ஸோளஸமோ பரிச்சே²தோ³
16. சித்துப்பாத³கதா²
533.
சித்துப்பாதே³ஸு த⁴ம்மானங், இதி ஞத்வா வினிச்ச²யங்;
சித்துப்பாதா³னமேவாத², ஞாதப்³போ³ பே⁴த³ஸங்க³ஹோ.
534.
வேத³னாஹாரதோ சேவ, ஹேதாதி⁴பதிதோ ததா²;
ஜா²னிந்த்³ரியமக்³க³ப³லா, யேவாபனபதா²தி³தோ.
535.
தத்த² ஸுகா² ச து³க்கா² ச, அது³க்க²மஸுகா²தி ச;
திஸ்ஸோ ச வேத³னா வுத்தா, ஸம்போ⁴க³த்த²விஸேஸதோ.
536.
ஸுக²ங் து³க்க²ங் ஸோமனஸ்ஸங், தோ³மனஸ்ஸமதா²பரங்;
உபெக்கி²ந்த்³ரியமிச்சேவங், பஞ்சிந்த்³ரியவிபா⁴க³தோ.
537.
காயவிஞ்ஞாணயுக³ளே, ஸுக²து³க்கா² ஹி வேத³னா;
ஸோமனஸ்ஸங் தோ³மனஸ்ஸங், இதி நாமங் லப⁴ந்தி ந.
538.
அஞ்ஞத்த² பன ஸப்³ப³த்த², ஸுகா² து³க்கா² ச வேத³னா;
ஸோமனஸ்ஸங் தோ³மனஸ்ஸங், இதி நாமங் லப⁴ந்தி ச.
539.
அது³க்கி²
பஞ்சபஞ்ஞாஸசித்தேஸு, தத³ஞ்ஞேஸு பகாஸிதா.
540.
ஸுக²து³க்கி²ந்த்³ரியயுத்தங், காயவிஞ்ஞாணகத்³வயங்;
தோ³மனஸ்ஸிந்த்³ரியயுத்தங், படிக⁴த்³வயமானஸங்.
541.
அட்டா²ரஸ
ஸோமனஸ்ஸிந்த்³ரியயுத்தா, த்³வாஸட்டி²வித⁴ மானஸா.
542.
த்³வத்திங்ஸ ச பரித்தானி, தேவீஸ ஜா²னபஞ்சமா;
ஹொந்திபெக்கி²ந்த்³ரியயுத்தா, பஞ்சபஞ்ஞாஸ மானஸா.
543.
ஸுக²யுத்தா து தேஸட்டி², து³க்க²யுத்தா தயோ தஹிங்;
அது³க்க²மஸுக²யுத்தா, பஞ்சபஞ்ஞாஸுபெக்க²கா.
544.
ஓஜட்ட²மகரூபஞ்ச, வேத³னங் ஸந்தி⁴மானஸங்;
நாமரூபஞ்ச கமதோ, ஆஹரந்தீதி தே³ஸிதா.
545.
ஆஹாரா கப³ளீகாரோ, ப²ஸ்ஸோ ஸஞ்சேதனா ததா²;
விஞ்ஞாணஞ்சேதி சத்தாரோ, உபத்த²ம்பா⁴ ச ஸம்ப⁴வா.
546.
சித்துப்பாதே³ஸு ஸப்³ப³த்த²,
ஆஹாராரூபினோ தயோ;
கப³ளீகாரோ ஆஹாரோ,
காமே காயானுபாலகோ.
547.
அலோபோ⁴ ச அதோ³ஸோ ச,
அமோஹோ ச ததா²பரோ;
லோபோ⁴ தோ³ஸோ ச மோஹோ ச,
ஹேதூ த⁴ம்மா ச² தே³ஸிதா.
548.
குஸலாகுஸலா ஹேதூ, தயோ அப்³யாகதாதி ச;
நவத்³வாத³ஸதா⁴ தத்த², விபாகக்ரியபே⁴த³தோ.
549.
த³ஸ
புஞ்ஞபாகக்ரியாபே⁴தா³, தாலீஸ சதுனூனகா.
550.
ஸந்தீரணமனோதா⁴து-பஞ்சவிஞ்ஞாணமானஸே;
வொட்ட²ப்³ப³னே ச ஹஸிதே, ஹேது நாம ந விஜ்ஜதி.
551.
லோப⁴மூலேஸு
மோஹோ ச படிக⁴த்³வயே;
தோ³ஸோ மோஹோ ச லப்³ப⁴ந்தி,
மோஹோ ஏகோவ மோமுஹே.
552.
ஞாணேன விப்பயுத்தேஸு,
அலோபா⁴தி³த்³வயங் ப⁴வே;
ததோ ஸேஸேஸு ஸப்³ப³த்த²,
அலோபா⁴தி³தயோபி ச.
553.
திஹேதுகா ஸத்தசத்தா-லீஸ ஹொந்தி த்³விஹேதுகா;
பா³வீஸ த்³வேகஹேதுகா, அட்டா²ரஸ அஹேதுகா.
554.
ச²ந்தோ³ சித்தஞ்ச வீரியங், வீமங்ஸாதி சதுப்³பி³தா⁴;
ஸஹஜாதாதி⁴பா த⁴ம்மா, வுத்தாதி⁴பதயோ ஸியுங்.
555.
யமாலம்ப³ங் க³ருங் கத்வா, நாமத⁴ம்மா பவத்தரே;
ஆரம்மணாதி⁴பனாமேன, ததா³லம்ப³ணமீரிதங்.
556.
திஹேதுகஜவெஸ்வேகோ, சதூஸுபி யதா²ரஹங்;
த்³விஹேதுகேஸு ஸம்போ⁴தி, வீமங்ஸாதி⁴பதிங் வினா.
557.
அனுத்தரே காமபுஞ்ஞே, திஹேதுகமஹாக்ரியே;
லோப⁴மூலே ச ஸாவஜ்ஜே, லப்³ப⁴தாலம்ப³ணாதி⁴போ.
558.
தத்த² சானியதா காமே, லப்³ப⁴மானாபி லப்³ப⁴ரே;
மஹக்³க³தானுத்தரேஸு, நியதாவ யதா²ரஹங்.
559.
க்ரியாத்³விஹேதுபடிகே⁴
நத்தே²வாலம்ப³ணாதி⁴போ;
மோமூஹாஹேதுகே பாகே,
லோகியே ச ந கோசிபி.
560.
உப⁴யாதி⁴பயுத்தா ச, ஸஹஜாதி⁴பயோகி³னோ;
உப⁴யானியதாதி⁴ப்பா, ஸஹஜானியதாதி⁴பா.
561.
உப⁴யவிப்பயுத்தா
அட்ட²ட்டா²ரஸ வீஸங் ச², ஸத்ததிங்ஸ யதா²க்கமங்.
562.
பஞ்சாதி⁴பதியோகா³ ச, சதுராதி⁴பயோகி³னோ;
திவிதா⁴தி⁴பயுத்தா ச, விமுத்தாபி ச ஸப்³ப³தா².
563.
ஸோளஸாத² ஸமத்திங்ஸ, ச²ளேவாத² யதா²க்கமங்;
ஸத்ததிங்ஸதிவிதா⁴தி, சதுதே⁴வம்பி நித்³தி³ஸே.
564.
வீமங்ஸாதி⁴பயுத்தா ச, ஸஹஜாதி⁴பயோகி³னோ;
ஆலம்பா³தி⁴பயுத்தா ச, விப்பமுத்தாபி ஸப்³ப³தா².
565.
சதுத்திங்ஸ த்³விபஞ்ஞாஸ, அட்ட²வீஸ யதா²க்கமங்;
ஸத்ததிங்ஸதி சேவேதி, சதுதே⁴வம்பி நித்³தி³ஸே.
566.
ஸஹஜாதி⁴பலத்³தா⁴ து, த்³வேபஞ்ஞாஸேவ ஸப்³ப³தா²;
ஆலம்பா³தி⁴பலத்³தா⁴ ச, உப⁴யாதி⁴பலாபி⁴னோ.
567.
அட்ட²வீஸேவ ஸப்³பே³பி, த்³வேபஞ்ஞாஸேவ ஸாதி⁴பா;
ஸேஸா நிராதி⁴பா ஸப்³பே³, ஸத்ததிங்ஸாபி ஸப்³ப³தா².
568.
வேத³னாதி³வஸேனேவங், ஞத்வா பே⁴த³ங் சதுப்³பி³த⁴ங்;
ஜா²னிந்த்³ரியமக்³க³ப³ல-வஸேனாபி விபா⁴வயே.
569.
விதக்கஹெட்டி²மங் ஜா²னங், மனோபரங் மனிந்த்³ரியங்;
ஹேதுபரஞ்ச மக்³க³ங்க³ங், ப³லங் வீரியபச்சி²மங்.
570.
அவிதக்கே
அஹேதுகே ச மக்³க³ங்க³ங், ப³லஞ்சாவீரியே யதா².
571.
அட்ட² ரூபிந்த்³ரியானெத்த², அக³ய்ஹந்தேவ ஸப்³ப³தா²;
மக்³கி³ந்த்³ரியப³லட்டே²ஸு, ஸமாதி⁴ ச ந கங்கி²தே.
572.
காமபுஞ்ஞெஸ்வனியதா, விரதீபி அனுத்³த⁴தா;
பஞ்ஞானுத்தரசித்தேஸு, இந்த்³ரியத்தயபா⁴ஜிதா.
573.
ஸேஸா வுத்தானுஸாரேன, லப்³ப⁴மானஜ்ஜா²னாதி³கா;
தேஹி யுத்தா ச விஞ்ஞெய்யா, சித்துப்பாதா³ யதா²க்கமங்.
574.
ஸோமனஸ்ஸயுத்தா
பட²மஜ்ஜா²னசித்தா ச, பஞ்சஜா²னங்கி³கா மதா.
575.
து³க்கு²பெக்கா²யுத்தா காமே, பஞ்சவிஞ்ஞாணவஜ்ஜிதா;
து³தியஜ்ஜா²னசித்தா ச, சதுஜா²னங்கி³கா ஸியுங்.
576.
ஜா²னங்க³த்தயஸங்யுத்தா, ததியஜ்ஜா²னமானஸா;
சதுத்த²பஞ்சமாருப்பா, ஜா²னங்க³த்³வயயோகி³னோ.
577.
பஞ்சவிஞ்ஞாணயுக³ளே, ஜா²னங்க³ங் நத்தி² கிஞ்சிபி;
இத்த²ங் ஜா²னானங் பே⁴தே³ன, பஞ்சதா⁴ மானஸா டி²தா.
578.
ஏகூனதிங்ஸதி ஸத்த-திங்ஸ சேகாத³ஸாபரே;
சதுத்திங்ஸ த³ஸேவாத², க³ணிகா து யதா²க்கமங்.
579.
லோகுத்தரேஸு ஸப்³பே³ஸு, இந்த்³ரியானி நவுச்சரே;
திஹேதுகேஸு ஸப்³பே³ஸு, லோகியேஸு பனட்ட²தா⁴.
580.
ஞாணேன விப்பயுத்தேஸு, ஸத்ததா⁴வ ஸமுத்³த⁴ரே;
ஸிதவொட்ட²ப்³ப³னா புஞ்ஞே, பஞ்சதா⁴வ பகாஸயே.
581.
விசிகிச்சா²ஸஹக³தே, சதுதா⁴வ வினித்³தி³ஸே;
தீணிந்த்³ரியானி வுத்தானி, ஸேஸாஹேதுகமானஸே.
582.
அட்ட²
ஏகஞ்ச ஸோளஸ சேதி, ச²ப்³பி³தா⁴ தத்த² ஸங்க³ஹோ.
583.
பட²மானுத்தரங் ஜா²னங், அட்ட²மக்³க³ங்கி³கங் மதங்;
ஸத்தமக்³க³ங்கி³கங் நாம, ஸேஸங் ஜா²னமனுத்தரங்.
584.
லோகியங் பட²மங் ஜா²னங், ததா² காமே திஹேதுகங்;
பஞ்சமக்³க³ங்கி³கா நாம, சித்துப்பாதா³ பகாஸிதா.
585.
ஸேஸங் மஹக்³க³தங் ஜா²னங், ஸம்பயுத்தா ச தி³ட்டி²யா;
ஞாணேன விப்பயுத்தா ச, சதுமக்³க³ங்கி³கா மதா.
586.
தோ³ஸமூலத்³வயஞ்சேவ, உத்³த⁴ச்சஸஹிதங் ததா²;
தி³ட்டி²யா விப்பயுத்தா ச, மக்³க³ங்க³த்தயயோகி³னோ.
587.
விசிகிச்சா²ஸம்பயுத்தோ
அமக்³கா³ஹேதுகோ சேதி, ஸத்ததா⁴ தத்த² ஸங்க³ஹோ.
588.
அட்ட² த்³வத்திங்ஸதி சேவ, த³ஸ பஞ்சாதி⁴காபரே;
தாலீஸ கமதோ ஸத்த, ஏகஞ்சட்ட²த³ஸாபரே.
589.
ப³லானி பன ஸத்தேவ, ஸப்³ப³த்தா²பி திஹேதுகே;
ஞாணேன விப்பயுத்தேஸு, ச² ப³லானி ஸமுத்³தி³ஸே.
590.
சதுதா⁴குஸலே ஹொந்தி, திவிதா⁴ கங்கி²தே பன;
த்³விப³லங் ஸிதவொட்ட²ப்³ப³ங், அப³லங் ஸேஸமீரிதங்.
591.
ச²ப்³பி³தோ⁴ ஸங்க³ஹோ தத்த², ஸத்ததாலீஸதா²பரே;
த்³வாத³ஸேகாத³ஸேகங் த்³வே, ஸோளஸேதி யதா²க்கமங்.
592.
இத்த²ங் பஞ்ச ச² ஸத்த ச²-கொட்டா²ஸா கமதோ டி²தா;
சதுவீஸதி ஸப்³பே³பி, ஜா²னங்கா³தி³வஸா கதா².
இதி சேதஸிகவிபா⁴கே³ சித்துப்பாத³கதா² நிட்டி²தா.
ஸோளஸமோ பரிச்சே²தோ³.