6. யமகமாதிகா
மூலயமகமாதிகத்த²வண்ணனா
இதா³னி யமகங் நாம. இத⁴ பனேதா நித்³தே³ஸயமகங் உபாதா³ய ‘‘யமகமாதிகா’’த்வேவ வுத்தா, தாஸங் பன த³ஸன்னங் யமகமாதிகானங் மூலயமகமாதிகா ஆதி³. தத்தா²பி ‘‘யே கேசி குஸலா த⁴ம்மா, ஸப்³பே³ தே குஸலமூலா. யே வா பன குஸலமூலா, ஸப்³பே³ தே த⁴ம்மா குஸலா’’தி இத³ங் யமகங் ஆதி³. தஸ்ஸ குஸலமூலஸங்கா²தானங் த்³வின்னங் அத்தா²னங் வஸேன அத்த²யமகந்தி வா, தேஸஞ்ஞேவ அத்தா²னங் அனுலோமதோ படிலோமதோ பவத்தபாளித⁴ம்மவஸேன த⁴ம்மயமகந்தி வா, அனுலோமபடிலோமதோ பவத்தபுச்சா²வஸேன புச்சா²யமகந்தி வா திதா⁴ யமகபா⁴வோ வேதி³தப்³போ³. ஸேஸேஸுபி ஏஸேவ நயோ.
இதா³னி இமேஸங் யமகானங் வஸேன தே³ஸிதாய இமிஸ்ஸா மூலயமகமாதிகாய தாவ நயயமகபுச்சா²அத்த²வாரப்பபே⁴த³வஸேன பாளிவவத்தா²னங் ஏவங் வேதி³தப்³ப³ங் – குஸலத்திகமாதிகாய ஹி ‘‘குஸலா த⁴ம்மா’’தி இத³ங் ஆதி³பத³ங் நிஸ்ஸாய மூலனயோ மூலமூலனயோ மூலகனயோ மூலமூலகனயோதி இமே சத்தாரோ நயா ஹொந்தி. தேஸு ஏகேகஸ்மிங் நயே மூலயமகங் ஏகமூலயமகங் அஞ்ஞமஞ்ஞமூலயமகந்தி தீணி தீணி யமகானீதி
தத்த² யே கேசி குஸலாதி குஸலேஸு ‘‘குஸலா நு கோ², ந குஸலா நு கோ²’’தி ஸந்தே³ஹாபா⁴வதோ இமஸ்மிங் பதே³ ஸன்னிட்டா²னத்தோ² வேதி³தப்³போ³. ஸப்³பே³ தே குஸலமூலாதி ‘‘ஸப்³பே³ தே குஸலா த⁴ம்மா குஸலமூலா நு கோ², ந நு கோ²’’தி ஏவங் விமதிவஸேன புச்சி²தத்தா இமஸ்மிங் பதே³ ஸங்ஸயத்தோ² வேதி³தப்³போ³. ஸோ ச கோ² வேனெய்யானங் ஸங்ஸயட்டா²னே ஸங்ஸயங் தீ³பெத்வா தங்வினோத³னத்த²ங் ப⁴க³வதா வுத்தோ, ததா²க³தஸ்ஸ பன ஸங்ஸயட்டா²னங் நாம நத்தி². இதோ பரேஸுபி புச்சா²பதே³ஸு ஏஸேவ நயோ. யதா² ச குஸலபத³ங் நிஸ்ஸாய இமே சதுனயாத³யோ ஹொந்தி, அகுஸலபத³ங் நிஸ்ஸாயபி ததே²வ, அப்³யாகதபத³ங் நிஸ்ஸாயபி ததே²வ, குஸலாதீ³னி தீணிபி பதா³னி ஏகதோ கத்வா நித்³தி³ட்ட²ங் நாமபத³ங் நிஸ்ஸாய ததே²வாதி குஸலத்திகமாதிகாய சதூஸு பதே³ஸு ஸப்³பே³பி ஸோளஸ நயா, அட்ட²சத்தாலீஸ யமகானி, ச²ன்னவுதி புச்சா², த்³வானவுதிஸதங் அத்தா² ச உத்³தே³ஸவஸேன வுத்தாதி வேதி³தப்³பா³. எத்தாவதா மூலவாரோ ஹேதுவாரோ நிதா³னவாரோ ஸம்ப⁴வவாரோ பப⁴வவாரோ ஸமுட்டா²னவாரோ ஆஹாரவாரோ ஆரம்மணவாரோ பச்சயவாரோ ஸமுத³யவாரோதி ஸப்³பே³பி த³ஸ வாரா ஹொந்தி. தத்த² மூலவாரே ஆக³தபரிச்சே²தே³னேவ அவஸேஸேஸுபி நயாத³யோ வேதி³தப்³பா³. பாளி பனெத்த² அதிஸங்கி²த்தா. இதி ஸப்³பே³ஸுபி த³ஸஸு வாரேஸு ஸட்டி²ஸதங் நயா, அஸீதிஅதி⁴கானி சத்தாரி யமகஸதானி, ஸட்டி²அதி⁴கானி நவ புச்சா²ஸதானி, வீஸாதி⁴கானி ஏகூனவீஸதி அத்த²ஸதானி ச உத்³தி³ட்டா²னீதி வேதி³தப்³பா³னி.
ஏவமெத்த² யே கேசீதி அனவஸேஸவசனங். குஸலா த⁴ம்மாதி அனவஜ்ஜஸுக²விபாகா நிஸ்ஸத்தஸபா⁴வா. ஸப்³பே³ தே குஸலமூலாதி கிங் தே ஸப்³பே³யேவ குஸலமூலா ஹொந்தீதி புச்சா². இமானி பன விஸ்ஸஜ்ஜனமாதிகாய நத்தி². யமகமாதிகாய ஹி ஸப்³ப³த்த² புச்சா²பதா³னேவ உத்³த⁴டானி, ந விஸ்ஸஜ்ஜனானீதி. விஸ்ஸஜ்ஜனானி பன நித்³தே³ஸேயேவ வுத்தானி, தஸ்மா ஸப்³ப³த்த² நித்³தே³ஸனயேனேவ விஸ்ஸஜ்ஜனமுக²ங் த³ஸ்ஸயிஸ்ஸாம. இமிஸ்ஸாவ ‘‘யே கேசி குஸலா த⁴ம்மா, ஸப்³பே³ தே குஸலமூலா’’தி புச்சா²ய விப⁴ங்க³னயேன இத³ங் விஸ்ஸஜ்ஜனமுக²ங். ‘‘தீணேவ குஸலமூலானி, அவஸேஸா குஸலா த⁴ம்மா ந குஸலமூலா’’தி தஸ்ஸா சாயமத்தோ² – ந தே ஸப்³பே³ குஸலா த⁴ம்மா குஸலமூலானி ஹொந்தி, அலோபா⁴தீ³னி பன தீணேவ குஸலமூலானீதி. யே வா பன குஸலமூலா தயோ அலோபா⁴த³யோ குஸலானங் ஸப்³பே³ தே குஸலா த⁴ம்மாதி கிங் தே ஸப்³பே³ தயோபி த⁴ம்மா குஸலாதி புச்சா². தஸ்ஸா நித்³தே³ஸே ‘‘ஆமந்தா’’தி விஸ்ஸஜ்ஜனங். தஸ்ஸ தேஸங் திண்ணங் மூலானங் குஸலபா⁴வம்பி ஸம்படிச்சா²மீதி அத்தோ². அயங் தாவ மூலனயே மூலயமகனயோ.
ஏகமூலயமகே பன ஸப்³பே³ தே குஸலமூலேன ஏகமூலாதி க³ணனட்டே²ன ஏகமூலகங் அக்³க³ஹெத்வா ஸமானத்தே²ன க³ஹேதப்³பா³, அயங் ஹெத்த² அத்தோ² – ‘‘ஸப்³பே³ தே குஸலமூலேன ஏகங் ஸமானங் மூலங் ஏதேஸந்தி ஏகமூலா’’தி. யங் ப²ஸ்ஸஸ்ஸ மூலங், கிங் ததே³வ வேத³னாதீ³னந்தி அயங் புச்சா². அத² நேஸங் ததா²பா⁴வங் ஸம்படிச்ச²னவஸேன ‘‘ஆமந்தா’’தி விப⁴ங்கே³ விஸ்ஸஜ்ஜனங். யே வா பன குஸலமூலேன ஏகமூலா, ஸப்³பே³ தே த⁴ம்மா குஸலாதி புச்சா². தஸ்ஸா
அஞ்ஞமஞ்ஞமூலயமகே பன ‘‘யே கேசி குஸலா’’தி அபுச்சி²த்வா ‘‘யே கேசி குஸலமூலேன ஏகமூலா’’தி புச்சா² கதா. கஸ்மா? இமினாபி ப்³யஞ்ஜனேன தஸ்ஸேவத்த²ஸ்ஸ ஸம்ப⁴வத³ஸ்ஸனத்த²ங், குஸலஸமுட்டா²னரூபஸ்ஸாபி ஸம்பிண்ட³னத்த²ஞ்ச. அஞ்ஞமஞ்ஞமூலாதி ஸப்³பே³வ தே கிங் அஞ்ஞமஞ்ஞஸ்ஸ ஹேதுபச்சயட்டே²ன மூலானி ஹொந்தீதி புச்சா². தஸ்ஸா யானி த்³வே தீணி மூலானி ஏகதோ உப்பஜ்ஜந்தி, தானேவ ஏகமூலானி சேவ அஞ்ஞமஞ்ஞமூலானி ச, அவஸேஸா குஸலமூலஸஹஜாதா ரூபாரூபத⁴ம்மா குஸலமூலேன ஏகமூலாவ, ந ச அஞ்ஞமஞ்ஞமூலாதி விஸ்ஸஜ்ஜனங். தஸ்ஸேவ படிலோமனயே ஸப்³பே³ தே அஞ்ஞமஞ்ஞமூலா அலோபா⁴த³யோ குஸலாதி புச்சா². ஆமந்தாதி விஸ்ஸஜ்ஜனங். மூலனயோ.
யதா² ச மூலனயே மூலயமகஏகமூலயமகஅஞ்ஞமஞ்ஞமூலயமகவஸேன ச²ப்³பி³தா⁴ புச்சா²விஸ்ஸஜ்ஜனநயா வுத்தா, ஏவங் மூலமூலனயாதீ³ஸுபி வேதி³தப்³பா³. அயங் பனெத்த² விஸேஸோ – ஸப்³பே³ தே குஸலமூலமூலாதி ஸப்³பே³ தே குஸலமூலஸங்கா²தா மூலா, குஸலமூலமூலாத்வேவ அத்தோ². ஏகமூலமூலாதி ஸமானட்டே²ன ஏகமேவ மூலமூலங் ஏதேஸந்தி ஏகமூலமூலா, ஸமானமூலமூலாத்வேவ அத்தோ². அஞ்ஞமஞ்ஞமூலமூலாதி அஞ்ஞமஞ்ஞஸ்ஸ மூலங் அஞ்ஞமஞ்ஞமூலங், தங் ஹேதுபச்சயட்டே²ன மூலங் ஏதேஸந்தி அஞ்ஞமஞ்ஞமூலமூலா, அஞ்ஞமஞ்ஞமூலமூலாத்வேவ அத்தோ². ஸேஸங் தாதி³ஸமேவாதி. மூலமூலனயோ.
மூலகனயே ஸப்³பே³ தே குஸலமூலகாதி ஸப்³பே³ தே குஸலா ஹேதுபச்சயட்டே²ன குஸலபூ⁴தங் மூலங் ஏதேஸந்தி குஸலமூலகாதி புச்சா². ஆமந்தாதி விஸ்ஸஜ்ஜனங். ‘‘யே வா பன குஸலமூலகா, ஸப்³பே³ தே த⁴ம்மா குஸலா’’தி புச்சா². யங் ரூபங், தங் ட²பெத்வா ஸேஸங் குஸலந்தி விஸ்ஸஜ்ஜனங், ஸேஸங் தாதி³ஸமேவாதி. மூலகனயோ.
மூலமூலகனயே பன குஸலமூலமூலகாதி குஸலமூலஸங்கா²தங் மூலங் ஏதேஸந்தி குஸலமூலமூலகா. ஸேஸங் தாதி³ஸமேவாதி.
அயங் தாவ குஸலபதே³ஸு புச்சா²விஸ்ஸஜ்ஜனநயோ. அகுஸலபதா³தீ³ஸுபி ஏஸேவ நயோ. அயங் பன விஸேஸோ – அகுஸலபத³மூலேஸு ஏகமூலயமகே ‘‘யே கேசி அகுஸலா த⁴ம்மா, ஸப்³பே³ தே அகுஸலமூலேன ஏகமூலா’’தி பட²மபுச்சா²ய ‘‘அஹேதுகங் அகுஸலங் அகுஸலமூலேன ஏகமூல’’ந்தி நித்³தே³ஸே விஸ்ஸஜ்ஜனங் கதங். தத்த² அஹேதுகங் அகுஸலந்தி த்³வீஸு மோஹமூலசித்தேஸு மோஹங் ஸந்தா⁴ய வுத்தங், அப்³யாகதபத³மூலேஸு ஏகமூலயமகே ‘‘யே கேசி அப்³யாகதா த⁴ம்மா, ஸப்³பே³ தே அப்³யாகதமூலேன ஏகமூலா’’தி புச்சா²ய ‘‘அஹேதுகங் அப்³யாகதங் ட²பெத்வா ஸேஸா அப்³யாகதமூலேன ஏகமூலகா’’தி விஸ்ஸஜ்ஜனங். தத்த² அஹேதுகங் அப்³யாகதந்தி அட்டா²ரஸாஹேதுகசித்துப்பாதா³, ரூபங், நிப்³பா³னஞ்ச. எத்த² ச கிஞ்சாபி ஸஹேதுகஅப்³யாகதசித்தஸமுட்டா²னரூபம்பி அப்³யாகதமூலேன ஏகமூலமேவ, தங் பன அப்³போ³ஹாரிகங் கத்வா நித்³தே³ஸே ஏகதோ லப்³ப⁴மானகவஸேனபேதங் விஸ்ஸஜ்ஜனங் கதந்தி வேதி³தப்³ப³ங்.
நாமபத³மூலேஸு ச ‘‘யே கேசி நாமா த⁴ம்மா, ஸப்³பே³ தே நாமமூலா’’தி புச்சா²ய ‘‘நவேவ நாமமூலானி, அவஸேஸா நாமா த⁴ம்மா, ந நாமமூலா’’தி விஸ்ஸஜ்ஜனங். ஏகமூலனயே பனெத்த² ‘‘யே கேசி நாமா த⁴ம்மா, ஸப்³பே³ தே நாமமூலேன ஏகமூலா’’தி புச்சா². ‘‘அஹேதுகங் நாமங் ட²பெத்வா ஸேஸங் நாமமூலேன ஏகமூல’’ந்தி
இதோ பரேஸு ஹேதுவாராதீ³ஸு நவஸு வாரேஸு மூலவாரஸதி³ஸோவ ஸப்³ப³த்த² ஸங்வண்ணனானயோ. ஹேதுஆதி³பத³மத்தமேவ ஹெத்த² விஸேஸோ, தானி ச மூல-ஸத்³த³பரியாயதோ அலோபா⁴தி³ஹேதுகானேவ. அலோபா⁴த³யோ ஹி ஸஹஜாதத⁴ம்மஸங்கா²தஸ்ஸ அத்தனோ ப²லஸ்ஸ பதிட்டா²னட்டே²ன மூலங். தஸ்ஸ நிப்பா²த³னத்த²ங் ஹினோதி ஹேது, ‘‘ஹந்த³ நங் க³ண்ஹதா²’’தி த³ஸ்ஸெந்தங் விய அத்தனோ ப²லங் நிதே³தீதி நிதா³னங். ஏதஸ்மா ப²லங் ஸம்ப⁴வதீதி ஸம்ப⁴வோ. பப⁴வதீதி பப⁴வோ. ஸமுட்டா²தி தங் எத்த², ஏதேனாதி வா ஸமுட்டா²னங். தங் ஆஹரதீதி ஆஹாரோ. அபடிக்கி²பிதப்³ப³ட்டே²ன தேன ஆலம்பீ³யதீதி ஆலம்ப³ணங். ஏதங் படிச்ச தங் ஏதீதி பச்சயோ. ஏதஸ்மா தங் ஸமுதே³தீதி ஸமுத³யோ. ஸப்³ப³ங் காரணபரியாயேன வுத்தா ‘‘மூலங் ஹேது நிதா³னஞ்சா’’தி கா³தா² த³ஸன்னம்பி வாரானங் உத்³தா³னகா³தா² நாம. அயங் மூலயமகமாதிகத்த²வண்ணனானயோ.
க²ந்த⁴யமகமாதிகத்த²வண்ணனா
க²ந்த⁴யமகபாளியா பன பாளிவவத்தா²னங் தாவ ஏவங் வேதி³தப்³ப³ங் – ‘‘பஞ்சக்க²ந்தா⁴’’தி பத³ங் ஆதி³ங் கத்வா யாவ ‘‘ந க²ந்தா⁴ ந ஸங்கா²ரா’’தி பத³ங், தாவ பவத்தா அயங் க²ந்த⁴யமகமாதிகா நாம. ஸா பண்ணத்திவாரஸ்ஸ ‘‘உத்³தே³ஸவாரோ’’திபி ‘‘புச்சா²வாரோ’’திபி வுச்சதி. ஸோ ச பத³ஸோத⁴னவாரோ பத³ஸோத⁴னமூலசக்கவாரோ ஸுத்³த⁴க²ந்த⁴வாரோ ஸுத்³த⁴க²ந்த⁴மூலசக்கவாரோதி சதூஹி நயவாரேஹி படிமண்டி³தோ. தத்த² ‘‘ரூபங் ரூபக்க²ந்தோ⁴, ரூபக்க²ந்தோ⁴ ரூப’’ந்திஆதி³னா நயேன பத³மேவ ஸோதெ⁴த்வா க³தோ பத³ஸோத⁴னவாரோ நாம. ஸோ அனுலோமபடிலோமவஸேன து³விதோ⁴ ஹோதி
ததோ பரங் தேஸஞ்ஞேவ பத³ஸோத⁴னவாரே ஸோதி⁴தானங் க²ந்தா⁴னங் ‘‘ரூபங் ரூபக்க²ந்தோ⁴, க²ந்தா⁴ வேத³னாக்க²ந்தோ⁴’’திஆதி³னா நயேன ஏகேகக²ந்த⁴மூலகானி சத்தாரி சத்தாரி சக்கானி ப³ந்தி⁴த்வா க³தோ பத³ஸோத⁴னமூலகானங் சக்கானங் அத்தி²தாய பத³ஸோத⁴னமூலசக்கவாரோ நாம. ஸோபி அனுலோமபடிலோமவஸேன து³விதோ⁴ ஹோதி. தஸ்ஸ அனுலோமவாரே ‘‘ரூபங் ரூபக்க²ந்தோ⁴, க²ந்தா⁴ வேத³னாக்க²ந்தோ⁴’’திஆதீ³னி ஏகேகக²ந்த⁴மூலகானி சத்தாரி சத்தாரி கத்வா வீஸதி யமகானி. படிலோமவாரேபி ‘‘ந ரூபங் ந ரூபக்க²ந்தோ⁴, ந க²ந்தா⁴ ந வேத³னாக்க²ந்தோ⁴’’திஆதீ³னி வீஸதிமேவ.
ததோ பரங் ‘‘ரூபங் க²ந்தோ⁴, க²ந்தா⁴ ரூப’’ந்திஆதி³னா நயேன ஸுத்³த⁴க²ந்த⁴வஸேனேவ க³தோ ஸுத்³த⁴க²ந்த⁴வாரோ நாம. ஸோபி அனுலோமபடிலோமவஸேன து³விதோ⁴ ஹோதி. தஸ்ஸ அனுலோமவாரே ‘‘ரூபங் க²ந்தோ⁴
ததோ பரங் தேஸஞ்ஞேவ ஸுத்³த⁴க²ந்தா⁴னங் ‘‘ரூபங் க²ந்தோ⁴, க²ந்தா⁴ வேத³னா’’திஆதி³னா நயேன ஏகேகக²ந்த⁴மூலகானி சத்தாரி சத்தாரி சக்கானி ப³ந்தி⁴த்வா க³தோ ஸுத்³த⁴க²ந்த⁴மூலகானங் சக்கானங் அத்தி²தாய ஸுத்³த⁴க²ந்த⁴மூலசக்கவாரோ நாம. ஸோபி அனுலோமபடிலோமவஸேன து³விதோ⁴ ஹோதி. தஸ்ஸ அனுலோமவாரே ‘‘ரூபங் க²ந்தோ⁴, க²ந்தா⁴ வேத³னா’’திஆதீ³னி ஏகேகக²ந்த⁴மூலகானி சத்தாரி சத்தாரி கத்வா வீஸதி யமகானி. படிலோமவாரேபி ‘‘ந ரூபங் ந க²ந்தோ⁴, ந க²ந்தா⁴ ந வேத³னா’’திஆதீ³னி வீஸதிமேவ. ஏவமெத்த² சதூஸு நயவாரேஸு ஏகங் யமகஸதங், த்³வே புச்சா²ஸதானி, ஏகேகபுச்சா²ய ஸன்னிட்டா²னஸங்ஸயவஸேன த்³வே
ஏவமேதிஸ்ஸா பாளிவவத்தா²னங் விதி³த்வா இதா³னி அனுத்தானபத³த்தா²னுஸாரேன விப⁴ங்க³னயஸஹிதஸங்கே²பத்த²வண்ணனானயோ ஏவங் வேதி³தப்³போ³. பஞ்சக்க²ந்தா⁴தி அயங் யமகவஸேன புச்சி²தப்³பா³னங் க²ந்தா⁴னங் உத்³தே³ஸோ. ரூபக்க²ந்தோ⁴…பே॰… விஞ்ஞாணக்க²ந்தோ⁴தி தேஸஞ்ஞேவ பபே⁴த³தோ நாமவவத்தா²னங். ததோ பரங் பத³ஸோத⁴னவாராத³யோ சத்தாரோ நயவாரா. தத்த² ரூபங் ரூபக்க²ந்தோ⁴தி யங் கிஞ்சி ‘‘ரூப’’ந்தி வுச்சதி, ஸப்³ப³ங் தங் ‘‘ரூபக்க²ந்தோ⁴’’தி புச்ச²தீதி வசனஸோத⁴னத்த²ங் புச்சா². தஸ்ஸா ச ‘‘பியரூபங் ஸாதரூபங் ரூபங் ந ரூபக்க²ந்தோ⁴, ரூபக்க²ந்தோ⁴ ரூபஞ்சேவ ரூபக்க²ந்தோ⁴ சா’’தி இத³ங் நித்³தே³ஸனயேன விஸ்ஸஜ்ஜனங். தத்த² பியரூபங் ஸாதரூபந்திஆதீ³ஸு யங் ‘‘ரூப’’ந்தி வுத்தங், தங் ரூபமேவ ந ரூபக்க²ந்தோ⁴. யோ பன ‘‘ரூபக்க²ந்தோ⁴’’தி வுத்தோ, ஸோ ‘‘ரூப’’ந்திபி ‘‘ரூபக்க²ந்தோ⁴’’திபி வத்துங் வட்டதீதி அத்தோ². ரூபக்க²ந்தோ⁴ ரூபந்தி எத்த² பன ‘‘ஆமந்தா’’தி விஸ்ஸஜ்ஜனங் ரூபக்க²ந்த⁴ஸ்ஸ நியமேன ரூபந்தி வத்தப்³ப³த்தா. வேத³னா வேத³னாக்க²ந்தோ⁴தி புச்சா²ய, வேத³னாக்க²ந்தோ⁴ வேத³னாதி புச்சா²ய ச ‘‘ஆமந்தா’’தி விஸ்ஸஜ்ஜனங். ஸஞ்ஞாஸஞ்ஞாக்க²ந்தோ⁴தி புச்சா²ய ‘‘பபஞ்சஸஞ்ஞா’’திஆதீ³ஸு ஆக³தா தி³ட்டி²ஸஞ்ஞா ஸஞ்ஞா ந ஸஞ்ஞாக்க²ந்தோ⁴, ஸஞ்ஞாக்க²ந்தோ⁴ ஸஞ்ஞா சேவ ஸஞ்ஞாக்க²ந்தோ⁴ சாதி விஸ்ஸஜ்ஜனங். ஸஞ்ஞாக்க²ந்தோ⁴ ஸஞ்ஞாதி புச்சா²ய ச ‘‘ஆமந்தா’’தி விஸ்ஸஜ்ஜனங். ஸங்கா²ரா ஸங்கா²ரக்க²ந்தோ⁴தி புச்சா²ய ‘‘அனிச்சா வத ஸங்கா²ரா’’திஆதீ³ஸு ஆக³தோ ஸங்கா²ரக்க²ந்தோ⁴, ததோ அவஸேஸா ஸங்க²தத⁴ம்மா ஸங்கா²ரா ந ஸங்கா²ரக்க²ந்தோ⁴தி விஸ்ஸஜ்ஜனங். ஸங்கா²ரக்க²ந்தோ⁴ ஸங்கா²ராதி புச்சா²ய ‘‘ஆமந்தா’’தி விஸ்ஸஜ்ஜனங். விஞ்ஞாணங் விஞ்ஞாணக்க²ந்தோ⁴தி புச்சா²ய, விஞ்ஞாணக்க²ந்தோ⁴ விஞ்ஞாணந்தி புச்சா²ய ச ‘‘ஆமந்தா’’தி விஸ்ஸஜ்ஜனங்.
படிலோமவாரே ந ரூபங் ந ரூபக்க²ந்தோ⁴தி புச்சா²ய ‘‘ஆமந்தா’’தி விஸ்ஸஜ்ஜனங். தஸ்ஸ ரூப-ஸத்³த³வசனீயா த⁴ம்மா ரூபக்க²ந்தோ⁴ ந ரூபக்க²ந்தோ⁴ ந ரூபந்தி புச்சா²ய ரூபக்க²ந்த⁴விரஹிதா ‘‘பியரூபங் ஸாதரூப’’ந்தி வுத்தா த⁴ம்மா ந ரூபக்க²ந்தோ⁴, ரூபங், பியரூபஸாதரூபரூபக்க²ந்த⁴விரஹிதா பன த⁴ம்மா ந ரூபக்க²ந்தோ⁴ சேவ ந ரூபஞ்சாதி விஸ்ஸஜ்ஜனங். ந வேத³னா ந வேத³னாக்க²ந்தோ⁴தி புச்சா²ய, ந வேத³னாக்க²ந்தோ⁴ ந வேத³னாதி புச்சா²ய, ந ஸஞ்ஞா ந ஸஞ்ஞாக்க²ந்தோ⁴தி புச்சா²ய ச ‘‘ஆமந்தா’’தி விஸ்ஸஜ்ஜனங். ந ஸங்கா²ரா ந ஸங்கா²ரக்க²ந்தோ⁴தி புச்சா²ய ‘‘ஆமந்தா’’தி விஸ்ஸஜ்ஜனங். ந ஸஞ்ஞாக்க²ந்தோ⁴ ந ஸஞ்ஞாதி புச்சா²ய பன தி³ட்டி²ஸஞ்ஞா ந ஸஞ்ஞாக்க²ந்தோ⁴, ஸஞ்ஞா, தங் தி³ட்டி²ஸஞ்ஞங், ஸஞ்ஞாக்க²ந்த⁴ஞ்ச ட²பெத்வா அவஸேஸா ந சேவ ஸஞ்ஞா ந ச ஸஞ்ஞாக்க²ந்தோ⁴தி விஸ்ஸஜ்ஜனங். ந ஸங்கா²ரா ந ஸங்கா²ரக்க²ந்தோ⁴தி புச்சா²ய ‘‘ஆமந்தா’’தி விஸ்ஸஜ்ஜனங். ந ஸங்கா²ரக்க²ந்தோ⁴ ந ஸங்கா²ராதி புச்சா²ய ஸங்கா²ரக்க²ந்த⁴ங் ட²பெத்வா அவஸேஸஸங்க²தத⁴ம்மா ந ஸங்கா²ரக்க²ந்தோ⁴, ஸங்கா²ரா, அஸங்க²தா பன தா⁴து ந சேவ ஸங்கா²ரா ந ச ஸங்கா²ரக்க²ந்தோ⁴தி விஸ்ஸஜ்ஜனங். ந விஞ்ஞாணங் ந விஞ்ஞாணக்க²ந்தோ⁴தி புச்சா²ய, ந விஞ்ஞாணக்க²ந்தோ⁴ ந விஞ்ஞாணந்தி புச்சா²ய ச ‘‘ஆமந்தா’’தி விஸ்ஸஜ்ஜனங். இமினாவ நயேன இதோ பரேஸுபி ஸப்³ப³த்த² விஸ்ஸஜ்ஜனநயோ வேதி³தப்³போ³, விஸேஸமத்தமேவ பன வக்கா²ம.
பத³ஸோத⁴னமூலசக்கவாரே பன அயங் விஸேஸோ – க²ந்தா⁴ வேத³னாக்க²ந்தோ⁴தி யே கேசி க²ந்தா⁴, ஸப்³பே³ தே வேத³னாக்க²ந்தோ⁴தி புச்சா². தஸ்ஸா ‘‘வேத³னாக்க²ந்தோ⁴ க²ந்தோ⁴ சேவ வேத³னாக்க²ந்தோ⁴ ச, அவஸேஸா பன க²ந்தா⁴, ந வேத³னாக்க²ந்தோ⁴’’தி விஸ்ஸஜ்ஜனங். ஸேஸேஸுபி ஏஸேவ நயோ. படிலோமே பன ந க²ந்தா⁴ ந வேத³னாக்க²ந்தோ⁴தி புச்சா²ய ‘‘ஆமந்தா’’தி விஸ்ஸஜ்ஜனங். எத்த² ச யே பஞ்ஞத்தினிப்³பா³னஸங்கா²தா த⁴ம்மா க²ந்தா⁴பி ந ஹொந்தி, தே யஸ்மா வேத³னாக்க²ந்தோ⁴பி ந ஹோதி, தஸ்மா ‘‘ஆமந்தா’’தி விஸ்ஸஜ்ஜனங், ஸேஸங் ஸுவிஞ்ஞெய்யமேவ. பத³ஸோத⁴னமூலசக்கவாரோ.
ஸுத்³த⁴க²ந்த⁴வாரே பன ‘‘ரூபங் க²ந்தோ⁴’’தி புச்சா²ய ‘‘ஆமந்தா’’தி விஸ்ஸஜ்ஜனங் பியரூபாதீ³னஞ்ச பஞ்சஸு க²ந்தே⁴ஸு ஸங்க³ஹிதத்தா. ‘‘க²ந்தா⁴ ரூப’’ந்திஆதீ³ஸு
ஸுத்³த⁴க²ந்த⁴மூலசக்கவாரேபி ‘‘க²ந்தா⁴ வேத³னாக்க²ந்தோ⁴’’திஆதி³னா ஹெட்டா² வுத்தனயேன அத்தோ² வேதி³தப்³போ³தி அயங் பண்ணத்திவாரே நயோ.
யஸ்மா பன நித்³தே³ஸே இமிஸ்ஸா பன மாதிகாய பண்ணத்திவாரஸங்கா²தங் நித்³தே³ஸங் வத்வா ததோ இமங் மாதிகாக்கமங் முஞ்சித்வா அபரேன பரியாயேன அஞ்ஞேபி உத்³தே³ஸவாரவிரஹிதா ‘‘பவத்திவாரோ பரிஞ்ஞாவாரோ’’தி த்³வே மஹாவாரா புச்சா²விஸ்ஸஜ்ஜனவஸேன வுத்தா, தஸ்மா தேஸங் த்³வின்னம்பி வாரானங் நயோ த³ஸ்ஸேதப்³போ³. ததோ பவத்திவாரே தாவ பாளிவவத்தா²னபுப்³பி³கா முக²மத்தப்பகாஸனா – இமஸ்மிங் ஹி உப்பாத³வாரோ நிரோத⁴வாரோ உப்பாத³னிரோத⁴வாரோதி தயோ அந்தரவாரா ஹொந்தி. தத்த² உப்பாத³வாரே தாவ திண்ணங் அத்³தா⁴னங் வஸேன ச² காலபே⁴தா³ ஹொந்தி பச்சுப்பன்னோ, அதீதோ, அனாக³தோ, பச்சுப்பன்னேனாதீதோ, பச்சுப்பன்னேனானாக³தோ, அதீதேனானாக³தோதி. ஏவமேதேஸு ச²ஸு காலபே⁴தே³ஸு ய்வாயங் பட²மோ
தத்த² ‘‘யஸ்ஸ ரூபக்க²ந்தோ⁴ உப்பஜ்ஜதி, தஸ்ஸ வேத³னாக்க²ந்தோ⁴ உப்பஜ்ஜதீதி? அஸஞ்ஞஸத்தங் உபபஜ்ஜந்தானங் தேஸங் ரூபக்க²ந்தோ⁴ உப்பஜ்ஜதி, நோ ச தேஸங் வேத³னாக்க²ந்தோ⁴ உப்பஜ்ஜதி. பஞ்சவோகாரங் உபபஜ்ஜந்தானங் தேஸங் ரூபக்க²ந்தோ⁴ ச உப்பஜ்ஜதி, வேத³னாக்க²ந்தோ⁴ ச உப்பஜ்ஜதி. யஸ்ஸ வா பன வேத³னாக்க²ந்தோ⁴ உப்பஜ்ஜதி, தஸ்ஸ ரூபக்க²ந்தோ⁴ உப்பஜ்ஜதீதி? அரூபங் உபபஜ்ஜந்தானங் தேஸங் வேத³னாக்க²ந்தோ⁴ உப்பஜ்ஜதி, நோ ச தேஸங் ரூபக்க²ந்தோ⁴ உப்பஜ்ஜதி. பஞ்சவோகாரங் உபபஜ்ஜந்தானங் தேஸங் வேத³னாக்க²ந்தோ⁴ ச உப்பஜ்ஜதி, ரூபக்க²ந்தோ⁴ ச உப்பஜ்ஜதி. யஸ்ஸ ரூபக்க²ந்தோ⁴ உப்பஜ்ஜதி…பே॰… தஸ்ஸ விஞ்ஞாணக்க²ந்தோ⁴ உப்பஜ்ஜதி…பே॰… யஸ்ஸ வா பன விஞ்ஞாணக்க²ந்தோ⁴ உப்பஜ்ஜதி, தஸ்ஸ ரூபக்க²ந்தோ⁴ உப்பஜ்ஜதீதி…பே॰… பஞ்சவோகாரங்
வேத³னாக்க²ந்த⁴மூலகே பன ஸப்³ப³த்த² ‘‘ஆமந்தா’’தி ஏகஸதி³ஸமேவ விஸ்ஸஜ்ஜனங். வேத³னாதீ³ஸு உப்பன்னேஸு நியமேன ஸஞ்ஞாதீ³னங் உப்பஜ்ஜனதோ தத்த² ஸப்³பா³னி ஸங்கி²த்தானி. யதா² ச புக்³க³லவாரே த³ஸ யமகானி, ஏவங் ஓகாஸவாரேபி ‘‘யத்த² ரூபக்க²ந்தோ⁴ உப்பஜ்ஜதி, தத்த² வேத³னாக்க²ந்தோ⁴ உப்பஜ்ஜதீதி? அஸஞ்ஞஸத்தே தத்த²…பே॰… பஞ்சவோகாரே தத்த²…பே॰… உப்பஜ்ஜதீ’’திஆதி³னா, புக்³க³லோகாஸவாரேபி ‘‘யஸ்ஸ யத்த² ரூபக்க²ந்தோ⁴ உப்பஜ்ஜதி, தஸ்ஸ தத்த² வேத³னாக்க²ந்தோ⁴ உப்பஜ்ஜதீதி? அஸஞ்ஞஸத்தங்…பே॰… பஞ்சவோகாரங்…பே॰… உப்பஜ்ஜதீ’’திஆதி³னா. பச்சுப்பன்னகாலே தீஸு வாரேஸு
தத்த² யஸ்ஸ ரூபக்க²ந்தோ⁴ உப்பஜ்ஜதீதி யஸ்ஸ புக்³க³லஸ்ஸ படிஸந்தி⁴க்க²ணே ரூபக்க²ந்தோ⁴ உப்பஜ்ஜதி. தஸ்ஸ வேத³னாக்க²ந்தோ⁴தி வேத³னாக்க²ந்தோ⁴பி தஸ்ஸ தஸ்மிங்யேவ க²ணே உப்பஜ்ஜதீதி அத்தோ² இமினாவ நயேன. தத்த² அஸஞ்ஞஸத்தந்தி அஸஞ்ஞத்தப⁴வங் படிஸந்தி⁴வஸேன உபபஜ்ஜந்தானங் தேஸங் உப்பஜ்ஜனக்க²ணே ரூபக்க²ந்தோ⁴ உப்பஜ்ஜதி, நோ ச தேஸங் அசித்தகத்தா வேத³னாக்க²ந்தோ⁴ உப்பஜ்ஜதீதி அத்தோ²
இத³ங் பனெத்த² உப்பாத³னிரோதே⁴ஸு நியமலக்க²ணங் – ஸகலேபி ஹி இமஸ்மிங் க²ந்த⁴யமகே தத்த² தத்த² உப்பன்னானங் ஸத்தானங் பவத்தே யாவ மரணா வா க²ந்தா⁴னங் அபரியந்தேஸு உப்பாத³னிரோதே⁴ஸு விஜ்ஜமானேஸுபி லஹுபரிவத்தானங் த⁴ம்மானங் வினிப்³போ⁴க³ங் கத்வா உப்பாத³னிரோதே⁴
படிலோமனயே பன ஸப்³பே³ஸங் சவந்தானந்தி மரணசித்தஸ்ஸ ப⁴ங்க³க்க²ணஸமன்னாக³தானங். தேஸங் ஹி தத்த² ரூபக்க²ந்தோ⁴ நுப்பஜ்ஜதி, வேத³னாக்க²ந்தோ⁴ ச சுதிசித்தஸ்ஸ உப்பத்திக்க²ணே ஏவ உப்பன்னத்தா. ‘‘யத்த² ரூபக்க²ந்தோ⁴ நுப்பஜ்ஜதி, தத்த² வேத³னாக்க²ந்தோ⁴ நுப்பஜ்ஜதீ’’தி புச்சா²ய அரூபப⁴வங் ஸந்தா⁴ய ‘‘உப்பஜ்ஜதீ’’தி இத³ங் விஸ்ஸஜ்ஜனங் கதங், அனந்தரபுச்சா²ய அஸஞ்ஞிப⁴வங் ஸந்தா⁴ய ‘‘உப்பஜ்ஜதீ’’தி இத³ங் விஸ்ஸஜ்ஜனந்தி வேதி³தப்³ப³ங். ஸேஸங் ஸுவிஞ்ஞெய்யமேவாதி அயங் பச்சுப்பன்னகாலே நயோ.
யதா² ச பச்சுப்பன்னகாலே ஸட்டி² யமகாதீ³னி, ஏவங் ஸேஸேஸுபி பஞ்சஸு காலபே⁴தே³ஸு பச்சேகந்தி க³ஹேதப்³ப³ங். புச்சா²விஸ்ஸஜ்ஜனேஸு பனெத்த² கிஞ்சாபி ‘‘யஸ்ஸ ரூபக்க²ந்தோ⁴ உப்பஜ்ஜித்த², தஸ்ஸ வேத³னாக்க²ந்தோ⁴ உப்பஜ்ஜித்தா²தி? ஆமந்தா’’திஆதி³னா, ‘‘யத்த² ரூபக்க²ந்தோ⁴ உப்பஜ்ஜித்த², தத்த² வேத³னாக்க²ந்தோ⁴ உப்பஜ்ஜித்தா²தி? பஞ்சவோகாரே உப்பஜ்ஜித்த², நாஞ்ஞத்தா²’’திஆதி³னா ச, ‘‘யஸ்ஸ யத்த² ரூபக்க²ந்தோ⁴ உப்பஜ்ஜித்த², தஸ்ஸ தத்த² வேத³னாக்க²ந்தோ⁴ உப்பஜ்ஜித்தா²தி? பஞ்சவோகாரானங் தேஸங் தத்த² உப்பஜ்ஜித்த², நாஞ்ஞத்தா²’’திஆதி³னா ச அதீதகாலே அனுலோமனயே, ‘‘யஸ்ஸ ரூபக்க²ந்தோ⁴ நுப்பஜ்ஜித்த², தஸ்ஸ வேத³னாக்க²ந்தோ⁴ நுப்பஜ்ஜித்தா²தி? நத்தீ²’’திஆதி³னா, ‘‘யத்த² ரூபக்க²ந்தோ⁴ நுப்பஜ்ஜித்த², தத்த² வேத³னாக்க²ந்தோ⁴ நுப்பஜ்ஜித்தா²தி? உப்பஜ்ஜித்தா²’’திஆதி³னா, ‘‘யஸ்ஸ யத்த² ரூபக்க²ந்தோ⁴ நுப்பஜ்ஜித்த², தஸ்ஸ தத்த² வேத³னாக்க²ந்தோ⁴ நுப்பஜ்ஜித்தா²தி? அரூபானங் தேஸங் தத்த² ரூபக்க²ந்தோ⁴ நுப்பஜ்ஜித்த², நோ ச தேஸங்…பே॰… ஸுத்³தா⁴வாஸானங்
‘‘யஸ்ஸ
‘‘யஸ்ஸ ரூபக்க²ந்தோ⁴ உப்பஜ்ஜதி, தஸ்ஸ வேத³னாக்க²ந்தோ⁴ உப்பஜ்ஜித்தா²’’திஆதி³னா, ‘‘யத்த² ரூபக்க²ந்தோ⁴ உப்பஜ்ஜதி, தத்த² வேத³னாக்க²ந்தோ⁴ உப்பஜ்ஜித்தா²தி…பே॰… பஞ்சவோகாரே உப்பஜ்ஜதீ’’திஆதி³னா, ‘‘யஸ்ஸ யத்த² ரூபக்க²ந்தோ⁴ உப்பஜ்ஜதி, தஸ்ஸ தத்த² வேத³னாக்க²ந்தோ⁴ உப்பஜ்ஜித்தா²தி? ஸுத்³தா⁴வாஸங் அஸஞ்ஞஸத்தங் உபபஜ்ஜந்தானங் தேஸங் தத்த² ரூபக்க²ந்தோ⁴ உப்பஜ்ஜதி, நோ ச தேஸங் தத்த² வேத³னாக்க²ந்தோ⁴ உப்பஜ்ஜித்த², பஞ்சவோகாரே பன உப்பஜ்ஜித்தா²’’திஆதி³னா பச்சுப்பன்னேன அதீதகாலே அனுலோமனயே, ‘‘யஸ்ஸ ரூபக்க²ந்தோ⁴ நுப்பஜ்ஜதி, தஸ்ஸ வேத³னாக்க²ந்தோ⁴ நுப்பஜ்ஜித்தா²’’திஆதி³னா, ‘‘யத்த² ரூபக்க²ந்தோ⁴ நுப்பஜ்ஜதி, தத்த² வேத³னாக்க²ந்தோ⁴ நுப்பஜ்ஜித்தா²தி? உப்பஜ்ஜித்தா²’’திஆதி³னா, ‘‘யஸ்ஸ யத்த² ரூபக்க²ந்தோ⁴ நுப்பஜ்ஜதி
‘‘யஸ்ஸ ரூபக்க²ந்தோ⁴ உப்பஜ்ஜதி, தஸ்ஸ வேத³னாக்க²ந்தோ⁴ உப்பஜ்ஜிஸ்ஸதீதி? பச்சி²மப⁴விகானங் பஞ்சவோகாரங் உபபஜ்ஜந்தானங் தேஸங் ரூபக்க²ந்தோ⁴ உப்பஜ்ஜதீ’’திஆதி³னா, ‘‘யத்த² ரூபக்க²ந்தோ⁴ உப்பஜ்ஜதி, தத்த² வேத³னாக்க²ந்தோ⁴ உப்பஜ்ஜிஸ்ஸதீதி? பஞ்சவோகாரே…பே॰… உப்பஜ்ஜிஸ்ஸதீ’’திஆதி³னா ச, ‘‘யஸ்ஸ யத்த² ரூபக்க²ந்தோ⁴ உப்பஜ்ஜதி, தஸ்ஸ தத்த² வேத³னாக்க²ந்தோ⁴ உப்பஜ்ஜிஸ்ஸதீதி
‘‘யஸ்ஸ ரூபக்க²ந்தோ⁴ உப்பஜ்ஜித்த², தஸ்ஸ வேத³னாக்க²ந்தோ⁴ உப்பஜ்ஜிஸ்ஸதீதி? பச்சி²மப⁴விகானங் உப்பஜ்ஜிஸ்ஸதீ’’திஆதி³னா, ‘‘யத்த² ரூபக்க²ந்தோ⁴ உப்பஜ்ஜித்த², தத்த² வேத³னாக்க²ந்தோ⁴ உப்பஜ்ஜிஸ்ஸதீதி…பே॰… பஞ்சவோகாரே உப்பஜ்ஜிஸ்ஸதீ’’திஆதி³னா, ‘‘யஸ்ஸ யத்த² ரூபக்க²ந்தோ⁴ உப்பஜ்ஜித்த², தஸ்ஸ தத்த² வேத³னாக்க²ந்தோ⁴ உப்பஜ்ஜிஸ்ஸதீதி? பஞ்சவோகாரே பச்சி²மப⁴விகானங் அஸஞ்ஞஸத்தானங்…பே॰… உப்பஜ்ஜிஸ்ஸதீ’’திஆதி³னா அதீதேன அனாக³தகாலே அனுலோமனயே, ‘‘யஸ்ஸ ரூபக்க²ந்தோ⁴ உப்பஜ்ஜித்த², தஸ்ஸ வேத³னாக்க²ந்தோ⁴ உப்பஜ்ஜிஸ்ஸதீதி? நத்தீ²’’திஆதி³னா, ‘‘யத்த² ரூபக்க²ந்தோ⁴
யதா² ச உப்பாத³வாரே ச²ஸு காலபே⁴தே³ஸு பச்சேகங் புக்³க³லாதி³பே⁴த³தோ அனுலோமபடிலோமனயுப⁴யேன ச² ச² வாரா, ஏகேகஸ்மிங் வாரே த³ஸ த³ஸ கத்வா ஸட்டி² ஸட்டி² யமகானி, ஸப்³பா³னிபி ஸட்டி²அதி⁴கானி தீணி யமகஸதானி, ததோ த்³விகு³ணா புச்சா², த்³விகு³ணா அத்தா² ச ஹொந்தி, ஏவங் நிரோத⁴வாரே உப்பாத³னிரோத⁴வாரேபி வேதி³தப்³பா³. தத்த² ச ‘‘யஸ்ஸ ரூபக்க²ந்தோ⁴ நிருஜ்ஜ²தி, தஸ்ஸ வேத³னாக்க²ந்தோ⁴ நிருஜ்ஜ²தீதி…பே॰… பஞ்சவோகாரா சவந்தானங்…பே॰… நிருஜ்ஜ²தீ’’திஆதி³னா, ‘‘யஸ்ஸ ரூபக்க²ந்தோ⁴ ந நிருஜ்ஜ²தி, தஸ்ஸ வேத³னாக்க²ந்தோ⁴ ந நிருஜ்ஜ²தீதி…பே॰… ஸப்³பே³ஸங் உபபஜ்ஜந்தானங்…பே॰… ந நிருஜ்ஜ²தீ’’திஆதி³னா நிரோத⁴வாரே, ‘‘யஸ்ஸ
பரிஞ்ஞாவாரே பன புக்³க³லவாராதீ³ஸு தீஸு புக்³க³லவாரோ ஏகோவ லப்³ப⁴தி, ந ஓகாஸபுக்³க³லோகாஸவாரா ஸதி³ஸவிஸ்ஸஜ்ஜனத்தா. யோ ஹி கோசி புக்³க³லோ ரூபாதி³ங் பரிஜானந்தோவ
படிலோமனயே பன ‘‘யோ ரூபக்க²ந்த⁴ங் ந பரிஜானாதி, ஸோ வேத³னாக்க²ந்த⁴ங் ந பரிஜானித்தா²தி? அரஹா ரூபக்க²ந்த⁴ங் ந பரிஜானாதி, நோ ச ஸோ வேத³னாக்க²ந்த⁴ங் ந பரிஜானித்த². அக்³க³மக்³க³ஸமங்கி³ஞ்ச அரஹந்தஞ்ச ட²பெத்வா அவஸேஸா புக்³க³லா ரூபக்க²ந்த⁴ஞ்ச ந பரிஜானந்தி, வேத³னாக்க²ந்த⁴ஞ்ச ந பரிஜானிங்ஸூ’’திஆதி³னா, ‘‘யோ ரூபக்க²ந்த⁴ங் ந பரிஜானாதி, ஸோ வேத³னாக்க²ந்த⁴ங் ந பரிஜானிஸ்ஸதீதி? யே மக்³க³ங் படிலபி⁴ஸ்ஸந்தி, தே ரூபக்க²ந்த⁴ங் ந பரிஜானந்தி, நோ ச வேத³னாக்க²ந்த⁴ங் ந பரிஜானிஸ்ஸந்தி. அரஹா யே ச புது²ஜ்ஜனா மக்³க³ங் ந படிலபி⁴ஸ்ஸந்தி, தே ரூபக்க²ந்த⁴ஞ்ச ந பரிஜானந்தி, வேத³னாக்க²ந்த⁴ஞ்ச ந பரிஜானிஸ்ஸந்தீ’’திஆதி³னா ச, ‘‘யோ ரூபக்க²ந்த⁴ங் ந பரிஜானித்த², ஸோ வேத³னாக்க²ந்த⁴ங் ந பரிஜானிஸ்ஸந்தீதி? யே மக்³க³ங் படிலபி⁴ஸ்ஸந்தி, தே ரூபக்க²ந்த⁴ங் ந பரிஜானிங்ஸு, நோ ச வேத³னாக்க²ந்த⁴ங் ந பரிஜானிஸ்ஸந்தி. அக்³க³மக்³க³ஸமங்கீ³ யே ச புது²ஜ்ஜனா மக்³க³ங் ந படிலபி⁴ஸ்ஸந்தி, தே
எத்த²
படிலோமனயே பன ‘‘அக்³க³மக்³க³ஸமங்கி³ஞ்ச அரஹந்தஞ்ச ட²பெத்வா’’தி இத³ங் அக்³க³மக்³க³ஸமங்கி³னோ ‘‘ந பரிஜானாதீ’’தி வசனங், அரஹதோ ச ‘‘ந பரிஜானித்தா²’’தி வத்துங் அஸக்குணெய்யதாய வுத்தங், ‘‘யே ச புது²ஜ்ஜனா மக்³க³ங் ந படிலபி⁴ஸ்ஸந்தீ’’தி இமினா அதீதே விய அனாக³தேபி அனந்தகாலங் அமுச்சனகா ஸத்தா நாம அத்தீ²தி த³ஸ்ஸேதி, தே ச அரஹதா நிட்டி²தபரிஞ்ஞாகிச்சேன, ‘‘ந பரிஜானிஸ்ஸந்தீ’’தி வத்தப்³ப³தங் வா ஆபன்னேன ஸமகா ஜாதா, ஸப்³ப³த்த² ச ஏகங் க²ந்த⁴ங் பரிஜானந்தோ ஸப்³ப³ங் பரிஜானாதி, அபரிஜானந்தோபி ச ஸப்³ப³ங் ந பரிஜானாதீதி வேதி³தப்³ப³ந்தி அயங் க²ந்த⁴யமகமாதிகத்த²ஸங்வண்ணனானயோ.
ஆயதனயமகமாதிகத்த²வண்ணனா
ஆயதனயமகமாதிகாய பன பாளிவவத்தா²னாதி³கங் ஸப்³ப³ங் க²ந்த⁴யமகமாதிகாய வுத்தனயேனேவ வேதி³தப்³ப³ங் அஞ்ஞத்ர விஸேஸா
பவத்திவாரே பன ‘‘யஸ்ஸ சக்கா²யதனங் உப்பஜ்ஜதி, தஸ்ஸ ஸோதாயதனங் உப்பஜ்ஜதீதி? ஸசக்கு²கானங் அஸோதகானங் உபபஜ்ஜந்தானங் தேஸங் சக்கா²யதனங் உப்பஜ்ஜதி, நோ ச தேஸங் ஸோதாயதனங் உப்பஜ்ஜதி. ஸசக்கு²கானங் ஸஸோதகானங் உபபஜ்ஜந்தானங் தேஸங் சக்கா²யதனஞ்ச உப்பஜ்ஜதி, ஸோதாயதனஞ்ச உப்பஜ்ஜதி…பே॰… யஸ்ஸ ரூபாயதனங் உப்பஜ்ஜதி, தஸ்ஸ மனாயதனங் உப்பஜ்ஜதீதி? அசித்தகானங் ரூபாயதனங் உப்பஜ்ஜதி, நோ ச தேஸங் மனாயதனங் உப்பஜ்ஜதி. பஞ்சவோகாரே உப்பாத³க்க²ணே தது³ப⁴யங் உப்பஜ்ஜதி. யஸ்ஸ வா பன மனாயதனங் உப்பஜ்ஜதி, தஸ்ஸ ரூபாயதனங் உப்பஜ்ஜதீதி? அரூபப⁴வவஜ்ஜிதே ஸஞ்ஞாப⁴வே உபபஜ்ஜந்தானங்…பே॰… உப்பஜ்ஜதி
தா⁴துயமகமாதிகத்த²வண்ணனா
தா⁴துயமகமாதிகாய
ஸச்சயமகமாதிகத்த²வண்ணனா
ஸச்சயமகமாதிகாய பன க²ந்த⁴யமகே வுத்தனயேன வாரபே⁴தா³, காலாதி³பே⁴தா³ ச வேதி³தப்³பா³, பாளிவவத்தா²னே பனெத்த² சதுன்னங் ஸச்சானங் வஸேன பத³ஸோத⁴னவாரோ பத³ஸோத⁴னமூலசக்கவாரோ ஸுத்³த⁴ஸச்சவாரோ ஸுத்³த⁴ஸச்சமூலசக்கவாரோதி இமேஸு சதூஸு வாரேஸு யமகக³ணனா வேதி³தப்³பா³. புச்சா²விஸ்ஸஜ்ஜனேஸு பன ‘‘து³க்க²ங் து³க்க²ஸச்சந்தி? ஆமந்தா. து³க்க²ஸச்சங் து³க்க²ந்தி? காயிகசேதஸிகங் து³க்க²ங் ட²பெத்வா அவஸேஸங் து³க்க²ஸச்சங், ந து³க்க²ங். காயிகசேதஸிகங் து³க்க²ங் பன து³க்க²ஞ்சேவ து³க்க²ஸச்சஞ்ச. ஸமுத³யோ ஸமுத³யஸச்சந்தி? தண்ஹங் ட²பெத்வா அவஸேஸா ஸச்சவிப⁴ங்கே³ நித்³தி³ட்டா² குஸலாதி³த⁴ம்மா ஸமுத³யோ, ந ஸமுத³யஸச்சங். தண்ஹா
பவத்திவாரே பன ‘‘யஸ்ஸ து³க்க²ஸச்சங் உப்பஜ்ஜதி, தஸ்ஸ ஸமுத³யஸச்சங் உப்பஜ்ஜதீதி? ஸப்³பே³ஸங் உபபஜ்ஜந்தானங் பவத்தே தண்ஹாவிப்பயுத்தசித்தஸ்ஸ உப்பாத³க்க²ணே தேஸங் து³க்க²ஸச்சங் உப்பஜ்ஜதி, நோ ச தேஸங் ஸமுத³யஸச்சங் உப்பஜ்ஜதி. தண்ஹாய உப்பாத³க்க²ணே தது³ப⁴யங் உப்பஜ்ஜதி. யஸ்ஸ து³க்க²ஸச்சங் உப்பஜ்ஜதி, தஸ்ஸ மக்³க³ஸச்சங் உப்பஜ்ஜதீதி…பே॰… பஞ்சவோகாரே மக்³க³ஸ்ஸ உப்பாத³க்க²ணே தது³ப⁴யங் உப்பஜ்ஜதி. யஸ்ஸ வா பன…பே॰… உப்பஜ்ஜதீதி? அரூபே மக்³க³ஸ்ஸ உப்பாத³க்க²ணே தேஸங் மக்³க³ஸச்சங் உப்பஜ்ஜதி, நோ ச தேஸங் து³க்க²ஸச்சங் உப்பஜ்ஜதி. பஞ்சவோகாரே தது³ப⁴யங் உப்பஜ்ஜதி. யஸ்ஸ ஸமுத³யஸச்சங் உப்பஜ்ஜதி, தஸ்ஸ மக்³க³ஸச்சங் உப்பஜ்ஜதீதி? நோ, யஸ்ஸ வா பன…பே॰… நோ’’திஆதி³னா புக்³க³லவாரே, ‘‘யத்த² து³க்க²ஸச்சங் உப்பஜ்ஜதி, தத்த² ஸமுத³யஸச்சங் உப்பஜ்ஜதீதி? அஸஞ்ஞஸத்தே தத்த² து³க்க²ஸச்சங் உப்பஜ்ஜதி, நோ ச தத்த² தத³ஞ்ஞங், அஞ்ஞத்த²
‘‘யஸ்ஸ து³க்க²ஸச்சங் நுப்பஜ்ஜதி, தஸ்ஸ ஸமுத³யஸச்சங் நுப்பஜ்ஜதீதி? ஆமந்தா. யஸ்ஸ வா பன…பே॰… நுப்பஜ்ஜதீதி? ஸப்³பே³ஸங் உபபஜ்ஜந்தானங் பவத்தே தண்ஹாவிப்பயுத்தசித்தஸ்ஸ உப்பாத³க்க²ணே ஸமுத³யஸச்சங் நுப்பஜ்ஜதி, நோ ச தேஸங் து³க்க²ஸச்சங் நுப்பஜ்ஜதி. ஸப்³பே³ஸங்
‘‘யஸ்ஸ து³க்க²ஸச்சங் உப்பஜ்ஜித்த², தஸ்ஸ ஸமுத³யஸச்சங் உப்பஜ்ஜித்தா²தி? ஆமந்தா. யஸ்ஸ து³க்க²ஸச்சங் உப்பஜ்ஜித்த², தஸ்ஸ மக்³க³ஸச்சங் உப்பஜ்ஜித்தா²தி? அபி⁴ஸமேதாவீனங் உப்பஜ்ஜித்த², ந இதரேஸ’’ந்திஆதி³னா, ‘‘யஸ்ஸ யத்த² து³க்க²ஸச்சங் உப்பஜ்ஜித்த², தஸ்ஸ தத்த² ஸமுத³யஸச்சங் உப்பஜ்ஜித்தா²தி? ஸுத்³தா⁴வாஸானங் து³தியே சித்தே வத்தமானே அஸஞ்ஞஸத்தானங் தத்த² து³க்க²ஸச்சங் உப்பஜ்ஜித்த², நேதரங், இதரேஸங் தது³ப⁴யங் உப்பஜ்ஜித்தா²’’திஆதி³னா, ‘‘யஸ்ஸ து³க்க²ஸச்சங் உப்பஜ்ஜிஸ்ஸதி, தஸ்ஸ ஸமுத³யஸச்சங் உப்பஜ்ஜிஸ்ஸதீதி? அக்³க³மக்³க³ஸமங்கீ³னங் அரஹந்தானங் யஸ்ஸ சித்தஸ்ஸ அனந்தரா அக்³க³மக்³க³ங் படிலபி⁴ஸ்ஸந்தி, தேஸங் து³க்க²ஸச்சங் உப்பஜ்ஜிஸ்ஸதி, நேதரங், இதரேஸங் தது³ப⁴யங் உப்பஜ்ஜிஸ்ஸதீ’’திஆதி³னா ச, ‘‘யஸ்ஸ து³க்க²ஸச்சங் உப்பஜ்ஜதி, தஸ்ஸ ஸமுத³யஸச்சங் உப்பஜ்ஜித்தா²தி? ஆமந்தா, யஸ்ஸ வா பன…பே॰… உப்பஜ்ஜதீதி? ஸப்³பே³ஸங் சவந்தானங் பவத்தே சித்தஸ்ஸ ப⁴ங்க³க்க²ணே அரூபே மக்³க³ப²லுப்பத்திக்க²ணே தேஸங் ஸமுத³யஸச்சங் உப்பஜ்ஜித்த², நோ ச தேஸங் து³க்க²ஸச்சங் உப்பஜ்ஜதி. ஸப்³பே³ஸங் உபபஜ்ஜந்தானங் பவத்தே சித்தஸ்ஸ உப்பாத³க்க²ணே ஸமுத³யஸச்சஞ்ச உப்பஜ்ஜித்த²
ததா² ‘‘யோ து³க்க²ஸச்சங் பரிஜானாதி, ஸோ ஸமுத³யஸச்சங் பஜஹதீதி? ஆமந்தா’’திஆதி³னா பரிஞ்ஞாவாரேபீதி ஏவமெத்த² பாளினயோ ஞாதப்³போ³.
அத்த²வினிச்ச²யே பனெத்த² இத³ங் லக்க²ணங் – பவத்தி வாரே தாவெத்த² நிரோத⁴ஸச்சங் ந லப்³ப⁴தேவ, ஸேஸேஸு பன தீஸு ஸச்சேஸு ஸமுத³யமக்³க³ஸச்சானி ஏகந்தேன பவத்தியங் ஏவ லப்³ப⁴ந்தி. து³க்க²ஸச்சங் சுதிபடிஸந்தீ⁴ஸுபி பவத்தேபீதி ஏவமெத்த² யங் யங் ஸப்³ப³த்த² லப்³ப⁴தி, தஸ்ஸ தஸ்ஸ வஸேன அத்த²வினிச்ச²யோ வேதி³தப்³போ³. தத்ரித³ங் நயமுக²ங் – ஸப்³பே³ஸங் உபபஜ்ஜந்தானந்தி அந்தமஸோ ஸுத்³தா⁴வாஸானம்பி. தேபி ஹி து³க்க²ஸச்சேனேவ உப்பஜ்ஜந்தி. தண்ஹாவிப்பயுத்தசித்தஸ்ஸாதி இத³ங் து³க்க²ஸச்சஸமுத³யஸச்சேஸு ஏககொட்டா²ஸஸ்ஸ உப்பத்தித³ஸ்ஸனத்த²ங் வுத்தங், தஸ்மா பஞ்சவோகாரவஸேனேவ க³ஹேதப்³ப³ங். சதுவோகாரே பன தண்ஹாவிப்பயுத்தப²லஸமாபத்தியா உப்பாத³க்க²ணே ஏகம்பி ஸச்சங் நுப்பஜ்ஜதி. தது³ப⁴யந்தி து³க்க²ஸமுத³யஸச்சத்³வயங். தஸ்மிங் ஹி க²ணே தண்ஹங் ட²பெத்வா ஸேஸங் து³க்க²ஸச்சங் நாம ஹோதீதி தங் ஸந்தா⁴யேதங் வுத்தங். மக்³க³ஸ்ஸ உப்பாத³க்க²ணே பன ரூபமேவ து³க்க²ஸச்சங் நாம, ஸேஸா மக்³க³ஸஹஜாதா த⁴ம்மா ஸச்சவினிமுத்தாவ. தேனேவ காரணேன ‘‘அரூபே மக்³க³ஸ்ஸ உப்பாத³க்க²ணே தேஸங் மக்³க³ஸச்சங் உப்பஜ்ஜதி, நோ ச தேஸங் து³க்க²ஸச்சங் உப்பஜ்ஜதீ’’தி வுத்தங். ஸப்³பே³ஸங் உபபஜ்ஜந்தானங் பவத்தே தண்ஹாவிப்பயுத்தசித்தஸ்ஸ உப்பாத³க்க²ணே. தேஸங் தத்தா²தி தேஸங் தஸ்மிங் உபபத்திக்க²ணே தண்ஹாவிப்பயுத்தசித்துப்பத்திக்க²ணே சாதி ஏவமெத்த² க²ணவஸேன ஓகாஸோ வேதி³தப்³போ³. அஞ்ஞேஸுபி ஏவரூபேஸு ஏஸேவ நயோ. அனபி⁴ஸமேதாவீனந்தி
பரிஞ்ஞாவாரே பன ஞாததீரணபஹானவஸேன திஸ்ஸோபி பரிஞ்ஞாயோ லப்³ப⁴ந்தி. யஸ்மா பன லோகுத்தரத⁴ம்மேஸு பரிஞ்ஞானாம நத்தி², தஸ்மா இத⁴ த்³வே ஏவ ஸச்சானி க³ஹிதானி. தத்த² ‘‘து³க்க²ஸச்சங் பரிஜானாதீ’’தி ஞாததீரணபரிஞ்ஞாவஸேன வுத்தங், ‘‘ஸமுத³யஸச்சங் பஜஹதீ’’தி ஞாதபஹானபரிஞ்ஞாவஸேன
ஸங்கா²ரயமகமாதிகத்த²வண்ணனா
ஸங்கா²ரயமகமாதிகாய பன ஹெட்டா² வுத்தனயேனேவ மஹாவாரந்தராதி³பே⁴தா³ வேதி³தப்³பா³. அயங் பனெத்த² விஸேஸோ – மாதிகாய தாவ யதா² ஹெட்டா² க²ந்தா⁴த³யோ த⁴ம்மே உத்³தி³ஸித்வா ‘‘ரூபங் ரூபக்க²ந்தோ⁴’’திஆதி³னா பத³ஸோத⁴னவாரோ ஆரத்³தோ⁴, ததா² அனாரபி⁴த்வா ‘‘அஸ்ஸாஸபஸ்ஸாஸா காயஸங்கா²ரோ’’திஆதி³னா பட²மங் தயோபி ஸங்கா²ரா விப⁴ஜித்வா த³ஸ்ஸிதா. தத்த² காயஸ்ஸ ஸங்கா²ரோ காயஸங்கா²ரோ, அஸ்ஸாஸபஸ்ஸாஸா. ‘‘காயிகா ஏதே த⁴ம்மா காயபடிப³த்³தா⁴’’தி (ம॰ நி॰ 1.463; ஸங்॰ நி॰ 4.348) வசனதோ காரணபூ⁴தஸ்ஸ கரஜகாயஸ்ஸ ப²லபூ⁴தோ ஏஸ ஸங்கா²ரோதி காயஸங்கா²ரோ. அபரோ நயோ – ஸங்க²ரீயதீதி ஸங்கா²ரோ. கேன ஸங்க²ரீயதி? காயேன. அயங் ஹி வாதோ விய ப⁴ஸ்தாய கரஜகாயேன ஸங்க²ரீயதி, ஏவம்பி காயஸ்ஸ ஸங்கா²ரோதி காயஸங்கா²ரோ, காயேன கதோ அஸ்ஸாஸபஸ்ஸாஸவாதோதி அத்தோ². சேதஸா விதக்கெத்வா விசாரெத்வா பச்சா² வாசங் பி⁴ந்த³தி, தஸ்மா ‘‘விதக்கவிசாரா வசீஸங்கா²ரோ’’தி (ம॰ நி॰ 1.463) வசனதோ பன ஸங்க²ரோதீதி ஸங்கா²ரோ, கிங் ஸங்க²ரோதி? வசிங். வசியா ஸங்கா²ரோதி வசீஸங்கா²ரோ, வசீபே⁴த³ஸமுட்டா²பகஸ்ஸ சித்தஸங்கா²ரோ, ஸப்³பே³ஸம்பி சித்தஸமுட்டா²னானங் சேதஸிகானங் த⁴ம்மானங் ஏதங் அதி⁴வசனங். விதக்கவிசாரானங் பன வசீஸங்கா²ரபா⁴வேன விஸுங் க³ஹிதத்தா ‘‘ட²பெத்வா விதக்கவிசாரே’’தி வுத்தங்.
இதா³னி ‘‘காயோ காயஸங்கா²ரோ’’தி பத³ஸோத⁴னவாரோ ஆரத்³தோ⁴, தஸ்ஸ அனுலோமனயே தீணி, படிலோமனயே தீணீதி ச² யமகானி. பத³ஸோத⁴னமூலசக்கவாரே ஏகேகஸங்கா²ரமூலகானி த்³வே த்³வே கத்வா அனுலோமனயே ச², படிலோமனயே சா²தி த்³வாத³ஸ யமகானி. ஸுத்³த⁴ஸங்கா²ரவாரே பன யதா² ஸுத்³த⁴க²ந்த⁴வாராதீ³ஸு ‘‘ரூபங் க²ந்தோ⁴, க²ந்தா⁴ ரூப’’ந்திஆதி³னா நயேன யமகானிவுத்தானி, ஏவங் ‘‘காயோ ஸங்கா²ரோ, ஸங்கா²ரா காயோ’’தி அவத்வா ‘‘காயஸங்கா²ரோ வசீஸங்கா²ரோ’’திஆதி³னா நயேன காயஸங்கா²ரமூலகானி த்³வே, வசீஸங்கா²ரமூலகங் ஏகந்தி அனுலோமே தீணி, படிலோமே தீணீதி ச² யமகானி
பஞ்ஹவிஸ்ஸஜ்ஜனேஸு
பவத்திவாரே பன ‘‘யஸ்ஸ காயஸங்கா²ரோ உப்பஜ்ஜதி, தஸ்ஸ வசீஸங்கா²ரோ உப்பஜ்ஜதீதி? வினா விதக்கவிசாரேஹி அஸ்ஸாஸபஸ்ஸாஸானங் உப்பாத³க்க²ணே தேஸங் காயஸங்கா²ரோ உப்பஜ்ஜதி, நேதரோ, ஸவிதக்கஸவிசாரசித்தஸமங்கீ³னங் பன காமாவசரஸத்தானங் தது³ப⁴யம்பி உப்பஜ்ஜதி. யஸ்ஸ வா பன…பே॰… உப்பஜ்ஜதீதி? ரூபாரூபப⁴விகானங் விதக்கவிசாருப்பாத³க்க²ணே வசீஸங்கா²ரோவ உப்பஜ்ஜதி, நேதரோ…பே॰… யதா²வுத்தகாமாவசரானங் பன தது³ப⁴யங் உப்பஜ்ஜதி. யஸ்ஸ காயஸங்கா²ரோ உப்பஜ்ஜதி, தஸ்ஸ சித்தஸங்கா²ரோ உப்பஜ்ஜதீதி? ஆமந்தா…பே॰… யஸ்ஸ வா பன…பே॰… உப்பஜ்ஜதீதி…பே॰… அஸ்ஸாஸபஸ்ஸாஸானங் உப்பாத³க்க²ணே தது³ப⁴யங் உப்பஜ்ஜதி. யஸ்ஸ வசீஸங்கா²ரோ உப்பஜ்ஜதி, தஸ்ஸ சித்தஸங்கா²ரோ உப்பஜ்ஜதீதி? ஆமந்தா…பே॰… யத்த² காயஸங்கா²ரோ உப்பஜ்ஜதி, தத்த² வசீஸங்கா²ரோ உப்பஜ்ஜதீதி
‘‘யஸ்ஸ காயஸங்கா²ரோ நுப்பஜ்ஜதி, தஸ்ஸ வசீஸங்கா²ரோ நுப்பஜ்ஜதீதி? வினா அஸ்ஸாஸபஸ்ஸாஸேஹி விதக்கவிசாரானங் உப்பாத³க்க²ணே தேஸங் காயஸங்கா²ரோவ நுப்பஜ்ஜதி, நேதரோ, ஸப்³பே³ஸங் சித்தஸ்ஸ ப⁴ங்க³க்க²ணே வினா அஸ்ஸாஸபஸ்ஸாஸேஹி அவிதக்கஅவிசாரசித்தஸ்ஸ உப்பாத³க்க²ணே நிரோத⁴ஸமாபன்னானங் அஸஞ்ஞஸத்தானஞ்ச தது³ப⁴யம்பி நுப்பஜ்ஜதி…பே॰… யஸ்ஸ காயஸங்கா²ரோ நுப்பஜ்ஜதி, தஸ்ஸ சித்தஸங்கா²ரோ நுப்பஜ்ஜதீதி…பே॰… ஸப்³ப³சித்தானங் ப⁴ங்க³க்க²ணே நிரோத⁴ஸமாபன்னானங் அஸஞ்ஞஸத்தானஞ்ச நுப்பஜ்ஜதீ’’திஆதி³னா ச, ‘‘யத்த² காயஸங்கா²ரோ நுப்பஜ்ஜதி, தத்த² வசீஸங்கா²ரோ நுப்பஜ்ஜதீதி…பே॰… சதுத்த²ஜ்ஜா²னக்க²ணே ரூபப⁴வாதீ³ஸு நுப்பஜ்ஜதீ’’திஆதி³னா ச, ‘‘யஸ்ஸ காயஸங்கா²ரோ உப்பஜ்ஜித்த², தஸ்ஸ வசீஸங்கா²ரோ உப்பஜ்ஜித்தா²தி? ஆமந்தா’’திஆதி³னா, ‘‘யஸ்ஸ காயஸங்கா²ரோ நுப்பஜ்ஜித்த², தஸ்ஸ சித்தஸங்கா²ரோ நுப்பஜ்ஜித்தா²தி? நத்தீ²’’திஆதி³னா, ‘‘யஸ்ஸ யத்த² காயஸங்கா²ரோ நுப்பஜ்ஜித்த², தஸ்ஸ தத்த² வசீஸங்கா²ரோ நுப்பஜ்ஜித்தா²தி…பே॰… சதுத்த²ஜ்ஜா²னங் ஸமாபன்னானங் ஸுத்³தா⁴வாஸானங் து³தியே சித்தே வத்தமானே அஸஞ்ஞஸத்தானங் தேஸங் தத்த² காயஸங்கா²ரோ ச நுப்பஜ்ஜித்த² வசீஸங்கா²ரோ சா’’திஆதி³னா ச,
‘‘யஸ்ஸ காயஸங்கா²ரோ உப்பஜ்ஜிஸ்ஸதி, தஸ்ஸ வசீஸங்கா²ரோ உப்பஜ்ஜிஸ்ஸதீதி? ஆமந்தா. யஸ்ஸ வா பன…பே॰… உப்பஜ்ஜிஸ்ஸதீதி? யஸ்ஸ சித்தஸ்ஸ அனந்தரா காமாவசரானங் பச்சி²மசித்தங் உப்பஜ்ஜிஸ்ஸதி, ரூபாரூபப⁴வே பச்சி²மப⁴விகானங் வசீஸங்கா²ரோவ உப்பஜ்ஜிஸ்ஸதி, ந காயஸங்கா²ரோ
‘‘யோ காயஸங்கா²ரங் பரிஜானாதி, ஸோ வசீஸங்கா²ரங் பரிஜானாதீதி? ஆமந்தா’’திஆதி³னா பரிஞ்ஞாவாரே ச ஹெட்டா² வுத்தானுஸாரேன ஸப்³ப³த்த² பாளினயோ வேதி³தப்³போ³.
பவத்திவாரே பனெத்த² பச்சுப்பன்னகாலே புக்³க³லவாரஸ்ஸ அனுலோமனயே காயஸங்கா²ரமூலகானி த்³வே, வசீஸங்கா²ரமூலகங் ஏகந்தி தீணேவ யமகானி லப்³ப⁴ந்தி. தஸ்ஸ படிலோமனயேபி ஓகாஸவாராதீ³ஸுபி ஏஸேவ நயோ. ஏவமெத்த² ஸப்³ப³வாரேஸு திண்ணங் திண்ணங் யமகானங் வஸேன யமகக³ணனா வேதி³தப்³பா³. அத்த²வினிச்ச²யே பனெத்த² இத³ங் லக்க²ணங் – இமஸ்மிங் ஹி ஸங்கா²ரயமகே ‘‘அஸ்ஸாஸபஸ்ஸாஸானங் உப்பாத³க்க²ணே, விதக்கவிசாரானங் உப்பாத³க்க²ணே’’திஆதி³வசனதோ (யம॰ 2.ஸங்கா²ரயமக.19) பச்சுப்பன்னாதி³காலபே⁴தோ³ பவத்திவஸேனாபி க³ஹேதப்³போ³, ந சுதிபடிஸந்தி⁴வஸேனேவ. ‘‘து³தியஜ்ஜா²னே ததியஜ்ஜா²னே தத்த² காயஸங்கா²ரோ உப்பஜ்ஜதீ’’திஆதி³வசனதோ (யம॰ 2.ஸங்கா²ரயமக.21) ச ஜா²னம்பி ஓகாஸவஸேன க³ஹிதந்தி வேதி³தப்³ப³ங். ஏவமெத்த² யங் யங் லப்³ப⁴தி, தஸ்ஸ தஸ்ஸ வஸேன அத்த²வினிச்ச²யோ
‘‘யஸ்ஸ காயஸங்கா²ரோ நிருஜ்ஜ²தி, தஸ்ஸ சித்தஸங்கா²ரோ நிருஜ்ஜ²தீ’’தி எத்த² நியமதோ காயஸங்கா²ரஸ்ஸ சித்தஸங்கா²ரேன ஸத்³தி⁴ங் ஏகக்க²ணே நிருஜ்ஜ²னதோ ‘‘ஆமந்தா’’தி படிவசனங் தி³ன்னங் ந ஏகசித்தக்க²ணிகத்தா. சித்தஸங்கா²ரோ ஹி காயஸங்கா²ரேன வினாபி உப்பஜ்ஜதி ச நிருஜ்ஜ²தி ச. காயஸங்கா²ரோ பன சித்தஸமுட்டா²னத்தா யேன சித்தேன ஸத்³தி⁴ங் உப்பஜ்ஜதி, ததோ பட்டா²ய ஸத்தரஸமேன ஸத்³தி⁴ங் நிருஜ்ஜ²தி, ஏஸா சித்தஸமுட்டா²னரூபஸ்ஸ த⁴ம்மதா. யங் பன விப⁴ங்க³ப்பகரணஸ்ஸ ஸீஹளட்ட²கதா²ய ‘‘சித்தஸமுட்டா²னரூபங் ஸத்தரஸமசித்தஸ்ஸ உப்பாத³க்க²ணே நிருஜ்ஜ²தீ’’தி வுத்தங், தங் இமாய
அனுஸயயமகமாதிகத்த²வண்ணனா
அனுஸயயமகமாதிகாய பன பாளிவவத்தா²னங் தாவ ஏவங் வேதி³தப்³ப³ங். அனுஸயயமகேபி க²ந்த⁴யமகமாதிகாதீ³ஸு விய தே³ஸனங்
தத்த² ஹி ஸத்த அனுஸயாதி அயங் க³ணனாய பரிச்சி²ந்தி³த்வா அனுஸயானங் தே³ஸிதத்தா பரிச்சே²த³வாரோ நாம. காமராகா³னுஸயோ…பே॰… அவிஜ்ஜானுஸயோதி அயங் பரிச்சே²த³வஸேன பரிச்சி²ன்னானங் நாமமத்தங் உத்³தி³ஸித்வா ‘‘இமே நாம தே’’தி தே³ஸிதத்தா பரிச்சி²ன்னுத்³தே³ஸவாரோ நாம. தத்த² அனுத்தானத்த²தோ தாவ அனுஸயாதி கேனட்டே²ன அனுஸயா? அனுஸயனட்டே²ன. கோ ஏஸ அனுஸயனட்டோ² நாமாதி? அப்பஹீனட்டோ². காமராகா³னுஸயாத³யோ ஹி அப்பஹீனட்டே²ன தஸ்ஸ தஸ்ஸ ஸந்தானே அனுஸெந்தி நாம, தஸ்மா ‘‘அனுஸயா’’தி வுச்சந்தி, அனுஸெந்தீதி ச தங் தங் அனுரூபங் காரணங் லபி⁴த்வா உப்பஜ்ஜந்தீதி அத்தோ². அதா²பி ஸியா – அனுஸயனட்டோ² நாம அப்பஹீனாகாரோ, அப்பஹீனாகாரோ ச ந உப்பஜ்ஜதி, தஸ்மா அனுஸயா ந உப்பஜ்ஜந்தீதி. தத்ரித³ங் படிவசனங் – அப்பஹீனாகாரோ அனுஸயோ, அனுஸயோதி பன அப்பஹீனட்டே²ன தா²மக³தகிலேஸோ வுச்சதி, ஸோ சித்தஸம்பயுத்தோ ஸாரம்மணோ ஸப்பச்சயட்டே²ன ஸஹேதுகோ ஏகந்தாகுஸலோவ ஹோதி கதா²வத்து²ஸ்மிங் (கதா²॰ 554 ஆத³யோ) அனுஸயானங் சித்தவிப்பயுத்தபா⁴வஸ்ஸ படிஸேதி⁴தத்தா த⁴ம்மஸங்க³ஹே மோஹஸ்ஸ பத³பா⁴ஜனே 317 ‘‘அவிஜ்ஜானுஸயோ அவிஜ்ஜாபரியுட்டா²னங்…பே॰… அயங் தஸ்மிங் ஸமயே மோஹோ ஹோதீ’’தி (த⁴॰ ஸ॰ 390). இமஸ்மிஞ்ச யமகே உப்பஜ்ஜனவாரே ‘‘யஸ்ஸ காமராகா³னுஸயோ உப்பஜ்ஜதி, தஸ்ஸ படிகா⁴னுஸயோ உப்பஜ்ஜதீ’’திஆதி³ வுத்தங், தஸ்மா ‘‘அனுஸெந்தீதி தங் தங் அனுரூபங் காரணங் லபி⁴த்வா உப்பஜ்ஜந்தீ’’தி யங் வுத்தங், தங் ஸுவுத்தந்தி வேதி³தப்³ப³ங். காமராகா³னுஸயோதி காமராகோ³ ச ஸோ அப்பஹீனட்டே²ன அனுஸயோ சாதி காமராகா³னுஸயோ. ஸேஸபதே³ஸுபி ஏஸேவ நயோ. அயங் தாவெத்த² அனுத்தானத்தோ². அத்த²வினிச்ச²யோ பனெத்தா²பி நித்³தே³ஸனயமுக²த³ஸ்ஸனவஸேனேவ ஹோதி, நித்³தே³ஸோ செத்த² ஹெட்டா² வுத்தோ.
உப்பத்திட்டா²னவாராத³யோ அட்ட² வாரா ச, தத்ராயங் பாளிவவத்தா²னானுபுப்³பி³காமுக²மத்தப்பகாஸனா. தேஸங் ஹி பட²மோ அனுஸயானங் உப்பத்திட்டா²னவாரோ நாம. தத்த² வாரபே⁴தோ³ யமகயோஜனவாரே நத்தி², இதரேஸு பன ஸத்தஸு மஹாவாரேஸு அத்தி². தேஸு ஹி பட²மோ அனுஸயவாரோ அனுலோமபடிலோமனயவஸேன து³விதோ⁴ ஹோதி. தத்த² அனுலோமனயே ‘‘யஸ்ஸ யத்த²…பே॰… அனுஸேதீ’’தி புக்³க³லோகாஸதது³ப⁴யனாமவஸேன தயோ அந்தரவாரா ஹொந்தி, தேஸு ஏகேகஸ்மிங் ஏகமூலகத்³விமூலகதிமூலகசதுமூலகபஞ்சமூலகச²மூலகானங் வஸேன யமகபே⁴தா³ ஹொந்தி. யதா² ச அனுலோமனயே, ஏவங் படிலோமனயேபி வேதி³தப்³பா³. யதா² செத்த² அனுஸயவாரே, ஏவங் ஸானுஸயவாரபஜஹனவாரபரிஞ்ஞாவாரபஹீனவாரஉப்பஜ்ஜனவாரேஸு பஞ்சஸுபி. அயங் பனெத்த² புரிமேஸு தீஸு வாரேஸு விஸேஸோ. ஓகாஸவாரே ‘‘யத்த² தத்தா²’’தி அவத்வா ‘‘யதோ ததோ’’தி நிஸ்ஸக்கவசனேன தே³ஸனா கதா. ஸேஸங் தாதி³ஸமேவ
தத்ரித³ங் அட்ட²ன்னங் வாரானங் ஆதி³தோ பட்டா²ய முக²மத்தத³ஸ்ஸனங். ‘‘கத்த² காமராகா³னுஸயோ அனுஸேதி? காமதா⁴துயா த்³வீஸு வேத³னாஸு எத்த² காமராகா³னுஸயோ அனுஸேதி. கத்த² படிகா⁴னுஸயோ அனுஸேதி? து³க்கா²ய வேத³னாய…பே॰… மானானுஸயோ காமதா⁴துயா த்³வீஸு வேத³னாஸு ரூபதா⁴துயா அரூபதா⁴துயா ச அனுஸேதி. தி³ட்டா²னுஸயோ, விசிகிச்சா²னுஸயோ ச ஸப்³ப³ஸக்காயபரியாபன்னேஸு த⁴ம்மேஸு, ப⁴வராகா³னுஸயோ ரூபாரூபதா⁴தூஸு, அவிஜ்ஜானுஸயோ ஸப்³ப³ஸக்காயபரியாபன்னேஸு த⁴ம்மேஸு அனுஸேதீ’’தி அயங் தாவ பட²மவாரே பாளினயோ.
தத்த² காமதா⁴துயா த்³வீஸு வேத³னாஸூதி காமாவசரபூ⁴மியங் ஸுகா²ய சேவ உபெக்கா²ய சாதி த்³வீஸு வேத³னாஸு, காமராகா³னுஸயோ பன ஸஹஜாதவஸேன, ஆரம்மணவஸேன சாதி த்³வீஹாகாரேஹி அனுஸேதி உப்பஜ்ஜதி, தத்த² அகுஸலாஹி ஸுக²உபெக்கா²ஹி ஸஹஜாதோபி ஹுத்வா தா ஆரம்மணங் கத்வாபி உப்பஜ்ஜதி. அவஸேஸா பன காமாவசரகுஸலவிபாககிரியவேத³னா ஆரம்மணமேவ கத்வா உப்பஜ்ஜதி, இமாஸு வேத³னாஸு அனுஸயமானோ சேஸ தாஹி வேத³னாஹி ஸம்பயுத்தேஸு ஸஞ்ஞாஸங்கா²ரவிஞ்ஞாணேஸுபி அனுஸேதியேவ. இமாஸங் பன வேத³னானங் அஸ்ஸாத³ட்டே²ன காமராகா³னுஸயுப்பத்தியா ஸேஸஸம்பயுத்தேஹி பதா⁴னத்தா, ஓளாரிகத்தேன வேனெய்யானங் ஸுபோ³த⁴த்தா ச த்³வீஸு வேத³னாஸுயேவ அனுஸேதீதி வுத்தங், ஏவங் உபரிபி. ந கேவலஞ்சேஸ அனுஸயமானோ இமாஸு த்³வீஸு வேத³னாஸுயேவ, வேத³னாஸம்பயுத்தேஸு த⁴ம்மேஸு ச அனுஸேதி, இட்டே²ஸு விப⁴ங்க³ப்பகரணே ‘‘யங் லோகே பியரூபங் ஸாதரூபங், எத்த² ஸத்தானங் காமராகா³னுஸயோ அனுஸேதீ’’தி (விப⁴॰ 816), எத்தா²னுஸயயமகேபி வுத்தங் ‘‘து³க்கா²ய வேத³னாய ரூபதா⁴துயா எத்த² காமராகா³னுஸயோ நானுஸேதீ’’திஆதி³. ஏதேன வுத்தாவஸேஸரூபாதீ³ஸு ச²ஸுபி ஆரம்மணேஸு அனுஸேதீதி வுத்தங் ஹோதி. இத⁴ பன தங் ஸப்³ப³ங் அவத்வா கிஞ்சிதே³வ பதா⁴னத்தாதி³னா காரணேன வுத்தந்தி க³ஹேதப்³ப³ங்.
து³க்கா²யாதி எத்த² படிக⁴சித்தஸம்பயுத்தா த்³வே தோ³மனஸ்ஸவேத³னா, காயவிஞ்ஞாணஸம்பயுத்தா து³க்க²வேத³னா சாதி திஸ்ஸோ வேத³னா, தங் ஸம்பயுத்தா ச த⁴ம்மா, அனிட்டா² ச² ரூபாத³யோ த⁴ம்மா படிகா⁴னுஸயஸஹஜாதவஸேன, ஆரம்மணவஸேன ச யதா²ரஹங் அனுஸயனட்டா²னங். கிங் பன இதரா த்³வே வேத³னா இட்டா²ரம்மணங் வா படிக⁴ஸ்ஸ ஆரம்மணங் ந ஹொந்தீதி? நோ ந ஹொந்தி. பரிஹீனஜ்ஜா²னஸ்ஸ ஹி நட்ட²ங் இட்ட²ங் ஸஸம்பயுத்தத⁴ம்மங் ஜா²னமாரப்³ப⁴ தோ³மனஸ்ஸங் உப்பஜ்ஜதி, தங் பன ஆரம்மணமத்தமேவ, நானுஸயனட்டா²னங் இட்ட²த்தா. அனிட்ட²மேவ ஹி இட்ட²தோ படிஹனநனிமித்தங், யங் பன தத்து²ப்பன்னங், தஸ்ஸ படிக⁴மத்தமேவ ஹோதி, ந படிகா⁴னுஸயோதி. படிகா⁴னுஸயோ ஹி அனிட்டா²ரம்மணே படிஹனநவஸேன உப்பன்னோ தா²மக³தோ கிலேஸோ, இதரோ தோ³மனஸ்ஸேன ஸத்³தி⁴ங் உப்பன்னோபி அத்தனோ படிஹனநகிச்சஸ்ஸ அகரணதோ படிகா⁴னுஸயோ ந ஹோதி, அப்³போ³ஹாரிகத்தங் க³ச்ச²தி. யதா² ஹி பாணாதிபாதசேதனாய ஸத்³தி⁴ங் உப்பன்னோபி ப்³யாபாதோ³ மனோகம்மங் நாம ந ஹோதி, அப்³போ³ஹாரிகத்தங் க³ச்ச²தி, ஏவந்தி க³ஹேதப்³ப³ங். தேனேவ நெக்க²ம்மஸ்ஸிதங் தோ³மனஸ்ஸங் ஸேவிதப்³ப³ங் வுத்தங். மானானுஸயஸ்ஸ பன து³க்க²தோ³மனஸ்ஸவஜ்ஜிதா ஸப்³பே³ லோகியா த⁴ம்மா அனுஸயனட்டா²னங். ‘‘து³க்கா²ய வேத³னாய அபரியாபன்னே எத்த²…பே॰… மானானுஸயோ ச நானுஸேதீ’’தி ஹி
ப⁴வராகா³னுஸயோ பன கிஞ்சாபி தி³ட்டி²விப்பயுத்தேஸு சதூஸு சித்தேஸு உப்பஜ்ஜனதோ ஸஹஜாதவஸேன காமதா⁴துயா த்³வீஸு வேத³னாஸு அனுஸேதீதி வத்தப்³போ³ ப⁴வெய்ய, ஸோ பன யஸ்மா ரூபாரூபாவசரமேவாரம்மணங் லப⁴தி, ந காமாவசராரம்மணமேவ, அனுஸயானங் பன தங் ந அனுஸயனட்டா²னங், தஸ்மா ஆரம்மணவஸேன நியமங் அகத்வா ‘‘ரூபதா⁴துயா அரூபதா⁴துயா எத்த² ப⁴வராகா³னுஸயோ அனுஸேதீ’’தி வுத்தங். தங் ராக³வஸேன ஸோ ச ஸப்³போ³பி ராகோ³ காமராகா³னுஸயோ க³ஹேதப்³போ³தி அயங் உப்பத்திட்டா²னவாரே நயோ.
இதரேஸு பன ஸத்தஸு மஹாவாரேஸு தாவ ‘‘யஸ்ஸ காமராகா³னுஸயோ அனுஸேதி, தஸ்ஸ படிகா⁴னுஸயோ அனுஸேதீதி? ஆமந்தா. யஸ்ஸ வா பன படிகா⁴னுஸயோ அனுஸேதி, தஸ்ஸ காமராகா³னுஸயோ அனுஸேதீதி? ஆமந்தா. யஸ்ஸ காமராகா³னுஸயோ அனுஸேதி, தஸ்ஸ மானானுஸயோ அனுஸேதீதி? ஆமந்தா. யஸ்ஸ வா பன மானானுஸயோ அனுஸேதி, தஸ்ஸ காமராகா³னுஸயோ அனுஸேதீதி? அனாகா³மிஸ்ஸ மானானுஸயோ அனுஸேதி, நோ ச தஸ்ஸ காமராகா³னுஸயோ அனுஸேதி, திண்ணங் புக்³க³லானங் மானானுஸயோ ச அனுஸேதி, காமராகா³னுஸயோ ச அனுஸேதி. யஸ்ஸ காமராகா³னுஸயோ அனுஸேதி, தஸ்ஸ தி³ட்டா²னுஸயோ அனுஸேதீதி? த்³வின்னங் புக்³க³லானங் காமராகா³னுஸயோ அனுஸேதி, நோ ச…பே॰… தி³ட்டா²னுஸயோ ச அனுஸேதி, யஸ்ஸ வா பன…பே॰… ஆமந்தா. யஸ்ஸ காமராகா³னுஸயோ அனுஸேதி, தஸ்ஸ விசிகிச்சா²னுஸயோ
யஸ்ஸ காமராகா³னுஸயோ ச படிகா⁴னுஸயோ ச அனுஸேதி, தஸ்ஸ மானானுஸயோ அனுஸேதீதி? ஆமந்தா. த்³வின்னங் த்³விமூலிகா…பே॰… பஞ்சமூலிகானங் பன ஏகமூலே வுத்தானுஸாரேன விஸ்ஸஜ்ஜனநயோ
ஓகாஸவாரே பன ‘‘யத்த² காமராகா³னுஸயோ அனுஸேதி, தத்த² படிகா⁴னுஸயோ அனுஸேதீதி? நோ. யத்த² வா பன…பே॰… அனுஸேதீதி? நோ. யத்த² காமராகா³னுஸயோ அனுஸேதி, தத்த² மானானுஸயோ அனுஸேதீதி? ஆமந்தா. யத்த² வா பன மானானுஸயோ அனுஸேதி, தத்த² காமராகா³னுஸயோ அனுஸேதீதி? ரூபதா⁴துயா அரூபதா⁴துயா எத்த² மானானுஸயோ அனுஸேதி
யத்த² படிகா⁴னுஸயோ அனுஸேதி, தத்த² மானானுஸயோ அனுஸேதீதி? நோ. யத்த² வா பன…பே॰… நோ. யத்த² படிகா⁴னுஸயோ அனுஸேதி, தத்த² தி³ட்டா²னுஸயோ விசிகிச்சா²னுஸயோ அனுஸேதீதி? ஆமந்தா. யத்த² வா பன…பே॰… அனுஸேதீதி? காமதா⁴துயா த்³வீஸு வேத³னாஸு ரூபாரூபதா⁴துயா எத்த² விசிகிச்சா²னுஸயோ அனுஸேதி, ந படிகா⁴னுஸயோ, து³க்கா²ய பன வேத³னாய தது³ப⁴யங் அனுஸேதி. யத்த² படிகா⁴னுஸயோ அனுஸேதி, தத்த² ப⁴வராகா³னுஸயோ அனுஸேதீதி? நோ. யத்த² வா பன…பே॰… நோ. யத்த² படிகா⁴னுஸயோ அனுஸேதி, தத்த² அவிஜ்ஜானுஸயோ அனுஸேதீதி? ஆமந்தா. யத்த² வா பன…பே॰… அனுஸேதீதி…பே॰… து³க்கா²ய வேத³னாய தது³ப⁴யங் அனுஸேதி, அஞ்ஞத்த² அவிஜ்ஜானுஸயோ ச.
யத்த²
‘‘யஸ்ஸ…பே॰… நானுஸேதி. யஸ்ஸ…பே॰… நானுஸேதி மானானுஸயோ, அரஹதோ பன தது³ப⁴யம்பி நானுஸேதி. யஸ்ஸ வா பன…பே॰… ஆமந்தா. யஸ்ஸ காமராகா³னுஸயோ நானுஸேதி, தஸ்ஸ தி³ட்டா²னுஸயோ விசிகிச்சா²னுஸயோ நானுஸேதீதி? ஆமந்தா. யஸ்ஸ வா பன…பே॰… நானுஸேதீதி? த்³வின்னங் புக்³க³லானங் விசிகிச்சா²னுஸயோவ நானுஸேதி, நேதரோ, அனாகா³மிஅரஹந்தானங் தது³ப⁴யம்பி நானுஸேதீ’’திஆதி³னா நயேன புக்³க³லவாரே,
‘‘யத்த² காமராகா³னுஸயோ நானுஸேதி, தத்த² படிகா⁴னுஸயோ நானுஸேதீதி? து³க்கா²ய வேத³னாய காமராகா³னுஸயோவ நானுஸேதி, நேதரோ, ரூபாரூபதா⁴துபரியாபன்னேஸு தது³ப⁴யங் நானுஸேதி. யத்த² வா பன…பே॰… நானுஸேதீதி
‘‘யஸ்ஸ
தத்த² ‘‘யஸ்ஸ காமராகா³னுஸயோ அனுஸேதி, தஸ்ஸ படிகா⁴னுஸயோ அனுஸேதீ’’தி எத்த² யதே³தங் ‘‘ஆமந்தா’’தி படிவசனங் தி³ன்னங், தங் து³த்³தி³ன்னங் விய கா²யதி. கஸ்மா? காமராக³படிகா⁴னங் ஏகக்க²ணே அனுப்பத்திதோ. யதா² ஹி ‘‘யஸ்ஸ மனாயதனங் திண்ணங் புக்³க³லானந்தி புது²ஜ்ஜனஸோதாபன்னஸகதா³கா³மீனங். த்³வின்னந்தி ஸோதாபன்னஸகதா³கா³மீனங். ஏவங் உப்பஜ்ஜனங் தீ³பிதங். ஓகாஸவாரஸ்ஸ பட²மது³தியபுச்சா²ஸு யஸ்மா காமராக³படிகா⁴ ஏகசித்தே ந உப்பஜ்ஜந்தி, தஸ்மா ‘‘நோ’’தி படிஸேதோ⁴ கதோ. து³கமூலாதீ³ஸு ச யஸ்மா காமராக³படிகா⁴த³யோ ஏகஸ்மிங் டா²னஸங்கா²தே சித்தே, ஆரம்மணே வா ந உப்பஜ்ஜந்தி, தஸ்மா ‘‘நத்தீ²’’தி தத்த² படிக்கே²போ கதோ, அயங் புச்சா² அபுப்³பா³ சதுன்னந்தி புது²ஜ்ஜனஸோதாபன்னஸகதா³கா³மிஅனாகா³மீனங். படிலோமே த்³வின்னந்தி அனாகா³மிஅரஹந்தே ஸந்தா⁴ய வுத்தந்தி அயங் அனுஸயவாரே நயோ.
ஸானுஸயவாரே பன ‘‘யோ காமராகா³னுஸயேன ஸானுஸயோ, ஸோ படிகா⁴னுஸயேன ஸானுஸயோதி? ஆமந்தா…பே॰… மானானுஸயேன
‘‘யதோ காமராகா³னுஸயேன ஸானுஸயோ, ததோ படிகா⁴னுஸயேன ஸானுஸயோதி? நோ…பே॰… மானானுஸயேன ஸானுஸயோதி? ஆமந்தா. யதோ வா பன மானானுஸயேன ஸானுஸயோ, ததோ காமராகா³னுஸயேன ஸானுஸயோதி? ரூபாரூபதா⁴துயா மானானுஸயேனேவ, நேதரேன, காமதா⁴துயா த்³வீஸு வேத³னாஸு தது³ப⁴யேனாபீ’’திஆதி³னா ஓகாஸவாரே ச,
‘‘யோ யதோ காமராகா³னுஸயேன ஸானுஸயோ, ஸோ ததோ படிகா⁴னுஸயேன ஸானுஸயோதி? நோ’’திஆதி³னா புக்³க³லோகாஸவாரே சாதி ஏவங் அனுலோமனயே ச, ‘‘யோ காமராகா³னுஸயேன நிரனுஸயோ, ஸோ படிகா⁴னுஸயேன நிரனுஸயோதி? ஆமந்தா’’திஆதி³னா படிலோமனயேபி ஸப்³ப³த்த² அனுஸயவாரே வுத்தானுஸாரதோ புச்சா²விஸ்ஸஜ்ஜனநயோ ஞாதப்³போ³.
தத்த² யதோ காமராகா³னுஸயேன ஸானுஸயோதி யதோ காரணதோ உப்பன்னேன காமராகா³னுஸயேன ஸானுஸயோ, கிங் ஸோ ததோ காரணதோ உப்பன்னபடிகா⁴னுஸயேனபி ஸானுஸயோதி வுச்சதி. யஸ்மா பனேதே த்³வே ஏகஸ்மா டா²னா ந உப்பஜ்ஜந்தி, தஸ்மா ‘‘நோ’’தி படிஸேதோ⁴ கதோ ஸேஸங் தாதி³ஸமேவாதி அயங் ஸானுஸயவாரே நயோ.
பஜஹனவாரே
‘‘யதோ காமராகா³னுஸயங் பஜஹதி, ததோ படிகா⁴னுஸயங் பஜஹதீதி? நோ…பே॰… யதோ காமராகா³னுஸயங் பஜஹதி, ததோ மானானுஸயங் பஜஹதீதி? ஆமந்தா. யதோ வா பன மானானுஸயங் பஜஹதி, ததோ காமராகா³னுஸயங் பஜஹதீதி? ரூபாரூபதா⁴துயா ததோ மானானுஸயமேவ, காமதா⁴துயா பன த்³வீஸு வேத³னாஸு ததோ மானானுஸயங் பஜஹதீ’’திஆதி³னா ஓகாஸவாரே ச,
‘‘யோ யதோ காமராகா³னுஸயங் பஜஹதி, ஸோ ததோ படிகா⁴னுஸயங் பஜஹதீதி? நோ…பே॰… மானானுஸயங் பஜஹதீதி? ததே³கட்ட²ங் பஜஹதி…பே॰… விசிகிச்சா²னுஸயங் பஜஹதீதி? நோ. யோ வா பன யதோ விசிகிச்சா²னுஸயங் பஜஹதி, ஸோ ததோ காமராகா³னுஸயங் பஜஹதீதி? அட்ட²மகோ து³க்கா²ய வேத³னாய ரூபாரூபதா⁴துயா ஸோ ததோ விசிகிச்சா²னுஸயங் பஜஹதி, நோ ச ஸோ ததோ காமராகா³னுஸயங் பஜஹதி, ஸ்வேவ புக்³க³லோ காமதா⁴துயா த்³வீஸு வேத³னாஸு ஸோ ததோ விசிகிச்சா²னுஸயங் பஜஹதி, காமராகா³னுஸயங் ததே³கட்ட²ங் பஜஹதீ’’திஆதி³னா புக்³க³லோகாஸவாரே சாதி ஏவங் அனுலோமனயே ச, ‘‘யோ காமராகா³னுஸயங் ந பஜஹதி, ஸோ படிகா⁴னுஸயங் ந பஜஹதீதி? ஆமந்தா…பே॰… விசிகிச்சா²னுஸயங் ந பஜஹதீதி
தத்த² பஜஹதீதி தேன தேன மக்³கே³ன பஹானபரிஞ்ஞாவஸேன பஜஹதி. ததே³கட்ட²ந்தி பஹானேகட்ட²தங் ஸந்தா⁴ய வுத்தங். பட²மமக்³கா³தி³னா ஹி ந கேவலங் தி³ட்டா²தி³கா ஏவ த⁴ம்மா பஹீயந்தி, அத² கோ² அபாயக³மனியா தேன காமராக³படிக⁴மானாத³யோபி பஹீயந்தி ஏவ. பட²மமக்³க³வஜ்ஜா² ஹி காமராகா³, அபாயக³மனியா ச மானாவிஜ்ஜாத³யோபி, ததியமக்³க³வஜ்ஜா²தி பஹானேகட்டா² ஹுத்வா பஹீயந்தி ஏவாதி ‘‘நோ’’தி அரஹத்தமக்³க³ட்ட²ங் ஸந்தா⁴ய வுத்தங். ஸோ ஹி காமராகா³னுஸயங்யேவ பஹீனத்தா ந பஜஹதீதி. யதோ காமராகா³னுஸயங் பஜஹதீதி யதோ உப்பஜ்ஜனகங் காமராகா³னுஸயங் பஜஹதீதி அத்தோ², அட்ட²மகோதி ஸோதாபத்திமக்³க³ட்டோ². ஸோ ஹி த³க்கி²ணெய்யக்கமேன அரஹத்தப²லட்ட²தோ பட்டா²ய க³ணியமானோ அட்ட²மகோ நாம. படிலோமனயே அனாகா³மிமக்³க³ஸமங்கி³ஞ்ச அட்ட²மகஞ்ச ட²பெத்வா அவஸேஸாதி
பரிஞ்ஞாவாரோ பன ‘‘யோ காமராகா³னுஸயங் பரிஜானாதி, ஸோ படிகா⁴னுஸயங் பரிஜானாதீ’’திஆதி³னா பஜஹனவாரஸதி³ஸோவ. அயம்பி ஹி பஜஹனவாரோ விய மக்³க³ட்டா²னஞ்ஞேவ வஸேன விஸ்ஸஜ்ஜிதோ. தத்த² பரிஜானாதீதி தீஹி பரிஞ்ஞாஹி பரிஜானாதீதி அத்தோ². அயங் பரிஞ்ஞாவாரே நயோ.
பஹீனவாரே பன ‘‘யஸ்ஸ காமராகா³னுஸயோ பஹீனோ, தஸ்ஸ படிகா⁴னுஸயோ பஹீனோதி? ஆமந்தா…பே॰… மானானுஸயோ பஹீனோதி? அனாகா³மிஸ்ஸ காமராகா³னுஸயோவ, அரஹதோ
எத்த² ச ப²லட்ட²வஸேனேவ அத்தோ² க³ஹேதப்³போ³ மக்³க³ட்டா²னங் பஹீனகிலேஸத்தாபா⁴வா. தேஸங் ஹி அனுஸயா பஹீயந்தி ஏவ, ந பன பஹீனாதி அனாகா³மிஆத³யோ ப²லட்டா²வ க³ஹேதப்³பா³, ஓகாஸவாரே பன ‘‘ந வத்தப்³போ³’’தி இத³ங் உபி⁴ன்னங் உப்பத்திட்டா²னஸ்ஸ அஸாதா⁴ரணத்தா வுத்தங். அஞ்ஞங் ஹி காமராகா³னுஸயஸ்ஸ உப்பத்திட்டா²னங், அஞ்ஞங் படிகா⁴னுஸயஸ்ஸ. அபா⁴விதமக்³க³ஸ்ஸ ச யத்த² அனுஸயோ உப்பஜ்ஜதி, மக்³கே³ பா⁴விதே தத்தே²வ ஸோ பஹீனோ நாம ஹோதி, தஸ்மா ஸோ தத்த² பஹீனோதி வா, அப்பஹீனோதி வா ந வத்தப்³போ³, ஸப்³ப³த்தா²பி பன ஸயங் அபா⁴வேன தத்த² அப்பஹீனோதி ந வத்தப்³போ³. உபி⁴ன்னங் பன ஸாதா⁴ரணட்டா²னங் ஸந்தா⁴ய யஸ்ஸ காமராகா³னுஸயோ அப்பஹீனோதி புது²ஜ்ஜனஸ்ஸ, ஸோதாபத்திஸகதா³கா³மிப²லட்டா²னஞ்ச வஸேன அத்தோ² க³ஹேதப்³போ³. ‘‘திண்ணங் புக்³க³லான’’ந்தி ஹி வுத்தங். ஸேஸங் ஸுவிஞ்ஞெய்யமேவாதி அயங் பஹீனவாரே நயோ.
உப்பஜ்ஜனவாரே பன ‘‘யஸ்ஸ காமராகா³னுஸயோ உப்பஜ்ஜதி, தஸ்ஸ படிகா⁴னுஸயோ உப்பஜ்ஜதீ’’திஆதி³னா ஸப்³ப³த்த² அனுஸயவாரஸதி³ஸோவாதி அயங் உப்பஜ்ஜனவாரே நயோ.
தா⁴துவாரே பன ‘‘காமதா⁴துயா சுதஸ்ஸ காமதா⁴துங் உபபஜ்ஜந்தஸ்ஸ கதி அனுஸயா அனுஸெந்தி, கதி அனுஸயா நானுஸெந்தி, கதி அனுஸயா ப⁴ங்கா³? காமதா⁴துயா சுதஸ்ஸ ரூபதா⁴துங் உபபஜ்ஜந்தஸ்ஸ…பே॰… கதி ப⁴ங்கா³? காமதா⁴துயா சுதஸ்ஸ அரூபதா⁴துங் உபபஜ்ஜந்தஸ்ஸ…பே॰… ரூபதா⁴துங் உபபஜ்ஜந்தஸ்ஸ ந அரூபதா⁴துங் உபபஜ்ஜந்தஸ்ஸ…பே॰… கதி ப⁴ங்க³ங்? காமதா⁴துயா சுதஸ்ஸ ந காமதா⁴துங், ந அரூபதா⁴துங் உபபஜ்ஜந்தஸ்ஸ…பே॰… ந ரூபதா⁴துங் ந அரூபதா⁴துங் உபபஜ்ஜந்தஸ்ஸ. ந காமதா⁴துங் ந ரூபதா⁴துங் உபபஜ்ஜந்தஸ்ஸ கதி ப⁴ங்கா³’’தி ஏவங் காமதா⁴துமூலகா நவ புச்சா², ததா² ‘‘ரூபதா⁴துயா சுதஸ்ஸா’’திஆதி³னா ரூபதா⁴துமூலகா நவ, அரூபதா⁴துயா நவ சாதி ஸத்தவீஸதி அனுலோமபுச்சா², ததா² ‘‘ந காமதா⁴துயா சுதஸ்ஸா’’திஆதி³னா ஸத்தவீஸதி படிலோமபுச்சா² ச, ததா² ‘‘ந காமதா⁴துயா ந அரூபதா⁴துயா சுதஸ்ஸ காமதா⁴துங் உபபஜ்ஜந்தஸ்ஸா’’திஆதி³னா ஸத்தவீஸதி து³கமூலகா புச்சா² சாதி ஏவங் புச்சா²வாரே ஏகாஸீதி புச்சா² வேதி³தப்³பா³.
தத்த² அனுஸெந்தீதி சித்தஸந்தானே அனுக³தா ஹுத்வா கதி அனுஸெந்தி, ப⁴ங்கா³தி அனுஸெந்தி ச நானுஸெந்தி சாதி ஏவங் கதி விப⁴ஜிதப்³பா³தி அத்தோ². ந காமதா⁴துங் உபபஜ்ஜந்தஸ்ஸாதி காமதா⁴துவிரஹிதா த்³வே ரூபாரூபதா⁴துயோ உபபஜ்ஜந்தஸ்ஸ. ந காமதா⁴துங் ந ரூபதா⁴துந்தி அரூபதா⁴துங் உபபஜ்ஜந்தஸ்ஸ. ந காமதா⁴துயாதி ரூபாரூபதா⁴தூஹி சுதஸ்ஸ, ஏவங் ஸேஸேஸுபி ஸப்³ப³த்த²
நித்³தே³ஸவாரே பனஸ்ஸ ‘‘காமதா⁴துயா சுதஸ்ஸ காமதா⁴துங் உபபஜ்ஜந்தஸ்ஸ கஸ்ஸசி ஸத்த அனுஸயா அனுஸெந்தி, கஸ்ஸசி பஞ்ச அனுஸயா அனுஸெந்தி, அனுஸயா ப⁴ங்கா³ நத்தி², காமதா⁴துயா சுதஸ்ஸ ரூபதா⁴துங் உபபஜ்ஜந்தஸ்ஸ கஸ்ஸசி ஸத்த அனுஸயா அனுஸெந்தி, கஸ்ஸசி பஞ்ச, கஸ்ஸசி தயோ
தத்த² கஸ்ஸசி ஸத்தாதி புது²ஜ்ஜனவஸேன வுத்தங், பஞ்சாதி ஸோதாபன்னஸகதா³கா³மீனங் வஸேன. தேஸங் ஹி தி³ட்டி²விசிகிச்சா²னுஸயா பஹீனாதி, காமதா⁴துயா பன அனாகா³மீனங் உபபத்திஅபா⁴வதோ பட²மவாரே ‘‘கஸ்ஸசி தயோ’’தி ந வுத்தங், ரூபாரூபதா⁴தூஸு உப்பஜ்ஜனவாரேஸு ஏவ வுத்தங்…பே॰… அனாகா³மீனங் ஹி காமராக³படிகா⁴னம்பி பஹீனத்தா தயோவ அனுஸயா அனுஸெந்தி, இத⁴ ச அனுஸயானங் உப்பத்திவஸேன நயோ, அனுஸயானங் அனுஸயனங் அக்³க³ஹெத்வா அப்பஹீனபா⁴வேன படிஸந்தி⁴க்க²ணே அபி அனுஸயனங் க³ஹேதப்³ப³ங். ஸத்தேவாதி அரியஸாவகஸ்ஸ ரூபாரூபதா⁴துயா சுதஸ்ஸ ஹெட்டா² காமப⁴வாதீ³ஸு உபபத்தி நாம நத்தி², புது²ஜ்ஜனஸ்ஸேவ ஹோதி, தஸ்மா ‘‘ஸத்தேவா’’தி நியமெத்வா வுத்தங், அரூபதா⁴துயா சுதஸ்ஸ ரூபதா⁴துயா உபபத்தி நத்தீ²தி. கஸ்மா நத்தி²? அரூபீனங் ரூபஜ்ஜா²னஸ்ஸ அபா⁴வா. தே
சித்தயமகமாதிகத்த²வண்ணனா
சித்தயமகமாதிகாயங் பன பாளிவவத்தா²னங் தாவ ஏவங் வேதி³தப்³ப³ங். இமிஸ்ஸங் ஹி மாதிகாயங் புக்³க³லவாரோ த⁴ம்மவாரோ புக்³க³லத⁴ம்மவாரோதி ஆதி³தோவ தயோ ஸுத்³தி⁴கமஹாவாரா ஹொந்தி, தத்த² ‘‘யஸ்ஸ சித்தங் உப்பஜ்ஜதி ந நிருஜ்ஜ²தீ’’தி ஏவங் புக்³க³லவஸேன சித்தஸ்ஸ உப்பஜ்ஜனநிருஜ்ஜ²னாதி³பே⁴த³ங் தீ³பெந்தோ க³தோ புக்³க³லவாரோ நாம. ‘‘யங் சித்தங் உப்பஜ்ஜதி ந நிருஜ்ஜ²தீ’’தி ஏவங் த⁴ம்மவஸேனேவ சித்தஸ்ஸ உப்பஜ்ஜனநிருஜ்ஜ²னாதி³பே⁴த³ங் தீ³பெந்தோ க³தோ த⁴ம்மவாரோ நாம. ‘‘யஸ்ஸ யங் சித்தங் உப்பஜ்ஜதி ந நிருஜ்ஜ²தீ’’தி ஏவங் உப⁴யவஸேனேவ சித்தஸ்ஸ உப்பஜ்ஜனநிருஜ்ஜ²னாதி³பே⁴த³ங் தீ³பெந்தோ க³தோ புக்³க³லத⁴ம்மவாரோ நாம.
ததோ
தேஸு பன தீஸு வாரேஸு ஸப்³ப³பட²மே ஸுத்³தி⁴கபுக்³க³லமஹாவாரே தாவ உப்பாத³னிரோத⁴காலஸம்பே⁴த³வாரோ உப்பாது³ப்பன்னவாரோ நிரோது⁴ப்பன்னவாரோ
யஸ்ஸ சித்தங் உப்பஜ்ஜதீதி யஸ்ஸ புக்³க³லஸ்ஸ சித்தங் உப்பாத³க்க²ணஸமங்கி³தாய உப்பஜ்ஜதி. ந நிருஜ்ஜ²தீதி தஸ்ஸ சித்தந்தி கிங் தஸ்ஸ புக்³க³லஸ்ஸ ததோ பட்டா²ய தேஸங் சித்தந்தி யேஸங் கீ²ணாஸவானங் பச்சி²மசித்தஸங்கா²தஸ்ஸ சுதிசித்தஸ்ஸ உப்பாத³க்க²ணே வத்ததி, தேஸங் ததே³வ சுதிசித்தங் உப்பாத³ப்பத்ததாய உப்பஜ்ஜதி நாம, ப⁴ங்க³ங் அப்பத்ததாய ந நிருஜ்ஜ²தி நாம, இதா³னி பன ப⁴ங்க³ங் பத்வா தங் தேஸங் சித்தங் நிருஜ்ஜி²ஸ்ஸதி, ததோ அப்படிஸந்தி⁴கத்தா அஞ்ஞங் நுப்பஜ்ஜிஸ்ஸதி. இதரேஸந்தி பச்சி²மசித்தஸமங்கி³ங் கீ²ணாஸவங் ட²பெத்வா அவஸேஸானங் ஸேகா²ஸேக²புது²ஜ்ஜனானங் நிருஜ்ஜி²ஸ்ஸதி சேவ அஞ்ஞங் பன தஸ்மிங் வா அத்தபா⁴வே உப்பஜ்ஜிஸ்ஸதி சாதி அத்தோ².
‘‘யஸ்ஸ வா பன சித்தங் நிருஜ்ஜி²ஸ்ஸதி நுப்பஜ்ஜிஸ்ஸதி, தஸ்ஸ சித்தங் உப்பஜ்ஜதி ந நிருஜ்ஜ²தீ’’தி இமிஸ்ஸா து³தியபுச்சா²ய பச்சி²மசித்தஸமங்கி³னோ கீ²ணாஸவஸ்ஸ சித்தங் ஸந்தா⁴ய ‘‘ஆமந்தா’’தி விஸ்ஸஜ்ஜனங். ‘‘யஸ்ஸ சித்தங் நுப்பஜ்ஜதி நிருஜ்ஜ²தி, தஸ்ஸ சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதீ’’தி புச்சா²ய ‘‘நோ’’தி படிஸேதோ⁴வ விஸ்ஸஜ்ஜனங். ந உப்பஜ்ஜதி நிருஜ்ஜ²தீதி ஹி ப⁴ங்க³க்க²ணே அரஹதோ பச்சி²மசித்தம்பி ஸேஸானங் பி⁴ஜ்ஜமானசித்தம்பி புச்ச²தி, ததோ பட்டா²ய பன அரஹதோ தாவ சித்தங் ந நிருஜ்ஜி²ஸ்ஸதீதி ஸக்கா வத்துங், உப்பஜ்ஜிஸ்ஸதீதி பன ந ஸக்கா, தஸ்மா ‘‘நோ’’தி எத்த² படிஸேதோ⁴ கதோ, ‘‘யஸ்ஸ வா பன சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி, தஸ்ஸ சித்தங் நுப்பஜ்ஜதி நிருஜ்ஜ²தீ’’தி புச்சா²ய ‘‘நத்தீ²’’தி படிக்கே²போவ விஸ்ஸஜ்ஜனங். யஸ்ஸ ஹி சித்தங் ந நிருஜ்ஜி²ஸ்ஸதி உப்பஜ்ஜிஸ்ஸதி, ஸோ ச புக்³க³லோ நத்தீ²தி.
யஸ்ஸ சித்தங் உப்பஜ்ஜதி, தஸ்ஸ சித்தங் உப்பன்னந்தி? ஆமந்தா, யஸ்ஸ வா பன…பே॰… உப்பஜ்ஜதீதி? ஸப்³பே³ஸங் சித்தஸ்ஸ ப⁴ங்க³க்க²ணே தங் சித்தங் உப்பன்னங், நோ ச உப்பஜ்ஜதி, ஸப்³பே³ஸங் சித்தஸ்ஸ உப்பாத³க்க²ணே தேஸங் சித்தங் உப்பன்னஞ்சேவ உப்பஜ்ஜதி ச, யஸ்ஸ சித்தங் நுப்பஜ்ஜதி உப்பன்னந்தி உப்பாத³ஸமங்கி³னோபேதங் நாமங், உப்பஜ்ஜதீதி ச உப்பாத³ஸமங்கி³னோவ.
யஸ்ஸ
யஸ்ஸ சித்தங் உப்பஜ்ஜதி, தஸ்ஸ சித்தங் உப்பஜ்ஜித்தா²தி? ஆமந்தா. யஸ்ஸ வா பன…பே॰… உப்பஜ்ஜதீதி? ஸப்³பே³ஸங் சித்தஸ்ஸ உப்பாத³க்க²ணே ததா². எத்த² ச உப்பாத³ப்பத்தத்தா உப்பஜ்ஜித்த², தங் அனதீதத்தா உப்பஜ்ஜதி நாமாதி அத்தோ²தி அட்ட²கதா²யங் க²ணபச்சுப்பன்னவஸேன அத்தோ² வுத்தோ. உப்பஜ்ஜித்தா²தி பன இமஸ்ஸ அதீதசித்தக்க²ணவஸேன அத்தே² க³ய்ஹமானே ஏவ உபரிபாளியா ந விருஜ்ஜ²தி, ந அஞ்ஞதா²தி பஞ்ஞாயதி, தஸ்மா புப்³பா³பரங் ஓலோகெத்வா பாளிஅவிரோதே⁴ன அத்தோ² க³ஹேதப்³போ³.
யஸ்ஸ சித்தங் நுப்பஜ்ஜதி, தஸ்ஸ சித்தங் நுப்பஜ்ஜித்தா²தி? உப்பஜ்ஜித்த². யஸ்ஸ வா பன…பே॰… நுப்பஜ்ஜதீதி? நத்தி². யஸ்ஸ சித்தங் உப்பஜ்ஜதி, தஸ்ஸ சித்தங் உப்பஜ்ஜிஸ்ஸதீதி? பச்சி²மசித்தஸமங்கி³கீ²ணாஸவவிரஹிதானங் சித்தங் ததா². யஸ்ஸ வா பன…பே॰… உப்பஜ்ஜதீதி? உப்பாத³க்க²ணே ததா². யஸ்ஸ சித்தங்…பே॰… நுப்பஜ்ஜிஸ்ஸதீதி? அஸேகா²னங் பச்சி²மசித்தஸ்ஸ ப⁴ங்க³க்க²ணே ததா². யஸ்ஸ வா பன…பே॰… நுப்பஜ்ஜதீதி? பச்சி²மசித்தஸ்ஸ ப⁴ங்க³க்க²ணே ததா². யஸ்ஸ சித்தங் உப்பஜ்ஜித்த², தஸ்ஸ சித்தங் உப்பஜ்ஜிஸ்ஸதீதி? பச்சி²மசித்தஸமங்கி³ங் ட²பெத்வா ஸேஸானங் ததா². யஸ்ஸ வா பன…பே॰… ஆமந்தா. யஸ்ஸ சித்தங் நுப்பஜ்ஜித்த², தஸ்ஸ சித்தங் நுப்பஜ்ஜிஸ்ஸதீதி? நத்தி². யஸ்ஸ வா பன…பே॰… நுப்பஜ்ஜித்தா²தி? உப்பஜ்ஜித்த².
யஸ்ஸ
யஸ்ஸ சித்தங் நிருஜ்ஜி²த்த², தஸ்ஸ சித்தங் நிருஜ்ஜி²ஸ்ஸதீதி? பச்சி²மசித்தஸ்ஸ ப⁴ங்க³க்க²ணே ட²பெத்வா
யஸ்ஸ சித்தங் உப்பஜ்ஜதி, தஸ்ஸ சித்தங் நிருஜ்ஜி²த்தா²தி? ஆமந்தா. யஸ்ஸ வா பன…பே॰… உப்பஜ்ஜதீதி? ஸப்³பே³ஸங் சித்தஸ்ஸ உப்பாத³க்க²ணே ததா². யஸ்ஸ சித்தங் நுப்பஜ்ஜதி, தஸ்ஸ சித்தங் ந நிருஜ்ஜி²த்தா²தி? நிருஜ்ஜி²த்த². யஸ்ஸ வா பன…பே॰… நத்தி², யஸ்ஸ சித்தங் உப்பஜ்ஜதி, தஸ்ஸ சித்தங் நிருஜ்ஜி²ஸ்ஸதீதி? ஆமந்தா. யஸ்ஸ வா பன…பே॰… உப்பஜ்ஜதீதி? ஸப்³பே³ஸங் சித்தஸ்ஸ உப்பாத³க்க²ணே ததா². யஸ்ஸ சித்தங் நுப்பஜ்ஜதி, தஸ்ஸ சித்தங் ந நிருஜ்ஜி²ஸ்ஸதீதி? பச்சி²மசித்தஸ்ஸ ப⁴ங்க³க்க²ணே ததா². யஸ்ஸ வா பன…பே॰… ஆமந்தா. யஸ்ஸ சித்தங் உப்பஜ்ஜித்த², தஸ்ஸ சித்தங் நிருஜ்ஜி²ஸ்ஸதீதி? நிருஜ்ஜ²மானங் பச்சி²மசித்தங் ட²பெத்வா ததா². யஸ்ஸ வா பன…பே॰… ஆமந்தா. யஸ்ஸ சித்தங் நுப்பஜ்ஜித்த², தஸ்ஸ சித்தங் ந நிருஜ்ஜி²ஸ்ஸதீதி? நத்தி². யஸ்ஸ வா பன…பே॰… நுப்பஜ்ஜித்தா²தி? உப்பஜ்ஜித்த².
யஸ்ஸ சித்தங் உப்பஜ்ஜதி, தஸ்ஸ சித்தங் ந நிருஜ்ஜ²தீதி? ஆமந்தா. யஸ்ஸ வா பன…பே॰… உப்பஜ்ஜதீதி? ஸப்³பே³ஸங் சித்தஸ்ஸ உப்பாத³க்க²ணே ததா². யஸ்ஸ சித்தங் நுப்பஜ்ஜதி, தஸ்ஸ சித்தங் நிருஜ்ஜ²தீதி? ஸப்³பே³ஸங் சித்தஸ்ஸ ப⁴ங்க³க்க²ணே ததா². யஸ்ஸ வா பன…பே॰… நுப்பஜ்ஜதீதி? ஆமந்தா.
யஸ்ஸ
யஸ்ஸ சித்தங் நிருஜ்ஜ²மானங், தஸ்ஸ சித்தங் உப்பன்னந்தி? ஆமந்தா. யஸ்ஸ வா பன…பே॰… ப⁴ங்க³க்க²ணே ததா². யஸ்ஸ சித்தங் ந நிருஜ்ஜ²மானங், தஸ்ஸ சித்தங் நுப்பன்னந்தி? நிரோத⁴ஸமாபன்னாதீ³னங் சித்தங் ததா². யஸ்ஸ வா பன…பே॰… ஆமந்தா.
யஸ்ஸ சித்தங் உப்பன்னங், தஸ்ஸ சித்தங் உப்பஜ்ஜித்தா²தி? ஆமந்தா. யஸ்ஸ வா பன…பே॰… உப்பன்னந்தி
யஸ்ஸ சித்தங் உப்பஜ்ஜித்த² நோ ச தஸ்ஸ சித்தங் உப்பன்னங், தஸ்ஸ சித்தங் உப்பஜ்ஜிஸ்ஸதீதி? ஆமந்தா. யஸ்ஸ வா பன சித்தங் உப்பஜ்ஜிஸ்ஸதி நோ ச தஸ்ஸ சித்தங் உப்பன்னங், தஸ்ஸ சித்தங் உப்பஜ்ஜித்தா²தி? ஆமந்தா. எத்த² ‘‘நோ ச தஸ்ஸ சித்தங் நுப்பன்ன’’ந்தி இத³ங் அஸஞ்ஞாதி³அசித்தகே ஸந்தா⁴ய வுத்தங். தேஸங் நியமேன சித்துப்பத்தியா அபா⁴வதோ ‘‘ஆமந்தா’’தி உப⁴யத்த² விஸ்ஸஜ்ஜனங் வுத்தங். அயஞ்ச வாரோ காலத்தயே க³ஹெத்வா ஸமத்தி²தோதி க³ஹேதப்³போ³.
‘‘யஸ்ஸ சித்தங் நுப்பஜ்ஜித்த² நோ ச தஸ்ஸ சித்தங் நுப்பன்னங், தஸ்ஸ சித்தங் நுப்பஜ்ஜிஸ்ஸதீதி? நத்தி². யஸ்ஸ வா பன சித்தங் நுப்பஜ்ஜிஸ்ஸதி நோ ச தஸ்ஸ சித்தங் நுப்பன்னங், தஸ்ஸ சித்தங் நுப்பஜ்ஜித்தா²தி? உப்பஜ்ஜித்த².
உப்பன்னங் உப்பஜ்ஜமானந்தி? உப்பாத³க்க²ணே சித்தங் ததா². உப்பஜ்ஜமானங் உப்பன்னந்தி? ஆமந்தா. நுப்பன்னங் நுப்பஜ்ஜமானந்தி? ஆமந்தா. நுப்பஜ்ஜமானங் நுப்பன்னந்தி? அதீதானாக³தசித்தங் ததா².
நிருத்³த⁴ங்
யஸ்ஸ சித்தங் உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், தஸ்ஸ சித்தந்தி? நோ ச ப⁴ங்க³க்க²ணங் வீதிக்கந்தங், அதீதங் சித்தங் தது³ப⁴யங் வீதிக்கந்தங், யஸ்ஸ வா பன சித்தங் நிருஜ்ஜ²மானங் க²ணங் க²ணங் வீதிக்கந்தங் அதிக்கந்தகாலங், உப்பஜ்ஜமானங் க²ணங் க²ணங் வீதிக்கந்தங் அதிக்கந்தகாலங், தஸ்ஸ சித்தந்தி? அதீதங் சித்த’’ந்தி இமினா நயேன புக்³க³லவாரே ஸப்³ப³த்த² விஸ்ஸஜ்ஜனநயோ வேதி³தப்³போ³.
தத்த² உப்பஜ்ஜமானங் க²ணந்தி உப்பஜ்ஜமானஸ்ஸ க²ணங், உப்பாத³க்க²ணந்தி அத்தோ². க²ணங் வீதிக்கந்தங் அதிக்கந்தகாலந்தி ந சிரங் வீதிக்கந்தங், தமேவ பன உப்பாத³க்க²ணங் வீதிக்கந்தங் ஹுத்வா அதிக்கந்தகாலந்தி ஸங்க²ங் க³ச்ச²தி, நிருஜ்ஜ²மானங் க²ணந்தி நிருஜ்ஜ²மானஸ்ஸ க²ணங், ப⁴ங்க³க்க²ணந்தி அத்தோ². க²ணங் வீதிக்கந்தங் அதிக்கந்தகாலந்தி கிங் தஸ்ஸ சித்தங் ஏவங் நிரோத⁴க்க²ணம்பி வீதிக்கந்தங் ஹுத்வா அதிக்கந்தகாலங் நாம ஹோதீதி புச்ச²தி. யஸ்ஸ ப⁴ங்க³க்க²ணே சித்தங் உப்பாத³க்க²ணங் க²ணங் வீதிக்கந்தங் ஹுத்வா அதிக்கந்தகாலங் நாம ஹோதி, நிரோத⁴க்க²ணங் வீதிக்கந்தங் ஹுத்வா அதிக்கந்தகாலங் நாம ஹோதி, அதீதங் பன சித்தங் உபோ⁴பி க²ணே க²ணங் வீதிக்கந்தங் ஹுத்வா அதிக்கந்தகாலங் நாம ஹோதீதி அதீதசித்தவஸேன விஸ்ஸஜ்ஜனங் கதங். இமினாவ உபாயேன உபரிமேஸு அத்த²த⁴ம்மவாராதீ³ஸு ச ஸப்³ப³விஸ்ஸஜ்ஜனேஸு அத்தோ² வேதி³தப்³போ³. அயங் அதிக்கந்தகாலவாரே நயோ.
யங் சித்தங் உப்பஜ்ஜதி நனிருஜ்ஜ²தி, தங் சித்தங் நிருஜ்ஜி²ஸ்ஸதி நுப்பஜ்ஜிஸ்ஸதீதி? ஆமந்தா. யங் வா பன…பே॰… ஆமந்தா. யங் சித்தங் நுப்பஜ்ஜதி நிருஜ்ஜ²தி, தங் சித்தங் நனிருஜ்ஜி²ஸ்ஸதி உப்பஜ்ஜிஸ்ஸதீதி? நோ. யங் வா பன சித்தங் நனிருஜ்ஜி²ஸ்ஸதி உப்பஜ்ஜிஸ்ஸதி, தங் சித்தங் நுப்பஜ்ஜதி நிருஜ்ஜ²தீதி? நத்தி².
யங்
‘‘யங் சித்தங் நிருஜ்ஜ²தி, தங் சித்தங் நிருஜ்ஜி²த்தா²தி? நோ’’திஆதி³னா ச, ‘‘யங் சித்தங் உப்பஜ்ஜதி, தங் சித்தங் நிருஜ்ஜி²த்தா²தி? நோ’’திஆதி³னா ச, ‘‘யங் சித்தங் உப்பஜ்ஜதி, தங் சித்தங் நிருஜ்ஜி²ஸ்ஸதீதி
‘‘யங் சித்தங் உப்பஜ்ஜமானங், தங் சித்தங் உப்பன்னந்தி? ஆமந்தா. யங் வா பன…பே॰… உப்பஜ்ஜமானந்தி…பே॰… உப்பாத³க்க²ணே சித்த’’ந்திஆதி³னா ச, ‘‘யங் சித்தங் நிருஜ்ஜ²மானங், தங் சித்தங் உப்பன்னந்தி? ஆமந்தா’’திஆதி³னா ச, ‘‘யங் சித்தங் உப்பன்னங், தங் சித்தங் உப்பஜ்ஜித்தா²தி? நோ. யங் வா பன…பே॰… நோ’’திஆதி³னா ச,
‘‘யங் சித்தங் உப்பஜ்ஜித்த² நோ ச தங் சித்தங் உப்பன்னங், தங் சித்தங் உப்பஜ்ஜிஸ்ஸதீதி? நோ. யங் வா பன…பே॰… நோ. யங் சித்தங் நுப்பஜ்ஜித்த² நோ ச தங் சித்தங் நுப்பன்னங், தங் சித்தங் நுப்பஜ்ஜிஸ்ஸதீதி? ஆமந்தா’’திஆதி³னா ச, ‘‘உப்பன்னங் உப்பஜ்ஜமானந்தி…பே॰… உப்பாத³க்க²ணே உப்பன்னஞ்சேவ உப்பஜ்ஜமானஞ்ச. உப்பஜ்ஜமானங் உப்பன்னந்தி? ஆமந்தா’’திஆதி³னா ச, ‘‘நிருத்³த⁴ங் நிருஜ்ஜ²மானந்தி? நோ’’திஆதி³னா ச,
‘‘யங்
‘‘யஸ்ஸ யங் சித்தங் உப்பஜ்ஜதி ந நிருஜ்ஜ²தி, தஸ்ஸ தங் சித்தங் நிருஜ்ஜி²ஸ்ஸதி நுப்பஜ்ஜிஸ்ஸதீதி? ஆமந்தா’’திஆதி³னா ச புக்³க³லத⁴ம்மவாரே ச, ஸராகா³தி³பதே³ஹி, குஸலாதி³பதே³ஹி ச மிஸ்ஸேஸு ஸப்³ப³வாரேஸு ச புச்சா²ஸு ஹெட்டா² வுத்தானுஸாரேன விஸ்ஸஜ்ஜனநயோ வேதி³தப்³போ³. அயங் சித்தயமகமாதிகத்த²ஸங்வண்ணனானயோ.
த⁴ம்மயமகமாதிகத்த²வண்ணனா
த⁴ம்மயமகமாதிகாய பன க²ந்த⁴யமகே வுத்தனயேனேவ பாளிவவத்தா²னங் வேதி³தப்³ப³ங். ‘‘யோ குஸலங் த⁴ம்மங் பா⁴வேதி, ஸோ அகுஸலங் த⁴ம்மங் பஜஹதீ’’தி ஆக³தத்தா பனெத்த² பரிஞ்ஞாவாரோ பா⁴வனாவாரோ நாம. தத்த² யஸ்மா அப்³யாகதோ த⁴ம்மோ நேவ பா⁴வேதப்³போ³ ந பஹாதப்³போ³, தஸ்மா பத³மேவ ந உத்³த⁴டந்தி வேதி³தப்³ப³ங்
‘‘யஸ்ஸ குஸலா த⁴ம்மா உப்பஜ்ஜந்தி, தஸ்ஸ அகுஸலா த⁴ம்மா உப்பஜ்ஜந்தீதி? நோ. யஸ்ஸ வா பன…பே॰… யஸ்ஸ குஸலா த⁴ம்மா உப்பஜ்ஜந்தி, தஸ்ஸ அப்³யாகதா த⁴ம்மா உப்பஜ்ஜந்தீதி? பஞ்சவோகாரே குஸலானங் உப்பாத³க்க²ணே…பே॰… உப்பஜ்ஜந்தீ’’திஆதி³னா ச, ‘‘யத்த² குஸலா த⁴ம்மா உப்பஜ்ஜந்தி, தத்த² அகுஸலா த⁴ம்மா உப்பஜ்ஜந்தீதி? ஆமந்தா…பே॰… தத்த² அப்³யாகதா த⁴ம்மா உப்பஜ்ஜந்தீதி? ஆமந்தா. யத்த² வா பன அப்³யாகதா த⁴ம்மா உப்பஜ்ஜந்தி, தத்த² குஸலா த⁴ம்மா உப்பஜ்ஜந்தீதி
‘‘யஸ்ஸ குஸலா த⁴ம்மா நுப்பஜ்ஜந்தி, தஸ்ஸ அகுஸலா த⁴ம்மா நுப்பஜ்ஜந்தீதி…பே॰… ஸப்³பே³ஸங் சித்தஸ்ஸ ப⁴ங்க³க்க²ணே அப்³யாகதசித்தஸ்ஸ உப்பாத³க்க²ணே நிரோத⁴ஸமாபன்னானங் அஸஞ்ஞஸத்தானங் தேஸங் குஸலா ச த⁴ம்மா நுப்பஜ்ஜந்தி, அகுஸலா ச த⁴ம்மா நுப்பஜ்ஜந்தீ’’திஆதி³னா ச, ‘‘யஸ்ஸ குஸலா த⁴ம்மா நுப்பஜ்ஜந்தி, தஸ்ஸ அப்³யாகதா த⁴ம்மா நுப்பஜ்ஜந்தீதி…பே॰… ஸப்³பே³ஸங் சவந்தானங் பவத்தே சித்தஸ்ஸ ப⁴ங்க³க்க²ணே ஆருப்பே அகுஸலானங் உப்பாத³க்க²ணே ச நுப்பஜ்ஜந்தீ’’திஆதி³னா ச, ‘‘யத்த² குஸலா த⁴ம்மா நுப்பஜ்ஜந்தி, தத்த² அகுஸலா த⁴ம்மா நுப்பஜ்ஜந்தீதி? ஆமந்தா…பே॰… தத்த² அப்³யாகதா த⁴ம்மா நுப்பஜ்ஜந்தீதி? உப்பஜ்ஜந்தி. யத்த² வா பன அப்³யாகதா த⁴ம்மா நுப்பஜ்ஜந்தி, தத்த² அகுஸலா த⁴ம்மா நுப்பஜ்ஜந்தீதி? நத்தீ²’’திஆதி³னா ச உப்பாத³வாரே,
‘‘யஸ்ஸ குஸலா த⁴ம்மா நிருஜ்ஜ²ந்தி, தஸ்ஸ அகுஸலா த⁴ம்மா நிருஜ்ஜ²ந்தீதி? நோ’’திஆதி³னா நிரோத⁴வாரே ச,
‘‘யஸ்ஸ குஸலா த⁴ம்மா உப்பஜ்ஜந்தி, தஸ்ஸ அகுஸலா த⁴ம்மா நிருஜ்ஜ²ந்தீதி? நோ’’திஆதி³னா உப்பாத³னிரோத⁴வாரே ச,
‘‘யோ குஸலங் த⁴ம்மங் பா⁴வேதி, ஸோ அகுஸலங் த⁴ம்மங் பஜஹித்தா²தி? நோ…பே॰… யோ குஸலங் த⁴ம்மங்
அத்த²வினிச்ச²யே பனெத்த² இத³ங் லக்க²ணங். இமஸ்ஸ ஹி த⁴ம்மயமகஸ்ஸ பவத்திமஹாவாரே உப்பஜ்ஜந்தி நிருஜ்ஜ²ந்தீதி இமேஸு உப்பாத³னிரோதே⁴ஸு குஸலாகுஸலத⁴ம்மா தாவ ஏகந்தேன பவத்தியங்யேவ லப்³ப⁴ந்தி, ந சுதிபடிஸந்தீ⁴ஸு, அப்³யாகதத⁴ம்மா பன பவத்தே
தத்ரித³ங் நயமுக²ங் – குஸலாகுஸலானங் தாவ ஏகக்க²ணே அனுப்பஜ்ஜனதோ ‘‘நோ’’தி படிஸேதோ⁴ கதோ. அப்³யாகதா சாதி இத³ங் சித்தஸமுட்டா²னரூபங் ஸந்தா⁴ய வுத்தங். யத்த² குஸலா த⁴ம்மா நுப்பஜ்ஜந்தீதி அஸஞ்ஞப⁴வங் ஸந்தா⁴ய வுத்தங், அப்³யாகதானங் த⁴ம்மானங் அனுப்பத்திட்டா²னஸ்ஸாபா⁴வா ‘‘நத்தீ²’’தி படிக்கே²போ கதோ, நிரோத⁴வாரே குஸலாகுஸலானங் ஏகதோ அனிருஜ்ஜ²னதோ ‘‘நோ’’தி வுத்தந்தி இமினாவ நயமுகே²ன ஸப்³ப³த்த² வினிச்ச²யோ வேதி³தப்³போ³. அயங் த⁴ம்மயமகமாதிகத்த²ஸங்வண்ணனானயோ.
இந்த்³ரியயமகமாதிகத்த²வண்ணனா
இந்த்³ரியயமகமாதிகாயங் பன க²ந்த⁴யமகமாதிகாதீ³ஸு வுத்தனயேனேவ பாளிவவத்தா²னாதி³கோ ஸப்³போ³ அத்த²ஸங்வண்ணனானயோ வேதி³தப்³போ³. மனிந்த்³ரியங் பனெத்த² யதா² சக்கு²ந்த்³ரியாதி³மூலகேஹி, ததே²வ இத்தி²ந்த்³ரியாதி³மூலகேஹி ஸத்³தி⁴ங் ஸம்பயோக³ங் க³ச்ச²தி, தஸ்மா நிக்கி²த்தபடிபாடியா அயோஜெத்வா ஸப்³பே³ஹிபி சக்கு²ந்த்³ரியமூலாதீ³ஹி ஸத்³தி⁴ங் பரியோஸானே யோஜிதங், சக்கு²ந்த்³ரியேன ச ஸத்³தி⁴ங் ஸுகி²ந்த்³ரியது³க்கி²ந்த்³ரியதோ³மனஸ்ஸிந்த்³ரியானி, லோகுத்தரிந்த்³ரியானி ச படிஸந்தி⁴யங் நத்தீ²தி ந க³ஹிதானி. யதா² செத்த², ஏவங் ஸேஸிந்த்³ரியமூலகேஸுபி யதா²னுரூபங் ஞாதப்³ப³ங். இந்த்³ரியானங் பன ப³ஹுகதாய தா⁴துயமகதோபி ப³ஹுதரானி யமகானி ஹொந்தி அயங் விஸேஸோ, ஸேஸங் ஹெட்டா² வுத்தானுஸாரேன ஞாதப்³ப³ந்தி. அயங் இந்த்³ரியயமகமாதிகத்த²ஸங்வண்ணனானயோ.
மோஹவிச்சே²த³னியா அபி⁴த⁴ம்மமாதிகத்த²வண்ணனாய
யமகமாதிகத்த²வண்ணனா நிட்டி²தா.