23. தேவீஸதிமோ பரிச்சே²தோ³
கிலேஸப்பஹானகதா²வண்ணனா
1375. இதா³னி ‘‘ஏதேஸு யேன யே த⁴ம்மா’’திஆதி³ ஆரத்³த⁴ங் யே த⁴ம்மாதி யே ஸங்கிலேஸத⁴ம்மா. ஸங்யோஜனாதீ³ஸு க²ந்தே⁴ஹி க²ந்தா⁴னங், ப²லேன கம்மஸ்ஸ, து³க்கே²ன வா ஸத்தானங் ஸங்யோஜனட்டே²ன ப³ந்த⁴னட்டே²ன ஸங்யோஜனானி. ஸம்பயுத்தத⁴ம்மானங் விபா³த⁴னட்டே²ன, உபதாபனட்டே²ன, ஸங்கிலிட்ட²தாய ச கிலேஸா. அபி⁴னிவேஸாதி³வஸேன மிச்சா²விபரீதங் பவத்தனதோ மிச்சா²ஸபா⁴வாதி மிச்ச²த்தா. லோகே த⁴ம்மா, லோகபரியாபன்னா த⁴ம்மா, லோகப்பவத்தியங் ஸதி அனுபரமத⁴ம்மத்தா வாதி லோகத⁴ம்மா. மச்சே²ரஸ்ஸ பா⁴வோ, கம்மங் வாதி மச்ச²ரியங். விபரீதட்டே²ன விபல்லாஸா. நாமகாயஸ்ஸ ச ரூபகாயஸ்ஸ ச க³ந்த²னதோ க³ந்தா². அரியேஹி அக³ந்தப்³பா³, அயுத்தா க³தீதி வா அக³தி. ஆஸவந்தீதி ஆஸவா, ஆப⁴வக்³க³தோ ஸப்³ப³மோகாஸலோகங், ஆகொ³த்ரபு⁴தோ ஸப்³பே³ த⁴ம்மே ப்³யாபெத்வா பவத்தந்தீதி அத்தோ², ஆஸவந்தி ஸங்ஸாரது³க்க²ந்தி வா ஆஸவா, சக்கா²தீ³ஹி வா ஸங்வராஸங்வரத்³வாரேஹி ஸத்தஸந்தானே ஆஸவந்தி வணதோ யூஸானி ஸந்த³ந்தி வியாதி ஆஸவா, ஆஸவந்தி வா ஏதேஹி சித்தானி விஸயேஸூதி ஆஸவா. ஸங்ஸாரமஹாஸாக³ரப்பத்திஹனநதோ ஓகா⁴ வியாதி ஓகா⁴. ஹெட்டா² வுத்தனயேன யோஜனதோ யோகா³. நிவாரெந்தி லோகியலோகுத்தரகு³ணவிஸேஸாதி⁴க³மந்தி நீவரணானி. அனிச்சாதி³த⁴ம்மஸபா⁴வங் அதிக்கம்ம பரதோ அஸபா⁴வதோ ஆமஸந்தீதி பராமாஸா. மண்டூ³கங் பன்னகோ³ விய ஆரம்மணங் பு⁴ஸங் ஆதி³யந்தீதி உபாதா³னானி. அப்பஹீனபா⁴வேன ஸத்தஸந்தானே அனுஸெந்தி மூஸிகவிஸங் விய அனுரூபகாரணங் லபி⁴த்வா உப்பஜ்ஜந்தீதி அனுஸயா. சித்தஸ்ஸ மலீனபா⁴வகரணட்டே²ன மலா. அகுஸலகம்மானி ச தானி து³க்³க³தீனங் பதா² சாதி அகுஸலகம்மபதா². இத⁴ பன கம்மபத²பா⁴வங் அப்பத்தானங் தங்ஸபா⁴வதோ க³ஹணங் த³ட்ட²ப்³ப³ங். சித்தங் உப்பஜ்ஜதி எத்தா²தி சித்துப்பாதோ³, சேதஸிகராஸி, அகுஸலோ ச ஸோ சித்துப்பாதோ³ சாதி அகுஸலசித்துப்பாதோ³.
காமப⁴வதோ உத்³த⁴ம்பா⁴கி³யஸங்யோஜனானி. ரூபாரூபப⁴வதோ ஹெட்டி²மகொட்டா²ஸபா⁴வதோ தத்து²ப்பாத³கிலேஸானங் அப்பஹீனபா⁴வேன ததியமக்³க³ப்பத்தியா ஹெட்டா² ப⁴ஜிதப்³ப³தோ வா அதோ⁴பா⁴கா³, காமப⁴வா, தேஸங் ஹிதானி ஸங்யோஜனானீதி அதோ⁴பா⁴கி³யஸங்யோஜனானீதி.
இமேஸு பன த³ஸஸு ரூபப⁴வஸங்யோஜனங், அரூபப⁴வஸங்யோஜனங், காமப⁴வஸங்யோஜனஞ்ச அத்த²தோ லோபோ⁴வ, ஸக்காயதி³ட்டி²ஸீலப்³ப³தபராமாஸாபி தி³ட்டி²யேவ, தஸ்மா த⁴ம்மதோ ஸத்த ஸங்யோஜனானி.
மிச்சா²ஸங்கப்போ மிச்சா²வாயாமோ மிச்சா²ஸமாதீ⁴தி ததா² பவத்தானங் விதக்கவீரியஸமாதீ⁴னமதி⁴வசனங். மிச்சா²வாசாத³யோ தயோ ததா² பவத்தா சேதனா. மிச்சா²ஸதி பன சித்துப்பாதோ³. மிச்சா²ஞாணங் ததா² பவத்தோ மோஹோ. மிச்சா²விமுத்தி லோகதூ²பிகாதீ³ஸு மொக்கோ²தி பவத்தமிச்சா²கா³ஹோ.
காரணூபசாரேனாதி லாப⁴ஹேதுகோ லாபோ⁴, அலாப⁴ஹேதுகோ அலாபோ⁴திஆதி³னா காரியஸ்ஸ காரணவஸேன உபசரணேன. லோகத⁴ம்மக்³க³ஹணந்தி லோகத⁴ம்மக்³க³ஹணேன க³ஹணங்.
ஆவாஸே மச்ச²ரியங், ஆவாஸஹேதுகங் வா மச்ச²ரியந்தி ஆவாஸமச்ச²ரியங். ஏவங் குலமச்ச²ரியாதீ³னிபி. தத்த² ஆவாஸோதி விஹாராதி³. குலந்தி உபட்டா²ககுலங், ஞாதிகுலஞ்ச. லாபோ⁴தி பச்சயலாபோ⁴யேவ. வண்ணோதி ஸரீரவண்ணோ ச கு³ணவண்ணோ ச. த⁴ம்மோதி ஆக³மோ, அதி⁴க³மோ ச.
‘‘தயோ’’தி
அபி⁴ஸஜ்ஜனூபனய்ஹனவஸேன பவத்தனதோ அபி⁴ஜ்ஜா²ப்³யாபாதா³னங் காயக³ந்த²தா த³ட்ட²ப்³பா³. ‘‘இத³மேவ ஸச்சங் மோக⁴மஞ்ஞ’’ந்தி ஏவங் அவத்து²ம்ஹி பவத்தோ அபி⁴னிவேஸோ இத³ங்ஸச்சாபி⁴னிவேஸோ. ஸீலப்³ப³தபராமாஸஇத³ங்ஸச்சாபி⁴னிவேஸகாயக³ந்தா² செத்த² அத்த²தோ தி³ட்டி²யேவ, தஸ்மா த⁴ம்மதோ தயோ காயக³ந்தா².
‘‘ச²ந்த³தோ³ஸமோஹப⁴யானீ’’தி
ஆஸவேஸு காமராக³ப⁴வராகா³ அத்த²தோ லோபோ⁴தி த⁴ம்மதோ தயோ ஆஸவா.
தேஸமேவாதி காமராகா³தீ³னமேவ. தே ஹி ஓகோ⁴ விய அத்தனி பதிதே அபாயஸமுத்³த³ங் பாபெந்தி, ஸங்ஸாரது³க்க²தோ ச ஸீஸங் உக்கி²பிதுங் ந தெ³ந்தி, க²ந்தா⁴தீ³னி ச க²ந்தா⁴தீ³ஹி யோஜெந்தி.
காமுபாதா³னாதீ³னீதி காமுபாதா³னதி³ட்டு²பாதா³னஸீலப்³ப³துபாதா³னஅத்தவாது³பாதா³னானி. தி³ட்டு²பாதா³னாதீ³னி செத்த² ததா² பவத்தா தி³ட்டி²யேவ, காமுபாதா³னங் லோபோ⁴தி த⁴ம்மதோ த்³வே உபாதா³னானி.
ஸத்தானுஸயாதி எத்த² யதி³ அப்பஹீனட்டே²ன ஸத்தஸந்தானே அனுஸெந்தீதி அனுஸயா. கஸ்மா ஸத்தேவ வுத்தா, நனு அஞ்ஞேஸம்பி கிலேஸானங் அப்பஹீனபா⁴வோ விஜ்ஜதீதி? ந மயங் அப்பஹீனமத்தேன அனுஸயங் வதா³ம, கிந்து அப்பஹீனபா⁴வேன தா²மக³தகிலேஸா அனுஸயாதி, தா²மக³மனஞ்ச நேஸங் அஞ்ஞேஹி அஸாதா⁴ரணோ ஸபா⁴வோ த³ட்ட²ப்³போ³. ததா² ஹி த⁴ம்மஸபா⁴வவேதி³னா ததா²க³தேன இமேயேவ அனுஸயா வுத்தா, காமராகோ³யேவ அனுஸயோ காமராகா³னுஸயோ. ஏவங்
பாணஸ்ஸ அதிபாதோ பாணாதிபாதோ, பாணோதி வோஹாரதோ ஸத்தோ, பரமத்த²தோ ஜீவிதிந்த்³ரியங். தஸ்மிங் பாணே பாணஸஞ்ஞினோ ஜீவிதிந்த்³ரியுபச்சே²த³கப்பயோக³ஸமுட்டா²பிகா வத⁴கசேதனா பாணாதிபாதோ. பரப⁴ண்டே³ ததா²ஸஞ்ஞினோ ததா³தா³யகப்பயோக³ஸமுட்டா²பிகா தெ²ய்யசேதனா அதி³ன்னாதா³னங். அஸத்³த⁴ம்மகாமதாய காயத்³வாரப்பவத்தா அக³ந்தப்³ப³ட்டா²னவீதிக்கமசேதனா காமேஸுமிச்சா²சாரோ. அபூ⁴தங் வத்து²ங் பூ⁴ததோ பரங் விஞ்ஞாபேதுகாமஸ்ஸ ததா² விஞ்ஞாபனப்பயோக³ஸமுட்டா²பிகா சேதனா முஸாவாதோ³. ஸோ பன பரஸ்ஸ அத்த²பே⁴த³கரோவ கம்மபதோ², இதரோ கம்மமேவ. ஸங்கிலிட்ட²சித்தஸ்ஸ பரபே⁴த³னகாமதாய, அத்தபியகம்யதாய வா பரபே⁴த³கப்பயோக³ஸமுட்டா²பிகா சேதனா பிஸுணவாசா. ஸாபி த்³வீஸு பி⁴ன்னேஸுயேவ கம்மபதோ². பரமம்மச்சே²த³கப்பயோக³ஸமுட்டா²பிகா ஏகந்தப²ருஸசேதனா ப²ருஸவாசா. அனத்த²விஞ்ஞாபனப்பயோக³ஸமுட்டா²பிகா ஸம்ப²ப்பலாபோ நாம. ஸோ பன பரேஹி க³ஹிதேயேவ கம்மபதோ² ஹோதி. ‘‘அஹோ வதேத³ங் மம ஹோதூ’’தி ஏவங் பரப⁴ண்டா³பி⁴ஜ்ஜா²யனலக்க²ணா அபி⁴ஜ்ஜா². ‘‘அஹோ வதாயங் ஸத்தோ வினஸ்ஸெய்யா’’தி ஏவங் மனோபதோ³ஸலக்க²ணோ ப்³யாபாதோ³. ‘‘நத்தி² தி³ன்ன’’ந்திஆதி³னா நயேன விபரீதத³ஸ்ஸனலக்க²ணா மிச்சா²தி³ட்டி². எத்த² ச நத்தி²கஅஹேதுகஅகிரியதி³ட்டீ²ஹியேவ கம்மபத²பே⁴தோ³.
இமேஸு ச பாணாதிபாதாதி³ திவித⁴ங் காயகம்மமேவ. தங் காயவசீத்³வாரேஸுயேவ உப்பஜ்ஜதி, ந மனொத்³வாரே. ததா² முஸாவாதா³தி³
ஏதானீதி இமானி மக்³க³ஞாணானி. யதா²ஸம்ப⁴வந்தி தங்தங்மக்³கா³னுரூபங்.
அபாயங் க³ச்ச²ந்தி ஏதேஹீதி அபாயக³மனீயா. ஸேஸாதி ந அபாயக³மனீயா. ஓளாரிகாதி ததியமக்³கே³ன பஹாதப்³பா³வத்த²ங் உபாதா³ய ஓளாரிகா. தேனாஹ ‘‘ஸுகு²மா ததியமக்³க³ஞாணவஜ்ஜா²’’தி. ஸுகு²மா காமராக³படிகா⁴தி ஸம்ப³ந்தோ⁴. சதுத்த²மக்³க³ஞாணவஜ்ஜா² ஏவாதி அவதா⁴ரணேன பட²மமக்³கா³தி³வஜ்ஜ²தங் நிவத்தேதி. ந ஹி ரூபராகா³தீ³னங் அபாயகா³மினியாவத்தா²பி அத்தி², யதோ தே பட²மஞாணவஜ்ஜா²பி ஸியுந்தி.
யத்த² யத்த² பன ஏவ-ஸத்³தே³ன அவதா⁴ரணங் அகத்வா யங் யங் து³தியஞாணவஜ்ஜ²ந்தி வா ததியஞாணவஜ்ஜ²ந்தி வா சதுத்த²ஞாணவஜ்ஜ²ந்தி வா வக்க²தி, தத்த² தத்த² ஸோ ஸோ புரிமஞாணேஹி ஹதாபாயக³மனீயாதி³பா⁴வோவ ஹுத்வா உபரிஞாணவஜ்ஜோ² ஹோதீதி வேதி³தப்³போ³. தேன லோப⁴…பே॰… சதுத்த²ஞாணவஜ்ஜா²னீதி எத்த² லோபா⁴த³யோ ஹெட்டி²மமக்³க³வஜ்ஜா²பி ஹொந்தேவ.
யஸேதி பரிவாரே.
து³க்கே² ஸுக²ந்தி ஸஞ்ஞாசித்தவிபல்லாஸாதி ஸம்ப³ந்தோ⁴.
அக³தியோ பட²மமக்³க³ஞாணவஜ்ஜா²தி கிஞ்சாபி ச²ந்தா³த³யோ தண்ஹாதி³ஸபா⁴வா உபரிமக்³க³வஜ்ஜா², ததா²பி தம்மூலகஸ்ஸ அகத்தப்³ப³கரணஸ்ஸ, கத்தப்³பா³கரணஸ்ஸ ச அபாயக³மனீயதாய பட²மமக்³க³ஞாணவஜ்ஜா².
கதாகதகுஸலாகுஸலவிஸயங் குக்குச்சங், தங் இத⁴ ததியஞாணவஜ்ஜ²ங் வுத்தங். யங் பன ‘‘குக்குச்சபகததாய ஆபத்திங் ஆபஜ்ஜதீ’’தி வுத்தங் குக்குச்சங், தங் ஸந்தா⁴ய ‘‘குக்குச்சவிசிகிச்சா² ஸோதாபத்திமக்³கே³ன பஹீயந்தீ’’தி (த⁴॰ ஸ॰ அட்ட²॰ 1176) த⁴ம்மஸங்க³ணீஅட்ட²கதா²யங் வுத்தங், தஸ்மா த்³வின்னங் வசனானங் அயங் அதி⁴ப்பாயோ வேதி³தப்³போ³. அஞ்ஞேஸுபி ஏதி³ஸேஸு டா²னேஸு அதி⁴ப்பாயோவ பரியேஸிதப்³போ³, ந விரோத⁴தோ பச்சேதப்³ப³ங். ஓளாரிகானவஸேஸப்பஹானங் வா ஸந்தா⁴ய குக்குச்சஸ்ஸ பட²மததியஞாணவஜ்ஜ²தா வுத்தா. யங் பன அரஹதோ உப்பஜ்ஜமானங் ‘‘ப⁴க³வதா படிக்கி²த்தங் அனுவஸித்வா அனுவஸித்வா ஆவஸத²பிண்ட³ங் பு⁴ஞ்ஜிதுந்தி குக்குச்சாயந்தோ ந படிக்³க³ஹேஸீ’’தி (பாசி॰ 204) ஆக³தங் குக்குச்சங், ந தங் நீவரணங். ந ஹி நீவரணங் அரஹதோ உப்பஜ்ஜதி, நீவரணபதிரூபகங் பன கப்பதீதி வீமங்ஸனபூ⁴தங் வினயகுக்குச்சங் நாம, தங் ததா²பவத்தசித்துப்பாதோ³வ.
காமராக³படிகா⁴னுஸயா அனுஸஹக³தா ததியஞாணவஜ்ஜா², ஓளாரிகானங் பன து³தியஞாணவஜ்ஜ²தா ஹெட்டா² வுத்தனயாவ.
அகுஸலசித்துப்பாத³-க்³க³ஹணேன செத்த² மக்க²பலாஸமாயாஸாடெ²ய்யத²ம்ப⁴ஸாரம்பா⁴தீ³னங் ஸங்க³ஹோ கதோதி த³ட்ட²ப்³ப³ங்.
1376. தேன தேனாதி தேன தேன கா⁴தகேன ஸத்³தி⁴ங். கிங் பனேதானி ஏதே த⁴ம்மே கா⁴தெந்தானி அதீதானாக³தே கா⁴தெந்தி, உதா³ஹு பச்சுப்பன்னேதி. கிங் பனெத்த², யதி³ தாவ அதீதானாக³தே, அப²லோ வாயாமோ ஆபஜ்ஜதி. கஸ்மா? பஹாதப்³பா³னங் ததா³ நத்தி²தாய. அத² பச்சுப்பன்னே, ததா²பி அப²லோ வாயாமேன ஸத்³தி⁴ங் பஹாதப்³பா³னங் அத்தி²தாய. அதா²பி கத²ஞ்சி பஹானங் ஸியா, ஸங்கிலேஸிகா மக்³க³பா⁴வனா ஆபஜ்ஜதி
1377-82. பரிஞ்ஞாதீ³னி கிச்சானீதி பரிஞ்ஞாபஹானஸச்சி²கிரியாபா⁴வனாவஸேன சத்தாரி கிச்சானி. வுத்தானீதி ‘‘து³க்க²ங் பரிஞ்ஞெய்ய’’ந்திஆதி³னா (ஸங்॰ நி॰ 5.1099), ‘‘யோ, பி⁴க்க²வே, து³க்க²ங் பஸ்ஸதீ’’திஆதி³னா (ஸங்॰ நி॰ 5.1100) ச வுத்தானி. ஸச்சாபி⁴ஸமயேதி சதுன்னங் அரியஸச்சானங் படிவிஜ்ஜ²னக்க²ணே.
யதா²ஸபா⁴வதோதி அவிபரீதஸபா⁴வேன. ‘‘ஜானிதப்³பா³னீ’’தி வத்வா கத²ங் பனேதங் ஜானிதப்³ப³ங், கத²ங் நாம ஏகேகஸ்ஸ ஞாணஸ்ஸ ஏகக்க²ணே சத்தாரி கிச்சானி ஸம்ப⁴வந்தி. ந ஹி தாதி³ஸங் கிஞ்சி லோகே தி³ட்ட²ங் அத்தி², ந ச வசனங் லப்³ப⁴தீதி சோத³னங் மனஸி நிதா⁴ய தேஸங் ஜானநவிதி⁴ங் உபமாவஸேன தாவ த³ஸ்ஸேதுங் ‘‘பதீ³போ ஹீ’’திஆதி³ வுத்தங். வித³ங்ஸேதீதி த³ஸ்ஸேதி. பரியாதி³யதீதி கே²பேதி.
1383-4. பரிஞ்ஞாபி⁴ஸமயேனாதி அனவஸேஸதோ பரிச்சி²ஜ்ஜ ஜானநஸங்கா²தேன படிவிஜ்ஜ²னேன. அபி⁴ஸமேதீதி அஸம்மோஹவஸேன படிவிஜ்ஜ²தி. பஹானாபி⁴ஸமயேனேவாதி ஸமுச்சே²த³ப்பஹானஸங்கா²தேன படிவிஜ்ஜ²னேன அஸம்மோஹதோவ அபி⁴ஸமேதி. பா⁴வனாவிதி⁴னாதி ஸஹஜாதாதி³பச்சயதாவஸேன பா⁴வனாபி⁴ஸமயவிதி⁴னா. மக்³க³ஞாணஞ்ஹி ஸம்மாஸங்கப்பாதி³வஸேன மக்³க³புப்³ப³பா⁴க³பா⁴வனாஸம்பூ⁴தேன அரியமக்³க³பா⁴வனாஸங்கா²தேன படிவிஜ்ஜ²னேன அபி⁴ஸமேதீதி அட்ட²ங்கி³கங் மக்³க³ங் அஸம்மோஹதோ படிவிஜ்ஜ²தி. தஞ்ஹி ஸம்பயுத்தத⁴ம்மேஸு ஸம்மோஹங் வித்³த⁴ங்ஸெந்தங் அத்தனிபி ஸம்மோஹங் வித்³த⁴ங்ஸேதியேவ. நிரோத⁴ந்தி ஸச்சி²கரோதீதி பச்சக்க²கரணவஸேன படிவிஜ்ஜ²தி. ‘‘நிரோத⁴ங் ஸச்சி²கரோதீ’’தி நிரோத⁴ஸச்சமேகங் ஆரம்மணபடிவேதே⁴ன சத்தாரிபி ஸச்சானி அஸம்மோஹபடிவேதே⁴ன மக்³க³ஞாணங் படிவிஜ்ஜ²தி.
ஏவங் யுத்திவஸேன விபா⁴விதங் ஏகபடிவேத⁴ங் ஆக³மேனபி ஸாதே⁴துங் ‘‘வுத்தம்பி சேத’’ந்திஆதி³ வுத்தங். மக்³க³ஸமங்கி³ஸ்ஸ ஞாணந்தி ஹி ‘‘யோ நு கோ², ஆவுஸோ, து³க்க²ங் பஸ்ஸதி, து³க்க²ஸமுத³யம்பி ஸோ பஸ்ஸதி, து³க்க²னிரோத⁴ம்பி, து³க்க²னிரோத⁴கா³மினிபடிபத³ம்பி ஸோ பஸ்ஸதீ’’தி (ஸங்॰ நி॰ 5.1100) ஏகஸச்சத³ஸ்ஸனஸமங்கி³னோ அஞ்ஞஸச்சத³ஸ்ஸனஸமங்கி³பா⁴வவிசாரணாயங் தமத்த²ங் ஸாதே⁴துங் ஆயஸ்மதா க³வம்பதித்தே²ரேன வுத்தங். அஞ்ஞதா² கமாபி⁴ஸமயே ஸதி புரிமதி³ட்ட²ஸ்ஸ புன அத³ஸ்ஸனதோ ஸமுத³யாதி³பஸ்ஸதோ து³க்கா²தி³த³ஸ்ஸனங் புன அவத்தப்³ப³ங் ஸியா. இதா³னி பனெத்த² உபமாஸங்ஸந்த³னங் கரொந்தோ ஆஹ ‘‘பதீ³போ’’திஆதி³. நிஸ்ஸயாபா⁴வஹேதுதாய து³க்க²பரிஞ்ஞாய வட்டிஜ்ஜா²பனஸதி³ஸதா, படிபக்க²வித்³த⁴ங்ஸனதாய ஸமுத³யப்பஹானஸ்ஸ அந்த⁴காரவினாஸனஸதி³ஸதா, ஞாணாலோகபரிப்³ரூஹனதாய மக்³க³பா⁴வனாய
1385-6. அபராயபி உபமாய தமத்த²ங் த³ஸ்ஸெந்தோ ஆஹ ‘‘உக்³க³ச்ச²ந்தோ’’திஆதி³. ஓபா⁴ஸேதீதி பகாஸேதி. படிஹஞ்ஞதீதி படிப்பஸ்ஸம்பே⁴தி. எத்தா²பி யதா² ஸூரியோ ரூபக³தானி ஓபா⁴ஸேதி, ஏவங் மக்³க³ஞாணங் து³க்க²ங் பரிஜானாதி. யதா² அந்த⁴காரங் வினாஸேதி, ஏவங் ஸமுத³யங் பஜஹதி. யதா² ஆலோகங் த³ஸ்ஸேதி, ஏவங் ஸஹஜாதாதி³பச்சயதாய மக்³க³ங் பா⁴வேதி
1388. அப்பேதீதி பப்போதி. து³க்க²பரிஞ்ஞாய ஸக்காயதீரஸமதிக்கமபா⁴வதோ ஓரிமதீரப்பஜஹனஸதி³ஸதா, மக்³க³பா⁴வனாய ஸத்ததிங்ஸபோ³தி⁴பக்கி²யத⁴ம்மவஹனதாய ப⁴ண்ட³வஹனஸதி³ஸதா, எத்தாவதா பஞ்ஞாபா⁴வனாய நானாகிலேஸவித்³த⁴ங்ஸனவஸப்பவத்தோ ஆனிஸங்ஸோ த³ஸ்ஸிதோ ஹோதீதி.
அரியப²லஸமாபத்தினிரோத⁴ஸமாபத்தியோபி பனஸ்ஸா ஆனிஸங்ஸாதி த³ட்ட²ப்³ப³ங். தா பன ஸங்கே²பதோ ஏவங் த³ட்ட²ப்³பா³ – ‘‘அரியப²லஸமாபத்தீ’’தி ஹி சதுன்னம்பி ப²லட்டா²னங் அத்தனோ அத்தனோ அரியப²லஸ்ஸ தி³ட்ட²த⁴ம்மஸுக²விஹாரத்த²ங் நிரோதே⁴ அப்பனா. சத்தாரோபி ஹி அரியபுக்³க³லா ஸகங் ஸகங் ப²லஸமாபத்திங் ஸமாபஜ்ஜந்தி. கேசி பன ‘‘அனாகா³மிஅரஹந்தோவ ஸமாபஜ்ஜந்தி ஸமாதி⁴ஸ்மிங் பரிபூரகாரிதாயா’’தி வத³ந்தி, தங் அகாரணங் அத்தனா படிலத்³த⁴ஸமாபத்திஸமாபஜ்ஜனே ஸமாதி⁴ஸ்மிங் பரிபூரகாரிதாய காதப்³பா³பா⁴வதோ. ஸப்³ப³ஸோ அஸமுச்சி²ன்னகிலேஸஸ்ஸ ஹி புது²ஜ்ஜனஸ்ஸாபி அத்தனா படிலத்³த⁴லோகியஸமாபத்திஸமாபஜ்ஜனங் லப்³ப⁴தி, கிமங்க³ங் பன ஸமுச்சி²ன்னேகச்சகிலேஸானங் அரியானங். உபரிமா பன ஹெட்டி²மங் புப்³பே³ படிலத்³த⁴ம்பி ந ஸமாபஜ்ஜந்தி புக்³க³லந்தரபா⁴வங் உபக³தத்தா. ஸமுக்³கா⁴டிதகம்மகிலேஸனிரோத⁴னேன ஹி புது²ஜ்ஜனேஹி விய ஸோதாபன்னஸ்ஸ, ஸோதாபன்னாதீ³ஹி ஸகதா³கா³மிஆதீ³னங் புக்³க³லந்தரபா⁴வூபக³மனங் அத்தி², அனந்தரப²லத்தா ச லோகுத்தரகுஸலானங் ஹெட்டி²மதோ உபரிமோ ப⁴வந்தரக³தோ விய ஹோதீதி தஸ்ஸ தஸ்ஸ அரியஸ்ஸ தங் தங் ப²லங் ப⁴வங்க³ஸதி³ஸங் ஹோதி, தஸ்மா புக்³க³லந்தரபா⁴வூபக³மனேன
ததா² ஹி அரியமக்³க³வீதி²யங் அனுலோமஞாணானி அனிப்³பி³த்³த⁴புப்³பா³னங் தூ²லதூ²லலோப⁴க்க²ந்தா⁴தீ³னங் ஸாதிஸயங் பதா³லனேன லோகியஞாணேஸு உக்கங்ஸபாரமிப்பத்தானி மக்³கா³னுகூலானி ஹுத்வா உப்பஜ்ஜந்தி, ப²லஸமாபத்திவீதி²யங் பன தானி தேன தேன மக்³கே³ன தேஸங் தேஸங் கிலேஸானங் ஸமுச்சி²ன்னத்தா கிலேஸவிக்க²ம்ப⁴னே நிருஸ்ஸுக்கானி கேவலங் அரியானங் ப²லஸமாபத்திஸுக²ஸமங்கி³பா⁴வஸ்ஸ பரிகம்மப்பத்தானி ஹுத்வா உப்பஜ்ஜந்தீதி ந தேஸங் குதோசி வுட்டா²னஸம்ப⁴வோ. யதோ நேஸங் பச்சி²மோ ஸங்கா²ரனிமித்ததோ வுட்ட²ஹித்வா மக்³க³ஸ்ஸ அனந்தரபச்சயோ ப⁴வெய்ய, தேனேவ ச ப²லஸமாபத்தியா அனந்தரபச்சயபூ⁴தங் ஞாணங் ஸங்கா²ராரம்மணமேவ ஹோதி, ந நிப்³பா³னாரம்மணந்தி வேதி³தப்³ப³ங். புப்³பா³பி⁴ஸங்கா²ரவஸேன சஸ்ஸா பப³ந்த⁴வஸேன பவத்திபரிச்சி²ன்னகாலாபக³மே ப⁴வங்க³வஸேன ததோ வுட்டா²னஞ்ச வேதி³தப்³ப³ங்.
நிரோத⁴ஸமாபத்தி பன ததியசதுத்த²ப²லட்டா²னங் அனுபுப்³ப³னிரோத⁴வஸேன சித்தசேதஸிகானங் த⁴ம்மானங் அப்பவத்தி. அனாகா³மிஅரஹந்தோயேவ ஹி காமச்ச²ந்தா³தி³ஸமுச்சி²ந்த³னேன ஸமாதி⁴ஸ்மிங் பரிபூரகாரிதாய ஸமத²ப²லஸமன்னாக³தத்தா நிரோத⁴ங் ஸமாபஜ்ஜந்தி. ததா² ஹேதங் ஸமத²விபஸ்ஸனானங் யுக³னந்த⁴பா⁴வப்பவத்தனவஸேன த்³வீஹி ப³லேஹி ஸமன்னாக³தஸ்ஸேவ ஸம்ப⁴வதி, தஸ்மா தங் ஸமாபஜ்ஜிதுகாமேன
தத்த² நானாப³த்³தா⁴விகோபனங். ஸரீரஸங்யுத்தே விஸுங் அதி⁴ட்டா²னகிச்சங் நத்தி². ஸங்கோ⁴ பன ஞத்திகம்மாதீ³ஸு கிஞ்சிதே³வ கம்மங் கத்துகாமோ ‘‘யாவ மங் ந பக்கோஸதி, தாவதே³வ வுட்ட²ஹிஸ்ஸாமீ’’தி புப்³பா³போ⁴க³கரணங் ஸங்க⁴படிமானநங். ஸத்தா² ச ‘‘ஸிக்கா²பத³பஞ்ஞாபனாதீ³ஸு யாவ மங் ந பக்கோஸதி, தாவதே³வ வுட்ட²ஹிஸ்ஸாமீ’’தி புப்³பா³போ⁴க³கரணங் ஸத்து²பக்கோஸனங். ஸத்தாஹப்³ப⁴ந்தரே அத்தனோ ஆயுஸங்கா²ரஸ்ஸ பவத்தனஸமத்த²தாவலோகனங் அத்³தா⁴னபரிச்சே²தோ³. ஏவங் கதபுப்³ப³கிச்சேன நேவஸஞ்ஞானாஸஞ்ஞாயதனங் ஸமாபஜ்ஜிதப்³ப³ங். அதே²கங் வா த்³வே வா சித்தவாரே அதிக்கமித்வா அசித்தகோ ஹோதி, நிரோத⁴ங் பு²ஸதி, ததோ யதா²பரிச்சே²த³ங் ததியசதுத்த²ப²லானங் அஞ்ஞதரேன நிரோதா⁴ வுட்ட²ஹிஸ்ஸதீதி. ஏவமயங் து³விதா⁴ ஸமாபத்தி லோகுத்தரபஞ்ஞாய ஆனிஸங்ஸோ.
1392-4. ஸதே³வகலோகதோ உத்திண்ணேன, உத்தரிதரேன வாதி லோகுத்தரேன ஸம்மாஸம்பு³த்³தே⁴ன. பஞ்ஞாய பா⁴வனந்தி ஸம்ப³ந்தோ⁴. ஹிதபா⁴வனந்தி இத⁴லோகபரலோகஹிதவிபா⁴வனங் இமங் பஞ்ஞாபா⁴வனங். ஸுக²ஸங்ஹிதந்தி ஸினித்³த⁴ச்சா²யுத³கவந்ததாதி³னா ஸுக²ஸஹிதங். ஹிதந்தி யோக³கம்மஸ்ஸ ஹிதங் உத்தமந்தி உக்³க³ததமங், அச்சுக்³க³தங் ப³லவந்தம்பீதி அதி⁴ப்பாயோ. அவிக்³க³ஹகம்பத³ந்தி விக்³க³ஹஞ்ச கம்பஞ்ச ந தே³தீதி அவிக்³க³ஹகம்பத³ந்தி அத்தோ².
இதி அபி⁴த⁴ம்மத்த²விகாஸினியா நாம
அபி⁴த⁴ம்மாவதாரஸங்வண்ணனாய
கிலேஸப்பஹானகதா²வண்ணனா நிட்டி²தா.