៤១. មេត្តេយ្យវគ្គោ
១. តិស្សមេត្តេយ្យត្ថេរអបទានវណ្ណនា
១. ឯកចត្តាលីសមេ បព្ភារកូដំ និស្សាយាតិអាទិកំ តិស្សមេត្តេយ្យត្ថេរស្ស អបទានំ។ តត្ថ តាបសបព្ពជ្ជំ បព្ពជិត្វា បទុមុត្តរស្ស ភគវតោ អជិនចម្មំ និសីទនត្ថាយ ទិន្នមេវ នានំ។ សេសំ អបទានបាឡិយា សុវិញ្ញេយ្យមេវាតិ។
២. បុណ្ណកត្ថេរអបទានវណ្ណនា
២៩. ទុតិយាបទានេ បព្ភារកូដំ និស្សាយាតិអាទិកំ អាយស្មតោ បុណ្ណកត្ថេរស្ស អបទានំ។ តត្ថ ហិមវន្តេ យក្ខសេនាបតិ ហុត្វា បរិនិព្ពុតស្ស បច្ចេកពុទ្ធស្ស អាឡហនករណមេវ នានត្តំ។ សេសំ បាឋានុសារេន សុវិញ្ញេយ្យមេវ។
៤៥. តតិយាបទានេ ហិមវន្តស្សាវិទូរេតិអាទិកំ អាយស្មតោ មេត្តគុត្ថេរស្ស អបទានំ។ តត្ថ ហិមវន្តសមីបេ អសោកបព្ពតេ សោ តាបសោ ហុត្វា បណ្ណសាលាយំ វសន្តោ សុមេធសម្ពុទ្ធំ ទិស្វា បត្តំ គហេត្វា សប្បិបូរណំ វិសេសោ។ សេសំ បុញ្ញផលានិ ច សុវិញ្ញេយ្យានេវ។ អបទានគាថានំ អត្ថោ ច បាកដោយេវ។
៧២. ចតុត្ថាបទានេ គង្គា ភាគីរថី នាមាតិអាទិកំ អាយស្មតោ ធោតកត្ថេរស្ស អបទានំ។ តត្រាបិ ព្រាហ្មណោ ហុត្វា ភាគីរថីគង្គាយ តរមានេ ភិក្ខូ ទិស្វា បសន្នមានសោ សេតុំ ការាបេត្វា ពុទ្ធប្បមុខស្ស ភិក្ខុសង្ឃស្ស និយ្យាទិតភាវោយេវ វិសេសោ។ បុញ្ញផលបរិទីបនគាថានំ អត្ថោ នយានុសារេន សុវិញ្ញេយ្យោវ។
១០០. បញ្ចមាបទានេ ហិមវន្តស្សាវិទូរេតិអាទិកំ អាយស្មតោ ឧបសិវត្ថេរស្ស អបទានំ។ អយម្បិ បុរិមពុទ្ធេសុ កតាធិការោ តត្ថ តត្ថ ភវេ វិវដ្ដូបនិស្សយានិ បុញ្ញានិ ឧបចិនន្តោ បទុមុត្តរស្ស ភគវតោ កាលេ កុលគេហេ និព្ពត្តោ វិញ្ញុតំ បត្តោ ឃរាវាសំ បហាយ ឥសិបព្ពជ្ជំ បព្ពជិត្វា
១៦១. ឆដ្ឋាបទានេ មិគលុទ្ទោ បុរេ អាសិន្តិអាទិកំ អាយស្មតោ នន្ទកត្ថេរស្ស អបទានំ។ អយំ កិរ បទុមុត្តរស្ស ភគវតោ នន្ទកោតិ លទ្ធនាមោ សត្ថុ សន្តិកេ ធម្មំ មិគលុទ្ទោ បុរេ អាសិន្តិអាទិមាហ។ តត្ថ បច្ចេកពុទ្ធស្ស មណ្ឌបំ កត្វា បទុមបុប្ផេហិ ឆទនមេវ វិសេសោ។
១៨៣. សត្តមាបទានេ បព្ភារកូដំ និស្សាយាតិអាទិកំ អាយស្មតោ ហេមកត្ថេរស្ស អបទានំ។ តត្ថាបិ ឥសិបព្ពជ្ជំ បព្ពជិត្វា ហិមវន្តេ វសន្តោ បិយទស្សិំ ភគវន្តំ ឧបគតំ ទិស្វា រតនមយំ បីឋំ អត្ថរិត្វា អដ្ឋាសិ។ តត្ថ និសិន្នស្ស កុម្ភមត្តំ ជម្ពុផលំ អាហរិត្វា អទាសិ។ ភគវា តស្ស ចិត្តប្បសាទត្ថាយ តំ ផលំ បរិភុញ្ជិ។ ឯត្តកមេវ វិសេសោ។
២២៤. អដ្ឋមាបទានេ រាជាសិ វិជយោ នាមាតិអាទិកំ អាយស្មតោ តោទេយ្យត្ថេរស្ស អបទានំ។ តត្ថ រាជាសិ វិជយោ នាមាតិ ទហរកាលតោ បដ្ឋាយ សព្ពសង្គាមេសុ ជិនតោ, ចតូហិ សង្គហវត្ថូហិ ជនំ រញ្ជនតោ អល្លីយនតោ វិជយោ នាម រាជា អហោសីតិ អត្ថោ។ កេតុមតីបុរុត្តមេតិ កេតុ វុច្ចន្តិ ធជបដាកា។ អថ វា នគរសោភនត្ថាយ នគរមជ្ឈេ ឧស្សាបិតរតនតោរណានិ, តេ កេតូ និច្ចំ ឧស្សាបិតា សោភយមានា អស្សា អត្ថីតិ កេតុមតី។ បូរេតិ ធនធញ្ញេហិ សព្ពជនានំ មនន្តិ បុរំ។ កេតុមតី ច សា បុរញ្ច សេដ្ឋដ្ឋេន ឧត្តមញ្ចេតិ កេតុមតីបុរុត្តមំ, តស្មិំ កេតុមតីបុរុត្តមេ។ សូរោ វិក្កមសម្បន្នោតិ អភីតោ វីរិយសម្បន្នោ វិជយោ នាម រាជា អជ្ឈាវសីតិ សម្ពន្ធោ។ ឥត្ថំ
២៧៦. នវមាបទានេ នគរេ ហំសវតិយាតិអាទិកំ អាយស្មតោ ជតុកណ្ណិត្ថេរស្ស អបទានំ
៣៣០. ទសមាបទានេ ហិមវន្តស្សាវិទូរេតិអាទិកំ អាយស្មតោ ឧទេនត្ថេរស្ស អបទានំ។ តត្ថ ហិមវន្តសមីបេ បទុមបព្ពតំ និស្សាយ តាបសបព្ពជ្ជំ
ឯកចត្តាលីសមវគ្គវណ្ណនា សមត្តា។