ತೇವೀಸತಿಮೋ ಪರಿಚ್ಛೇದೋ
೪. ನಿಬ್ಬಾನವಿಭಾಗೋ
೨೩. ಮೂಲವಿಸುದ್ಧಿಕಥಾ
೮೯೫.
ಇತ್ಥಂ
ವುತ್ತಾ ಅಸಙ್ಖತಂ ದಾನಿ, ನಿಬ್ಬಾನನ್ತಿ ಪವುಚ್ಚತಿ॥
೮೯೬.
ಸೀಲವಿಸುದ್ಧಿ ಆದಿಮ್ಹಿ, ತತೋ ಚಿತ್ತವಿಸುದ್ಧಿ ಚ।
ದಿಟ್ಠಿವಿಸುದ್ಧಿನಾಮಾ ಚ, ಕಙ್ಖಾವಿತರಣಾಪಿ ಚ॥
೮೯೭.
ತತೋ ಪರಂ ಮಗ್ಗಾಮಗ್ಗ-ಞಾಣದಸ್ಸನನಾಮಿಕಾ।
ತಥಾ ಪಟಿಪದಾಞಾಣ-ದಸ್ಸನಾ ಞಾಣದಸ್ಸನಂ॥
೮೯೮.
ಇಚ್ಚಾನುಕ್ಕಮತೋ ವುತ್ತಾ, ಸತ್ತ ಹೋನ್ತಿ ವಿಸುದ್ಧಿಯೋ।
ಸತ್ತಮಾನುತ್ತರಾ ತತ್ಥ, ಪುಬ್ಬಭಾಗಾ ಛ ಲೋಕಿಯಾ॥
೮೯೯.
ಸಂವರೋ ಪಾತಿಮೋಕ್ಖೋ ಚ, ತಥೇವಿನ್ದ್ರಿಯಸಂವರೋ।
ಆಜೀವಪಾರಿಸುದ್ಧಿ ಚ, ಸೀಲಂ ಪಚ್ಚಯನಿಸ್ಸಿತಂ॥
೯೦೦.
ಇತಿ ಸೀಲವಿಸುದ್ಧೀತಿ, ಸುದ್ಧಮೇತಂ ಪವುಚ್ಚತಿ।
ಚತುಪಾರಿಸುದ್ಧಿಸೀಲಂ, ಧುತಙ್ಗಪರಿವಾರಿತಂ॥
೯೦೧.
ಕಸಿಣಾನಿ ದಸಾಸುಭಾ, ದಸಾನುಸ್ಸತಿಯೋ ಪನ।
ಅಪ್ಪಮಞ್ಞಾ ಚ ಸಞ್ಞಾ ಚ, ವವತ್ಥಾರುಪ್ಪಕಾತಿ ಚ॥
೯೦೨.
ಸಮಥಕ್ಕಮ್ಮಟ್ಠಾನಾನಿ, ತಾಲೀಸಟ್ಠಕಥಾನಯೇ।
ಪಾಳಿಯಂ ತು ವಿಭತ್ತಾನಿ, ಅಟ್ಠತಿಂಸಾತಿ ವಣ್ಣಿತಂ॥
೯೦೩.
ಪಥವಾಪೋ ಚ ತೇಜೋ ಚ,
ವಾಯೋ ನೀಲಞ್ಚ ಪೀತಕಂ।
ಲೋಹಿತೋದಾತಮಾಕಾಸಂ
ಆಲೋಕಕಸಿಣನ್ತಿ ಚ॥
೯೦೪.
ಕಸಿಣಾನಿ ದಸೇತಾನಿ, ವುತ್ತಾನಟ್ಠಕಥಾನಯೇ।
ಅಟ್ಠೇವ ಪಾಳಿಯಂ ಹಿತ್ವಾ, ಅನ್ತೇ ತು ಕಸಿಣದ್ವಯಂ॥
೯೦೫.
ಉದ್ಧುಮಾತಂ ವಿನೀಲಞ್ಚ, ವಿಪುಬ್ಬಕಂ ವಿಖಾಯಿತಂ।
ವಿಚ್ಛಿದ್ದಕಞ್ಚ ವಿಕ್ಖಿತ್ತಂ, ಹತವಿಕ್ಖಿತ್ತಲೋಹಿತಂ॥
೯೦೬.
ಪುಳವಕಂ ಅಸುಭಾ ದಸ ದೇಸಿತಾ।
ರೂಪಕಾಯವಿಭಾಗಾಯ, ದಸಕಾಯವಿಪತ್ತಿಯಾ॥
೯೦೭.
ಬುದ್ಧೇ ಧಮ್ಮೇ ಚ ಸಙ್ಘೇ ಚ, ಸೀಲೇ ಚಾಗೇ ಚ ಅತ್ತನಾ।
ದೇವತೋಪಸಮಾಯಞ್ಚ, ಸತ್ತಾನುಸ್ಸತಿಯೋ ಕಮಾ॥
೯೦೮.
ಮರಣಸ್ಸತಿ ನಾಮೇಕಾ, ತಥಾ ಕಾಯಗತಾಸತಿ।
ಆನಾಪಾನಸ್ಸತಿಚ್ಚೇವಂ, ದಸಾನುಸ್ಸತಿಯೋ ಮತಾ॥
೯೦೯.
ಮೇತ್ತಾ ಕರುಣಾ ಮುದಿತಾ, ಉಪೇಕ್ಖಾತಿ ಚತುಬ್ಬಿಧಾ।
ವುತ್ತಾ ಬ್ರಹ್ಮವಿಹಾರಾ ಚ, ಅಪ್ಪಮಞ್ಞಾತಿ ತಾದಿನಾ॥
೯೧೦.
ಏಕಾಹಾರೇ ಪಟಿಕ್ಕೂಲ-ಸಞ್ಞಾ ನಾಮೇಕಮೇವ ತು।
ಚತುಧಾತುವವತ್ಥಾನಂ, ಚತುಧಾತುಪರಿಗ್ಗಹೋ॥
೯೧೧.
ಆಕಾಸಾನಞ್ಚಾಯತನಂ, ವಿಞ್ಞಾಣಞ್ಚಮಥಾಪರಂ।
ಆಕಿಞ್ಚಞ್ಞಂ ತಥಾ ನೇವ-ಸಞ್ಞಾನಾಸಞ್ಞನಾಮಕಂ॥
೯೧೨.
ಇಚ್ಚಾನುಕ್ಕಮತೋ ವುತ್ತಾ, ಅರೂಪಜ್ಝಾನಿಕಾ ಪನ।
ಅರೂಪಕಮ್ಮಟ್ಠಾನಾನಿ, ಚತ್ತಾರೋಪಿ ಪಕಿತ್ತಿತಾ॥
೯೧೩.
ಕಸಿಣಾಸುಭಕೋಟ್ಠಾಸೇ, ಆನಾಪಾನೇ ಚ ಸಬ್ಬಥಾ।
ದಿಸ್ವಾ ಸುತ್ವಾ ಫುಸಿತ್ವಾ ವಾ, ಪರಿಕಮ್ಮಂ ತು ಕುಬ್ಬತೋ॥
೯೧೪.
ಉಗ್ಗಹೋ ನಾಮ ಸಮ್ಭೋತಿ, ನಿಮಿತ್ತಂ ತತ್ಥ ಯುಞ್ಜತೋ।
ಪಟಿಭಾಗೋ ತಮಾರಬ್ಭ, ತತ್ಥ ವತ್ತತಿ ಅಪ್ಪನಾ॥
೯೧೫.
ಸಾಧು
ಅಹೋ ಸತ್ತಾ ಸುಖಪ್ಪತ್ತಾ, ಹೋನ್ತು ಯದಿಚ್ಛಕಾತಿ ಚ॥
೯೧೬.
ಉದ್ದಿಸ್ಸ ವಾ ಅನೋದಿಸ್ಸ, ಯುಞ್ಜತೋ ಸತ್ತಗೋಚರೇ।
ಅಪ್ಪಮಞ್ಞಾ ಪನಪ್ಪೇನ್ತಿ, ಅನುಪುಬ್ಬೇನ ವತ್ತಿಕಾ॥
೯೧೭.
ಕಸಿಣುಗ್ಘಾಟಿಮಾಕಾಸೇ, ಪಠಮಾರುಪ್ಪಮಾನಸೇ।
ತಸ್ಸೇವ ನತ್ಥಿಭಾವೇ ಚ, ತತಿಯಾರುಪ್ಪಕೇತಿ ಚ॥
೯೧೮.
ಯುಞ್ಜನ್ತಸ್ಸ
ಅಪ್ಪೇನ್ತಿ ಅನುಪುಬ್ಬೇನ, ಆರುಪ್ಪಾಪಿ ಚತುಬ್ಬಿಧಾ॥
೯೧೯.
ಆನಾಪಾನಞ್ಚ ಕಸಿಣಂ, ಪಞ್ಚಕಜ್ಝಾನಿಕಂ ತಹಿಂ।
ಪಠಮಜ್ಝಾನಿಕಾ ವುತ್ತಾ, ಕೋಟ್ಠಾಸಾಸುಭಭಾವನಾ॥
೯೨೦.
ಸುಖಿತಜ್ಝಾನಿಕಾ ತಿಸ್ಸೋ, ಅಪ್ಪಮಞ್ಞಾ ಚ ಹೇಟ್ಠಿಮಾ।
ಉಪೇಕ್ಖಾರುಪ್ಪಕಾ ಪಞ್ಚ, ಉಪೇಕ್ಖಾಝಾನಿಕಾತಿ ಚ॥
೯೨೧.
ಏಕಾ ದಸೇಕಾ ದಸ ಚ, ತಯೋ ಪಞ್ಚೇತಿ ಸಬ್ಬಥಾ।
ಪರಿಕಮ್ಮವಸಾ ತಿಂಸ, ಛ ಕೋಟ್ಠಾಸಾ ಯಥಾಕ್ಕಮಂ॥
೯೨೨.
ಪಞ್ಚಕಾದಿಸುಖೋಪೇಕ್ಖಾ, ಝಾನಭೇದಾ ಚತುಬ್ಬಿಧಾ।
ಏಕಚ್ಚತುಪಞ್ಚಝಾನ-ವಸೇನ ತಿವಿಧಾ ಸಿಯುಂ॥
೯೨೩.
ರೂಪಾರೂಪವಸಾ ದ್ವೇ ಚ, ಅಪ್ಪನಾತೋ ಪುನೇಕಧಾ।
ಇಚ್ಚೇವಮಪ್ಪನಾ ಕಮ್ಮ-ಟ್ಠಾನಭೇದಾ ಸಮಿಸ್ಸಿತಾ॥
೯೨೪.
ದ್ವೇ ಚ ಸಞ್ಞಾವವತ್ಥಾನಾ, ಅಟ್ಠಾನುಸ್ಸತಿಯೋತಿ ಚ।
ಸೇಸಾ ದಸ ಪವುಚ್ಚನ್ತಿ, ಉಪಚಾರಸಮಾಧಿಕಾ॥
೯೨೫.
ಪರಿಕಮ್ಮೋಪಚಾರಾನುಲೋಮಗೋತ್ರಭುತೋ ಪರಂ।
ಪಞ್ಚಮಂ ವಾ ಚತುತ್ಥಂ ವಾ, ಜವನಂ ಹೋತಿ ಅಪ್ಪನಾ॥
೯೨೬.
ಅಪ್ಪನಾಜವನಂ ಸಬ್ಬಂ, ಲೋಕುತ್ತರಮಹಗ್ಗತಂ।
ತಿಹೇತುಕಪರಿತ್ತಾನಿ, ಪುರಿಮಾನಿ ಯಥಾರಹಂ॥
೯೨೭.
ಆವಜ್ಜನಾ
ಅಧಿಟ್ಠಾನಾ ಚ ವುಟ್ಠಾನಾ, ಪಚ್ಚವೇಕ್ಖಣ ಪಞ್ಚಮಾ॥
೯೨೮.
ವಸಿತಾಹಿ ವಸೀಭೂತಾ, ಇತಿ ಕತ್ವಾನ ಪಞ್ಚಹಿ।
ಭಾವೇನ್ತಸ್ಸ ಪನಪ್ಪೇನ್ತಿ, ಉಪರೂಪರಿ ಅಪ್ಪನಾ॥
೯೨೯.
ಯುಞ್ಜನ್ತಸ್ಸ ತು ವುಟ್ಠಾಯ, ಕಸಿಣಜ್ಝಾನಪಞ್ಚಮಾ।
ಪಞ್ಚಾಭಿಞ್ಞಾ ಹಿ ಅಪ್ಪೇನ್ತಿ, ರೂಪಸದ್ದಾದಿಗೋಚರೇ॥
೯೩೦.
ಲೋಕುತ್ತರಾ ಪನಪ್ಪೇನ್ತಿ, ಸಬ್ಬೇ ನಿಬ್ಬಾನಗೋಚರೇ।
ಅನಿಚ್ಚದುಕ್ಖಾನತ್ತಾತಿ, ಭೂಮಿಧಮ್ಮೇ ವಿಪಸ್ಸತೋ॥
೯೩೧.
ತತ್ಥ
ಅಜ್ಝಾಸಯೋ ಚ ವುಟ್ಠಾನ-ಗಾಮಿನೀ ಚ ವಿಪಸ್ಸನಾ॥
೯೩೨.
ಮಗ್ಗಾನಂ ಝಾನಭೇದಾಯ, ಯಥಾಯೋಗಂ ನಿಯಾಮತಾ।
ಯಥಾಸಕಂ ಫಲಾನಂ ತು, ಮಗ್ಗಾ ಹೋನ್ತಿ ನಿಯಾಮತಾ॥
೯೩೩.
ಮಗ್ಗಾನನ್ತರಮೇವಾಥ, ಭೂಮಿಧಮ್ಮೇ ವಿಪಸ್ಸತೋ।
ಫಲಸಮಾಪತ್ತಿಯಮ್ಪಿ, ಅಪ್ಪೇತಿ ಫಲಮಾನಸಂ॥
೯೩೪.
ಅನುಪುಬ್ಬಸಮಾಪತ್ತಿಂ, ಸಮಾಪಜ್ಜಿಸ್ಸ ವುಟ್ಠಿತೋ।
ಝಾನಧಮ್ಮೇ ವಿಪಸ್ಸಿತ್ವಾ, ತತ್ಥ ತತ್ಥೇವ ಪಣ್ಡಿತೋ॥
೯೩೫.
ಚತುತ್ಥಾರುಪ್ಪಮಪ್ಪೇತ್ವಾ, ಏಕದ್ವಿಜವನಾಪರಂ।
ನಿರೋಧಂ ನಾಮ ಫುಸತಿ, ಸಮಾಪತ್ತಿಮಚಿತ್ತಕಂ॥
೯೩೬.
ಅರಹಾ ವಾ ಅನಾಗಾಮೀ, ಪಞ್ಚವೋಕಾರಭೂಮಿಯಂ।
ಯಥಾಸಕಂ ಫಲುಪ್ಪಾದೋ, ವುಟ್ಠಾನನ್ತಿ ತತೋ ಮತೋ॥
೯೩೭.
ಅಪ್ಪನಾಪರಿಯೋಸಾನೇ, ಸಿಯಾ ಸಬ್ಬತ್ಥ ಸಮ್ಭವಾ।
ಭವಙ್ಗಪಾತೋ ತಂ ಛೇತ್ವಾ, ಜಾಯತೇ ಪಚ್ಚವೇಕ್ಖಣಾ॥
೯೩೮.
ಇತಿ ವುತ್ತಾನುಸಾರೇನ, ಅಪ್ಪನಾನಯಸಙ್ಗಹಂ।
ಯಥಾಯೋಗಂ ವಿಭಾವೇಯ್ಯ, ತತ್ಥ ತತ್ಥ ವಿಚಕ್ಖಣೋ॥
೯೩೯.
ಚಿತ್ತವಿಸುದ್ಧಿ
ಉಪಚಾರಪ್ಪನಾಭೇದೋ, ಸಮಥೋ ಪುಬ್ಬಭಾಗಿಯೋತಿ॥
ಇತಿ ನಿಬ್ಬಾನವಿಭಾಗೇ ಮೂಲವಿಸುದ್ಧಿಕಥಾ ನಿಟ್ಠಿತಾ।
ತೇವೀಸತಿಮೋ ಪರಿಚ್ಛೇದೋ।