൨൯. ധാതുഭാജനീയകഥാ
൧.
മഹാഗോതമോ
ധാതുവിത്ഥാരികം ആസി, തേസു തേസു പദേസതോ.
൨.
ഏകോ അജാതസത്തുസ്സ, ഏകോ വേസാലിയാ പുരേ;
ഏകോ കപിലവത്ഥുസ്മിം, ഏകോ ച അല്ലകപ്പകേ.
൩.
ഏകോ ച രാമഗാമമ്ഹി, ഏകോ ച വേഠദീപകേ;
ഏകോ പാവെയ്യകേ മല്ലേ, ഏകോ ച കോസിനാരകേ.
൪.
കുമ്ഭസ്സ
അങ്ഗാരഥൂപം കാരേസും, മോരിയാ തുട്ഠമാനസാ.
൫.
അട്ഠ സാരീരികാ ഥൂപാ, നവമോ കുമ്ഭചേതിയോ;
അങ്ഗാരഥൂപോ ദസമോ, തദായേവ പതിട്ഠിതോ.
൬.
ഉണ്ഹീസം ചതസ്സോ ദാഠാ, അക്ഖകാ ദ്വേ ച ധാതുയോ;
അസമ്ഭിന്നാ ഇമാ സത്ത, സേസാ ഭിന്നാവ ധാതുയോ.
൭.
മഹന്താ
ഖുദ്ദകാ സാസപമത്താ ച, നാനാവണ്ണാ ച ധാതുയോ.
൮.
മഹന്താ സുവണ്ണവണ്ണാ ച, മുത്തവണ്ണാ ച മജ്ഝിമാ;
ഖുദ്ദകാ മകുലവണ്ണാ ച, സോളസദോണമത്തികാ.
൯.
മഹന്താ പഞ്ച നാളിയോ, നാളിയോ പഞ്ച മജ്ഝിമാ;
ഖുദ്ദകാ ഛ നാളീ ചേവ, ഏതാ സബ്ബാപി ധാതുയോ.
൧൦.
ഉണ്ഹീസം സീഹളേ ദീപേ, ബ്രഹ്മലോകേ ച വാമകം;
സീഹളേ ദക്ഖിണക്ഖഞ്ച, സബ്ബാപേതാ പതിട്ഠിതാ.
൧൧.
ഏകാ ദാഠാ തിദസപുരേ, ഏകാ നാഗപുരേ അഹു;
ഏകാ ഗന്ധാരവിസയേ, ഏകാ കലിങ്ഗരാജിനോ.
൧൨.
ചത്താലീസസമാ
ദേവാ ഹരിംസു ഏകേകം, ചക്കവാളപരമ്പരാ.
൧൩.
വജിരായം ഭഗവതോ, പത്തോ ദണ്ഡഞ്ച ചീവരം;
നിവാസനം കുലഘരേ, പച്ചത്ഥരണം കപിലവ്ഹയേ
൧൪.
പാടലിപുത്തപുരമ്ഹി, കരണം കായബന്ധനം;
ചമ്പായുദകസാടിയം, ഉണ്ണലോമഞ്ച കോസലേ.
൧൫.
കാസാവം ബ്രഹ്മലോകേ ച, വേഠനം തിദസേ പുരേ;
നിസീദനം അവന്തീസു, രട്ഠേ
൧൬.
അരണീ ച മിഥിലായം, വിദേഹേ പരിസാവനം;
വാസി
൧൭.
പരിക്ഖാരാ അവസേസാ, ജനപദേ അപരന്തകേ;
പരിഭുത്താനി മുനിനാ, അകംസു മനുജാ തദാ.
൧൮.
ധാതുവിത്ഥാരികം
പാണീനം അനുകമ്പായ, അഹു പോരാണികം തദാതി.
ധാതുഭാജനീയകഥാ നിട്ഠിതാ.
ബുദ്ധവംസോനിട്ഠിതോ.