២៩. ធាតុភាជនីយកថា
១.
មហាគោតមោ
ធាតុវិត្ថារិកំ អាសិ, តេសុ តេសុ បទេសតោ។
២.
ឯកោ អជាតសត្តុស្ស, ឯកោ វេសាលិយា បុរេ;
ឯកោ កបិលវត្ថុស្មិំ, ឯកោ ច អល្លកប្បកេ។
៣.
ឯកោ ច រាមគាមម្ហិ, ឯកោ ច វេឋទីបកេ;
ឯកោ បាវេយ្យកេ មល្លេ, ឯកោ ច កោសិនារកេ។
៤.
កុម្ភស្ស
អង្គារថូបំ ការេសុំ, មោរិយា តុដ្ឋមានសា។
៥.
អដ្ឋ សារីរិកា ថូបា, នវមោ កុម្ភចេតិយោ;
អង្គារថូបោ ទសមោ, តទាយេវ បតិដ្ឋិតោ។
៦.
ឧណ្ហីសំ ចតស្សោ ទាឋា, អក្ខកា ទ្វេ ច ធាតុយោ;
អសម្ភិន្នា ឥមា សត្ត, សេសា ភិន្នាវ ធាតុយោ។
៧.
មហន្តា
ខុទ្ទកា សាសបមត្តា ច, នានាវណ្ណា ច ធាតុយោ។
៨.
មហន្តា សុវណ្ណវណ្ណា ច, មុត្តវណ្ណា ច មជ្ឈិមា;
ខុទ្ទកា មកុលវណ្ណា ច, សោឡសទោណមត្តិកា។
៩.
មហន្តា បញ្ច នាឡិយោ, នាឡិយោ បញ្ច មជ្ឈិមា;
ខុទ្ទកា ឆ នាឡី ចេវ, ឯតា សព្ពាបិ ធាតុយោ។
១០.
ឧណ្ហីសំ សីហឡេ ទីបេ, ព្រហ្មលោកេ ច វាមកំ;
សីហឡេ ទក្ខិណក្ខញ្ច, សព្ពាបេតា បតិដ្ឋិតា។
១១.
ឯកា ទាឋា តិទសបុរេ, ឯកា នាគបុរេ អហុ;
ឯកា គន្ធារវិសយេ, ឯកា កលិង្គរាជិនោ។
១២.
ចត្តាលីសសមា
ទេវា ហរិំសុ ឯកេកំ, ចក្កវាឡបរម្បរា។
១៣.
វជិរាយំ ភគវតោ, បត្តោ ទណ្ឌញ្ច ចីវរំ;
និវាសនំ កុលឃរេ, បច្ចត្ថរណំ កបិលវ្ហយេ
១៤.
បាដលិបុត្តបុរម្ហិ, ករណំ កាយពន្ធនំ;
ចម្បាយុទកសាដិយំ, ឧណ្ណលោមញ្ច កោសលេ។
១៥.
កាសាវំ ព្រហ្មលោកេ ច, វេឋនំ តិទសេ បុរេ;
និសីទនំ អវន្តីសុ, រដ្ឋេ
១៦.
អរណី ច មិថិលាយំ, វិទេហេ បរិសាវនំ;
វាសិ
១៧.
បរិក្ខារា អវសេសា, ជនបទេ អបរន្តកេ;
បរិភុត្តានិ មុនិនា, អកំសុ មនុជា តទា។
១៨.
ធាតុវិត្ថារិកំ
បាណីនំ អនុកម្បាយ, អហុ បោរាណិកំ តទាតិ។
ធាតុភាជនីយកថា និដ្ឋិតា។
ពុទ្ធវំសោនិដ្ឋិតោ។