4. ஜஹதிகதா²
1. நஸுத்தாஹரணகதா²
279. ஜஹதி புது²ஜ்ஜனோ காமராக³ப்³யாபாத³ந்தி? ஆமந்தா. அச்சந்தங் ஜஹதி, அனவஸேஸங் ஜஹதி, அப்படிஸந்தி⁴யங் ஜஹதி, ஸமூலங் ஜஹதி, ஸதண்ஹங் ஜஹதி, ஸானுஸயங் ஜஹதி, அரியேன ஞாணேன ஜஹதி, அரியேன மக்³கே³ன ஜஹதி, அகுப்பங் படிவிஜ்ஜ²ந்தோ ஜஹதி, அனாகா³மிப²லங் ஸச்சி²கரொந்தோ ஜஹதீதி? ந ஹேவங் வத்தப்³பே³…பே॰….
விக்க²ம்பே⁴தி புது²ஜ்ஜனோ காமராக³ப்³யாபாத³ந்தி? ஆமந்தா. அச்சந்தங் விக்க²ம்பே⁴தி, அனவஸேஸங் விக்க²ம்பே⁴தி, அப்படிஸந்தி⁴யங் விக்க²ம்பே⁴தி, ஸமூலங் விக்க²ம்பே⁴தி, ஸதண்ஹங் விக்க²ம்பே⁴தி, ஸானுஸயங் விக்க²ம்பே⁴தி, அரியேன ஞாணேன விக்க²ம்பே⁴தி, அரியேன மக்³கே³ன விக்க²ம்பே⁴தி, அகுப்பங் படிவிஜ்ஜ²ந்தோ விக்க²ம்பே⁴தி, அனாகா³மிப²லங் ஸச்சி²கரொந்தோ விக்க²ம்பே⁴தீதி? ந ஹேவங் வத்தப்³பே³…பே॰….
ஜஹதி அனாகா³மிப²லஸச்சி²கிரியாய படிபன்னோ புக்³க³லோ காமராக³ப்³யாபாத³ங், ஸோ ச அச்சந்தங் ஜஹதி, அனவஸேஸங் ஜஹதி…பே॰… அனாகா³மிப²லங் ஸச்சி²கரொந்தோ ஜஹதீதி? ஆமந்தா. ஜஹதி புது²ஜ்ஜனோ காமராக³ப்³யாபாத³ங், ஸோ ச அச்சந்தங் ஜஹதி, அனவஸேஸங் ஜஹதி…பே॰… அனாகா³மிப²லங் ஸச்சி²கரொந்தோ ஜஹதீதி? ந ஹேவங் வத்தப்³பே³…பே॰….
விக்க²ம்பே⁴தி அனாகா³மிப²லஸச்சி²கிரியாய படிபன்னோ புக்³க³லோ காமராக³ப்³யாபாத³ங், ஸோ ச அச்சந்தங் விக்க²ம்பே⁴தி, அனவஸேஸங் விக்க²ம்பே⁴தி…பே॰… அனாகா³மிப²லங் ஸச்சி²கரொந்தோ விக்க²ம்பே⁴தீதி? ஆமந்தா. விக்க²ம்பே⁴தி புது²ஜ்ஜனோ காமராக³ப்³யாபாத³ங், ஸோ ச அச்சந்தங் விக்க²ம்பே⁴தி, அனவஸேஸங் விக்க²ம்பே⁴தி …பே॰… அனாகா³மிப²லங் ஸச்சி²கரொந்தோ விக்க²ம்பே⁴தீதி? ந ஹேவங் வத்தப்³பே³…பே॰….
ஜஹதி புது²ஜ்ஜனோ காமராக³ப்³யாபாத³ங், ஸோ ச ந அச்சந்தங் ஜஹதி, ந அனவஸேஸங் ஜஹதி…பே॰… ந அனாகா³மிப²லங் ஸச்சி²கரொந்தோ ஜஹதீதி? ஆமந்தா. ஜஹதி அனாகா³மிப²லஸச்சி²கிரியாய படிபன்னோ புக்³க³லோ காமராக³ப்³யாபாத³ங், ஸோ ச ந அச்சந்தங் ஜஹதி…பே॰… ந அனாகா³மிப²லங் ஸச்சி²கரொந்தோ ஜஹதீதி? ந ஹேவங் வத்தப்³பே³…பே॰….
விக்க²ம்பே⁴தி புது²ஜ்ஜனோ காமராக³ப்³யாபாத³ங், ஸோ ச ந அச்சந்தங் விக்க²ம்பே⁴தி, ந அனவஸேஸங் விக்க²ம்பே⁴தி…பே॰… ந அனாகா³மிப²லங் ஸச்சி²கரொந்தோ விக்க²ம்பே⁴தீதி? ஆமந்தா. விக்க²ம்பே⁴தி அனாகா³மிப²லஸச்சி²கிரியாய படிபன்னோ புக்³க³லோ காமராக³ப்³யாபாத³ங், ஸோ ச ந அச்சந்தங் விக்க²ம்பே⁴தி, ந அனவஸேஸங் விக்க²ம்பே⁴தி…பே॰… ந அனாகா³மிப²லங் ஸச்சி²கரொந்தோ விக்க²ம்பே⁴தீதி? ந ஹேவங் வத்தப்³பே³…பே॰….
ஜஹதி புது²ஜ்ஜனோ காமராக³ப்³யாபாத³ந்தி? ஆமந்தா. கதமேன மக்³கே³னாதி? ரூபாவசரேன மக்³கே³னாதி. ரூபாவசரோ மக்³கோ³ நிய்யானிகோ க²யகா³மீ போ³த⁴கா³மீ அபசயகா³மீ அனாஸவோ அஸங்யோஜனியோ அக³ந்த²னியோ அனோக⁴னியோ அயோக³னியோ அனீவரணியோ அபராமட்டோ² அனுபாதா³னியோ அஸங்கிலேஸியோதி? ந ஹேவங் வத்தப்³பே³. நனு ரூபாவசரோ மக்³கோ³ அனிய்யானிகோ ந க²யகா³மீ ந போ³த⁴கா³மீ ந அபசயகா³மீ ஸாஸவோ ஸங்யோஜனியோ…பே॰… ஸங்கிலேஸியோதி? ஆமந்தா. ஹஞ்சி ரூபாவசரோ மக்³கோ³ அனிய்யானிகோ ந க²யகா³மீ…பே॰… ஸங்கிலேஸியோ, நோ ச வத ரே வத்தப்³பே³ – ‘‘ஜஹதி புது²ஜ்ஜனோ ரூபாவசரேன மக்³கே³ன காமராக³ப்³யாபாத³’’ந்தி.
ஜஹதி அனாகா³மிப²லஸச்சி²கிரியாய படிபன்னோ புக்³க³லோ அனாகா³மிமக்³கே³ன காமராக³ப்³யாபாத³ங், ஸோ ச மக்³கோ³ நிய்யானிகோ க²யகா³மீ போ³த⁴கா³மீ அபசயகா³மீ அனாஸவோ…பே॰… அஸங்கிலேஸியோதி? ஆமந்தா. ஜஹதி புது²ஜ்ஜனோ ரூபாவசரேன மக்³கே³ன காமராக³ப்³யாபாத³ங், ஸோ ச மக்³கோ³ நிய்யானிகோ க²யகா³மீ போ³த⁴கா³மீ அபசயகா³மீ அனாஸவோ…பே॰… அஸங்கிலேஸியோதி? ந ஹேவங் வத்தப்³பே³…பே॰….
ஜஹதி புது²ஜ்ஜனோ ரூபாவசரேன மக்³கே³ன காமராக³ப்³யாபாத³ங், ஸோ ச மக்³கோ³ அனிய்யானிகோ ந க²யகா³மீ ந போ³த⁴கா³மீ ந அபசயகா³மீ ஸாஸவோ…பே॰… ஸங்கிலேஸியோதி? ஆமந்தா. ஜஹதி அனாகா³மிப²லஸச்சி²கிரியாய படிபன்னோ புக்³க³லோ அனாகா³மிமக்³கே³ன காமராக³ப்³யாபாத³ங், ஸோ ச மக்³கோ³ அனிய்யானிகோ ந க²யகா³மீ ந போ³த⁴கா³மீ ந அபசயகா³மீ ஸாஸவோ…பே॰… ஸங்கிலேஸியோதி? ந ஹேவங் வத்தப்³பே³…பே॰….
280. புது²ஜ்ஜனோ காமேஸு வீதராகோ³ ஸஹ த⁴ம்மாபி⁴ஸமயா அனாகா³மிப²லே ஸண்டா²தீதி? ஆமந்தா. அரஹத்தே ஸண்டா²தீதி? ந ஹேவங் வத்தப்³பே³…பே॰….
புது²ஜ்ஜனோ காமேஸு வீதராகோ³ ஸஹ த⁴ம்மாபி⁴ஸமயா அனாகா³மிப²லே ஸண்டா²தீதி? ஆமந்தா. அபுப்³ப³ங் அசரிமங் தயோ மக்³கே³ பா⁴வேதீதி? ந ஹேவங் வத்தப்³பே³…பே॰….
அபுப்³ப³ங் அசரிமங் தயோ மக்³கே³ பா⁴வேதீதி? ஆமந்தா. அபுப்³ப³ங் அசரிமங் தீணி ஸாமஞ்ஞப²லானி ஸச்சி²கரோதீதி? ந ஹேவங் வத்தப்³பே³…பே॰….
அபுப்³ப³ங் அசரிமங் தீணி ஸாமஞ்ஞப²லானி ஸச்சி²கரோதீதி? ஆமந்தா. திண்ணங் ப²ஸ்ஸானங் திஸ்ஸன்னங் வேத³னானங் திஸ்ஸன்னங் ஸஞ்ஞானங் திஸ்ஸன்னங் சேதனானங் திண்ணங் சித்தானங் திஸ்ஸன்னங் ஸத்³தா⁴னங் திண்ணங் வீரியானங் திஸ்ஸன்னங் ஸதீனங் திண்ணங் ஸமாதீ⁴னங் திஸ்ஸன்னங் பஞ்ஞானங் ஸமோதா⁴னங் ஹோதீதி? ந ஹேவங் வத்தப்³பே³…பே॰….
புது²ஜ்ஜனோ காமேஸு வீதராகோ³ ஸஹ த⁴ம்மாபி⁴ஸமயா அனாகா³மிப²லே ஸண்டா²தீதி? ஆமந்தா. ஸோதாபத்திமக்³கே³னாதி? ந ஹேவங் வத்தப்³பே³…பே॰….
ஸகதா³கா³மிமக்³கே³னாதி? ந ஹேவங் வத்தப்³பே³. கதமேன மக்³கே³னாதி? அனாகா³மிமக்³கே³னாதி. அனாகா³மிமக்³கே³ன ஸக்காயதி³ட்டி²ங் விசிகிச்ச²ங் ஸீலப்³ப³தபராமாஸங் ஜஹதீதி? ந ஹேவங் வத்தப்³பே³…பே॰….
2. ஸுத்தாஹரணகதா²
281. அனாகா³மிமக்³கே³ன ஸக்காயதி³ட்டி²ங் விசிகிச்ச²ங் ஸீலப்³ப³தபராமாஸங் ஜஹதீதி? ஆமந்தா. நனு திண்ணங் ஸங்யோஜனானங் பஹானா ஸோதாபத்திப²லங் வுத்தங் ப⁴க³வதாதி? ஆமந்தா. ஹஞ்சி திண்ணங் ஸங்யோஜனானங் பஹானா ஸோதாபத்திப²லங் வுத்தங் ப⁴க³வதா, நோ ச வத ரே வத்தப்³பே³ – ‘‘அனாகா³மிமக்³கே³ன ஸக்காயதி³ட்டி²ங் விசிகிச்ச²ங் ஸீலப்³ப³தபராமாஸங் ஜஹதீ’’தி. அனாகா³மிமக்³கே³ன ஓளாரிகங் காமராக³ங் ஓளாரிகங் ப்³யாபாத³ங் ஜஹதீதி? ந ஹேவங் வத்தப்³பே³…பே॰….
அனாகா³மிமக்³கே³ன ஓளாரிகங் காமராக³ங் ஓளாரிகங் ப்³யாபாத³ங் ஜஹதீதி? ஆமந்தா. நனு காமராக³ப்³யாபாதா³னங் தனுபா⁴வா ஸகதா³கா³மிப²லங் வுத்தங் ப⁴க³வதாதி? ஆமந்தா. ஹஞ்சி காமராக³ப்³யாபாதா³னங் தனுபா⁴வா ஸகதா³கா³மிப²லங் வுத்தங் ப⁴க³வதா, நோ ச வத ரே வத்தப்³பே³ – ‘‘அனாகா³மிமக்³கே³ன ஓளாரிகங் காமராக³ங் ஓளாரிகங் ப்³யாபாத³ங் ஜஹதீ’’தி.
புது²ஜ்ஜனோ காமேஸு வீதராகோ³ ஸஹ த⁴ம்மாபி⁴ஸமயா அனாகா³மிப²லே ஸண்டா²தீதி? ஆமந்தா. யே கேசி த⁴ம்மங் அபி⁴ஸமெந்தி, ஸப்³பே³ தே ஸஹ த⁴ம்மாபி⁴ஸமயா அனாகா³மிப²லே ஸண்ட²ஹந்தீதி? ந ஹேவங் வத்தப்³பே³…பே॰….
ந வத்தப்³ப³ங் – ‘‘ஜஹதி புது²ஜ்ஜனோ காமராக³ப்³யாபாத³’’ந்தி? ஆமந்தா. நனு வுத்தங் ப⁴க³வதா –
‘‘அஹேஸுங் தே அஹிங்ஸகா (அ॰ நி॰ 6.54) அதீதங்ஸே, ச² ஸத்தா²ரோ யஸஸ்ஸினோ;
நிராமக³ந்தா⁴ கருணேதி⁴முத்தா கருணாதி⁴முத்தா (ஸீ॰ க॰), காமஸங்யோஜனாதிகா³.
‘‘காமராக³ங் விராஜெத்வா, ப்³ரஹ்மலோகூபகா³ அஹு;
அஹேஸுங் ஸாவகா தேஸங், அனேகானி ஸதானிபி.
‘‘நிராமக³ந்தா⁴ கருணேதி⁴முத்தா, காமஸங்யோஜனாதிகா³;
காமராக³ங் விராஜெத்வா, ப்³ரஹ்மலோகூபகா³ அஹூ’’தி அ॰ நி॰ 6.54.
அத்தே²வ ஸுத்தந்தோதி? ஆமந்தா. தேன ஹி ஜஹதி புது²ஜ்ஜனோ காமராக³ப்³யாபாத³ந்தி.
ஜஹதி புது²ஜ்ஜனோ காமராக³ப்³யாபாத³ந்தி? ஆமந்தா. நனு வுத்தங் ப⁴க³வதா – ‘‘ஸோ ஹி நாம, பி⁴க்க²வே, ஸுனெத்தோ ஸத்தா² ஏவங் தீ³கா⁴யுகோ ஸமானோ ஏவங் சிரட்டி²திகோ அபரிமுத்தோ அஹோஸி ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி அபரிமுத்தோ து³க்க²ஸ்மாதி வதா³மி. தங் கிஸ்ஸ ஹேது? சதுன்னங் த⁴ம்மானங் அனநுபோ³தா⁴ அப்படிவேதா⁴. கதமேஸங் சதுன்னங்? அரியஸ்ஸ ஸீலஸ்ஸ அனநுபோ³தா⁴ அப்படிவேதா⁴, அரியஸ்ஸ ஸமாதி⁴ஸ்ஸ, அரியாய பஞ்ஞாய, அரியாய விமுத்தியா அனநுபோ³தா⁴ அப்படிவேதா⁴. தயித³ங், பி⁴க்க²வே, அரியங் ஸீலங் அனுபு³த்³த⁴ங் படிவித்³த⁴ங், அரியோ ஸமாதி⁴ அனுபு³த்³தோ⁴ படிவித்³தோ⁴, அரியா பஞ்ஞா அனுபு³த்³தா⁴ படிவித்³தா⁴, அரியா விமுத்தி அனுபு³த்³தா⁴ படிவித்³தா⁴, உச்சி²ன்னா ப⁴வதண்ஹா, கீ²ணா ப⁴வனெத்தி, நத்தி² தா³னி புனப்³ப⁴வோதி.
‘‘ஸீலங் ஸமாதி⁴ பஞ்ஞா ச, விமுத்தி ச அனுத்தரா;
அனுபு³த்³தா⁴ இமே த⁴ம்மா, கோ³தமேன யஸஸ்ஸினா.
‘‘இதி பு³த்³தோ⁴ அபி⁴ஞ்ஞாய, த⁴ம்மமக்கா²ஸி பி⁴க்கு²னங்;
து³க்க²ஸ்ஸந்தகரோ ஸத்தா², சக்கு²மா பரினிப்³பு³தோ’’தி அ॰ நி॰ 7.66.
அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘ஜஹதி புது²ஜ்ஜனோ காமராக³ப்³யாபாத³’’ந்தி.
ஜஹதிகதா² நிட்டி²தா.