೨೬. ಕಸ್ಸಪಬುದ್ಧವಂಸೋ
೧.
ಕೋಣಾಗಮನಸ್ಸ
ಕಸ್ಸಪೋ ನಾಮ ಗೋತ್ತೇನ, ಧಮ್ಮರಾಜಾ ಪಭಙ್ಕರೋ॥
೨.
ಸಞ್ಛಡ್ಡಿತಂ
ದತ್ವಾನ ಯಾಚಕೇ ದಾನಂ, ಪೂರಯಿತ್ವಾನ ಮಾನಸಂ।
ಉಸಭೋವ ಆಳಕಂ ಭೇತ್ವಾ, ಪತ್ತೋ ಸಮ್ಬೋಧಿಮುತ್ತಮಂ॥
೩.
ಧಮ್ಮಚಕ್ಕಂ
ವೀಸಕೋಟಿಸಹಸ್ಸಾನಂ, ಪಠಮಾಭಿಸಮಯೋ ಅಹು॥
೪.
ಚತುಮಾಸಂ ಯದಾ ಬುದ್ಧೋ, ಲೋಕೇ ಚರತಿ ಚಾರಿಕಂ।
ದಸಕೋಟಿಸಹಸ್ಸಾನಂ, ದುತಿಯಾಭಿಸಮಯೋ ಅಹು॥
೫.
ಯಮಕಂ ವಿಕುಬ್ಬನಂ ಕತ್ವಾ, ಞಾಣಧಾತುಂ ಪಕಿತ್ತಯಿ।
ಪಞ್ಚಕೋಟಿಸಹಸ್ಸಾನಂ, ತತಿಯಾಭಿಸಮಯೋ ಅಹು॥
೬.
ಸುಧಮ್ಮಾ ದೇವಪುರೇ ರಮ್ಮೇ, ತತ್ಥ ಧಮ್ಮಂ ಪಕಿತ್ತಯಿ।
ತೀಣಿಕೋಟಿಸಹಸ್ಸಾನಂ, ದೇವಾನಂ ಬೋಧಯೀ ಜಿನೋ॥
೭.
ನರದೇವಸ್ಸ ಯಕ್ಖಸ್ಸ, ಅಪರೇ ಧಮ್ಮದೇಸನೇ।
ಏತೇಸಾನಂ ಅಭಿಸಮಯಾ, ಗಣನಾತೋ ಅಸಙ್ಖಿಯಾ॥
೮.
ತಸ್ಸಾಪಿ ದೇವದೇವಸ್ಸ, ಏಕೋ ಆಸಿ ಸಮಾಗಮೋ।
ಖೀಣಾಸವಾನಂ ವಿಮಲಾನಂ, ಸನ್ತಚಿತ್ತಾನ ತಾದಿನಂ॥
೯.
ವೀಸಭಿಕ್ಖುಸಹಸ್ಸಾನಂ, ತದಾ ಆಸಿ ಸಮಾಗಮೋ।
ಅತಿಕ್ಕನ್ತಭವನ್ತಾನಂ, ಹಿರಿಸೀಲೇನ ತಾದಿನಂ॥
೧೦.
ಅಹಂ ತದಾ ಮಾಣವಕೋ, ಜೋತಿಪಾಲೋತಿ ವಿಸ್ಸುತೋ।
ಅಜ್ಝಾಯಕೋ ಮನ್ತಧರೋ, ತಿಣ್ಣಂ ವೇದಾನ ಪಾರಗೂ॥
೧೧.
ಲಕ್ಖಣೇ
ಭೂಮನ್ತಲಿಕ್ಖಕುಸಲೋ, ಕತವಿಜ್ಜೋ ಅನಾವಯೋ॥
೧೨.
ಕಸ್ಸಪಸ್ಸ ಭಗವತೋ, ಘಟಿಕಾರೋ ನಾಮುಪಟ್ಠಾಕೋ।
ಸಗಾರವೋ ಸಪ್ಪತಿಸ್ಸೋ, ನಿಬ್ಬುತೋ ತತಿಯೇ ಫಲೇ॥
೧೩.
ಆದಾಯ
ತಸ್ಸ ಧಮ್ಮಂ ಸುಣಿತ್ವಾನ, ಪಬ್ಬಜಿಂ ತಸ್ಸ ಸನ್ತಿಕೇ॥
೧೪.
ಆರದ್ಧವೀರಿಯೋ ಹುತ್ವಾ, ವತ್ತಾವತ್ತೇಸು ಕೋವಿದೋ।
ನ ಕ್ವಚಿ ಪರಿಹಾಯಾಮಿ, ಪೂರೇಸಿಂ ಜಿನಸಾಸನಂ॥
೧೫.
ಯಾವತಾ ಬುದ್ಧಭಣಿತಂ, ನವಙ್ಗಂ ಜಿನಸಾಸನಂ।
ಸಬ್ಬಂ ಪರಿಯಾಪುಣಿತ್ವಾನ, ಸೋಭಯಿಂ ಜಿನಸಾಸನಂ॥
೧೬.
ಮಮ ಅಚ್ಛರಿಯಂ ದಿಸ್ವಾ, ಸೋಪಿ ಬುದ್ಧೋ ವಿಯಾಕರಿ।
‘‘ಇಮಮ್ಹಿ ಭದ್ದಕೇ ಕಪ್ಪೇ, ಅಯಂ ಬುದ್ಧೋ ಭವಿಸ್ಸತಿ॥
೧೭.
‘‘ಅಹು
ಪಧಾನಂ ಪದಹಿತ್ವಾನ, ಕತ್ವಾ ದುಕ್ಕರಕಾರಿಕಂ॥
೧೮.
‘‘ಅಜಪಾಲರುಕ್ಖಮೂಲೇ, ನಿಸೀದಿತ್ವಾ ತಥಾಗತೋ।
ತತ್ಥ ಪಾಯಾಸಂ ಪಗ್ಗಯ್ಹ, ನೇರಞ್ಜರಮುಪೇಹಿತಿ॥
೧೯.
‘‘ನೇರಞ್ಜರಾಯ ತೀರಮ್ಹಿ, ಪಾಯಾಸಂ ಪರಿಭುಞ್ಜಿಯ।
ಪಟಿಯತ್ತವರಮಗ್ಗೇನ, ಬೋಧಿಮೂಲಮುಪೇಹಿತಿ॥
೨೦.
‘‘ತತೋ ಪದಕ್ಖಿಣಂ ಕತ್ವಾ, ಬೋಧಿಮಣ್ಡಂ ಅನುತ್ತರೋ।
ಅಪರಾಜಿತಟ್ಠಾನಮ್ಹಿ
ಪಲ್ಲಙ್ಕೇನ ನಿಸೀದಿತ್ವಾ, ಬುಜ್ಝಿಸ್ಸತಿ ಮಹಾಯಸೋ॥
೨೧.
‘‘ಇಮಸ್ಸ
ಪಿತಾ ಸುದ್ಧೋದನೋ ನಾಮ, ಅಯಂ ಹೇಸ್ಸತಿ ಗೋತಮೋ॥
೨೨.
‘‘ಅನಾಸವಾ ವೀತರಾಗಾ, ಸನ್ತಚಿತ್ತಾ ಸಮಾಹಿತಾ।
ಕೋಲಿತೋ ಉಪತಿಸ್ಸೋ ಚ, ಅಗ್ಗಾ ಹೇಸ್ಸನ್ತಿ ಸಾವಕಾ।
ಆನನ್ದೋ ನಾಮುಪಟ್ಠಾಕೋ, ಉಪಟ್ಠಿಸ್ಸತಿಮಂ ಜಿನಂ॥
೨೩.
‘‘ಖೇಮಾ ಉಪ್ಪಲವಣ್ಣಾ ಚ, ಅಗ್ಗಾ ಹೇಸ್ಸನ್ತಿ ಸಾವಿಕಾ।
ಅನಾಸವಾ ಸನ್ತಚಿತ್ತಾ, ವೀತರಾಗಾ ಸಮಾಹಿತಾ।
ಬೋಧಿ ತಸ್ಸ ಭಗವತೋ, ಅಸ್ಸತ್ಥೋತಿ ಪವುಚ್ಚತಿ॥
೨೪.
‘‘ಚಿತ್ತೋ ಹತ್ಥಾಳವಕೋ ಚ, ಅಗ್ಗಾ ಹೇಸ್ಸನ್ತುಪಟ್ಠಕಾ।
ನನ್ದಮಾತಾ ಚ ಉತ್ತರಾ, ಅಗ್ಗಾ ಹೇಸ್ಸನ್ತುಪಟ್ಠಿಕಾ’’॥
೨೫.
ಇದಂ ಸುತ್ವಾನ ವಚನಂ, ಅಸ್ಸಮಸ್ಸ ಮಹೇಸಿನೋ।
ಆಮೋದಿತಾ ನರಮರೂ, ಬುದ್ಧಬೀಜಂ ಕಿರ ಅಯಂ॥
೨೬.
ಉಕ್ಕುಟ್ಠಿಸದ್ದಾ
ಕತಞ್ಜಲೀ ನಮಸ್ಸನ್ತಿ, ದಸಸಹಸ್ಸೀ ಸದೇವಕಾ॥
೨೭.
‘‘ಯದಿಮಸ್ಸ ಲೋಕನಾಥಸ್ಸ, ವಿರಜ್ಝಿಸ್ಸಾಮ ಸಾಸನಂ।
ಅನಾಗತಮ್ಹಿ ಅದ್ಧಾನೇ, ಹೇಸ್ಸಾಮ ಸಮ್ಮುಖಾ ಇಮಂ॥
೨೮.
‘‘ಯಥಾ ಮನುಸ್ಸಾ ನದಿಂ ತರನ್ತಾ, ಪಟಿತಿತ್ಥಂ ವಿರಜ್ಝಿಯ।
ಹೇಟ್ಠಾ ತಿತ್ಥೇ ಗಹೇತ್ವಾನ, ಉತ್ತರನ್ತಿ ಮಹಾನದಿಂ॥
೨೯.
‘‘ಏವಮೇವ
ಅನಾಗತಮ್ಹಿ ಅದ್ಧಾನೇ, ಹೇಸ್ಸಾಮ ಸಮ್ಮುಖಾ ಇಮಂ’’॥
೩೦.
ತಸ್ಸಾಪಿ ವಚನಂ ಸುತ್ವಾ, ಭಿಯ್ಯೋ ಚಿತ್ತಂ ಪಸಾದಯಿಂ।
ಉತ್ತರಿಂ ವತಮಧಿಟ್ಠಾಸಿಂ, ದಸಪಾರಮಿಪೂರಿಯಾ॥
೩೧.
ಏವಮಹಂ ಸಂಸರಿತ್ವಾ, ಪರಿವಜ್ಜೇನ್ತೋ ಅನಾಚರಂ।
ದುಕ್ಕರಞ್ಚ ಕತಂ ಮಯ್ಹಂ, ಬೋಧಿಯಾಯೇವ ಕಾರಣಾ॥
೩೨.
ನಗರಂ ಬಾರಾಣಸೀ ನಾಮ, ಕಿಕೀ ನಾಮಾಸಿ ಖತ್ತಿಯೋ।
ವಸತೇ ತತ್ಥ ನಗರೇ, ಸಮ್ಬುದ್ಧಸ್ಸ ಮಹಾಕುಲಂ॥
೩೩.
ಬ್ರಾಹ್ಮಣೋ ಬ್ರಹ್ಮದತ್ತೋವ, ಆಸಿ ಬುದ್ಧಸ್ಸ ಸೋ ಪಿತಾ।
ಧನವತೀ ನಾಮ ಜನಿಕಾ, ಕಸ್ಸಪಸ್ಸ ಮಹೇಸಿನೋ॥
೩೪.
ದುವೇ
ಹಂಸೋ ಯಸೋ ಸಿರಿನನ್ದೋ, ತಯೋ ಪಾಸಾದಮುತ್ತಮಾ॥
೩೫.
ತಿಸೋಳಸಸಹಸ್ಸಾನಿ, ನಾರಿಯೋ ಸಮಲಙ್ಕತಾ।
ಸುನನ್ದಾ ನಾಮ ಸಾ ನಾರೀ, ವಿಜಿತಸೇನೋ ನಾಮ ಅತ್ರಜೋ॥
೩೬.
ನಿಮಿತ್ತೇ ಚತುರೋ ದಿಸ್ವಾ, ಪಾಸಾದೇನಾಭಿನಿಕ್ಖಮಿ।
ಸತ್ತಾಹಂ ಪಧಾನಚಾರಂ, ಅಚರೀ ಪುರಿಸುತ್ತಮೋ॥
೩೭.
ಬ್ರಹ್ಮುನಾ ಯಾಚಿತೋ ಸನ್ತೋ, ಕಸ್ಸಪೋ ಲೋಕನಾಯಕೋ।
ವತ್ತಿ ಚಕ್ಕಂ ಮಹಾವೀರೋ, ಮಿಗದಾಯೇ ನರುತ್ತಮೋ॥
೩೮.
ತಿಸ್ಸೋ ಚ ಭಾರದ್ವಾಜೋ ಚ, ಅಹೇಸುಂ ಅಗ್ಗಸಾವಕಾ।
ಸಬ್ಬಮಿತ್ತೋ ನಾಮುಪಟ್ಠಾಕೋ, ಕಸ್ಸಪಸ್ಸ ಮಹೇಸಿನೋ॥
೩೯.
ಅನುಳಾ
ಬೋಧಿ ತಸ್ಸ ಭಗವತೋ, ನಿಗ್ರೋಧೋತಿ ಪವುಚ್ಚತಿ॥
೪೦.
ಸುಮಙ್ಗಲೋ
ವಿಚಿತಸೇನಾ ಭದ್ದಾ
೪೧.
ಉಚ್ಚತ್ತನೇನ ಸೋ ಬುದ್ಧೋ, ವೀಸತಿರತನುಗ್ಗತೋ।
ವಿಜ್ಜುಲಟ್ಠೀವ ಆಕಾಸೇ, ಚನ್ದೋವ ಗಹಪೂರಿತೋ॥
೪೨.
ವೀಸತಿವಸ್ಸಸಹಸ್ಸಾನಿ
ತಾವತಾ ತಿಟ್ಠಮಾನೋ ಸೋ, ತಾರೇಸಿ ಜನತಂ ಬಹುಂ॥
೪೩.
ಧಮ್ಮತಳಾಕಂ ಮಾಪಯಿತ್ವಾ, ಸೀಲಂ ದತ್ವಾ ವಿಲೇಪನಂ।
ಧಮ್ಮದುಸ್ಸಂ ನಿವಾಸೇತ್ವಾ, ಧಮ್ಮಮಾಲಂ ವಿಭಜ್ಜಿಯ॥
೪೪.
ಧಮ್ಮವಿಮಲಮಾದಾಸಂ, ಠಪಯಿತ್ವಾ ಮಹಾಜನೇ।
ಕೇಚಿ ನಿಬ್ಬಾನಂ ಪತ್ಥೇನ್ತಾ, ಪಸ್ಸನ್ತು ಮೇ ಅಲಙ್ಕರಂ॥
೪೫.
ಸೀಲಕಞ್ಚುಕಂ ದತ್ವಾನ, ಝಾನಕವಚವಮ್ಮಿತಂ।
ಧಮ್ಮಚಮ್ಮಂ ಪಾರುಪಿತ್ವಾ, ದತ್ವಾ ಸನ್ನಾಹಮುತ್ತಮಂ॥
೪೬.
ಸತಿಫಲಕಂ ದತ್ವಾನ, ತಿಖಿಣಞಾಣಕುನ್ತಿಮಂ।
ಧಮ್ಮಖಗ್ಗವರಂ ದತ್ವಾ, ಸೀಲಸಂಸಗ್ಗಮದ್ದನಂ॥
೪೭.
ತೇವಿಜ್ಜಾಭೂಸನಂ ದತ್ವಾನ, ಆವೇಳಂ ಚತುರೋ ಫಲೇ।
ಛಳಭಿಞ್ಞಾಭರಣಂ ದತ್ವಾ, ಧಮ್ಮಪುಪ್ಫಪಿಳನ್ಧನಂ॥
೪೮.
ಸದ್ಧಮ್ಮಪಣ್ಡರಚ್ಛತ್ತಂ, ದತ್ವಾ ಪಾಪನಿವಾರಣಂ।
ಮಾಪಯಿತ್ವಾಭಯಂ ಪುಪ್ಫಂ, ನಿಬ್ಬುತೋ ಸೋ ಸಸಾವಕೋ॥
೪೯.
ಏಸೋ
ಏಸೋ ಹಿ ಧಮ್ಮರತನೋ, ಸ್ವಾಕ್ಖಾತೋ ಏಹಿಪಸ್ಸಿಕೋ॥
೫೦.
ಏಸೋ ಹಿ ಸಙ್ಘರತನೋ, ಸುಪ್ಪಟಿಪನ್ನೋ ಅನುತ್ತರೋ।
ಸಬ್ಬಂ ತಮನ್ತರಹಿತಂ, ನನು ರಿತ್ತಾ ಸಬ್ಬಸಙ್ಖಾರಾ॥
೫೧.
ಮಹಾಕಸ್ಸಪೋ ಜಿನೋ ಸತ್ಥಾ, ಸೇತಬ್ಯಾರಾಮಮ್ಹಿ ನಿಬ್ಬುತೋ।
ತತ್ಥೇವಸ್ಸ ಜಿನಥೂಪೋ, ಯೋಜನುಬ್ಬೇಧಮುಗ್ಗತೋತಿ॥
ಕಸ್ಸಪಸ್ಸ ಭಗವತೋ ವಂಸೋ ಚತುವೀಸತಿಮೋ।