១៣. ឈានសំយុត្តំ
១. សមាធិមូលកសមាបត្តិសុត្តវណ្ណនា
៦៦២. ឈានសំយុត្តស្ស សមាធិកុសលោតិ បឋមំ ឈានំ បញ្ចង្គិកំ ទុតិយំ តិវង្គិកន្តិ ឯវំ អង្គវវត្ថានកុសលោ។ ន សមាធិស្មិំ សមាបត្តិកុសលោតិ ចិត្តំ ហាសេត្វា កល្លំ កត្វា ឈានំ សមាបជ្ជិតុំ ន សក្កោតិ។ ឥមិនា នយេន សេសបទានិបិ វេទិតព្ពានិ។
២-៥៥. សមាធិមូលកឋិតិសុត្តាទិវណ្ណនា
៦៦៣-៧១៦. ទុតិយាទីសុ ន សមាធិស្មិំ ឋិតិកុសលោតិ ឈានំ ឋបេតុំ អកុសលោ, សត្តដ្ឋអច្ឆរាមត្តំ ឈានំ ឋបេតុំ ន សក្កោតិ។ ន សមាធិស្មិំ វុដ្ឋានកុសលោតិ ឈានតោ វុដ្ឋាតុំ ន សមាធិស្មិំ កល្លិតកុសលោតិ ចិត្តំ ហាសេត្វា កល្លំ កាតុំ អកុសលោ។ ន សមាធិស្មិំ អារម្មណកុសលោតិ កសិណារម្មណេសុ អកុសលោ។ ន សមាធិស្មិំ គោចរកុសលោតិ កម្មដ្ឋានគោចរេ ចេវ ភិក្ខាចារគោចរេ ច អកុសលោ។ ន សមាធិស្មិំ អភិនីហារកុសលោតិ កម្មដ្ឋានំ អភិនីហរិតុំ អកុសលោ។ ន សមាធិស្មិំ សក្កច្ចការីតិ ឈានំ អប្បេតុំ សក្កច្ចការី ន ហោតិ។ ន សមាធិស្មិំ សាតច្ចការីតិ ឈានប្បនាយ សតតការី ន ហោតិ, កទាចិទេវ ករោតិ។ ន សមាធិស្មិំ សប្បាយការីតិ សមាធិស្ស សប្បាយេ ឧបការកធម្មេ បូរេតុំ ន សក្កោតិ។ តតោ បរំ សមាបត្តិអាទីហិ
ឈានសំយុត្តវណ្ណនា និដ្ឋិតា។
ឥតិ សារត្ថប្បកាសិនិយា សំយុត្តនិកាយ-អដ្ឋកថាយ
ខន្ធវគ្គវណ្ណនា និដ្ឋិតា។
សំយុត្តនិកាយ-អដ្ឋកថាយ ទុតិយោ ភាគោ។