មជ្ឈិមបណ្ណាសបាឡិ
កន្ទរកសុត្ត
បុច្ឆា – តេនាវុសោ
វិស្សជ្ជនា – ចម្បាយំ ភន្តេ គគ្គរាយ បោក្ខរណិយា តីរេ បេស្សញ្ច ហត្ថារោហបុត្តំ កន្ទរកញ្ច បរិព្ពាជកំ អារព្ភ ភាសិតំ, កន្ទរកោ ភន្តេ បរិព្ពាជកោ ភគវតោ ច ភិក្ខុសង្ឃស្ស ច វណ្ណំ អភាសិ, បេស្សោ ច ភន្តេ ហត្ថារោហបុត្តោ ភគវតោ ច ធម្មទេសនាយ ច វណ្ណំ អភាសិ។ តស្មិំ ភន្តេ វត្ថុស្មិំ ភាសិតំ។
បុច្ឆា – ឯវំ
វិស្សជ្ជនា – ឯវំ ខោ ភន្តេ កន្ទរកេន បរិព្ពាជកេន ភគវតោ ច ភិក្ខុសង្ឃស្ស ច អភិប្បសន្នេន វណ្ណេ ភាសិតេ ‘‘ឯវមេតំ កន្ទរក ឯវមេតំ កន្ទរក’’ ឯវមាទិនា ភគវា តំ សមនុជានិត្វា ‘‘សន្តិ ហិ កន្ទរក ភិក្ខូ ឥមស្មិំ ភិក្ខុសង្ឃេ អរហន្តោ ខីណាសវា វុសិតវន្តោ កតករណីយា ឱហិតភារា អនុប្បត្តសទត្ថា បរិក្ខីណភវសំយោជនា សម្មទញ្ញា វិមុត្តា’’តិ ឯវមាទិនា ធម្មទេសនំ សមារភិ។ អថ ខោ ភន្តេ បេស្សោ ហត្ថារោហបុត្តោ ‘‘អច្ឆរិយំ ភន្តេ អព្ភុតំ ភន្តេ យាវ សុបញ្ញត្តា ចិមេ ភន្តេ ភគវតា ចត្តារោ សតិបដ្ឋានា សត្តានំ វិសុទ្ធិយា សោកបរិទេវានំ សមតិក្កមាយ ទុក្ខទោមនស្សានំ អត្ថង្គមាយ ញាយស្ស អធិគមាយ និព្ពានស្ស សច្ឆិកិរិយាយា’’តិ ឯវមាទិនា ភគវតោ ច ធម្មទេសនាយ វណ្ណំ អភាសិ, ភគវាបិ ភន្តេ ‘‘គហនញ្ហេតំ បេស្ស យទិទំ មនុស្សា, ឧត្តានកញ្ហេតំ បេស្ស យទិទំ បសវោ’’តិអាទិនា បេស្សស្ស ហត្ថារោហបុត្តស្ស អជ្ឈាសយានុរូបំ ធម្មកថំ ទេសេសិ។
បុច្ឆា – តំ
វិស្សជ្ជនា – តំ ខោ បន ភន្តេ ធម្មំ សុត្វា បេស្សស្ស ហត្ថារោហបុត្តស្ស ទ្វេ អានិសំសា អធិគតា សង្ឃេ ច បសាទោ សតិបដ្ឋានបរិគ្គហណូបាយោ
អដ្ឋកនាគរសុត្ត
បុច្ឆា – អដ្ឋកនាគរសុត្តំ
វិស្សជ្ជនា – វេសាលិយំ ភន្តេ វេឡុវគាមកេ គហបតិំ អដ្ឋកនាគរំ អារព្ភ អាយស្មតា អានន្ទត្ថេរេន ធម្មភណ្ឌាគារិកេន ភាសិតំ។ ទសមោ ភន្តេ គហបតិ អដ្ឋកនាគរោ អាយស្មន្តំ អានន្ទំ ឧបសង្កមិត្វា ឯតទវោច ‘‘អត្ថិ នុ ខោ ភន្តេ អានន្ទ តេន ភគវតា ជានតា បស្សតា អរហតា សម្មាសម្ពុទ្ធេន ឯកធម្មោ អក្ខាតោ, យត្ថ ភិក្ខុនោ អប្បមត្តស្ស អាតាបិនោ បហិតត្តស្ស វិហរតោ អវិមុត្តញ្ចេវ ចិត្តំ វិមុច្ចតិ, អបរិក្ខិណា ច អាសវា បរិក្ខយំ គច្ឆន្តិ, អននុប្បត្តញ្ច អនុត្តរំ យោគក្ខេមំ អនុបាបុណាតី’’តិ, តស្មិំ ភន្តេ វត្ថុស្មិំ ភាសិតំ។
សេខសុត្ត
បុច្ឆា – សេខសុត្តំ
វិស្សជ្ជនា – សក្កេសុ ភន្តេ កបិលវត្ថុស្មិំ សន្ថាគារេ អាយស្មតា អានន្ទត្ថេរេន ធម្មភណ្ឌាគារិកេន កាបិលវត្ថវេ សក្យេ អារព្ភ ភាសិតំ។ ភគវា ភន្តេ កាបិលវត្ថវេ សក្យេ ពហុទេវរត្តិំ ធម្មិយា កថាយ សន្ទស្សេត្វា សមាទបេត្វា សមុត្តេជេត្វា សម្បហំសេត្វា អាយស្មន្តំ អានន្ទំ អាមន្តេសិ ‘‘បដិភាតុ តំ អានន្ទ កាបិលវត្ថវានំ សក្យានំ សេខោ បាដិបទោ, បិដ្ឋិ មេ អាគិលាយតិ, តមហំ អាយមិស្សាមី’’តិ។ តស្មិំ ភន្តេ វត្ថុស្មិំ ភាសិតំ។
បោតលិយសុត្ត
បុច្ឆា – បោតលិយសុត្តំ
វិស្សជ្ជនា – អង្គុត្តរាបេសុ ភន្តេ អាបណេ នាម អង្គុត្តរាបានំ និគមេ បោតលិយំ គហបតិំ បដិក្ខិត្តសព្ពកម្មន្តំ អារព្ភ ភាសិតំ។ បោតលិយោ ភន្តេ គហបតិ បដិក្ខិត្តសព្ពកម្មន្តោ យេន ភគវា តេនុបសង្កមិ, ឧបសង្កមន្តោ ភគវតា គហបតិវាទេន សមុទាចរិយមានោ កុបិតោ អនត្តមនោ ភគវន្តំ ឯតទវោច ‘‘តយិទំ ភោ គោតម នច្ឆន្នំ តយិទំ នប្បតិរូបំ, យំ មំ ត្វំ គហបតិវាទេន សមុទាចរសី’’តិ។ តស្មិំ ភន្តេ វត្ថុស្មិំ ភាសិតំ។
បុច្ឆា – កថញ្ចាវុសោ
វិស្សជ្ជនា – អថ ភន្តេ ភគវា អរិយស្ស វិនយេ វោហារសមុច្ឆេទាយ អដ្ឋ ធម្មេ វិភជិត្វា ‘‘សេយ្យថាបិ គហបតិ កុក្កុរោ ជិឃច្ឆាទុព្ពល្យបរេតោ គោឃាតកសូនំ បច្ចុបដ្ឋិតោ អស្ស’’ ឯវមាទិនា កាមេសុ អាទីនវំ ទស្សេត្វា បរិយោសានេ តីហិ វិជ្ជាហិ អរិយស្ស វិនយេ វោហារសមុច្ឆេទំ សព្ពេនសព្ពំ សព្ពថាសព្ពំ វោហារសមុច្ឆេទំ វិត្ថារេន វិភជិត្វា ទេសេសិ។
ជីវកសុត្ត
បុច្ឆា – តេនាវុសោ
វិស្សជ្ជនា – រាជគហេ
ឧបាលិសុត្ត
បុច្ឆា – ឧបាលិសុត្តំ
វិស្សជ្ជនា – នាឡន្ទាយំ ភន្តេ ឧបាលិំ គហបតិំ អារព្ភ ភាសិតំ។ ឧបាលិ ភន្តេ គហបតិ ភគវន្តំ ឧបសង្កមិត្វា ឯតទវោច ‘‘អាគមា នុខ្វិធ ភន្តេ ទីឃតបស្សី និគណ្ឋោ’’តិ, ឯវមាទិនា ច ភន្តេ ឧបាលិ គហបតិ ភគវតោ បដិសន្ធារំ កត្វា អត្តនោ អាចរិយស្ស និគណ្ឋស្ស នាដបុត្តស្ស វាទំ បកាសេសិ, វាទំ វណ្ណេសិ។ តស្មិំ ភន្តេ វត្ថុស្មិំ ភាសិតំ។
បុច្ឆា – អថ
វិស្សជ្ជនា – អថ ខោ ភន្តេ ភគវា ឧបាលិំ គហបតិំ ‘‘សចេ ខោ ត្វំ គហបតិ សច្ចេ បតិដ្ឋាយ មន្តេយ្យាសិ, សិយា នោ ឯត្ថ កថាសល្លាបោ’’តិ ឧបាលិំ គហបតិំ កថំ សមុដ្ឋាបេត្វា ‘‘តំ
បុច្ឆា – ឯវំ
វិស្សជ្ជនា – ‘‘បុរិមេនេវាហំ ភន្តេ ឱបម្មេន ភគវតោ អត្តមនោ អភិរទ្ធោ, អបិចាហំ ឥមានិ ភគវតោ វិចិត្រានិ បញ្ហបដិភានានិ សោតុកាមោ, ឯវាហំ ភគវន្តំ បច្ចនីកំ កាតព្ពំ អមញ្ញិស្ស’’ន្តិ, ឯវមាទិនា ភន្តេ ឧបាលិ គហបតិ ភគវតា វិញ្ញាបិតោ ឥមស្មិំ ធម្មវិនយេ បសន្នោ បសន្នាការំ អកាសិ។ តត្ថ ភគវា ច ភន្តេ ‘‘អនុវិច្ចការំ ខោ គហបតិ ករោហិ, អនុវិច្ចការោ តុម្ហាទិសានំ ញាតមនុស្សានំ សាធុ ហោតី’’តិ ឯវមាទិនា បុន អនុសាសិត្វា ឧត្តរិ យាវ ធម្មចក្ខុបដិលាភា វិនេសិ។
បុច្ឆា – កថញ្ចាវុសោ
វិស្សជ្ជនា – ‘‘ឧម្មត្តោសិ ត្វំ គហបតិ ទត្តោសិ ត្វំ គហបតី’’តិ ឯវមាទិនា ភន្តេ និគណ្ឋស្ស នាដបុត្តស្ស ឧបាលិស្ស គហបតិស្ស និវេសនំ គន្ត្វា វីមំសា ច ‘‘ភទ្ទិកា ភន្តេ អាវដ្ដនីមាយា កល្យាណី ភន្តេ អាវដ្ដនីមាយាតិ’’ ឯវមាទិនា ឧបាលិស្ស គហបតិស្ស បច្ចុត្តរកថា ច អហោសិ។
ធីរស្ស
បភិន្នខីលស្ស វិជិតវិជយស្ស;
អនីឃស្ស សុសមចិត្តស្ស,
វុទ្ធសីលស្ស សាធុបញ្ញស្ស;
វេសមន្តរស្ស វិមលស្ស,
ភគវតោ តស្ស សាវកោហមស្មិំ។
អកថំ កថិស្ស តុសិតស្ស,
វន្តលោកាមិសស្ស មុទិតស្ស;
កតសមណស្ស មនុជស្ស,
អន្តិមសារីរស្ស នរស្ស។
អនោបមស្ស
ភគវតោ តស្ស សាវកោ ហមស្មិ –
តណ្ហច្ឆិទស្ស ពុទ្ធស្ស,
វីតធូមស្ស អនុបលិត្តស្ស។
អាហុនេយ្យស្ស យក្ខស្ស,
ឧត្តមបុគ្គលស្ស អតុលស្ស;
មហតោ យសគ្គបត្តស្ស,
ភគវតោ តស្ស សាវកោ ហមស្មិ –
កុក្កុរវតិកសុត្ត
បុច្ឆា – កុក្កុរវតិកសុត្តំ
វិស្សជ្ជនា – កោលិយេសុ ភន្តេ ហលិទ្ទវសនេ នាម កោលិយានំ និគមេ បុណ្ណញ្ច កោលិយបុត្តំ គោវតិកំ អចេលញ្ច សេនិយំ កុក្កុរវតិកំ អារព្ភ ភាសិតំ។ បុណ្ណោ ភន្តេ កោលិយ បុត្តោ គោវតិកោ ភគវន្តំ ឯតទវោច ‘‘អយំ ភន្តេ អចេលោ សេនិយោ កុក្កុរវតិកោ ទុក្ករការកោ ឆមានិក្ខិត្តំ ភោជនំ ភុញ្ជតិ, តស្ស តំ កុក្កុរវតំ ទីឃរត្តំ សមត្តំ សមាទិន្នំ, តស្ស កា គតិ, កោ អភិសម្បរាយោ’’តិ, តស្មិំ ភន្តេ វត្ថុស្មិំ ភាសិតំ។
អភយរាជកុមារសុត្ត
បុច្ឆា – តេនាវុសោ
វិស្សជ្ជនា – រាជគហេ មេ ភន្តេ អភយំ រាជកុមារំ អារព្ភ ភាសិតំ។ អភយោ ភន្តេ រាជកុមារោ ភគវន្តំ ឧបសង្កមិត្វា ឯតទវោច ‘‘ភាសេយ្យ នុ ខោ ភន្តេ តថាគតោ តំ វាចំ, យា សា វាចា បរេសំ អប្បិយា អមនាបា’’តិ, តស្មិំ ភន្តេ វត្ថុស្មិំ ភាសិតំ។
ពហុវេទនីយសុត្ត
បុច្ឆា – ពហុវេទនីយសុត្តំ
វិស្សជ្ជនា – សាវត្ថិយំ ភន្តេ អាយស្មន្តញ្ច ឧទាយិំ បញ្ចកង្គញ្ច ថបតិំ អារព្ភ ភាសិតំ, បញ្ចកង្គោ ភន្តេ ថបតិ អាយស្មន្តំ ឧទាយិំ ឧបសង្កមិត្វា វេទនំ បុច្ឆិ, អាយស្មា ភន្តេ ឧទាយី បញ្ចកង្គំ ថបតិំ ឯតទវោច ‘‘តិស្សោ ខោ ថបតិ វេទនា វុត្តា ភគវតា សុខា វេទនា ទុក្ខា វេទនា អទុក្ខមសុខា វេទនា’’តិ។ ឯវំ វុត្តេ ភន្តេ បញ្ចកង្គោ ថបតិ អាយស្មន្តំ ឧទាយិំ ឯតទវោច ‘‘ន ខោ ភន្តេ ឧទាយិ តិស្សោ វេទនា វុត្តា ភគវតា, ទ្វេ វេទនា វុត្តា ភគវតា សុខា វេទនា ទុក្ខា វេទនា, យាយំ ភន្តេ អទុក្ខមសុខា វេទនា, សន្តស្មិំ ឯសា បណីតេ សុខេ វុត្តា ភគវតា’’តិ។ នេវ អសក្ខិ ខោ ភន្តេ អាយស្មា ឧទាយី បញ្ចកង្គំ ថបតិំ សញ្ញាបេតុំ, ន បន អសក្ខិ បញ្ចកង្គោ ថបតិ អាយស្មន្តំ ឧទាយិំ សញ្ញាបេតុំ។ អស្សោសិ ខោ អាយស្មា អានន្ទោ អាយស្មតោ ឧទាយិស្ស បញ្ចកង្គេន ថបតិនា សទ្ធិំ ឥមំ កថាសល្លាបំ, អថ ខោ ភន្តេ អាយស្មា អានន្ទោ យាវតកោ អហោសិ
អបណ្ណកសុត្ត
បុច្ឆា – អបណ្ណកសុត្តំ បនាវុសោ ភគវតា កត្ថ កំ អារព្ភ កិស្មិំ វត្ថុស្មិំ ភាសិតំ។
វិស្សជ្ជនា – កោសលេសុ ភន្តេ សាលាយំ នាម កោសលានំ ព្រាហ្មណគាមេ សាលេយ្យកេ ព្រាហ្មណគហបតិកេ អារព្ភ ភាសិតំ។ សម្ពហុលា ភន្តេ អញ្ញតិត្ថិយា សាលេយ្យកានំ
បុច្ឆា – តត្រ
វិស្សជ្ជនា – តត្រ ភន្តេ ភគវតា ‘‘សន្តិ គហបតយោ ឯកេ សមណព្រាហ្មណា ឯវំវាទិនោ ឯវំទិដ្ឋិនោ នត្ថិ ទិន្នំ នត្ថិ យិដ្ឋំ នត្ថិ ហុតំ នត្ថិ សុកតទុក្កដានំ កម្មានំ ផលំ វិបាកោ’’តិ ឯវមាទិនា បឋមំ មិច្ឆាវាទោ ច សម្មាវាទោ ច វិភជិត្វា បកាសិតោ។
បុច្ឆា – តត្ថ
វិស្សជ្ជនា – តត្ថ ភន្តេ ភគវតា ‘‘តត្រ គហបតយោ យេតេ សមណព្រាហ្មណា ឯវំវាទិនោ ឯវំទិដ្ឋិនោ នត្ថិ ទិន្នំ នត្ថិ យិដ្ឋំ នត្ថិ ហុតំ នត្ថិ សុកតទុក្កដានំ កម្មានំ ផលំ វិបាកោ’’តិ ឯវមាទិនា ភន្តេ មិច្ឆាវាទីនញ្ច ទោសោ សម្មាវាទីនញ្ច គុណោ ភគវតា វិចារេត្វា បកាសិតោ។
បុច្ឆា – កថញ្ចាវុសោ
វិស្សជ្ជនា – តត្រ
បុច្ឆា – កថញ្ចាវុសោ
វិស្សជ្ជនា – យថេវ ភន្តេ បឋមេ វាទេ, ឯវមេវ ខោ ភន្តេ អកិរិយវាទាទីសុ ចតូសុ ច មិច្ឆាវាទេសុ ទោសំ កិរិយវាទាទីសុ ច ចតូសុ សម្មាវាទេសុ គុណំ, តត្ថ ច វិញ្ញុនោ បុរិសស្ស បដិសញ្ចិក្ខណាការំ ទស្សេត្វា ភគវតា អបណ្ណកបដិបទា បកាសិតា។
អម្ពលដ្ឋិករាហុលោវាទសុត្ត
បុច្ឆា – អម្ពលដ្ឋិករាហុលោវាទសុត្តំ
វិស្សជ្ជនា – រាជគហេ ភន្តេ អាយស្មន្តំ រាហុលំ អារព្ភ ភាសិតំ។
មហារាហុលោវាទសុត្ត
បុច្ឆា – មហារាហុលោវាទសុត្តំ
វិស្សជ្ជនា – សាវត្ថិយំ ភន្តេ អាយស្មន្តំ រាហុលំ អារព្ភ ភាសិតំ។ អាយស្មា ភន្តេ រាហុលោ ភគវតោ ចេវ អត្តនោ ច អត្តភាវសម្បត្តិំ និស្សាយ គេហស្សិតំ ឆន្ទរាគំ ឧប្បាទេសិ។ តស្មិំ ភន្តេ វត្ថុស្មិំ ភាសិតំ។
ចូឡមាលុក្យសុត្ត
បុច្ឆា – ចូឡមាលុក្យសុត្តំ
វិស្សជ្ជនា – សាវត្ថិយំ ភន្តេ អាយស្មន្តំ មាលុក្យបុត្តំ អារព្ភ ភាសិតំ។ អាយស្មា ភន្តេ មាលុក្យបុត្តោ អត្តនោ បវិវិត្តស្ស រហោគតស្ស បដិសល្លីនស្ស ចេតសោ បរិវិតក្កំ ភគវតោ អារោចេសិ។ តស្មិំ ភន្តេ វត្ថុស្មិំ ភាសិតំ។
មហាមាលុក្យសុត្ត
បុច្ឆា – មហាមាលុក្យសុត្តំ
វិស្សជ្ជនា – តស្មិំយេវ ភន្តេ សាវត្ថិយំ អាយស្មន្តំ មហាមាលុក្យបុត្តំ អារព្ភ ភាសិតំ។
ភទ្ទាលិសុត្ត
បុច្ឆា – តេនាវុសោ
វិស្សជ្ជនា – សាវត្ថិយំ ភន្តេ អាយស្មន្តំ ភទ្ទាលិំ អារព្ភ ភាសិតំ។ អាយស្មា ភន្តេ ភទ្ទាលិ ភគវតា សិក្ខាបទេ បញ្ញាបិយមានេ ភិក្ខុសង្ឃេ សិក្ខំ សមាទិយមានេ អនុស្សាហំ បវេទេសិ។ តស្មិំ ភន្តេ វត្ថុស្មិំ ភាសិតំ។
អច្ចយោ
បុច្ឆា – អថ
វិស្សជ្ជនា – អថ ខោ ភន្តេ អាយស្មា ភទ្ទាលិ ‘‘កោ នុ ខោ ភន្តេ ហេតុ, កោ បច្ចយោ, យេន មិធេកច្ចំ ភិក្ខុំ បសយុ បសយុ ការណំ ករោន្តី’’តិ ឯវមាទិនា ភគវន្តំ បញ្ហំ អបុច្ឆិ។ ភគវា ច ភន្តេ ‘‘ឥធ ភទ្ទាលិ ឯកច្ចោ ភិក្ខុ អភិណ្ហាបត្តិកោ ហោតិ, អាបត្តិពហុលោ’’ ឯវមាទិនា អាយស្មតោ ភទ្ទាលិស្ស វិភជិត្វា ព្យាកាសិ។
បុច្ឆា – តទាបិ
វិស្សជ្ជនា – តទាបិ ភន្តេ អាយស្មា ភទ្ទាលិ ‘‘កោ នុ ខោ ភន្តេ ហេតុ, កោ បច្ចយោ, យេន បុព្ពេ អប្បតរានិ ចេវ សិក្ខាបទានិ អហេសុំ, ពហុតរា ច ភិក្ខូ អញ្ញាយ សណ្ឌហិំសុ។ កោ បន ភន្តេ ហេតុ, កោ បច្ចយោ យេន ឯតរហិ ពហុតរានិ ចេវ សិក្ខាបទានិ ហោន្តិ អប្បតរា ច ភិក្ខូ អញ្ញាយ សណ្ឌហន្តី’’តិ ភគវន្តំ បុនបិ បញ្ហំ អបុច្ឆិ។ ភគវា ច ភន្តេ ‘‘ឯវមេតំ ភទ្ទាលិ ហោតិ, សត្តេសុ ហាយមានេសុ សទ្ធម្មេ អន្តរធាយមានេ ពហុតរានិ ហោន្តិ អប្បតរា ច ភិក្ខូ អញ្ញាយ សណ្ឌហន្តី’’តិ, ឯវមាទិនា អាយស្មតោ ភទ្ទាលិស្ស វិភជិត្វា វិភជិត្វា ព្យាកតា។
លដុកិកោបមសុត្ត
បុច្ឆា – លដុកិកោបមសុត្តំ
វិស្សជ្ជនា – អង្គុត្តរាបេសុ ភន្តេ អាបណេ នាម អង្គុត្តរាបានំ និគមេ អាយស្មន្តំ ឧទាយិំ អារព្ភ ភាសិតំ។ អាយស្មា ភន្តេ ឧទាយី ភគវន្តំ ឧបសង្កមិត្វា ឯតទវោច ‘‘ឥធ មយ្ហំ ភន្តេ រហោគតស្ស បដិសល្លីនស្ស ឯវំ ចេតសោ បរិវិតក្កោ ឧទបាទិ ‘‘ពហូនំ វត នោ ភគវា ទុក្ខធម្មានំ អបហត្តា, ពហូនំ វត នោ ភគវា សុខធម្មានំ ឧបហត្តា, ពហូនំ វត នោ ភគវា អកុសលានំ ធម្មានំ អបហត្តា, ពហូនំ វត នោ ភគវា កុសលានំ ធម្មានំ ឧបហត្តា’តិ’’។ តស្មិំ ភន្តេ វត្ថុស្មិំ ភាសិតំ។
បុច្ឆា – អថ
វិស្សជ្ជនា – អថ ខោ ភន្តេ ភគវា លដុកិកោបមំ ហត្ថិនាគោបមំ ទលិទ្ទបុរិសោបមំ គហបតិកោបមន្តិ ចតស្សោ ឧបមាយោ ទស្សេត្វា ភិក្ខូនំ ឱវាទមទាសិ។
បុច្ឆា – ឯវញ្ចាវុសោ
វិស្សជ្ជនា – ឯវំ ខោ ភន្តេ ភគវា ចតូហិ ឧបមាហិ ភិក្ខូនំ ឱវាទំ ទត្វា ‘‘ចត្តារោ មេ ឧទាយិ បុគ្គលា សន្តោ សំវិជ្ជមានា លោកស្មិំ’’ន្តិ ឯវមាទិនា ឧត្តរិ ភិក្ខូនំ ធម្មកថំ បវឌ្ឍេសិ។
ចាតុមសុត្ត
បុច្ឆា – ចាតុមសុត្តំ
វិស្សជ្ជនា – ចាតុមាយំ ភន្តេ អាយស្មន្តានំ សារិបុត្តមោគ្គលានត្ថេរានំ សទ្ធិវិហារិកេ អធុនា បព្ពជិតេ សម្ពហុលេ ភិក្ខូ អារព្ភ ភាសិតំ។ សារិបុត្តមោគ្គល្លានប្បមុខានិ ភន្តេ បញ្ចមត្តានិ ភិក្ខុសតានិ ចាតុមំ អនុប្បត្តានិ ហោន្តិ ភគវន្តំ ទស្សនាយ, តេ ច អាគន្តុកា ភិក្ខូ នេវាសិកេហិ ភិក្ខូហិ សទ្ធិំ បដិសម្មោទមានា សេនាសនានិ បញ្ញាបយមានា បត្តចីវរានិ បដិសាមយមានា ឧច្ចាសទ្ទា មហាសទ្ទា អហេសុំ។ តស្មិំ ភន្តេ វត្ថុស្មិំ ភាសិតំ។
បុច្ឆា – កថញ្ចាវុសោ
វិស្សជ្ជនា – ចត្តារិមានិ ភិក្ខវេ ភយានិ ឧទកោរោហន្តេ បាតិកង្ខិតព្ពានីតិ ឯវមាទិនា ភន្តេ ភគវា តត្ថ ភិក្ខូនំ ឱវាទំ អទាសិ។
នឡកបានសុត្ត
បុច្ឆា – នឡកបានសុត្តំ
វិស្សជ្ជនា – នឡកបានេ ភន្តេ អនុរុទ្ធត្ថេរប្បមុខេ សម្ពហុលេ អភិញ្ញាតេ អភិញ្ញាតេ កុលបុត្តេ អារព្ភ ភាសិតំ។
គោលិយានិសុត្ត
បុច្ឆា – គោលិយានិសុត្តំ
វិស្សជ្ជនា – រាជគហេ ភន្តេ អាយស្មន្តំ គោលិយានិំ អារព្ភ អាយស្មតា សារិបុត្តត្ថេរេន ធម្មសេនាបតិនា ភាសិតំ។ អាយស្មា ភន្តេ គោលិយានិ អារញ្ញិកោ បទសមាចារោ សង្ឃមជ្ឈេ ឱសដោ ហោតិ កេនចិទេវ ករណីយេន, តស្មិំ ភន្តេ វត្ថុស្មិំ ភាសិតំ។
កីដាគិរិសុត្ត
បុច្ឆា – តេនាវុសោ
វិស្សជ្ជនា – កាសីសុ ភន្តេ កីដាគិរិស្មិំ កាសីនំ និគមេ អស្សជិបុនព្ពសុកេ ភិក្ខូ អារព្ភ ភាសិតំ។ អស្សជិបុនព្ពសុកា ភន្តេ ភិក្ខូ ភិក្ខូហិ សហធម្មិកំ វុច្ចមានា ឯវមាហំសុ ‘‘មយំ ខោ អាវុសោ សាយញ្ចេវ ភុញ្ជាម បាតោ ច ទិវា ច វិកាលេ, តេ មយំ សាយញ្ចេវ ភុញ្ជមានា បាតោ ច ទិវា ច វិកាលេ អប្បាពាធតញ្ច សញ្ជានាម អប្បាតង្កតញ្ច លហុដ្ឋានញ្ច ពលញ្ច ផាសុវិហារញ្ច, តេ មយំ កិំ សន្ទិដ្ឋិកំ ហិត្វា កាលិកំ អនុធាវិស្សាម, សាយញ្ចេវ មយំ ភុញ្ជិស្សាម បាតោ ច ទិវា ច វិកាលេ’’តិ។ តស្មិំ ភន្តេ វត្ថុស្មិំ ភាសិតំ។
តេវិជ្ជវច្ឆសុត្ត
បុច្ឆា – តេវិជ្ជវច្ឆសុត្តំ
វិស្សជ្ជនា – វេសាលិយំ ភន្តេ វច្ឆគោត្តំ បរិព្ពាជកំ អារព្ភ ភាសិតំ។ វច្ឆគោត្តោ ភន្តេ បរិព្ពាជកោ ភគវន្តំ ឯតទវោច ‘‘សុតំ មេ ភន្តេ សមណោ គោតមោ សព្ពញ្ញូ សព្ពទស្សាវី អបរិសេសំ ញាណទស្សនំ បដិជានាតិ, ចរតោ ច មេ តិដ្ឋតោ ច សុត្តស្ស ច ជាគរស្ស ច សតតំ សមិតំ ញាណទស្សនំ បច្ចុបដ្ឋិត’’ន្តិ។ យេ តេ ភន្តេ ឯវមាហំសុ ‘‘សមណោ គោតមោ សព្ពញ្ញូ សព្ពទស្សាវី អបរិសេសំ ញាណទស្សនំ បដិជានាតិ, ចរតោ ច មេ តិដ្ឋតោ ច សុត្តស្ស ច ជាគរស្ស ច សតតំ សមិតំ ញាណទស្សនំ បច្ចុបដ្ឋិត’’ន្តិ។ កច្ចិ តេ ភន្តេ ភគវតោ វុត្តវាទិនោ, ន ច ភគវន្តំ អភូតេន អព្ភាចិក្ខន្តិ, ធម្មស្ស ចានុធម្មំ ព្យាករោន្តិ, ន ច កោចិ សហធម្មិកោ វាទានុវាទោ គារយ្ហំ ឋានំ អាគច្ឆតី’’តិ។ តស្មិំ ភន្តេ វត្ថុស្មិំ ភាសិតំ។
អគ្គិវច្ឆសុត្ត
បុច្ឆា – អគ្គិវច្ឆសុត្តំ
វិស្សជ្ជនា – សាវត្ថិយំ ភន្តេ វច្ឆគោត្តំ បរិព្ពាជកំ ភាសិតំ។ វច្ឆគោត្តោ ភន្តេ បរិព្ពាជកោ ភគវន្តំ ឧបសង្កមិត្វា ‘‘កិំ នុ ខោ ភោ គោតម ‘សស្សតោ លោកោ ឥទមេវ សច្ចំ មោឃមញ្ញ’ន្តិ ឯវំទិដ្ឋិ ភវំ គោតមោ’’តិ ឯវមាទិកំ បញ្ហំ អបុច្ឆិ។ តស្មិំ ភន្តេ វត្ថុស្មិំ ភាសិតំ។
មហាវច្ឆសុត្ត
បុច្ឆា – មហាវច្ឆសុត្តំ បនាវុសោ ភគវតា កត្ថ កំ អារព្ភ កិស្មិំ វត្ថុស្មិំ ភាសិតំ។
វិស្សជ្ជនា – រាជគហេ ភន្តេ វច្ឆគោត្តំយេវ បរិព្ពាជកំ អារព្ភ ភាសិតំ។ វច្ឆគោត្តោ ភន្តេ បរិព្ពាជកោ ភគវន្តំ ឧបសង្កមិត្វា
បុច្ឆា – ឯវំ
វិស្សជ្ជនា – ឯវំ វុត្តេ ភន្តេ វច្ឆគោត្តោ បរិព្ពាជកោ ‘‘សចេ ហិ ភោ គោតម ឥមំ ធម្មំ ភវំយេវ គោតមោ អារាធកោ អភវិស្ស, នោ ច ខោ ភិក្ខូ អារាធកា អភវិស្សំសុ, ឯវមិទំ ព្រហ្មចរិយំ អបរិបូរំ អភវិស្ស តេនង្គេនា’’តិ ឯវមាទិនា ឥមស្មិំ ធម្មវិនយេ បសន្នោ បសន្នាការមកាសិ។ យាវ អរហត្តញ្ចស្ស ធម្មាភិសមយោ អហោសិ។
ទីឃនខសុត្ត
បុច្ឆា – ទីឃនខសុត្តំ
វិស្សជ្ជនា – រាជគហេ ភន្តេ ទីឃនខំ បរិព្ពាជកំ អារព្ភ ភាសិតំ។ ទីឃនខោ ភន្តេ បរិព្ពាជកោ ភគវន្តំ ឧបសង្កមិត្វា ឯតទវោច ‘‘អហញ្ហិ ភោ គោតម ឯវំវាទី ឯវំទិដ្ឋិ សព្ពំ មេ នក្ខមតី’’តិ។ តស្មិំ ភន្តេ វត្ថុស្មិំ ភាសិតំ។
បុច្ឆា – ឥមស្មិំ
វិស្សជ្ជនា – ឥមស្មិញ្ច បន ភន្តេ វេយ្យាករណស្មិំ ភញ្ញមានេ អាយស្មតោ សារិបុត្តស្ស អនុបាទាយ អាសវេហិ ចិត្តំ វិមុច្ចិ, ទីឃនខស្ស បន បរិព្ពាជកស្ស តស្មិំយេវ អាសនេ វិរជំ វីតមលំ ធម្មចក្ខុំ ឧទបាទិ យំកិញ្ចិ សមុទយធម្មំ, សព្ពំ តំ និរោធធម្ម’’ន្តិ។
មាគណ្ឌិយសុត្ត
បុច្ឆា – មាគណ្ឌិយសុត្តំ
វិស្សជ្ជនា – កុរូសុ ភន្តេ កម្មាសធម្មេ នាម កុរូនំ និគមេ ភារទ្វាជ គោត្តស្ស ព្រាហ្មណស្ស អគ្យាគារេ តិណសន្ថារកេ មាគណ្ឌិយំ បរិព្ពាជកំ អារព្ភ ភាសិតំ។ មាគណ្ឌិយោ ភន្តេ បរិព្ពាជកោ ភគវន្តំ ‘‘ភូនហុ សមណោ គោតមោ’’តិ វទេសិ, តស្មិំ ភន្តេ វដ្ឋុស្មិំ ភាសិតំ។
បុច្ឆា – កថញ្ចាវុសោ
វិស្សជ្ជនា – ‘‘ចក្ខុំ ខោ មាគណ្ឌិយ រូបារតំ រូបសម្មុទិតំ, តំ តថាគតស្ស ទន្តំ គុត្តំ រក្ខិតំ សំវុតំ, តស្ស ច សំវរាយ ធម្មំ ទេសេតី’’តិ ឯវមាទិនា ភន្តេ តត្ថ ភគវា មាគណ្ឌិយស្ស បរិព្ពាជកស្ស សមនុយុញ្ជិត្វា សមនុយុញ្ជិត្វា ធម្មំ ទេសេសិ។
បុច្ឆា – ឯវំ
វិស្សជ្ជនា – ឯវំ ខោ ភន្តេ មាគណ្ឌិយេន បរិព្ពាជកេន នកិញ្ចិ ភោគោតមាតិ យថាភូតំ បដិស្សុតេ ‘‘អហំ ខោ បន មាគណ្ឌិយ បុព្ពេ អគារិយភូតោ សមានោ បញ្ចហិ កាមគុណេហិ សមប្បិតោ សមង្គីភូតោ បរិចារេសិំ ចក្ខុវិញ្ញេយ្យហិ រូបេហិ ឥដ្ឋេហិ មនាបេហិ បិយរូបេហិ កាមូបសំហិតេហិ រជនីយេហី’’តិ ឯវមាទិនា ភគវា អត្តនោបិ ន កិញ្ចិ កេនចិបិ វត្តព្ពតំ បកាសេសិ។
បុច្ឆា – ឥមស្មិំ
វិស្សជ្ជនា – ឥមំ
សន្ទកសុត្ត
បុច្ឆា – សន្ទកសុត្តំ បនាវុសោ កត្ថ កំ អារព្ភ កិស្មិំ វត្ថុស្មិំ កេន ភាសិតំ។
វិស្សជ្ជនា – កោសម្ពិយំ
បុច្ឆា – កថញ្ចាវុសោ
វិស្សជ្ជនា – ឥធ សន្ទក ឯកច្ចោ សត្ថា ឯវំវាទី ហោតិ ឯវំទិដ្ឋិ នត្ថិ ទិន្នំ, នត្ថិ យិដ្ឋំ, នត្ថិ ហុតំ, នត្ថិ សុកតទុក្កដានំ កម្មានំ ផលំវិបាកោ, នត្ថិ អយំលោកោ, នត្ថិ បរោលោកោ, នត្ថិ មាតា, នត្ថិ បិតា, នត្ថិ សត្តា ឱបបាតិកាតិ
ឯវមាទិនា
បុច្ឆា – កថញ្ចាវុសោ
វិស្សជ្ជនា – ឥធ
បុច្ឆា – អថ
វិស្សជ្ជនា – អថ ខោ ភន្តេ សន្ទកោ បរិព្ពាជកោ ‘‘សោ បន ភោ អានន្ទ សត្ថា កិំវាទី កិំ អក្ខាយី’’តិ ឯវមាទិនា អាយស្មន្តំ អានន្ទត្ថេរំ បុច្ឆិ, អាយស្មា ច ភន្តេ អានន្ទត្ថេរោ ‘‘ឥធ សន្ទក តថាគតោ លោកេ ឧប្បជ្ជតិ អរហំ សម្មាសម្ពុទ្ធោ វិជ្ជាចរណសម្បន្នោ’’តិ ឯវមាទិនា សន្ទកស្ស បរិព្ពាជកស្ស វិភជិត្វា វិភជិត្វា ព្យាកាសិ។
បុច្ឆា – ឥមញ្ច
វិស្សជ្ជនា – ឥមញ្ច
មហាសកុលុទាយីសុត្ត
បុច្ឆា – មហាសកុលុទាយិសុត្តំ
វិស្សជ្ជនា – រាជគហេ ភន្តេ សកុលុទាយិំ បរិព្ពាជកំ អារព្ភ ភាសិតំ។ សកុលុទាយី ភន្តេ បរិព្ពាជកោ បុរិមានិ ទិវសានិ បុរិមតរានិ កោតូហលសាលាយំ នានាតិត្ថិយានំ សមណព្រាហ្មណានំ យាវតកោ អហោសិ ភគវន្តញ្ច ឆ ច សត្ថារោ អារព្ភ កថាសល្លាបោ, តំ សព្ពំ ភគវតោ អារោចេសិ។ តស្មិំ ភន្តេ វត្ថុស្មិំ ភាសិតំ។
សមណមុណ្ឌិកសុត្ត
បុច្ឆា – សមណមុណ្ឌិកសុត្តំ
វិស្សជ្ជនា – សាវត្ថិយំ ភន្តេ ឧគ្គាហមាន បរិព្ពាជកំ សមណមុណ្ឌិកាបុត្តំ អារព្ភ ភាសិតំ។ ឧគ្គាហមានោ ភន្តេ បរិព្ពាជកោ សមណមុណ្ឌិកាបុត្តោ បញ្ចកង្គំ តបតិំ ឯតទវោច ‘‘ចតូហិ ខោ អហំ គហបតិ ធម្មេហិ សមន្នាគតំ បុរិសបុគ្គលំ បញ្ញបេមិ សម្បន្នកុសលំ បរមកុសលំ ឧត្តមបត្តិបត្តំ សមណំ អយោជ្ឈ’’ន្តិ, តស្មិំ ភន្តេ វត្ថុស្មិំ ភាសិតំ។
ចូឡសកុលុទាយីសុត្ត
បុច្ឆា – ចូឡសកុលុទាយីសុត្តំ
វិស្សជ្ជនា – រាជគហេ
វេខនសសុត្ត
បុច្ឆា – វេខនសសុត្តំ
វិស្សជ្ជនា – សាវត្ថិយំ ភន្តេ វេខនសំ បរិព្ពាជកំ អារព្ភ ភាសិតំ, វេខនសោ ភន្តេ បរិព្ពាជកោ ភគវតោ សន្តិកេ ឧទានំ ឧទានេសិ ‘‘អយំ បរមោ វណ្ណោ អយំ បរមោ វណ្ណោ’’តិ, តស្មិំ ភន្តេ វត្ថុស្មិំ ភាសិតំ។
ឃដិការសុត្ត
បុច្ឆា – ឃដិការសុត្តំ
វិស្សជ្ជនា – កោសលេសុ ភន្តេ ឃដិការស្ស កុម្ភការស្ស ឃរវត្ថុបទេសេ អាយស្មន្តំ អានន្ទំ អារព្ភ ភាសិតំ។ ភគវា ភន្តេ តស្មិំ ភូមិបទេសេ សិតំ បាត្វាកាសិ, អាយស្មា ច អានន្ទោ ភគវន្តំ ឯតទវោច ‘‘កោ នុ ខោ ភន្តេ ហេតុ កោ បច្ចយោ ភគវតោ សិតស្ស បាតុកម្មាយ, ន អការណេន តថាគតា សិតំ បាតុករោន្តី’’តិ, តស្មិំ ភន្តេ វត្ថុស្មិំ ភាសិតំ។
រដ្ឋបាលសុត្ត
បុច្ឆា – រដ្ឋបាលសុត្តំ
វិស្សជ្ជនា – កុរូសុ ភន្តេ រាជានំ កោរព្យំ អារព្ភ អាយស្មតា រដ្ឋបាលត្ថេរេន ភាសិតំ។ រាជា ភន្តេ កោរព្យោ អាយស្មន្តំ រដ្ឋបាលំ ឯតទវោច ‘‘ចត្តារិមានិ ភោ រដ្ឋបាល បារិជុញ្ញានិ, យេហិ បារិជុញ្ញេហិ សមន្នាគតា ឥធេកច្ចេ កេសមស្សុំ ឱហារេត្វា កាសាយានិ វត្ថានិ អច្ឆាទេត្វា អគារស្មា អនាគារិយំ បព្ពជន្តី’’តិ ឯវមាទិកំ វចនំ អវោច, តស្មិំ ភន្តេ វត្ថុស្មិំ ភាសិតំ។
បុច្ឆា – អថ
វិស្សជ្ជនា – អថ ខោ ភន្តេ អាយស្មា រដ្ឋបាលត្ថេរោ ‘‘តំ កិំ មញ្ញសិ មហារាជ ត្វំ វីសតិវស្សុទ្ទេសិកោបិ បណ្ណវីសតិវស្សុទ្ទេសិកោបិ ហត្ថិស្មិម្បិ កតាវី អស្សស្មិម្បិ កតាវី រថស្មិម្បិ កតាវី ធនុស្មិម្បិ កតាវី ថរុស្មិម្បិ កតាវី ឩរុពលី ពាហុពលី អលមត្តោ សង្គាមាវចរោ’’តិ ឯវមាទិនា បឋមំ ធម្មុទ្ទេសំ វិត្ថារេត្វា បកាសេសិ។
បុច្ឆា – កថំ
វិស្សជ្ជនា – ‘‘តំ
បុច្ឆា – កថំ
វិស្សជ្ជនា – ‘‘តំ
បុច្ឆា – ចតុត្ថម្បិ
វិស្សជ្ជនា – ‘‘តំ កិំ មញ្ញសិ មហារាជ, ផីតំ កុរុំ អជ្ឈាវសសី’’តិ ឯវមាទិនា ភន្តេ អាយស្មា រដ្ឋបាលត្ថេរោ រញ្ញោ កោរព្យស្ស ចតុត្ថំ ធម្មុទ្ទេសំ វិត្ថារេត្វា បកាសេសិ។
មឃទេវសុត្ត
បុច្ឆា – មឃទេវសុត្តំ
វិស្សជ្ជនា – មិថិលាយំ ភន្តេ មឃទេវអម្ពវនេ អាយស្មន្តំ អានន្ទំ អារព្ភ ភាសិតំ។ ភគវា ភន្តេ អញ្ញតរស្មិំ បទេសេ សិតំ បាត្វាកាសិ, អាយស្មា អានន្ទោ ភគវន្តំ ឯតទវោច ‘‘កោ នុ ខោ ភន្តេ កោ បច្ចយោ ភគវតោ សិតស្ស បាតុកម្មាយ, ន អការណេន តថាគតា សិតំ បាតុករោន្តី’’តិ, តស្មិំ ភន្តេ វត្ថុស្មិំ ភាសិតំ។
មធុរសុត្ត
បុច្ឆា – មធុរសុត្តំ
វិស្សជ្ជនា – មធុរាយំ ភន្តេ រាជានំ មាធុរំ អវន្តិបុត្តំ អារព្ភ អាយស្មតា មហាកច្ចានត្ថេរេន ភាសិតំ, រាជា ភន្តេ មាធុរោ អវន្តិបុត្តោ អាយស្មន្តំ មហាកច្ចានំ ឯតទវោច ‘‘ព្រហ្មណា ភោ កច្ចាន ឯវមាហំសុ ព្រាហ្មណោវ សេដ្ឋោ វណ្ណោ, ហីនោ អញ្ញោ វណ្ណោ។ ព្រាហ្មណោវ សុក្កោ វណ្ណោ, កណ្ហោ អញ្ញោ វណ្ណោ។ ព្រាហ្មណាវ សុជ្ឈន្តិ
ពោធិរាជកុមារសុត្ត
បុច្ឆា – ពោធិរាជកុមារសុត្តំ
វិស្សជ្ជនា – ភគ្គេសុ ភន្តេ សុសុមារគិរេ ពោធិំ រាជកុមារំ អារព្ភ ភាសិតំ។ ពោធិ ភន្តេ រាជកុមារោ ភគវន្តំ ឯតទវោច ‘‘មយំ ខោ ភន្តេ ឯវំ ហោតិ។ ន ខោ សុខេន សុខំ អធិគន្តព្ពំ, ទុក្ខេន ខោ សុខំ អធិគន្តព្ព’’ន្តិ, តស្មិំ ភន្តេ វត្ថុស្មិំ ភាសិតំ។
បុច្ឆា – ឯវំ
វិស្សជ្ជនា – ឯវំ វុត្តេ ភន្តេ ពោធិរាជកុមារោ ភគវន្តំ ឯតទវោច ‘‘កីវ ចិរេន នុ ខោ ភន្តេ ភិក្ខុ តថាគតំ វិនាយកំ លភមានោ យស្សត្ថាយ កុលបុត្តា សម្មទេវ អគារស្មា អនគារិយំ បព្ពជន្តិ, តទនុត្តរំ ព្រហ្មចរិយបរិយោសានំ ទិដ្ឋេវ ធម្មេ សយំ អភិញ្ញា សច្ឆិកត្វា ឧបសម្បជ្ជ វិហរេយ្យា’’តិ, ភគវា ច ភន្តេ ‘‘តេន ហិ រាជកុមារ តំយេវេត្ថ បដិបុច្ឆិស្សាមិ, យថា តេ ខមេយ្យ, តថា នំ ព្យាករេយ្យាសី’’តិ, ឯវមាទិនា វិភជិត្វា ព្យាកាសិ។
បុច្ឆា – ឥមញ្ច
វិស្សជ្ជនា – ឥមញ្ច បន ភន្តេ ធម្មទេសនំ សុត្វា ពោធិរាជកុមារោ ‘‘អហោ ពុទ្ធោ អហោ ធម្មោ អហោ ធម្មស្ស ស្វាក្ខាតតា, យត្រ ហិ នាម សាយមនុសិដ្ឋោ, បាតោ វិសេសំ អធិគមិស្សតិ, បាតមនុសិដ្ឋោ សាយំ វិសេសំ អធិគមិស្សតី’’តិ ឯវមាទិនា ឥមិស្សំ ធម្មទេសនាយំ បសន្នោ បសន្នាការមកាសិ។
អង្គុលិមាលសុត្ត
បុច្ឆា – អង្គុលិមាលសុត្តំ
វិស្សជ្ជនា – សាវត្ថិយំ ភន្តេ អាយស្មន្តំ អង្គុលិមាលត្ថេរំ អារព្ភ ភាសិតំ។ អាយស្មា ភន្តេ អង្គុលិមាលត្ថេរោ ភគវន្តំ ឯតទវោច ‘‘ឥធាហំ ភន្តេ បុព្ពណ្ហសមយំ និវាសេត្វា បត្តចីវរមាទាយ សាវត្ថិំ បិណ្ឌាយ បាវិសិំ, អទ្ទសំ ខោ អហំ ភន្តេ សាវត្ថិយំ សបទានំ បិណ្ឌាយ ចរមានោ អញ្ញតរំ ឥត្ថិំ មូឡ្ហគព្ភំ វិឃាតគព្ភំ ទិស្វាន មយ្ហំ ឯតទហោសិ ‘‘កិលិស្សន្តិ វត ភោ សត្តា, កិលិស្សន្តិ វត ភោ សត្តា’’តិ, តស្មិំ ភន្តេ វត្ថុស្មិំ ភាសិតំ។
បិយជាតិកសុត្ត
បុច្ឆា – បិយជាតិកសុត្តំ
វិស្សជ្ជនា – សាវត្ថិយំ ភន្តេ អញ្ញតរំ គហបតិំ អារព្ភ ភាសិតំ, សាវត្ថិយំ ភន្តេ អញ្ញតរស្ស គហបតិស្ស ឯកបុត្តកោ បិយោ មនាបោ កាលង្កតោ ហោតិ, តស្ស កាលំ កិរិយាយ នេវ កម្មន្តា បដិភន្តិ, ន ភត្តំ បដិភាតិ, សោ អាឡាហនំ គន្ត្វា កន្ទតិ ‘‘កហំ ឯកបុត្តក កហំ ឯកបុត្តកា’’តិ, តស្មិំ ភន្តេ វត្ថុស្មិំ ភាសិតំ។
ពាហិតិកសុត្ត
បុច្ឆា – ពាហិតិក
វិស្សជ្ជនា – សាវត្ថិយំ ភន្តេ រាជានំ បសេនទិំ កោសលំ អារព្ភ អាយស្មតា អានន្ទត្ថេរេន ធម្មភណ្ឌាគារិកេន ភាសិតំ។ រាជា ភន្តេ បសេនទិ កោសលោ អាយស្មន្តំ អានន្ទំ ឯតទវោច ‘‘កិំ នុ ខោ ភន្តេ អានន្ទ សោភគវា តថារូបំ កាយសមាចារំ សមាចរេយ្យ, យ្វស្ស កាយសមាចារោ ឱបារម្ភោ សមណេហិ ព្រាហ្មណេហី’’តិ, តស្មិំ ភន្តេ វត្ថុស្មិំ ភាសិតំ។
ធម្មចេតិយសុត្ត
បុច្ឆា – ធម្មចេតិយសុត្តំ
វិស្សជ្ជនា – សក្កេសុ ភន្តេ មេទាឡុបេ នាម សក្យានំ និគមេ រញ្ញា បសេនទិនា កោសលេន សទ្ធិំ ភាសិតំ។
កណ្ណកត្ថលសុត្ត
បុច្ឆា – កណ្ណកត្ថលសុត្តំ
វិស្សជ្ជនា – ឧរុញ្ញាយំ ភន្តេ កណ្ណកត្ថលេ មិគទាយេ រញ្ញា បសេនទិនា កោសលេន សទ្ធិំ ភាសិតំ។
ព្រហ្មាយុសុត្ត
បុច្ឆា – តេនាវុសោ ភគវតា…បេ.… សម្មាសម្ពុទ្ធេន ព្រហ្មាយុសុត្តំ កត្ថ កំ អារព្ភ កិស្មិំ វត្ថុស្មិំ ភាសិតំ។
វិស្សជ្ជនា – វិទេហេសុ
បុច្ឆា – តត្ថ
វិស្សជ្ជនា – តត្ថ ភន្តេ ឧត្តរោ មាណវោ ‘‘សុប្បតិដ្ឋិតបាទោ ខោ បន សោ ភវំ គោតមោ, ឥទម្បិ តស្ស ភោតោ គោតមស្ស មហាបុរិសស្ស មហាបុរិសលក្ខណំ ភវតី’’តិ ឯវមាទិនា ភគវតោ ទ្វត្តិំសមហាបុរិសលក្ខណេហិ សមន្នាគតតំ អត្តនោ អាចរិយស្ស ព្រហ្មាយុស្ស ព្រាហ្មណស្ស សម្បដិវេទេសិ។
បុច្ឆា – អបរម្បិ
វិស្សជ្ជនា – អបរម្បិ ភន្តេ ឧត្តរោ មាណវោ ភគវតោ គមនកាលេ បឋមំ ទក្ខិណំ បាទុទ្ធរណាទិកំ អាការំ ទិស្វា ច សល្លក្ខេត្វា ច អត្តនោ អាចរិយស្ស ព្រហ្មាយុស្ស ព្រាហ្មណស្ស សម្បដិវេទេសិ។
បុច្ឆា – អបរម្បិ
វិស្សជ្ជនា – អបរម្បិ ភន្តេ ឧត្តរោ មាណវោ ភគវតោ អន្តរឃរំ បវិសនកាលេ ន កាយស្ស ឧន្នមនាទិកំ បាសាទិកំ ទិស្វា ច សល្លក្ខេត្វា ច អត្តនោ អាចរិយស្ស ព្រហ្មាយុស្ស ព្រាហ្មណស្ស សម្បដិវេទេសិ។
បុច្ឆា – អបរម្បិ
វិស្សជ្ជនា – អបរម្បិ ភន្តេ ឧត្តរោ មាណវោ ភគវតោ ភោជនកាលេ បត្តោទកាទិកំ បដិគ្គហណាទិកាលេ ន បត្តស្ស ឧន្នមនាទិកំ ភគវតោ បាសាទិកំ អាការំ ទិស្វា ច សល្លក្ខេត្វា ច អត្តនោ អាចរិយស្ស ព្រហ្មាយុស្ស ព្រាហ្មណស្ស សម្បដិវេទេសិ។
បុច្ឆា – អបរម្បិ
វិស្សជ្ជនា – អបរម្បិ ភន្តេ ឧត្តរោ មាណវោ ភគវតោ ភុត្តាវិកាលេ បត្តោទនាទិកំ បដិគ្គណ្ហាទិកាលេ ន បត្តស្ស ឧន្នមនាទិកំ បាសាទិកំ អាការំ ទិស្វា ច សល្លក្ខេត្វា ច អត្តនោ អាចរិយស្ស ព្រហ្មាយុស្ស ព្រាហ្មណស្ស សម្បដិវេទេសិ។
បុច្ឆា – អបរម្បិ
វិស្សជ្ជនា – អបរម្បិ
បុច្ឆា – កថញ្ចាវុសោ
វិស្សជ្ជនា – ‘‘កថំ ខោ ព្រាហ្មណោ ហោតិ, កថំ ភវតិ វេទគូ។ តេវិជ្ជោ ភោ កថំ ហោតិ, សោត្តិយោ កិន្តិ វុច្ចតិ។ អរហំ ភោ កថំ ហោតិ, កថំ ភវតិ កេវលី។ មុនិ ច ភោ កថំ ហោតិ, ពុទ្ធោ កិន្តិ បវុច្ចតី’’តិ – ឯវំ ខោ ភន្តេ ព្រហ្មាយុ ព្រាហ្មណោ ភគវន្តំ បញ្ហំ អបុច្ឆិ។ ភគវា ភន្តេ–
‘‘បុព្ពេនិវាសំ យោ វេទិ, សគ្គាបាយញ្ច បស្សតិ;
អថោ ជាតិក្ខយំ បត្តោ, អភិញ្ញាវោសិតោ មុនិ;
ចិត្តំ វិសុទ្ធំ ជានាតិ, មុត្តំ រាគេហិ សព្ពសោ;
បហីនជាតិមរណោ, ព្រហ្មចរិយស្ស កេវលី;
បារគូ សព្ពធម្មានំ, ពុទ្ធោ តាទី បវុច្ចតី’’តិ –
ឯវំ ខោ ភន្តេ ភគវា ព្រហ្មាយុស្ស ព្រាហ្មណស្ស វិភជិត្វា ព្យាកាសិ។
បុច្ឆា – ឥមញ្ច
វិស្សជ្ជនា – ឥមញ្ច
បុច្ឆា – ឥមញ្ច
វិស្សជ្ជនា – ឥមញ្ច
សេលសុត្ត
បុច្ឆា – សេលសុត្តំ បនាវុសោ ភគវតា កត្ថ កំ អារព្ភ កិស្មិំ វត្ថុស្មិំ ភាសិតំ។
វិស្សជ្ជនា – អង្គុត្តរាបេសុ ភន្តេ អាបណេ នាម អង្គុត្តរាបានំ និគមេសេលំ ព្រាហ្មណំ អារព្ភ ភាសិតំ។ សេលោ ភន្តេ ព្រាហ្មណោ សបរិសោ ភគវន្តំ ឧបសង្កមិត្វា ភគវន្តំ សម្មុខា សារុប្បាហិ គាថាហិ អភិត្ថវិ, តស្មិំ ភន្តេ វត្ថុស្មិំ ភាសិតំ។
បរិបុណ្ណកាយោ
សុវណ្ណវណ្ណោសិ ភគវា, សុសុក្កទាឋោសិ វីរិយវា;
នរស្ស ហិ សុជាតស្ស, យេ ភវន្តិ វិយញ្ចនា;
សព្ពេ តេ តវ កាយស្មិំ, មហាបុរិសលក្ខណា។
អស្សលាយនសុត្ត
បុច្ឆា – អស្សលាយនសុត្តំ បនាវុសោ ភគវតា កត្ថ កំ អារព្ភ កិស្មិំ វត្ថុស្មិំ ភាសិតំ។
វិស្សជ្ជនា – សាវត្ថិយំ ភន្តេ អស្សលាយនំ មាណវំ អារព្ភ ភាសិតំ, អស្សលាយនោ ភន្តេ មាណវោ មហតា ព្រាហ្មណគណេន សទ្ធិំ ភគវន្តំ ឧបសង្កមិត្វា ឯតទវោច ‘‘ព្រាហ្មណា ភោ គោតម ឯវមាហំសុ ‘ព្រាហ្មណោវ សេដ្ឋោ វណ្ណោ, ហីនោ អញ្ញោ វណ្ណោ។ ព្រាហ្មណោវ សុក្កោ វណ្ណោ, កណ្ហោ
ឃោដមុខសុត្ត
បុច្ឆា – ឃោដមុខសុត្តំ
វិស្សជ្ជនា – ពារាណសិយំ ភន្តេ ខេមិយម្ពវនេ ឃោដមុខំ ព្រាហ្មណំ អារព្ភ អាយស្មតា ឧទេនេន ភាសិតំ។ ឃោដមុខោ ភន្តេ ព្រាហ្មណោ អាយស្មន្តំ ឧទេនំ ចង្កមន្តំ អនុចង្កមមានោ ឯវមាហ ‘‘អម្ភោ សមណ នត្ថិ ធម្មិកោ បរិព្ពជោ, ឯវំ មេ ឯត្ថ ហោតិ, តញ្ច ខោ ភវន្តរូបានំ វា អទស្សនា, យោ វា បនេត្ថ ធម្មា’’តិ, តស្មិំ ភន្តេ វត្ថុស្មិំ ភាសិតំ។
ចង្កីសុត្ត
បុច្ឆា – តេនាវុសោ
វិស្សជ្ជនា – កោសលេសុ ភន្តេ ឱបាសាទេ នាម កោសលានំ និគមេ កាបដិកំ មាណវំ អារព្ភ ភាសិតំ, កាបដិកោ ភន្តេ មាណវោ ភគវន្តំ ឯតទវោច ‘‘យទិទំ ភោ គោតម ព្រាហ្មណានំ បោរាណំ មន្តបទំ ឥតិហិតិហបរម្បរាយ បិដកសម្បទាយ, តត្ថ ច ព្រាហ្មណា ឯកំសេន និដ្ឋំ គច្ឆន្តិ ‘ឥទមេវ សច្ចំ មោឃមញ្ញ’ន្តិ, ឥធ ភវំ គោតមោ កិមាហា’’តិ, តស្មិំ ភន្តេ វត្ថុស្មិំ ភាសិតំ។
ឯសុការីសុត្ត
បុច្ឆា – ឯសុការីសុត្តំ
វិស្សជ្ជនា – សាវត្ថិយំ ភន្តេ ឯសុការិំ ព្រាហ្មណំ អារព្ភ ភាសិតំ, ឯសុការី ភន្តេ ព្រាហ្មណោ ភគវន្តំ ឧបសង្កមិត្វា ឯតទវោច ‘‘ព្រាហ្មណា ភោ គោតម ចតស្សោ បារិចរិយា បញ្ញបេន្តិ, ព្រាហ្មណស្ស បារិចរិយំ បញ្ញបេន្តិ, ខត្តិយស្ស បារិចរិយំ បញ្ញបេន្តិ, វេស្សស្ស បារិចរិយំ បញ្ញបេន្តិ, សុទ្ទស្ស បារិចរិយំ បញ្ញបេន្តី’’តិ, តស្មិំ ភន្តេ វត្ថុស្មិំ ភាសិតំ។
ធនញ្ជានិសុត្ត
បុច្ឆា – ធនញ្ជានិសុត្តំ
វិស្សជ្ជនា – រាជគហេ ភន្តេ ធនញ្ជានិំ ព្រាហ្មណំ អារព្ភ អាយស្មតា សារិបុត្តត្ថេរេន ធម្មសេនាបតិនា ភាសិតំ, ធនញ្ជានិ ភន្តេ ព្រាហ្មណោ បមាទវិហារំ វិហាសិ, តស្មិំ ភន្តេ វត្ថុស្មិំ ភាសិតំ។
បុច្ឆា – អថ
វិស្សជ្ជនា – ‘‘កច្ចាសិ ធនញ្ជានិ អប្បមត្តោ’’តិ, ឯវំ ខោ ភន្តេ អាយស្មា សារិបុត្តត្ថេរោ ធម្មសេនាបតិ ធនញ្ជានិំ ព្រាហ្មណំ បុច្ឆិ, ធនញ្ជានិ ច ភន្តេ ព្រាហ្មណោ ‘‘កុតោ ភោ សារិបុត្ត អម្ហាកំ អប្បមាទោ, យេសំ នោ មាតាបិតរោ បោសេតព្ពា’’តិ, ឯវមាទិនា អាយស្មតោ សារិបុត្តស្ស ធម្មសេនាបតិស្ស អារោចេសិ។
បុច្ឆា – ឯវំ
វិស្សជ្ជនា – ឯវំ វុត្តេ ភន្តេ អាយស្មា សារិបុត្តត្ថេរោ ធម្មសេនាបតិ ‘‘តំ កិំ មញ្ញសិ ធនញ្ជានិ, ឥធេកច្ចោ មាតាបិតូនំ ហេតុ អធម្មចារី វិសមចារី អស្ស, តមេនំ អធម្មចរិយា វិសមចរិយាហេតុ និរយំ និរយបាលា ឧបកឌ្ឍេយ្យុ’’ន្តិ, ឯវមាទិនា ធនញ្ជានិស្ស ព្រាហ្មណស្ស ធម្មកថំ កថេសិ។
បុច្ឆា – បុន
វិស្សជ្ជនា – បុនបិ ភន្តេ អាយស្មា សារិបុត្តត្ថេរោ ធម្មសេនាបតិ ‘‘តំ កិំ មញ្ញសិ ធនញ្ជានិ, យោ វា មាតាបិតូនំ ហេតុ អធម្មចារី វិសមចារី អស្ស, យោ វា មាតាបិតូនំ ហេតុ ធម្មចារី សមចារី អស្ស, កតមំ សេយ្យោ’’តិ, ឯវមាទិនា ធនញ្ជានិស្ស ព្រាហ្មណស្ស អបរេនបិ បរិយាយេន ឱវាទមទាសិ។
បុច្ឆា – អបរភាគេ
វិស្សជ្ជនា – អបរភាគេ
វាសេដ្ឋសុត្ត
បុច្ឆា – វាសេដ្ឋសុត្តំ
វិស្សជ្ជនា – ឥច្ឆានង្គលេ ភន្តេ វាសេដ្ឋំ មាណវំ អារព្ភ ភាសិតំ។ វាសេដ្ឋោ ភន្តេ មាណវោ ភគវន្តំ គាថាហិ អជ្ឈភាសិ –
‘‘អនុញ្ញាតបដិញ្ញាតា, តេវិជ្ជា មយមស្មុភោ;
អហំ បោក្ខរសាតិស្ស, តារុក្ខស្សាយំ មាណវោ។
តេវិជ្ជានំ យទក្ខាតំ, តត្រ កេវលិនេស្មសេ;
បទកស្មា វេយ្យាករណា, ជប្បេ អាចរិយសាទិសា;
តេសំ នោ ជាតិវាទស្មិំ, វិវាទោ អត្ថិ គោតម។
ជាតិយា ព្រាហ្មណោ ហោតិ, ភារទ្វាជោ ឥតិ ភាសតិ;
អហញ្ច កម្មុនា ព្រូមិ, ឯវំ ជានាហិ ចក្ខុម។
តេន សក្កោម ញាបេតុំ, អញ្ញំមញ្ញំ មយំ ឧភោ;
ភវន្តំ បុដ្ឋុមាគមា, សម្ពុទ្ធំ ឥតិ វិស្សុតំ។
ចន្ទំ យថា ខយាតីតំ, បេច្ច បញ្ជលិកា ជនា;
វន្ទនា នមស្សន្តិ, ឯវំ លោកស្មិំ គោតមំ។
ចក្ខុំ
ជាតិយា ព្រាហ្មណោ ហោតិ, ឧទាហុ ភវតិ កម្មុនា;
អជានតំ នោ បព្រូហិ, យថា ជានេមុ ព្រាហ្មណន្តិ។
តស្មិំ ភន្តេ វត្ថុស្មិំ ភាសិតំ។
សុភសុត្ត
បុច្ឆា – សុភសុត្តំ
វិស្សជ្ជនា – សាវត្ថិយំ ភន្តេ សុភំ មាណវំ តោទេយ្យបុត្តំ អារព្ភ ភាសិតំ។ សុភោ ភន្តេ មាណវោ តោទេយ្យបុត្តោ ភគវន្តំ ឧបសង្កមិត្វា ឯតទវោច ‘‘ព្រាហ្មណា ភោ គោតម ឯវមាហំសុ’ គហដ្ឋោ អារាធកោ ហោតិ ញាយំ ធម្មំ កុសលំ, ន បព្ពជិតោ អារាធកោ ហោតិ ញាយំ ធម្មំ កុសលន្តិ, ឥធ ភវំ គោតមោ កិមាហា’’តិ, តស្មិំ ភន្តេ វត្ថុស្មិំ ភាសិតំ។
បុច្ឆា – បុន
វិស្សជ្ជនា – ‘‘ព្រាហ្មណា ភោ គោតម ឯវមាហំសុ ‘មហដ្ឋមិទំ មហាកិច្ចំ មហាធិករណំ មហាសមារម្ភំ, ឃរាវាសកម្មដ្ឋានំ មហប្ផលំ ហោតិ។ អប្បដ្ឋមិទំ អប្បកិច្ចំ អប្បាធិករណំ អប្បសមារម្ភំ, បព្ពជ្ជា កម្មដ្ឋានំ អប្បផលំ ហោតី’តិ។ ឥធ ភវំ គោតមោ កិមាហា’’តិ។ ឯវំ ខោ ភន្តេ សុភោ មាណវោ តោទេយ្យបុត្តោ បុនបិ ភគវន្តំ បុច្ឆិ។ ភគវា ច ភន្តេ ‘‘ឯត្ថាបិ ខោ អហំ មាណវ វិភជ្ជវាទា, នាហមេត្ថ ឯកំសវាទោតិ’’ ឯវមាទិនា វិភជ្ជ ព្យាកាសិ។
សង្គារវសុត្ត
បុច្ឆា – សង្គារវសុត្តំ
វិស្សជ្ជនា – កោសលេសុ ភន្តេ ចញ្ចលិកប្បេ នាម គាមេ សង្គារវំ មាណវំ អារព្ភ ភាសិតំ, សង្គារវោ ភន្តេ មាណវោ ភគវន្តំ ឯតទវោច ‘‘សន្តិ ខោ ភោ គោតម ឯកេ សមណព្រាហ្មណា ទិដ្ឋធម្មាភិញ្ញាវោសានបារមិប្បត្តា អាទិព្រហ្មចរិយំ បដិជានន្តិ។ តត្រ ភោ គោតម យេ តេ សមណព្រាហ្មណា ទិដ្ឋធម្មាភិញ្ញាវោសានបារមិប្បត្តា អាទិព្រហ្មចរិយំ បដិជានន្តិ, តេសំ ភវំ គោតមោ កតមោ’’តិ, តស្មិំ ភន្តេ វត្ថុស្មិំ ភាសិតំ។
ទេវទហសុត្ត
បុច្ឆា – តេនាវុសោ
វិស្សជ្ជនា – សក្កេសុ ភន្តេ ទេវទហេ នាម សក្យានំ និគមេ សម្ម ហុលេ ភិក្ខូ អារព្ភ ភាសិតំ។
បញ្ចត្តយសុត្ត
បុច្ឆា – បញ្ចត្តយសុត្តំ បនាវុសោ ភគវតា កត្ថ កំ អារព្ភ ភាសិតំ។
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ។
កិន្តិសុត្ត
បុច្ឆា – កិន្តិសុត្តំ
វិស្សជ្ជនា – បិសិនារាយំ ភន្តេ ពលិហរណេ នាម វនសណ្ឌេ សម្ពហុលេ ភិក្ខូ អារព្ភ ភាសិតំ។
បុច្ឆា – តត្ថ
វិស្សជ្ជនា – តត្ថ ភន្តេ ភគវា ‘‘កិន្តិ វោ ភិក្ខវេ មយិ ហោតិ, ចីវរហេតុ វា សមណោ គោតមោ ធម្មំ ទេសេតិ, បិណ្ឌបាតហេតុ វា, សេនាសនហេតុ វា, ឥតិភវាភវហេតុ វា សមណោ គោតមោ ធម្មំ ទេសេតី’’តិ ភិក្ខូ បុច្ឆិត្វា ‘‘តស្មាតិហ ភិក្ខវេ យេ វោ មយា ធម្មា អភិញ្ញា ទេសិតា។ សេយ្យថិទំ, ចត្តារោ សតិបដ្ឋានា ចត្តារោ សម្មប្បធានា ចត្តារោ ឥទ្ធិបាទា បញ្ចិន្ទ្រិយានិ បញ្ច ពលានិ សត្ត ពោជ្ឈង្គា អរិយោ អដ្ឋង្គិកោ មគ្គោ។ តត្ថ សព្ពេហេវ សមគ្គេហិ សម្មោទមានេហិ អវិវទមានេហិ សិក្ខិតព្ពំ’’ ឯវមាទិនា ភន្តេ ភិក្ខូនំ ឱវាទមទាសិ។
បុច្ឆា – កថញ្ចាវុសោ
វិស្សជ្ជនា – តត្ថ ភន្តេ ភគវា ‘‘តេសញ្ច វោ ភិក្ខវេ សមគ្គានំ សម្មោទមានានំ អវិវទមានានំ សិក្ខតំ សិយា អញ្ញតរស្ស ភិក្ខុនោ អាបត្តិ, សិយា វីតិក្កមោ។ តត្រ ភិក្ខវេ ន ចោទនាយ តរិតព្ពំ បុគ្គលោ ឧបបរិក្ខិតព្ពោ’’តិ ឯវមាទិនា ភិក្ខូនំ ទុតិយម្បិ ឱវាទមទាសិ។
បុច្ឆា – កថញ្ចាវុសោ
វិស្សជ្ជនា – ‘‘តេសញ្ច វោ ភិក្ខវេ សមគ្គានំ សម្មោទមានានំ អវិវទមានានំ សិក្ខតំ អញ្ញមញ្ញស្ស វចីសំហារោ ឧប្បជ្ជេយ្យ ទិដ្ឋិបឡាសោ ចេតសោ អាឃាតោ អប្បច្ចយោ អនភិរទ្ធី’’តិ ឯវមាទិនា ភន្តេ ភគវា តត្ថ តតិយម្បិ ភិក្ខូនំ ឱវាទមទាសិ។
បុច្ឆា – តេនាវុសោ
វិស្សជ្ជនា – ‘‘ឥធាហំ អាវុសោ យេន ភគវា តេនុបសង្កមិំ, តស្ស មេ ភគវា ធម្មំ ទេសេសិ, តាហំ ធម្មំ សុត្វា តេសំ ភិក្ខូនំ អភាសិំ, តំ តេ ភិក្ខូ ធម្មំ សុត្វា អកុសលា វុដ្ឋហិំសុ កុសលេ បតិដ្ឋហិំសូ’’តិ។ ឯវំ ខោ ភន្តេ តេន ភិក្ខុនា ឯវំ សត្ថុ ឱវាទានុសាសនិការិនា បរេហិ បុដ្ឋេន សម្មា ព្យាករមានេន ព្យាកាតព្ពំ។
សាមគាមសុត្ត
បុច្ឆា – សាមគាមសុត្តំ
វិស្សជ្ជនា – សក្កេសុ ភន្តេ សាមគាមេ នាម សក្យានំ និគមេ អាយស្មន្តញ្ច អានន្ទំ អាយស្មន្តញ្ច ចុន្ទំ អារព្ភ ភាសិតំ, អាយស្មា ច ភន្តេ អានន្ទោ អាយស្មា ច ចុន្ទោ យេន ភគវា តេនុបសង្កមិសុ, ឧបសង្កមិត្វា ភគវន្តំ អភិវាទេត្វា ឯកមន្តំ និសីទិំសុ, ឯកមន្តំ និសិន្នោ ខោ អាយស្មា អានន្ទោ ភគវន្តំ ឯតទវោច ‘‘អយំ ភន្តេ ចុន្ទោ សមណុទ្ទេសោ ឯវមាហ ‘និគណ្ឋោ ភន្តេ នាដបុត្តោ បាវាយំ អធុនា កាលង្កតោ, តស្ស កាលង្កិរិយាយ ភិន្នា និគណ្ឋា ទ្វេធិកជាតា ភណ្ឌនជាតា កលហជាតា វិវាទាបន្នា អញ្ញមញ្ញំ មុខសត្តីហិ វិតុទន្តា វិហរន្តិ…បេ.…
សុនក្ខត្តសុត្ត
បុច្ឆា – សុនក្ខត្តសុត្តំ
វិស្សជ្ជនា – វេសាលិយំ ភន្តេ សុនក្ខត្តំ លិច្ឆវិបុត្តំ អារព្ភ ភាសិតំ, សុនក្ខត្តោ ភន្តេ លិច្ឆវិបុត្តោ ភគវន្តំ ឧបសង្កមិត្វា ឯតទវោច ‘‘សុតំ មេតំ ភន្តេ សម្ពហុលេហិ កិរ ភិក្ខូហិ ភគវតោ សន្តិកេ អញ្ញា ព្យាកតា ខីណា ជាតិ, វុសិតំ ព្រហ្មចរិយំ, កតំ ករណីយំ, នាបរំ ឥត្ថត្តាយាតិ បជានាមាតិ។ កច្ចិ តេ ភន្តេ ភិក្ខូ សម្មទេវ អញ្ញំ ព្យាកំសុ, ឧទាហុ សន្តេត្ថេកច្ចេ ភិក្ខូ អធិមានេន អញ្ញំ ព្យាកំសូ’’តិ, តស្មិំ ភន្តេ វត្ថុស្មិំ ភាសិតំ។
អានេញ្ជសប្បាយសុត្ត
បុច្ឆា – អានេញ្ជសប្បាយសុត្តំ
វិស្សជ្ជនា – កុរូសុ ភន្តេ កម្មាសធម្មេ នាម កុរូនំ និគមេ សម្ពហុលេ ភិក្ខូ អារព្ភ ភាសិតំ។
គណកម្មោគ្គល្លានសុត្ត
បុច្ឆា – គណកមោគ្គល្លានសុត្តំ
វិស្សជ្ជនា – សាវត្ថិយំ ភន្តេ គណកមោគ្គល្លានំ ព្រាហ្មណំ អារព្ភ ភាសិតំ, គណកមោគ្គល្លានោ ភន្តេ ព្រាហ្មណោ ភគវន្តំ ឧបសង្កមិត្វា ឯតទវោច ‘‘សេយ្យាថាបិ ភោ គោតម ឥមស្ស មិគារមាតុបាសាទស្ស ទិស្សតិ អនុបុព្ពសិក្ខា អនុបុព្ពកិរិយា អនុបុព្ពបដិបទា យទិទំ យាវ បច្ឆិមសោបានកឡេវរា…បេ.… សក្កា នុខោ ភោ គោតម ឥមស្មិម្បិ ធម្មវិនយេ ឯវមេវ អនុបុព្ពសិក្ខា អនុបុព្ពកិរិយា អនុបុព្ពបដិបទា បញ្ញបេតុ’’ន្តិ, តស្មិំ ភន្តេ វត្ថុស្មិំ ភាសិតំ។
បុច្ឆា – ឯវំ
វិស្សជ្ជនា – ឯវំ វុត្តេ ភន្តេ គណកមោគ្គល្លានោ ព្រាហ្មណោ ភគវន្តំ ឯតទវោច ‘‘កិំ នុ ខោ ភោតោ គោតមស្ស សាវកា ភោតា គោតមេន ឯវំ ឱវទីយមានា ឯវំ អនុសាសីយមានា សព្ពេ អច្ចន្តំ និដ្ឋំ និព្ពានំ អារោធេន្តិ, ឧទាហុ ឯកច្ចេ នារាធេន្តី’’តិ, ភគវា ច ភន្តេ ‘‘អប្បេកច្ចេ ខោ ព្រាហ្មណ មម សាវកា មយា ឯវំ ឱវទីយមានា ឯវំ អនុសាសីយមានា អច្ចន្តំ និដ្ឋំ និព្ពានំ អារាធេន្តិ, ឯកច្ចេ នារាធេន្តី’’តិ ឯវមាទិនា គណកមោគ្គល្លានស្ស ព្រាហ្មណស្ស ព្យាកាសិ។
បុច្ឆា – ឥមញ្ច
វិស្សជ្ជនា – ឥមញ្ច បន ភន្តេ ធម្មទេសនំ សុត្វា គណកមោគ្គល្លានោ ព្រាហ្មណោ ‘‘យេ មេ ភោ គោតម បុគ្គលា អសទ្ធា ជីវិកត្ថា ន សទ្ធា អគារស្មា អនគារិយំ បព្ពជិតា’’តិ ឯវមាទិនា ឥមស្មិំ ធម្មវិនយេ បសន្នោ បសន្នាការមកាសិ។
គោបកមោគ្គល្លានសុត្ត
បុច្ឆា – គោបកមោគ្គល្លានសុត្តំ
វិស្សជ្ជនា – រាជគហេ ភន្តេ គោបកមោគ្គល្លានំ ព្រាហ្មណំ អារព្ភ អាយស្មតា អានន្ទត្ថេរេន ធម្មភណ្ឌាគារិកេន ភាសិតំ, គោបកមោគ្គល្លានោ ភន្តេ ព្រាហ្មណោ អាយស្មន្តំ អានន្ទំ ឯតទវោច ‘‘អត្ថិ នុ ខោ ភោ អានន្ទ ឯកភិក្ខុបិ តេហិ ធម្មេហិ សព្ពេន សព្ពំ សព្ពថា សព្ពំ សមន្នាគតោ, យេហិ ធម្មេហិ សមន្នាគតោ សោ ភវំ គោតមោ អហោសិ អរហំ សម្មាសម្ពុទ្ធោ’’តិ, តស្មិំ ភន្តេ វត្ថុស្មិំ ភាសិតំ។
បុច្ឆា – កថញ្ចាវុសោ
វិស្សជ្ជនា – ឥធ ព្រាហ្មណ ភិក្ខុ សីលវា ហោតិ, បាតិមោក្ខសំវរសំវុតោ វិហរតិ អាចារគោចរសម្បន្នោ អណុមត្តេសុ វជ្ជេសុ ភយទស្សាវី, សមាទាយ សិក្ខតិ សិក្ខាបទេសុ, ពហុស្សុតោ ហោតិ សុតធរោ សុតសន្និចយោ, យេមេ ធម្មា អាទិកល្យាណា មជ្ឈេកល្យាណា បរិយោសានកល្យាណា សាត្ថំ សព្យញ្ជនំ កេវលបរិបុណ្ណំ បរិសុទ្ធំ ព្រហ្មចរិយំ អភិវទន្តិ, តថារូបស្ស ធម្មា ពហុស្សុតា ហោន្តិ ធាតា វចសា បរិចិតា មនសានុបេក្ខិតា ទិដ្ឋិយា សុប្បដិវិទ្ធាតិ ឯវមាទិនា ភន្តេ តត្ថ អាយស្មតា អានន្ទត្ថេរេន ធម្មភណ្ឌាគារិកេន ទស បសាទនីយា ធម្មា បកាសិតា។ យេ តេន ភគតា ជានតា បស្សតា អរហតា សម្មាសម្ពុទ្ធេន អក្ខាតា, យេហិ សមន្នាគតំ ភិក្ខុំ ឯតរហិ ភិក្ខូ សក្ករេយ្យុំ គរុំ ករេយ្យុំ មានេយ្យុំ បូជេយ្យុំ សក្កត្វា គរុំ កត្វា ឧបនិស្សាយ វិហរេយ្យុំ។
បុច្ឆា – ឯវំ
វិស្សជ្ជនា – ឯវំ
មហាបុណ្ណមសុត្ត
បុច្ឆា – មហាបុណ្ណមសុត្តំ
វិស្សជ្ជនា – សាវត្ថិយំ ភន្តេ អញ្ញតរំ សដ្ឋិមត្តានំ បធានីយភិក្ខូនំ សង្ឃត្ថេរំ ភិក្ខុំ អារព្ភ ភាសិតំ, អញ្ញតរោ ភន្តេ
សដ្ឋិមត្តានំ
ចូឡបុណ្ណមសុត្ត
បុច្ឆា – ចូឡបុណ្ណមសុត្តំ
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ។
បុច្ឆា – កថញ្ចាវុសោ
វិស្សជ្ជនា – អសប្បុរិសោ ភិក្ខវេ អស្សទ្ធម្មសមន្នាគតោ ហោតិ, អសប្បុរិសភត្តិ ហោតិ, អសប្បុរិសចិន្តី ហោតិ, អសប្បុរិសមន្តី ហោតិ, អសប្បុរិសវាចោ ហោតិ, អសប្បុរិសកម្មន្តោ ហោតិ, អសប្បុរិសទិដ្ឋិ ហោតិ, អសប្បុរិសទានំ ទេតីតិ ឯវមាទិនា ភន្តេ តត្ថ ភគវតា អដ្ឋ អសប្បុរិសអង្គានិ វិភជិត្វា បកាសិតានិ។
បុច្ឆា – កថំ
វិស្សជ្ជនា – សប្បុរិសោ ភិក្ខវេ សទ្ធម្មសមន្នាគតោ ហោតិ, សប្បុរិសភត្តិ ហោតិ, សប្បុរិសចិន្តី ហោតិ, សប្បុរិសមន្តី ហោតិ, សប្បុរិសវាចោ ហោតិ, សប្បុរិសកម្មន្តោ ហោតិ, សប្បុរិសទិដ្ឋិ ហោតិ, សប្បុរិសទានំ ទេតីតិ ឯវមាទិនា ភន្តេ ភគវតា តត្ថ អដ្ឋវិធានិ សប្បុរិសង្គានិ វិភជិត្វា បកាសិតានិ។
អនុបទសុត្ត
បុច្ឆា – អនុបទសុត្តំ
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ, សម្ពហុលា ភន្តេ ភិក្ខូ អាយស្មតោ សារិបុត្តស្ស ធម្មសេនាបតិស្ស សភាគា តស្មិំ សមយេ សន្និបតិំសុ, តស្មិំ ភន្តេ វត្ថុស្មិំ ភាសិតំ។
បុច្ឆា – កថញ្ចាវុសោ
វិស្សជ្ជនា – បណ្ឌិតោ ភិក្ខវេ សារិបុត្តោ មហាបញ្ញោ ភិក្ខវេ សារិបុត្តោ បុថុបញ្ញោ ភិក្ខវេ សារិបុត្តោ ហាសបញ្ញោ
ឆព្ពិសោធនសុត្ត
បុច្ឆា – តេនាវុសោ…បេ.…
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ។
សប្បុរិសសុត្ត
បុច្ឆា – សប្បុរិសសុត្តំ
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ។
សេវិតព្ពាសេវិតព្ពសុត្ត
បុច្ឆា – សេវិតព្ពាសេវិតព្ពសុត្តំ
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ អាយស្មតា សារិបុត្តត្ថេរេន ធម្មសេនាបតិនា សទ្ធិំ ភាសិតំ។
ពហុធាតុកសុត្ត
បុច្ឆា – ពហុធាតុកសុត្តំ
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ។
ឥសិគិលិសុត្ត
បុច្ឆា – ឥសិគិលិសុត្តំ បនាវុសោ ភគវតា កត្ថ កំ អារព្ភ ភាសិតំ។
វិស្សជ្ជនា – រាជគហេ ភន្តេ ឥសិគិលិស្មិំ បព្ពតេ សម្ពហុលេ ភិក្ខូ អារព្ភ ភាសិតំ។
មហាចត្តារីសកសុត្ត
បុច្ឆា – មហាចត្តារីសកសុត្តំ
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ។
អានាបានស្សតិសុត្ត
បុច្ឆា – អានាបានស្សតិសុត្តំ
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ, ថេរា ភន្តេ ភិក្ខូ នវេ ភិក្ខូ ឱវទន្តិ អនុសាសន្តិ, អប្បេកច្ចេ ថេរា ភិក្ខូ ទសបិ ភិក្ខូ ឱវទន្តិ អនុសាសន្តិ, អប្បេកច្ចេ ថេរា ភិក្ខូ វីសម្បិ ភិក្ខូ ឱវទន្តិ អនុសាសន្តិ, អប្បេកច្ចេ ថេរា ភិក្ខូ តិំសម្បិ ភិក្ខូ ឱវទន្តិ អនុសាសន្តិ, អប្បេកច្ចេ ថេរា ភិក្ខូ ចត្តារីសម្បិ ភិក្ខូ ឱវទន្តិ អនុសាសន្តិ, តេ ច ភន្តេ នវា ភិក្ខូ ថេរេហិ ភិក្ខូហិ ឱវទិយមានា អនុសាសិយមានា ឧឡារំ បុព្ពេនាបរំ វិសេសំ ជានន្តិ, តស្មិំ ភន្តេ វត្ថុស្មិំ ភាសិតំ។
កាយគតាសតិសុត្ត
បុច្ឆា – កាយគតាសតិសុត្តំ បនាវុសោ ភគវតា កត្ថ កំ អារព្ភ កិស្មិំ វត្ថុស្មិំ ភាសិតំ។
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ, សម្ពហុលានំ ភន្តេ ភិក្ខូនំ បច្ឆាភត្តំ បិណ្ឌបាតបដិក្កន្តានំ ឧបដ្ឋានសាលាយំ សន្និសិន្នានំ សន្និបតិតានំ អយមន្តរកថា ឧទបាទិ ‘‘អច្ឆរិយំ អាវុសោ, អព្ភុតំ អាវុសោ, យាវញ្ចិទំ តេន ភគវតា ជានតា បស្សតា អរហតា សម្មាសម្ពុទ្ធេន កាយគតាសតិ ភាវិតា ពហុលីកតា មហប្ផលា វុត្តា មហានិសំសា’’តិ, តស្មិំ ភន្តេ វត្ថុស្មិំ ភាសិតំ។
សង្ខារូបបត្តិសុត្ត
បុច្ឆា – សង្ខារូបបត្តិសុត្តំ
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ។
បុច្ឆា – កថញ្ចាវុសោ តត្ថ ភគវតា សង្ខារូបបត្តិយោ វិភជិត្វា បកាសិតា។
វិស្សជ្ជនា – ឥធ ភិក្ខវេ ភិក្ខុ សទ្ធាយ សមន្នាគតោ ហោតិ, សីលេន សមន្នាគតោ ហោតិ, សុតេន សមន្នាគតោ ហោតិ, ចាគេន សមន្នាគតោ ហោតិ, បញ្ញាយ សមន្នាគតោ ហោតិ, តស្ស ឯវំ ហោតិ ‘‘អហោ វតាហំ កាយស្ស ភេទា បរំ មរណា ខត្តិយមហាសាលានំ សហព្យតំ ឧបបជ្ជេយ្យ’’ន្តិ ឯវមាទិនា ភន្តេ តត្ថ ភគវតា សង្ខារូបបត្តិយោ វិភជិត្វា បកាសិតា។
ចូឡសុញ្ញតសុត្ត
បុច្ឆា – ចូឡសុញ្ញតសុត្តំ
វិស្សជ្ជនា – សាវត្ថិយំ ភន្តេ អាយស្មន្តំ អានន្ទំ អារព្ភ ភាសិតំ, អាយស្មា ភន្តេ អានន្ទោ សាយន្ហសមយំ បដិសល្លានា វុដ្ឋិតោ ភគវន្តំ ឯតទវោច ‘‘ឯកមិទំ ភន្តេ សមយំ ភគវា សក្កេសុ វិហរតិ នគរកំ នាម សក្យានំ និគមោ, តត្ថ មេ ភន្តេ ភគវតោ សម្មុខា សុតំ, សម្មុខា បដិគ្គហិតំ, សុញ្ញតាវិហារេនាហំ អានន្ទ ឯតរហិ ពហុលំ វិហរាមីតិ កច្ចិ មេតំ ភន្តេ សុស្សុតំ សុគ្គហិតំ សុមនសិកតំ សូបធារិត’’ន្តិ, តស្មិំ ភន្តេ វត្ថុស្មិំ ភាសិតំ។
មហាសុញ្ញតសុត្ត
បុច្ឆា – មហាសុញ្ញតសុត្តំ
វិស្សជ្ជនា – សក្កេសុ ភន្តេ កបិលវត្ថុស្មិំ អាយស្មន្តំ អានន្ទំ អារព្ភ ភាសិតំ, អាយស្មា ភន្តេ អានន្ទោ សម្ពហុលេហិ ភិក្ខូហិ សទ្ធិំ ឃដាយ សក្កស្ស វិហារេ ចីវរកម្មំ ករោតិ, តស្មិំ ភន្តេ វត្ថុស្មិំ ភាសិតំ។
អច្ឆរិយអព្ភុតសុត្ត
បុច្ឆា – អច្ឆរិយអព្ភុតសុត្តំ
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ អាយស្មតា អានន្ទត្ថេរេន ធម្មភណ្ឌាគារិកេន សទ្ធិំ ភាសិតំ។ សម្ពហុលានំ ភន្តេ ភិក្ខូនំ បច្ឆាភត្តំ បិណ្ឌបាតបដិក្កន្តានំ ឧបដ្ឋានសាលាយំ សន្និសិន្នានំ សន្និបតិតានំ អយមន្តរកថា ឧទបាទិ ‘‘អច្ឆរិយំ អាវុសោ, អព្ភុតំ អាវុសោ តថាគតស្ស មហិទ្ធិកតា មហានុភាវតា។ យត្រ ហិ នាម តថាគតោ អតីតេ ពុទ្ធេ បរិនិព្ពុតេ ឆិន្នបបញ្ចេ ឆិន្នវដុមេ បរិយាទិន្នវដ្ដេ សព្ពទុក្ខវីតិវត្តេ ជានិស្សតិ។ ឯវំជច្ចា តេ ភគវន្តោ អហេសុំ ឥតិបិ, ឯវំនាមា តេ ភគវន្តោ អហេសុំ ឥតិបិ, ឯវំគោត្តា តេ ភគវន្តោ អហេសុំ ឥតិបិ, ឯវំសីលា តេ ភគវន្តោ អហេសុំ ឥតិបិ, ឯវំធម្មា តេ ភគវន្តោ អហេសុំ ឥតិបិ, ឯវំបញ្ញា
ពាកុលសុត្ត
បុច្ឆា – ពាកុលសុត្តំ
វិស្សជ្ជនា – រាជគហេ ភន្តេ អចេលំ កស្សបំ អារព្ភ អាយស្មតា ពាកុលត្ថេរេន ភាសិតំ។
ទន្តភូមិសុត្ត
បុច្ឆា – ទន្តភូមិសុត្តំ បនាវុសោ ភគវតា កត្ថ កំ អារព្ភ កិស្មិំ វត្ថុស្មិំ ភាសិតំ។
វិស្សជ្ជនា – រាជគហេ ភន្តេ ជយសេនំ រាជកុមារំ អារព្ភ ភាសិតំ។ ជយសេនោ ភន្តេ រាជកុមារោ អចិរវតំ សមណុទ្ទេសំ ឧបសង្កមិត្វា ឯតទវោច ‘‘សុតំ មេតំ ភោ អគ្គិវេស្សន ឥធ ភិក្ខុ អប្បមត្តោ អាតាបី បហិតត្តោ វិហរន្តោ ផុសេយ្យ
បុច្ឆា – កថញ្ចាវុសោ
វិស្សជ្ជនា – តំ កុតេត្ថ អគ្គិវេស្សន លព្ភា, យំ តំ នេក្ខម្មេន ញាតព្ពំ នេក្ខម្មេន ទដ្ឋព្ពំ នេក្ខម្មេន បត្តព្ពំ នេក្ខម្មេន សច្ឆិកាតព្ពំ, តំ វត ជយសេនោ រាជកុមារោ កាមមជ្ឈេ វសន្តោ កាមេ បរិភុញ្ជន្តោ កាមវិតក្កេហិ ខជ្ជមានោ កាមបរិឡាហេន បរិឌយ្ហមានោ កាមបរិយោសនាយ ឧស្សុកោ ឧស្សតិ វា ទក្ខតិ វា សច្ឆិ វា ករិស្សតីតិ នេតំ ឋានំ វិជ្ជតីតិ ឯវំ ខោ ភន្តេ ភគវតោ អចិរវតស្ស សមណុទ្ទេសស្ស សមស្សាសេត្វា, សេយ្យថាបិស្សុ អគ្គិវេស្សន ទ្វេ ហត្ថិទម្មា វា អស្សទម្មាវា គោទម្មា វា សុទន្តា សុវិនីតាតិ ឯវមាទិនា ភន្តេ ភគវតា អចិរវតស្ស សមណុទ្ទេសស្ស ទេសនានយោ បកាសិតោ។
បុច្ឆា – កថញ្ចាវុសោ
វិស្សជ្ជនា – សេយ្យថាបិ អគ្គិវេស្សន រាជាខត្តិយោ មុទ្ធាវសិត្តោ នាគវនិកំ អាមន្តេតីតិ ឯវមាទិនា ភន្តេ ភគវា ឧត្តរិបិ ធម្មទេសនំ បវឌ្ឍេសិ។
ភូមិជសុត្ត
បុច្ឆា – តេនាវុសោ…បេ.…
វិស្សជ្ជនា – រាជគហេ ភន្តេ ជយសេនំ រាជកុមារំ អារព្ភ ភាសិតំ, ជយសេនោ ភន្តេ រាជកុមារោ អាយស្មន្តំ ភូមិជំ ឯតទវោច ‘‘សន្តិ ភោ ភូមិជ ឯកេ សមណព្រាហ្មណា ឯវំវាទិនោ ឯវំទិដ្ឋិនោ ‘អាសញ្ចេបិ ករិត្វា ព្រហ្មចរិយំ ចរន្តិ, អភព្ពា ផលស្ស អធិគមាយ។ អនាសញ្ចេបិ ករិត្វា ព្រហ្មចរិយំ ចរន្តិ, អភព្ពា ផលស្ស អធិគមាយ។ អាសញ្ច អនាសញ្ចេបិ ករិត្វា ព្រហ្មចរិយំ ចរន្តិ, អភព្ពា ផលស្ស អធិគមាយ
បុច្ឆា – កថញ្ចាវុសោ
វិស្សជ្ជនា – តគ្ឃ ត្វំ ភូមិជ ឯវំ បុដ្ឋោ ឯវំ ព្យាករមានោ វុត្តវាទី ចេវ មេ ហោសិ, ន ច មំ អភូតេន អព្ភាចិក្ខសិ, ឯវមាទិនា ភន្តេ ភគវតា អាយស្មតោ ភូមិជស្ស តំ វចនំ សមនុជានិត្វា ‘‘យេហិ កេហិចិ ភូមិជ សមណា វា ព្រាហ្មណា វា មិច្ឆាទិដ្ឋិនោ មិច្ឆាសង្កប្បា មិច្ឆាវាចា មិច្ឆាកម្មន្តា មិច្ឆាអាជីវា មិច្ឆាវាយាមា មិច្ឆាសតី មិច្ឆាសមាធិនោ, តេ អាសញ្ចេបិ ករិត្វា ព្រហ្មចរិយំ ចរន្តិ, អភព្ពា ផលស្ស អធិគមាយា’’តិ ឯវមាទិនា ភន្តេ ភគវតា អាយស្មតោ ភូមិជស្ស ឧត្តរិ ទេសនានយោ បរិបូរេត្វា បកាសិតោ។
អនុរុទ្ធសុត្ត
បុច្ឆា – អនុរុទ្ធសុត្តំ
វិស្សជ្ជនា – សាវត្ថិយំ ភន្តេ បញ្ចកង្គំ ថបតិំ អារព្ភ អាយស្មតា អនុរុទ្ធត្ថេរេន ភាសិតំ, បញ្ចកង្គោ ភន្តេ ថបតិ អាយស្មន្តំ អនុរុទ្ធំ ឯតទវោច ‘‘ឥធ មំ ភន្តេ ថេរា ភិក្ខូ ឧបសង្កមិត្វា ឯវមាហំសុ ‘អប្បមាណំ គហបតិ ចេតោវិមុត្តិំ ភាវេហី’តិ, ឯកច្ចេ ថេរា ឯវមាហំសុ ‘មហគ្គតំ គហបតិ ចេតោវិមុត្តិំ ភាវេហី’’តិ, យា ចាយំ ភន្តេ អប្បមាណា ចេតោវិមុត្តិ យា ច មហគ្គតា ចេតោវិមុត្តិ, ឥមេ ធម្មា នានត្ថា ចេវ នានាព្យញ្ជនា ច, ឧទាហុ ឯកត្ថា ព្យញ្ជនមេវ នានន្តិ’’ តស្មិំ ភន្តេ វត្ថុស្មិំ ភាសិតំ។
ឧបក្កិលេសសុត្ត
បុច្ឆា – ឧបក្កិលេសសុត្តំ
វិស្សជ្ជនា – បាចីនវំសទាយេ ភន្តេ អាយស្មន្តំ អនុរុទ្ធត្ថេរំ អារព្ភ ភាសិតំ។
ពាលបណ្ឌិតសុត្ត
បុច្ឆា – ពាលបណ្ឌិតសុត្តំ
វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ ភាសិតំ។
បុច្ឆា – កថញ្ចាវុសោ តត្ថ ភគវតា ពាលស្ស ពាលលក្ខណានិ ច ពាលស្ស ទិដ្ឋេវ ធម្មេ ទុក្ខទោមនស្សប្បដិសំវេទនា ច បកាសិតា។
វិស្សជ្ជនា – តីណិមានិ ភិក្ខវេ ពាលស្ស ពាលលក្ខណានិ ពាលនិមិត្តានិ ពាលាបទានានិ។ កតមានិ តីណិ។ ឥធ ភិក្ខវេ ពាលោ ទុច្ចិន្តិតចិន្តី
បុច្ឆា – កថញ្ចាវុសោ
វិស្សជ្ជនា – ស ខោ សោ ភិក្ខវេ ពាលោ កាយេន ទុច្ចរិតំ ចរិត្វា វាចាយ ទុច្ចរិតំ ចរិត្វា មនសា ទុច្ចរិតំ ចរិត្វា កាយស្ស ភេទាបរំ មរណា អបាយំ ទុគ្គតិំ វិនិបាតំ និរយំ ឧបបជ្ជតីតិ ឯវមាទិនា ភន្តេ តត្ថ ភគវតា ពាលស្ស សម្បរាយោ ច តត្ថ ច ពាលស្ស និរយេ ទុក្ខទោមនស្សប្បដិសំវេទនា បកាសិតា។
បុច្ឆា – កថញ្ចាវុសោ
វិស្សជ្ជនា – សន្តិ ភិក្ខវេ តិរច្ឆានគតា បាណា តិណភក្ខា តេ អល្លានិបិ តិណានិ សុក្ខានិបិ តិណានិ ទន្តុល្លេហកំ ខាទន្តីតិ ឯវមាទិនា ភន្តេ តត្ថ ភគវតា ពាលស្ស តិរច្ឆានយោនិយំ ទុក្ខទោមនស្សប្បដិសំវេទនា បកាសិតា។
បុច្ឆា – កថញ្ចាវុសោ
វិស្សជ្ជនា – សេយ្យថាបិ ភិក្ខវេ បុរិសោ ឯកច្ឆិគ្គលំ យុគំ មហាសមុទ្ទេ បក្ខិបេយ្យ, តមេនំ បុរត្ថិមោ វាតោ បច្ឆិមេន សំហរេយ្យាតិ ឯវមាទិនា ភន្តេ តត្ថ ភគវតា ពាលេន សកិំ វិនិបាតគតេន បុន មនុស្សត្តស្ស ទុល្លភតា បកាសិតា។
បុច្ឆា – កថញ្ចាវុសោ
វិស្សជ្ជនា – ស ខោ សោ ភិក្ខវេ ពាលោ សចេ កទាចិ ករហចិ ទីឃស្ស អទ្ធុនោ អច្ចយេន មនុស្សត្តំ អាគច្ឆតីតិ ឯវមាទិនា ភន្តេ តត្ថ ភគវតា ពាលស្ស កទាចិ ករហចិ ទីឃស្ស អទ្ធុនោ អច្ចយេន មនុស្សត្តំ អាគតស្សបិ ទុក្ខពហុលតា បកាសិតា។
បុច្ឆា – កថញ្ចាវុសោ
វិស្សជ្ជនា – តីណិមានិ ភិក្ខវេ បណ្ឌិតស្ស បណ្ឌិតលក្ខណានិ បណ្ឌិតនិមិត្តានិ បណ្ឌិតាបទានានិ។ កតមានិ តីណិ។ ឥធ ភិក្ខវេ បណ្ឌិតោ សុចិន្តិតចិន្តី ច ហោតិ សុភាសិតភាសី ច សុកតកម្មការី ចាតិ ឯវមាទិនា ភន្តេ តត្ថ ភគវតា
បណ្ឌិតស្ស
បុច្ឆា – កថញ្ចាវុសោ
វិស្សជ្ជនា – ស ខោ សោ ភិក្ខវេ បណ្ឌិតោ កាយេន សុចរិតំ ចរិត្វា វាចាយ មនសា សុចរិតំ ចរិត្វា កាយស្ស ភេទា បរំ មរណា សុគតិំ សគ្គំ លោកំ ឧបបជ្ជតីតិ ឯវមាទិនា ភន្តេ តត្ថ ភគវតា បណ្ឌិតស្ស សម្បរាយោ ច សគ្គេ ច បណ្ឌិតស្ស សុខសោមនស្សប្បនិសំវេទនា បកាសិតា។
បុច្ឆា – កថញ្ចាវុសោ
វិស្សជ្ជនា – ស ខោ សោ ភិក្ខវេ បណ្ឌិតោ សចេ កទាចិ ករហចិ ទីឃស្ស អទ្ធុនោ អច្ចយេន មនុស្សត្តំ អាគច្ឆតិ, យានិ តានិ ឧច្ចាកុលានិ ខត្តិយមហាសាលកុលំ វា ព្រាហ្មណមហាសាលកុលំ វា គហបតិមហាសាលកុលំ វា តថារូបេ កុលេ បច្ចាជាយតីតិ ឯវមាទិនា ភន្តេ តត្ថ ភគវតា បណ្ឌិតស្ស កទាចិ ករហចិ ទីឃស្ស អទ្ធុនោ អច្ចយេន មនុស្សត្តំ អាគតស្សបិ សុខពហុលតា បកាសិតា។
ចូឡកម្មវិភង្គសុត្ត
បុច្ឆា – តេនាវុសោ
វិស្សជ្ជនា – សាវត្ថិយំ ភន្តេ សុភំ មាណវំ តោទេយ្យបុត្តំ អារព្ភ ភាសិតំ។ សុភោ ភន្តេ មាណវោ តោទេយ្យបុត្តោ ភគវន្តំ ឧបសង្កមិត្វា ឯតទវោច ‘‘កោ នុ ខោ ភោ គោតម ហេតុ កោ បច្ចយោ, យេន មនុស្សានំយេវ សតំ មនុស្សភូតានំ ទិស្សន្តិ ហីនប្បណីតតា។ ទិស្សន្តិ ហិ ភោ គោតម មនុស្សា អប្បាយុកា, ទិស្សន្តិ ទីឃាយុកា។ ទិស្សន្តិ ពវ្ហាពាធា, ទិស្សន្តិ អប្បាពាធា។ ទិស្សន្តិ ទុព្ពណ្ណា, ទិស្សន្តិ វណ្ណវន្តោ។ ទិស្សន្តិ អប្បេសក្ខា, ទិស្សន្តិ មហេសក្ខា។ ទិស្សន្តិ អប្បភោគា, ទិស្សន្តិ មហាភោគា។ ទិស្សន្តិ នីចកុលីនា, ទិស្សន្តិ ឧច្ចាកុលីនា។ ទិស្សន្តិ ទុប្បញ្ញា, ទិស្សន្តិ បញ្ញវន្តោ។ កោ នុ ខោ ភោ គោតម ហេតុ កោ បច្ចយោ, យេន មនុស្សានំយេវ សតំ មនុស្សភូតានំ ទិស្សន្តិ ហីនប្បណីតតា’’តិ តស្មិំ ភន្តេ វត្ថុស្មិំ ភាសិតំ។
បុច្ឆា – កថញ្ចាវុសោ
វិស្សជ្ជនា – ឥធ មាណវ ឯកច្ចោ ឥត្ថី វា បុរិសោ វា បាណាតិបាតី ហោតិ, លុទ្ទោ លោហិតបាណិ ហតបហតេ និវិដ្ឋោ អទយាបន្នោ បាណភូតេសូតិ ឯវមាទិនា ភន្តេ តត្ថ ភគវតា អប្បាយុកទីឃាយុកសំវត្តនកានិ កម្មានិ វិភជិត្វា បកាសិតានិ។
បុច្ឆា – កថញ្ចាវុសោ
វិស្សជ្ជនា – ឥធ
បុច្ឆា – កថញ្ចាវុសោ
វិស្សជ្ជនា – ឥធ មាណវ ឯកច្ចោ ឥត្ថី វា បុរិសោ វា កោធនោ ហោតិ ឧបាយាសពហុលោ, អប្បម្បិ វុត្តោ សមានោ អភិសជ្ជតិ កុប្បតិ ព្យាបជ្ជតិ បតិដ្ឋិយតិ, កោបញ្ច ទោសញ្ច អប្បច្ចយញ្ច បាតុករោតីតិ ឯវមាទិនា ភន្តេ តត្ថ ភគវតា សត្តានំ សុវណ្ណទុព្ពណ្ណសំវត្តនកកម្មានិ វិភជិត្វា បកាសិតានិ។
បុច្ឆា – កថញ្ចាវុសោ
វិស្សជ្ជនា – ឥធ មាណវ ឯកច្ចោ ឥត្ថី វា បុរិសោ វា ឥស្សាមនកោ ហោតិ, បរលាភសក្ការ គរុការ មាននវន្ទន បូជាសុ ឥស្សតិ ឧបទុស្សតិ ឥស្សំ ពន្ធតីតិ ឯវមាទិនា ភន្តេ តត្ថ ភគវតា សត្តានំ អប្បេសក្ខមហេសក្ខសំវត្តនកានិ កម្មានិ វិភជិត្វា បកាសិតានិ។
បុច្ឆា – កថញ្ចាវុសោ
វិស្សជ្ជនា – ឥធ មាណវ ឯកច្ចោ ឥត្ថី វា បុរិសោ វា ន ទាតា ហោតិ, សមណស្ស វា ព្រាហ្មណស្ស វា អន្នំ បានំ វត្តំ យានំ មាលាគន្ធ វិលេបនំ សេយ្យវសថបទីបេយ្យន្តិ ឯវមាទិនា ភន្តេ តត្ថ ភគវតា មហាភោគអប្បភោគសំវត្តនកកម្មានិ វិភជិត្វា បកាសិតានិ។
បុច្ឆា – កថញ្ចាវុសោ
វិស្សជ្ជនា – ឥធ មាណវ ឯកច្ចោ ឥត្ថី វា បុរិសោ វា ថទ្ធោ ហោតិ អតិមានិ អភិវាទេតព្ពំ ន អភិវាទេតិ, បច្ចុដ្ឋាតព្ពំ ន បច្ចុដ្ឋេតិ, អាសនារហស្ស ន អាសនំ ទេតិ, មគ្គារហស្ស ន មគ្គំ ទេតិ, សក្កាតព្ពំ ន សក្ករោតិ, គរុកាតព្ពំ ន គរុករោតិ, មានេតព្ពំ មានេតិ, បូជេតព្ពំ ន បូជេតីតិ ឯវមាទិនា ភន្តេ តត្ថ ភគវតា សត្តានំ ឧច្ចាកុលីន នីចកុលីនសំវត្តនកកម្មានិ វិភជិត្វា បកាសិតានិ។
បុច្ឆា – កថញ្ចាវុសោ
វិស្សជ្ជនា – ឥធ មាណវ ឯកច្ចោ ឥត្ថី វា បុរិសោ វា សមណំ វា ព្រាហ្មណំ វា ឧបសង្កមិត្វា ន បរិបុច្ឆិតា ហោតិ ‘‘កិំ ភន្តេ កុសលំ, កិំ អកុសលំ។ កិំ សាវជ្ជំ, កិំ អនវជ្ជំ។ កិំ សេវិតព្ពំ, កិំ ន សេវិតព្ពំ។ កិំ មេ ករីយមានំ ទីឃរត្តំ អហិតាយ ទុក្ខាយ ហោតិ, កិំ វា បន មេ ករីយមានំ
ឥន្ទ្រិយភាវនាសុ
បុច្ឆា – ឥន្ទ្រិយភាវនាសុត្តំ
វិស្សជ្ជនា – គជង្គលាយំ ភន្តេ ឧត្តរំ នាម មាណវំ បារាសិវិយន្តេវាសិំ អារព្ភ ភាសិតំ, ឧត្តរោ ភន្តេ មាណវោ បារាសិវិយន្តេវាសី ភគវតា បុដ្ឋោ ភគវន្តំ ឯតទវោច ‘‘ឥធ ភោ គោតម ចក្ខុនា រូបំ ន បស្សតិ, សោតេន សទ្ទំ ន សុណាតិ។ ឯវំ ខោ ភោ គោតម ទេសេតិ បារាសិវិយោ ព្រាហ្មណោ សាវកានំ ឥន្ទ្រិយភាវន’’ន្តិ។ តស្មិំ ភន្តេ វត្ថុស្មិំ ភាសិតំ។