Namo tassa bhagavato arahato sammāsambuddhassa
Khuddakanikāye
Therāpadānapāḷi
(Dutiyo bhāgo)
43. Sakiṃsammajjakavaggo
1. Sakiṃsammajjakattheraapadānaṃ
1.
‘‘Vipassino
Disvāva taṃ pādapaggaṃ, tattha cittaṃ pasādayiṃ.
2.
‘‘Sammajjaniṃ gahetvāna, bodhiṃ sammajji tāvade;
Sammajjitvāna taṃ bodhiṃ, avandiṃ pāṭaliṃ ahaṃ.
3.
‘‘Tattha cittaṃ pasādetvā, sire katvāna añjaliṃ;
Namassamāno taṃ bodhiṃ, gañchiṃ paṭikuṭiṃ ahaṃ.
4.
‘‘Tādimaggena
Ajagaro maṃ pīḷesi, ghorarūpo mahabbalo.
5.
‘‘Āsanne
Kaḷevaraṃ me gilati, devaloke ramāmahaṃ.
6.
‘‘Anāvilaṃ mama cittaṃ, visuddhaṃ paṇḍaraṃ sadā;
Sokasallaṃ na jānāmi, cittasantāpanaṃ mama.
7.
‘‘Kuṭṭhaṃ gaṇḍo kilāso ca, apamāro vitacchikā;
Daddu kaṇḍu ca me natthi, phalaṃ sammajjanāyidaṃ
8.
‘‘Soko
Abhantaṃ ujukaṃ cittaṃ, phalaṃ sammajjanāyidaṃ.
9.
‘‘Samādhīsu
Yaṃ yaṃ samādhimicchāmi, so so sampajjate mamaṃ.
10.
‘‘Rajanīye na rajjāmi, atho dussaniyesu
Mohanīye na muyhāmi, phalaṃ sammajjanāyidaṃ.
11.
‘‘Ekanavutito
Duggatiṃ nābhijānāmi, phalaṃ sammajjanāyidaṃ.
12.
‘‘Kilesā jhāpitā mayhaṃ, bhavā sabbe samūhatā;
Nāgova bandhanaṃ chetvā, viharāmi anāsavo.
13.
‘‘Svāgataṃ vata me āsi, mama buddhassa santike;
Tisso vijjā anuppattā, kataṃ buddhassa sāsanaṃ.
14.
‘‘Paṭisambhidā catasso, vimokkhāpi ca aṭṭhime;
Chaḷabhiññā sacchikatā, kataṃ buddhassa sāsanaṃ’’.
Itthaṃ sudaṃ āyasmā sakiṃsammajjako thero imā gāthāyo
Abhāsitthāti.
Sakiṃsammajjakattherassāpadānaṃ paṭhamaṃ.
2. Ekadussadāyakattheraapadānaṃ
15.
‘‘Nagare
Tiṇahārena jīvāmi, tena posemi dārake.
16.
‘‘Padumuttaro nāma jino, sabbadhammāna pāragū;
Tamandhakāraṃ nāsetvā, uppajji lokanāyako.
17.
‘‘Sake
‘Buddho loke samuppanno, deyyadhammo na vijjati.
18.
‘‘‘Idaṃ
Dukkho nirayasamphasso, ropayissāmi dakkhiṇaṃ’.
19.
‘‘Evāhaṃ cintayitvāna, sakaṃ cittaṃ pasādayiṃ;
Ekaṃ dussaṃ gahetvāna, buddhaseṭṭhassadāsahaṃ.
20.
‘‘Ekaṃ
‘Yadi buddho tuvaṃ vīra, tārehi maṃ mahāmuni’.
21.
‘‘Padumuttaro lokavidū, āhutīnaṃ paṭiggaho;
Mama dānaṃ pakittento, akā me anumodanaṃ.
22.
‘‘‘Iminā ekadussena, cetanāpaṇidhīhi ca;
Kappasatasahassāni, vinipātaṃ na gacchasi.
23.
‘‘‘Chattiṃsakkhattuṃ devindo, devarajjaṃ karissasi;
Tettiṃsakkhattuṃ rājā ca, cakkavattī
24.
‘‘‘Padesarajjaṃ vipulaṃ, gaṇanāto asaṅkhiyaṃ
Devaloke manusse vā, saṃsaranto tuvaṃ bhave.
25.
‘‘‘Rūpavā guṇasampanno, anavakkantadehavā
Akkhobhaṃ amitaṃ dussaṃ, labhissasi yadicchakaṃ’.
26.
‘‘Idaṃ vatvāna sambuddho, jalajuttamanāmako;
Nabhaṃ abbhuggamī vīro
27.
‘‘Yaṃ
Bhoge me ūnatā natthi, ekadussassidaṃ phalaṃ.
28.
‘‘Paduddhāre
Heṭṭhā dussamhi tiṭṭhāmi, uparicchadanaṃ mama.
29.
‘‘Cakkavāḷaṃ upādāya, sakānanaṃ sapabbataṃ;
Icchamāno cahaṃ ajja, dussehacchādayeyya taṃ.
30.
‘‘Teneva ekadussena, saṃsaranto bhavābhave;
Suvaṇṇavaṇṇo hutvāna, saṃsarāmi bhavābhave.
31.
‘‘Vipākaṃ
Ayaṃ me antimā jāti, vipaccati idhāpi me.
32.
‘‘Satasahassito kappe, yaṃ dussamadadiṃ tadā;
Duggatiṃ nābhijānāmi, ekadussassidaṃ phalaṃ.
33.
‘‘Kilesā jhāpitā mayhaṃ…pe… viharāmi anāsavo.
34.
‘‘Svāgataṃ vata me āsi…pe… kataṃ buddhassa sāsanaṃ.
35.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā ekadussadāyako thero imā gāthāyo abhāsitthāti;
Ekadussadāyakattherassāpadānaṃ dutiyaṃ.
3. Ekāsanadāyakattheraapadānaṃ
36.
‘‘Himavantassāvidūre
Assamo sukato mayhaṃ, paṇṇasālā sumāpitā.
37.
‘‘Nārado nāma nāmena, kassapo iti maṃ vidū;
Suddhimaggaṃ gavesanto, vasāmi gosite tadā.
38.
‘‘Padumuttaro nāma jino, sabbadhammāna pāragū;
Vivekakāmo sambuddho, agañchi anilañjasā.
39.
‘‘Vanagge gacchamānassa, disvā raṃsiṃ mahesino;
Kaṭṭhamañcaṃ paññāpetvā, ajinañca apatthariṃ.
40.
‘‘Āsanaṃ
Somanassaṃ paveditvā, idaṃ vacanamabraviṃ.
41.
‘‘‘Sallakatto mahāvīra, āturānaṃ tikicchako;
Mamaṃ rogaparetassa
42.
‘‘‘Kallatthikā ye passanti, buddhaseṭṭha tuvaṃ mune;
Dhuvatthasiddhiṃ papponti, etesaṃ ajaro
43.
‘‘‘Na
Idaṃ me āsanaṃ atthi
44.
‘‘Nisīdi tattha bhagavā, asambhītova
Muhuttaṃ vītināmetvā, idaṃ vacanamabravi.
45.
‘‘‘Visaṭṭho
Yaṃ tuyhaṃ patthitaṃ sabbaṃ, paripūrissatināgate
46.
‘‘‘Na moghaṃ taṃ kataṃ tuyhaṃ, puññakkhette anuttare;
Sakkā uddharituṃ attā, yassa cittaṃ paṇīhitaṃ
47.
‘‘‘Imināsanadānena, cetanāpaṇidhīhi ca;
Kappasatasahassāni, vinipātaṃ na gacchasi.
48.
‘‘‘Paññāsakkhattuṃ devindo, devarajjaṃ karissasi;
Asītikkhattuṃ rājā ca, cakkavattī bhavissasi.
49.
‘‘‘Padesarajjaṃ
Sabbattha sukhito hutvā, saṃsāre saṃsarissasi’.
50.
‘‘Idaṃ vatvāna sambuddho, jalajuttamanāmako;
Nabhaṃ abbhuggamī vīro, haṃsarājāva ambare.
51.
‘‘Hatthiyānaṃ assayānaṃ, sarathaṃ sandamānikaṃ;
Labhāmi sabbamevetaṃ, ekāsanassidaṃ phalaṃ.
52.
‘‘Kānanaṃ pavisitvāpi, yadā icchāmi āsanaṃ;
Mama saṅkappamaññāya, pallaṅko upatiṭṭhati.
53.
‘‘Vārimajjhagato santo, yadā icchāmi āsanaṃ;
Mama saṅkappamaññāya, pallaṅko upatiṭṭhati.
54.
‘‘Yaṃ
Pallaṅkasatasahassāni, parivārenti maṃ sadā.
55.
‘‘Duve
Duve kule pajāyāmi, khattiye atha brāhmaṇe.
56.
‘‘Ekāsanaṃ daditvāna, puññakkhette anuttare;
Dhammapallaṅkamādāya
57.
‘‘Satasahassito kappe, yaṃ dānamadadiṃ tadā;
Duggatiṃ nābhijānāmi, ekāsanassidaṃ phalaṃ.
58.
‘‘Kilesā jhāpitā mayhaṃ…pe… viharāmi anāsavo.
59.
‘‘Svāgataṃ vata me āsi…pe… kataṃ buddhassa sāsanaṃ.
60.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā ekāsanadāyako thero imā gāthāyo
Abhāsitthāti.
Ekāsanadāyakattherassāpadānaṃ tatiyaṃ.
4. Sattakadambapupphiyattheraapadānaṃ
61.
‘‘Himavantassāvidūre, kukkuṭo
Tamhi pabbatapādamhi, satta buddhā vasiṃsu te.
62.
‘‘Kadambaṃ pupphitaṃ disvā, paggahetvāna añjaliṃ;
Satta mālā gahetvāna, puññacittena
63.
‘‘Tena
Jahitvā mānusaṃ dehaṃ, tāvatiṃsamagacchahaṃ.
64.
‘‘Catunnavutito
Duggatiṃ nābhijānāmi, buddhapūjāyidaṃ phalaṃ.
65.
‘‘Kilesā
66.
‘‘Svāgataṃ vata me āsi…pe… kataṃ buddhassa sāsanaṃ.
67.
‘‘Paṭisambhidā
Itthaṃ sudaṃ āyasmā sattakadambapupphiyo thero imā
Gāthāyo abhāsitthāti.
Sattakadambapupphiyattherassāpadānaṃ catutthaṃ.
5. Koraṇḍapupphiyattheraapadānaṃ
68.
‘‘Vanakammiko pure āsiṃ, pitumātumatenahaṃ
Pasumārena jīvāmi, kusalaṃ me na vijjati.
69.
‘‘Mama āsayasāmantā, tisso lokagganāyako;
Padāni tīṇi dassesi, anukampāya cakkhumā.
70.
‘‘Akkante ca pade disvā, tissanāmassa satthuno;
Haṭṭho haṭṭhena cittena, pade cittaṃ pasādayiṃ.
71.
‘‘Koraṇḍaṃ
Sakosakaṃ gahetvāna, padaseṭṭhamapūjayiṃ.
72.
‘‘Tena kammena sukatena, cetanāpaṇidhīhi ca;
Jahitvā mānusaṃ dehaṃ, tāvatiṃsamagacchahaṃ.
73.
‘‘Yaṃ yaṃ yonupapajjāmi, devattaṃ atha mānusaṃ;
Koraṇḍavaṇṇakoyeva, suppabhāso bhavāmahaṃ.
74.
‘‘Dvenavute ito kappe, yaṃ kammamakariṃ tadā;
Duggatiṃ nābhijānāmi, padapūjāyidaṃ phalaṃ.
75.
‘‘Kilesā jhāpitā mayhaṃ…pe… viharāmi anāsavo.
76.
‘‘Svāgataṃ vata me āsi…pe… kataṃ buddhassa sāsanaṃ.
77.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā koraṇḍapupphiyo thero imā gāthāyo abhāsitthāti;
Koraṇḍapupphiyattherassāpadānaṃ pañcamaṃ.
6. Ghatamaṇḍadāyakattheraapadānaṃ
78.
‘‘Sucintitaṃ
Upaviṭṭhaṃ mahāraññaṃ, vātābādhena pīḷitaṃ.
79.
‘‘Disvā
Katattā
80.
‘‘Mahāsamuddā cattāro, ghataṃ sampajjare mama;
Ayañca pathavī ghorā, appamāṇā asaṅkhiyā.
81.
‘‘Mama saṅkappamaññāya, bhavate madhusakkarā;
Cātuddīpā
82.
‘‘Mama saṅkappamaññāya, kapparukkhā bhavanti te;
Paññāsakkhattuṃ devindo, devarajjamakārayiṃ.
83.
‘‘Ekapaññāsakkhattuñca, cakkavattī ahosahaṃ;
Padesarajjaṃ vipulaṃ, gaṇanāto asaṅkhiyaṃ.
84.
‘‘Catunnavutito kappe, yaṃ dānamadadiṃ tadā;
Duggatiṃ nābhijānāmi, ghatamaṇḍassidaṃ phalaṃ.
85.
‘‘Kilesā jhāpitā mayhaṃ…pe… viharāmi anāsavo.
86.
‘‘Svāgataṃ vata me āsi…pe… kataṃ buddhassa sāsanaṃ.
87.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā ghatamaṇḍadāyako thero imā gāthāyo
Abhāsitthāti.
Ghatamaṇḍadāyakattherassāpadānaṃ chaṭṭhaṃ.
7. Ekadhammassavaniyattheraapadānaṃ
88.
‘‘Padumuttaro
Catusaccaṃ pakāsento, santāresi bahuṃ janaṃ.
89.
‘‘Ahaṃ
Dhunanto vākacīrāni, gacchāmi ambare tadā.
90.
‘‘Buddhaseṭṭhassa upari, gantuṃ na visahāmahaṃ;
Pakkhīva selamāsajja, gamanaṃ na labhāmahaṃ.
91.
‘‘Udake vokkamitvāna, evaṃ gacchāmi ambare;
Na me idaṃ bhūtapubbaṃ, iriyāpathavikopanaṃ.
92.
‘‘Handa metaṃ gavesissaṃ, appevatthaṃ labheyyahaṃ;
Orohanto antalikkhā, saddamassosi satthuno.
93.
‘‘Sarena rajanīyena, savanīyena vaggunā;
Aniccataṃ kathentassa, taññeva uggahiṃ tadā;
Aniccasaññamuggayha
94.
‘‘Yāvatāyuṃ vasitvāna, tattha kālaṅkato ahaṃ;
Carime vattamānamhi, saddhammassavanaṃ sariṃ.
95.
‘‘Tena kammena sukatena, cetanāpaṇidhīhi ca;
Jahitvā mānusaṃ dehaṃ, tāvatiṃsamagacchahaṃ.
96.
‘‘Tiṃsakappasahassāni, devaloke ramiṃ ahaṃ;
Ekapaññāsakkhattuñca
97.
‘‘Ekavīsatikkhattuñca
Padesarajjaṃ vipulaṃ, gaṇanāto asaṅkhiyaṃ.
98.
‘‘Anubhomi sakaṃ puññaṃ, sukhitohaṃ bhavābhave;
Anussarāmi taṃ saññaṃ, saṃsaranto bhavābhave;
Na koṭiṃ paṭivijjhāmi, nibbānaṃ accutaṃ padaṃ.
99.
‘‘Pitugehe nisīditvā, samaṇo bhāvitindriyo;
Kathaṃsa
100.
‘‘‘Aniccā vata saṅkhārā, uppādavayadhammino;
Uppajjitvā nirujjhanti, tesaṃ vūpasamo sukho’.
101.
‘‘Saha
Ekāsane nisīditvā, arahattamapāpuṇiṃ.
102.
‘‘Jātiyā
Upasampādayī buddho, dhammassavanassidaṃ phalaṃ.
103.
‘‘Satasahassito kappe, yaṃ dhammamasuṇiṃ tadā;
Duggatiṃ nābhijānāmi, dhammassavanassidaṃ phalaṃ.
104.
‘‘Kilesā jhāpitā mayhaṃ…pe… viharāmi anāsavo.
105.
‘‘Svāgataṃ vata me āsi…pe… kataṃ buddhassa sāsanaṃ.
106.
‘‘Paṭisambhidā
Itthaṃ sudaṃ āyasmā ekadhammassavaniyo thero imā
Gāthāyo abhāsitthāti.
Ekadhammassavaniyattherassāpadānaṃ sattamaṃ.
8. Sucintitattheraapadānaṃ
107.
‘‘Nagare haṃsavatiyā, ahosiṃ kassako tadā;
Kasikammena jīvāmi, tena posemi dārake.
108.
‘‘Susampannaṃ
Pākakāle ca sampatte, evaṃ cintesahaṃ tadā.
109.
‘‘Nacchannaṃ nappatirūpaṃ, jānantassa guṇāguṇaṃ;
Yohaṃ saṅghe adatvāna, aggaṃ bhuñjeyya ce tadā
110.
‘‘Ayaṃ buddho asamasamo, dvattiṃsavaralakkhaṇo;
Tato pabhāvito saṅgho, puññakkhetto anuttaro.
111.
‘‘Tattha dassāmahaṃ dānaṃ, navasassaṃ pure pure;
Evāhaṃ cintayitvāna, haṭṭho pīṇitamānaso
112.
‘‘Khettato
Upasaṅkamma sambuddhaṃ, lokajeṭṭhaṃ narāsabhaṃ;
Vanditvā satthuno pāde, idaṃ vacanamabraviṃ.
113.
‘‘‘Navasassañca sampannaṃ, āyāgosi
Anukampamupādāya
114.
‘‘Padumuttaro
Mama saṅkappamaññāya, idaṃ vacanamabravi.
115.
‘‘‘Cattāro ca paṭipannā, cattāro ca phale ṭhitā;
Esa saṅgho ujubhūto, paññāsīlasamāhito;
Yajantānaṃ manussānaṃ, puññapekkhāna pāṇinaṃ.
116.
‘‘‘Karotopadhikaṃ puññaṃ, saṅghe dinnaṃ mahapphalaṃ;
Tasmiṃ saṅgheva
117.
‘‘‘Saṅghato uddisitvāna, bhikkhū netvāna saṃgharaṃ;
Paṭiyattaṃ ghare santaṃ, bhikkhusaṅghassa dehi tvaṃ’.
118.
‘‘Saṅghato uddisitvāna, bhikkhū netvāna saṃgharaṃ;
Yaṃ ghare paṭiyattaṃ me, bhikkhusaṅghassadāsahaṃ.
119.
‘‘Tena kammena sukatena, cetanāpaṇidhīhi ca;
Jahitvā mānusaṃ dehaṃ, tāvatiṃsamagacchahaṃ.
120.
‘‘Tattha me sukataṃ byamhaṃ, sovaṇṇaṃ sappabhassaraṃ;
Saṭṭhiyojanamubbedhaṃ, tiṃsayojanavitthataṃ.
Ekūnavīsatimaṃ bhāṇavāraṃ.
121.
‘‘Ākiṇṇaṃ bhavanaṃ mayhaṃ, nārīgaṇasamākulaṃ;
Tattha bhutvā pivitvā ca, vasāmi tidase ahaṃ.
122.
‘‘Satānaṃ
Satānaṃ pañcakkhattuñca, cakkavattī ahosahaṃ;
Padesarajjaṃ vipulaṃ, gaṇanāto asaṅkhiyaṃ.
123.
‘‘Bhavābhave
Bhoge me ūnatā natthi, navasassassidaṃ phalaṃ.
124.
‘‘Hatthiyānaṃ assayānaṃ, sivikaṃ sandamānikaṃ;
Labhāmi sabbamevetaṃ
125.
‘‘Navavatthaṃ navaphalaṃ, navaggarasabhojanaṃ;
Labhāmi sabbamevetaṃ, navasassassidaṃ phalaṃ.
126.
‘‘Koseyyakambaliyāni
Labhāmi sabbamevetaṃ, navasassassidaṃ phalaṃ.
127.
‘‘Dāsīgaṇaṃ dāsagaṇaṃ, nāriyo ca alaṅkatā;
Labhāmi sabbamevetaṃ, navasassassidaṃ phalaṃ.
128.
‘‘Na maṃ sītaṃ vā uṇhaṃ vā, pariḷāho na vijjati;
Atho cetasikaṃ dukkhaṃ, hadaye me na vijjati.
129.
‘‘Idaṃ khāda idaṃ bhuñja, imamhi sayane saya;
Labhāmi sabbamevetaṃ, navasassassidaṃ phalaṃ.
130.
‘‘Ayaṃ pacchimako dāni, carimo vattate bhavo;
Ajjāpi deyyadhammo me, phalaṃ tosesi sabbadā.
131.
‘‘Navasassaṃ
Aṭṭhānisaṃse anubhomi, kammānucchavike mama.
132.
‘‘Vaṇṇavā yasavā homi, mahābhogo anītiko;
Mahāpakkho
133.
‘‘Sabbe maṃ apacāyanti, ye keci pathavissitā;
Deyyadhammā ca ye keci, pure pure labhāmahaṃ.
134.
‘‘Bhikkhusaṅghassa vā majjhe, buddhaseṭṭhassa sammukhā;
Sabbepi samatikkamma, denti mameva dāyakā.
135.
‘‘Paṭhamaṃ navasassañhi, datvā saṅghe gaṇuttame;
Imānisaṃse anubhomi, navasassassidaṃ phalaṃ.
136.
‘‘Satasahassito
Duggatiṃ nābhijānāmi, navasassassidaṃ phalaṃ.
137.
‘‘Kilesā jhāpitā mayhaṃ…pe… viharāmi anāsavo;
138.
‘‘Svāgataṃ vata me āsi…pe… kataṃ buddhassa sāsanaṃ.
139.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā sucintito thero imā gāthāyo
Abhāsitthāti.
Sucintitattherassāpadānaṃ aṭṭhamaṃ.
9. Sovaṇṇakiṅkaṇiyattheraapadānaṃ
140.
‘‘Saddhāya
Vākacīradharo āsiṃ, tapokammamapassito.
141.
‘‘Atthadassī tu bhagavā, lokajeṭṭho narāsabho;
Uppajji tamhi samaye, tārayanto mahājanaṃ.
142.
‘‘Balañca vata me khīṇaṃ, byādhinā paramena taṃ;
Buddhaseṭṭhaṃ saritvāna, puline thūpamuttamaṃ.
143.
‘‘Karitvā haṭṭhacittohaṃ, sahatthena
Soṇṇakiṅkaṇipupphāni, udaggamanaso ahaṃ.
144.
‘‘Sammukhā viya sambuddhaṃ, thūpaṃ paricariṃ ahaṃ;
Tena cetopasādena, atthadassissa tādino.
145.
‘‘Devalokaṃ gato santo, labhāmi vipulaṃ sukhaṃ;
Suvaṇṇavaṇṇo tatthāsiṃ, buddhapūjāyidaṃ phalaṃ.
146.
‘‘Asītikoṭiyo mayhaṃ, nāriyo samalaṅkatā;
Sadā mayhaṃ upaṭṭhanti, buddhapūjāyidaṃ phalaṃ.
147.
‘‘Saṭṭhituriyasahassāni
Saṅkhā ca ḍiṇḍimā tattha, vaggū vajjanti
148.
‘‘Cullāsītisahassāni
Tidhāpabhinnamātaṅgā, kuñjarā saṭṭhihāyanā.
149.
‘‘Hemajālābhisañchannā
Balakāye gaje ceva, ūnatā me na vijjati.
150.
‘‘Soṇṇakiṅkaṇipupphānaṃ, vipākaṃ anubhomahaṃ;
Aṭṭhapaññāsakkhattuñca, devarajjamakārayiṃ.
151.
‘‘Ekasattatikkhattuñca, cakkavattī ahosahaṃ;
Pathabyā rajjaṃ ekasataṃ, mahiyā kārayiṃ ahaṃ.
152.
‘‘So dāni amataṃ patto, asaṅkhataṃ sududdasaṃ
Saṃyojanaparikkhīṇo, natthi dāni punabbhavo.
153.
‘‘Aṭṭhārase
Duggatiṃ nābhijānāmi, buddhapūjāyidaṃ phalaṃ.
154.
‘‘Kilesā
155.
‘‘Svāgataṃ vata me āsi…pe… kataṃ buddhassa sāsanaṃ.
156.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā sovaṇṇakiṅkaṇiyo thero imā
Gāthāyo abhāsitthāti.
Sovaṇṇakiṅkaṇiyattherassāpadānaṃ navamaṃ.
10. Soṇṇakontarikattheraapadānaṃ
157.
‘‘Manobhāvaniyaṃ
Iriyamānaṃ brahmapathe, cittavūpasame rataṃ.
158.
‘‘Nittiṇṇaoghaṃ sambuddhaṃ, jhāyiṃ jhānarataṃ muniṃ;
Upatitthaṃ samāpannaṃ, indivaradalappabhaṃ.
159.
‘‘Alābunodakaṃ gayha, buddhaseṭṭhaṃ upāgamiṃ;
Buddhassa pāde dhovitvā, alābukamadāsahaṃ.
160.
‘‘Āṇāpesi
‘Iminā dakamāhatvā, pādamūle ṭhapehi me’.
161.
‘‘Sādhūtihaṃ paṭissutvā, satthugāravatāya ca;
Dakaṃ alābunāhatvā, buddhaseṭṭhaṃ upāgamiṃ.
162.
‘‘Anumodi mahāvīro, cittaṃ nibbāpayaṃ mama;
‘Iminālābudānena, saṅkappo te samijjhatu’.
163.
‘‘Pannarasesu kappesu, devaloke ramiṃ ahaṃ;
Tiṃsatikkhattuṃ rājā ca, cakkavattī ahosahaṃ.
164.
‘‘Divā vā yadi vā rattiṃ, caṅkamantassa tiṭṭhato;
Sovaṇṇaṃ kontaraṃ gayha, tiṭṭhate purato mama.
165.
‘‘Buddhassa
Appakampi kataṃ kāraṃ, vipulaṃ hoti tādisu.
166.
‘‘Satasahassito
Duggatiṃ nābhijānāmi, alābussa idaṃ phalaṃ.
167.
‘‘Kilesā jhāpitā mayhaṃ…pe… viharāmi anāsavo.
168.
‘‘Svāgataṃ vata me āsi…pe… kataṃ buddhassa sāsanaṃ.
169.
‘‘Paṭisambhidā catasso…pe… kataṃ buddhassa sāsanaṃ’’.
Itthaṃ sudaṃ āyasmā soṇṇakontariko thero imā
Gāthāyo abhāsitthāti.
Soṇṇakontarikattherassāpadānaṃ dasamaṃ.
Sakiṃsammajjakavaggo tecattālīsamo.
Tassuddānaṃ –
Sakiṃsammajjako
Kadambakoraṇḍakado, ghatassavanikopi ca.
Sucintiko kiṅkaṇiko, soṇṇakontarikopi ca;
Ekagāthāsatañcettha, ekasattatimeva ca.