(൧൪) ൪. സന്ഥാരവഗ്ഗവണ്ണനാ
൧൫൨. ചതുത്ഥസ്സ ആമിസസന്ഥാരോ, ധമ്മേന സന്ഥരണം ധമ്മസന്ഥാരോ. ദുതിയേ ഉപസഗ്ഗമത്തം വിസേസോ.
൧൫൪. തതിയേ വുത്തപ്പകാരസ്സ ആമിസസ്സ ഏസനാ ആമിസേസനാ, ധമ്മസ്സ ഏസനാ ധമ്മേസനാ. ചതുത്ഥേ ഉപസഗ്ഗമത്തമേവ വിസേസോ.
൧൫൬. പഞ്ചമേ മത്ഥകപ്പത്താ ആമിസപരിയേസനാ ആമിസപരിയെട്ഠി, മത്ഥകപ്പത്താവ ധമ്മപരിയേസനാ ധമ്മപരിയെട്ഠീതി വുത്താ.
൧൫൭. ഛട്ഠേ ആമിസേന പൂജനം ആമിസപൂജാ, ധമ്മേന പൂജനം ധമ്മപൂജാ.
൧൫൮. സത്തമേ ആതിഥെയ്യാനീതി ആഗന്തുകദാനാനി. അതിഥെയ്യാനീതിപി പാഠോ.
൧൫൯. അട്ഠമേ ആമിസം ഇജ്ഝനകസമിജ്ഝനകവസേന ആമിസിദ്ധി, ധമ്മോപി ഇജ്ഝനകസമിജ്ഝനകവസേന ധമ്മിദ്ധി.
൧൬൦. നവമേ ആമിസേന വഡ്ഢനം ആമിസവുദ്ധി, ധമ്മേന വഡ്ഢനം ധമ്മവുദ്ധി.
൧൬൧. ദസമേ രതികരണട്ഠേന ആമിസം ആമിസരതനം, ധമ്മോ ധമ്മരതനം.
൧൬൨. ഏകാദസമേ ആമിസസന്നിചയോ, ധമ്മസ്സ ചിനനം വഡ്ഢനം ധമ്മസന്നിചയോ.
൧൬൩. ദ്വാദസമേ ആമിസസ്സ വിപുലഭാവോ ആമിസവേപുല്ലം, ധമ്മസ്സ വിപുലഭാവോ ധമ്മവേപുല്ലന്തി.
സന്ഥാരവഗ്ഗോ ചതുത്ഥോ.