೮. ಅಟ್ಠಮೋ ಪರಿಚ್ಛೇದೋ
ಪಕಿಣ್ಣಕನಿದ್ದೇಸೋ
೪೭೫.
ಇದಾನಿ
ಪಾಟವತ್ಥಾಯ ಭಿಕ್ಖೂನಂ, ಕಥೀಯತಿ ಪಕಿಣ್ಣಕಂ॥
೪೭೬.
ಪನ್ಥಮಕ್ಕಟಕೋ ನಾಮ, ದಿಸಾಸು ಪನ ಪಞ್ಚಸು।
ತತ್ಥ ಸುತ್ತಂ ಪಸಾರೇತ್ವಾ, ಜಾಲಮಜ್ಝೇ ನಿಪಜ್ಜತಿ॥
೪೭೭.
ಪಠಮಾಯ ದಿಸಾಯೇತ್ಥ, ಸುತ್ತೇ ಪನ ಪಸಾರಿತೇ।
ಪಾಣಕೇನ ಪಟಙ್ಗೇನ, ಘಟ್ಟಿತೇ ಮಕ್ಖಿಕಾಯ ವಾ॥
೪೭೮.
ನಿಪನ್ನಟ್ಠಾನತೋ ಕಿಞ್ಚಿ, ಚಲಿತ್ವಾ ಉಣ್ಣನಾಭಿ ತು।
ಗನ್ತ್ವಾ ಸುತ್ತಾನುಸಾರೇನ, ಯೂಸಂ ಪಿವತಿ ತಸ್ಸ ಸಾ॥
೪೭೯.
ಪುನಾಗನ್ತ್ವಾನ ತತ್ಥೇವ, ನಿಪಜ್ಜತಿ ಯಥಾಸುಖಂ।
ಏವಮೇವ ಕರೋತೇವ, ದಿಸಾಸು ದುತಿಯಾದಿಸು॥
೪೮೦.
ಪಸಾದಾ
ಚಿತ್ತಂ ಪನ ಚ ದಟ್ಠಬ್ಬಂ, ಮಜ್ಝೇ ಮಕ್ಕಟಕೋ ವಿಯ॥
೪೮೧.
ಪಾಣಕಾದೀಹಿ ಸುತ್ತಸ್ಸ, ತಸ್ಸ ಸಙ್ಘಟ್ಟನಾ ವಿಯ।
ಪಸಾದಾನಂ ತು ದಟ್ಠಬ್ಬಾ, ಘಟ್ಟನಾರಮ್ಮಣೇನ ಹಿ॥
೪೮೨.
ಚಲನಂ ವಿಯ ತಂಮಜ್ಝೇ, ನಿಪನ್ನಾಯುಣ್ಣನಾಭಿಯಾ।
ಪಸಾದಘಟ್ಟನಂ ತತ್ಥ, ಗಹೇತ್ವಾರಮ್ಮಣಂ ಪನ॥
೪೮೩.
ಮನೋಧಾತುಕ್ರಿಯಾಚಿತ್ತಂ, ಭವಙ್ಗಾವಟ್ಟನಂ ಮತಂ।
ತಸ್ಸಾ ಸುತ್ತಾನುಸಾರಂವ, ವೀಥಿಚಿತ್ತಪವತ್ತನಂ॥
೪೮೪.
ಸೀಸೇ ಪನಸ್ಸ ವಿಜ್ಝಿತ್ವಾ, ಯೂಸಪಾನಂವ ಚೇತಸೋ।
ಆರಮ್ಮಣೇಸು ದಟ್ಠಬ್ಬಂ, ಜವನಸ್ಸ ಪವತ್ತನಂ॥
೪೮೫.
ಪುನಾಗನ್ತ್ವಾ
ವತ್ಥುಂಯೇವ ಚ ನಿಸ್ಸಾಯ, ಚಿತ್ತಸ್ಸ ಪರಿವತ್ತನಂ॥
೪೮೬.
ಇದಂ ತು ಪನ ಓಪಮ್ಮಂ, ಅತ್ಥಂ ದೀಪೇತಿ ಕಿಂ ತು ಹಿ।
ಆರಮ್ಮಣೇನ ಪಠಮಂ, ಪಸಾದೇ ಘಟ್ಟಿತೇ ಪನ॥
೪೮೭.
ಪಸಾದವತ್ಥುತೋ ಚಿತ್ತಾ, ವತ್ಥುಸನ್ನಿಸ್ಸಿತಂ ಮನೋ।
ತತೋ ಹಿ ಪಠಮಂಯೇವ, ಜಾಯತೀತಿ ಹಿ ದೀಪಿತಂ॥
೪೮೮.
ಏಕೇಕಾರಮ್ಮಣಂ
ಆಗಚ್ಛತಿ ತೇನಾಪಾಥಂ, ಅಯಮತ್ಥೋಪಿ ದೀಪಿತೋ॥
೪೮೯.
ರೂಪಂ ಚಕ್ಖುಪಸಾದಮ್ಹಿ, ಘಟ್ಟಿತ್ವಾ ತಙ್ಖಣೇ ಪನ।
ಮನೋದ್ವಾರೇ ತಥಾಪಾಥ-ಮಾಗಚ್ಛತಿ ನಿಸಂಸಯೋ॥
೪೯೦.
ಖಗೋ ಯಥಾ ಹಿ ರುಕ್ಖಗ್ಗೇ, ನಿಲೀಯನ್ತೋವ ಸಾಖಿನೋ।
ಸಾಖಂ ಘಟ್ಟೇತಿ ತಸ್ಸೀಧ, ಛಾಯಾ ಫರತಿ ಭೂಮಿಯಂ॥
೪೯೧.
ಸಾಖಾಯ
ಅಪುಬ್ಬಾಚರಿಮಂ ಏಕ-ಕ್ಖಣಸ್ಮಿಂಯೇವ ಜಾಯರೇ॥
೪೯೨.
ಏವಮೇವ ಚ ರೂಪಸ್ಸ, ಪಸಾದಸ್ಸ ಚ ಘಟ್ಟನಂ।
ಭವಙ್ಗಚಲನಸ್ಸಾಪಿ, ಪಚ್ಚಯತ್ತೇನ ಅತ್ಥತೋ॥
೪೯೩.
ತಥೇವ ಚ ಮನೋದ್ವಾರೇ, ಆಪಾಥಗಮನಮ್ಪಿ ಚ।
ಅಪುಬ್ಬಾಚರಿಮಂ ಏಕ-ಕ್ಖಣಸ್ಮಿಂಯೇವ ಹೋತಿತಿ॥
೪೯೪.
ತತೋ ಭವಙ್ಗಂ ಛಿನ್ದಿತ್ವಾ, ಚಕ್ಖುದ್ವಾರೇ ಯಥಾಕ್ಕಮಂ।
ಆವಜ್ಜನೇ ಸಮುಪ್ಪನ್ನೇ, ದಸ್ಸನೇ ಸಮ್ಪಟಿಚ್ಛನೇ॥
೪೯೫.
ಸನ್ತೀರಣೇ ಸಮುಪ್ಪನ್ನೇ, ತತೋ ವೋಟ್ಠಬ್ಬನೇಪಿ ಚ।
ಕುಸಲಂ ಜವನಂ ಚಿತ್ತಂ, ತಥಾಕುಸಲಮೇವ ವಾ॥
೪೯೬.
ಏಸೋ ಏವ ನಯೋ ಸೋತ-ದ್ವಾರಾದೀಸುಪಿ ವಿಞ್ಞುನಾ।
ಅವಿಸೇಸೇನ ವಿಞ್ಞೇಯ್ಯೋ, ಸದ್ದಾದೀನಂ ತು ಘಟ್ಟನೇ॥
೪೯೭.
ದೋವಾರಿಕೋಪಮಾದೀನಿ
ಉದ್ಧರಿತ್ವಾನ ತಾನೇತ್ಥ, ದಸ್ಸೇತಬ್ಬಾನಿ ವಿಞ್ಞುನಾ॥
೪೯೮.
ಅಸಮ್ಭೇದೇನ ಚಕ್ಖುಸ್ಸ, ರೂಪಾಪಾಥಗಮೇನ ಚ।
ಆಲೋಕನಿಸ್ಸಯೇನಾಪಿ, ಸಮನಕ್ಕಾರಹೇತುನಾ॥
೪೯೯.
ಪಚ್ಚಯೇಹಿ ಪನೇತೇಹಿ, ಸಮೇತೇಹಿ ಚತೂಹಿಪಿ।
ಜಾಯತೇ ಚಕ್ಖುವಿಞ್ಞಾಣಂ, ಸಮ್ಪಯುತ್ತೇಹಿ ತಂ ಸಹ॥
೫೦೦.
ಅಸಮ್ಭೇದೇನ ಸೋತಸ್ಸ, ಸದ್ದಾಪಾಥಗಮೇನ ಚ।
ಆಕಾಸನಿಸ್ಸಯೇನಾಪಿ, ಸಮನಕ್ಕಾರಹೇತುನಾ॥
೫೦೧.
ಪಚ್ಚಯೇಹಿ ಪನೇತೇಹಿ, ಸಮೇತೇಹಿ ಚತೂಹಿಪಿ।
ಜಾಯತೇ ಸೋತವಿಞ್ಞಾಣಂ, ಸಮ್ಪಯುತ್ತೇಹಿ ತಂ ಸಹ॥
೫೦೨.
ಅಸಮ್ಭೇದೇನ
ವಾಯೋಸನ್ನಿಸ್ಸಯೇನಾಪಿ, ಸಮನಕ್ಕಾರಹೇತುನಾ॥
೫೦೩.
ಪಚ್ಚಯೇಹಿ ಪನೇತೇಹಿ, ಸಮೇತೇಹಿ ಚತೂಹಿಪಿ।
ಜಾಯತೇ ಘಾನವಿಞ್ಞಾಣಂ, ಸಮ್ಪಯುತ್ತೇಹಿ ತಂ ಸಹ॥
೫೦೪.
ಅಸಮ್ಭೇದೇನ ಜಿವ್ಹಾಯ, ರಸಾಪಾಥಗಮೇನ ಚ।
ಆಪೋಸನ್ನಿಸ್ಸಯೇನಾಪಿ, ಸಮನಕ್ಕಾರಹೇತುನಾ॥
೫೦೫.
ಪಚ್ಚಯೇಹಿ ಪನೇತೇಹಿ, ಸಮೇತೇಹಿ ಚತೂಹಿಪಿ।
ಜಾಯತೇ ಜಿವ್ಹಾವಿಞ್ಞಾಣಂ, ಸಮ್ಪಯುತ್ತೇಹಿ ತಂ ಸಹ॥
೫೦೬.
ಅಸಮ್ಭೇದೇನ
ಪಥವೀನಿಸ್ಸಯೇನಾಪಿ, ಸಮನಕ್ಕಾರಹೇತುನಾ॥
೫೦೭.
ಪಚ್ಚಯೇಹಿ ಪನೇತೇಹಿ, ಸಮೇತೇಹಿ ಚತೂಹಿಪಿ।
ಜಾಯತೇ ಕಾಯವಿಞ್ಞಾಣಂ, ಸಮ್ಪಯುತ್ತೇಹಿ ತಂ ಸಹ॥
೫೦೮.
ಅಸಮ್ಭೇದಾ ಮನಸ್ಸಾಪಿ, ಧಮ್ಮಾಪಾಥಗಮೇನ ಚ।
ವತ್ಥುಸನ್ನಿಸ್ಸಯೇನಾಪಿ, ಸಮನಕ್ಕಾರಹೇತುನಾ॥
೫೦೯.
ಪಚ್ಚಯೇಹಿ
ಮನೋವಿಞ್ಞಾಣಮೇವಂ ತು, ಸಮ್ಪಯುತ್ತೇಹಿ ಜಾಯತೇ॥
೫೧೦.
ಮನೋ ಭವಙ್ಗಚಿತ್ತನ್ತಿ, ವೇದಿತಬ್ಬಂ ವಿಭಾವಿನಾ।
ಆವಜ್ಜನಕ್ರಿಯಾಚಿತ್ತಂ, ಸಮನಕ್ಕಾರೋತಿ ಸಞ್ಞಿತಂ॥
೫೧೧.
ವತ್ಥುಸನ್ನಿಸ್ಸಯೇನಾತಿ, ನಾಯಂ ಸಬ್ಬತ್ಥ ಗಚ್ಛತಿ।
ಭವಂ ತು ಪಞ್ಚವೋಕಾರಂ, ಸನ್ಧಾಯ ಕಥಿತೋ ಪನ॥
೫೧೨.
ಪಟಿಸನ್ಧಾದಿಚಿತ್ತಾನಿ, ಸಬ್ಬಾನೇಕೂನವೀಸತಿ।
ಕಾಮೇ ದಸ ಚ ರೂಪೇಸು, ಪಞ್ಚ ಚತ್ತಾರಿರೂಪಿಸು॥
೫೧೩.
ಕಮ್ಮಂ
ಇದಂ ಹಿ ತಿವಿಧಂ ತೇಸಂ, ಆರಮ್ಮಣಮುದೀರಿತಂ॥
೫೧೪.
ಕಾಮಾವಚರಸನ್ಧೀನಂ, ಪರಿತ್ತಾರಮ್ಮಣಂ ಮತಂ।
ಪಚ್ಚುಪ್ಪನ್ನಮತೀತಂ ವಾ, ಹೋತಿ ನತ್ಥಿ ಅನಾಗತಂ॥
೫೧೫.
ಅಟ್ಠೇವ ಚ ಮಹಾಪಾಕಾ, ತೀಣಿ ಸನ್ತೀರಣಾನಿ ಚ।
ಏಕಾದಸವಿಧಂ ಚಿತ್ತಂ, ತದಾರಮ್ಮಣಸಞ್ಞಿತಂ॥
೫೧೬.
ಏಕಾದಸವಿಧೇ ಚಿತ್ತೇ, ತದಾರಮ್ಮಣಸಞ್ಞಿತೇ।
ದಸ ಪುಞ್ಞವಿಪಾಕಾನಿ, ಏಕಂ ಹೋತಿ ಅಪುಞ್ಞಜಂ॥
೫೧೭.
ಮಹಾಪಾಕಾ ನ ಜಾಯನ್ತೇ, ರೂಪಾರೂಪಭವದ್ವಯೇ।
ಕಾಮೇ ರೂಪೇ ಭವೇ ಚೇವ, ಹೋತಿ ಸನ್ತೀರಣತ್ತಯಂ॥
೫೧೮.
ತದಾರಮ್ಮಣಚಿತ್ತಾನಿ, ಯಾನಿ ವುತ್ತಾನಿ ಸತ್ಥುನಾ।
ತೇಸು ಚಿತ್ತಂ ಪನೇಕಮ್ಪಿ, ರೂಪಾರೂಪಭವದ್ವಯೇ॥
೫೧೯.
ನ ತದಾರಮ್ಮಣಂ ಹುತ್ವಾ, ಪವತ್ತತಿ ಕದಾಚಿಪಿ।
ಕಸ್ಮಾ ನ ಹೋತಿ ಚೇ ತತ್ಥ, ಬೀಜಸ್ಸಾಭಾವತೋ ಪನ॥
೫೨೦.
ಪಟಿಸನ್ಧಿಬೀಜಂ ನತ್ಥೇತ್ಥ, ಕಾಮಾವಚರಸಞ್ಞಿತಂ।
ರೂಪಾದಿಗೋಚರೇ ತಸ್ಸ, ಭವೇಯ್ಯ ಜನಕಂ ತು ಯಂ॥
೫೨೧.
ಚಕ್ಖುವಿಞ್ಞಾಣಕಾದೀನಂ
ನಿನ್ದ್ರಿಯಾನಂ ಪವತ್ತಾನು-ಭಾವತೋ ಚಿತ್ತಸಮ್ಭವೋ॥
೫೨೨.
ಏಕನ್ತೇನ ಯಥಾ ಚೇತಂ, ತದಾರಮ್ಮಣಮಾನಸಂ।
ನಪ್ಪವತ್ತತಿ ಸಬ್ಬಮ್ಪಿ, ರೂಪಾರೂಪಭವದ್ವಯೇ॥
೫೨೩.
ಅಕಾಮಾವಚರಧಮ್ಮೇಪಿ, ತದೇತಂ ನಾನುಬನ್ಧತಿ।
ಕಸ್ಮಾ ಅಜನಕತ್ತಾ ಹಿ, ಜನಕಸ್ಸಾಸಮಾನತೋ॥
೫೨೪.
ಜನಕಂ
ಕುಸಲಾಕುಸಲಾದಿಂ ತು, ಜವನಂ ಅನುಬನ್ಧತಿ॥
೫೨೫.
ಕಾಮಾವಚರಧಮ್ಮಾಪಿ
ಹುತ್ವಾ ವತ್ತನ್ತಿ ತೇ ಚಾಪಿ, ಇದಂ ನೇವಾನುಬನ್ಧತಿ॥
೫೨೬.
ಪರಿತ್ತಾರಮ್ಮಣತ್ತಾ ಚ, ಏಕನ್ತೇನ ಪನಸ್ಸ ಹಿ।
ತಥಾಪರಿಚಿತತ್ತಾ ಚ, ನಾನುಬನ್ಧತಿ ಸಬ್ಬದಾ॥
೫೨೭.
ಕಿಂ ತೇನ ಯುತ್ತಿವಾದೇನ, ವುತ್ತಂ ಅಟ್ಠಕಥಾಸು ಹಿ।
ತದಾರಮ್ಮಣಚಿತ್ತಾನಿ, ಏಕಾದಸಪಿ ಸಬ್ಬಸೋ॥
೫೨೮.
ನಾಮಗೋತ್ತಂ ಪನಾರಬ್ಭ, ಜವನೇ ಜವಿತೇಪಿ ಚ।
ತದಾರಮ್ಮಣಂ ನ ಗಣ್ಹನ್ತಿ, ರೂಪಾರೂಪಭವೇಸು ವಾ॥
೫೨೯.
ಯದಾ ಪಞ್ಞತ್ತಿಮಾರಬ್ಭ, ಜವನೇ ಜವಿತೇಪಿ ವಾ।
ತಥಾ ವಿಪಸ್ಸನಾಯಾಪಿ, ಲಕ್ಖಣಾರಮ್ಮಣಾಯ ಚ॥
೫೩೦.
ತದಾರಮ್ಮಣಾ ನ ಲಬ್ಭನ್ತಿ, ಮಿಚ್ಛತ್ತನಿಯತೇಸುಪಿ।
ನ ಲೋಕುತ್ತರಧಮ್ಮೇಪಿ, ಆರಬ್ಭ ಜವನೇ ಗತೇ॥
೫೩೧.
ತಥಾ ಮಹಗ್ಗತೇ ಧಮ್ಮೇ, ಆರಬ್ಭ ಜವನೇ ಪನ।
ಪಟಿಸಮ್ಭಿದಾಞಾಣಾನಿ, ಆರಬ್ಭ ಜವಿತೇಪಿ ಚ॥
೫೩೨.
ಮನೋದ್ವಾರೇಪಿ ಸಬ್ಬೇಸಂ, ಜವನಾನಮನನ್ತರಂ।
ತದಾರಮ್ಮಣಚಿತ್ತಾನಿ, ಭವನ್ತಿ ಅನುಪುಬ್ಬತೋ॥
೫೩೩.
ನ
ಕಥಂ ಭವಙ್ಗತೋ ಹೋತಿ, ವುಟ್ಠಾನಂ ಪನ ಚೇತಸೋ॥
೫೩೪.
ಮನೋದ್ವಾರೇಪಿ ಆಪಾಥ-ಮಾಗಚ್ಛನ್ತೇವ ಗೋಚರಾ।
ಘಟ್ಟನಾಯ ವಿನಾ ತಸ್ಮಾ, ಚಿತ್ತಾನಂ ಹೋತಿ ಸಮ್ಭವೋ॥
೫೩೫.
ದ್ವಾದಸಾಪುಞ್ಞಚಿತ್ತಾನಂ
ಭವನ್ತಿ ಚತುರಾಸೀತಿ, ಪಾಪಪಾಕಾ ಪವತ್ತಿಯಂ॥
೫೩೬.
ಏಕಾದಸವಿಧಾನಂ ತು, ಹಿತ್ವಾ ಉದ್ಧಚ್ಚಮಾನಸಂ।
ಏಕಾದಸವಿಧಾ ಚೇವ, ಭವನ್ತಿ ಪಟಿಸನ್ಧಿಯೋ॥
೫೩೭.
ಕ್ರಿಯಚಿತ್ತೇಸು ಸಬ್ಬೇಸು, ಜವನಂ ನ ಚ ಹೋತಿ ಯಂ।
ತಂ ವೇ ಕರಣಮತ್ತತ್ತಾ, ವಾತಪುಪ್ಫಸಮಂ ಮತಂ॥
೫೩೮.
ಜವನತ್ತಂ ತು ಸಮ್ಪತ್ತಂ, ಕಿಚ್ಚಸಾಧನತೋ ಪನ।
ಛಿನ್ನಮೂಲಸ್ಸ ರುಕ್ಖಸ್ಸ, ಪುಪ್ಫಂವ ಅಫಲಂ ಸಿಯಾ॥
೫೩೯.
ಪಟಿಚ್ಚ ಪನ ಏತಸ್ಮಾ, ಫಲಮೇತೀತಿ ಪಚ್ಚಯೋ।
ಯೋ ಧಮ್ಮೋ ಯಸ್ಸ ಧಮ್ಮಸ್ಸ, ಠಿತಿಯುಪ್ಪತ್ತಿಯಾಪಿ ವಾ॥
೫೪೦.
ಉಪಕಾರೋ ಹಿ ಸೋ ತಸ್ಸ, ಪಚ್ಚಯೋತಿ ಪವುಚ್ಚತಿ।
ಸಮ್ಭವೋಪಭವೋ ಹೇತು, ಕಾರಣಂ ಪಚ್ಚಯೋ ಮತೋ॥
೫೪೧.
ಲೋಭಾದಿ ಪನ ಯೋ ಧಮ್ಮೋ, ಮೂಲಟ್ಠೇನುಪಕಾರಕೋ।
ಹೇತೂತಿ ಪನ ಸೋ ಧಮ್ಮೋ, ವಿಞ್ಞಾತಬ್ಬೋ ವಿಭಾವಿನಾ॥
೫೪೨.
ಲೋಭೋ ದೋಸೋ ಚ ಮೋಹೋ ಚ,
ತಥಾಲೋಭಾದಯೋ ತಯೋ।
ಛಳೇವ ಹೇತುಯೋ ಹೋನ್ತಿ,
ಜಾತಿತೋ ನವಧಾ ಸಿಯುಂ॥
೫೪೩.
ಧಮ್ಮಾನಂ ಕುಸಲಾದೀನಂ, ಕುಸಲಾದಿತ್ತಸಾಧಕೋ।
ಮೂಲಟ್ಠೋತಿ ವದನ್ತೇವಂ, ಏಕೇ ಆಚರಿಯಾ ಪನ॥
೫೪೪.
ಏವಂ
ಹೇತುಪಚ್ಚಯತಾ ನೇವ, ಸಮ್ಪಜ್ಜತಿ ಕದಾಚಿಪಿ॥
೫೪೫.
ನ ಹಿ ತೇ ಪನ ರೂಪಾನಂ, ಸಾಧೇನ್ತಿ ಕುಸಲಾದಿಕಂ।
ನ ತೇಸಂ ಪನ ರೂಪಾನಂ, ಪಚ್ಚಯಾ ನ ಚ ಹೋನ್ತಿ ತೇ॥
೫೪೬.
ತಸ್ಮಾ
ಮೂಲಟ್ಠೋತಿ ನ ಗನ್ತಬ್ಬೋ, ವಿಞ್ಞುನಾ ಸಮಯಞ್ಞುನಾ॥
೫೪೭.
ಸುಪ್ಪತಿಟ್ಠಿತಭಾವಸ್ಸ, ಸಾಧನೇನುಪಕಾರಕೋ।
ಮೂಲಟ್ಠೋತಿ ಚ ಹೇತೂನಂ, ವಿಞ್ಞಾತಬ್ಬೋ ವಿಭಾವಿನಾ॥
೫೪೮.
ಕುಸಲಾಕುಸಲಾ ಹೇತೂ, ಕ್ರಿಯಾಹೇತೂ ಚ ಸಬ್ಬಸೋ।
ಧಮ್ಮಾನಂ ಸಮ್ಪಯುತ್ತಾನಂ, ತಂಸಮುಟ್ಠಾನರೂಪಿನಂ॥
೫೪೯.
ಹೇತುಪಚ್ಚಯತಂ ಯಾತಾ, ಪಞ್ಚವೋಕಾರಭೂಮಿಯಂ।
ಸಮ್ಪಯುತ್ತಾನಮೇವೇತೇ, ಚತುವೋಕಾರಭೂಮಿಯಂ॥
೫೫೦.
ಕಾಮೇ ವಿಪಾಕಹೇತೂಪಿ, ಕಾಮಾವಚರಭೂಮಿಯಂ।
ಅತ್ತನಾ ಸಮ್ಪಯುತ್ತಾನಂ, ಪಟಿಸನ್ಧಿಕ್ಖಣೇ ಪನ॥
೫೫೧.
ಕಟತ್ತಾರೂಪಜಾತಾನಂ, ತಥೇವ ಚ ಪವತ್ತಿಯಂ।
ಚಿತ್ತಜಾನಞ್ಚ ರೂಪಾನಂ, ಹೇತುಪಚ್ಚಯತಂ ಗತಾ॥
೫೫೨.
ರೂಪೇ ವಿಪಾಕಹೇತು ಚ, ರೂಪಾವಚರಭೂಮಿಯಂ।
ತಥಾ ವುತ್ತಪ್ಪಕಾರಾನಂ, ಹೋನ್ತಿ ತೇ ಹೇತುಪಚ್ಚಯಾ॥
೫೫೩.
ಹೇತುಯೋ ಪಞ್ಚವೋಕಾರೇ, ಲೋಕುತ್ತರವಿಪಾಕಜಾ।
ಚಿತ್ತಜಾನಞ್ಚ ರೂಪಾನಂ, ಸಮ್ಪಯುತ್ತಾನಮೇವ ಚ॥
೫೫೪.
ತೇ ಹೇತುಪಚ್ಚಯಾ ಹೋನ್ತಿ, ಚತುವೋಕಾರಭೂಮಿಯಂ।
ಭವನ್ತಿ ಸಮ್ಪಯುತ್ತಾನಂ, ಇತರೇ ಚ ಸಭೂಮಿಯಂ॥
೫೫೫.
ಹೇತುತ್ಥೋ ಹೇತುಯೋ ಚೇವ, ಹೇತುಪಚ್ಚಯಸಮ್ಭವೋ।
ಏವಮೇವ ಚ ವಿಞ್ಞೇಯ್ಯೋ, ಸಞ್ಜಾತಸುಖಹೇತುನಾ॥
೫೫೬.
ಛನ್ದೋ
ಲೋಕಾಧಿಪತಿನಾ ವುತ್ತಾ, ಚತುಧಾಧಿಪತೀ ಸಿಯುಂ॥
೫೫೭.
ಛನ್ದಂ
ಚಿತ್ತಸ್ಸುಪ್ಪತ್ತಿಕಾಲಸ್ಮಿಂ, ಛನ್ದಾಧಿಪತಿ ನಾಮಸೋ॥
೫೫೮.
ಏಸೇವ ಚ ನಯೋ ಞೇಯ್ಯೋ, ಸೇಸೇಸುಪಿ ಚ ತೀಸುಪಿ।
ಅಧಿಪ್ಪತೀತಿ ನಿದ್ದಿಟ್ಠೋ, ಜೇಟ್ಠಟ್ಠೇನುಪಕಾರಕೋ॥
೫೫೯.
ಸುಮತಿಮತಿವಿಬೋಧನಂ ವಿಚಿತ್ತಂ,
ಕುಮತಿಮತಿನ್ಧನಪಾವಕಂ ಪಧಾನಂ।
ಇಮಮತಿಮಧುರಂ ಅವೇದಿ ಯೋ ಯೋ,
ಜಿನವಚನಂ ಸಕಲಂ ಅವೇದಿ ಸೋ ಸೋ॥
ಇತಿ ಅಭಿಧಮ್ಮಾವತಾರೇ ಪಕಿಣ್ಣಕನಿದ್ದೇಸೋ ನಾಮ
ಅಟ್ಠಮೋ ಪರಿಚ್ಛೇದೋ।