൧൪. ചുദ്ദസകനിപാതോ
൧. ഖദിരവനിയരേവതത്ഥേരഗാഥാ
൬൪൫.
‘‘യദാ
നാഭിജാനാമി സങ്കപ്പം, അനരിയം ദോസസംഹിതം.
൬൪൬.
‘‘‘ഇമേ ഹഞ്ഞന്തു വജ്ഝന്തു, ദുക്ഖം പപ്പൊന്തു പാണിനോ’;
സങ്കപ്പം നാഭിജാനാമി, ഇമസ്മിം ദീഘമന്തരേ.
൬൪൭.
‘‘മെത്തഞ്ച അഭിജാനാമി, അപ്പമാണം സുഭാവിതം;
അനുപുബ്ബം പരിചിതം, യഥാ ബുദ്ധേന ദേസിതം.
൬൪൮.
‘‘സബ്ബമിത്തോ സബ്ബസഖോ, സബ്ബഭൂതാനുകമ്പകോ;
മെത്തചിത്തഞ്ച
൬൪൯.
‘‘അസംഹീരം അസംകുപ്പം, ചിത്തം ആമോദയാമഹം;
ബ്രഹ്മവിഹാരം ഭാവേമി, അകാപുരിസസേവിതം.
൬൫൦.
‘‘അവിതക്കം
അരിയേന തുണ്ഹീഭാവേന, ഉപേതോ ഹോതി താവദേ.
൬൫൧.
‘‘യഥാപി പബ്ബതോ സേലോ, അചലോ സുപ്പതിട്ഠിതോ;
ഏവം മോഹക്ഖയാ ഭിക്ഖു, പബ്ബതോവ ന വേധതി.
൬൫൨.
‘‘അനങ്ഗണസ്സ പോസസ്സ, നിച്ചം സുചിഗവേസിനോ;
വാലഗ്ഗമത്തം പാപസ്സ, അബ്ഭമത്തംവ ഖായതി.
൬൫൩.
‘‘നഗരം യഥാ പച്ചന്തം, ഗുത്തം സന്തരബാഹിരം;
ഏവം ഗോപേഥ അത്താനം, ഖണോ വോ മാ ഉപച്ചഗാ.
൬൫൪.
‘‘നാഭിനന്ദാമി മരണം, നാഭിനന്ദാമി ജീവിതം;
കാലഞ്ച പടികങ്ഖാമി, നിബ്ബിസം ഭതകോ യഥാ.
൬൫൫.
‘‘നാഭിനന്ദാമി മരണം…പേ॰… സമ്പജാനോ പതിസ്സതോ.
൬൫൬.
‘‘പരിചിണ്ണോ മയാ സത്ഥാ, കതം ബുദ്ധസ്സ സാസനം;
ഓഹിതോ ഗരുകോ ഭാരോ, ഭവനെത്തി സമൂഹതാ.
൬൫൭.
‘‘യസ്സ
സോ മേ അത്ഥോ അനുപ്പത്തോ, സബ്ബസംയോജനക്ഖയോ.
൬൫൮.
‘‘സമ്പാദേഥപ്പമാദേന, ഏസാ മേ അനുസാസനീ;
ഹന്ദാഹം പരിനിബ്ബിസ്സം, വിപ്പമുത്തൊമ്ഹി സബ്ബധീ’’തി.
… ഖദിരവനിയരേവതോ ഥേരോ….
൨. ഗോദത്തത്ഥേരഗാഥാ
൬൫൯.
‘‘യഥാപി ഭദ്ദോ ആജഞ്ഞോ, ധുരേ യുത്തോ ധുരസ്സഹോ
മഥിതോ
൬൬൦.
‘‘ഏവം പഞ്ഞായ യേ തിത്താ, സമുദ്ദോ വാരിനാ യഥാ;
ന പരേ അതിമഞ്ഞന്തി, അരിയധമ്മോവ പാണിനം.
൬൬൧.
‘‘കാലേ
നരാ ദുക്ഖം നിഗച്ഛന്തി, തേധ സോചന്തി മാണവാ
൬൬൨.
‘‘ഉന്നതാ സുഖധമ്മേന, ദുക്ഖധമ്മേന ചോനതാ;
ദ്വയേന ബാലാ ഹഞ്ഞന്തി, യഥാഭൂതം അദസ്സിനോ.
൬൬൩.
‘‘യേ ച ദുക്ഖേ സുഖസ്മിഞ്ച, മജ്ഝേ സിബ്ബിനിമച്ചഗൂ;
ഠിതാ തേ ഇന്ദഖീലോവ, ന തേ ഉന്നതഓനതാ.
൬൬൪.
‘‘ന ഹേവ ലാഭേ നാലാഭേ, ന യസേ ന ച കിത്തിയാ;
ന നിന്ദായം പസംസായ, ന തേ ദുക്ഖേ സുഖമ്ഹി.
൬൬൫.
‘‘സബ്ബത്ഥ തേ ന ലിമ്പന്തി, ഉദബിന്ദുവ പൊക്ഖരേ;
സബ്ബത്ഥ സുഖിതാ ധീരാ, സബ്ബത്ഥ അപരാജിതാ.
൬൬൬.
‘‘ധമ്മേന ച അലാഭോ യോ, യോ ച ലാഭോ അധമ്മികോ;
അലാഭോ ധമ്മികോ സെയ്യോ, യം ചേ ലാഭോ അധമ്മികോ.
൬൬൭.
‘‘യസോ ച അപ്പബുദ്ധീനം, വിഞ്ഞൂനം അയസോ ച യോ;
അയസോവ സെയ്യോ വിഞ്ഞൂനം, ന യസോ അപ്പബുദ്ധിനം.
൬൬൮.
‘‘ദുമ്മേധേഹി
ഗരഹാവ സെയ്യോ വിഞ്ഞൂഹി, യം ചേ ബാലപ്പസംസനാ.
൬൬൯.
‘‘സുഖഞ്ച
പവിവേകദുക്ഖം സെയ്യോ, യം ചേ കാമമയം സുഖം.
൬൭൦.
‘‘ജീവിതഞ്ച അധമ്മേന, ധമ്മേന മരണഞ്ച യം;
മരണം ധമ്മികം സെയ്യോ, യം ചേ ജീവേ അധമ്മികം.
൬൭൧.
‘‘കാമകോപപ്പഹീനാ യേ, സന്തചിത്താ ഭവാഭവേ;
ചരന്തി ലോകേ അസിതാ, നത്ഥി തേസം പിയാപിയം.
൬൭൨.
‘‘ഭാവയിത്വാന ബൊജ്ഝങ്ഗേ, ഇന്ദ്രിയാനി ബലാനി ച;
പപ്പുയ്യ പരമം സന്തിം, പരിനിബ്ബന്തിനാസവാ’’തി.
… ഗോദത്തോ ഥേരോ….
ചുദ്ദസകനിപാതോ നിട്ഠിതോ.
തത്രുദ്ദാനം –
രേവതോ ചേവ ഗോദത്തോ, ഥേരാ ദ്വേ തേ മഹിദ്ധികാ;
ചുദ്ദസമ്ഹി നിപാതമ്ഹി, ഗാഥായോ അട്ഠവീസതീതി.