॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
ಸುತ್ತನ್ತಪಿಟಕ
ಅಙ್ಗುತ್ತರನಿಕಾಯೇ
ಸಂಗಾಯನಸ್ಸ ಪುಚ್ಛಾ ವಿಸ್ಸಜ್ಜನಾ
ಪುಚ್ಛಾ – ಪಠಮಮಹಾಸಂಗೀತಿಕಾಲೇ
ವಿಸ್ಸಜ್ಜನಾ – ಪಠಮಮಹಾಸಂಗೀತಿಕಾಲೇ ಭನ್ತೇ ಧಮ್ಮಸಂಗಾಹಕಾ ಮಹಾಕಸ್ಸಪಾದಯೋ ಮಹಾಥೇರವರಾ ಪೋರಾಣಸಂಗೀತಿಕಾರಾ ಪಠಮಂ ವಿನಯಂ ಸಂಗಾಯಿತ್ವಾ ಸುತ್ತನ್ತಪಿಟಕೇ ಚ ದೀಘಮಜ್ಝಿಮಸಂಯುತ್ತಸಙ್ಖಾತೇ ತಯೋ ನಿಕಾಯೇ ಸಂಗಾಯಿತ್ವಾ ತದನನ್ತರಂ ನವಹಿ ಚ ಸುತ್ತಸಹಸ್ಸೇಹಿ ಪಞ್ಚಹಿ ಚ ಸುತ್ತಸತ್ತೇಹಿ ಸತ್ತಪಞ್ಞಾಸಾಯ ಚ ಸುತ್ತೇಹಿ ಪಟಿಮಣ್ಡಿತಂ ವೀಸತಿಭಾಣವಾರಸತಪರಿಮಾಣಂ ಅಙ್ಗುತ್ತರನಿಕಾಯಂ ನಾಮ ಪಾವಚನಂ ಸಂಗಾಯಿಂಸು।
ಪುಚ್ಛಾ – ಅಙ್ಗುತ್ತರನಿಕಾಯೇಪಿ
ವಿಸ್ಸಜ್ಜನಾ – ಅಙ್ಗುತ್ತರನಿಕಾಯೇ ಭನ್ತೇ ಏಕಾದಸಸು ನಿಪಾತಪಕರಣಪರಿಚ್ಛೇದೇಸು ಏಕಕನಿಪಾತಂ ಪಠಮಂ ಸಂಗಾಯಿಂಸು।
೧. ರೂಪಾದಿವಗ್ಗ
ಪುಚ್ಛಾ – ಏಕಕನಿಪಾತೇಪಿ
ವಿಸ್ಸಜ್ಜನಾ – ಏಕಕನಿಪಾತೇ ಭನ್ತೇ ರೂಪಾದಿವಗ್ಗೋ ನೀವರಣಪ್ಪಹಾನವಗ್ಗೋತಿಆದಿನಾ ವೀಸತಿಯಾ ವಗ್ಗೇಸು ರೂಪಾದಿವಗ್ಗಂ ಪಠಮಂ ಸಂಗಾಯಿಂಸು।
ಪುಚ್ಛಾ – ಸಾಧು ಸಾಧು ಆವುಸೋ, ಮಯಮ್ಪಿ ದಾನಿ ಆವುಸೋ ತತೋಯೇವ ಪಟ್ಠಾಯ ಸಂಗಾಹನತ್ಥಾಯ ಸಂಗೀತಿಪುಬ್ಬಙ್ಗಮಾನಿ ಧಮ್ಮಪುಚ್ಛನವಿಸ್ಸಜ್ಜನಕಿಚ್ಚಾನಿ ಆವಹಿತುಂ ಸಮಾರಭಾಮ। ತೇನಾವುಸೋ ಭಗವತಾ ಜಾನತಾ ಪಸ್ಸತಾ ಅರಹತಾ ಸಮ್ಮಾಸಮ್ಬುದ್ಧೇನ ಅಙ್ಗುತ್ತರನಿಕಾಯೇ ಏಕಕನಿಪಾತೇ ರೂಪಾದಿವಗ್ಗೇ ಪುರಿಮಾನಿ ಪಞ್ಚ ಸುತ್ತಾನಿ ಕತ್ಥ ಕಂ ಆರಬ್ಭ ಕಥಞ್ಚ ಭಾಸಿತಾನಿ।
ವಿಸ್ಸಜ್ಜನಾ – ಸಾವತ್ಥಿಯಂ
ನಾಹಂ ಭಿಕ್ಖವೇ ಅಞ್ಞಂ ಏಕರೂಪಮ್ಪಿ ಸಮನುಪಸ್ಸಾಮಿ, ಯಂ ಏವಂ ಪುರಿಸಸ್ಸ ಚಿತ್ತಂ ಪರಿಯಾದಾಯ ತಿಟ್ಠತಿ, ಯಥಯಿದಂ ಭಿಕ್ಖವೇ ಇತ್ಥಿರೂಪಂ, ಇತ್ಥಿರೂಪಂ ಭಿಕ್ಖವೇ ಪುರಿಸಸ್ಸ ಚಿತ್ತಂ ಪರಿಯಾದಾಯ ತಿಟ್ಠತಿ।
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತಸ್ಮಿಂಯೇವ ಭನ್ತೇ ಸಾವತ್ಥಿಯಂ ಸಮ್ಬಹುಲೇ ಭಿಕ್ಖೂ ಆರಬ್ಭ ರೂಪಾದಿಗರುಕಾನಂ ಪಞ್ಚನ್ನಂ ಇತ್ಥೀನಂ ಅಜ್ಝಾಸಯವಸೇನ ‘‘ನಾಹಂ ಭಿಕ್ಖವೇ ಅಞ್ಞಂ ಏಕರೂಪಮ್ಪಿ ಸಮನುಪಸ್ಸಾಮಿ, ಯಂ ಏವಂ ಇತ್ಥಿಯಾ ಚಿತ್ತಂ ಪರಿಯಾದಾಯ ತಿಟ್ಠತಿ, ಯಥಯಿದಂ ಭಿಕ್ಖವೇ ಪುರಿಸರೂಪಂ, ಪುರಿಸರೂಪಂ ಭಿಕ್ಖವೇ ಇತ್ಥಿಯಾ ಚಿತ್ತಂ ಪರಿಯಾದಾಯ ತಿಟ್ಠತೀ’’ತಿ ಏವಮಾದಿನಾ ಭಗವತಾ ಭಾಸಿತಾನಿ।
ನಾಹಂ ಭಿಕ್ಖವೇ ಅಞ್ಞಂ ಏಕರೂಪಮ್ಪಿ ಸಮನುಪಸ್ಸಾಮಿ, ಯಂ ಏವಂ ಇತ್ಥಿಯಾ ಚಿತ್ತಂ ಪರಿಯಾದಾಯ ತಿಟ್ಠತಿ, ಯಥಯಿದಂ ಭಿಕ್ಖವೇ ಪುರಿಸರೂಪಂ, ಪುರಿಸರೂಪಂ ಭಿಕ್ಖವೇ ಇತ್ಥಿಯಾ ಚಿತ್ತಂ ಪರಿಯಾದಾಯ ತಿಟ್ಠತಿ।
ನೀತತ್ಥವಸೇನ, ನೇಯ್ಯತ್ಥವಸೇನ
ಪುಚ್ಛಾ – ಇಮಸ್ಮಿಂ
ವಿಸ್ಸಜ್ಜನಾ – ಇಮಸ್ಮಿಂ ಭನ್ತೇ ರೂಪಾದಿವಗ್ಗೇ ಭಗವತಾ ನೀತತ್ಥವಸೇನ ವಟ್ಟಂ ಕಥಿತಂ। ನೇಯ್ಯತ್ಥವಸೇನ ಪನ ವಿವಟ್ಟಮ್ಪಿ ಞಾಪಿತಂ।
೨. ನೀವರಣಪ್ಪಹಾನವಗ್ಗ
ಪುಚ್ಛಾ – ದುತಿಯೋ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ‘‘ನಾಹಂ ಭಿಕ್ಖವೇ ಅಞ್ಞಂ ಏಕಧಮ್ಮಮ್ಪಿ ಸಮನುಪಸ್ಸಾಮಿ, ಯೇನ ಅನುಪ್ಪನ್ನೋ ವಾ ಕಾಮಚ್ಛನ್ದೋ ಉಪ್ಪಜ್ಜತಿ, ಉಪ್ಪನ್ನೋ ವಾ ಕಾಮಚ್ಛನ್ದೋ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತತಿ, ಯಥಯಿದಂ ಭಿಕ್ಖವೇ ಸುಭನಿಮಿತ್ತಂ, ಸುಭನಿಮಿತ್ತಂ ಭಿಕ್ಖವೇ ಅಯೋನಿಸೋ ಮನಸಿಕರೋತೋ ಅನುಪ್ಪನ್ನೋಚೇವ ಕಾಮಚ್ಛನ್ದೋ ಉಪ್ಪಜ್ಜತಿ, ಉಪ್ಪನ್ನೋ ಚ ಕಾಮಚ್ಛನ್ದೋ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತತೀ’’ತಿ ಏವಮಾದಿನಾ ಭಗವತಾ ಭಾಸಿತೋ।
ಪುಚ್ಛಾ – ಇಮಸ್ಮಿಂ
ವಿಸ್ಸಜ್ಜನಾ – ಇಮಸ್ಮಿಂ ಪನ ಭನ್ತೇ ದುತಿಯೇ ನೀವರಣಪ್ಪಹಾನವಗ್ಗೇ ಭಗವತಾ ವಟ್ಟಮ್ಪಿ ವಿವಟ್ಟಮ್ಪಿ ಕಥಿತಂ।
೩. ಅಕಮ್ಮನಿಯವ
ಪುಚ್ಛಾ – ತೇನಾವುಸೋ…ಪೇ॰…
ವಿಸ್ಸಜ್ಜನಾ – ತತಿಯೇ ಭನ್ತೇ ಅಕಮ್ಮನಿಯವಗ್ಗೇ ‘‘ನಾಹಂ ಭಿಕ್ಖವೇ ಅಞ್ಞಂ ಏಕಧಮ್ಮಮ್ಪಿ ಸಮನುಪಸ್ಸಾಮಿ, ಯಂ ಏವಂ ಅಭಾವಿತಂ ಅಕಮ್ಮನಿಯಂ ಹೋತಿ, ಯಥಯಿದಂ ಭಿಕ್ಖವೇ ಚಿತ್ತಂ, ಚಿತ್ತಂ ಭಿಕ್ಖವೇ ಅಭಾವಿತಂ ಅಕಮ್ಮನಿಯಂ ಹೋತಿ। ನಾಹಂ ಭಿಕ್ಖವೇ ಅಞ್ಞಂ ಏಕಧಮ್ಮಮ್ಪಿ ಸಮನುಪಸ್ಸಾಮಿ, ಯಂ ಏವಂ ಭಾವಿತಂ ಕಮ್ಮನಿಯಂ ಹೋತಿ, ಯಥಯಿದಂ ಭಿಕ್ಖವೇ ಚಿತ್ತಂ। ಚಿತ್ತಂ ಭಿಕ್ಖವೇ ಭಾವಿತಂ ಕಮ್ಮನಿಯಂ ಹೋತೀ’’ತಿ ಏವಮಾದಿಕಾ ಭಗವತಾ ಧಮ್ಮದೇಸನಾಯೋ ದೇಸಿತಾ।
೪. ಅದನ್ತವಗ್ಗ
ಪುಚ್ಛಾ – ಚತುತ್ಥೇ
ವಿಸ್ಸಜ್ಜನಾ – ಚತುತ್ಥೇ ಭನ್ತೇ ಅದನ್ತವಗ್ಗೇ ‘‘ನಾಹಂ ಭಿಕ್ಖವೇ ಅಞ್ಞಂ ಏಕಧಮ್ಮಮ್ಪಿ ಸಮನುಪಸ್ಸಾಮಿ, ಯಂ ಏವಂ ಅದನ್ತಂ ಮಹತೋ ಅನತ್ಥಾಯ ಸಂವತ್ತತಿ, ಯಥಯಿದಂ ಭಿಕ್ಖವೇ ಚಿತ್ತಂ, ಚಿತ್ತಂ ಭಿಕ್ಖವೇ ಅದನ್ತಂ ಮಹತೋ ಅನತ್ಥಾಯ ಸಂವತ್ತತಿ। ನಾಹಂ ಭಿಕ್ಖವೇ ಅಞ್ಞಂ ಏಕಧಮ್ಮಮ್ಪಿ ಸಮನುಪಸ್ಸಾಮಿ, ಯಂ ಏವಂ ದನ್ತಂ ಮಹತೋ ಅತ್ಥಾಯ ಸಂವತ್ತತಿ, ಯಥಯಿದಂ ಭಿಕ್ಖವೇ ಚಿತ್ತಂ, ಚಿತ್ತಂ ಭಿಕ್ಖವೇ ದನ್ತಂ ಮಹತೋ ಅತ್ಥಾಯ ಸಂವತ್ತತೀ’’ತಿ ಏವಮಾದಿಕಾ ಭಗವತಾ ಧಮ್ಮದೇಸನಾಯೋ ದೇಸಿತಾ।
೫. ಪಣಿಹಿತಅಚ್ಛವಗ್ಗ
ಪುಚ್ಛಾ – ಪಞ್ಚಮೇ
ವಿಸ್ಸಜ್ಜನಾ – ಪಞ್ಚಮೇ ಭನ್ತೇ ಪಣಿಹಿತಅಚ್ಛವಗ್ಗೇ ‘‘ಸೇಯ್ಯಥಾಪಿ ಭಿಕ್ಖವೇ ಸಾಲಿಸೂಕಂ ವಾ ಯವಸೂಕಂ ವಾ ಮಿಚ್ಛಾಪಣಿಹಿತಂ ಹತ್ಥೇನ ವಾ ಪಾದೇನ ವಾ ಅಕ್ಕನ್ತಂ ಹತ್ಥಂ ವಾ ಪಾದಂ ವಾ ಭೇಚ್ಛತಿ, ಲೋಹಿತಂ ವಾ ಉಪ್ಪಾದೇಸ್ಸತೀತಿ ನೇತಂ ಠಾನ ವಿಜ್ಜತಿ। ತಂ ಕಿಸ್ಸಹೇತು, ಮಿಚ್ಛಾಪಣಿಹಿತತ್ತಾ ಭಿಕ್ಖವೇ ಸೂಕಸ್ಸ। ಏವಮೇವ ಖೋ ಭಿಕ್ಖವೇ ಸೋ ವತ ಭಿಕ್ಖು ಮಿಚ್ಛಾಪಣಿಹಿತೇನ ಚಿತ್ತೇನ ಅವಿಜ್ಜಂ
೬. ಅಚ್ಛರಾಸಙ್ಘಾತವಗ್ಗ
ಪುಚ್ಛಾ – ಅಚ್ಛರಾಸಙ್ಘಾತವಗ್ಗೇ
ವಿಸ್ಸಜ್ಜನಾ – ಅಚ್ಛರಾಸಙ್ಘಾತವಗ್ಗೇ ಭನ್ತೇ ಭಗವತಾ ‘‘ಪಭಸ್ಸರಮಿದಂ ಭಿಕ್ಖವೇ ಚಿತ್ತಂ, ತಞ್ಚ ಖೋ ಆಗನ್ತುಕೇಹಿ ಉಪಕ್ಕಿಲೇಸೇಹಿ ಉಪಕ್ಕಿಲಿಟ್ಠಂ, ತಂ ಅಸ್ಸುತವಾ ಪುಥುಜ್ಜನೋ ಯಥಾಭೂತಂ ನಪ್ಪಜಾನಾತಿ, ತಸ್ಮಾ ‘ಅಸ್ಸುತವತೋ ಪುಥುಜ್ಜನಸ್ಸ ಚಿತ್ತಭಾವನಾ ನತ್ಥೀ’ತಿ ವದಾಮಿ। ಪಭಸ್ಸರಮಿದಂ ಭಿಕ್ಖವೇ ಚಿತ್ತಂ, ತಞ್ಚ ಖೋ ಆಗನ್ತುಕೇಹಿ ಉಪಕ್ಕಿಲೇಸೇಹಿ ವಿಪ್ಪಮುತ್ತಂ, ತಂ ಸುಭವಾ ಅರಿಯಸಾವಕೋ ಯಥಾಭೂತಂ ಪಜಾನಾತಿ। ತಸ್ಮಾ ‘ಸುತಪತೋ
ತತಿಯಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ತತಿಯಸುತ್ತಾದೀನಿ ಪಞ್ಚಸುತ್ತಾನಿ ‘‘ಅಚ್ಛರಾಸಙ್ಘಾತಮತ್ತಮ್ಪಿ ಚೇ ಭಿಕ್ಖವೇ ಭಿಕ್ಖು ಮೇತ್ತಾಚಿತ್ತಂ ಆಸೇವತಿ, ಭಾವೇತಿ, ಮನಸಿಕರೋತಿ। ಅಯಂ ವುಚ್ಚತಿ ಭಿಕ್ಖವೇ ಭಿಕ್ಖು ಅರಿತ್ತಜ್ಝಾನೋ ವಿಹರತಿ ಸತ್ಥುಸಾಸನಕರೋ ಓವಾದಪತಿಕರೋ ಅಮೋಘಂ ರಟ್ಠಪಿಣ್ಡಂ ಭುಞ್ಜತಿ, ಕೋ ಪನ ವಾದೋ ಯೇ ನಂ ಬಹುಲೀಕರೋನ್ತಿ। ಯೇಕೇಚಿ ಭಿಕ್ಖವೇ ಧಮ್ಮಾ ಅಕುಸಲಾ ಅಕುಸಲಭಾಗಿಯಾ ಅಕುಸಲಪಕ್ಖಿಕಾ, ಸಬ್ಬೇತೇ ಮನೋಪುಬ್ಬಙ್ಗಮಾ, ಮನೋ ತೇಸಂ ಧಮ್ಮಾನಂ ಪಠಮಂ ಉಪ್ಪಜ್ಜತಿ, ಅನ್ವದೇವ ಅಕುಸಲಾಧಮ್ಮಾ, ಯೇಕೇಚಿ ಭಿಕ್ಖವೇ ಧಮ್ಮಾ ಕುಸಲಾ ಕುಸಲಭಾಗಿಯಾ ಕುಸಲಪಕ್ಖಿಕಾ, ಸಬ್ಬೇತೇ ಮನೋಪುಬ್ಬಙ್ಗಮಾ, ಮನೋ ತೇಸಂ ಧಮ್ಮಾನಂ ಪಠಮಂ ಉಪ್ಪಜ್ಜತಿ, ಅನ್ವದೇವ ಕುಸಲಾ ಧಮ್ಮಾ’’ತಿ ಏವಂ ಖೋ ಭನ್ತೇ ಭಗವತಾ ಭಾಸಿತಾನಿ।
ಅಟ್ಠಮಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಅಟ್ಠಮ ನವಮ ದಸಮಸುತ್ತಾನಿ ಚ ವೀರಿಯಾರಮ್ಭಾದಿವಗ್ಗೇ ದಸಸುತ್ತಾನಿ ಚ ಕಲ್ಯಾಣಮಿತ್ತಾದಿವಗ್ಗೇ ಪಠಮಸುತ್ತಞ್ಚ ‘‘ನಾಹಂ ಭಿಕ್ಖವೇ ಅಞ್ಞಂ ಏಕಧಮ್ಮಮ್ಪಿ ಸಮನುಪಸ್ಸಾಮಿ, ಯೇನ ಅನುಪ್ಪನ್ನಾ ವಾ ಅಕುಸಲಾ ಧಮ್ಮಾ ಉಪ್ಪಜ್ಜನ್ತಿ, ಉಪ್ಪನ್ನಾ ವಾ ಕುಸಲಾ ಧಮ್ಮಾ ಪರಿಹಾಯನ್ತಿ, ಯಥಯಿದಂ ಭಿಕ್ಖವೇ ಪಮಾದೋ, ಪಮತ್ತಸ್ಸ ಭಿಕ್ಖವೇ ಅನುಪ್ಪನ್ನಾ ಚೇವ ಅಕುಸಲಾ ಧಮ್ಮಾ ಉಪ್ಪಜ್ಜನ್ತಿ, ಉಪ್ಪನ್ನಾ ಚ ಕುಸಲಾ ಧಮ್ಮಾ ಪರಿಹಾಯನ್ತೀ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಾನಿ।
ದುತಿಯಸುತ್ತ
ಪುಚ್ಛಾ – ಕಲ್ಯಾಣಮಿತ್ತಾದಿವಗ್ಗೇ
ವಿಸ್ಸಜ್ಜನಾ – ಕಲ್ಯಾಣಮಿತ್ತಾದಿವಗ್ಗೇ ಭನ್ತೇ ದುತಿಯ ತತಿಯಸುತ್ತಾನಿ ‘‘ನಾಹಂ ಭಿಕ್ಖವೇ ಅಞ್ಞಂ ಏಕಧಮ್ಮಮ್ಪಿ ಸಮನುಪಸ್ಸಾಮಿ, ಯೇನ ಅನುಪ್ಪನ್ನಾ ವಾ ಅಕುಸಲಾ ಧಮ್ಮಾ ಉಪ್ಪಜ್ಜನ್ತಿ, ಉಪ್ಪನ್ನಾ ವಾ ಕುಸಲಾ ಧಮ್ಮಾ ಪರಿಹಾಯನ್ತಿ, ಯಥಯಿದಂ ಭಿಕ್ಖವೇ ಅನುಯೋಗೋ ಅಕುಸಲಾನಂ ಧಮ್ಮಾನಂ ಅನನುಯೋಗೋ ಕುಸಲಾನಂ ಧಮ್ಮಾನ’’ನ್ತಿ ಏವಮಾದಿನಾ ಭಗವತಾ ಭಾಸಿತಾನಿ।
ಛಟ್ಠಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಛಟ್ಠಸುತ್ತಾದೀನಿ ಚ ಪಮಾದಾದಿವಗ್ಗೇ ಪಠಮಸುತ್ತಞ್ಚ ‘‘ಅಪ್ಪಮತ್ತಿಕಾ ಏಸಾ ಭಿಕ್ಖವೇ ಪರಿಹಾನಿ ಯದಿದಂ ಞಾತಿಪರಿಹಾನಿ। ಏತಂ ಪತಿಕಿಟ್ಠಂ ಭಿಕ್ಖವೇ ಪರಿಹಾನೀನಂ ಯದಿದಂ ಪಞ್ಞಾಪರಿಹಾನೀತಿ। ಅಪ್ಪಮತ್ತಿಕಾ ಏಸಾ ಭಿಕ್ಖವೇ ವುದ್ಧಿ ಯದಿದಂ ಞಾತಿವುದ್ಧಿ। ಏತದಗ್ಗಂ ಭಿಕ್ಖವೇ ವುದ್ಧೀನಂ ಯದಿದಂ ಪಞ್ಞಾವುದ್ಧಿ
ಪಮಾದಾದಿವಗ್ಗ
ಪುಚ್ಛಾ – ತೇನಾವುಸೋ…ಪೇ॰…
ವಿಸ್ಸಜ್ಜನಾ – ನಾಹಂ ಭಿಕ್ಖವೇ ಅಞ್ಞಂ ಏಕಧಮ್ಮಮ್ಪಿ ಸಮನುಪಸ್ಸಾಮಿ, ಯೋ ಏವಂ ಮಹತೋ ಅನತ್ಥಾಯ ಸಂವತ್ತತಿ, ಯಥಯಿದಂ ಭಿಕ್ಖವೇ ಪಮಾದೋ। ಪಮಾದೋ ಭಿಕ್ಖವೇ ಮಹತೋ ಅನತ್ಥಾಯ ಸಂವತ್ತತಿ। ನಾಹಂ ಭಿಕ್ಖವೇ ಅಞ್ಞಂ ಏಕಧಮ್ಮಮ್ಪಿ, ಯೋ ಏವಂ ಮಹತೋ ಅತ್ಥಾಯ ಸಂವತ್ತತಿ, ಯಥಯಿದಂ ಭಿಕ್ಖವೇ ಅಪ್ಪಮಾದೋ, ಅಪ್ಪಮಾದೋ ಭಿಕ್ಖವೇ ಮಹತೋ ಅನತ್ಥಾಯ ಸಂವತ್ತತೀತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಾನಿ।
ದುತಿಯ ಪಮಾದಾದಿವಗ್ಗ
ಪುಚ್ಛಾ – ದುತಿಯೇ
ವಿಸ್ಸಜ್ಜನಾ – ದುತಿಯೇ ಭನ್ತೇ ಪಮಾದಾದಿವಗ್ಗೇ ಅಜ್ಝತ್ತಿಕಂ ಭಿಕ್ಖವೇ ಅಙ್ಗನ್ತಿ ಕರಿತ್ವಾ ನಾಞ್ಞಂ ಏಕಙ್ಗಮ್ಪಿ ಸಮನುಪಸ್ಸಾಮಿ, ಯಂ ಏವಂ ಮಹತೋ ಅನತ್ಥಾಯ ಸಂವತ್ತತಿ, ಯಥಯಿದಂ ಭಿಕ್ಖವೇ ಪಮಾದೋ। ಪಮಾದೋ ಭಿಕ್ಖವೇ ಮಹತೋ ಅನತ್ಥಾಯ ಸಂವತ್ತತಿ। ಅಜ್ಝತ್ತಿಕಂ ಭಿಕ್ಖವೇ ಅಙ್ಗನ್ತಿ ಕರಿತ್ವಾ ನಾಞ್ಞಂ ಏಕಙ್ಗಮ್ಪಿ ಸಮನುಪಸ್ಸಾಮಿ, ಯಂ ಏವಂ ಮಹತೋ ಅತ್ಥಾಯ ಸಂವತ್ತತಿ, ಯಥಯಿದಂ ಭಿಕ್ಖವೇ ಅಪ್ಪಮಾದೋ। ಅಪ್ಪಮಾದೋ ಭಿಕ್ಖವೇ ಮಹತೋ ಅತ್ಥಾಯ ಸಂವತ್ತತೀತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಾನಿ।
ದಸಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ತೇತ್ತಿಂಸಮಾದೀನಿ ದಸಸುತ್ತಾನಿ ಚ ಅಧಮ್ಮವಗ್ಗೇ ದಸಸುತ್ತಾನಿ ಚ ಯೇ ತೇ ಭಿಕ್ಖವೇ ಭಿಕ್ಖೂ ಅಧಮ್ಮಂ ‘‘ಧಮ್ಮೋ’’ತಿ ದೀಪೇನ್ತಿ, ತೇ ಭಿಕ್ಖವೇ ಭಿಕ್ಖೂ ಬಹುಜನಅಹಿತಾಯ ಪಟಿಪನ್ನಾ ಬಹುಜನಅಸುಖಾಯ ಬಹುನೋ ಜನಸ್ಸ ಅನತ್ಥಾಯ ಅಹಿತಾಯ ದುಕ್ಖಾಯ ದೇವಮನುಸ್ಸಾನಂ। ಬಹುಞ್ಚ ತೇ ಭಿಕ್ಖವೇ ಭಿಕ್ಖೂ ಅಪುಞ್ಞಂ ಪಸವನ್ತಿ, ತೇ ಚಿಮಂ ಸದ್ಧಮ್ಮಂ ಅನ್ತರಧಾಪೇನ್ತೀತಿ ಏವಮಾದಿನಾ ಚ, ಯೇ ತೇ ಭಿಕ್ಖವೇ ಭಿಕ್ಖೂ ಅಧಮ್ಮಂ ‘‘ಅಧಮ್ಮೋ’’ತಿ ದೀಪೇನ್ತಿ, ತೇ ಭಿಕ್ಖವೇ ಭಿಕ್ಖೂ ಬಹುಜನಹಿತಾಯ ಪಟಿಪನ್ನಾ ಬಹುಜನಸುಖಾಯ ಬಹುಜನೋ ಜನಸ್ಸ ಅತ್ಥಾಯ ಹಿತಾಯ ಸುಖಾಯ ದೇವಮನುಸ್ಸಾನಂ। ಬಹುಞ್ಚ ತೇ ಭಿಕ್ಖವೇ ಭಿಕ್ಖೂ ಪುಞ್ಞಂ ಪಸವನ್ತಿ, ತೇ ಚಿಮಂ ಸದ್ಧಮ್ಮಂ ಠಪೇನ್ತೀತಿ ಏವಮಾದಿನಾ ಚ ಭನ್ತೇ ಭಗವತಾ ಭಾಸಿತಾನಿ।
ಏಕಪುಗ್ಗಲವಗ್ಗ
ಪುಚ್ಛಾ – ಏಕಪುಗ್ಗಲವಗ್ಗೇ
ವಿಸ್ಸಜ್ಜನಾ – ಏಕಪುಗ್ಗಲವಗ್ಗೇ ಭನ್ತೇ ಭಗವತಾ ಏಕಪುಗ್ಗಲೋ ಭಿಕ್ಖವೇ ಲೋಕೇ ಉಪ್ಪಜ್ಜಮಾನೋ ಉಪ್ಪಜ್ಜತಿ ಬಹುಜನಹಿತಾಯ ಬಹುಜನಸುಖಾಯ ಲೋಕಾನುಕಮ್ಪಾಯ ಅತ್ಥಾಯ ಹಿತಾಯ ಸುಖಾಯ ದೇವಮನುಸ್ಸಾನಂ। ಕತಮೋ ಏಕಪುಗ್ಗಲೋ, ತಥಾಗತೋ ಅರಹಂ ಸಮ್ಮಾಸಮ್ಬುದ್ಧೋ, ಅಯಂ ಖೋ ಭಿಕ್ಖವೇ ಏಕಪುಗ್ಗಲೋ ಲೋಕೇ ಉಪ್ಪಜ್ಜಮಾನೋ ಉಪ್ಪಜ್ಜತಿ ಬಹುಜನಹಿತಾಯ ಬಹುಜನಸುಖಾಯ ಲೋಕಾನುಕಮ್ಪಾಯ ಅತ್ಥಾಯ ಹಿತಾಯ ಸುಖಾಯ ದೇವಮನುಸ್ಸಾನನ್ತಿ ಏವಮಾದಿಕಾ ಭಗವತಾ ಧಮ್ಮದೇಸನಾಯೋ ದೇಸಿತಾ।
ಏತದಗ್ಗವಗ್ಗ
ಅಞ್ಞಾಸಿಕೋಣ್ಡಞ್ಞ ವತ್ಥು
ಪುಚ್ಛಾ – ಏತದವಗ್ಗೇ
ವಿಸ್ಸಜ್ಜನಾ – ಏತದಗ್ಗವಗ್ಗೇ ಭನ್ತೇ ಆಗತೇಸು ಏಕಚತ್ತಾಲೀಸಾಯ ಮಹಾಥೇರೇಸು ‘‘ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಭಿಕ್ಖೂನಂ ರತ್ತಞ್ಞೂನಂ ಯದಿದಂ ಅಞ್ಞಾಸಿಕೋಣ್ಡಞ್ಞೋ’’ತಿ, ಏವಂ ಖೋ ಭನ್ತೇ ಆಯಸ್ಮಾ ಅಞ್ಞಾಸಿಕೋಣ್ಡಞ್ಞತ್ಥೇರೋ ಭಗವತಾ ಏತದಗ್ಗಟ್ಠಾನೇ ಠಪಿತೋ।
ಅಗ್ಗಸಾವಕವತ್ಥು
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಆಯಸ್ಮಾ ಭನ್ತೇ ಸಾರಿಪುತ್ತತ್ಥೇರೋ ಧಮ್ಮಸೇನಾಪತಿ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಭಿಕ್ಖೂನಂ ಮಹಾಪಞ್ಞಾನಂ ಯದಿದಂ ಸಾರಿಪುತ್ತೋ’’ತಿ। ಆಯಸ್ಮಾ ಪನ ಮಹಾಮೋಗ್ಗಲ್ಲಾನತ್ಥೇರೋ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಭಿಕ್ಖೂನಂ ಇದ್ಧಿಮನ್ತಾನಂ ಯದಿದಂ ಮಹಾಮೋಗ್ಗಲ್ಲಾನೋ’’ತಿ। ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತೋ।
ಇದಂ
ಮಮ ಚಿತ್ತಂ ಪಸಾದೇನ್ತೋ, ನಿಸೀದ ಪುಪ್ಫಮಾಸನೇ॥
ಯೇ
ಯಂನೂನಾಹಂ ಇಮಂ ಭಿಕ್ಖುಂ ಉಪಸಙ್ಕಮಿತ್ವಾ ಪಞ್ಹಂ ಪುಚ್ಛೇಯ್ಯಂ।
ಯೇ ಧಮ್ಮಾ ಹೇತುಪ್ಪಭವಾ,
ತೇಸಂ ಹೇತುಂ ತಥಾಗತೋ।
ಆಹ ತೇಸಞ್ಚ ಯೋ ನಿರೋಧೋ,
ಏವಂವಾದೀ ಮಹಾಸಮಣೋ –
ಲಭೇಯ್ಯಾಮ
ಏತದಗ್ಗಂ
ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಭಿಕ್ಖೂನಂ ಇದ್ಧಿಮನ್ತಾನಂ ಯದಿದಂ ಮಹಾಮೋಗ್ಗಲ್ಲಾನೋ।
ಮಹಾಕಸ್ಸಪವತ್ಥು
ಪುಚ್ಛಾ – ಆಯಸ್ಮಾ
ವಿಸ್ಸಜ್ಜನಾ – ಆಯಸ್ಮಾ ಭನ್ತೇ ಮಹಾಕಸ್ಸಪತ್ಥೇರೋ ಪಠಮಮಹಾಸಂಗೀತಿಕಾಲೇ ಸಙ್ಘಪಾಮೋಕ್ಖಭೂತೋ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಭಿಕ್ಖೂನಂ ಧುತವಾದಾನಂ ಯದಿದಂ ಮಹಾಕಸ್ಸಪೋ’’ತಿ। ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತೋ।
ಅನುರುದ್ಧತ್ಥೇರವತ್ಥು
ಪುಚ್ಛಾ – ತೇನಾವುಸೋ…ಪೇ॰…
ವಿಸ್ಸಜ್ಜನಾ – ಆಯಸ್ಮಾ
ಸೀವಲಿವತ್ಥು
ಪುಚ್ಛಾ – ಆಯಸ್ಮಾ
ವಿಸ್ಸಜ್ಜನಾ – ಆಯಸ್ಮಾ ಭನ್ತೇ ಸೀವಲಿತ್ಥೇರೋ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಭಿಕ್ಖೂನಂ ಲಾಭೀನಂ ಯದಿದಂ ಸೀವಲೀ’’ತಿ ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತೋ।
ಸಮ್ಮಾಸಮ್ಬುದ್ಧೋ
ಸುಪ್ಪಟಿಪನ್ನೋ ವತ ತಸ್ಸ ಭಗವತೋ ಸಾವಕಸಙ್ಘೋ, ಯೋ ಇಮಸ್ಸ ಏವರೂಪಸ್ಸ ದುಕ್ಖಸ್ಸ ಪಹಾನಾಯ ಪಟಿಪನ್ನೋ।
ಸುಸುಖಂ ವತ ನಿಬ್ಬಾನಂ, ಯತ್ಥಿದಂ ಏವರೂಪಂ ದುಕ್ಖಂ ನ ಸಂವಿಜ್ಜತಿ –
‘‘ಏತದಗ್ಗಂ
ಆನನ್ದಾಥೇರವತ್ಥು
ಪುಚ್ಛಾ – ಆಯಸ್ಮಾ ಪನ ಆವುಸೋ ಆನನ್ದತ್ಥೇರೋ ಧಮ್ಮಭಣ್ಡಾಗಾರಿಕೋ ಪಠಮಮಹಾಸಂಗೀತಿಕಾಲೇ ಧಮ್ಮವಿಸ್ಸಜ್ಜಕಥೇರಭೂತೋ ಕಥಂ ಭಗವತಾ ಏತದಗ್ಗಟ್ಠಾನೇ ಠಪಿತೋ।
ವಿಸ್ಸಜ್ಜನಾ – ಆಯಸ್ಮಾ
ಸತಸಹಸ್ಸೇನ
ಸತಸಹಸ್ಸೇನ ಮಾಪಿತಂ।
ಸೋಭನಂ ನಾಮ ಉಯ್ಯಾನಂ।
ಪಟಿಗ್ಗಣ್ಹ ಮಹಾಮುನಿ –
‘‘ಏತದಗ್ಗಂ
ಉಪಾಲಿವತ್ಥು
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಆಯಸ್ಮಾ ಭನ್ತೇ ಉಪಾಲಿತ್ಥೇರೋ ಪಠಮಮಹಾಸಂಗೀತಿಕಾಲೇ ವಿನಯವಿಸ್ಸಜ್ಜಕಭೂತೋ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಭಿಕ್ಖೂನಂ ವಿನಯಧರಾನಂ ಯದಿದಂ ಉಪಾಲೀ’’ತಿ ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತೋ।
ವಿನಯೋ ವಾಸಯೋ ಮಯ್ಹಂ,
ವಿನಯೋ ಠಾನಚಙ್ಕಮಂ।
ಕಪ್ಪೇಮಿ ವಿನಯೇ ವಾಸಂ,
ವಿನಯೋ ಮಮ ಗೋಚರೋ॥
ಮಹಾಪಜಾಪತಿಗೋತಮೀಥೇರೀವತ್ಥು
ಪುಚ್ಛಾ – ಏತದಗ್ಗವಗ್ಗೇ
ವಿಸ್ಸಜ್ಜನಾ – ಏತದಗ್ಗವಗ್ಗೇ
‘‘ಏತದಗ್ಗಂ
ಪುಚ್ಛಾ – ಖೇಮಾಥೇರೀ ಪನ ಆವುಸೋ ಅಗ್ಗಸಾವಿಕಾ ಭಗವತಾ ಕಥಂ ಏತದಗ್ಗಟ್ಠಾನೇ ಠಪಿತಾ।
ವಿಸ್ಸಜ್ಜನಾ – ಖೇಮಾಥೇರೀ ಭನ್ತೇ ಪಠಮಾ ಅಗ್ಗಸಾವಿಕಾ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಭಿಕ್ಖುನೀನಂ ಮಹಾಪಞ್ಞಾನಂ ಯದಿದಂ ಖೇಮಾ’’ತಿ ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತಾ।
‘‘ಯೇ ರಾಗರತ್ತಾನುಪತನ್ತಿ ಸೋತಂ,
ಸಯಂಕತಂ ಮಕ್ಕಟೋವ ಜಾಲಂ,
ಏತಮ್ಪಿ ಛೇತ್ವಾನ ವಜನ್ತಿ ಧೀರಾ।
ಅನಪೇಕ್ಖಿನೋ ಸಬ್ಬದುಕ್ಖಂ ಪಹಾಯ’’ –
‘‘ಏತದಗ್ಗಂ
ಪುಚ್ಛಾ – ಉಪ್ಪಲವಣ್ಣಾ ಪನ ಆವುಸೋ ಥೇರೀ ದುತಿಯಅಗ್ಗಸಾವಿಕಾ ಭಗವತಾ ಕಥಂ ಏತದಗ್ಗಟ್ಠಾನೇ ಠಪಿತಾ।
ವಿಸ್ಸಜ್ಜನಾ – ಉಪ್ಪಲವಣ್ಣಾ ಭನ್ತೇ ಥೇರೀ ದುತಿಯಅಗ್ಗಸಾವಿಕಾ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಭಿಕ್ಖುನೀನಂ ಇದ್ಧಿಮನ್ತೀನಂ ಯದಿದಂ ಉಪ್ಪಲವಣ್ಣಾ’’ತಿ ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತಾ।
‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಭಿಕ್ಖುನೀನಂ ಇದ್ಧಿಮನ್ತೀನಂ ಯದಿದಂ ಉಪ್ಪಲವಣ್ಣಾ’’ –
ಪಟಾಚಾರಾಥೇರೀಭಿಕ್ಖುನೀಮವತ್ಥು
ಪುಚ್ಛಾ – ತೇನಾವುಸೋ ಭಗವತಾ…ಪೇ॰… ಸಮ್ಮಾಸಮ್ಬುದ್ಧೇನ ಅಙ್ಗುತ್ತರನಿಕಾಯೇ ಏಕಕನಿಪಾತೇ ಏತದಗ್ಗವಗ್ಗೇ ಆಗತಾಸು ತೇರಸಸು ಥೇರೀಸು ಪಟಾಚಾರಾನಾಮ ಥೇರೀ ಕಥಂ ಏತದಗ್ಗಟ್ಠಾನೇ ಠಪಿತಾ।
ವಿಸ್ಸಜ್ಜನಾ – ಏತದಗ್ಗವಗ್ಗೇ ಭನ್ತೇ ಆಗತಾಸು ತೇರಸಸು ಥೇರಿಕಾಸು ಪಟಾಚಾರಾ ಥೇರೀ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಭಿಕ್ಖುನೀನಂ ವಿನಯಧರಾನಂ ಯದಿದಂ ಪಟಾಚಾರಾ’’ತಿ ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತಾ।
‘‘ಉಭೋ ಪುತ್ತಾ ಕಾಲಙ್ಕತಾ,
ಪನ್ಥೇ ಮಯ್ಹಂ ಪತೀ ಮತೋ।
ಮಾತಾಪಿತಾ ಚ ಭಾತಾ ಚ,
ಏಕಚಿತಕಸ್ಮಿಂ ಡಯ್ಹರೇ’’ –
‘‘ಚತೂಸು ಸಮುದ್ದೇಸು ಜಲಂ ಪರಿತ್ತಕಂ,
ತತೋ ಬಹುಂ ಅಸ್ಸುಜಲಂ ಅನಪ್ಪಕಂ।
ದುಕ್ಖೇನ ಫುಟ್ಠಸ್ಸ ನರಸ್ಸ ಸೋಚನಾ,
ಕಿಂ ಕಾರಣಾ ಅಮ್ಮ ತುವಂ ಪಮಜ್ಜಸಿ’’ –
‘‘ನ
ನ ಪಿತಾ ನಾಪಿ ಬನ್ಧವಾ।
ಅನ್ತಕೇನಾಧಿಪನ್ನಸ್ಸ,
ನತ್ಥಿ ಞಾತೀಸು ತಾಣತಾ।
ಏತಮತ್ಥವಸಂ ಞತ್ವಾ, ಪಣ್ಡಿತೋ ಸೀಲಸಂವುತೋ।
ನಿಬ್ಬಾನಗಮನಂ ಮಗ್ಗಂ, ಖಿಪ್ಪಮೇವ ವಿಸೋಧಯೇ’’ –
‘‘ಯೋ
ಅಪಸ್ಸಂ ಉದಯಬ್ಬಯಂ।
ಏಕಾಹಂ ಜೀವಿತಂ ಸೇಯ್ಯೋ,
ಪಸ್ಸತೋ ಉದಯಬ್ಬಯಂ’’ –
‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಭಿಕ್ಖುನೀನಂ ವಿನಯಧರಾನಂ ಯದಿದಂ ಪಟಾಚಾರಾ’’ –
ಧಮ್ಮದಿನ್ನಾಥೇರೀಭಿಕ್ಖುನೀಮವತ್ಥು
ಪುಚ್ಛಾ – ಧಮ್ಮದಿನ್ನಾ
ವಿಸ್ಸಜ್ಜನಾ – ಧಮ್ಮದಿನ್ನಾ ಭನ್ತೇ ಥೇರೀ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಭಿಕ್ಖುನೀನಂ ಧಮ್ಮಕಥಿಕಾನಂ ಯದಿದಂ ಧಮ್ಮದಿನ್ನಾ’’ತಿ ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತಾ।
‘‘ಯಸ್ಸ
ಮಜ್ಝೇಚ ನತ್ಥಿ ಕಿಞ್ಚನಂ।
ಅಕಿಞ್ಚನಂ ಅನಾದಾನಂ,
ತಮಹಂ ಬ್ರೂಮಿ ಬ್ರಾಹ್ಮಣಂ’’ –
‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಭಿಕ್ಖುನೀನಂ ಧಮ್ಮಕಥಿಕಾನಂ ಯದಿದಂ ಧಮ್ಮದಿನ್ನಾ’’ –
ಯಸೋಧರಾಥೇರೀಭಿಕ್ಖುನೀಮವತ್ಥು
ಪುಚ್ಛಾ – ಭದ್ದಕಚ್ಚಾನಾನಾಮ ಆವುಸೋ ಯಸೋಧರಾಥೇರೀ ಭಗವತಾ ಕಥಂ ಏತದಗ್ಗಟ್ಠಾನೇ ಠಪಿತಾ।
ವಿಸ್ಸಜ್ಜನಾ – ಭದ್ದಕಚ್ಚಾನಾ
‘‘ಏತದಗ್ಗಂ
ತಪುಸ್ಸಭಲ್ಲಿಕವತ್ಥು
ಪುಚ್ಛಾ – ಅಙ್ಗುತ್ತರನಿಕಾಯೇ
ವಿಸ್ಸಜ್ಜನಾ – ತಪುಸ್ಸಭಲ್ಲಿಕಾ ಭನ್ತೇ ವಾಣಿಜಾ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಉಪಾಸಕಾನಂ ಪಠಮಂ ಸರಣಂ ಗಚ್ಛನ್ತಾನಂ ಯದಿದಂ ತಪುಸ್ಸಭಲ್ಲಿಕಾ ವಾಣಿಜಾ’’ತಿ, ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತಾ।
‘‘ಏತೇ
‘‘ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಉಪಾಸಕಾನಂ ಪಠಮಂ ಸರಣಂ ಗಚ್ಛನ್ತಾನಂ ಯದಿದಂ ತಪುಸ್ಸಭಲ್ಲಿಕಾ ವಾಣಿಜಾ’’ –
ಅನಾಥಪಿಣ್ಡಕವತ್ಥು
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಏತದಗ್ಗವಗ್ಗೇ ಭನ್ತೇ ಆಗತೇಸು ಏಕಾದಸಸು ಉಪಾಸಕೇಸು ಸುದತ್ತೋ ಗಹಪತಿ ಅನಾಥಪಿಣ್ಡಿಕೋ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಉಪಾಸಕಾನಂ ದಾಯಕಾನಂ ಯದಿದಂ ಸುದತ್ತೋ ಗಹಪತಿ ಅನಾಥಪಿಣ್ಡಿಕೋ’’ತಿ। ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತೋ।
ಏತದಗ್ಗಂ
ಸೂರಮ್ಬಟ್ಠಉಪಾಸಕಾವತ್ಥು
ಪುಚ್ಛಾ – ಸೂರಮ್ಬಟ್ಠೋ ನಾಮ ಆವುಸೋ ಉಪಾಸಕೋ ಭಗವತಾ ಕಥಂ ಏತದಗ್ಗಟ್ಠಾನೇ ಠಪಿತೋ।
ವಿಸ್ಸಜ್ಜನಾ – ಸೂರಮ್ಬಟ್ಠೋ ಉಪಾಸಕೋ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಕಾನಂ ಉಪಾಸಕಾನಂ ಅವೇಚ್ಚಪ್ಪಸನ್ನಾನಂ ಯದಿದಂ ಸೂರಮ್ಬಟ್ಠೋ’’ತಿ ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತೋ।
‘‘ಏತದಗ್ಗಂ
ಸುಜಾತಾ ಉಪಾಸಿಕಾವತ್ಥು
ಪುಚ್ಛಾ – ಏತದಗ್ಗವಗ್ಗೇ
ವಿಸ್ಸಜ್ಜನಾ – ಸುಜಾತಾ ಭನ್ತೇ ಸೇನಿಯಧೀತಾ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಉಪಾಸಿಕಾನಂ ಪಠಮಂ ಸರಣಂ ಗಚ್ಛನ್ತೀನಂ ಯದಿದಂ ಸುಜಾತಾ ಸೇನಿಯಧೀತಾ’’ತಿ, ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತಾ।
‘‘ಏತಾ
‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಉಪಾಸಿಕಾನಂ ಪಠಮಂ ಸರಣಂ ಗಚ್ಛನ್ತೀನಂ ಯದಿದಂ ಸುಜಾತಾ ಸೇನಿಯಧೀತಾ’’ –
ವಿಸಾಖಾ ಉಪಾಸಿಕಾವತ್ಥು
ಪುಚ್ಛಾ – ವಿಸಾಖಾ
ವಿಸ್ಸಜ್ಜನಾ – ವಿಸಾಖಾ ಭನ್ತೇ ಉಪಾಸಿಕಾ ಮಿಗಾರಮಾತಾ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಉಪಾಸಿಕಾನಂ ದಾಯಿಕಾನಂ ಯದಿದಂ ವಿಸಾಖಾ ಮಿಗಾರಮಾತಾ’’ತಿ ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತಾ।
‘‘ಏತದಗ್ಗಂ
ಖುಜ್ಜುತ್ತರಾ ಉಪಾಸಿಕಾವತ್ಥು
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಏತದಗ್ಗವಗ್ಗೇ ಭನ್ತೇ ಆಗತಾಸು ದಸಸು ಉಪಾಸಿಕಾಸು ಖುಜ್ಜುತ್ತರಾ ಉಪಾಸಿಕಾ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಉಪಾಸಿಕಾನಂ ಬಹುಸ್ಸುತಾನಂ ಯದಿದಂ ಖುಜ್ಜುತ್ತರಾ’’ತಿ ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತಾ।
‘‘ಏತದಗ್ಗಂ
ಕಾಳೀಉಪಾಸಿಕಾವತ್ಥು
ಪುಚ್ಛಾ – ಕಾಳೀನಾಮ ಆವುಸೋ ಉಪಾಸಿಕಾ ಕುರರಘರಿಕಾ ಕಥಂ ಭಗವತಾ ಏತದಗ್ಗಟ್ಠಾನೇ ಠಪಿತಾ।
ವಿಸ್ಸಜ್ಜನಾ – ಕಾಳೀ ಭನ್ತೇ ಉಪಾಸಿಕಾ ಕುರರಘರಿಕಾ ‘‘ಏತದಗ್ಗಂ ಭಿಕ್ಖವೇ ಮಮ ಸಾವಿಕಾನಂ ಅನುಸ್ಸವಪ್ಪಸನ್ನಾನಂ ಯದಿದಂ ಕಾಳೀ ಉಪಾಸಿಕಾ ಕುರರಘರಿಕಾ’’ತಿ ಏವಂ ಖೋ ಭನ್ತೇ ಭಗವತಾ ಏತದಗ್ಗಟ್ಠಾನೇ ಠಪಿತಾ।
‘‘ಏತದಗ್ಗಂ
ಅಟ್ಠಾನಪಾಳಿ
ಪುಚ್ಛಾ – ಸಕಲಾಪಿ
ವಿಸ್ಸಜ್ಜನಾ – ಅಟ್ಠಾನಮೇತಂ ಭಿಕ್ಖವೇ ಅನವಕಾಸೋ, ಯಂ ದಿಟ್ಠಿಸಮ್ಪನ್ನೋ ಪುಗ್ಗಲೋ ಕಞ್ಚಿಸಙ್ಖಾರಂ ನಿಚ್ಚತೋ ಉಪಗಚ್ಛೇಯ್ಯ, ನೇತಂ ಠಾನಂ ವಿಜ್ಜತಿ। ಠಾನಞ್ಚ ಖೋ ಏತಂ ಭಿಕ್ಖವೇ ವಿಜ್ಜತಿ, ಯಂ ಪುಥುಜ್ಜನೋ ಕಞ್ಚಿಸಙ್ಖಾರಂ ನಿಚ್ಚತೋ ಉಪಗಚ್ಛೇಯ್ಯ, ಠಾನಮೇತಂ ವಿಜ್ಜತೀತಿ ಏವಮಾದಿನಾ ಭನ್ತೇ ಭಗವತಾ ಸಕಲಾಪಿ ಅಟ್ಠಾನಪಾಳಿ ಭಾಸಿತಾ।
ಏಕಧಮ್ಮಪಾಳಿ ಪಠಮವಗ್ಗ
ಪುಚ್ಛಾ – ಏಕಧಮ್ಮಪಾಳಿಯಂ
ವಿಸ್ಸಜ್ಜನಾ – ಏಕಧಮ್ಮಪಾಳಿಯಂ ಭನ್ತೇ ಪಠಮವಗ್ಗೇ ‘‘ಏಕಧಮ್ಮೋ ಭಿಕ್ಖವೇ ಭಾವಿತೋ ಬಹುಲೀಕತೋ ಏಕನ್ತನಿಬ್ಬಿದಾಯ ವಿರಾಗಾಯ ನಿರೋಧಾಯ ಉಪಸಮಾಯ ಅಭಿಞ್ಞಾಯ ಸಮ್ಬೋಧಾಯ ನಿಬ್ಬಾನಾಯ ಸಂವತ್ತತಿ। ಕತಮೋ ಏಕಧಮ್ಮೋ, ಬುದ್ಧಾನುಸ್ಸತಿ, ಅಯಂ ಖೋ ಭಿಕ್ಖವೇ ಏಕಧಮ್ಮೋ ಭಾವಿತೋ ಬಹುಲೀಕತೋ ಏಕನ್ತನಿಬ್ಬಿದಾಯ ವಿರಾಗಾಯ ನಿರೋಧಾಯ ಉಪಸಮಾಯ ಅಭಿಞ್ಞಾಯ ಸಮ್ಬೋಧಾಯ ನಿಬ್ಬಾನಾಯ ಸಂವತ್ತತೀ’’ತಿ ಏವಮಾದಿಕಾ ಭಗವತಾ ಧಮ್ಮದೇಸನಾ ದೇಸಿತಾ।
ಪುಚ್ಛಾ – ದುತಿಯವಗ್ಗೇ
ವಿಸ್ಸಜ್ಜನಾ – ದುತಿಯವಗ್ಗೇ
ತತಿಯವಗ್ಗ
ಪುಚ್ಛಾ – ತತಿಯವಗ್ಗೇ
ವಿಸ್ಸಜ್ಜನಾ – ತತಿಯವಗ್ಗೇ ಭನ್ತೇ ಪಞ್ಚಮಾದೀನಿ ಅಟ್ಠಸುತ್ತಾನಿ ‘‘ದುರಕ್ಖಾತೇ ಭಿಕ್ಖವೇ ಧಮ್ಮವಿನಯೇ ಯೋ ಚ ಸಮಾದಪೇತಿ, ಯಞ್ಚ ಸಮಾದಪೇತಿ, ಯೋ ಚ ಸಮಾದಪಿತೋ ತಥತ್ತಾಯ ಪಟಿಪಜ್ಜತಿ। ಸಬ್ಬೇತೇ ಬಹುಂ ಅಪುಞ್ಞಂ ಪಸವನ್ತಿ। ತಂಕಿಸ್ಸಹೇತು, ದುರಕ್ಖಾಭತ್ತಾ ಭಿಕ್ಖವೇ ಧಮ್ಮಸ್ಸ। ಸ್ವಾಕ್ಖಾತೇ ಭಿಕ್ಖವೇ ಧಮ್ಮವಿನಯೇ ಯೋ ಚ ಸಮಾದಪೇತಿ, ಯಞ್ಚ ಸಮಾದಪೇತಿ, ಯೋ ಚ ಸಮಾದಪಿತೋ, ತಥತ್ತಾಯ ಪಟಿಪಜ್ಜತಿ, ಸಬ್ಬೇತೇ ಬಹುಂ ಪುಞ್ಞಂ ಪಸವನ್ತಿ। ತಂಕಿಸ್ಸಹೇತು ಸ್ವಾಕ್ಖಾತತ್ತಾ ಭಿಕ್ಖವೇ ಧಮ್ಮಸ್ಸಾ’’ತಿ ಏವಮಾದಿನಾ ಭಗವತಾ ಭಾಸಿತಾನಿ।
ಅಪರ ಅಚ್ಛರಾಸಙ್ಘಾತವಗ್ಗ
ಪುಚ್ಛಾ – ಅಪರಅಚ್ಛರಾಸಙ್ಘಾತವಗ್ಗೇ
ವಿಸ್ಸಜ್ಜನಾ – ಅಪರಅಚ್ಛರಾಸಙ್ಘಾತವಗ್ಗೇ ಭನ್ತೇ ‘‘ಅಚ್ಛರಾಸಙ್ಘಾತಮತ್ತಮ್ಪಿ ಚೇ ಭಿಕ್ಖವೇ ಭಿಕ್ಖು ಪಠಮಂ ಝಾನಂ ಭಾವೇತಿ, ಅಯಂ ವುಚ್ಚತಿ ಭಿಕ್ಖವೇ ಭಿಕ್ಖು ಅರಿತ್ತಜ್ಝಾನೋ ವಿಹರತಿ ಸತ್ಥುಸಾಸನಕರೋ ಓವಾದಪತಿಕರೋ ಅಮೋಘಂ ರಟ್ಠಪಿಣ್ಡಂ ಭುಞ್ಜತಿ, ಕೋ ಪನ ವಾದೋ ಯೇ ನಂ ಬಹುಲೀಕರೋನ್ತೀ’’ತಿ ಏವಮಾದಿಕಾ ಭನ್ತೇ ಭಗವತಾ ಧಮ್ಮದೇಸನಾಯೋ ದೇಸಿತಾ।
ಕಾಯಗತಾಸತಿವಗ್ಗ
ಪುಚ್ಛಾ – ಸಕಲೋಪಿ
ವಿಸ್ಸಜ್ಜನಾ – ಯಸ್ಸ ಕಸ್ಸಚಿ ಭಿಕ್ಖವೇ ಮಹಾಸಮುದ್ದೋ ಚೇತಸಾ ಫುಟೋ, ಅನ್ತೋಗಧಾ ತಸ್ಸ ಕುನ್ನದಿಯೋ ಯಾಕಾಚಿ ಸಮುದ್ದಙ್ಗಮಾ, ಏವಮೇವ ಭಿಕ್ಖವೇ ಯಸ್ಸ ಕಸ್ಸಚಿ ಕಾಯಗತಾಸತಿ ಭಾವಿತಾ ಬಹುಲೀಕತಾ, ಅನ್ತೋಗಧಾ ತಸ್ಸ ಕುಸಲಾ ಧಮ್ಮಾ ಯೇಕೇಚಿ ವಿಜ್ಜಾಭಾಗಿಯಾ’’ತಿ ಏವಮಾದಿನಾ ಭನ್ತೇ ಭಗವತಾ ಸಕಲೋಪಿ ಕಾಯಗತಾಸತಿವಗ್ಗೋ ಭಾಸಿತೋ।
ಅಮತವಗ್ಗ
ಪುಚ್ಛಾ – ಸಕಲೋಪಿ
ವಿಸ್ಸಜ್ಜನಾ – ಅಮತಂ ತೇ ಭಿಕ್ಖವೇ ನ ಪರಿಭುಞ್ಜನ್ತಿ, ಯೇ ಕಾಯಗತಾಸತಿಂ ನ ಪರಿಭುಞ್ಜನ್ತಿ। ಅಮತಂ ತೇ ಭಿಕ್ಖವೇ ಪರಿಭುಞ್ಜನ್ತಿ, ಯೇ ಕಾಯಗತಾಸತಿಂ ಪರಿಭುಞ್ಜನ್ತಿ। ಅಮತಂ ತೇ ಭಿಕ್ಖವೇ ಅಪರಿಭುತ್ತಂ, ಯೇಸಂ ಕಾಯಗತಾಸತಿ ಅಪರಿಭುತ್ತಾ। ಅಮತಂ ತೇ ಭಿಕ್ಖವೇ ಪರಿಭುತ್ತಂ, ಯೇಸಂ ಕಾಯಗತಾಸತಿ ಪರಿಭುತ್ತಾತಿ ಏವಮಾದಿನಾ ಭನ್ತೇ ಭಗವತಾ ಸಕಲೋಪಿ ಅಮತವಗ್ಗೋ ಭಾಸಿತೋ।
ಕಮ್ಮಕರಣವಗ್ಗ, ವಜ್ಜಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲಾನಂ ಭಿಕ್ಖೂನಂ ‘‘ದ್ವೇಮಾನಿ ಭಿಕ್ಖವೇ ವಜ್ಜಾನಿ। ಕತಮಾನಿ ದ್ವೇ ದಿಟ್ಠಧಮ್ಮಿಕಞ್ಚ ವಜ್ಜಂ ಸಮ್ಪರಾಯಿಕಞ್ಚ ವಜ್ಜ’’ನ್ತಿ ಏವಮಾದಿನಾ ಭಗವತಾ ಭಾಸಿತಂ।
ತಸ್ಮಾತಿಹ
ಪಧಾನಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಸಾವತ್ಥಿಯಂಯೇವ ಭನ್ತೇ ಸಮ್ಬಹುಲಾನಂ ಭಿಕ್ಖೂನಂ ‘‘ದ್ವೇಮಾನಿ ಭಿಕ್ಖವೇ ಪಧಾನಾನಿ ದುರಭಿಸಮ್ಭವಾನಿ ಲೋಕಸ್ಮಿಂ। ಕತಮಾನಿ ದ್ವೇ, ಯಞ್ಚ ಗಿಹೀನಂ ಅಗಾರಂ ಅಜ್ಝಾವಸತಂ ಚೀವರಪಿಣ್ಡಪಾತಸೇನಾಸನಗಿಲಾನಪಚ್ಚಯಭೇಸಜ್ಜಪರಿಕ್ಖಾರಾನುಪ್ಪಾದನತ್ಥಂ ಪಧಾನಂ, ಯಞ್ಚ ಅಗಾರಸ್ಮಾ ಅನಗಾರಿಯಂ ಪಬ್ಬಜಿತಾನಂ ಸಬ್ಬೂಪಧಿಪಟಿನಿಸ್ಸಗ್ಗತ್ತಂ ಪಧಾನಂ। ಇಮಾನಿ ಖೋ ಭಿಕ್ಖವೇ ದ್ವೇ ಪಧಾನಾನಿ ದುರಭಿಸಮ್ಭವಾನಿ ಲೋಕಸ್ಮಿ’’ನ್ತಿ ಏವಮಾದಿನಾ ಭಗವತಾ ಭಾಸಿತಂ।
ತಪನೀಯಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ದ್ವೇಮೇ ಭಿಕ್ಖವೇ ಧಮ್ಮಾ ತಪನೀಯಾ। ಕತಮೇ ದ್ವೇ, ಇಧ ಭಿಕ್ಖವೇ ಏಕಚ್ಚಸ್ಸ ಕಾಯದುಚ್ಚರಿತಂ ಕತಂ ಹೋತಿ, ಅಕತಂ ಹೋತಿ ಕಾಯ ಸುಚರಿತಂ, ವಚೀದುಚ್ಚರಿತಂ ಕತಂ ಹೋತಿ, ಅಕತಂ ಹೋತಿ ವಚೀಸುಚರಿತಂ, ಮನೋದುಚ್ಚರಿತಂ ಕತಂ ಹೋತಿ, ಅಕತಂ ಹೋತಿ ಮನೋಸುಚರಿತಂ। ಸೋ ‘‘ಕಾಯದುಚ್ಚರಿತಂ ಮೇ ಕತ’’ನ್ತಿ ತಪ್ಪತಿ, ‘‘ಅಕತಂ ಮೇ ಕಾಯಸುಚರಿತ’’ನ್ತಿ ತಪ್ಪತಿ। ವಚೀದುಚ್ಚರಿತಂ (ಪ) ‘‘ಮನೋದುಚ್ಚರಿತಂ ಮೇ ಕತ’’ನ್ತಿ ತಪ್ಪತಿ, ‘‘ಅಕತಂ ಮೇ ಮನೋಸುಚರಿತ’’ನ್ತಿ ತಪ್ಪತಿ। ಇಮೇ ಖೋ ಭಿಕ್ಖವೇ ದ್ವೇ ಧಮ್ಮಾ ತಪನೀಯಾತಿ। ಏವಂ ಖೋ ಭನ್ತೇ ಭಗವತಾ ಭಾಸಿತಂ।
ಅತಪನೀಯಸುತ್ತ
ಪುಚ್ಛಾ – ಚತುತ್ಥಂ
ವಿಸ್ಸಜ್ಜನಾ – ಚತುತ್ಥಂ ಭನ್ತೇ ಅತಪನೀಯಸುತ್ತಂ ‘‘ದ್ವೇಮೇ ಭಿಕ್ಖವೇ ಧಮ್ಮಾ ಅತಪನೀಯಾ। ಕತಮೇ ದ್ವೇ, ಇಧ ಭಿಕ್ಖವೇ ಏಕಚ್ಚಸ್ಸ ಕಾಯಸುಚರಿತಂ ಕತಂ ಹೋತಿ, ಅಕತಂ ಹೋತಿ ಕಾಯದುಚ್ಚರಿತಂ। ವಚೀಸುಚರಿತಂ ಕತಂ ಹೋತಿ, ಅಕತಂ ಹೋತಿ ವಚೀದುಚ್ಚರಿತಂ। ಮನೋಸುಚರಿತಂ ಕತಂ ಹೋತಿ, ಅಕತಂ ಹೋತಿ ಮನೋದುಚ್ಚರಿತಂ। ಸೋ ‘ಕಾಯಸುಚರಿತಂ ಮೇ ಕತ’ನ್ತಿ ನ ತಪ್ಪತಿ, ‘ಅಕತಂ ಮೇ ಕಾಯದುಚ್ಚರಿತ’ನ್ತಿ ನತಪ್ಪತಿ। ‘ವಚೀಸುಚರಿತಂ…ಪೇ॰… ಮನೋಸುಚರಿತಂ ಮೇ ಕತ’ನ್ತಿ ನ ತಪ್ಪತಿ। ‘ಅಕತಂ ಮೇ ಮನೋದುಚ್ಚರಿತ’ನ್ತಿ ನ ತಪ್ಪತಿ। ಇಮೇ ಖೋ ಭಿಕ್ಖವೇ ದ್ವೇ ಧಮ್ಮಾ ಅತಪನೀಯಾ’’ತಿ। ಏವಂ ಖೋ ಭನ್ತೇ ಭಗವತಾ ಭಾಸಿತಂ।
ಉಪಞ್ಞಾತಸುತ್ತ
ಪುಚ್ಛಾ – ಪಞ್ಚಮಂ
ವಿಸ್ಸಜ್ಜನಾ – ಪಞ್ಚಮಂ ಭನ್ತೇ ಉಪಞ್ಞಾತಸುತ್ತಂ ‘‘ದ್ವಿನ್ನಾಹಂ ಭಿಕ್ಖವೇ ಧಮ್ಮಾನಂ ಉಪಞ್ಞಾಸಿಂ। ಯಾ ಚ ಅಸನ್ತುಟ್ಠಿತಾ ಕುಸಲೇಸು ಧಮ್ಮೇಸು, ಯಾ ಚ ಅಪ್ಪಟಿವಾನಿತಾ ಪಧಾನಸ್ಮಿಂ। ಅಪ್ಪಟಿವಾನಿ ಸುದಾಹಂ ಭಿಕ್ಖವೇ ಪದಹಾಮಿ ‘ಕಾಮಂ-ತಚೋ ಚ ನ್ಹಾರು ಚ ಅಟ್ಠಿ ಚ ಅವಸಿಸ್ಸತು ಉಪಸುಸ್ಸತು ಸರೀರೇ ಮಂಸಲೋಹಿತಂ, ಯಂ
ಚರಿಯಸುತ್ತ
ಪುಚ್ಛಾ – ನವಮಂ
ವಿಸ್ಸಜ್ಜನಾ – ನವಮಂ ಭನ್ತೇ ಚರಿಯಸುತ್ತಂ ‘‘ದ್ವೇಮೇ ಭಿಕ್ಖವೇ ಧಮ್ಮಾ ಸುಕ್ಕಾ ಲೋಕಂ ಪಾಲೇನ್ತಿ। ಕತಮೇ ದ್ವೇ, ಹಿರೀಚ ಓತ್ತಪ್ಪಞ್ಚ। ಇಮೇ ಖೋ ಭಿಕ್ಖವೇ ದ್ವೇ ಸುಕ್ಕಾ ಧಮ್ಮಾ ಲೋಕಂ ನ ಪಾಲೇಯ್ಯುಂ, ನಯಿಧ ಪಞ್ಞಾಯೇಥ ‘ಮಾತಾ’ತಿವಾ ‘ಮಾತುಚ್ಛಾ’ತಿವಾ ‘ಮಾತುಲಾನೀ’ತಿವಾ ‘ಆಚರಿಯಭರಿಯಾ’ತಿವಾ ‘ಗರೂನಂ ದಾರಾ’ತಿ’’ವಾತಿ, ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಅಧಿಕರಣವಗ್ಗ, ಸತ್ತಮಸುತ್ತ
ಪುಚ್ಛಾ – ಅಧಿಕರಣವಗ್ಗೇ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಜಾಣುಸ್ಸೋಣಿಂ ಬ್ರಾಹ್ಮಣಂ ಆರಬ್ಭ ಭಾಸಿತಂ। ಜಾಣುಸ್ಸೋಣಿ ಭನ್ತೇ ಬ್ರಾಹ್ಮಣೋ ಭಗವನ್ತಂ ಏತದವೋಚ ‘‘ಕೋ ನು ಖೋ ಭೋ ಗೋತಮ ಹೇತು ಕೋ ಪಚ್ಚಯೋ, ಯೇನ ಮಿಧೇಕಚ್ಚೇ ಸತ್ತಾ ಕಾಯಸ್ಸ ಭೇದಾ ಪರಂಮರಣಾ ಅಪಾಯಂ ದುಗ್ಗತಿಂ ವಿನಿಪಾತಂ ನಿರಯಂ ಉಪಪಜ್ಜನ್ತೀ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಕತತ್ತಾ ಚ ಬ್ರಾಹ್ಮಣ ಅಕತತ್ತಾ ಚ ಏವಮಿಧೇಕಚ್ಚೇ ಸತ್ತಾ ಕಾಯಸ್ಸ ಭೇದಾ ಪರಂಮರಣಾ ಅಪಾಯಂ ದುಗ್ಗತಿಂ ವಿನಿಪಾತಂ ನಿರಯಂ ಉಪಪಜ್ಜನ್ತೀ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಕೋ
‘‘ಕತತ್ತಾಚ ಬ್ರಾಹ್ಮಣ ಅಕತತ್ತಾಚ ಏವಮಿಧೇಕಚ್ಚೇ ಸತ್ತಾ ಕಾಯಸ್ಸ ಭೇದಾ ಪರಂ ಮರಣಾ ಅಪಾಯಂ ದುಗ್ಗತಿಂ ವಿನಿಪಾತಂ ನಿರಯಂ ಉಪಪಜ್ಜನ್ತಿ’’ –
ಕೋ
ಕತತ್ತಾ ಚ ಬ್ರಾಹ್ಮಣ ಅಕತತ್ತಾ ಚ ಏವಮಿಧೇಕಚ್ಚೇ ಸತ್ತಾ ಕಾಯಸ್ಸ ಭೇದಾ ಪರಂ ಮರಣಾ ಸುಗತಿಂ ಸಗ್ಗಂ ಲೋಕಂ ಉಪಪಜ್ಜನ್ತಿ।
ನ ಖೋ ಅಹಂ ಇಮಸ್ಸ ಭೋತೋ ಗೋತಮಸ್ಸ ಸಂಖಿತ್ತೇನ ಭಾಸಿತಸ್ಸ ವಿತ್ಥಾರೇನ ಅತ್ಥಂ ಅವಿಭತ್ತಸ್ಸ ವಿತ್ಥಾರೇನ ಅತ್ಥಂ –
ಸಾಧು ಮೇ ಭವಂ ಗೋತಮೋ ತಥಾ ಧಮ್ಮಂ ದೇಸೇತು।
ಅಟ್ಠಮಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಆಯಸ್ಮತೋ ಆನನ್ದಸ್ಸ ‘‘ಏಕಂಸೇನಾಹಂ ಆನನ್ದ ಅಕರಣೀಯಂ ವದಾಮಿ ಕಾಯದುಚ್ಚರಿತಂ ಮನೋದುಚ್ಚರಿತ’’ನ್ತಿ ಏವಮಾದಿನಾ ಭಗವತಾ ಭಾಸಿತಂ।
‘‘ಏಕಂಸೇನಾಹಂ
ನವಮಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಅಕುಸಲಂ
ದಸಮಸುತ್ತ, ಏಕಾದಸಮಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ದಸಮಏಕಾದಸಮಸುತ್ತಾನಿ ‘‘ದ್ವೇಮೇ ಭಿಕ್ಖವೇ ಧಮ್ಮಾ ಸದ್ಧಮ್ಮಸ್ಸ ಸಮ್ಮೋಸಾಯ ಅನ್ತರಧಾನಾಯ ಸಂವತ್ತನ್ತಿ। ಕತಮೇ ದ್ವೇ, ದುನ್ನಿಕ್ಖಿತ್ತಞ್ಚ ಪದಬ್ಯಞ್ಜನಂ ಅತ್ಥೋ ಚ ದುನ್ನೀತೋ, ದುನ್ನಿಕ್ಖಿತ್ತಸ್ಸ ಭಿಕ್ಖವೇ ಪದಬ್ಯಞ್ಜನಸ್ಸ ಅತ್ಥೋಪಿ ದುನ್ನಯೋ ಹೋತಿ। ಇಮೇ ಖೋ ಭಿಕ್ಖವೇ ದ್ವೇ ಧಮ್ಮಾ ಸದ್ಧಮ್ಮಸ್ಸ ಸಮ್ಮೋಸಾಯ ಅನ್ತರಧಾನಾಯ ಸಂವತ್ತನ್ತೀ’’ತಿ ಚ। ‘‘ದ್ವೇಮೇ ಭಿಕ್ಖವೇ ಧಮ್ಮಾ ಸದ್ಧಮ್ಮಸ್ಸ ಠಿತಿಯಾ ಅಸಮ್ಮೋಸಾಯ ಅನನ್ತರಧಾನಾಯ ಸಂವತ್ತನ್ತಿ। ಕತಮೇ ದ್ವೇ, ಸುನಿಕ್ಖಿತ್ತಞ್ಚ ಪದಬ್ಯಞ್ಜನಂ ಅತ್ಥೋ ಚ ಸುನೀತೋ, ಸುನಿಕ್ಖಿತ್ತಸ್ಸ ಭಿಕ್ಖವೇ ಪದಬ್ಯಞ್ಜನಸ್ಸ ಅತ್ಥೋಪಿ ಸುನಯೋ ಹೋತಿ। ಇಮೇ ಖೋ ಭಿಕ್ಖವೇ ದ್ವೇ ಧಮ್ಮಾ ಸದ್ಧಮ್ಮಸ್ಸ ಠಿತಿಯಾ ಅಸಮ್ಮೋಸಾಯ ಅನನ್ತರಧಾನಾಯ ಸಂವತ್ತನ್ತೀ’’ತಿ ಚ। ಏವಂ ಖೋ ಭನ್ತೇ ಭಗವತಾ ಭಾಸಿತಾನಿ।
ಬಾಲವಗ್ಗ
ದುತಿಯಸುತ್ತ
ಪುಚ್ಛಾ – ಬಾಲವಗ್ಗೇ
ವಿಸ್ಸಜ್ಜನಾ – ಬಾಲವಗ್ಗೇ ಭನ್ತೇ ದುತಿಯಂ ಸುತ್ತಂ ‘‘ದ್ವೇಮೇ ಭಿಕ್ಖವೇ ತಥಾಗತಂ ಅಬ್ಭಾಚಿಕ್ಖನ್ತಿ। ಕತಮೇ ದ್ವೇ, ದುಟ್ಠೋ ವಾ ದೋಸನ್ತರೋ ಸದ್ಧೋ ವಾ ದುಗ್ಗಹಿತೇನ। ಇಮೇ ಖೋ ಭಿಕ್ಖವೇ ದ್ವೇ ತಥಾಗತಂ ಅಬ್ಭಾಚಿಕ್ಖನ್ತೀ’’ತಿ, ಏವಂ ಖೋ ಭನ್ತೇ ಭಗವತಾ ಭಾಸಿತಂ।
ತತಿಯಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ತತಿಯಸುತ್ತಂ ಭಗವತಾ ‘‘ದ್ವೇಮೇ ಭಿಕ್ಖವೇ ತಥಾಗತಂ ಅಬ್ಭಾಚಿಕ್ಖನ್ತಿ। ಕತಮೇ ದ್ವೇ, ಯೋ ಚ ಅಭಾಸಿತಂ ಅಲಪಿತಂ ತಥಾಗತೇನ ‘ಭಾಸಿತಂ ಲಪಿತಂ ತಥಾಗತೇನಾ’ತಿ ದೀಪೇತಿ। ಯೋ ಚ ಭಾಸಿತಂ ಲಪಿತಂ ತಥಾಗತೇನ ‘ಅಭಾಸಿತಂ ಅಲಪಿತಂ ತಥಾಗತೇನಾತಿ’
ಚತುತ್ಥವಗ್ಗ, ಪಞ್ಚಮಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಚತುತ್ಥಪಞ್ಚಮಸುತ್ತಾನಿ ‘‘ದ್ವೇಮೇ ಭಿಕ್ಖವೇ ತಥಾಗತಂ ಅಬ್ಭಾಚಿಕ್ಖನ್ತಿ। ಕತಮೇ ದ್ವೇ, ಯೋ ಚ ನೇಯ್ಯತ್ಥಂ ಸುತ್ತನ್ತಂ ‘ನೀತತ್ಥೋ ಸುತ್ತನ್ತೋ’ತಿ
ಸಮಚಿತ್ತವಗ್ಗ, ಪಠಮಸುತ್ತ
ಪುಚ್ಛಾ – ಸಮಚಿತ್ತವಗ್ಗೇ
ವಿಸ್ಸಜ್ಜನಾ – ಸಮಚಿತ್ತವಗ್ಗೇ ಭನ್ತೇ ಪಠಮಸುತ್ತಂ ‘‘ಅಸಪ್ಪುರಿಸಭೂಮಿಞ್ಚ ವೋ ಭಿಕ್ಖವೇ ದೇಸೇಸ್ಸಾಮಿ ಸಪ್ಪುರಿಸಭೂಮಿಞ್ಚ, ತಂ ಸುಣಾಥ ಸಾಧುಕಂ ಮನಸಿಕರೋಥ, ಭಾಸಿಸ್ಸಾಮೀ’’ತಿ, ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ದುತಿಯಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ದುತಿಯಸುತ್ತಂ ‘‘ದ್ವಿನ್ನಾಹಂ ಭಿಕ್ಖವೇ ನ ಸುಪ್ಪತಿಕಾರ ವದಾಮಿ। ಕತಮೇಸಂ ದ್ವಿನ್ನಂ, ಮಾತು ಚ ಪಿತು ಚಾ’’ತಿ, ಏವಮಾದಿನಾ ಭಗವತಾ ಭಾಸಿತಂ।
ಸಮಚಿತ್ತಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲಾನಂ ಭಿಕ್ಖೂನಂ ‘‘ಅಜ್ಝತ್ತಸಂಯೋಜನಞ್ಚ ಆವುಸೋ ಪುಗ್ಗಲಂ ದೇಸೇಸ್ಸಾಮಿ ಬಹಿದ್ಧಾಸಂಯೋಜನಞ್ಚ, ತಂಸುಣಾಥ
ಸಾಧುಕಂ
ಓವಾದ
ಪುಚ್ಛಾ – ಕಥಞ್ಚ
ವಿಸ್ಸಜ್ಜನಾ – ತತ್ಥ ಭನ್ತೇ ಭಗವಾ ‘‘ತಸ್ಮಾತಿಹ ಸಾರಿಪುತ್ತ ಏವಂ ಸಿಕ್ಖಿತಬ್ಬಂ ‘ಸನ್ತಿನ್ದ್ರಿಯಾ ಭವಿಸ್ಸಾಮ ಸನ್ತಮಾನಸಾ’ತಿ। ಏವಞ್ಹಿ ವೋ ಸಾರಿಪುತ್ತ ಸಿಕ್ಖಿತಬ್ಬ’’ನ್ತಿ ಏವಮಾದಿನಾ ಓವಾದಮದಾಸಿ।
‘‘ಏಸೋ ಭನ್ತೇ ಆಯಸ್ಮಾ ಸಾರಿಪುತ್ತೋ ಪುಬ್ಬಾರಾಮೇ ಮಿಗಾರಮಾತುಪಾಸಾ ದೇ ಭಿಕ್ಖೂನಂ ಅಜ್ಝತ್ತಸಂಯೋಜನಞ್ಚ ಪುಗ್ಗಲಂ ದೇಸೇತಿ ಬಹಿದ್ಧಾ ಸಂಯೋಜನಞ್ಚ’’ –
ಸಾಧು
ತಾ ಖೋ ಪನ ಸಾರಿಪುತ್ತ ದೇವತಾ ದಸಪಿ ಹುತ್ವಾ ವೀಸಮ್ಪಿ ಹುತ್ವಾ ತಿಂಸಮ್ಪಿ ಹುತ್ವಾ ಚತ್ತಾಲೀಸಮ್ಪಿ ಹುತ್ವಾ ಪಞ್ಞಾಸಮ್ಪಿ ಹುತ್ವಾ ಸಟ್ಠಿಪಿ ಹುತ್ವಾ ಆರಗ್ಗಕೋಟಿನಿತುದನಮತ್ತೇಪಿ ತಿಟ್ಠನ್ತಿ, ನ ಚ ಅಞ್ಞಮಞ್ಞಂ ಬ್ಯಾಬಾಧೇನ್ತಿ–
ತಸ್ಮಾತಿಹ
ಪರಿಸವಗ್ಗ
ಉತ್ತಾನಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಪಠಮಂ ಭನ್ತೇ ಉತ್ತಾನಸುತ್ತಂ ‘‘ದ್ವೇಮಾ ಸಿಕ್ಖವೇ ಪರಿಸಾ, ಕತಮಾ ದ್ವೇ, ಉತ್ತಾನಾ ಚ ಪರಿಸಾ ಗಮ್ಭೀರಾ ಚ ಪರಿಸಾ, ಕತಮಾ ಚ ಭಿಕ್ಖವೇ ಉತ್ತಾನಾ ಪರಿಸಾ, ಇಧ ಭಿಕ್ಖವೇ ಯಸ್ಸಂ ಪರಿಸಾಯಂ ಭಿಕ್ಖೂ ಉದ್ಧತಾ ಹೋನ್ತಿ ಉನ್ನಳಾ ಚಪಲಾ ಮುಖರಾ ವಿಕಿಣ್ಣವಾಚಾ ಮುಟ್ಠಸ್ಸತೀ ಅಸಮ್ಪಜಾನಾ ಅಸಮಾಹಿತಾ ವಿಬ್ಭನ್ತಚಿತ್ತಾ ಪಾಕತಿನ್ದ್ರಿಯಾ। ಅಯಂ ವುಚ್ಚತಿ ಭಿಕ್ಖವೇ ಉತ್ತಾನಾ ಪರಿಸಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸೋಪರಿಸತ್ತಕ
ಏತದಗ್ಗಂ ಭಿಕ್ಖವೇ ಇಮಾಸಂ ದ್ವಿನ್ನಂ ಪರಿಸಾನಂ ಯದಿದಂ ಗಮ್ಭೀರಾ ಪರಿಸಾ।
ಅನಗ್ಗವತೀಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ತತಿಯಂ ಅನಗ್ಗವತೀಸುತ್ತಂ ‘‘ದ್ವೇಮಾ ಭಿಕ್ಖವೇ ಪರಿಸಾ। ಕತಮಾ ದ್ವೇ, ಅನಗ್ಗವತೀ ಚ ಪರಿಸಾ ಅಗ್ಗವತೀ ಚ ಪರಿಸಾ। ಕತಮಾ ಚ ಭಿಕ್ಖವೇ ಅನಗ್ಗವತೀ ಪರಿಸಾ, ಇಧ ಭಿಕ್ಖವೇ ಯಸ್ಸಂ ಪರಿಸಾಯಂ ಥೇರಾ ಭಿಕ್ಖೂ ಬಾಹುಲಿಕಾ ಹೋನ್ತಿ ಸಾಥಲಿಕಾ, ಓಕ್ಕಮನೇ ಪುಬ್ಬಙ್ಗಮಾ, ಪವಿವೇಕೇ ನಿಕ್ಖಿತ್ತಧುರಾ, ನ ವೀರಿಯಂ ಆರಭನ್ತಿ ಅಪ್ಪತ್ತಸ್ಸ ಪತ್ತಿಯಾ ಅನಧಿಗತಸ್ಸ ಅಧಿಗಮಾಯ ಅಸಚ್ಛಿಕಭಸ್ಸ ಸಚ್ಛಿಕಿರಿಯಾಯಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಓಕ್ಕಾಚಿತವಿನೀತಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಛಟ್ಠಂ ಓಕ್ಕಾಚಿತವಿನೀತಸುತ್ತಂ ‘‘ದ್ವೇಮಾ ಭಿಕ್ಖವೇ ಪರಿಸಾ। ಕತಮಾ ದ್ವೇ, ಓಕ್ಕಾಚಿತವಿನೀತಾ ಪರಿಸಾ ನೋ ಪಟಿಪುಚ್ಛಾವಿನೀತಾ, ಪಟಿಪುಚ್ಛಾ ವಿನೀತಾ ಪರಿಸಾ ನೋ ಓಕ್ಕಾಚಿತವಿನೀತಾ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಪುಗ್ಗಲವಗ್ಗ
ಅಸನ್ತಸನ್ನಿವಾಸಸುತ್ತ
ಪುಚ್ಛಾ – ಪುಗ್ಗಲವಗ್ಗೇ
ವಿಸ್ಸಜ್ಜನಾ – ಪುಗ್ಗಲವಗ್ಗೇ ಭನ್ತೇ ಏಕಾದಸಮಂ ಅಸನ್ತಸನ್ನಿವಾಸಸುತ್ತಂ ‘‘ಅಸನ್ತಸನ್ನಿವಾಸಞ್ಚ ವೋ ಭಿಕ್ಖವೇ ದೇಸೇಸ್ಸಾಮಿ ಸನ್ತಸನ್ನಿವಾಸಞ್ಚ, ತಂ ಸುಣಾಥ, ಸಾಧುಕಂ ಮನಸಿಕರೋಥ ಭಾಸಿಸ್ಸಾಮೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸುಖವಗ್ಗ
ಪುಚ್ಛಾ – ಸುಖವಗ್ಗೇ
ವಿಸ್ಸಜ್ಜನಾ – ಸುಖವಗ್ಗೇ ಭನ್ತೇ ಭಗವತಾ ‘‘ದ್ವೇಮಾನಿ ಭಿಕ್ಖವೇ ಸುಖಾನಿ। ಕತಮಾನಿ ದ್ವೇ, ಗಿಹಿಸುಖಞ್ಚ ಪಬ್ಬಜಿತಸುಖಞ್ಚ, ಇಮಾನಿ ಖೋ ಭಿಕ್ಖವೇ ದ್ವೇ ಸುಖಾನಿ। ಏತದಗ್ಗಂ ಭಿಕ್ಖವೇ ಇಮೇಸಂ ದ್ವಿನ್ನಂ ಸುಖಾನಂ ಯದಿದಂ ಪಬ್ಬಜಿತಸುಖ’’ನ್ತಿ ಏವಮಾದಿಕಾ ಧಮ್ಮದೇಸನಾಯೋ ದೇಸಿತಾ।
ಆಯಾಚನವಗ್ಗ
ಪುಚ್ಛಾ – ಆಯಾಚನವಗ್ಗೇ
ವಿಸ್ಸಜ್ಜನಾ – ಆಯಾಚನವಗ್ಗೇ ಭನ್ತೇ ಪಠಮಾದೀನಿ ಚತ್ತಾರಿ ಸುತ್ತಾನಿ ‘‘ಸದ್ಧೋ ಭಿಕ್ಖವೇ ಭಿಕ್ಖು ಏವಂ ಸಮ್ಮಾ ಆಯಾಚಮಾನೋ ಆಯಾಚೇಯ್ಯ ತಾದಿಸೋ ಹೋಮಿ, ಯಾದಿಸಾ ಸಾರಿಪುತ್ತಮೋಗ್ಗಲ್ಲಾನಾ’’ತಿ, ಏವಮಾದಿನಾ ಭಗವತಾ ಭಾಸಿತಾನಿ।
ಅವಣ್ಣಾರಹಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಪಞ್ಚಮಂ ಅವಣ್ಣಾರಹಸುತ್ತಂ ‘‘ದ್ವೀಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಬಾಲೋ ಅಬ್ಯತ್ತೋ ಅಸಪ್ಪುರಿಸೋ ಏತಂ ಉಪಹತಂ ಅತ್ತಾನಂ ಪರಿಹರತಿ, ಸಾವಜ್ಜೋ ಚ ಹೋತಿ ಸಾನುವಜ್ಜೋ ಚ ವಿಞ್ಞೂನಂ, ಬಹುಞ್ಚ ಅಪುಞ್ಞಂ ಪಸವತೀ’’ತಿ, ಏವಮಾದಿನಾ ಭಗವತಾ ಭಾಸಿತಂ।
ಅಪ್ಪಸಾದನೀಯಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಛಟ್ಠಂ ಭನ್ತೇ ಅಪ್ಪಸಾದನೀಯಸುತ್ತಂ ‘‘ದ್ವೀಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಬಾಲೋ ಅಬ್ಯತ್ತೋ ಅಸಪ್ಪುರಿಸೋ ಏತಂ ಉಪಹತಂ ಅತ್ತಾನಂ ಪರಿಹರತಿ, ಸಾವಜ್ಜೋ ಚ ಹೋತಿ ಸಾನುವಜ್ಜೋ ಚ ವಿಞ್ಞೂನಂ, ಬಹುಞ್ಚ ಅಪುಞ್ಞಂ ಪಸವತಿ। ಕತಮೇಹಿ ದ್ವೀಹಿ, ಅನನುವಿಚ್ಚ ಅಪರಿಯೋಗಾಹೇತ್ವಾ ಅಪ್ಪಸಾದನೀಯೇ ಠಾನೇ ಪಸಾದಂ ಉಪದಂಸೇತಿ, ಅನನುವಿಚ್ಚ ಅಪರಿಯೋ ಗಾಹೇತ್ವಾ ಪಸಾದನೀಯೇ ಠಾನೇ ಅಪ್ಪಸಾದಂ ಉಪದಂಸೇತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಮಾತಾಪಿತುಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಸತ್ತಮಂ ಮಾತಾಪಿತುಸುತ್ತಂ ‘‘ದ್ವೀಸು ಭಿಕ್ಖವೇ ಮಿಚ್ಛಾ ಪಟಿಪಜ್ಜಮಾನೋ ಬಾಲೋ ಅಬ್ಯತ್ತೋ ಅಸಪ್ಪುರಿಸೋ ಏತಂ ಉಪಹತಂ ಅತ್ತಾನಂ ಪರಿಹರತಿ, ಸಾವಜ್ಜೋ ಚ ಹೋಹಿ ಸಾನುವಜ್ಜೋ ಚ ವಿಞ್ಞೂನಂ, ಬಹುಞ್ಚ ಅಪುಞ್ಞಂ ಪಸವತಿ। ಕತಮೇಸು ದ್ವೀಸು, ಮಾತರಿ ಚ ಪಿತರಿ ಚಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ತಥಾಗತಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ
ತಿಕನಿಪಾತ
ಬಾಲವಗ್ಗ, ಭಯಸುತ್ತ
ಪುಚ್ಛಾ – ತಿಕನಿಪಾತೇ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲಾನಂ ‘‘ಯಾನಿ ಕಾನಿಚಿ ಭಿಕ್ಖವೇ ಭಯಾನಿ ಉಪ್ಪಜ್ಜನ್ತಿ, ಸಬ್ಬಾನಿ ತಾನಿ ಬಾಲತೋ ಉಪ್ಪಜ್ಜನ್ತಿ ನೋ ಪಣ್ಡಿತತೋ। ಯೇ ಕೇಚಿ ಉಪ್ಪದ್ದವಾ ಉಪ್ಪಜ್ಜನ್ತಿ, ಸಬ್ಬೇತೇ ಬಾಲತೋ ಉಪ್ಪಜ್ಜನ್ತಿ ನೋ ಪಣ್ಡಿತತೋ। ಯೇಕೇಚಿ ಉಪಸಗ್ಗಾ ಉಪ್ಪಜ್ಜನ್ತಿ, ಸಬ್ಬೇತೇ ಬಾಲತೋ ಉಪ್ಪಜ್ಜನ್ತಿ ನೋ ಪಣ್ಡಿತತೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಚಿನ್ತೀಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಚಿನ್ತೀಸುತ್ತಂ ‘‘ತೀಣಿಮಾನಿ ಭಿಕ್ಖವೇ ಬಾಲಸ್ಸ ಬಾಲಲಕ್ಖಣಾನಿ
ಅಚ್ಚಯಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಚತುತ್ಥಂ ಅಚ್ಚಯಸುತ್ತಂ ‘‘ತೀಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಬಾಲೋ ವೇದಿತಬ್ಬೋ। ಕತಮೇಹಿ ತೀಹಿ, ಅಚ್ಚಯಂ ಅಚ್ಚಯತೋ ದಿಸ್ವಾ ಯಥಾಧಮ್ಮಂ ನಪ್ಪಟಿಕರೋತಿ, ಪರಸ್ಸ ಖೋ ಪನ ಅಚ್ಚಯಂ ದೇಸೇನ್ತಸ್ಸ ಯಥಾಧಮ್ಮಂ ನಪ್ಪಟಿಗ್ಗಣ್ಹಾತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಮಲಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ದಸಮಂ ಮಲಸುತ್ತಂ ‘‘ತೀಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ತಯೋ ಮಲೇ ಅಪ್ಪಹಾಯ ಯಥಾಭತಂ ನಿಕ್ಖಿತ್ತೋ ಏವಂ ನಿರಯೇ। ಕತಮೇಹಿ ತೀಹಿ, ದುಸ್ಸೀಲೋ ಚ ಹೋತಿ, ದುಸ್ಸೀಲ್ಯಮಲಞ್ಚಸ್ಸ ಅಪ್ಪಹೀನಂ ಹೋತಿ। ಇಸ್ಸುಕೀ ಚ ಹೋತಿ, ಇಸ್ಸಾಮಲಞ್ಚಸ್ಸ ಅಪ್ಪಹೀನಂ ಹೋತಿ। ಮಚ್ಛರೀ ಚ ಹೋತಿ, ಮಚ್ಛರಮಲಞ್ಚಸ್ಸ ಅಪ್ಪಹೀನಂ ಹೋತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ರಥಕಾರವಗ್ಗ, ಞಾತಸುತ್ತ
ಪುಚ್ಛಾ – ರಥಕಾರವಗ್ಗೇ
ವಿಸ್ಸಜ್ಜನಾ – ಪಠಮಂ ಭನ್ತೇ ಞಾತಸುತ್ತಂ ‘‘ತೀಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಞಾತೋ ಭಿಕ್ಖು ಬಹುಜನಅಹಿತಾಯ ಪಟಿಪನ್ನೋ ಹೋತಿ ಬಹುಜನ ದುಕ್ಖಾಯ ಬಹುನೋ ಜನಸ್ಸ ಅನತ್ಥಾಯ ಅಹಿತಾಯ ದುಕ್ಖಾಯ ದೇವಮನುಸ್ಸಾನಂ। ಕತಮೇಹಿ ತೀಹಿ, ಅನನುಲೋಮಿಕೇ ಕಾಯಕಮ್ಮೇ ಸಮಾದಪೇತಿ, ಅನನುಲೋಮಿಕೇ ವಚೀಕಮ್ಮೇ ಸಮಾದಪೇತಿ, ಅನನುಲೋಮಿಕೇಸು ಧಮ್ಮೇಸು ಸಮಾದಪೇತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಆಸಂಸಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ತತಿಯಂ ಆಸಂಸಸುತ್ತಂ ‘‘ತಯೋಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ತಯೋ ನಿರಾಸೋ ಆಸಂಸೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸಚೇತನಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಬಾರಾಣಸಿಯಂ ಭನ್ತೇ ಸಮ್ಬಹುಲಾನಂ ಭಿಕ್ಖೂನಂ ಆರಬ್ಭ ‘‘ಭೂತಪುಬ್ಬಂ ಭಿಕ್ಖವೇ ರಾಜಾ ಅಹೋಸಿ ಸಚೇತನೋ ನಾಮ, ಅಥ ಖೋ ಭಿಕ್ಖವೇ ರಾಜಾ ಸಚೇತನೋ ರಥಕಾರಂ ಆಮನ್ತೇಸಿ ಇತೋ ಮೇ ಸಮ್ಮ ರಥಕಾರ ಛನ್ನಂ ಮಾಸಾನಂ ಪಚ್ಚಯೇನ ಸಙ್ಗಾಮೋ ಭವಿಸ್ಸತಿ ಸಕ್ಖಿಸ್ಸಸಿ ಮೇ ಸಮ್ಮ ರಥಕಾರ ನವಂ ಚಕ್ಕಯುಗಂ ಕಾತು’’ನ್ತಿ ಏವಮಾದಿನಾ ಭಗವತಾ ಭಾಸಿತಂ।
ಅಪಣ್ಣಕಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಛಟ್ಠಂ ಭನ್ತೇ ಅಪಣ್ಣಕಸುತ್ತಂ ‘‘ತೀಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಭಿಕ್ಖು ಅಪಣ್ಣಕಪಟಿಪದಂ ಪಟಿಪನ್ನೋ ಹೋತಿ, ಯೋನಿ ಚಸ್ಸ ಆರದ್ಧಾ ಹೋತಿ ಆಸವಾನಂ ಖಯಾಯ। ಕತಮೇಹಿ ತೀಹಿ, ಇಧ ಭಿಕ್ಖವೇ ಭಿಕ್ಖು ಇನ್ದ್ರಿಯೇಸು ಗುತ್ತದ್ವಾರೋ ಹೋತಿ, ಭೋಜನೇ ಮತ್ತಞ್ಞೂ ಹೋತಿ, ಜಾಗರಿಯಮನುಯುತ್ತೋ ಹೋತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ದೇವಲೋಕಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಅಟ್ಠಮಂ ದೇವಲೋಕಸುತ್ತಂ ‘‘ಸಚೇ ವೋ ಭಿಕ್ಖವೇ ಅಞ್ಞತಿತ್ಥಿಯಾ ಪರಿಬ್ಬಾಜಕಾ ಏವಂ ಪುಚ್ಛೇಯ್ಯುಂ ‘‘ದೇವಲೋಕೂಪಪತ್ತಿಯಾ ಆವುಸೋ ಸಮಣೇ ಗೋತಮೇ ಬ್ರಹ್ಮಚರಿಯಂ ವುಸ್ಸಥಾ’ತಿ। ನನು ತುಮ್ಹೇ ಭಿಕ್ಖವೇ
ಪಠಮ ಪಾಪಣಿಕಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ನವಮಂ ಪಠಮಪಾಪಣಿಕಸುತ್ತಂ ‘‘ತೀಹಿ ಭಿಕ್ಖವೇ ಅಙ್ಗೇಹಿ ಸಮನ್ನಾಗತೋ ಪಾಪಣಿಕೋ ಅಭಬ್ಬೋ ಅನಧಿಗತಂ ವಾ ಭೋಗಂ ಅಧಿಗನ್ತುಂ, ಅಧಿಗತಂ ವಾ ಭೋಗಂ ಫಾತಿಂ ಕಾತುಂ। ಕತಮೇಹಿ ತೀಹಿ, ಇಧ ಭಿಕ್ಖವೇ ಪಾಪಣಿಕೋ ಪುಬ್ಬಣ್ಹಸಮಯಂ ನ ಸಕ್ಕಚ್ಚಂ ಕಮ್ಮನ್ತಂ ಅಧಿಟ್ಠಾತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಪುಗ್ಗಲವಗ್ಗ
ಗಿಲಾನಸುತ್ತ
ಪುಚ್ಛಾ – ಪುಗ್ಗಲವಗ್ಗೇ
ವಿಸ್ಸಜ್ಜನಾ – ಪುಗ್ಗಲವಗ್ಗೇ ಭನ್ತೇ ದುತಿಯಂ ಗಿಲಾನಸುತ್ತಂ ‘‘ತಯೋಮೇ ಭಿಕ್ಖವೇ ಗಿಲಾನಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ತಯೋ, ಇಧ ಭಿಕ್ಖವೇ ಏಕಚ್ಚೋ ಗಿಲಾನೋ ಲಭನ್ತೋ ವಾ ಸಪ್ಪಾಯಾನಿ ಭೋಜನಾನಿ ಅಲಭನ್ತೋ ವಾ ಸಪ್ಪಾಯಾನಿ ಭೋಜನಾನಿ, ಲಭನ್ತೋ ವಾ ಸಪ್ಪಾಯಾನಿ ಭೇಸಜ್ಜಾನಿ ಅಲಭನ್ತೋ ವಾ ಸಪ್ಪಾಯಾನಿ ಭೇಸಜ್ಜಾನಿ, ಲಭನ್ತೋ ವಾ ಪತಿರೂಪಂ ಉಪಟ್ಠಾಕಂ ಅಲಭನ್ತೋ ವಾ ಪತಿರೂಪಂ ಉಪಟ್ಠಾಕಂ ವುಟ್ಠಾತಿ ತಮ್ಹಾ ಆಬಾಧಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಬಹುಕಾರಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ
ಜಿಗುಚ್ಛಿತಬ್ಬಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಸತ್ತಮಂ ಭನ್ತೇ ಜಿಗುಚ್ಛಿತಬ್ಬಸುತ್ತಂ ‘‘ತಯೋಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ತಯೋ, ಅತ್ಥಿ ಭಿಕ್ಖವೇ ಪುಗ್ಗಲೋ ಜಿಗುಚ್ಛಿತಬ್ಬೋ ನ ಸೇವಿತಬ್ಬೋ ನ ಭಜಿತಬ್ಬೋ ನ ಪಯಿರುಪಾಸಿತಬ್ಬೋ, ಅತ್ಥಿ ಭಿಕ್ಖವೇ ಪುಗ್ಗಲೋ ಅಜ್ಝುಪೇಕ್ಖಿತಬ್ಬೋ ನ ಸೇವಿತಬ್ಬೋ ನ ಭಜಿತಬ್ಬೋ ನ ಪಯಿರುಪಾಸಿತಬ್ಬೋ, ಅತ್ಥಿ ಭಿಕ್ಖವೇ ಪುಗ್ಗಲೋ ಸೇವಿತಬ್ಬೋ ಭಜಿತಬ್ಬೋ ಪಯಿರುಪಾಸಿತಬ್ಬೋ’’ತಿ ಏವಂ ಖೋ ಭನ್ತೇ ಭಗವತಾ ಭಾಸಿತಂ।
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ‘‘ಕತಮೋ ಚ ಭಿಕ್ಖವೇ ಪುಗ್ಗಲೋ ಜಿಗುಚ್ಛಿತಬ್ಬೋ ನ ಸೇವಿತಬ್ಬೋ ನ ಭಜಿತಬ್ಬೋ ನ ಪಯಿರುಪಾಸಿತಬ್ಬೋ। ಇಧ ಭಿಕ್ಖವೇ ಏಕಚ್ಚೋ ದುಸ್ಸೀಲೋ ಹೋತಿ ಪಾಪಧಮ್ಮೋ ಅಸುಚಿಸಙ್ಕಸ್ಸರಸಮಾಚಾರೋ ಪಟಿಚ್ಛನ್ನಕಮ್ಮನ್ತೋ ಅಸ್ಸಮಣೋ ಸಮಣಪಟಿಞ್ಞೋ ಅಬ್ರಹ್ಮಚಾರೀ ಬ್ರಹ್ಮಚಾರಿಪಟಿಞ್ಞೋ ಅನ್ತೋಪೂತಿ ಅವಸ್ಸುತೋ ಕಸಮ್ಬುಜಾತೋ, ಏವರೂಪೋ ಭಿಕ್ಖವೇ ಪುಗ್ಗಲೋ ಜಿಗುಚ್ಛಿತಬ್ಬೋ ನ ಸೇವಿತಬ್ಬೋ ನ ಭಜಿತಬ್ಬೋ ನ ಪಯಿರುಪಾಸಿತಬ್ಬೋ’’ತಿ ಏವಮಾದಿನಾ ಭನ್ತೇ ಭಗವತಾ ಜಿಗುಚ್ಛಿತಬ್ಬೋ ನ ಸೇವಿತಬ್ಬೋ ನ ಭಜಿತಬ್ಬೋ ನ ಪಯಿರುಪಾಸಿತಬ್ಬೋ ಪುಗ್ಗಲೋ ಪಕಾಸಿತೋ।
ಪುಚ್ಛಾ – ಕಥಂ
ವಿಸ್ಸಜ್ಜನಾ – ಕತಮೋ ಚ ಭಿಕ್ಖವೇ ಪುಗ್ಗಲೋ ಅಜ್ಝುಪೇಕ್ಖಿತಬ್ಬೋ ನ ಸೇವಿತಬ್ಬೋ ನ ಭಜಿತಬ್ಬೋ ನ ಪಯಿರುಪಾಸಿತಬ್ಬೋ, ಇಧ ಭಿಕ್ಖವೇ ಏಕಚ್ಚೋ ಪುಗ್ಗಲೋ ಕೋಧನೋ ಹೋತಿ ಉಪಾಯಾಸಬಹುಲೋ, ಅಪ್ಪಮ್ಪಿ ವುತ್ತೋ ಸಮಾನೋ ಅಭಿಸಜ್ಜತಿ ಕುಪ್ಪತಿ ಬ್ಯಾಪಜ್ಜತಿ ಪತಿತ್ಥೀಯತಿ, ಕೋಪಞ್ಚ ದೋಸಞ್ಚ ಅಪ್ಪಚ್ಚಯಞ್ಚ ಪಾತುಕರೋತೀ’’ತಿ ಏವಮಾದಿನಾ ಭನ್ತೇ ಭಗವತಾ ತತ್ಥ ಅಜ್ಝುಪೇಕ್ಖಿತಬ್ಬೋ ನ ಸೇವಿತಬ್ಬೋ ನ ಭಜಿತಬ್ಬೋ ನ ಪಯಿರುಪಾಸಿತಬ್ಬೋ ಪುಗ್ಗಲೋ ಪಕಾಸಿತೋ।
ಪುಚ್ಛಾ – ಕಥಂ
ವಿಸ್ಸಜ್ಜನಾ – ‘‘ಕತಮೋ ಚ ಭಿಕ್ಖವೇ ಪುಗ್ಗಲೋ ಸೇವಿತಬ್ಬೋ ಭಜಿತಬ್ಬೋ ಪಯಿರುಪಾಸಿತಬ್ಬೋ, ಇಧ ಭಿಕ್ಖವೇ ಏಕಚ್ಚೋ ಪುಗ್ಗಲೋ ಸೀಲವಾ ಹೋತಿ ಕಲ್ಯಾಣಧಮ್ಮೋ, ಏವರೂಪೋ ಭಿಕ್ಖವೇ ಪುಗ್ಗಲೋ ಸೇವಿತಬ್ಬೋ ಭಜಿತಬ್ಬೋ
ಗೂಥಭಾಣೀಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಪುಗ್ಗಲವಗ್ಗೇ ಅಟ್ಠಮಂ ಗೂಥಭಾಣೀಸುತ್ತಂ ‘‘ತಯೋ ಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ತಯೋ, ಗೂಥಭಾಣೀ ಪುಪ್ಫಭಾಣೀ ಮಧುಭಾಣೀ’’ತಿ ಏವಂ ಖೋ ಭಗವತಾ ಭಾಸಿತಂ।
ಗೂಥಭಾಣೀಪುಗ್ಗಲ
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ಕತಮೋ ಚ ಭಿಕ್ಖವೇ ಪುಗ್ಗಲೋ ಗೂಥಭಾಣೀ, ಇಧ ಭಿಕ್ಖವೇ ಏಕಚ್ಚೋ ಪುಗ್ಗಲೋ ಸಭಗ್ಗತೋ ವಾ ಪರಿಸಗ್ಗತೋ ವಾ ಞಾತಿಮಜ್ಝಗತೋವಾ ಪೂಗಮಜ್ಝಗತೋವಾ ರಾಜಕುಲಮಜ್ಝಗತೋವಾ ಅಭಿನೀತೋ ಸಕ್ಖಿಪುಟ್ಠೋ ‘‘ಏಹಮ್ಭೋ ಪುರಿಸ ಯಂ ಜಾನಾಸಿ, ತಂ ವದೇಹೀ’’ತಿ। ಸೋ ಅಜಾನಂ ವಾ ಆಹ ‘‘ಜಾನಾಮೀ’’ತಿ, ಜಾನಂ ವಾ ಆಹ ‘‘ನ ಜಾನಾಮೀ’’ತಿ, ಅಪಸ್ಸಂ ವಾ ಆಹ ‘‘ಪಸ್ಸಾಮೀ’’ತಿ, ಪಸ್ಸಂ ವಾ ಆಹ ‘‘ನ ಪಸ್ಸಾಮೀ’’ತಿ। ಇತಿ ಅತ್ತಹೇತು ವಾ ಪರಹೇತು ವಾ ಆಮಿಸಕಿಞ್ಚಿಕ್ಖಹೇತು ವಾ ಸಮ್ಪಜಾನಮುಸಾ ಭಾಸಿತಾ ಹೋತಿ। ಅಯಂ ವುಚ್ಚತಿ ಭಿಕ್ಖವೇ ಪುಗ್ಗಲೋ ಗೂಥಭಾಣೀತಿ, ಏವಂ ಖೋ ಭನ್ತೇ ತತ್ಥ ಭಗವತಾ ಗೂಥಭಾಣೀಪುಗ್ಗಲೋ ಪಕಾಸಿತೋ।
ಪುಪ್ಫಭಾಣೀಪುಗ್ಗಲ
ಪುಚ್ಛಾ – ಕಥಂ
ವಿಸ್ಸಜ್ಜನಾ – ಕತಮೋ ಚ ಭಿಕ್ಖವೇ ಪುಗ್ಗಲೋ ಪುಪ್ಫಭಾಣೀ, ಇಧ ಭಿಕ್ಖವೇ ಏಕಚ್ಚೋ ಪುಗ್ಗಲೋ ಸಭಗ್ಗತೋ ವಾ ಪರಿಸಗ್ಗತೋ ವಾ ಞಾತಿಮಜ್ಝಗತೋ ವಾ ಪೂಗಮಜ್ಝಗತೋವಾ ರಾಜಕುಲಮಜ್ಝಗತೋ ವಾ ಅಭಿನೀತೋ ಸಕ್ಖಿಪುಟ್ಠೋ ‘‘ಏಹಮ್ಭೋ ಪುರಿಸ ಯಂ ಪಜಾನಾಸಿ, ತಂ ವದೇಹೀ’’ತಿ। ಸೋ ಅಜಾನಂ ವಾ ಆಹ ‘‘ನ ಜಾನಾಮೀ’’ತಿ, ಜಾನಂ ವಾ ಆಹ ‘‘ಜಾನಾಮೀ’’ತಿ, ಅಪಸ್ಸಂ ವಾ ಆಹ ‘‘ನ ಪಸ್ಸಾಮೀ’’ತಿ, ಪಸ್ಸಂ ವಾ ಆಹ ‘‘ಪಸ್ಸಾಮೀ’’ತಿ, ಇತಿ ಅತ್ತಹೇತು ವಾ ಪರಹೇತು ವಾ ಆಮಿಸಕಿಞ್ಚಿಕ್ಖಹೇತು ವಾ ನ ಸಮ್ಪಜಾನಮುಸಾ ಭಾಸಿತಾ ಹೋತಿ, ಅಯಂ ವುಚ್ಚತಿ ಭಿಕ್ಖವೇ ಪುಗ್ಗಲೋ ಪುಪ್ಫಭಾಣೀತಿ, ಏವಂ ಖೋ ಭನ್ತೇ ತತ್ಥ ಭಗವತಾ ಪುಪ್ಫಭಾಣೀಪುಗ್ಗಲೋ ಪಕಾಸಿತೋ।
ಮಧುಭಾಣೀಪುಗ್ಗಲ
ಪುಚ್ಛಾ – ಕಥಂ
ವಿಸ್ಸಜ್ಜನಾ – ಕತಮೋ ಚ ಭಿಕ್ಖವೇ ಪುಗ್ಗಲೋ ಮಧುಭಾಣೀ, ಇಧ ಭಿಕ್ಖವೇ ಏಕಚ್ಚೋ ಪುಗ್ಗಲೋ ಫರುಸಂ ವಾಚಂ ಪಹಾಯ ಫರುಸಾಯ ವಾಚಾಯ ಪಟಿವಿರತೋ
ಹೋತೀತಿ
ಅನ್ಧಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ತತ್ಥೇವ ಭನ್ತೇ ಪುಗ್ಗಲವಗ್ಗೇ ನವಮಂ ಅನ್ಧಸುತ್ತಂ ‘‘ತಯೋಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ತಯೋ ಅನ್ಧೋ ಏಕಚಕ್ಖು ದ್ವಿಚಕ್ಖೂ’’ತಿ, ಏವಂ ಖೋ ಭನ್ತೇ ಭಗವತಾ ಭಾಸಿತಂ।
ಪುಚ್ಛಾ – ಕೀದಿಸೋ ಆವುಸೋ ಪುಗ್ಗಲೋ ತತ್ಥ ಭಗವತಾ ಅನ್ಧೋ ಅಕ್ಖಾತೋ।
ವಿಸ್ಸಜ್ಜನಾ – ಯಸ್ಸ ಭನ್ತೇ ಭೋಗೇಸು ಚೇವ ಧಮ್ಮೇಸು ಚ ಪಞ್ಞಾಚಕ್ಖು ನತ್ಥಿ, ಏದಿಸೋ ಭನ್ತೇ ಪುಗ್ಗಲೋ ತತ್ಥ ಭಗವತಾ ಅನ್ಧೋ ಅಕ್ಖಾತೋ।
ಪುಚ್ಛಾ – ಕೀದಿಸೋ
ವಿಸ್ಸಜ್ಜನಾ – ಯಸ್ಸ ಭನ್ತೇ ಭೋಗೇಸುಯೇವ ಪಞ್ಞಾಚಕ್ಖು ಅತ್ಥಿ ನ ಧಮ್ಮೇಸು। ಈದಿಸೋ ಭನ್ತೇ ಪುಗ್ಗಲೋ ತತ್ಥ ಭಗವತಾ ಏಕಚಕ್ಖು ಅಕ್ಖಾತೋ।
ಪುಚ್ಛಾ – ಕೀದಿಸೋ
ವಿಸ್ಸಜ್ಜನಾ – ಯಸ್ಸ ಭನ್ತೇ ಭೋಗೇಸು ಚೇವ ಧಮ್ಮೇಸು ಚ ಪಞ್ಞಾಚಕ್ಖು ಅತ್ಥಿ, ಈದಿಸೋ ಭನ್ತೇ ಪುಗ್ಗಲೋ ತತ್ಥ ಭಗವತಾ ದ್ವಿಚಕ್ಖು ಅಕ್ಖಾತೋ।
ಅವಕುಜ್ಜಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ದಸಮಂ ಭನ್ತೇ ಅವಕುಜ್ಜಸುತ್ತಂ ‘‘ತಯೋ ಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ತಯೋ, ಅವಕುಜ್ಜಪಞ್ಞೋ ಪುಗ್ಗಲೋ ಉಚ್ಛಙ್ಗಪಞ್ಞೋ ಪುಗ್ಗಲೋ ಪುಥುಪಞ್ಞೋ ಪುಗ್ಗಲೋ। ಕತಮೋ ಚ ಭಿಕ್ಖವೇ ಅವಕುಜ್ಜಪಞ್ಞೋ ಪುಗ್ಗಲೋ। ಇಧ ಭಿಕ್ಖವೇ ಏಕಚ್ಚೋ ಪುಗ್ಗಲೋ ಆರಾಮಂ ಗನ್ತಾ ಹೋತಿ ಅಭಿಕ್ಖಣಂ ಭಿಕ್ಖೂನಂ ಸನ್ತಿಕೇ ಧಮ್ಮಸ್ಸವನಾಯ, ತಸ್ಸ ಭಿಕ್ಖೂ ಧಮ್ಮಂ ದೇಸೇನ್ತಿಆದಿಕಲ್ಯಾಣಂ ಮಜ್ಝೇಕಲ್ಯಾಣಂ ಪರಿಯೋಸಾನಕಲ್ಯಾಣಂ ಸಾತ್ಥಂ ಸಬ್ಯಞ್ಜನಂ ಕೇವಲಪರಿಪುಣ್ಣಂ ಪರಿಸುದ್ಧಂ
ದೇವದೂತವಗ್ಗ, ಸಬ್ರಹ್ಮಕಸುತ್ತ
ಪುಚ್ಛಾ – ದೇವದೂತವಗ್ಗೇ
ವಿಸ್ಸಜ್ಜನಾ – ದೇವದೂತವಗ್ಗೇ ಭನ್ತೇ ಪಠಮಂ ಸಬ್ರಹ್ಮಕಸುತ್ತಂ ‘‘ಸಬ್ರಹ್ಮಕಾನಿ ಭಿಕ್ಖವೇ ತಾನಿ ಕುಲಾನಿ, ಯೇಸಂ ಪುತ್ತಾನಂ ಮಾತಾಪಿತರೋ ಅಜ್ಝಾಗಾರೇ ಪೂಜಿತಾ ಹೋನ್ತಿ। ಸಪುಬ್ಬಚರಿಯಕಾನಿ ಭಿಕ್ಖವೇ ತಾನಿ ಕುಲಾನಿ, ಯೇಸಂ ಪುತ್ತಾನಂ ಮಾತಾಪಿತರೋ ಅಜ್ಝಾಗಾರೇ ಪೂಜಿತಾ ಹೋನ್ತಿ। ಆಹುನೇಯ್ಯಾನಿ ಭಿಕ್ಖವೇ ತಾನಿ ಕುಲಾನಿ, ಯೇಸಂ ಪುತ್ತಾನಂ ಮಾತಾಪಿತರೋ ಅಜ್ಝಾಗಾರೇ ಪೂಜಿತಾ ಹೋನ್ತಿ। ಬ್ರಹ್ಮಾತಿ ಭಿಕ್ಖವೇ ಮಾತಾಪಿತೂನಂ ಏತಂ ಅಧಿವಚನಂ। ಪುಬ್ಬಾಚರಿಯಾತಿ ಭಿಕ್ಖವೇ ಮಾತಾಪಿತೂನಂ ಏತಂ ಅಧಿವಚನಂ। ಆಹುನೇಯ್ಯಾತಿ ಭಿಕ್ಖವೇ ಏತಂ ಮಾತಾಪಿತೂನಂ ಅಧಿವಚನಂ। ತಂ ಕಿಸ್ಸ ಹೇತು, ಬಹುಕಾರಾ ಭಿಕ್ಖವೇ ಮಾತಾಪಿತರೋ ಪುತ್ತಾನಂ ಆಪಾದಕಾ ಪೋಸಕಾ ಇಮಸ್ಸ ಲೋಕಸ್ಸ ದಸ್ಸೇತಾರೋ’’ತಿ, ಏವಂ ಖೋ ಭನ್ತೇ ಭಗವತಾ ಭಾಸಿತಂ।
ಬ್ರಹ್ಮಾತಿ
ಆಹುನೇಯ್ಯಾ ಚ ಪುತ್ತಾನಂ, ಪಜಾಯ ಅನುಕಮ್ಪಕಾ।
ತಸ್ಮಾ ಹಿ ನೇ ನಮಸ್ಸೇಯ್ಯ, ಸಕ್ಕರೇಯ್ಯ ಚ ಪಣ್ಡಿತೋ।
ಅನ್ನೇನ ಅಥ ಪಾನೇನ, ವತ್ಥೇನ ಸಯನೇನ ಚ।
ಉಚ್ಛಾದನೇನ ನ್ಹಾಪನೇನ, ಪಾದಾನಂ ಧೋವನೇನ ಚ।
ತಾಯ ನಂ ಪಾರಿಚರಿಯಾಯ, ಮಾತಾಪಿತೂಸು ಪಣ್ಡಿತಾ॥
ಇಧೇವ ನಂ ಪಸಂಸನ್ತಿ, ಪೇಚ್ಚ ಸಗ್ಗೇ ಪಮೋದತೀತಿ –
ಪುಚ್ಛಾ – ತತ್ಥೇವ ಆವುಸೋ ಪಞ್ಚಮಂ ಹತ್ಥಕಸುತ್ತಂ ಭಗವತಾ ಕಥಂ ಭಾಸಿತಂ।
ವಿಸ್ಸಜ್ಜನಾ – ಪಞ್ಚಮಂ ಭನ್ತೇ ಹತ್ಥಕಸುತ್ತಂ ಆಳವಿಯಂ ಹತ್ಥಕಂ ಆಳವಕಂ ಆರಬ್ಭ ಭಾಸಿತಂ। ಹತ್ಥಕೋ ಭನ್ತೇ ಆಳವಕೋ ಭಗವನ್ತಂ ಏತದವೋಚ ‘‘ಕಚ್ಚಿ ಭನ್ತೇ ಭಗವಾ ಸುಖಮಸಯಿತ್ಥಾ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಏವಂ ಕುಮಾರ ಸುಖಮಸಯಿತ್ಥ ಯೇ ಚ ಪನ ಲೋಕೇ ಸುಖಂ ಸೇನ್ತಿ, ಅಹಂ ತೇಸಂ ಅಞ್ಞತರೋ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
‘‘ಕಚ್ಚಿ
‘‘ಏವಂ ಕುಮಾರ ಸುಖಮಸಯಿತ್ಥ, ಯೇ ಚ ಪನ ಲೋಕೇ ಸುಖಂ ಸೇನ್ತಿ, ಅಹಂ ತೇಸಂ ಅಞ್ಞತರೋ’’।
‘‘ಏವಂ
‘‘ಸಬ್ಬದಾ
ಬ್ರಾಹ್ಮಣೋ ಪರಿನಿಬ್ಬುತೋ।
ಯೋ ನ ಲಿಮ್ಪತಿ ಕಾಮೇಸು,
ಸೀತಿಭೂತೋ ನಿರೂಪಧಿ।
ಸಬ್ಬಾ ಆಸತ್ತಿಯೋ ಛೇತ್ವಾ,
ವಿನೇಯ್ಯ ಹದಯೇ ದರಂ।
ಉಪಸನ್ತೋ ಸುಖಂ ಸೇತಿ।
ಸನ್ತಿಂ ಪಪ್ಪುಯ್ಯ ಚೇತಸೋ’’ ಹು –
ದೇವದೂತಸುತ್ತ
ಪುಚ್ಛಾ – ತೇನಾವುಸೋ ಭಗವತಾ…ಪೇ॰… ಸಮ್ಮಾಸಮ್ಬುದ್ಧೇನ ಅಙ್ಗುತ್ತರನಿಕಾಯೇ ತಿಕನಿಪಾತೇ ದೇವದೂತವಗ್ಗೇ ಛಟ್ಠಂ ದೇವದೂತಸುತ್ತಂ ಕಥಂ ಭಾಸಿತಂ।
ವಿಸ್ಸಜ್ಜನಾ – ಛಟ್ಠಂ
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ತಮೇನಂ ಭಿಕ್ಖವೇ ಯಮೋ ರಾಜಾ ಪಠಮಂ ದೇವದೂತಂ ಸಮನುಯುಞ್ಜತಿ ಸಮನುಗಾಹತಿ ಸಮನುಭಾಸತಿ ‘‘ಅಮ್ಭೋ ಪುರಿಸ ನ ತ್ವಂ ಅದ್ದಸ ಮನುಸ್ಸೇಸು ಪಠಮಂ ದೇವದೂತಂ ಪಾತುಭೂತ’’ನ್ತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ಯಮಸ್ಸ ರಞ್ಞೋ ಪಠಮದೇವದೂತಸಮನುಯುಞ್ಜನಾ ಪಕಾಸಿತಾ।
‘‘ಅಮ್ಭೋ ಪುರಿಸ ನ ತ್ವಂ ಅದ್ದಸ ಮನುಸ್ಸೇಸು ಪಠಮಂ ದೇವದೂತಂ ಪಾತುಭೂತಂ’’।
ದುತಿಯ ದೇವದೂತ
ಪುಚ್ಛಾ – ಕಥಂ
ವಿಸ್ಸಜ್ಜನಾ – ತಮೇನಂ ಭಿಕ್ಖವೇ ಯಮೋ ರಾಜಾ ಪಠಮಂ ದೇವದೂತಂ ಸಮನುಯುಞ್ಜಿತ್ವಾ ಸಮನುಗಾಹಿತ್ವಾ ಸಮನುಭಾಸಿತ್ವಾ ದುತಿಯಂ ದೇವದೂತಂ ಸಮನುಯುಞ್ಜತಿ ಸಮನುಗಾಹತಿ ಸಮನುಭಾಸತಿ ‘‘ಅಮ್ಭೋ ಪುರಿಸ ನ ತ್ವಂ ಅದ್ದಸ ಮನುಸ್ಸೇಸು ದುತಿಯಂ ದೇವದೂತಂ ಪಾತುಭೂತ’’ನ್ತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ಯಮಸ್ಸ ರಞ್ಞೋ ದುತಿಯಾ ದೇವದೂತಸಮನುಯುಞ್ಜನಾ ಪಕಾಸಿತಾ।
‘‘ಅಮ್ಭೋ
‘‘ಅಮ್ಭೋ ಪುರಿಸ ನ ತ್ವಂ ಅದ್ದಸ ಮನುಸ್ಸೇಸು ಇತ್ಥೀಂ ವಾ ಪುರಿಸಂ ವಾ ಆಬಾಧಿಕಂ ದುಕ್ಖಿತಂ ಬಾಳ್ಹಗಿಲಾನಂ ಸಕೇ ಮುತ್ತಕರೀಸೇ ಪಲಿಪನ್ನಂ ಸೇಮಾನಂ ಅಞ್ಞೇಹಿ ವುಟ್ಠಾಪಿಯಮಾನಂ ಅಞ್ಞೇಹಿ ಸಂವೇಸಿಯಮಾನಂ’’ –
ತತಿಯ ದೇವದೂತ
ಪುಚ್ಛಾ – ಕಥಂ
ವಿಸ್ಸಜ್ಜನಾ – ತಮೇನಂ ಭಿಕ್ಖವೇ ಯಮೋ ರಾಜಾ ದುತಿಯಂ ದೇವದೂತಂ ಸಮನುಯುಞ್ಜಿತ್ವಾ ಸಮನುಗಾಹಿತ್ವಾ ಸಮನುಭಾಸಿತ್ವಾ ತತಿಯಂ ದೇವದೂತಂ ಸಮನುಯುಞ್ಜತಿ ಸಮನುಗಾಹತಿ ಸಮನುಭಾಸತಿ ‘‘ಅಮ್ಭೋ ಪುರಿಸ ನತ್ವಂ ಮನುಸ್ಸೇಸು ತತಿಯಂ ದೇವದೂತಂ ಪಾತುಭೂತನ್ತಿ’’ ಏವಮಾದಿನಾ ಭನ್ತೇ ತತ್ಥ ಭಗವತಾ ಯಮಸ್ಸ ರಞ್ಞೋ ತತಿಯಾ ದೇವದೂತಸಮನುಯುಞ್ಜನಾ ಪಕಾಸಿತಾ।
‘‘ಅಮ್ಭೋ ಪುರಿಸ ನ ತ್ವಂ ಅದ್ದಸ ಮನುಸ್ಸೇಸು ತತಿಯಂ ದೇವದೂತಂ ಪಾತುಭೂತಂ’’।
‘‘ಅಮ್ಭೋ
‘‘ನಾಸಕ್ಖಿಸ್ಸಂ ಭನ್ತೇ ಪಮಾದಸ್ಸಂ ಭನ್ತೇ’’ –
ಪುಚ್ಛಾ – ಕಥಂ
ವಿಸ್ಸಜ್ಜನಾ – ತಮೇನಂ ಭಿಕ್ಖವೇ ‘‘ಯಮೋ ರಾಜಾ ತತಿಯಂ ದೇವದೂತಂ ಸಮನುಯುಞ್ಜಿತ್ವಾ ಸಮನುಗಾಹಿತ್ವಾ ಸಮನುಭಾಸಿತ್ವಾ ತುಣ್ಹೀ ಹೋತಿ। ತಮೇನಂ ಭಿಕ್ಖವೇ ನಿರಯಪಾಲಾ ಪಞ್ಚವಿಧಬನ್ಧನಂ ನಾಮ ಕಾರಣಂ ಕರೋನ್ತಿ, ತತ್ತಂ ಅಯೋಖಿಲಂ ಹತ್ಥೇ ಗಮೇನ್ತಿ, ತತ್ತಂ ಅಯೋಖಿಲಂ ದುತಿಯಸ್ಮಿಂ ಹತ್ಥೇ ಗಮೇನ್ತಿ, ತತ್ತಂ ಅಯೋಖಿಲಂ ಪಾದೇ ಗಮೇನ್ತಿ, ತತ್ತಂ ಅಯೋಖಿಲಂ ದುತಿಯಸ್ಮಿಂ ಪಾದೇ ಗಮೇನ್ತಿ, ತತ್ತಂ ಅಯೋಖಿಲಂ ಮಜ್ಝೇಉರಸ್ಮಿಂ ಗಮೇನ್ತಿ। ಸೋ ತತ್ಥ ದುಕ್ಖಾ ತಿಬ್ಬಾ ಖರಾ ಕಟುಕಾ ವೇದನಾ ವೇದಯತಿ, ನ ಚ ತಾವ ಕಾಲಂ ಕರೋತಿ, ಯಾವ ನ ತಂ ಪಾಪಕಮ್ಮಂ ಬ್ಯನ್ತೀಹೋತೀ’’ತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ನೇರಯಿಕಸ್ಸ ನಿರಯದುಕ್ಖಪಟಿಸಂವೇದನಾ ಪಕಾಸಿತಾ।
ಸಂವೇಜನೀಯಕಥಾ
ಪುಚ್ಛಾ – ಕಥಂ
ವಿಸ್ಸಜ್ಜನಾ – ಭೂತಪುಬ್ಬಂ ಭಿಕ್ಖವೇ ಯಮಸ್ಸ ರಞ್ಞೋ ಏತದಹೋಸಿ ‘‘ಯೇ ಕಿರ ಭೋ ಲೋಕೇ ಪಾಪಕಾನಿ ಕಮ್ಮಾನಿ ಕರೋನ್ತಿ, ತೇ ಏವರೂಪಾ ವಿವಿಧಾ ಕಮ್ಮಕರಣಾ ಕರೀಯನ್ತಿ, ಅಹೋವತಾಹಂ ಮನುಸ್ಸತ್ತಂ ಲಭೇಯ್ಯಂ, ತಥಾಗತೋ ಚ ಲೋಕೇ ಉಪ್ಪಜ್ಜೇಯ್ಯ ಅರಹಂ ಸಮ್ಮಾಸಮ್ಬುದ್ಧೋ’’ತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ಸಂವೇಜನೀಯಕಥಾ ಕಥಿತಾ।
‘‘ಯೇ
‘‘ಚೋದಿತಾ
ತೇ ದೀಘರತ್ತಂ ಸೋಚನ್ತಿ, ಹೀನಕಾಯೂಪಗಾ ನರಾ॥
ಯೇ ಚ ಖೋ ದೇವದೂತೇಹಿ, ಸನ್ತೋ ಸಪ್ಪುರಿಸಾ ಇಧ।
ಚೋದಿತಾ ನ ಪಮಜ್ಜನ್ತಿ, ಅರಿಯಧಮ್ಮೇ ಕುದಾಚನಂ॥
ಉಪಾದಾನೇ ಭಯಂ ದಿಸ್ವಾ, ಜಾತಿಮರಣಸಮ್ಭವೇ।
ಅನುಪಾದಾ ವಿಮುಚ್ಚನ್ತಿ, ಜಾತಿಮರಣಸಙ್ಖಯೇ॥
ತೇ ಅಪ್ಪಮತ್ತಾ ಸುಖಿನೋ, ದಿಟ್ಠಧಮ್ಮಾಭಿನಿಬ್ಬುತಾ।
ಸಬ್ಬವೇರಭಯಾತೀತಾ, ಸಬ್ಬದುಕ್ಖಂ ಉಪಚ್ಚಗುಂ’’ ಹು –
ಚತುಮಹಾರಾಜಸುತ್ತ
ಪುಚ್ಛಾ – ತೇನಾವುಸೋ ಭಗವತಾ…ಪೇ॰… ಸಮ್ಮಾಸಮ್ಬುದ್ಧೇನ ಅಙ್ಗುತ್ತರನಿಕಾಯೇ ತಿಕನಿಪಾತೇ ದೇವದೂತವಗ್ಗೇ ಅಟ್ಠಮಂ ಚತುಮಹಾರಾಜಸುತ್ತಂ ಕಥಂ ಭಾಸಿತಂ।
ವಿಸ್ಸಜ್ಜನಾ – ಅಟ್ಠಮಂ ಭನ್ತೇ ಚತುಮಹಾರಾಜಸುತ್ತಂ ‘‘ಅಟ್ಠಮಿಯಂ ಭಿಕ್ಖವೇ ಪಕ್ಖಸ್ಸ ಚತುನ್ನಂ ಮಹಾರಾಜಾನಂ ಅಮಚ್ಚಾ ಪಾರಿಸಜ್ಜಾ ಇಮಂ ಲೋಕಂ ಅನುವಿಚರನ್ತಿ ಕಚ್ಚಿ ಬಹೂ ಮನುಸ್ಸಾ ಮನುಸ್ಸೇಸು ಮತ್ತೇಯ್ಯಾ ಪೇತ್ತೇಯ್ಯಾ ಸಾಮಞ್ಞಾ ಬ್ರಹ್ಮಞ್ಞಾ ಕುಲೇ ಜೇಟ್ಠಪಚಾಯಿನೋ, ಉಪೋಸಥಂ ಉಪವಸನ್ತಿ ಪಟಿಜಾಗರೋನ್ತಿ, ಪುಞ್ಞಾನಿ ಕರೋನ್ತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಅಪ್ಪಕಾ
‘‘ದಿಬ್ಬಾ
ಬಹೂ ಖೋ ಮಾರಿಸಾ ಮನುಸ್ಸಾ ಮನುಸ್ಸೇಸು ಮತ್ತೇಯ್ಯಾ ಪೇತ್ತೇಯ್ಯಾ ಸಾಮಞ್ಞಾ ಬ್ರಹ್ಮಞ್ಞಾ ಕುಲೇ ಜೇಟ್ಠಪಚಾಯಿನೋ, ಉಪೋಸಥಂ ಉಪವಸನ್ತಿ ಪಟಿಜಾಗರೋನ್ತಿ, ಪುಞ್ಞಾನಿ ಕರೋನ್ತಿ।
‘‘ದಿಬ್ಬಾ
ಆಧಿಪತೇಯ್ಯಾಸುತ್ತ
ಪುಚ್ಛಾ – ತತ್ಥೇವ ಆವುಸೋ ದಸಮಂ ಆಧಿಪತೇಯ್ಯಸುತ್ತಂ ಭಗವತಾ ಕಥಂ ಭಾಸಿತಂ।
ವಿಸ್ಸಜ್ಜನಾ – ತತ್ಥೇವ ಭನ್ತೇ ದಸಮಂ ಆಧಿಪತೇಯ್ಯಸುತ್ತಂ ‘‘ತೀಣಿಮಾನಿ ಭಿಕ್ಖವೇ ಆಧಿಪತೇಯ್ಯಾನಿ। ಕತಮಾನಿ ತೀಣಿ, ಅತ್ತಾಧಿಪತೇಯ್ಯಂ ಲೋಕಾಧಿಪತೇಯ್ಯಂ ಧಮ್ಮಾಧಿಪತೇಯ್ಯಂ। ಕತಮಞ್ಚ ಭಿಕ್ಖವೇ ಅತ್ತಾಧಿಪತೇಯ್ಯಂ, ಇಧ ಭಿಕ್ಖವೇ ಭಿಕ್ಖು ಅರಞ್ಞಗತೋ ವಾ ರುಕ್ಖಮೂಲಗತೋ ವಾ ಸುಞ್ಞಾಗಾರಗತೋ ವಾ ಇತಿ ಪಟಿಸಞ್ಚಿಕ್ಖತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಬ್ರಾಹ್ಮಣವಗ್ಗ, ಪರಿಬ್ಬಾಜಕಸುತ್ತ
ಪುಚ್ಛಾ – ಬ್ರಾಹ್ಮಣವಗ್ಗೇ
ವಿಸ್ಸಜ್ಜನಾ – ಬ್ರಾಹ್ಮಣವಗ್ಗೇ ಭನ್ತೇ ಚತುತ್ಥಂ ಪರಿಬ್ಬಾಜಕಸುತ್ತಂ ಅಞ್ಞತರಂ ಬ್ರಾಹ್ಮಣ ಪರಿಬ್ಬಾಜಕಂ ಆರಬ್ಭ ಭಾಸಿತಂ। ಅಞ್ಞತರೋ ಭನ್ತೇ ಬ್ರಾಹ್ಮಣಪರಿಬ್ಬಾಜಕೋ ಭಗವನ್ತಂ ಏತದವೋಚ ‘‘ಸನ್ನಿಟ್ಠಿಕೋ ಧಮ್ಮೋ ಸನ್ದಿಟ್ಠಿಕೋ ಧಮ್ಮೋತಿ ಭೋ ಗೋತಮ ವುಚ್ಚತಿ, ಕಿತ್ತಾವತಾನು ಖೋ ಭೋ ಗೋತಮ ಸನ್ದಿಟ್ಠಿಕೋ ಧಮ್ಮೋ ಹೋತಿ ಅಕಾಲಿಕೋ ಏಹಿಪಸ್ಸಿಕೋ ಓಪನೇಯ್ಯಿಕೋ ಪಚ್ಚತ್ತಂ ವೇದಿತಬ್ಬೋ ವಿಞ್ಞೂಹೀ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ರತ್ತೋ ಖೋ ಬ್ರಾಹ್ಮಣ ರಾಗೇನ ಅಭಿಭೂತೋ ಪರಿಯಾದಿನ್ನಚಿತ್ತೋ ಅತ್ತಬ್ಯಾಬಾಧಾಯಪಿ ಚೇತೇತಿ, ಪರಬ್ಯಾಬಾಧಾಯಪಿ ಚೇತೇತಿ, ಉಭಯ ಬ್ಯಾಬಾಧಾಯಪಿ ಚೇತೇತಿ, ಚೇತಸಿಕಮ್ಪಿ ದುಕ್ಖಂ ದೋಮನಸ್ಸಂ ಪಟಿಸಂವೇದೇತಿ, ರಾಗೇ ಪಹೀನೇ ನೇವತ್ತಬ್ಯಾಬಾಧಾಯಪಿ ಚೇತೇತಿ, ನಪರಬ್ಯಾಬಾಧಾಯಪಿ ಚೇತೇತಿ, ನಉಭಯಬ್ಯಾಬಾಧಾಯಪಿ ಚೇತೇತಿ, ನಚೇತಸಿಕಂ ದುಕ್ಖಂ ದೋಮನಸ್ಸಂ ಪಟಿಸಂವೇದೇತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ವಚ್ಛಗೋತ್ತಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಸತ್ತಮಂ ಭನ್ತೇ ವಚ್ಛಗೋತ್ತಸುತ್ತಂ ವಚ್ಛಗೋತ್ತಂ ಪರಿಬ್ಬಾಜಕಂ ಆರಬ್ಭ ಭಾಸಿತಂ। ವಚ್ಛಗೋತ್ತೋ ಭನ್ತೇ ಪರಿಬ್ಬಾಜಕೋ ಭಗವನ್ತಂ ಏತದವೋಚ ‘‘ಸುತಂ ಮೇತಂ ಭೋ ಗೋತಮ ಸಮಣೋ ಗೋತಮೋ ಏವಮಾಹ ‘‘ಮಯ್ಹಮೇವ ದಾನಂ ದಾತಬ್ಬಂ, ನಾಞ್ಞೇಸಂ ದಾನಂ ದಾತಬ್ಬ। (ಪೇಯ್ಯಾಲ) ಅನಬ್ಭಕ್ಖಾ ತುಕಾಮಾಹಿ ಮಯಂ ಭವನ್ತಂ ಗೋತಮ’’ನ್ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಯೇ ತೇ ವಚ್ಛ ಏವಮಾಹಂಸು ಸಮಣೋ ಗೋತಮೋ ಏವಮಾಹ ಮಯ್ಹಮೇವ ದಾನಂ ದಾತಬ್ಬಂ, ನಾಞ್ಞೇಸಂ ದಾತಬ್ಬ’’ನ್ತಿ ಏವಮಾದಿನಾ ಭಗವತಾ ಭಾಸಿತಂ।
ಸಙ್ಗಾರವಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ದಸಮಂ
‘‘ಇಚ್ಚಾಯಪಿ
ಪುಚ್ಛಾ – ತತ್ಥೇವ ಆವುಸೋ ದುತಿಯ ಅನುಸನ್ಧಿಮ್ಹಿ ಭಗವತಾ ಕೀದಿಸೀ ಧಮ್ಮದೇಸನಾ ದೇಸಿತಾ।
ವಿಸ್ಸಜ್ಜನಾ – ತತ್ಥೇವ ಭನ್ತೇ ದುತಿಯೇ ಅನುಸನ್ಧಿಮ್ಹಿ ತಿವಿಧಾ ಪಾಟಿಹಾರಿಯಾ ಪಟಿಸಂಯುತ್ತಾ ಧಮ್ಮದೇಸನಾ ಭಗವತಾ ದೇಸಿತಾ।
‘‘ಸೇಯ್ಯಥಾಪಿ
‘‘ಸೇಯ್ಯಥಾಪಿ ಭವಂ ಗೋತಮೋ ಭವಞ್ಚಾನನ್ದೋ, ಏತೇ ಮೇ ಪುಜ್ಜಾ ಏತೇ ಮೇ ಪಾಸಂಸಾ’’ –
ಮಹಾವಗ್ಗ, ವೇನಾಗಪುರಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಕೋಸಲೇಸು ಭನ್ತೇ ವೇನಾಗಪುರೇ ನಾಮ ಬ್ರಾಹ್ಮಣಾನಂ ಗಾಮೇ ವೇನಾಗಪುರಿಕಂ ವಚ್ಛಗೋತ್ತಂ ಬ್ರಾಹ್ಮಣಂ ಆರಬ್ಭ ಭಾಸಿತಂ। ವೇನಾಗಪುರಿಕೋ ಭನ್ತೇ ವಚ್ಛಗೋತ್ತೋ ಬ್ರಾಹ್ಮಣೋ ಭಗವನ್ತಂ ಏತದವೋಚ ‘‘ಅಚ್ಛರಿಯಂ ಭೋ ಗೋತಮ, ಅಬ್ಭುತಂ ಭೋ ಗೋತಮ, ಯಾವಞ್ಚಿದಂ ಭೋತೋ ಗೋತಮಸ್ಸ ವಿಪ್ಪಸನ್ನಾನಿ ಇನ್ದ್ರಿಯಾನಿ, ಪರಿಸುದ್ಧೋ ಛವಿವಣ್ಣೋ ಪರಿಯೋದಾತೋ (ಪೇಯ್ಯಾಲ) ಏವರೂಪಾನಂ ನೂನ ಭವಂ ಗೋತಮೋ ಉಚ್ಚಾಸಯನ ಮಹಾಸಯನಾನಂ ನಿಕಾಮಲಾಭೀ ಅಕಿಚ್ಛಲಾಭೀ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಯಾನಿ ಖೋ ಪನ ತಾನಿ ಬ್ರಾಹ್ಮಣ ಉಚ್ಚಾಸಯನ ಮಹಾಸಯನಾನಿ। ಸೇಯ್ಯಥಿದಂ, ಆಸನ್ದಿ ಪಲ್ಲಙ್ಕೋ ಗೋನಕೋ ಚಿತ್ತಕೋ
‘‘ಅಚ್ಛರಿಯಂ ಭೋ ಗೋತಮ ಅಬ್ಭುತಂ ಭೋ ಗೋತಮ’’।
ದಿಬ್ಬ ಉಚ್ಚಾಸಯನಮಹಾಸಯನ
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ಇಧಾಹಂ ಬ್ರಾಹ್ಮಣ ಯಂ ಗಾಮಂ ವಾ ನಿಗಮಂ ವಾ ಉಪನಿಸ್ಸಾಯ ವಿಹರಾಮಿ, ಸೋ ಪುಬ್ಬಣ್ಹಸಮಯಂ ನಿವಾಸೇತ್ವಾ ಪತ್ತಚೀವರಮಾದಾಯ ತಮೇವ ಗಾಮಂ ವಾ ನಿಗಮಂ ವಾ ಪಿಣ್ಡಾಯ ಪವಿಸಾಮಿ, ಸೋ ಪಚ್ಛಾಭತ್ತಂ ಪಿಣ್ಡಪಾತಪಟಿಕ್ಕನ್ತೋ ವನನ್ತಞ್ಞೇವ ಪವಿಸಾಮೀತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ದಿಬ್ಬಂ ಉಚ್ಚಾಸಯನಮಹಾಸಯನಂ ದೇಸಿತಂ।
ಬ್ರಹ್ಮ ಉಚ್ಚಾಸಯನಮಹಾಸಯನ
ಪುಚ್ಛಾ – ಕಥಞ್ಚಾವುಸೋ ತತ್ಥ ಭಗವತಾ ಬ್ರಹ್ಮಂ ಉಚ್ಚಾಸಯನಮಹಾಸಯನಂ ದೇಸಿತಂ।
ವಿಸ್ಸಜ್ಜನಾ – ಇಧಾಹಂ ಬ್ರಾಹ್ಮಣಂ ಯಂ ಗಾಮಂ ವಾ ನಿಗಮಂ ವಾ ಉಪನಿಸ್ಸಾಯ ವಿಹರಾಮಿ, ಸೋ ಪುಬ್ಬಣ್ಹಸಮಯಂ ನಿವಾಸೇತ್ವಾ ಪತ್ತಚೀವರಮಾದಾಯ ತಮೇವ ಗಾಮಂ ವಾ ನಿಗಮಂ
ಕತಮಂ ಪನ ತಂ ಭೋ ಗೋತಮ ಬ್ರಹ್ಮಉಚ್ಚಾಸಯನಮಹಾಸಯನಂ।
ಅರಿಯ ಉಚ್ಚಾಸಯನಮಹಾಸಯನ
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ಇಧಾಹಂ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಕೋಸಲೇಸು ಭನ್ತೇ ಕೇಸಮುತ್ತೇನಾಮ ಕಾಲಾಮಾನಂ ನಿಗಮೇ ಕೇಸಮುತ್ತಿಯೇ ಕಾಲಾಮೇ ಆರಬ್ಭ ಭಾಸಿತಂ। ಕೇಸಮುತ್ತಿಯಾ ಭನ್ತೇ ಕಾಲಾಮಾ ಭಗವನ್ತಂ ಏತದವೋಚುಂ ‘‘ಸನ್ತಿ ಭನ್ತೇ ಏಕೇ ಸಮಣ ಬ್ರಾಹ್ಮಣಾ ಕೇಸಮುತ್ತಂ ಆಗಚ್ಛನ್ತಿ, ತೇ ಸಕಂಯೇವ ವಾದಂ ದೀಪೇನ್ತಿ, ಜೋತೇನ್ತಿ, ಪರಪ್ಪವಾದಂ ಪನ ಖುಂಸೇನ್ತಿ ವಮ್ಭೇನ್ತಿ ಪರಿಭವನ್ತಿ, ಓಮಕ್ಖಿಂ ಕರೋನ್ತಿ, ಅಪರೇಪಿ ಭನ್ತೇ ಏಕೇ ಸಮಣಬ್ರಾಹ್ಮಣಾ ಕೇಸಮುತ್ತಂ ಆಗಚ್ಛನ್ತಿ, ತೇಪಿ ಸಕಂಯೇವ ವಾದಂ ದೀಪೇನ್ತಿ ಜೋತೇನ್ತಿ, ಪರಪ್ಪವಾದಂ ಪನ ಖುಂಸೇನ್ತಿ ವಮ್ಭೇನ್ತಿ ಪರಿಭವನ್ತಿ, ಓಮಕ್ಖಿಂ ಕರೋನ್ತಿ। ತೇಸಂ ನೋ ಭನ್ತೇ ಅಮ್ಹಾಕಂ ಹೋತೇವ ಕಙ್ಖಾ, ಹೋತಿ ವಿಚಿಕಿಚ್ಛಾ ಕೋ ಸು ನಾಮ ಇಮೇಸಂ ಭವತಂ ಸಮಣಬ್ರಾಹ್ಮಣಾನಂ ಸಚ್ಚಂ ಆಹ, ಕೋ ಮುಸಾ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಅಲಞ್ಹಿ ವೋ ಕಾಲಾಮಾ ಕಙ್ಖಿತುಂ ಅಲಂ ವಿಚಿಕಿಚ್ಛಿತುಂ, ಕಙ್ಖೀಯೇವ ಪನ ವೋ ಠಾನೇ ವಿಚಿಕಿಚ್ಛಾ ಉಪ್ಪನ್ನಾ’’ತಿ ಏವ ಮಾದಿನಾ ಭಗವತಾ ಭಾಸಿತಂ।
ಉಪೋಸತಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ವಿಸಾಖಂ ಮಿಗಾರಮಾತರಂ ಆರಬ್ಭ ‘‘ತಯೋ ಖೋ ಮೇ ವಿಸಾಖೇ ಉಪೋಸಥಾ। ಕತಮೇ ತಯೋ। ಗೋಪಾಲಕುಪೋಸಥೋ ನಿಗಣ್ಠುಪೋಸಥೋ ಅರಿಯುಪೋಸಥೋ’’ತಿ ಏವಂ ಖೋ ಭಗವತಾ ಭಾಸಿತಂ।
ಹನ್ದ ಕುತೋ ನು ತ್ವಂ ವಿಸಾಖೇ ಆಗಚ್ಛಸಿ ದಿವಾ ದಿವಸ್ಸ।
‘‘ತಯೋ
ಗೋಪಾಲಕಉಪುಗ್ಗಲ
ಪುಚ್ಛಾ – ಕಥಞ್ಚಾವುಸೋ ತತ್ಥ ಭಗವತಾ ಗೋಪಾಲಕುಪೋಸಥೋ ಪಕಾಸಿತೋ।
ವಿಸ್ಸಜ್ಜನಾ – ಕಥಞ್ಚ ವಿಸಾಖೇ ಗೋಪಾಲಕುಪೋಸಥೋ ಹೋತಿ, ಸೇಯ್ಯಥಾಪಿ ವಿಸಾಖೇ ಗೋಪಾಲಕೋ ಸಾಯನ್ಹಸಮಯೇ ಸಾಮಿಕಾನಂ ಗಾವೋ ನಿಯ್ಯಾತೇತ್ವಾ ಇತಿ ಪಟಿಸಞ್ಚಿಕ್ಖತಿ ‘‘ಅಜ್ಜ ಖೋ ಗಾವೋ ಅಮುಕಸ್ಮಿಞ್ಚ ಅಮುಕಸ್ಮಿಞ್ಚ ಪದೇಸೇ ಚರಿಂಸು, ಅಮುಕಸ್ಮಿಞ್ಚ ಅಮುಕಸ್ಮಿಞ್ಚ ಪದೇಸೇ ಪಾನೀಯಾನಿ ಪಿವಿಂಸು।
ಸ್ವೇ
ನಿಗಣ್ಠಉಪುಗ್ಗಲ
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ಕಥಞ್ಚ ವಿಸಾಖೇ ನಿಗಣ್ಠುಪೋಸಥೋ ಹೋತಿ, ಅತ್ಥಿ ವಿಸಾಖೇ ನಿಗಣ್ಠಾನಾಮ ಸಮಣಜಾತಿಕಾ, ತೇ ಸಾವಕಂ ಏವಂ ಸಮಾದಪೇನ್ತಿ, ‘‘ಏಹಿತ್ವಂ ಅಮ್ಭೋಪುರಿಸ ಯೇ ಪುರತ್ಥಿಮಾಯ ದಿಸಾಯ ಪಾಣಾ ಪರಂ ಯೋಜನಸತಂ, ತೇಸು ದಣ್ಡಂ ನಿಕ್ಖಿಪಾಹಿ, ಯೇ ಪಚ್ಛಿಮಾಯ ದಿಸಾಯ। ಯೇ ಉತ್ತರಾಯ ದಿಸಾಯ। ಯೇ ದಕ್ಖಿಣಾಯ ದಿಸಾಯ ಪಾಣಾ ಪರಂ ಯೋಜನಸತಂ, ತೇಸು ದಣ್ಡಂ ನಿಕ್ಖಿಪಾಹೀ’’ತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ನಿಗಣ್ಠುಪೋಸಥೋ ಪಕಾಸಿತೋ।
ಏಹಿ
ಏಹಿ ತ್ವಂ ಅಮ್ಭೋ ಪುರಿಸ ಸಬ್ಬಚೇಲಾನಿ ನಿಕ್ಖಿಪಿತ್ವಾ ಏವಂ ವದೇಹಿ।
ನಾಹಂ
ಅರಿಯಾ ಉಪೋಸಥೋ
ಪುಚ್ಛಾ – ಕಥಞ್ಚಾವುಸೋ
ವಿಸ್ಸಜ್ಜನಾ – ಕಥಞ್ಚ ವಿಸಾಖೇ ಅರಿಯುಪೋಸಥೋ ಹೋತಿ, ಉಪಕ್ಕಿಲಿಟ್ಠಸ್ಸ ವಿಸಾಖೇ ಚಿತ್ತಸ್ಸ ಉಪಕ್ಕಮೇನ ಪರಿಯೋದಪನಾ ಹೋತಿ। ಕಥಞ್ಚ ವಿಸಾಖೇ ಉಪಕ್ಕಿಲಿಟ್ಠಸ್ಸ ಚಿತ್ತಸ್ಸ ಉಪಕ್ಕಮೇನ ಪರಿಯೋದಪನಾ ಹೋತಿ। ಇಧ ವಿಸಾಖೇ ಅರಿಯಸಾವಕೋ ತಥಾಗತಂ ಅನುಸ್ಸರತಿ ‘‘ಇತಿಪಿ ಸೋ ಭಗವಾ ಅರಹಂ ಸಮ್ಮಾಸಮ್ಬುದ್ಧೋ ವಿಜ್ಜಾಚರಣಸಮ್ಪನ್ನೋ ಸುಗತೋ ಲೋಕವಿದೂ ಅನುತ್ತರೋ ಪುರಿಸದಮ್ಮಸಾರಥಿ ಸತ್ಥಾ ದೇವಮನುಸ್ಸಾನಂ ಬುದ್ಧೋ ಭಗವಾ’’ತಿ। ತಸ್ಸ ತಥಾಗತಂ ಅನುಸ್ಸರತೋ ಚಿತ್ತಂ ಪಸೀದತಿ, ಪಾಮೋಜ್ಜಂ ಉಪ್ಪಜ್ಜತಿ, ಯೇ ಚಿತ್ತಸ್ಸ ಉಪಕ್ಕಿಲೇಸಾ ತೇ ಪಹೀಯನ್ತೀತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ಅರಿಯೋ ಉಪೋಸಥೋ ವಿತ್ಥಾರೇತ್ವಾ ಪಕಾಸಿತೋ।
ಪುಚ್ಛಾ – ಏವಂ
ವಿಸ್ಸಜ್ಜನಾ – ಕೀವಮಹಪ್ಫಲಾ ಹೋತಿ, ಕೀವಮಹಾನಿಸಂಸೋ, ಕೀವಮಹಾಜುತಿಕೋ, ಕೀವಮಹಾವಿಪ್ಫಾರೋ, ಸೇಯ್ಯಥಾಪಿ ವಿಸಾಖೇ ಯೋ ಇಮೇಸಂ ಸೋಳಸನ್ನಂ ಮಹಾಜನಪದಾನಂ ಪಹೂತರತ್ತಜನಪದಾನಂ ಇಸ್ಸರಿಯಾಧಿಪಚ್ಚಂ ರಜ್ಜಂ ಕಾರೇಯ್ಯ, ಸೇಯ್ಯಥಿದಂ ‘‘ಅಙ್ಗಾನಂ ಮಗಧಾನಂ ಕಾಸೀನಂ ಕೋಸಲಾನಂ ವಜ್ಜೀನಂ ಮಲ್ಲಾನಂ ಚೇತೀನಂ ವಙ್ಗಾನಂ ಕುರೂನಂ ಪಞ್ಚಾಲಾನಂ ಮಚ್ಛಾನಂ ಸೂರಸೇನಾನಂ ಅಸ್ಸಕಾನಂ ಅವನ್ತೀನಂ ಗನ್ಧಾರಾನಂ ಕಮ್ಬೋಜಾನಂ, ಅಟ್ಠಙ್ಗಸಮನ್ನಾಗತಸ್ಸ ಉಪೋಸಥಸ್ಸ ಏತಂ ಕಲಂ ನಾಗ್ಘತಿ ಸೋಳಸಿ’’ನ್ತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ಏವಂ ಉಪವುತ್ಥಸ್ಸ ಅರಿಯುಪೋಸಥಸ್ಸ ಮಹಪ್ಫಲತಾ ಮಹಾನಿಸಂಸತಾ ವುತ್ತಾ।
ಆನನ್ದವಗ್ಗ
ಆಜೀವಕಸುತ್ತ
ಪುಚ್ಛಾ – ಅಙ್ಗುತ್ತರನಿಕಾಯೇ
ವಿಸ್ಸಜ್ಜನಾ – ಕೋಸಮ್ಬಿಯಂ ಭನ್ತೇ ಅಞ್ಞತರಂ ಆಜೀವಕಸಾವಕಂ ಗಹಪತಿಂ ಆರಬ್ಭ ಆಯಸ್ಮತಾ ಆನನ್ದತ್ಥೇರೇನ ಧಮ್ಮಭಣ್ಡಾಗಾರಿಕೇನ ಭಾಸಿತಂ। ಅಞ್ಞತರೋ ಭನ್ತೇ ಆಜೀವಕಸಾವಕೋ ಗಹಪತಿ ಆಯಸ್ಮನ್ತಂ ಆನನ್ದಂ ಏತದವೋಚ ‘‘ಕೇಸಂ ನೋ ಭನ್ತೇ ಆನನ್ದ ಧಮ್ಮೋ ಸ್ವಾಕ್ಖಾತೋ, ಕೇ ಲೋಕೇ ಸುಪ್ಪಟಿಪನ್ನಾ, ಕೇ ಲೋಕೇ ಸುಕತಾ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ತೇನ ಹಿ ಗಹಪತಿ ತಞ್ಞೇವೇತ್ಥ ಪಟಿಪುಚ್ಛಿಸ್ಸಾಮಿ, ಯಥಾ ತೇ ಖಮೇಯ್ಯ, ತಥಾ ನಂ ಬ್ಯಾಕರೇಯ್ಯಾಸೀ’’ತಿ ಏವಮಾದಿನಾ ಆಯಸ್ಮತಾ ಆನನ್ದತ್ಥೇರೇನ ಧಮ್ಮಭಣ್ಡಾಗಾರಿಕೇನ ಭಾಸಿತಂ।
‘‘ಕೇಸಂ
‘‘ತಂ
‘‘ಇತಿ
‘‘ಅಭಿಕ್ಕನ್ತಂ
ಗನ್ಧಜಾತಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಆಯಸ್ಮನ್ತಂ ಭನ್ತೇ ಆನನ್ದಂ ಆರಬ್ಭ ಭಾಸಿತಂ। ಆಯಸ್ಮಾ ಭನ್ತೇ ಆನನ್ದೋ ಭಗವನ್ತಂ ಏತದವೋಚ ‘‘ತೀಣಿಮಾನಿ ಭನ್ತೇ ಗನ್ಧಜಾತಾನಿ, ಯೇಸಂ ಅನುವಾತಂಯೇವ ಗನ್ಧೋ ಗಚ್ಛತಿ ನೋ ಪಟಿವಾತಂ…ಪೇ॰… ಅತ್ಥಿ ನು ಖೋ ಭನ್ತೇ ಕಿಞ್ಚಿ ಗನ್ಧಜಾತಂ, ಯಸ್ಸ ಅನುವಾತಮ್ಪಿ ಗನ್ಧೋ ಗಚ್ಛತಿ ಪಟಿವಾತಮ್ಪಿ ಗನ್ಧೋ ಗಚ್ಛತಿ, ಅನುವಾತಪಟಿವಾತಮ್ಪಿ ಗನ್ಧೋ ಗಚ್ಛತೀ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಅತ್ಥಾನನ್ದ ಕಿಞ್ಚಿ ಗನ್ಧಜಾತಂ, ಯಸ್ಸ ಅನುವಾತಮ್ಪಿ ಗನ್ಧೋ ಗಚ್ಛತಿ, ಪಟಿವಾತಮ್ಪಿ ಗನ್ಧೋ ಗಚ್ಛತಿ, ಅನುವಾತಪಟಿವಾತಮ್ಪಿ ಗನ್ಧೋ ಗಚ್ಛತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ನ
ನ ಚನ್ದನಂ ತಗರಮಲ್ಲಿಕಾ ವಾ।
ಸತಞ್ಚ ಗನ್ಧೋ ಪಟಿವಾತಮೇತಿ।
ಸಬ್ಬಾ ದಿಸಾ ಸಪ್ಪುರಿಸೋ ಪವಾಯತಿ।
ಗದ್ರಭಸುತ್ತ
ಪುಚ್ಛಾ – ಸಮಣವಗ್ಗೇ
ವಿಸ್ಸಜ್ಜನಾ – ಸಮಣವಗ್ಗೇ ಭನ್ತೇ ದುತಿಯಂ ಗದ್ರಭಸುತ್ತಂ ‘‘ಸೇಯ್ಯಥಾಪಿ ಭಿಕ್ಖವೇ ಗದ್ರಭೋ ಗೋಗಣಂ ಪಿಟ್ಠಿತೋ ಪಿಟ್ಠಿತೋ ಅನುಬನ್ಧೋ ಹೋತಿ ‘ಅಹಮ್ಪಿ ದಮ್ಮೋ ಅಹಮ್ಪಿ ದಮ್ಮೋ’ತಿ, ತಸ್ಸ ನ ತಾದಿಸೋ ವಣ್ಣೋ ಹೋತಿ ಸೇಯ್ಯಥಾಪಿ ಗುನ್ನಂ, ನ ತಾದಿಸೋ ಸರೋ ಹೋತಿ ಸೇಯ್ಯಥಾಪಿ ಗುನ್ನಂ, ನ ತಾದಿಸಂ ಪದಂ ಹೋತಿ ಸೇಯ್ಯಥಾಪಿ ಗುನ್ನಂ, ಸೋ ಗೋಗಣಂಯೇವ ಪಿಟ್ಠಿತೋ ಪಿಟ್ಠಿತೋ ಅನುಬನ್ಧೋ ಹೋತಿ ಅಹಮ್ಪಿ ದಮ್ಮೋ ಅಹಮ್ಪಿ ದಮ್ಮೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ತಸ್ಮಾತಿಹ
‘‘ತಿಬ್ಬೋ ನೋ ಛನ್ದೋ ಭವಿಸ್ಸತಿ ಅಧಿಸೀಲಸಿಕ್ಖಾಸಮಾದಾನೇ…ಪೇ॰… ಅಧಿಪಞ್ಞಾಸಿಕ್ಖಾಸಮಾದಾನೇ’’ –
ಸಙ್ಕವಾಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಕೋಸಲೇಸು ಭನ್ತೇ ಸಙ್ಕವಾಯಂ ನಾಮ ಕೋಸಲಾನಂ ನಿಗಮೇ ಕಸ್ಸಪಗೋತ್ತಂ ನಾಮ ಭಿಕ್ಖುಂ ಆರಬ್ಭ ಭಾಸಿತಂ। ಕಸ್ಸಪ ಗೋತ್ತೋ ಭನ್ತೇ ಭಿಕ್ಖು ಭಗವತಿ ಮನೋಪದೂಸಿತ್ವಾ ಭಗವತೋ ಸನ್ತಿಕೇ ಅಚ್ಚಯಂ ಅಚ್ಚಯತೋ ದೇಸೇಸಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಥೇರೋ ಚೇಪಿ ಕಸ್ಸಪ ಭಿಕ್ಖು ನ ಸಿಕ್ಖಾಕಾಮೋ ನ ಸಿಕ್ಖಾಸಮಾದಾನಸ್ಸ ವಣ್ಣವಾದೀ। ಯೇ ಚಞ್ಞೇ ಭಿಕ್ಖೂ ನ ಸಿಕ್ಖಾಕಾಮಾ, ತೇ ಚ ನ ಸಿಕ್ಖಾಯ ಸಮಾದಪೇತಿ, ಯೇ ಚಞ್ಞೇ ಭಿಕ್ಖೂ ಸಿಕ್ಖಾಕಾಮಾ ತೇಸಞ್ಚ ನ ವಣ್ಣಂ ಭಣತಿ ಭೂತಂ ತಚ್ಛಂ ಕಾಲೇನಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಲೋಣಕಪಲ್ಲವಗ್ಗ
ಅಚ್ಚಾಯಿಕಸುತ್ತ
ಪುಚ್ಛಾ – ತೇನಾವುಸೋ…ಪೇ॰…
ವಿಸ್ಸಜ್ಜನಾ – ಲೋಣಕಪಲ್ಲವಗ್ಗೇ ಭನ್ತೇ ಪಠಮಂ ಅಚ್ಚಾಯಿಕಸುತ್ತಂ ‘‘ತೀಣಿಮಾನಿ ಭಿಕ್ಖವೇ ಕಸ್ಸಕಸ್ಸ ಗಹಪತಿಸ್ಸ ಅಚ್ಚಾಯಿಕಾನಿ ಕರಣೀಯಾನಿ। ಕತಮಾನಿ ತೀಣಿ, ಇಧ ಭಿಕ್ಖವೇ ಕಸ್ಸಕೋ ಗಹಪತಿ ಸೀಘಂ ಸೀಘಂ ಖೇತ್ತಂ ಸುಕಟ್ಠಂ ಕರೋತಿ ಸುಮತಿಕತಂ। ಸೀಘಂ ಸೀಘಂ ಖೇತ್ತಂ ಸುಕಟ್ಠಂ ಕರಿತ್ವಾ ಸುಮತಿಕತಂ ಸೀಘಂ ಸೀಘಂ ಬೀಜಾನಿ ಪತಿಟ್ಠಾಪೇತಿ। ಸೀಘಂ ಸೀಘಂ ಬೀಜಾನಿ
ಸಮ್ಬೋಧವಗ್ಗ
ರುಣ್ಣಸುತ್ತ
ಪುಚ್ಛಾ – ಸಮ್ಬೋಧವಗ್ಗೇ
ವಿಸ್ಸಜ್ಜನಾ – ಸಮ್ಬೋಧವಗ್ಗೇ ಭನ್ತೇ ಪಞ್ಚಮಂ ರುಣ್ಣಸುತ್ತಂ ‘‘ರುಣ್ಣಮಿದಂ ಭಿಕ್ಖವೇ ಅರಿಯಸ್ಸ ವಿನಯೇ ಯದಿದಂ ಗೀತಂ, ಉಮ್ಮತ್ತಕಮಿದಂ ಭಿಕ್ಖವೇ ಅರಿಯಸ್ಸ ವಿನಯೇ ಯದಿದಂ ನಚ್ಚಂ, ಕೋಮಾರಕಮಿದಂ ಭಿಕ್ಖವೇ ಅರಿಯಸ್ಸ ವಿನಯೇ ಯದಿದಂ ಅತಿವೇಲಂ ದನ್ತವಿದಂಸಕಹಸಿತಂ। ತಸ್ಮಾತಿಹ ಭಿಕ್ಖವೇ ಸೇತುಘಾತೋ ಗೀತೇ ಸೇತುಘಾತೋ ನಚ್ಚೇ, ಅಲಂ ವೋ ಧಮ್ಮಪ್ಪಮೋದಿತಾನಂ ಸತಂ ಸಿತಂ ಸಿತಮತ್ತಾಯಾ’’ತಿ ಏವಂ ಖೋ ಭನ್ತೇ ಭಗವತಾ ಭಾಸಿತಂ।
ಅರಕ್ಖೀಕಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಅನಾತಪಿಣ್ಡಿಕಂ ಗಹಪತಿಂ ಆರಬ್ಭ ‘‘ಚಿತ್ತೇ ಗಹಪತಿ ಅರಕ್ಖಿತೇ ಕಾಯಕಮ್ಮಮ್ಪಿ ಅರಕ್ಖಿತಂ ಹೋತಿ, ವಚೀಕಮ್ಮಮ್ಪಿ। ಮನೋಕಮ್ಮಮ್ಪಿ ಅರಕ್ಖಿತಂ ಹೋತಿ। ತಸ್ಸ ಅರಕ್ಖಿತಕಾಯಕಮ್ಮನ್ತಸ್ಸ ಅರಕ್ಖಿತವಚೀಕಮ್ಮನ್ತಸ್ಸ ಅರಕ್ಖಿತಮನೋಕಮ್ಮನ್ತಸ್ಸ ಕಾಯಕಮ್ಮಮ್ಪಿ ಅವಸ್ಸುತಂ
ಆಪಾಯಿಕವಗ್ಗ
ಅಪಣ್ಣಕಸುತ್ತ
ಪುಚ್ಛಾ – ಆಪಾಯಿಕವಗ್ಗೇ
ವಿಸ್ಸಜ್ಜನಾ – ಆಪಾಯಿಕವಗ್ಗೇ ಭನ್ತೇ ಛಟ್ಠಂ ಅಪಣ್ಣಕಸುತ್ತಂ ‘‘ತಿಸ್ಸೋ ಇಮಾ ಭಿಕ್ಖವೇ ವಿಪತ್ತಿಯೋ। ಕತಮಾ ತಿಸ್ಸೋ ಸೀಲವಿಪತ್ತಿ, ಚಿತ್ತವಿಪತ್ತಿ, ದಿಟ್ಠಿವಿಪತ್ತಿ। ಕತಮಾ ಚ ಭಿಕ್ಖವೇ ಸೀಲವಿಪತ್ತಿ, ಇಧ ಭಿಕ್ಖವೇ ಏಕಚ್ಚೋ ಪಾಣಾತಿಪಾತೀ ಹೋತಿ…ಪೇ॰… ಸಮ್ಫಪ್ಪಲಾಪೀ ಹೋತಿ। ಅಯಂ ವುಚ್ಚತಿ ಭಿಕ್ಖವೇ ಸೀಲವಿಪತ್ತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಕುಸಿನಾರವಗ್ಗ
ಕುಸಿನಾರಸುತ್ತ
ಪುಚ್ಛಾ – ಕುಸಿನಾರವಗ್ಗೇ
ವಿಸ್ಸಜ್ಜನಾ – ಕುಸಿನಾರಾಯಂ ಭನ್ತೇ ಬಲಿಹರಣೇ ವನಸಣ್ಡೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಇಧ ಭಿಕ್ಖವೇ ಭಿಕ್ಖು ಅಞ್ಞತರಂ ಗಾಮಂ ವಾ ನಿಗಮಂ ವಾ ಉಪನಿಸ್ಸಾಯ ವಿಹರತಿ, ತಮೇನಂ ಗಹಪತಿ ವಾ ಗಹಪತಿಪುತ್ತೋ ವಾ ಉಪಸಙ್ಕಮಿತ್ವಾ ಸ್ವಾತನಾಯ ಭತ್ತೇನ ನಿಮನ್ತೇತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಹತ್ಥಕಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಹತ್ಥಕೇನ ದೇವಪುತ್ತೇನ ಸದ್ಧಿಂ ‘‘ಯೇ ತೇ ಹತ್ಥಕ ಧಮ್ಮಾ ಪುಬ್ಬೇ ಮನುಸ್ಸಭೂತಸ್ಸ ಪವತ್ತಿನೋ ಅಹೇಸುಂ, ಅಪಿನು ತೇ ತೇ ಧಮ್ಮಾ ಏತರಹಿ ಪವತ್ತಿನೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಅನುರುದ್ಧಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ಅಟ್ಠಮಂ ಭನ್ತೇ ಅನುರುದ್ಧಸುತ್ತಂ ಆಯಸ್ಮನ್ತಂ ಅನುರುದ್ಧತ್ಥೇರಂ ಆರಬ್ಭ ಆಯಸ್ಮತಾ ಸಾರಿಪುತ್ತತ್ಥೇರೇನ ಧಮ್ಮಸೇನಾಪತಿನಾ ‘‘ಯಂ ಖೋ ತೇ ಆವುಸೋ ಅನುರುದ್ಧಂ ಏವಂ ಹೋತಿ ‘ಅಹಂ ದಿಬ್ಬೇನ ಚಕ್ಖುನಾ ವಿಸುದ್ಧೇನ ಅತಿಕ್ಕನ್ತಮಾನುಸಕೇನ ಸಹಸ್ಸಂ ಲೋಕಂ ವೋಲೋಕೇಮೀ’ತಿ, ಇದಂ ತೇ ಮಾನಸ್ಮಿಂ’’ತಿ ಏವಮಾದಿನಾ ಭಾಸಿತಂ।
‘‘ಸಾಧು
ಕುಸಿನಾರವಗ್ಗ
ಪಟಿಚ್ಛನ್ನಸುತ್ತ
ಪುಚ್ಛಾ – ತೇನಾವುಸೋ
ವಿಸ್ಸಜ್ಜನಾ – ನವಮಂ ಭನ್ತೇ ಪಟಿಚ್ಛನ್ನಸುತ್ತಂ ‘‘ತೀಣಿಮಾನಿ ಭಿಕ್ಖವೇ ಪಟಿಚ್ಛನ್ನಾನಿ ಆವಹನ್ತಿ ನೋ ವಿವಟಾನಿ। ಕತಮಾನಿ ತೀಣಿ, ಮಾತುಗಾಮೋ ಭಿಕ್ಖವೇ ಪಟಿಚ್ಛನ್ನೋ ಆವಹತಿ ನೋ ವಿವಟೋ, ಬ್ರಾಹ್ಮಣಾನಂ ಭಿಕ್ಖವೇ ಮನ್ತಾ ಪಟಿಚ್ಛನ್ನಾ ಆವಹನ್ತಿ ನೋ ವಿವಟಾ, ಮಿಚ್ಛಾದಿಟ್ಠಿ ಭಿಕ್ಖವೇ ಪಟಿಚ್ಛನ್ನಾ ಆವಹತಿ ನೋ ವಿವಟಾ। ಇಮಾನಿ ಖೋ ಭಿಕ್ಖವೇ ತೀಣಿ ಪಟಿಚ್ಛನ್ನಾನಿ ಆವಹನ್ತಿ ನೋ ವಿವಟಾನೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಲೇಖಸುತ್ತ
ಪುಚ್ಛಾ – ತತ್ಥೇವ
ವಿಸ್ಸಜ್ಜನಾ – ದಸಮಂ ಭನ್ತೇ ಲೇಖಸುತ್ತಂ ‘‘ತಯೋಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ತಯೋ, ಪಾಸಾಣಲೇಖೂಪಮೋ ಪುಗ್ಗಲೋ ಪಥವಿಲೇಖೂಪಮೋ ಪುಗ್ಗಲೋ ಉದಕಲೇಖೂಪಮೋ ಪುಗ್ಗಲೋ। ಕತಮೋ ಚ ಭಿಕ್ಖವೇ ಪಾಸಾಣ ಲೇಖೂಪಮೋ ಪುಗ್ಗಲೋ, ಇಧ ಭಿಕ್ಖವೇ ಏಕಚ್ಚೋ ಪುಗ್ಗಲೋ ಅಭಿಣ್ಹಂ ಕುಜ್ಝತಿ, ಸೋ ಚ ಖ್ವಸ್ಸ ಕೋಧೋ ದೀಘರತ್ತಂ ಅನುಸೇತಿ। ಸೇಯ್ಯಥಾಪಿ ಭಿಕ್ಖವೇ ಪಾಸಾಣಲೇಖಾ ನ ಖಿಪ್ಪಂ ಲುಜ್ಜತಿ ವಾತೇನ ವಾ ಉದಕೇನ ವಾ, ಚಿರಟ್ಠಿತಿಕಾ ಹೋತಿ, ಏವಮೇವ ಖೋ ಭಿಕ್ಖವೇ ಇಧೇಕಚ್ಚೋ ಪುಗ್ಗಲೋ ಅಭಿಣ್ಹಂ ಕುಜ್ಝತಿ, ಸೋ ಚ ಖ್ವಸ್ಸ ಕೋಧೋ ದೀಘರತ್ತಂ ಅನುಸೇತಿ। ಅಯಂ ವುಚ್ಚತಿ ಭಿಕ್ಖವೇ ಪಾಸಾಣಲೇಖೂಪಮೋ ಪುಗ್ಗಲೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಯೋಧಾಜೀವವಗ್ಗ
ಕೇಸಕಮ್ಬಲಸುತ್ತ
ಪುಚ್ಛಾ – ಯೋಧಾಜೀವವಗ್ಗೇ
ವಿಸ್ಸಜ್ಜನಾ – ಯೋಧಾಜೀವವಗ್ಗೇ ಭನ್ತೇ ಪಞ್ಚಮಂ ಕೇಸಕಮ್ಬಲಸುತ್ತಂ ‘‘ಸೇಯ್ಯಥಾಪಿ ಭಿಕ್ಖವೇ ಯಾನಿ ಕಾನಿಚಿ ತನ್ತಾವುತಾನಂ ವತ್ಥಾನಂ, ಕೇಸಕಮ್ಬಲೋ ತೇಸಂ ಪಟಿಕಿಟ್ಠೋ ಅಕ್ಖಾಯತಿ। ಕೇಸಕಮ್ಬಲೋ ಭಿಕ್ಖವೇ ಸೀತೇ ಸೀತೋ ಉಣ್ಹೇ ಉಣ್ಹೋ ದುಬ್ಬಣ್ಣೋ ದುಗ್ಗನ್ಧೋ ದುಕ್ಖಸಮ್ಫಸ್ಸೋ। ಏವಮೇವ ಖೋ ಭಿಕ್ಖವೇ ಯಾನಿಕಾನಿಚಿ ಪುಥುಸಮಣಬ್ರಾಹ್ಮಣವಾದಾನಂ, ಮಕ್ಖಲಿವಾದೋ ತೇಸಂ ಪಟಿಕಿಟ್ಠೋ ಅಕ್ಖಾಯತೀತಿ ಏವಮಾದಿನಾ ಭಗವತಾ ಭಾಸಿತಂ।
ಮಙ್ಗಲವಗ್ಗ
ವನ್ದನಾಸುತ್ತ
ಪುಚ್ಛಾ – ಮಙ್ಗಲವಗ್ಗೇ
ವಿಸ್ಸಜ್ಜನಾ – ಮಙ್ಗಲವಗ್ಗೇ ಭನ್ತೇ ನವಮಂ ವನ್ದನಾಸುತ್ತಂ ‘‘ತಿಸ್ಸೋ ಇಮಾ ಭಿಕ್ಖವೇ ವನ್ದನಾ। ಕತಮಾ ತಿಸ್ಸೋ, ಕಾಯೇನ ವಾಚಾಯ ಮನಸಾ। ಇಮಾ ಖೋ ಭಿಕ್ಖವೇ ತಿಸ್ಸೋ ವನ್ದನಾ’’ತಿ, ಏವಂ ಖೋ ಭನ್ತೇ ಭಗವತಾ ಭಾಸಿತಂ।
‘‘ತಿಸ್ಸೋ ಇಮಾ ಭಿಕ್ಖವೇ ವನ್ದನಾ। ಕತಮಾ ತಿಸ್ಸೋ, ಕಾಯೇನ ವಾಚಾಯ ಮನಸಾ। ಇಮಾ ಖೋ ಭಿಕ್ಖವೇ ತಿಸ್ಸೋ ವನ್ದನಾ’’।
ಪುಬ್ಬಣ್ಹಸುತ್ತ
ಪುಚ್ಛಾ – ತತ್ಥೋ
ವಿಸ್ಸಜ್ಜನಾ – ದಸಮಂ ಭನ್ತೇ ಪುಬ್ಬಣ್ಹಸುತ್ತಂ ‘‘ಯೇ ಭಿಕ್ಖವೇ ಸತ್ತಾ ಪುಬ್ಬಣ್ಹಸಮಯಂ ಕಾಯೇನ ಸುಚರಿತಂ ಚರನ್ತಿ, ವಾಚಾಯ ಸುಚರಿತಂ ಚರನ್ತಿ, ಮನಸಾ ಸುಚರಿತಂ ಚರನ್ತಿ। ಸುಪುಬ್ಬಣ್ಹೋ ಭಿಕ್ಖವೇ ತೇಸಂ ಸತ್ತಾನಂ। ಯೇ ಭಿಕ್ಖವೇ ಸತ್ತಾ ಮಜ್ಝನ್ಹಿಕಸಮಯಂ…ಪೇ॰… ಸಾಯನ್ಹಸಮಯಂ ಕಾಯೇನ ಸುಚರಿತಂ ಚರನ್ತಿ, ವಾಚಾಯ ಸುಚರಿತಂ ಚರನ್ತಿ, ಮನಸಾ ಸುಚರಿತಂ ಚರನ್ತಿ। ಸುಸಾಯನ್ಹೋ ಭಿಕ್ಖವೇ ತೇಸಂ ಸತ್ತಾನ’’ನ್ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಸುನಕ್ಖತ್ತಂ
ಸುಖಣೋ ಸುಮುಹುತ್ತೋ ಚ, ಸುಯಿಟ್ಠಂ ಬ್ರಹ್ಮಚಾರಿಸು॥
ಭಣ್ಡಗಾಮವಗ್ಗ
ಅನುಬುದ್ಧಸುತ್ತ
ಪುಚ್ಛಾ – ಚತುಕ್ಕನಿಪಾತೇ
ವಿಸ್ಸಜ್ಜನಾ – ವಜ್ಜೀಸು ಭನ್ತೇ ಭಣ್ಡಗಾಮೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಚತುನ್ನಂ ಭಿಕ್ಖವೇ ಧಮ್ಮಾನಂ ಅನನುಬೋಧಾ ಅಪ್ಪಟಿವೇಧಾ ಏವಮಿದಂ ದೀಘಮದ್ಧಾನಂ ಸನ್ಧಾವಿತಂ ಸಂಸರಿತಂ ಮಮಞ್ಚೇವ ತುಮ್ಹಾಕಞ್ಚ। ಕತಮೇಸಂ ಚತುನ್ನಂ, ಅರಿಯಸ್ಸ ಭಿಕ್ಖವೇ ಸೀಲಸ್ಸ ಅನನುಬೋಧಾ ಅಪ್ಪಟಿವೇಧಾ ಏವಮಿದಂ ದೀಘಮದ್ಧಾನಂ ಸನ್ಧಾವಿತಂ ಸಂಸರಿತಂ ಮಮಞ್ಚೇವ ತುಮ್ಹಾಕಞ್ಚ। ಅರಿಯಸ್ಸ ಭಿಕ್ಖವೇ ಸಮಾಧಿಸ್ಸ…। ಅರಿಯಾಯ ಭಿಕ್ಖವೇ ಪಞ್ಞಾಯ…। ಅರಿಯಾಯ ಭಿಕ್ಖವೇ ವಿಮುತ್ತಿಯಾ ಅನನುಬೋಧಾ ಅಪ್ಪಟಿವೇಧಾ ಏವಮಿದಂ ದೀಘಮದ್ಧಾನಂ ಸನ್ಧಾವಿತಂ ಸಂಸರಿತಂ ಮಮಞ್ಚೇವ ತುಮ್ಹಾಕಞ್ಚಾ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಅಪ್ಪಸ್ಸುತಸುತ್ತ
ಪು – ತತ್ಥೇವ
ವಿ – ತತ್ಥ ಭನ್ತೇ ಛಟ್ಠಂ ಅಪ್ಪಸ್ಸುತಸುತ್ತಂ ‘‘ಚತ್ತಾರೋಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ಚತ್ತಾರೋ, ಅಪ್ಪಸ್ಸುತೋ ಸುತೇನ ಅನುಪಪನ್ನೋ, ಅಪ್ಪಸ್ಸುತೋ ಸುತೇನ ಉಪಪನ್ನೋ, ಬಹುಸ್ಸುತೋ ಸುತೇನ ಅನುಪಪನ್ನೋ, ಬಹುಸ್ಸುತೋ ಸುತೇನ ಉಪಪನ್ನೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಚರವಗ್ಗ
ಚರಸುತ್ತ
ಪು – ಚರವಗ್ಗೇ
ವಿ – ಚರವಗ್ಗೇ ಭನ್ತೇ ಪಠಮಂ ಚರಸುತ್ತಂ ‘‘ಚರತೋ ಚೇಪಿ ಭಿಕ್ಖವೇ ಭಿಕ್ಖುನೋ ಉಪ್ಪಜ್ಜತಿ ಕಾಮವಿತಕ್ಕೋ ವಾ ಬ್ಯಾಪಾದವಿತಕ್ಕೋ ವಾ ವಿಹಿಂಸಾವಿಭತ್ತೋ ವಾ, ತಂ ಚೇ ಭಿಕ್ಖು ಅಧಿವಾಸೇತಿ ನಪ್ಪಜಹತಿ ನ ವಿನೋದೇತಿ ನ ಬ್ಯನ್ತೀಕರೋತಿ ನ ಅನಭಾವಂ ಗಮೇತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಉರುವೇಲವಗ್ಗ
ಲೋಕಸುತ್ತ
ಪು – ತೇನಾವುಸೋ…ಪೇ॰…
ವಿ – ಉರುವೇಲವಗ್ಗೇ ಭನ್ತೇ ತತಿಯಂ ಲೋಕಸುತ್ತಂ ‘‘ಲೋಕೋ ಭಿಕ್ಖವೇ ತಥಾಗತೇನ ಅಭಿಸಮ್ಬುದ್ಧೋ, ಲೋಕಸ್ಮಾ ತಥಾಗತೋ ವಿಸಂಯುತ್ತೋ, ಲೋಕಸಮುದಯೋ ಭಿಕ್ಖವೇ ತಥಾಗತೇನ ಅಭಿಸಮ್ಬುದ್ಧೋ, ಲೋಕಸಮುದಯೋ ತಥಾಗತಸ್ಸ ಪಹೀನೋ, ಲೋಕನಿರೋಧೋ ಭಿಕ್ಖವೇ ತಥಾಗತೇನ ಅಭಿಸಮ್ಬುದ್ಧೋ ಲೋಕನಿರೋಧೋ ತಥಾಗತಸ್ಸ ಸಚ್ಛಿಕತೋ, ಲೋಕನಿರೋಧಗಾಮಿನೀ ಪಟಿಪದಾ ಭಿಕ್ಖವೇ ತಥಾಗತೇನ ಅಭಿಸಮ್ಬುದ್ಧಾ, ಲೋಕನಿರೋಧಗಾಮಿನಿ ಪಟಿಪದಾ ತಥಾಗತಸ್ಸ ಭಾವಿತಾ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ದನ್ತೋ
ಸನ್ತೋ ಸಮಯತಂ ಇಸಿ।
ಮುತ್ತೋ ಮೋಚಯತಂ ಅಗ್ಗೋ,
ತಿಣ್ಣೋ ತಾರಯತಂ ವರೋ–
ಸಬ್ಬಂ ಲೋಕಂ ಅಭಿಞ್ಞಾಯ,
ಸಬ್ಬಂ ಲೋಕೇ ಯಥಾತಥಂ।
ಸಬ್ಬಂ ಲೋಕಂ ವಿಸಂಯುತ್ತೋ,
ಸಬ್ಬಲೋಕೇ ಅನೂಪಯೋ॥
ಸ ವೇ ಸಬ್ಬಾಭಿಭೂ ಧೀರೋ,
ಸಬ್ಬಗನ್ಥಪ್ಪಮೋಚನೋ।
ಪುಟ್ಠ’ಸ್ಸ ಪರಮಾ ಸನ್ತಿ,
ನಿಬ್ಬಾನಂ ಅಕುತೋ ಭಯಂ॥
ಏಸ ಖೀಣಾಸವೋ ಬುದ್ಧೋ,
ಅನೀಘೋ ಛಿನ್ನಸಂಸಯೋ।
ಸಬ್ಬಕಮ್ಮಕ್ಖಯಂ
ವಿಮುತ್ತೋ ಉಪಧಿಸಙ್ಖಯೇ।
ಏಸ ಸೋ ಭಗವಾ ಬುದ್ಧೋ,
ಏಸ ಸೀಹೋ ಅನುತ್ತರೋ।
ಸದೇವಕಸ್ಸ ಲೋಕಸ್ಸ,
ಬ್ರಹ್ಮಚಕ್ಕಂ ಪವತ್ತಯೀ॥
ಇತಿ ದೇವಾ ಮನುಸ್ಸಾ ಚ,
ಯೇ ಬುದ್ಧಂ ಸರಣಂ ಗತಾ।
ಸಙ್ಗಮ್ಮ ತಂ ನಮಸ್ಸನ್ತಿ,
ಮಹನ್ತಂ ವೀತಸಾರದಂ॥
ದನ್ತೋ ದಮಯತಂ ಸೇಟ್ಠೋ,
ಸನ್ತೋ ಸಮಯತಂ ಇಸಿ।
ಮುತ್ತೋ ಮೋಚಯತಂ ಅಗ್ಗೋ,
ತಿಣ್ಣೋ ತಾರಯತಂ ವರೋ॥
ಇತಿ ಹೇತಂ ನಮಸ್ಸನ್ತಿ,
ಮಹನ್ತಂ ವೀತಸಾರದಂ।
ಸದೇವಕಸ್ಮಿಂ ಲೋಕಸ್ಮಿಂ,
ನತ್ಥಿ ಮೇ ಪಟಿಪುಗ್ಗಲೋ–
ಬ್ರಹ್ಮಚರಿಯಸುತ್ತ
ಪು – ತತ್ಥೇವ ಆವುಸೋ ಪಞ್ಚಮಂ ಬ್ರಹ್ಮಚರಿಯಸುತ್ತಂ ಭಗವತಾ ಕಥಂ ಭಾಸಿತಂ।
ವಿ – ಪಞ್ಚಮಂ ಭನ್ತೇ ಬ್ರಹ್ಮಚರಿಯಸುತ್ತಂ ‘‘ನಯಿದಂ ಭಿಕ್ಖವೇ ಬ್ರಹ್ಮಚರಿಯಂ ವುಸ್ಸತಿ ಜನಕುಹನತ್ಥಂ, ನ ಜನಲಪನತ್ಥಂ, ನ ಲಾಭಸಕ್ಕಾರಸಿಲೋಕಾನಿಸಂಸುತ್ತಂ
ಅರಿಯವಂಸಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ಅಟ್ಠಮಂ ಅರಿಯವಂಸಸುತ್ತಂ ‘‘ಚತ್ತಾರೋಮೇ ಭಿಕ್ಖವೇ ಅರಿಯವಂಸಾ ಅಗ್ಗಞ್ಞಾ ರತ್ತಞ್ಞಾ ವಂಸಞ್ಞಾ ಪೋರಾಣಾ, ಅಸಂಕಿಣ್ಣಾ ಅಸಂಕಿಣ್ಣಪುಬ್ಬಾನ ಸಂಕೀಯಿಸ್ಸನ್ತಿ, ಅಪ್ಪಟಿಕುಟ್ಠಾ ಸಮಣೇಹಿ ಬ್ರಾಹ್ಮಣೇಹಿ ವಿಞ್ಞೂಹಿ। ಕತಮೇ ಚತ್ತಾರೋ, ಇಧ ಭಿಕ್ಖವೇ ಭಿಕ್ಖು ಸನ್ತುಟ್ಠೋ ಹೋತಿ ಇತರೀತರೇನ ಚೀವರೇನ, ಇತರೀತರಚೀವರಸನ್ತುಟ್ಠಿಯಾ ಚ ವಣ್ಣವಾದೀ, ನ ಚ ಚೀವರಹೇತು ಅನೇಸನಂ ಅಪ್ಪತಿರೂಪಂ ಆಪಜ್ಜತಿ, ಅಲದ್ಧಾ ಚ ಚೀವರಂ ನ ಪರಿತಸ್ಸತಿ, ಲದ್ಧಾ ಚ ಚೀವರಂ ಅಗಧಿತೋ ಅಮುಚ್ಛಿತೋ ಅನಜ್ಝೋಪನ್ನೋ ಆದೀನವದಸ್ಸಾವೀ ನಿಸ್ಸರಣಪಞ್ಞೋ ಪರಿಭುಞ್ಜತಿ, ತಾಯ ಚ ಪನ ಇತರೀತರಚೀವರಸನ್ತುಟ್ಠಿಯಾ ನೇವತ್ತಾನುಕ್ಕಂಸೇತಿ ನೋ ಪರಂ ವಮ್ಭೇತಿ। ಯೋ ಹಿ ತತ್ಥ ದಕ್ಖೋ ಅನಲಸೋ ಸಮ್ಪಜಾನೋ ಪಟಿಸ್ಸಭೋ, ಅಯಂ ವುಚ್ಚತಿ ಭಿಕ್ಖವೇ ಭಿಕ್ಖು ಪೋರಾಣೇ ಅಗ್ಗಞ್ಞೇ ಅರಿಯವಂಸೇ ಠಿತೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಚಕ್ಕವಗ್ಗ
ಚಕ್ಕಸುತ್ತ
ಪು – ಚಕ್ಕವಗ್ಗೇ
ವಿ – ಚಕ್ಕವಗ್ಗೇ ಭನ್ತೇ ಪಠಮಂ ಚಕ್ಕಸುತ್ತಂ ‘‘ಚತ್ತಾರಿಮಾನಿ ಭಿಕ್ಖವೇ ಚಕ್ಕಾನಿ, ಯೇಹಿ ಸಮನ್ನಾಗತಾನಂ ದೇವಮನುಸ್ಸಾನಂ ಚತುಚಕ್ಕಂ ವತ್ತತಿ, ಯೇಹಿ ಸಮನ್ನಾಗತಾ ದೇವಮನುಸ್ಸಾ ನಚಿರಸ್ಸೇವ ಮಹನ್ತತ್ತಂ ವೇಪುಲ್ಲತ್ತಂ ಪಾಪುಣನ್ತಿ ಭೋಗೇಸು। ಕತಮಾನಿ ಚತ್ತಾರಿ, ಪತಿರೂಪದೇಸವಾಸೋ ಸಪ್ಪುರಿಸಾವಸ್ಸಯೋ ಅತ್ತಸಮ್ಮಾಪಣಿಧಿ ಪುಬ್ಬೇ ಚ ಕತಪುಞ್ಞತಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸಙ್ಗಹಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ದುತಿಯಂ ಸಙ್ಗಹಸುತ್ತಂ ‘‘ಚತ್ತಾರಿಮಾನಿ ಭಿಕ್ಖವೇ ಸಙ್ಗಹವತ್ಥೂನಿ। ಕತಮಾನಿ ಚತ್ತಾರಿ, ದಾನಂ ಪೇಯ್ಯವಜ್ಜಂ ಅತ್ಥಚರಿಯಾ ಸಮಾನತ್ತತಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸೀಹಸುತ್ತ
ಪು – ಭತ್ಥೇವ
ವಿ – ತತ್ಥೇವ ಭನ್ತೇ ತತಿಯಂ ಸೀಹಸುತ್ತಂ ‘‘ಸೀಹೋ ಭಿಕ್ಖವೇ ಮಿಗರಾಜಾ ಸಾಯನುಸಮಯಂ ಆಸಯಾ ನಿಕ್ಖಮತಿ, ಆಸಯಾ ನಿಕ್ಖಮಿತ್ವಾ ವಿಜಮ್ಭತಿ, ವಿಜಮ್ಭಿತ್ವಾ ಸಮನ್ತಾ ಚತುದ್ದಿಸಾ ಅನುವಿಲೋಕೇತಿ, ಸಮನ್ತಾ ಚತುದ್ದಿಸಾ ಅನುವಿಲೋಕೇತ್ವಾ ತಿಕ್ಖತ್ತುಂ ಸೀಹನಾದಂ ನದತಿ, ತಿಕ್ಖತ್ತುಂ ಸೀಹನಾದಂ ನದಿತ್ವಾ ಗೋಚರಾಯ ಪಕ್ಕಮತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ದೋಣಸುತ್ತ
ಪು – ತೇನಾವುಸೋ
ವಿ – ಅನ್ತರಾ
‘‘ಅಚ್ಛರಿಯಂ
‘‘ದೇವೋ ನೋ ಭವಂ ಭವಿಸ್ಸತಿ’’।
‘‘ನ ಖೋ ಅಹಂ ಬ್ರಾಹ್ಮಣ ದೇವೋ ಭವಿಸ್ಸಮಿ’’।
‘‘ಗನ್ಧಬ್ಬೋ ನೋ ಭವಂ ಭವಿಸ್ಸತಿ’’।
‘‘ನ ಖೋ ಅಹಂ ಬ್ರಾಹ್ಮಣ ಗನ್ಧಬ್ಬೋ ಭವಿಸ್ಸಾಮಿ’’।
ಉಜ್ಜಯಸುತ್ತ
ಪು – ತತ್ಥೇವ
ವಿ – ನವಮಂ ಭನ್ತೇ ಉಜ್ಜಯಸುತ್ತಂ ‘‘ನ ಖೋ ಅಹಂ ಬ್ರಾಹ್ಮಣ ಸಬ್ಬಂ ಯಞ್ಞಂ ವಣ್ಣೇಮಿ, ನ ಪನಾಹಂ ಬ್ರಾಹ್ಮಣ ಸಬ್ಬಂ ಯಞ್ಞಂ ನ ವಣ್ಣೇಮಿ। ಯಥಾರೂಪೇ ಖೋ ಬ್ರಾಹ್ಮಣ ಯಞ್ಞೇ ಗಾವೋ ಹಞ್ಞನ್ತಿ, ಅಜೇಳಕಾ ಹಞ್ಞನ್ತಿ, ಕುಕ್ಕುಟಸೂಕರಾ ಹಞ್ಞನ್ತಿ, ವಿವಿಧಾ ಪಾಣಾ ಸಙ್ಘಾತಂ ಆಪಜ್ಜನ್ತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
‘‘ಭವಮ್ಪಿ
ರೋಹಿತಸ್ಸವಗ್ಗ
ಸಮಾಧಿಭಾವನಾಸುತ್ತ
ಪು – ರೋಹಿತಸ್ಸವಗ್ಗೇ
ವಿ – ರೋಹಿತಸ್ಸವಗ್ಗೇ ಭನ್ತೇ ಪಠಮಂ ಸಮಾಧಿಭಾವನಾಸುತ್ತಂ ‘‘ಚತಸ್ಸೋ ಇಮಾ ಭಿಕ್ಖವೇ ಸಮಾಧಿಭಾವನಾ, ಕತಮಾ ಚತಸ್ಸೋ, ಅತ್ಥಿ ಭಿಕ್ಖವೇ ಸಮಾಧಿಭಾವನಾ ಭಾವಿತಾ ಬಹುಲೀಕತಾ ದಿಟ್ಠಧಮ್ಮಸುಖವಿಹಾರಾಯ ಸಂವತ್ತತಿ, ಅತ್ಥಿ ಭಿಕ್ಖವೇ ಸಮಾಧಿಭಾವನಾ ಭಾವಿತಾ ಬಹುಲೀಕತಾ ಞಾಣದಸ್ಸನಪ್ಪಟಿಲಾಭಾಯ ಸಂವತ್ತತಿ, ಅತ್ಥಿ ಭಿಕ್ಖವೇ ಸಮಾಧಿಭಾವನಾ ಭಾವಿತಾ ಬಹುಲೀಕತಾ ಸತಿಸಮ್ಪಜಞ್ಞಾಯ ಸಂವತ್ತತಿ, ಅತ್ಥಿ ಭಿಕ್ಖವೇ ಸಮಾಧಿಭಾವನಾ ಭಾವಿತಾ ಬಹುಲೀಕತಾ ಆಸವಾನಂ ಖಯಾಯ ಸಂವತ್ತತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಪಞ್ಹಬ್ಯಾಕರಣಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ದುತಿಯಂ ಪಞ್ಹಬ್ಯಾಕರಣಸುತ್ತಂ ‘‘ಚತ್ತಾರಿಮಾನಿ ಭಿಕ್ಖವೇ ಪಞ್ಹಬ್ಯಾಕರಣಾನಿ। ಕತಮಾನಿ ಚತ್ತಾರಿ, ಅತ್ಥಿ ಭಿಕ್ಖವೇ ಪಞ್ಹೋ ಏಕಂಸಬ್ಯಾಕರಣೀಯೋ, ಅತ್ಥಿ ಭಿಕ್ಖವೇ ಪಞ್ಹೋ ವಿಭಜ್ಜಬ್ಯಾಕರಣೀಯೋ, ಅತ್ಥಿ ಭಿಕ್ಖವೇ ಪಞ್ಹೋ ಪಟಿಪುಚ್ಛಾಬ್ಯಾಕರಣೀಯೋ, ಅತ್ಥಿ ಭಿಕ್ಖವೇ ಪಞ್ಹೋ ಠಪನೀಯೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಪುಞ್ಞಾಭಿಸನ್ದವಗ್ಗ
ಪಠಮಸಂವಾಸಸುತ್ತ
ಪು – ಪುಞ್ಞಾಭಿಸನ್ದವಗ್ಗೇ
ವಿ – ಪುಞ್ಞಾಭಿಸನ್ದವಗ್ಗೇ ಭನ್ತೇ ತತಿಯಂ ಸಂವಾಸಸುತ್ತಂ ಅನ್ತರಾ ಚ ಮಧುರಂ ಅನ್ತರಾ ಚ ವೇರಞ್ಜಂ ಸಮ್ಬಹುಲೇ ಗಹಪತಯೋ ಚ ಗಹಪತಾನಿಯೋ ಚ ಆರಬ್ಭ ‘‘ಚತ್ತಾರೋಮೇ ಗಹಪತಯೋ ಸಂವಾಸಾ। ಕತಮೇ ಚತ್ತಾರೋ, ಛವೋ ಛವಾಯ ಸದ್ಧಿಂ ಸಂವಸತಿ, ಛವೋ ದೇವಿಯಾ ಸದ್ಧಿಂ ಸಂವಸತಿ, ದೇವೋ ಛವಾಯ ಸದ್ಧಿಂ ಸಂವಸತಿ, ದೇವೋ ದೇವಿಯಾ ಸದ್ಧಿಂ ಸಂವಸತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಪಠಮಸಮಜೀವೀಸುತ್ತ
ಪು – ತೇನಾವುಸೋ
ವಿ – ಪಞ್ಚಮಂ ಭನ್ತೇ ಸಮಜೀವಿಸುತ್ತಂ ‘‘ಆಕಙ್ಖೇಯ್ಯುಂ ಚೇ ಗಹಪತಯೋ ಉಭೋ ಜಾನಿಪತಯೋ ದಿಟ್ಠೇ ಚೇವ ಧಮ್ಮೇ ಅಞ್ಞಮಞ್ಞಂ ಪಸ್ಸಿತುಂ, ಅಭಿಸಮ್ಪರಾಯಞ್ಚ ಅಞ್ಞಮಞ್ಞಂ ಪಸ್ಸಿತುಂ, ಉಭೋವ ಅಸ್ಸು ಸಮಸದ್ಧಾ ಸಮಸೀಲಾ ಸಮಚಾಗಾ ಸಮಪಞ್ಞಾ, ತೇ ದಿಟ್ಠೇ ಚೇವ ಧಮ್ಮೇ ಅಞ್ಞಮಞ್ಞಂ ಪಸ್ಸನ್ತಿ, ಅಭಿಸಮ್ಪರಾಯಞ್ಚ ಅಞ್ಞಮಞ್ಞಂ ಪಸ್ಸನ್ತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಪತ್ತಕಮ್ಮವಗ್ಗ
ಆನಣ್ಯಸುಖಸುತ್ತ
ಪು – ಪತ್ತಕಮ್ಮವಗ್ಗೇ
ವಿ – ಪತ್ತಕಮ್ಮವಗ್ಗೇ
ಆನಣ್ಯಸುಖಂ
ಭುಞ್ಜಂ ಭೋಗಸುಖಂ ಮಚ್ಚೋ, ತತೋ ಪಞ್ಞಾ ವಿಪಸ್ಸತಿ।
ವಿಪಸ್ಸಮಾನೋ ಜಾನಾತಿ, ಉಭೋ ಭಾಗೇ ಸುಮೇಧಸೋ।
ಅನವಜ್ಜಸುಖಸ್ಸೇತಂ, ಕಲಂ ನಾಗ್ಘತಿ ಸೋಳಸಿಂ–
ಅಪ್ಪಣ್ಣಕವಗ್ಗ
ಸಪ್ಪುರಿಸಸುತ್ತ
ಪು – ಅಪಣ್ಣಕವಗ್ಗೇ ಪನ ಆವುಸೋ ತತಿಯಂ ಸಪ್ಪುರಿಸಸುತ್ತಂ ಭಗವತಾ ಕಥಂ ಭಾಸಿತಂ।
ವಿ – ಅಪಣ್ಣಕವಗ್ಗೇ
ಅಧುನಾಗತವಧುಕಾಸಮೇನ ಚೇತಸಾ ವಿಹರಿಸ್ಸಾಮ’’ –
ಅಚಿನ್ತೇಯ್ಯಸುತ್ತ
ಪು – ತತ್ಥೇವ ಆವುಸೋ ಸತ್ತಮಂ ಅಚಿನ್ತೇಯ್ಯಸುತ್ತಂ ಭಗವತಾ ಕಥಂ ಭಾಸಿತಂ।
ವಿ – ಸತ್ತಮಂ ಭನ್ತೇ ಅಚಿನ್ತೇಯ್ಯಸುತ್ತಂ ‘‘ಚತ್ತಾರಿಮಾನಿ ಭಿಕ್ಖವೇ ಅಚಿನ್ತೇಯ್ಯಾನಿ ನ ಚಿನ್ತೇತಬ್ಬಾನಿ, ಯಾನಿ ಚಿನ್ತೇನ್ತೋ ಉಮ್ಮಾದಸ್ಸ ವಿಘಾತಸ್ಸ ಭಾಗೀ ಅಸ್ಸ। ಕತಮಾನಿ ಚತ್ತಾರಿ, ಬುದ್ಧಾನಂ ಭಿಕ್ಖವೇ ಬುದ್ಧವಿಸಯೋ ಅಚಿನ್ತೇಯ್ಯೋ ನ ಚಿನ್ತೇತಬ್ಬೋ, ಯಂ ಚಿನ್ತೇನ್ತೋ ಉಮ್ಮಾದಸ್ಸ ವಿಘಾತಸ್ಸ ಭಾಗೀ ಅಸ್ಸಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಮಚಲವಗ್ಗ
ತಮೋತಮಸುತ್ತ
ಪು – ಮಚಲವಗ್ಗೇ
ವಿ – ಮಚಲವಗ್ಗೇ ಭನ್ತೇ ಪಞ್ಚಮಂ ತಮೋತಮಸುತ್ತಂ ‘‘ಚತ್ತಾರೋಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ಚತ್ತಾರೋ, ತಮೋತಮಪರಾಯಣೋ, ತಮೋಜೋತಿಪರಾಯಣೋ, ಜೋತಿತಮಪರಾಯಣೋ, ಜೋತಿಜೋತಿಪರಾಯಣೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಅಸುರವಗ್ಗ
ಅಸುರಸುತ್ತ
ಪು – ತೇನಾವುಸೋ
ವಿ – ಅಸುರವಗ್ಗೇ ಭನ್ತೇ ಪಠಮಂ ಅಸುರಸುತ್ತಂ ‘‘ಚತ್ತಾರೋಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ಚತ್ತಾರೋ, ಅಸುರೋ ಅಸುರಪರಿವಾರೋ, ಅಸುರೋ ದೇವಪರಿವಾರೋ, ದೇವೋ ಅಸುರಪರಿವಾರೋ, ದೇವೋ ದೇವಪರಿವಾರೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸಮಾಧಿಸುತ್ತ
ಪು – ತತ್ಥೇವ
ವಿ – ಚತುತ್ಥಂ ಭನ್ತೇ ಸಮಾಧಿಸುತ್ತಂ ‘‘ಚತ್ತಾರೋಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ಚತ್ತಾರೋ, ಇಧ ಭಿಕ್ಖವೇ ಏಕಚ್ಚೋ ಪುಗ್ಗಲೋ ಲಾಭೀ ಹೋತಿ ಅಜ್ಝತ್ತಂ ಚೇತೋಸಮಥಸ್ಸ ನ ಲಾಭೀ ಅಧಿಪಞ್ಞಾಧಮ್ಮವಿಪಸ್ಸನಾಯ। ಇಧ ಪನ ಭಿಕ್ಖವೇ ಪುಗ್ಗಲೋ ಲಾಭೀ ಹೋತಿ ಅಧಿಪಞ್ಞಾಧಮ್ಮವಿಪಸ್ಸನಾಯ, ನ ಲಾಭೀ ಅಜ್ಝತ್ತಂ ಚೇತೋಸಮಥಸ್ಸ। ಇಧ ಪನ ಭಿಕ್ಖವೇ ಏಕಚ್ಚೋ ಪುಗ್ಗಲೋ ನ ಚೇವ ಲಾಭೀ ಹೋತಿ ಅಜ್ಝತ್ತಂ ಚೇತೋಸಮಥಸ್ಸ, ನ ಚ ಲಾಭೀ ಅಧಿಪಞ್ಞಾಧಮ್ಮವಿಪಸ್ಸನಾಯ। ಇಧ ಪನ ಭಿಕ್ಖವೇ ಏಕಚ್ಚೋ ಪುಗ್ಗಲೋ ಲಾಭೀ ಚೇವ ಹೋತಿ ಅಜ್ಝತ್ತಂ ಚೇತೋಸಮಥಸ್ಸ, ಲಾಭೀ ಚ ಅಧಿಪಞ್ಞಾಧಮ್ಮವಿಪಸ್ಸನಾಯಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ರಾಗವಿನಯಸುತ್ತ
ಪು – ತತ್ಥೇವ
ವಿ – ಛಟ್ಠಂ ಭನ್ತೇ ರಾಗವಿನಯಸುತ್ತಂ ‘‘ಚತ್ತಾರೋಮೇ ಭಿಕ್ಖವೇ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ಚತ್ತಾರೋ, ಅತ್ತಹಿತಾಯ ಪಟಿಪನ್ನೋ ನೋ ಪರಹಿತಾಯ, ಪರಹಿತಾಯ ಪಟಿಪನ್ನೋ ನೋ ಅತ್ತಹಿತಾಯ, ನೇವತ್ತಹಿತಾಯ ಪಟಿಪನ್ನೋ ನೋ ಪರಹಿತಾಯ, ಅತ್ತಹಿತಾಯ ಚೇವ ಪಟಿಪನ್ನೋ ಪರಹಿತಾಯ ಚಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ವಲಾಹಕವಗ್ಗ
ಪಠಮವಲಾಹಕಸುತ್ತ
ಪು – ವಲಾಹಕವಗ್ಗೇ
ವಿ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಚತ್ತಾರೋಮೇ ಭಿಕ್ಖವೇ ವಲಾಹಕಾ। ಕತಮೇ ಚತ್ತಾರೋ, ಗಜ್ಜಿತಾ ನೋ ವಸ್ಸಿತಾ, ವಸ್ಸಿತಾ ನೋ ಗಜ್ಜಿತಾ, ನೇವ ಗಜ್ಜಿತಾ ನೋ ವಸ್ಸಿತಾ, ಗಜ್ಜಿತಾ ಚ ವಸ್ಸಿತಾ ಚ। ಇಮೇ ಖೋ ಭಿಕ್ಖವೇ ಚತ್ತಾರೋ ವಲಾಹಕಾ। ಏವಮೇವ ಖೋ ಭಿಕ್ಖವೇ ಚತ್ತಾರೋ ವಲಾಹಕೂಪಮಾ ಪುಗ್ಗಲಾ ಸನ್ತೋ ಸಂವಿಜ್ಜಾಮಾನಾ ಲೋಕಸ್ಮಿಂ। ಕತಮೇ ಚತ್ತಾರೋ, ಗಜ್ಜಿತಾ ನೋ ವಸ್ಸಿತಾ, ವಸ್ಸಿತಾ ನೋ ಗಜ್ಜಿತಾ, ನೇವ ಗಜ್ಜಿತಾ ನೋ ವಸ್ಸಿತಾ, ಗಜ್ಜಿತಾ ಚ ವಸ್ಸಿತಾ ಚಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಉದಕರಹದಸುತ್ತ
ಪು – ತತ್ಥೇವ
ವಿ – ಚತುತ್ಥ ಭನ್ತೇ ಉದಕರಹದಸುತ್ತಂ ‘‘ಚತ್ತಾರೋಮೇ ಭಿಕ್ಖವೇ ಉದಕರಹದಾ। ಕತಮೇ ಚತ್ತಾರೋ, ಉತ್ತಾನೋ ಗಮ್ಭೀರೋಭಾಸೋ, ಗಮ್ಭೀರೋ ಉತ್ತಾನೋಭಾಸೋ, ಉತ್ತಾನೋ ಉತ್ತಾನೋಭಾಸೋ, ಗಮ್ಭೀರೋ ಗಮ್ಭೀರೋಭಾಸೋ, ಇಮೇ ಖೋ ಭಿಕ್ಖವೇ ಚತ್ತಾರೋ ಉದಕರಹದಾ। ಏವಮೇವ ಖೋ ಭಿಕ್ಖವೇ ಚತ್ತಾರೋ ಉದಕರಹದೂಪಮಾ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ಚತ್ತಾರೋ, ಉತ್ತಾನೋ ಗಮ್ಭೀರೋಭಾಸೋ, ಗಮ್ಭೀರೋ ಉತ್ತಾನೋಭಾಸೋ, ಉತ್ತಾನೋ ಉತ್ತಾನೋಭಾಸೋ, ಗಮ್ಭೀರೋ ಗಮ್ಭೀರೋಭಾಸೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಮೂಸಿಕಸುತ್ತ
ಪು – ತತ್ಥೇವ
ವಿ – ಸತ್ತಮಂ ಭನ್ತೇ ಮೂಸಿಕಸುತ್ತಂ ‘‘ಚತಸ್ಸೋ ಇಮಾ ಭಿಕ್ಖವೇ ಮೂಸಿಕಾ। ಕತಮಾ ಚತಸ್ಸೋ, ಗಾಧಂ ಕತ್ತಾ ನೋ ವಸಿತಾ, ವಸಿತಾ ನೋ ಗಾಧಂ ಕತ್ತಾ, ನೇವ ಗಾಧಂ ಕತ್ತಾ ನೋ ವಸಿತಾ, ಗಾಧಂ ಕತ್ತಾ ಚ ವಸಿತಾ ಚ। ಇಮಾ ಖೋ ಭಿಕ್ಖವೇ ಚತಸ್ಸೋ ಮೂಸಿಕಾ। ಏವಮೇವ ಖೋ ಭಿಕ್ಖವೇ ಚತ್ತಾರೋ ಮೂಸಿಕೂಪಮಾ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿಂ। ಕತಮೇ ಚತ್ತಾರೋ, ಗಾಧಂ ಕತ್ತಾ ನೋ ವಸಿತಾ, ವಸಿತಾ ನೋ ಗಾಧಂ ಕತ್ತಾ, ನೇವ ಗಾಧಂ ಕತ್ತಾ ನೋ ವಸಿತಾ, ಗಾಧಂ ಕತ್ತಾ ಚ ವಸಿತಾ ಚಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಬಲೀಬದ್ಧಸುತ್ತ
ಪು – ಸಂಗೀತಾಪಿ
ವಿ – ವಲಾಹಕವಗ್ಗೇ ಭನ್ತೇ ಅಟ್ಠಮಂ ಬಲೀಬದ್ಧಸುತ್ತಂ ‘‘ಚತ್ತಾರೋಮೇ ಭಿಕ್ಖವೇ ಬಲೀಬದ್ಧಾ। ಕತಮೇ ಚತ್ತಾರೋ, ಸಗವಚಣ್ಡೋ ನೋ ಪರಗವಚಣ್ಡೋ, ಪರಗವಚಣ್ಡೋ ನೋ ಸಗವಚಣ್ಡೋ, ಸಗವಚಣ್ಡೋ ಚ ಪರಗವಚಣ್ಡೋ ಚ, ನೇವ ಸಗವಚಣ್ಡೋ ನೋ ಪರಗವಚಣ್ಡೋ। ಇಮೇ ಖೋ ಭಿಕ್ಖವೇ ಚತ್ತಾರೋ ಬಲೀಬದ್ಧಾ। ಏವಮೇವ ಖೋ ಭಿಕ್ಖವೇ ಚತ್ತಾರೋ ಬಲೀಬದ್ಧೂಪಮಾ ಪುಗ್ಗಲಾ ಸನ್ತೋ ಸಂವಿಜ್ಜಮಾನಾ ಲೋಕಸ್ಮಿ’’ನ್ತಿ ಏವಮಾದಿನಾ ಭಗವತಾ ಭಾಸಿತಂ।
ಕೇಸಿಸುತ್ತ
ಪು – ಕೇಸಿವಗ್ಗೇ
ವಿ – ಕೇಸಿಂ ಭನ್ತೇ ಅಸ್ಸದಮ್ಮಸಾರಥಿಂ ಆರಬ್ಭ ಭಾಸಿತಂ। ಕೇಸಿ ಭನ್ತೇ ಅಸ್ಸದಮ್ಮಸಾರಥಿ ಭಗವನ್ತಂ ಏತದವೋಚ ‘‘ಭಗವಾ ಪನ ಭನ್ತೇ ಅನುತ್ತರೋ ಪುರಿಸದಮ್ಮಸಾರಥಿ, ಕಥಂ ಪನ ಭನ್ತೇ ಭಗವಾ ಪುರಿಸದಮ್ಮಂ ವಿನೇತೀ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಅಹಂ ಖೋ ಕೇಸಿ ಪುರಿಸದಮ್ಮಂ ಸಣ್ಹೇನಪಿ ವಿನೇಮಿ, ಫರುಸೇನಪಿ ವಿನೇಮಿ, ಸಣ್ಹಫರುಸೇನಪಿ ವಿನೇಮಿ। ತತ್ರಿದಂ ಕೇಸಿ ಸಣ್ಹಸ್ಮಿಂ – ಇತಿ ಕಾಯಸುಚರಿತಂ ಇತಿ ಕಾಯಸುಚರಿತಸ್ಸ ವಿಪಾಕೋ, ಇತಿ ವಚೀಸುಚರಿತಂ ಇತಿ ವಚೀಸುಚರಿತಸ್ಸ
‘‘ತ್ವಂ ಖೋಸಿ ಕೇಸಿ ಪಞ್ಞಾತೋ ಅಸ್ಸದಮ್ಮಸಾರಥೀತಿ, ಕಥಂ ಪನ ತ್ವಂ ಕೇಸಿ ಅಸ್ಸದಮ್ಮಸಾರಥಿ’’ –
‘‘ಅಹಂ ಖೋ ಭನ್ತೇ ಅಸ್ಸದಮ್ಮಂ ಸಣ್ಹೇನಪಿ ವಿನೇಮಿ, ಫರುಸೇನಪಿ ವಿನೇಮಿ, ಸಣ್ಹಫರುಸೇನಪಿ ವಿನೇಮಿ’’ –
‘‘ಸಚೇ
‘‘ಭಗವಾ ಪನ ಭನ್ತೇ ಅನುತ್ತರೋ ಪುರಿಸದಮ್ಮಸಾರಥಿ, ಕಥಂ ಪನ ಭನ್ತೇ ಭಗವಾ ಪುರಿಸದಮ್ಮಂ ವಿನೇತಿ’’ –
ನ ೦.೦೦೮೭ ಖೋ ಭನ್ತೇ ಭಗವತೋ ಪಾಣಾತಿಪಾತೋ ಕಪ್ಪತಿ, ಅಥ ಚ ಪನ ಭಗವಾ ಏವಮಾಹ ‘‘ಹನಾಮಿ ನಂ ಕೇಸೀ’’ತಿ।
ಅತ್ತಾನುವಾದಸುತ್ತ
ಪು – ಭಯವಗ್ಗೇ
ವಿ – ಭಯವಗ್ಗೇ ಭನ್ತೇ ಪಠಮಂ ಅತ್ತಾನುವಾದಸುತ್ತಂ ‘‘ಚತ್ತಾರಿಮಾನಿ ಭಿಕ್ಖವೇ ಭಯಾನಿ। ಕತಮಾನಿ ಚತ್ತಾರಿ, ಅತ್ತಾನುವಾದಭಯಂ ಪರಾನುವಾದಭಯಂ ದಣ್ಡಭಯಂ ದುಗ್ಗತಿಭಯ’’ನ್ತಿ ಏವಮಾದಿನಾ ಭಗವತಾ ಭಾಸಿತಂ।
ಧಮ್ಮಕಥಿಕಸುತ್ತ
ಪು – ಇದಾನಿ
ವಿ – ಪುಗ್ಗಲವಗ್ಗೇ ಭನ್ತೇ ನವಮಂ ಧಮ್ಮಕಥಿಕಸುತ್ತಂ ‘‘ಚತ್ತಾರೋಮೇ ಭಿಕ್ಖವೇ ಧಮ್ಮಕಥಿಕಾ। ಕತಮೇ ಚತ್ತಾರೋ, ಇಧ ಭಿಕ್ಖವೇ ಏಕಚ್ಚೋ ಧಮ್ಮಕಥಿಕೋ ಅಪ್ಪಞ್ಚ ಭಾಸತಿ ಅಸಹಿತಞ್ಚ, ಪರಿಸಾ ಚಸ್ಸ ನ ಕುಸಲಾ ಹೋತಿ ಸಹಿತಾಸಹಿತಸ್ಸ। ಏವರೂಪೋ ಭಿಕ್ಖವೇ ಧಮ್ಮಕಥಿಕೋ ಏವರೂಪಾಯ ಪರಿಸಾಯ ಧಮ್ಮಕಥಿಕೋತ್ವೇವ ಸಙ್ಖಂ ಗಚ್ಛತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ರೋಗಸುತ್ತ
ಪು – ಇನ್ದ್ರಿಯವಗ್ಗೇ
ವಿ – ಸತ್ತಮಂ ಭನ್ತೇ ರೋಗಸುತ್ತಂ ‘‘ದ್ವೇಮೇ ಭಿಕ್ಖವೇ ರೋಗಾ। ಕತಮೇ ದ್ವೇ, ಕಾಯಿಕೋ ಚ ರೋಗೋ, ಚೇತಸಿಕೋ ಚ ರೋಗೋ। ದಿಸ್ಸನ್ತಿ ಭಿಕ್ಖವೇ ಸತ್ತಾ ಕಾಯಿಕೇನ ರೋಗೇನ ಏಕಮ್ಪಿ ವಸ್ಸಂ ಆರೋಗ್ಯಂ ಪಟಿಜಾನಮಾನಾ ದ್ವೇಪಿ ವಸ್ಸಾನಿ ತೀಣಿಪಿ ವಸ್ಸಾನಿ ಚತ್ತಾರಿಪಿ ವಸ್ಸಾನಿ ಪಞ್ಚಪಿ ವಸ್ಸಾನಿ ದಸಪಿ ವಸ್ಸಾನಿ ವೀಸಮ್ಪಿ ವಸ್ಸಾನಿ ತಿಂಸಮ್ಪಿ ವಸ್ಸಾನಿ ಚತ್ತಾರೀಸಮ್ಪಿ ವಸ್ಸಾನಿ ಪಞ್ಞಾಸಮ್ಪಿ ವಸ್ಸಾನಿ ಆರೋಗ್ಯಂ ಪಟಿಜಾನಮಾನಾ ವಸ್ಸಸತಮ್ಪಿ ಭಿಯ್ಯೋಪಿ ಆರೋಗ್ಯಂ ಪಟಿಜಾನಮಾನಾ। ತೇ ಭಿಕ್ಖವೇ ಸತ್ತಾ ಸುದುಲ್ಲಭಾ ಲೋಕಸ್ಮಿಂ, ಯೇ ಚೇತಸಿಕೇನ ರೋಗೇನ ಮುಹುತ್ತಮ್ಪಿ ಆರೋಗ್ಯಂ ಪಟಿಜಾನನ್ತಿ ಅಞ್ಞತ್ರ ಖೀಣಾಸವೇಹೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಚತ್ತಾರೋಮೇ ೦.೦೦೯೬ ಭಿಕ್ಖವೇ ಪಬ್ಬಜಿತಸ್ಸ ರೋಗಾ।
ಯುಗನದ್ಧಸುತ್ತ
ಪು – ಪಟಿಪದಾವಗ್ಗೇ
ವಿ – ಕೋಸಮ್ಬಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಯೋ ಹಿ ಕೋಚಿ ಆವುಸೋ ಭಿಕ್ಖು ವಾ ಭಿಕ್ಖುನೀ ವಾ ಮಮ ಸನ್ತಿಕೇ ಅರಹತ್ತಪ್ಪತ್ತಿಂ ಬ್ಯಾಕರೋತಿ, ಸಬ್ಬೋ ಸೋ ಚತೂಹಿ ಮಗ್ಗೇಹಿ ಏತೇಸಂ ವಾ ಅಞ್ಞತರೇನಾ’’ತಿ ಏವಮಾದಿನಾ ಭನ್ತೇ ಆಯಸ್ಮತಾ ಆನನ್ದತ್ಥೇರೇನ ಧಮ್ಮಭಣ್ಡಾಗಾರಿಕೇನ ಭಾಸಿತಂ।
ಪಾಟಿಭೋಗಸುತ್ತ
ಪು – ಬ್ರಾಹ್ಮಣವಗ್ಗೇ
ವಿ – ಬ್ರಾಹ್ಮಣವಗ್ಗೇ ಭನ್ತೇ ದುತಿಯಂ ಪಾಟಿಭೋಗಸುತ್ತಂ ‘‘ಚತುನ್ನಂ ಭಿಕ್ಖವೇ ಧಮ್ಮಾನಂ ನತ್ಥಿ ಕೋಚಿ ಪಾಟಿಭೋಗೋ ಸಮಣೋ ವಾ ಬ್ರಾಹ್ಮಣೋ ವಾ ದೇವೋ ವಾ ಮಾರೋ ವಾ ಬ್ರಹ್ಮಾ ವಾ ಕೋಚಿ ವಾ ಲೋಕಸ್ಮಿ’’ನ್ತಿ ಏವಮಾದಿನಾ ಭಗವತಾ ಭಾಸಿತಂ।
ಸುತಸುತ್ತ
ಪು – ತತ್ಥೇವ
ವಿ – ರಾಜಗಹೇ ಭನ್ತೇ ವಸ್ಸಕಾರಂ ಬ್ರಾಹ್ಮಣಂ ಮಗಧಮಹಾಮತ್ತಂ ಆರಬ್ಭ ಭಾಸಿತಂ। ವಸ್ಸಕಾರೋ ಭನ್ತೇ ಬ್ರಾಹ್ಮಣೋ ಮಗಧಮಹಾಮತ್ತೋ ಭಗವನ್ತಂ ಏತದವೋಚ ‘‘ಅಹಞ್ಹಿ ಭೋ ಗೋತಮ ಏವಂವಾದೀ ಏವಂದಿಟ್ಠಿ ಯೋ ಕೋಚಿ ದಿಟ್ಠಂ ಭಾಸತಿ ‘ಏವಂ ಮೇ ದಿಟ್ಠ’ನ್ತಿ, ನತ್ಥಿ ತತೋ ದೋಸೋ। ಯೋ ಕೋಚಿ ಸುತಂ ಭಾಸತಿ ‘ಏವಂ ಮೇ ಸುತ’ನ್ತಿ, ನತ್ಥಿ ತತೋ ದೋಸೋ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ನಾಹಂ ಬ್ರಾಹ್ಮಣ ಸಬ್ಬಂ ದಿಟ್ಠಂ ‘ಭಾಸಿತಬ್ಬ’ನ್ತಿ ವದಾಮಿ, ನ ಪನಾಹಂ ಬ್ರಾಹ್ಮಣ ಸಬ್ಬಂ ದಿಟ್ಠಂ ‘ನ ಭಾಸಿತಬ್ಬ’ನ್ತಿ ವದಾಮಿ, ನಾಹಂ ಬ್ರಾಹ್ಮಣ ಸಬ್ಬಂ ಸುತಂ ‘ಭಾಸಿತಬ್ಬ’ನ್ತಿ ವದಾಮಿ, ನ ಪನಾಹಂ ಬ್ರಾಹ್ಮಣ ಸಬ್ಬಂ ಸುತಂ ‘ನ ಭಾಸಿತಬ್ಬ’ನ್ತಿ ವದಾಮೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಅಭಯಸುತ್ತ
ಪು – ಅಙ್ಗುತ್ತರನಿಕಾಯೇ
ವಿ – ಬ್ರಾಹ್ಮಣವಗ್ಗೇ ಭನ್ತೇ ಚತುತ್ಥಂ ಅಭಯಸುತ್ತಂ ಜಾಣುಸ್ಸೋಣಿಂ ಬ್ರಾಹ್ಮಣಂ ಆರಬ್ಭ ಭಾಸಿತಂ। ಜಾಣುಸ್ಸೋಣಿ ಭನ್ತೇ ಬ್ರಾಹ್ಮಣೋ ಭಗವನ್ತಂ ಏತದವೋಚ ‘‘ನತ್ಥಿ ಯೋ ಮರಣಧಮ್ಮೋ ಸಮಾನೋ ನ ಭಾಯತಿ, ನ ಸನ್ತಾಸಂ ಆಪಜ್ಜತಿ ಮರಣಸ್ಸಾ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಅತ್ಥಿ ಬ್ರಾಹ್ಮಣ ಮರಣಧಮ್ಮೋ ಸಮಾನೋ ಭಾಯತಿ, ಸನ್ತಾಸಂ ಆಪಜ್ಜತಿ ಮರಣಸ್ಸ। ಅತ್ಥಿ ಪನ ಬ್ರಾಹ್ಮಣ ಮರಣಧಮ್ಮೋ ಸಮಾನೋ ನ ಭಾಯತಿ, ನ ಸನ್ತಾಸಂ ಆಪಜ್ಜತಿ ಮರಣಸ್ಸಾ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಸೋತಾನುಗತಸುತ್ತ
ಪು – ಮಹಾವಗ್ಗೇ
ವಿ – ಮಹಾವಗ್ಗೇ ಭನ್ತೇ ಪಠಮಂ ಸೋತಾನುಗತಸುತ್ತಂ ‘‘ಸೋತಾನುಗತಾನಂ ಭಿಕ್ಖವೇ ಧಮ್ಮಾನಂ ವಚಸಾ ಪರಿಚಿತಾನಂ ಮನಸಾನುಪೇಕ್ಖಿತಾನಂ ದಿಟ್ಠಿಯಾ ಸುಪ್ಪಟಿವಿದ್ಧಾನಂ ಚತ್ತಾರೋ ಆನಿಸಂಸಾ ಪಾಟಿಕಙ್ಖಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಅಯಂ
ಭದ್ದಿಯಸುತ್ತ
ಪು – ಅಙ್ಗುತ್ತರನಿಕಾಯೇ
ವಿ – ವೇಸಾಲಿಯಂ ಭನ್ತೇ ಭದ್ದಿಯಂ ಲಿಚ್ಛವಿ ಆರಬ್ಭ ಭಾಸಿತಂ। ಭದ್ದಿಯೋ ಭನ್ತೇ ಲಿಚ್ಛವಿ ಭಗವನ್ತಂ ಏತದವೋಚ ‘‘ಸುತಂ ಮೇತಂ ಭನ್ತೇ ‘ಮಾಯಾವೀ ಸಮಣೋ ಗೋತಮೋ ಆವಟ್ಟನಿಂ ಮಾಯಂ ಜಾನಾತಿ, ಯಾಯ ಅಞ್ಞತಿತ್ಥಿಯಾನಂ ಸಾವಕೇ ಆವಟ್ಟೇತೀ’ತಿ। ಯೇ ತೇ ಭನ್ತೇ ಏವಮಾಹಂಸು ‘ಮಾಯಾವೀ ಸಮಣೋ ಗೋತಮೋ ಆವಟ್ಟನಿಂ ಮಾಯಂ ಜಾನಾತಿ, ಯಾಯ ಅಞ್ಞತಿತ್ಥಿಯಾನಂ ಸಾವಕೇ ಆವಟ್ಟೇತೀ’ತಿ…ಪೇ॰… ಅನಬ್ಭಕ್ಖಾತುಕಾಮಾ
ಪು – ಇಮಿಸ್ಸಾ
ವಿ – ಇಮಿಸ್ಸಾ ಭನ್ತೇ ಧಮ್ಮದೇಸನಾಯ ದೇಸಿತಾಯ ಭದ್ದಿಯಸ್ಸ ಲಿಚ್ಛವಿಸ್ಸ ಸೋತಾಪತ್ತಿಫಲಸಙ್ಖಾತೋ ಧಮ್ಮಸವನಾನಿಸಂಸೋ ಅಧಿಗತೋ। ಅಪಿ ನು ತಾಹಂ ಭದ್ದಿಯ ಏವಂ ಅವಚಂ ‘‘ಏಹಿ ಮೇ ತ್ವಂ ಭದ್ದಿಯ ಸಾವಕೋ ಹೋಹಿ, ಅಹಂ ಸತ್ಥಾ ಭವಿಸ್ಸಾಮೀ’’ತಿ ಏವಮಾದಿನಾ ಚ ನಂ ಭನ್ತೇ ಭಗವಾ ಪಟಿಪುಚ್ಛಿತ್ವಾ ಅನುಯುಞ್ಜಿತ್ವಾ ತಂ ವಚನಂ ವಿನಿವೇಠೇಸಿ।
ಮಲ್ಲಿಕಾದೇವೀಸುತ್ತ
ಪು – ತತ್ಥೇವ
ವಿ – ಸಾವತ್ಥಿಯಂ ಭನ್ತೇ ಮಲ್ಲಿಕಾದೇವಿಂ ಆರಬ್ಭ ಭಾಸಿತಂ। ಮಲ್ಲಿಕಾ ಭನ್ತೇ ದೇವೀ ಭಗವನ್ತಂ ಏತದವೋಚ ‘‘ಕೋ ನು ಖೋ ಭನ್ತೇ ಹೇತು ಕೋ ಪಚ್ಚಯೋ, ಯೇನ ಮಿಧೇಕಚ್ಚೋ ಮಾತುಗಾಮೋ ದುಬ್ಬಣ್ಣಾ ಚ ಹೋತಿ ದುರೂಪಾ ಸುಪಾಪಿಕಾ ದಸ್ಸನಾಯ, ದಲಿದ್ದಾ ಚ ಹೋತಿ ಅಪ್ಪಸ್ಸಕಾ ಅಪ್ಪಭೋಗಾ ಅಪ್ಪೇಸಕ್ಖಾ ಚ…ಪೇ॰… ಕೋ ಪನ ಭನ್ತೇ ಹೇತು ಕೋ ಪಚ್ಚಯೋ, ಯೇನ ಮಿಧೇಕಚ್ಚೋ ಮಾತುಗಾಮೋ ಅಭಿರೂಪಾ ಚ ಹೋತಿ ದಸ್ಸನೀಯಾ ಪಾಸಾದಿಕಾ ಪರಮಾಯ ವಣ್ಣಪೋಕ್ಖರತಾಯ ಸಮನ್ನಾಗತಾ, ಅಡ್ಢಾ ಚ ಹೋತಿ ಮಹದ್ಧನಾ ಮಹಾಭೋಗಾ ಮಹೇಸಕ್ಖಾ ಚಾ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಇಧ ಮಲ್ಲಿಕೇ ಮಾತುಗಾಮೋ ಕೋಧನಾ ಹೋತಿ ಉಪಾಯಾಸಬಹುಲಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ದಸಕಮ್ಮಸುತ್ತ
ಪು – ಅಙ್ಗುತ್ತರನಿಕಾಯೇ
ವಿ – ಸಪ್ಪುರಿಸವಗ್ಗೇ
ಪರಿಸಾಸುತ್ತ
ಪು – ತತ್ಥೇವ
ವಿ – ಪರಿಸಾವಗ್ಗೇ ಭನ್ತೇ ಪಠಮಂ ಪರಿಸಾಸುತ್ತಂ ‘‘ಚತ್ತಾರೋಮೇ ಭಿಕ್ಖವೇ ಪರಿಸದೂಸನಾ। ಕತಮೇ ಚತ್ತಾರೋ, ಭಿಕ್ಖು ಭಿಕ್ಖವೇ ದುಸ್ಸೀಲೋ ಪಾಪಧಮ್ಮೋ ಪರಿಸದೂಸನೋ, ಭಿಕ್ಖುನೀ ಭಿಕ್ಖವೇ ದುಸ್ಸೀಲಾ ಪಾಪಧಮ್ಮಾ ಪರಿಸದೂಸನಾ, ಉಪಾಸಕೋ ಭಿಕ್ಖವೇ ದುಸ್ಸೀಲೋ ಪಾಪಧಮ್ಮೋ ಪರಿಸದೂಸನೋ, ಉಪಾಸಿಕಾ ಭಿಕ್ಖವೇ ದುಸ್ಸೀಲಾ ಪಾಪಧಮ್ಮಾ ಪರಿಸದೂಸನಾ। ಇಮೇ ಖೋ ಭಿಕ್ಖವೇ ಚತ್ತಾರೋ ಪರಿಸದೂಸನಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸೇಖಬಲವಗ್ಗ
ಸಂಖಿತ್ತಸುತ್ತ
ಪು – ಪಞ್ಚಕನಿಪಾತೇ
ವಿ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ‘‘ಪಞ್ಚಿಮಾನಿ ಭಿಕ್ಖವೇ ಸೇಖಬಲಾನಿ। ಕತಮಾನಿ ಪಞ್ಚ, ಸದ್ಧಾಬಲಂ ಹಿರೀಬಲಂ ಓತ್ತಪ್ಪಬಲಂ ವೀರಿಯಬಲಂ ಪಞ್ಞಾಬಲಂ। ಇಮಾನಿ ಖೋ ಭಿಕ್ಖವೇ ಪಞ್ಚ ಸೇಖಬಲಾನೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ದುಕ್ಖಸುತ್ತ
ಪು – ತತ್ಥೇವ
ವಿ – ತತಿಯಂ ಭನ್ತೇ ದುಕ್ಖಸುತ್ತಂ ‘‘ಪಞ್ಚಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಭಿಕ್ಖು ದಿಟ್ಠೇವ ಧಮ್ಮೇ ದುಕ್ಖಂ ವಿಹರತಿ ಸವಿಘಾತಂ ಸಉಪಾಯಾಸಂ ಸಪರಿಳಾಹಂ ಕಾಯಸ್ಸ ಚ ಭೇದಾ ಪರಂ ಮರಣಾ ದುಗ್ಗತಿ ಪಾಟಿಕಙ್ಖಾ। ಕತಮೇಹಿ ಪಞ್ಚಹಿ, ಇಧ ಭಿಕ್ಖವೇ ಭಿಕ್ಖು ಅಸದ್ಧೋ ಹೋತಿ ಅಹಿರಿಕೋ ಹೋತಿ, ಅನೋತ್ತಪ್ಪೀ ಹೋತಿ, ಕುಸೀತೋ ಹೋತಿ, ದುಪ್ಪಞ್ಞೋ ಹೋತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸಮಾಪತ್ತಿಸುತ್ತ
ಪು – ತತ್ಥೇವ
ವಿ – ಛಟ್ಠಂ ಭನ್ತೇ ಸಮಾಪತ್ತಿಸುತ್ತಂ ‘‘ನ ತಾವ ಭಿಕ್ಖವೇ ಅಕುಸಲಸ್ಸ ಸಮಾಪತ್ತಿ ಹೋತಿ, ಯಾವ ಸದ್ಧಾ ಪಚ್ಚುಪಟ್ಠಿತಾ ಹೋತಿ ಕುಸಲೇಸು ಧಮ್ಮೇಸು। ಯತೋ ಚ ಖೋ ಭಿಕ್ಖವೇ ಸದ್ಧಾ ಅನ್ತರಹಿತಾ ಹೋತಿ ಅಸದ್ಧಿಯಂ ಪರಿಯುಟ್ಠಾಯ ತಿಟ್ಠತಿ, ಅಥ ಅಕುಸಲಸ್ಸ ಸಮಾಪತ್ತಿ ಹೋತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಕಾಮಸುತ್ತ
ಪು – ತತ್ಥೇವ
ವಿ – ಸತ್ತಮಂ ಭನ್ತೇ ಕಾಮಸುತ್ತಂ ‘‘ಯೇಭುಯ್ಯೇನ ಭಿಕ್ಖವೇ ಸತ್ತಾ ಕಾಮೇಸು ಲಳಿತಾ। ಅಸಿತಬ್ಯಾಭಙ್ಗಿಂ ಭಿಕ್ಖವೇ ಕುಲಪುತ್ತೋ ಓಹಾಯ ಅಗಾರಸ್ಮಾ ಅನಗಾರಿಯಂ ಪಬ್ಬಜಿತೋ ಹೋತಿ, ಸದ್ಧಾಪಬ್ಬಜಿತೋ ಕುಲಪುತ್ತೋತಿ ಅಲಂ ವಚನಾಯಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ವಿಮುತ್ತಾಯತನಸುತ್ತ
ಪು – ಅಙ್ಗುತ್ತರನಿಕಾಯೇ
ವಿ – ಪಞ್ಚಙ್ಗಿಕವಗ್ಗೇ ಭನ್ತೇ ಛಟ್ಠಂ ವಿಮುತ್ತಾಯತನಸುತ್ತಂ ‘‘ಪಞ್ಚಿಮಾನಿ ಭಿಕ್ಖವೇ ವಿಮುತ್ತಾಯತನಾನಿ, ಯತ್ಥ ಭಿಕ್ಖುನೋ ಅಪ್ಪಮತ್ತಸ್ಸ ಆತಾಪಿನೋ ಪಹಿತತ್ತಸ್ಸ ವಿಹರತೋ ಅವಿಮುತ್ತಂ ವಾ ಚಿತ್ತಂ ವಿಮುಚ್ಚತಿ, ಅಪರಿಕ್ಖೀಣಾ ವಾ ಆಸವಾ ಪರಿಕ್ಖಯಂ ಗಚ್ಛನ್ತಿ, ಅನನುಪ್ಪತ್ತಂ ವಾ ಅನುತ್ತರಂ ಯೋಗಕ್ಖೇಮಂ ಅನುಪಾಪುಣಾತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಚಙ್ಕಮಸುತ್ತ
ಪು – ತತ್ಥೇವ
ವಿ – ನವಮಂ ಭನ್ತೇ ಚಙ್ಕಮಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಚಙ್ಕಮೇ ಆನಿಸಂಸಾ। ಕತಮೇ ಪಞ್ಚ, ಅದ್ಧಾನಕ್ಖಮೋ ಹೋತಿ, ಪಧಾನಕ್ಖಮೋ ಹೋತಿ, ಅಪ್ಪಾಬಾಧೋ
ಸುಮನಸುತ್ತ
ಪು – ಸುಮನವಗ್ಗೇ
ವಿ – ಸಾವತ್ಥಿಯಂ ಭನ್ತೇ ಸುಮನಂ ರಾಜಕುಮಾರಿಂ ಆರಬ್ಭ ಭಾಸಿತಂ। ಸುಮನಾ ಭನ್ತೇ ರಾಜಕುಮಾರೀ ಭಗವನ್ತಂ ಏತದವೋಚ ‘‘ಇಧಸ್ಸು ಭನ್ತೇ ಭಗವತೋ ದ್ವೇ ಸಾವಕಾ ಸಮಸದ್ಧಾ ಸಮಸೀಲಾ ಸಮಪಞ್ಞಾ ಏಕೋ ದಾಯಕೋ ಏಕೋ ಅದಾಯಕೋ। ತೇ ಕಾಯಸ್ಸ ಭೇದಾ ಪರಂ ಮರಣಾ ಸುಗತಿಂ ಸಗ್ಗಂ ಲೋಕಂ ಉಪಪಜ್ಜೇಯ್ಯುಂ। ದೇವಭೂತಾನಂ ಪನ ನೇಸಂ ಭನ್ತೇ ಸಿಯಾ ವಿಸೇಸೋ ಸಿಯಾ ನಾನಾಕರಣ’’ನ್ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಯೋ ಸೋ ಸುಮನೇ ದಾಯಕೋ, ಸೋ ಅಮ್ಹಂ ಅದಾಯಕಂ ದೇವಭೂತೋ ಸಮಾನೋ ಪಞ್ಚಹಿ ಠಾನೇಹಿ ಅಧಿಗಣ್ಹಾತಿ, ದಿಬ್ಬೇನ ಆಯುನಾ ದಿಬ್ಬೇನ ವಣ್ಣೇನ ದಿಬ್ಬೇನ ಸುಖೇನ ದಿಬ್ಬೇನ ಯಸೇನ ದಿಬ್ಬೇನ ಆಧಿಪತೇಯ್ಯೇನ। ಯೋ ಸೋ ಸುಮನೇ ದಾಯಕೋ, ಸೋ ಅಮ್ಹಂ ಅದಾಯಕಂ ದೇವಭೂತೋ ಸಮಾನೋ ಇಮೇಹಿ ಪಞ್ಚಹಿ ಠಾನೇಹಿ ಅಧಿಗಣ್ಹಾತೀ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
‘‘ಯಥಾಪಿ
ಸಬ್ಬೇ ತಾರಾಗಣೇ ಲೋಕೇ, ಆಭಾಯ ಅತಿರೋಚತಿ।
ತಥೇವ ಸೀಲಸಮ್ಪನ್ನೋ, ಸದ್ಧೋ ಪುರಿಸಪುಗ್ಗಲೋ।
ಸಬ್ಬೇ ಮಚ್ಛರಿನೋ ಲೋಕೇ, ಚಾಗೇನ ಅತಿರೋಚತಿ’’–
ಉಗ್ಗಹಸುತ್ತ
ಪು – ತತ್ಥೇವ ಆವುಸೋ ತತಿಯಂ ಉಗ್ಗಹಸುತ್ತಂ ಭಗವತಾ ಕತ್ಥ ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಕಥಞ್ಚ ಭಾಸಿತಂ।
ವಿ – ತತಿಯಂ ಭನ್ತೇ ಉಗ್ಗಹಸುತ್ತಂ ಭದ್ದಿಯೇ ಉಗ್ಗಹಂ ಮೇಣ್ಡಕನತ್ತಾರಂ ಆರಬ್ಭ ಭಾಸಿತಂ। ಉಗ್ಗಹೋ ಭನ್ತೇ ಮೇಣ್ಡಕನತ್ತಾ ಭಗವನ್ತಂ ಏತದವೋಚ ‘‘ಇಮಾ ಮೇ ಭನ್ತೇ ಕುಮಾರಿಯೋ ಪತಿಕುಲಾನಿ ಗಮಿಸ್ಸನ್ತಿ, ಓವದತು ತಾಸಂ ಭನ್ತೇ ಭಗವಾ, ಅನುಸಾಸತು ತಾಸಂ ಭನ್ತೇ ಭಗವಾ, ಯಂ ತಾಸಂ ಅಸ್ಸ ದೀಘರತ್ತಂ ಹಿತಾಯ ಸುಖಾಯಾ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ತಸ್ಮಾತಿಹ ಕುಮಾರಿಯೋ ಏವಂ ಸಿಕ್ಖಿತಬ್ಬಂ’’ ಯಸ್ಸ ವೋ ಮಾತಾಪಿತರೋ ಭತ್ತುನೋ ದಸ್ಸನ್ತಿ ಅತ್ಥಕಾಮಾ ಹಿತೇಸಿನೋ ಅನುಕಮ್ಪಕಾ ಅನುಕಮ್ಪಂ ಉಪಾದಾಯ, ತಸ್ಸ ಭವಿಸ್ಸಾಮ ಪುಬ್ಬುಟ್ಠಾಯಿನೋ
ಸೀಹಸೇನಾಪತಿಸುತ್ತ
ಪು – ಅಙ್ಗುತ್ತರನಿಕಾಯೇ
ವಿ – ವೇಸಾಲಿಯಂ ಭನ್ತೇ ಸೀಹಂ ಸೇನಾಪತಿಂ ಆರಬ್ಭ ಭಾಸಿತಂ। ಸೀಹೋ ಭನ್ತೇ ಸೇನಾಪತಿ ಭಗವನ್ತಂ ಏತದವೋಚ ‘‘ಸಕ್ಕಾ ನು ಖೋ ಭನ್ತೇ ಸನ್ದಿಟ್ಠಿಕಂ ದಾನಫಲಂ ಪಞ್ಞಾಪೇತು’’ನ್ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಸಕ್ಕಾ ಸೀಹ, ದಾಯಕೋ ಸೀಹ ದಾನಪತಿ ಬಹುನೋ ಜನಸ್ಸ ಪಿಯೋ ಹೋತಿ ಮನಾಪೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಕಾಲದಾನಸುತ್ತ
ಪು – ತತ್ಥೇವ
ವಿ – ಛಟ್ಠಂ
ಭೋಜನಸುತ್ತ
ಪು – ತತ್ಥೇವ
ವಿ – ಸತ್ತಮಂ ಭನ್ತೇ ಭೋಜನಸುತ್ತಂ ‘‘ಭೋಜನಂ ಭಿಕ್ಖವೇ ದದಮಾನೋ ದಾಯಕೋ ಪಟಿಗ್ಗಾಹಕಾನಂ ಪಞ್ಚ ಠಾನಾನಿ ದೇತಿ। ಕತಮಾನಿ ಪಞ್ಚ, ಆಯುಂ ದೇತಿ, ವಣ್ಣಂ ದೇತಿ, ಸುಖಂ ದೇತಿ, ಬಲಂ ದೇತಿ, ಪಟಿಭಾನಂ ದೇತಿ। ಆಯುಂ ಖೋ ಪನ ದತ್ವಾ ಆಯುಸ್ಸ ಭಾಗೀ ಹೋತಿ ದಿಬ್ಬಸ್ಸ ವಾ ಮಾನುಸಸ್ಸ ವಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಪುತ್ತಸುತ್ತ
ಪು – ತತ್ಥೇವ
ವಿ – ನವಮಂ ಭನ್ತೇ ಪುತ್ತಸುತ್ತಂ ‘‘ಪಞ್ಚಿಮಾನಿ ಭಿಕ್ಖವೇ ಠಾನಾನಿ ಸಮ್ಪಸ್ಸನ್ತೋ ಮಾಭಾಪಿತರೋ ಪುತ್ತಂ ಇಚ್ಛನ್ತಿ ಕುಲೇ ಜಾಯಮಾನಂ। ಕತಮಾನಿ ಪಞ್ಚ,
ಭತೋ
ನಾರದಸುತ್ತ
ಪು – ಮುಣ್ಡರಾಜವಗ್ಗೇ
ವಿ – ಪಾಟಲಿಪುತ್ತೇ ಭನ್ತೇ ಮುಣ್ಡಂ ರಾಜಾನಂ ಆರಬ್ಭ ಭಾಸಿತಂ। ಮುಣ್ಡಸ್ಸ ಭನ್ತೇ ರಞ್ಞೋ ಭದ್ದಾ ದೇವೀ ಕಾಲಙ್ಕತಾ ಹೋತಿ ಪಿಯಾ ಮನಾಪಾ। ಸೋ ಭದ್ದಾಯ ದೇವಿಯಾ ಕಾಲಙ್ಕತಾಯ ಪಿಯಾಯ ಮನಾಪಾಯ ನೇವ ನ್ಹಾಯತಿ ನ ವಿಲಿಮ್ಪತಿ ನ ಭತ್ತಂ ಭುಞ್ಜತಿ, ನ ಕಮ್ಮನ್ತಂ ಪಯೋಜೇತಿ, ರತ್ತಿನ್ದಿವಂ ಭದ್ದಾಯ ದೇವಿಯಾ ಸರೀರೇ ಅಜ್ಝೋಮುಚ್ಛಿತೋ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಪಞ್ಚಿಮಾನಿ ಮಹಾರಾಜ ಅಲಬ್ಭನೀಯಾನಿ ಠಾನಾನಿ ಸಮಣೇನ ವಾ ಬ್ರಾಹ್ಮಣೇನ ವಾ ದೇವೇನ ವಾ ಮಾರೇನ ವಾ ಬ್ರಹ್ಮುನಾ ವಾ ಕೇನಚಿ ವಾ ಲೋಕಸ್ಮಿ’’ನ್ತಿ ಏವಮಾದಿನಾ ಭನ್ತೇ ಆಯಸ್ಮತಾ ನಾರದತ್ಥೇರೇನ ರಞ್ಞೋ ಪಸೇನದಿಸ್ಸ ಕೋಸಲಸ್ಸ ಭಗವತಾ ದೇಸಿತನಿಯಾಮೇನ ದೇಸಿತಂ।
ಕೋ
ತಗ್ಘ ಭನ್ತೇ ಸೋಕಸಲ್ಲಹರಣೋ।
ಸಮಯಸುತ್ತ
ಪು – ಅಙ್ಗುತ್ತರನಿಕಾಯೇ
ವಿ – ನೀವರಣವಗ್ಗೇ ಭನ್ತೇ ಚತುತ್ಥಂ ಸಮಯಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಅಸಮಯಾ ಪಧಾನಾಯ। ಕತಮೇ ಪಞ್ಚ, ಇಧ ಭಿಕ್ಖವೇ ಭಿಕ್ಖು ಜಿಣ್ಣೋ ಹೋತಿ ಜರಾಯಾಭಿಭೂತೋ। ಅಯಂ ಭಿಕ್ಖವೇ ಪಠಮೋ ಅಸಮಯೋ ಪಧಾನಾಯಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಠಾನಸುತ್ತ
ಪು – ತತ್ಥೇವ
ವಿ – ಸತ್ತಮಂ ಭನ್ತೇ ಠಾನಸುತ್ತಂ ‘‘ಪಞ್ಚಿಮಾನಿ ಭಿಕ್ಖವೇ ಠಾನಾನಿ ಅಭಿಣ್ಹಂ ಪಚ್ಚವೇಕ್ಖಿತಬ್ಬಾನಿ ಇತ್ಥಿಯಾ ವಾ ಪುರಿಸೇನ ವಾ ಗಹಟ್ಠೇನ ವಾ ಪಬ್ಬಜಿತೇನ ವಾ। ಕತಮಾನಿ ಪಞ್ಚ, ಜರಾಧಮ್ಮೋಮ್ಹಿ ಜರಂ ಅನತೀತೋತಿ ಅಭಿಣ್ಹಂ ಪಚ್ಚವೇಕ್ಖಿತಬ್ಬಂ ಇತ್ಥಿಯಾ ವಾ ಪುರಿಸೇನ ವಾ ಗಹಟ್ಠೇನ ವಾ ಪಬ್ಬಜಿತೇನ ವಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಧಮ್ಮವಿಹಾರೀಸುತ್ತ
ಪು – ಯೋಧಾಜೀವವಗ್ಗೇ
ವಿ – ಯೋಧಾಜೀವವಗ್ಗೇ ಭನ್ತೇ ತತಿಯಂ ಧಮ್ಮವಿಹಾರಿಸುತ್ತಂ ‘‘ಇಧ ಭಿಕ್ಖು ಭಿಕ್ಖು ಧಮ್ಮಂ ಪರಿಯಾಪುಣಾತಿ ಸುತ್ತಂ ಗೇಯ್ಯಂ ವೇಯ್ಯಾಕರಣಂ ಗಾಥಂ ಉದಾನಂ ದುತಿವುತ್ತಕಂ ಜಾತಕಂ ಅಬ್ಭುತಧಮ್ಮಂ ವೇದಲ್ಲಂ, ಸೋ ತಾಯ ಧಮ್ಮಪರಿಯತ್ತಿಯಾ ದಿವಸಂ ಅತಿನಾಮೇತಿ, ರಿಞ್ಚತಿ ಪಟಿಸಲ್ಲಾನಂ, ನಾನುಯುಞ್ಜತಿ ಅಜ್ಝತ್ತಂ ಚೇತೋಸಮಥಂ। ಅಯಂ ವುಚ್ಚತಿ ಭಿಕ್ಖು ಭಿಕ್ಖು ಪರಿಯತ್ತಿಬಹುಲೋ ನೋ ಧಮ್ಮವಿಹಾರೀ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಧಮ್ಮವಿಹಾರೀ ಧಮ್ಮವಿಹಾರೀತಿ ಭನ್ತೇ ವುಚ್ಚತಿ, ಕಿತ್ತಾವತಾ ನು ಖೋ ಭನ್ತೇ ಭಿಕ್ಖು ಧಮ್ಮವಿಹಾರೀ ಹೋತಿ।
ದುತಿಯಅನಾಗತಭಯಸುತ್ತ
ಪು – ಅಙ್ಗುತ್ತರನಿಕಾಯೇ
ವಿ – ಯೋಧಾಜೀವವಗ್ಗೇ ಭನ್ತೇ ಅಟ್ಠಮಂ ದುತಿಯಅನಾಗತಭಯಸುತ್ತಂ ‘‘ಪಞ್ಚಿಮಾನಿ ಭಿಕ್ಖವೇ ಅನಾಗತಭಯಾನಿ ಸಮ್ಪಸ್ಸಮಾನೇನ ಅಲಮೇವ ಭಿಕ್ಖುನಾ ಅಪ್ಪಮತ್ತೇನ ಆತಾಪಿನಾ ಪಹಿತತ್ತೇನ ವಿಹರಿತುಂ ಅಪ್ಪತ್ತಸ್ಸ ಪತ್ತಿಯಾ ಅನಧಿಗತಸ್ಸ ಅಧಿಗಮಾಯ ಅಸಚ್ಛಿಕತಸ್ಸ ಸಚ್ಛಿಕಿರಿಯಾಯಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ತತಿಯಅನಾಗತಭಯಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ನವಮಂ ಕತಿಯಅನಾಗತಭಯಸುತ್ತಂ ‘‘ಪಞ್ಚಿಮಾನಿ ಭಿಕ್ಖವೇ ಅನಾಗತಭಯಾನಿ ಏತರಹಿ ಅಸಮುಪ್ಪನ್ನಾನಿ ಆಯತಿಂ ಸಮುಪ್ಪಜ್ಜಿಸ್ಸನ್ತಿ, ತಾನಿ ವೋ ಪಟಿಬುಜ್ಝಿತಬ್ಬಾನಿ, ಪಟಿಬುಜ್ಝಿತ್ವಾ ಚ ತೇಸಂ ಪಹಾನಾಯ ವಾಯಮಿತಬ್ಬಂ। ಕತಮಾನಿ ಪಞ್ಚ, ಭವಿಸ್ಸನ್ತಿ ಭಿಕ್ಖವೇ ಭಿಕ್ಖೂ ಅನಾಗತಮದ್ಧಾನಂ ಅಭಾವಿತಕಾಯಾ ಅಭಾವಿತಸೀಲಾ ಅಭಾವಿತಚಿತ್ತಾ ಅಭಾವಿತಪಞ್ಞಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಚತುತ್ಥಅನಾಗತಭಯಸುತ್ತ
ಪು – ಅಙ್ಗುತ್ತರನಿಕಾಯೇ
ವಿ – ಯೋಧಾಜೀವವಗ್ಗೇ ಭನ್ತೇ ದಸಮಂ ಚತುತ್ಥಅನಾಗತಭಯಸುತ್ತಂ ‘‘ಪಞ್ಚಿಮಾನಿ ಭಿಕ್ಖವೇ ಅನಾಗತಭಯಾನಿ ಏತರಹಿ ಅಸಮುಪ್ಪನ್ನಾನಿ ಆಯತಿಂ ಸಮುಪ್ಪಜ್ಜಿಸ್ಸನ್ತಿ, ತಾನಿ ವೋ ಪಟಿಬುಜ್ಝಿತಬ್ಬಾನಿ, ಪಟಿಬುಜ್ಝಿತ್ವಾ ಚ ತೇಸಂ ಪಹಾನಾಯ ವಾಯಮಿತಬ್ಬ’’ನ್ತಿ ಏವಮಾದಿನಾ ಭಗವತಾ ಭಾಸಿತಂ।
ಕಕುಧವಗ್ಗ
ಸೀಹಸುತ್ತ
ಪು – ಕಕುಧವಗ್ಗೇ
ವಿ – ಕಕುಧವಗ್ಗೇ ಭನ್ತೇ ನವಮಂ ಸೀಹಸುತ್ತಂ ‘‘ಸೀಹೋ ಭಿಕ್ಖವೇ ಮಿಗರಾಜಾ ಸಾಯನ್ಹಸಮಯಂ ಆಸಯಾ ನಿಕ್ಖಮತಿ, ಆಸಯಾ ನಿಕ್ಖಮಿತ್ವಾ ವಿಜಮ್ಭತಿ, ವಿಜಮ್ಭಿತ್ವಾ ಸಮನ್ತಾ ಚತುದ್ದಿಸಂ ಅನುವಿಲೋಕೇತಿ, ಸಮನ್ತಾ ಚತುದ್ದಿಸಂ ಅನುವಿಲೋಕೇತ್ವಾ ತಿಕ್ಖತ್ತುಂ ಸೀಹನಾದಂ ನದತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಅನ್ಧಕವಿನ್ದವಗ್ಗ
ಕುಲೂಪಕಸುತ್ತ
ಪು – ಅನ್ಧಕವಿನ್ದವಗ್ಗೇ
ವಿ – ಅನ್ಧಕವಿನ್ದವಗ್ಗೇ ಭನ್ತೇ ಪಠಮಂ ಕುಲೂಪಕಸುತ್ತಂ ‘‘ಪಞ್ಚಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಕುಲೂಪಕೋ ಭಿಕ್ಖು ಕುಲೇಸು ಅಪ್ಪಿಯೋ ಚ ಹೋತಿ ಅಮನಾಪೋ ಚ ಅಗರು ಚ ಅಭಾವನೀಯೋ ಚಾ’’ತಿ ಏವಮಾದಿನಾ ಭನ್ತೇ ಭಗವತಾ ಭಾಸಿತಂ।
ಅನ್ಧಕವಿನ್ದಸುತ್ತ
ಪು – ತತ್ಥೇವ
ವಿ – ಮಗಧೇಸು ಭನ್ತೇ ಅನ್ಧಕವಿನ್ದೇ ಆಯಸ್ಮನ್ತಂ ಆನನ್ದಂ ಆರಬ್ಭ ‘‘ಯೇ ತೇ ಆನನ್ದ ಭಿಕ್ಖೂ ನವಾ ಅಚಿರಪಬ್ಬಜಿತಾ ಅಧುನಾಗತಾ ಇಮಂ ಧಮ್ಮವಿನಯಂ, ತೇ ವೋ ಆನನ್ದ ಭಿಕ್ಖೂ ಪಞ್ಚಸು ಧಮ್ಮೇಸು ಸಮಾದಪೇತಬ್ಬಾ ನಿವೇಸೇತಬ್ಬಾ ಪತಿಟ್ಠಾಪೇತಬ್ಬಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಗಿಲಾನವಗ್ಗ
ಸತಿಸೂಪಟ್ಠಿತಸುತ್ತ
ಪು – ಅಙ್ಗುತ್ತರನಿಕಾಯೇ
ವಿ – ಗಿಲಾನವಗ್ಗೇ ಭನ್ತೇ ದುತಿಯಂ ಸತಿಸೂಪಟ್ಠಿತಸುತ್ತಂ ‘‘ಯೋ ಹಿ ಕೋಚಿ ಭಿಕ್ಖವೇ ಭಿಕ್ಖು ವಾ ಭಿಕ್ಖುನೀ ವಾ ಪಞ್ಚ ಧಮ್ಮೇ ಭಾವೇತಿ, ಪಞ್ಚ ಧಮ್ಮೇ ಬಹುಲೀಕರೋತಿ, ತಸ್ಸ ದ್ವಿನ್ನಂ ಫಲಾನಂ ಅಞ್ಞತರಂ ಫಲಂ ಪಾಟಿಕಙ್ಖಂ ‘ದಿಟ್ಠೇವ ಧಮ್ಮೇ ಅಞ್ಞಾ, ಸತಿ ವಾ ಉಪಾದಿಸೇಸೇ ಅನಾಗಾಮಿತಾ’। ಕತಮೇ ಪಞ್ಚ, ಇಧ ಭಿಕ್ಖವೇ ಭಿಕ್ಖುನೋ ಅಜ್ಝತ್ತಞ್ಞೇವ ಸತಿಸೂಪಟ್ಠಿತಾ ಹೋತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಉಪಟ್ಠಾಕಸುತ್ತ
ಪು – ತತ್ಥೇವ
ವಿ – ತತಿಯಂ
ಅನಾಯುಸ್ಸಾಸುತ್ತ
ಪು – ತತ್ಥೇವ
ವಿ – ಪಞ್ಚಮಂ ಭನ್ತೇ ಅನಾಯುಸ್ಸಾಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಧಮ್ಮಾ ಅನಾಯುಸ್ಸಾ। ಕತಮೇ ಪಞ್ಚ, ಅಸಪ್ಪಾಯಕಾರೀ ಹೋತಿ, ಸಪ್ಪಾಯೇ ಮತ್ತಂ ನ ಜಾನಾತಿ, ಅಪರಿಣತಭೋಜೀ ಚ ಹೋತಿ, ಅಕಾಲಚಾರೀ ಚ ಹೋತಿ, ಅಬ್ರಹ್ಮಚಾರೀ ಚ। ಇಮೇ ಖೋ ಭಿಕ್ಖವೇ ಪಞ್ಚ ಧಮ್ಮಾ ಅನಾಯುಸ್ಸಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸಮಣಸುಖಸುತ್ತ
ಪು – ತತ್ಥೇವ
ವಿ – ಅಟ್ಠಮಂ ಭನ್ತೇ ಸಮಣಸುಖಸುತ್ತಂ ‘‘ಪಞ್ಚಿಮಾನಿ ಭಿಕ್ಖವೇ ಸಮಣದುಕ್ಖಾನಿ। ಕತಮಾನಿ ಪಞ್ಚ, ಇಧ ಭಿಕ್ಖವೇ ಭಿಕ್ಖು ಅಸನ್ತುಟ್ಠೋ ಹೋತಿ ಇತರೀತರೇನ ಚೀವರೇನ, ಅಸನ್ತುಟ್ಠೋ ಹೋತಿ ಇತರೀತರೇನ ಪಿಣ್ಡಪಾತೇನ, ಅಸನ್ತುಟ್ಠೋ ಹೋತಿ ಇತರೀತರೇನ ಸೇನಾಸನೇನ, ಅಸನ್ತುಟ್ಠೋ ಹೋತಿ ಇತರೀತರೇನ ಗಿಲಾನಪಚ್ಚಯಭೇಸಜ್ಜಪರಿಕ್ಖಾರೇನ, ಅನಭಿರತೋ ಚ ಬ್ರಹ್ಮಚರಿಯಂ ಚರತಿ। ಇಮಾನಿ ಖೋ ಭಿಕ್ಖವೇ ಪಞ್ಚ ಸಮಣದುಕ್ಖಾನೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಬ್ಯಸನಸುತ್ತ
ಪು – ತತ್ಥೇವ
ವಿ – ದಸಮಂ ಭನ್ತೇ ಬ್ಯಸನಸುತ್ತಂ ‘‘ಪಞ್ಚಿಮಾನಿ ಭಿಕ್ಖವೇ ಬ್ಯಸನಾನಿ। ಕತಮಾನಿ ಪಞ್ಚ, ಞಾತಿಬ್ಯಸನಂ ಭೋಗಬ್ಯಸನಂ ರೋಗಬ್ಯಸನಂ ಸೀಲಬ್ಯಸನಂ ದಿಟ್ಠಿಬ್ಯಸನ’’ನ್ತಿ ಏವಮಾದಿನಾ ಭಗವತಾ ಭಾಸಿತಂ।
ರಾಜವಗ್ಗ
ಪತ್ಥನಾಸುತ್ತ
ಪು – ರಾಜವಗ್ಗೇ
ವಿ – ರಾಜವಗ್ಗೇ ಭನ್ತೇ ಛಟ್ಠಂ ಪತ್ಥನಾಸುತ್ತಂ ‘‘ಪಞ್ಚಹಿ ಭಿಕ್ಖವೇ ಅಙ್ಗೇಹಿ ಸಮನ್ನಾಗತೋ ರಞ್ಞೋ ಖತ್ತಿಯಸ್ಸ ಮುದ್ಧಾವಸಿತ್ತಸ್ಸ ಜೇಟ್ಠೋ ಪುತ್ತೋ ಓಪರಜ್ಜಂ ಪತ್ಥೇತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸಪ್ಪುರಿಸದಾನಸುತ್ತ
ಪು – ತಿಕಣ್ಡಕೀವಗ್ಗೇ
ವಿ – ತಿಕಣ್ಡಕೀವಗ್ಗೇ ಭನ್ತೇ ಅಟ್ಠಮಂ ಸಪ್ಪುರಿಸದಾನಸುತ್ತಂ ‘‘ಪಞ್ಚಿಮಾನಿ ಭಿಕ್ಖವೇ ಸಪ್ಪುರಿಸದಾನಾನಿ। ಕತಮಾನಿ ಪಞ್ಚ, ಸದ್ಧಾಯ ದಾನಂ ದೇತಿ, ಸಕ್ಕಚ್ಚಂ ದಾನಂ ದೇತಿ, ಕಾಲೇನ ದಾನಂ ದೇತಿ, ಅನುಗ್ಗಹಿತಚಿತ್ತೋ ದಾನಂ ದೇತಿ, ಅತ್ತಾನಞ್ಚ ಪರಞ್ಚ ಅನುಪಹಚ್ಚ ದಾನಂ ದೇತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸದ್ಧಮ್ಮವಗ್ಗ
ಪಠಮಸಮ್ಮತ್ತನಿಯಾಮಸುತ್ತ
ಪು – ಸದ್ಧಮ್ಮವಗ್ಗೇ
ವಿ – ಸದ್ಧಮ್ಮವಗ್ಗೇ ಭನ್ತೇ ಪಠಮಂ ಸಮ್ಮತ್ತನಿಯಾಮಸುತ್ತಂ ‘‘ಪಞ್ಚಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಸುನಕ್ಖೋಪಿ ಸದ್ಧಮ್ಮಂ ಅಭಬ್ಬೋ ನಿಯಾಮಂ ಓಕ್ಕಮಿತುಂ ಕುಸಲೇಸು ಧಮ್ಮೇಸು ಸಮ್ಮತ್ತಂ। ಕತಮೇಹಿ ಪಞ್ಚಹಿ, ಕಥಂ ಪರಿಭೋತಿ, ಕಥಿಕಂ ಪರಿಭೋತಿ, ಅತ್ತಾನಂ ಪರಿಭೋತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಪಠಮಸದ್ಧಮ್ಮಸಮ್ಮೋಸಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ಚತುತ್ಥಂ ಪಠಮಸದ್ಧಮ್ಮಸಮ್ಮೋಸಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಧಮ್ಮಾ ಸದ್ಧಮ್ಮಸ್ಸ ಸಮ್ಮೋಸಾಯ ಅನ್ತರಧಾನಾಯ ಸಂವತ್ತನ್ತಿ। ಕತಮೇ ಪಞ್ಚ, ಇಧ ಭಿಕ್ಖವೇ ಭಿಕ್ಖೂ ನ ಸಕ್ಕಚ್ಚಂ ಧಮ್ಮಂ ಸುಣನ್ತಿ, ನ ಸಕ್ಕಚ್ಚಂ ಧಮ್ಮಂ ಪರಿಯಾಪುಣನ್ತಿ, ನ ಸಕ್ಕಚ್ಚಂ ಧಮ್ಮಂ ಧಾರೇನ್ತಿ, ನ ಸಕ್ಕಚ್ಚಂ ಧಾತಾನಂ ಧಮ್ಮಾನಂ ಅತ್ಥಂ ಉಪಪರಿಕ್ಖನ್ತಿ, ನ ಸಕ್ಕಚ್ಚಂ ಅತ್ಥಮಞ್ಞಾಯ ಧಮ್ಮಮಞ್ಞಾಯ ಧಮ್ಮಾನುಧಮ್ಮಂ ಪಟಿಪಜ್ಜನ್ತಿ। ಇಮೇ ಖೋ ಭಿಕ್ಖವೇ ಪಞ್ಚ ಧಮ್ಮಾ ಸದ್ಧಮ್ಮಸ್ಸ ಸಮ್ಮೋಸಾಯ ಅನ್ತರಧಾನಾಯ ಸಂವತ್ತನ್ತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ದುತಿಯಸದ್ಧಮ್ಮಸಮ್ಮೋಸಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ಪಞ್ಚಮಂ ದುತಿಯಸದ್ಧಮ್ಮಸಮ್ಮೋಸಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಧಮ್ಮಾ ಸದ್ಧಮ್ಮಸ್ಸ ಸಮ್ಮೋಸಾಯ ಅನ್ತರಧಾನಾಯ ಸಂವತ್ತನ್ತಿ। ಕತಮೇ ಪಞ್ಚ, ಇಧ ಭಿಕ್ಖವೇ ಭಿಕ್ಖೂ ಧಮ್ಮಂ ನ ಪರಿಯಾಪುಣನ್ತಿ ಸುತ್ತಂ ಗೇಯ್ಯಂ ವೇಯ್ಯಾಕರಣಂ ಗಾಥಂ ಉದಾನಂ ಇತಿವುತ್ತಕಂ ಜಾತಕಂ ಅಬ್ಭುತಧಮ್ಮಂ ವೇದಲ್ಲಂ। ಅಯಂ ಭಿಕ್ಖವೇ ಪಠಮೋ ಧಮ್ಮೋ ಸದ್ಧಮ್ಮಸ್ಸ ಸಮ್ಮೋಸಾಯ ಅನ್ತರಧಾನಾಯ ಸಂವತ್ತತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ತತಿಯಸದ್ಧಮ್ಮಸಮ್ಮೋಸಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ಛಟ್ಠಂ ತತಿಯಸದ್ಧಮ್ಮಸಮ್ಮೋಸಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಧಮ್ಮಾ ಸದ್ಧಮ್ಮಸ್ಸ ಸಮ್ಮೋಸಾಯ ಅನ್ತರಧಾನಾಯ ಸಂವತ್ತನ್ತಿ। ಕತಮೇ ಪಞ್ಚ, ಇಧ ಭಿಕ್ಖವೇ ಭಿಕ್ಖೂ ದುಗ್ಗಹಿತಂ ಸುತ್ತನ್ತಂ ಪರಿಯಾಪುಣನ್ತಿ ದುನ್ನಿಕ್ಖಿತ್ತಹಿ ಪದಬ್ಯಞ್ಜನೇಹಿ। ದುನ್ನಿಕ್ಖಿತ್ತಸ್ಸ ಭಿಕ್ಖವೇ ಪದಬ್ಯಞ್ಜನಸ್ಸ ಅತ್ಥೋಪಿ ದುನ್ನಯೋ ಹೋತಿ। ಅಯಂ ಭಿಕ್ಖವೇ ಪಠಮೋ ಧಮ್ಮೋ ಸದ್ಧಮ್ಮಸ್ಸ ಸಮ್ಮೋಸಾಯ ಅನ್ತರಧಾನಾಯ ಸಂವತ್ತತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ದುಕ್ಕತಾಸುತ್ತ
ಪು – ಅಙ್ಗುತ್ತರನಿಕಾಯೇ
ವಿ – ಸದ್ಧಮ್ಮವಗ್ಗೇ ಭನ್ತೇ ಸತ್ತಮಂ ದುಕ್ಕಥಾಸುತ್ತಂ ‘‘ಪಞ್ಚನ್ನಂ ಭಿಕ್ಖವೇ ಪುಗ್ಗಲಾನಂ ಕಥಾ ದುಕ್ಕಥಾ ಪುಗ್ಗಲೇ ಪುಗ್ಗಲಂ ಉಪನಿಧಾಯ। ಕತಮೇಸಂ ಪಞ್ಚನ್ನಂ, ಅಸ್ಸದ್ಧಸ್ಸ ಭಿಕ್ಖವೇ ಸದ್ಧಾಕಥಾ ದುಕ್ಕಥಾ, ದುಸ್ಸೀಲಸ್ಸ ಸೀಲಕಥಾ ದುಕ್ಕಥಾ, ಅಪ್ಪಸ್ಸುತಸ್ಸ ಬಾಹುಸಚ್ಚಕಥಾ ದುಕ್ಕಥಾ, ಮಚ್ಛರಿಸ್ಸ ಚಾಗಕಥಾ ದುಕ್ಕಥಾ, ದುಪ್ಪಞ್ಞಸ್ಸ ಪಞ್ಞಾಕಥಾ ದುಕ್ಕಥಾ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಉದಾಯೀಸುತ್ತ
ಪು – ತತ್ಥೇವ
ವಿ – ಕೋಸಮ್ಬಿಯಂ ಭನ್ತೇ ಆಯಸ್ಮನ್ತಂ ಉದಾಯಿಂ ಆರಬ್ಭ ಭಾಸಿತಂ। ಆಯಸ್ಮಾ ಭನ್ತೇ ಉದಾಯೀ ಮಹತಿಯಾ ಗೀಹಿಪರಿಸಾಯ ಪರಿವುತೋ
ಆಘಾತವಗ್ಗ
ಪಠಮಆಘಾತಪಟಿವಿನಯಸುತ್ತ
ಪು – ಆಘಾತವಗ್ಗೇ
ವಿ – ಆಘಾತವಗ್ಗೇ ಭನ್ತೇ ಪಠಮಂ ಆಘಾತಪಟಿವಿನಯಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಆಘಾತಪಟಿವಿನಯಾ, ಯತ್ಥ ಭಿಕ್ಖುನೋ ಉಪ್ಪನ್ನೋ ಆಘಾತೋ ಸಬ್ಬಸೋ ಪಟಿವಿನೇತಬ್ಬೋ। ಕತಮೇ ಪಞ್ಚ, ಯಸ್ಮಿಂ ಭಿಕ್ಖವೇ ಪುಗ್ಗಲೇ ಆಘಾತೋ ಜಾಯೇಥ, ಮೇತ್ತಾ ತಸ್ಮಿಂ ಪುಗ್ಗಲೇ ಭಾವೇತಬ್ಬಾ, ಏವಂ ತಸ್ಮಿಂ ಪುಗ್ಗಲೇ ಆಘಾತೋ ಪಟಿವಿನೇತಬ್ಬೋ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಉಪಾಸಕವಗ್ಗ
ಚಣ್ಡಾಲಸುತ್ತ
ಪು – ಉಪಾಸಕವಗ್ಗೇ
ವಿ – ಉಪಾಸಕವಗ್ಗೇ ಭನ್ತೇ ಪಞ್ಚಮಂ ಚಣ್ಡಾಲಸುತ್ತಂ ‘‘ಪಞ್ಚಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಉಪಾಸಕೋ ಉಪಾಸಕಚಣ್ಡಾಲೋ ಚ
ಪೀತಿಸುತ್ತ
ಪು – ತತ್ಥೇವ
ವಿ – ಛಟ್ಠಂ ಭನ್ತೇ ಪೀತಿಸುತ್ತಂ ಸಾವತ್ಥಿಯಂ ಅನಾಥಪಿಣ್ಡಿಕಂ ಗಹಪತಿಂ ಆರಬ್ಭ ‘‘ತುಮ್ಹೇ ಖೋ ಗಹಪತಿ ಭಿಕ್ಖುಸಙ್ಘಂ ಪಚ್ಚುಪಟ್ಠಿತಾ ಚೀವರ ಪಿಣ್ಡಪಾತ ಸೇನಾಸನ ಗಿಲಾನಪಚ್ಚಯಭೇಸಜ್ಜಪರಿಕ್ಖಾರೇನ
ವಣಿಜ್ಜಾಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ಸತ್ತಮಂ ವಣಿಜ್ಜಾಸುತ್ತಂ ‘‘ಪಞ್ಚಿಮಾ ಭಿಕ್ಖವೇ ವಣಿಜ್ಜಾ ಉಪಾಸಕೇನ ಅಕರಣೀಯಾ। ಕತಮಾ ಪಞ್ಚ, ಸತ್ಥವಣಿಜ್ಜಾ ಸತ್ತವಣಿಜ್ಜಾ ಮಂಸವಣಿಜ್ಜಾ ಮಜ್ಜವಣಿಜ್ಜಾ ವಿಸವಣಿಜ್ಜಾ। ಇಮಾ ಖೋ ಭಿಕ್ಖವೇ ಪಞ್ಚ ವಣಿಜ್ಜಾ ಉಪಾಸಕೇನ ಅಕರಣೀಯಾ’’ತಿ ಏವಂ ಖೋ ಭನ್ತೇ ಭಗವತಾ ಭಾಸಿತಂ।
ಗವೇಸೀಸುತ್ತ
ಪು – ತತ್ಥೇವ
ವಿ – ದಸಮಂ ಭನ್ತೇ ಗವೇಸೀಸುತ್ತಂ ಕೋಸಲೇಸು ಆಯಸ್ಮನ್ತಂ ಆನನ್ದತ್ಥೇರಂ ಧಮ್ಮಭಣ್ಡಾಗಾರಿಕಂ ಆರಬ್ಭ ಭಾಸಿತಂ। ಆಯಸ್ಮಾ ಭನ್ತೇ ಆನನ್ದತ್ಥೇರೋ ಧಮ್ಮಭಣ್ಡಾಗಾರಿಕೋ ಭಗವನ್ತಂ ಏತದವೋಚ ‘‘ಕೋ ನು ಖೋ ಭನ್ತೇ ಹೇತು ಕೋ ಪಚ್ಚಯೋ ಭಗವತೋ ಸಿತಸ್ಸ ಪಾತುಕಮ್ಮಾಯ, ನ ಅಕಾರಣೇನ ತಥಾಗತಾ ಸಿತಂ ಪಾತುಕರೋನ್ತೀ’’ತಿ। ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಭೂತಪುಬ್ಬಂ ಆನನ್ದ ಇಮಸ್ಮಿಂ ಪದೇಸೇ ನಗರಂ ಅಹೋಸಿ
ವಾಚಾಸುತ್ತ
ಪು – ಬ್ರಾಹ್ಮಣವಗ್ಗೇ
ವಿ – ಬ್ರಾಹ್ಮಣವಗ್ಗೇ ಭನ್ತೇ ಅಟ್ಠಮಂ ವಾಚಾಸುತ್ತಂ ‘‘ಪಞ್ಚಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತಾ ವಾಚಾ ಸುಭಾಸಿತಾ ಹೋತಿ ನೋ ದುಬ್ಭಾಸಿತಾ, ಅನವಜ್ಜಾ ಚ ಅನನುವಜ್ಜಾ ಚ ವಿಞ್ಞೂನಂ। ಕತಮೇಹಿ ಪಞ್ಚಹಿ, ಕಾಲೇನ ಭಾಸಿತಾ ಹೋತಿ, ಸಚ್ಚಾ ಚ ಭಾಸಿತಾ ಹೋತಿ, ಸಣ್ಹಾ ಚ ಭಾಸಿತಾ ಹೋತಿ, ಅತ್ಥಸಂಹಿತಾ ಚ ಭಾಸಿತಾ ಹೋತಿ, ಮೇತ್ತಾಚಿತ್ತೇನ ಚ ಭಾಸಿತಾ ಹೋತಿ, ಇಮೇಹಿ ಖೋ ಭಿಕ್ಖವೇ ಪಞ್ಚಹಿ ಅಙ್ಗೇಹಿ ಸಮನ್ನಾಗತಾ ವಾಚಾ ಸುಭಾಸಿತಾ ಹೋತಿ ನೋ ದುಬ್ಭಾಸಿತಾ, ಅನವಜ್ಜಾ ಚ ಅನನುವಜ್ಜಾ ಚ ವಿಞ್ಞೂನ’’ನ್ತಿ ಏವಂ ಖೋ ಭನ್ತೇ ಭಗವತಾ ಭಾಸಿತಂ।
ಕುಲಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ನವಮಂ ಕುಲಸುತ್ತಂ ‘‘ಯಂ ಭಿಕ್ಖವೇ ಸೀಲವನ್ತೋ ಪಬ್ಬಜಿತಾ ಕುಲಂ ಉಪಸಙ್ಕಮನ್ತಿ, ತತ್ಥ ಮನುಸ್ಸಾ ಪಞ್ಚಹಿ ಠಾನೇಹಿ ಬಹುಂ ಪುಞ್ಞಂ ಪಸವನ್ತಿ। ಕತಮೇಹಿ ಪಞ್ಚಹಿ, ಯಸ್ಮಿಂ ಭಿಕ್ಖವೇ ಸಮಯೇ ಸೀಲವನ್ತೇ ಪಬ್ಬಜಿತೇ ಕುಲಂ ಉಪಸಙ್ಕಮನ್ತೇ ಮನುಸ್ಸಾ ದಿಸ್ವಾ ಚಿತ್ತಾನಿ ಪಸಾದೇನ್ತಿ, ಸಗ್ಗಸಂವತ್ತನಿಕಂ ಭಿಕ್ಖವೇ ತಂ ಕುಲಂ ತಸ್ಮಿಂ ಸಮಯೇ ಪಟಿಪದಂ ಪಟಿಪನ್ನಂ ಹೋತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಕಿಮಿಲವಗ್ಗ
ಧಮ್ಮಸ್ಸವನಸುತ್ತ
ಪು – ಕಿಮಿಲವಗ್ಗೇ
ವಿ – ಕಿಮಿಲವಗ್ಗೇ ಭನ್ತೇ ದುತಿಯಂ ಧಮ್ಮಸ್ಸವನಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಆನಿಸಂಸಾ ಧಮ್ಮಸ್ಸವನೇ। ಕತಮೇ ಪಞ್ಚ, ಅಸ್ಸುತಂ ಸುಣಾತಿ, ಸುತಂ ಪರಿಯೋದಾಪೇತಿ, ಕಙ್ಖಂ ವಿತರತಿ, ದಿಟ್ಠಿಂ ಉಜುಂ ಕರೋತಿ, ಚಿತ್ತಮಸ್ಸ ಪಸೀದತಿ, ಇಮೇ ಖೋ ಭಿಕ್ಖವೇ ಪಞ್ಚ ಆನಿಸಂಸಾ ಧಮ್ಮಸ್ಸವನೇ’’ತಿ ಏವಂ ಖೋ ಭನ್ತೇ ಭಗವತಾ ಭಾಸಿತಂ।
ಅಕ್ಕೋಸಕವಗ್ಗ
ಅಕ್ಖನ್ತಿಸುತ್ತ
ಪು – ಅಕ್ಕೋಸಕವಗ್ಗೇ
ವಿ – ಅಕ್ಕೋಸಕವಗ್ಗೇ ಭನ್ತೇ ಪಞ್ಚಮಂ ಅಕ್ಖನ್ತಿಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಆದೀನವಾ ಅಕ್ಖನ್ತಿಯಾ। ಕತಮೇ ಪಞ್ಚ, ಬಹುನೋ ಜನಸ್ಸ
ಅಪಾಸಾದಿಕಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ಅಟ್ಠಮಂ ಅಪಾಸಾದಿಕಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಆದೀನವಾ ಅಪಾಸಾದಿಕೇ। ಕತಮೇ ಪಞ್ಚ, ಅಪ್ಪಸನ್ನಾ ನಪ್ಪಸೀದನ್ತಿ, ಪಸನ್ನಾನಞ್ಚ ಏಕಚ್ಚಾನಂ ಅಞ್ಞಥತ್ತಂ ಹೋತಿ, ಸತ್ಥುಸಾಸನಂ ಅಕತಂ ಹೋತಿ, ಪಚ್ಛಿಮಾ ಜನತಾ ದಿಟ್ಠಾನುಗತಿಂ ಆಪಜ್ಜತಿ, ಚಿತ್ತಮಸ್ಸ ನಪ್ಪಸೀದತಿ। ಇಮೇ ಖೋ ಭಿಕ್ಖವೇ ಪಞ್ಚ ಆದೀನವಾ ಅಪಾಸಾದಿಕೇ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಆವಾಸಿಕವಗ್ಗ
ಆವಾಸಿಕಸುತ್ತ
ಪು – ಆವಾಸಿಕವಗ್ಗೇ
ವಿ – ಆವಾಸಿಕವಗ್ಗೇ ಭನ್ತೇ ಪಠಮಂ ಆವಾಸಿಕಸುತ್ತಂ ‘‘ಪಞ್ಚಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಆವಾಸಿಕೋ ಭಿಕ್ಖು ಅಭಾವನೀಯೋ ಹೋತಿ। ಕತಮೇಹಿ ಪಞ್ಚಹಿ, ನ ಆಕಪ್ಪಸಮ್ಪನ್ನೋ ಹೋತಿ ನ ವತ್ತಸಮ್ಪನ್ನೋ, ನ ಬಹುಸ್ಸುತೋ ಹೋತಿ ನ ಸುತಧರೋ, ನ ಪಟಿಸಲ್ಲೇಖಿತಾ ಹೋತಿ ನ ಪಟಿಸಲ್ಲಾನಾರಾಮೋ, ನ ಕಲ್ಯಾಣವಾಚೋ ಹೋತಿ ನ ಕಲ್ಯಾಣವಾಕ್ಕರಣೋ, ದುಪ್ಪಞ್ಞೋ ಹೋತಿ ಜಳೋ ಏಳಮೂಗೋ। ಇಮೇಹಿ ಖೋ ಭಿಕ್ಖವೇ ಪಞ್ಚಹಿ ಧಮ್ಮೇಹಿ ಸಮನ್ನಾಗತೋ ಆವಾಸಿಕೋ ಭಿಕ್ಖು ಅಭಾವನೀಯೋ ಹೋತೀ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಅವಣ್ಣಾರಹಸುತ್ತ
ಪು – ತತ್ಥೇವ
ವಿ – ತತ್ಥೇವ ಭನ್ತೇ ಸತ್ತಮಂ ಅವಣ್ಣಾರಹಸುತ್ತಂ ‘‘ಪಞ್ಚಹಿ ಭಿಕ್ಖವೇ ಧಮ್ಮೇಹಿ ಸಮನ್ನಾಗತೋ ಆವಾಸಿಕೋ ಭಿಕ್ಖು ಯಥಾಭತಂ ನಿಕ್ಖಿತ್ತೋ ಏವಂ ನಿರಯೇ। ಕತಮೇಹಿ ಪಞ್ಚಹಿ, ಅನನುವಿಚ್ಚ ಅಪರಿಯೋಗಾಹೇತ್ವಾ ಅವಣ್ಣಾರಹಸ್ಸ ವಣ್ಣಂ ಭಾಸತಿ, ಅನನುವಿಚ್ಚ ಅಪರಿಯೋಗಾಹೇತ್ವಾ ವಣ್ಣಾರಹಸ್ಸ ಅವಣ್ಣಂ ಭಾಸತಿ, ಆವಾಸಮಚ್ಛರೀ ಹೋತಿ ಆವಾಸಪಲಿಗೇಧೀ, ಕುಲಮಚ್ಛರೀ ಹೋತಿ ಕುಲಪಲಿಗೇಧಿ, ಸದ್ಧಾದೇಯ್ಯಂ ವಿನಿಪಾತೇತಿ। ಇಮೇಹಿ ಖೋ ಭಿಕ್ಖವೇ ಪಞ್ಚಹಿ ಧಮ್ಮೇಹಿ ಸಮನ್ನಾಗತೋ ಆವಾಸಿಕೋ
ದುಚ್ಚರಿತವಗ್ಗ
ಪಠಮದುಚ್ಚರಿತಸುತ್ತ
ಪು – ದುಚ್ಚರಿತವಗ್ಗೇ
ವಿ – ದುಚ್ಚರಿತವಗ್ಗೇ ಭನ್ತೇ ಪಠಮಂ ದುಚ್ಚರಿತಸುತ್ತಂ ‘‘ಪಞ್ಚಿಮೇ ಭಿಕ್ಖವೇ ಆದೀನವಾ ದುಚ್ಚರಿತೇ। ಕತಮೇ ಪಞ್ಚ, ಅತ್ತಾಪಿ ಅತ್ತಾನಂ ಉಪವದತಿ, ಅನುವಿಚ್ಚ ವಿಞ್ಞೂ ಗರಹನ್ತಿ, ಪಾಪಕೋ ಕಿತ್ತಿಸದ್ದೋ ಅಬ್ಭುಗ್ಗಚ್ಛತಿ, ಸಮ್ಮೂಳ್ಹೋ ಕಾಲಂ ಕರೋತಿ, ಕಾಯಸ್ಸ ಭೇದಾ ಪರಂ ಮರಣಾ ಅಪಾಯಂ ದುಗ್ಗತಿಂ ವಿನಿಪಾತಂ ನಿರಯಂ ಉಪಪಜ್ಜತಿ। ಇಮೇ ಖೋ ಭಿಕ್ಖವೇ ಪಞ್ಚ ಆದೀನವಾ ದುಚ್ಚರಿತೇ’’ತಿ ಏವಮಾದಿನಾ ಭಗವತಾ ಭಾಸಿತಂ।
ಸಿವಥಿಕಸುತ್ತ
ಪು – ತತ್ಥೇವ
ವಿ – ತತ್ಥೇವ