11. ஏகாத³ஸமோ பரிச்சே²தோ³
நிப்³பா³னநித்³தே³ஸோ
768.
ரூபானந்தரமுத்³தி³ட்ட²ங்
தஸ்ஸிதா³னி அனுப்பத்தோ, விபா⁴வனநயக்கமோ.
769.
தஸ்மாஹங் தஸ்ஸ த³ஸ்ஸேதுங், து³க்கரஸ்ஸ யதா²ப³லங்;
து³ப்³போ³த⁴ஸ்ஸ பவக்கா²மி, விபா⁴வனமிதோ பரங்.
தத்த² நிப்³பா³னந்தி ப⁴வாப⁴வங் வினநதோ வானங் வுச்சதி தண்ஹா, வானதோ நிக்க²ந்தத்தா நிப்³பா³னந்தி ச பவுச்சதி அமதங் அஸங்க²தங் பரமங் ஸுக²ங். வுத்தங் ஹேதங் ‘‘யோ ஸோ ஸப்³ப³ஸங்கா²ரஸமதோ² ஸப்³பூ³பதி⁴படினிஸ்ஸக்³கோ³ தண்ஹாக்க²யோ விராகோ³ நிரோதோ⁴ நிப்³பா³ன’’ந்தி.
770.
யஸ்ஸ சாதி⁴க³மா ஸப்³ப³-கிலேஸானங் க²யோ ப⁴வே;
நிப்³பா³னமிதி நித்³தி³ட்ட²ங், நிப்³பா³னகுஸலேன தங்.
ஏதங் ச நிப்³பா³னங் நாம தயித³ங் ஸந்திலக்க²ணங், அச்சுதிரஸங், அஸ்ஸாஸகரணரஸங் வா, அனிமித்தபச்சுபட்டா²னங், நிஸ்ஸரணபச்சுபட்டா²னங் வாதி வேதி³தப்³ப³ங்.
எத்தா²ஹ – ந பரமத்த²தோ நிப்³பா³னங் நாம ஏகோ ஸபா⁴வோ அத்தி², தித்தி²யானங் அத்தா விய, ஸஸவிஸாணங்
யஸ்ஸ பன த⁴ம்மஸ்ஸாதி⁴க³மேன ராகா³தீ³னங் க²யோ ஹோதி, ஸோ த⁴ம்மோ ராகா³தீ³னங் க²யஸ்ஸ உபனிஸ்ஸயத்தா அக்க²யோபி ஸமானோ ‘‘ராகா³தீ³னங் க²யோ நிப்³பா³ன’’ந்தி க²யோபசாரேன வுத்தோ, ‘‘திபுஸங் ஜரோ கு³ளோ ஸெம்ஹோ’’திஆதீ³ஸு விய ப²லூபசாரேன வுத்தந்தி வேதி³தப்³ப³ங். அரஹத்தங் பன க²யந்தே உப்பன்னத்தா ‘‘க²யோ’’தி வுத்தங். யதி³ ராகா³தீ³னங் க²யமத்தங் நிப்³பா³னங் ப⁴வெய்ய, ஸப்³பே³ பா³லபுது²ஜ்ஜனாபி ஸமதி⁴க³தனிப்³பா³னா ஸச்சி²கதனிரோதா⁴ ப⁴வெய்யுங். கிஞ்ச பி⁴ய்யோ – நிப்³பா³னஸ்ஸ ப³ஹுத்தாதி³தோ³ஸாபத்திதோ ச. ஏவஞ்ஹி ஸதி ராகா³தி³க்க²யானங் ப³ஹுபா⁴வதோ நிப்³பா³னஸ்ஸாபி ப³ஹுபா⁴வோ ப⁴வெய்ய, ஸங்க²தலக்க²ணஞ்ச நிப்³பா³னங் ப⁴வெய்ய, ஸங்க²தலக்க²ணத்தா ஸங்க²தபரியாபன்னஞ்ச, ஸங்க²தபரியாபன்னத்தா அனிச்சங் து³க்க²ங் நிப்³பா³னங் ப⁴வெய்யாதி.
கிஞ்ச பி⁴ய்யோ – யதி³ க²யோ நிப்³பா³னங் ப⁴வெய்ய, கொ³த்ரபு⁴வோதா³னமக்³க³ப²லசித்தானங் கிங் நு ஆரம்மணங் வதே³ஸி, வத³ ப⁴த்³ரமுகா²தி? ராகா³தீ³னங் க²யமேவ வதா³மீதி. கிங் பன ராகா³த³யோ கொ³த்ரபு⁴ஆதீ³னங் க²ணே கீ²யந்தி, உதா³ஹு கீ²யிஸ்ஸந்தி, அத² கீ²ணாதி? கிங் பனெத்த² ‘‘கீ²ணெஸ்வேவ க²யங் வதா³மீ’’தி. ஸுட்டு² உபதா⁴ரெத்வா வத³ ப⁴த்³ரமுகா²தி, யதி³ கீ²ணெஸ்வேவ க²யங் வதே³ஸி, ந கொ³த்ரபு⁴சித்தாதீ³னங் நிப்³பா³னாரம்மணதா ஸிஜ்ஜ²தீதி. கிங் காரணங்? கொ³த்ரபு⁴க்க²ணே ராகா³த³யோ கீ²யிஸ்ஸந்தி, ததா² வோதா³னக்க²ணே, மக்³க³க்க²ணே பன கீ²யந்தி, ந கீ²ணா, ப²லக்க²ணே கீ²ணா. ஏவங் ஸந்தே ப⁴வதோ மதேன ப²லமேவ க²யாரம்மணங், ந இதரே, இதரேஸங் பன கிமாரம்மணங் வதே³ஸீதி
771.
‘‘அஸத்³தோ⁴ அகதஞ்ஞூ ச,
ஸந்தி⁴ச்சே²தோ³ ச யோ நரோ;
ஹதாவகாஸோ வந்தாஸோ,
ஸ வே உத்தமபோரிஸோ’’தி.
அபிச ‘‘நிஸ்ஸரண’’ந்தி ப⁴க³வதா வுத்தத்தா ச. ‘‘நிஸ்ஸரண’’ந்தி ஹி நிப்³பா³னஸ்ஸேதங் நாமங். யதா²ஹ ‘‘தயோ கோ²மே, பி⁴க்க²வே, த⁴ம்மா து³ப்படிவிஜ்ஜா². கதமே தயோ த⁴ம்மா து³ப்படிவிஜ்ஜா²? திஸ்ஸோ நிஸ்ஸரணதா⁴துயோ. காமானமேதங் நிஸ்ஸரணங், யதி³த³ங் நெக்க²ம்மங். ரூபானமேதங் நிஸ்ஸரணங், யதி³த³ங் அரூபங். யங் கோ² பன கிஞ்சி பூ⁴தங் ஸங்க²தங் படிச்சஸமுப்பன்னங், நிரோதோ⁴ தஸ்ஸ நிஸ்ஸரண’’ந்தி ஹி வுத்தங். ஏவங் வுத்தஸ்ஸ தஸ்ஸ நிப்³பா³னஸ்ஸ அபா⁴வபத்திதோ³ஸதோ பட²மஜ்ஜா²னாகாஸானஞ்சாயதனானம்பி அபா⁴வோ ப⁴வெய்ய, தஸ்மா அயுத்தங் அக்க²யஸ்ஸ நிப்³பா³னஸ்ஸ க²யதோ³ஸாபஜ்ஜனந்தி, ந து க²யோ நிப்³பா³னங்.
‘‘அத்தி² நிஸ்ஸரணங் லோகே, பஞ்ஞாய மே ஸுபு²ஸித’’ந்தி ச ‘‘அத்தி², பி⁴க்க²வே, அஜாதங் அபூ⁴தங் அகதங் அஸங்க²த’’ந்தி ச த⁴ம்மஸாமினா ததா²க³தேன ஸம்மாஸம்பு³த்³தே⁴ன அனேகேஸு ஸுத்தந்தேஸு பரமத்த²வஸேன வுத்தத்தா ‘‘அத்தி² நிப்³பா³னங் நாம ஏகோ த⁴ம்மோ’’தி நிட்ட²மெத்த² க³ந்தப்³ப³ங். அபிச பரித்தத்திகே ‘‘கதமே த⁴ம்மா அப்பமாணா’’தி பத³முத்³த⁴ரித்வா – ‘‘சத்தாரோ மக்³கா³ அபரியாபன்னா சத்தாரி ச ஸாமஞ்ஞப²லானி நிப்³பா³னஞ்ச, இமே த⁴ம்மா அப்பமாணா’’தி வுத்தத்தா ராகா³தீ³னங் க²யஸ்ஸ அப்பமாணத்தங் கத²ங் யுஜ்ஜதி, தஸ்மா பரமத்த²தோ அத்தி²யேவ நிப்³பா³னங் நாம ஏகோ ஸபா⁴வோதி. தங்
அத² பஞ்ஞத்திமத்தங் நிப்³பா³னந்தி சே, தம்பி அயுத்தங். கஸ்மா? நிப்³பா³னாரம்மணானங் சித்தசேதஸிகானங் நவத்தப்³பா³ரம்மணத்தா. கத²ங்? பரித்தாரம்மணத்திகே ச பன ‘‘கதமே த⁴ம்மா அப்பமாணாரம்மணா’’தி
772.
அச்சந்தமனந்தங் ஸந்தங், அமதங் அபலோகிதங்;
பணீதங் ஸரணங் கே²மங், தாணங் லேணங் பராயணங்.
773.
ஸிவஞ்ச நிபுணங் ஸச்சங், து³க்க²க்க²யமனாஸவங்;
ஸுது³த்³த³ஸங் பரங் பாரங், நிப்³பா³னமனித³ஸ்ஸனங்.
774.
தண்ஹாக்க²யங் து⁴வங் தீ³பங், அப்³யாபஜ்ஜ²மனீதிகங்;
அனாலயமரூபஞ்ச, பத³மச்சுதமக்க²ரங்.
775.
விராக³ஞ்ச நிரோத⁴ஞ்ச, விமுத்தி மொக்க²மேவ ச;
இமேஹி பன நாமேஹி, நிப்³பா³னங் து கதீ²யதி.
776.
ஏவஞ்ச
தஸ்ஸ சாதி⁴க³மூபாயோ, கத்தப்³போ³ விஞ்ஞுனா ஸதா³.
777.
ஸத்³தா⁴பு³த்³தி⁴கரங் ததா²க³தமதே ஸம்மோஹவித்³த⁴ங்ஸனங்,
பஞ்ஞாஸம்ப⁴வஸம்பஸாத³னகரங் ஜானாதி யோ சே இமங்;
அத்த²ப்³யஞ்ஜனஸாலினங் ஸுமது⁴ரங் ஸாரஞ்ஞுவிம்ஹாபனங்,
க³ம்பீ⁴ரே நிபுணாபி⁴த⁴ம்மபிடகே ஸோ யாபி⁴னிட்ட²ங் பத³ங்.
இதி அபி⁴த⁴ம்மாவதாரே நிப்³பா³னநித்³தே³ஸோ நாம
ஏகாத³ஸமோ பரிச்சே²தோ³.