൨൭. ഗോതമബുദ്ധവംസോ
൧.
അഹമേതരഹി
പധാനം പദഹിത്വാന, പത്തോ സമ്ബോധിമുത്തമം.
൨.
ബ്രഹ്മുനാ
അട്ഠാരസന്നം കോടീനം, പഠമാഭിസമയോ അഹു.
൩.
തതോ പരഞ്ച ദേസെന്തേ, നരദേവസമാഗമേ;
ഗണനായ ന വത്തബ്ബോ, ദുതിയാഭിസമയോ അഹു.
൪.
ഇധേവാഹം ഏതരഹി, ഓവദിം മമ അത്രജം;
ഗണനായ ന വത്തബ്ബോ, തതിയാഭിസമയോ അഹു.
൫.
ഏകോസി സന്നിപാതോ മേ, സാവകാനം മഹേസിനം;
അഡ്ഢതേളസസതാനം, ഭിക്ഖൂനാസി സമാഗമോ.
൬.
വിരോചമാനോ വിമലോ, ഭിക്ഖുസങ്ഘസ്സ മജ്ഝഗോ;
ദദാമി പത്ഥിതം സബ്ബം, മണീവ സബ്ബകാമദോ.
൭.
ഫലമാകങ്ഖമാനാനം
ചതുസച്ചം പകാസേമി, അനുകമ്പായ പാണിനം.
൮.
ദസവീസസഹസ്സാനം, ധമ്മാഭിസമയോ അഹു;
ഏകദ്വിന്നം അഭിസമയോ, ഗണനാതോ അസങ്ഖിയോ.
൯.
വിത്ഥാരികം ബാഹുജഞ്ഞം, ഇദ്ധം ഫീതം സുഫുല്ലിതം;
ഇധ മയ്ഹം സക്യമുനിനോ, സാസനം സുവിസോധിതം.
൧൦.
അനാസവാ വീതരാഗാ, സന്തചിത്താ സമാഹിതാ;
ഭിക്ഖൂനേകസതാ സബ്ബേ, പരിവാരെന്തി മം സദാ.
൧൧.
ഇദാനി യേ ഏതരഹി, ജഹന്തി മാനുസം ഭവം;
അപ്പത്തമാനസാ സേഖാ, തേ ഭിക്ഖൂ വിഞ്ഞുഗരഹിതാ.
൧൨.
അരിയഞ്ച സംഥോമയന്താ, സദാ ധമ്മരതാ ജനാ;
ബുജ്ഝിസ്സന്തി സതിമന്തോ, സംസാരസരിതം ഗതാ.
൧൩.
നഗരം കപിലവത്ഥു മേ, രാജാ സുദ്ധോദനോ പിതാ;
മയ്ഹം ജനെത്തികാ മാതാ, മായാദേവീതി വുച്ചതി.
൧൪.
ഏകൂനതിംസവസ്സാനി
രമ്മോ സുരമ്മോ സുഭകോ, തയോ പാസാദമുത്തമാ.
൧൫.
ചത്താരീസസഹസ്സാനി, നാരിയോ സമലങ്കതാ;
ഭദ്ദകഞ്ചനാ നാമ നാരീ, രാഹുലോ നാമ അത്രജോ.
൧൬.
നിമിത്തേ
ഛബ്ബസ്സം
൧൭.
ബാരാണസിയം
അഹം ഗോതമസമ്ബുദ്ധോ, സരണം സബ്ബപാണിനം.
൧൮.
കോലിതോ ഉപതിസ്സോ ച, ദ്വേ ഭിക്ഖൂ അഗ്ഗസാവകാ;
ആനന്ദോ നാമുപട്ഠാകോ, സന്തികാവചരോ മമ;
ഖേമാ ഉപ്പലവണ്ണാ ച, ഭിക്ഖുനീ അഗ്ഗസാവികാ.
൧൯.
ചിത്തോ ഹത്ഥാളവകോ ച, അഗ്ഗുപട്ഠാകുപാസകാ;
നന്ദമാതാ ച ഉത്തരാ, അഗ്ഗുപട്ഠികുപാസികാ.
൨൦.
അഹം അസ്സത്ഥമൂലമ്ഹി, പത്തോ സമ്ബോധിമുത്തമം;
ബ്യാമപ്പഭാ സദാ മയ്ഹം, സോളസഹത്ഥമുഗ്ഗതാ.
൨൧.
അപ്പം വസ്സസതം ആയു, ഇദാനേതരഹി വിജ്ജതി;
താവതാ തിട്ഠമാനോഹം, താരേമി ജനതം ബഹും.
൨൨.
ഠപയിത്വാന ധമ്മുക്കം, പച്ഛിമം ജനബോധനം;
അഹമ്പി നചിരസ്സേവ, സദ്ധിം സാവകസങ്ഘതോ;
ഇധേവ പരിനിബ്ബിസ്സം, അഗ്ഗീ വാഹാരസങ്ഖയാ.
൨൩.
താനി ച അതുലതേജാനി, ഇമാനി ച ദസബലാനി
അയഞ്ച ഗുണധാരണോ ദേഹോ, ദ്വത്തിംസവരലക്ഖണവിചിത്തോ.
൨൪.
ദസ ദിസാ പഭാസെത്വാ, സതരംസീവ ഛപ്പഭാ;
സബ്ബം തമന്തരഹിസ്സന്തി, നനു രിത്താ സബ്ബസങ്ഖാരാതി.
ഗോതമസ്സ ഭഗവതോ വംസോ പഞ്ചവീസതിമോ.