១១. ទ្វាទសកនិបាតោ
១. ឧប្បលវណ្ណាថេរីគាថា
២២៤.
‘‘ឧភោ
តស្សា មេ អហុ សំវេគោ, អព្ភុតោ លោមហំសនោ។
២២៥.
‘‘ធិរត្ថុ កាមា អសុចី, ទុគ្គន្ធា ពហុកណ្ដកា;
យត្ថ មាតា ច ធីតា ច, សភរិយា មយំ អហុំ។
២២៦.
‘‘កាមេស្វាទីនវំ
សា បព្ពជ្ជិំ រាជគហេ, អគារស្មានគារិយំ។
២២៧.
‘‘បុព្ពេនិវាសំ ជានាមិ, ទិព្ពចក្ខុំ វិសោធិតំ;
ចេតោបរិច្ចញាណញ្ច, សោតធាតុ វិសោធិតា។
២២៨.
‘‘ឥទ្ធីបិ មេ សច្ឆិកតា, បត្តោ មេ អាសវក្ខយោ;
ឆឡភិញ្ញា សច្ឆិកតា, កតំ ពុទ្ធស្ស សាសនំ។
២២៩.
‘‘ឥទ្ធិយា
ពុទ្ធស្ស បាទេ វន្ទិត្វា, លោកនាថស្ស តាទិនោ’’
២៣០.
‘‘សុបុប្ផិតគ្គំ ឧបគម្ម បាទបំ, ឯកា តុវំ តិដ្ឋសិ សាលមូលេ
ន ចាបិ តេ ទុតិយោ អត្ថិ កោចិ, ន ត្វំ ពាលេ ភាយសិ ធុត្តកានំ’’។
២៣១.
‘‘សតំ សហស្សានិបិ ធុត្តកានំ, សមាគតា ឯទិសកា ភវេយ្យុំ;
លោមំ ន ឥញ្ជេ នបិ សម្បវេធេ, កិំ មេ តុវំ មារ ករិស្សសេកោ។
២៣២.
‘‘ឯសា អន្តរធាយាមិ, កុច្ឆិំ វា បវិសាមិ តេ;
ភមុកន្តរេ តិដ្ឋាមិ, តិដ្ឋន្តិំ មំ ន ទក្ខសិ។
២៣៣.
‘‘ចិត្តម្ហិ
ឆឡភិញ្ញា សច្ឆិកតា, កតំ ពុទ្ធស្ស សាសនំ។
២៣៤.
‘‘សត្តិសូលូបមា កាមា, ខន្ធាសំ អធិកុដ្ដនា;
យំ ត្វំ ‘កាមរតិំ’ ព្រូសិ, ‘អរតី’ ទានិ សា មម។
២៣៥.
‘‘សព្ពត្ថ
ឯវំ ជានាហិ បាបិម, និហតោ ត្វមសិ អន្តកា’’តិ។
… ឧប្បលវណ្ណា ថេរី…។
ទ្វាទសនិបាតោ និដ្ឋិតោ។