೪. ಅದನ್ತವಗ್ಗವಣ್ಣನಾ
೩೧. ಚತುತ್ಥಸ್ಸ ಅದನ್ತನ್ತಿ ಸವಿಸೇವನಂ ಅದನ್ತಹತ್ಥಿಅಸ್ಸಾದಿಸದಿಸಂ। ಚಿತ್ತನ್ತಿ ವಟ್ಟವಸೇನ ಉಪ್ಪನ್ನಚಿತ್ತಮೇವ।
೩೨. ದುತಿಯೇ ದನ್ತನ್ತಿ ನಿಬ್ಬಿಸೇವನಂ ದನ್ತಹತ್ಥಿಅಸ್ಸಾದಿಸದಿಸಂ। ಇಮಸ್ಮಿಮ್ಪಿ ಸುತ್ತದ್ವಯೇ ವಟ್ಟವಿವಟ್ಟವಸೇನ ಉಪ್ಪನ್ನಚಿತ್ತಮೇವ ಕಥಿತಂ। ಯಥಾ ಚೇತ್ಥ, ಏವಂ ಇತೋ ಪರೇಸುಪೀತಿ।
೩೩. ತತಿಯೇ ಅಗುತ್ತನ್ತಿ ಅಗೋಪಿತಂ ಸತಿಸಂವರರಹಿತಂ ಅಗುತ್ತಹತ್ಥಿಅಸ್ಸಾದಿಸದಿಸಂ।
೩೪. ಚತುತ್ಥೇ ಗುತ್ತನ್ತಿ ಗೋಪಿತಂ ಅವಿಸ್ಸಟ್ಠಸತಿಸಂವರಂ ಗುತ್ತಹತ್ಥಿಅಸ್ಸಾದಿಸದಿಸಂ।
೩೫-೩೬. ಪಞ್ಚಮಛಟ್ಠಾನಿ ಅರಕ್ಖಿತಂ ರಕ್ಖಿತನ್ತಿ ಪದವಸೇನ ಬುಜ್ಝನಕಾನಂ ಅಜ್ಝಾಸಯೇನ ವುತ್ತಾನಿ। ಅತ್ಥೋ ಪನೇತ್ಥ ಪುರಿಮಸದಿಸೋಯೇವ।
೩೭-೩೮. ಸತ್ತಮಟ್ಠಮೇಸುಪಿ
೩೯-೪೦. ನವಮದಸಮಾನಿ ಚತೂಹಿಪಿ ಪದೇಹಿ ಯೋಜೇತ್ವಾ ವುತ್ತಾನಿ। ಇಮಸ್ಮಿಮ್ಪಿ ವಗ್ಗೇ ವಟ್ಟವಿವಟ್ಟಮೇವ ಕಥಿತನ್ತಿ।
ಅದನ್ತವಗ್ಗವಣ್ಣನಾ।