។ នមោ តស្ស ភគវតោ អរហតោ សម្មាសម្ពុទ្ធស្ស។
ខុទ្ទកនិកាយេ
ធម្មបទ-អដ្ឋកថា
(បឋមោ ភាគោ)
គន្ថារម្ភកថា
១.
មហាមោហតមោនទ្ធេ
យេន សទ្ធម្មបជ្ជោតោ, ជាលិតោ ជលិតិទ្ធិនា។
២.
តស្ស បាទេ នមស្សិត្វា, សម្ពុទ្ធស្ស សិរីមតោ;
សទ្ធម្មញ្ចស្ស បូជេត្វា, កត្វា សង្ឃស្ស ចញ្ជលិំ។
៣.
តំ តំ ការណមាគម្ម, ធម្មាធម្មេសុ កោវិទោ;
សម្បត្តសទ្ធម្មបទោ, សត្ថា ធម្មបទំ សុភំ។
៤.
ទេសេសិ
យំ វេ ទេវមនុស្សានំ, បីតិបាមោជ្ជវឌ្ឍនំ។
៥.
បរម្បរាភតា តស្ស, និបុណា អត្ថវណ្ណនា;
យា តម្ពបណ្ណិទីបម្ហិ, ទីបភាសាយ សណ្ឋិតា។
៦.
ន សាធយតិ សេសានំ, សត្តានំ ហិតសម្បទំ;
អប្បេវ នាម សាធេយ្យ, សព្ពលោកស្ស សា ហិតំ។
៧.
ឥតិ អាសីសមានេន, ទន្តេន សមចារិនា;
កុមារកស្សបេនាហំ, ថេរេន ថិរចេតសា។
៨ .
សទ្ធម្មដ្ឋិតិកាមេន
តំ ភាសំ អតិវិត្ថារ-គតញ្ច វចនក្កមំ។
៩ .
បហាយារោបយិត្វាន
គាថានំ ព្យញ្ជនបទំ, យំ តត្ថ ន វិភាវិតំ។
១០.
កេវលំ តំ វិភាវេត្វា, សេសំ តមេវ អត្ថតោ;
ភាសន្តរេន ភាសិស្សំ, អាវហន្តោ វិភាវិនំ;
មនសោ បីតិបាមោជ្ជំ, អត្ថធម្មូបនិស្សិតន្តិ។