។ នមោ តស្ស ភគវតោ អរហតោ សម្មាសម្ពុទ្ធស្ស។
ខុទ្ទកនិកាយេ
បេតវត្ថុ-អដ្ឋកថា
គន្ថារម្ភកថា
មហាការុណិកំ នាថំ, ញេយ្យសាគរបារគុំ;
វន្ទេ និបុណគម្ភីរ-វិចិត្រនយទេសនំ។
វិជ្ជាចរណសម្បន្នា, យេន និយ្យន្តិ លោកតោ;
វន្ទេ តមុត្តមំ ធម្មំ, សម្មាសម្ពុទ្ធបូជិតំ។
សីលាទិគុណសម្បន្នោ, ឋិតោ មគ្គផលេសុ យោ;
វន្ទេ អរិយសង្ឃំ តំ, បុញ្ញក្ខេត្តំ អនុត្តរំ។
វន្ទនាជនិតំ
ហតន្តរាយោ សព្ពត្ថ, ហុត្វាហំ តស្ស តេជសា។
បេតេហិ ច កតំ កម្មំ, យំ យំ បុរិមជាតិសុ;
បេតភាវាវហំ តំ តំ, តេសញ្ហិ ផលភេទតោ។
បកាសយន្តី ពុទ្ធានំ, ទេសនា យា វិសេសតោ;
សំវេគជននី កម្ម-ផលបច្ចក្ខការិនី។
បេតវត្ថូតិ នាមេន, សុបរិញ្ញាតវត្ថុកា;
យំ ខុទ្ទកនិកាយស្មិំ, សង្គាយិំសុ មហេសយោ។
តស្ស សម្មាវលម្ពិត្វា, បោរាណដ្ឋកថានយំ;
តត្ថ តត្ថ និទានានិ, វិភាវេន្តោ វិសេសតោ។
សុវិសុទ្ធំ
មហាវិហារវាសីនំ, សមយំ អវិលោមយំ។
យថាពលំ ករិស្សាមិ, អត្ថសំវណ្ណនំ សុភំ;
សក្កច្ចំ ភាសតោ តំ មេ, និសាមយថ សាធវោតិ។
តត្ថ បេតវត្ថូតិ សេដ្ឋិបុត្តាទិកស្ស តស្ស តស្ស សត្តស្ស បេតភាវហេតុភូតំ កម្មំ, តស្ស បន បកាសនវសេន បវត្តោ ‘‘ខេត្តូបមា អរហន្តោ’’តិអាទិកា បរិយត្តិធម្មោ ឥធ ‘‘បេតវត្ថូ’’តិ អធិប្បេតោ។
តយិទំ បេតវត្ថុ កេន ភាសិតំ, កត្ថ ភាសិតំ, កទា ភាសិតំ, កស្មា ច ភាសិតន្តិ? វុច្ចតេ – ឥទញ្ហិ បេតវត្ថុ ទុវិធេន បវត្តំ អដ្ឋុប្បត្តិវសេន, បុច្ឆាវិស្សជ្ជនវសេន ច។ តត្ថ យំ អដ្ឋុប្បត្តិវសេន បវត្តំ, តំ ភគវតា ភាសិតំ, ឥតរំ នារទត្ថេរាទីហិ បុច្ឆិតំ តេហិ តេហិ បេតេហិ ភាសិតំ។ សត្ថា បន យស្មា នារទត្ថេរាទីហិ តស្មិំ តស្មិំ បុច្ឆាវិស្សជ្ជនេ អារោចិតេ តំ
តំ បនេតំ បេតវត្ថុ វិនយបិដកំ សុត្តន្តបិដកំ អភិធម្មបិដកន្តិ តីសុ បិដកេសុ សុត្តន្តបិដកបរិយាបន្នំ, ទីឃនិកាយោ មជ្ឈិមនិកាយោ សំយុត្តនិកាយោ អង្គុត្តរនិកាយោ ខុទ្ទកនិកាយោតិ បញ្ចសុ និកាយេសុ ខុទ្ទកនិកាយបរិយាបន្នំ, សុត្តំ គេយ្យំ វេយ្យាករណំ គាថា ឧទានំ ឥតិវុត្តកំ ជាតកំ អព្ភុតធម្មំ វេទល្លន្តិ នវសុ សាសនង្គេសុ គាថាសង្គហំ។
‘‘ទ្វាសីតិ
ចតុរាសីតិ សហស្សានិ, យេ មេ ធម្មា បវត្តិនោ’’តិ។ (ថេរគា. ១០២៧) –
ឯវំ ធម្មភណ្ឌាគារិកេន បដិញ្ញាតេសុ ចតុរាសីតិយា ធម្មក្ខន្ធសហស្សេសុ កតិបយធម្មក្ខន្ធសង្គហំ, ភាណវារតោ ចតុភាណវារមត្តំ, វគ្គតោ – ឧរគវគ្គោ ឧព្ពរិវគ្គោ ចូឡវគ្គោ មហាវគ្គោតិ ចតុវគ្គសង្គហំ។ តេសុ បឋមវគ្គេ ទ្វាទស វត្ថូនិ, ទុតិយវគ្គេ