ពុទ្ធវន្ទនា
១.
ទេវលោកា ចវិត្វាន
មហាមាយាយ កុច្ឆិយំ;
ឧប្បជ្ជិ គុរុវារម្ហិ,
វន្ទេតំ សក្យបុង្គវំ។
២.
ទសមា សច្ចយេ នេសោ
វិជាយិ មាតុកុច្ឆិតោ;
សុក្កវារេ លុម្ពិនិយំ,
វន្ទេ តំ លោកបូជិតំ។
៣.
ចក្កវត្តិសិរិំ ហិត្វា,
មហាសិនិក្ខមំ សុធី;
និក្ខមី ចន្ទវារម្ហិ,
នមេ តំ មុនិកុញ្ជរំ។
៤.
អស្សត្ថពោធិមូលម្ហិ
បល្លង្កេ អបរាជិតេ;
បត្តោ សព្ពញ្ញុតំ នាថោ,
នមេ តំ ពុធវាសរេ។
៥.
បញ្ចវគ្គិយមុខានំ
ទេវានំ មិគទាវនេ;
សោរិវារេ ធម្មចក្កំ,
វត្តេសិ តំ ជិនំ នមេ។
៦.
សព្ពសង្ខតធម្មានំ,
បកាសិយអនិច្ចតំ;
និព្ពុតំអង្គវារម្ហិ,
នមាធិអមតន្ទទំ។
៧.
សូរិយវារេ សោណ្ណាយ
ទោណិយា ជិនវិគ្គហោ;
អគ្គិនុជ្ជលិតោ តស្ស,
នមេ ធាតុសរីរកំ។