11. ஏகாத³ஸமோ பரிச்சே²தோ³
விபஸ்ஸனாவிபா⁴கோ³
1506.
த்³விதா⁴ ஸமுட்டா²னது⁴ரா, திவிதா⁴ பூ⁴மியோ மதா;
திவிதா⁴பி⁴னிவேஸா ச, ஸரீரங் து சதுப்³பி³த⁴ங்.
1507.
திவிதா⁴ பா⁴வனா தத்த², ஸங்கா²ரேஸு யதா²ரஹங்;
து³விதா⁴காரமாரப்³ப⁴, நிஜ்ஜா²யதி திலக்க²ணங்.
1508.
அட்டா²ரஸாகாரபி⁴ன்னா, த³ஸாவத்தா² விபா⁴விதா;
திதா⁴ விபா⁴கா³ ஸாதே⁴தி, விமொக்க²த்தயமுத்தமங்.
1509.
சதுஸச்சபடிவேதா⁴, ஸத்தட்டா²ரியபுக்³க³லா;
க்லேஸஹானீ யதா²யோக³ங், சதஸ்ஸோ படிஸம்பி⁴தா³.
1510.
திவிதா⁴
நிஸ்ஸந்த³ப²லமிச்சாஹு, தஸ்ஸா ஸாஸனகோவிதா³.
1511.
விபஸ்ஸனாபா⁴வனாய-மிதி பா⁴ஸந்தி பண்டி³தா;
தமிதா³னி பவக்கா²மி, யதா²னுக்கமதோ கத²ங்.
1512.
பூ⁴மித⁴ம்மே
ஸதியா ஸமதா² வாத², ஸமுட்டா²தி விபஸ்ஸனா.
1513.
ஸபா⁴வபடிவேதே⁴ ச, ஸத்³த⁴ம்மபடிபத்தியங்;
பஞ்ஞாஸத்³தா⁴த்³வயங் தஸ்ஸா, து⁴ரமாஹு து⁴ரந்த⁴ரா.
1514.
தேபூ⁴மகஸபா⁴வானங், ஸப்பச்சயபரிக்³க³ஹோ;
ஞாதபரிஞ்ஞா நாமாயங், பூ⁴மீதி பட²மா மதா.
1515.
கலாபதோ ஸம்மஸனங், உத³யப்³ப³யத³ஸ்ஸனங்;
பரிஞ்ஞாதீரணா நாம, து³தியா பூ⁴மி பா⁴ஸிதா.
1516.
பஹானபரிஞ்ஞா பூ⁴மி, ததியாஹு ததோபரங்;
ப⁴ங்கா³தி³ஞாணமிச்சேவங், திவிதா⁴ பூ⁴மியோ மதா.
1517.
க²ணஸந்ததிஅத்³தா⁴ன-வஸேனெத்த² ஸமீரிதா;
அனிச்சா து³க்கா²னத்தாதி, திவிதா⁴பி⁴னிவேஸனா.
1518.
தி³ட்டி²கங்கா²விதரணா, மக்³கா³மக்³க³படிப்பதா³;
விஸுத்³தி⁴யோ சதஸ்ஸோபி, ஸரீரந்தி நித³ஸ்ஸிதா.
1519.
ஸலக்க²ணவவத்தா²னங், பச்சயாகாரனிச்ச²யோ;
கும்மக்³க³பரிஹாரோ ச, திலக்க²ணவிபஸ்ஸனா.
1520.
இதி லக்க²ணபி⁴ன்னத்தா, லப்³ப⁴ந்தேகக்க²ணேபி ச;
தே³ஸிதா ஹேதுபூ⁴தேன, கமேனேவங் விஸுத்³தி⁴யோ.
1521.
ஸீலப்³பி³ஸுத்³தி⁴ஆதீ³னங், ததா² ஸாவ பரம்பரா;
சித்தப்³பி³ஸுத்³தி⁴ஆதீ³னமத்தா²யாதி பகாஸிதா.
1522.
தி³ஸ்ஸமானஸபா⁴வானங், பஸ்ஸந்தோ பச்சயட்டி²தி;
பரிபந்த²விமுத்தோ ஹி, படிபாதே³தி பா⁴வனங்.
1523.
ததா²பி
தத்த² தத்த² விபூ⁴தத்தா, டா²னதோ பே⁴தி³தா கத²ங்.
1524.
ரூபபுப்³ப³ங்க³மங்
அஜ்ஜ²த்தங் வா ப³ஹித்³தா⁴ வா, யதா²பாகடத⁴ம்மதோ.
1525.
நாமரூபாதி³பே⁴தே³ன, பூ⁴மித⁴ம்மபரிக்³க³ஹோ;
வுத்தா தி³ட்டி²விஸுத்³தீ⁴தி, அத்ததி³ட்டி²ப்பஹானதோ.
1526.
ஆஹச்ச பச்சயுப்பன்னா, ததா² தப்³பா⁴வபா⁴வினோ;
பவத்தந்தீதி ஸங்கா²ரே, பஸ்ஸதோ பன யோனிஸோ.
1527.
பச்சயக்³கா³ஹினீ பஞ்ஞா, நாமரூபப்பவத்தியா;
கங்கா² தரந்தி தாயாதி, கங்கா²விதரணா மதா.
1528.
அனிச்சா து³க்கா²னத்தாதி, பச்சயாயத்தவுத்திதோ;
ஸங்கி²பித்வா கலாபேன, ஸம்மஸீயந்தி ஸங்க²தா.
1529.
உப்பாத³வயபா⁴வோபி, லக்க²ணத்தயஸாத⁴கோ;
பச்சயாகாரமாரப்³ப⁴, லக்கீ²யதி விஸேஸதோ.
1530.
தஸ்மா ஸம்மஸனஞாணங், உத³யப்³ப³யத³ஸ்ஸனங்;
கங்கா²விதரணாயங் து, ஸங்க³ய்ஹதி விஸுத்³தி⁴யங்.
1531.
தத்த² ஸங்க்லேஸவிக்கே²பங், கும்மக்³க³ங் பரிவஜ்ஜதோ;
மக்³கா³மக்³க³விஸுத்³தீ⁴தி, ஞாணத³ஸ்ஸனமீரிதங்.
1532.
ததோ கதெ²ந்தி அக்லிட்ட²முத³யப்³ப³யத³ஸ்ஸனங்;
ஆதி³ங் கத்வா படிபதா³ஞாணத³ஸ்ஸனஸுத்³தி⁴யங்.
1533.
பச்சயபச்சயுப்பன்னே, யதா²வத்து²வவத்தி²தே;
பஹாதுமீஹமானானங், நிய்யானபடிபத்திதோ.
1534.
உபக்லேஸவிஸுத்³தோ⁴ ஹி, புனதே³வோத³யப்³ப³யங்;
அதி⁴ட்ட²ஹித்வா ப⁴ங்கா³தி³-ஞாணேஹி படிபஜ்ஜதி.
1535.
ததா²
ஸங்வேக³கட்³டி⁴தங் ஞாணங், ப⁴ங்கா³தி³மனுதிட்ட²தி.
1536.
ததோ
படிபத்திவிஸுத்³தீ⁴தி, ந ஸங்க³ய்ஹதி பா⁴வனா.
1537.
ஸம்பாதெ³ந்தோ பனிச்சேதா, சதஸ்ஸோபி விஸுத்³தி⁴யோ;
அனிச்சா து³க்கா²னத்தாதி, பா⁴வெய்ய திவிதா⁴ கத²ங்.
1538.
பச்சயபச்சயுப்பன்னா, ஜாதானந்தரபே⁴தி³னோ;
அனிச்சா ச பப⁴ங்கூ³ ச, பலுஜ்ஜந்தி சவந்தி ச.
1539.
அத்³து⁴வா ச அஸாரா ச, விப⁴வா ச வினாஸினோ;
ஸங்க²தா விபரிணாம-த⁴ம்மா இத்தரகாலிகா.
1540.
க²யத⁴ம்மா வயத⁴ம்மா, லஹுகாலப்பவத்தினோ;
தாவகாலிகத⁴ம்மா ச, பரித்தட்டி²திகா ததா².
1541.
க²ணத்தயபரிச்சி²ன்னா, புப்³பா³பரவிசித்தகா;
புரக்க²தா நிரோத⁴ஸ்ஸ, ஸஸ்ஸதா ந குதா³சனங்.
1542.
ஜாயந்தி பரிஹானாய, ந து ஜாயந்தி வுத்³தி⁴யா;
ஜிய்யமானாவ திட்ட²ந்தி, ஜிண்ணா ப⁴ங்க³பராயணா.
1543.
அஹுத்வாயேவுப்பஜ்ஜந்தி, ந குதோசிபி ஆக³தா;
ஹுத்வா அந்தரதா⁴யந்தி, ந து கத்த²சி ஸஞ்சிதா.
1544.
தங் தங் பச்சயஸாமக்³கி³-மத்தலாபா⁴ய நிஸ்ஸிதா;
நிரோத⁴த⁴ம்மா ஜாயந்தி, ஜாதா ப்³யந்தி ப⁴வந்தி தே.
1545.
யதா² நதீ³ பப்³ப³தெய்யா, யதா² தீ³பஸிகா² ததா²;
ஸீக⁴ஸீக⁴ங் பவத்தந்தா, உப்பஜ்ஜந்தி வயந்தி ச.
1546.
ஜாதா ஜாதா நிருஜ்ஜ²ந்தி, அஞ்ஞே அஞ்ஞே து ஜாயரே;
அவீசி அனுஸம்ப³ந்தா⁴, ந ஜானந்தி விஸேஸதோ.
1547.
இதி
அனிச்சபா⁴வனங் தீ⁴ரோ, பரிபாசேதி ஸாது⁴கங்.
1548.
து³க்கா²
ரோகா³ க³ண்டா³ ச ஸல்லா ச, அக⁴தோ ச உபத்³த³வா.
1549.
ப⁴யோபஸக்³கா³க⁴மூலா,
ஸாஸவாதீ³னவீதிதா;
அலேணாஸரணாதாணா,
வத⁴கா மாரகாமிஸா.
1550.
ஜாதித⁴ம்மா ஜராப்³யாதி⁴-
ஸோகோபாயாஸபா⁴கி³னோ;
பரிதே³வஸபா⁴வா ச,
ஸங்க்லேஸா து³க்க²பா⁴கி³னோ.
1551.
ஜேகு³ச்சா² படிகூலா ச, பீ³ப⁴ச்சா² ச விரூபினோ;
அஜஞ்ஞா சபலா ஹீனா, து³க்³க³ந்தா⁴ பா³லஸேவிதா.
1552.
ஸோகந்தரிகதானிச்சங், தண்ஹாய கட்³டி⁴தா பு⁴ஸங்;
கபணா து³க்³க³தா தீ³னா, விபன்னா ச விகா⁴தினோ.
1553.
அத்தலாப⁴ங் க³வேஸந்தி, தங்தங்பச்சயனிஸ்ஸிதா;
து³க்கா²தி⁴ட்டா²னமச்சந்தங், ஜாதா புன விஹஞ்ஞரே.
1554.
அக்³கி³கூபே நிமுக்³கா³வ, க்லேஸஸந்தாபபா⁴கி³னோ;
ஓவித்³தா⁴ விய ஸத்தீஹி, ஸங்கா²ரா நிச்சது³க்கி²தா.
1555.
ஜாயமானா ச ஜிய்யந்தா, மிய்யந்தா ச க²ணே க²ணே;
பஸுகா விய நிச்சம்மா, ஹஞ்ஞந்தி ஸேரிகாதுரா.
1556.
திலானி திலயந்தேவ, உச்சு²யந்தேவ உச்சு²யோ;
உத³யப்³ப³யாவஸ்ஸங் தே, பீளயந்தி அபி⁴ண்ஹஸோ.
1557.
மனோரமனவாகாரா
இரியாபத²ஸஞ்ச²ன்னா, நோபதிட்ட²ந்தி து³க்க²தோ.
1558.
ஸங்கா²ரேஸு
ஸாவ ஸந்து³லஸம்ப³த்³தா⁴, ஸம்மோஹபரிவாரிதா.
1559.
‘‘அது³ங் து³க்க²மித³ங் து³க்க²’’-மிதி ஸங்ஸாரசாரினோ;
து³க்க²ஹேதுமஜானந்தா, ஸம்ப⁴மந்தி அவித்³த³ஸு.
1560.
ஸுகா²காரமபஸ்ஸந்தா, து³க்க²பா⁴ரனிபீளிதா;
பத்தெ²ந்தி து³க்க²மேவஞ்ஞங், பா³லா ப்³யஸனபா⁴கி³னோ.
1561.
சவந்தா உபபஜ்ஜந்தா, ருக்க²ஸாக²ங்வ மக்கடோ;
து³க்க²மேகங் விமுச்சந்தி, ததோ க³ண்ஹந்தி சாபரங்.
1562.
தே தீ³க⁴ரத்தங் ஸோசந்தி, தண்ஹாஸல்லஸமப்பிதா;
தி³ட்டி²பாஸஸமுபேதா, மானத்த²ம்பா⁴னுஸாயினோ.
1563.
தமாகாரங் பனிச்சேவங், விபஸ்ஸந்தோ விஸாரதோ³;
து³க்கா²னுபஸ்ஸனங் நாம, பரிபாசேதி பா⁴வனங்.
1564.
த⁴ம்மட்டி²தினியாமா ஹி, க²ந்தா⁴யதனதா⁴துயோ;
அனத்தாஸஸ்ஸதந்தா ச, ஈஹாபோ⁴க³விவஜ்ஜிதா.
1565.
பயோஜனமதி⁴ட்டா²ய, ந து ப்³யாபாரயந்தி ச;
பச்சயபச்சயுப்பன்னா, ஜனேதுங் வாத² ஜாயிதுங்.
1566.
ததா²பி ஹேதுஸாமக்³கி³-ஸம்ப⁴வே ஸம்ப⁴வந்தி தே;
தப்³பா⁴வபா⁴விபா⁴வேன, அஞ்ஞமஞ்ஞபவத்திதா.
1567.
அஜாயிதுங் ந ஸக்கொந்தி, ஸதி பச்சயஸம்ப⁴வே;
பச்சயானமலாபே⁴ து, ந ஜாயந்தி குதா³சனங்.
1568.
ந கிஞ்செத்த² அபெக்கி²த்வா, ஸமக்³கா³ ஹொந்தி பச்சயா;
ந ஜனேதுங் ந ஸக்கொந்தி, ஸமக்³கா³ ச குதா³சனங்.
1569.
யதா²பச்சயலாபே⁴ன
ரக்கி²தா வா விதா⁴தா வா, நத்தி² அஸ்ஸாமிகா ததா².
1570.
‘‘அஹங்
விஸ்ஸஸந்தா ஹரந்தேதே, பராபூ⁴தா பலம்பி⁴னோ.
1571.
ரித்தா துச்சா² ச ஸுஞ்ஞா ச, விவித்தா ஸாரவஜ்ஜிதா;
ஸலக்க²ணபரிச்சி²ன்னா, த⁴ம்மா நத்தெ²த்த² புக்³க³லோ.
1572.
ஜாயமானா ச ஜிய்யந்தா, மிய்யமானா ச ஸங்க²தா;
விவஸா பரிவத்தந்தி, வஸோ தேஸங் ந கத்த²சி.
1573.
ந தேஸு கஸ்ஸசிஸ்ஸேரங், ந தேஸஞ்சத்தி² கத்த²சி;
ந சத்தனீதி ஸங்கா²ரா, ஆதி⁴பச்சவிவஜ்ஜிதா.
1574.
கத³லீபத்தவட்டீவ, அஞ்ஞமஞ்ஞபதிட்டி²தா;
ஸஹஜாதக்³க⁴னீபூ⁴தா, நோபட்ட²ந்தி அனத்ததோ.
1575.
அரூபனிஸ்ஸிதங் ரூபங், அரூபங் ரூபனிஸ்ஸிதங்;
ஜச்சந்த⁴பீட²ஸப்பீவ, அஞ்ஞமஞ்ஞவவத்தி²தங்.
1576.
யந்தஸுத்தேன யந்தங்வ, காயயந்தங் பவத்ததி;
நாமாவகட்³டி⁴தங் தத்த², நத்தி² அத்தா ஸயங்வஸீ.
1577.
சேதோவிப்பா²ரனிப்ப²ன்னா, வாயோதா⁴துஸமுட்டி²தா;
இரியாபத²விஞ்ஞத்திவிகாரா பாலகா மதா.
1578.
ஓவித்³த⁴வேத³னாஸல்லவிகாரபரிணாமதோ;
பா³லானங் சித்தனிப்ப²ன்னா, அத்தாதி பரிகப்பனா.
1579.
ஸுத்³த⁴ஸங்கா²ரபுஞ்ஜோயங், நெத்த² ஸத்தோபலப்³ப⁴தி;
தங் தங் பச்சயமாக³ம்ம, து³க்க²க்க²ந்தோ⁴வ ஜாயதி.
1580.
ஏவமாதி³ப்பகாரேஹி, விபஸ்ஸந்தோ அனத்ததோ;
அனத்தபா⁴வனங் நாம, பா⁴வேதீதி பவுச்சதி.
1581.
பா⁴வெந்தோ திவித⁴ம்பேதங், நிஜ்ஜா²யதி திலக்க²ணங்;
நிமித்தஞ்ச பவத்தஞ்ச, ஸமாரப்³ப⁴ யதா²க்கமங்.
1582.
அத்தலாப⁴னிமித்தஞ்ச
தப்³பா⁴வபா⁴விபா⁴வேன, லக்கீ²யந்தி நிமித்ததோ.
1583.
ஜாயமானா ச ஜிய்யந்தா, மிய்யமானா ச ஸங்க²தா;
தங் தங் பா⁴வமதிக்கம்ம, பவத்தந்தி க²ணே க²ணே.
1584.
ஹேதுனிஸ்ஸயனாகாரோ, நிமித்தந்தி ததோ மதோ;
பவத்தங் வத்தனாகாரோ, க²ணஸந்ததிஅத்³த⁴தோ.
1585.
அபுப்³பா³பி⁴னவுப்பத்தி, உப்பாதோ³தி பகாஸிதோ;
புப்³பா³பரியஸந்தா⁴னங், படிஸந்தீ⁴தி பா⁴ஸிதா.
1586.
ஆயூஹந்தீதி வுச்சந்தி, தத³த்த²ங் பன வாவடா;
இச்சாதி³பரியாயேஹி, ப³ஹ்வாகாராபி ஸங்க²தா.
1587.
நிமித்தே ச பவத்தே ச, வத்து²தோ யந்தி ஸங்க³ஹங்;
தங் த்³வயாகாரமாரப்³ப⁴, பதிட்டா²தி திலக்க²ணங்.
1588.
பச்சயாதீ⁴னத⁴ம்மானங், உப்பாத³வயலக்கி²தா;
அனிச்சதானிமித்தட்டா², பவத்தேஸு ந பாகடா.
1589.
புப்³பா³பரவிசித்தானமஸமத்தா²னமத்தனி;
ஸன்னிஸ்ஸயேன நிப்ப²ன்னோ, பா⁴வது³ப்³ப³ல்யஸாத⁴கோ.
1590.
ஹேதுஸங்கா²தபா⁴வோ ஹி, ஸங்கா²ரானமனிச்சதா;
பவத்தமானா த³ஸ்ஸேதி, தங் ஸபா⁴வங் பனத்தனோ.
1591.
நிச்சா து⁴வா சே ஸங்கா²ரா, கஸ்மா பெக்க²ந்தி பச்சயே;
அஹுத்வா யதி³ நிஸ்ஸாய, ஜாதா கா தத்த² நிச்சதா;
1592.
அத்தலாப⁴ங் லபி⁴த்வான, ஹேதுஸாமக்³கி³லாப⁴தோ;
யாபெஸ்ஸந்தி தமஞ்ஞத்ர, கத²ங் நாமத்தது³ப்³ப³லா.
1593.
பச்சயே அனபெக்கி²த்வா, யதி³ நத்தி² ஸமத்த²தா;
அத்தலாபூ⁴பலாபா⁴ய, கிங் ஸமத்தா²னுபாலனே;
1594.
ஜனகா
பரிஹாரிதுமாரத்³தா⁴, ஜியா கி²த்தஸரோ யதா².
1595.
அச்சீவ வட்டினிக்க²ந்தா, மேக⁴முத்தாவ விஜ்ஜுதா;
பச்சயுத்³த⁴டவிஸ்ஸட்டா², த⁴ம்மா ப⁴ங்க³பராயணா.
1596.
தஸ்மா நிமித்தமாகாரங், பஸ்ஸந்தோ ஸ விபஸ்ஸகோ;
‘‘வினஸ்ஸந்தி அவஸ்ஸ’’ந்தி, ஸத்³த³ஹந்தோ விமுச்சதி.
1597.
அனிச்சதோ ததா² ஹேவங், விபஸ்ஸந்தஸ்ஸ யோகி³னோ;
ஸத்³தா⁴விமொக்க² பா³ஹுல்யங், ப⁴வதீதி பகாஸிதங்.
1598.
இதி ஸங்கா²ரத⁴ம்மேஸு, நிமித்தாகாரனிச்சி²தங்;
அனிச்சலக்க²ணங் தீ⁴ரோ, நிஜ்ஜா²யதி நியாமதோ.
1599.
பா³த⁴கத்தப⁴யாகாரா, பவத்தே து³க்கி²தா விய;
பவத்தமானா பீளெந்தி, ஸங்கா²ரா ச ப⁴யாவஹா.
1600.
உப்பாதா³பி⁴னவாகாரங், அதிக்கம்ம ததோ பரங்;
ஜராஜச்சரிதா ஹுத்வா, ப⁴ஞ்ஜமானா கத²ங் ஸுகா².
1601.
தஸ்மா பவத்தமாகாரங், நிஜ்ஜா²யந்தோ நிரந்தரங்;
ஸங்கா²ரே து³க்க²தோ தி³ஸ்வா, ஹித்வான பணிதி⁴ங் தஹிங்.
1602.
ததா³யூஹனநிஸ்ஸங்கோ³, பஸ்ஸத்³த⁴த³ரதோ² ஸுகீ²;
ஸமாதி⁴ப³ஹுலோ யோகீ³, வூபஸந்தோதி வுச்சதி.
1603.
ப்³யாபாரவஸிதாகாரங், ஸங்கா²ரானங் விபஸ்ஸதோ;
நிமித்தே ச பவத்தே ச, உபட்டா²தி அனத்ததோ.
1604.
அனத்தாதீ⁴னநிப்ப²ன்னா, வஸாதீதப்பவத்தினோ;
பா⁴வது³ப்³ப³ல்யனிஸ்ஸாரா, கத²மத்தா ப⁴விஸ்ஸரே.
1605.
தமேவங் படிவிஜ்ஜ²ந்தோ, மஞ்ஞதானத்தலக்க²ணங்;
விபஸ்ஸனாரஸஸ்ஸாதீ³, ஸங்வேக³ப³ஹுலோ ப⁴வே.
1606.
இச்சாஹச்ச
வவத்தி²தோ தத்த² தத்த², தங்தங்லக்க²ணனிச்ச²யோ.
1607.
ததா²பிபாகடட்டா²னே
வவத்த²பேதி ஸங்கா²ய, லக்க²ணானி விசக்க²ணோ.
1608.
உப்பாத³வயபா⁴வேன, தி³ஸ்ஸமானா ஹி ஸங்க²தா;
புப்³பா³பரவிவேகேன, த³ஸ்ஸெந்தி தத³னிச்சதங்.
1609.
ததா² ச விபரிணாமங், விபஸ்ஸந்தோ விஸாரதோ³;
நிமித்தப²லனிப்ப²ன்னங், தமத்த²மதி⁴முச்சதி.
1610.
து³க்க²ப்பவத்திஹேதுத்தா, நிமித்தமபி பண்டி³தோ;
ப⁴யாவஹனியாமேன, பா³த⁴கந்தேவ பஸ்ஸதி.
1611.
ததா² ஹி பச்சயாரப்³ப⁴, ஸங்கா²ரா நிஸ்ஸயந்தி சே;
ததோவஸ்ஸங் ப⁴விஸ்ஸந்தி, மஹப்³ப⁴யஸமோஹிதா.
1612.
நிரோத⁴த⁴ம்மா ஜாயந்தி, ஸல்லவித்³தா⁴வ து³க்கி²தா;
ஜராதுரா விபஜ்ஜந்தா, பி⁴ஜ்ஜந்தாவ விகா⁴தினோ.
1613.
தேனேவானிச்சதோ தி³ட்டா², து³க்க²பா⁴வேன கா²யரே;
ஸங்க²தத்தா ஸபா⁴வோ ஹி, து³க்கா²ய பரிவத்ததி.
1614.
அனிச்சா புன ஸங்கா²ரா, து³க்கா²தி ச வவத்தி²தா;
அனத்தத்தனியாமேன, நித³ஸ்ஸெந்தி ஸலக்க²ணங்.
1615.
கத²ங் அத்தபராதீ⁴னா, பச்சயுப்பன்னப⁴ங்கு³ரா;
விபத்தினியதா வாத², பா³த⁴மானா ப⁴யாவஹா.
1616.
ஆஹச்சாகாரபே⁴தே³ன, திவிதா⁴ ஹி விபஸ்ஸனா;
அனிச்சா து³க்கா²னத்தாதி, அயமெத்த² வினிச்ச²யோ.
1617.
திதா⁴பூ⁴தா பனிச்சேதா, பஹானாகாரபே⁴தி³தா;
மஹாவிபஸ்ஸனா நாம, அட்டா²ரஸவிதா⁴ கத²ங்.
1618.
ஹேதுஸாமக்³கி³னிப்ப²ன்னமனிச்சந்தி
அனிச்சதங் விபஸ்ஸந்தோ, நிச்சஸஞ்ஞங் விமுஞ்சதி.
1619.
அனிச்சதாயாதி⁴ட்டா²னநிமித்தங்
அனிமித்தே விமுச்சந்தீ, அனிமித்தானுபஸ்ஸனா.
1620.
நிருஜ்ஜ²மானத⁴ம்மானங், ப்³யந்திபா⁴வங் விபஸ்ஸதோ;
ஸமுத³யங் பஜஹந்தீ, நிரோதா⁴அனுபஸ்ஸனா.
1621.
ஸிதி²லா ஜாது நிஸ்ஸாரா, து³ப்³ப³லா லஹுகா⁴தினோ;
க²யத⁴ம்மாதி ஸங்கா²ய, க⁴னஸஞ்ஞங் விமுஞ்சதி.
1622.
அத்தலாப⁴மதிக்கம்ம, வயந்தீதி விசிந்தயங்;
ஜஹதாயூஹனங் தத்த², புத்தே ஸூதிபஜா விய.
1623.
அனவத்திதபா⁴வானங், அஞ்ஞத²த்தங் விபஸ்ஸதோ;
விகாரபரிணாமேஸு, து⁴வஸஞ்ஞா விரஜ்ஜதி.
1624.
ஆலம்ப³ஞ்ச ததா³லம்ப³-ஞாணப⁴ங்க³ஞ்ச பா⁴வயங்;
ஸாராதா³னாபி⁴னிவேஸங், அதி⁴பஞ்ஞாய முச்சதி.
1625.
இச்சானிச்சானிமித்தா ச, நிரோதா⁴ ச க²யா வயா;
விபரீணாமாதி⁴ஸஞ்ஞா, த⁴ம்மானுபஸ்ஸனாதி ச.
1626.
ஸத்தானுபஸ்ஸனாபே⁴த³மனிச்சாகாரத³ஸ்ஸனங்;
நிச்சஸஞ்ஞாதி³ப⁴ங்கா³ய, பரிதீ³பெந்தி பண்டி³தா.
1627.
தங் தமாகாரமாரப்³ப⁴, ததா² பா³ஹுல்யவுத்திதோ;
தங்லக்க²ணானுக³தா ச, பே⁴தா³ தஸ்ஸேவ ஸத்ததா⁴.
1628.
ஸுக²ஸஞ்ஞங் நிஸ்ஸஜ்ஜந்தீ, வுத்தா து³க்கா²னுபஸ்ஸனா;
நிப்³பி³ன்னா நிப்³பி³தா³ஞாணங், விராகா³ ராக³வஜ்ஜிதா.
1629.
ஜாதாப்பணிஹிதா நாம, முஞ்சந்தீ பணிதி⁴ங் ததா²;
நிராலயாபி⁴னிவேஸா, ஆதீ³னவானுபஸ்ஸனா.
1630.
பஞ்சானுபஸ்ஸனாபே⁴த³ங்
ஸுக²ஸஞ்ஞாதி³ப⁴ங்கா³ய, பவத்தந்தி பகாஸிதங்.
1631.
அனத்ததோ
ஜஹதத்தாபி⁴னிவேஸங், ஜா²யந்தோ புன ஸுஞ்ஞதோ.
1632.
த்³வயானுபஸ்ஸனாபே⁴த³மனத்தாகாரத³ஸ்ஸனங்;
அத்தஸஞ்ஞாபி⁴னிவேஸங், விமொக்கா²ய விபா⁴விதுங்.
1633.
படினிஸ்ஸக்³க³தோ தி³ஸ்வா, ஸங்கா²ரேஸு திலக்க²ணங்;
ஜஹந்தோ ஸங்க²தாதா³னங், பக்க²ந்த³தி அஸங்க²தே.
1634.
யதா²பூ⁴தேன ஞாணேன, விபஸ்ஸந்தோ விமுச்சதி;
ஸம்மோஹாபி⁴னிவேஸம்ஹா, அவிபல்லத்த²த³ஸ்ஸனோ.
1635.
மோஹதாபோ⁴க³விமுத்தா, படிஸங்கா²னுபஸ்ஸனா;
ஜஹந்தப்படிஸங்க²ங் து, படிஸங்கா²ய லக்க²ணங்.
1636.
தி³ட்டி²ஸங்கா²ததோ³ஸத்தா, விபா⁴வெந்தோ விவட்டதோ;
ஸங்யோகா³பி⁴னிவேஸம்ஹா, படிலீனோ விமுச்சதி.
1637.
முச்சீதுகம்யதாஞாணங், படினிஸ்ஸக்³க³ஸம்மதங்;
யதா² பூ⁴தங் ததா² ஞாணங், பச்சயாகாரனிஸ்ஸிதங்.
1638.
ஸங்கா²ருபெக்கா²ஞாணங் து, படிஸங்கா²னுபஸ்ஸனா;
வுட்டா²னகா³மினீ நாம, விவட்டந்தி பவுச்சதி.
1639.
சதஸ்ஸோபி பனிச்சேதா, ஆதா³னாதி³ப்பப⁴ஞ்ஜிதா;
லக்க²ணத்தயமாஹச்ச, பவத்தந்தி யதா² ததா².
1640.
நிமித்தமாரப்³ப⁴ ததா² பவத்தங்,
திலக்க²ணங் ஜா²யதி யாய யோகீ³;
தமித்த²மட்டா²ரஸபே⁴த³பி⁴ன்னங்,
விபஸ்ஸனாபா⁴வனமாஹு தீ⁴ரா.
1641.
விபஸ்ஸனானயமிமமுத்தமங்
நித³ஸ்ஸிதங் ஜினவசனானுஸாரதோ;
விபா⁴வயங் மனஸி ஹிதாவஹங் பரங்,
நிராமயங் பத³மனுபாபுணிஸ்ஸதி.
இதி நாமரூபபரிச்சே²தே³ விபஸ்ஸனாவிபா⁴கோ³ நாம
ஏகாத³ஸமோ பரிச்சே²தோ³.