൧൩. സുമേധബുദ്ധവംസോ
൧.
പദുമുത്തരസ്സ
ദുരാസദോ ഉഗ്ഗതേജോ, സബ്ബലോകുത്തമോ മുനി.
൨.
പസന്നനെത്തോ സുമുഖോ, ബ്രഹാ ഉജു പതാപവാ;
ഹിതേസീ സബ്ബസത്താനം, ബഹൂ മോചേസി ബന്ധനാ.
൩.
യദാ ബുദ്ധോ പാപുണിത്വാ, കേവലം ബോധിമുത്തമം;
സുദസ്സനമ്ഹി നഗരേ, ധമ്മചക്കം പവത്തയി.
൪.
തസ്സാപി അഭിസമയാ തീണി, അഹേസും ധമ്മദേസനേ;
കോടിസതസഹസ്സാനം, പഠമാഭിസമയോ അഹു.
൫.
പുനാപരം കുമ്ഭകണ്ണം, യക്ഖം സോ ദമയീ ജിനോ;
നവുതികോടിസഹസ്സാനം, ദുതിയാഭിസമയോ അഹു.
൬.
പുനാപരം അമിതയസോ, ചതുസച്ചം പകാസയി;
അസീതികോടിസഹസ്സാനം, തതിയാഭിസമയോ അഹു.
൭.
സന്നിപാതാ തയോ ആസും, സുമേധസ്സ മഹേസിനോ;
ഖീണാസവാനം വിമലാനം, സന്തചിത്താന താദിനം.
൮.
സുദസ്സനം
തദാ ഖീണാസവാ ഭിക്ഖൂ, സമിംസു സതകോടിയോ.
൯.
പുനാപരം ദേവകൂടേ, ഭിക്ഖൂനം കഥിനത്ഥതേ;
തദാ നവുതികോടീനം, ദുതിയോ ആസി സമാഗമോ.
൧൦.
പുനാപരം
തദാ അസീതികോടീനം, തതിയോ ആസി സമാഗമോ.
൧൧.
അഹം തേന സമയേന, ഉത്തരോ നാമ മാണവോ;
അസീതികോടിയോ മയ്ഹം, ഘരേ സന്നിചിതം ധനം.
൧൨.
കേവലം സബ്ബം ദത്വാന, സസങ്ഘേ ലോകനായകേ;
സരണം തസ്സുപഗഞ്ഛിം, പബ്ബജ്ജഞ്ചാഭിരോചയിം.
൧൩.
സോപി മം ബുദ്ധോ ബ്യാകാസി, കരൊന്തോ അനുമോദനം;
‘‘തിംസകപ്പസഹസ്സമ്ഹി, അയം ബുദ്ധോ ഭവിസ്സതി.
൧൪.
‘‘പധാനം
൧൫.
തസ്സാപി വചനം സുത്വാ, ഭിയ്യോ ചിത്തം പസാദയിം;
ഉത്തരിം വതമധിട്ഠാസിം, ദസപാരമിപൂരിയാ.
൧൬.
സുത്തന്തം വിനയഞ്ചാപി, നവങ്ഗം സത്ഥുസാസനം;
സബ്ബം പരിയാപുണിത്വാന, സോഭയിം ജിനസാസനം.
൧൭.
തത്ഥപ്പമത്തോ
അഭിഞ്ഞാസു പാരമിം ഗന്ത്വാ, ബ്രഹ്മലോകമഗഞ്ഛഹം.
൧൮.
സുദസ്സനം നാമ നഗരം, സുദത്തോ നാമ ഖത്തിയോ;
സുദത്താ നാമ ജനികാ, സുമേധസ്സ മഹേസിനോ.
൧൯.
നവവസ്സസഹസ്സാനി, അഗാരം അജ്ഝ സോ വസി;
സുചന്ദകഞ്ചനസിരിവഡ്ഢാ, തയോ പാസാദമുത്തമാ.
൨൦.
തിസോളസസഹസ്സാനി, നാരിയോ സമലങ്കതാ;
സുമനാ നാമ സാ നാരീ, പുനബ്ബസു നാമ അത്രജോ.
൨൧.
നിമിത്തേ ചതുരോ ദിസ്വാ, ഹത്ഥിയാനേന നിക്ഖമി;
അനൂനകം അഡ്ഢമാസം, പധാനം പദഹീ ജിനോ.
൨൨.
ബ്രഹ്മുനാ യാചിതോ സന്തോ, സുമേധോ ലോകനായകോ;
വത്തി ചക്കം മഹാവീരോ, സുദസ്സനുയ്യാനമുത്തമേ.
൨൩.
സരണോ
സാഗരോ നാമുപട്ഠാകോ, സുമേധസ്സ മഹേസിനോ.
൨൪.
രാമാ ചേവ സുരാമാ ച, അഹേസും അഗ്ഗസാവികാ;
ബോധി തസ്സ ഭഗവതോ, മഹാനീപോതി വുച്ചതി.
൨൫.
ഉരുവേലാ യസവാ ച, അഹേസും അഗ്ഗുപട്ഠകാ;
യസോധരാ സിരിമാ ച
൨൬.
അട്ഠാസീതിരതനാനി, അച്ചുഗ്ഗതോ മഹാമുനി;
ഓഭാസേതി ദിസാ സബ്ബാ, ചന്ദോ താരഗണേ യഥാ.
൨൭.
ചക്കവത്തിമണീ
തഥേവ തസ്സ രതനം, സമന്താ ഫരതി യോജനം.
൨൮.
നവുതിവസ്സസഹസ്സാനി
താവതാ തിട്ഠമാനോ സോ, താരേസി ജനതം ബഹും.
൨൯.
തേവിജ്ജഛളഭിഞ്ഞേഹി, ബലപ്പത്തേഹി താദിഹി;
സമാകുലമിദം ആസി, അരഹന്തേഹി സാധുഹി.
൩൦.
തേപി സബ്ബേ അമിതയസാ, വിപ്പമുത്താ നിരൂപധീ;
ഞാണാലോകം ദസ്സയിത്വാ, നിബ്ബുതാ തേ മഹായസാ.
൩൧.
സുമേധോ ജിനവരോ ബുദ്ധോ, മേധാരാമമ്ഹി നിബ്ബുതോ;
ധാതുവിത്ഥാരികം ആസി, തേസു തേസു പദേസതോതി.
സുമേധസ്സ ഭഗവതോ വംസോ ഏകാദസമോ.