៦. សុមនពុទ្ធវំសោ
១.
មង្គលស្ស អបរេន, សុមនោ នាម នាយកោ;
សព្ពធម្មេហិ អសមោ, សព្ពសត្តានមុត្តមោ។
២.
តទា អមតភេរិំ សោ, អាហនី មេខលេ បុរេ;
ធម្មសង្ខសមាយុត្តំ, នវង្គំ ជិនសាសនំ។
៣.
និជ្ជិនិត្វា កិលេសេ សោ, បត្វា សម្ពោធិមុត្តមំ;
មាបេសិ នគរំ សត្ថា, សទ្ធម្មបុរវរុត្តមំ។
៤.
និរន្តរំ អកុដិលំ, ឧជុំ វិបុលវិត្ថតំ;
មាបេសិ សោ មហាវីថិំ, សតិបដ្ឋានវរុត្តមំ។
៥.
ផលេ
ឆឡភិញ្ញាដ្ឋសមាបត្តី, បសារេសិ តត្ថ វីថិយំ។
៦.
យេ អប្បមត្តា អខិលា, ហិរិវីរិយេហុបាគតា;
តេ តេ ឥមេ គុណវរេ, អាទិយន្តិ យថា សុខំ។
៧.
ឯវមេតេន យោគេន, ឧទ្ធរន្តោ មហាជនំ;
ពោធេសិ បឋមំ សត្ថា, កោដិសតសហស្សិយោ។
៨.
យម្ហិ កាលេ មហាវីរោ, ឱវទី តិត្ថិយេ គណេ;
កោដិសហស្សាភិសមិំសុ
៩.
យទា ទេវា មនុស្សា ច, សមគ្គា ឯកមានសា;
និរោធបញ្ហំ បុច្ឆិំសុ, សំសយញ្ចាបិ មានសំ។
១០.
តទាបិ
នវុតិកោដិសហស្សានំ, តតិយាភិសមយោ អហុ។
១១.
សន្និបាតា តយោ អាសុំ, សុមនស្ស មហេសិនោ;
ខីណាសវានំ វិមលានំ, សន្តចិត្តាន តាទិនំ។
១២.
វស្សំវុត្ថស្ស
កោដិសតសហស្សេហិ, បវារេសិ តថាគតោ។
១៣.
តតោបរំ សន្និបាតេ, វិមលេ កញ្ចនបព្ពតេ;
នវុតិកោដិសហស្សានំ, ទុតិយោ អាសិ សមាគមោ។
១៤.
យទា សក្កោ ទេវរាជា, ពុទ្ធទស្សនុបាគមិ;
អសីតិកោដិសហស្សានំ, តតិយោ អាសិ សមាគមោ។
១៥.
អហំ
អតុលោ នាម នាមេន, ឧស្សន្នកុសលសញ្ចយោ។
១៦.
តទាហំ នាគភាវនា, និក្ខមិត្វា សញាតិភិ;
នាគានំ ទិព្ពតុរិយេហិ, សសង្ឃំ ជិនមុបដ្ឋហិំ។
១៧.
កោដិសតសហស្សានំ, អន្នបានេន តប្បយិំ;
បច្ចេកទុស្សយុគំ ទត្វា, សរណំ តមុបាគមិំ។
១៨.
សោបិ មំ ពុទ្ធោ ព្យាកាសិ, សុមនោ លោកនាយកោ;
‘‘អបរិមេយ្យិតោ កប្បេ, អយំ ពុទ្ធោ ភវិស្សតិ។
១៩.
‘‘បធានំ បទហិត្វាន…បេ.…
២០.
តស្សាបិ វចនំ សុត្វា, ភិយ្យោ ចិត្តំ បសាទយិំ;
ឧត្តរិំ វតមធិដ្ឋាសិំ, ទសបារមិបូរិយា។
២១.
នគរំ មេខលំ នាម
សិរិមា នាម ជនិកា, សុមនស្ស មហេសិនោ។
២២.
នវវស្សសហស្សានិ
ចន្ទោ សុចន្ទោ វដំសោ ច, តយោ បាសាទមុត្តមា។
២៣.
តេសដ្ឋិសតសហស្សានិ, នារិយោ សមលង្កតា;
វដំសិកា នាម នារី, អនូបមោ នាម អត្រជោ។
២៤.
និមិត្តេ
អនូនទសមាសានិ, បធានំ បទហី ជិនោ។
២៥.
ព្រហ្មុនា
វត្តិ ចក្កំ មហាវីរោ, មេខលេ បុរមុត្តមេ។
២៦.
សរណោ ភាវិតត្តោ ច, អហេសុំ អគ្គសាវកា;
ឧទេនោ នាមុបដ្ឋាកោ, សុមនស្ស មហេសិនោ។
២៧.
សោណា ច ឧបសោណា ច, អហេសុំ អគ្គសាវិកា;
សោបិ ពុទ្ធោ អមិតយសោ, នាគមូលេ អពុជ្ឈថ។
២៨.
វរុណោ ចេវ សរណោ ច, អហេសុំ អគ្គុបដ្ឋកា;
ចាលា ច ឧបចាលា ច, អហេសុំ អគ្គុបដ្ឋិកា។
២៩.
ឧច្ចត្តនេន
កញ្ចនគ្ឃិយសង្កាសោ, ទសសហស្សី វិរោចតិ។
៣០.
នវុតិវស្សសហស្សានិ, អាយុ វិជ្ជតិ តាវទេ;
តាវតា តិដ្ឋមានោ សោ, តារេសិ ជនតំ ពហុំ។
៣១.
តារណីយេ
បរិនិព្ពាយិ សម្ពុទ្ធោ, ឧឡុរាជាវ អត្ថមិ។
៣២.
តេ
អតុលប្បភំ ទស្សយិត្វា, និព្ពុតា យេ មហាយសា។
៣៣.
តញ្ច ញាណំ អតុលិយំ, តានិ ច អតុលានិ រតនានិ;
សព្ពំ តមន្តរហិតំ, ននុ រិត្តា សព្ពសង្ខារា។
៣៤.
សុមនោ យសធរោ ពុទ្ធោ, អង្គារាមម្ហិ និព្ពុតោ;
តត្ថេវ តស្ស ជិនថូបោ, ចតុយោជនមុគ្គតោតិ។
សុមនស្ស ភគវតោ វំសោ ចតុត្ថោ។