(೧೧) ೧. ಸಮಣಸಞ್ಞಾವಗ್ಗೋ
೧. ಸಮಣಸಞ್ಞಾಸುತ್ತವಣ್ಣನಾ
೧೦೧. ತತಿಯಸ್ಸ ಸಮಣಸಞ್ಞಾತಿ ಸಮಣಾನಂ ಉಪ್ಪಜ್ಜನಕಸಞ್ಞಾ। ಸನ್ತತಕಾರೀತಿ ನಿರನ್ತರಕಾರೀ। ಅಬ್ಯಾಪಜ್ಝೋತಿ ನಿದ್ದುಕ್ಖೋ। ಇದಮತ್ಥಂತಿಸ್ಸ ಹೋತೀತಿ ಇದಮತ್ಥಂ ಇಮೇ ಪಚ್ಚಯಾತಿ ಏವಮಸ್ಸ ಜೀವಿತಪರಿಕ್ಖಾರೇಸು ಹೋತಿ, ಪಚ್ಚವೇಕ್ಖಿತಪರಿಭೋಗಂ ಪರಿಭುಞ್ಜತೀತಿ ಅತ್ಥೋ। ದುತಿಯಂ ಉತ್ತಾನತ್ಥಮೇವ।
೩. ಮಿಚ್ಛತ್ತಸುತ್ತವಣ್ಣನಾ
೧೦೩. ತತಿಯೇ ವಿರಾಧನಾ ಹೋತೀತಿ ಸಗ್ಗತೋ ಮಗ್ಗತೋ ಚ ವಿರಜ್ಝನಂ ಹೋತಿ। ನೋ ಆರಾಧನಾತಿ ನ ಸಮ್ಪಾದನಾ ನ ಪರಿಪೂರಕಾರಿತಾ ಹೋತಿ। ಪಹೋತೀತಿ ಪವತ್ತತಿ।
೪-೫. ಬೀಜಸುತ್ತಾದಿವಣ್ಣನಾ
೧೦೪-೧೦೫. ಚತುತ್ಥೇ ಯಥಾದಿಟ್ಠಿ ಸಮತ್ತಂ ಸಮಾದಿನ್ನನ್ತಿ ದಿಟ್ಠಾನುರೂಪೇನ ಪರಿಪುಣ್ಣಂ ಸಮಾದಿನ್ನಂ ಸಕಲಂ ಗಹಿತಂ। ಚೇತನಾತಿ ತೀಸು ದ್ವಾರೇಸು ನಿಬ್ಬತ್ತಿತಚೇತನಾವ ಗಹಿತಾ। ಪತ್ಥನಾತಿ ‘‘ಏವರೂಪೋ ಸಿಯ’’ನ್ತಿ ಏವಂ ಪತ್ಥನಾ। ಪಣಿಧೀತಿ ಸಙ್ಖಾರಾತಿ ಸಮ್ಪಯುತ್ತಕಸಙ್ಖಾರಾ। ಪಞ್ಚಮೇ ಪುರೇಚಾರಿಕಟ್ಠೇನ ಪುಬ್ಬಙ್ಗಮಾ। ಅನ್ವದೇವಾತಿ ತಂ ಅನುಬನ್ಧಮಾನಮೇವ।
೬. ನಿಜ್ಜರಸುತ್ತವಣ್ಣನಾ
೧೦೬. ಛಟ್ಠೇ ನಿಜ್ಜರವತ್ಥೂನೀತಿ ನಿಜ್ಜರಕಾರಣಾನಿ। ಮಿಚ್ಛಾದಿಟ್ಠಿ ನಿಜ್ಜಿಣ್ಣಾ ಹೋತೀತಿ ಅಯಂ ಹೇಟ್ಠಾ ವಿಪಸ್ಸನಾಯಪಿ ನಿಜ್ಜಿಣ್ಣಾ ಏವ ಪಹೀನಾ। ಕಸ್ಮಾ ಪುನ ಗಹಿತಾತಿ? ಅಸಮುಚ್ಛಿನ್ನತ್ತಾ। ವಿಪಸ್ಸನಾಯ ಹಿ ಕಿಞ್ಚಾಪಿ ನಿಜ್ಜಿಣ್ಣಾ, ನ ಪನ ಸಮುಚ್ಛಿನ್ನಾ। ಮಗ್ಗೋ ಪನ ಉಪ್ಪಜ್ಜಿತ್ವಾ ತಂ ಸಮುಚ್ಛಿನ್ದತಿ, ನ ಪುನ ವುಟ್ಠಾತುಂ ದೇತಿ। ತಸ್ಮಾ ಪುನ ಗಹಿತಾ। ಏವಂ ಸಬ್ಬಪದೇಸು ಯೋಜೇತಬ್ಬೋ। ಏತ್ಥ ಚ ಸಮ್ಮಾವಿಮುತ್ತಿಪಚ್ಚಯಾ ಚತುಸಟ್ಠಿ ಧಮ್ಮಾ ಭಾವನಾಪಾರಿಪೂರಿಂ ಗಚ್ಛನ್ತಿ। ಕತಮೇ ಚತುಸಟ್ಠಿ? ಸೋತಾಪತ್ತಿಮಗ್ಗಕ್ಖಣೇ ಅಧಿಮೋಕ್ಖಟ್ಠೇನ
೭. ಧೋವನಾಸುತ್ತವಣ್ಣನಾ
೧೦೭. ಸತ್ತಮೇ ಧೋವನನ್ತಿ ಅಟ್ಠಿಧೋವನಂ। ತಸ್ಮಿಞ್ಹಿ ಜನಪದೇ ಮನುಸ್ಸಾ ಞಾತಕೇ ಮತೇ ನ ಝಾಪೇನ್ತಿ, ಆವಾಟಂ ಪನ ಖಣಿತ್ವಾ ಭೂಮಿಯಂ ನಿದಹನ್ತಿ। ಅಥ ನೇಸಂ ಪೂತಿಭೂತಾನಂ ಅಟ್ಠೀನಿ ನೀಹರಿತ್ವಾ ಧೋವಿತ್ವಾ ಪಟಿಪಾಟಿಯಾ ಉಸ್ಸಾಪೇತ್ವಾ ಗನ್ಧಮಾಲೇಹಿ ಪೂಜೇತ್ವಾ ಠಪೇನ್ತಿ। ನಕ್ಖತ್ತೇ ಪತ್ತೇ ತಾನಿ ಅಟ್ಠೀನಿ ಗಹೇತ್ವಾ ರೋದನ್ತಿ ಪರಿದೇವನ್ತಿ, ತತೋ ನಕ್ಖತ್ತಂ ಕೀಳನ್ತಿ।
೮-೧೦. ತಿಕಿಚ್ಛಕಸುತ್ತಾದಿವಣ್ಣನಾ
೧೦೮-೧೧೦. ಅಟ್ಠಮೇ ವಿರೇಚನನ್ತಿ ದೋಸನೀಹರಣಭೇಸಜ್ಜಂ। ವಿರಿತ್ತಾ ಹೋತೀತಿ ನೀಹಟಾ ಹೋತಿ ಪನುದಿತಾ। ನವಮೇ ವಮನನ್ತಿ ವಮನಕರಣಭೇಸಜ್ಜಂ। ದಸಮೇ ನಿದ್ಧಮನೀಯಾತಿ ನಿದ್ಧಮಿತಬ್ಬಾ। ನಿದ್ಧನ್ತಾತಿ ನಿದ್ಧಮಿತಾ।
೧೧. ಪಠಮಅಸೇಖಸುತ್ತವಣ್ಣನಾ
೧೧೧. ಏಕಾದಸಮೇ ಸಮ್ಮಾಞಾಣನ್ತಿ ವುತ್ತಾ। ಏವಮೇತೇ ಸಬ್ಬೇಪಿ ಅರಹತ್ತಫಲಧಮ್ಮಾ ಅಸೇಖಾ, ಅಸೇಖಸ್ಸ ಪವತ್ತತ್ತಾ ಪಚ್ಚವೇಕ್ಖಣಞಾಣಮ್ಪಿ ಅಸೇಖನ್ತಿ ವುತ್ತಂ।
೧೨. ದುತಿಯಅಸೇಖಸುತ್ತವಣ್ಣನಾ
೧೧೨. ದ್ವಾದಸಮೇ ಅಸೇಖಿಯಾತಿ ಅಸೇಖಾಯೇವ, ಅಸೇಖಸನ್ತಕಾ ವಾ। ಇಮಿನಾ ಸುತ್ತೇನ ಖೀಣಾಸವೋವ ಕಥಿತೋತಿ।
ಸಮಣಸಞ್ಞಾವಗ್ಗೋ ಪಠಮೋ।