Ekavīsatima pariccheda
Vañca rājako
1.
Uttiyassa
Dasa vassāni kāresi, rajjaṃ sujana sevako.
2.
Bhaddasālamhi so there, pasīditvā manoramaṃ;
Kāresi purimāyantu, vihāraṃ nagaraṅgaṇaṃ.
3.
Mahāsivakaniṭṭho tu, suratisso tadaccaye;
Dasavassāni kāresi, rajjaṃ puññesu sādaro.
4.
Dakkhiṇāya disāyaṃ so, vihāraṃ nagaraṃ gaṇaṃ;
Purimāya hatthikkhandhañca, gokaṇṇagirimeva ca.
5.
Vaṅguttare pabbatamhi, pācina pabbatavhayaṃ;
Raheṇakasamīpamhi, tathā koḷambakāḷakaṃ.
6.
Ariṭṭhapāde maṃ gulakaṃ, purimāya’ccha gallakaṃ;
Girinelapanāyakaṇḍaṃ, nagarassuttharāya tu.
7.
Pañcasatā
Gaṅgāya orapārañhi, laṃkādīpe tahiṃ tahiṃ.
8.
Pure rajjā ca rajje ca, saṭṭhīvassāni sādhukaṃ;
Kāresi ramme dhammena, ratanattaya gāravo.
9.
Suvaṇṇapiṇḍatissoti, nāmaṃ rajjā tassā ahu;
Suratissoti nāmantu, tassā’purajjapattiyā.
10.
Assanāvikaputtā dve, damiḷā senaguttikā;
Suratissamahīpālaṃ, taṃ gahetvā mahabbalā.
11.
Duve vīsativassāni, rajjaṃ dhammena kārayuṃ;
Te gahetvā aselo tu, muṭasivassa atrajo.
12.
Sodariyānaṃ bhātūnaṃ, navamo bhatuko tato;
Anurādhapure rajjaṃ, dasavassāni kārayi.
13.
Coḷaraṭṭhā idha gamma, rajjatthaṃ ujujātiko;
Eḷāro nāma damiḷo, gahetvā’selabhūpatiṃ.
14.
Vassāni cattārīsañca, cattāri ca akārayi;
Rajjaṃ vohārasamaye, majjhatto mittasattusu.
15.
Sayanassa siropasse, ghaṇṭaṃ sudīghayottakaṃ;
Lambāpesi vīrāvetuṃ, icchantehi vinicchayaṃ.
16.
Eko putto ca dhītā ca, ahesuṃ tassa rājino;
Rathena tissavāpiṃ so, gacchanto bhūmipālajo.
17.
Taruṇaṃ vacchakaṃ magge, nipannaṃ sahadhenukaṃ;
Gīvaṃ akkammacakkena, asañcicca aghātayi.
18.
Gantvāna dhenughaṇṭaṃ taṃ, ghaṭṭesi ghaṭṭitāsayā;
Rājā teneva cakkena, sīsaṃ puttassa chedayi.
19.
Dijapotaṃ tālarukkhe, eko sappo abhakkhayi;
Tampotamātā sakuṇī, gantvā ghaṇṭamaghaṭṭayi.
20.
Āṇāpetvāna taṃ rājā, kucchiṃ tassa vidāḷiya;
Potaṃ taṃ nīharāpetvā, tāle sappamasappayi.
21.
Ratanaggassa
Ajānantopi so rājā, cārittamanupālayaṃ.
22.
Cetiyadabbataṃ gantvā, bhikkhusaṅghaṃ pavāriya;
Āgacchanto rathagato, rathassa yugakoṭiyā.
23.
Akāsi jinathūpassa,
Ekadesassa bhañjanaṃ;
Amaccā ‘‘deva thūpono,
Tayā bhinno’ti āhu taṃ.
24.
Asañcicca kate‘pe’sa, rājā oruyha sandanā;
‘‘Cakkena mama sīsampi, chindathā’ti pathesayi.
25.
‘‘Parahiṃsaṃ mahārāja, satthā no neva icchati;
Thūpaṃ pākatikaṃ katvā, khamāpehī’’ti āhu taṃ.
26.
Te ṭhapetuṃ pañcadasa, pāsāṇe patite tahiṃ;
Kahāpaṇa sahassāni, adā pañcadase vaso.
27.
Akā mahallikā vīhiṃ, so setuṃ ātape khipi;
Devo akāle vassitvā, tassā vihiṃ atemayi.
28.
Vīhiṃ gahetvā gantvā sā, ghaṇṭaṃ taṃ samaghaṭṭayi;
Akālavassaṃ sutvā taṃ, vissajjetvā tamattikaṃ.
29.
Rājā dhammamhi vattanto, ‘‘kāle vassaṃ labhe’’iti;
Tassā vinicchayatthāya, upavāsaṃ nipajji so.
30.
Baliggāhī devaputto, rañño tejena otthaṭo;
Gantvā cātumahārāja-santikaṃ taṃ nivedayi.
31.
Te tamādāya gantvāna, sakkassa paṭivedayuṃ;
Sakko pajjunnamāhuya, kāle vassaṃ upādiyi.
32.
Baliggāhī devaputto, rājino taṃ nivedayi;
Tatoppabhuti taṃ rajje, divā devo na vassatha.
33.
Rattiṃ devo’nu sattāhaṃ, vassiyāmamhi majjhime;
Puṇṇāna’hesuṃ sabbattha, khuddakā vāṭakānipi.
34.
Agatigamanadoso
Anupahata kudiṭṭhipīdisiṃ pāpuṇī’ddhiṃ;
Agatigamanadosaṃ suddhadiṭṭhisamāno,
Kathamidhahi manusso buddhimā no jaheyyāti.
Sujanappasādasaṃvegatthāya kate mahāvaṃse
Pañcarājako nāma
Ekavīsatimo paricchedo.