14. சுத்³த³ஸமோ பரிச்சே²தோ³
ரூபாவசரஸமாதி⁴பா⁴வனானித்³தே³ஸோ
789.
பா⁴வனானயமஹங்
மானயஞ்ச ஸுக³தங் ஸுகா²னயங்;
ப்³யாகரோமி பரமங் இதோ பரங்,
தங் ஸுணாத² மது⁴ரத்த²வண்ணனங்.
790.
உத்தரங் து மனுஸ்ஸானங், த⁴ம்மதோ ஞாணத³ஸ்ஸனங்;
பத்துகாமேன காதப்³ப³ங், ஆதி³தோ ஸீலஸோத⁴னங்.
791.
ஸங்கஸ்ஸரஸமாசாரே, து³ஸ்ஸீலே ஸீலவஜ்ஜிதே;
நத்தி² ஜா²னங் குதோ மக்³கோ³, தஸ்மா ஸீலங் விஸோத⁴யே.
792.
ஸீலங் சாரித்தவாரித்தவஸேன து³வித⁴ங் மதங்;
தங் பனாச்சி²த்³த³மக்க²ண்ட³மகம்மாஸமனிந்தி³தங்.
793.
கத்தப்³ப³ங் அத்த²காமேன, விவேகஸுக²மிச்ச²தா;
ஸீலஞ்ச நாம பி⁴க்கூ²னங், அலங்காரோ அனுத்தரோ.
794.
ரதனங் ஸரணங் கே²மங், தாணங் லேணங் பராயணங்;
சிந்தாமணி பணீதோ ச, ஸீலங் யானமனுத்தரங்.
795.
ஸீதலங்
கு³ணானங் மூலபூ⁴தஞ்ச, தோ³ஸானங் ப³லகா⁴தி ச.
796.
திதி³வாரோஹணஞ்சேதங், ஸோபானங் பரமுத்தமங்;
மக்³கோ³ கே²மோ ச நிப்³பா³னநக³ரஸ்ஸ பவேஸனே.
797.
தஸ்மா ஸுபரிஸுத்³த⁴ங் தங், ஸீலங் து³வித⁴லக்க²ணங்;
கத்தப்³ப³ங் அத்த²காமேன, பியஸீலேன பி⁴க்கு²னா.
798.
காதப்³போ³ பன ஸீலஸ்மிங், பரிஸுத்³தே⁴ டி²தேனித⁴;
பலிபோ³த⁴ஸ்ஸுபச்சே²தோ³, பலிபோ³தா⁴ த³ஸாஹு ச.
799.
‘‘ஆவாஸோ
க³ணோ கம்மஞ்ச பஞ்சமங்;
அத்³தா⁴னங் ஞாதி ஆபா³தோ⁴,
க³ந்தோ² இத்³தீ⁴தி தே த³ஸா’’தி.
800.
பலிபோ³த⁴ஸ்ஸுபச்சே²த³ங், கத்வா த³ஸவித⁴ஸ்ஸபி;
உபஸங்கமிதப்³போ³ ஸோ, கம்மட்டா²னஸ்ஸ தா³யகோ.
801.
பியோ
க³ம்பீ⁴ரஞ்ச கத²ங் கத்தா, நோ சட்டா²னே நியோஜகோ.
802.
ஏவமாதி³கு³ணோபேதமுபக³ந்த்வா ஹிதேஸினங்;
கல்யாணமித்தங் காலேன, கம்மட்டா²னஸ்ஸ தா³யகங்.
803.
கம்மட்டா²னங் க³ஹேதப்³ப³ங், வத்தங் கத்வா பனஸ்ஸ து;
தேனாபி சரிதங் ஞத்வா, தா³தப்³ப³ங் தஸ்ஸ பி⁴க்கு²னோ.
804.
சரிதங் பனித³ங் ராக³தோ³ஸமோஹவஸேன ச;
ஸத்³தா⁴பு³த்³தி⁴விதக்கானங், வஸேன ச²ப்³பி³த⁴ங் மதங்.
805.
வோமிஸ்ஸகனயா தேஸங், சதுஸட்டி² ப⁴வந்தி தே;
தேஹி அத்தோ² ந சத்தீ²தி, ந மயா இத⁴ த³ஸ்ஸிதா.
806.
அஸுபா⁴
ஏகாத³ஸ இமே ராக³-சரிதஸ்ஸானுகூலதா.
807.
சதஸ்ஸோ அப்பமஞ்ஞாயோ, ஸவண்ணகஸிணா இமே;
அட்டே²வ ச ஸதா³ தோ³ஸ-சரிதஸ்ஸானுகூலதா.
808.
தங் மோஹசரிதஸ்ஸெத்த², விதக்கசரிதஸ்ஸ ச;
அனுகூலந்தி நித்³தி³ட்ட²ங், ஆனாபானங் பனேககங்.
809.
புரிமானுஸ்ஸதிச²க்கங், ஸத்³தா⁴சரிததே³ஹினோ;
மரணூபஸமாயுத்தா, ஸதிமாஹாரனிஸ்ஸிதா.
810.
ஸஞ்ஞா
இமே பன ச சத்தாரோ, அனுகூலாதி தீ³பிதா.
811.
சத்தாரோபி ச ஆருப்பா, ஸேஸானி கஸிணானி ச;
அனுகூலா இமே ஸப்³ப³-சரிதானந்தி வண்ணிதா.
812.
இத³ங் ஸப்³ப³ங் பனேகந்த-விபச்சனீகபா⁴வதோ;
அதிஸப்பாயதோ வுத்த-மிதி ஞெய்யங் விபா⁴வினா.
813.
கம்மட்டா²னானி ஸப்³பா³னி, சத்தாலீஸாதி நித்³தி³ஸே;
கஸிணானி த³ஸ சேவ, அஸுபா⁴னுஸ்ஸதீ த³ஸ.
814.
சதஸ்ஸோ அப்பமஞ்ஞாயோ, சத்தாரோ ச அரூபினோ;
சதுதா⁴துவவத்தா²னங், ஸஞ்ஞா சாஹாரதா இதி.
815.
கம்மட்டா²னேஸு ஏதேஸு, உபசாரவஹா கதி;
ஆனாபானஸதிங் காய-க³தங் ஹித்வா பனட்ட²பி.
816.
ஸேஸானுஸ்ஸதியோ ஸஞ்ஞா, வவத்தா²னந்தி தேரஸ;
உபசாரவஹா வுத்தா, ஸேஸா தே அப்பனாவஹா.
817.
அப்பனாயாவஹெஸ்வெத்த², கஸிணானி த³ஸாபி ச;
ஆனாபானஸதீ சேவ, சதுக்கஜ்ஜா²னிகா இமே.
818.
அஸுபா⁴னி
ஏகாத³ஸ இமே த⁴ம்மா, பட²மஜ்ஜா²னிகா ஸியுங்.
819.
ஆதி³ப்³ரஹ்மவிஹாராதி
சதுத்தா²பி ச ஆருப்பா, சதுத்த²ஜ்ஜா²னிகா மதா.
820.
வஸேனாரம்மணங்கா³னங், து³விதோ⁴ ஸமதிக்கமோ;
கோ³சராதிக்கமாரூபே, ரூபே ஜா²னங்க³திக்கமோ.
821.
த³ஸேவ கஸிணானெத்த², வட்³டே⁴தப்³பா³னி ஹொந்தி ஹி;
ந ச வட்³ட⁴னியா ஸேஸா, ப⁴வந்தி அஸுபா⁴த³யோ.
822.
த³ஸேவ கஸிணானெத்த², அஸுபா⁴னி த³ஸாபி ச;
ஆனாபானஸதீ சேவ, ததா² காயக³தாஸதி.
823.
படிபா⁴க³னிமித்தானி
ஸேஸானேவ படிபா⁴க³-நிமித்தாரம்மணா ஸியுங்.
824.
அஸுபா⁴னி த³ஸாஹார-ஸஞ்ஞா காயக³தாஸதி;
தே³வேஸு நப்பவத்தந்தி, த்³வாத³ஸேதானி ஸப்³ப³தா³.
825.
தானி த்³வாத³ஸ சேதானி, ஆனாபானஸதீபி ச;
தேரஸேவ பனேதானி, ப்³ரஹ்மலோகே ந விஜ்ஜரே.
826.
ட²பெத்வா சதுராரூபே, நத்தி² கிஞ்சி அரூபிஸு;
மனுஸ்ஸலோகே ஸப்³பா³னி, பவத்தந்தி ந ஸங்ஸயோ.
827.
சதுத்த²ங் கஸிணங் ஹித்வா, கஸிணா அஸுபா⁴னி ச;
தி³ட்டே²னேவ க³ஹேதப்³பா³, இமே ஏகூனவீஸதி.
828.
ஸதியம்பி ச காயம்ஹி, தி³ட்டே²ன தசபஞ்சகங்;
ஸேஸமெத்த² ஸுதேனேவ, க³ஹேதப்³ப³ந்தி தீ³பிதங்.
829.
ஆனாபானஸதீ எத்த², பு²ட்டே²ன பரிதீ³பிதா;
வாயோகஸிணமேவெத்த², தி³ட்ட²பு²ட்டே²ன க³ய்ஹதி.
830.
ஸுதேனேவ
உபெக்கா² அப்பமஞ்ஞா ச, அரூபா சேவ பஞ்சிமே.
831.
ஆதி³தோவ க³ஹேதப்³பா³, ந ஹொந்தீதி பகாஸிதா;
பஞ்சதிங்ஸாவஸேஸானி, க³ஹேதப்³பா³னி ஆதி³தோ.
832.
கம்மட்டா²னேஸு ஹேதேஸு, ஆகாஸகஸிணங் வினா;
கஸிணா நவ ஹொந்தே ச, அரூபானங் து பச்சயா.
833.
த³ஸாபி கஸிணா ஹொந்தி, அபி⁴ஞ்ஞானங் து பச்சயா;
தயோ ப்³ரஹ்மவிஹாராபி, சதுக்கஸ்ஸ ப⁴வந்தி து.
834.
ஹெட்டி²மங் ஹெட்டி²மாருப்பங், உபரூபரிமஸ்ஸ ஹி;
ததா² சதுத்த²மாருப்பங், நிரோத⁴ஸ்ஸாதி தீ³பிதங்.
835.
ஸப்³பா³னி ச பனேதானி, சத்தாலீஸவிதா⁴னி து;
விபஸ்ஸனாப⁴வஸம்பத்தி-ஸுகா²னங் பச்சயா ஸியுங்.
836.
கம்மட்டா²னங்
வஸந்தஸ்ஸ கதே²தப்³ப³ங், ஆக³தஸ்ஸாக³தக்க²ணே.
837.
உக்³க³ஹெத்வா
நாதிஸங்கே²பவித்தா²ரங், கதே²தப்³ப³ங் து தேனபி.
838.
கம்மட்டா²னங் க³ஹெத்வான, ஸம்மட்டா²னங் மனோபு⁴னோ;
அட்டா²ரஸஹி தோ³ஸேஹி, நிச்சங் பன விவஜ்ஜிதே.
839.
அனுரூபே விஹாரஸ்மிங், விஹாதப்³ப³ங் து கா³மதோ;
நாதிதூ³ரே நச்சாஸன்னே, ஸிவே பஞ்சங்க³ஸங்யுதே.
840.
கு²த்³த³கோ பலிபோ³தோ⁴பி, சி²ந்தி³தப்³போ³ பனத்தி² சே;
தீ³கா⁴ கேஸா நகா² லோமா, சி²ந்தி³தப்³பா³ விபா⁴வினா.
841.
சீவரங் ரஜிதப்³ப³ங் தங், கிலிட்ட²ங் து ஸசே ஸியா;
ஸசே பத்தே மலங் ஹோதி, பசிதப்³போ³வ ஸுட்டு² ஸோ.
842.
அச்சி²ன்னபலிபோ³தே⁴ன
பவிவித்தே பனோகாஸே, வஸந்தேன யதா²ஸுக²ங்.
843.
வஜ்ஜெத்வா மத்திகங் நீலங், பீதங் ஸேதஞ்ச லோஹிதங்;
ஸண்ஹாயாருணவண்ணாய, மத்திகாய மனோரமங்.
844.
கத்தப்³ப³ங் கஸிணஜ்ஜா²னங், பத்துகாமேன தீ⁴மதா;
ஸேனாஸனே விவித்தஸ்மிங், ப³ஹித்³தா⁴ வாபி தாதி³ஸே.
845.
படிச்ச²ன்னே பனட்டா²னே, பப்³பா⁴ரே வா கு³ஹந்தரே;
ஸங்ஹாரிமங் வா காதப்³ப³ங், தங் தத்ரட்ட²கமேவ வா.
846.
ஸங்ஹாரிமங் கரொந்தேன, த³ண்ட³கேஸு சதூஸ்வபி;
சம்மங் வா கடஸாரங் வா, து³ஸ்ஸபத்தம்பி வா ததா².
847.
ப³ந்தி⁴த்வா ததா² காதப்³ப³ங், மத்திகாய பமாணதோ;
பூ⁴மியங் பத்த²ரித்வா ச, ஓலோகேதப்³ப³மேவ தங்.
848.
தத்ரட்ட²ங் பூ⁴மியங் வட்டங், ஆகோடித்வான கா²ணுகே;
வல்லீஹி தங் வினந்தி⁴த்வா, காதப்³ப³ங் கண்ணிகங் ஸமங்.
849.
வித்தா²ரதோ
வட்டங் வத்ததி தங் காதுங், விவட்டங் பன மிச்ச²தா.
850.
பே⁴ரீதலஸமங் ஸாது⁴, கத்வா கஸிணமண்ட³லங்;
ஸம்மஜ்ஜித்வான தங் டா²னங், ந்ஹத்வா ஆக³ம்ம பண்டி³தோ.
851.
ஹத்த²பாஸபமாணஸ்மிங், தம்ஹா கஸிணமண்ட³லா;
பதே³ஸே து ஸுபஞ்ஞத்தே, ஆஸனஸ்மிங் ஸுஅத்த²தே.
852.
உச்சே தத்த² நிஸீதி³த்வா, வித³த்தி²சதுரங்கு³லே;
உஜுகாயங் பணிதா⁴ய, கத்வா பரிமுக²ங் ஸதிங்.
853.
காமெஸ்வாதீ³னவங் தி³ஸ்வா, நெக்க²ம்மங் த³ட்டு² கே²மதோ;
பரமங் பீதிபாமோஜ்ஜங், ஜனெத்வா ரதனத்தயே.
854.
‘‘பா⁴கீ³
பவிவேகஸுக²ஸ்ஸா’’தி, கத்வா உஸ்ஸாஹமுத்தமங்.
855.
ஆகாரேன
நிமித்தங் க³ண்ஹதா ஸாது⁴, பா⁴வேதப்³ப³ங் புனப்புனங்.
856.
ந வண்ணோ பெக்கி²தப்³போ³ ஸோ, த³ட்ட²ப்³ப³ங் ந ச லக்க²ணங்;
வண்ணங் பன அமுஞ்சித்வா, உஸ்ஸத³ஸ்ஸ வஸேன ஹி.
857.
சித்தங் பண்ணத்தித⁴ம்மஸ்மிங், ட²பெத்வேகக்³க³மானஸோ;
‘‘பத²வீ பத²வி’’ச்சேவங், வத்வா பா⁴வெய்ய பண்டி³தோ.
858.
பத²வீ மேத³னீ பூ⁴மி, வஸுதா⁴ ச வஸுந்த⁴ரா;
ஏவங் பத²வினாமேஸு, ஏகங் வத்தும்பி வட்டதி.
859.
உம்மீலித்வா நிமீலித்வா, ஆவஜ்ஜெய்ய புனப்புனங்;
யாவுக்³க³ஹனிமித்தங் து, நுப்பஜ்ஜதி ச தாவ ஸோ.
860.
ஏவங் பா⁴வயதோ தஸ்ஸ, புன ஏகக்³க³சேதஸோ;
யதா³ பன நிமீலெத்வா, ஆவஜ்ஜந்தஸ்ஸ யோகி³னோ.
861.
யதா² உம்மீலிதேகாலே, ததா²பாத²ங் து யாதி சே;
தது³க்³க³ஹனிமித்தங் த-முப்பன்னந்தி பவுச்சதி.
862.
நிமித்தே
நிஸீதி³தப்³ப³ங் நோ சேவங், தஸ்மிங் டா²னே விஜானதா.
863.
அத்தனோ வஸனட்டா²னங், பவிஸித்வான தீ⁴மதா;
தேன தத்த² நிஸின்னேன, பா⁴வேதப்³ப³ங் யதா²ஸுக²ங்.
864.
பபஞ்சபரிஹாரத்த²ங், பாதா³னங் பன தோ⁴வனே;
தஸ்ஸேகதலிகா த்³வே ச, இச்சி²தப்³பா³ உபாஹனா.
865.
ஸமாதி⁴தருணோ தஸ்ஸ, அஸப்பாயேன கேனசி;
ஸசே நஸ்ஸதி தங் டா²னங், க³ந்த்வாவாதா³ய தங் பன.
866.
பீடே²
ஸமன்னாஹரிதப்³ப³ஞ்ச, கரே தக்காஹதம்பி ச.
867.
நிமித்தங் பன தங் ஹித்வா, சித்தங் தா⁴வதி சே ப³ஹி;
நிவாரெத்வா நிமித்தஸ்மிங், ட²பேதப்³ப³ங் து மானஸங்.
868.
யத்த² யத்த² நிஸீதி³த்வா, தமிச்ச²தி தபோத⁴னோ;
தத்த² தத்த² தி³வாரத்திங், தஸ்ஸுபட்டா²தி சேதஸோ.
869.
ஏவங் தஸ்ஸ கரொந்தஸ்ஸ, அனுபுப்³பே³ன யோகி³னோ;
விக்க²ம்ப⁴ந்தி ச ஸப்³பா³னி, பஞ்ச நீவரணானிபி.
870.
ஸமாதி⁴யதி சித்தம்பி, உபசாரஸமாதி⁴னா;
படிபா⁴க³னிமித்தம்பி, உப்பஜ்ஜதி ச யோகி³னோ.
871.
கோ பனாயங் விஸேஸோ ஹி, இமஸ்ஸ புரிமஸ்ஸ வா;
த²விகா நீஹதாதா³ஸ-மண்ட³லங் விய மஜ்ஜிதங்.
872.
மேக⁴தோ விய நிக்க²ந்தங், ஸம்புண்ணசந்த³மண்ட³லங்;
படிபா⁴க³னிமித்தங் தங், ப³லாகா விய தோயதே³.
873.
தது³க்³க³ஹனிமித்தங்
ததோதி⁴கதரங் ஸுத்³த⁴ங், ஹுத்வாபட்டா²தி தஸ்ஸ தங்.
874.
தனுஸண்டா²னவந்தஞ்ச, வண்ணவந்தங் ந சேவ தங்;
உபட்டா²காரமத்தங் தங், பஞ்ஞஜங் பா⁴வனாமயங்.
875.
படிபா⁴கே³
ஹொந்தி விக்க²ம்பி⁴தானேவ, பஞ்ச நீவரணானிபி.
876.
கிலேஸா ஸன்னிஸின்னாவ, யுத்தயோக³ஸ்ஸ பி⁴க்கு²னோ;
சித்தங் ஸமாஹிதங்யேவ, உபசாரஸமாதி⁴னா.
877.
ஆகாரேஹி பன த்³வீஹி, ஸமாதி⁴யதி மானஸங்;
உபசாரக்க²ணே தஸ்ஸ, படிலாபே⁴ ஸமாதி⁴னோ.
878.
நீவாரணப்பஹானேன
அங்கா³னங் பாதுபா⁴வேன, படிலாப⁴க்க²ணே பன.
879.
த்³வின்னங் பன ஸமாதீ⁴னங், கிங் நானாகரணங் பன;
அங்கா³னி தா²மஜாதானி, உபசாரக்க²ணேன ச.
880.
அப்பனாய பனங்கா³னி, தா²மஜாதானி ஜாயரே;
தஸ்மா தங் அப்பனாசித்தங், தி³வஸம்பி பவத்ததி.
881.
பல்லங்கேன ச தேனேவ, வட்³டெ⁴த்வா தங் நிமித்தகங்;
அப்பனங் அதி⁴க³ந்துங் ஸோ, ஸக்கோதி யதி³ ஸுந்த³ரங்.
882.
நோ சே ஸக்கோதி ஸோ தேன,
தங் நிமித்தங் து யோகி³னா;
சக்கவத்திய க³ப்³போ⁴வ,
ரதனங் விய து³ல்லப⁴ங்.
883.
ஸததங் அப்பமத்தேன, ரக்கி²தப்³ப³ங் ஸதீமதா;
நிமித்தங் ரக்க²தோ லத்³த⁴ங், பரிஹானி ந விஜ்ஜதி.
884.
ஆரக்க²ணே அஸந்தம்ஹி, லத்³த⁴ங் லத்³த⁴ங் வினஸ்ஸதி;
ரக்கி²தப்³ப³ங் ஹி தஸ்மா தங், தத்ராயங் ரக்க²ணாவிதி⁴.
885.
ஆவாஸோ கோ³சரோ ப⁴ஸ்ஸங், புக்³க³லோ போ⁴ஜனங் உது;
இரியாபதோ²தி ஸத்தேதே, அஸப்பாயே விவஜ்ஜயே.
886.
ஸப்பாயே
ந சிரேனேவ காலேன, ஹோதி பி⁴க்கு²ஸ்ஸ அப்பனா.
887.
யஸ்ஸப்பனா ந ஹோதேவ, ஏவம்பி படிபஜ்ஜதோ;
அப்பனாய ச கோஸல்லங், ஸம்மா ஸம்பாத³யே பு³தோ⁴.
888.
அப்பனாய ஹி கோஸல்ல-மித³ங் த³ஸவித⁴ங் இத⁴;
க³ந்த²வித்தா²ரபீ⁴தேன, மயா விஸ்ஸஜ்ஜிதந்தி ச.
889.
ஏவஞ்ஹி
படிலத்³தே⁴ நிமித்தஸ்மிங், அப்பனா ஸம்பவத்ததி.
890.
ஏவம்பி படிபன்னஸ்ஸ, ஸசே ஸா நப்பவத்ததி;
ததா²பி ந ஜஹே யோக³ங், வாயமேதே²வ பண்டி³தோ.
891.
சித்தப்பவத்திஆகாரங்
ஸமதங் வீரியஸ்ஸேவ, யோஜயேத² புனப்புனங்.
892.
ஈஸகம்பி லயங் யந்தங், பக்³க³ண்ஹேதே²வ மானஸங்;
அச்சாரத்³த⁴ங் நிஸேதெ⁴த்வா, ஸமமேவ பவத்தயே.
893.
லீனதுத்³த⁴தபா⁴வேஹி, மோசயித்வான மானஸங்;
படிபா⁴க³னிமித்தாபி⁴-முக²ங் தங் படிபாத³யே.
894.
ஏவங் நிமித்தாபி⁴முக²ங், படிபாத³யதோ பன;
இதா³னேவப்பனா தஸ்ஸ, ஸா ஸமிஜ்ஜி²ஸ்ஸதீதி ச.
895.
ப⁴வங்க³ங் பன பச்சி²ஜ்ஜ, பத²வீகஸிணங் ததா²;
ததே³வாரம்மணங் கத்வா, மனொத்³வாரம்ஹி யோகி³னோ.
896.
ஜாயதேவஜ்ஜனங் சித்தங், தத்ரேவாரம்மணே ததோ;
ஜவனானி ச ஜாயந்தே, தஸ்ஸ சத்தாரி பஞ்ச வா.
897.
அவஸானே பனேகங் து, ரூபாவசரிகங் ப⁴வே;
தக்காத³யோ பனஞ்ஞேஹி, ப⁴வந்தி ப³லவத்தரா.
898.
அப்பனாசேதஸோ தானி, பரிகம்மோபசாரதோ;
வுச்சந்தி பரிகம்மானி, உபசாரானி சாதிபி.
899.
அப்பனாயானுலோமத்தா
யங் தங் ஸப்³ப³ந்திமங் எத்த², கொ³த்ரபூ⁴தி பவுச்சதி.
900.
க³ஹிதாக³ஹணேனெத்த², பரிகம்மப்பனாதி³கங்;
து³தியங் உபசாரங் தங், ததியங் அனுலோமகங்.
901.
சதுத்த²ங்
பட²மங் உபசாரங் வா, து³தியங் அனுலோமகங்.
902.
ததியங் கொ³த்ரபு⁴ தி³ட்ட²ங், சதுத்த²ங் அப்பனாமனோ;
சதுத்த²ங் பஞ்சமங் வாதி, அப்பேதி ந ததோ பரங்.
903.
ச²ட்டே² வா ஸத்தமே வாபி, அப்பனா நேவ ஜாயதி;
ஆஸன்னத்தா ப⁴வங்க³ஸ்ஸ, ஜவனங் பதி தாவதே³.
904.
புரிமேஹாஸேவனங் லத்³தா⁴, ச²ட்ட²ங் வா ஸத்தமம்பி வா;
அப்பேதீதி பனெத்தா²ஹ, கோ³த³த்தோ ஆபி⁴த⁴ம்மிகோ.
905.
தா⁴வந்தோ ஹி யதா² கோசி,
நரோ சி²ன்னதடாமுகோ²;
டா²துகாமோ பரியந்தே,
டா²துங் ஸக்கோதி நேவ ஸோ.
906.
ஏவமேவ பனச்ச²ட்டே², ஸத்தமே வாபி மானஸோ;
ந ஸக்கோதீதி அப்பேதுங், வேதி³தப்³ப³ங் விபா⁴வினா.
907.
ஏகசித்தக்க²ணாயேவ, ஹோதாயங் அப்பனா பன;
ததோ ப⁴வங்க³பாதோவ, ஹோதீதி பரிதீ³பிதங்.
908.
ததோ ப⁴வங்க³ங் சி²ந்தி³த்வா, பச்சவெக்க²ணஹேதுகங்;
ஆவஜ்ஜனங் ததோ ஜா²ன-பச்சவெக்க²ணமானஸங்.
909.
காமச்ச²ந்தோ³
குக்குச்சங் விசிகிச்சா² ச, பஹீனா பஞ்சிமே பன.
910.
விதக்கேன விசாரேன, பீதியா ச ஸுகே²ன ச;
ஏகக்³க³தாய ஸங்யுத்தங், ஜா²னங் பஞ்சங்கி³கங் இத³ங்.
911.
நானாவிஸயலுத்³த⁴ஸ்ஸ
இதோ சிதோ ப⁴மந்தஸ்ஸ, வனே மக்கடகோ விய.
912.
ஏகஸ்மிங்
‘‘ஸமாதி⁴ காமச்ச²ந்த³ஸ்ஸ, படிபக்கோ²’’தி வுச்சதி.
913.
பாமோஜ்ஜபா⁴வதோ சேவ, ஸீதலத்தா ஸபா⁴வதோ;
‘‘ப்³யாபாத³ஸ்ஸ ததோ பீதி, படிபக்கா²’’தி பா⁴ஸிதா.
914.
ஸவிப்பா²ரிகபா⁴வேன, நெக்க²ம்மாதி³பவத்திதோ;
‘‘விதக்கோ தி²னமித்³த⁴ஸ்ஸ, படிபக்கோ²’’தி வண்ணிதோ.
915.
அவூபஸந்தபா⁴வஸ்ஸ, ஸயஞ்சேவாதிஸந்ததோ;
‘‘ஸுக²ங் உத்³த⁴ச்சகுக்குச்ச-த்³வயஸ்ஸ படிபக்க²கங்’’.
916.
மதியா அனுரூபத்தா, ‘‘அனுமஜ்ஜனலக்க²ணோ;
விசாரோ விசிகிச்சா²ய, படிபக்கோ²’’தி தீ³பிதோ.
917.
பஞ்சங்க³விப்பயுத்தங் தங், ஜா²னங் பஞ்சங்க³ஸங்யுதங்;
ஸிவங் திவித⁴கல்யாணங், த³ஸலக்க²ணஸங்யுதங்.
918.
ஏவஞ்சாதி⁴க³தங் ஹோதி, பட²மங் தேன யோகி³னா;
ஸுசிரட்டி²திகாமேன, தஸ்ஸ ஜா²னஸ்ஸ ஸப்³ப³ஸோ.
919.
தங் ஸமாபஜ்ஜிதப்³ப³ங் து, விஸோதெ⁴த்வான பாபகே;
தங் ஸமாபஜ்ஜதோ தஸ்ஸ, ஸுசிரட்டி²திகங் ப⁴வே.
920.
சித்தபா⁴வனவேபுல்லங், பத்த²யந்தேன பி⁴க்கு²னா;
படிபா⁴க³னிமித்தங் தங், வட்³டே⁴தப்³ப³ங் யதா²க்கமங்.
921.
வட்³ட⁴னாபூ⁴மியோ த்³வே ச, உபசாரஞ்ச அப்பனா;
உபசாரம்பி வா பத்வா, வட்³டே⁴துங் தஞ்ச வத்ததி.
922.
அப்பனங் பன பத்வா வா, தத்ராயங் வட்³ட⁴னக்கமோ;
கஸிதப்³ப³ங் யதா²டா²னங், பரிச்சி²ந்த³தி கஸ்ஸகோ.
923.
யோகி³னா ஏவமேவம்பி, அங்கு³லத்³வங்கு³லாதி³னா;
பரிச்சி²ஜ்ஜ பரிச்சி²ஜ்ஜ, வட்³டே⁴தப்³ப³ங் யதி²ச்ச²கங்.
924.
பத்தேபி
ஸுசிண்ணவஸினா தேன, ப⁴விதப்³ப³ங் தபஸ்ஸினா.
925.
ஆவஜ்ஜனங் ஸமாபத்தி, அதி⁴ட்டா²னேஸு தீஸு ச;
வுட்டா²னபச்சவெக்கா²ஸு, வஸிதா பஞ்ச பா⁴ஸிதா.
926.
ஆவஜ்ஜித்வா அதி⁴ட்டி²த்வா, ஸமாபஜ்ஜ புனப்புனங்;
வுட்டி²த்வா பச்சவெக்கி²த்வா, வஸிதா பஞ்ச ஸாத⁴யே.
927.
பட²மே
உப⁴தோ ப⁴ட்டோ²ப⁴வே யோகீ³, பட²மா து³தியாபி ச.
928.
காமஸ்ஸஹக³தா ஸஞ்ஞா, மனக்காரா சரந்தி சே;
பமாத³யோகி³னோ ஜா²னங், ஹோதி தங் ஹானபா⁴கி³யங்.
929.
ஸதி ஸந்திட்ட²தே தஸ்மிங், ஸந்தா தத³னுத⁴ம்மதா;
மந்த³ஸ்ஸ யோகி³னோ ஜா²னங், ஹோதி தங் டி²திபா⁴கி³யங்.
930.
அதக்கஸஹிதா ஸஞ்ஞா, மனக்காரா சரந்தி சே;
அப்பமத்தஸ்ஸ தங் ஜா²னங், விஸேஸபா⁴கி³யங் ஸியா.
931.
நிப்³பி³தா³ஸங்யுதா ஸஞ்ஞா, மனக்காரா சரந்தி சே;
நிப்³பே³த⁴பா⁴கி³யங் ஜா²னங், ஹோதீதி பரிதீ³பிதங்.
932.
தஸ்மா பஞ்சஸு ஏதேஸு, ஸுசிண்ணவஸினா பன;
பட²மா பகு³ணதோ ஜா²னா, வுட்டா²ய விதி⁴னா ததோ.
933.
யஸ்மா அயங் ஸமாபத்தி, ஆஸன்னாகுஸலாரிகா;
தூ²லத்தா தக்கசாரானங், ததோயங் அங்க³து³ப்³ப³லா.
934.
இதி ஆதீ³னவங் தி³ஸ்வா, பட²மே பன யோகி³னா;
து³தியங் ஸந்ததோ ஜா²னங், சிந்தயித்வான தீ⁴மதா.
935.
நிகந்திங் பரியாதா³ய, ஜா²னஸ்மிங் பட²மே புன;
து³தியாதி⁴க³மத்தா²ய, காதப்³போ³ பா⁴வனக்கமோ.
936.
அத²ஸ்ஸ
ஸதஸ்ஸ ஸம்பஜானஸ்ஸ, ஜா²னங்க³ங் பச்சவெக்க²தோ.
937.
தூ²லதோ
ஸேஸமங்க³த்தயங் தஸ்ஸ, ஸந்தமேவோபதிட்ட²தி.
938.
தூ²லங்கா³னங் பஹானாய, ததா³ தஸ்ஸ ச யோகி³னோ;
ஸந்தங்க³படிலாபா⁴ய, நிமித்தங் து ததே³வ ச.
939.
‘‘பத²வீ பத²வி’’ச்சேவங், கரோதோ மனஸா புன;
இதா³னி து³தியஜ்ஜா²ன-முப்பஜ்ஜிஸ்ஸதி தங் இதி.
940.
ப⁴வங்க³ங் பன பச்சி²ஜ்ஜ, பத²வீகஸிணங் பன;
ததே³வாரம்மணங் கத்வா, மனொத்³வாரம்ஹி யோகி³னோ.
941.
ஜாயதாவஜ்ஜனங் சித்தங், தஸ்மிங் ஆரம்மணே ததோ;
ஜவனானி ஹி ஜாயந்தே, தஸ்ஸ சத்தாரி பஞ்ச வா.
942.
அவஸானே பனேகம்பி, தேஸங் ஜவனசேதஸங்;
ரூபாவசரிகங் ஹோதி, து³தியஜ்ஜா²னமானஸங்.
943.
ஸம்பஸாத³னமஜ்ஜ²த்தங், பீதியா ச ஸுகே²ன ச;
ஏகக்³க³தாய ஸங்யுத்தங், ஜா²னங் ஹோதி திவங்கி³கங்.
944.
ஹெட்டா² வுத்தனயேனேவ, ஸேஸங் ஸமுபலக்க²யே;
ஏவங் து³வங்க³ஹீனங் து, தீஹி அங்கே³ஹி ஸங்யுதங்.
945.
ஜா²னங்
து³தியாதி⁴க³தங் ஹோதி, பி⁴க்கு²னா பா⁴வனாமயங்.
946.
து³தியாதி⁴க³தே ஜா²னே, ஆகாரேஹி ச பஞ்சஹி;
ஸுசிண்ணவஸினா ஹுத்வா, து³தியேபி ஸதீமதா.
947.
தஸ்மா பகு³ணதோ ஜா²னா, வுட்டா²ய து³தியா புன;
ஆஸன்னதக்கசாராரி, ஸமாபத்தி அயங் இதி.
948.
பீதியா
பீதியா பன தூ²லத்தா, ததோயங் அங்க³து³ப்³ப³லா.
949.
தத்த²
நிகந்திங் பரியாதா³ய, ஜா²னஸ்மிங் து³தியே புன.
950.
ததியாதி⁴க³மத்தா²ய, காதப்³போ³ பா⁴வனக்கமோ;
அத²ஸ்ஸ து³தியஜ்ஜா²னா, வுட்டா²ய ச யதா³ பன.
951.
ஸதஸ்ஸ ஸம்பஜானஸ்ஸ, ஜா²னங்க³ங் பச்சவெக்க²தோ;
தூ²லதோ பீதுபட்டா²தி, ஸுகா²தி³ ஸந்ததோ பன.
952.
தூ²லங்கா³னங் பஹானாய, ததா³ தஸ்ஸ ச யோகி³னோ;
ஸந்தங்க³படிலாபா⁴ய, நிமித்தங் து ததே³வ ச.
953.
‘‘பத²வீ பத²வி’’ச்சேவங், கரோதோ மனஸா புன;
இதா³னி ததியங் ஜா²ன-முப்பஜ்ஜிஸ்ஸதி தங் இதி.
954.
ப⁴வங்க³ங் மனுபச்சி²ஜ்ஜ, பத²வீகஸிணங் பன;
ததே³வாரம்மணங் கத்வா, மனொத்³வாரம்ஹி யோகி³னோ.
955.
ஜாயதாவஜ்ஜனங் சித்தங், தஸ்மிங் ஆரம்மணே ததோ;
ஜவனானி ச ஜாயந்தே, தஸ்ஸ சத்தாரி பஞ்ச வா.
956.
அவஸானே பனேகங் து, தேஸங் ஜவனசேதஸங்;
ரூபாவசரிகங் ஹோதி, ததியஜ்ஜா²னமானஸங்.
957.
ஸதியா ஸம்பஜஞ்ஞேன, ஸம்பன்னங் து ஸுகே²ன ச;
ஏகக்³க³தாய ஸங்யுத்தங், து³வங்க³ங் ததியங் மதங்.
958.
ஹெட்டா² வுத்தனயேனேவ, ஸேஸங் ஸமுபலக்க²யே;
ஏவமேகங்க³ஹீனங் து, த்³வீஹி அங்கே³ஹி ஸங்யுதங்.
959.
ஜா²னங் திவித⁴கல்யாணங், த³ஸலக்க²ணஸங்யுதங்;
ததியாதி⁴க³தங் ஹோதி, பி⁴க்கு²னா பா⁴வனாமயங்.
960.
ததியாதி⁴க³தே
ஸுசிண்ணவஸினா ஹுத்வா, தஸ்மிங் பன ஸதீமதா.
961.
தஸ்மா பகு³ணதோ ஜா²னா, வுட்டா²ய ததியா புன;
ஆஸன்னபீதிதோ³ஸா ஹி, ஸமாபத்தி அயந்தி ச.
962.
யதே³வசெத்த²
ஏவங் ஸுக²ஸ்ஸ தூ²லத்தா, ஹோதாயங் அங்க³து³ப்³ப³லா.
963.
இதி
சதுத்த²ங் ஸந்ததோ தி³ஸ்வா, சேதஸா பன யோகி³னா.
964.
நிகந்திங் பரியாதா³ய, ஜா²னஸ்மிங் ததியே புன;
சதுத்தா²தி⁴க³மத்தா²ய, காதப்³போ³ பா⁴வனக்கமோ.
965.
அத²ஸ்ஸ ததியஜ்ஜா²னா, வுட்டா²ய ஹி யதா³ பன;
ஸதஸ்ஸ ஸம்பஜானஸ்ஸ, ஜா²னங்க³ங் பச்சவெக்க²தோ.
966.
தூ²லதோ தஸ்ஸுபட்டா²தி, ஸுக²ங் தங் மானஸங் ததோ;
உபெக்கா² ஸந்ததோ தஸ்ஸ, சித்தஸ்ஸேகக்³க³தாபி ச.
967.
தூ²லங்க³ஸ்ஸ பஹானாய, ஸந்தங்க³ஸ்ஸூபலத்³தி⁴யா;
ததே³வ ச நிமித்தஞ்ஹி, ‘‘பத²வீ பத²வீ’’தி ச.
968.
கரோதோ மனஸா ஏவ, புனப்புனஞ்ச யோகி³னோ;
சதுத்த²ங் பனித³ங் ஜா²னங், உப்பஜ்ஜிஸ்ஸதி தங் இதி.
969.
ப⁴வங்க³ங் பனுபச்சி²ஜ்ஜ, பத²வீகஸிணங் ததா²;
ததே³வாரம்மணங் கத்வா, மனொத்³வாரம்ஹி யோகி³னோ.
970.
ஜாயதாவஜ்ஜனங் சித்தங், தஸ்மிங் ஆரம்மணே ததோ;
ஜவனானி ச ஜாயந்தே, தஸ்ஸ சத்தாரி பஞ்ச வா.
971.
அவஸானே பனேகங் து, தேஸங் ஜவனசேதஸங்;
ரூபாவசரிகங் ஹோதி, சதுத்த²ஜ்ஜா²னமானஸங்.
972.
ஏகங்க³விப்பஹீனங்
சதுத்த²ங் பனித³ங் ஜா²னங், து³வங்க³ந்தி பவுச்சதி.
973.
ஏவங் திவித⁴கல்யாணங், த³ஸலக்க²ணஸங்யுதங்;
சதுத்தா²தி⁴க³தங் ஹோதி, பி⁴க்கு²னா பா⁴வனாமயங்.
974.
யஸ்மா ஸுக²முபெக்கா²ய, ந ஹோதாஸேவனங் பன;
உபெக்கா²ஸஹக³தானேவ, ஜவனானி ஜவந்தி ச.
975.
உபெக்கா²ஸஹக³தங்
அயமெத்த² விஸேஸோ ஹி, ஸேஸங் வுத்தனயங் பன.
976.
யங் சதுக்கனயே ஜா²னங், து³தியங் தங் த்³விதா⁴ பன;
கத்வான பஞ்சகனயே, து³தியங் ததியங் கதங்.
977.
ததியங் தங் சதுத்த²ஞ்ச, சதுத்த²ங் பஞ்சமங் இத⁴;
பட²மங் பட²மங்யேவ, அயமெத்த² விஸேஸதா.
978.
ஏவமெத்தாவதா வுத்தா, நாதிஸங்கே²பதோ மயா;
நாதிவித்தா²ரதோ சாயங், ரூபாவசரபா⁴வனா.
979.
ஸுமது⁴ரவரதரவசனோ, கங் நு ஜனங் நேவ ரஞ்ஜயதி;
அதினிஸிதவிஸத³பு³த்³தி⁴-பஸாத³ஜன வேத³னீயோயங்.
இதி அபி⁴த⁴ம்மாவதாரே ரூபாவசரஸமாதி⁴பா⁴வனானித்³தே³ஸோ
நாம சுத்³த³ஸமோ பரிச்சே²தோ³.