ಸಳಾಯತನವಗ್ಗಸಂಯುತ್ತಪಾಳಿ
ಅಜ್ಝತ್ತಾನಿಚ್ಚಸುತ್ತ, ಬಾಹಿರಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಚಕ್ಖುಂ ಭಿಕ್ಖವೇ ಅನಿಚ್ಚಂ, ಯದನಿಚ್ಚಂ ತಂ ದುಕ್ಖಂ, ಯಂ ದುಕ್ಖಂ ತದನತ್ತಾ, ಯದನತ್ತಾ ತಂ ‘ನೇತಂ ಮಮ, ನೇಸೋಹಮಸ್ಮಿ, ನ ಮೇಸೋ ಅತ್ತಾ’ತಿ ಏವಮೇತಂ ಯಥಾಭೂತಂ ಸಮ್ಮಪ್ಪಞ್ಞಾಯ ದಟ್ಠಬ್ಬ’’ನ್ತಿ ಏವಮಾದಿನಾಚ। ‘‘ರೂಪಾ ಭಿಕ್ಖವೇ ಅನಿಚ್ಚಾ। ಯದನಿಚ್ಚಂ ತಂ ದುಕ್ಖಂ, ಯಂ ದುಕ್ಖಂ ತದನತ್ತಾ, ಯದನತ್ತಾ ತಂ ನೇತಂ ಮಮ, ನೇಸೋಹಮಸ್ಮಿ, ನ ಮೇಸೋ ಅತ್ತಾ’’ತಿ ಚ ಏವಮಾದಿನಾ ಭಗವತಾ ಭಾಸಿತಂ।
ಸಬ್ಬವಗ್ಗ
ಆದಿತ್ತಸುತ್ತ
ಪುಚ್ಛಾ – ತತ್ಥಾವುಸೋ
ವಿಸ್ಸಜ್ಜನಾ – ಗಯಾಯಂ
ಮಿಗಜಾಲವಗ್ಗ
ಪಠಮ ಮಿಗಜಾಲಸುತ್ತ
ಪುಚ್ಛಾ – ಮಿಗಜಾಲವಗ್ಗೇ
ವಿಸ್ಸಜ್ಜನಾ – ಸಾವತ್ಥಿಯಂ
ಪಠಮ ಛಫಸ್ಸಾಯತನಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ರಾಜಗಹೇ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಯೋ ಹಿ ಕೋಚಿ ವಿಕ್ಖವೇ ಭಿಕ್ಖು ಛನ್ನಂ ಫಸ್ಸಾಯತನಾನಂ ಸಮುದಯಞ್ಚ ಅತ್ಥಙ್ಗಮಞ್ಚ ಅಸ್ಸಾದಞ್ಚ ಆದೀನವಞ್ಚ ನಿಸ್ಸರಣಞ್ಚ ಯಥಾಭೂತಂ ನಪ್ಪಜಾನಾತಿ, ಅವುಸಿತಂ ತೇನ ಬ್ರಹ್ಮಚರಿಯಂ, ಆರಕಾ ಸೋ ಇಮಸ್ಮಾ ಧಮ್ಮವಿನಯಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಅಹಂ
ಚಕ್ಖುಂ
ನೋ ಹೇತಂ ಭನ್ತೇ।
ಏತ್ಥ ಚ ತೇ ಭಿಕ್ಖು ಚಕ್ಖು ನೇತಂ ಮಮ, ನೇಸೋಹಮಸ್ಮಿ, ನ ಮೇಸೋ ಅತ್ತಾತಿ ಏವಮೇತಂ ಯಥಾಭೂತಂ ಸಮ್ಮಪ್ಪಞ್ಞಾಯ ಸುದಿಟ್ಠಂ ಭವಿಸ್ಸತಿ, ಏಸೇವನ್ತೋ ದುಕ್ಖಸ್ಸ।
ಗಿಲಾನವಗ್ಗ
ಪಠಮ ಗಿಲಾನಸುತ್ತ
ಪುಚ್ಛಾ – ಗಿಲಾನವಗ್ಗೇ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಅಞ್ಞತರಂ ನವಂ ಭಿಕ್ಖುಂ ಗಿಲಾನಂ ಆಬಾಧಿತಂ ದುಕ್ಖಿತಂ ಬಾಳ್ಹಗಿಲಾನಂ ಆರಬ್ಭ ಭಾಸಿತಂ। ಅಞ್ಞತರೋ ಭನ್ತೇ ಭಿಕ್ಖು ಗಿಲಾನೋ ಆಬಾಧಿಕೋ ದುಕ್ಖಿತೋ ಬಾಳ್ಹಗಿಲಾನೋ ಭಗವನ್ತಂ ಏತದವೋಚ ‘‘ನಖ್ವಾಹಂ ಭನ್ತೇ ಸೀಲವಿಸುದ್ಧತ್ಥಂ ಭಗವತಾ ಧಮ್ಮಂ ದೇಸಿತಂ ಆಜಾನಾಮೀ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ತಂ ಭಿಕ್ಖುಂ ಪಟಿಪುಚ್ಛಿತ್ವಾ ತಸ್ಸ ಚ ವಚನಂ ಸಾಧುಕಾರಂ ದತ್ವಾ ‘‘ರಾಗವಿರಾಗತ್ಥೋ ಹಿ ಭಿಕ್ಖು ಮಯಾ ಧಮ್ಮೋ ದೇಸಿತೋ, ತಂ ಕಿಂ ಮಞ್ಞಸಿ ಭಿಕ್ಖು, ಚಕ್ಖು ನಿಚ್ಚಂ ವಾ ಅನಿಚ್ಚಂ ವಾತಿ। ಅನಿಚ್ಚಂ ಭನ್ತೇ। ಯಂ ಪನಾನಿಚ್ಚಂ ದುಕ್ಖಂ ವಾ ತಂ ಸುಖಂ ವಾತಿ, ದುಕ್ಖಂ ಭನ್ತೇ’’ತಿ ಏವಮಾದಿನಾ ಭಗವತಾ ಭಾಸಿತಂ।
ನ
ಸಾಧು
ಛನ್ನವಗ್ಗ
ಪುಣ್ಣಸುತ್ತ
ಪುಚ್ಛಾ – ಛನ್ನವಗ್ಗೇ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಆಯಸ್ಮನ್ತಂ ಪುಣ್ಣತ್ಥೇರಂ ಆರಬ್ಭ ಭಾಸಿತಂ, ಆಯಸ್ಮಾ ಭನ್ತೇ ಪುಣ್ಣತ್ಥೇರೋ ಭಗವನ್ತಂ ಏತದವೋಚ ‘‘ಸಾಧು ಮೇ ಭನ್ತೇ ಭಗವಾ ಸಂಖಿತ್ತೇನ ಧಮ್ಮಂ ದೇಸೇತು, ಯಮಹಂ ಭಗವತೋ ಧಮ್ಮಂ ಸುತ್ವಾ ಏಕೋ ವೂಪಕಟ್ಠೋ ಅಪ್ಪಮತ್ತೋ ಆತಾಪೀ ಪಹಿತತ್ತೋ ವಿಹರೇಯ್ಯ’’ನ್ತಿ। ತಸ್ಮಿಂ ವತ್ಥುಸ್ಮಿಂ ‘‘ಸನ್ತಿ ಖೋ ಪುಣ್ಣ ಚಕ್ಖುವಿಞ್ಞೇಯ್ಯಾ ರೂಪಾ ಇಟ್ಠಾ ಕನ್ತಾ ಮನಾಪಾ ಪಿಯರೂಪಾ ಕಾಮೂಪಸಂಹಿತಾ ರಜನೀಯಾ, ತಞ್ಚೇ ಭಿಕ್ಖು ಅಭಿನನ್ದತಿ ಅಭಿವದತಿ ಅಜ್ಝೋಸಾಯ ತಿಟ್ಠತಿ, ತಸ್ಸ ತಂ ಅಭಿನನ್ದತೋ ಅಭಿವದತೋ ಅಜ್ಝೋಸಾಯ ತಿಟ್ಠತೋ ಉಪ್ಪಜ್ಜತಿ ನನ್ದೀ, ನನ್ದೀ ಸಮುದಯೋ ದುಕ್ಖಸಮುದಯೋ ಪುಣ್ಣಾತಿ ವದಾಮೀ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಪುಚ್ಛಾ – ಏವಞ್ಚಾವುಸೋ
ವಿಸ್ಸಜ್ಜನಾ – ಏವಂ ಖೋ ಭನ್ತೇ ಭಗವಾ ಆಯಸ್ಮತೋ ಪುಣ್ಣತ್ಥೇರಸ್ಸ ಸಂಖಿತ್ತೇನ ಓವಾದಂ ದತ್ವಾ ‘‘ಇಮಿನಾ ತ್ವಂ ಪುಣ್ಣ ಮಯಾ ಸಂಖಿತ್ತೇನ ಓವಾದೇನ ಓವದಿತೋ ಕತಮಸ್ಮಿಂ ಜನಪದೇ ವಿಹರಿಸ್ಸಸೀ’’ತಿ ತಂ ಆಯಸ್ಮನ್ತಂ ಪುಣ್ಣತ್ಥೇರಂ ಪಟಿಪುಚ್ಛಿ। ಸೋ ಚ ಭನ್ತೇ ಆಯಸ್ಮಾ ‘‘ಅತ್ಥಿ ಭನ್ತೇ ಸುನಾಪರನ್ತೋ ನಾಮ ಜನಪದೋ, ತತ್ಥಾಹಂ ವಿಹರಿಸ್ಸಾಮೀ’’ತಿ ಏವಮಾದಿನಾ ಭಗವತೋ ಆರೋಚೇಸಿ। ಸೋ ಹಿ ಭನ್ತೇ ಆಯಸ್ಮಾ ಸುನಾಪರನ್ತೇ ಜನಪದೇ ವಸಿತ್ವಾ ತೇನೇವ ಅನ್ತರವಸ್ಸೇನ ತಿಸ್ಸೋ ವಿಜ್ಜಾ ಸಚ್ಛಾಕಾಸಿ। ತೇನೇವ ಅನ್ತರವಸ್ಸೇನ ಪರಿನಿಬ್ಬಾಯಿ। ಏವಂ ಖೋ ಭನ್ತೇ ತಸ್ಸ ಆಯಸ್ಮತೋ ಅಭಿಸಮ್ಪರಾಯೋ ಅಹೋಸಿ।
ಸನ್ತಿ
ಸಕ್ಖಿಸ್ಸಸಿ ಖೋ ತ್ವಂ ಪುಣ್ಣ ಇಮಿನಾ ದಮೂಪಸಮೇನ ಸಮನ್ನಾಗತೋ ಸುನಾಪರಸನ್ತಸ್ಮಿಂ ಜನಪದೇ ವತ್ಥುಂ।
ಸಳವಗ್ಗ
ಮಾಲುಕ್ಯಪುತ್ತಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಸಾವತ್ಥಿಯಂ
ಪುಚ್ಛಾ – ಇಮಸ್ಮಿಂ
ವಿಸ್ಸಜ್ಜನಾ – ಇಮಸ್ಮಿಂ ಖೋ ಭನ್ತೇ ಓವಾದೇ ಭಗವತಾ ಸಂಖಿತ್ತೇನ ಭಾಸಿತೇ ಆಯಸ್ಮಾ ಮಾಲುಕ್ಯಪುತ್ತತ್ಥೇರೋ ಭಗವನ್ತಂ ಏತದವೋಚ ‘‘ಇಮಸ್ಸ ಖ್ವಾಹಂ ಭನ್ತೇ ಭಗವತಾ ಸಂಖಿತ್ತೇನ ಭಾಸಿತಸ್ಸ ವಿತ್ಥಾರೇನ ಅತ್ಥಂ ಆಜಾನಾಮಿ।
ರೂಪಂ ದಿಸ್ವಾ ಮುಟ್ಠಾ, ಪಿಯಂ ನಿಮಿತ್ತಂ ಮನಸಿ ಕರೋತೋ।
ಸಾರತ್ತಚಿತ್ತೋ ವೇದೇತಿ, ತಞ್ಚ ಅಜ್ಝೋಸ ತಿಟ್ಠತಿ॥
ತಸ್ಸ ವಡ್ಢನ್ತಿ ವೇದನಾ, ಅನೇಕಾ ರೂಪಸಮ್ಭವಾ।
ಅಭಿಜ್ಝಾ ಚ ವಿಹೇಸಾ ಚ, ಚಿತ್ತಮಸ್ಸೂಪಹಞ್ಞತಿ।
ಏವಂ ಆಚಿನತೋ ದುಕ್ಖಂ, ಆರಾ ನಿಬ್ಬಾನ ವುಚ್ಚತಿ।
ಪೇಯ್ಯಾಲ
ನ ಸೋ ರಜ್ಜತಿ ಧಮ್ಮೇಸು, ಧಮ್ಮಂ ಞತ್ವಾ ಪಟಿಸ್ಸತೋ।
ವಿರತ್ತಚಿತ್ತೋ ವೇದೇತಿ, ತಞ್ಚ ನಾಜ್ಝೋಸ ತಿಟ್ಠತಿ॥
ಯಥಾಸ್ಸ ಜಾನತೋ ಧಮ್ಮಂ, ಸೇವತೋ ಚಾಪಿ ವೇದನಂ।
ಖೀಯತಿ ನೋಪಚೀಯತಿ, ಏವಂ ಸೋ ಚರತೀ ಸತೋ।
ಏವಂ ಅಪಚಿನತೋ ದುಕ್ಖಂ, ಸನ್ತಿಕೇ ನಿಬ್ಬಾನ ವುಚ್ಚತೀತಿ॥
ಇಮಸ್ಸ ಖ್ವಾಹಂ ಭನ್ತೇ ಭಗವತಾ ಸಂಖಿತ್ತೇನ ಭಾಸಿತಸ್ಸ ಏವಂ ವಿತ್ಥಾರೇನ ಅತ್ಥಂ ಆಜಾನಾಮೀತಿ। ಭಗವಾ ಚ ಭನ್ತೇ ‘‘ಸಾಧು ಸಾಧು ಮಾಲುಕ್ಯಪುತ್ತ, ಸಾಧು ಖೋ ತ್ವಂ ಮಾಲುಕ್ಯಪುತ್ತ ಮಯಾ ಸಂಖಿತ್ತೇನ ಭಾಸಿತಸ್ಸ ವಿತ್ಥಾರೇನ ಅತ್ಥಂ ಆಜಾನಾಸೀ’’ತಿ ಸಾಧುಕಾರಂ ದತ್ವಾ–
‘‘ರೂಪಂ ದಿಸ್ವಾ ಸತಿ ಮುಟ್ಠೋ, ಪಿಯಂ ನಿಮಿತ್ತಂ ಮನಸಿ ಕರೋತೋ।
ಸಾರತ್ತಚಿತ್ತೋ ವೇದೇತಿ, ತಞ್ಚ ಅಜ್ಝೋಸ ತಿಟ್ಠತೀ’’ತಿ–
ಆದಿನಾ
ಥೇರಸ್ಸ ವಚನಂ ಸಮನುಞ್ಞಾಸಿ। ಸೋ ಚ ಭನ್ತೇ ಆಯಸ್ಮಾ ಮಾಲುಕ್ಯಪುತ್ತತ್ಥೇರೋ ಏಕೋ ವೂಪಕಟ್ಠೋ ಅಪ್ಪಮತ್ತೋ ಆತಾಪೀ ಪಹಿತತ್ತೋ
ರೂಪಂ
ಸಾರತ್ತಚಿತ್ತೋ ವೇದೇತಿ, ತಞ್ಚ ಅಜ್ಝೋಸ ತಿಟ್ಠತಿ॥
ಪಮಾದವಿಹಾರೀಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಪಮಾದವಿಹಾರಿಞ್ಚ ವೋ ಭಿಕ್ಖವೇ ದೇಸೇಸ್ಸಾಮಿ ಅಪ್ಪಮಾದವಿಹಾರಿಞ್ಚ, ತಂ ಸುಣಾಥ। ಕಥಞ್ಚ ಭಿಕ್ಖವೇ ಪಮಾದವಿಹಾರೀ ಹೋತಿ। ಚಕ್ಖುನ್ದ್ರಿಯಂ ಅಸಂವುತಸ್ಸ ಭಿಕ್ಖವೇ ವಿಹರತೋ ಚಿತ್ತಂ ಬ್ಯಾಸಿಞ್ಚತಿ ಚಕ್ಖುವಿಞ್ಞೇಯ್ಯೇಸು ರೂಪೇಸು, ತಸ್ಸ ಬ್ಯಾಸಿತ್ತಚಿತ್ತಸ್ಸ ಪಾಮೋಜ್ಜಂ ನ ಹೋತಿ, ಪಾಮೋಜ್ಜೇ ಅಸತಿ ಪೀತಿ ನ ಹೋತಿ, ಪೀತಿಯಾ ಪಸ್ಸದ್ಧಿ ನ ಹೋತಿ, ಪಸ್ಸದ್ಧಿಯಾ ಅಸತಿ ದುಕ್ಖಂ ಹೋತಿ, ದುಕ್ಖಿನೋ ಚಿತ್ತಂ ನ ಸಮಾಧಿಯತಿ, ಅಸಮಾಹಿ ತೇ ಚಿತ್ತೇ ಧಮ್ಮಾ ನ ಪಾತುಭವನ್ತಿ, ಧಮ್ಮಾನಂ ಅಪಾತುಭಾವಾ ಪಮಾದವಿಹಾರೀತ್ವೇವ ಸಙ್ಖಂ ಗಚ್ಛತೀ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಲೋಕಕಾಮಗುಣವಗ್ಗ
ರಾಹುಲೋವಾದಸುತ್ತ
ಪುಚ್ಛಾ – ಲೋಕಕಾಮಗುಣವಗ್ಗೇ
ವಿಸ್ಸಜ್ಜನಾ – ಸಾವತ್ಥಿಯಂಯೇವ ಭನ್ತೇ ಆಯಸ್ಮನ್ತಂ ರಾಹುಲಂ ಆರಬ್ಭ ‘‘ತಂ ಕಿಂ ಮಞ್ಞಸಿ ರಾಹುಲ, ಚಕ್ಖು ನಿಚ್ಚಂ ವಾ ಅನಿಚ್ಚಂ ವಾತಿ। ಅನಿಚ್ಚಂ ಭನ್ತೇ। ಯಂ ಪನಾನಿಚ್ಚಂ, ದುಕ್ಖಂ ವಾ ತಂ ಸುಖಂವಾತಿ। ದುಕ್ಖಂ ಭನ್ತೇ। ಯಂ ಪನಾನಿಚ್ಚಂ ದುಕ್ಖಂ ವಿಪರಿಣಾಮಧಮ್ಮಂ ಕಲ್ಲಂ ನು ತಂ ಸಮನುಪಸ್ಸಿತುಂ ‘ಏತಂ ಮಮ, ಏಸೋಹಮಸ್ಮಿ, ಏಸೋ ಮೇ ಅತ್ತಾ’ತಿ। ನೋ ಹೇತಂ ಭನ್ತೇ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಯಂನೂನಾಹಂ
ಗಣ್ಹಾಹಿ ರಾಹುಲ ನಿಸೀದನಂ।
ಗಹಪತಿವಗ್ಗ
ಭಾರದ್ವಾಜಸುತ್ತ
ಪುಚ್ಛಾ – ಗಹಪತಿವಗ್ಗೇ
ವಿಸ್ಸಜ್ಜನಾ – ಕೋಸಮ್ಬಿಯಂ ಭನ್ತೇ ರಾಜಾನಂ ಉದೇನಂ ಆರಬ್ಭ ಆಯಸ್ಮತಾ ಪಿಣ್ಡೋಲಭಾರದ್ವಾಜತ್ಥೇರೇನ ಭಾಸಿತಂ। ರಾಜಾ ಭನ್ತೇ ಉದೇನೋ ಆಯಸ್ಮನ್ತಂ ಪಿಣ್ಡೋಲಭಾರದ್ವಾಜಂ ಏತದವೋಚ ‘‘ಕೋ ನು ಖೋ ಭೋ ಭಾರದ್ವಾಜ ಹೇತು ಕೋ ಪಚ್ಚಯೋ, ಯೇನಿಮೇ ದಹರಾ ಭಿಕ್ಖೂ ಸುಸೂ ಕಾಳಕೇಸಾ ಭದ್ರೇನ ಯೋಬ್ಬನೇನ ಸಮನ್ನಾಗತಾ ಪಠಮೇನ ವಯಸಾ ಅನಿಕೀಳಿತಾವಿನೋ ಕಾಮೇಸು ಯಾವಜೀವಂ ಪರಿಪುಣ್ಣಂ ಪರಿಸುದ್ಧಂ ಬ್ರಹ್ಮಚರಿಯಂ ಚರನ್ತಿ, ಅದ್ಧಾನಞ್ಚ ಆಪಾದೇನ್ತೀ’’ತಿ। ತಸ್ಮಿಂ ವತ್ಥುಸ್ಮಿಂ ‘‘ವುತ್ತಂ ಖೋ
ಏತಂ
ವೇರಹಚ್ಚಾನಿಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಕಾಮಣ್ಡಾಯಂ ಭನ್ತೇ ವೇರಹಚ್ಚಾನಿಗೋತ್ತಂ ಬ್ರಾಹ್ಮಣಿಂ ಆರಬ್ಭ ಆಯಸ್ಮತಾ ಉದಾಯಿತ್ಥೇರೇನ ಭಾಸಿತಂ। ವೇರಹಚ್ಚಾನೀಗೋತ್ತಾ ಭನ್ತೇ ಬ್ರಾಹ್ಮಣೀ ಆಯಸ್ಮನ್ತಂ ಉದಾಯಿತ್ಥೇರಂ ಏತದವೋಚ ‘‘ಕಿಸ್ಮಿಂ ನು ಖೋ ಭನ್ತೇ ಸತಿ ಅರಹನ್ತೋ ಸುಖದುಕ್ಖಂ ಪಞ್ಞಪೇನ್ತಿ, ಕಿಸ್ಮಿಂ ಅಸತಿ ಅರಹನ್ತೋ ಸುಖದುಕ್ಖಂ ನ ಪಞ್ಞಪೇನ್ತೀ’’ತಿ। ತಸ್ಮಿಂ ವತ್ಥುಸ್ಮಿಂ ‘‘ಚಕ್ಖುಸ್ಮಿಂ ಖೋ ಭಗಿನಿ ಸತಿ
ದೇವದಹವಗ್ಗ
ಖಣಸುತ್ತ
ಪುಚ್ಛಾ – ದೇವದಹವಗ್ಗೇ
ವಿಸ್ಸಜ್ಜನಾ – ಸಕ್ಕೇಸು ಭನ್ತೇ ದೇವದಹೇ ನಾಮ ಸಕ್ಯಾನಂ ನಿಗಮೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಲಾಭಾ ವೋ ಭಿಕ್ಖವೇ, ಸುಲದ್ಧಂ ವೋ ಭಿಕ್ಖವೇ, ಖಣೋ ವೋ ಪಟಿಲದ್ಧೋ ಬ್ರಹ್ಮಚರಿಯವಾಸಾಯಾ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಸಮುದ್ದವಗ್ಗ
ಬಾಳಿಸಿಕೋಪಮಸುತ್ತ
ಪುಚ್ಛಾ – ಸಮುದ್ದವಗ್ಗೇ
ವಿಸ್ಸಜ್ಜನಾ – ರಾಜಗಹೇ
ಆದಿತ್ತಪರಿಯಾಯಸುತ್ತ
ಪುಚ್ಛಾ – ಸಳಾಯತನವಗ್ಗಸಂಯುತ್ತೇ
ವಿಸ್ಸಜ್ಜನಾ – ಸಮ್ಬಹುಲೇ ಭನ್ತೇ ಭಿಕ್ಖೂ ಆರಬ್ಭ ‘‘ಆದಿತ್ತಪರಿಯಾಯಂ ವೋ ಭಿಕ್ಖವೇ ಧಮ್ಮಪರಿಯಾಯಂ ದೇಸೇಸ್ಸಾಮಿ, ತಂ ಸುಣಾಥ। ಕತಮೋ ಚ ಭಿಕ್ಖವೇ ಆದಿತ್ತಪರಿಯಾಯೋ ಧಮ್ಮಪರಿಯಾಯೋ। ವರಂ ಭಿಕ್ಖವೇ ತತ್ತಾಯ ಅಯೋಸಲಾಕಾಯ ಆದಿತ್ತಾಯ ಸಮ್ಪಜ್ಜಲಿತಾಯ ಸಜೋತಿಭೂತಾಯ ಚಕ್ಖುನ್ದ್ರಿಯಂ ಸಮ್ಪಲಿಮಟ್ಠಂ, ನತ್ವೇವ ಚಕ್ಖುವಿಞ್ಞೇಯ್ಯೇಸು ರೂಪೇಸು ಅನುಬ್ಯಞ್ಜನಸೋ ನಿಮಿತ್ತಗ್ಗಾಹೋ’’ತಿಆದಿನಾ ಭಗವತಾ ಭಾಸಿತಂ।
ಆಸೀವಿಸವಗ್ಗ
ಪಠಮದಾರುಕ್ಖನ್ಧೋಪಮಸುತ್ತ
ಪುಚ್ಛಾ – ಆಸೀವಿಸವಗ್ಗೇ
ವಿಸ್ಸಜ್ಜನಾ – ಕೋಸಮ್ಬಿಯಂ ಭನ್ತೇ ಗಙ್ಗಾಯ ನದಿಯಾ ತೀರೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಪಸ್ಸಥ ನೋ ತುಮ್ಹೇ ಭಿಕ್ಖವೇ ಅಮ್ಹಂ ಮಹನ್ತಂ ದಾರುಕ್ಖನ್ಧಂ ಗಙ್ಗಾಯ ನದಿಯಾ ಸೋತೇನ ವುಯ್ಹಮಾನ’’ನ್ತಿ ಏವಮಾದಿನಾ ಭಗವತಾ ಭಾಸಿತಾ।
ಉಪಚಾರವಚನಂ
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ಓರಿಮಂ ತೀರನ್ತಿ ಖೋ ಭಿಕ್ಖು ಛನ್ನೇತಂ ಅಜ್ಝತ್ತಿಕಾನಂ ಆಯತನಾನಂ ಅಧಿವಚನಂ। ಪಾರಿಮಂ ತೀರನ್ತಿ ಖೋ ಭಿಕ್ಖು ಛನ್ನೇತಂ ಬಾಹಿರಾನಂ ಆಯತನಾನಂ ಅಧಿವಚನಂ। ಮಜ್ಝೇ ಸಂಸೀದೋತಿ ಖೋ ಭಿಕ್ಖು ನನ್ದಿರಾಗಸ್ಸೇತಂ ಅಧಿವಚನಂ। ಥಲೇ ಉಸ್ಸಾದೋತಿ ಖೋ ಭಿಕ್ಖು ಅಸ್ಮಿಮಾನಸ್ಸೇತಂ ಅಧಿವಚನನ್ತಿ ಏವಮಾದಿನಾ ಭನ್ತೇ ಭಗವತಾ ತತ್ಥ ಓರಿಮತೀರಾದೀನಂ ಉಪಚಾರವಚನಾನಂ ಅತ್ಥೋ ವಿತ್ಥಾರೇನ ವಿಭಜಿತ್ವಾ ಪಕಾಸಿತೋ।
ಪುಚ್ಛಾ – ಇಮಸ್ಮಿಂ
ವಿಸ್ಸಜ್ಜನಾ – ಇಮಸ್ಮಿಂ ಭನ್ತೇ ಸುತ್ತೇ ಭಗವತಾ ಭಾಸಿತೇ ವಿಸೇಸತೋ ನನ್ದಸ್ಸ ಗೋಪಾಲಕಸ್ಸ ಪಬ್ಬಜ್ಜಾ ಚ ಉಪಸಮ್ಪದಾ ಚ ಯಾವ ಅರಹತ್ತಾಚ ವಿಸೇಸತೋ ಅತ್ಥೋ ಅಧಿಗತೋ।
ಲಭೇಯ್ಯಾಹಂ
ತೇನ ಹಿ ತ್ವಂ ನನ್ದ ಸಾಮಿಕಾನಂ ಗಾವೋ ನಿಯ್ಯಾತೇಹಿ।
ಗಮಿಸ್ಸನ್ತಿ
ಕಿಂಸುಕೋಪಮಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಸಕ್ಕೇಸು ಭನ್ತೇ ಕಪಿಲವತ್ಥುಸ್ಮಿಂ ನಿಗ್ರೋಧಾರಾಮೇ ಅಞ್ಞತರಂ ಕಾರಕಂ ಭಿಕ್ಖುಂ ಆರಬ್ಭ ಭಾಸಿತಂ। ಅಞ್ಞತರೋ ಭನ್ತೇ ಕಾರಕೋ ಭಿಕ್ಖು ಚತ್ತಾರೋ ಖಾಣಾಸವೇ ಭಿಕ್ಖೂ ಞಾಣದಸ್ಸನವಿಸುದ್ಧಂ ಪುಚ್ಛಿತ್ವಾ ಅಸನ್ತುಟ್ಠೋ ತೇಸಂ ಭಿಕ್ಖೂನಂ ಪಞ್ಹಾವೇಯ್ಯಾಕರಣೇನ ಯೇನ ಭಗವಾ ತೇನುಪಸಙ್ಕಮಿ। ಉಪಸಙ್ಕಮಿತ್ವಾ ಭಗವನ್ತಂ ಏತದವೋಚ ‘‘ಕಿತ್ತಾವತಾ ನು ಖೋ ಭನ್ತೇ ಭಿಕ್ಖುನೋ ದಸ್ಸನಂ ಸುವಿಸುದ್ಧಂ ಹೋತೀ’’ತಿ। ತಸ್ಮಿಂ ವತ್ಥುಸ್ಮಿಂ ‘‘ಸೇಯ್ಯಥಾಪಿ ಭಿಕ್ಖು ಪುರಿಸಸ್ಸ ಕಿಂಸುಕೋ ಅದಿಟ್ಠಪುಬ್ಬೋ ಅಸ್ಸ, ಸೋ ಯೇನಞ್ಞತರೋ ಪುರಿಸೋ ಕಿಂಸುಕಸ್ಸ ದಸ್ಸಾವೀ ತೇನುಪಸಙ್ಕಮೇಯ್ಯಾ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಛಪ್ಪಾಣಕೋಪಮಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಸಕ್ಕೇಸುಯೇವ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಸೇಯ್ಯಥಾಪಿ, ಭಿಕ್ಖವೇ ಪುರಿಸೋ ಅರುಗತ್ತೋ ಪಕ್ಕಗತ್ತೋ ಸರವನಂ ಪವಿಸೇಯ್ಯಾ’ತಿ ಏವಮಾದಿನಾ ಭಗವತಾ ಭಾಸಿತಂ।
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ಕಥಞ್ಚ ಭಿಕ್ಖವೇ ಅಸಂವರೋ ಹೋತಿ, ಇಧ ಭಿಕ್ಖವೇ ಭಿಕ್ಖು ಚಕ್ಖುನಾ ರೂಪಂ ದಿಸ್ವಾ ಪಿಯರೂಪೇ ರೂಪೇ ಅಧಿಮುಚ್ಚತಿ, ಅಪ್ಪಿಯರೂಪೇ ರೂಪೇ ಬ್ಯಾಪಜ್ಜತಿ, ಅನುಪಟ್ಠಿತಕಾಯಸ್ಸತಿ ಚ ವಿಹರತಿ ಪರಿತ್ತಚೇತಸೋ। ತಞ್ಚ ಚೇತೋವಿಮುತ್ತಿಂ ಪಞ್ಞಾವಿಮುತ್ತಿಂ ಯಥಾಭೂತಂ ನಪ್ಪಜಾನಾತಿ, ಯತ್ಥಸ್ಸ ತೇ ಉಪ್ಪನ್ನಾ ಪಾಪಕಾ ಅಕುಸಲಾ ಧಮ್ಮಾ ಅಪರಿಸೇಸಾ ನಿರುಜ್ಝನ್ತೀತಿ ಏವಮಾದಿನಾ ಭನ್ತೇ ಭಗವತಾ ತತ್ಥ ಅಸಂವರೋ ವಿತ್ಥಾರೇನ ವಿಭಜಿತ್ವಾ ದೇಸಿತೋ।
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ಕಥಞ್ಚ ಭಿಕ್ಖವೇ ಸಂವರೋ ಹೋತಿ, ಇಧ ಭಿಕ್ಖವೇ ಭಿಕ್ಖು ಚಕ್ಖುನಾ ರೂಪಂ ದಿಸ್ವಾ ಪಿಯರೂಪೇ ರೂಪೇ ನಾಧಿಮುಚ್ಚತಿ, ಅಪ್ಪಿಯರೂಪೇ ರೂಪೇ ನ ಬ್ಯಾಪಜ್ಜತೀತಿ, ಏವಮಾದಿನಾ
ವೇದನಾಸಂಯುತ್ತ
ದಟ್ಠಬ್ಬಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಸಕ್ಕೇಸು ಭನ್ತೇ ಕಪಿಲವತ್ಥುಸ್ಮಿಂ ನಿಗ್ರೋಧಾರಾಮೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ತಿಸ್ಸೋ ಇಮಾ ಭಿಕ್ಖವೇ ವೇದನಾ। ಕತಮಾ ತಿಸ್ಸೋ, ಸುಖಾ ವೇದನಾ ದುಕ್ಖಾವೇದನಾ ಅದುಕ್ಖಮಸುಖಾ ವೇದನಾ। ಸುಖಾ ಭಿಕ್ಖವೇ ವೇದನಾ ದುಕ್ಖತೋ ದಟ್ಠಬ್ಬಾ, ದುಕ್ಖಾ ವೇದನಾ ಸಲ್ಲತೋ ದಟ್ಠಬ್ಬಾ, ಅದುಕ್ಖಮಸುಖಾ ವೇದನಾ ಅನಿಚ್ಚತೋ ದಟ್ಠಬ್ಬಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸುಖಾ
ಯೋ ಸುಖಂ ದುಕ್ಖತೋ ಅದ್ದಸ, ದುಕ್ಖಮದ್ದಕ್ಖಿ ಸಲ್ಲತೋ।
ಅದುಕ್ಖಮಸುಖಂ ಸನ್ತಂ, ಅದ್ದಕ್ಖಿನಂ ಅನಿಚ್ಚತೋ॥
ಸ ವೇ ಸಮ್ಮದ್ದಸೋ ಭಿಕ್ಖು, ಪರಿಜಾನಾತಿ ವೇದನಾ।
ಸೋ ವೇದನಾ ಪರಿಞ್ಞಾಯ, ದಿಟ್ಠೇ ಧಮ್ಮೇ ಅನಾಸವೋ।
ಕಾಯಸ್ಸ ಭೇದಾ ಧಮ್ಮಟ್ಠೋ, ಸಙ್ಖ್ಯಂ ನೋಪೇತಿ ವೇದಗೂ॥
ಸಲ್ಲಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಸಕ್ಕೇಸು ಭನ್ತೇ ಕಪಿಲವತ್ಥುಸ್ಮಿಂ ನಿಗ್ರೋಧಾರಾಮೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಅಸ್ಸುತವಾ ಭಿಕ್ಖವೇ ಪುಥುಜ್ಜನೋ ಸುಖಮ್ಪಿ ವೇದನಂ ವೇದಯತಿ, ದುಕ್ಖಮ್ಪಿ ವೇದನಂ ವೇದಯತಿ, ಅದುಕ್ಖಮಸುಖಮ್ಪಿ ವೇದನಂ ವೇದಯತಿ। ಸುತವಾ ಭಿಕ್ಖವೇ ಅರಿಯಸಾವಕೋ ಸುಖಮ್ಪಿ ವೇದನಂ ವೇದಯತಿ, ದುಕ್ಖಮ್ಪಿ ವೇದನಂ ವೇದಯತಿ, ಅದುಕ್ಖಮಸುಖಮ್ಪಿ ವೇದನಂ ವೇದಯತಿ। ತತ್ರ ಭಿಕ್ಖವೇ ಕೋ ವಿಸೇಸೋ, ಕೋ ಅಧಿಪ್ಪಯಾಸೋ, ಕಿಂ ನಾನಾಕರಣಂ ಸುತವತೋ ಅರಿಯಭಾವಕಸ್ಸ ಅಸ್ಸುತವತಾ ಪುಥುಜ್ಜನೇನಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಜಮ್ಬುಖಾದಕಸಂಯುತ್ತ
ನಿಬ್ಬಾನಪಞ್ಹಾಸುತ್ತ
ಪುಚ್ಛಾ – ಜಮ್ಬುಖಾದಕಸಂಯುತ್ತೇ
ವಿಸ್ಸಜ್ಜನಾ – ಮಗಧೇಸು ಭನ್ತೇ ನಾಲಕಗಾಮಕೇ ಜಮ್ಬುಖಾದಕಂ ಪರಿಬ್ಬಾಜಕಂ ಆರಬ್ಭ ಆಯಸ್ಮತಾ ಸಾರಿಪುತ್ತತ್ಥೇರೇನ ಧಮ್ಮಸೇನಾಪತಿನಾ ಭಾಸಿತಂ। ಜಮ್ಬುಖಾದಕೋ ಭನ್ತೇ ಪರಿಬ್ಬಾಜಕೋ ಆಯಸ್ಮನ್ತಂ ಸಾರಿಪುತ್ತಂ ಏತದವೋಚ ‘‘ನಿಬ್ಬಾನಂ ನಿಬ್ಬಾನನ್ತಿ ಆವುಸೋ ಸಾರಿಪುತ್ತ ವುಚ್ಚತಿ, ಕತಮಂ ನುಖೋ ಆವುಸೋ ನಿಬ್ಬಾನ’’ನ್ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಯೋ
ಧಮ್ಮವಾದೀಪಞ್ಹಾಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಮಗಧೇಸುಯೇವ ಭನ್ತೇ ನಾಲಕಗಾಮೇ ಜಮ್ಬುಖಾದಕಂ ಪರಿಬ್ಬಾಜಕಂ ಆರಬ್ಭ ಆಯಸ್ಮತಾ ಸಾರಿಪುತ್ತತ್ಥೇರೇನ ಧಮ್ಮಸೇನಾಪತಿನಾ ಭಾಸಿತಂ। ಜಮ್ಬುಖಾದಕೋ ಭನ್ತೇ ಪರಿಬ್ಬಾಜಕೋ ಆಯಸ್ಮನ್ತಂ ಸಾರಿಪುತ್ತಂ ಏತದವೋಚ ‘‘ಕೇ ನು ಖೋ ಆವುಸೋ ಸಾರಿಪುತ್ತ ಲೋಕೇ ಧಮ್ಮವಾದಿನೋ, ಕೇ ಲೋಕೇ ಸುಪ್ಪಟಿಪನ್ನಾ, ಕೇ ಲೋಕೇ ಸುಗತಾ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಯೇ ಖೋ ಆವುಸೋ ರಾಗಪ್ಪಹಾನಾಯ ಧಮ್ಮಂ ದೇಸೇನ್ತಿ, ದೋಸಪ್ಪಹಾನಾಯ ಧಮ್ಮಂ ದೇಸೇನ್ತಿ, ಮೋಹಪ್ಪಹಾನಾಯ ಧಮ್ಮಂ ದೇಸೇನ್ತಿ। ತೇ ಲೋಕೇ ಧಮ್ಮವಾದಿನೋ’’ತಿ ಏವಮಾದಿನಾ ಆಯಸ್ಮತಾ ಸಾರಿಪುತ್ತತ್ಥೇರೇನ ಧಮ್ಮಸೇನಾಪತಿನಾ ಭಾಸಿತಂ।
ಕೇ
ಕೇ ಲೋಕೇ ಸುಗತಾ।
ದುಕ್ಕರಪಞ್ಹಾಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಮಗಧೇಸುಯೇವ ನಾಲಕಗಾಮೇ ಜಮ್ಬುಖಾದಕಂ ಪರಿಬ್ಬಾಜಕಂ ಆರಬ್ಭ ಆಯಸ್ಮತಾ ಸಾರಿಪುತ್ತತ್ಥೇರೇನ ಧಮ್ಮಸೇನಾಪತಿನಾ ಭಾಸಿತಂ। ಜಮ್ಬುಖಾದಕೋ ಭನ್ತೇ ಪರಿಬ್ಬಾಜಕೋ ಆಯಸ್ಮನ್ತಂ ಸಾರಿಪುತ್ತಂ ಏತದವೋಚ ‘‘ಕಿಂ ನು ಖೋ ಆವುಸೋ ಸಾರಿಪುತ್ತ ಇಮಸ್ಮಿಂ ಧಮ್ಮವಿನಯೇ ದುಕ್ಕರ’’ನ್ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಪಬ್ಬಜ್ಜಾ ಖೋ ಆವುಸೋ ಇಮಸ್ಮಿಂ ಧಮ್ಮವಿನಯೇ ದುಕ್ಕರಾ’’ತಿ ಏವಮಾದಿನಾ ಆಯಸ್ಮತಾ ಸಾರಿಪುತ್ತತ್ಥೇರೇನ ಧಮ್ಮಸೇನಾಪತಿನಾ ಭಾಸಿತಂ।
ಮೋಗ್ಗಲ್ಲಾನಸಂಯುತ್ತ
ಸಕ್ಕಸುತ್ತ
ಪುಚ್ಛಾ – ಮೋಗ್ಗಲ್ಲಾನಸಂಯುತ್ತೇ
ವಿಸ್ಸಜ್ಜನಾ – ದೇವೇಸು ಭನ್ತೇ ತಾವತಿಂಸೇಸು ಸಕ್ಕಂ ದೇವಾನಮಿನ್ದಂ ಆರಬ್ಭ ‘‘ಸಾಧು ಖೋ ದೇವಾನಮಿನ್ದ ಬುದ್ಧಸರಣಗಮನಂ ಹೋತಿ, ಬುದ್ಧಸರಣಗಮನಹೇತು ಖೋ ದೇವಾನಮಿನ್ದ
ಚಿತ್ತಸಂಯುತ್ತ
ನಿಗಣ್ಠನಾಟಪುತ್ತಸುತ್ತ
ಪುಚ್ಛಾ – ಚಿತ್ತಸಂಯುತ್ತೇ
ವಿಸ್ಸಜ್ಜನಾ – ಮಚ್ಛಿಕಾಸಣ್ಡೇ ಭನ್ತೇ ನಿಗಣ್ಠಂ ನಾಟಪುತ್ತಂ ಆರಬ್ಭ ಚಿತ್ತೇನ ಗಹಪತಿನಾ ಭಾಸಿತಂ। ನಿಗಣ್ಠೋ ಭನ್ತೇ ನಾಟಪುತ್ತೋ ಚಿತ್ತಂ ಗಹಪತಿಂ ಏತದವೋಚ ‘‘ಸದ್ದಹಸಿ ತ್ವಂ ಗಹಪತಿ ಸಮಣಸ್ಸ ಗೋತಮಸ್ಸ ಅತ್ಥಿ ಅವಿತಕ್ಕೋ ಅವಿಚಾರೋ ಸಮಾಧಿ, ಅತ್ಥಿ ವಿತಕ್ಕವಿಚಾರಾನಂ ನಿರೋಧೋ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ನ ಖ್ವಾಹಂ ಏತ್ಥ ಭನ್ತೇ ಭಗವತೋ ಸದ್ಧಾಯ ಗಚ್ಛಾಮಿ, ಅತ್ಥಿ ಅವಿತಕ್ಕೋ ಅವಿಚಾರೋ ಸಮಾಧಿ, ಅತ್ಥಿ ವಿತಕ್ಕವಿಚಾರಾನಂ ನಿರೋಧೋ’’ತಿ ಏವಮಾದಿನಾ ಚಿತ್ತೇನ ಗಹಪತಿನಾ ಭಾಸಿತಂ।
ಇದಂ
ಯಾವ ಉಜುಕೋ ಚಾಯಂ ಚಿತ್ತೋ ಗಹಪತಿ।
‘‘ಅಹಂ
ಇದಂ
ಅಚೇಲಕಸ್ಸಪಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಮಚ್ಛಿಕಾಸಣ್ಡೇ ಅಚೇಲಂ ಕಸ್ಸಪಂ ಆರಬ್ಭ ಚಿತ್ತೇನ ಗಹಪತಿನಾ ಭಾಸಿತಂ। ಅಚೇಲೋ ಭನ್ತೇ ಕಸ್ಸಪೋ ಚಿತ್ತಂ ಗಹಪತಿಂ ಏತದವೋಚ ‘‘ಇಮೇಹಿ ಪನ ತೇ ಗಹಪತಿ ತಿಂಸಮತ್ತೇಹಿ ವಸ್ಸೇಹಿ ಅತ್ಥಿ ಕೋಚಿ ಉತ್ತರಿಮನುಸ್ಸಧಮ್ಮೋ ಅಲಮರಿಯಞಾಣದಸ್ಸನವಿಸೇಸೋ ಅಧಿಗತೋ ಫಾಸುವಿಹಾರೋ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಗಿಹಿನೋಪಿ ಸಿಯಾ ಭನ್ತೇ ಅಹಞ್ಹಿ ಭನ್ತೇ ಯಾವದೇವ ಆಕಙ್ಖಾಮಿ, ವಿವಿಚ್ಚೇವ ಕಾಮೇಹಿ ವಿವಿಚ್ಚ ಅಕುಸಲೇಹಿ ಧಮ್ಮೇಹಿ ಸವಿತಕ್ಕಂ ಸವಿಚಾರಂ ವಿವೇಕಜಂ ಪೀತಿಸುಖಂ ಪಠಮಂ ಝಾನಂ ಉಪಸಮ್ಪಜ್ಜ ವಿಹರಾಮೀ’’ತಿ ಏವಮಾದಿನಾ ಚಿತ್ತೇನ ಗಹಪತಿನಾ ಭಾಸಿತಂ।
ಗಾಮಣಿಸಂಯುತ್ತ
ಚಣ್ಡಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಸಾವತ್ಥಿಯಂ
ಖೇತ್ತೂಪಮಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ನಾಳನ್ದಾಯಂ ಭನ್ತೇ ಪಾವಾರಿಕಮ್ಬವನೇ ಅಸಿಬನ್ಧಕಪುತ್ತಂ ಗಾಮಣಿಂ ಆರಬ್ಭ ಭಾಸಿತಂ। ಅಸಿಬನ್ಧಕಪುತ್ತೋ ಭನ್ತೇ ಗಾಮಣಿ ಭಗವನ್ತಂ ಏತದವೋಚ ‘‘ನನು ಭನ್ತೇ ಭಗವಾ ಸಬ್ಬಪಾಣಭೂತಹಿತಾನುಕಮ್ಪೀ ವಿಹರತೀತಿ। ಏವಂ ಗಾಮಣಿ ತಥಾಗತೋ ಸಬ್ಬಪಾಣಭೂತಹಿತಾನುಕಮ್ಪೀ ವಿಹರತೀತಿ। ಅಥ ಕಿಞ್ಚರಹಿ ಭನ್ತೇ ಭಗವಾ ಏಕಚ್ಚಾನಂ ಸಕ್ಕಚ್ಚಂ ಧಮ್ಮಂ ದೇಸೇತಿ, ಏಕಚ್ಚಾನಂ ನೋ ತಥಾ
ಸಙ್ಖಧಮಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ನಾಳನ್ದಾಯಂಯೇವ ಭನ್ತೇ ಪಾವಾರಿಕಮ್ಬವನೇ ಅಸಿಬನ್ಧಕಪುತ್ತಂ ಗಾಮಣಿಂ ನಿಗಣ್ಠಸಾವಕಂ ಆರಬ್ಭ ಭಾಸಿತಂ। ಭಗವಾ ಭನ್ತೇ ಅಸಿಬನ್ಧಕಪುತ್ತಂ ಗಾಮಣಿಂ ನಿಗಣ್ಠಸಾವಕಂ ಏತದವೋಚ ‘‘ಕಥಂ ನು ಖೋ ಗಾಮಣಿ ನಿಗಣ್ಠೋ ನಾಟಪುತ್ತೋ ಸಾವಕಾನಂ ಧಮ್ಮಂ ದೇಸೇತೀ’’ತಿ। ಏವಂ ಖೋ ಭನ್ತೇ ನಿಗಣ್ಠೋ ನಾಟಪುತ್ತೋ ಸಾವಕಾನಂ ಧಮ್ಮಂ ದೇಸೇತಿ ‘‘ಯೋ ಕೋಚಿ ಪಾಣಂ ಅತಿಪಾತೇತಿ, ಸಬ್ಬೋ ಸೋ ಆಪಾಯಿಕೋ ನೇರಯಿಕೋ। (ಪೇಯ್ಯಾಲ) ಯಂಬಹುಲಂ ಯಂಬಹುಲಂ ವಿಹರತಿ, ತೇನ ತೇನ ನೀಯತೀ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಯಂಬಹುಲಂ ಯಂಬಹುಲಞ್ಚ ಗಾಮಣಿ ವಿಹರತಿ, ತೇನ ತೇನ ನೀಯತಿ, ಏವಂ ಸನ್ತೇ ನ ಕೋಚಿ ಆಪಾಯಿಕೋ ನೇರಯಿಕೋ ಭವಿಸ್ಸತಿ, ಯಥಾ ನಿಗಣ್ಠಸ್ಸ ನಾಟಪುತ್ತಸ್ಸ ವಚನ’’ನ್ತಿ ಏವಂ ಖೋ ಭಗವತಾ ಸಂಖಿತ್ತೇನ ಭಾಸಿತಂ।
ಯಂ ಬಹುಲವಾದ
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ತಂ ಕಿಂ ಮಞ್ಞಸಿ ಗಾಮಣಿ, ಯೋ ಸೋ ಪುರಿಸೋ ಪಾಣಾತಿಪಾತೀ ರತ್ತಿಯಾ ವಾ ದಿವಸಸ್ಸ ವಾ ಸಮಯಾಸಮಯಂ ಉಪಾದಾಯ ಕತಮೋ ಬಹುತರೋ ಸಮಯೋ ಯಂ ವಾಸೋ ಪಾಣಮತಿಪಾತೇತಿ। ಯಂ ವಾ ಸೋ ಪಾಣಂ ನಾತಿಪಾತೇತೀತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ಅಸಿಬನ್ಧಕಂ ನಿಗಣ್ಠನಾಟಪುತ್ತಸ್ಸ ಸಾವಕಂ ಗಾಮಣಿಂ ಪುಚ್ಛಿತ್ವಾ ಪುಚ್ಛಿತ್ವಾ ಯಂಬಹುಲವಾದೇ ದೋಸೋ ಪಕಾಸಿತೋ।
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ಇಧ ಗಾಮಣಿ ಏಕಚ್ಚೋ ಸತ್ಥಾ ಏವಂವಾದೀ ಹೋತಿ ಏವಂದಿಟ್ಠಿ ಯೋ ಕೋಚಿ ಪಾಣಮತಿಪಾತೇತಿ, ಸಬ್ಬೋ ಸೋ ಆಪಾಯಿಕೋ ನೇರಯಿಕೋತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ಅನೇಕಂಸ ಕಮ್ಮವಿಪಾಕಸ್ಸ ಏಕಂಸವಿಪಾಕವಾದೇ ದೋಸೋ ವಿತ್ಥಾರೇತ್ವಾ ಪಕಾಸಿತೋ।
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ಇಧ
ಭದ್ರಕಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಮಲ್ಲೇಸು ಭನ್ತೇ ಉರುವೇಲಕಪ್ಪೇನಾಮ ಮಲ್ಲಾನಂ ನಿಗಮೇ ಭದ್ರಕಂ ಗಾಮಣಿಂ ಆರಬ್ಭ ಭಾಸಿತಂ। ಭದ್ರಕೋ ಭನ್ತೇ ಗಾಮಣಿ ಭಗವನ್ತಂ ಏತದವೋಚ ‘‘ಸಾಧು ಮೇ ಭನ್ತೇ ಭಗವಾ ದುಕ್ಖಸ್ಸ ಸಮುದಯಞ್ಚ ಅತ್ಥಙ್ಗಮಞ್ಚ ದೇಸೇತೂ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಅಹಞ್ಚೇ ತೇ ಗಾಮಣಿ ಅತೀತಮದ್ಧಾನಂ ಆರಬ್ಭ ದುಕ್ಖಸ್ಸ ಸಮುದಯಞ್ಚ ಅತ್ಥಙ್ಗಮಞ್ಚ ದೇಸೇಯ್ಯಂ ‘ಏವಂ ಅಹೋಸಿ ಅತೀತಮದ್ಧಾನ’ನ್ತಿ। ತತ್ರ ತೇ ಸಿಯಾ ಕಙ್ಖಾ ಸಿಯಾ ವಿಮತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸಾಧು
ಸಮುದಯಞ್ಚ ಅತ್ಥಙ್ಗಮಞ್ಚ ದೇಸೇತು–
‘‘ತಂ
ರಾಸಿಯಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಮಲ್ಲೇಸು ಭನ್ತೇ ಉರುವೇಲಕಪ್ಪೇನಾಮ ಮಲ್ಲಾನಂ ನಿಗಮೇ ರಾಸಿಯಂ ಗಾಮಣಿಂ ಆರಬ್ಭ ಭಾಸಿತಂ। ರಾಸಿಯೋ ಭನ್ತೇ ಗಾಮಣಿ ಭಗವನ್ತಂ ಉಪಸಙ್ಕಮಿತ್ವಾ ಏತದದೋಚ
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ತಯೋ ಖೋ ಮೇ ಗಾಮಣಿ ಕಾಮಭೋಗಿನೋ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ತಯೋ। ಇಧ ಗಾಮಣಿ ಏಕಚ್ಚೋ ಕಾಮಭೋಗೀ ಅಧಮ್ಮೇನ
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ತಯೋ ಮೇ ಗಾಮಣಿ ತಪಸ್ಸಿನೋ ಲೂಖಜೀವಿನೋ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ತಯೋ। ಇಧ ಗಾಮಣೀ ಏಕಚ್ಚೋ ತಪಸ್ಸೀ ಲೂಖಜೀವೀ ಸದ್ಧಾ ಅಗಾರಸ್ಮಾ ಅನಗಾರಿಯಂ ಪಬ್ಬಜಿತೋ ಹೋತಿ ‘‘ಅಪ್ಪೇವ ನಾಮ ಕುಸಲಂ ಧಮ್ಮಂ ಅಧಿಗಚ್ಛೇಯ್ಯಂ, ಅಪ್ಪೇವ ನಾಮ ಉತ್ತರಿಮನುಸ್ಸಧಮ್ಮಾ ಅಲಮರಿಯಞಾಣದಸ್ಸನವಿಸೇಸಂ ಸಚ್ಛಿಕರೇಯ್ಯ’’ನ್ತಿ, ಸೋ ಅತ್ತಾನಂ ಆತಾಪೇತಿ ಪರಿತಾಪೇತಿ, ಕುಸಲಞ್ಚ ಧಮ್ಮಂ ನಾಧಿಗಚ್ಛತಿ, ಉತ್ತರಿ ಚ ಮನುಸ್ಸಧಮ್ಮಾ ಅಲಮರಿಯಞಾಣದಸ್ಸನವಿಸೇಸಂ ನ ಸಚ್ಛಿಕರೋತೀತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ಗರಹಿತಬ್ಬಾಗರಹಿತಬ್ಬಾ ತಪಸ್ಸಿನೋ ಲೂಖಜೀವಿನೋ ವಿತ್ಥಾರೇನ ವಿಭಜಿತ್ವಾ ಪಕಾಸಿತಾ।
ಅಬ್ಯಾಕತಸಂಯುತ್ತ
ಖೇಮಾಸುತ್ತ
ಪುಚ್ಛಾ – ಅಬ್ಯಾಕತಸಂಯುತ್ತೇ
ವಿಸ್ಸಜ್ಜನಾ – ಅನ್ತರಾ ಚ ಭನ್ತೇ ಸಾವತ್ಥಿಂ ಅನ್ತರಾ ಚ ಸಾಕೇತಂ ತೋರಣವತ್ಥುಸ್ಮಿಂ ಪದೇಸೇ ರಾಜಾನಂ ಪಸೇನದಿಂ ಕೋಸಲಂ ಆರಬ್ಭ ಖೇಮಾಯ ಭಿಕ್ಖುನಿಯಾ ಭಾಸಿತಂ। ರಾಜಾ ಭನ್ತೇ ಪಸೇನದಿ ಕೋಸಲೋ ಯೇನ ಖೇಮಾ ಭಿಕ್ಖುನೀ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಅಭಿವಾದೇತ್ವಾ ಏಕಮನ್ತಂ ನಿಸೀದಿ, ಏಕಮನ್ತಂ ನಿಸಿನ್ನೋ ಖೋ ಭನ್ತೇ ರಾಜಾ ಪಸೇನದಿಕೋಸಲೋ ಖೇಮಂ ಭಿಕ್ಖುನಿಂ ಏತದವೋಚ ‘‘ಕಿಂ ನುಖೋ ಅಯ್ಯೇ ಹೋತಿ ತಥಾಗತೋ ಪರಂಮರಣಾ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಅಬ್ಯಾಕತಂ ಖೋ ಏತಂ ಮಹಾರಾಜ ಭಗವತಾ ಹೋತಿ ತಥಾಗತೋ ಪರಂ ಮರಣಾ’’ತಿ ಏವಮಾದಿನಾ ಖೇಮಾಯ ಭಿಕ್ಖುನಿಯಾ ಭಾಸಿತಂ। ಭಗವತಾ ಚ ಭನ್ತೇ ಅಪರೇನ ಸಮಯೇನ ರಞ್ಞಾ ಪಸೇನದಿಕೋಸಲೇನ ಪುಟ್ಠೇನ ಏವಮೇವ ಪುನ ಭಾಸಿತಂ।
ಕಿಂ
ಕುತೂಹಲಸಾಲಾಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ವೇಸಾಲಿಯಂ ಭನ್ತೇ ವಚ್ಛಗೋತ್ತಂ ಪರಿಬ್ಬಾಜಕಂ ಆರಬ್ಭ ಭಾಸಿತಂ। ವಚ್ಛಗೋತ್ತೋ ಭನ್ತೇ ಪರಿಬ್ಬಾಜಕೋ ಭಗವನ್ತಂ ಉಪಸಙ್ಕಮಿತ್ವಾ ‘‘ಪುರಿಮಾನಿ ಭೋ ಗೋತಮ ದಿವಸಾನಿ ಪುರಿಮತರಾನಿ ಸಮ್ಬಹುಲಾನಂ ನಾನಾತಿತ್ಥಿಯಾನಂ ಸಮಣಬ್ರಾಹ್ಮಣಾನಂ ಪರಿಬ್ಬಾಜಕಾನಂ ಕುತೂಹಲಸಾಲಾಯಂ ಸನ್ನಿಸಿನ್ನಾನಂ ಸನ್ನಿಪತಿತಾನಂ ಅಯಮನ್ತರಕಥಾ ಉದಪಾದೀ’’ತಿ ಏವಮಾದಿಕಂ ವಚನಂ ಅವೋಚ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಅಲಞ್ಹಿ ತೇ ವಚ್ಛ ಕಙ್ಖಿತುಂ, ಅಲಂ ವಿಚಿಕಿಚ್ಛಿತುಂ। ಕಙ್ಖನೀಯೇ ಚ ಪನ ತೇ ಠಾನೇ ವಿಚಿಕಿಚ್ಛಾ ಉಪ್ಪನ್ನಾ’’ತಿ ಏವಮಾದಿನಾ ಭಗವತಾ ಭಾಸಿತಂ।