15. பன்னரஸமோ பரிச்சே²தோ³
அரூபாவசரஸமாதி⁴பா⁴வனானித்³தே³ஸவண்ணனா
980. ஏவங் பத²வீகஸிணவஸேன சதுக்கபஞ்சகஜ்ஜா²னானி த³ஸ்ஸெத்வா யஸ்மா ஸேஸகஸிணவஸேன நித்³தி³ஸியமானே க³ந்த²கா³ரவோ ஹோதி, தஸ்மா தங் ஸப்³ப³ங் ட²பெத்வா அரூபாவசரங் விபா⁴வேதுங் ‘‘ரூபாரூப’’ந்திஆதி³ ஆரத்³த⁴ங். ரூபாரூபமதீதேனாதி ரூபாரூபப⁴வங் அதிக்கந்தேன, புனானூபபத்திவஸேன ரூபாரூபப⁴வங் அதிக்கந்தேன, பகே³வ காமாவசரப⁴வங். ரூபாரூபாதி³வேதி³னாதி ரூபாரூபாதி³பூ⁴மந்தரவேதி³னா.
982-4. யஸ்மா அயங் அரூபாவசரஸமாதி⁴ நாம ரூபவிராக³பா⁴வனா ரூபவிராக³வஸேனேவ அபி⁴னிப்பா²தே³தப்³பா³வ, தஸ்மா தங் உப்பாதே³துகாமஸ்ஸ ரூபே விரஜ்ஜனாகாரங், விரத்தமானஸேன ச தத³த்தா²ய படிபஜ்ஜனவிதி⁴ங் த³ஸ்ஸேதுங் ‘‘ரூபே கோ²’’திஆதி³ ஆரத்³த⁴ங். த³ண்ட³னட்டே²ன த³ண்டோ³, முக்³க³ராதி³, பரபீளனாதி⁴ப்பாயேன தஸ்ஸ ஆதா³னங் த³ண்டா³தா³னங். ஆதி³-ஸத்³தே³ன ஸத்தா²தா³னகலஹவிக்³க³ஹவிவாத³துவங்துவங்பேஸுஞ்ஞாதீ³னங், அதி³ன்னாதா³னாதீ³னஞ்ச க³ஹணங். சக்கு²ரோகா³த³யோதி ஆதி³-ஸத்³தே³ன ஸோதரோகா³தீ³னங். ரூபே ஆதீ³னவங் தி³ஸ்வாதி கரஜரூபாதி³ஓளாரிகரூபே தன்னிதா³னங் தோ³ஸங் தி³ஸ்வா. நிப்³பி³ந்த³மானஸோதி விரத்தமானஸோ. அரூபந்தி அரூபாவசரபா⁴வனங். தம்ஹா கஸிணரூபாதி தம்ஹா படிபா⁴க³னிமித்தஸங்கா²தா கஸிணரூபா. நனு சாயங் ரூபே ஆதீ³னவங் தி³ஸ்வா தங் ‘‘ஸூகராபி⁴ஹதோவ ஸா’’தி. யதா² ஹி வனே ஸூகரேன பஹதமத்தோ ஸுனகோ² ததோ பீ⁴தோ ரூபத³ஸ்ஸனவேலாயங் ப⁴த்தபசனஉக்க²லிங் தூ³ரதோ தி³ஸ்வா ஸூகரபடிபா⁴க³தாய தஸ்ஸங் ஸூகராஸங்கங் உப்பாதெ³த்வா உத்ரஸ்தோ பலாயதேவ, ஏவமேவ ரூபே நிப்³பி³ந்த³மானஸோ தங் அதிக்கமிதுகாமோ தப்படிபா⁴கே³ கஸிணரூபேபி நிப்³பி³ஜ்ஜதி, ஸமதிக்கமிதுகாமோதி அதி⁴ப்பாயோ.
985-6. சதுத்தே² பன ஜா²னஸ்மிந்தி ட²பெத்வா பரிச்சி²ன்னாகாஸகஸிணங் நவஸு பத²வீகஸிணாதீ³ஸு அஞ்ஞதரஸ்மிங் படிலத்³த⁴சதுத்த²ஜ்ஜா²னே. கேசி பன ஆலோககஸிணம்பி ட²பெத்வா அட்ட²ஸூதி வத³ந்தி. தஸ்ஸ பன ட²பனே காரணங் ந தி³ஸ்ஸதி. ஸுட்டு² சிண்ணோ சரிதோ அதிப்பகு³ணிகதோ ஆவஜ்ஜனாதி³லக்க²ணோ வஸீபா⁴வோ ஏதேனாதி ஸுசிண்ணவஸீ. கரோதி…பே॰… யதோதி யஸ்மா இத³ங் சதுத்த²ஜ்ஜா²னசித்தங் மயா நிப்³பி³ந்த³கஸிணரூபங் ஆரம்மணங் கரோதி. ஆஸன்னஸோமனஸ்ஸஞ்சாதி யதோ ததியஜ்ஜா²னஸ்ஸ ஆஸன்னதாய ஆஸன்னஸோமனஸ்ஸபச்சத்தி²கஞ்ச. தூ²லஸந்தவிமொக்க²தோதி ஸந்தவிமொக்க²ஸங்கா²தஅரூபஜ்ஜா²னதோ ஏதங் யதோ தூ²லங் ஓளாரிகங். அரூபஜ்ஜா²னஞ்ஹி யே தே ஸந்தா விமொக்கா² அதிக்கம்ம ரூபே ஆருப்பந்திஆதீ³ஸு ‘‘ஸந்தவிமொக்க²’’ந்தி வுச்சதி, ஸந்ததாஸித்³தி⁴ சஸ்ஸ அனுஸ்ஸதிதோ த³ட்ட²ப்³பா³.
987-91. சதுத்தே²தி சதுத்த²ஜ்ஜா²னே. பட²மாருப்பஞ்ச ஸந்ததோ தி³ஸ்வாதி ஸம்ப³ந்தோ⁴, ஸந்தவஸேன மனஸி கரித்வாதி அத்தோ². ஸந்ததோ மனஸிகரணேனேவ செத்த² பணீததோ, ஸுகு²மதோ பத்த²ரித்வானாதி பகே³வ வட்³டி⁴தங், ததா³ வட்³ட⁴னவஸேன வா பத்த²ரித்வா. புப்³ப³காலவஸேன சேதங் வுத்தங். தேன நங் உக்³கா⁴டெத்வா பச்சா² ந வட்³டி⁴தப்³ப³ந்தி த³ஸ்ஸேதி. ந ஹி தங் பச்சா² வட்³ட⁴னத்தா²ய வாயமியமானம்பி வட்³ட⁴தீதி. தேனாதி கஸிணரூபேன.
இதா³னிஸ்ஸ உக்³கா⁴டனாகாரங் த³ஸ்ஸேதுங் ‘‘ஆகாஸோ இதி வா’’திஆதி³ங் வத்வா புன தங் ஸமத்தே²துங் ‘‘உக்³கா⁴டெந்தோ ஹீ’’திஆதி³ வுத்தங். உத³யவஸேன, பரிச்சே²த³ப²ரணவஸேன ச அந்தாபா⁴வதோ அனந்தோ. ந ஸங்வேல்லேதீதி கடஸாரககிலஞ்ஜாத³யோ விய ந படிஸங்ஹரதி. நாவஜ்ஜந்தோ ந பெக்க²ந்தோதி அனாவஜ்ஜந்தோ அனபெக்க²ந்தோ. அஞ்ஞத³த்து² தேன பு²ட்டோ²காஸங் வுத்தனயேன மனஸிகரொந்தோயேவாதி அதி⁴ப்பாயோ
992-5. ஏவங் கஸிணுக்³கா⁴டனவஸேன படிலத்³தே⁴ ஆகாஸனிமித்தே புன படிபஜ்ஜனவிதி⁴ங், யஸ்ஸத்தா²ய யேஸங் படிபஜ்ஜதி, தத³த்த²ஸித்³த⁴ஞ்ச த³ஸ்ஸேதுங் ‘‘கஸிணுக்³கா⁴டிமாகாஸங் நிமித்த’’ந்திஆதி³ வுத்தங். ஆகாஸஸ்ஸ அனிமித்தபா⁴வேபி நிமித்தேன பு²ட்டோ²காஸபா⁴வதோ ‘‘நிமித்த’’ந்தி வுத்தங். பஞ்ச…பே॰… விக்க²ம்ப⁴ந்தீதி நனு ரூபாவசரபட²மஜ்ஜா²னஸ்ஸ உபசாரக்க²ணேயேவ நீவரணானி விக்க²ம்பி⁴தானி, ததோ பட்டா²ய ச ந தேஸங் பரியுட்டா²னங் அத்தி². யதி³ ஸியா, ஜா²னதோ பரிஹாயெய்யாதி? ஸச்சமேதங், இமஸ்ஸ பன ஜா²னஸ்ஸ வண்ணப⁴ணனவஸேனேதங் வுத்தங் யதா² அஞ்ஞத்தா²பி ஹெட்டா² பஹீனானங் உபரி பஹானவசனந்தி. யே பன ‘‘ஸப்³பே³ குஸலா த⁴ம்மா ஸப்³பே³ஸங் அகுஸலானங் படிபக்கா²தி கத்வா ஏவங் வுத்த’’ந்தி வத³ந்தி, தேஹி து³தியஜ்ஜா²னூபசாராதீ³ஸு நீவரணவிக்க²ம்ப⁴னாவசனஸ்ஸ இதா⁴பீதி ந கேவலங் ரூபாவசரசதுத்த²ஜ்ஜா²னே, ‘‘ஸேஸானி காமாவசரானீ’’திஆதீ³ஸு பன இத⁴ யங் வத்தப்³ப³ங் அவுத்தங், தங் ரூபாவசரஜ்ஜா²னநித்³தே³ஸே வுத்தனயானுஸாரேன வேதி³தப்³ப³ங்.
997-1001. ‘‘புன பா⁴வேதுகாமேனா’’தி வுத்தே பட²மமேவ பட²மாருப்பஸ்ஸ பா⁴விதத்தா கிங் பா⁴வேதுகாமேனாதி அனுயோகே³ ‘‘து³தியாருப்பமானஸ’’ந்தி வுத்தங், ந பன ‘‘து³தியாருப்பமானஸங் பா⁴வேதுகாமேனா’’தி இமினா அஜ்ஜா²ஸயேன. ந ஹி பட²மங் து³தியாருப்பங் பா⁴விதந்தி. ரூபாவசரஜ்ஜா²னங் அனதிக்கமித்வா அனதி⁴க³ந்தப்³ப³தோ தங் மனஸிகாரஸமுதா³சாரஸ்ஸ ஹானபா⁴கி³யபா⁴வாவஹனதோ ரூபாவசரஜ்ஜா²னமேதஸ்ஸ பச்சத்தி²கந்தி கத்வா வுத்தங் ‘‘ஆஸன்ன…பே॰… பச்சத்தி²கந்தி சா’’தி. வீதி²படிபன்னாய பா⁴வனாய உபரூபரிவிஸேஸாவஹபா⁴வதோ, பணீதபா⁴வஸித்³தி⁴தோ ச பட²மாருப்பதோ து³தியாருப்பங் ஸந்ததரஸபா⁴வந்தி ஆஹ ‘‘து³தியாருப்ப…பே॰… பனா’’தி. வக்க²தி ஹி ‘‘ஸுபணீததரா ஹொந்தி, பச்சி²மா பச்சி²மா இதா⁴’’தி விஞ்ஞாணமிச்சேவங் மனஸா காதப்³ப³ந்தி விஞ்ஞாணங் விஞ்ஞாணங் இச்சேவங் மனஸா காதப்³ப³ங், கேவலங் அனந்தங் அனந்தந்தி ந மனஸி காதப்³ப³ங். தேனாஹ ‘‘அனந்தந்தி…பே॰… மனஸா நிதா⁴’’தி. அனந்தங் விஞ்ஞாணங் அனந்தங் விஞ்ஞாணந்தி பன மனஸி காதுங் வட்டதி.
1002-6. தஸ்மிங் பன நிமித்தஸ்மிந்தி தஸ்மிங் பட²மாருப்பவிஞ்ஞாணஸங்கா²தே விஞ்ஞாணனிமித்தே. விசாரெந்தஸ்ஸ மானஸந்தி பா⁴வனாசித்தங் பவத்தெந்தஸ்ஸ. ஆகாஸபு²டவிஞ்ஞாணேதி கஸிணுக்³கா⁴டிமாகாஸங் ப²ரித்வா பவத்தே பட²மாருப்பவிஞ்ஞாணே ஆரம்மணபூ⁴தே. அப்பேதீதி அப்பனாவஸேன பவத்ததி. ஸபா⁴வத⁴ம்மேபி ஆரம்மணஸமதிக்கமபா⁴வனாவிஸேஸபா⁴வதோ இத³ங் அப்பனாபத்தங் ஹோதி சதுத்தா²ருப்பங் விய. அப்பனா…பே॰… நயோவாதி து³தியாருப்பஜ்ஜா²னே புரிமபா⁴கே³ தீணி, சத்தாரி வா ஜவனானி காமாவசரானி உபெக்கா²வேத³னாஸம்பயுத்தானேவ ஹொந்தி. சதுத்த²ங், பஞ்சமங் வா ஆருப்பமானஸந்திஆதி³னா அப்பனானயோ பட²மாருப்பஜ்ஜா²னே வுத்தனயோவ. ப²ரித்வா பவத்தவிஞ்ஞாணந்தி பட²மாருப்பவிஞ்ஞாணங் விஞ்ஞாணஞ்சந்தி வுச்சதீதி ருள்ஹீஸத்³த³வஸேன வுத்தபா⁴வமேவ பகாஸேதுங் ‘‘விஞ்ஞாணா…பே॰… ஸியா’’தி வுத்தங். புப்³பே³ அனந்தஸ்ஸ ஆகாஸஸ்ஸ ஆரம்மணகரணவஸேன அனந்ததாய ‘‘விஞ்ஞாணஞ்ச’’ந்தி வுத்தந்தி. புன மனஸிகாரவஸேன வா அனந்ததாய ததா² வுத்தந்தி த³ஸ்ஸேதுங் ‘‘மனக்காரவஸேனாபீ’’திஆதி³ வுத்தங். து³தியாருப்பங் பா⁴வெந்தோ ஹி பட²மாருப்பங் அனந்ததோ அனவஸேஸதோ மனஸி கரொந்தோ அனந்தந்தி மனஸி கரோதி.
1010. பட²மாருப்பவிஞ்ஞாணாபா⁴வோதி கஸிணங் உக்³கா⁴டெத்வா ஆகாஸோ விய ஆகாஸானஞ்சாயதனங் பஹாய தஸ்ஸ அபா⁴வோ மனஸி காதப்³போ³. கஸ்மா பனெத்த² து³தியாருப்பவிஞ்ஞாணாபா⁴வங் அமனஸிகத்வா பட²மாருப்பவிஞ்ஞாணாபா⁴வோ மனஸி காதப்³போ³தி? வுச்சதே – தயித³ங் ஆரம்மணாதிக்கமனவஸேன பத்தப்³ப³ங், ந பன அங்கா³திக்கமனவஸேன. ததா² ச ஸதி ஆரம்மணேயேவ ஸாதிஸயங் தோ³ஸத³ஸ்ஸனேன தங் ஸமதிக்கமிதப்³ப³ங், ஆரம்மணஞ்ச து³தியாருப்பஸ்ஸ பட²மாருப்பமேவ, தஸ்மா கஸிணே ஆதீ³னவங் தி³ஸ்வா தங் உக்³கா⁴டெத்வா தப்³பி³வித்தாகாஸஸ்ஸ விய பட²மாருப்பவிஞ்ஞாணே ஆதீ³னவங் தி³ஸ்வா தங் பஹாய அப⁴யகி³ரிவாஸினோ பன ‘‘விஞ்ஞாணஞ்சாயதனாபா⁴வோயேவ மனஸி காதப்³போ³’’தி வத³ந்தி, தே பன இமேஸங் ஆரம்மணாதிக்கமனவஸேன பத்தப்³ப³பா⁴வங் அஸல்லக்கெ²த்வா கதெ²ந்தி. யதி³ ஸல்லக்கெ²ந்தி, அஞ்ஞத்த² தோ³ஸங் தி³ஸ்வா அஞ்ஞஸ்ஸ ஸமதிக்கமே அதிப்பஸங்க³தோ³ஸதோ ந முச்சந்தி.
அதா²பி
1011-2. பட²மாருப்பவிஞ்ஞாணாபா⁴வோமனஸிகாதப்³போ³தி வத்வா மனஸிகாரவிதி⁴ங் த³ஸ்ஸேதுங் ‘‘தங் பனா’’திஆதி³ வுத்தங். அகத்வா மனஸாதி மனஸா ஆரம்மணங் அகத்வா ஸப்³பே³ன ஸப்³ப³ங் தங் அசிந்தெத்வா. ‘‘ஆகாஸங் ஆகாஸ’’ந்தி மனஸி கரொந்தஸ்ஸ கஸிணவிவித்தாகாஸங் விய ‘‘நத்தி² நத்தீ²’’தி, ‘‘ஸுஞ்ஞங் ஸுஞ்ஞ’’ந்தி வா மனஸி கரொந்தஸ்ஸ விஞ்ஞாணவிவித்தங் அபா⁴வமத்தமேவ உபட்டா²தீதி ஆஹ ‘‘நத்தீ²’’திஆதி³. வா-ஸத்³தோ³ அனியமத்தோ², தேன த்³வீஸு பகாரேஸு ஏகேனபி அத்த²ஸித்³தி⁴ ஹோதீதி த³ஸ்ஸேதி. அவுத்தவிகப்பனத்தோ² வா வா-ஸத்³தோ³, தேன ‘‘விவித்தங் விவித்த’’ந்தி
‘‘பரியாயேனேவ தே யஸ்மா, வத³ந்தத்த²ங் ந ஸங்ஹதா;
பரியாயத்த²ங் ததோ ஸப்³ப³ங், பரியாயேஸு வவத்தி²த’’ந்தி.
1013-6. தஸ்மிங் நிமித்தேதி பட²மாருப்பவிஞ்ஞாணஸ்ஸ அபா⁴வஸங்கா²தே ஜா²னுப்பத்திகாரணபூ⁴தே நிமித்தே. ஸதி ஸந்திட்ட²தீதி அபா⁴வனிமித்தாரம்மணா ஸதி ஸம்மா ஸுப்பதிட்டி²தா ஹுத்வா திட்ட²தி. ஸதிஸீஸேன செத்த² உபசாரஜ்ஜா²னானுகு³ணானங் ஸத்³தா⁴பஞ்சமானங் இந்த்³ரியானங் ஸகிச்சயோக³ங் த³ஸ்ஸேதி. உபசாரஜ்ஜா²னங் பன ‘‘பி⁴ய்யோபி ஸமாதி⁴யதி மானஸ’’ந்தி இமினா வுத்தந்தி த³ட்ட²ப்³ப³ங். கஸிணுக்³கா⁴டிமா…பே॰… அபா⁴வகேதி ஏவங் பவத்தவிஞ்ஞாணஸ்ஸ நத்தி²பா⁴வஸங்கா²தே வினாஸாபா⁴வகே ந புரே அபா⁴வாதி³கே. அப்பனானயோ பனெத்த² பத²வீகஸிணே வுத்தனயானுஸாரேன வேதி³தப்³போ³தி ஆஹ ‘‘அப்பனாய நயோ’’திஆதி³.
1017-9. ஏவங் ‘‘ஆகாஸக³தவிஞ்ஞாண’’ந்திஆதி³ வுத்தங். பரிகம்மமனக்காரே தஸ்மிங் அந்தரஹிதேதி ‘‘நத்தி² நத்தீ²’’தி பவத்தபரிகம்மமனஸிகாரே அமனஸிகரணேன அஸ்மிங் பட²மாருப்பவிஞ்ஞாணே அந்தரஹிதே, ந பன க²ணப⁴ங்க³வஸேன, ஜா²னபரிஹானிவஸேன வா அந்தரஹிதே. க²ணப⁴ங்க³வஸேன ஹி அந்தரதா⁴னங் க²ணே க²ணே உபலப்³ப⁴தி. பரிஹானிவஸேன ச அந்தரதா⁴னே புன தங் அனுப்பாதெ³த்வா உத்தரி ஞாணாதி⁴க³மோயேவ நத்தீ²தி. தஸ்ஸாபக³மமத்தங்வ பஸ்ஸந்தோ வஸதீதி தஸ்ஸ பட²மாருப்பஸ்ஸ அபா⁴வமத்தங் பஸ்ஸந்தோ ஸோ யோகா³வசரோ விஹரதி. யதா² கத²ங் வியாதி ஆஹ ‘‘ஸன்னிபாத’’ந்திஆதி³. இத³ங் வுத்தங் ஹோதி – யதா² நாம கோசி புரிஸோ மண்ட³லமாளாதீ³ஸு
1020-4. சதுத்தா²…பே॰… ந ச ஸந்தந்தி யதா² நேவஸஞ்ஞானாஸஞ்ஞாயதனசித்தங் ஸங்கா²ராவஸேஸஸுகு²மபா⁴வப்பத்தியா ஸவிஸேஸங் ஸந்தங், ஏவமயங் ஆகிஞ்சஞ்ஞாயதனஸமாபத்தி ந ச ஸந்தா தத³பா⁴வதோதி அதி⁴ப்பாயோ. ச-ஸத்³தோ³ பனெத்த² அவுத்தஸமுச்சயத்தோ². தேன ‘‘ஸஞ்ஞா ரோகோ³, ஸஞ்ஞா க³ண்டோ³, ஸஞ்ஞா ஸல்லங், ஏதங் ஸந்தங், ஏதங் பணீதங், யதி³த³ங் நேவஸஞ்ஞானாஸஞ்ஞாயதன’’ந்தி இமஸ்ஸபி ஸங்க³ஹோ வேதி³தப்³போ³. சதுத்த²ங் ஸந்ததோதி ஸங்கா²ராவஸேஸஸுகு²மபா⁴வேனேவ ஸவிஸேஸங் ஸந்ததாய, அஸந்தபா⁴வகரரோகா³தி³ஸரிக்க²கஸஞ்ஞாவிரஹதோ ச ஸந்ததோ தி³ஸ்வா. ‘‘ஸந்தங் ஸந்தமித³ங் சித்த’’ந்தி இமினா பா⁴வனாகாரங் த³ஸ்ஸேதி. விப⁴ங்கே³பி ஹி தங்யேவ ஆகிஞ்சஞ்ஞாயதனங் ஸந்ததோ மனஸி கரோதீதி அயமேவ பா⁴வனாகாரோ க³ஹிதோ. அபரே பன ‘‘பாளியங் இமஸ்ஸ பா⁴வனாகாரோ ந க³ஹிதோ’’தி வத்வா தத்த² காரணங் வத³ந்தி, தத்த² வத்தப்³ப³ங் விஸுத்³தி⁴மக்³க³ஸங்வண்ணனாதி³தோ க³ஹேதப்³ப³ங்.
1027. ததியாருப்பஸங்கா²தக்க²ந்தே⁴ஸு ச சதூஸுபி ஆரம்மணபூ⁴தேஸூதி அதி⁴ப்பாயோ.
1029-31. அபா⁴வமத்தம்பீதி ஸந்தாரம்மணதாயாதி ஸந்தங் ஆரம்மணங் ஏதஸ்ஸாதி ஸந்தாரம்மணா, தப்³பா⁴வோ ஸந்தாரம்மணதா, தாய, ந ஜா²னஸந்ததாய. ந ஹி ததியாருப்பஸமாபத்தி சதுத்தா²ருப்பதோ ஸந்ததரா. சோத³கோ யங் ஸந்ததோ மனஸி கரோதி, ந தத்த² ஆதீ³னவத³ஸ்ஸனங் ப⁴வெய்ய. அஸதி ச ஆதீ³னவத³ஸ்ஸனே ந ஸமதிக்கமோ ஏவ ஸியாதி ‘‘ஸந்ததோ சே மனக்காரோ கத²ஞ்ச ஸமதிக்கமோ’’தி ஆஹ. இதரோ ‘‘அனாபஜ்ஜிதுகாமத்தா’’திஆதி³னா பரிஹாரமாஹ. தேன ஆதீ³னவத³ஸ்ஸனம்பி அத்தே²வாதி த³ஸ்ஸேதி. யஸ்மிஞ்ஹி ஜா²னே அபி⁴ரதி, தத்த² ஆவஜ்ஜனஸமாபஜ்ஜனாதி³படிபத்தியா ப⁴விதப்³ப³ங். ஸா பனஸ்ஸ ததியாருப்பே ஸப்³ப³ஸோவ நத்தி², கேவலங் ஸுஞ்ஞபா⁴வதோ ஆரம்மணகரணமத்தமேவ. ததா² ஹேஸ கிஞ்சாபி தங் ஸந்ததோ மனஸி கரோதி, அத² க்²வஸ்ஸ ‘‘அஹமேதங் ஆவஜ்ஜிஸ்ஸாமி, ஸமாபஜ்ஜிஸ்ஸாமீ’’தி ஆபோ⁴கோ³ ஸமன்னாஹாரோ ந ஹோதி. கஸ்மா? ஆகிஞ்சஞ்ஞாயதனதோ நேவஸஞ்ஞானாஸஞ்ஞாயதனஸமாபத்தியா பணீததரதாய. யதா² ஹி ராஜா மஹதா ராஜானுபா⁴வேன நக³ரவீதி²யங் சரந்தோ த³ந்தகாராத³யோ கம்மகாரே சே²கே அனேகானி த³ந்தவிகதிஆதீ³னி ஸிப்பானி கரொந்தே தி³ஸ்வா ‘‘அஹோ வத ரே சே²கா ஆசரியா, ஈதி³ஸானி ஸிப்பானி கரிஸ்ஸந்தீ’’தி ஏவங் தேஸங் சே²கதாய துஸ்ஸதி, ந சஸ்ஸ ஏவங் ஹோதி ‘‘அஹோ வதாஹம்பி ரஜ்ஜங் பஹாய ஏவரூபோ ஸிப்பிகோ ப⁴வெய்ய’’ந்தி. தங் கிஸ்ஸ ஹேது? ரஜ்ஜஸிரியா மஹானிஸங்ஸதாய, ஸோ தேஸங் ஜீவிதங் திணாயபி அமஞ்ஞமானோ தே ஸமதிக்கமித்வா க³ச்ச²தி, ஏவங்ஸம்பத³மித³ங் த³ட்ட²ப்³ப³ங்.
1032. ஸுகு²மங் பரந்தி உக்கங்ஸதோ ஸுகு²மங், பட²மஜ்ஜா²னூபசாரதோ பட்டா²ய ஹி தச்செ²ந்தியா விய பவத்தமானாய பா⁴வனாய
1033-4. யாய ஸஞ்ஞாயாதி யாதி³ஸாய ஸஞ்ஞாய ஸத்³த³ப்பவத்திஹேதுபூ⁴தாய. ஸோ நேவஸஞ்ஞானாஸஞ்ஞாயதனஸமங்கீ³ புக்³க³லோ. நேவஸஞ்ஞீ ச நாஸஞ்ஞீ ஹோதி நேவஸஞ்ஞானாஸஞ்ஞாஸமங்கீ³ ஹோதி. ந கேவலங் து ஸஞ்ஞாவ ஏதி³ஸீ ஸுகு²மா நேவஸஞ்ஞானாஸஞ்ஞா ஹோதி, அத² கோ² பன வேத³னாத³யோபி ஸுகு²மா, வேத³னாபி நேவவேத³னானாவேத³னா, சித்தம்பி நேவசித்தங்னாசித்தங், ப²ஸ்ஸோபி நேவப²ஸ்ஸோனாப²ஸ்ஸோ ‘‘பத்தமக்க²னதேலேனா’’திஆதி³ வுத்தங். தத்த² பத்தமக்க²ணதேலேனாதி அந்தோவுத்த²தாய யாகு³யா ஸத்³தி⁴ங் அகப்பியட்டே²ன தேலங் அத்தீ²தி, நாளிபூராதீ³னங் வஸேன நத்தீ²தி ச வத்தப்³பே³ன பத்தே மக்கி²ததேலேன. மக்³க³ஸ்மிங் உத³கேன சாதி உபாஹனதேமனமத்தட்டே²ன உத³கங் அத்தீ²தி, நஹானவஸேன நத்தீ²தி ச வத்தப்³பே³ன மக்³க³ஸ்மிங் உத³கேன.
1035-7. அயங் அத்தோ²தி கிஞ்சி விஸேஸங் உபாதா³ய ஸபா⁴வதோ அத்தீ²தி வத்தப்³ப³ஸ்ஸேவ த⁴ம்மஸ்ஸ கிஞ்சி விஸேஸங் உபாதா³ய ‘‘படுஸஞ்ஞாய கிச்சஸ்ஸா’’திஆதி³. ஆரம்மணஸஞ்ஜானநஞ்சேவ விபஸ்ஸனாய விஸயபா⁴வங் உபக³ந்த்வா நிப்³பி³தா³ஜனநஞ்ச படுஸஞ்ஞாகிச்சங் கத²மயங் ஸஞ்ஞாவ ஸமானா ஸஞ்ஞாகிச்சங் காதுங் ந ஸக்கோதீதி ஆஹ ‘‘யதா² த³ஹனகிச்ச’’ந்திஆதி³. ந்ஹாதுகாமஸ்ஸ உண்ஹஸீதபா⁴வங் அகத்வா ஸுக²ஜனநதாய ஸுகோ²த³கங், தஸ்மிங். தேஜோதா⁴து யதா² த³ஹனகிச்சங் காதுங் ந ஸக்கோதி, ஏவமேஸா அதிஸந்தாரம்மணே பவத்தத்தா ஆரம்மணஸஞ்ஜானநங் காதுங் ந ஸக்கோதி, பரமஸுகு²மத்தங் க³தாவ. தேனேவ ஹேஸா அகதாபி⁴னிவேஸஸ்ஸ விபஸ்ஸனாஞாணேன ஸுக²க்³க³ய்ஹா ந ஹோதீதி ஸேஸஸமாபத்தீஸு ஸஞ்ஞா விய விபஸ்ஸனாய விஸயபா⁴வங் உபக³ந்த்வா நிப்³பி³தா³ஜனநம்பி காதுங் ந ஸக்கோதி, அஞ்ஞேஸு ஹி க²ந்தே⁴ஸு அகதவிபஸ்ஸனாபி⁴னிவேஸோ பி⁴க்கு² நேவஸஞ்ஞானாஸஞ்ஞாயதனக்க²ந்தே⁴ ஸம்மஸித்வா நிப்³பி³த³ங் பத்துங் ஸமத்தோ² நாம நத்தி², அபி ஆயஸ்மா ஸாரிபுத்தோ. பகதிவிபஸ்ஸகோ பன ஸாரிபுத்தஸதி³ஸோ பி⁴க்கு² க²ந்தா⁴தி³முகே²ன விபஸ்ஸனங் அபி⁴னிவிஸித்வா த்³வாராரம்மணேஹி ஸத்³தி⁴ங் த்³வாரப்பவத்தத⁴ம்மானங் விபஸ்ஸனங் ஆரபி⁴த்வா டி²தோ ஸக்குணெய்ய தப்³பி³ஸயங் உத³யப்³ப³யஞாணங் உப்பாதே³துங், ஸோபி கலாபஸம்மஸனவஸேனேவ, நோ அனுபத³த⁴ம்மவிபஸ்ஸனாவஸேன. ந ஹி ஸாரிபுத்தஸதி³ஸோ பி⁴க்கு² சதுத்தா²ருப்பபரியாபன்னேஸு ப²ஸ்ஸாதி³த⁴ம்மேஸு வினிப்³பு⁴ஜித்வா விஸுங் விஸுங் ஸரூபதோ க³ஹெத்வா அனிச்சாதி³வஸேன ஸம்மஸிதுங் ஸக்கோதி. கேவலங் பன அவினிப்³பு⁴ஜ்ஜ ஏகதோ க³ஹெத்வா கலாபதோ ஸமூஹதோயேவ ஸம்மஸிதுங் ஸமத்தோ² ஹோதி, ஏவங் ஸுகு²மத்தேனேஸா விஜ்ஜதி.
1038-40. ரூபந்தி ஆகாஸந்தி கஸிணுக்³கா⁴டிமாகாஸங். விஞ்ஞாணந்தி ஆகாஸே பவத்தவிஞ்ஞாணங் தத³பா⁴வகந்தி தஸ்ஸ ஆகாஸே பவத்தவிஞ்ஞாணஸ்ஸ அபா⁴வகங். கமதோதி பட²மாருப்பங் ஸமதிக்கமித்வா ஹோதீதிஆதி³னா அனுக்கமதோ. அத்தனா வுத்தமத்த²ங் அட்ட²கதா²வசனங் ஆஹரித்வா ஸாதெ⁴ந்தோ ‘‘ஆஹ சா’’திஆதி³மாஹ. இதா⁴தி இமாஸு சதூஸு அரூபஸமாபத்தீஸு. பச்சி²மா பச்சி²மா ஸமாபத்தியோ ஹி புரிமாபுரிமாஹி ஸமாபத்தீஹி ஸுபணீததரா ஸுட்டு² பணீததரா, ஸுந்த³ரபணீததராதி வா அத்தோ². பாஸாத³தலஸாடிகாதி சதுபூ⁴மகபாஸாத³ஸ்ஸ ஹெட்டி²மஹெட்டி²மதோ உபரூபரி ஸவிஸேஸா பஞ்ச காமகு³ணா, சத்தாரோ பாஸாத³தலா ச தூ²லஸண்ஹஸண்ஹதரஸண்ஹதமஸுத்தேஹி விஹிதா ஆயாமவித்தா²ரதோ ஸமப்பமாணா ஸாடிகா ச.
1042. ரூபாரூபப⁴வங் அபி⁴பு⁴ய்ய நிப்³பா³னங் யாதி, அத² வா நீவரணே அபி⁴பு⁴ய்ய ரூபாரூபப⁴வங் யாதீதி அத்தோ².
இதி அபி⁴த⁴ம்மத்த²விகாஸினியா நாம
அபி⁴த⁴ம்மாவதாரஸங்வண்ணனாய
அரூபாவசரஸமாதி⁴பா⁴வனானித்³தே³ஸவண்ணனா நிட்டி²தா.