ಮಹಾವಿಹಾರನಾಸನಂ
ಮಹಾವಿಹಾರವಾಸೀಸು ಪನ ವುತ್ತಪ್ಪಕಾರೇನ ಸಬ್ಬವಿಹಾರೇ ಛಡ್ಡೇತ್ವಾ ಗತೇಸು ಸಙ್ಘಮಿತ್ತೋ ಪಾಪಭಿಕ್ಖು ರಾಜಾನಂ ಸಞ್ಞಾಪೇತ್ವಾ ಲೋಹಪಾಸಾದಾದಿಕೇ ಚತುಸಟ್ಠ್ಯಾಧಿಕೇ ತಿಸತಮತ್ತೇ ಪರಿವೇಣಪಾಸಾದೇ ನಾಸೇತ್ವಾ ಸಮೂಲಂ ಉದ್ಧರಾಪೇತ್ವಾ ಅಭಯಗಿರಿವಿಹಾರಂ ಆನಯಾಪೇಸಿ। ವಿಹಾರಭೂಮಿಯಞ್ಚ ಕಸಾಪೇತ್ವಾ ಅಪರಣ್ಣೇ ವಪಾಪೇಸಿ। ಏವಂ ತದಾ ಮಹಾವಿಹಾರೋ ನವ ವಸ್ಸಾನಿ ಭಿಕ್ಖೂಹಿ ಸುಞ್ಞೋ ಅಹೋಸಿ ಆವಾಸವಿರಹಿತೋ ಚ। ಅಥ ರಾಜಾ ಮೇಘವಣ್ಣಾಭಯಸ್ಸ ನಾಮ ಕಲ್ಯಾಣಮಿತ್ತಭೂತಸ್ಸ ಅಮಚ್ಚಸ್ಸ ಸನ್ತಜ್ಜನಪುಬ್ಬಙ್ಗಮೇನ ವಚನೇನ