៧. អធិករណសមថា (ភិក្ខុនីវិភង្គោ)
ឥមេ ខោ បនាយ្យាយោ សត្ត អធិករណសមថា
ធម្មា ឧទ្ទេសំ អាគច្ឆន្តិ។
១២៤២. ឧប្បន្នុប្បន្នានំ
ឧទ្ទិដ្ឋា ខោ, អយ្យាយោ, សត្ត អធិករណសមថា ធម្មា។ តត្ថាយ្យាយោ បុច្ឆាមិ – ‘‘កច្ចិត្ថ បរិសុទ្ធា’’? ទុតិយម្បិ បុច្ឆាមិ – ‘‘កច្ចិត្ថ បរិសុទ្ធា’’? តតិយម្បិ បុច្ឆាមិ – ‘‘កច្ចិត្ថ បរិសុទ្ធា’’? បរិសុទ្ធេត្ថាយ្យាយោ, តស្មា តុណ្ហី, ឯវមេតំ ធារយាមីតិ។
អធិករណសមថា និដ្ឋិតា។
ឧទ្ទិដ្ឋំ ខោ, អយ្យាយោ, និទានំ។ ឧទ្ទិដ្ឋា អដ្ឋ បារាជិកា ធម្មា។ ឧទ្ទិដ្ឋា សត្តរស សង្ឃាទិសេសា ធម្មា។ ឧទ្ទិដ្ឋា តិំស និស្សគ្គិយា បាចិត្តិយា ធម្មា។ ឧទ្ទិដ្ឋា ឆសដ្ឋិសតា បាចិត្តិយា ធម្មា។ ឧទ្ទិដ្ឋា អដ្ឋ បាដិទេសនីយា ធម្មា។ ឧទ្ទិដ្ឋា សេខិយា ធម្មា។ ឧទ្ទិដ្ឋា សត្ត អធិករណសមថា ធម្មា។ ឯត្តកំ តស្ស ភគវតោ សុត្តាគតំ សុត្តបរិយាបន្នំ អន្វទ្ធមាសំ ឧទ្ទេសំ អាគច្ឆតិ។ តត្ថ សព្ពាហេវ សមគ្គាហិ សម្មោទមានាហិ អវិវទមានាហិ សិក្ខិតព្ពន្តិ។
ភិក្ខុនិវិភង្គោ និដ្ឋិតោ។
បាចិត្តិយបាឡិ និដ្ឋិតា។