច, គវំ តាយតិ រក្ខតីតិ គោត្តំ, បរិតោ ភយំ តាយតិ រក្ខតីតិ បរិត្តំ, អន្នំ ទេតីតិ អន្នទោ។ ឯវំ វត្ថទោ, វណ្ណទោ, យានទោ, សុខទោ, ទីបទោ, ចក្ខុទោ, ទាយំ អាទទាតីតិ ទាយាទោ, បារំ គន្តុំ ទេតីតិ បារទោ-រសោ។
អន្នំ ទទាតីតិ អន្នទទោ, ទ្វិត្តំ បុព្ពស្ស រស្សោ ច។
បុរិន្ទទោ, មហាវុត្តិនា បុរសទ្ទេ អស្ស ឥត្តំ ពិន្ទាគមោ ច។
សព្ពំ ទទាតីតិ សព្ពទទោ, សច្ចំ សន្ធេតីតិ សច្ចសន្ធោ, ជនំ សន្ធេតីតិ ជនសន្ធោ។
កកុ វុច្ចតិ គុណរាសិ, កកុំ សន្ធេតីតិ កកុសន្ធោ, គាវោបាតិ រក្ខតីតិ គោបោ-បុរិសោ, គោបស្ស ភរិយា គោបី។
កស្សំ វុច្ចតិ ខេត្តំ, កស្សំ បាតិ រក្ខតីតិ កស្សបោ។
ភូ វុច្ចតិ បថវី, ភុំ បាតិ រក្ខតីតិ ភូបោ។ ឯវំ ភូមិបោ។
បាទេន មូលេន បថវីរសំ អាបោរសញ្ច បិវតីតិ បាទបោ, សុដ្ឋុ ភាតិ ទិព្ពតីតិ សុភោ, ន មមាយតីតិ អមមោ, ទ្វេ អនត្ថេ លាតិ គណ្ហាតីតិ ពាលោ, ពហុំ លាតិ គណ្ហាតីតិ ពហុលោ, រាហុ វិយ លាតិ គណ្ហាតីតិ រាហុលោ, អាទីនំ
ទុក្ខំ
អណម្ហិ –
៧៨៥. អាស្សាណាបិម្ហិ យុក។
ណាបិវជ្ជិតេ ណានុពន្ធេ បច្ចយេ បរេ អាទន្តស្ស ធាតុស្ស អន្តេ យុក ហោតិ, យាគមោតិ អត្ថោ។
ញាតព្ពោ ពុជ្ឈិតព្ពោតិ ញាយោ-យុត្តិ, ញាយតិ អមតំ បទំ ឯតេនាតិ ញាយោ-អរិយមគ្គោ, បដិច្ច តិដ្ឋតីតិ បតិដ្ឋាយោ, ទាតព្ពោតិ ទាយោ-អាមិសទាយោ, ធម្មទាយោ, ខីរំ បិវតីតិ ខីរបាយោ, ធញ្ញំ មិនាតីតិ ធញ្ញមាយោ, វាតិ គច្ឆតីតិ វាយោ ឥច្ចាទិ។
ឥវណ្ណេសុ អម្ហិ តាវ –
ឯតិ បវត្តតីតិ អាយោ, សមេតីតិ សមយោ, វេតិ វិនស្សតីតិ វយោ-មន្ទាទិ, វិគមនំ វិនស្សនំ វយោ-ភង្គោ, ឧទយនំ ឧទយោ, សមុទយនំ សមុទយោ, សមុទេតិ ផលំ ឯតេនាតិ វា សមុទយោ, អតិច្ច អយនំ បវត្តនំ អច្ចយោ, បដិច្ច ផលំ ឯតិ ឯតស្មាតិ បច្ចយោ, កិណនំ កយោ, វិក្កិណនំ វិក្កយោ, ខីយនំ ខយោ, ខីយន្តិ ឯត្ថាតិ វា ខយោ, រាគស្ស ខយោ រាគក្ខយោ, ចយនំ ចយោ, អាចយោ, ឧច្ចយោ, សមុច្ចយោ, ឧបចយោ, ធម្មំ វិចិនន្តិ ឯតេនាតិ ធម្មវិចយោ, ជយនំ ជយោ, វិជយោ, បរាជយោ, និយ្យតិ ឯតេនាតិ នយោ-វិធិ, វិនេតិ ឯត្ថ, ឯតេនាតិ វា វិនយោ, សុខេន នេតព្ពោ ញាតព្ពោតិ សុនយោ, ទុក្ខេន នេតព្ពោ ញាតព្ពោតិ ទុន្នយោ, បាតព្ពោតិ បយោ-ជលំ ខីរញ្ច។
រិ-កម្បនេ, និច្ចំ រយន្តិ ផន្ទន្តិ ទុក្ខប្បត្តា សត្តា ឯត្ថាតិ និរយោ, អល្លីយនំ អាលយោ, និលិយនំ និលយោ, សយនំ សយោ, ភុសោ សេន្តិ ឯត្ថាតិ អាសយោ, អជ្ឈាសយោ, វិសេសេន
អណម្ហិ –
អយនំ វឌ្ឍនំ អាយោ, អាយម្ហា អបេតោ អបាយោ, អាយេន ឧបេតោ ឧបាយោ, សមុទេតិ ឯត្ថាតិ សមុទាយោ, សមវេតិ ឯត្ថាតិ សមវាយោ, បរិយាយោ, វិបរិយាយោ, នេតព្ពោតិ នាយោ
ឧវណ្ណេសុ អម្ហិ តាវ –
ចវនំ ចវោ, ជវនំ ជវោ, អភិត្ថវនំ អភិត្ថវោ, ភុសំ ទវតិ ហិំសតីតិ ឧបទ្ទវោ, សន្ធវនំ សន្ធវោ, មិត្តភាវេន សន្ធវោ មិត្តសន្ធវោ, ភវតីតិ ភាវោ, វិភវនំ វិភវោ, សម្ភវនំ សម្ភវោ, សម្ភវតិ ឯតស្មាតិ វា សម្ភវោ, អធិភវនំ អធិភវោ, អភិភវោ, បរិភវោ, បរាភវនំ វិនស្សនំ បរាភវោ, រវតីតិ រវោ-សទ្ទោ, លុននំ លវោ, បសវតីតិ បស្សាវោ, អាសវតីតិ អាសវោ, បដិមុខំ សវនំ បដិស្សវោ ឥច្ចាទិ។
អណម្ហិ –
ភវនំ ភាវោ, ភវន្តិ សទ្ទ, ពុទ្ធិយោ ឯតេនាតិ ភាវោ, សាលិំ លុនាតីតិ សាលិលាវោ, កុច្ឆិតេន សវតិ សន្ទតីតិ កសាវោ ឥច្ចាទិ។
ឯទន្តេសុ អណម្ហិ –
មហាវុត្តិនា ឯស្ស អាយត្តំ, មន្តំ អជ្ឈេតីតិ មន្តជ្ឈាយោ, វជ្ជាវជ្ជំ ឧបេច្ច ឈាយតីតិ ឧបជ្ឈាយោ-ថេរោ, ឧបជ្ឈាយិនីថេរី។
ទេ-បាលនេ
វ្ហេ-អវ្ហានេ, វ្ហីយតីតិ វ្ហយោ-នាមំ, រស្សត្តំ, អាបុព្ពោ អវ្ហយោ ឥច្ចាទិ។
អនេកព្យញ្ជនេសុ អម្ហិ តាវ –
កមនំ កមោ, បក្កមោ, អភិក្កមោ, បដិក្កមោ, ចង្កមតិ ឯត្ថាតិ ចង្កមោ, ហិតំ ករោតីតិ ហិតក្ករោ, ទុក្ខេន កាតព្ពោតិ ទុក្ករោ-អត្ថោ, ទុក្ករា-បដិបទា, ទុក្ករំ-កម្មំ, សុខេន កាតព្ពោតិ សុករោ, ឦសំ កាតព្ពោតិ ឦសក្ករោ, ទីបំ ករោតីតិ ទីបង្ករោ, អលុត្តសមាសោ។
អាគច្ឆតីតិ អាគមោ, អាគមនំ វា អាគមោ, សង្គមនំ សង្គមោ, សមាគមោ, បគ្គណ្ហនំ បគ្គហោ, សង្គណ្ហនំ សង្គហោ, សង្គយ្ហន្តិ ឯត្ថ, ឯតេនាតិ វា សង្គហោ, អនុគ្គហោ, បដិគ្គហោ, គាវោ ចរន្តិ ឯត្ថាតិ គោចរោ, កាមេ អវចរតីតិ កាមាវចរោ, ឧរំ ឆាទេតីតិ ឧរច្ឆទោ, ជិរតិ ឯតេនាតិ ជរោ, វេស្សំ តរតីតិ វេស្សន្តរោ, អលុត្តសមាសោ។
រថេ អត្ថរតីតិ រថត្ថរោ, អស្សត្ថរោ, អរិំ ទមេតីតិ អរិន្ទមោ, ភគំ ទរតិ ភិន្ទតីតិ ភគន្ទរោ, យុគំ រវិ’ន្ទុទ្វយំ ធារេតីតិ យុគន្ធរោ, ធម្មំ ធារេតីតិ ធម្មធរោ, បជ្ជតេតិ បទំ, សិក្ខា ឯវ បទំ សិក្ខាបទំ, សុខេន ភរិតព្ពោតិ សុភរោ, ទុក្ខេន ភរិតព្ពោតិ ទុព្ភរោ, ន មរតីតិ អមរោ-ទេវោ, និយមនំ និយមោ, សំយមនំ សំយមោ, សិរស្មិំ រុហតីតិ សិរោរុហោ, សុខេន លព្ភតីតិ សុលភោ, ទុក្ខេន លព្ភតីតិ ទុល្លភោ, សំវរិតព្ពោតិ សំវរោ, វុច្ចតីតិ វចោ, សុព្ពចោ, ទុព្ពចោ, វារិំ វហតីតិ
អណម្ហិ –
កមុ-ឥច្ឆា, កន្តីសុ, កាមេតីតិ កាមោ, កាមីយតីតិ វា កាមោ, អត្ថំ កាមេតីតិ អត្ថកាមោ, ករណំ ការោ, បការោ, អាការោ, វិការោ, ឧបការោ, អបការោ, កុម្ភំ ករោតីតិ កុម្ភការោ, រថការោ, មាលការោ, សង្ខរណំ សង្ខារោ, សង្ខរីយតីតិ វា សង្ខារោ, សង្ខរោតីតិ វា សង្ខារោ, បរិក្ខារោ, បុរក្ខារោ, គច្ឆន្តិ បវត្តន្តិ កាមា ឯត្ថាតិ គាមោ, គណ្ហាតីតិ គាហោ, បត្តំ គណ្ហាតីតិ បត្តគាហោ, រស្មិំ គណ្ហាតីតិ រស្មិគាហោ, វិចរណំ វិចារោ, ឧបេច្ច ចរតីតិ ឧបចារោ, គាមំ ឧបេច្ច ចរតីតិ គាមូបចារោ, ជិរតិ ហិរី ភិជ្ជតិ ឯតេនាតិ ជារោ, កិច្ឆេន តរិតព្ពោតិ កន្តារោ, មហាវុត្តិនា កិច្ឆស្ស កត្តំ, ពិន្ទាគមោ, វាឡកន្តារោ, យក្ខកន្តារោ, អត្ថរណំ អត្ថារោ, កថិនស្ស អត្ថារោ កថិនត្ថារោ, ទរតិ ភិន្ទតិ កុលវិភាគំ គច្ឆតិ ឯតេន ជនេនាតិ ទារោ, កុំ បថវិំ ទារេតីតិ កុទារោ, រស្ស លោ, កុទាលោ។
ភុសោ ក្រិយំ ធារេតីតិ អាធារោ, បត្តាធារោ, បដិសន្ធារណំ បដិសន្ធារោ, បជ្ជតិ ឯតេនាតិ បាទោ, ឧប្បជ្ជនំ ឧប្បាទោ, បដិច្ច សមុប្បជ្ជនំ បដិច្ចសមុប្បាទោ, ភរិតព្ពោ វហិតព្ពោតិ ភារោ, សម្ភរីយតិ សន្និចីយតីតិ សម្ភារោ, ពោធិសម្ភារោ, ទព្ពសម្ភារោ, មារេតីតិ មារោ, កិលេសមារោ, ខន្ធមារោ, មច្ចុមារោ, និយាមេតីតិ និយាមោ, ធម្មនិយាមោ, កម្មនិយាមោ, អារូហតីតិ អារោហោ, រុក្ខំ អារូហតីតិ រុក្ខារោហោ, ហត្ថារោហោ, អស្សារោហោ, រថារោហោ, លព្ភតីតិ លាភោ, បដិលាភោ, និវរណំ និវារោ, បរិវារេតីតិ បរិវារោ, វហតីតិ វាហោ, អាវាហោ, វិវាហោ, សរតិ អទ្ធានំ បវត្តតីតិ
៧៨៦. ហនស្ស ឃាតោ ណានុពន្ធេ
ណានុពន្ធេ បច្ចយេ បរេ ហនស្ស ឃាតោ ហោតិ។
ហននំ ឃាតោ, វិហញ្ញនំ វិឃាតោ, ឧបហននំ ឧបឃាតោ, បដិហននំ បដិឃាតោ។
ឃកបច្ចយេ វុទ្ធិ នត្ថិ, ‘មនានំ និគ្គហីត’ន្តិ ធាត្វានុពន្ធស្សបិ នស្ស និគ្គហីតំ វគ្គន្តោ ច, ‘កគា ចជានំ ឃានុពន្ធេ’តិ ឃានុពន្ធេ បច្ចយេ បរេ ធាត្វន្តានញ្ច, ជានំ ក, គា ហោន្តិ, និបច្ចតីតិ និបកោ។
ភន្ជ-ភិជ្ជនេ វិភាគេ ច, ភញ្ជនំ ភង្គោ, វិភជ្ជនំ វិភង្គោ, វិភជីយន្តិ ធម្មា ឯត្ថ, ឯតេនាតិ វា វិភង្គោ, ខន្ធវិភង្គោ, ធាតុវិភង្គោ។
រន្ជ-រាគេ, រញ្ជនំ រង្គោ, រញ្ជន្តិ សត្តា ឯត្ថាតិ រង្គោ។
សន្ជ-សង្គេ, សញ្ជនំ សង្គោ, បសជ្ជនំ លគ្គនំ បសង្គោ, អាសជ្ជតីតិ អាសង្គោ, ឧត្តរិ អាសង្គោ ឧត្តរាសង្គោ។
សជ-សជ្ជនេ, អតិសជ្ជនំ សម្ពោធនំ អតិសគ្គោ, គស្ស ទ្វិត្តំ។
និស្សជ្ជនំ និស្សគ្គោ, បដិនិស្សគ្គោ, វិស្សជ្ជនំ វិស្សគ្គោ, សំសជ្ជនំ មិស្សីករណំ សំសគ្គោ, យុជ្ជតិ ឯត្ថាតិ យុគំ, កលិយុគំ, សកដយុគំ, បិតាមហយុគំ, និតុទនំ និតុទោ, បនុទនំ បនុទោ, ឧទ្ធំ ភិជ្ជតីតិ ឧព្ភិទោ, កោវិទតីតិ កោវិទោ, បការេន កុជ្ឈតីតិ បកុធោ, ពុជ្ឈតីតិ ពុធោ-បណ្ឌិតោ, មុយ្ហតីតិ មោមូហោ, លោលុប្បតីតិ លោលុប្បោ, អាទិទ្វិត្តំ ឱត្តញ្ច ឥច្ចាទិ។
ឃណបច្ចយេ-បចនំ
យជ-បូជាយំ, យជនំ យាគោ, អាមិសយាគោ, ធម្មយាគោ, យុជ្ជនំ យោគោ, បយោគោ, អាយោគោ, វិយោគោ, អនុយោគោ, ឧបយុជ្ជិតព្ពោតិ ឧបយោគោ, លុជ្ជតីតិ លោកោ, មហាវុត្តិនា គស្ស កត្តំ, កាមលោកោ, រូបលោកោ, សំវិជ្ជនំ សំវេគោ ឥច្ចាទិ។
៧៨៧. អនឃណស្វាបរីហិ ឡោ
អា, បរីហិ បរស្ស ទហស្ស ឡោ ហោតិ អន, ឃណបច្ចយេសុ។
បរិទយ្ហនំ បរិឡាហោ, ‘ទហស្ស ទស្ស ឌោ’តិ វិកប្បេន ឌាទេសោ, ទយ្ហនំ ឌាហោ, ទាហោ វា។
ឥតិ អអាទិបច្ចយរាសិ។
អនបច្ចយរាសិ
អថ អនបច្ចយន្តា វុច្ចន្តេ។
៧៨៨. អនោ។
ភាវេ ច ឆសុ ការកេសុ ច ក្រិយត្ថា អនបច្ចយោ ហោតិ, អាទន្តេសុ បរស្សរលោបោ, អលោបេ យាគមោ។
អក្ខាយតេ អក្ខានំ, អក្ខាយតិ ឯតេនាតិ វា អក្ខានំ, ធម្មស្ស អក្ខានន្តិ ធម្មក្ខានំ, បដិសង្ខាយតិ បជានាតិ ឯតេនាតិ បដិសង្ខានំ
ការិតេ-ញាបនំ, បញ្ញាបនំ, វិញ្ញាបនំ, សញ្ញាបនំ។
ជាននំ, បជាននំ, វិជាននំ, សញ្ជាននំ, បុព្ពស្សរលោបោ, ឋីយតេ ឋានំ, តិដ្ឋតិ ឯត្ថាតិ វា ឋានំ។
ការិតេ-ឋាបនំ, បតិដ្ឋាបនំ។
តាយតិ រក្ខតីតិ តាណំ, បរិត្តាណំ, នស្ស ណត្តំ។
អវត្ថាយតិ ឯត្ថាតិ អវត្ថានំ, ទីយតេ ទានំ, ទិយ្យតិ ឯតេនាតិ វា ទានំ, សម្មា បទីយតិ អស្សាតិ សម្បទានំ, អបេច្ច អាទទាតិ ឯតស្មាតិ អបាទានំ។
ការិតេ-ទាបនំ, សមាទបនំ។
បទហីយតេ បធានំ, បទហន្តិ ឯតេនាតិ វា បធានំ, អាធានំ, វិធានំ, និធានំ, សន្និធានំ។
ការិតេ-សន្និធាបនំ។
បានំ, បដិភានំ, មាណំ, បមាណំ, ឧបមាណំ, បរិមាណំ, នស្ស ណត្តំ។
យាយតិ ឯតេនាតិ យានំ, ឧយ្យានំ, និយ្យានំ, វាយន្តិ ភវាភវំ គច្ឆន្តិ ឯតេនាតិ វានំ, នត្ថិ វានំ ឯត្ថាតិ និព្ពានំ, និព្ពាយន្តិ ឯត្ថាតិ វា និព្ពានំ។
ការិតេ-និព្ពាបនំ។
អវសានំ, ឱសានំ, បរិយោសានំ, បហានំ, បរិហានំ។
ការិតេ-ហាបនំ, បរិហាបនំ។
ឥវណ្ណេសុ-អយនំ
បដិសល្លីយន្តិ ឯត្ថាតិ បដិសល្លានំ, ឥស្ស អាត្តំ។ សេតិ ឯត្ថាតិ សេនំ, សយនំ។
ការិតេ-សយាបនំ ឥច្ចាទិ។
ឧវណ្ណេសុ-ចវនំ, ជវនំ, អភិត្ថវនំ, ធុននំ, វិទ្ធុននំ, និទ្ធុននំ, ភវនំ, អភិភវនំ, លវនំ, លុននំ, សវនំ, បសវនំ ឥច្ចាទិ។
ឯទន្តេសុ-អជ្ឈេនំ, អជ្ឈាយនំ, អបចាយនំ, ឈាយតេ ឈានំ, ឈាយតិ ឯតេនាតិ វា ឈានំ, បឋមជ្ឈានំ, ទុតិយជ្ឈានំ, ឧជ្ឈានំ, និជ្ឈានំ, អភិជ្ឈានំ, សាលិលាយនំ, ចីវរវាយនំ, គិលាយតីតិ គិលានោ ឥច្ចាទិ។
‘រា នស្ស ណោ’តិ សុត្តេន រការម្ហា បរស្ស នស្ស ណោ, ការណំ, អធិករីយតិ ឯត្ថាតិ អធិករណំ, សង្ខរណំ, អភិសង្ខរណំ។
ការិតេ-ការាបនំ។
អាកិរណំ, វិក្កិរណំ, ចរណំ, ជិរណំ, តរណំ, កង្ខាវិតរណំ, អត្ថរណំ, អាគន្ត្វា ទហន្តិ ឯត្ថ មតសរីរន្តិ អាឡហនំសុសានំ, ទស្ស ឡោ។
បស្សីយតេ បស្សនំ, ទស្សនំ, សុដ្ឋុ បស្សតីតិ សុទស្សនោរាជា, សុដ្ឋុ បស្សិតព្ពន្តិ សុទស្សនំ-ទេវនគរំ, សន្ទស្សនំ, និទស្សនំ, ធារណំ, ឧទ្ធារណំ, និទ្ធារណំ, អាទិទីឃោ។
បូរណំ, បរិបូរណំ, ផរណំ, វិប្ផរណំ។
ការិតេ-មារណំ។
និវារណំ, សរណំ, និស្សរណំ, ហរណំ, អាហរណំ, នីហរណំ ឥច្ចាទិ។
សាមញ្ញវិធានត្តា
៧៨៩. ករា ណនោ។
ករម្ហា កត្តរិ ណានុពន្ធោ អនោ ហោតិ។
ករោតិ អត្តនោ ផលន្តិ ការណំ។
៧៩០. ហាតោ វីហិកាលេសុ។
វីហិស្មិំ កាលេ ច វត្តព្ពេ ហាធាតុម្ហា កត្តរិ ណានុពន្ធោ អនោ ហោតិ។
ហាបេតីតិ ហាយនោ, វីហិវិសេសោ វស្សញ្ច។ ‘‘កុញ្ជរំ សដ្ឋិហាយន’’ន្តិ ឯត្ថ វស្សំ ហាយនន្តិ វុច្ចតិ។
ឥតិ អនបច្ចយរាសិ។
អកបច្ចយរាសិ
អថ អកបច្ចយន្តា វុច្ចន្តេ។
៧៩១. អាសីសាយមកោ
អាសីសា វុច្ចតិ បត្ថនា, អាសីសាយំ គម្យមានាយំ អកោ ហោតិ កត្តរិ។
ជីវតូតិ
‘កត្តរិ ល្តុណកា’តិ ណកោ, សោ ច សាមញ្ញវិធានត្តា អរហេ សត្តិយំ សីលេ ធម្មេ សាធុការេ ច សិជ្ឈតិ, អក្ខាយតីតិ អក្ខាយកោ, ‘អាស្សាណាបិម្ហិ យុក’ឥតិ យាគមោ, អក្ខាតុំ អរហតិ, សក្កោតិ, អក្ខានមស្ស សីលំ, ធម្មោ, អក្ខានំ សក្កច្ចំ ករោតីតិ អត្ថោ។ កាលត្តយេបិ សិជ្ឈតិ, បុព្ពេបិ អក្ខាសិ, អជ្ជបិ អក្ខាតិ, បច្ឆាបិ អក្ខាយិស្សតីតិ អត្ថោ។ ឯវំ សេសេសុ សាមញ្ញវិធីសុ យថារហំ វេទិតព្ពោ។
ឥត្ថិយំ-‘អធាតុស្ស កេ…’តិ សុត្តេន អកស្ស អស្ស ឥត្តំ, អក្ខាយិកា-ឥត្ថី, អក្ខាយកំ-កុលំ, សង្គាយកោ, ជានាតីតិ ជានកោ។
វិករណបច្ចយតោ បរំ នាគមេ សតិ វិករណស្ស រស្សោ, ជាននកោ, អាជាននកោ, វិជាននកោ, សញ្ជាននកោ។
ការិតេ-ញាបេតីតិ ញាបកោ, វិញ្ញាបកោ, សញ្ញាបកោ។
នាគមេ-ញាបនកោ, វិញ្ញាបនកោ, សញ្ញាបនកោ, អធិដ្ឋាតីតិ អធិដ្ឋាយកោ, អធិដ្ឋាបេតីតិ អធិដ្ឋាបកោ, ទេតីតិ ទាយកោ, ទាបេតីតិ ទាបកោ។
ណាបិម្ហិ យាគមោ នត្ថិ, សមាទបេតីតិ សមាទបកោ, ឧភយត្ថ រស្សោ។ វិធេតីតិ វិធាយកោ, បជហតីតិ បជហាយកោ, អវហិយ្យតីតិ ឱហិយកោ, អាស្ស ឥត្តំ ឥច្ចាទិ។
ឥវណ្ណេសុ-អជ្ឈេតីតិ
ភូមិយំ សេតីតិ ភូមិសាយកោ, សយាបេតីតិ សយាបកោ, បាហេតីតិ បហិណកោ ឥច្ចាទិ។
ឧវណ្ណេសុ-បុនាតិ សោធេតីតិ បាវកោ-អគ្គិ, ភវតីតិ ភាវកោ, វិភាវេតីតិ វិភាវកោ, លុនាតីតិ លាវកោ, សុណាតីតិ សាវកោ-បុរិសោ, សាវិកា-ឥត្ថី, ជុហោតីតិ ហាវកោ ឥច្ចាទិ។
អប-បាបុណនេ, បាបេតីតិ បាបកោ, សម្បាបេតីតិ សម្បាបកោ, ឧបាសតីតិ ឧបាសកោ-បុរិសោ, ឧបាសិកា-ឥត្ថី, ឧបាសកំ-កុលំ, ករោតីតិ ការកោ, ការិកា, ការកំ, ឧបការកោ, ការេតីតិ ការាបកោ, សង្ខរោតីតិ សង្ខារកោ, អភិសង្ខារកោ, ខិបតីតិ ខិបកោ, ឧក្ខិបកោ, និក្ខិបកោ, ខេបកោ, ឧក្ខេបកោ, និក្ខេបកោ, នាគមេខិបនកោ។
គណ្ហាតីតិ គាហកោ, គណ្ហាបេតីតិ គាហាបកោ។ ឯវំ គោបកោ, បាទមូលេ ចរតីតិ បាទចារកោ, បុប្ផំ ឱចិនាយតីតិ ឱចិនាយកោ, ឯទន្តោ ធាតុ។
ឆិន្ទតីតិ ឆេទកោ, ឆិន្ទកោ, ឆេទាបេតីតិ ឆេទាបកោ, ឆិន្ទាបកោ, ជនេតីតិ ជនកោ-បុរិសោ, ជនិកាមាតា, ជនកំ-កម្មំ, ការិតលោបោ។
ឈាប-ទាហេ, ឈាបេតីតិ ឈាបកោ។
ញប-បញ្ញាបនេ, បញ្ញបេតីតិ បញ្ញាបកោ។
ឋាប-ឋានេ, បតិដ្ឋាបេតីតិ បតិដ្ឋាបកោ។
ណាប-បេសនេ
បចតីតិ បាចកោ, បាចេតីតិ បាចាបកោ, អាបាទេតីតិ អាបាទកោ, និប្ផាទកោ, សម្បាទកោ, បដិបជ្ជកោ, បដិបាទកោ, បូរេតីតិ បូរកោ, គរុបន្តត្តា ន វុទ្ធិ។
ផុសតីតិ ផុសកោ, តុទាទិត្តា ន វុទ្ធិ។
ភាជេតីតិ ភាជកោ, ភិន្ទតីតិ ភិន្ទកោ, ភេទកោ, ការភេទកោ, ភុញ្ជតីតិ ភុញ្ជកោ, ភោជកោ, គាមភោជកោ, ពុជ្ឈតីតិ ពុជ្ឈកោ, ពោធកោ, មរតីតិ មិយ្យកោ, មារេតីតិ មារកោ, មុញ្ចតីតិ មុញ្ចកោ, មោចកោ, យាចតីតិ យាចកោ, យជតីតិ យាជកោ, យុញ្ជតីតិ យុញ្ជកោ, អនុយុញ្ជកោ, យោជកោ, បយោជកោ, យុជ្ឈតីតិ យុជ្ឈកោ, យោធកោ, រុន្ធតីតិ រុន្ធកោ, អវរោធកោ, វចតីតិ វាចកោ, ឱវទតីតិ ឱវាទកោ, ឱវជ្ជកោ, វីណំ វាទេតីតិ វីណាវាទកោ, ភេរិវាទកោ, គរុំ អភិវាទេតីតិ អភិវាទកោ, វិទតិជានាតីតិ វេទកោ, វិន្ទតិ បដិលភតីតិ វិន្ទកោ, អនុវិជ្ជតិ វិចារេតីតិ អនុវិជ្ជកោ, បដិសំវេទេតីតិ បដិសំវេទកោ, វិជ្ឈតីតិ វេធកោ, អដ្ឋិំ វិជ្ឈតីតិ អដ្ឋិវេធកោ, បត្តំ វិជ្ឈតីតិ បត្តវេធកោ។
ពហុលាធិការា កម្មេបិ ទិស្សតិ, អន្តរេ វាសីយតិ និវាសីយតីតិ អន្តរវាសកោ, បសីទតីតិ បសីទកោ, បសាទកោ វា, ទីបប្បសាទកោ, ឧទកប្បសាទកោ, សិព្ពតីតិ សិព្ពកោ, សេវតីតិ សេវកោ, ហនតីតិ ឃាតកោ, គាវោ ហនតីតិ គោឃាតកោ, ហនស្ស ឃាតោ។ ហរតីតិ ហារកោ។
កម្មេ
ឥតិ អកបច្ចយរាសិ។
ឥវណ្ណន្តរូបរាសិ
អថ ឥវណ្ណន្តរូបានិ វុច្ចន្តេ។
៧៩២. ទាធាត្វិ
ទា, ធាហិ ភាវការកេសុ ឥបច្ចយោ ហោតិ។
បឋមំ ចិត្តេន អាទីយតីតិអាទិ, តណ្ហាទិដ្ឋីហិ ឧបាទីយតីតិ ឧបាទិ, ខន្ធុបាទិ, កិលេសុបាទិ, វិធានំ វិធិ, វិធិយ្យតិ ឯតេនាតិ វិធិ, និធិយ្យតីតិ និធិ, សន្ធិយតេ សន្ធិ, អភិសន្ធិ, បដិសន្ធិ, សន្និទហនំ សន្និធិ, សមាធានំ សមាធិ, សមាទហន្តិ ឯតេនាតិ សមាធិ, បណិទហនំ បណិធិ, ឱធិ, អវធិ, ឧបនិធិ, បដិនិធិ, ឧទកំ ទហតិ តិដ្ឋតិ ឯត្ថាតិ ឧទធិ, មហន្តោ ឧទធិ មហោទធិ, វាលានិ ទហន្តិ តិដ្ឋន្តិ ឯត្ថាតិ វាលធិ។
៧៩៣. ឥកិតី សរូបេ
ធាតូនំ សុតិសង្ខាតេ សរូបេ វត្តព្ពេ ក្រិយត្ថា បរំ ឥ, កិ, តិបច្ចយា ហោន្តិ។
អវណ្ណុបន្តេហិ ឥ, គមិ, បចិ ឥច្ចាទិ។
ឧវណ្ណុបន្តេហិ កិ, ពុធិ, រុធិ ឥច្ចាទិ។
កេហិចិតិ, ករោតិស្ស, អត្ថិស្ស ឥច្ចាទិ។
៧៩៤. សីលាភិក្ខញ្ញាវស្សកេសុ ណី
សីលំ
អក្ខាយតីតិ អក្ខាយី, អក្ខាយនសីលោ, អក្ខាយនធម្មោ, អក្ខានេ សក្កច្ចការិតា យុត្តោតិ អត្ថោ។ កាលត្តយេបិ សិជ្ឈតិ សាមញ្ញវិធានត្តា។
អវស្សកំ បន អនាគតមេវ, ធម្មក្ខាយី-បុរិសោ, ធម្មក្ខាយិនី-ឥត្ថី, ធម្មក្ខាយិ-កុលំ, គីតំ អភិណ្ហំ គាយតីតិ គីតគាយី, កប្បំ អវស្សំ ឋាស្សតីតិ កប្បដ្ឋាយី, សំវដ្ដមានំ អសង្ខ្យេយ្យំ ឋាស្សតីតិ សំវដ្ដដ្ឋាយី។ ឯវំ វិវដ្ដដ្ឋាយី។
អទិន្នំ អាទទាតិ សីលេនាតិ អទិន្នាទាយី។ តថា ទិន្នមេវ អាទទាតីតិ ទិន្នាទាយី, អន្នំ ទទាតិ សីលេនាតិ អន្នទាយី។
ទា-សុប្បនេ។ និទ្ទាយនសីលោ និទ្ទាយី, មជ្ជំ បិវនសីលោ មជ្ជបាយី, មជ្ជំ អភិណ្ហំ បិវតីតិ មជ្ជបាយី, សីឃំ យាយនសីលោ សីឃយាយី, សសង្ខារេន សប្បយោគេន អវស្សំ បរិនិព្ពាយិស្សតីតិ សសង្ខារបរិនិព្ពាយី។ តថា អសង្ខារបរិនិព្ពាយី, អាយុកប្បស្ស អន្តរេ វេមជ្ឈេ អវស្សំ បរិនិព្ពាយិស្សតីតិ អន្តរាបរិនិព្ពាយី, អាយុកប្បបរិយោសានំ ឧបហច្ច អវស្សំ បរិនិព្ពាយិស្សតីតិ ឧបហច្ចបរិនិព្ពាយី ឥច្ចាទិ។
ឥវណ្ណេសុ-មន្តំ និច្ចកាលំ អជ្ឈាយតីតិ មន្តជ្ឈាយី, ធម្មជ្ឈាយី, ធញ្ញំ និច្ចកាលំ វិក្កិណាតីតិ ធញ្ញវិក្កាយី, ភាយនសីលោ ភាយី, ភូមិយំ សយនសីលោ, ភូមិយំ វា និច្ចកាលំ សយតីតិ
ឯទន្តាបិ ឥធ វត្តព្ពា, ឧទ្ធំ វឌ្ឍនសីលោ ឧទាយី, វុទ្ធេសុ អបចាយនសីលោ វុទ្ធាបចាយី។ ឯវំ ជេដ្ឋាបចាយី, ឈាយនសីលោ, ឈាយនធម្មោ, ឈាយនេ សក្កច្ចក្រិយាយុត្តោតិ ឈាយី, និច្ចកាលំ ឈាយតីតិ វា ឈាយី, បជ្ឈាយី, ឧជ្ឈាយី, និជ្ឈាយី, អភិជ្ឈាយី, ភាយនសីលោ ភាយី, តិណំ អភិណ្ហំ លាយតីតិ តិណលាយី, តន្តំ និច្ចកាលំ វាយតីតិ តន្តវាយី, បលាយនសីលោ បលាយី, ន បលាយី អបលាយី ឥច្ចាទិ។
ឧវណ្ណេសុ-យថាភូតំ អត្ថំ វិភាវនសីលោ វិភាវីបុរិសោ, វិភាវិនី-ឥត្ថី, អាយតិំ អវស្សំ ភវិស្សតីតិ ភាវី, សាលិំ លុនាតិ សីលេនាតិ សាលិលាវី ឥច្ចាទិ។
ព្យាបនសីលោ ព្យាបី, កាមេតិ ឥច្ឆតិ សីលេនាតិ កាមី, ធម្មកាមី, អត្ថកាមី, ករណសីលោ ការី, បាបការី, បុញ្ញការី។
អវស្សំ អាគមិស្សតីតិ អាគាមី។ រស្សត្តេ-អាគមិនីរត្តិ, អាគមិនី-បុណ្ណមាសី, អាចយំ វដ្ដំ គច្ឆតិ សីលេនាតិ អាចយគាមី, អបចយំ វិវដ្ដំ គច្ឆតិ សីលេនាតិ អបចយគាមី, សកិំ អវស្សំ អាគមិស្សតីតិ សកទាគាមី។ តថា ន អាគមិស្សតីតិ អនាគាមី។
អាធានំ វុច្ចតិ ទឡ្ហដ្ឋិតិ, អាធានំ កត្វា គហណសីលោ អាធានគាហី, ទឡ្ហគាហី, ធម្មំ ចរតិ សីលេនាតិ ធម្មចារី, ព្រហ្មំ សេដ្ឋំ ចរតិ សីលេនាតិ ព្រហ្មចារី។
អបិចេត្ថ ធម្មោ នាម កុលាចារធម្មោ, តំ ធម្មំ ចរាមីតិ ទឡ្ហំ គណ្ហិត្វា យាវ ន វិជហតិ, តាវ អវីតិក្កមនដ្ឋេន ធម្មំ ចរតិ សីលេនាតិ ធម្មចារី នាម។ តថាចរន្តោ ច អន្តរាវីតិក្កមនីយវត្ថុសមាយោគេ សតិ តំ ធម្មំ អបតមានំ កត្វា ធារេន្តោ
ព្រហ្មំ វុច្ចតិ តតោ សេដ្ឋតរំ សិក្ខាបទសីលំ, តម្បិ គណ្ហិត្វា អវិជហន្តោ អន្តរា ច អបតមានំ កត្វា ធារេន្តោ អនុបក្កិលិដ្ឋំ សុបរិយោទាតញ្ច ករោន្តោ តិវិធេន អត្ថេន ព្រហ្មចារី នាម, សមាទាន, សម្បត្ត, សមុច្ឆេទវិរតីនំ វសេន វិយោជេតុំ វដ្ដតិ, យោ បន គណ្ហន្តោ តថា ន ធារេតិ, ធារេន្តោ វា ឧបក្កិលិដ្ឋំ ករោតិ, សោ ឯកទេសេន អត្ថេន ព្រហ្មចារី នាម។
យោ បន តិវិធេន អត្ថេន មុត្តោ ហុត្វា កទាចិ តំ ធម្មំ ចរតិ, តស្ស ចរណក្រិយា តស្សីលក្រិយា ន ហោតិ, សោ ធម្មចារីតិ ន វុច្ចតិ, ឯតេនុបាយេន សេសេសុ បាប, កល្យាណភូតេសុ តស្សីលបទេសុ អត្ថវិភាគោ វេទិតព្ពោ។
ព្រហ្មចារិនី-ឥត្ថី, វិសេសេន ទស្សនសីលោ វិបស្សី, អត្ថទស្សី, ធម្មទស្សី, បិយទស្សី, សុទស្សី, ទុស្សនសីលោ ទុស្សីមារោ, ធារណសីលោ ធារី, ឥណធារី, ឆត្តធារី, ភុសំ នហនសីលោ ឧបនាហី, បរិនិដ្ឋិតបច្ចយេកទេសត្តា អាយតិំ អវស្សំ ឧប្បជ្ជិស្សតីតិ ឧប្បាទី, ឧប្បាទិនោ ធម្មា
ភរ-ធារណេ, មាលំ និច្ចកាលំ ភរតីតិ មាលភារី, ភាជនសីលោ ភាជី, ឧណ្ហំ ភុញ្ជនសីលោ ឧណ្ហភោជី, អត្តានំ មញ្ញតិ សីលេនាតិ អត្តមានី, អត្តានំ បណ្ឌិតំ មញ្ញតីតិ បណ្ឌិតមានី, លភនសីលោ លាភី, វចនសីលោ វាចី។ ឯវំ វាទី, អត្ថវាទី, ធម្មវាទី, យុត្តវាទី, មុត្តវាទី, វិភជ្ជវាទី, និច្ចំ វសតីតិ វាសី, គាមវាសី, នគរវាសី, ភារំ វហនសីលោ ភារវាហី
ហរិតព្ពំ សព្ពំ ហរតិ សីលេនាតិ ហារហារី ឥច្ចាទិ។
‘កគា ចជាន’ន្តិ សុត្តវិភត្តិយា អឃានុពន្ធេបិ ចជានំ កគាទេសោ, សមំ វិបាចេតីតិ សមវេបាកី-ឧទរគ្គិ, សមវេបាកិនី-គហណី, ឧបធិ ផលំ វិបច្ចតីតិ ឧបធិវេបាកិនី, សោចនសីលោ សោកី, សោកិនី-បជា, មុត្តោ ហុត្វា ចជនសីលោ មុត្តចាគី, សំវិភាជនសីលោ សំវិភាគី, កាមសុខំ ភុញ្ជនសីលោ កាមភោគី, វិសុំ អវិភត្តំ ភោគំ ភុញ្ជនសីលោ អបដិវិភត្តភោគី, យុញ្ជនសីលោ យោគី ឥច្ចាទិ។
៧៩៥. អាវី
អាវី ហោតិ កត្តរិ។
ភយំ ទស្សនសីលោ ភយទស្សាវី។
ឥតិ ឥវណ្ណន្តរូបរាសិ។
ឧវណ្ណន្តរូបរាសិ
៧៩៦. ភង្គុ ភីរូ ភាសុ អស្សវា។
ឯតេ សទ្ទា មហាវុត្តិនា សីលាទីសុ និបច្ចន្តេ។
ភន្ជ-វិនាសេ, បភញ្ជនសីលោ បភង្គុ-សង្ខតធម្មោ។
ភី-ភយេ, ភាយនសីលោ ភីរូ។
ភា-ទិត្តិយំ, ឱភាសនសីលោ ភាសុ-បភា, ជេដ្ឋវចនំ អាទរេន សុណាតិ សីលេនាតិ អស្សវោ-បុត្តោ, អស្សវាភរិយា។
៧៩៧. វិទា កូ
វិទម្ហា
វិទតិ សីលេនាតិ វិទូ, លោកវិទូ, បរចិត្តវិទូ។ ឥត្ថិយំ បរចិត្តវិទុនី។
៧៩៨. វិតោ ញាតោ
វិបុព្ពា ញាតោ កូ ហោតិ កត្តរិ។
វិជាននសីលោ វិញ្ញូ។
៧៩៩. កម្មា
កម្មុបបទា ញាតោ កូ ហោតិ កត្តរិ។
សព្ពំ ជានាតិ សីលេនាតិ សព្ពញ្ញូ, រត្តញ្ញូ, អត្ថញ្ញូ, ធម្មញ្ញូ, កាលញ្ញូ, សមយញ្ញូ។
៧៨០. គមា រូ
កម្មុបបទា គមម្ហា រូ ហោតិ កត្តរិ។ ‘រានុពន្ធេន្តសរាទិស្សា’តិ សព្ពធាត្វន្តលោបោ។
បារំ គច្ឆតិ សីលេនាតិ បារគូ, វេទំ វុច្ចតិ អគ្គមគ្គញាណំ, វេទំ គច្ឆតីតិ វេទគូ, អទ្ធានំ គច្ឆតីតិ អទ្ធគូ។
ឥតិ ឧវណ្ណន្តរូបរាសិ។
ឥត្ថិលិង្គរូបរាសិ
អថ ឥត្ថិលិង្គរូបានិ វុច្ចន្តេ។
៨០១. ឥត្ថិយមណតិកយកយា ច
ឥត្ថិលិង្គេ វត្តព្ពេ ភាវការកេសុ អ, ណ,តិ, ក, យក, យបច្ចយា ច អនោ ច ហោតិ។
ក
កម្ហិ តាវ-អត្តនិ និសិន្នំ គូហតិ សំវរតីតិ គុហា, អត្តានំ វា បរំ វា ទូសេតីតិ ទូសា-ធុត្តិត្ថី។
មុទ-ហាសេ, មោទនំ មុទា, បមុទា, សុជ្ឈតិ ឯតាយាតិ សុធា, វសុំ រតនំ ធារេតីតិ វសុធា ឥច្ចាទិ។
អម្ហិ-សង្ខាយន្តិ ឯតាយាតិ សង្ខា។ តថា សង្ខ្យា, បជានាតីតិ បញ្ញា, អាជានាតីតិ អញ្ញា, សញ្ជានាតីតិ សញ្ញា, សញ្ជានន្តិ ឯតាយាតិ វា សញ្ញា, សញ្ជាននំ វា សញ្ញា, អភិជាននំ អភិញ្ញា, បដិជាននំ បដិញ្ញា, បរិច្ឆិជ្ជ ជាននំ បរិញ្ញា, បដិច្ច តិដ្ឋតិ ឯត្ថាតិ បតិដ្ឋា។
ថា-ឋានេ, អវធិភាវេន ឋាតិ តិដ្ឋតីតិ អវត្ថា, ឧបាទីយតីតិ ឧបាទា-បញ្ញត្តិ, អញ្ញមញ្ញំ ឧបេច្ច និស្សាយ ច ធិយ្យតីតិ ឧបនិធា-បញ្ញត្តិយេវ, សទ្ទហនំ សទ្ធា, សទ្ទហន្តិ ឯតាយាតិ វា សទ្ធា, វិសិដ្ឋំ កត្វា អត្តានំ ទហន្តិ ឯតាយាតិ វិធា-មានោ, ភាតិ ទិព្ពតីតិ ភា-នក្ខត្តំ, បភា, អាភា, និភា, ឧបមីយតេ ឧបមា។
ឈេ-ចិន្តាយំ, បជ្ឈាយនំ បជ្ឈា, វជ្ជាវជ្ជំ ឧបជ្ឈាយតិ បេក្ខតីតិ ឧបជ្ឈា, អភិមុខំ ឈាយនំ អភិជ្ឈា។
អាស-បត្ថនាយំ, អាសីសនំ អាសា, បច្ចាសីសនំ បច្ចាសា។
អាស-ឧបវេសនេ, អច្ឆនំ អច្ឆា។
ឥក្ខ-ទស្សន’ង្កេសុ, អបេក្ខនំ អបេក្ខា, ឧបេក្ខនំ ឧបេក្ខា, ឧបបរិក្ខនំ ឧបបរិក្ខា, ឥច្ឆនំ ឥច្ឆា, ព្យាបិតុំ ឥច្ឆា វិច្ឆា។
ឥស្ស-ឧស្សុយ្យិយេ, ឥស្សនំ ឥស្សា។
ឦហ-ព្យាបារេ, ឦហនំ ឦហា។
ឧឆិ-ឧច្ឆេ
ឯល-កម្បនេ, ឯលយតីតិ ឯលា-ទោសោ។
ឱជ-ថម្ភនេ តេជនេ ច, ឱជេតិ តំសមង្គិនេ សត្តេ សង្ខារេ ច សមុបត្ថម្ភតិ សមុត្តេជេតីតិ វា ឱជា។
កល-សង្ខ្យានេ, កលីយតីតិ កលា, ខមនំ ខមា, គជ្ជន្តិ ឯតាយាតិ គទា, គិរីយតិ កថីយតីតិ គិរា-វាចា, ឃដីយតិ សង្ឃដីយតិ ឯត្ថាតិ ឃដា-យូថោ, ភុសោ ចារេតិ បរិចារេតីតិ អច្ឆរា-ទេវី, មហាវុត្តិនា ចស្ស ឆោ, ជដតីតិ ជដា, អន្តោជដា ពហិជដា
ភិក្ខ-យាចនេ, ភិក្ខីយតេតិ ភិក្ខា។
សិក្ខ-ឃដនេ, សិក្ខនំ សិក្ខា, សិក្ខន្តិ ឃដេន្តិ សេក្ខា ជនា ឯត្ថាតិ សិក្ខា, អធិសីលសិក្ខា, អធិចិត្តសិក្ខា, អធិបញ្ញាសិក្ខា ឥច្ចាទិ។
តិតិក្ខនំ តិតិក្ខា, វីមំសនំ វីមំសា, តិកិច្ឆនំ តិកិច្ឆា, វិគតា តិកិច្ឆា ឯតិស្សាតិ វិចិកិច្ឆា, ភោត្តុំ ឥច្ឆា ពុភុក្ខា, ពុភោក្ខា វា, ឃសិតុំ ឥច្ឆា ជិឃច្ឆា, បាតុំ បរិភុញ្ជិតុំ ឥច្ឆា បិបាសា, ហរិតុំ ឥច្ឆា ជិគីសា, វិជេតុំ ឥច្ឆា វិជិគីសា, ហន្តុំ ឥច្ឆា ជិឃំសា ឥច្ចាទិ។
ណម្ហិ-អរ-គតិយំ, អរតិ សីឃំ វិជ្ឈមានា គច្ឆតីតិ អារាវេធកោ, ករោន្តិ នានាកម្មការណាយោ ឯត្ថាតិ ការា-អទ្ទុ
យក្បច្ចយេ-សហ កថនំ សាកច្ឆា, តថនំ តច្ឆា, និបជ្ជនំ និបជ្ជា, វិទតិ ជានាតីតិ វិជ្ជា, វិទន្តិ ជានន្តិ ឯតាយាតិ វា វិជ្ជា, វិជ្ជាបដិបក្ខា អវិជ្ជា, និសជ្ជនំ និសជ្ជា។
ឥធ-ឥជ្ឈនេ, សមិជ្ឈនំ សមិជ្ឈា។
សិធ-និប្ផត្តិយំ, សិជ្ឈនំ សិជ្ឈា ឥច្ចាទិ។
យម្ហិ-មជ-សំសុទ្ធិយំ, សម្មជ្ជនំ សម្មជ្ជា, អបេច្ច វជនំ គមនំ បព្ពជ្ជា, ចរណំ ចរិយា, បរិចរណំ បារិចរិយា, ‘ឩព្យញ្ជនស្សា’តិ ឦអាគមោ រស្សោ ច។
ជាគរ-និទ្ទក្ខយេ, ជាគរណំ ជាគរិយា, សេតិ ឯត្ថាតិ សេយ្យា, ទ្វិត្តំ។
អនម្ហិ-សហ គាយន្តិ សជ្ឈាយន្តិ ឯត្ថាតិ សង្គាយនា, ឋាបីយតេ បតិដ្ឋីយតេ បតិដ្ឋានា, បាបីយតេ បាបនា, សម្បាបនា, បរិសមាបនា, ឧបាសីយតេ ឧបាសនា, បយិរូបាសនា, ឯសីយតេ ឯសនា, បរិយេសនា, កាមេសនា, ភវេសនា, ព្រហ្មចរិយេសនា, ឆេជ្ជភេជ្ជាទិកស្ស កម្មស្ស ករណំ កម្មការណា, អាទិវុទ្ធិ, ទ្វត្តិំស កម្មការណា។
ចិតិ-ចេតាយំ, ចេតេន្តិ សម្បយុត្តា ធម្មា ឯតាយាតិ ចេតនា, ចិន្តីយតេ ចិន្តនា, ឋបីយតេ ឋបនា, ទីបីយតេ ទីបនា, វិបស្សន្តិ ឯតាយាតិ វិបស្សនា, សន្ទស្សីយតេ សន្ទស្សនា, ទេសីយតេ ទេសនា, ទេសីយតិ ឯតាយាតិ វា ទេសនា, បត្ថីយតេ បត្ថនា, ផរីយតេ ផរណា, ផុសីយតេ ផុសនា, ភាវីយតេ ភាវនា, វិភាវនា, សម្ភាវនា, មន្តីយតេ មន្តនា, និមន្តនា
រច-វិធានេ, រចីយតេ រចនា, អារចនា, វិរចនា។
វដ្ដ-វដ្ដនេ, អាវដ្ដនា, វិវដ្ដនា, វេទីយតេ វេទនា។
វរ-ឥច្ឆាយំ, បវារីយតេ ឥច្ឆាបីយតេ បវារណា, វាសីយតេ វាសនា, អាសីសីយតេ អាសីសនា, ហិំសីយតេ ហិំសនា ឥច្ចាទិ។
តិម្ហិ-ពហុលាធិការា អនិត្ថិយម្បិតិ ហោតិ, គាយនំ គីតិ, សហ គាយនំ សង្គីតិ, ទុគ្គីតិ, អនុគីតិ, អយំ អម្ហាកំ អព្ភន្តរិមោតិ ញាយតីតិ ញាតិ, ជាននំ ញត្តិ, ទ្វិត្តំ, ឋានំ ឋិតិ។
ទា-អវខណ្ឌនេ, ទីយតិ ឯតាយាតិ ទត្តិ, ទ្វិត្តំ, ធារេតីតិ ធាតិ, ទហនំ អកម្បនំ ធីតិ, សមាទហនំ សមាធីតិ, មហាវុត្តិនា អាស្សំ ឦត្តំ, ទ្វិត្តេ ធស្ស ទត្តំ រស្សោ ច, ទីធិតិ-រំសិ។
និព្ពាយនំ និព្ពុតិ, អាស្ស ឧត្តំ, សហ អយនំ សមិតិ, ឯតិ អាគច្ឆតីតិ ឦតិ-ឧបទ្ទវោ, វិចិននំ វិចិតិ, វិជយនំ វិជិតិ, នីយតិ ញាយតិ ឯតាយាតិ នីតិ, លោកនីតិ, ធម្មនីតិ, សទ្ទនីតិ, ភវំ នេតីតិ ភវនេត្តិ, វុទ្ធិ ទ្វិត្តញ្ច, សទ្ធម្មនេត្តិ, បិនយតីតិ បីតិ, ភាយនំ ភីតិ, ចវនំ ចុតិ, ជវនំ ជុតិ, ថវនំ ថុតិ, អភិត្ថុតិ, បវនំ បូតិ, ភវនំ ភូតិ, សុដ្ឋុ ភវតីតិ សុភូតិ, វិភវនំ វិភូតិ, សុដ្ឋុ មុននំ ពន្ធនំ សម្មុតិ, សវនំ សុតិ, សុយ្យតេតិ វា សុតិ, បសុតិ, ឧបសុតិ, ហូយតេតិ ហុតិ, អានេត្វា ហុតព្ពាតិ អាហុតិ, ចាយនំ បូជនំ ចិតិ, ទ្វិត្តេ-ចិត្តិ, អបចិតិ, ឯស្ស អត្តំ, និជ្ឈាយនំ និជ្ឈត្តិ។
មហាវុត្តិនា តការេ ករស្ស កុត្តំ, ក្រិយា កុត្តិ, សរកុត្តិ, ឥត្ថិកុត្តំ, បុរិសកុត្តំ, ជនេតីតិ ជនេត្តិ, ឦអាគមស្ស ឯត្តំ
៨០២. ជាហាហិ និ។
ឯតេហិ និ ហោតិ។
ជា-ហានិយំ, ជិយ្យតេ ជានិ, ធនជានិ, ភោគជានិ, មហន្តី ជានិ អស្សាតិ មហាជានិយោ, ហិយ្យតេ ហានិ, វណ្ណហានិ, ពលហានិ, អាយុហានិ, អវហានិ, បរិហានិ។
៨០៣. ករា រិរិយោ
ករម្ហា ឥត្ថិយំ រិរិយោ ហោតិ។
ករីយតេ កិរិយា, និបាតនេន ក្រិយាតិ សិជ្ឈតិ។
ឥតិ ឥត្ថិលិង្គរូបរាសិ។
រីរិក្ខាទិបច្ចយរាសិ
៨០៤. សមានញ្ញភវន្តយាទិតូបមានា ទិសា កម្មេ រីរិក្ខកា
សមានោ ច អញ្ញោ ច ភវន្តោ ច យាទិ ច ឯតេហិ ឧបមានភូតេហិ បរំ ទិសម្ហា កម្មេរី ច រិក្ខោ ច កោ ចាតិ ឯតេ បច្ចយា ហោន្តិ, រី, រិក្ខេសុ ‘រានុពន្ធេន្តសរាទិស្សា’តិ សុត្តេន ទិសស្ស អន្តស្សរាទីនំ លោបោ, កានុពន្ធោ អវុទ្ធត្ថោ, ‘រីរិក្ខកេសុ’ឥច្ចាទីហិ សមាសសុត្តេហិ បុព្ពបទានំ រូបំ សាធេតព្ពំ។
យ, ត, ឯត, ឥម, កិំ, តុម្ហ, អម្ហ, ភវន្ត, សមាន, អញ្ញ។
យោ វិយ ទិស្សតីតិ យាទី, យាទិក្ខោ, យាទិសោ, យំ វិយ នំ បស្សន្តីតិ យាទី, យេ វិយ ទិស្សន្តីតិ យាទិនោ, ឥត្ថិយំ-យា
សោ វិយ ទិស្សតីតិ តាទី, តាទិក្ខោ, តាទិសោ។
ឯសោ វិយ ទិស្សតីតិ ឯទី, ឯទិក្ខោ, ឯទិសោ, ឯតាទី, ឯតាទិក្ខោ, ឯតាទិសោ វា។
អយំ វិយ ទិស្សតីតិ ឦទី, ឦទិក្ខោ, ឦទិសោ។
កោ វិយ ទិស្សតីតិ កីទី, កីទិក្ខោ, កីទិសោ។
ត្វំ វិយ ទិស្សតីតិ តាទី, តាទិក្ខោ, តាទិសោ។
អហំ វិយ ទិស្សតីតិ មាទី, មាទិក្ខោ, មាទិសោ។
ពហុត្តេ បន តុម្ហេ វិយ ទិស្សន្តីតិ តុម្ហាទី, តុម្ហាទិក្ខោ, តុម្ហាទិសោ។
អម្ហេ វិយ ទិស្សន្តីតិ អម្ហាទី, អម្ហាទិក្ខោ, អម្ហាទិសោ។
ភវំ វិយ ទិស្សតីតិ ភវាទី, ភវាទិក្ខោ, ភវាទិសោ។
សមានោ វិយ ទិស្សតីតិ សទី, សទិក្ខោ, សទិសោ។
អញ្ញោ វិយ ទិស្សតីតិ អញ្ញាទី, អញ្ញាទិក្ខោ, អញ្ញាទិសោ។
ឥត្ថិយំ-យា វិយ ទិស្សតីតិ យាទិសា-ឥត្ថី, យាទិសី-ឥត្ថី។ តាទិសា-ឥត្ថី, តាទិសី-ឥត្ថី ឥច្ចាទិ។
៨០៥. វមាទីហិ ថុ
វមាទីហិ ភាវការកេសុ ថុ ហោតិ។
វមីយតេតិ វមថុ, ទវីយតេតិ ទវថុ ឥច្ចាទិ។
៨០៦. ក្វិ
ភាវការកេសុ
៨០៧. ក្វិស្ស
ក្វិស្ស លោបោ ហោតិ។
ឥវណ្ណេសុ តាវ-ភុសោ ចយតិ វឌ្ឍតីតិ អច្ចិ, ទ្វិត្តំ រស្សត្តញ្ច, វិវិធេន ចយតិ វឌ្ឍតីតិ វីចិ, បញ្ច មារេ ជិនាតីតិ មារជិ, ភទ្ទំ ជិនាតីតិ ភទ្ទជិ។ ឯវំ បុណ្ណជិ, គាមំ សមូហំ នេតីតិ គាមណី, នស្ស ណត្តំ។ សេនំ នេតីតិ សេនានី ឥច្ចាទិ។
ឧវណ្ណេសុ-មារេតិ ចាវេតិ ចាតិ មច្ចុ, មហាវុត្តិនា រស្ស បររូបត្តំ, វិវិធេន ជវតិ សីឃំ ផរតីតិ វិជ្ជុ, ភវន្តិ ឯត្ថាតិ ភូ-ភូមិ, បភវតិ ឥស្សរំ ករោតីតិ បភូ, វិភវនំ វិភូ, អភិភវតីតិ អភិភូ, សយំ ភវតីតិ សយម្ភូ, គោត្តំ អភិភវតីតិ គោត្តភូ, គោត្រភូ ឥច្ចាទិ។
ព្យញ្ជនន្តេសុ –
៨០៨. ក្វិម្ហិ លោបោន្តព្យញ្ជនស្ស
ធាតូនំ អន្តព្យញ្ជនស្ស លោបោ ហោតិ ក្វិម្ហិ។
អន្តំ ករោតីតិ អន្តកោ, នន្ទំ ករោតីតិ នន្ទកោ, ជីវំ ករោតីតិ ជីវកោ, ចិត្តំ វិចិត្តំ ករោតីតិ ចិត្តកោ, សុខេន ខមិតព្ពន្តិ សុខំ, ទុក្ខេន ខមិតព្ពន្តិ ទុក្ខំ, បរិតោ ខញ្ញតេតិ បរិក្ខា, សំ អត្តានំ ខនតីតិ សង្ខោ, ន គច្ឆតីតិ អគោ-នគោ, សីសំ ឧបគច្ឆតីតិ សីសូបគោ។ ឯវំ គីវូបគោ, និន្នដ្ឋានំ គច្ឆតីតិ និន្នគា-នទី, តុរំ សីឃំ គច្ឆតីតិ តុរង្គោ, មជ្ឈេ ពិន្ទាគមោ។
ភុជេន
‘‘គោ គច្ឆតិ, គាវោ គច្ឆន្តី’’តិអាទីសុ បន ‘‘គោចរោ, គោធនោ, គោត្តំ, គោត្រភូ’’តិអាទីសុ ច ក្វិម្ហិ អន្តព្យញ្ជនលោបេ ក្វិលោបេ ច កតេ មហាវុត្តិនា ឧបន្តស្ស ឱត្តំ កត្វា គោឥតិ បកតិរូបំ វេទិតព្ពំ, ពលំ គណីយតិ ឯត្ថាតិ ពលគ្គំ, ភត្តំ គណ្ហន្តិ ឯត្ថាតិ ភត្តគ្គំ។ ឯវំ សលាកគ្គំ, ឧបោសថគ្គំ។
កម្មេន ជាយតីតិ កម្មជោ។ ឯវំ ចិត្តជោ, ឧតុជោ, អត្តនិ ជាតោតិ អត្រជោ, បុព្ពេ ជាតោ បុព្ពជោ, បច្ឆា ជាតោ អនុជោ, សហ ជាយតីតិ សហជោ, ថលេ ជាយតីតិ ថលជំ។ ឯវំ ទកជំ, វារិជំ, អម្ពុជំ។ អណ្ឌេ ជាយតីតិ អណ្ឌជោ, ទ្វិក្ខត្តុំ ជាយតីតិ ទ្វិជោ, សហ ភាសន្តិ ឯត្ថាតិ សភា, កុញ្ជេ រមតីតិ កុញ្ជរោ ឥច្ចាទិ។
៨០៩. ក្វិម្ហិ ឃោ បរិបច្ចាសមោហិ
បរិ ច បតិ ច អា ច សញ្ច ឱ ច ឯតេហិ បរស្ស ហនស្ស ឃោ ហោតិ ក្វិម្ហិ។
បរិហញ្ញតីតិ បលិឃោ, រស្ស លត្តំ។ បតិហនតីតិ បដិឃោ, តស្ស ដត្តំ។ ភុសោ ហនតិ ពាធតីតិ អឃំ-ទុក្ខំ បាបញ្ច, វិសេសេន ភុសោ ហនតីតិ ព្យគ្ឃោ, ទិដ្ឋិ, សីលសាមញ្ញេន សំហតោតិ សង្ឃោ-សមូហោ, ទេវសង្ឃោ, ព្រហ្មសង្ឃោ, មិគសង្ឃោ, ឱហនតិ អធោភាគំ កត្វា មារេតីតិ ឱឃោ, កិលេសោឃោ, សំសារោឃោ, ឧទកោឃោ។
សុត្តវិភត្តិយា អញ្ញតោបិ ឃោ ហោតិ, មាតរំ ហនតីតិ មាតុឃោ។ ឯវំ បិតុឃោ ឥច្ចាទិ។
៨១០. ណ្វាទយោ
ក្រិយត្ថា
ករោតីតិ ការុ-សិប្បី, អយតិ វឌ្ឍតីតិ អាយុ, អយន្តិ វឌ្ឍន្តិ សត្តា ឯតេនាតិ វា អាយុ-ជីវិតំ, សោភាវិសេសំ រហន្តិ ជហន្តិ ចន្ទ, សូរិយា ឯតេនាតិ រាហុ-អសុរិន្ទោ, ហិតសុខំ សាធេតីតិ សាធុ-សប្បុរិសោ, វាយតីតិ វាយុវាតោ ឥច្ចាទិ។
ឥតិ រីរិក្ខាទិបច្ចយរាសិ។
បកតិរូបរាសិ និដ្ឋិតោ។
ឥតិ និរុត្តិទីបនិយា នាម មោគ្គល្លានទីបនិយា
តព្ពាទិកណ្ឌោ នាម កិតកណ្ឌោ និដ្ឋិតោ។