೪. ದೇವತಾವಗ್ಗೋ
೫. ಪಠಮಮಿತ್ತಸುತ್ತವಣ್ಣನಾ
೩೬. ಚತುತ್ಥಸ್ಸ ಅತ್ತನೋ ಗುಯ್ಹಂ ತಸ್ಸ ಆವಿಕರೋತೀತಿ ಅತ್ತನೋ ಗುಯ್ಹಂ ನಿಗ್ಗುಹಿತುಂ ಯುತ್ತಕಥಂ ಅಞ್ಞಸ್ಸ ಅಕಥೇತ್ವಾ ತಸ್ಸೇವ ಆಚಿಕ್ಖತಿ। ತಸ್ಸ ಗುಯ್ಹಂ ಅಞ್ಞೇಸಂ ನಾಚಿಕ್ಖತೀತಿ ತೇನ ಕಥಿತಗುಯ್ಹಂ ಯಥಾ ಅಞ್ಞೇ ನ ಜಾನನ್ತಿ, ಏವಂ ಅನಾವಿಕರೋನ್ತೋ ಛಾದೇತಿ।
ಪಠಮಮಿತ್ತಸುತ್ತವಣ್ಣನಾ ನಿಟ್ಠಿತಾ।
೬-೧೧. ದುತಿಯಮಿತ್ತಸುತ್ತಾದಿವಣ್ಣನಾ
೩೭-೪೨. ಛಟ್ಠೇ ಪಿಯೋ ಚ ಹೋತಿ ಮನಾಪೋ ಚಾತಿ ಕಲ್ಯಾಣಮಿತ್ತಲಕ್ಖಣಂ ದಸ್ಸಿತಂ। ಕಲ್ಯಾಣಮಿತ್ತೋ ಹಿ ಸದ್ಧಾಸಮ್ಪನ್ನೋ ಚ ಹೋತಿ ಸೀಲಸಮ್ಪನ್ನೋ ಸುತಸಮ್ಪನ್ನೋ ಚಾಗಸಮ್ಪನ್ನೋ ವೀರಿಯಸಮ್ಪನ್ನೋ ಸತಿಸಮ್ಪನ್ನೋ ಸಮಾಧಿಸಮ್ಪನ್ನೋ ಪಞ್ಞಾಸಮ್ಪನ್ನೋ। ತತ್ಥ ಸದ್ಧಾಸಮ್ಪತ್ತಿಯಾ ಸದ್ದಹತಿ ತಥಾಗತಸ್ಸ ಸಮ್ಬೋಧಿಂ ಕಮ್ಮಞ್ಚ ಕಮ್ಮಫಲಞ್ಚ, ತೇನ ಸಮ್ಬೋಧಿಯಾ ಹೇತುಭೂತಂ ಸತ್ತೇಸು ಹಿತಸುಖಂ ನ ಪರಿಚ್ಚಜತಿ ‘‘ಪಿಯೋ…ಪೇ॰… ನಿಯೋಜೇತೀ’’ತಿ। ಸತ್ತಮಾದೀನಿ ಉತ್ತಾನತ್ಥಾನಿ।
ದುತಿಯಮಿತ್ತಸುತ್ತಾದಿವಣ್ಣನಾ ನಿಟ್ಠಿತಾ।
ದೇವತಾವಗ್ಗವಣ್ಣನಾ ನಿಟ್ಠಿತಾ।