៤. ខត្តិយាវគ្គោ
១. យសវតីបមុខអដ្ឋារសភិក្ខុនីសហស្សអបទានំ
១.
‘‘ភវា
សព្ពាសវា ច នោ នត្ថិ, អារោចេម មហាមុនេ។
២.
‘‘បុរិមំ កុសលំ កម្មំ
បរិភោគមយំ ទិន្នំ, តុយ្ហត្ថាយ មហាមុនេ។
៣.
‘‘ពុទ្ធបច្ចេកពុទ្ធានំ, សាវកានញ្ច បត្ថិតំ
បរិភោគមយំ ទិន្នំ, តុយ្ហត្ថាយ មហាមុនេ។
៤.
‘‘ឧច្ចនីចមយំ កម្មំ, ភិក្ខូនំ សាធុបត្ថិតំ;
ឧច្ចាកុលបរិកម្មំ, កតមេតំ មហាមុនេ
៥.
‘‘តេនេវ សុក្កមូលេន, ចោទិតា កម្មសម្បទា;
មានុសិកមតិក្កន្តា, ជាយិំសុ ខត្តិយេ កុលេ។
៦.
‘‘ឧប្បត្តេ ច កតេ កម្មេ, ជាតិយា វាបិ ឯកតោ;
បច្ឆិមេ ឯកតោ ជាតា, ខត្តិយា កុលសម្ភវា។
៧.
‘‘រូបវតី ភោគវតី, លាភសក្ការបូជិតា;
អន្តេបុរេ មហាវីរ, ទេវានំ វិយ នន្ទនេ។
៨.
‘‘និព្ពិន្ទិត្វា អគារម្ហា, បព្ពជិម្ហនគារិយំ;
កតិបាហំ ឧបាទាយ, សព្ពា បត្តាម្ហ និព្ពុតិំ។
៩.
‘‘ចីវរំ
ឧបនេន្តិ ពហូ អម្ហេ, សទា សក្កតបូជិតា។
១០.
‘‘កិលេសា ឈាបិតា អម្ហំ, ភវា សព្ពេ សមូហតា;
នាគីវ ពន្ធនំ ឆេត្វា, វិហរាម អនាសវា។
១១.
‘‘ស្វាគតំ វត នោ អាសិ, មម ពុទ្ធស្ស សន្តិកេ;
តិស្សោ វិជ្ជា អនុប្បត្តា, កតំ ពុទ្ធស្ស សាសនំ។
១២.
‘‘បដិសម្ភិទា
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
ឥត្ថំ សុទំ យសវតីបមុខានិ ខត្តិយកញ្ញាភិក្ខុនិយោ អដ្ឋារសសហស្សានិ ភគវតោ សម្មុខា ឥមា គាថាយោ អភាសិត្ថាតិ។
យសវតីបមុខអដ្ឋារសភិក្ខុនីសហស្សាបទានំ បឋមំ។
២. ចតុរាសីតិភិក្ខុនីសហស្សអបទានំ
១៣.
‘‘ចុល្លាសីតិសហស្សានិ
សុខុមាលហត្ថបាទា, បុរេ តុយ្ហំ មហាមុនេ។
១៤.
‘‘វេស្សសុទ្ទកុលេ ជាតា, ទេវា នាគា ច កិន្នរា;
ចាតុទ្ទីបា ពហូ កញ្ញា, បុរេ តុយ្ហំ មហាមុនេ។
១៥.
‘‘កាចិ បព្ពជិតា អត្ថិ, សព្ពទស្សាវិនោ
ទេវា ច កិន្នរា នាគា, ផុសិស្សន្តិ អនាគតេ។
១៦.
‘‘អនុភោត្វា យសំ សព្ពំ, បត្វាន សព្ពសម្បទា;
តុម្ហំ
១៧.
‘‘អម្ហេ ព្រាហ្មណធីតា តុ, ព្រាហ្មញ្ញកុលសម្ភវា;
បេក្ខតោ នោ
១៨.
‘‘ឧបហតា ភវា សព្ពេ, មូលតណ្ហា សមូហតា;
សមុច្ឆិន្នា អនុសយា, បុញ្ញសង្ខារទាលិតា។
១៩.
‘‘សមាធិគោចរា សព្ពា, សមាបត្តិវសី កតា;
ឈានេន ធម្មរតិយា, វិហរិស្សាម នោ សទា។
២០.
‘‘ភវនេត្តិ អវិជ្ជា ច, សង្ខារាបិ ច ខេបិតា;
សុទុទ្ទសំ បទំ គន្ត្វា, អនុជានាថ
២១.
‘‘ឧបការា មមំ តុម្ហេ, ទីឃរត្តំ កតាវិនោ;
ចតុន្នំ សំសយំ ឆេត្វា, សព្ពា គច្ឆន្តុ និព្ពុតិំ។
២២.
‘‘វន្ទិត្វា
កាចិ ទស្សេន្តិ អាលោកំ, អន្ធការមថាបរា។
២៣.
‘‘ទស្សេន្តិ ចន្ទសូរិយេ, សាគរញ្ច សមច្ឆកំ;
សិនេរុំ បរិភណ្ឌញ្ច, ទស្សេន្តិ បារិឆត្តកំ។
២៤.
‘‘តាវតិំសញ្ច ភវនំ, យាមំ ទស្សេន្តិ ឥទ្ធិយា;
តុសិតំ និម្មិតេ ទេវេ, វសវត្តី មហិស្សរេ។
២៥.
‘‘ព្រហ្មានោ កាចិ ទស្សេន្តិ, ចង្កមញ្ច មហារហំ;
ព្រហ្មវណ្ណញ្ច មាបេត្វា, ធម្មំ ទេសេន្តិ សុញ្ញតំ។
២៦.
‘‘នានាវិកុព្ពនំ កត្វា, ឥទ្ធិំ ទស្សិយ សត្ថុនោ;
ទស្សយិំសុ
២៧.
‘‘ឥទ្ធីសុ
ចេតោបរិយញាណស្ស, វសី ហោម មហាមុនេ។
២៨.
‘‘បុព្ពេនិវាសំ ជានាម, ទិព្ពចក្ខុ វិសោធិតំ;
សព្ពាសវបរិក្ខីណា, នត្ថិ ទានិ បុនព្ភវោ។
២៩.
‘‘អត្ថធម្មនិរុត្តីសុ, បដិភានេ តថេវ ច;
ញាណំ អម្ហំ មហាវីរ, ឧប្បន្នំ តវ សន្តិកេ។
៣០.
‘‘បុព្ពានំ លោកនាថានំ, សង្គមំ នោ និទស្សិតំ;
អធិការំ ពហុំ អម្ហំ, តុយ្ហត្ថាយ មហាមុនេ។
៣១.
‘‘យំ អម្ហេហិ កតំ កម្មំ, កុសលំ សរ តំ មុនេ;
តុយ្ហត្ថាយ មហាវីរ, បុញ្ញានុបចិតានិ នោ។
៣២.
‘‘សតសហស្សិតោ កប្បេ, បទុមុត្តរោ មហាមុនិ;
បុរំ ហំសវតី នាម, សម្ពុទ្ធស្ស កុលាសយំ។
៣៣.
‘‘ទ្វារេន ហំសវតិយា, គង្គា សន្ទតិ សព្ពទា;
ឧព្ពឡ្ហា នទិយា ភិក្ខូ, គមនំ ន លភន្តិ តេ។
៣៤.
‘‘ទិវសំ ទ្វេ តយោ ចេវ, សត្តាហំ មាសិកំ តតោ;
ចតុមាសម្បិ សម្បុណ្ណំ, គមនំ ន លភន្តិ តេ។
៣៥.
‘‘តទា អហុ សត្តសារោ, ជដិលោ នាម រដ្ឋិកោ;
ឱរុទ្ធេ
៣៦.
‘‘តទា
សង្ឃស្ស ឱរិមេ តីរេ, វិហារញ្ច អការយិ។
៣៧.
‘‘ឥត្ថិយោ បុរិសា ចេវ, ឧច្ចនីចកុលានិ ច;
តស្ស សេតុំ វិហារញ្ច
៣៨.
‘‘អម្ហេ អញ្ញេ ច មានុជា, វិប្បសន្នេន ចេតសា;
តស្ស ធម្មេសុ ទាយាទា, នគរេ ជនបទេសុ ច។
៣៩.
‘‘ឥត្ថី បុមា កុមារា ច, ពហូ ចេវ កុមារិកា;
សេតុនោ ច វិហារស្ស, វាលុកា អាកិរិំសុ តេ។
៤០.
‘‘វីថិំ
ធូបំ ចុណ្ណញ្ច មាលញ្ច, ការំ កត្វាន សត្ថុនោ។
៤១.
‘‘សេតុវិហារេ ការេត្វា, និមន្តេត្វា វិនាយកំ;
មហាទានំ ទទិត្វាន, សម្ពោធិំ អភិបត្ថយិំ។
៤២.
‘‘បទុមុត្តរោ មហាវីរោ, តារកោ សព្ពបាណិនំ;
អនុមោទនីយំកាសិ, ជដិលស្ស មហាមុនិ
៤៣.
‘‘‘សតសហស្សាតិក្កន្តេ, កប្បោ ហេស្សតិ ភទ្ទកោ;
ភវាភវេនុភោត្វាន, បាបុណិស្សតិ ពោធិយំ។
៤៤.
‘‘‘កាចិ ហត្ថបរិកម្មំ, កតាវី នរនារិយោ;
អនាគតម្ហិ អទ្ធានេ, សព្ពា ហេស្សន្តិ សម្មុខា’។
៤៥.
‘‘តេន កម្មវិបាកេន, ចេតនាបណិធីហិ ច;
ឧប្បន្នា ទេវភវនំ, តុយ្ហំ តា បរិចារិកា។
៤៦.
‘‘ទិព្ពសុខំ
តុយ្ហំ តេ បរិចារេម, សំសរិម្ហ ភវាភវេ។
៤៧.
‘‘សតសហស្សិតោ កប្បេ, សុកតំ កម្មសម្បទំ;
សុខុមាលី មនុស្សានំ, អថោ ទេវបុរេ វរេ។
៤៨.
‘‘រូបភោគយសេ ចេវ, អថោ កិត្តិញ្ច សក្កតំ
លភាម សតតំ សព្ពំ, សុកតំ កម្មសម្បទំ។
៤៩.
‘‘បច្ឆិមេ
សុខុមាលហត្ថបាទា, សក្យបុត្តនិវេសនេ។
៥០.
‘‘សព្ពកាលម្បិ
ចិក្ខល្លភូមិមសុចិំ
៥១.
‘‘អគារំ វសន្តេ អម្ហេ, សក្ការំ សព្ពកាលិកំ;
ឧបនេន្តិ សទា សព្ពំ, បុព្ពកម្មផលេន នោ
៥២.
‘‘អគារំ
សំសារបថនិត្ថិណ្ណា, វីតរាគា ភវាមសេ
៥៣.
‘‘ចីវរំ បិណ្ឌបាតញ្ច, បច្ចយំ សយនាសនំ;
ឧបនេន្តិ សទា អម្ហេ, សហស្សានិ តតោ តតោ។
៥៤.
‘‘កិលេសា ឈាបិតា អម្ហំ…បេ.… វិហរាម អនាសវា។
៥៥.
‘‘ស្វាគតំ
៥៦.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
ឥត្ថំ សុទំ ចតុរាសីតិព្រាហ្មណកញ្ញាភិក្ខុនីសហស្សានិ ភគវតោ សម្មុខា ឥមា គាថាយោ អភាសិត្ថាតិ។
ចតុរាសីតិភិក្ខុនីសហស្សាបទានំ ទុតិយំ។
៣. ឧប្បលទាយិកាថេរីអបទានំ
៥៧.
‘‘នគរេ អរុណវតិយា, អរុណោ នាម ខត្តិយោ;
តស្ស រញ្ញោ អហុំ ភរិយា, ឯកជ្ឈំ ចារយាមហំ។
៥៨.
‘‘រហោគតា និសីទិត្វា, ឯវំ ចិន្តេសហំ តទា;
‘កុសលំ មេ កតំ នត្ថិ, អាទាយ គមិយំ មម។
៥៩.
‘‘‘មហាភិតាបំ កដុកំ, ឃោររូបំ សុទារុណំ;
និរយំ នូន គច្ឆាមិ, ឯត្ថ មេ នត្ថិ សំសយោ’។
៦០.
‘‘ឯវាហំ
រាជានំ ឧបគន្ត្វាន, ឥទំ វចនមព្រវិំ។
៦១.
‘‘‘ឥត្ថី នាម មយំ ទេវ, បុរិសានិត្តរា អហុ
ឯកំ មេ សមណំ ទេហិ, ភោជយិស្សាមិ ខត្តិយ’។
៦២.
‘‘អទាសិ
តស្ស បត្តំ គហេត្វាន, បរមន្នេន បូរយិំ។
៦៣.
‘‘បូរេត្វា
មហាចេលេន ឆាទិត្វា, អទាសិំ តុដ្ឋមានសា។
៦៤.
‘‘តេន កម្មេន សុកតេន, ចេតនាបណិធីហិ ច;
ជហិត្វា មានុសំ ទេហំ, តាវតិំសមគច្ឆហំ។
៦៥.
‘‘សហស្សទេវរាជូនំ, មហេសិត្តមការយិំ;
សហស្សចក្កវត្តីនំ, មហេសិត្តមការយិំ។
៦៦.
‘‘បទេសរជ្ជំ វិបុលំ, គណនាតោ អសង្ខិយំ;
នានាវិធំ ពហុំ អញ្ញំ, តស្ស កម្មផលំ តតោ។
៦៧.
‘‘ឧប្បលស្សេវ មេ វណ្ណោ, អភិរូបា សុទស្សនា;
ឥត្ថិសព្ពង្គសម្បន្នា, អភិជាតា ជុតិន្ធរា។
៦៨.
‘‘បច្ឆិមេ ភវេ សម្បត្តេ, អជាយិំ សាកិយេ កុលេ;
នារីសហស្សបាមោក្ខា, សុទ្ធោទនសុតស្សហំ។
៦៩.
‘‘និព្ពិន្ទិត្វា អគារេហំ, បព្ពជិំ អនគារិយំ;
សត្តមីរត្តិសម្បត្តា
៧០.
‘‘ចីវរំ បិណ្ឌបាតញ្ច, បច្ចយំ សយនាសនំ;
បរិមេតុំ ន សក្កោមិ, បិណ្ឌបាតស្សិទំ ផលំ។
៧១.
‘‘យំ មយ្ហំ បូរិតំ កម្មំ, កុសលំ សរសេ មុនិ;
តុយ្ហត្ថាយ មហាវីរ, បរិចត្តំ ពហុំ មយា។
៧២.
‘‘ឯកត្តិំសេ ឥតោ កប្បេ, យំ ទានមទទិំ តទា;
ទុគ្គតិំ នាភិជានាមិ, បិណ្ឌបាតស្សិទំ ផលំ។
៧៣.
‘‘ទ្វេ
អញ្ញំ គតិំ ន ជានាមិ, បិណ្ឌបាតស្សិទំ ផលំ។
៧៤.
‘‘ឧច្ចេ កុលេ បជាយាមិ, មហាសាលេ
អញ្ញេ កុលេ ន ជាយាមិ, បិណ្ឌបាតស្សិទំ ផលំ។
៧៥.
‘‘ភវាភវេ សំសរិត្វា, សុក្កមូលេន ចោទិតា;
អមនាបំ ន បស្សាមិ, សោមនស្សកតំ ផលំ។
៧៦.
‘‘ឥទ្ធីសុ
ចេតោបរិយញាណស្ស, វសី ហោមិ មហាមុនេ។
៧៧.
‘‘បុព្ពេនិវាសំ ជានាមិ, ទិព្ពចក្ខុ វិសោធិតំ;
សព្ពាសវបរិក្ខីណា, នត្ថិ ទានិ បុនព្ភវោ។
៧៨.
‘‘អត្ថធម្មនិរុត្តីសុ, បដិភានេ តថេវ ច;
ញាណំ មម មហាវីរ, ឧប្បន្នំ តវ សន្តិកេ។
៧៩.
‘‘កិលេសា ឈាបិតា មយ្ហំ…បេ.… វិហរាមិ អនាសវា។
៨០.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
៨១.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
ឥត្ថំ សុទំ ឧប្បលទាយិកា ភិក្ខុនី ភគវតោ សម្មុខា ឥមា គាថាយោ អភាសិត្ថាតិ។
ឧប្បលទាយិកាថេរិយាបទានំ តតិយំ។
៤. សិង្គាលមាតុថេរីអបទានំ
៨២.
‘‘បទុមុត្តរោ
ឥតោ សតសហស្សម្ហិ, កប្បេ ឧប្បជ្ជិ នាយកោ។
៨៣.
‘‘តទាហំ ហំសវតិយំ, ជាតាមច្ចកុលេ អហុំ;
នានារតនបជ្ជោតេ, ឥទ្ធេ ផីតេ មហទ្ធនេ។
៨៤.
‘‘បិតុនា សហ គន្ត្វាន, មហាជនបុរក្ខតា;
ធម្មំ ពុទ្ធស្ស សុត្វាន, បព្ពជិំ អនគារិយំ។
៨៥.
‘‘បព្ពជិត្វាន
វចីទុច្ចរិតំ ហិត្វា, អាជីវំ បរិសោធយិំ។
៨៦.
‘‘ពុទ្ធេ បសន្នា ធម្មេ ច, សង្ឃេ ច តិព្ពគារវា;
សទ្ធម្មស្សវនេ យុត្តា, ពុទ្ធទស្សនលាលសា
៨៧.
‘‘អគ្គំ សទ្ធាធិមុត្តានំ, អស្សោសិំ ភិក្ខុនិំ តទា;
តំ ឋានំ បត្ថយិត្វាន, តិស្សោ សិក្ខា អបូរយិំ។
៨៨.
‘‘តតោ
‘យស្ស សទ្ធា តថាគតេ, អចលា សុប្បតិដ្ឋិតា;
សីលញ្ច
៨៩.
‘‘‘សង្ឃេ បសាទោ យស្សត្ថិ, ឧជុភូតញ្ច ទស្សនំ;
អទលិទ្ទោតិ តំ អាហុ, អមោឃំ តស្ស ជីវិតំ។
៩០.
‘‘‘តស្មា សទ្ធញ្ច សីលញ្ច, បសាទំ ធម្មទស្សនំ;
អនុយុញ្ជេថ
៩១.
‘‘តំ សុត្វាហំ បមុទិតា, អបុច្ឆិំ បណិធិំ មម;
តទា អនោមោ អមិតោ, ព្យាករិត្ថ វិនាយកោ;
‘ពុទ្ធេ បសន្នា កល្យាណី, លច្ឆសេ តំ សុបត្ថិតំ។
៩២.
‘‘‘សតសហស្សិតោ កប្បេ, ឱក្កាកកុលសម្ភវោ;
គោតមោ នាម គោត្តេន, សត្ថា លោកេ ភវិស្សតិ។
៩៣.
‘‘‘តស្ស ធម្មេសុ ទាយាទា, ឱរសា ធម្មនិម្មិតា;
សិង្គាលកស្ស
៩៤.
‘‘តំ សុត្វា មុទិតា ហុត្វា, យាវជីវំ តទា ជិនំ;
មេត្តចិត្តា បរិចរិំ, បដិបត្តីហិ នាយកំ។
៩៥.
‘‘តេន កម្មេន សុកតេន, ចេតនាបណិធីហិ ច;
ជហិត្វា មានុសំ ទេហំ, តាវតិំសមគច្ឆហំ។
៩៦.
‘‘បច្ឆិមេ ច ភវេ ទានិ, គិរិព្ពជបុរុត្តមេ;
ជាតា សេដ្ឋិកុលេ ផីតេ, មហារតនសញ្ចយេ។
៩៧.
‘‘បុត្តោ
ទិដ្ឋិគហនបក្ខន្ទោ, ទិសាបូជនតប្បរោ។
៩៨.
‘‘នានាទិសា នមស្សន្តំ
តំ ទិស្វា ឱវទី ពុទ្ធោ, មគ្គេ ឋត្វា វិនាយកោ។
៩៩.
‘‘តស្ស ទេសយតោ ធម្មំ, បនាទោ វិម្ហយោ អហុ;
ទ្វេកោដិនរនារីនំ, ធម្មាភិសមយោ អហុ។
១០០.
‘‘តទាហំ
សោតាបត្តិផលំ បត្តា, បព្ពជិំ អនគារិយំ។
១០១.
‘‘ន
អនុស្សតិំ តំ ភាវេត្វា, អរហត្តមបាបុណិំ។
១០២.
‘‘ទស្សនត្ថាយ ពុទ្ធស្ស, សព្ពទា ច វជាមហំ;
អតិត្តាយេវ បស្សាមិ, រូបំ នយននន្ទនំ។
១០៣.
‘‘សព្ពបារមិសម្ភូតំ, លក្ខីនិលយនំ វរំ;
រូបំ សព្ពសុភាកិណ្ណំ, អតិត្តា វិហរាមហំ។
១០៤.
‘‘ជិនោ តស្មិំ គុណេ តុដ្ឋោ, ឯតទគ្គេ ឋបេសិ មំ;
សិង្គាលកស្ស យា មាតា, អគ្គា សទ្ធាធិមុត្តិកា
១០៥.
‘‘ឥទ្ធីសុ ច វសី ហោមិ, ទិព្ពាយ សោតធាតុយា;
ចេតោបរិយញាណស្ស, វសី ហោមិ មហាមុនិ។
១០៦.
‘‘បុព្ពេនិវាសំ ជានាមិ, ទិព្ពចក្ខុ វិសោធិតំ;
សព្ពាសវបរិក្ខីណា, នត្ថិ ទានិ បុនព្ភវោ។
១០៧.
‘‘អត្ថធម្មនិរុត្តីសុ, បដិភានេ តថេវ ច;
ញាណំ មម មហាវីរ, ឧប្បន្នំ តវ សន្តិកេ។
១០៨.
‘‘កិលេសា ឈាបិតា មយ្ហំ…បេ.… វិហរាមិ អនាសវា។
១០៩.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
១១០.
‘‘បដិសម្ភិទា
ឥត្ថំ សុទំ សិង្គាលមាតា ភិក្ខុនី ឥមា គាថាយោ អភាសិត្ថាតិ។
សិង្គាលមាតុថេរិយាបទានំ ចតុត្ថំ។
៥. សុក្កាថេរីអបទានំ
១១១.
‘‘ឯកនវុតិតោ
ឧប្បជ្ជិ ចារុទស្សនោ, សព្ពធម្មវិបស្សកោ។
១១២.
‘‘តទាហំ ពន្ធុមតិយំ, ជាតា អញ្ញតរេ កុលេ;
ធម្មំ សុត្វាន មុនិនោ, បព្ពជិំ អនគារិយំ។
១១៣.
‘‘ពហុស្សុតា
វិចិត្តកថិកា ចាបិ, ជិនសាសនការិកា។
១១៤.
‘‘តទា
តតោ ចុតាហំ តុសិតំ, ឧបបន្នា យសស្សិនី។
១១៥.
‘‘ឯកតិំសេ ឥតោ កប្បេ, សិខី វិយ សិខី ជិនោ;
តបន្តោ យសសា លោកេ
១១៦.
‘‘តទាបិ បព្ពជិត្វាន, ពុទ្ធសាសនកោវិទា;
ជោតេត្វា ជិនវាក្យានិ, តតោបិ តិទិវំ គតា។
១១៧.
‘‘ឯកតិំសេវ កប្បម្ហិ, វេស្សភូ នាម នាយកោ;
ឧប្បជ្ជិត្ថ មហាញាណី, តទាបិ ច តថេវហំ។
១១៨.
‘‘បព្ពជិត្វា
គន្ត្វា មរុបុរំ រម្មំ, អនុភោសិំ មហាសុខំ។
១១៩.
‘‘ឥមម្ហិ ភទ្ទកេ កប្បេ, កកុសន្ធោ ជិនុត្តមោ;
ឧប្បជ្ជិ នរសរណោ
១២០.
‘‘បព្ពជិត្វា មុនិមតំ, ជោតយិត្វា យថាយុកំ;
តតោ ចុតាហំ តិទិវំ, អគំ សភវនំ យថា។
១២១.
‘‘ឥមស្មិំយេវ កប្បម្ហិ, កោណាគមននាយកោ;
ឧប្បជ្ជិ លោកសរណោ, អរណោ អមតង្គតោ
១២២.
‘‘តទាបិ បព្ពជិត្វាន, សាសនេ តស្ស តាទិនោ;
ពហុស្សុតា ធម្មធរា, ជោតយិំ ជិនសាសនំ។
១២៣.
‘‘ឥមស្មិំយេវ
ឧប្បជ្ជិ លោកសរណោ, អរណោ មរណន្តគូ។
១២៤.
‘‘តស្សាបិ នរវីរស្ស, បព្ពជិត្វាន សាសនេ;
បរិយាបុដសទ្ធម្មា, បរិបុច្ឆាវិសារទា។
១២៥.
‘‘សុសីលា លជ្ជិនី ចេវ, តីសុ សិក្ខាសុ កោវិទា;
ពហុំ ធម្មកថំ កត្វា, យាវជីវំ មហាមុនេ។
១២៦.
‘‘តេន
ជហិត្វា មានុសំ ទេហំ, តាវតិំសមគច្ឆហំ។
១២៧.
‘‘បច្ឆិមេ
ជាតា សេដ្ឋិកុលេ ផីតេ, មហារតនសញ្ចយេ។
១២៨.
‘‘យទា
ឧបាគមិ រាជគហំ, សហស្សក្ខេន វណ្ណិតោ។
១២៩.
‘‘‘ទន្តោ ទន្តេហិ សហ បុរាណជដិលេហិ, វិប្បមុត្តោ វិប្បមុត្តេហិ;
សិង្គីនិក្ខសវណ្ណោ, រាជគហំ បាវិសិ ភគវា’។
១៣០.
‘‘ទិស្វា ពុទ្ធានុភាវំ តំ, សុត្វាវ គុណសញ្ចយំ;
ពុទ្ធេ ចិត្តំ បសាទេត្វា, បូជយិំ តំ យថាពលំ។
១៣១.
‘‘អបរេន ច កាលេន, ធម្មទិន្នាយ សន្តិកេ;
អគារា និក្ខមិត្វាន, បព្ពជិំ អនគារិយំ។
១៣២.
‘‘កេសេសុ ឆិជ្ជមានេសុ, កិលេសេ ឈាបយិំ អហំ;
ឧគ្គហិំ សាសនំ សព្ពំ, បព្ពជិត្វាចិរេនហំ។
១៣៣.
‘‘តតោ ធម្មមទេសេសិំ, មហាជនសមាគមេ;
ធម្មេ ទេសិយមានម្ហិ, ធម្មាភិសមយោ អហុ។
១៣៤.
‘‘នេកបាណសហស្សានំ, តំ វិទិត្វាតិវិម្ហិតោ;
អភិប្បសន្នោ មេ យក្ខោ, ភមិត្វាន គិរិព្ពជំ។
១៣៥.
‘‘កិំ មេ កតា រាជគហេ មនុស្សា, មធុំ បីតាវ អច្ឆរេ;
យេ សុក្កំ ន ឧបាសន្តិ, ទេសេន្តិំ អមតំ បទំ។
១៣៦.
‘‘តញ្ច
បិវន្តិ មញ្ញេ សប្បញ្ញា, វលាហកមិវទ្ធគូ។
១៣៧.
‘‘ឥទ្ធីសុ
ចេតោបរិយញាណស្ស, វសី ហោមិ មហាមុនេ។
១៣៨.
‘‘បុព្ពេនិវាសំ ជានាមិ, ទិព្ពចក្ខុ វិសោធិតំ;
សព្ពាសវបរិក្ខីណា, នត្ថិ ទានិ បុនព្ភវោ។
១៣៩.
‘‘អត្ថធម្មនិរុត្តីសុ
ញាណំ មម មហាវីរ, ឧប្បន្នំ តវ សន្តិកេ។
១៤០.
‘‘កិលេសា
១៤១.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
១៤២.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
ឥត្ថំ សុទំ សុក្កា ភិក្ខុនី ឥមា គាថាយោ អភាសិត្ថាតិ។
សុក្កាថេរិយាបទានំ បញ្ចមំ។
បញ្ចមំ ភាណវារំ។
៦. អភិរូបនន្ទាថេរីអបទានំ
១៤៣.
‘‘ឯកនវុតិតោ កប្បេ, វិបស្សី នាម នាយកោ;
ឧប្បជ្ជិ ចារុទស្សនោ, សព្ពធម្មេសុ ចក្ខុមា។
១៤៤.
‘‘តទាហំ ពន្ធុមតិយំ, ឥទ្ធេ ផីតេ មហាកុលេ;
ជាតា
១៤៥.
‘‘ឧបគន្ត្វា មហាវីរំ, វិបស្សិំ លោកនាយកំ;
ធម្មំ សុណិត្វា សរណំ, ឧបេសិំ នរនាយកំ។
១៤៦.
‘‘សីលេសុ សំវុតា ហុត្វា, និព្ពុតេ ច នរុត្តមេ;
ធាតុថូបស្ស ឧបរិ, សោណ្ណច្ឆត្តមបូជយិំ។
១៤៧.
‘‘មុត្តចាគា សីលវតី, យាវជីវំ តតោ ចុតា;
ជហិត្វា មានុសំ ទេហំ, តាវតិំសូបគា អហំ។
១៤៨.
‘‘តទា
រូបសទ្ទេហិ គន្ធេហិ, រសេហិ ផុសនេហិ ច។
១៤៩.
‘‘អាយុនាបិ ច វណ្ណេន, សុខេន យសសាបិ ច;
តថេវាធិបតេយ្យេន, អធិគយ្ហ វិរោចហំ។
១៥០.
‘‘បច្ឆិមេ ច ភវេ ទានិ, ជាតាហំ កបិលវ្ហយេ;
ធីតា ខេមកសក្កស្ស, នន្ទា នាមាតិ វិស្សុតា។
១៥១.
‘‘អភិរូបសម្បទម្បិ
យទាហំ យោព្ពនប្បត្តា, រូបលាវញ្ញភូសិតា។
១៥២.
‘‘តទា
បព្ពាជេសិ តតោ តាតោ, មា សក្យា វិនស្សិំសុតិ។
១៥៣.
‘‘បព្ពជិត្វា តថាគតំ, រូបទេស្សិំ នរុត្តមំ;
សុត្វាន នោបគច្ឆាមិ, មម រូបេន គព្ពិតា។
១៥៤.
‘‘ឱវាទម្បិ
តទា ជិនោ ឧបាយេន, ឧបនេត្វា សសន្តិកំ។
១៥៥.
‘‘តិស្សិត្ថិយោ
អច្ឆរារូបសទិសំ, តរុណិំ ជរិតំ
១៥៦.
‘‘តាយោ ទិស្វា សុសំវិគ្គា, វិរត្តាសេ កឡេវរេ;
អដ្ឋាសិំ ភវនិព្ពិន្ទា, តទា មំ អាហ នាយកោ។
១៥៧.
‘‘‘អាតុរំ អសុចិំ បូតិំ, បស្ស នន្ទេ សមុស្សយំ;
ឧគ្ឃរន្តំ បគ្ឃរន្តំ, ពាលានំ អភិនន្ទិតំ។
១៥៨.
‘‘‘អសុភាយ ចិត្តំ ភាវេហិ, ឯកគ្គំ សុសមាហិតំ;
យថា ឥទំ តថា ឯតំ, យថា ឯតំ តថា ឥទំ។
១៥៩.
‘‘‘ឯវមេតំ អវេក្ខន្តី, រត្តិន្ទិវមតន្ទិតា;
តតោ សកាយ បញ្ញាយ, អភិនិព្ពិជ្ឈ វច្ឆសិ’។
១៦០.
‘‘តស្សា
យថាភូតំ អយំ កាយោ, ទិដ្ឋោ សន្តរពាហិរោ។
១៦១.
‘‘អថ និព្ពិន្ទហំ កាយេ, អជ្ឈត្តញ្ច វិរជ្ជហំ;
អប្បមត្តា វិសំយុត្តា, ឧបសន្តាម្ហិ និព្ពុតា។
១៦២.
‘‘ឥទ្ធីសុ ច វសី ហោមិ, ទិព្ពាយ សោតធាតុយា;
ចេតោបរិយញាណស្ស, វសី ហោមិ មហាមុនេ។
១៦៣.
‘‘បុព្ពេនិវាសំ ជានាមិ, ទិព្ពចក្ខុ វិសោធិតំ;
សព្ពាសវបរិក្ខីណា
១៦៤.
‘‘អត្ថធម្មនិរុត្តីសុ, បដិភានេ តថេវ ច;
ញាណំ មម មហាវីរ, ឧប្បន្នំ តវ សន្តិកេ។
១៦៥.
‘‘កិលេសា
១៦៦.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
១៦៧.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
ឥត្ថំ សុទំ អភិរូបនន្ទា ភិក្ខុនី ឥមា គាថាយោ អភាសិត្ថាតិ។
អភិរូបនន្ទាថេរិយាបទានំ ឆដ្ឋំ។
៧. អឌ្ឍកាសិថេរីអបទានំ
១៦៨.
‘‘ឥមម្ហិ ភទ្ទកេ កប្បេ, ព្រហ្មពន្ធុ មហាយសោ;
កស្សបោ នាម គោត្តេន, ឧប្បជ្ជិ វទតំ វរោ។
១៦៩.
‘‘តទាហំ បព្ពជិត្វាន, តស្ស ពុទ្ធស្ស សាសនេ;
សំវុតា បាតិមោក្ខម្ហិ, ឥន្ទ្រិយេសុ ច បញ្ចសុ។
១៧០.
‘‘មត្តញ្ញុនី ច អសនេ, យុត្តា ជាគរិយេបិ ច;
វសន្តី យុត្តយោគាហំ, ភិក្ខុនិំ វិគតាសវំ។
១៧១.
‘‘អក្កោសិំ ទុដ្ឋចិត្តាហំ, គណិកេតិ ភណិំ តទា;
តេន បាបេន កម្មេន, និរយម្ហិ អបច្ចិសំ។
១៧២.
‘‘តេន
ពហុសោវ បរាធីនា, បច្ឆិមាយ ច ជាតិយំ។
១៧៣.
‘‘កាសីសុ សេដ្ឋិកុលជា, ព្រហ្មចារីពលេនហំ;
អច្ឆរា វិយ ទេវេសុ, អហោសិំ រូបសម្បទា។
១៧៤.
‘‘ទិស្វាន ទស្សនីយំ មំ, គិរិព្ពជបុរុត្តមេ;
គណិកត្តេ និវេសេសុំ, អក្កោសនពលេន មេ។
១៧៥.
‘‘សាហំ សុត្វាន សទ្ធម្មំ, ពុទ្ធសេដ្ឋេន ទេសិតំ;
បុព្ពវាសនសម្បន្នា, បព្ពជិំ អនគារិយំ។
១៧៦.
‘‘តទូបសម្បទត្ថាយ, គច្ឆន្តី ជិនសន្តិកំ;
មគ្គេ ធុត្តេ ឋិតេ សុត្វា, លភិំ ទូតោបសម្បទំ។
១៧៧.
‘‘សព្ពកម្មំ
សព្ពសំសារមុត្តិណ្ណា, គណិកត្តញ្ច ខេបិតំ។
១៧៨.
‘‘ឥទ្ធីសុ ច វសី ហោមិ, ទិព្ពាយ សោតធាតុយា;
ចេតោបរិយញាណស្ស, វសី ហោមិ មហាមុនេ។
១៧៩.
‘‘បុព្ពេនិវាសំ ជានាមិ, ទិព្ពចក្ខុ វិសោធិតំ;
សព្ពាសវបរិក្ខីណា, នត្ថិ ទានិ បុនព្ភវោ។
១៨០.
‘‘អត្ថធម្មនិរុត្តីសុ, បដិភានេ តថេវ ច;
ញាណំ មម មហាវីរ, ឧប្បន្នំ តវ សន្តិកេ។
១៨១.
‘‘កិលេសា ឈាបិតា មយ្ហំ…បេ.… វិហរាមិ អនាសវា។
១៨២.
‘‘ស្វាគតំ
១៨៣.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
ឥត្ថំ សុទំ អឌ្ឍកាសិ ភិក្ខុនី ឥមា គាថាយោ អភាសិត្ថាតិ។
អឌ្ឍកាសិថេរិយាបទានំ សត្តមំ។
៨. បុណ្ណិកាថេរីអបទានំ
១៨៤.
‘‘វិបស្សិនោ ភគវតោ, សិខិនោ វេស្សភុស្ស ច;
កកុសន្ធស្ស មុនិនោ, កោណាគមនតាទិនោ។
១៨៥.
‘‘កស្សបស្ស
ភិក្ខុនី សីលសម្បន្នា, និបកា សំវុតិន្ទ្រិយា។
១៨៦.
‘‘ពហុស្សុតា ធម្មធរា, ធម្មត្ថបដិបុច្ឆិកា;
ឧគ្គហេតា ច ធម្មានំ, សោតា បយិរុបាសិតា។
១៨៧.
‘‘ទេសេន្តី ជនមជ្ឈេហំ, អហោសិំ ជិនសាសនេ;
ពាហុសច្ចេន តេនាហំ, បេសលា អតិមញ្ញិសំ។
១៨៨.
‘‘បច្ឆិមេ
អនាថបិណ្ឌិនោ គេហេ, ជាតាហំ កុម្ភទាសិយា។
១៨៩.
‘‘គតា ឧទកហារិយំ, សោត្ថិយំ ទិជមទ្ទសំ;
សីតដ្ដំ តោយមជ្ឈម្ហិ, តំ ទិស្វា ឥទមព្រវិំ។
១៩០.
‘‘‘ឧទហារី
អយ្យានំ ទណ្ឌភយភីតា, វាចាទោសភយដ្ដិតា
១៩១.
‘‘‘កស្ស ព្រាហ្មណ ត្វំ ភីតោ, សទា ឧទកមោតរិ;
វេធមានេហិ គត្តេហិ, សីតំ វេទយសេ ភុសំ’។
១៩២.
‘‘‘ជានន្តី វត មំ ភោតិ, បុណ្ណិកេ បរិបុច្ឆសិ;
ករោន្តំ កុសលំ កម្មំ, រុន្ធន្តំ
១៩៣.
‘‘‘យោ ចេ វុឌ្ឍោ ទហរោ វា, បាបកម្មំ បកុព្ពតិ;
ទកាភិសិញ្ចនា សោបិ
១៩៤.
‘‘ឧត្តរន្តស្ស អក្ខាសិំ, ធម្មត្ថសំហិតំ បទំ;
តញ្ច សុត្វា ស សំវិគ្គោ
១៩៥.
‘‘បូរេន្តី ឩនកសតំ, ជាតា ទាសិកុលេ យតោ;
តតោ បុណ្ណាតិ នាមំ មេ, ភុជិស្សំ មំ អកំសុ តេ។
១៩៦.
‘‘សេដ្ឋិំ តតោនុជានេត្វា
ន ចិរេនេវ កាលេន, អរហត្តមបាបុណិំ។
១៩៧.
‘‘ឥទ្ធីសុ
ចេតោបរិយញាណស្ស, វសី ហោមិ មហាមុនេ។
១៩៨.
‘‘បុព្ពេនិវាសំ ជានាមិ, ទិព្ពចក្ខុ វិសោធិតំ;
សព្ពាសវបរិក្ខីណា, នត្ថិ ទានិ បុនព្ភវោ។
១៩៩.
‘‘អត្ថធម្មនិរុត្តីសុ, បដិភានេ តថេវ ច;
ញាណំ
២០០.
‘‘ភាវនាយ មហាបញ្ញា, សុតេនេវ សុតាវិនី;
មានេន នីចកុលជា, ន ហិ កម្មំ វិនស្សតិ
២០១.
‘‘កិលេសា
២០២.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
២០៣.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
ឥត្ថំ សុទំ បុណ្ណិកា ភិក្ខុនី ឥមា គាថាយោ អភាសិត្ថាតិ។
បុណ្ណិកាថេរិយាបទានំ អដ្ឋមំ។
៩. អម្ពបាលិថេរីអបទានំ
២០៤.
‘‘យោ
តស្សាហំ ភគិនី អាសិំ, អជាយិំ ខត្តិយេ កុលេ។
២០៥.
‘‘តស្ស ធម្មំ សុណិត្វាហំ, វិប្បសន្នេន ចេតសា;
មហាទានំ ទទិត្វាន, បត្ថយិំ រូបសម្បទំ។
២០៦.
‘‘ឯកតិំសេ ឥតោ កប្បេ, សិខី លោកគ្គនាយកោ;
ឧប្បន្នោ លោកបជ្ជោតោ, តិលោកសរណោ ជិនោ។
២០៧.
‘‘តទារុណបុរេ រម្មេ, ព្រាហ្មញ្ញកុលសម្ភវា;
វិមុត្តចិត្តំ កុបិតា, ភិក្ខុនិំ អភិសាបយិំ។
២០៨.
‘‘វេសិកាវ
ឯវំ អក្កោសយិត្វាន, តេន បាបេន កម្មុនា។
២០៩.
‘‘ទារុណំ
តតោ ចុតា មនុស្សេសុ, ឧបបន្នា តបស្សិនី។
២១០.
‘‘ទសជាតិសហស្សានិ, គណិកត្តមការយិំ;
តម្ហា បាបា ន មុច្ចិស្សំ, ភុត្វា ទុដ្ឋវិសំ យថា។
២១១.
‘‘ព្រហ្មចរិយមសេវិស្សំ
តេន កម្មវិបាកេន, អជាយិំ តិទសេ បុរេ។
២១២.
‘‘បច្ឆិមេ ភវេ សម្បត្តេ, អហោសិំ ឱបបាតិកា;
អម្ពសាខន្តរេ ជាតា, អម្ពបាលីតិ តេនហំ។
២១៣.
‘‘បរិវុតា
បត្តាហំ អចលំ ឋានំ, ធីតា ពុទ្ធស្ស ឱរសា។
២១៤.
‘‘ឥទ្ធីសុ ច វសី ហោមិ, សោតធាតុវិសុទ្ធិយា;
ចេតោបរិយញាណស្ស, វសី ហោមិ មហាមុនេ។
២១៥.
‘‘បុព្ពេនិវាសំ ជានាមិ, ទិព្ពចក្ខុ វិសោធិតំ;
សព្ពាសវបរិក្ខីណា, នត្ថិ ទានិ បុនព្ភវោ។
២១៦.
‘‘អត្ថធម្មនិរុត្តីសុ, បដិភានេ តថេវ ច;
ញាណំ មេ វិមលំ សុទ្ធំ, ពុទ្ធសេដ្ឋស្ស វាហសា។
២១៧.
‘‘កិលេសា
២១៨.
‘‘ស្វាគតំ
២១៩.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
ឥត្ថំ សុទំ អម្ពបាលិ ភិក្ខុនី ឥមា គាថាយោ
អភាសិត្ថាតិ។
អម្ពបាលិថេរិយាបទានំ នវមំ។
១០. បេសលាថេរីអបទានំ
២២០.
‘‘ឥមម្ហិ ភទ្ទកេ កប្បេ, ព្រហ្មពន្ធុ មហាយសោ;
កស្សបោ នាម គោត្តេន, ឧប្បជ្ជិ វទតំ វរោ។
២២១.
‘‘សាវត្ថិយំ
បសូតា តំ
២២២.
‘‘តំ វីរំ សរណំ គន្ត្វា, សីលានិ ច សមាទិយិំ;
កទាចិ សោ មហាវីរោ, មហាជនសមាគមេ។
២២៣.
‘‘អត្តនោ អភិសម្ពោធិំ, បកាសេសិ នរាសភោ;
អននុស្សុតធម្មេសុ, បុព្ពេ ទុក្ខាទិកេសុ ច។
២២៤.
‘‘ចក្ខុ ញាណញ្ច បញ្ញា ច, វិជ្ជាលោកោ ច អាសិ មេ;
តំ សុត្វា ឧគ្គហេត្វាន, បរិបុច្ឆិញ្ច ភិក្ខវោ។
២២៥.
‘‘តេន
ជហិត្វា មានុសំ ទេហំ, តាវតិំសមគច្ឆហំ។
២២៦.
‘‘បច្ឆិមេ
ឧបេច្ច ពុទ្ធំ សទ្ធម្មំ, សុត្វា សច្ចូបសំហិតំ។
២២៧.
‘‘បព្ពជិត្វាចិរេនេវ, សច្ចត្ថានិ
ខេបេត្វា អាសវេ សព្ពេ, អរហត្តមបាបុណិំ។
២២៨.
‘‘ឥទ្ធីសុ ច វសី ហោមិ, ទិព្ពាយ សោតធាតុយា;
ចេតោបរិយញាណស្ស, វសី ហោមិ មហាមុនេ។
២២៩.
‘‘បុព្ពេនិវាសំ ជានាមិ, ទិព្ពចក្ខុ វិសោធិតំ;
សព្ពាសវបរិក្ខីណា, នត្ថិ ទានិ បុនព្ភវោ។
២៣០.
‘‘អត្ថធម្មនិរុត្តីសុ, បដិភានេ តថេវ ច;
ញាណំ មេ វិមលំ សុទ្ធំ, ពុទ្ធសេដ្ឋស្ស វាហសា។
២៣១.
‘‘កិលេសា ឈាបិតា មយ្ហំ, ភវា សព្ពេ សមូហតា;
នាគីវ ពន្ធនំ ឆេត្វា, វិហរាមិ អនាសវា។
២៣២.
‘‘ស្វាគតំ
តិស្សោ វិជ្ជា អនុប្បត្តា, កតំ ពុទ្ធស្ស សាសនំ។
២៣៣.
‘‘បដិសម្ភិទា
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
ឥត្ថំ សុទំ បេសលា
បេសលាថេរិយាបទានំ ទសមំ។
ខត្តិយាវគ្គោ ចតុត្ថោ។
តស្សុទ្ទានំ –
ខត្តិយា
សិង្គាលមាតា សុក្កា ច, អភិរូបា អឌ្ឍកាសិកា។
បុណ្ណា ច អម្ពបាលី ច, បេសលាតិ ច តា ទស;
គាថាយោ ទ្វិសតានេត្ថ, ទ្វិចត្តាលីស ចុត្តរិ។
អថ
សុមេធា ឯកូបោសថា, កុណ្ឌលកេសី ខត្តិយា;
សហស្សំ តិសតា គាថា, សត្តតាលីស បិណ្ឌិតា។
សហ ឧទ្ទានគាថាហិ, គណិតាយោ វិភាវិភិ;
សហស្សំ តិសតំ គាថា, សត្តបញ្ញាសមេវ ចាតិ។
ថេរិកាបទានំ សមត្តំ។
អបទានបាឡិ សមត្តា។