೨೦. ಫುಸ್ಸಬುದ್ಧವಂಸೋ
೧.
ತತ್ಥೇವ ಮಣ್ಡಕಪ್ಪಮ್ಹಿ, ಅಹು ಸತ್ಥಾ ಅನುತ್ತರೋ।
ಅನುಪಮೋ ಅಸಮಸಮೋ, ಫುಸ್ಸೋ ಲೋಕಗ್ಗನಾಯಕೋ॥
೨.
ಸೋಪಿ ಸಬ್ಬಂ ತಮಂ ಹನ್ತ್ವಾ, ವಿಜಟೇತ್ವಾ ಮಹಾಜಟಂ।
ಸದೇವಕಂ ತಪ್ಪಯನ್ತೋ, ಅಭಿವಸ್ಸಿ ಅಮತಮ್ಬುನಾ॥
೩.
ಧಮ್ಮಚಕ್ಕಂ ಪವತ್ತೇನ್ತೇ, ಫುಸ್ಸೇ ನಕ್ಖತ್ತಮಙ್ಗಲೇ।
ಕೋಟಿಸತಸಹಸ್ಸಾನಂ, ಪಠಮಾಭಿಸಮಯೋ ಅಹು॥
೪.
ನವುತಿಸತಸಹಸ್ಸಾನಂ
ಅಸೀತಿಸತಸಹಸ್ಸಾನಂ, ತತಿಯಾಭಿಸಮಯೋ ಅಹು॥
೫.
ಸನ್ನಿಪಾತಾ ತಯೋ ಆಸುಂ, ಫುಸ್ಸಸ್ಸಾಪಿ ಮಹೇಸಿನೋ।
ಖೀಣಾಸವಾನಂ ವಿಮಲಾನಂ, ಸನ್ತಚಿತ್ತಾನ ತಾದಿನಂ॥
೬.
ಸಟ್ಠಿಸತಸಹಸ್ಸಾನಂ
ಪಞ್ಞಾಸಸತಸಹಸ್ಸಾನಂ, ದುತಿಯೋ ಆಸಿ ಸಮಾಗಮೋ॥
೭.
ಚತ್ತಾರೀಸಸತಸಹಸ್ಸಾನಂ, ತತಿಯೋ ಆಸಿ ಸಮಾಗಮೋ।
ಅನುಪಾದಾ ವಿಮುತ್ತಾನಂ, ವೋಚ್ಛಿನ್ನಪಟಿಸನ್ಧಿನಂ॥
೮.
ಅಹಂ ತೇನ ಸಮಯೇನ, ವಿಜಿತಾವೀ ನಾಮ ಖತ್ತಿಯೋ।
ಛಡ್ಡಯಿತ್ವಾ ಮಹಾರಜ್ಜಂ, ಪಬ್ಬಜಿಂ ತಸ್ಸ ಸನ್ತಿಕೇ॥
೯.
ಸೋಪಿ
‘‘ದ್ವೇನವುತೇ ಇತೋ ಕಪ್ಪೇ, ಅಯಂ ಬುದ್ಧೋ ಭವಿಸ್ಸತಿ॥
೧೦.
‘‘ಪಧಾನಂ ಪದಹಿತ್ವಾನ…ಪೇ॰…
೧೧.
ತಸ್ಸಾಪಿ ವಚನಂ ಸುತ್ವಾ, ಭಿಯ್ಯೋ ಚಿತ್ತಂ ಪಸಾದಯಿಂ।
ಉತ್ತರಿಂ ವತಮಧಿಟ್ಠಾಸಿಂ, ದಸಪಾರಮಿಪೂರಿಯಾ॥
೧೨.
ಸುತ್ತನ್ತಂ
ಸಬ್ಬಂ ಪರಿಯಾಪುಣಿತ್ವಾ, ಸೋಭಯಿಂ ಜಿನಸಾಸನಂ॥
೧೩.
ತತ್ಥಪ್ಪಮತ್ತೋ
ಅಭಿಞ್ಞಾಸು ಪಾರಮಿಂ ಗನ್ತ್ವಾ, ಬ್ರಹ್ಮಲೋಕಮಗಞ್ಛಹಂ॥
೧೪.
ಕಾಸಿಕಂ ನಾಮ ನಗರಂ, ಜಯಸೇನೋ ನಾಮ ಖತ್ತಿಯೋ।
ಸಿರಿಮಾ ನಾಮ ಜನಿಕಾ, ಫುಸ್ಸಸ್ಸಾಪಿ ಮಹೇಸಿನೋ॥
೧೫.
ನವವಸ್ಸಸಹಸ್ಸಾನಿ, ಅಗಾರಂ ಅಜ್ಝ ಸೋ ವಸಿ।
ಗರುಳಪಕ್ಖ ಹಂಸ ಸುವಣ್ಣಭಾರಾ, ತಯೋ ಪಾಸಾದಮುತ್ತಮಾ॥
೧೬.
ತಿಂಸಇತ್ಥಿಸಹಸ್ಸಾನಿ, ನಾರಿಯೋ ಸಮಲಙ್ಕತಾ।
ಕಿಸಾಗೋತಮೀ ನಾಮ ನಾರೀ, ಅನೂಪಮೋ ನಾಮ ಅತ್ರಜೋ॥
೧೭.
ನಿಮಿತ್ತೇ ಚತುರೋ ದಿಸ್ವಾ, ಹತ್ಥಿಯಾನೇನ ನಿಕ್ಖಮಿ।
ಛಮಾಸಂ ಪಧಾನಚಾರಂ, ಅಚರೀ ಪುರಿಸುತ್ತಮೋ॥
೧೮.
ಬ್ರಹ್ಮುನಾ ಯಾಚಿತೋ ಸನ್ತೋ, ಫುಸ್ಸೋ ಲೋಕಗ್ಗನಾಯಕೋ।
ವತ್ತಿ ಚಕ್ಕಂ ಮಹಾವೀರೋ, ಮಿಗದಾಯೇ ನರುತ್ತಮೋ॥
೧೯.
ಸುರಕ್ಖಿತೋ ಧಮ್ಮಸೇನೋ, ಅಹೇಸುಂ ಅಗ್ಗಸಾವಕಾ।
ಸಭಿಯೋ ನಾಮುಪಟ್ಠಾಕೋ, ಫುಸ್ಸಸ್ಸಾಪಿ ಮಹೇಸಿನೋ॥
೨೦.
ಚಾಲಾ
ಬೋಧಿ ತಸ್ಸ ಭಗವತೋ, ಆಮಣ್ಡೋತಿ ಪವುಚ್ಚತಿ॥
೨೧.
ಧನಞ್ಚಯೋ ವಿಸಾಖೋ ಚ, ಅಹೇಸುಂ ಅಗ್ಗುಪಟ್ಠಕಾ।
ಪದುಮಾ ಚೇವ ನಾಗಾ ಚ, ಅಹೇಸುಂ ಅಗ್ಗುಪಟ್ಠಿಕಾ॥
೨೨.
ಅಟ್ಠಪಣ್ಣಾಸರತನಂ
ಸೋಭತೇ ಸತರಂಸೀವ, ಉಳುರಾಜಾವ ಪೂರಿತೋ॥
೨೩.
ನವುತಿವಸ್ಸಸಹಸ್ಸಾನಿ, ಆಯು ವಿಜ್ಜತಿ ತಾವದೇ।
ತಾವತಾ ತಿಟ್ಠಮಾನೋ ಸೋ, ತಾರೇಸಿ ಜನತಂ ಬಹುಂ॥
೨೪.
ಓವದಿತ್ವಾ
ಸೋಪಿ ಸತ್ಥಾ ಅತುಲಯಸೋ, ನಿಬ್ಬುತೋ ಸೋ ಸಸಾವಕೋ॥
೨೫.
ಫುಸ್ಸೋ ಜಿನವರೋ ಸತ್ಥಾ, ಸೇನಾರಾಮಮ್ಹಿ ನಿಬ್ಬುತೋ।
ಧಾತುವಿತ್ಥಾರಿಕಂ ಆಸಿ, ತೇಸು ತೇಸು ಪದೇಸತೋತಿ॥
ಫುಸ್ಸಸ್ಸ ಭಗವತೋ ವಂಸೋ ಅಟ್ಠಾರಸಮೋ।