28. Buddhapakiṇṇakakaṇḍaṃ
1.
Aparimeyyito
Taṇhaṅkaro medhaṅkaro, athopi saraṇaṅkaro;
Dīpaṅkaro ca sambuddho, ekakappamhi te jinā.
2.
Dīpaṅkarassa
Ekova ekakappamhi, tāresi janataṃ bahuṃ.
3.
Dīpaṅkarassa bhagavato, koṇḍaññassa ca satthuno;
Etesaṃ antarā kappā, gaṇanāto asaṅkhiyā.
4.
Koṇḍaññassa aparena, maṅgalo nāma nāyako;
Tesampi antarā kappā, gaṇanāto asaṅkhiyā.
5.
Maṅgalo ca sumano ca, revato sobhito muni;
Tepi buddhā ekakappe, cakkhumanto pabhaṅkarā.
6.
Sobhitassa
Tesampi antarā kappā, gaṇanāto asaṅkhiyā.
7.
Anomadassī padumo, nārado cāpi nāyako;
Tepi buddhā ekakappe, tamantakārakā munī.
8.
Nāradassa aparena, padumuttaro nāma nāyako;
Ekakappamhi uppanno, tāresi janataṃ bahuṃ.
9.
Nāradassa bhagavato, padumuttarassa satthuno;
Tesampi antarā kappā, gaṇanāto asaṅkhiyā.
10.
Kappasatasahassamhi
Padumuttaro lokavidū, āhutīnaṃ paṭiggaho.
11.
Tiṃsakappasahassamhi, duve āsuṃ vināyakā
Sumedho ca sujāto ca, orato padumuttarā.
12.
Aṭṭhārase kappasate, tayo āsuṃ vināyakā
Piyadassī atthadassī, dhammadassī ca nāyakā.
13.
Orato
Ekakappamhi te buddhā, loke appaṭipuggalā.
14.
Catunnavutito kappe, eko āsi mahāmuni;
Siddhattho so lokavidū, sallakatto anuttaro.
15.
Dvenavute
Tisso phusso ca sambuddhā, asamā appaṭipuggalā.
16.
Ekanavutito kappe, vipassī nāma nāyako;
Sopi buddho kāruṇiko, satte mocesi bandhanā.
17.
Ekatiṃse ito kappe, duve āsuṃ vināyakā;
Sikhī ca vessabhū ceva, asamā appaṭipuggalā.
18.
Imamhi bhaddake kappe, tayo āsuṃ vināyakā;
Kakusandho koṇāgamano, kassapo cāpi nāyako.
19.
Ahametarahi sambuddho, metteyyo cāpi hessati;
Etepime
20.
Etesaṃ dhammarājūnaṃ, aññesaṃnekakoṭinaṃ;
Ācikkhitvāna taṃ maggaṃ, nibbutā te sasāvakāti.
Buddhapakiṇṇakakaṇḍaṃ niṭṭhitaṃ.